المساعد الشخصي الرقمي

مشاهدة النسخة كاملة : خلطات للجسم رائحة دائمة الوجه مشرق بدون تجاعيد والشعر حرير



الصفحات : 1 2 [3] 4 5 6 7 8 9 10 11 12 13 14 15 16 17 18 19 20 21 22

أم سعد و رميساء
08-05-2010, 21:16
السلام عليكم
أختي noha الله إشفيك والله إفرحك تهلاي فراسك وفراجلك والبنيات الله إحفظك ليهم متفقديش الأمل ربي كبر دابا تولي لباس
أختي sridina لمياء عندي بنية عندها 9 شهور واللحيمة ديال الجسم ديالها ناشفة بزاف ديتها الطبيب قالي غي مع الجو وكندهن ليها بالزيت و كريم الأطفال وباقا ناشفة أش تنصحيني ندير ليها
شكرا الحبيبة على المجهود لي كديري معانا راني وصفاتك قيدتهم وغادي نعطي الماما جريدة باش تسيفط ليا المقادير
الله إخلي ليك صحيحتك

السلام عليكم
أنا عودت سيفط ليك السؤال مرة أخرى أختي سريدينة

badia1974
08-05-2010, 21:20
السلام عليكم
اختي الوصفة خديتها من هنا كتباتها الاخت سريدينا الله يعطيها ماتمنات
وهي تشدي السواك تغطسيه في شويا عصير ديال الحامض وتحكي بيه سنانك
النتيجة مضمونة انا جربتها لبارح
من اول مره غيبان ليك الفرق

السواك العادي او عود الارك

amal06
08-05-2010, 21:42
اختي نهى الله يشافيك و يشافي بنت اختنا و يشافي الجميع وينول كل واحد مبتغاه راني تندعي مع جميع فكل صلاة الله يفرج لينا كربنا و همنا مهم هو ايمانا يكون ديما قوي

hana86
08-05-2010, 21:51
شكرا على المعلومات القيمة ارجو منك وصفة لسواد الشعر لأنه اصبح احمر بعد استعمال الحناء على الشيب و شكرا

bouchra07
08-05-2010, 22:06
http://www.anaqamaghribia.com/images/misc/quote_icon.png المشاركة الأصلية كتبت بواسطة sridina http://www.anaqamaghribia.com/images/buttons/viewpost-left.png (http://www.anaqamaghribia.com/showthread.php?p=1969525#post1969525)
السلام عليكن يا اخوات الله يجازيكم كل خير على كلماتكم الطيبة.
_غدي نديرو برنامج للدعاء كل يوم مع اخت.
1_يوم الاحد في صلاة الفجر ندعو كلنا مع الاخت ليلى (noha212).
2_ يوم الاثنين مع الاخت الي بنتها مريضة.
3_ يوم الثلاتاء مع قريبة الهاشمية
4_يوم الاربعاء مع الاخت التي افترقت عن زوجها بسبب السحر الماكول.
... ثم انتظر اقتراحاتكم في الاولوية للاخوات الاخريا

انا معاك اختى لمياء الله يجيب التيسيرhttp://www.anaqamaghribia.com/vb/images/icons/1%20%2811%29.gif
الله يعط كل وحدة ما كتمنى
و انت ا الاخت لمياء الله يجازيك بالخير و يرزقك بكل كلمة حسنةhttp://www.anaqamaghribia.com/vb/images/icons/1%20%281%29.gif

omnia24
09-05-2010, 01:11
السواك العادي او عود الارك

السواك العادي اختي
لكن يخصو يكون من النوع المزيان

nour alhoda
09-05-2010, 01:44
شكرا على الوصفة

sridina
09-05-2010, 07:53
_امضر يا انسات و يا سيدات منسيتوش اختنا ليلى من الدعاء البارح.
_بالنسبة للسواك فالسواك العادي.
_ الاخت لي بنتها عندها 9اشهر او جلدها ناشف دهنيها بزيت اللوز او زيت الزيتون. وانتبهي الي كان لكريم الي كديري ليها قديم راه كينشف لحم.

خديجة ام زكرياء
09-05-2010, 09:28
http://photos.azyya.com/store/up2/0812091151354R3r.gif

meriem34
09-05-2010, 12:45
السلام عليكم ، الجميلات كيف دايرين و فين وصلتو مع الجمال :Cat:
الحبيبة لمياء الله يجازيك بالخير أنا وليت مدمنة على الموضوع واخا ما تنكتب بزاف حيت ما عندي كلافيي عربي ، بما أنني تلميذة مجتهدة هههههههه و تنحماق على وصفات التجميل :10kisa:حتى وليت شرشبيل هههه بكثرة الخلطات ، راني عملت الوصفة ديال الزيت و الخزامة لهاد المسخوط ديال الشعر ولى شوية مطلوق راه معجزة ههههههه
عملت كذلك وصفة ديال الحمام رائعة و مع أنا سمراء أصبحت عندي une peau brésilienne ما شاء الله لا قوة إلا بالله ( وحدة خايفة إلا تضرب راسها بالعين )
و عملت خلطة ديال الكريم المعطر للجسم باقي ما خمرت
و ما نسيت سنيناتي الوصفة ديال السواك و الحامض فنة بزاف
أختي بغيت نسولك عندي في حلمة ديال الثدي point noire و خفت نخرجها يوقع لي شي حاجة ممكن شي وصفة
أختي lamiaa casa تنظن الوصفة تتشرب ماشي مشكل إلى كنت ممزوجاش
الله يشافي كل مريض و يزوج كل بنت و يفرجها على الجميع

sridina
09-05-2010, 13:06
_ الحمد لله ان الوصفات نفعاتكم.الله يزيدكم من الجمال و النور.غدي نقلب في كتابي العجيب على الوصفة التي تزيلpoint noir.او نكتبها ليك.

amal06
09-05-2010, 13:55
سلام عليكم ا خيي لمياء لا عندك وصفات للروماتيزم حماتي مسكينة راه هالكها بزاف فجسمها كامل و آلله يرحم بها الوالدين

sridina
09-05-2010, 14:50
_ اختي لقد كتبت عدة وصفات للروماتيزم.الله يشافيها.قلبي في الصفحات غدي تلقايهم

amal06
09-05-2010, 14:57
لقيت وصفة تاع حلبا و توما و عسل و وصفة تاع عشبة هراس لحجر غير لعندك اختي شي وصفة اخرى تنشكرك ياسر

هاشمية
09-05-2010, 17:00
السلام عليكن يا اخوات الله يجازيكم كل خير على كلماتكم الطيبة.
_غدي نديرو برنامج للدعاء كل يوم مع اخت.
1_يوم الاحد في صلاة الفجر ندعو كلنا مع الاخت ليلى (noha212).
2_ يوم الاثنين مع الاخت الي بنتها مريضة.
3_ يوم الثلاتاء مع قريبة الهاشمية
4_يوم الاربعاء مع الاخت التي افترقت عن زوجها بسبب السحر الماكول.
... ثم انتظر اقتراحاتكم في الاولوية للاخوات الاخريات.
اختي لمياء_سريدينة_انا معاك في الدعاء;موعدنا الفجر مع الاخت noha

sridina
09-05-2010, 17:17
_ شكرا اختي الهاشمية .موعدنا الفجر لندعو مع اختنا ليلى.
_ هده اختي وصفة اخرى للروماتيزم.
30كركوبة تاع الثومة تفرشخيها قليلا بقشورها و توضع في لتر من زيت الزيتون في قرعة من الزجاج لونها داكن.نحكم الاغلاق ونتركها في مكان قيه الضل لمدة 15 يوم.ثم نحرك الزجاجة كل يوم دون فتحها.بعد مرور 15 يوم يمكن فتحها ودهن مكان الروماتيزم.هي جد جيدة.

أم الميم
09-05-2010, 17:23
السلام و عليك أختي الفاضلة جعل الله عملك هذا في الميزان المقبول
أنا حتى قريت كلشي و كتبت بعض الوصفات عاد جاوبتك الله أكتر من أمتلك

rihame20
09-05-2010, 17:32
السلام عليكم اختي الا كان بالامكان تحطي لينا شي وصفة ساهلة نتاع النمش ولكي جزيل الشكر

**ندى الورد**
09-05-2010, 17:46
الله يبعدو عليك قد مبعدت السماء على الارض
منين تشوفيه قولي اعود بكلمات الله التامات من شر ماخلق


آآآآآآآآآآآآمين أحتي بديعة


والله العظيم الى محتااااااااااااااااااااااااااااااااجة لدعواتكم

أم الميم
09-05-2010, 17:57
أختي بالنسبة لزيت لوسيور هل ممكن استعمال أي نوع من زيت نوار الشمس لانني لا أعيش في المغرب

sridina
09-05-2010, 17:58
_ وصفة للنمش
1 يمكن ان تدهني وجهك كل ليلة بعصير النعناع او تنامي به.
2او تبللي قطنة بخل التفاح مخفف بماء ورد وتضعيها على مكان النمش 3 مرات في اليوم
_ ممكن يا اختي تديري زيت نوارت الشمس. المهم غير مديريش الزيت البلدية.

ام النورين
09-05-2010, 19:49
اختي سردسنة الله يجازيك بخير على كل ما تتقومي بيه للجميع
اختي وليت رجعت وهذ المرة مصرة باش تعطيني شي وصفة لاختي لانني سبق وطلبتها منك ولكن الله يحسن العون ما تتلاحقيش مع اسئلة الاخوات وطلباتهم
ولكن اختي اللي دفعني للجوء لك بعد اللله هو انني اليوم تكلمت مع الاخت ديالي عبر الكام وخلعني وجهها ولا تيظهر بحال الا فيها البرص وصراحة انا هاذي مدة ما شفتها وفي كثير من المرات من كنت تنشوفها كانت ما تتظهرش لي بالوضوح اللي ظهرت بيه اليوم العلم لله ما عرفناه واش سحر واش كلف واش حريق شمس كان في الاول عنها فوق الحناك قرب الناضر ولكن دابا انتشر بزاف ووصل للحية فوق الانف يعني وجهها كلو
وهي نفس السيدة اللي قلت لك تتدور على الولادة نتمنى تدعيو معاها يرزقها ربي بالدرية الصالحة امين يا ربي والا كاين شي وصفة تساعدها لانها عندها نقص الهرمونات اش عنقول لك اخي الله ييسر الامور ولهلا يحرم شي حد من متعة الاولاد يا رب
اختي بلا منطول عليك بزاف ولكن ارجوووووووووووووووووووووووك الا ما جاوبيني الله يجازيك بخير

سلامي الكبير للاخت نهى الله يسمعنا خير عليها ايوا غير طليلة نعرفو بيها خبارك

dollly
09-05-2010, 20:21
اختي دوولي الله يشافيك ويعافيك
وما تنسايش ان الله يمهل ولا يهمل واللي كانو سبب في اللي حصل ليك جزاءهم عند الله وهو الوحيد اللي قادر يخلصك فيهم وما كاين ما كثر من التفريق بين المرء وزوجه الله يعوضك باحسن وييسر امورك يا رب
وان شاء الله الاخت سريدينة تجاوبك لانها قالت بان عندها شي حاجة للتوكال والكمال على الله
اختي دعواتك ابكتني فرح الله ايامك خاصة انه ليس لي اخوات اللهم امين

dollly
09-05-2010, 20:25
جزاك الله خيرا
انا قريتها وترقيت بيها وحفظتها الحمد لله
غير يمكن مازال مكتابشلي الزواج وانا واتقة في الله انه مخبيلي شي حاجة زوينة بزاف
الله يسرلك لي فيه الخير راني الحمد لله تنقراها في صبح والعشية ولكن للاسف سحر عملي حالة نسيان كبيرة ما كن حفظتها

dollly
09-05-2010, 20:29
لحبيبةnoha 212 تنتمنى تكوني بخير
اختي انا من راي الاخت ام النورين يعني العزل الى وافق الزوج ديالك;ا منضنوش ارفض.
اختيdolly الله اعاقب الي اداك ويارب اعوض عليك باحسن من زوجك السابق;اختي دائما رددي هذا الدعاء:اللهم اجرني في مصيبتي و اخلفني خيرا منها
اللهم امين يا اختي جزاك الله خيرا احتسبكم اخواتي لاني بنت وحيدة

ام النورين
09-05-2010, 20:42
اختي دعواتك ابكتني فرح الله ايامك خاصة انه ليس لي اخوات اللهم امين


اختي دولي الله يفرحك ويشفيك عما قريب يا رب والحد لله على كل حال
ان شاء الله تولي بصحة جيدة
ولكن اختي عيب تقولي انك وحيدة الحمد لله احنا هنا اخوات ولو فرقتنا المسافات ولكن تنلقاو في هذ التجمع اخوات اللي تيزيدو فينا الحماس وتنحسو بتشجيع لان كل واحد وهمو ولكن منين تنشوفو هموم الناس تنحمدو الله على الهموم ديالنا
وهذه مشيئة الله في خلقة والصبر اختي وان شاء الله تكوني اخدتي وصفة السحر وتحاولي تطبقيها والله يجيب الشفاء

ام النورين
09-05-2010, 20:49
مساء الخير اخواتي
اتمنى ان تكونو بخير ولله الحمد
في الصفحات السابقة الاخت سردينة اقترحت علينا تخصيص برنامج للاخوات اللواتي هن بحاجة للدعاء
اليوم دخلت لغرض كتابة موضوع لمؤازرة الاخت نهى والدعاء لها
ولكنني وجدت انها سبقتني هههههههههه
هذا ليس عيب
ولكن اقترح عليكن ان نعود الى قسم الدعاء والمؤازرة حتى ندعو مع وللخوات وهذا هو رابط الاخت نهى
http://www.anaqamaghribia.com/vb/showthread.php?125415-Noha212-%DD%ED-%CD%C7%CC%C9-%E1%CF%DA%C7%C6%DF%E3&p=1974686&posted=1#post1974686
وان شاء الله اضع موضوع بالنسبة لباقي الاخوات

هدفي هنا هو الا نبتعد عن محتوى الموضوع والا نخلط الامور حتى نتمكن من الاستفادة جميعا واي اخت تحتاج للدعاء سندعو معها في قسم الدعاء والمؤازرة الموجود في قسم الاستشارات والمشاكل الاجتماعية لانه مع اللوك الجديد للمنتدى نبحث طويلا حتى نجد ما نرجوه
اترككم في رعاية الله واتمنى ان لا يكون اقتراحي مصدرا للازعاج

دخول الصحة ياكو ههههههههه

ام النورين
09-05-2010, 20:53
بالنسبة للسواد في المنطقة الحساسة مكاين محسن من crème baby set.
اسبوع او ها لكحولا طارت.
تدهن به المنطقة الحساسة اسبوع فقط و يزال السواد.تدهنيها من الاحسن في الليل.


اختي اللي تتبحث عن الوصفة للمنطقة الحساسة هذا هو الكريم اللي تحتاجيه وان شاء الله يدير مفعول معاك


اختي هذي هي الصورة ديالو والثمن تقريبا بين 10 حتى 13 درهم

http://hamol.com/UserFiles/Image/Baby_cream_set.jpg

والشكر الجزيل للاخت المطيعة لربها من الموضوع ديالها خديت الصور
ايوا الله يكمل بخير

sridina
09-05-2010, 20:59
-يا اختي للسواد في المنطقة الحساسة انا كنستعمل غير كريمbaby set.ميخليش السواد.
_اختيdolly.احنا كلنا خوتات كيجمعنا شيء اكثر من رابط الدم الا وهو رابط الدين."انما المؤمنون اخوة".والله يسر الامور جميع الاخوات.
_اختي ام النورين الى كانت اختك عندها سحر هده طريقة متخليهش بادن الله.كل يوم في الصباح الباكر قبل طلوع الشمس( تعوم في الحمام تكون منظفاه)في وسط بانيو كبير تكب عليها الما دافئ او تحك بكيس بلا صابون.باش ينزل شوي تاع لوسخ.ثم تصفي بعد العوم الماء وتحتفظ بالقليل من الوسخ في كيس بلاستيك (لوسخ كيكون قليل بزاف ميهمش). نفس الطريقة وكل يوم لمدة 7 ايام.وفي اليوم الثامن ناخد قليل من الشعر من جميع مناطق جسمنا الموجود بها الشعر. ونخلطه مع الوسخ الي جمعناه في 7 ايام.وتبخر به مع ادان المغرب.يزال السحر تماما بادن الله.
تجرب هدي .ثم نشوفو النتيجة.

ام النورين
09-05-2010, 21:04
الله يجازيك بخير اختي سريدينة لمياء احسن

غادي نقول ليها وان شاء الله تتغير الامور

sridina
09-05-2010, 21:10
_ اختي ام النورين.ادااردنا ان ندعو مع اخت من الاخوات فلن نحتاج الى قسم معين لفعل دلك لان مايهمني ليس قسم ادعو فيه بقدر رغبتي الشديدة ان تشفى بادن الله كل الاخوات المريضات اواللواتي هن في كرب شديد. ونسال الله ان يستجيب لنا.امين

dollly
09-05-2010, 21:27
السلام عليكن يا اخوات الله يجازيكم كل خير على كلماتكم الطيبة.
_غدي نديرو برنامج للدعاء كل يوم مع اخت.
1_يوم الاحد في صلاة الفجر ندعو كلنا مع الاخت ليلى (noha212).
2_ يوم الاثنين مع الاخت الي بنتها مريضة.
3_ يوم الثلاتاء مع قريبة الهاشمية
4_يوم الاربعاء مع الاخت التي افترقت عن زوجها بسبب السحر الماكول.
... ثم انتظر اقتراحاتكم في الاولوية للاخوات الاخريات.
الله لا يخطيكم علينا ربي يسرليكم اموركم ويفرح ايامكم ويبعد الشر عنكم

dollly
09-05-2010, 21:42
اختي دولي الله يفرحك ويشفيك عما قريب يا رب والحد لله على كل حال
ان شاء الله تولي بصحة جيدة
ولكن اختي عيب تقولي انك وحيدة الحمد لله احنا هنا اخوات ولو فرقتنا المسافات ولكن تنلقاو في هذ التجمع اخوات اللي تيزيدو فينا الحماس وتنحسو بتشجيع لان كل واحد وهمو ولكن منين تنشوفو هموم الناس تنحمدو الله على الهموم ديالنا
وهذه مشيئة الله في خلقة والصبر اختي وان شاء الله تكوني اخدتي وصفة السحر وتحاولي تطبقيها والله يجيب الشفاء
ربي يخليك اختي لهلا يخطيك
ان شاء الله خدي نحاول هذه سنة بش تحولت لدار البيضاء ولكن تازمت حيث متنخرجش وتنخاف

bouchra07
09-05-2010, 21:45
الله يجازيك بخير اختي سريدينة لمياء
اختي رانى جاتني حبة ام الجلود هدي المرة 3
راني خايفة بزاف
في المرات الاولى شربت فلوكسام
افدوني اش ندير

dollly
09-05-2010, 21:48
-يا اختي للسواد في المنطقة الحساسة انا كنستعمل غير كريمbaby set.ميخليش السواد.
_اختيdolly.احنا كلنا خوتات كيجمعنا شيء اكثر من رابط الدم الا وهو رابط الدين."انما المؤمنون اخوة".والله يسر الامور جميع الاخوات.
_اختي ام النورين الى كانت اختك عندها سحر هده طريقة متخليهش بادن الله.كل يوم في الصباح الباكر قبل طلوع الشمس( تعوم في الحمام تكون منظفاه)في وسط بانيو كبير تكب عليها الما دافئ او تحك بكيس بلا صابون.باش ينزل شوي تاع لوسخ.ثم تصفي بعد العوم الماء وتحتفظ بالقليل من الوسخ في كيس بلاستيك (لوسخ كيكون قليل بزاف ميهمش). نفس الطريقة وكل يوم لمدة 7 ايام.وفي اليوم الثامن ناخد قليل من الشعر من جميع مناطق جسمنا الموجود بها الشعر. ونخلطه مع الوسخ الي جمعناه في 7 ايام.وتبخر به مع ادان المغرب.يزال السحر تماما بادن الله.
تجرب هدي .ثم نشوفو النتيجة.
اختي لهلا يخطيك لانك سبب جمعتنا وسبحان الله الله بغاك تبداي بوصفات ولكن ميزك بدعاء للناس ومحبتهم لكي
طلبت منك وصفة سابقا ولكن الله يعينك جلدتي تاع شعري طايبة ومسلوخة جلدة ذهنية وشعر ول بحال شي دجاجة مريشة ووليت تنحط عشرين زغبة من بلاصة وحدة وشكرا على كل وحدة دعاتلي ربي يحفظكم

أم سعد و رميساء
09-05-2010, 22:21
_امضر يا انسات و يا سيدات منسيتوش اختنا ليلى من الدعاء البارح.
_بالنسبة للسواك فالسواك العادي.
_ الاخت لي بنتها عندها 9اشهر او جلدها ناشف دهنيها بزيت اللوز او زيت الزيتون. وانتبهي الي كان لكريم الي كديري ليها قديم راه كينشف لحم.



