المساعد الشخصي الرقمي

مشاهدة النسخة كاملة : تجمع تلميذات التانية باكالوريا علمية ==> يدا بيد من أجل مستقبل زاهر



الصفحات : [1] 2

youssra-bac
07-09-2010, 00:39
السلام عليكم و رحمة الله تعالى و بركاته
في باديء الامر اتقدم بالشكر الجزيل لهذا المنتدى الرائع الذي زرع في قلوبنا العطاء من اجل الرقي بمستوانا في كل المجالات
هذا اول موضوع لي و قد ارتايت ان يكون مجمعا لتلميذات الباكالوريا لمساندة بعضهم البعض لتخطي هاته المرحلة التي تعتبر قنطرة عبور نحو مستقبل زاهر بالنجاح
اتمنى ان تكون هاته الصفحة ملتقى و متنفسا لنا نعبر فيه عما يختلجنا و ما يضايقنا حتى نستطيع باذن الله تجاوز كل العترات دون اضرار تذكر
كما لا يخفى عليكم فالعمل الجماعي ينمي قدراتنا التواصلية و يكسبنا خبرات و مهارات اخرى و يوسع دائرة معارفنا، لذا اتمنى ان تتفاعلوا مع الموضوع ليؤدي وظيفته الجوهرية
فليكن شعارنا الاحترام المتبادل و الجد و الاجتهاد و العطاء

مغربية 100%
07-09-2010, 03:40
السلام عليكم ورحمة الله تعالى و بركاته
بالتوفيق وبالنجاح

yara0
07-09-2010, 13:06
السلام عليكم و انا معكم في هذا التجمع ان شاء الله افيد و استفيد

youssra-bac
09-09-2010, 00:32
شكرا اختي مغربية و مرحبا بيك ختي يارا فهاد التجمع

youssra-bac
10-09-2010, 02:30
شكرا على التتبيت و عواشركوم مبروكة
ارجو منكن اخواتي التفاعل مع الموضوع لتحقيق المبتغى
تحياتي

youssra-bac
13-09-2010, 20:54
السلام عليكم و رحمة الله تعالى و بركاته
اول موضوع نتناقشو فيه هي المنهجية اللي كتمشي عليها كل وحدة فينا باش تراجع الدروس و توجد لامتحاناتها
بالنسبة لي :
+ كنفيق دايما مع السادسة او السادسة و النصف ديال الصباح، كنوجد كتوبتي كنراجع الدروس اللي درناهوم من قبل + الدرس اللي جاي(هاد النقطة مهمة و مستحيل نمشي الليسي و انا ما عارفاش الدروس)
+بالنسبة للمواد الادبية اللي المعامل ديالها رغم انو صغير الا انه مهم جدا، كنحاول ندعم النقط ديال الشفوي بالبحوت سواء النظرية او الميدانية
+الفيزيك الماط و العلوم اللي هي المواد الاساسية في الشعبة ديالنا كنحاول نتغلب على الصعوبات ديالها بالاعتماد على هاد الخطوات: كنقرا الدرس مزيان مرة جوج تلاتة حتى نحس براسي بديت كنستوعبو، من بعد كنبدا بالتمارين اللي كتكون عبارة عن تطبيقات مباشرة للخاصيات و الصيغ اللي عندنا،في الاخير كنخدم التمارين المركبة و الشاملة للدرس كامل
+اهم حاجة و اللي كناكد عليها هي الحضور الدائم داخل الحصة ماشي غير بالجسد و انما بالعقل و الحواس كاملة حيت كل ما اتفاعلنا مع الاستاذ اكتر كل ما فهمنا و استوعبنا الدرس
+اللغة الفرنسية و الانجليزية :2 لغات عايبقاو لاصقينا فين ما مشينا لذلك كنفضل نواجهو الصعوبة ديالهوم دبا،عن نفسي كندير مدكرة صغيرة كنكتب فيها اي كلمة و الترجمة ديالها بالعربية و بعض المرات شي عبارت من الاغاني الفرنسية او الانجليزية المهم اي حاجة اللي تقدار توسعلك الفوكابيلير ديالك+كنحاول نكتب كل اسبوع موضوع انشائي فشي موضوع بهاد اللغات و كنعطي للاستاذ ديالي يصححهوم و هنا كنضرب عصفورين بحجر حيت كنستافد انا+كنبين للاستاذ الاهتمام ديالي للمادة
+حاجة ضرورية عندي هي اني كنحاول نهتم بالجانب الجمالي ديال الدفاتر نتاوعي حيت كتزادلي الرغبة نراجع فيهوم+هم اللي كيعكسو للاستاد الاهتمام ديالك بالمادة
+الحاسوب و النت بجوج وسائل مهمة فحياتنا اليوم ، كنستافد منهوم في البحت عن الامتحانات الفروض الدروس البحوت الخبرات التوجيه الترجمة ....

youssra-bac
13-09-2010, 21:04
بالنسبة لهاد العام الكتب المساعدة اللي شريت و اللي عنعتمد عليها فالتوجاد للفروض و الوطني هي كالتالي:
+سلسلة ديما ديما الرياضيات
+سلسلة ديما ديما الدروس الفيزيك
+top علوم الحياة و الارض
+top امتحانات الباكالوريا لمادة العلوم الفيزيائية من سنة 1963 الى 2007
+alpha علوم فيزيائية *اهم و احسن ما كاين في السلاسل نتاع فيزيك
+معارف باك مجلة سنوية طبعة 2009
+oeuvres et analyses pur le francais
+20/20 ماط
+20/20 علوم الحياة و الارض
صافي باركا هههه/هاد الكتوب الصيف كاملة و انا كنجمع فيهم اما من عند الدراري اللي سابقيني او البالي

youssra-bac
13-09-2010, 21:17
امممم بالنسبة للسوايع انا مكنديرهومش كيعجبني نتحدى ههههه+لا الصراحة كيعجبني نعتامد على راسي و عاد كنبقى عاقلة على داك الشي اللي فهمت
التوجيه بعد الباكالوريا مهم بزاااف كنتمنى منكوم تكونو على دراية بالمدارس و الكليات و الافاق ديالها....
حاجة اخرى مهمة باغا نقولها لكل تلميذ فالباك نساو عليكم الجهوي راه كيمتل غير 25 فالمية يعني باقالكوم 75 فالمية و ما تنساوش باللي الوطني اللي عليه كلشي تقريبا
المراقبة المستمرة كتمتل 25 فالمية يعني لازم علينا نشاركو فالقسم و نجاوبو فالفروض و في نفس الوقت نحافظو على علاقة مزيانة مع الاساتذة ديالنا
نصيحة لكل بنت تخطى عليها صديقات السوء و راهوم معروفين باركا مندوخو فراسنا و اي علاقة اللي عتجيبلينا الشبهات من الناقص منا،المستقبل قدامنا ما نخليوش الاحاسيس ديالنا تخلينا اللور،هاد العام ديال الخدمة و السهير ماشي ديال عرض الازياء و التزواق،حنا تلميذات واجب علينا نكونو متال للمراة المتقفة المتعلمة و اللي متدينة فنفس الوقت
حاجة اخرى ما تحملوش راسكوم كتر من اللي تقدر عليه،عطيو لراسكوم الراحة من تعياو و ما تحفضوش كتر من 2 ساعات مترادفة باش ما تفقدوش التركيز

youssra-bac
13-09-2010, 21:24
+++الفلسفة اللي كتخاف منها الاغلبية راها اسهل ما يكون=شوية ديال الحفاضة+الفهامة+المنهجية
و انا مستعدة باش نعاون اي وحدة عندها تخوف من هاد المادة :)

youssra-bac
13-09-2010, 21:30
كنتمنى من كل وحدة دخلت تقولينا على المنهجية ديال المراجعة ديالها و اي حاجة تقدر تفيدنا
و نصيحة من اخت لاخواتها الصلاة و الدعاء راهو كيعاونو بزااف و ما تقولوليش ماكايناش الوقت حيت للاسف النص اللي كيقولو هاد الهضرة كيكون عندهوم وقت للافلام و الشات و المسلسلات،و ربي ينجحنا و اياكم :)
السلام عليكم و رحمة الله تعالى و بركاته
لي عودة ان شاء الله مع موضوع تاني للنقاش

ام نعمة الله
14-09-2010, 01:11
مادة الفلسفة هي اروع مادة اذا فهمنا و عرفنا كيفية التعامل معها....
ادعوكن الى محبة هذه المادة اولا وهذه هي الخطوةالاولى لفهم المادة و استيعابها ...يعني ان نكسر الحاجز الذي يفصلنا عنها ...وبعدين يا حلوين حتلاحظو النتيجة بعد ازالة التمثلات المسبقة حول هذه المادة ...
المهم نحن رهن الاشارة فيما يخص المادة في اي وقت
متمنياتي لكن بالنجاح....
نجاكن الله من الاختيار و النار...

youssra-bac
14-09-2010, 20:58
نورتي هذه الصفحة بمرورك العطر اختي ام نعمة الله
كما ذكرت فمعظم الصعوبات التي نواجهها نحن كتلميذات مع هاته المادة يكون في الاغلب نابعا من تمتلاتنا و ارائنا المسبقة
جزاك الله خيرا اختي على مبادرتك الطيبة و ارجو الا تبخلي علينا بمعلوماتك القيمة حول هاته المادة

youssra-bac
27-09-2010, 16:51
السلام عليكم و رحمة الله تعالى و بركاته
يبدو اني الوحيدة المقبلة على هذا المستوى :(
المرجو ان تلتحقن بي حتى تكون الاستفادة أكتر

youssra-bac
27-09-2010, 16:59
اليوم تسجلت بتانوية جديدة ، تبعد عن بيتنا بحوالي 30 دقيقة ، صراحة اكتر ما فاجأني مساحتها كبييييرة جدا و الاقسام لا حصر لها ، اما التلاميذ فلا حدت لا حرج ^ كم هائل ^*

youssra-bac
27-09-2010, 17:00
لي عودة طبعا
الى حينها دمتن بود

عزة الام
01-10-2010, 10:59
تبارك الله عليك ابنتي الله اوفقك و عاونك عندك همة عالية وكانتمنى انضموا ليك العديد من الفتيات باش اتستافدو من بعضياتكم وعندي سؤال الى حبيتي تجاوبني عليه واش انتي في ثانوي حكومي او حر. باش الى كنتي حكومي بغيتك تعطي نصائح لبنت ديالي اولى جدع مشترك مابغاش تسجل في الحكومي بحجة ان الاساتذة ماشي في المستوى او ان المقرر ماشي هو ديال الحر كانتمنى تكوني فهمت قصدي. انا غنحاول نخليها تدخل لهاد التجمعات ديالكم باش تفديها والله اكمل عليك بالخير.

youssra-bac
01-10-2010, 21:39
نورتي صفحتي المتواضعة عزة الام
انا تعليم حكومي منذ الابتدائي الى الاعدادي الى التانوي و لا مرة درست في مؤسسة خاصة و لو مجرد ساعات اضافية
اتمنى ان ادخل مع ابنتك في نقاش ربما افلح في اقناعها
اللي نبغي نوصلو لبنتك هو أن التلميذ هو اللي كيصنع التفوق و التميز ماشي الاستاذ او المقررات حيتاش الاستاذ كيبقى في الاخير مجرد موجه و مؤطر للمادة و المقرر ما هو الا وسيلة باش نستوعبو مجموعة من الكفايات و المهارات
التعليم العمومي عندو لذة خاصة بالنسبة ليا حيت مين كنجيب شي نقطة كنعرف راسي جبتها بذراعي و باللي كنستحقها+الاحتكاك ديالنا باساتذة بمختلف الاشكال كينمي عندنا القدرة ديال التاقلم معاهم بكل الطرق
انا تعليم عمومي ما كايعنيش هذا ياللي نقرا غير المقرر ديالي بالعكس كل ما قريتي اكتر غادة تستافدي كتر متلا انا تخصص علوم فيزيائية الا انني في الاغلب كنخدم التمارين تاع سيونس ماط حيت عندي رغبة فالتحدي و رغبة اني نوصل و نكون حسن
+مريم شديد+متال للمراة المغربية كنتمنى اتطلعي على السيرة ديالها عرافتي علاش؟ اولا حيتاش بنت درب السلطان بكازا قرات فتعليم عمومي و ولجت الجامعة و خدات الاجازة ديالها في الفيزياء
تانيا حيتاش كان عندها طموح و وقدمت الدكتوراة ديالها فجامعة فرنسية و دارت بحوت و تعبت و شاركت في بعتات و رحلات حتى ولات اول عالمة انتى مغربية عربية تصل الى القطب الجنوبي و و تتبت العلم المغربي هناك
بزاااف ديال الدراري اليوم كيحتاقرو التعليم العمومي و كيرجعو السبب للاساتذة اللي دون المستوى:هنا كنوقف باش نقول باللي كاين اساتذة في المستوى و هوما اللي خرجو للوجود فحال مريم شديد ، وحتى فحالة اذا كان استاذ ناقص فا هنا كيجي دورك باش تعتمد على راسك و تبحت و تقلب و تبني باش تفهم الدرس و تحس بلذة انك عملتي انجاز و انك قاد تكون انسان منتج ماشي اتكالي كيعتمد غير على الاستاذ فقط
الجدع مشترك ما هي الا محطة كتحضرك للباكالوريا اللي هي المفتاح ديال مستقبل التلميذ
كتلميذة فهاد المرحلة كنبغي نقولك باللي اذا ما هزيتيش الستيلو و حنيتي على الدفتر و خديمتي التمارين و بكيتي معاهوم و تمحنتي مغديش تفهم و لو يكون الاستاذ كيغني الدروس ماشي عي كيشرحهوم
الدروس ديال الباك كلها تطبيقات تقريبا و الاستاذ مستحيل يدير كلشي لذلك كتبقى الخدمة فالدار هي الاساس ديال النجاح
سواء كان تعليم خصوصي او عمومي الانسان او التلميذ هو اللي كيعطيهوم قيمة بالاجتهاد ديالو و بما انك عاد طلعتي للتانوي نبغيك تديري فبالك باللي ما كايناش شي حاجة مستحيلة و الصعب مع المدة كيولي ساهل خاصك غير الاستمرار و يكون عندك نفس طويل و حب للدراسة من اجل التعلم و التتقيف قبل النقط و الرتب و فهاد الحالة عا يكون التفوق هو عنوانك
++الامتحان الجهوي و الوطني كاع وليدات المغرب كيدوزوه و فالنقاط ما كيبقى لا خاص ولا عام كيبقى نت و شحال حفضتي و خدمتي و هاد العامين كانو الوالا فالباك تلاميذ مدارس عمومية :)
على فكرة انا عندي فالجهوي 16.60 و انا تعليم عمومي كيف ما قلتلك و بلا سوايع بلا والو كانقول اللهم دوك الفلوس فوالديا و دارنا و لا فالبراني ههههه
*اه تفكرت عاوتاني واحد بنت جيرانا بواها خدام فالاكاديمية قرا بنتو فالتعليم الخصوصي و في الاولى باك و التانية باك رجعها للتعليم العمومي و نجحت بحسن شعبة سيونس ماط و دارت الاقسام التحضيرية ديال طنجة،و شحال من مرة سولتها و قاتليها واش ندمتي حيت رجعتي تعليم عمومي قالتليا لالالا حيت استافدات بزااااف من الخبرات اللي كاينة فالعام

