عصير التفاح و الڭرڭاع بالحليب بالصور من كوزينتي كالعادة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عصير التفاح و الڭرڭاع بالحليب بالصور من كوزينتي كالعادة

    05/07/2010
    مغربية و افتخر



    السلام عليكم ورحمة الله وبركاتة








    كيف واعدتكم حبيباتي







    هذا العصير للي قدمت لضيافي












    ساهل ,سريع, لذيذ ,مغذي و منعش فهاد الصيف













    نخليكم مع المقادير:




    المقادير:




    تفاح
    ڭرڭاع
    حليب نيدو غبرة ( لكل كاس 3 ملاعق كبيرة )
    عريشات نعناع للتزيين
    ماء بارد شبه مثلج
    سكر حسب الذوق
    عصير حامض (حامصة او نصف حامضة معصورة)





    الكميات حسب عدد الاشخاص




    للتزيين :



    عريشت نعناع
    ڭرڭاع

















    الطريقة:






    بعد منغسلو التفاح كنقيوه و نقطعوه قطع صغيرة






    و نعصرو عليه الحامض باش ميتئكسدش و يبقا محافظ على لونو
    بعدها كنديروه فالطحانة






    و نضيفو عليه الڭرڭاع مهرمش و الحليب الغبرة و السكر حسب الذوق



    و نضيفو عليه نصف كمية الماء






    و نطحنوه مزيان حتى يتجانسو كل المكونات







    و نبقاو نزيدو الماء شوية بشوية








    حتى يتكون لينا عصير كريمي و مهوي بالفقاعات






    كيف كتلاحظو فالصورة
    و قوام العصير خصو يكون ثقيل و كتيف نوعا ما
    يعني ضيفو الماء غير بالقياس باش ميجيش مزرڭ و جاري



    و كتقدموه مباشرة






    مزين بعريش نعناع و نصف حبة ڭرڭاع

















    التقديم :








    انا قدمتو مزين بعريش ديال النعناع و الڭرڭاع



















    ملاحظة:



    ممكن تعوضو المكونات باشما بغيتو لكن الطريقة وحدة
    باش يعطيكم عصير كثيف و كريمي القوام







    كيف لاحظتو عريش النعناع و الڭريڭيعة بقاو فسطح العصير
    و منزلوش لان قوامو ثقيل هزهم










    ان شاء الله تجربوه بهاد الطريقة و تردو عليا خبر






    و نتمنى متبخلو عليا بدعواتكم الطيبة


    لاني فأمس الحاجة ليها















    اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد





    اللهم ادمها نعمة و بارك لنا فيها و اكتب لي بها حسنة طيبة و احفظها من الزوال





    الله يرزقنا و إياكم خيرات الدارين و لا يحرمنا من طيبات الجنة و نعيمها





    دمتن في رعاية الكريم





    اختكن أمنــار





    أم ريـَّــان





    وعليكم السلام ورحمة الله وبركاته

























    ان غبت عنكم
    و ساغيب في يوم من الايام
    فاتمنى من العلي القدير
    ان يكون لي نصيب خير بما خطته يدي
    يصلني بدعائكم لي
    اينما كنت فوق الارض او تحتها


    أمنارAmanarre
    أم ريان و كاميليا
















    فهرس اطباقي المصورة (متجدد ان شاء الله)




    ترقبن جديد وصفاتي المصورة بإذن الله




  • #2
    انا الاولى غنخطف الكاس
    الصلاو و السلام على النبي تبارك الله عليك و الله يحفظك






    تعليق


    • #3
      تبارك الله عليك كويس عصير رائع شكلا ومضمونا
      اذا غاب اسمى عن البال ودفن جسمي في الرمال.....فهذا هو خط يدي.....بين ايديكم فارجو الدعاء عن ظهر الغيب...










      ربي ارحم أبا لم يحرمني شيئا و لا تذقني حياة دون أمي ! — triste

      تعليق


      • #4
        تبارك الرحمان اختي امنار شكرا لك
        sigpic]اللهم استرنا فوق الارض واسترنا تحت الارض واسترنا يوم العرض

        تعليق


        • #5
          تبارك عليك اختي امنار شكرالك هادشي رائع

          تعليق


          • #6
            تبارك الله عليك أختس أمنار باين بنين


            تعليق


            • #7
              تبارك الله عليك
              باينة عليه لديد
              بصحتك و بصحت ضيافك
              [frame="2 98"]
              اللهم اغفر لوالدتي وارحمها واعف عنها
              واكرم نزلها ووسَع مُدخلهاا واغسلها بالماء والثلجِ والبْردِ
              ونَقّهِا من الذنوب كما ينقى الثوب الابيض من الدنس،
              وارحمنا إذا صرنا إلى ما صارت إليه وجازها بالحسنات إحسانا
              وبالسيئات عفوا وغفرانا وافتح أبواب السماء لروحها برحمتك
              يا أرحم الراحمين.
              [/frame]


              تعليق


              • #8
                و عليكم السلام ورحمة الله وبركاته

                بارك الله بكن حبيباتي

                نورتو الصفحات

                الف شكر على الردود

                كل باسمها



                و يجزاكم عني خيرات الدارين
                على الدعوات الطيبة يا طيبات


                ان غبت عنكم
                و ساغيب في يوم من الايام
                فاتمنى من العلي القدير
                ان يكون لي نصيب خير بما خطته يدي
                يصلني بدعائكم لي
                اينما كنت فوق الارض او تحتها


                أمنارAmanarre
                أم ريان و كاميليا
















                فهرس اطباقي المصورة (متجدد ان شاء الله)




                ترقبن جديد وصفاتي المصورة بإذن الله



                تعليق


                • #9
                  اللع اعطيك الصحة حبيبتنا امنار





                  تعليق


                  • #10
                    عصير معتبر
                    الله يعطيك الصحة



                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X