شكرا أختي على الرد ديالك الكريم لي كندير ليها و الزيت شريتهم من الفرماسيان دبا اللحم ديالها بدا كيتقشر معرفتش مناش مكنعومهاش بي باندوش كندير ليها غي الماء كيف قال ليا الطبيب و والو بان ليا غادي نرجعها الطبيب
شكرا أختي سريدينة على المجهود لي كديري معانا
الله إشافي كل مريض و الله إزوج كل عزبة و الله إحقق الجميع ما تمنى فخاطرو

noha212
09-05-2010, 22:54
السلام عليكم حبيباتي توحشتكم تو حشتك يا ملاك المنتدى.سمحو ليا غبرت لانه كان عندي امتحان في دار القران و اليوم كان عيد ميلاد بنتي الصغيرة سنتين و عرضت على الوليدات باش يفرحو و الاهم انه بنتي الكبيره 4 سنوات ونصف عوضتها على عيد ميلادها لاني لم اكن معها في وقتها كنت في حصة العلاج الكيماوي.الان احس بالراحة و هدا بفضل دعاءكم حسيتكم معايا اليوم.شكرا بزاف.و انت يا لمياء فاللسان يعجز عن شكرك لكثرة كرمك و حنان قلبك.ربي وحدو غيخلصك.بالنسبة لام الناس ما بغاتش تدوب في الماء ما العمل

مغربية 100%
10-05-2010, 01:07
سلام عليكم أختي سريدينة اليوم راكي سهرانة بحالي

sridina
10-05-2010, 08:47
_اختي نها غدي انشاء الله تحتفلي بعيد ميلاد بنت بنتك في المستقبل .او غدي تبقاي تكتبي لي"اختي سريدينة عفاك ال عندك شي وصفة تاع التجاعيد حيث بغا نبان زوينة في عيد ميلاد بنت بنتي"هههههههه.داعيت معاك لبارح.بالنسبة لام الناس دقيها.
_ اختي الي شعرك يتساقط شلليه كل يوم بماء الزعتر.الى كان توكال خصك ترديه.
_ اختيromaynati.خلي عليك داكشي تاع لفرمسيان او دهني لها بزيت البلدية .لان هدا الزيت من الشجرة التي قال الله انها مباركة.ال كان بيبي مكينعسش بزيان او كيبكي بزاف دهنيه بزيت البلدية وسبحان الله يهدا و يحس بالراحة.والرسول عليه الصلاة والسلام قال"و دهنوا به".

ام النورين
10-05-2010, 08:56
_ اختي ام النورين.ادااردنا ان ندعو مع اخت من الاخوات فلن نحتاج الى قسم معين لفعل دلك لان مايهمني ليس قسم ادعو فيه بقدر رغبتي الشديدة ان تشفى بادن الله كل الاخوات المريضات اواللواتي هن في كرب شديد. ونسال الله ان يستجيب لنا.امين



اختي انا معاك في الفكرة والدعاء لا يحتاج لا لقسم ولا لصفحة معينة فقط حتى لا نبتعد عن صميم الموضوع واعتذر لو كان كلامي ازعجك
جزاك الله خيرا وبارك فيك

sridina
10-05-2010, 09:06
لا يا اختي كلامك لم يزعجني بالعكس ولكن تجمعنا في هدا القسم شيء رائع.نحن والحمد لله اخوات ويجب ان نساعد بعضنا البعض .

ام النورين
10-05-2010, 09:24
اوافقك الر اي تماما
ولا يوجد اروع من ان نجد اخوات رائعات نحس معهن بالدفئ رغم تباعد المسافات
انا تنكتب ليك وراسي مرقرقاه في الزيت لانني استعملت وصفة الخزامة والحبة السوداء والجلجلان وبعد اذنك ساغير بعض الشئ في طريقة الاستعمال
لانني بعد ما خلطت الوصفة خليتها تترقد مدة اسبوع مع تحريكها كل مرة واليوم اخدت نصف كاس زيت من الخليط ودهنت بيه شهري كلو حتى ولا مفزك وعملت ظفيرة وخليتو ان شاء الله قررت نخليه اكثر من يوم مع الدهن كل يوم ومن بعد تقريبا ثلاث ايام غادي نشقق شعري بالاعشاب اللي تتبقى لتحت ونرد عليك ان شاء الله
اشنو رايك
وكذلك درت الكامون مع ماء ورد لوجهي النتيجة رائعة تتحسي بانتعاش في البشرة من بعد غادي نغسل بصابونة الغسول الابيض جد رائعة تنستعملها لوجهي وللابط وكذلك المنطقة الحساسة لااني حاليا ما نقدرش نتوفر على بيبي ست حتى نمشي لدارنا ونشريها
ومن بعد يعني بعد الظهر غادي ندير الخليط ديال العدس مطحون وماء الورد انا اضفت قليل من العسل والنتيجة جد رائعة
ايوا اشنو ظهر ليك راني دايرة بالحالة

sridina
10-05-2010, 09:41
_ تبارك الله عليك .احب ان ارى الاخوات انيقات و جميلات.المراة دائما يجب ان تحافظ على جمالها.وانت تبارك الله بسم الله ما شاء الله و خ تكبري في السن غدي تبقاي منورة.

ام النورين
10-05-2010, 09:50
السلام عليكم حبيباتي توحشتكم تو حشتك يا ملاك المنتدى.سمحو ليا غبرت لانه كان عندي امتحان في دار القران و اليوم كان عيد ميلاد بنتي الصغيرة سنتين و عرضت على الوليدات باش يفرحو و الاهم انه بنتي الكبيره 4 سنوات ونصف عوضتها على عيد ميلادها لاني لم اكن معها في وقتها كنت في حصة العلاج الكيماوي.الان احس بالراحة و هدا بفضل دعاءكم حسيتكم معايا اليوم.شكرا بزاف.و انت يا لمياء فاللسان يعجز عن شكرك لكثرة كرمك و حنان قلبك.ربي وحدو غيخلصك.بالنسبة لام الناس ما بغاتش تدوب في الماء ما العمل




مبروك عليكم اختي نهى وعقبال ما تعرضينا لعرسهم
يترباو في عزكم على طاعة الله ورسوله
ايوا هاكذا نبغية المعنويات دائما تكون عالية
وتبارك الله عليك الله يسر عليك وتحتمي القران يا رب
ودعي معيا اختي ربي يثبتني

ام النورين
10-05-2010, 09:53
_ تبارك الله عليك .احب ان ارى الاخوات انيقات و جميلات.المراة دائما يجب ان تحافظ على جمالها.وانت تبارك الله بسم الله ما شاء الله و خ تكبري في السن غدي تبقاي منورة.


الله يحفظك الزين
عندك الصح اختي اللي تيشوفني تيعطيني اقل من سني
على الاقل ما غاديش نحتاج لعمليات التجميل هههههه لانني مامتافقاش مع هذ الفكرة والله يكبرنا في طاعة الله
تبارك الله عليك الزين

ام النورين
10-05-2010, 09:59
اختي لمياء
بالمناسبة تنتمنى نلقى عندك شي وصفة لالام الظهر
لانني عندي مشكل مع ظهري في بعض الاوقات الفقرات ديال العمود الفقري تتنزلق من مكانها وتنظطر لعمل جلسات عن اختصاصي في التدليك
وتيمشي الالم لانه تيطلع لي حتى للراس وتيبقى يجيني بحال الصداع النصفي وكتافي تيالموني عنقي حتى انني ما نقدرش نحني باش نغير الحفاظ ديال ولدي تنظطر نجلس لانني تنحس بالم شديد واي حاجة فيها انحناء للامام ما تنقدرش نديرها لازم نجلس والا ما نقدرش نبقى حانية اكثر من ثواني معدودة
مع العلم انني شريت قولبات كيكي باش نديرهم ولكن صراحة خفت لايكون عندهم مفعول سلبي
في انتظار نصائحك النيرة وجزاك الله خير واي استفسار انا موجودة لانني فاتحة من الصباح للمساء على الصفحة

amal06
10-05-2010, 11:24
_ شكرا اختي الهاشمية .موعدنا الفجر لندعو مع اختنا ليلى.
_ هده اختي وصفة اخرى للروماتيزم.
30كركوبة تاع الثومة تفرشخيها قليلا بقشورها و توضع في لتر من زيت الزيتون في قرعة من الزجاج لونها داكن.نحكم الاغلاق ونتركها في مكان قيه الضل لمدة 15 يوم.ثم نحرك الزجاجة كل يوم دون فتحها.بعد مرور 15 يوم يمكن فتحها ودهن مكان الروماتيزم.هي جد جيدة.


شكرا ليك اختيي بزاف الله يجعلها ليك في ميزان حسناتك

dollly
10-05-2010, 13:51
اختي راني رديت توكال ونقص اما بنسبة للزعتر تبعتو بزاف بدون نتيجة
ثوم ما اقدر استعملو حناء ودباغ راه كتزيد تكثر الحكة لي عندي وكتزيد طيب لي جلدة عفاك لما فيديني والله ييسر امورك وينور طريقك

dollly
10-05-2010, 13:52
السلام عليكم حبيباتي توحشتكم تو حشتك يا ملاك المنتدى.سمحو ليا غبرت لانه كان عندي امتحان في دار القران و اليوم كان عيد ميلاد بنتي الصغيرة سنتين و عرضت على الوليدات باش يفرحو و الاهم انه بنتي الكبيره 4 سنوات ونصف عوضتها على عيد ميلادها لاني لم اكن معها في وقتها كنت في حصة العلاج الكيماوي.الان احس بالراحة و هدا بفضل دعاءكم حسيتكم معايا اليوم.شكرا بزاف.و انت يا لمياء فاللسان يعجز عن شكرك لكثرة كرمك و حنان قلبك.ربي وحدو غيخلصك.بالنسبة لام الناس ما بغاتش تدوب في الماء ما العمل
الله يطول بعمرك وعمرهم وبفرحك وبفرحهم بيك ولمكة يوديك كل سنة وهما بخير

هاشمية
10-05-2010, 14:51
تبارك الله عليك ا لحبيبة لمياء _سريدينة_على اهتمامك لهلا اخطيك
اختي اليوم مو عدنا الفجر مع بنت اختنا _ام علا_
تحياتي

اللهم رضاك و الجنة
10-05-2010, 16:36
تبارك الله على كل الأخوات و على مساعدتهن
لبعضهن البعض
نهاركم مبروك

sridina
10-05-2010, 17:15
_اختي الهاشمية موعدنا صلاة الفجر للدعاء.كيف حال قريبتك.اتمنى ان تكون قد تحسنت.
_ اختي لتساقط الشعر ديري هاد الخلطة.
60غ من اوراق ازير+60غ من عشبة بقس اسمها بالفرنسية buis.غدي ترقديهم في لتر كحول 60 درجة لمدة 15 يوم.كل مرة تحركي شوي بلا متحلي القرعة.بعد دلك غدي تبداي تفركي بيه فروة تاع شعرك 2 مرات في النهار.هده الخلطة تمنع تساقط الشعر.

هاشمية
10-05-2010, 17:56
عزيزتي لمياء;هي الان حالتها مستقرة ;الا انها بعض الاوقات تاتيها هجمة المرض تضطر لاخد بعض مضاضات الالتهاب.شكرا لك غاليتي على اهتمامك
اين انت اختي ام الحلوين اتمنا انضمامك لنا مع الفجر و كذا كل الاخوات
تحياتي

هاشمية
10-05-2010, 17:59
عذرا كنت اريد ان اقول ام النورين

شذى الايمان
10-05-2010, 18:36
جزاك الله خيرا اختي لمياء ع الوصفاااااااااااات الراااااااائعة

الله يسعدك دنيا واخرة

واختي نها قلبي معاك

ربي يشفيكي ويحفظك و ينور طريقك

dollly
10-05-2010, 19:23
انا غنمشي دابة نقلب عليهم
الا بغيتو تدعيو معايا يوم الاربعاء راني سميتي نورالهدى وانا ان شاء الله خنبدا معاكم لباقي الاخوات راه دعوة المريض مستجابة

sridina
10-05-2010, 19:50
_ لالام الظهر واي مكان في الجسم.
غدي تشري 150 غ من اوراق سيدنا موسى.غدي تديريهم في لتر من الماء.تخليهم يغلاو ساعتان ثم تصفي تخلي غير الما الي بقا تمسدي بيه الظهر او مكان الالم.سوف يهدا الالم.
_ بالنسبة الي مكتنعسش مزيان.غدي تغلي ليتر من الماء تديري فيه 15غ من ورقة سيدنا موسى تخليهم يطلقو 10 دقائق.ثم تشربي كاس قبل النوم.تنعسي مخير مجرباها.

هاشمية
10-05-2010, 19:53
انا غنمشي دابة نقلب عليهم
الا بغيتو تدعيو معايا يوم الاربعاء راني سميتي نورالهدى وانا ان شاء الله خنبدا معاكم لباقي الاخوات راه دعوة المريض مستجابة
اعلاش لا الحبيبةانت الاولى يا نور الهدى
يا رب يجعل شفاءك عاجلا غير اجل

mouna222
10-05-2010, 20:18
بالنسبة للبشرة الجافة.غدي نعطيك واحد الخلطة بعد غدي ديريها غدي تعجبك مزيان وجهك غدي يولي صافي و مشرق.
قليل من ماء الخيار مع 3كبسولا من vitamine E.من عند الفرمسيان و دهني بيه وجهك كل ليلة او ردي علي لخبار.والسلام
السالم عليكم ورحمة الله و بركاته
قولي لي اختي عافاك واش كبسولا من vitamine E موجود بالمغرب لاني سالت عنه و لم اجده
سؤال اخر عن السنبل هو معندو حتى ريحة و يشبه الgازو و كيكون مخبل مع بعضو ياك .و بغيت نعرف كدلك اسمه هو ولحية الشيخ باللغة العربية و الفوائد ديالهم الا جات عائ خاطرك .سمحي لي قويت عليك بالاسئلة

bouchra07
10-05-2010, 20:28
الله يجازيك بخير اختي سريدينة لمياء
اختي رانى جاتني حبة ام الجلود هدي المرة 3
راني خايفة بزاف
في المرات الاولى شربت فلوكسام
افدوني اش ندير
اختي سيردينة افدينى راني عنموت من الخوف خايفة تكون عندي شى حاجة خايبة

sridina
10-05-2010, 20:43
_ اختي منى تقدري تديري كموند عليه.يعني فتمين e. كلشي موجود في المغرب غير حصك تقلبي عليه اكثر. نعم السنبل او لحية الشيخ عشبات كيبانو مخبلين فعلا مفيهم حتى ريحة حتى تعملي الوصفة عاد تبان ريحتهم الجميلة.وهما مفيدين لجمال الشعر.
_ اختي بوشرى معندكش لاش تخافي ام جلود عادية كتجي لجميع الناس.حيدي عليك الوسواس.شدي لحليب تاع الباكور ديريه في رويس تاع ام جلود او غطيها بفاصما او اللصقة لمدة 24 ساعة.الامتفكساتش المرة الاولى عاوديها ثاني حتى تفكس.غدي يحيد المكروب نهائيا بادن الله.

لازورد
11-05-2010, 00:14
أختي سريدينة جزاك الله خيرا
بغيت نسولك واش هادي هي العطور ألف وردة و رشا لي قلتي عليهم و المسك المعسل ؟

http://www.kaznova.com/uploader-Abdul/folder1/kaza_FL6dOxMV3n.JPG


http://www.iqrashop.com/images/parf-070321-aa8.jpg

[

http://imworld.aufeminin.com/dossiers/D20090715/Spray-rose-100644_L.jpg

dollly
11-05-2010, 01:00
للاسف يا اختي العشبة غير موجودة يا ريت تسوليلي شي مرة كبيرة على شي حاجة تتصلاح لجلدة الشعر وتثصحها لانو تنضن لكانت جلدة صحيحة غدي يثبت الشعر وميتساقطش وسمحيلي راني كثرث عليك

dollly
11-05-2010, 01:02
اعلاش لا الحبيبةانت الاولى يا نور الهدى
يا رب يجعل شفاءك عاجلا غير اجل
يا رب يسمع منك
يا رب ييسرلك امورك
ويبعد الشر عنك

شذى الايمان
11-05-2010, 08:03
شكرا ليك اختي لمياء ع مجهودك الرائع

في ميزان حسناتك

اختي بغيت وصفة الي تحيد السواد من الركابي

ووصفة تحيد اثار الحبوب من الظهر وصفة اخرى من غير النعناع

والله يجازيك بخير

sridina
11-05-2010, 09:24
_السلام عليكن يا اخوات. اختي ريحة رشا كين صغيورة ديالها قد تقريبا صبعك الصغير ملقيتيهاش ديري هدي الي في صورة.ريحة الف وردة حتى هي صغيرة الى ملقيتهاش ديري هادي الى كانت ريحتها زوينة.المسك المعسل كيكون في حكيك صغير كيدر تقريبا 55 درهم.ال ملقيتيهش ديري الي في الصورة.
_ اخي دولي غدي نسوليك على الوصفة الخاصة بتساقط الكثيف للشعر وعن معالج لفروة الشعر.

lamiaa_casa
11-05-2010, 09:46
3etkini llah ikhlik hta ana bchi wsfa dyal dhr rah rajli hta howa mskin 3ndou dayman had lmochkila , taykoun 3ndou sda3 f ltht dyal dhr nta3ou, fi moakhirat l3amoud lfikari. llah irhm lik lwalidin ou 3ndi ana mochkila okhra , rani daiman tandouz blma mn lmintaka hssasa, kola mra achnou taykoulou liya walakin baki nfs lmochkil man3rf wach mn lwalda awla mnachou chokran

السلام عليكم
شكرا اختي سريدينة على الوصفة، يالله عاد دوزت على رجلي عند الطبيب، و سولتو على ظهري قال لي نقصي من الوزن هههههههههه قال لي 5 كيلو تكوني بيخير، و نصحني حتى بالرياضة, ويلا كانت خدمتي فيها الجلوس بزاف مرة مرة نتمشى

ام النورين
11-05-2010, 10:09
عذرا كنت اريد ان اقول ام النورين
انا معكم اختي وربي يعلم ما في القلوب
والله يشافي الجميع

ام النورين
11-05-2010, 10:11
_ لالام الظهر واي مكان في الجسم.
غدي تشري 150 غ من اوراق سيدنا موسى.غدي تديريهم في لتر من الماء.تخليهم يغلاو ساعتان ثم تصفي تخلي غير الما الي بقا تمسدي بيه الظهر او مكان الالم.سوف يهدا الالم.
_ بالنسبة الي مكتنعسش مزيان.غدي تغلي ليتر من الماء تديري فيه 15غ من ورقة سيدنا موسى تخليهم يطلقو 10 دقائق.ثم تشربي كاس قبل النوم.تنعسي مخير مجرباها.