youssra-bac
01-10-2010, 21:44
ربي يحفظلك ابنتك و اللي فيها الخير هي اللي عاتكون
كنتمنى ليها التوفيق و سعداتها اللي عندها ام فحالك كتهتم للدراسة ديالها و كتابعيها
لو كانو كاع الامهات فحالك كون را المغرب بيخير
ربي يخليكوم لبعضياتكوم و انا في الخدمة لاي استفسار

أم سارة
02-10-2010, 16:31
تبارك الله عليك ابنتي الله اوفقك و عاونك عندك همة عالية وكانتمنى انضموا ليك العديد من الفتيات باش اتستافدو من بعضياتكم وعندي سؤال الى حبيتي تجاوبني عليه واش انتي في ثانوي حكومي او حر. باش الى كنتي حكومي بغيتك تعطي نصائح لبنت ديالي اولى جدع مشترك مابغاش تسجل في الحكومي بحجة ان الاساتذة ماشي في المستوى او ان المقرر ماشي هو ديال الحر كانتمنى تكوني فهمت قصدي. انا غنحاول نخليها تدخل لهاد التجمعات ديالكم باش تفديها والله اكمل عليك بالخير.

بسم الله الرحمان الرحيم

أختي عزة الام ،إبنتك مخطئة في أفكارها
من يدرسهم في مدرستهم الخاصة ؟أساتذة حقيقيون أم معلمون من هنا وهناك ؟يتقاضون ثمن عامل ويعاملون التلميذ بخوف من المدير لأنه ولي نعمتهم
حبيبتي ،كتبت لك رد مطول لكنه مسح مني بخطأ لهذا فأنا أختصر
الاستاذ في المدرسة الحكومية يتعامل مع التلميذ بما لديه من مقررات وزارية وويتعامل مع التلميذ ويقيمه حسب مجهود التلميذ الحقيقي بينما في المدارس الخاصة يعامل التلميذ بما صرفه عليه أبوه طول العام وينجح دائما
درست وافدين من المدارس الخاصة في الثانوي والله العظيم 99 في المئة منهم مستواهم أقل بسنتين تقريبا ،زيادة على أنهم مدللين جدا ولا يستطيعون أن يتعاملوا مع أقرانهم من جميع الطبقات
وطبعا لا يجب أن نعمم ،فبعض المدارس الخاصة لديها أساتذتها الكفوئين

youssra-bac
02-10-2010, 16:34
نورتي الصفحة ام سارة
معك حق في كل كلمة قلتيها و اعود لاقول بان التلميذ هو الذي يصنع النجاح بعمله و متابرته

youssra-bac
02-10-2010, 16:38
+نقطة اخرى بغيت نشير ليها هو ان التلميذ الذي يدرس في التعليم الخصوصي سيجد صعوبة في الاندماج فيما يتعلق بالتعليم بعد الباكالوريا ، لانه يكون قد تعود على نمط من الاهتمام الزائد من طرف الاساتذة و كذلك على تلاميذ من طبقة معينة

أم سارة
02-10-2010, 16:42
بسم الله الرحمان الرحيم

ما شاء الله عليك حبيبتي يسرى
أفكارك رائعة ،فلا أخفيك أعجبت بها
أنا لدي بنت إسمها يسرى أيضا وفي نفس مستواك وشعبتك
من أي مدينة أنت ؟نحن بطنجة ،إن كنت بطنجة في أي ثانوية أنت ؟

youssra-bac
02-10-2010, 16:53
انا ايضا شمالية لكني من مدينة القصر الكبير
لست سوى تلميذة غيورة على واقع التعليم المغربي، ارغب كتيرا في التعرف على ابنتك ارجو منك ان تخبريها عن هذا التجمع لنستفيد من بعضنا البعض
شكرا جزيلا لك ام سارة على تشجيعك لي و اتمنى لك التوفيق في حياتك و النجاح لابنتك
ربي يخليهالك و تفرحي بيها ان شاء الله هاد العام

yara0
02-10-2010, 18:27
السلام عليكم اختي يسرى كيدايرة لباس عليك تيسعدني بزاف اننا نبقاو نتلاقاو في هاد الموضوع و نتعانو فيما بناتنا بالنسبة لي انا شعبة علوم حياة و الارض و حصلت في الجهوي على 13.5 نتمنى انه نتوفقو في هاد السنة الدراسية للي كتعتبر محطة مهمة في حياتنا و ان شاء الله نتعانو عليها للي بغيت نقول هو حتى انا مكنديرش سوايع كنحاول نعتامد على مجهوداتي و على الفهم في القسم لان هذا هو الاساس للي بقا ليا هو اني باقي معرفتش الكتب للي عنعتامد عليهم في انجاز التمارين و هادشي بالنسبة للمواد العلمية و بالنسبة للسوايع الاضافية فكاين للي كيشوفهم ضرورة باش يفهم الدرس لان كل واحد و طريقة استيعابو للدرس كاين للي خاصو يتعاد ليه الدرس مرة و جوج و كاين لي كيحتاج يدعم بالتمارين و كاين للي خاصو يبقا غير يقرا فيه و هكذا
و بالنسبة للاخوات متخافيش دابا يدخلو للموضوع راه كيخصهم غير اولفو و صافي من بعد ميبقاوش اخرجو منو حتى انا داك العام عملت تجمع خاص باالاولى باك و ما دخلو حتى شحفوني صراحة انا كنت كنتمنى ان المنتدى يكون فيه تقسيم على حسب المستويات و لكن كلشي مزيان

youssra-bac
02-10-2010, 20:51
و عليكم السلام اختي يارا
فرحت بزااااف من لقيت الرد ديالك،دبا عنقدرو نتعاونو و نشجعو بعضياتنا
بالنسبة للجهوي عندك راه فالمستوى خصك دبا تركزي على النقطة ديال المراقبة المستمرة
بالنسبة للكتب كنصحك بديما ديما فالماط و طوب فالفيزيك و طوب فالعلوم
الماط عندنا فحال فحال الاختلاف اللي كاين غير فالفيزيك و العلوم ،انا مكنقراش دوك الدروس ديال المناعة و نتينا مهنيا من الميكانيك
alors يمكن لينا نخدمو كاع المواد هنا و اي حاجة لقينا فيها صعوبة نحاولو نلقاوليها حل هنا
ما تغبريش بزاااف انا في انتظارك

youssra-bac
03-10-2010, 10:21
ملف وورد يحتوي على قواعد اللغة الانجليزية مع التمارين والحلول حسب المقرر المغربي

التحميل




http://www.multiupload.com/RS_O9T2IL8L1F

100%

http://www.multiupload.com/MF_O9T2IL8L1F

100%

http://www.multiupload.com/ZS_O9T2IL8L1F

100%

http://www.multiupload.com/BD_O9T2IL8L1F

100%

http://www.multiupload.com/DF_O9T2IL8L1F

100%

yara0
03-10-2010, 11:25
ان شاء الله اختي منغبرش و نحاول ندخل كل يوم بالنسبة للكتب للي قلتي صراحة ان عمرني ما خديتهم و لكن للي كيعجبني بزاف هو باك كيكون فيه امتحانات و التصحيح ديالهم تيعجبني نخدم عليه
و بالنسبة للماط انا محتاجة نخدمو شوية مع شي واحد متيكفينيش الدرس في القسم كنلقى صعوبة في التمارين

عزة الام
04-10-2010, 09:32
لقد اثلجتم صدري وشفيتم غليلي وفيتو وكفيتوا جزاكم الله خيرا. يسرى بارك الله فيك وسدد خطاك فالى الامام ان شاء الله. وحبدا لو كانت بنتي بهذا الطموح الواقعي لانها طموحة ولكن في الخيال هي تطمح للمعالي بدون تكلفة وكم اتمنى ان يكون لها حوار معك ساجعلها تذخل في هذه الصفحة لانها تعرف هذا المنتدى عن طريقي فانا احاول ان اشركها دائما في المواضيع التي في امكانها ان تصقل شخصيتها وتفتح عينيها على الواقع. بوركت بنتي يسرى. شكرا لك ام سارة ولي الشرف الكبير ان تهتمي بموضوعي وكيف لا وانت التي لاتبخل بالنصائح القيمة لمختلف الاعمار والثقافات. لابد سيكون لتذخلك صدى في عقلية بنتي وقلبها. دمتي اخيتي منبرا عاليا ينور العقول و القلوب.

خلق خديجة
04-10-2010, 11:05
السلام عليكم ورحمة الله وبركاته
انا عضوة جديدة اتمنى ان تقبلونى معكم
الموضوع ديال التعليم مهم جدا وانا عندى بنتى فى الباكالوريا السنة الاخيرة علمى اتمنى لكم النجاح جميعا مشكلة بنتى هى انها تريد ان تتابع الطب وتسالنى دائما ما هى الاجراات ارجوكم افيدونى والله الموفق

yara0
04-10-2010, 13:38
السلام عليكم
كيف الحال اخواتي كنتمنى تكونو بخير
كان اصحابلي عادي نلتقي في هاد الموضوع ببنات للي كيقراو و لكن كنتفاجا بالامهات ديالهم صراحة هادي حاجة كتفرح
بالنسبة للعضوات خلق خديجة و عزة ام نتمنى من بناتكم يلتاحقو بينا في اقرب وقت و ان شاء نديرو تجمع زوين و الكل يستافد
اختي يسرى فينك امدرى بديتو شي قراية و فين واصلين دابا

youssra-bac
04-10-2010, 15:00
وعليكم السلام
عزة الام : شكرا لدعائك فما احوجنا لدعوات صادقة من قلب طهور كقلبك، يا ليت كل الامهات تهتم لامر ابنتها كما تفعلين انت،اشكرك و اتمنى لك التوفيق في حياتك و النجاح لابنتك
خلق خديجة : نورتي الموضوع بمشاركتك، بما ان ابنتك تخصص علمي ادعوها ان تدفع لكل المدارس الموجودة بما فيها الطب، لان مسالة الحظ تلعب دورا كبيرا في عملية الانتقاء التي تفرضها جل هاته المدارس و كذا امتحانات ولوجها
بالنسبة للاجراءات فعملية التسجيل تبدا منذ اعلان الكلية ذلك اما عن طريق موقعها الالكتروني او موقع منارة للتوجيه المدرسي
بالنسبة للوتائق اللازم جمعها:طلب خطي+نسخة من البطاقة الوطنية+تاريخ ازدياد+شهادة مدرسية تحمل الرقم الوطني للطالب+3 اظرفة متنبرة تحمل اسم الطالب و عنوانه
بالنسبة للامتحان كيكون فاربع مواد:علوم الحياة و الاض+الفيزياء+الكيمياء+الرياضيات و مدة الاختبار في كل مادة كتكون نصف ساعة

youssra-bac
04-10-2010, 15:01
كلية الطب و الصيدلة FMPH
العنوان:
كلية الطب والصيدلة المركب الجامعي
أكدال العالي ص.ب: 6203 المعاهد- الرباط
الموقع:
www.medramo.ac.ma

youssra-bac
04-10-2010, 15:17
اختي يارا، انا يالاه انتقلت من مدرسة لمدرسة تبدل عليا الجو بزااف و ما درتش الصحاب جاتني صعوبة فالتاقلم مع المدرسة الجديدة و الجو ديالها
بالنسبة للاساتذة كلهم فالمستوى ، مول الفيزيك جبرتو وصل وصل للدرس التالت و عا يبدا فالرابع و حدد نهار الفرض، اما الاستاذة ديال العلوم قريبة تسالي داك الدرس ديال الستهلاك المادة العضوية و تدفق الطاقة ، الماط حتى هو قرب يسالي الدرس ديال الاتصال،الموهم الاساتذة مجهدين و التلامذ كتار منهوم كلشي كيحضر كلشي كيوجد كلشي كيشارك = الجو ديال القراية متالي
بيني و بينك حسيت بالنقص شوية خاصة فالانجليزية و الفيزيك،و الدراري تقريبا القسم كلو كان سيونس ماط و قلب فيزيك يعني المستوى طالع بزااف
انا مستعدة نبات فايقة نخدم التمارين و ما نبانش ناقصة عليهم+دبا عاد حسيت باللي الخدمة و القراية بدات
بالليل نرجع ندخل يلاه تهالاو فراسكوم و اي استفسار انا مستعدة نجاوبكوم
و نتي يارا طمنيني عليك اوك

