إعـــــــلان

تقليص
لا يوجد إعلان حتى الآن.

حليب و قهوة موس على طريقتي بالصور كالعادة من كوزينتي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حليب و قهوة موس على طريقتي بالصور كالعادة من كوزينتي

    تبث في 28/09/2010
    bent bladi

    السلام عليكم ورحمة الله وبركاته



    حبوباتي نهاركم طيب



    للي عيدات فشوال عيدها مبارك
    و للي باقي صايمة اجر شوال
    الله يتقبل منها و لنا جمعين


    وصفتي لليوم ساهلة ماهلة و بسيييييطة جدا



    لكن ملي كتقدميها للاهل او للضياف كتعجبهم




    حليب و قهوة موس






    و هاكذا باش كنقدم الحليب و القهوة عادة
    ان كان بالقهوة المطحونة او القهوة سريعة الذوبان
    بزوج كيعطيو نفس النتيجة
    مع اختلاف فالطعم طبعا حسب الماركات


    نخليكم مع المقادير و الطريقة





    المقادير:


    كيف العادة المقادير حسب عدد الاشخاص



    حليب( استعمل دائما حليب البودرة )
    قهوة ( اما مطحونة او سريعة الذوبان من اي نوع حسب المتوفر)
    ماء مغلي لدرجة الفوران
    سكر
    شكلاطة للتزيين او التحلية بدل السكر



    الكميات:

    عادة كنقدمها فالماڭ او فكاس القهوة
    يعني كيكون نصف الكمية قهوة و نصفها حليب لو بغيتها تجي نص نص
    و لو بغيتها تكون قاصحة فثلثاي الكاس قهوة و ثلث حليب
    و لو غيتها خفيفة فثلث الكاس قهوة و ثلثان حليب



    انواع القهوة :


    كل مرة حسب المتوفر
    او حسب طلب زوجي لانه من محبي القهوة فكيبغي ينوع فالاذواق
    اضافة الى انه كيبغي ديال الدار لذلك كيخصني ننوع فالتقديم و فالطعم و الكثافة
    بدون منحتاج لعصارة او تقنيات صعبة
    غير الطحان يفي بالغرض
    كيف كتشوفو فالصور كل مرة كنستعمل نوع













    انواع الحليب :



    عادة كنستعمل الحليب بودرة


    لانه هو للي متوفر عندي فالدار دائما


    لو توفر عندي الحليب المركز المحلى


    او غير المحلى





    كنضيفو لحليب البودرة كنعمل منو قياس ملعقة كبيرة لكل كاس
    كيعطي طعم مميز

    ولو توفر عندي الحليب الطازج


    كنفيضو كيف المعتاد
    لكن بعد ميفيض كنضيف عليه الحليب البودرة
    لكل كاس ملعقة كبيرة لانه كيعطي طعم مميز و موس ثقيلة









    الطريقة:



    كندير الماء يغلى


    لو غندير القهوة المطحونة
    فكنديرها فورق التصفية و نكب عليها الماء مغلي كيفور
    و نخليها تتقطر


    لو بغيتها قاصحة كنعمل 2 ملاعق عبار القهوة لكل كاس
    و لو بغيتها مزبوطة على قولت المصريين كنعمل ملعقة واحدة
    و لو بغيتها خفيفة فنصف ملعقة
    (بالملعقة كنعني الملعقة الخاصة بقياس القهوة المطحونة يعني ملعقة كبــيـرة عــامرة غير ممسوحة)

    لو غندير القهوة سريعة الذوبان

    فكندير 3 ملاعق صغيرة ممسوحة لكل كاس لو بغيتها قاصحة
    و2 ملاعق صغيرة ممسوحة لكل كاس لو بغيتها متوسطة
    او ملعقة واحدة صغيرة ممسوحة لو بغيتها خفيفة ،


    و كنضيف الماء الغليان لدرجة الفوران غير لقياس فاش نذوب القهوة سريعة الذوبان ،
    و بعدها كنضيف للقهوة(مطحونة او سريعة الذوبان) الحليب البودرة
    لكل كاس عنبة كنعمل 3ملاعق صغيرة عامرة غير ممسوحة
    لو بغيتو بطعم كريمي فكنعمل 4 ملاعق بدل 3 و كنعمل كلشي فالخلاط