ان شاء الله اليوم اجرب الوصفة لان ورقة سيدنا موسى عندي موجودة
اشكرك جزيل الشكر وحتى وصفة النوم غادي نجربها
جزاك الله كل خير

ام النورين
11-05-2010, 10:22
اختي نهى فين غبرتي
طلي علينا وخبرينا عليك وما تغريش علينا هاكذا باش ما يكونش المجمع ديالنا ناقص
واكيد كل الاخوات بالطبع لان هذا تجمعنا تجمع الجمال والاناقة والاخوة والحب في الله
فما تغبروش والله يجمعنا تحت عرشه يوم لا ظل الا ظله امين

هاشمية
11-05-2010, 11:44
انا معكم اختي وربي يعلم ما في القلوب
والله يشافي الجميع
عارفة الي كاين الحبيبة
شكرا على الدعيوة;و الله افرحك بكل ما تمنيتي

هاشمية
11-05-2010, 11:49
لحبيبة نور الهدى فرحتني بدعواتك;الله افرحك دنيا و اخرة;والله اشافيك و شافي كل مريض قادر يا كريم
يا رب يسمع منك
يا رب ييسرلك امورك
ويبعد الشر عنك

noha212
11-05-2010, 11:51
اختي ام النورين انا موجودة يا حبيبتي.واخا بعاد على بعضنا و ماتساريناش انا وياك فشي مغامرة مع العطارة الا اني كنتسارى معاك في اي موضوع دخلتي ليه في هاد المنتدى انا وياك عندنا نفس دوق.و راكي منورانا يا ام النورين و بغيت نخفف على اختي لمياء راها طلاتنا خضر اجا ما فكها معانا ههههههههه.

noha212
11-05-2010, 11:53
اختي لمياء وصفة الزيت و الخزامة و الشاي اكتر من رائعة.برعتينا الله يبرعك.

هاشمية
11-05-2010, 11:54
راك ديما في البال ا ختي ليلىnoha212
كيف بقيتي;ا كيف عاملين لبنيتات;يا رب اخليك ليهم و خليهم ليك

sridina
11-05-2010, 12:22
_ اختيdolly.مشيت سولت ليك هد صباح واحد العطار معروف على وصفة لتساقط الشعر اعطاني 2 وصفات.
الاولى.تدوبي الفاسوخ الابيض في زيت لوسيور على نار هادئة او دهني بيه شعرك.2 مرات في الاسبوع.اوبعد تكوني غاد لحمام ديري هد الخلطة .الحرمل+ حبةة راس تحمريهم فوق النار او تطحنيهم او تخلطيهم مع زيت الخروع او الزيت البلدية.او تشككي بهم راسك قبل ما تمشي للحمام. الله ينفع

sridina
11-05-2010, 12:35
_ انا يا اخوات فرحانة حيث عجبوكم الوصفات.
شكون الي مطلع ليها الشيب الدم او بغا وصفة طبيعية تخلي في الشعر لون رائع وتخفي الشيب.اولا تديري بيضة في شعرك.
تخلطي الحنة مدقوقة مع الخرقوم مدقوق مع سكر كلاصي.او تديريهم في شعرك ساعة ونصف.تقدري تديريها في الحمام او تبداي تحكي حتى تسالي او غسلي شعرك.انا درتها او انا دابا محمقني لون شعري.ههههههه

ام النورين
11-05-2010, 12:45
_ انا يا اخوات فرحانة حيث عجبوكم الوصفات.
شكون الي مطلع ليها الشيب الدم او بغا وصفة طبيعية تخلي في الشعر لون رائع وتخفي الشيب.اولا تديري بيضة في شعرك.
تخلطي الحنة مدقوقة مع الخرقوم مدقوق مع سكر كلاصي.او تديريهم في شعرك ساعة ونصف.تقدري تديريها في الحمام او تبداي تحكي حتى تسالي او غسلي شعرك.انا درتها او انا دابا محمقني لون شعري.ههههههه


ان شاء الله نقولها لاختي لان الشيب مشيبها ههههههه
ونتمنى تقولي لي اشمن لون عطاك لان اختي لون شعرها في الصل اسود يعني اشمن لون غادي يعطيها وعلى شحال ديال الوقت تعاود الوصفة
والله يجازيك بخير الحبيبة

ام النورين
11-05-2010, 12:53
اختي ام النورين انا موجودة يا حبيبتي.واخا بعاد على بعضنا و ماتساريناش انا وياك فشي مغامرة مع العطارة الا اني كنتسارى معاك في اي موضوع دخلتي ليه في هاد المنتدى انا وياك عندنا نفس دوق.و راكي منورانا يا ام النورين و بغيت نخفف على اختي لمياء راها طلاتنا خضر اجا ما فكها معانا ههههههههه.
هههههههههههههههههههههههههههههه ضحكتيني الزين والله راها وحلات معانا
ولكن ربي اللي غادي يجازيها وباين الانسان غير من اسلوبو وكلامو لانه ماشي كلشي الناس اللي تيقدمو المساعدة لله
الله يجازيها عنا كل خير (ايوا غير بيني وبينك تنسحلل ليها باش تتهلى فيا وما تقوليها لحد )هههههههههههههههههههههههههههههههه
اختي والله الا وليت ما تنفارق هذ الصفحة وليت مونسى معاكم وعن جد تنتمنى نلقاك اش ظهر ليك نتلاقاو في الخبازات كوني هانية راني مسارية قنيطرة طول وعرض والمرسى متنحيدش منها في الصيف تنمشي نشري الحوت من تماك وراني هذ المرة غادي ندير طلب على لسان البحر من عند الحواتة باش نستعملو في وحدة من الوصفات
غير سكتي اختي حريرتنا حريرة ولكن اللي بغا الزين يصبر لخرك الودنين واللي بغا العسل يصبر لقريص النحل
ايوا نمشي حسن ما نكتب لك جريدة ديال الامثال الشعبية حتى توليو مجريين عليا بشي شطابة ههههههههههه

اه على فكرة اختي لمياء كل مرة تنقرا اسمك تتشهيني في السردين وعلى الغدايد درتو اليوم لانني سنوات هدي ما كليتو زعما درتي فيا النفس

sridina
11-05-2010, 13:05
_ههههههههههههه دابا غدي يعجبكون السردين.الله يسر ليكم اموركم جميعا.
انتم يا اخوات رائعات وانا فرحانة بكم .

ام النورين
11-05-2010, 13:10
الله يفرحك دنيا واخرة اختي لمياء
الاخت ليلى تدير ليك الاشهار في باقي الصفحات وكتبت موضوع كنت صلعة ودابا شوفو كيف وليت او شئ من هذا لقبيل وصراحة راني دخلت قريت حتى للصفحة الاخيرة لان كل الاخوات تينتظرو الوصفة وهي تتقول ليهم دخلو لوصفات الاخت سردينة انا غادي نحط الرابط باش باقي الاخوات يستافدو
علاش كتبت هذ الهضرة حيت كرشي ضرتني بالضحك وانا تنقرى الردود ديال الاخوات
اختي ليلى الله يعطيك شي خير والله يشافيك ولكن عندي طلب وحيد اياك واياك واياك ما تتعصبي او تفقصي راسك لان حتى شي حاجة في هذ الدنيا ما تستاهل
وللحديث بقية
يلاه نخليكم باش نحط الرابط في الموضوع ديال الاخت ليلى

هاشمية
11-05-2010, 13:19
بالصحة و الراحة اللون ديال شعرك اختي لمياء_سريدينة_;تساهلي كل حاجة زوينة

انا نقلتها لماما و لا ستاذة ابني الحبيب
شكرا لك

sridina
11-05-2010, 13:35
_ ههههههههه. حتى انا ضحكت ي من الخبر يا ام النورين. بقالي غير شوي او نبان في الجزيرة للاخبار.ههههههه. انا مكرهتش كل النساء يستافدو من بعضهم ليكونو اجمل على جميع النواحي الجسمية و الفكرية و الصحية و كدلك النفسية.
_ اختي الهاشمية اش خبارك.نتمنى ان تكونين بخير.
_البنات في الشارع تبارك الله كيشعلو.او كل امراة متزوجة خصها تهتم بنفسها لكي لا ينظرزوجها لغيرها.وخا الشغال او المسؤولية ولكن ضروري الاهتمام اليومي بجمالك.
_ اختي ليلى والله حتى انت انسانة اكثر من رائعة قلبك كبير او طيبة و انا حاسة ان الله غدي يعوض صبرك خير.

**ندى الورد**
11-05-2010, 14:59
_ انا يا اخوات فرحانة حيث عجبوكم الوصفات.
شكون الي مطلع ليها الشيب الدم او بغا وصفة طبيعية تخلي في الشعر لون رائع وتخفي الشيب.اولا تديري بيضة في شعرك.
تخلطي الحنة مدقوقة مع الخرقوم مدقوق مع سكر كلاصي.او تديريهم في شعرك ساعة ونصف.تقدري تديريها في الحمام او تبداي تحكي حتى تسالي او غسلي شعرك.انا درتها او انا دابا محمقني لون شعري.ههههههه



أنا شيبني الشيب هههههههههههههههه


واش ممكن نديرها وخا تندير الصباغة ؟؟؟؟؟؟؟؟ بيني وبين الحنة سنواااااااااااااااااااااااااااااااات من فاش كانت الوالدة الله يطول عمرها تديرها ليا

dollly
11-05-2010, 15:12
لحبيبة نور الهدى فرحتني بدعواتك;الله افرحك دنيا و اخرة;والله اشافيك و شافي كل مريض قادر يا كريم
اللهم امين ربي يخليك

dollly
11-05-2010, 15:23
_ اختيdolly.مشيت سولت ليك هد صباح واحد العطار معروف على وصفة لتساقط الشعر اعطاني 2 وصفات.
الاولى.تدوبي الفاسوخ الابيض في زيت لوسيور على نار هادئة او دهني بيه شعرك.2 مرات في الاسبوع.اوبعد تكوني غاد لحمام ديري هد الخلطة .الحرمل+ حبةة راس تحمريهم فوق النار او تطحنيهم او تخلطيهم مع زيت الخروع او الزيت البلدية.او تشككي بهم راسك قبل ما تمشي للحمام. الله ينفع
اختي بنسبة لكل وصفة شحال الوقت تبقا ربي يخليك

lamiaa_casa
11-05-2010, 16:02
السلام عليكم
اختي سريدينة هادا هو nivea sun dnage اللي قلتي لينا؟
25460

sridina
11-05-2010, 16:44
_ الاخت لمياء راه هو هداك واقي الشمس نيفيا.
_ الاخت dolly.الوصفي الاولى كتخليها في شعرك الاسبوع كله والثانية تدريها شي ساعة و نصف قبل الغسل.
_ اختي ندى الورد. انا كنفضل نصبغ شعري طبيعي.هد الخلطة كتعطي لون قهوي لامع وزوين بزاف.الا كانت الحنة كتنشف ليك شعرك ديري مور متغسلي شعرك لمدة نصف ساعة هد الماسك للشعر.بنانة+ صفر بيضة+زيت العود.خلطيهم او ديريهم ن لشعرك.عاد ديري شامبوان.

**ندى الورد**
11-05-2010, 16:56
_ ا
_ اختي ندى الورد. انا كنفضل نصبغ شعري طبيعي.هد الخلطة كتعطي لون قهوي لامع وزوين بزاف.الا كانت الحنة كتنشف ليك شعرك ديري مور متغسلي شعرك لمدة نصف ساعة هد الماسك للشعر.بنانة+ صفر بيضة+زيت العود.خلطيهم او ديريهم ن لشعرك.عاد ديري شامبوان.


راني للأسف ما عرفتكش من قبل كانت قدامي غير الصباغة وكنت مضطرة نديرها

واش الى درتها دابا تأثر ليا على شعري أو لا


وألف ألف شكر


الله يسهل عليك ويسر ليك امورك

mouna222
11-05-2010, 17:03
اختي سريدينة الاعرفتي اسماء السنبل او لحية الشيخ باللغة العربية قوليها حيت بغيت نعرف عليهم معلومات .شحال هدي قلبت في النت و ملقيت والو

أم أسامة و محمد
11-05-2010, 17:44
تبارك الله عليك
لي عودة ان شاء الله

bouchra07
11-05-2010, 17:57
[QUOTE=sridina;1979199]_ اختي منى تقدري تديري كموند عليه.يعني فتمين e. كلشي موجود في المغرب غير حصك تقلبي عليه اكثر. نعم السنبل او لحية الشيخ عشبات كيبانو مخبلين فعلا مفيهم حتى ريحة حتى تعملي الوصفة عاد تبان ريحتهم الجميلة.وهما مفيدين لجمال الشعر.
_ اختي بوشرى معندكش لاش تخافي ام جلود عادية كتجي لجميع الناس.حيدي عليك الوسواس.شدي لحليب تاع الباكور ديريه في رويس تاع ام جلود او غطيها بفاصما او اللصقة لمدة 24 ساعة.الامتفكساتش المرة الاولى عاوديها ثاني حتى تفكس.غدي يحيد المكروب نهائيا بادن الله.[/QUOT

http://www.anaqamaghribia.com/vb/images/icons/1%20%281%29.gif
بارك الله فيك اختي سيردينة لهلا يختيط
http://www.anaqamaghribia.com/vb/images/icons/1%20%2811%29.gif

ليدي فاطوم
11-05-2010, 18:15
السلام اختي لمياء الله يجازيك بالخير على و صفاتك (كنت دخلت لموضوع و لقيت راسي في هاد الرابط انا مع الاسف متندخلش بزاف لمنتدى الشعر لاصقة غي في منتدى الخياطة).. عييت من القراية و عملت الموضوع ديالك في فافوري باش نتفرغ له مزيان و ان شاء الله نستافد من و صفاتك عجباتني بزاف الوصفة اللي تتخلي رائحة غزالة في الجسم...تبارك الله على الاخوات كاملات

dollly
11-05-2010, 18:32
اختي لمياء
والله انتي من الاوفياء
ومنا لا تملين ولا يصيبك العياء
موضوعك جلب كل القراء
هههههههههههههههههه هذا جهدي على الشعر اتمنى يعجبك

sridina
11-05-2010, 18:36
_ممكن اختي تديري الصباغة الطبيعية وخ كنتي صابغ قبل.انا اعطيت عدة وصفات جميلة جدا للشعر بقاي تديريها باش تغدي شعرك او ميثاتر بالصبايغ الي عملت.شتي الوصفات الي كتبت ليكم هم الي كندير.او شعري قوي و جميل.مكاين اختي ما احسن من الطبيعي.
_ اختي الي سولتيني على السنبل او لحية الشيخ بالعربية .انا كنعرفهم بهد الاسماء ياك انتي مغربية راه تلقايهم عند العطار.
_الحمد لله الي عجبوكم الوصفات.الف شكر لكلماتكم الطيبة.

**ندى الورد**
11-05-2010, 19:19
[QUOTE=sridina;1982883]_ممكن اختي تديري الصباغة الطبيعية وخ كنتي صابغ قبل.انا اعطيت عدة وصفات جميلة جدا للشعر بقاي تديريها باش تغدي شعرك او ميثاتر بالصبايغ الي عملت.شتي الوصفات الي كتبت ليكم هم الي كندير.او شعري قوي و جميل.مكاين اختي ما احسن من الطبيعي.
_


راني درت نهار الأحد الوصفة اللي قلت لي ديال البيضة والزيت والبنانة مع دانون والقهوة والعسل وبان مفعولها حيت موالفة ضروري بعدما نغسل شعري خاص نمشي نصايبو عند الكوافورة باش يهمد شوية

فاش درت الوصفة اللي اعطيتيني والله ما مشيت عندها اكتفيت غير بالباتشا والحمد لله ما بقاش طالع للسما كيف كان


انا بغيت نسولك على الحنة اما المواد الأخرى الطبيعية فما خايفاش منها ...حيت سبق سمعت ان الحنة والصباغة ما كيتلاقاوش وخفت ينزل ليا شعري كله وانا مضاربة معاه باش يتقاد

سمحي لي طولت عليك هههههه ولكن راني دايرة راسي بحايلا انت جالسة حداية ومجمعة معاك



صبري لهبالي الله يحفظك وينولك اللي فبالك

إسراء
11-05-2010, 19:34
اهلا وسهلا بكن اخواتي في الله كيف حالكن كيف حال صاحبة القلب الكبير اختنا لمياء(سريدينة) بارك الله لك في وقتك الذي تخصصينه لاخواتك في الله وتفيديهن وتمديهن بوصفاتك الرائعة بكل رحابة صدر كثر الله من امثالك.
اسال الله تعالى باسمائه الحسنى وصفاته العلى ان يشفي اختنا نهى شفاء تاما ويمن عليها بلباس الصحة والعافية ويبارك في عمرها ويقر عينها بزوجها وبناتها.
اللهم اسالك باسمك الاعظم الذي اذا دعيت به اجبت واذا سئلت به اعطيت ان تشفي قريبة اختنا الهاشمية وابنة اختنا ام علا واخت اختنا ام النورين واختنا نور الهدى شفاء لا يغدر سقما.
اللهم فك سحر اختنا في الله وعوضها خيرا وانك ولي ذلك والقادر عليه امين امين.

sridina
11-05-2010, 19:38
_ اختي ام اشرف انا عطيت وصفة كتنقي الرحم راه استعملتها اخت في المنتدى.
_ ثم دري الخزامة بعد متكوني غليتيها في شوي الماء في زويق او ديريها او باتي بها هي مطهرة

sridina
11-05-2010, 19:47
_ اختي رانتي حدايا مبعيداش. المهم متخافيش غير ديريها اي الحنة او ديري الطريقة الي قلت ليك.
_ الف شكر للاخت اسراء ولجميع الاخوات على كلماتهم الطيبة ودلك ناتج على كرمكم و نبل اخلاقكم.احبكم في الله.
_ بالنسبة للاخت التي تحس بالحزن و الكئابة دائما.عمل تعملينه يجعلك مقربة من الله و في قمة السعادة و تقدمينه امام اي دعاء تطلبينه من الله و هو مجرب.