خلق خديجة
04-10-2010, 16:13
بسم الله الرحمن الرحيم
اشكرك جزيلا واتمنى لك التوفيق ساطلب من ابنتى ان تدخل المنتدى لتبادل الاراء معكم

youssra-bac
04-10-2010, 19:59
العفو اختي خلق خديجة
مرحبا بابنتك في اي وقت و ان شاء الله نفيد و نستفيد

youssra-bac
04-10-2010, 20:01
هاد الملف من تجميعي فيه بحوت مساعدة لفهم رواية candide
للتحميل من هنا:
http://www.megaupload.com/?d=HO7K7YJA
الملف عبارة عن :
+موضوع حول optimisme اي التفاؤل
+رواية candide مترجمة الى العربية باسلوب جميل يساعد على التعمق في فهم الرواية
+بحت حول شخصيات الرواية و تحليلها.....
+ Les figures de style

youssra-bac
04-10-2010, 20:09
لدي العديد من الملفات خاصة بالفلسفة+علوم الحياة و الارض+الفيزياء+الانجليزية... ان شاء الله ساطرحها في ردود لاحقة
كما ساقوم بتجميع روابط لمواقع تخصنا و تهمنا اما من ناحية التوجيه او التمارين و التطبيقات و تلاخيص الدروس
اتمنى التفاعل من الاخوات حتى تعم الفائدة
دمتم بالف خير

yara0
04-10-2010, 21:17
اه بصح اختي ملي كتبدلي الجو كيخصك مدة باش تاقلمي مع المدرسة الجديدة و لكن كلشي كيدوز دغيا ماشي مشكل الى مقدرتيش تشدي معاهم الخط من البداية يمكن ليك تداركي الامر باقي كاين الوقت و لكن هادشي كيعني انك توجدي في الدار مزيان باش تكوني مستعدة في القسم و نتمنى لك التوفيق ان شاء الله
واش بدلتي الشعبة او غير المدرسة
بالنسبة لينا حنا عاد اليوم بدينا في هاد الدروس للي قلتي عليهم الفارق بيناتنا كبير
كنتمنى من الاخوات يلتاحقو باش نبدا نضيف للموضوع بعض ملخصات الدروس و تحليل الروايات
و كنصح كاع الاخوات واخا غير للي كيقراو هاد الردود انهم يشدو مزيان الدروس الاولى و يعاودو يقراوها في الدار و مايفوتو حتى شي حاجة بدون ما يستفسرو عليها لان البداية هي الاساس للي كيتعتامد عليها دروس الدورة كاملة
و بالتوفيق للجميع

عزة الام
05-10-2010, 10:17
سلام يسرى ان هي بنت عزة الام ان ممقتنعاش بالتعليم العمومي حتاش عندي صحباتي فالتعليم العمومي لكيعودو عليه خيب مفيهش التعليم او ان التلاميذ لفيه قباح انا ممستعداش انني نتاقلم معاهم او انا منين بديت الدراسة او انا فا لخصوصي عادبش زيدي الاساتذة الي مكيجيوش نتمنى انك تجوبيني على هدشي.

youssra-bac
05-10-2010, 14:54
اهلا بيك اختي
انا فاهمة التخوف ديالك من التعليم العمومي حيت الصورة اللي عندنا عليه طايحة فالارض بزااف
اول حاجة بغيتك تديريها مبدا فحياتك انك ما تربطيش قرايتك بالتلامذ اللي عايقراو معاك لان المهم هو راسك نتي تكوني مخلقة و مادبة و مجتهدة و الباقي يعومو فبحرهوم كيف ما كيقولو
الاساتذة اللي كيقريوكوم فالخصوصي دبا كنضن باللي الاغلب ديالهوم تخرج من تعليم عمومي و اكيد الاساتذة ديالك مادبين و ماشي قباح و المستوى ديالهوم مزيان
هاد الهضرة غير باش نوضحلك باللي ما يمكنش نعممو و نطلقو حكم و نقولو باللي التعليم العمومي فيه دراري قباح و ما مزيانينش ....الخ alors كل بلاصة فيها المزيان و القبيح
\انا ممستعداش انني نتاقلم معاهم\ ما نبغيكش تقولي تاني هاد الجملة ، عرفتي علاش؟ حيتاش بانت الشخصية ديالك مهزوزة و ما تايقاش فراسك بالعكس خصك تقولي انا كنقرا مزيان و فين ما تحطيت عا نبقى كنقرا مزيان و عانتحدى العالم كاع و عنكون انا حسن منهوم، ...
اذا بغيتي تكمل فالخصوصي كملي ما قلنا والو و لكن كوني متاكدة باللي اذا كنتي ناوية تديري معاهد عليا بعد الباك غادي تتلاقاي مع تلاميذ العمومي و اساتذة العمومي و كاع اللي هربتي منو و خايفة منو عايجي النهار اللي عاتواجهي فيه هاد التخوفات ديالك
التحصيل الدراسي فعلا مهم و لكن تيقي بيا تكوين شخصية قوية قادرة على المواجهة اهم بكتير ، حيتاش فالحياة الواقعية عاتلاقاي مع ناس و عاتواجهي مع ناس قباح فعلا و عتواجهك صعوبا و عوائق كتيرة لازم تكوني نتي قوية و ذكية و عندك سلاسة في التعامل مع الناس بكل تقة

youssra-bac
05-10-2010, 15:22
بالنسبة للاساتذة ماشي كلهوم كيغيبو غير اللي معندهومش ضمير وصافي اما الاغلبية كتحضر و كتدير الواجب ديالها على اكمل وجه
الاستاذ كانولي نعاودها را ما بقاش الدور ديالو فحال هادي شحال ، اليوم ولا مجرد موجه و مؤطر و مساعد، حيت المعلومات ولاو غير كا يتشيرو فين ما مشيتي تلقاي الملخاص و الشرح بالفيديو و بالتفصيل الممل+++انا عندي عتاب على التلاميذ و هو انهم كيحكمو على الاستاذ كاع قبل ما يعرفوه، وهذا غلط كبير حيت مكنضنش باللي كاين شي استاذ ما عندوش ضمير فخطرة ، متلا لنفترض استاذ ما فيه ما يخدم مع ولاد الناس و لكن اذا دخل و لقا التلامذ كيجاوبو و كيسولو و باغين بحوت و باغين يعرفو، بزز منو يحشم من راسو و ينوض يهز الطباشير و يوقف فالسبورة يشرح ، alors ادا كان كاين شي تدهور في التعليم العمومي فالسبب ديالو هوما التلاميذ بالدرجة الاولى

أم هبة و ياسين
05-10-2010, 15:27
السلام عليكم ورحمة الله وبركاته .

تبارك الله عليك أ يسرا وعلى هذ الموضوع لطرحتي في المنتدى .

أفكار نيرة طموحات عالية و آفاق واسعة ما شاء الله عليك .

في الحقيقة أول مرة كيطرح موضوع بحال هذا من تلميذة مجتهدة عندها رغبة في التحصيل .

و يا ريت كل التلميذات يكونوا مثلك عندهم همة وعزيمة

تبارك الله عليك وبالتوفيق إن شاء الله .

ولي عودة للموضوع .

youssra-bac
05-10-2010, 15:31
انا اللي كنتعجب منو هو هاد التركيز على عيوب التعليم العمومي مع العلم انه هو اللي مخرج نصف ادا ما قولناش كولشي من الوزراء و المسؤولين و الاطباء......التعليم الخصوصي ما كايبانوش العيوب ديالو حيت النقط كلها كتكون فالمستوى و عالية و هنا كنتساءل واش كاع تلاميذ المدارس الخصوصية كيستاهلو هاد النقط؟واش كولهوم عباقرة و اذكياء؟فين كيختافيو من مور الباك؟علاش نقط المراقبة كتكون عندهوم 18 و في الوطني كتلقى عندهوم 10 و8؟بطبيعة الحال مكنعممش حيت كاين تلاميذ قراو في الخاص و هوما فالمستوى
التعليم العمومي قبيح ، التعليم العمومي كيتدهور ، التعليم العمومي يحتضر.....اوا ومن بعد؟نهربو كاع كلنا و نخليواه يموت؟شكون هوما شباب المستقبل؟ياك هوما حنا؟واش كنبغيو المغرب يتقدم؟و الله حتى كنكتب و قلبي كيبكي من هاد الحالة اللي وصلنا لها*
ديما كنسول راسي و كنقول علاش الناس ديال هادي شحال ما كان عندهوم لا انترنيت لا ديما ديما لا كتوب لا تعليم خصوصي و فبعض الاحيان حتى لقمة العيش ماكايناش و مع ذلك كتلقاهوم كيقراو و كيكافحو و كايوصلو بالتوفيق ديال الله
حنا كلشي متوفر الا حاجة وحدة هي الرغبة و الارادة+ولينا اتكاليين كتار من القياس خصنا والدينا يديرو كلشي حتى كتلقى دري في الباك باقي خصو بلايستيشن و ماماه تفيقو الصباح وزيد وزيد
خدينا قشور الغرب و زدنا عليها الكسل و التميز فواحد الحاجة سميتها النقد لمجرد النقد حتى رجعنا اللور

youssra-bac
05-10-2010, 15:34
وعليكم السلام ام هبة و ياسين
نورتي هاته الصفحة التي صارت المتنفس الوحيد لي
انا في انتظار عودتك بفارغ الصبر

youssra-bac
05-10-2010, 15:51
اسفة اختي ان طولت في ردي عليك،
و اعود لاقول لك بان الاختيار يرجع لك و لقناعاتك،يبقى الاساس و الهدف واحد لكل التلاميذ و هو التفوق فسواء كان تلميذا درس في مدرسة حكومية او خصوصية
شيء وحيد يفرحني و هو ان الامتحان الوطني نجتازه جميعا نحن ابناء هذا الشعب الكريم،فلا فرق بيننا سوى بالعمل و الجد والاجتهاد،اما المدارس فما هي الا مسميات قسمتنا لفرقتين ابناء تعليم خصوصي و ابناء تعليم عمومي

خالة ياسمين و اسراء
05-10-2010, 19:17
السلام عليكم
بغيت نضم معكم للتجمع حيت ناويا ان شاء الله ندوز باك حر علوم الحياة والارض.

yara0
05-10-2010, 21:49
السلام عليكم
مرحبا بيك اختي ابنة العضوة عزة ام و تيسعدنا تواجدك معانا و سواء كنا من تعليم خصوصي او عمومي نبقاو كلنا اخوة تيجمعنا هاد الموضوع نتمنا انك تسجلي و تنضمي لينا
بالنسبة لموضوعكم انا للي كنعرف كل واحد تيبغ يحقق النجاح في حياتو و كل واحد تيحاول اختار الطريق للي عتناسبو و صراحة كيبانلي من اصعب الاختيارات هي ديال التعليم في كل مراحلو لان النتائج ديال هاد الاختيار كتبان على المدى البعيد و الواحد كيحتاج للمعلومات و نصائح باش يعرف فين كيحط رجلو بالنسبة ليا حتى انا تعليم عمومي و كنضن بللي ضروري ما يكون هناك فارق بين هاد جوج انواع ديال التعليم بطبيعة الحال و هو تيتصرف عليه مصاريف في حين حنا تعليمنا كتكفل بيه الدولة و حنا عارفين بلي هادشي كلو ناتج غير عن الاهمال و لكن ماشي من الاساتذة او من التلاميذ لان حتى هما فيهم للي باغي يخدم و للي باغي ينجح و للي تيتاقي الله في عملو و في الاخير ملي تينجح شي حد تيقولو هذا نجح لانو تيخدم ماشي لانو تيقرا في المدرسة الفلانية او تيقريه الاستاد الفلاني
نتمنى التوفيق للجميع

yara0
05-10-2010, 21:52
مرحبا بيك اختي kanacha87 ان شاء الله تستافدي و تفيدي صراحة عادي يخصك تخدمي لان اغلبية دروس المواد العلمية مرتبطة بدروس السنة الماضية و لكن حتى حاجة ما مستحيلة نتمنى ليك التوفيق

