المساعد الشخصي الرقمي

مشاهدة النسخة كاملة : صورة مريوت



*ferdaous*
16-04-2010, 16:23
السلام عليكم ورحمة الله وبركاته

أخواتي أنا الأيام الأخيرة عانيت من شوية القشرة اللي ما كنتحاملش معاها بتاتا. المهم بقيت نقلب هنا و لهيه فالمنتدى و لقيت 3 الحاجات. الأولى وصفة الأخت rita اللي في هذا الرابط

http://www.anaqamaghribia.com/vb/showthread.php?t=114163

الصراحة باينة مزيانة و لكن ختكم ما عندهاش مع ريحة الثومة. ملي شفت هادي ما غاديش نديرها وانا ندوز لحاجة اخرى و اللي هي بيتادين الأحمر كانت ذكراتو واحد الأخت هنا كنطن هي ففرنسا و نفعها. الصراحة غسلت بيه 2 مرات فغسلة وحدة يعني درتو و عاودت فنفس الغسلة و كندلك بيدي الجلدة مزيان واخا راه كينشف الشعر خاص ولابد الديميلور باش تسرحيه. المهم لاحظت نتيجة مزيانة و ما بقاتش فيا القشرة بزاف و ملي نكمل القرعة نتمنى تحيد ليا بمرة. و لاحظت حتى أن القشرة ما كتبقاش اذا تغسل الشعر 2 مرات فالسيمانة. و الوصفة الثالثة هي هادي نقلتها من واحد الموضوع و هو جواب الأخت أم حفصة الله يجازيها بخير. حتى هي استعملتها أي أني فالتشليلة الأخيرة شققت الجلدة و شللت بالماء اللي غليت فيه نبتة المريوت. ها هو الرد تاعها


البنات.........كيف دايرين.المهم انا جبت ليكم الحل الاكيد و مجرب بزززززززااااااااااااف للقضاء على القشرة ............العام اللي فايت عدباتني مع بنتي ولى ليها شعرها كلو قشرة و هاديك القشرة الغليضة القاسحة..........جات عندي خالتي من العروبية و قالت لي ندير ليها ...................المروت......منقولش ليكم دقة ببطلة ونحمد الله تعالى............تتاخدي المروت تتغلليه مزيان و منين تغسلي اخر حاجة تشللي بيها شعرك هي ماء المروت.........اقسم بالله العلي العظيم و متسالوني حلوف الى جوج مرات فقط اللي درتها لبنتي و بحالة كنت تنكدب................اوا جربو و ردو علي الخبار........

و ها هو رابط الموضوع باش ترجعو ليه

http://www.anaqamaghribia.com/vb/showthread.php?t=123993


ايوا هذا ما كان و ها هي صورة مريوت لقطتها قبل يومين من لخلا اللي حدانا

http://img696.imageshack.us/img696/4116/38176900.jpg

نتمنى نكون فدتكم

mounia de taza
16-04-2010, 17:35
مشكورة اختي على النصايح

الجنان
16-04-2010, 17:38
جزاك الله كل خير على مجهودك اختي

*ferdaous*
16-04-2010, 20:00
مشكورة اختي على النصايح

العفو أختي

مرحبا


جزاك الله كل خير على مجهودك اختي

آمين

و أنت من أهل الجزاء أختي

المحسنة
16-04-2010, 20:05
مشكوووووور والله يعطيك الف عافيه

omama
17-04-2010, 12:29
مشكوووووور والله يعطيك الف عافيه

*ferdaous*
17-04-2010, 17:25
العفو أخواتي

نسمة المحبة
17-04-2010, 17:29
مشكوووووور والله يعطيك الف عافيه
بالنسبة للمروت اختي راها مزيانةللقشرة تهنيك منها
كانت في اختي تبغتها مدة و الحمد لله

*ferdaous*
18-04-2010, 08:12
مشكوووووور والله يعطيك الف عافيه
بالنسبة للمروت اختي راها مزيانةللقشرة تهنيك منها
كانت في اختي تبغتها مدة و الحمد لله

حمستيني نستمر عليها أختي

بارك الله فيك