**ندى الورد**
11-05-2010, 20:03
ان شاء الله نديرها ونتهنى من شريان الصبايغ


ألف شكر على رحابة صدرك وتجاوبك

ام النورين
11-05-2010, 20:27
[quote=إسراء;1983247]اهلا وسهلا بكن اخواتي في الله كيف حالكن كيف حال صاحبة القلب الكبير اختنا لمياء(سريدينة) بارك الله لك في وقتك الذي تخصصينه لاخواتك في الله وتفيديهن وتمديهن بوصفاتك الرائعة بكل رحابة صدر كثر الله من امثالك.
اسال الله تعالى باسمائه الحسنى وصفاته العلى ان يشفي اختنا نهى شفاء تاما ويمن عليها بلباس الصحة والعافية ويبارك في عمرها ويقر عينها بزوجها وبناتها.
اللهم اسالك باسمك الاعظم الذي اذا دعيت به اجبت واذا سئلت به اعطيت ان تشفي قريبة اختنا الهاشمية وابنة اختنا ام علا واخت اختنا ام النورين واختنا نور الهدى شفاء لا يغدر سقما.
اللهم فك سحر اختنا في الله وعوضها خيرا وانك ولي ذلك والقادر عليه امين امين.[/qu

جزاك الله خيرا اختي اسراء على دعواتك الطيبة لكل الاخوات اللواتي محتاجات لدعواتنا ومن بينهم اختي
الله فرج هم كل مكروب واشف كل مريض ويسر امر كل محتاج اللهم انك الملك القدوس الحي السلام الكريم المجيب لدعوات عبادك
اللهم انك قلت ادعوني استجب لكم فاللهم استجب لدعئنا ويسر امر كل محتاج لك يا رحمن
اللهم اننا وقفنا ببابك ونعلم انه لا يخيب من يلجؤ اليك فلا تردنا خائبين يا كريم
امين

ام النورين
11-05-2010, 20:32
ايوا تنظن الاشهار جاب نتيجة اختي لمياء
اش ظهر ليك نكملو على الاشهار ديالنا او لا


اختي لمياء عندي طلب وتنتمنى تجاوبيني بنعم او لا
انا تنعرف 3 اشخاص مصابين بالسرطان واريد ان اعطي دواء السرطان لهم وليس عندي الاعشاب التي احتاجها للدواء فهل من الممكن ان ترسيليها لي واذا اردتي نكمل حديثنا على الخاص هذا اذا لم يكن عندك مانع
وحتى اذا لم تستطيعي بعثهم فانا اتفهم الامر
في انتظار جوابك وجزاك الله خيرا

sridina
11-05-2010, 20:41
_ اختي ام النورين انا بلفرحات علي نساعد اخواتي اللواتي يعانين من المرض.

dollly
11-05-2010, 20:53
اهلا وسهلا بكن اخواتي في الله كيف حالكن كيف حال صاحبة القلب الكبير اختنا لمياء(سريدينة) بارك الله لك في وقتك الذي تخصصينه لاخواتك في الله وتفيديهن وتمديهن بوصفاتك الرائعة بكل رحابة صدر كثر الله من امثالك.
اسال الله تعالى باسمائه الحسنى وصفاته العلى ان يشفي اختنا نهى شفاء تاما ويمن عليها بلباس الصحة والعافية ويبارك في عمرها ويقر عينها بزوجها وبناتها.
اللهم اسالك باسمك الاعظم الذي اذا دعيت به اجبت واذا سئلت به اعطيت ان تشفي قريبة اختنا الهاشمية وابنة اختنا ام علا واخت اختنا ام النورين واختنا نور الهدى شفاء لا يغدر سقما.
اللهم فك سحر اختنا في الله وعوضها خيرا وانك ولي ذلك والقادر عليه امين امين.

حسستيني واحد الاحساس جميل مثل اعمى يشوف نور ويفرح بيه حتى اهلي ما ييتسوقونيش منين كنت برى كانو نور يا نور ومنين تهلكت ومرضت حتى دعوات ما اسمع منهم قتلاتني غير عينين ناس
ولكن الله كريم
ربي يخليك ويعلي مقامك ويكثر من احبابك ويبعد الشر عنك الكريمة الله يزيد كرمك ويعلي مراتبك

dollly
11-05-2010, 20:56
اختي لمياء كيف حالك لاباس
انا وليت تنحشم منك ولكن سبحان الله ما لنا غيرك ههههه
مهم شريت تقريبا مقدار قبضة يد من الفاسوخ الابيض شحال تقريبا خصني دير ليه تاع زيت وشحال تقريبا يغلى فوق النار الله يسهل عليك وينور طريقك ولمكة يوديك

sridina
11-05-2010, 21:19
_شكرا اختي dolly.على كلما تك الطيبة وارجو من العلي القدير ان يشفيكي قريبا.انا غدي نسول مزال على شي حاجة تزيل التوكال نهائيا. اختي انا رهن الاشارة حنا هنا الحمد لله خوتات.سريدينة في خدمتكم.هههههه.اختي ديري كاس ونصف تاع الزيت المقدار الي يدوب فيه الفاسوخ.
_ اختي ام النورين والله الاشهار حتى دار مفعوله.غدي تنشهر فحال شومشة. هي شهيوات شومشة او انا وصفات سريدينة.هههههه

dollly
11-05-2010, 21:26
اختي راني رديتو
انا عندي شيطان الحسد قبح الله وجهه ومس عاشق ولكن الحمد لله على الابتلاء احبك في الله

sridina
11-05-2010, 21:50
-اختي الصلاة على النبي حققت معجزات باذن الله من شفاء من امراض خطيرة من فك الكروب و ازاحة المصائب.وانا جربتها شخصيا.ان تنعزلي في مكان وتصلي على رسول الله صلى الله عليه و سلم 10الاف او 20 او 30 الف مرة كل يوم (حسب استطاعتك ان استطعت تقولينها 30 الف مرة)على الاقل لمدة اسبوع.باي صيغة تريدين.فثاثيرها عجيب و عظيم.فالله سبحانه و تعالى امرنا باللصلاة على رسوله الكريم لما في ذلك من فوائد لنا.انا قلت "اللهم صلي على محمد وال محمد".صلوا يا بنات على الحبيب.

dollly
11-05-2010, 22:05
-اختي الصلاة على النبي حققت معجزات باذن الله من شفاء من امراض خطيرة من فك الكروب و ازاحة المصائب.وانا جربتها شخصيا.ان تنعزلي في مكان وتصلي على رسول الله صلى الله عليه و سلم 10الاف او 20 او 30 الف مرة كل يوم (حسب استطاعتك ان استطعت تقولينها 30 الف مرة)على الاقل لمدة اسبوع.باي صيغة تريدين.فثاثيرها عجيب و عظيم.فالله سبحانه و تعالى امرنا باللصلاة على رسوله الكريم لما في ذلك من فوائد لنا.انا قلت "اللهم صلي على محمد وال محمد".صلوا يا بنات على الحبيب.
ان شاء الله يا اختي غير تفوتني حق الشهر ونعملها للهم صلي على الحبيب وعلى اله وصحبه اجمعين

اللهم غفرانك
11-05-2010, 23:16
الله يجازيك بخير اختي
جعل الله هذا العمل في ميزان حسناتك

ام النورين
12-05-2010, 08:02
Llah ikhlik okht sridina radi nmchi nklb flmontada ounchouf wach nkdr nlka lwsfa llah irhm lik walidikou smhi liya 3la liz3aj


اختي ام اشرف هذا واحد الرابط ديال الاخت لمياء عن الدغموس
http://www.anaqamaghribia.com/vb/showthread.php?127155-%C7%E1%CF%DB%E3%E6%D3&p=1904943&highlight=#post1904943


وباقي ندور ليك على صفحة الوصفة او طريقة تنقية الرحم ان شاء الله


هاني رجعت بالزربة قبل ما يفوت وقت تعديل المشاركة
هذا هو رابط ديال وصفة تنقية الرحم
http://www.anaqamaghribia.com/vb/showthread.php?89328-%E1%DF%E1-%C7%E3%D1%C7%C9-%CA%DA%C7%E4%ED-%E3%E4-%C7%E1%D1%C7%C6%CD%C9-%C7%E1%DF%D1%ED%E5%C9-%E3%CC%E5%CF%C9-%DD%ED-%CF%E3-%C7%E1%CD%ED%D6-%E6-%C7%E1%DA%D1%DE&p=1120123&highlight=#post1120123


ايوا هانتي ما تبقاي ليا غير على خاطرك
غير شي دعيوات في ظهر الغيب ييسر الله الاحوال ويهدي االراجل لطريق الخير امين
وحتى انا غادي نستعملها ان شاء الله زيادة الخير خيرين
والشكر الجزيل للمياء هي اللي مبرعانا بالوصفات
ولكن دعوتي ليها بيني وبين ربي وفي اوقات الاستجابة :manga7::manga7::manga7:

ام النورين
12-05-2010, 08:37
البنات راني عيقت بزاف وليت تنحلم بهذ الصفحة ولكن ما تستغربوش لانني تندخل قبل منكم على بكري
لان هناك فارق التوقيت عادة 2 ساعات على حسب كاين اللي زاد ساعة في التوقيت الصيفي وكاين اللي لا
يعني ختكم تتفيق تتفطر الولد تتديه المدرسة تتوجد فطورها وتتجلس قدام الجهاز وتبدا تقرا الاضافات ديال الاخوات
الا ما كان هذا ادمان اش غاديين نسميوه
اما اشغال البيت وليت نخليها حتى لمن بعد وعاد الدار تنجمعها بالليل باش الصباح تكون نقية تندوز عليها غير شوية باش تبان نقية

الامومة الجميلة
12-05-2010, 09:25
سلام عليكم صراحة هاد صفحة مميزة او فيها استفادات كتيرة و تآزر بين المشتركات لله ايشافي كل مريض
اختي سريدينة عفاك بيتك تنفعيني الى عارفة شي دواء لحبوب لكينوض في لعين انا فيا حبوبة في جفن لتحتاني في عيني مشيت عند طبيب 3 مرات كيخرج ليا دواء بلا فائدة وقالي الى محيداتش خاصك تفتحيها وانا خفت من لفتيح.
عندي سؤال آخر : عندي اختي مريضة بمرض السرع او كتجيها حالات غريبة جدا مثل غيبوبة لمدة قصيرة 5دقائق .مخلينا فين دناها اطباء الدماغ اطباء الاعصاب،نفسانين دون نتيجة ،عملنا ليها رقية ، ولكن باقا مريضة غي دواء كيكلميها شوية او صافي.عفاك الى كنتي كتعرفي شي حاجة في هاد المجال نفعينا او كنشكرك بزاف على المجهود لكتقومي بيه

sridina
12-05-2010, 09:26
_اختي ام النورين صباح الخير. كيف داير الاحوال.الله يجازيك بخير على مجهودك لمساعدة ام اشرف.اختي انت ما شي في المغرب ياك.
الله يهديليك راجلك او يجعله من الصالحين يا ربي امين او يحفظليك وليداتك.
اختنا ليلى غبرات علينا اتمنى تكون بخير.
سلامي الحار جميع الاخواتomo achraf.dolly.............

ام النورين
12-05-2010, 09:49
صباح الانوار اختي لمياء
صباحك مبروك كيف صبحتي ان شاء الله تكوني بخير
اختي انا اسمي سميرة و انا من اللي خواو المغرب من مدة ولكن ما كانتش في الحسبان غير الاقدار وواش تتجيب
وبفعل فارق التوقيت تندخل بكري وتنقرا الاضافات ديال الاخوات
اختي الله يجازيك بخير على الدعوات ديالك لهلا يخطيك ويشد ليك في صحيحتك
اما مساعدة الاخوات فهذا واجب يكفي انك تتعبي نفسك وتجاوبينا الله يجعلو صدقة جارية بحول الله
وتنتمنى الاخت ام اشرف تستافد من الوصفة ويجيب ربي الشفاء
وانا كذلك غادي نستعملها لانني بصراحة كنت تنقوم بعمل مضر للصحة وهو انني تنغسل اثناء الحيض يعني تندوش كل نهار وهاذي عادة من الصغر لانني ما تنستحملش نفسي اثناء الحيض ولكن حاليا تعلمت انني نبقى نصبر بديت بنهار بنهار ووليت يومين حتى ولفت نبقى بلا تدواش حتى تسالي الدورة مع غسل موض النجاسة هذا هو السبب اللي جعلني نفكر في استعمال الوصفة

sridina
12-05-2010, 10:14
_ متشرفين اخت سميرة. انا الحمد لله هد الساعة بخير و على خير. فعلا يا اختي العوم وقت الحيض مضر للصحة.ولكن وصفة تنقية الرحم رائعة انا مجرباها.والله ينفع. ولفتي شوي في ديك لبلاد.
_وصفة المشتركة ديلي او ديال الاخت ليلى اكثر من رائعة.النتيجة فورية.والوجه يصبح مثل تاع الممثلات كي لمراية.
وصفة الخيار في المجمد زادت عليها اخت ليلى خيزو .اخت لياى كتبتاكر تبار الله عليها. جربتها.واعرة جربوها او ردو علي لخبار.
_ اختي ام النورين مبقيتيش هضرت في الموضوع ديال دون الناس الي مراض......

لازورد
12-05-2010, 10:22
السلام عليكم أنيقات
شخباركم ؟ إن شاء الله تكونوا بكل خير و أفضل حال

أختي لمياء بالنسبة لوصفة تنظيف الرحم اللي فيها الثوم ، أنا ضغطي ديما نازل
ومكنقدرش على الثوم حيت غير يلا شميت ريحتها كيزيد ينزل لي الضغط وندوخ
واش مكينش شي حاجة نزيدها عليها باش ميطيحش لي الطونسيون ؟

lamiaa_casa
12-05-2010, 10:23
صباح الخير عليكم
الاخوات لاباس عليكم؟انشاء الله تكونو بالف خير
الاخت سريدينة لاباس عليك؟
كايسلمو عليك الدار راه ولاوا كايعرفوك من كثرة مادويت ليهم عليك هههههههههههه
المهم عندي ليك 2 طلبات اليوم الله يخليك:
1 ) أختي عندها مشكل، دغيا كايضرها راسها، بمجرد ماكاتخلع او كاتعصب، حنا ماعرفناش اشنو المشكل، دوليبران عاطياه الدق و مع ذلك غي كايفوت التاثير ديالو كايعاود يضرها راسها
2) صديقتي عندها الزغب كثير فالوجه و غليظ كاتحيدو كاينوض ليها دغيا، وحلات معاه ولات دابا كاتخليه و كاتحاول درقو بالزيف، ولكن للأسف كايبقا باين
الا كان عندك شي وصفة عجيبة من الوصفات تاعك الله يرحم بيها الواليدين

ام لينة لحنينة
12-05-2010, 10:29
بوركت حبيبتي على الوصفة لكن زيت اللوز كينمي الشعر ونخاف تنوضلي اللحية هههههههههههه

ام النورين
12-05-2010, 11:01
_ متشرفين اخت سميرة. انا الحمد لله هد الساعة بخير و على خير. فعلا يا اختي العوم وقت الحيض مضر للصحة.ولكن وصفة تنقية الرحم رائعة انا مجرباها.والله ينفع. ولفتي شوي في ديك لبلاد.
_وصفة المشتركة ديلي او ديال الاخت ليلى اكثر من رائعة.النتيجة فورية.والوجه يصبح مثل تاع الممثلات كي لمراية.
وصفة الخيار في المجمد زادت عليها اخت ليلى خيزو .اخت لياى كتبتاكر تبار الله عليها. جربتها.واعرة جربوها او ردو علي لخبار.
_ اختي ام النورين مبقيتيش هضرت في الموضوع ديال دون الناس الي مراض......

لهلا يخطيك اختي لمياء ويطول لينا في عمرك اكيد الاستحمام خلال الدورة غير صحي ولكن هذي معلمو عرفتها مؤخرا وان شاء الله نجرب الوصفة ديالك
اما بالنسبة للولف فما كاين ما حسن من بلادنا كيما تيقولو اللهم قطران البلاد ولا لعسل البلدان ماتنحس بالراحة النفسية حتى تنجي للمغرب وكل حاجة تتجي حلوة وتنبقة تنشهى كلشي حتى من العضومة تنبقى نمصمص فيهم الراجل تيقول ليا تتحشميني داركم غادين يقولو ما عندنا ما ناكلو الحمد لله الخير موجود ولكن للاسف لا لذة ولا طعم حتى في شي مرات تندير شهيوات مغربية ولكن يكفي انه ما شي مع الجماعة واللمة والعائلة ما تيجيش نفس المذاق منين تنجي للمغرب تنتهلى في راسي والواليدة الله يطول عمرها ويشد ليها في الصحيحة كل نهار تتسولني اش تشهيتي اليوم واحد النهار قلت ليها انا بغيت غير البيصارة كلشي بقى تيضحك عليا ولاو مسمييني في الدار الجواعة ديال فرانسا وولادي مسميينهم الصوماليين
ههههههههههذه شوية المعلومات نشارككم بيها
بالنسبة للاعشاب اللي طلبت منك بالنسبة لدواء السرطان نتمنى نعرف كيفاش نتاصلو ببعض باش نهضرو في الموضوع لان في المنتدى ممكن يعتارضو على مثل هذ المسالة وان شاء الله يكون خير
تنستنى الرد ديالك
الاخت ليلى الله ييسر امرها ويشافيها عندها روح طيبة ومعنويات عالية وان شاء الله نجرب الوصفة ديال الخيار لانه ما كانت عندي وهنا ما تنلقاوهش دائما بالعكس عندنا غير الفكوس ديال النصارى ماشي بحال ديالنا
المهم تنحاولو نقضيو الغرض باللي عطى الله ولو انني كنت تنتمنى ندير الوصفات اللي في الحمام نساين شوية حتى نجي للمغرب وتلقايني كل نهار بخلطة حتى يجريو مالين الحمام ههههههههه
ايوا نخليك بلا منطول عليك بزاف وفي انتظار الجواب

**ندى الورد**
12-05-2010, 11:33
السلام عليكم

الله يسهل عليك يا أم النورين الى ما اعطيني الرابط ديال الوصفة ديال تنقية الرحم

راني حشمت نسول الغالية لمياء حاسة براسي كثرت عليها

والى ما عندكش الرابط اعطيني الوصفة والطريقة ديتالها الله يسهل عليك ويجعلك نور

ام النورين
12-05-2010, 11:38
اختي ندى الورد مرحبا بك اختي علاش تحشمي راك غادي تجيبيها غير في راسك واللي يسول ما يتلف
ما عليك غير ترجعي للصفحة 70 راني حطيت الرابط للاخت ام اشرف والله يسهل الامور
الاخت لمياء القلب الكبير والصدر الرحب والا لما كانت ساعدت الاخوات بنصائحها النيرة
الله يجعليها في كل خطوة اجر يا رب العالمين


واقيلة رجعت النائبة او المساعدة ديال الاخت لمياء هههههههههههههههه خدمة زوينة هذي

ام النورين
12-05-2010, 11:40
اختي نهى راني شايفاك داخلة للصفحة واخا تهربي حتى تعياي وراك والزمن طوييييييييل

**ندى الورد**
12-05-2010, 12:02
اختي ندى الورد مرحبا بك اختي علاش تحشمي راك غادي تجيبيها غير في راسك واللي يسول ما يتلف
ما عليك غير ترجعي للصفحة 70 راني حطيت الرابط للاخت ام اشرف والله يسهل الامور
الاخت لمياء القلب الكبير والصدر الرحب والا لما كانت ساعدت الاخوات بنصائحها النيرة
الله يجعليها في كل خطوة اجر يا رب العالمين


واقيلة رجعت النائبة او المساعدة ديال الاخت لمياء هههههههههههههههه خدمة زوينة هذي


راني عارفاها مولات القلب الكبير غير وكان حشمت نسولها على شي حاجة سبق قالتها والحمد لله الأخوات هنا حتى وحدة ما كتبخل على الأخرى

الله يسهل عليك ما صعاب ونولك اللي فبالك


ما فيها باس نوبو على بعضياتنا أالزين المهم هو المعلومة توصل

والله يجيبنا في الصواب ويعطي لكل واحدة ما بغات وكتمناه

noha212
12-05-2010, 12:05
اختي ام النورين سميرة توحشتك ملي تجي المغرب بلا ما تمشي المرسى اجي عند اختك نبرعك حوت لان راجلي خدام في هاد الميدان كما اني بلا شكير طباخة ماهرة لي تشهيتيها نطيبها لاختي من كل الاصناف لاني تربيت مع جداتي علماتني الطبخ الاصيل حتى طياب اليهود حشاك الله يقهرهم كيفما قاهرين خوتنا ولكن اختي طيابهم بنين المهم ماتخميش .الدعوة موجهة لاختي لمياء.الا كنتي في الخارج و ما كاينش الحمام شدي شوية ديال الخزامى و كيس من ليبتون و غليهم في قليل من الماء ثم خلطيه مع الحناء و الصابون البلدي الا ما عندكش دي صابون مارساي حكيه في الحكاكة الرقيقة و دهني لحمك في الدوش و اجي تفرجي غا يتسدو القوادس هههههههه.