    و نطحن الكل



    حتى تتكون عندي موس كثيفة


    كيف مبين فالصور


    ثم كنضيف الماء او القهوة الغليانة الباقية و كنحلي بالسكر او بالشكلاطة

    و نعاود نخلط الكل حتى تتكثف الموس
    و تولي رغوة كلها فقاعات



    لاحظو كيف انها سخونة بزاف يعني مبرداتش فالخلاط



    لان الماء تعدى درجة الفوران
    فمكيبردش دغيا و الدليل ان البخار ضبب العدسة



    كنكبها مباشرة فالفناجين




    او الماڭ او كؤوس القهوة






    كبيتها هنا فكاس شفاف باش تبان ليكم الموس و كثافتها




    و الحد الفاصل بينها و بين الحليب بالقهوة




    ان شاء الله تكون واضحة للاسف الفلاش مكيبينش الفرق واضح





    و بدونو الصورة كتكون مظلمة بزاف






    بعد مكبيت الخليط فالكؤوس






    زينت بالشكلاطة السائلة




    بشكل عشوائي









    التقديم:













    كنقدم كافيأولي ديالي







    عادة كنقدمها فالماڭ (الفناجين الكبيرة الحجم)





    و هو باقي سخـــون فطور او كاسكروط






    خفيف او كورصي




    و بالصحة و الراحة




    الخلاصة :


    ماشي مهم نوع الحليب او القهوة المستعملة
    لكن المهم هو الطريقة
    و ان الماء او القهوة للي غنوجدو بيهم الخليط يكون فات دررجة الفوران
    و الاهم هو انك تخلطي الكل فالخلاط الكهربائي بسرعة كبيرة
    انا كنستعمل سرعة 5 للحصول على موس او رغوة كثيفة
    و طبعا الطعم لما كتتخلط القهوة و الحليب مزيان
    و كيندامجو مع بعضهم بحال الكريمة
    كيكون اروع



    ان شاء الله تكون طريقة سهلة و بسيطة للتقديم
    و نكون وفقت فالشرح





    اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد

    اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

    الله يرزقنا و إياكم خيرات الدارين و لا يحرمنا من طيبات الجنة و نعيمها

    دمتن في رعاية الكريم

    اختكن أمنــار

    أم ريـَّــان


    و عليكم السلام ورحمة الله وبركاته


    ان غبت عنكم
    و ساغيب في يوم من الايام
    فاتمنى من العلي القدير
    ان يكون لي نصيب خير بما خطته يدي
    يصلني بدعائكم لي
    اينما كنت فوق الارض او تحتها


    أمنارAmanarre
    أم ريان و كاميليا
















    فهرس اطباقي المصورة (متجدد ان شاء الله)




    ترقبن جديد وصفاتي المصورة بإذن الله




  • #2
    تبارك الله و بسم الله ماشاء الله أختي أمنار الله يحفظ و يخاليك لزوجك و عائلتك دائما كتحفينا بالجديد، وأنا من المعجبين بطريقتك فالطبخ وحتى التقديم.
    الله ييسر أمورك
    و شرف لي أني أول وحدة تجاوب

    اللهم إني أستغفرك من كل ذنب تبت إليك منه ثم عدت فيه وأستغفرك من كل عمل أردت به وجهك الكريم فخالطني فيه غيرك وأستغفرك من كل نعمة أنعمت بها على فاستعنت بها علي معصيتك وأستغفرك يا عالم الغيب والشهادة من كل ذنب أتيته في ضياء النهار أو سواد الليل في ملأ أو خلاء أو سر أو علانية يا أرحم الراحمين .. اللهم أمين يارب العالمين.



    تعليق


    • #3
      شكرا على هده الطريقة وباينا لذيذة نجربها و نقولك
      استغفر الله العظيم استغفر الله العظيم

      تعليق


      • #4
        شكرا اختي امنار كتشهي هدا طريقة ديال قهوي و تبارك الله عليك
        http://tickers.doctissimo.fr/get_tic...uttexte=khalil [http://www.anaqamaghribia.com/vb/ima...ine=1330975154sigpic

        تعليق


        • #5


          تعليق


          • #6
            اللهم بارك اختي امنار ديما تتحفينا بجديدك الله يجازيك عنا خيرا ويبارك فيك وكنتمنى دوما نكون اخت مقربة منك اسال الله العلي القدير ان يجمعني بك في الدنيا على طاعته عاجلا اخيتي وفي الاخرة في جنة الفردوس الاعلى تقبلي مروري اخيتي الله ينورك ويسر امرك




            تعليق


            • #7








              تعليق


              • #8
                تبارك الله و بسم الله ماشاء الله أختي
                sigpic

                ( يـــاهـــــــم كبيــــر عندي رب أكبــــ ـــــــــر )