عزة الام
06-10-2010, 10:44
صباح النور والامل البسام من ام تتمنى لهذا التجمع التالق والاستمرارية. يسرى كفيتي ووفيتي بنيتي كل النقط التي طرحتي في ردك على تساؤلات بنتي 100% واقعية ومعقولة وااحيي فيك غيرتك على بلدك وابناء بلدك . لقد احسست من ردك عليها انك تعصبتي لافكارها ومعك حق طالما ذخلت معها في حوار وخرجت متعصبة كما حدث لك الا انني اعرف انها في سن اتبات الذات وحب الاستقلالية الذي يجعل المراهق دائما في خلاف مع والديه. و عندي امل انها لابد ستغير من افكارها فانا دائما احاول ان ازرع في نفسها كل المبادئ والقيم السامية . واذا سمحتم سوف اتطفل على تجمعكم واخط لكن بعض الاسطر التي كتبتها لها وهي لازالت لم تكمل 9 سنين. وشكرا لكل من اهتم بموضوعي. يارا شكرا على ترحيبك واتمنى ان تبقى ابنتي على صلة بهذاالمجمع حتى تستفيد من تجاربكن والله المستعان.
9 محرم 1425 الموافق لفاتح مارس 2004
عزيزتي هدى
لاول مرة اكتب لك كلمة واتمنى ان تجد عندك صدى في قلبك وفؤادك في يوم عظيم كهذا يوم التاسع من محرم وان تحتفظي بها حتى تدركي معناها بعد ان يكتمل نضجك.
اوصيك ابنتي ان تحتقري المادة اينما تجلت سواء في الجمال او المال فباحتقارك لها تعزين نفسك وتسمي بها الى الروحيات.
كوني متفائلة وانظري الى المستقبل بعين الرضى والقناعة .
اوصيك ابنتي بالتسامح والايثار ونكران الذات والصبر على اخطاء الغير ففي صبرك ونكرانك لذاتك رحمة لغيرك ورحمة الله عليك.
اتمنى من كل قلبي وبكل جوارحي ان تكوني بهذه الصفات ان شاء الله ودومي ابنة مطيعة لربك ووالديك.

خالة ياسمين و اسراء
06-10-2010, 19:02
السلام عليكم
بغيت اختي تعطي اسم ديال الروابات الفرنسية حيت انا خديت باك 2006 و باقي عندي الدفاتر شوفي لي هاد الدروس واش تغيرو اولا لا حيت باقي ماشريتش الكتب
الرياضيات :النهايات والاتصال/المتتاليات العددية/الاعداد العقدية/الاشتقاق/ دراسة وتمثيل الدوال العددية/الجداء السلمي/الفلكة/الجداء المتجهي
الفيزياء:حركبة النقطة المادية/حركة مركز قصور الجسم/حركة دقيقة خاضعة لقوة ثابتة/حركة دوران جسم صلب حول محور ثابت/المتدبدبات الميكانية الحرة/العدسات الكروية/
الكبمياء:الاحماض والقواعد في المحاليل المائية/التفاعل بين حمض قوي وقاعدة قوية/مفهوم حمض قاعدة/قوة الاحماض والقواعد/الكواشف الملونة/
العلوم: تموضع الخبر الوراثي/طبيعة الخبر الوراثي/الية تعبير الخبر الوراثي/نقل الخبر الوراثي عبر التوالد البشري/الهندسة الوراتية/القوانين لانتقال الصفات الوراثية/التوالد البشري/
الفلسفة:اللغة/ الحقيقة/النظرية /السعادة
وسمحلي على التبرزيط

youssra-bac
06-10-2010, 19:49
السلام عليكم و رحمة الله تعالى و بركاته
صدقيني ايتها الغالية النفيسة ، اني تعاملت مع ابنتك كما كنت ساتعامل مع اختي ، انا مررت بنفس المراحل التي تمر منها ابنتك و افهم تماما ما تحس به و ما تطمح اليه
ابنتك فعلا صورة منك ، فبمجرد دخولها الى هنا و رغبتها في الحوار و النقاش فاني ارى فيها بذرة من الامل و حب التفوق
ابنتك لازالت في بداية مشوارها ، مازال امامها شوط كبير لتقطعه ، كلامي معها بحدة و جدية ما هو الا غيرة عليها و رغبة مني في جعل شخصيتها اقوى و اقوى
انا ادرس و ارى اغلب المشاكل التي تقع فيها بنات جيلي ، و للاسف اغلبها ناتج عن ضعف شخصية الفتاة و عدم نضج تفكيرها و انصياغها وراء كل ما يمتعها و هذا ما لا ارضاه لاي فتاة مغربية
مع الايام ستنضج ابنتك اكتر و سترين تمرة يديك تكبر و تتقدم الى الامام باخلاق و همة عالية ، اتعلمين ما سبب تقتي انها ستكون ذات شان في المستقبل؟؟السبب واحد و هو واضح وضوح الشمس لانها ابنتك انت، انت الام الصالحة الناصحة التي تعطي دون مقابل،انت التي تحترقين لتوفري السعادة لابنائك
انحني امامك سيدتي،فقد ابهرني اهتمامك و غيرتك و تتبعك لاولادك
حفظك الله

youssra-bac
06-10-2010, 19:56
نسيت ان اقول لك ان اسلوب الرسالة التي كتبتيها مميز،ليست مجرد كلمات بل هناك احساس بداخلها
انا عانبدى نغير من بنتك حيت عندها ام فحالك هههه
ربي يخليكوم لبعضياتكوم و بنتك فحال ختي و مرحبا بيها فاي وقت
و سواء قرات في الخصوصي او العمومي بغيتها تكون من المتفوقات ان شاء الله
ورا وخا ما شايفاكومش دخلتولي قلبي

youssra-bac
06-10-2010, 20:08
kanacha87 مرحبا بيك اختي فهاد التجمع ان شاء الله نعاونوك و تنجحي بميزة مزيانة
الدروس ها هوما بالنسبة لمسلك علوم الحياة و الارض:
الماط:الاتصال+الاشتقاق\دراسة الدوال\الدوال الاصلية+المتتاليات العددية+الدوال اللوغاريتمية و الاسية+الاعداد العقدية+الحساب التكاملي+المعادلات التفاضلية+الجداء السلمي في الفضاء و تطبيقاته+الجداء المتجهي+حساب الاحتمالات
الفلسفة:الشخص+الغير+النظرية و التجريب+الحقيقة+الدولة+الحق و العدالة+الواجب+الحرية

youssra-bac
06-10-2010, 20:09
بالنسبة للفيزيك و العلوم ارخت يارا تفيدك اكتر مني حيت هي نفس التخصص ديالك
و انا من بعد نجيب الروابط ديال هاد الدروس باش نستافدو منهوم

عزة الام
07-10-2010, 10:39
حبيبتي والله والله لقد دمعت عيناي من صدق عباراتك ومن طيب مشاعرك ولن اخفي عنك انني كذلك غرت عليك من امك حفظها الله واقر عينها بك. سوف اتتبع دائما اخبارك من خلال هذا التجمع. حفظك الله وسدد خطاك. متمنياتي لك بالخير في الدارين. واصيك ان تحملي كتاب لاتحزن للدكتور عائض القرني حتى يكون لك عونا وسلاحا ضد فتن الدنيا. راعك الله بنيتي.

Moslimah4ever
12-10-2010, 12:58
السلام عليكن

أنا سكينة من طنجة ثانية باك علوم الحياة والأرض

Moslimah4ever
12-10-2010, 13:04
آسفة عندي طلبات مند البداية أريد نصائح قد تنفعني في عرض حول شخصيات candide

و أريد موضوعا حساسا حتى نعالجه عن طريق les travaux encadres. فكرت في العديد من المواضيع كالهجرة السرية ولكن رايكن يهمني كثيرا.

مع خالص شكري

Moslimah4ever
12-10-2010, 13:08
http://sphotos.ak.fbcdn.net/hphotos-ak-ash2/hs349.ash2/62918_117608131631516_100001469898681_123273_35522 47_n.jpg


آمين

youssra-bac
12-10-2010, 16:44
وعليكم السلام
مرحبا بيك اختي سكينة معانا،حنا هنا كاملين خوت و اي حاجة احتجناها نطلبوها بلا حشومة بلا والو
حتى انا درت بحت على candide
طلي على هاد الملف يمكن يفيدك راه من التجميع ديالي
http://www.megaupload.com/?d=HO7K7YJA

youssra-bac
12-10-2010, 16:48
الهجرة السرية موضوع زويين بزاااف و فيه ما يتقال،حتى انا مطالبة ببخت فشي موضوع و بان ليا نديرو يكون مميز وخاص
بانتليا نهضر على الكتابة عللى الجدران و الطاولات....في المدارس++حيت هاد الليسي اللي انا فيها كلها مكتوبة ها الامسينات ها الاسماء ها اقوال الفلاسفة.....بعض المرات كيبان فحال شي فن و لا طاقة ضايعة فالحيطان
يمكن لك تهضري على الحروب او التفاؤل و التشاؤم في الحياة
من بعد قوليلي شنو ختارتي

youssra-bac
12-10-2010, 16:49
انا غبت هاد الفترة غير مع البيرمي+الاتنين جاي فرض في الفيزيك 5 دروس+التلاتاء فرض الانجليزية الوحدة الاولى
دعيو معانا

عزة الام
13-10-2010, 09:41
الله اوفقكم جميعا وياحبذا لو جعلتم ضمن ابحاتكن ومواضيعكن مشكل انعدام الاخلاقيات والمثل في هذا الجيل

مغربية ووافتخر
16-10-2010, 10:46
السلام عليكم ورحمة الله وبركاته



كيف حالكم البنات والامهات اش خباركم يارب تكونو في احسن الاحوال

اختي يسرا كيف حالك وتبارك الله عليك اختي والله يوفك ياربي ويحفظك من كل سوء وينجحك باعلى ميزة ان شاء الله

الصراحة قريت كل الصفحات التي تخص هذا الموضوع وعجبني التدخلات تاعك وتاع كل التلميذات والامهات الذي يعبر عن مستوى كبير

اختي اريدكي ان تساعديني انا عمري الان 28 سنة واريد ان اعمل باك ليبر وانا كنت بالنظام القديم يعني الان المقررات تغيرو كلهم

ياريت تنصحيني واش نعمل باك ليبر تخصص علوم فيزيائية او علوم تخصص علم حياة الارض حرت ومعرفت مندير

وهل يمكنكم ان تساعدوني بالدروس ونبقى ندخل معاكم التجمع

السنة لفاتت كنت باغة نعمل باك ليبر وجاءت ظروف ومنعتني وهاد السنة باغية نعملو وعندي رغبة كبيرة باش نعملو راني ندمانة علا الباك لمخديتوش فاش كنت تنقرى

ياريت تساعدوني اخوتاتي وربي يجازيكم خير

تحياتي

youssra-bac
16-10-2010, 19:56
وعليكم السلام و رحمة الله تعالى و بركاته
اهلا اختي مغربية و افتخر راك نورتينا بالاطلالة ديالك و شكرا لاهتمامك و دعواتك
منقدرش نفرض عليك شي تخصص عنحاول نقوليك نقط التشابه و الاختلاف و نتي حكمي الميول ديالك
الشعبتين بجوج كيقراو نفس الماط و نفس الكيمياء و نفس الانجليزية كاين فقط اختلاف بين الفيزيك و علوم الحياة و الارض
صحاب الفيزيك عندهوم دروس في الميكانيك زايدة و بعض الفقرات كذلك و بالمناسبة راه المقرر ديال الفيزيك هو نيت ديال سيونس ماط
و صحاب علوم الحياة و الارض عندهوم الدروس ديال المناعة زايدة على موالين الفيزيك
شوفي الميول ديالك نتي واش كتبغي العلوم او الفيزيك و توكلي على الله و اختاري و ما تخافي من تا حاجة
+++غير قوليلي اشمن شعبة اختاريتي و مستعدة نوافيك بكاع الدروس و التمارين بحلولها و المواقع المهمة الخاصة بالباكالوريا
و اي حاجة وقعلك فيها التباس طرحيها هنا و نعاونوك ان شاء الله

youssra-bac
16-10-2010, 20:08
بالنسبة لانك قريتي في نظام قديم معندها لاش تخلعك،حيت حافظو على نفس الدروس بدلو غير الغلوفة ديال الكتوب ههههه
خالتي باك قديم و مع ذلك كتشرحلي بض المرات و غير كتقرا شي ملخص كتستوعب داك الشي+انا كنخدم فجوج كتوبا قدام حيت التمارين ديالهوم قاصحين شويا
كل حاجة كتجي فوقتها،وحتى دبا باقي قدامك الطريق و الوقت و غير بالصبر و الارادة و شوية ديال المراجعة راكي تنجحي ان شاء الله
توكلي على الله و طمنيني عليك اختي
انا في انتظار عودتك

youssra-bac
16-10-2010, 20:12
فاين هاد الغوايب اختي يارا و سكينة
طمنوني عليكوم را تواحشت الطلة ديالكوم هنا

youssra-bac
16-10-2010, 20:14
غاليتي عزة الام
شكرا لك جزيلا حيت عطيتيني فكرة على موضوع نكتب عليه بالانجليزية
ربي ما يخاطانا من النصائح ديالك
حفظك الله و رعاك

Saniakuos
18-10-2010, 15:11
السلام عليكم أخواتي العزيزات yara0 و kanacha87 و مغربية وافتخر

تحية خاصة لصاحبة الموضوع youssra-bac

أنا سانياكيوس أدرس ب الثانية باك SVT حصلت في الجهوي على 13 مع أنه كان بإمكاني الإتيان بمعدل أكثر لكن حفل زفاف أختي منعني من التركيز.