**ندى الورد**
12-05-2010, 12:08
يا أم النورين راني حواليت بقراية الصفحات وما لقيتش الوصفة ربي لما كتبيها ليا

وسمحي ليا الى كثرت عليك

ام النورين
12-05-2010, 12:19
يا اختي ندى الورد انا حطيت الرابط في الصفحة 70 يعني في هاذ الملف ديال خلطات الجسم ووووو
ولكن طلبك رخيص ها الرابط وما يكون غير خاطرك

http://www.anaqamaghribia.com/vb/showthread.php?89328-%E1%DF%E1-%C7%E3%D1%C7%C9-%CA%DA%C7%E4%ED-%E3%E4-%C7%E1%D1%C7%C6%CD%C9-%C7%E1%DF%D1%ED%E5%C9-%E3%CC%E5%CF%C9-%DD%ED-%CF%E3-%C7%E1%CD%ED%D6-%E6-%C7%E1%DA%D1%DE&p=1120123&highlight=#post1120123

ام النورين
12-05-2010, 12:52
اختي ام النورين سميرة توحشتك ملي تجي المغرب بلا ما تمشي المرسى اجي عند اختك نبرعك حوت لان راجلي خدام في هاد الميدان كما اني بلا شكير طباخة ماهرة لي تشهيتيها نطيبها لاختي من كل الاصناف لاني تربيت مع جداتي علماتني الطبخ الاصيل حتى طياب اليهود حشاك الله يقهرهم كيفما قاهرين خوتنا ولكن اختي طيابهم بنين المهم ماتخميش .الدعوة موجهة لاختي لمياء.الا كنتي في الخارج و ما كاينش الحمام شدي شوية ديال الخزامى و كيس من ليبتون و غليهم في قليل من الماء ثم خلطيه مع الحناء و الصابون البلدي الا ما عندكش دي صابون مارساي حكيه في الحكاكة الرقيقة و دهني لحمك في الدوش و اجي تفرجي غا يتسدو القوادس هههههههه.

لهلا يخطيك الزين هذا يدل على اخلاقط الطيبة واصلك الكريم وجهك بالدنيا كلها ماشي الماكلة هي الهدف وحاجة اخرى نخاف الركل يهرب ويقولك منين جاتني هاذ الجواعةههههههههههه
تبارك الله عليك حتى انا تنبغي نتعلم الطبخ وهنا تعلمت وصفات فرنسية كثيرة وتنتفنن فيهم لان في بعض المرات تيكونو عاملن فيهم لحم الخنزير اعزكم الله وانا تنغير وفي مرة واحد الجارة كاورية وراتني واحد الكيش بالعدس تيجي روعة ولكن هما تيدورو معاه اطراف الخنزير وانا غيرت ودرت اطراف السلمون مدخن متتصوريش شحال عجبتها الوصفة ديالي على ديالها والتعلم ماشي عيب غير هو الانسان لازم يراعي المسائل للي تصلاح والللي لا
اما بالنسبة المنتوجات المغريبة فلا منعود ليك متنخلي حنا ولا عطرية ولا الصابون البلدي حتى من الجيكس تنجيبو معايا راه غير البلاصة ما تتنكفانيش كون راني نقل المغرب كلو ولو ان الناس تتعجبهم سلعة فرنسا او اروبا ولكن اختي سلعتنا اروع خاص غير المادة
ايوا بلامنطول عليكم راني لقيت معامن تنهضر هداك الشي علاش

ام النورين
12-05-2010, 12:55
وبالنبة للوصفة غادي نجربها غير هو البرد شوية ماشي بحال الحمام ولكن غادي نختارع حمام مغربي ههههههههه ديال الميكة باش تبقى تشد ليا السخونية
والا تسدو القوادس الرجل يجري عليا من الدار ههههههههههههههههه

noha212
12-05-2010, 13:35
اختي لمياء بغيت منك استشارة محرجة بعض الشئ اختي انا متزوجة مند 6 سنوات لم ارى فيها يوما حلوا سوى بناتي.دائما مشاكل علئ اتفه الاسباب السبب هو انه عندو ودينة وحدة اقرباؤه ناس ظالمين و ربي على ما اقول شهيد .واخا كيشوف راجلي الظلم لا يحرك ساكنا زيادة على دلك يؤنبني و يضع الحق علي رغم اني لا اتكلم ادا راى والدته لا تضحك يقول لي انت السبب حبابو واخا نعرض عليهم يجيو عندنا كيقولو ليه حسينا بيها ما بغاتناش.ملي كنولد حتى واحد ماكيجي عندي ملي مرضت بالسرطان جاو عندي باش يخيمو جايبين المايووات باش يعومو وكيقولو ليه حنى جينا باش نتساراو واش منك يا جلالب و عبايات و عرفتي شكو ليكيخدمهم امي ما حيلتها لبناتي ما حيلتها ليهم المهم المرض و الهم دابا محرر عليا العيشة على والو الاهانات و حتي الضرب الخفيف حيت خايف على راسو قالت لي جارتي طلقي تفوسيخة رغم اني ماكانامنش بهاد شي درتها فوق البوطة على طبسيل ديال الحديد ملي جا راجلي حدى البوطة شعلت العافية في تفوسيخة بشكل مخيف و بدات كتطرطق ان بعض الظن اثم ما بغيت نظلم حتى واحد ولكن لي زاد شكوكي هو انه واحد السيد كايجيهم فقيه. انا يا اختي ما بغيتش زوج محب انا بغيت اب لبناتو عارف يحترم امهم و يقدر ظرف مرضها و عيشة في الراحة.كما اني كنحس انهم كيحرشوه باش يتزوج عليا لانه ولات حديث الساعة باش يولد ولد دكر و كيقول ليا باش يستفزني انت ما لايقا لوالو سيري عند قبيلتك تهزك. ملي كنت كندير شيميو كانجي عيانة و كان عيد الفطر و في نفس الوقت عيد ميلادي قال ليا يخ كون غير متي لا زين لا دراع وزاد و خلاني و مشى لدارهم.يا اختي هادشي قليل لي عاودت ليك و لكن هاد الايام كيفما كيقولو الصبر تقادا.

ام النورين
12-05-2010, 13:45
اختي نهى واش وصلاتك رسالتي

noha212
12-05-2010, 14:03
نعم يا اختي لخاص ديالي كالاتي noha_lole ******** .com.و من بعد نتلاقاو على *********.ما قدرتش نصيفط ليك رسالة لاني لم اصل 400 مشاركة باقة جديدة في المجال ههههه

**ندى الورد**
12-05-2010, 14:14
يا اختي ندى الورد انا حطيت الرابط في الصفحة 70 يعني في هاذ الملف ديال خلطات الجسم ووووو
ولكن طلبك رخيص ها الرابط وما يكون غير خاطرك

http://www.anaqamaghribia.com/vb/showthread.php?89328-%E1%DF%E1-%C7%E3%D1%C7%C9-%CA%DA%C7%E4%ED-%E3%E4-%C7%E1%D1%C7%C6%CD%C9-%C7%E1%DF%D1%ED%E5%C9-%E3%CC%E5%CF%C9-%DD%ED-%CF%E3-%C7%E1%CD%ED%D6-%E6-%C7%E1%DA%D1%DE&p=1120123&highlight=#post1120123


الله يرحم ليك الوالدين

الوصفة بغيتها لاختي 6 سنوات زواج وباقي ما جاب الله الللي يونسها وراجلها تيحماق على الدراري

الف الف شكر

لهلا يخطيك

nadia111
12-05-2010, 14:16
جزاك الله خيرا وبارك الله فيك ونور الله وجهك دنيا واخرة

ام النورين
12-05-2010, 14:43
الله يرحم ليك الوالدين

الوصفة بغيتها لاختي 6 سنوات زواج وباقي ما جاب الله الللي يونسها وراجلها تيحماق على الدراري

الف الف شكر

لهلا يخطيك


اختي راه نفس الشئ بالسبة للاحت ديالي حتى هي تتحماق على الوليدات وراجلها جا فوقها وكلس
لهلا يحرم شي انسان من الدرية وان شاء الله نسموعو خبار زينة على كل اخت

ام النورين
12-05-2010, 14:47
نعم يا اختي لخاص ديالي كالاتي noha_lole ******** .com.و من بعد نتلاقاو على *********.ما قدرتش نصيفط ليك رسالة لاني لم اصل 400 مشاركة باقة جديدة في المجال ههههه


ايوا راني درت الاضافة فين مخبية ههههههه
ياكما تتوجدي ليا شي طبسيل ديال الحوت ههههههههههههه

nourdoja
12-05-2010, 14:50
سلام أخواتي
حتى أنا الوالد ديالي مريض عندو سرطان الكبد واش كاين شي علاج بمواد طبيعية
شكرا

ام النورين
12-05-2010, 15:11
سلام أخواتي
حتى أنا الوالد ديالي مريض عندو سرطان الكبد واش كاين شي علاج بمواد طبيعية
شكرا




هاهي اختي الوصفة ديال دواء السرطان

http://www.anaqamaghribia.com/vb/showthread.php?120300-%CF%E6%C7%C1-%C7%E1%D3%D1%D8%C7%E4-%C7%DF%ED%CF-%E6-%E3%CC%D1%C8.%C7%E4%CA%D9%D1%E6%E4%ED

الله يشافي الواليد ديالك طهور ان شاء الله وتنظن الاعشاب كلها معروفة وحتى الطريقة مبسطة في الشرح ولكن الا ما فهمتيش شي حاجة الاخوات كلنا هنا باش نمدو يد المساعدة
لكن ردي علينا الخبار منين تبدى تظهر النتيجة لان الاخت نهى قالت بان التحاليل عنده استقرت فكنتمناو كل اخت جربت الوصفة تخبرنا باش نفرحو معاها
الله ييسر الامور


واقيلة وليت النائبة الرسمية لسردينة والمتحدثة باسمها هههههههههه

badia1974
12-05-2010, 15:15
السلام عليكن
ختي سريدينة رانا دعيت معاكم الله يتقبل ومتنساونيش حتى انا من الدعاء
عافاك بغيت مبيض للبشرة الجافة لانني استعملت لفيه دقيق الدرة وماوافقنيش والله يجازيك الجنة
بديعة

ام النورين
12-05-2010, 15:49
ma3rftch achnou bach radi nbda wllah mahlit lwsfa glt blati hta nrd 3la oum nourin rah machakilna wahida hna li tan3ichou 3la bra ousmhi liya t3tlt bach nchkrk llah ikhli lik hadouk lhliwate dyalk, ana radi nkys nchouf wach 3ndi hadouk l3choub kif goulti rahna koun lkina koun jbna lmaghrib kamlou hhhh.oullah irhm lik lwadin.

اختي ام اشرف لهلا يخطيك وان شاء الله تلقاي الاعشاب وتستعملي الوصفة وتنظن انك تلقايهم في المارشيات العربية انا هنا تنلقى بزاف الحوايج من زيوت واعشاب الحمد لله ولكن تيكون الثمن ديلهم اغلى ثلاث او ارع مرات ثمن المغرب ولكن تنقضيو باللي عطى الله حتى تنمشيو للبلاد ونكيلو ونرجعو ههههههههههههههههههههه
غير باش نضحكك شوية والبنات حتى هما مشيت للمارشي وشفت واحد العربي تيبيع مسائل ديال البلاد من غاسول وصابون بلدي وشيتات ديال الشعر المدورين حيت انا تيعجبني نمشط بيهم لانهم رطبين منين شفت الثمن تخلعت لقيتو تيبيعهم ب 1,5 ارور اي ما يعادل 300 ريال مغربية وانا نهرب قلت واخا شعري ما نمشطو من العام للعام وما نشريهاش بهذ الثمن وعلى الغدايد منين مشيت للمغرب شريت 10 ديال الشيتات وخبيتهم ههههههههه

badia1974
12-05-2010, 15:55
_ متشرفين اخت سميرة. انا الحمد لله هد الساعة بخير و على خير. فعلا يا اختي العوم وقت الحيض مضر للصحة.ولكن وصفة تنقية الرحم رائعة انا مجرباها.والله ينفع. ولفتي شوي في ديك لبلاد.
_وصفة المشتركة ديلي او ديال الاخت ليلى اكثر من رائعة.النتيجة فورية.والوجه يصبح مثل تاع الممثلات كي لمراية.
وصفة الخيار في المجمد زادت عليها اخت ليلى خيزو .اخت لياى كتبتاكر تبار الله عليها. جربتها.واعرة جربوها او ردو علي لخبار.
_ اختي ام النورين مبقيتيش هضرت في الموضوع ديال دون الناس الي مراض......
لجات على خاطرك عطينا الوصفة ديال ديلي

لمياء79
12-05-2010, 15:56
اختي لمياء بغيت منك استشارة محرجة بعض الشئ اختي انا متزوجة مند 6 سنوات لم ارى فيها يوما حلوا سوى بناتي.دائما مشاكل علئ اتفه الاسباب السبب هو انه عندو ودينة وحدة اقرباؤه ناس ظالمين و ربي على ما اقول شهيد .واخا كيشوف راجلي الظلم لا يحرك ساكنا زيادة على دلك يؤنبني و يضع الحق علي رغم اني لا اتكلم ادا راى والدته لا تضحك يقول لي انت السبب حبابو واخا نعرض عليهم يجيو عندنا كيقولو ليه حسينا بيها ما بغاتناش.ملي كنولد حتى واحد ماكيجي عندي ملي مرضت بالسرطان جاو عندي باش يخيمو جايبين المايووات باش يعومو وكيقولو ليه حنى جينا باش نتساراو واش منك يا جلالب و عبايات و عرفتي شكو ليكيخدمهم امي ما حيلتها لبناتي ما حيلتها ليهم المهم المرض و الهم دابا محرر عليا العيشة على والو الاهانات و حتي الضرب الخفيف حيت خايف على راسو قالت لي جارتي طلقي تفوسيخة رغم اني ماكانامنش بهاد شي درتها فوق البوطة على طبسيل ديال الحديد ملي جا راجلي حدى البوطة شعلت العافية في تفوسيخة بشكل مخيف و بدات كتطرطق ان بعض الظن اثم ما بغيت نظلم حتى واحد ولكن لي زاد شكوكي هو انه واحد السيد كايجيهم فقيه. انا يا اختي ما بغيتش زوج محب انا بغيت اب لبناتو عارف يحترم امهم و يقدر ظرف مرضها و عيشة في الراحة.كما اني كنحس انهم كيحرشوه باش يتزوج عليا لانه ولات حديث الساعة باش يولد ولد دكر و كيقول ليا باش يستفزني انت ما لايقا لوالو سيري عند قبيلتك تهزك. ملي كنت كندير شيميو كانجي عيانة و كان عيد الفطر و في نفس الوقت عيد ميلادي قال ليا يخ كون غير متي لا زين لا دراع وزاد و خلاني و مشى لدارهم.يا اختي هادشي قليل لي عاودت ليك و لكن هاد الايام كيفما كيقولو الصبر تقادا.
حسبي الله ونعم الوكيل
الله يشافيك الحبيبة وترجعي احسن من كنتي
تهلاي فراسك وفبناتك
وهما الله يهديهم ويرطب قلوبهم

sridina
12-05-2010, 16:16
_اختي ام النورين الله يسر ليك امورك .ساعديني.انا كنجوب بعض الاخوات ولكن مكيتنشر الجواب .معرفتش المشكل فين.الف شكر ليك

ام النورين
12-05-2010, 16:19
لجات على خاطرك عطينا الوصفة ديال ديلي

اختي بديعة ما عليك غير ترجعي للصفحات الاولة را الاخت سريدينة كاتبة الوصفة والاخت نهى زادت عليها الجزر هذا كل ما في الامر
هي تتقصد الوصفة ديالي (اي سريدينة )وديال الاخت ليلى (noha212)

ام النورين
12-05-2010, 16:23
_اختي ام النورين الله يسر ليك امورك .ساعديني.انا كنجوب بعض الاخوات ولكن مكيتنشر الجواب .معرفتش المشكل فين.الف شكر ليك
ايوا راني قايمة بشغالي الزين غير وجدي الخلصة راه اخر الشهر قرب
رانا شفت بانك ما كايناش تنحاول نجاوب الاخوات وتنرجع للملف الشخصي ديالك ونخرج الوصفة من الجدر يعني مطابقة للاصل ههههههههه ولينا في المقاطعة ديال عين الشق هههههههههههه
ايوا كيف جيتك نكمل الخدمة ديالي ولا ننسحب نليق نكون متحدث رسمي باسمك
اجي نفتحو شي محل عطار ونبقاو نعطرو بجوج بينا هههههه

لمياء79
12-05-2010, 16:30
السلام عليكم ورحمة الله..
اختي لمياء شكرا لمجهوداتك الله يجعلها في ميزاان حسناتك
ادا كان ممكن بغيت شي وصفة لفقر الدم راه داير فينا حاااالة ولينا غير دايخين او كانطيحو ههههههههه...
تانيا بغيت شي وصفة فعااااااالة لتنحيييييف الكرررررششششش بلا ما نوصف لك حالتي معاها راني بحال بوصايحة :s5334: هههههههههه الهم كيضحك...انا مشي غليضة ولكن فيا غير الكرش...
ولك مني كل الشكر والحب والتقدييييير:s11903:

ام النورين
12-05-2010, 16:30
هانتي اختي بديعة هذي هي الوصفة

http://www.anaqamaghribia.com/vb/showthread.php?115090-%CE%E1%D8%C7%CA-%E1%E1%CC%D3%E3-%D1%C7%C6%CD%C9-%CF%C7%C6%E3%C9-%C7%E1%E6%CC%E5-%E3%D4%D1%DE-%C8%CF%E6%E4-%CA%CC%C7%DA%ED%CF-%E6%C7%E1%D4%DA%D1-%CD%D1%ED%D1

رانا عارفة باللي راكم معكازين شوية ناخدو فيكم الاجر ونساعد اختي لمياء لانني دابة وليت خدامة معاها رسمي وما عليكم غير ترجعو للصفحة لفوق

ايوا شكون بحالي غادي نولي عطار ههههههههههههههههههههههه

sridina
12-05-2010, 16:34
_ اختي ام النورين الله يزيدك نور على نور او يحفظك لينا يل ربي امين.
_ اختي ليلى اتصلي بي او ميكون غير الخير انشاء الله.