                تعليق


                • #9
                  و عليكم السلام ورحمة الله وبركاته


                  بارك الله فيكن جميعا حبيباتي

                  كل باسمها

                  ردودكن فرحاتني

                  الله يفرح قلوبكم

                  و يجزاكم عني خيرات الدارين

                  على دعواتكن الطيبة ياطيبات


                  الله لا يحرمني منكن


                  عواشركم مباركة


                  ان غبت عنكم
                  و ساغيب في يوم من الايام
                  فاتمنى من العلي القدير
                  ان يكون لي نصيب خير بما خطته يدي
                  يصلني بدعائكم لي
                  اينما كنت فوق الارض او تحتها


                  أمنارAmanarre
                  أم ريان و كاميليا
















                  فهرس اطباقي المصورة (متجدد ان شاء الله)




                  ترقبن جديد وصفاتي المصورة بإذن الله



                  تعليق


                  • #10
                    المشاركة الأصلية بواسطة beauty87 مشاهدة المشاركة
                    تبارك الله و بسم الله ماشاء الله أختي أمنار الله يحفظ و يخاليك لزوجك و عائلتك دائما كتحفينا بالجديد، وأنا من المعجبين بطريقتك فالطبخ وحتى التقديم.
                    الله ييسر أمورك
                    و شرف لي أني أول وحدة تجاوب


                    اللهم امين لنا اجمعين يا رب
                    الله يبارك فيك و يسلمك و يسعد قلبك احبيبة
                    فرحتيني الله يفرحك
                    كلامك تاج على راسي الله يرفع راسك فالدارين


                    ان غبت عنكم
                    و ساغيب في يوم من الايام
                    فاتمنى من العلي القدير
                    ان يكون لي نصيب خير بما خطته يدي
                    يصلني بدعائكم لي
                    اينما كنت فوق الارض او تحتها


                    أمنارAmanarre
                    أم ريان و كاميليا
















                    فهرس اطباقي المصورة (متجدد ان شاء الله)




                    ترقبن جديد وصفاتي المصورة بإذن الله



                    تعليق


                    • #11
                      المشاركة الأصلية بواسطة هادية02 مشاهدة المشاركة
                      اللهم بارك اختي امنار ديما تتحفينا بجديدك الله يجازيك عنا خيرا ويبارك فيك وكنتمنى دوما نكون اخت مقربة منك اسال الله العلي القدير ان يجمعني بك في الدنيا على طاعته عاجلا اخيتي وفي الاخرة في جنة الفردوس الاعلى تقبلي مروري اخيتي الله ينورك ويسر امرك

                      اللهم امين يا رب العالمين
                      الله يبارك فيك و يسلمك احبيبة
                      و يجزانا و يجزاك الجنة و نعيمها
                      اخوتك تشرفني عزيزتي


                      ان غبت عنكم
                      و ساغيب في يوم من الايام
                      فاتمنى من العلي القدير
                      ان يكون لي نصيب خير بما خطته يدي
                      يصلني بدعائكم لي
                      اينما كنت فوق الارض او تحتها


                      أمنارAmanarre
                      أم ريان و كاميليا
















                      فهرس اطباقي المصورة (متجدد ان شاء الله)




                      ترقبن جديد وصفاتي المصورة بإذن الله



                      تعليق


                      • #12
                        ماشاء الله عليك اختي امنار دائما جايبالينا الجديد,تبارك الله عليك والله يحفضك
                        اكيد غادي نجربها حيت حتى انا من محبي القهوة

                        تعليق


                        • #13
                          الله اعطيك الصحة ازين
                          sigpic

                          اللهم أعيذ ما في رحمي بكلماتك التامة ومن كل شيطان وهامة ومن كل عين لامه
                          اللهم أسألك أن تحفظه وتجعله معافى كامل الخلقة دون زيادة أو نقصان
                          اللهم حسن خَلقه وخُلقه وسهل حمله ومخرجه واجعله قرة عين لي ولوالده واجعله من عبادك
                          الصالحين


                          "اللهم إني استودعك جنيني الذي في رحمي فرده إلى عند مولده
                          مرداً سالماً معافى من كل شر وكل مرض وكل أذى"

                          تعليق


                          • #14

                            تعليق


                            • #15
                              تبارك الله و بسم الله ماشاء الله أختي أمنار الله يحفظ و يخاليك لزوجك و عائلتك دائما كتحفينا بالجديد، وأنا من المعجبين بطريقتك فالطبخ وحتى التقديم.
                              الله ييسر أمورك

                              اللهم اني لا اسالك رد القضاء و لكني اسالك اللطف فيه


                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X