أتمنى أن نشكل قسما متميزا يسمى بقسم أناقة مغربية.

Saniakuos
18-10-2010, 15:19
بالنسبة للكتب التي أستعين بها فأنا في كل سنة أقتني باك، ديما ديما، 20/20 ودلتا للإستعانة بها وأحرص قبل كل فرض أن أنجز جميع التمارين المتواجدة بهذه الكتب.

هذه السنة اشتريت فقط باك 2008 و 2010. وسأشتري الكتب الأخرى فيما بعد إن شاء الله.

بالنسبة للساعات الإضافية فأنا من مؤيدي عدم متابعتها، ولكن أستاذ الفيزياء لهذه السنة إذا سألته سؤالا فيتلعثم ولا يقدر على الإجابة وفي بعض الأحيان لا يقدر هو على حل الكم الهائل من التمارين التي يوافينا بها مما دفعني إلى التسجيل في إحدى مدارس الساعات الإضافية الخاصة لمتابعة دروس الفيزياء. أما الرياضيات فأنا أحبها كثيييييييييرا ووددت لو كنت اخترت العلوم الرياضية (قدر الله وما شاء فعل). وإذا حدث والتبس علي أمر فأستعين بصديق أبي فهو أستاذ في الرياضيات.

Saniakuos
18-10-2010, 15:26
بالنسبة لبرنامجي اليومي فأنا أسيقظ كل يوم لصلاة الفجر، بعدها أقرأ حزبا من القرآن الكريم ثم أشرع في حفظ الدروس التي يطلب مني حفظها فكما قال الرسول الكريم: "نحن أمة بورك لها في بكورها" كما أقوم بإنجاز التمارين للمواد العلمية. أما المواد الأدبية فلا تتطلب تركيزا كبيرا ويمكن إنجازها في المساء.

لا أستعمل النت إلا في الأبحاث والضروريات حتى لا أهدر وقتيكما أنني لا أشاهد التلفاز إلا لمشاهدة الأخبار.

Saniakuos
18-10-2010, 15:29
أريد أن أقدم نصيحة للجميع هو التخلي عن الأفلام والمسلسلات (شخصيا لا أعبأ بها). لن نتكلم عن محجتواها وأضرارها فهذه أمور مفروغ منها. ولكنها تأخذ من وقتك وذاكرتك الكثير و لن تتركك تركزين على دروسك.

youssra-bac
18-10-2010, 18:55
ماذا عساي ان اقول غير بارك الله فيك و فيمن رباك اختي سانياكيوس
شكرا لمشاركتنا افكارك و منهجيتك
معا سنتعاون و سنتخطى كل الصعوبات

youssra-bac
18-10-2010, 19:09
لي عودة اختي
اليوم دوزت الفرض ديال الفيزيك الموجات و 2 دروس ديال الكيمياء ، ملقيتش صعوبة كبيرة فلاجابة على كل الاسئلة الحمد لله الحمد لله الحمد لله ، زدت تحمست و كنتمنى تكون النقطة مزيانة
غدا فرض في الانجليزية و فالحقيقة كنلقى صعوبة فهاد المادة عنحاول نزيد نراجع اليوم بالليل و غدا في الصباح.....دعيوا معايا
الفرض ديال الماط نهار الخميس و عيديرونا فالاتصال و الاشتقاق و الدوال......خدمماهوم مزيان فالصيف دبا عي كنراجع++الماط كتعجبني و حتى انا ندمت حيت مدرتش سيونس ماط
الفرض ديال علوم الحياة و الارض نهار الاتنين اللي جاي في استهلاك المادة العضوية و تدفق الطاقة...تقريبا فاهمة 70 فالمية غير من الشرح ديال واحد الاستاذ قدير حببني فالمادة
اوا صافي هادو اللي بانو دابا ههههه

youssra-bac
18-10-2010, 19:13
اختي سانياكيوس، النصيحة اللي عطيتي راه فمحلها ، معظم البنات اللي تيقراو معاي كيحسبو الف حساب دبا تفوتهوم حلقة من مسلسل فالمقابل كتلقاهم ديما ناسيين دفاترهوم و التمارين نتاوعهوم
الله يصلح حال بنات المسلمين......قولو امين

مغربية ووافتخر
18-10-2010, 21:13
السلام عليكم ورحمة الله وبركاته

كيف حالكم يا اخواتي ويا امهات ان شاء الله تكونو في احسن الاحوال

جزاك الله خيرا اختي سانيا على النصيحة

وكل الشكر لاختي يسرا الله يوفقك اختي وان شاء الله تحصلي على معدل جيد وتكوني انتي الاولى بالفرض تاع الفيزياء وياربي كل الفروض ان شاء الله لعندك هاد الايام

اختي كنت اريد ان اسجل بباك ليبر لهذه السنة لكن للاسف لا يمكنني تعذر عليا ذلك عنذي ظروف تمنعني ولن اقدر ان اراجع الدروس لكثرة انشغالي هذه الشهور، ان شاء الله السنة القادمة لن اظيعو حتى لو تزوجت ساسجل.

والان مسافرة حوالي شهر عند خالتي، وان شاء الله لما ارجع سابقى اتابع معاكم واخد منكم الدروس واراجع حتى استوعب الدروس شيئا فشيئا حتى لا يكون عليا ضغط السنة القادمة ان شاء الله

شكرا لكم اخواتي ودعواتي لكم بالتوفيق والنجاح بامتياز ان شاء الله

السنة الجاية ناخد معندكم الكتوبة يله حتافضو عليهم ههههههههه وقراو مزيان الغزالات الله يعاونكم

تحياتي

عزة الام
21-10-2010, 12:42
اجد فرحة في قلبي وانا اتصفح ردودكن المتشبعة بالحيوية والنشاط في هذا القسم لذلك ساكون باذن الله دائما ضيفة عندكن اذا سمحتن. يسرى مزيدا من العمل الدؤوب واتمنى ان تكوني من الاوائل ان شاء الله. سانيا بوركتي بنيتي فقد تطرقتي لموضوع في غاية الاهمية فالافلام المدرجة حاليا زيادة على انها من المحرمات فهي بمستوى رديئ لاينمي في الشخص الا الافكار السيئة والسلوك المنحط ومن هذا االمنبر اناشد كل فتاة تذخل في هذا القسم ان تشغل وقتها بمايفيد وما يمكنها من صقل شخصيتها وتطوير ذاتها ونداء حار لكل ام ان تعي مذا الضرر الذي تلحق بابنائها وهي تشاهد معهم هذه المسلسلات المعروضة الان. ومسيرة موفقة ان شاء الله فانتي تمشي على منهج السنة النبوية هدى الله كل البنات والبنين للطريق السوي. مغربية وافتخر احيي فيك حماسك واهتمامك بالحصول على الباكالوريا. لا تتركي المشاغل تخفت فيك هذا الحماس وخصوصا انك لازلت بغير ارتباطات فانه عندما تذخلي عالم الزواج والاولاد تاكدي بنيتي انك لن تستطيعي تكملة مشوار الدراسة لانك بذالك ستهملين وضيفتك الاسرية. رعاكن الله.

Saniakuos
21-10-2010, 17:18
السلام عليكن صديقاتي آسفة على الغياب ولكن التزاماتي تمنعني من دلك.
يوم الإثنين لدينا أول فرض في مادة العلوم في درس استهلاك المادة العضوية ودرس التقلص العضلي.
اليوم الخميس وغدا ليست لدينا دراسة لأن أساتدتنا مكلفون بحراسة الكفاءة المهنية أو شيء من هدا القبيل بمعنى عندي وقت كاف للمراجعة.

وفق الله الجميع

Saniakuos
21-10-2010, 17:20
أختي يسرا عندي طلب بسيط. هو كيف أحمل الملفات على شكل روابط. عندي الكثير من المواضيع التي أرجو أن أفيد منها الأنيقات على الوورد ولكنني لا أعرف كيف أحملها، وشكرا لك مسبقا

Saniakuos
21-10-2010, 17:37
الحمد لله عندنا أستادة مميزة في العلوم وهي تساعدنا بطرق جد مبسطة.

هده روابط تشمل مقاطع فيديو جد مبسطة لآلية التقلص العضلي.

ألية التقلص العضلي
http://www.youtube.com/watch?v=msK6f4bBH-g

بنية النسيج العضلي ومكوناته
http://www.youtube.com/watch?v=QkbyXQhFIBU&feature=related

آلية ارتخاء العضلة
http://www.youtube.com/watch?v=eg_2805PSFc&feature=related

Saniakuos
21-10-2010, 17:43
خاص بالعلوم كدلك:

تصحيح تماررين الدرس الأول من كتاب الجديد
http://www.youtube.com/watch?v=-ZBmNuDRxNQ&feature=related

تصحيح تمارين الدرس الأول من كتاب الرحاب
http://www.youtube.com/watch?v=CMkRlMjtYDk&feature=related

Saniakuos
27-10-2010, 19:02
طال غيابك يا يسرى عسى المانع خيرا

fatin09
31-10-2010, 21:11
سلام عليكم اخواتي انا اسمي فتيحة عندي حتى انا باك فيزيك هاد العام انا الصراحة متعودة نجي الاولى فالاقسام فاش قريت او كنت دايرا سيونس ماط و قلبت علوم تجريبية حيت الليسي فاش كنت غادي نقرا بعيد و الوالدة ما بغاتش تخليني ندير الداخلية. المهم المشكلة ديالي هي انني داك العام جيت الاولى فالقسم ديالي فالدورة الاولى و جبت 17 و لكن فالدورة الثانية حسيت بحال الى تكلخت و خاصة ف svt كان عندي واحد الاستاذ ما كيعرفش كيفاش اشرح و جبت عندو فالفرض الاول الدورة الثانية 9 على 20. و هذا اثر فالمعدل ديالي و جبت نيت 17 و لكن جيت الرابعة مع العلم انني دوزت الفرض في الفوج الاول و المعدلات كانو فالفوج الثاني هذا اولا. كانت عندي واحد الاستاذة د الفرنسية جديدة و ما حملوهاش الدراري اللي معانا حيت كتبدا تنعلنا (هذي بلا ما نشرحها) اذا بعض المرات ما كناش كنقراو و الا قرينا يالله ربع ساعة اللي كنا كنقراو و هذا اثر فيا فالجهوي حتى جبت فيه 11.5 مع انني كنت كنتوقع اكثر و شبعت بكى خاصة انه كاينين ناس قل مني فالمستوى جابو كثر مني هذا ثانيا. المهم هو ان هاذ جوج عوامل اثرو فيا بزاف و ولات عندي واحد النظرة تشاؤمية للقراية كلها حيت حفظت مزيان للجهوي و ما درت فيه والو وليت كنظن ان هذا هو اللي غادي اطرا لي فالوطني. نصحوني عافاكم حيت حنا فنفس المستوى و كنظن غادي نسمع النصيحة ديالكم كثر من الناس اللي حدايا. وخاصكم تعرفو انني جاني نفس الاستاذ ديال svt تاع داك العام و ما كنفهم عندو والو و الاستاذ تاع الفيزيك كيزرب باش اكمل المقرر و حتى هو ما كنفهم عندو والو. عاونوني عفاكم و من الافضل تقول لي كل واحدة كيفاش كتحضر لكل مادة ماشي غير للفروض حتى للحصص توع الدروس. و بغيت نعلمكم انه بدات كتولي عندي رغبة في القراية من بعد ما فقدت الامل من بعد ما شفت هاد المنتدى
و كنشكركوم بزاف بزاف

youssra-bac
01-11-2010, 14:15
وعليكم السلام اخواتي
توحشت المندى توحشتكم خوتي،سمحولي مكنتش كندخل حيت كنت فدار جدي و معندهومش الانترنيت
اختي سانياكوس سول عليك الخير ،فرحت بزاف مين لقيتك متابعة معايا
عجبوني داك الروابط اللي حطيتي زدت فهمت بيهوم بزاف ديال الحاجات
شكرا بزاف فيدتيني و عاتفيدي الاخوات ان شاء الله
+++++قوليلي شنو درتي فالفرض ديال العلوم؟

youssra-bac
01-11-2010, 14:17
بالنسبة لطريقة وضع الملفات على شكل روابط حتى انا مكنعرفش، غير خويا كيديرهوملي،من بعد نسولو و نكتبلك الطريقة بالتفصيل و منها حتى انا نتعلم كيفاش كيصوبوهوم