لمياء79
12-05-2010, 16:56
اختي سريدينة شي حد من الجيران راه كيقلي فالسردين ههههههه
واريحتك راها عاااااااااطية كتشهيييي هاهاهاهاهاهاهاهاهاهاهاها.....

sridina
12-05-2010, 16:58
_اختي لمياء بلغي سلامي لجميع افراد العائلة.
لصداع الراس كينين 2 عشبات
1 مرددوش ديري 40 غ مرددوش في لتر ماء مغلي او تغطيه او تخليه يطلق 10 دقائق.تشرب منه 4 كيسان في النهار. 2تديري 20 غ من فليو في لتر ماء مغلي و يطلق 10 دقائق.تشرب منه غير كاس. او تقدر تدير فليو في بانضا و تحزم بها راسها.
_ اختي لمياء الاخرى ريحتي عاطيا عند جيرانكم هههههه.
_ اختي salamo soso.للعين مكاين محسن من الثومة كتقتل الجراتيم و الفيروسات.ال جبرتي تكحلي بيها راها بزيانة وخ تحرق شوي تسنايني غدي نعطيك دواء للصرع

sophia04
12-05-2010, 17:48
اختي سريدينة أنا عضوة جديدة في المنتدى قريت جميع الوصفات الرائعة الا اتحفتينا بها الله يجعل ايامك كلها راحة وسعادة ويحقق ليك كل ما اتمنيتي
مشكلتي في شعري خفيف بزاف و دهني كيطيح ماعرفتش ماندير ليه قريت على الوصفة ديال اتاي والخزامة و معرفتش واش توافق شعري خصوصا انه دهني والا ما غسلتوش غير يومين كيولي حالة ارجوكي فيدي الا كانت شي وصفة تصلاح لشعري توقف التساقط و تقويه.
اتمنى ان يصلي جوابك في اقرب وقت.

لمياء79
12-05-2010, 17:50
اختي على دكر الاعشاب؟؟
انا كيعجبني نشرب اتاي غير بهم
يعني فليو ..سالمية..ازير..مرددوش..مانتا..زعيترة
شنو غادي نقولك كايجي واحد الكاااااس ممممممممم
ولكن هادي مدة وانا كنتمنى الحمل ادا جاب الله وحملت هاد العشوب ما يكونش عندهم شي تاتير عليه؟؟
السالمية يه سمعت راها ما تصلحشي ياااك؟؟
اما باقي الاعشاب ما عرفتشي...

sridina
12-05-2010, 17:57
اختي فوزية الى بغيتي دم الحيض تجيك بانتضام شربي دائما مرددوش.الى الحيض كتجيك بالوجع .ديري هد الطريقة ميبقاش يجيك لوجع نهائيا.اسبوع قبل الحيض كتبداي تستعمليها.20غ من مروت كتديريها في لتر ماء مغلي او تخليها تطلق 15 دقيقة او تصفيها..و كل يوم تشربي منها 2 كيسان.
_ اختي التي تعاني من الصرع .كتشدي 20 غ من اوراق لرنج بالفرنسيةbigaradier.كتديريهم في لتر من الماء مغلي او تخليها تطلق 10 دقائق ثم تصفيها او تشرب منها 4 كيسان في اليوم.الله يشافيها.

dollly
12-05-2010, 18:02
اختي لمياء بغيت منك استشارة محرجة بعض الشئ اختي انا متزوجة مند 6 سنوات لم ارى فيها يوما حلوا سوى بناتي.دائما مشاكل علئ اتفه الاسباب السبب هو انه عندو ودينة وحدة اقرباؤه ناس ظالمين و ربي على ما اقول شهيد .واخا كيشوف راجلي الظلم لا يحرك ساكنا زيادة على دلك يؤنبني و يضع الحق علي رغم اني لا اتكلم ادا راى والدته لا تضحك يقول لي انت السبب حبابو واخا نعرض عليهم يجيو عندنا كيقولو ليه حسينا بيها ما بغاتناش.ملي كنولد حتى واحد ماكيجي عندي ملي مرضت بالسرطان جاو عندي باش يخيمو جايبين المايووات باش يعومو وكيقولو ليه حنى جينا باش نتساراو واش منك يا جلالب و عبايات و عرفتي شكو ليكيخدمهم امي ما حيلتها لبناتي ما حيلتها ليهم المهم المرض و الهم دابا محرر عليا العيشة على والو الاهانات و حتي الضرب الخفيف حيت خايف على راسو قالت لي جارتي طلقي تفوسيخة رغم اني ماكانامنش بهاد شي درتها فوق البوطة على طبسيل ديال الحديد ملي جا راجلي حدى البوطة شعلت العافية في تفوسيخة بشكل مخيف و بدات كتطرطق ان بعض الظن اثم ما بغيت نظلم حتى واحد ولكن لي زاد شكوكي هو انه واحد السيد كايجيهم فقيه. انا يا اختي ما بغيتش زوج محب انا بغيت اب لبناتو عارف يحترم امهم و يقدر ظرف مرضها و عيشة في الراحة.كما اني كنحس انهم كيحرشوه باش يتزوج عليا لانه ولات حديث الساعة باش يولد ولد دكر و كيقول ليا باش يستفزني انت ما لايقا لوالو سيري عند قبيلتك تهزك. ملي كنت كندير شيميو كانجي عيانة و كان عيد الفطر و في نفس الوقت عيد ميلادي قال ليا يخ كون غير متي لا زين لا دراع وزاد و خلاني و مشى لدارهم.يا اختي هادشي قليل لي عاودت ليك و لكن هاد الايام كيفما كيقولو الصبر تقادا.
فرج الله همك انا ضفتك عندي ايميلي سميتو انا نور انا بغيت نقوليك شي حاجة

dollly
12-05-2010, 18:16
السلام عليكم
كيف حالكم الغاليات كيف حالك سردينة توحشتك بزاف راخ ريحة فاسوخ تعطعط في راسي كتحمقققققققققققققق هههههههههههههههههههههههههه
لهلا يخطيك علينا
ام نورين ما شاء الله عليك ضحكتيني راكي قايمة بالواجب ما شاء الله
اوى ليوم الاربعاء متنسونيييييييييييييييييش
مح عليكم لهلا يخطيكم علي

sridina
12-05-2010, 18:17
_ اختي لمياء الى جاب الله او حملتي حبسي لعشوب نهائيا.لا ادوية لا عشوب
_ بالنسبة للوصفة تاع الصرع تشربها وخ كتشرب دواء تاع طبيب هي اضافة.
_ اختيdolly.فوسختي شعرك.ههههههههههه

ام النورين
12-05-2010, 18:21
السلام عليكم
كيف حالكم الغاليات كيف حالك سردينة توحشتك بزاف راخ ريحة فاسوخ تعطعط في راسي كتحمقققققققققققققق هههههههههههههههههههههههههه
لهلا يخطيك علينا
ام نورين ما شاء الله عليك ضحكتيني راكي قايمة بالواجب ما شاء الله
اوى ليوم الاربعاء متنسونيييييييييييييييييش
مح عليكم لهلا يخطيكم علي

الله يودي ختك في الدمة راني تنوب على لمياء منين تتغيب او تتوقع ليها عارف في العمل (العطار ) لان هذي هي حرفتنا الجديدة
وبكل فخر يسعدنا نقدمو المساعدة للاخوات احم احم
ايوا البنات سريدينة راها ما عندهاش الوقت بزاف اللي عندها شي سؤال تتفضل باش تجاوب عليكم ما حدها داخلة واللي ما تلقاش الوصفة تقولي نعطيها الرابط هههههههه
ما تخافيش اسريدينة راني كنساين الاجوبة

ام النورين
12-05-2010, 18:22
وبطبيعة الحال اليوم راها نوبتك اختي دولي ان شاء الله الدعاء الليلة ومن بعد للاخت اللي بنتها مريضة
على فكرة فين غبرات ما بقينا شفناها
الله يسمعنا عليها خير

dollly
12-05-2010, 18:27
ربي يخليك اختي ام نورين وينور عليك راه نورالهدى تحبك في الله والله يجازيك تانا تندعي معاكم الله لا يحرمنا منكم يا رب خير اخوة التي جرمت منها سنين

ام النورين
12-05-2010, 18:38
ربي يخليك اختي ام نورين وينور عليك راه نورالهدى تحبك في الله والله يجازيك تانا تندعي معاكم الله لا يحرمنا منكم يا رب خير اخوة التي جرمت منها سنين

اختي الله يخليك راه ربي اللي عالم راه حنا هنايا خواتات اهم شئ اننا تتجمعنا الاخوة في الله والحب لله وما اعظمه
اما بالنسبة للابتلاء فكل واحد ما نخصوص غير كل واحد وكيف نزل عليه الله البلاء ومنين تنشوفو بلاء الناس تيصغار في عينينا بلائنا الله ييسر امر كل اخت
احبكم في الله جميعا اخواتي ولهلا يحرمنا من هذ التجمع اللي مخلينا تنحسو بالدفئ العائلي اللي الكثير محروم منو

dollly
12-05-2010, 18:53
سبحان الله ناس لديهم عائلة ولطنها بعيدة عليه ويحس بغربة وهو وسط اهله وناس حرمتهم الغربة من دفء العائلة والله الحياة كتضحك

sridina
12-05-2010, 19:13
_ ليوم ضرني راسي حيث كنصصح لفروض تاع تلاميذ.او بالي معاكم. ولكن اختي العزيزة ام النورين قايم بالواجب و اكثر.بلا بيك يا اختي منجمش. الله يسترك دنيا و اخرة. في الواقع خصني انا وياك نديرو مشروع تاع لعشوب.ههههههههههه

dollly
12-05-2010, 19:17
عليك بواحد الكاس ديال لويزة الالة لمياء ولا بابونج راه تيريح بزززززززاف

sridina
12-05-2010, 19:25
- وخ اختيdolly.غدي نديرو دب .محتاجة نشرب شي حاجة. انتم نساء رائعات بكل ما في الكلمة من معنى.الله يحفظكم من كل شر.

badia1974
12-05-2010, 19:26
هانتي اختي بديعة هذي هي الوصفة

http://www.anaqamaghribia.com/vb/showthread.php?115090-%CE%E1%D8%C7%CA-%E1%E1%CC%D3%E3-%D1%C7%C6%CD%C9-%CF%C7%C6%E3%C9-%C7%E1%E6%CC%E5-%E3%D4%D1%DE-%C8%CF%E6%E4-%CA%CC%C7%DA%ED%CF-%E6%C7%E1%D4%DA%D1-%CD%D1%ED%D1

رانا عارفة باللي راكم معكازين شوية ناخدو فيكم الاجر ونساعد اختي لمياء لانني دابة وليت خدامة معاها رسمي وما عليكم غير ترجعو للصفحة لفوق

ايوا شكون بحالي غادي نولي عطار ههههههههههههههههههههههه

الله يجازيك بخير ولكن بشرتي جافة ولمياء حدرتني من هاد الوصفة

badia1974
12-05-2010, 19:35
الله يجازيك بخير ولكن بشرتي جافة ولمياء حدرتني من هاد الوصفة
عافاك اسريدينة عطيني شي مبيض للبشرة الجافة راه درت لفيه دقيق الدرة والعسل ..............وما وافقنيش عافاك جاوبيني

لمياء79
12-05-2010, 19:46
الذين يشاهدون الموضوع الآن: 15 (12 من الأعضاء و 3 زائر)
لمياء79 (http://www.anaqamaghribia.com/vb/member.php?62392-لمياء79)
badia1974 (http://www.anaqamaghribia.com/vb/member.php?40839-badia1974)
diyae l9amar (http://www.anaqamaghribia.com/vb/member.php?38778-diyae-l9amar)
dollly (http://www.anaqamaghribia.com/vb/member.php?65338-dollly)
ياسمينةالصغيرة (http://www.anaqamaghribia.com/vb/member.php?48618-ياسمينةالصغيرة)
jokanda20 (http://www.anaqamaghribia.com/vb/member.php?53650-jokanda20)
masinisa (http://www.anaqamaghribia.com/vb/member.php?58337-masinisa)
nivine05 (http://www.anaqamaghribia.com/vb/member.php?32262-nivine05)
oum-anass (http://www.anaqamaghribia.com/vb/member.php?46973-oum-anass)
sondos afifi (http://www.anaqamaghribia.com/vb/member.php?43256-sondos-afifi)
علية88 (http://www.anaqamaghribia.com/vb/member.php?23198-علية88)
فتيحة15 (http://www.anaqamaghribia.com/vb/member.php?14765-فتيحة15)
تبارك الله عليكم مرحبا بكم عند اختكم لمياء-سريدينة-
اوا المياء نوض صاوبي للناس شي براد ديال اتاي منعنع...
اوا صافي ادا كنت كشغولة انا نقوم بالواجب عليك .....
انت غير جاوبيهم على داك الشي لي بغاو
اوا تفضلو ما تحشموش هههههههه :s4912: نزيدكم :s4596:مازال سخونة ههههه

dollly
12-05-2010, 21:49
هههههههههههههههههههههههههههههههههههه
لقينا اخت للاستقبال هههههههه
اوى اللالة لمياء خمسة وخمامس

لازورد
12-05-2010, 22:42
السلام عليكم

أختي dolly حيدي حظر الرسائل الخاصة راني بغيت نرسل ليك رسالة

هاشمية
12-05-2010, 22:46
السلام عليكم ورحمة الله وبركاته
شكرا لك غاليتي اسراء على دعواتك لقريبتي;لك مني كل الحب و الود

dollly
12-05-2010, 22:53
السلام عليكم

أختي dolly حيدي حظر الرسائل الخاصة راني بغيت نرسل ليك رسالة
اختي وريني كفاش عفاك

لازورد
12-05-2010, 23:03
اختي وريني كفاش عفاك

دخلي لوحة التحكم
سيري على اليمين غدي تلقاي لائحة
اختاري منها : الخيارات العامة
غدي تعطيك واحد الصفحة فيها مجموعة ديال الخيارات
نزلي حتى تلقاي خدمة الرسائل
تحتها كاين خيارين
ديري علامة فخانة : الرسائل الخاصة متاحة
ونزلي لتحت فآخر الصفحة كليكي على حفظ التغييرات وصافي

خديجة عبدو
13-05-2010, 00:04
بغيت اختي شي وصفة لتسمين الوجه الله يجازيك

dollly
13-05-2010, 00:30
دخلي لوحة التحكم
سيري على اليمين غدي تلقاي لائحة
اختاري منها : الخيارات العامة
غدي تعطيك واحد الصفحة فيها مجموعة ديال الخيارات
نزلي حتى تلقاي خدمة الرسائل
تحتها كاين خيارين
ديري علامة فخانة : الرسائل الخاصة متاحة
ونزلي لتحت فآخر الصفحة كليكي على حفظ التغييرات وصافي

اختي غير سكتي حالة مشات لي لكونكسيون دابة بش رجعات راني درت داكشي لي قلتلي تنتسناك

anna77
13-05-2010, 00:37
اختي سريدينة الله يجازيك كل خير عنا والله يكثر من أمثالك حبيبة هنا غبرت حتى تعلمت نكتب بالعربية كيفم طلبت عند بزاف الأسئلة ولكن ماما هي الأولى مشات اليوم عند الطبيب دلبرودة وقاليه عندك هشاشة العضام وخصك دير واحد لبرة جديدة كدار مرة فالعام كدير 4000 درهم او قلت نسولك واش عندك شي وصفة الله يجازيك بخيرحيت خفن منه حينة باق جديدة

ام النورين
13-05-2010, 08:36
تبارك الله عليكم الاخوات
الجو فيه انسجام بزاف الله يدومها جمعية في الله
اختي سردينة حتى انا رسلت ليك رسالة خاصة ولكنك ما تتستقبليش الرسائل انتظر تحيدي الحضر
اختي دوللي تم الدعاء وبلا ما نزيد لانها دعوات في ظهر الغيب غير قلت لك باش ما تقوليش نسيتك الله ييسر امرك
اختي ليلى فين غبرتي
البارح مت بالفقصة كان ضغط كثير على المنتدى وكانت الصفحة تتمشي ليا وما تتبغيش تفتح تفقصت ومشيت نعست
هذا ما كاين
صباحكم مبروك

lamiaa_casa
13-05-2010, 08:56
تبارك الله عليكم الاخوات
الجو فيه انسجام بزاف الله يدومها جمعية في الله
اختي سردينة حتى انا رسلت ليك رسالة خاصة ولكنك ما تتستقبليش الرسائل انتظر تحيدي الحضر
اختي دوللي تم الدعاء وبلا ما نزيد لانها دعوات في ظهر الغيب غير قلت لك باش ما تقوليش نسيتك الله ييسر امرك
اختي ليلى فين غبرتي
البارح مت بالفقصة كان ضغط كثير على المنتدى وكانت الصفحة تتمشي ليا وما تتبغيش تفتح تفقصت ومشيت نعست
هذا ما كاين
صباحكم مبروك
الأخت ام النورين الله يعطيك الصحة راكي خدامة مع الشعب ههههههههههه
صباحك مبروك وراكي حاضرة تبارك الله من الصباح

sridina
13-05-2010, 09:08
_ اختي ليلى تسنيتك البارح.ولكن لا حس و لا خبر.
اختي غدي نقول ليك بان الطلاق مشي حل.انا ضد الطلاق و خصوصا الى كانو الوليدات.مخصكش تفكري كزوجة ولاكن كام كتحمي وليداتها من العقد الي ممكن تتكون عندهم من هد الطلاق.
_الى كان هد المشاكل سببها سحر فشيء اخر هدا.خصنا نشوفو كيفاش نبطل هد السحر.
_اما انا فكرتي عن الزواج.هو ان المراة هي التي تقود السفينة دائما .هي التي بذكائها و دبلوماسيتها تعرف كيف تسير امورها وتحافظ على اسرتها.كل رجل عندو(code pin et puk).المراة خصها دائما تبحث عنه الى لقاتو هد الكود تاع راجلها كترتاح مع راسها دائما.يعني دائما يجب ان ابحث عن كل ما يرضي زوجك و اعمليه وهو سيكون عبدا لك.
المهم راجلك كيعيرك كيضربك ضرب خفيف .الراجل بعد كيتصرف هكدا كتعرفيه باغي ان تهتمي به.باغي يشوف امراته كما يحب هو ان يراها.كون مبقاش يبغيك اومك يهتم بيك كون كعم يهضرك او يكون معاك.كون راه ديما غابر.المهم منقول ليك هو خيب او انت مزيانة الا كل واحد منكم مسؤول.كل الواحد خصو يراجع نفسو.
في حالة يكون غضبان او كيعير مخصكش تجوبيه حتى يبرد للراسو وهو غدي يجي يهضر معاك بوحدو.
بالنسبة لعائلته معمركي تعيري او تقول اي شيء على عائلته وخ تشوفي بعينيك.سكتي او قولي الله يعمر الدار.
الى ج لدارو او جلس مكيهضرش حتارمي الصمت ديالو حتى يبدا يهضر هو.
المهم اختي المراة هي المسؤولة الاولى عن نجاح زواجها.لان قوة الرجل في جسده و قوة المراة في ذكائها.
انا لن اقول لك اختي انت ضحية مسكينة بل اقول لك انت قوية و ذكية و تقدري تغيري حياتك مع زوجك للاحسن.
الى كان راجلك كيسمع او كيثيق في كلام ناس اخرين غيرك.كم قلتي ودين وحدة.دلك ناتج عن انك خلتي فجوة كبيرة بينك او بينو.كنت كنتي كتقربي منه دائما غدي يسمعك انت ميسمعش الاخرين و خ يكونو اهله.
اختي انا كنعتبر اختي اواحبك في الله.انا هضرت معاك بكل صراحة.لا تكثري الكلام عن حياتك و كوني انسانة عملية.لا تقولي اني ضحية.قولي انا انسانة قوية و ساغير في حياتي و اغير زوجي للاحسن.وستنجحين.او منبقاش نقول اش قال لي و لكن نقول علاش كيقول لي هدا لكلام.ونعرف اش ضرو مني.
اسمحي لي ادا كلامي لم يعجبك.

