عصيرنا ديال اليوم بالصور

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • عصيرنا ديال اليوم بالصور



    ثبت من طرف om nawaf
    09 . 05 . 2009



    العصير اللي درت اليوم معروف طبعا


    المقادير:

    +حامضة

    +ليمونة كبيرة

    +2 لتر من الماء

    +السنيدة حسب الذوق


    الطريقة:

    الليمونة كنديرها في الكوكوت مع نصف لتر من الماء لمدة عشرة الى 15 دقيقة
    في هداك الوقت كنشد الحامضة نحيد ليها العلف ونقطعها كاملة ونطحنها مزياااااااااااااااان مع شوية الماء ونصفيها





    من بعد ملي تطيب الليمونة نخليها تبرد هي والماء ديالها شوية

    نشد الليمونة نقطعها ونحيد ليها العلف ونطحنها كاملة مع الماء ديالها في المولينكس مزيااااااااااان والى جاك خاتر ضيفي الماء مهم يطحن مزيان والى بغيتي تزيدي وريقة النعناع اختيارية انا كنزيدها مضروبة عليها ديما

    من بعد تصفي الليمونة



    من بعد كنشد عصير الحامضة كنزيد عليه السنيدة ونعاود نصفي عليها عصير الليمونة مرة اخرى ونحرك مزيان


    وكتزيدي ما تبقى من الماء
    كيعطي 2 لتر العصير ولكن انا كنزيد مزال الماء على حسب باش يجي خفيف
    وكيدي يومين ولا ثلاثة ايام

    ونديروه في الثلاجة حتى يبرد مزياااان ناخدو منه اللي بغينا ونقدموه بالصحة والراحة













  • #2
    الله يعطيك الصحة باينة فيه لديد


    تعليق


    • #3
      بالصحة و الراحة اختي كايجي لديد

      تعليق


      • #4
        تبارك الله عليك اختى





        لا اله الا الله محمد رسول الله


        نادمة على ما فات سابقا

        تعليق


        • #5
          تبارك الله عليك

          مفيد واقتصادي كثير شي مع الصيف تنستهلكوا العصائر بالزايد

          تعليق


          • #6
            شكرا بزاف ولكن بغيت نعرف واش الحامضة نخليو ليها قشورها بحال الليمونة




            [IM]



            البَنــت الصحراوية.... بنـت شَيـوخ !وكﻶمهآ كـﻶم ... شمَوخ . .وكل من شَآفهآ يدوَخ *_^ بنت عز ... مـآ تنهَز . . ^^ بنت نآس .. مآ تندآسمن نسل صحراوي ... وتآج ع آلرآَس (=بنت آمَهآ ... ومحدآ بيفهمَهآ . .رآفعه حآجبَهآ ... ومحدآ عآجبهــآ يسعد .. .آﻵم آلي جآبتهــآ . . ?وينـصر آﻵرض آللــَي طلعتهآ

            تعليق


            • #7
              مشكوووووور والله يعطيك الف عافيه

              تعليق


              • #8
                المشاركة الأصلية بواسطة wijdan19 مشاهدة المشاركة
                شكرا بزاف ولكن بغيت نعرف واش الحامضة نخليو ليها قشورها بحال الليمونة

                نعم اختي تغسليها مزيان وتحيدي ليها العلف وتطحنيها بقشورها مزيااان وتصفيها



                تعليق


                • #9
                  ماشاء الله منعش اريد ان اعرف اختي ماهي المضروبة

                  تعليق


                  • #10
                    والله معرفتها اختي
                    اتمنى ان الاخوات يفيدوك ان شاء الله



                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X