youssra-bac
01-11-2010, 14:32
فتيحة مرحبا بيك معانا،قريت الرد ديالك و حسيتو و فهمت الشعور ديالك مزيان،ولكن بغيتك تسمعيني مزيان شنو عنقوليك:
+دائما الخوف يؤدي للفشل،ما تحطيشالفشل قبالة عينيك بل واجهي الصعوبات اللي عندك و تغلبي عليها و تقي فراسك و فقدراتك باللي نتي قادرة تنجحي و بميزة ان شاء الله
+يقول تعالى ((وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ))
+ويقول تعالى (( فَعَسَى أَن تَكْرَهُواْ شَيْئًا وَيَجْعَلَ اللّهُ فِيهِ خَيْرًا كَثِيرًا))
+قريتي هاد جوج ايات مزيان و اكيد فهمتيني شنو كنقصدليك،قولي الحمد لله و تقي في الله سبحانه و تعالى اللي قادر على كل شيء
++ختي هاد العام كيدوز كي الطرشة كيفما كنقولو منبغيكش تستسلمي و ترجعي اللور،النقط ديالك فعلا كتفرح و مشرفة و ديري فراسك باللي الجهوي غير 25 في المئة يعني 75 في المية ديالك.
+النقطة ديال الجهوي ديالك كتسمحلك تجيبي المونسيون اذا خدمتي مزيان للوطني،فقط توكلي على الله و تيقي بيا نتي قادرة تنجحي و تجيبيها، خلي عندك روح التحدي

youssra-bac
01-11-2010, 14:36
بالنسبة لعلوم الحياة و الارض عنعطيك المواقع اللي كنعتمد عليهوم و كنفهم بيهوم مزيان
واي حاجة او استفسار عندك في المادة عنجاوبك عليه خاصة اننا نفس التخصص
بالنسبة للفيزيك حتى حنا الاستاذ كيزرب كتار ما تصوري سالينا الموجات و النووي و اربع دروس الاولى ديال الكيمياء

fatin09
01-11-2010, 23:03
شكرا ختي يسرى. الصراحة انا ما بغيتش نخيب الظن ديال راسي اولا او الناس اللي كيثقوا بيا ثانيا. المشكلة ان البنات صحباتي او اللي كنت كنظن انهم صحباتي يالله بداو كيبانو على حقيقتهم و خرجو النياب. قبل الجهوي كانو كيسولوني على شي حاجة و كنوريها ليهم بحال الهبيلة ماشي حيت ما كنعرفش نخادع بحالهم و لكن حيت كنخاف الى ما وريتهم انتقم مني سيدي ربي فالجهوي. و دابا ملي قضاو الغرض ما بقاوش كيعرفوني حتى عاوتاني ابغيو شي حاجة عاد اقلبو عليا. و هذا هو ما دار فيا الحماس باش نعاود نرجع للمستوى ديالي باش حتى انا ننتقم لكرامتي و لكن بلا ما نآذيهم.

ريهام المحبة
02-11-2010, 14:13
سلام ابنات
اختي يسرى تبارك الله عليك موضوع رائع انا دايرة علوم انسانية و غير جيت ندير ليكم طليلة
صراحة مزيان مني درتي هاد التجمع غيساعدكم بزاااف و انشالله يارب ينجحنا كاااااااااااااملين
الا حتجيتو شي حاجة هاهو تجمع ديالنا
http://www.anaqamaghribia.com/vb/showthread.php?155435-%CA%CC%E3%DA-%C7%E1%C7%CF%C7%C8-%E6%DA%E1%E6%E3-%C7%E4%D3%C7%E4%ED%C9-%D3%E4%C9-%C7%E1%CA%C7%E4%ED%C9-%C8%C7%DF%E1%E6%D1%ED%C7-%28-%C7%E1%E3%D1%CC%E6-%C7%E1%CA%CA%C8%ED%CB%29
تقبلي مروري

Saniakuos
05-11-2010, 19:46
وعليكم السلام اخواتي
توحشت المندى توحشتكم خوتي،سمحولي مكنتش كندخل حيت كنت فدار جدي و معندهومش الانترنيت
اختي سانياكوس سول عليك الخير ،فرحت بزاف مين لقيتك متابعة معايا
عجبوني داك الروابط اللي حطيتي زدت فهمت بيهوم بزاف ديال الحاجات
شكرا بزاف فيدتيني و عاتفيدي الاخوات ان شاء الله
+++++قوليلي شنو درتي فالفرض ديال العلوم؟


على سلامتك أختي يسرا بالنسبة لإمتحان العلوم الحمد لله كان في المستوى، كانت بعض الأسئلة الصعبة ولكنني والحمد لله أحب مادة العلوم ومتفوقة بها. كان عندنا سؤال مقالي وتمرينان مأخوذان من الإمتحانات الوطنية السابقة. عندنا يوم الثلاثاء امتحان في الرياضيات درس الإشتقاق والإتصال. أعان الله الجميع

Saniakuos
05-11-2010, 19:58
سلام عليكم اخواتي انا اسمي فتيحة عندي حتى انا باك فيزيك هاد العام انا الصراحة متعودة نجي الاولى فالاقسام فاش قريت او كنت دايرا سيونس ماط و قلبت علوم تجريبية حيت الليسي فاش كنت غادي نقرا بعيد و الوالدة ما بغاتش تخليني ندير الداخلية. المهم المشكلة ديالي هي انني داك العام جيت الاولى فالقسم ديالي فالدورة الاولى و جبت 17 و لكن فالدورة الثانية حسيت بحال الى تكلخت و خاصة ف svt كان عندي واحد الاستاذ ما كيعرفش كيفاش اشرح و جبت عندو فالفرض الاول الدورة الثانية 9 على 20. و هذا اثر فالمعدل ديالي و جبت نيت 17 و لكن جيت الرابعة مع العلم انني دوزت الفرض في الفوج الاول و المعدلات كانو فالفوج الثاني هذا اولا. كانت عندي واحد الاستاذة د الفرنسية جديدة و ما حملوهاش الدراري اللي معانا حيت كتبدا تنعلنا (هذي بلا ما نشرحها) اذا بعض المرات ما كناش كنقراو و الا قرينا يالله ربع ساعة اللي كنا كنقراو و هذا اثر فيا فالجهوي حتى جبت فيه 11.5 مع انني كنت كنتوقع اكثر و شبعت بكى خاصة انه كاينين ناس قل مني فالمستوى جابو كثر مني هذا ثانيا. المهم هو ان هاذ جوج عوامل اثرو فيا بزاف و ولات عندي واحد النظرة تشاؤمية للقراية كلها حيت حفظت مزيان للجهوي و ما درت فيه والو وليت كنظن ان هذا هو اللي غادي اطرا لي فالوطني. نصحوني عافاكم حيت حنا فنفس المستوى و كنظن غادي نسمع النصيحة ديالكم كثر من الناس اللي حدايا. وخاصكم تعرفو انني جاني نفس الاستاذ ديال svt تاع داك العام و ما كنفهم عندو والو و الاستاذ تاع الفيزيك كيزرب باش اكمل المقرر و حتى هو ما كنفهم عندو والو. عاونوني عفاكم و من الافضل تقول لي كل واحدة كيفاش كتحضر لكل مادة ماشي غير للفروض حتى للحصص توع الدروس. و بغيت نعلمكم انه بدات كتولي عندي رغبة في القراية من بعد ما فقدت الامل من بعد ما شفت هاد المنتدى
و كنشكركوم بزاف بزاف

أختي فتيحة ذكرتني بمثل لا تفتأ أمي عن ترديده "حتى حاجة ما بعيدة عند الله". وكما يقول الله تبارك وتعالى: إذا أراد شيئا أن يقول له كن فيكون".

أختي أنا في أيام الجهوي كنت أسهر الليل وأقوم الصباح الباكر للحفظ. وفي النهاية حصلت على 13. هناك من يقول لي 13 نقطة جيدة ولكنني أعرف النقطة التي أستحقها. وكما يقول الشاعر: ما مضى فات والمؤمل غيب ولك الساعة التي أنت فيها
إن الأخطاء أختي نستطيع أن نتعلم منها لا نقف متحسرين لوقوعها

وفقك الهه أختي

Saniakuos
05-11-2010, 20:00
سلام ابنات
اختي يسرى تبارك الله عليك موضوع رائع انا دايرة علوم انسانية و غير جيت ندير ليكم طليلة
صراحة مزيان مني درتي هاد التجمع غيساعدكم بزاااف و انشالله يارب ينجحنا كاااااااااااااملين
الا حتجيتو شي حاجة هاهو تجمع ديالنا
http://www.anaqamaghribia.com/vb/showthread.php?155435-%CA%CC%E3%DA-%C7%E1%C7%CF%C7%C8-%E6%DA%E1%E6%E3-%C7%E4%D3%C7%E4%ED%C9-%D3%E4%C9-%C7%E1%CA%C7%E4%ED%C9-%C8%C7%DF%E1%E6%D1%ED%C7-%28-%C7%E1%E3%D1%CC%E6-%C7%E1%CA%CA%C8%ED%CB%29
تقبلي مروري

مرحبا بك الخلة سندس. شكرا على صلة الرحم التي قمت بها مع أخواتك العلميات ونحن كذلك رهن الإشارة. أنا شخصيا لدي ميول أدبية ويمكن أن أساعد حسب المستطاع.

fatin09
05-11-2010, 21:00
سلام كي دايرين البنات ما شكيت عليكم راسي غادي انفجر قريت ربعة ديال السوايع فيزيك و ساعتاين ماط و عندي الفرض ديال الفيزيك نهار الاثنين و الصراحة مخلوعة منو بزاف حيت ما فاهماش الدروس و حتى الاستاذ باينا واش ناوي اصعبها علينا. دعيو هلي نتوما معايا حيت خاصني نثبت راسي فهاد الفرض و نتبت لراسي واش انا ما تكلخت لهاديك الدرجة. ختي سانياكوس ما تعرفيش انا شحال حفظت عرفتي الاجتماعيات اللي كنت كانجيب فيها النقطة الاولى جبت فيها 12.5 و داك الموضوع اللي عطاونا فتاريخ بحالو دار لينا الاستاذ فالفرض الثاني الدورة الثانية و جبت فيه 19.5 اوا واش انا ما خصني ننتحر

Saniakuos
05-11-2010, 23:02
أختي اتقي الله في حق نفسك إذا كان فرض مدرسي سيدفعنا إلى الإنتحار "فبناقص من هاد الحياة" وإذا رسبت لا قدر الله في الإمتحان الوطني ماذا ستفعلين؟

الحياة حلو ومر فاتنتي لا تتركي اليأس يتسلل إلى قلبك واتكلي على الله. ولتعلمي بأنني لست لا أفهم الفيزياء فقط ولكنني أكرهها. في السنة الماضية كانت عندي في النتيجة 20 في العلوم مقابل 8 في الفيزياء. ولهذا تخصصت في شعبة علوم الحياة والأرض.

المهم نحاول جهدنا والكمال على الله.

fatin09
06-11-2010, 19:45
انا عكسك تماما عندي 20 فالفيزياء و 12.5 فالعلوم و تخيلي لو لم ابدل جهدا جبارا في الفرض الثاني بعد حصولي على 9 على 20 في الفرض الاول لكنت في الحضيض الان. و حاليا انا استعين بصديقة لي في شعبة العلوم لتشرح لي الدروس.لأن لدي استاذا "جيبي المانطة و الوسادة و نعسي" و لكنني احاول جاهدة ان اركز.المشكلة الان في مادة الفيزياء التي اصبحت احس بالعجز حيالها.ارجوكن اللي عندها شي نصيحة ليا فهاد الخصوص تعاوني

youssra-bac
08-11-2010, 15:09
السلام عليكن رفيقات دربي
اختي سانياكوس ربي يوفقك و نتمنى مجهودك يبان فالنقطة،و زيري راسك فالفرض ديال الماط را الدروس الاولى سهلة + حتى انا عندي فرض الماط الابعاء فالاتصال و الاشتقاق و دراسة الدوال و الدوال الاصلية هههه غارقة حتى لعنقي،بيتي عامل فحال شي بحيرة ديال الوراق و الكتوب ههه
اختي فتيحة تبارك الله عليك عندك ميول كبير لمادة الفيزيك ما عليك غير تيقي فراسك و القدرات ديالك ++ ما تخليش حتى حاجة تفوتك فالدروس و تبعي بالتمارين و ما عاتلقاي حتى صعوبة ان شاء الله
بيني و بينك حتى انا لقيت صعوبة فالفيزيك مي كنحاول نتغلب عليها بكترة التمارين
البنات ها واحد النصيحة كنتمنى تديرو بيها : تعاملو مع الفروض كامتحانات كتوجدكوم باش تدوزو بخير الامتحان الوطني، alors ادا ما جبتيش النقطة فهاد الفرض متلا ماشي توقف و تفقد الامل،بالعكس استافد من الاخطاء اللي عملتيها و بدا توجد للفروض الموالية