lamiaa_casa
13-05-2010, 09:20
ايوا تنظن الاشهار جاب نتيجة اختي لمياء
اش ظهر ليك نكملو على الاشهار ديالنا او لا


اختي لمياء عندي طلب وتنتمنى تجاوبيني بنعم او لا
انا تنعرف 3 اشخاص مصابين بالسرطان واريد ان اعطي دواء السرطان لهم وليس عندي الاعشاب التي احتاجها للدواء فهل من الممكن ان ترسيليها لي واذا اردتي نكمل حديثنا على الخاص هذا اذا لم يكن عندك مانع
وحتى اذا لم تستطيعي بعثهم فانا اتفهم الامر
في انتظار جوابك وجزاك الله خيرا
اختي ام النورين انا مستعدة نصيفط ليك اللي بغيتي العطارة حدانا ماكاينين غي هما والله ماكاين حتى شي مشكل

sridina
13-05-2010, 09:42
_ اختي ام النورين كتنورين كل صباح بكلامك الزين.صفي ولفناك.الى مصبحناش عليك يكون نهار ناقص.صباحك مبروك الحبيبة.كيف الاحوال.انا هد الصباح غدي نمشي للخدمة او نرجع دغيا.

ام النورين
13-05-2010, 09:47
انا كنتستاك الحبيبة وكيف العادة المتحدث الرسمي باسم سريدينة حاضر
راني طلة في الكوزينة وطلة على الجهاز مرة نطلع نجمع الغرف ومرة نهبط نشوف الاجوبة يعني دايرين فيا الحماس
ومنها رياضة ومنها نصائح وفائدة مع الاخوات
لهلا يخطيكم عليا امين
اختي سيري لخدمتك الله يسر امرك ويسهل هليك ما صعاب في رعاية الرحمن
راني باقا غادي نرجع نكتب را هذي غير خطفة هههههههه

ام النورين
13-05-2010, 09:55
اختي ام النورين انا مستعدة نصيفط ليك اللي بغيتي العطارة حدانا ماكاينين غي هما والله ماكاين حتى شي مشكل


لهلا يخطيك الزين نشوف مع لمياء ونرد عليك ان شاء الله والاجر لله
لانني تيعز عليا نشوف ناس تيتمحنو وبالاخص الا كانو باقين عاد في بداية الحياة ديالو وعلاش لا نساعدوهم الا كان في الاستطاعة
الله يكتبها لنا صدقة جارية غدا امام الله

**ندى الورد**
13-05-2010, 09:55
صباحكم مبارك ونهاركم سعيد باذن الرحمن



تبارك الله على الناطق الرسمي الله يحفظو ويرعاه

واختي لمياء راني كتبت الدعاء ديال الصباح ومعولة ان شاء الله نكبرو ونعلقو على الباب ديال بيت النعاس باش ما ننساهش فاش نكون زربانة للخدمة

الله يسهل امورك

ام النورين
13-05-2010, 09:58
الأخت ام النورين الله يعطيك الصحة راكي خدامة مع الشعب ههههههههههه
صباحك مبروك وراكي حاضرة تبارك الله من الصباح


لهلا يخطيك الزين ايوا ماشي في الاتحاد قوة والموضوع ديالنا غادي يزدهم بالتعاون والرابط والانسجام اللي فيه وهذا كياكد حب الخير اللي موجود في كل انسان بالفطرة
الله يعينا ونساعدو كل انسان محتاج للمساعدة انا اختي ما تندير والو غير تنوجه الاخوات لرابط الموضوع او السؤال اللي تيبحثو عليه ولكن العمل كلو ديال لمياء الله يرزقها البركة في الوقت وييسر امرها يا رب

بنت باشا
13-05-2010, 10:01
غادي نجرب الوصفات ونخبركم بالنتيجة

**ندى الورد**
13-05-2010, 10:01
آمييييييييييييييييييييييييييييييييين يا ام النورين الله يعطيها ما بغات

وحتى انت ألزين راكي عندك نفس الأجر ياك الدال على الخير كفاعله

لازورد
13-05-2010, 10:10
أختي لمياء سولتك على وصفة تنظيف الرحم شنو نقدر نزيد معاها
باش ميطيحش لي الطونسيون ، حيت الثومة كتطيحو لي يلا غير شميتها
و ما جاوبتينيش ، عافاك أختي راني محتاجاها
ويلا عندك شي وصفة بديلة كتعطي نفس المفعول عتقيني بيها.

sophia04
13-05-2010, 10:49
اختي سريدينة سبق وطلبت منك وصفة خاصة لشعري و ناكد انا شعري دهني وخفيف بزاف و معرفتش واش وصفة اتاي و الخزامة غتوافقني ولا لا الله يوفقك كان نتسنى ردك

أمة الكريم
13-05-2010, 11:23
السلام عليكم و رحمة الله و بركاته
الله يجازيكم أخواتي بخير ،أختي لمياء أو أم النورين ممكن تساعدوني فين نلقى دواء السرطان ،قلبت الصفحات ومعرفتش فين نلقاه،واحد الجارة ديالنا عندها سرطان الثدي الله يعافينا ويشافي جميع مرضي المسلمين.جعل الله هذا الموضوع في ميزان حسناتك .

ام النورين
13-05-2010, 11:37
انتظريني انا راجعة بسرعة البرق

ام النورين
13-05-2010, 11:42
ها هي الزين ديالي الله يجيب الشفاء

http://www.anaqamaghribia.com/vb/sho...D9%D1%E6%E4%ED (http://www.anaqamaghribia.com/showthread.php?120300-%CF%E6%C7%C1-%C7%E1%D3%D1%D8%C7%E4-%C7%DF%ED%CF-%E6-%E3%CC%D1%C8.%C7%E4%CA%D9%D1%E6%E4%ED)

sridina
13-05-2010, 11:47
احتي الي باغ تدير وصفة تنقية الرحم او خايف لان ضغطها منحفظ.
ديري الوصفة او شربي موراها مباشرة.ازير+خزامة+عرق سوس.الي كتكوني دايراهم في ماء مغلي او مغطياهم 10 دقاءق باش يطلقو.هد الوصفة تقوم برفع الضغط وتوازنه.
اختي الي جلدت شعرك دهنية.كتاخدي كاس من خل التفاح كتديريه في لتر من الماء تشللي بها شعرك 3 مرات في اليوم.يزيل الدهون وكذلك القشرة و الفطريات
لهشاشة العظامكتشدي قشور البيض كتكرميهم 3 او 4 ايام في الشمس ثم تطحنيهم مزيان اما تخلطيهم مع العسل او تاكليه او سلطات او اي شيء اخر.او تدير بيضة بقشورها في كاس الحامض او تخليه ليلة كاملة في الصباح تلوح البيضة غدي تكون قشرتها دابت في العصير او تشرب. العصير الي بقا.هدو غنيين بالكلسيوم.كشرة البيضة جد غنية بالكالسيوم المفيد للعظام.والله يشافيها .

هاشمية
13-05-2010, 11:50
السلام عليكم ورحمة الله وبركاته
صافي ا ختي لمياء و سميرة_سريدينة;ام النورين_نسيتوني ;الى نتومة خدامين مع سيدات المنتدى;انا راه عندي لخدمى مع نساء خارج المنتدى_service exterieur_
الي لقيتها تنقوليها فلعشية ولا غدا نجيبليك واحد الوصفة ديال واحد الاخت الله اعمرها دار
الردود دياوك تيضحكوني يا ام النورين;الله اخليك ديما فرحانة
اختي لمياء_سريدينة_راك ديما في القلب
اختي نور الهدى راه ديما تندعي معاك غير بقاي دعي معايا
اختي لمياء 79بالصحة ا الراحة الخدمة ديال الاستقبال

sridina
13-05-2010, 11:52
_ اختي ام النورين قلت ليك انا مستعدة لمساعدة الناس الي كيعانيو من المرض.يا اختي خليت رقمي رهن الاشارة.المهم يا اختي نبقا نتواصل معاك انتي غير قولي لي اش نعملو واخ.والله انت انسانة كل خير الله يسر ليك امورك.
_ اختي معرفتش كيفاش نقرا رسالتك.وخ هاكاك مكنعرفش بزاف في هد الشيء

هاشمية
13-05-2010, 11:59
اختي__ خديجة عبدو__ لتسمين الوجه ديري هذه الوصفة راها مجربة:::الخميرة دوبيها في الحليب اكون دافي اشربيها على الريق;من بعد ساعة افطري لمدة 20 يوم غدي اوليو لحنيكات باينين

sridina
13-05-2010, 12:01
_ اختي لفقر الدم كتشري رابعة الصوجا تغسليها مزيان او ترقديها في الماء ليلة كاملة.ثم كنصفيوها من الماء ونترك الماء جانبا.كتديري في المولينكس كاس تاع الصوجا مع 2 كيسان من الماء المصفى او كتطحنيها بعد كتكملي كلشي كتغليها 10 دقائق على النار.ثم تصفيها او تدخليها للثلاجة كل صباح تسخني شوي او تشربيه.هده الوصفة مديريهاش للراجل او المراة الحامل.الله يشافي يا اختي.
_بشرتك جافة ديري حليب نيدو مخلط مع حليب سانطرال سائل او خليه حتى يبس او غسليه

ام النورين
13-05-2010, 12:04
_ اختي ام النورين قلت ليك انا مستعدة لمساعدة الناس الي كيعانيو من المرض.يا اختي خليت رقمي رهن الاشارة.المهم يا اختي نبقا نتواصل معاك انتي غير قولي لي اش نعملو واخ.والله انت انسانة كل خير الله يسر ليك امورك.
_ اختي معرفتش كيفاش نقرا رسالتك.وخ هاكاك مكنعرفش بزاف في هد الشيء
الزين ديالي هذا ايمايلي للتواصل باش نقربو المسافات والا كاين شي استفسار يكون اسرع

يمنع وضع الإيميلات على العام
(sal_sabil72@h.fr)

mouna222
13-05-2010, 12:18
بارك الله فيك اختي سريدينة عاى المجهودات التي تبدليها للاجابة على استفساراتنا
http://www.anaqamaghribia.com/up//uploads/images/anaqamaghribiaacd407ace9.gif (http://www.anaqamaghribia.com/up//uploads/images/anaqamaghribiaacd407ace9.gif)

omnia24
13-05-2010, 12:20
بارك الله فيكِ اختي سريدينه وفي جميع الاخوات
تبارك الله عليكن
ديما تنجي نقرا الجديد في الموضوع وماشاء الله الوصفات كلها مزيانة
وجو الموضوع كله الفة وود
الله يخليكن ديما مجموعات على الخير

lamiaa_casa
13-05-2010, 12:40
_ اختي ليلى تسنيتك البارح.ولكن لا حس و لا خبر.
اختي غدي نقول ليك بان الطلاق مشي حل.انا ضد الطلاق و خصوصا الى كانو الوليدات.مخصكش تفكري كزوجة ولاكن كام كتحمي وليداتها من العقد الي ممكن تتكون عندهم من هد الطلاق.
.........................................
كلام جميل كلام معقول ماقدرش اقول حاجة عنو
اختي سريدينة الله يكملك بعقلك والله حتى كلامك معقول
انا شايفة شحال من حالة ديال الطلاق بالاولاد، والله حتى الاولاد تايعانيو مزيان ودايما تايحسو بالنقص، وحتى الامرأة كذلك ماكاتسلمش من كلام الناس، اللهم صبري كيفما كايقولو المصريين ظل راجل ولا ظل حيطة
شتي واخا يتزوج الراجل على المرة ويكونو عندها الاولاد تصبر'الله ينجيك اختي ليلى'
فإن الله مع الصابرين

dollly
13-05-2010, 13:13
تبارك الله عليكم الاخوات
الجو فيه انسجام بزاف الله يدومها جمعية في الله
اختي سردينة حتى انا رسلت ليك رسالة خاصة ولكنك ما تتستقبليش الرسائل انتظر تحيدي الحضر
اختي دوللي تم الدعاء وبلا ما نزيد لانها دعوات في ظهر الغيب غير قلت لك باش ما تقوليش نسيتك الله ييسر امرك
اختي ليلى فين غبرتي
البارح مت بالفقصة كان ضغط كثير على المنتدى وكانت الصفحة تتمشي ليا وما تتبغيش تفتح تفقصت ومشيت نعست
هذا ما كاين
صباحكم مبروك
الله يحفظك اختي وييسر لك امورك وينور حياتك

dollly
13-05-2010, 13:32
السلام عليكم ورحمة الله وبركاته
صافي ا ختي لمياء و سميرة_سريدينة;ام النورين_نسيتوني ;الى نتومة خدامين مع سيدات المنتدى;انا راه عندي لخدمى مع نساء خارج المنتدى_service exterieur_
الي لقيتها تنقوليها فلعشية ولا غدا نجيبليك واحد الوصفة ديال واحد الاخت الله اعمرها دار
الردود دياوك تيضحكوني يا ام النورين;الله اخليك ديما فرحانة
اختي لمياء_سريدينة_راك ديما في القلب
اختي نور الهدى راه ديما تندعي معاك غير بقاي دعي معايا
اختي لمياء 79بالصحة ا الراحة الخدمة ديال الاستقبال
ربي يخليك ويصلح امورك يا رب

هاشمية
13-05-2010, 13:38
اميييين الحبيبة نور الهدى;لينا كاملين اختي
ربي يخليك ويصلح امورك يا رب

dollly
13-05-2010, 13:40
اختي سردينة كصبحتي اليوم الله يقويك ويعطيك الصحة

dollly
13-05-2010, 13:47
اختي سردينة كصبحتي اليوم الله يقويك ويعطيك الصحة

sophia04
13-05-2010, 13:48
شكرا على جوابك بخصوص الجلدة الدهنية و لكن ما عرفتش واش الخلطة ديال اتاي توافق شعري و لا لا

dollly
13-05-2010, 14:53
شكرا على جوابك بخصوص الجلدة الدهنية و لكن ما عرفتش واش الخلطة ديال اتاي توافق شعري و لا لا

اختي تنظن توافقك حيث وحدة نشفات ليها شعرها

أمة الكريم
13-05-2010, 14:54
ها هي الزين ديالي الله يجيب الشفاء

http://www.anaqamaghribia.com/vb/sho...D9%D1%E6%E4%ED (http://www.anaqamaghribia.com/showthread.php?120300-%CF%E6%C7%C1-%C7%E1%D3%D1%D8%C7%E4-%C7%DF%ED%CF-%E6-%E3%CC%D1%C8.%C7%E4%CA%D9%D1%E6%E4%ED)

أختي أم النورين راني مالقيتش الوصفة في الرابط (الرابط فيه وصفة ديال الحرشة)،سمحلي الله يرحم الوالدين.

dollly
13-05-2010, 15:20
بنسبة لي عندها هشاشة العظام راه كاينة واحد الوصفة زوينة وتتصلاح تال حرارة ديال ميني بوز
رابعة صوجة رابعة ايلان رابعة حمص رابعة كركاع يحمر ويطحن بحال سلو معلقة قبل ماكلة فطور وغذاء وعشاء

ليدي فاطوم
13-05-2010, 15:49
اختيnoha212 الله يشافيك و يعافيك و يشدلك في الصحة باش تربي بنياتك و تشوفي ان شاء الله وليداتهم يترباو قدامك ان شاء الله و اللهم تعالى يبعد عليك المشاكل و يريح بالك اللهم امين..قلبي معاك اختي و ان شاء الله نزيدك في دعواتي اللهم تعالى يجعلها مقبولة ان شاء الله..الله ينصرك على حسادك

ام النورين
13-05-2010, 15:55
أختي أم النورين راني مالقيتش الوصفة في الرابط (الرابط فيه وصفة ديال الحرشة)،سمحلي الله يرحم الوالدين.


اختي غير سمحي ليا هذا الرابط الصحhttp://www.anaqamaghribia.com/vb/showthread.php?120300-%CF%E6%C7%C1-%C7%E1%D3%D1%D8%C7%E4-%C7%DF%ED%CF-%E6-%E3%CC%D1%C8.%C7%E4%CA%D9%D1%E6%E4%ED&p=1805145&highlight=#post1805145

lamiaa_casa
13-05-2010, 16:14
اختي غير سمحي ليا هذا الرابط الصحhttp://www.anaqamaghribia.com/vb/showthread.php?120300-%CF%E6%C7%C1-%C7%E1%D3%D1%D8%C7%E4-%C7%DF%ED%CF-%E6-%E3%CC%D1%C8.%C7%E4%CA%D9%D1%E6%E4%ED&p=1805145&highlight=#post1805145

السلام عليكم
اختي ام النورين دوقيني شويا من الحرشة هههههههههههههههه

أمة الكريم
13-05-2010, 16:16
أختي أم النورين الله يجازيك بخير على المساعدة الله ينور ليك طريقك و يعطيك مانويتي في خاطرك.
الله يجازي الأخت لمياء خير الجزاء عن هذه الوصفات ويثقل بها ميزانك إنشاء الله.

lamiaa_casa
13-05-2010, 16:18
اختي سريدينة مابقيتيش عطيتيني الوصفة ديال ازالة الشعر من الوجه كنت طلبتها منك او قلت ليك صاحبتي كاينوض فيها الزغب ضغيا فالوجه منين تاتحيدو
والله يرحم الوالدين و يعطيك ماتمنيتي

asmae marmouk
13-05-2010, 16:26
معلومات http://www.anaqamaghribia.com/images/smilies/1/82.gifhttp://www.anaqamaghribia.com/images/smilies/1/82.gifhttp://www.anaqamaghribia.com/images/smilies/1/82.gifمهمة ووصفات رائعة. الله يجعلها في ميزان حسناتك.