fatin09
08-11-2010, 20:16
سلام انا اليوم دوزت الفرض تاع الفيزيك الصراحة مادرت فيه والو الفرض كان طويل و الاسئلة معقدة شوية و كاينين شي اسئلة مجاوبة عليهم فالورقة ديال الوساخ و توترت فاش ما بقاتش لي الوقت شي كتبتو و شي نسيتو و شي ما عرفت كاع اش درت فيه غير الله اسلك. المهم دابا عندي فرض فالماط نهار الجمعة انا موجدة ليه حيت اصلان هو غير تأجل لينا.المهم انا كنفكر نبدل المنهجية ديالي خاصة فالدروس اللي عندي فالوطني. غادي نركز عليها بزاف و فنفس الوقت ما ننساش المواد الاخرين خاصة الفيزيك و الماط.ختي يسرى شكرا و بعدا ريحتيني فاش عرفت بلي ماشي غير انا اللي جاوني الدروس صعاب كنت غادي نفقد الامل فراسي و بغيت نقول ليك بلي كان عندي واحد الاستاذ فالفيزيك داك العام شهوة منو هو كان مزيرنا و واخا هكاك حببنا فالمادة و الشرح ديالو مبسط بزاف و لكن هاد العام انتقل شوفي على زهر

yara0
09-11-2010, 14:15
السلام عليكم البنات سمحولي على الغيبة توحشتكم بزاف
اوا كيف راكم مع القراية شفتكم غير كتشكيو على بعضياتكم كل و منين شادها
انا دوزت الفرض في سيونس اما الماط و الفيزياء حتى من ورا العطلة
اوا اش غنقوليكم الاستاذة للي عندنا كتشرح في جهة و الفرض حاطاه في جهة
زعما غير الله يسمح لينا من الاساتذة كندوو عليهم بزاف
بالنسبة للكمياء حتى انا جاني في الا ول صعيب و لكن ملي خدمات معانا الاستاذة واحد السلسة بديت كنفهم شوية الا بغيتو نحطها ليكم تخدمو عليها من بعد نحط التصحيح
اختي فاتن ظبطي الفروض ديالك عافاك راه كاين غير 4 الفروض في العام و النقطة للي مشات معدسش ترجع راكي عارفة المعامل شحال ديال المادة الا كنتي كتبرزطي في الفرض ختاري شي بلاصة كالم و حطي الساعة قدامك و بداي تخدمي بشوية للفرض و التمرين للي خرجتي نقليه ديك الساعة في ورقة التحرير و للي ما عرفتيش ليه خلي بلاصتو باش الا عرفتي الاجابة ترجعي ليه و ديما خلي 2 سطور بين سؤال و سؤال باش الا تفكرتي شي حاجة تلقاي فين تزيديها
اختي سانيوكس حتى حتى انا عمرت بحال الشبة ديالك و لكن ماشي كرها في الفيزياء و لكن عزيز عليا علوم الحياة و الارض سبحان الله عزيز عليا المواد العلمية واخا تنلقى فيها صعوبة و لكن تيعجبني نبقا نخرج في التمارين ديالها

fatin09
09-11-2010, 22:14
ختي يارا كلشي هاد الشي اللي قلتيه درتو ختاريت بلاصة كالم و حطيت الساعة قدامي و كلشي راه المشكلة الفرض طويل و معقد و الى بغيتي تحلي شي سؤال خاصك السؤال اللي قبل منو هاد الصباح سولوه الدراري قال ليهم اعلى معدل 13.25 و اللي جابو المعدل ما واصلين حتى عشرة د التلاميذ اوا دعيو معايا نكون منهم. انا عارفة بلي الى مشات لي نقطة غادي تأثر علي و الصراحة انا ما خدمتش بمنهجية فهاد الفرض جاب الله الاستاذ غادي ادير لينا 3 دالفروض و يختار دوك جوج اللي عندنا فيهم اكبر معدل. انا غادي نحاول نخدم مزيان فها د الفروض اللي جايين و انا كنشكرك بزاف على النصائح ديولك و انشاء الله نخدم بيهم و انشاء الله ما يكون الا الخير لي و ليكم

youssra-bac
10-11-2010, 13:58
السلام عليكم
ختي يارا توحشتك ما تغيبيش علينا بزاف مرا مرا طلي علينا باش نطمنو عليك
ختي فتيحة الفروض اللي جايا ان شاء الله عاتجيبي فيهم المعدل اللي باغاه خاصة انك عرفتي الاسلوب ديال الاستاذ و النوعية ديال التمارين اللي كيحط
ختي سانياكوس شنو درتي مع هاد الفروض؟

youssra-bac
10-11-2010, 14:01
البنات هاد الفيديو على الاعلام المغربي عجبني بزاااف نتمنى تشوفوه
http://www.widgeo.net/ads/index.php?country=MA&ad=0
+++مرا مرا نخرجو من الجو ديال القراية نعرفو شنو واقع في البلاد هههه+++

youssra-bac
10-11-2010, 14:07
هاد الموقع اللي عنطيكوم ديال علوم الحياة و الارض خليواه في قائمة المواقع المفضلة
الموقع كيشمل كل ما استجد من تمارين الباكالوريا في مادة العلوم الحياة و الارض
صاحب الموقع هو الاستاذ عبد الحميد حسون الذي اعتبره قدوة و اسوة سواء على المستوى العملي و الانساني++كل التمارين و الدروس و الفروض الموجودة بالموقع هي من انجازه الخاص
جزاه الله خيرا على مجهوداته النيرة
http://svt-ksarelkebir.fr.gd/

youssra-bac
10-11-2010, 14:11
هذا الموقع رائع ايضا يخص مادة علوم الحياة و الارض
http://www.khayma.com/uloum/

youssra-bac
10-11-2010, 14:34
بالنسبة لاخر اخباري
جبت في الفرض ديال الفيزياء 11 و الحمد لله كانت اعلى نقطة بالقسم
طبعا تصدما بالنتائج علما ان تاني نقطة بالقسم هي 9 و كانت اخر نقطة 3
التمرين ديال الكيمياء كانو في 2 تفاعلات و حنا مشينا درنا تفعل المعايرة و نزلنا على الجدول الوصفي .... الاستاذ اشار الى ان التفاعل المقصود ماشي ديال المعايرة و حنا ما انتبهناش
المهم الحمد لله استفدت من الفرض و فعلا كان في المستوى
+جبت 18 في الفرض ديال العلوم
+الفرض ديال الماط حاسة براسي مجاوبة مزيان باقي ما عطانا النقط
+الفرض ديال الانجليزية جبت فيه 13.75

youssra-bac
10-11-2010, 14:40
واحد الفكرة عنقزلهاليكوم عطيوني رايكم فيها
+بما اننا مقبلين على العطلة ديال العيد و تقريبا سالينا الفروض الاولى ديال مواد العلمية و عرفنا اسلوب الاساتذة دياولنا
كل وحدة فينا تقيم راسها و تقولينا فين غلطات .......+تقولينا المنهجية اللي عاتمشي عليها من بعد هاد الفروض

youssra-bac
10-11-2010, 14:42
حاجة اخرى جاوبوني عليها كي داير القسم ديالكوم من ناجية التلامذ واش ضراف و لا......القسم عامر و لا لا....كتعاونو او لا.....

yara0
10-11-2010, 21:08
السلام عليكم
اختي فاتن بلا جميل هذا واجب
اختي يسرى حتى انا توحشتكم و قد ما غبرت ضروري نرجع نطل عليكم
بالنسبة لليا انا باقي ما درناش فروض في جميع المواد حتى من ورا العطلة
و بالنسبة للقسم ديالي فيه 45 تلميذ كل واحد تيضرب غير على مصلاحتو ما كاين لا تعاون لا والوا
بغيت نسولكم على السيونس كيف كديرو تراجعوها واش كتعتامدو على الشرح ديال الاستاذ او كتزيدو سوايع او كتخدمو التمارين و ديال اشمن كتاب نتمنى كل وحدة تفيدني بتجربتها

youssra-bac
10-11-2010, 21:31
وعليكم السلام اختي يارا
السيونس كنحاول نفهمها مع الاستاذ و من كنساليو الدرس كندير ملخص للدرس على شكل خطاطة او نقط....
بالنسبة لي كنعتمد في التمارين على طوب ديال العلوم و على التمارين من الموقع اللي عطيتكوم و التمارين ديال الكتاب

youssra-bac
10-11-2010, 21:49
البنات هاد العشية تعصبت بزااااف و بكيت حتى ما بقاو دموع فعيني
داك الفرض اللي دوزناه ديال الماط اليوم صححناه و انا كنت ناوية على 18 كاقل تقدير
تصدمت من عطاني الورقة و لقيت 15 ، المهم عييت ما نقلب على الاخطاء ديالي لقيت خطا واحد و داك السؤال عليه 1.5+سؤال مجاوبة عليه صحيح ضاربلي عليه وعلى هاد السؤال 1.5
نضت عندو و قلتهاليه قالي اذا خاصك 20 انا مكنعطيهاش ، انا بقيت عا ساكتة قوتلو ا استاذ نتا ما صححتليش واحد السؤال قالي أرا ستيلو حمر و اذا لقيتو عندك غلط عنقصلك 2 نقاط حيت زدتي عدبتيني
الموهم بدا كيحقق في النقطة و الفاصلة و لقاه عندي صحيح و حطلي عليه غير نقطة و رجعلي المجموع 16
حاسة بالظلم بزاااف و طيحلي المعنويات ديالي خاصة اني كنت ناوية نوازن الفيزيك بالنقطة ديال الماط
الطامة الكبرى في المقابل كانت اول نقطة 19 من نصيب بنت استاذ مادة الرياضيات في نفس المؤسسة و اللي هو صديق ديالو...الورقة ديالها شفتها هي بادية الاشتقاق و الاستاذ مكملو من تحت و الرسم كاع ما دايراه.....الخ
فعلا هنا كيكون الاستاذ وسيلة باش يطيح من معنويات التلميذ

youssra-bac
10-11-2010, 21:56
+++ واش كتنصحوني نقولها للاب ديالي يمشي يتكلم معاه او لا؟ انا خايفة يشد معاي الضد
نحمد ربي على هاد النقطة انا فقط بقا فيا الحال و حسيت بالظلم و القهرة،خدمت و خدمت و خدمت سيمانا و نا كنعس حتى 12 و كنفيق مع 6 نراجع الماط حتى ما بقا تمرين و خدمتو في الاخر يجي واحد اخر يديها باردة ،هنا بقا فيا الحال

fatin09
10-11-2010, 22:20
سلام اختي يسرا شوفي سبحان الله انا وياك في مركب واحد انا اليوم شديت نقطة تاعت فيزيك و لقيت راسي انا النقطة الاولى ب 13.75 الصراحة ما عرفتش كيفاش درت ليها. الفرض ديال الماط هاد الجمعة و العلوم و الفلسفة من بعد العطلة . الانجليزية دوزتها و لكن ما زال ما عطاناش النقط. تصوري انني يالله اليوم جات لي الاستاذة تاع العربية. اوا دعيو معايا فالفرش ديال الماط

fatin09
10-11-2010, 22:26
سلام. انا اليوم خديت النقط توع الفرض ديال الفيزيك و جبت انا النقطة الاولى ب 13.75. الصراحة ما عاجبانيش هاذ النقطة بزاف و لكن الحمد لله على كل حال.الفرض تاع العلوم و الفلسفة من بعد العطلة. الفرض تاع الانجليزية دوزتو و لكن مزال ما عطاناش النقط. و الاكثر اهمية هو الفرض تاع الماط اللي عندي هاد الجمعة اوا دعيو معايا.

yara0
11-11-2010, 14:08
انا باقي ما خديت النقط و باقي الفراوض من ورا العطلة
اختي يسرى بلا ما يبقى فيك الحال النقطة و اخا ماشي ديالك و لكن راها مزيانة راه اغلب الاساتذة هذا هو التعامل ديالهم و لكن ماشي على حسابك و ضيعي في النقطة ديالك المهم جيبي الاب ديالك و لكن يحاول اتفاهم معاه غير بالهدوء ماشي يدخل عليه نيشان علاش ما حطيتي لبنتي النقطة لان كل الاباء عندهم غيرة على ولادهم و ما يحملو حد يظلمهم و لكن الا عيتعصب عليه بالناقص يمشي عندو لان هادشي عادي غير يجبد لك الصداع
اختي فاتن ملي 13 هي اول نقطة كنظن ان الباريم ديال عيتبدل ملي يبغي يحط ليكم النقط
اوا الله يعاونا و يسهل علينا اجمعين

yara0
11-11-2010, 14:23
بالنسبة للطبيعيات كنظن انكم واصلين في الخبر الوراثي
http://www.youtube.com/watch?v=joQUk5AW8Mw