خديجة عبدو
13-05-2010, 17:01
شكرا بزاف اختي هاشمية على وصفة تسمين الوجه والله ينور ايامك
.غير بغيت نسولك يمكن تكون قاصية ملي كتشربيها حنا الخميرة والفين كنكلوها فالخبز وهدي مطيباش ياك معندها شي تاثير.سمحيلي بارك الله فيك



http://thumbs.bc.jncdn.com/0334994ab6affbcab9421a3a64039bbd_lm.jpg

خديجة عبدو
13-05-2010, 17:10
الله يحفضكم لي عنذها هذ الزيوت ..زيت القمح وزيت الحلبة..تنزل لينا صور ذيال الزيوت
حيت خفت نشريهم ويكونوا مغشوشين وشكرا



http://thumbs.bc.jncdn.com/0334994ab6affbcab9421a3a64039bbd_lm.jpg

sophia04
13-05-2010, 17:13
اختي الله يجازيك بخير و يبيض وجهك كنعاني من constipation من مدة طويلة وما خليت ما درت وما لقيت حتى حل كرشي ديما منفوخة و عاطياني الصداع مرات كتويلي بحال البالونة كناخد غير ملينات مرة مرة الله يخليك اغلى ما عندك الا عندك شي حل عتقيني بيه

dollly
13-05-2010, 17:45
اختي بنسبة لزيت الحلبة نصحك تصوبيه راسك
تاخدي حلبة مدقوقة وضيفي ليها زيت العافية وتحطيها بشمس لمدة عشرة ايام وكل ساعة ترجيها وهو صار عندك زيت الحلبة اما بنسبة للزيت الثاني راه موجود نتمنة نكون فدتك

lamiaa_casa
13-05-2010, 17:47
اختي الله يجازيك بخير و يبيض وجهك كنعاني من constipation من مدة طويلة وما خليت ما درت وما لقيت حتى حل كرشي ديما منفوخة و عاطياني الصداع مرات كتويلي بحال البالونة كناخد غير ملينات مرة مرة الله يخليك اغلى ما عندك الا عندك شي حل عتقيني بيه

الإسهال ساهل شربي كاس تاع اتاي سخون تبعيه كاس تاع الما بارد ويكون الخير هههههههههههههههههههههههههه
أختي غي كانضحك معاك
والله هادconstipation ديما فييا ولات كاتجيني حالة عادية، والمشكل هاد اليامات فييا la fissure d'anale
مانعاودش ليك آشنو طاري فييا
كانبغي نقولها ليها ساعة كاتجي شي حاجة مستعجلة كانسبقها و ماكانبغيش نقوي عليها
اختي سريدينة عتقينا الله ينجيك

sridina
13-05-2010, 18:11
ها هي اختكم سريدينة جاءت على بساط الريح لتنقد اخواتها بوصفات للقضاء على القبط.ههههههههههه
كيلو برقوق يابس تغسليه او تطيبيه في لتر من الماء.ثم تطحنيه بماءه او تشربي كل نهار كاس على الريق.
عصير باربا مع الليمون +بيضة خضرة.طحني كولشي اوشربي
عطيت وصفة تاع شريحة في الزيت العود تا هي بزيانة بزاف.
حمري النخالة او ديريها في كاس تاع دانون او فطري بها

sridina
13-05-2010, 18:13
_ اختي ليلى اش اخبارك فين هد لغبور

dollly
13-05-2010, 18:15
وصفة جربتها ومفيدة جيبي وراق الباربا وعمليها على طريقة الخبيزة بس بورا باربا ومعدنوووووووووووووووووووووس كثير لانو تيسهل وربطة قزبر وتبعيها مع الغداء والعشاء ولكن وصي يكتبو ممنوع احد يذخل طواليت غيرك هههههههههههههههه

ام النورين
13-05-2010, 18:25
انا عندي ليكم دواء ساهل وفي متناول الجميع
ما عليكم غير بالورد
الورد عشبة شريه من عند العطار وديري الماء يغلي وديري قايس ملعقة دايل الورد حتى تطلق وشربيها
زيدي عليها السكر باش تقدري تبلعي
وشوفي النتيجة
ولكن شربي وما تكتريش بزاف
لانه تيدير الاسهال
وهذا عن تجربة
واللي عنها شي تساؤل ما كاين موشكيل

ام النورين
13-05-2010, 19:30
السلام عليكم البنات
غير سمحوليا
اليوم ما درتش الناطق الرسمي
خديت عطلة هههههه
المهم بغيت نقول ليكم واحد الحاجة وانا بنفسي ما رديتش ليها البال غير الراجل عندي حنزاز وهو يسولني

انا استعملت الوصفة ديال تطويل الشعر اللي قالت ليا عليها الاخت لمياء وهي درهم زنجلان ودرهم الخزامة ودرهم الحبة السوداء انا درت عيني ميزاني
المهم وتخلطيهم مع زيت العود يعني زيت الزيتون وخليتها ترقد مدة اسبوع ومرة مرة تنحركها ( هذي من عندي )
لمياء قالت تستعمليها مباشرة
وعاد انا رقرقت بيها شعري وخليتو يومين والريحة روعة
والنتيجة جد رائعة وباقي نستعملها الاسبوع الماجي لان الراجل كاس في الدار حتى ليوم الاتنين يعني ما بغيتوش يشوفني بالزيوفة بحا امي العكوز ههههههههه نهار كامل

المهم قبل هذا انا كنت دايرة ليميش ومنين درت الخلطة ليميش طارو ما بقاش حسهم ( الحمد لله انني كنت قنعت منهم وكنت تنقلب نحيدهم )
ومع هذا انا مرديتش ليهم البال
غير الحنزاز ديال راجلي هو اللي سولني
قال لي مشيتي عند الكوافورة قلتو لا علاش قالي شعرك مغير ما بقاش كيف ما كان وانا نمشي تنجري لمراية عاد رديت البال بان لون شعري رجع لطبيعتو

ايوا زيدو على ترطاب وتطويل وتقوية الشهر لهذ الوصفة كذلك تطير ليميش وتترجع الشعر للونو الاصلي
ما حدنا زايدين في الدنيا وحنا تنلقاو الاكتشافات


وهذي وصفة تصلح للاخت اللي تتقول شعرها رقيق
masinisa (http://www.anaqamaghribia.com/member.php?58337-masinisa)

masinisa
13-05-2010, 19:35
alah yardi 3lik khti om nourayn,oynawlak matmaniti,oykhalilak rajlak

هاشمية
13-05-2010, 19:41
لحبيبة _خديجة عبدو__ معندك علاش تخافي من لخميرة;راه في مصر وجدوا انها تالداوي السرطان;ولعلمك اختي راه الى دوبتيها في كاس ماء و يعصر عليها نصف حامضة و تترك مغطات ليلة كاملة تم تشرب على الريق لمدة 15 يوم الى شهر تزيد من نشاط الشعر و تنقي الوجه من الكلف و تزيل التجاعيد
يالله ا للا هنا عطييتك وصفة اخرى;بالحق بالصحة و الراحة
منين اتنفخوا الخديدات ردي عليا لخبار

aachiqato aljna
13-05-2010, 20:10
اشكرك على جميع الوصفات ارجوك اختى اريد وصفة لتضيق المهبل لان هدا الامر خالق ليا مشكل مع زوجيي الله ااجازيك بكلخير

خديجة عبدو
13-05-2010, 22:02
كنشكرك اختي الهاشمية الله يعطيك متمنيتي فهد الدنيا .سمحيلي ياك مكتغلظ كل الجسم راه انا بغيت غي الوجه حيت انا الجسم ديالي براكا عليه معندو الله يرزق غي الصحة والسلامة
الله ينور ايامك الحبيبة

dollly
13-05-2010, 22:06
لازورد راني ضفتك في ايميلي فينك

لازورد
13-05-2010, 22:09
لازورد راني ضفتك في ايميلي فينك

ما وصلنيش طلب الإضافة أختي
أنا عندي الياهو بوان كوم

لازورد
13-05-2010, 22:11
أختي لمياء جزاك الله الخير كله و رزقك الفردوس الأعلى

أم النورين و هاشمية ، شكرا جزيلا لكما

sridina
13-05-2010, 22:37
_ اختي ام النورين قتلتيني بالضحك الله يزيدك جمال و جمال.الحمد لله الي الوصفة وافقت ليك شعرك.
بالنسبة للاخوات الف شكر على دعيواتكم لي.انا الي عندي نقولو ليكم .باغا نفع راسي او الناس.شتي الي عندو اي علم الي ينفع بيه اخوه او كتمو عليه سوف يلجمه الله تعالى يوم القيامة بلجام من النار.وانا مكرهتش تكونو اكثر جمالا و تالقا. بعض النساء الله يهديهم كتعطيني شي و صفة او تقول لي متقوليش لتحد.فحال الي الوصفات غدي نديوهم معانا لقبورنا.الله يستر و يهدي بنادم.

هاشمية
13-05-2010, 22:46
اختي _خديجة عبدو_ هي بصح تتغلض و لكن اختي راه تتصاوب الوجه;بغيت نقوليك واحد الشئ:بقاي ديما ديري حركات دائرية لخدودك و خصوصا قبل الاكل
اختي __لازود__ الله اجازيك بالخير
اختي لمياء _سريدينة_ ياك مكاين حتى شي مشكل الى جاوبنى شي اختت?

صحراوية أصيلة
13-05-2010, 22:57
السلام عليكم
كيف حالكم خواتي نتمنى تكونوا فأحسن الاحوال
تحية أخوية خاصة للأخت سردينة على المجهودات الجبارة الله يبارك فيك ان شاء الله

أختي والدتي مريضة عندها ضيق فالتنفس فين تكون كاعدة كتكون عادية غير تتحرك تشدها نهجة وماتبقاش تقدر تتحرك فين مشات عند الدكتور الاول قالها عندك البرد ولعروق ديال الرية تقفلوا بالبرد ومشات لإسبانيا بعد وقالوا لها عندك البرد قديم وخرجوا لها دواء ولكن مانفعها ومؤخرا مشات للدكتور فأكادير وقالها ضربك البرد وكون لك فيروس فالرئة وبأن نصف ديال ريتها مبقاش وخرج لها دواء ونفعها شوي فالاول وابة رجع لها نفس الشي
الله يرحم والديك ويبلغك مابغيتي الي كنتي تعرفي شي وصفة ماتبخلي عليا راه ماعندي فهذي الدنيا غير أمي الله يخلي ليكم جميعا أمهاتكم ويطول فعمرهم
راه كنحانيك بفارغ الصبر هذا إيميلي راسليني عليه حيت ماكندخل بزاف بسبب ظروف العمل
يمنع وضع الإيميلات على العام

صحراوية أصيلة
13-05-2010, 23:02
********

صحراوية أصيلة
13-05-2010, 23:02
هوتميل

masinisa
13-05-2010, 23:27
alah yardi 3lik khti sridina ,ga3 majawabtini 3la as2ilti

خديجة عبدو
14-05-2010, 00:21
الله يشافي ختك اختي صحراوية اصيلة ةالله يخليها ليك ويخلي لينا مواتنا وباواتنا اميييييييييييييييييييييييين .
شكرا اختي هاشمية الله يحفظك الحركات الدائرية كانديرهم شكرا بزاف

mouna222
14-05-2010, 09:40
السلام عليكم
كيف حالكم خواتي نتمنى تكونوا فأحسن الاحوال
تحية أخوية خاصة للأخت سردينة على المجهودات الجبارة الله يبارك فيك ان شاء الله

أختي والدتي مريضة عندها ضيق فالتنفس فين تكون كاعدة كتكون عادية غير تتحرك تشدها نهجة وماتبقاش تقدر تتحرك فين مشات عند الدكتور الاول قالها عندك البرد ولعروق ديال الرية تقفلوا بالبرد ومشات لإسبانيا بعد وقالوا لها عندك البرد قديم وخرجوا لها دواء ولكن مانفعها ومؤخرا مشات للدكتور فأكادير وقالها ضربك البرد وكون لك فيروس فالرئة وبأن نصف ديال ريتها مبقاش وخرج لها دواء ونفعها شوي فالاول وابة رجع لها نفس الشي
الله يرحم والديك ويبلغك مابغيتي الي كنتي تعرفي شي وصفة ماتبخلي عليا راه ماعندي فهذي الدنيا غير أمي الله يخلي ليكم جميعا أمهاتكم ويطول فعمرهم
راه كنحانيك بفارغ الصبر هذا إيميلي راسليني عليه حيت ماكندخل بزاف بسبب ظروف العمل
يمنع وضع الإيميلات على العام



السلام عليكم
اختي كنت لقيت هده الوصفة في انت و قيدتها كنتمنى تنفعك

كنت اعاني من التهاب رئوي حاد مدة26 سنة.دمرتني حقن الكورتيكويد.وزادت من وزني .هده المدة لم اكن اعرف فيها النوم ولا الراحة.السعال دائما والاختناق .تسمع من فمي اصواتا مخيفة .الى ان جاء امر الله وعملت وصفة لمرة واحدة فقط .وضعت حدا لمعاناتي وهي .تاخد كاس حليب بارد ونعمل فيه 3فصوص ثوم محكوكة ونخليها مغطية لمدة 4 ساعات.بعد هده المدة يعني قبل النوم اسخن الحليب لمرحلة الغليان مع الثوم وبعد دلك اصفيه من الثوم واظيف اليه ملعقة صغيرة من الزنجبيل المدقوق اليابس مع ملعقتان من العسل واخلط المزيج جيدا واشربه ساخنا واتغطى جيدا.حتى وان عطشت لا تشرب ماءا باردا .ضع الماء الدافىء في طرموس واشرب عند الضرورة.وبعد 3ساعات تعرضت لسعال قوي فخرج من فمي خيوط من الدم .ومن تلك اللحظة.انا بالف خير انام والبعب الرياضة واطلع السلالم ولا اعاني من الزكام ولا السعال.والحمد لله على نعمه.لا تياسوا من رحمة الله.

كنتمنى الشفاء لولدتك و قولي لها تدعي معايا بالدرية الصالحة

sridina
14-05-2010, 09:40
_اختي الصحراوية الله يشافي ليك الوالدة ديالك او يحفظه ليك يا ربي امين.راه هم بش مستورين في هد الدنية.
اختي اعطيت وصفة قبل ديال البرودة و الحساسية الي فيها زريعت البصلة او تقنديشت.....راها مزيانة بزاف.
_كل يوم اعطيها تشرب ازير او سكينجبير.هم من اهم الاعشاب الي كيقتلو الفيروسات في الجسم او كينظفوه من السموم. ه
هدي وصفة لتقوية المناعة في الجسم.
نصف كيلو تاع الحامض كتعصريه
كتشدي اوراق الحامض وقشور الحامض الي عصرتي كتغسليهم مزيان.كتعمليهم يغلاو مزيان في لتر من الماء حتى يولي ربع لتر .
تشدي داك ربع لتر تاع الماء المغلي فيه قشور الليمون او وراقو .او تزيدي عليه عصير الحامض الي عصرت قبل.و كل يوم كتشرب كاس منه.هد الوصفة كتقوي المناعة في الجسم لدرجة كبيرة جدا.الى لقيتي حامض الي ممدويش فدلك يكون احسن.والله يشافيها

lamiaa_casa
14-05-2010, 09:42
صباح الخير عليكم
شكرا اختي سريدينة على الوصفة الله يرحم ليك الوالدين
اختي ماعطيتينيش الوصفة اللي قلت ليك، صاحبتي قلقلات ليا راسي

lamiaa_casa
14-05-2010, 09:44
الأخت ام النورين ماكايناش موالفة كاتكون هاد الوقيتة
نتمنى تكوني اختي ام النورين في احسن حال

sridina
14-05-2010, 09:45
_ اختي الهاشمية اختي ام النورين واختي نور الهدى شكرا على المساعدة بلا بكم منجمش.الله يسر ليكم اموركم او يجعلكم من اهل الجنة يا ربي امين

mouna222
14-05-2010, 10:19
نسيت اختي مقلتش ليك ان الثوم يخفف الضغط يعني الا كان عندها الضغط هابط تقدر تسبب لها شي مشكل الله يستر

لازورد
14-05-2010, 10:21
السلام عليكم أنيقات المغرب

sridina ـ أم النورين ـ هاشمية ـ نور الهدى

أسعد الله صباحاتكن و مساءاتكن وسائر أوقاتكن
لا تنسين قراءة سورة الكهف اليوم و الصلاة على النبي و الإلحاح في الدعاء

الأخت noha212 غبرات ، ياك ما كين باس ؟ نتمنى تكون بحال أفضل إن شاء الله
الأخت صحراوية أصلية ، الله يشافي والدتك ويعافيها
و يشافي كل مريضة ومريض من أمة سيدنا محمد عليه الصلاة و السلام ، و يلبسهم ثوب الصحة و العافية
اللهم أعط كل سائل بالخير سؤله ، و رد لكل مريض عافيته ، و احفظ جميع إمائك و عبادك من كل سوء ومكروه

aachiqato aljna
14-05-2010, 11:11
بسم الله الرحمن الرحيمالسلام عليكم ورحمة الله وبركاته اشكركم اخواتي العزيزات الله ايشافي كل مريض و يفك ضيق كل مبتلي ارجوكم اخواتي اريد وصفة لتضيق المهبل لانه خالق ليا مشكل مع زوجي و جزاكم الله عني كل خير.

sridina
14-05-2010, 12:08
بسم الله الرحمن الرحيمالسلام عليكم ورحمة الله وبركاته اشكركم اخواتي العزيزات الله ايشافي كل مريض و يفك ضيق كل مبتلي ارجوكم اخواتي اريد وصفة لتضيق المهبل لانه خالق ليا مشكل مع زوجي و جزاكم الله عني كل خير.
اختي بداي توضاي بام الناس مخلطة مع الملح في ماء دافئ.

noha212
14-05-2010, 12:15
اختي عاشقة الجنة
الوصفة عطاتهاالاخت لمياء و هي الوضوء بماء مغلى به الزعتر ونضيف قليل من الملح ثم شدي حجرة من ام الناس ودقيها ضيفي عليها ماء مغلى و خليتيه حتى دفى ثم 2 معالق كبار ديتول واحتفضي بالخليط في قرعة في الحمام و بداء تمسحي منطقة الفرج و الله جربتها وليت ناشفة و الفرازات قليلة و رائحتها منعدمة
ونزيدك وصفة اخرى كنت كنديرها ملي كنولد.وهي تاخدي الخزامة و ازير و دباغ وتغليهم والبخار ديريه تحت منك و غطي الاناء و سيري تنعسي في الصباح توضاي بالماء لي في الاناء من بعد ما دفيه وتصفيه.
نتمنى نكون افدتك .لمياء راني نائبة عليك اليوم

noha212
14-05-2010, 12:16
انت هنا يا زين ديالي توحشتك غير البنيات لي داوني عليكم.