ام نعمة الله
11-11-2010, 23:39
الله اعاونكما التلميذات مع الفروض المتراكمة

yara0
12-11-2010, 13:46
اميييييييييييين
شكرا امنا نعمة الله على دعواتك

youssra-bac
23-11-2010, 14:21
جزاك الله خيرا ايتها الاخت الفاضلة ام نعمة الله

youssra-bac
23-11-2010, 14:38
اولا ،
عيدكن مبارك سعيد وكل عام و انتن بألف خير
ان شاء الله تدخل عليكن السنة الجديدة بألف خير و نجاح
تانيا ،
اشتقت لكن كتيرا ، اتمنى ان تلتحقن عن قريب لاعرف مستجداتكن

youssra-bac
23-11-2010, 14:42
اختي يارا شكرا بزاااف على نصيحتك
انا تقريبا نسيت داك الفرض و بديت كنوجد للفرض جاي :-)
اختي فتيحة نتمنى تكون دوزتي الفرض ديال الماط مزيان

youssra-bac
23-11-2010, 14:51
الخميس الجاي انا اللي عاندير الدرس ديال الفرنسية chapitre 24 من candide
اذا كنتو درتو هاد chapitre عتقوني في analyse خصوصا دوك les figures de styles اللي كاينين في النص+ les thémes

youssra-bac
23-11-2010, 14:59
اه اللي دخلات فيكم تقولي كي دوزات هاد العطلة
هههه انا بقا فيا غير الحولي كان ضريف و مافيهش الصداع
++تقريبا راجعت حتى نهار السبت و الاحد ، كنت محتاجة هاد العطلة نرتاح شوية من الفروض و دبا انا الحمد لله متحمسة و رافعة التحدي من جديد

youssra-bac
23-11-2010, 15:03
الفيزيك حنا في rl
الماط حنا في المتتاليات
العلوم في التعبير عن الخبر الوراتي

fatin09
24-11-2010, 14:40
سلام البنات مبارك عواشركم كيفاش دوزتو العطلة. انا واخا هكاك جاتني قصيرة. المهم الصراحة انا تقريبا ما مسيت حتى شي دفتر هاد العطلة . حتى لنهار الاثنين فقت بكري و راجعت الفلسفة مزيان و دوزت فيها الفرض من 8 ل10 و نهار الثلاثاء كان عندي فرض فالتربية الاسلامية و جلست كانحفظ ليه و ما بقاش دارو لينا و ضيع ليا السوايع فاش غادي نحفظ العلوم اللي دوزت فيها الفرض هاد الصباح بخير. اليوم خديت النقطة ديال الفرض د الماط و جبت فيه 19 و هي النقطة الاولى فالقسم الحمد لله

youssra-bac
03-12-2010, 09:59
وعليكم السلام اختي فتيحة ، الله يبارك فيك اختي
العطلة دوزتها تقريبا كاملة راحة حيت كنا يالاه دوزنا الفروض و كنت عييت من القراية
برررافو فتيحة و الله العظيم الى فرحتيني الحمد لله نتمنالك 20 في الفرض جاي :)

youssra-bac
03-12-2010, 10:00
طمنيني على الفرض ديال العلوم اذا عطاكوم
واحد الاخت يارا شفتها غبرات اتمنى ان يكون المانع خيرا
يالاه بالتوفيق
لي عودة

yara0
03-12-2010, 14:40
خير ان شاء الله انا اختي غير هنا كنتسناكم غير دخلو
اوا اش كتعاودو اختي يسرى اش درتي مزال مع داك الاستاذ
هادو دروس الوراثة
تموضع الخبر الوراثي http://www.youtube.com/watch?v=1N3LMCP_5bQ
الانقسام http://www.youtube.com/watch?v=NhOprDbdFbU
http://www.youtube.com/watch?v=joQUk5AW8Mw&playnext=1&list=PLCE4B7214612D6DD0&index=5
التضاعف النصف محافظ http://www.youtube.com/watch?v=6dPzZHAVazA&feature=related
ظاهرة استنساخ المورثة http://www.youtube.com/watch?v=Zu3c-bpK1q8&feature=related

youssra-bac
03-12-2010, 20:25
+ كندخل عندو عادي كنتمنى نجيب شي نقطة مزيانة فالفرض التاني

youssra-bac
03-12-2010, 20:26
الفيديوهات اللي حطيتي كيفيدو فالفهم
شكرا بزاف

youssra-bac
03-12-2010, 20:30
موقع فيه دروس تمارين في الماط
http://sefroumaths.voila.net/2eme.sc.ex.htm
موقع فيه بعض الدروس المهمة في الفرنسية
http://dfrancais.voila.net/

fatin09
13-12-2010, 23:24
و فينكم البنات واش نسيتو المنتدى ولا اشنو.المهم انا اليوم دوزت الفرض الثاني تاع الفيزيك و هاد المرة كان نيت صعيب . دوزناه فالموجات و النووي و جوج دروس توع الكيمياء

youssra-bac
15-12-2010, 14:07
غير مع الفروض المتراكمة و الكم الهائل من المعلومات اللي خصنا نستوعبوهم فاسرع ما يكون :(
كنتمنى تجيبي نقطة في المستوى اختي فتيحة ، و ان شاء الله مع الوقت عنتغلبو على كل الصعوبات

youssra-bac
15-12-2010, 14:09
وخا نغيب عليكم البنات را قلبي معاكم و ديما كنبغي نطمن عليكم را حنا اخوات في الله و انا حبيتكم في الله

الانــيقة
15-12-2010, 14:38
الله يوفقكم يالبنات, دزت من هد المرحلة وعارفة الصعوبات والضغط النفسي لممكن تواجهوه。
الله يسر الامور ويوفقكم فالدراسة, واذ كرو ان المسلم المجد اللذي يثقن العمل خيرعند الله

yara0
16-12-2010, 19:28
السلام عليكم
اختي فاتن حنا كلنا هنا و كيف ما قالت يسرى راكم ديما في البال
كن غير كنا نقراو مجموعين راه نديرو تجمع في القسم
عندك الحق اختي انيقة ديما كنحلم بنهار الامتحان و الوقت دغيا كيدوز و كتحسي براسك ما درتي والوا
اوا الله يوفق الجميع

youssra-bac
21-12-2010, 09:43
ربي يخليك اختي انيقة ، فعلا حنا محتاجين فحال هالدعيوات اكتر شي

youssra-bac
21-12-2010, 09:48
نفس التفكير ديالي اختي يارا
ولى الامتحان هو همي الوحيد ، خاصة مكنتفكر بانه هو الفرصة الوحيدة باش نحقق حلمي

youssra-bac
21-12-2010, 09:52
غدا عندي الفرض التاني ديال الماط دعيو معايا
اختي فتيحة طلي علينا باش نطمنو عليك
يا ربي يوفقنا و ينجحنا كاملين

yara0
21-12-2010, 21:53
امين اختي يسرى و نتمنى من الله يوفقك في هاد الفرض
اجي بالحق كاع ما قلتي ليا اشنو هو حلمك

najmat aljanoub
21-12-2010, 23:54
السلام عليكم ورحمة الله تعالى و بركاته
بالتوفيق وبالنجاح و تبارك الله على يسرا باك
اااله يوفق الجميع

fatin09
23-12-2010, 12:49
سلام البنات كيفاش دايرين. انا دوزت الفرض الثاني تاع الفيزيك و جبت فيه 15.75 النقطة الاولى فالقسم و الحمد لله. و الفرض الثاني تاع الماط عندي هاد الثلاثاء. المشكلة حنا هنا عندنا الاضرابات الفرض تاع العلوم جبت فيه 15 و تقلقت حيت النقطة الاولى فالقسم كانت 18.5 بقا فيا الحال بزاف و الفلسفة جبت فيها 12 و المشكلة هاد الفروض توع العلوم و الفلسفة تعطاو ليا فواحد النهار. ما تخيلوش كيفاش كنت. و لكن من بعد جا الفرض تاع الفيزيك و رد ليا شويا تاع الامل.انا بالنسبة ليا كنحاول ما نفكرش فنهار الامتحان حيت كنتوتر بزاف . على ذكر الحلم : انا كنحلم نولي مقاولة و ندير شركة خاصة بيا و هذا كان حلم ديالي مللي كنت صغيرة سمحو لي كثرت عليكم و لكن هاذ المنتدى هو المتنفس الوحيد لي

youssra-bac
27-12-2010, 20:11
برااافووو فتيحة فرحتيني بالنقط المشرفة ديالك ، ان شاء الله تجيبي ما حسن من هايدا

youssra-bac
27-12-2010, 20:13
كنتمنى يتحقق حلمك و حتى حاجة ما بعيدة على الله خاص غير الارادة و العمل و الاستمرار و هانتي حققتي gاع احلامك
+++ ما كترتي علينا ما والو حنا را كنتوحشولك و كنتمناو ديما نعرفو الجديد ديالك

youssra-bac
27-12-2010, 20:15
شكرا لك نجمة الجنوب
نورت هاته الصفحة بسطوع نجمك و طيب قولك
وفقك الله اختاه

youssra-bac
27-12-2010, 20:18
اختي يارا باني هنا را عييت منقلب عليك هههههه
كنت سولتيني على الحلم ديالي ، انا كنتسطى على شي حاجة سميتها الهندسة المعمارية حلمي نتخصص في هاد المجال

fatin09
28-12-2010, 20:24
شكرا ا ختي يسرا حتى انا كتعجبني الهندسة المعمارية و لكن شغفي الاول هو الادارة و التسيير و كنتمنى ان الحلم ديالك اتحقق و تولي اكبر مهندسة معمارية وطنيا و حتى عالميا انشاء الله

yara0
30-12-2010, 19:17
سبحان الله كل واحد و الرغبة ديالو كتبقى ملازماه من الصغر ديالو كنضن ان هادي حاجة فطرية هههههههه
انا حلمي ندخل مجال الطب و لكن ما عرفتش واش نقدر نحقق هاد الحلم او لا مع انه اي واحد تلاقيت معاه كيقولي بلي هادي طريق صعيبة و طويلة و الدراسة ديالو معقدة و زيد و زيد و لكن حتى واحد ما يقدر اغير طريقة تفكيري و عنحاول اني نوصل ليه ان شاء الله

fatin09
30-12-2010, 20:33
شوفي ا يارا انا نقول ليك بلي نتي قدها و تقدي تصبري و ما خاصك تخلي حتى مخلوق يوقف بينك و بين الحلم ديالكو انت ديري السبب و الباقي على الله سبحانه

fatin09
30-12-2010, 20:38
شوفي يارا انا بالنسبة ليا نتي قدها و عندك الصبر و انا نقول ليك ما تخلي حتى شي مخلوق يوقف بينك و بين الحلم ديالك، حيت هاداك ما غادي اكون الا شيطان، و انت ديري السبب و الباقي على الله، و الصراحة انا فاش كنت صغيرة كنت كنفكر نولي طبيبة، و فنفس الوقت كنت كنلعب مديرة ديال شركة و الخدامة ديولها و من بعد اكتشفت انني ما امكنش نتفارق مع الادارة

Mouna12
31-12-2010, 18:55
bnti 3afak chni hiya chourout bache tilmid ydkhol n les classes preparatoires fayne moujoudine chnou kay9rawe fihom chni heya afa9 mosta9baliya diyaloum 3afak jmi3 lma3loumat 3lihom et mercii.

yara0
01-01-2011, 20:22
السلام عليكم اختي منى
الاقسام التحضيرية و كيف ما كيدل الاسم ديالها هي كتحضر التلاميذ الحاصلين على الباك للدخول للمدارس العليا و الدراسة فيها لمدة سنتين و كل واحد كيختار الشعبة للي بغا على حسب التخصص و قبل الولوج كيتم الانتقاء على حسب المعدل المحصل عليه و غالبا كيكون 13 و الفوق بالنسبة للتخصصات الموجودة :
الرياضيات و الفيزياء و علوم المهندس mpsi _ الفيزياء و الكيمياء و علوم المهندس pcsi_علوم الحياة و الارض و علوم زراعية_
البيولوجيا و الكيمياء و الفيزياء و علو الارض bcpst_التكنولوجيا و العلوم الصناعية tsi_
_الاقتصاد و التجارة التخصص التكنولوجي ect_الاقتصاد و التجارة التخصص العلمي ecs_علوم الاقتصاد و التدبير_الاداب و العلوم الانسانية .
ممكن اختي تقولي شعبة الباكالوريا عندك باش نقدر نفيدك كثر و كذالك مكان السكنة لانه كل مدينة فيها تخصصات معينة
الا كنتي باغا تسجلي بالنسبة للسنة الدراسية 2011/2012 فباقي الحال لان المذكرة باقي ما خرجات
نتمنى لك التوفيق

yara0
01-01-2011, 20:29
اه نسيت اختي هادو بالنسبة للشروط

شروط الترشيح


ان يكون الطالب قد تابع دراسته بالسنتين الأولى والختامية من سلك الباكالوريا بالمغرب-


من جنسية مغربية-


لا يتجاوز عمره 21 سنة عند 31 دجنبر من سنة الترشح-


لايقل المعدل المحصل عليه على 20/14 بالنسبة لكافة تخصصات الباكالوريا-


( يستثنى من هذا الشرط الأخير تلاميذ شعبة العلوم الرياضية وشعب التعليم التقني الصناعي)

Mouna12
02-01-2011, 13:46
chokran yara0 ana om wldi f oula bac men chamal 3afak momkin tfiidni bkhossoss tanger et tetouan ..3afak wach 3andk chi ma3loumat 3la koliyat alhandassa bi tetouan.

ام الشيماء
02-01-2011, 17:16
ما شاء الله عليكم و تبارك الله على كل وحدة ساهمات في ازدهار الموضوع ماشاء الله على اسلوبك بنتي يسرى وسنة سعيدة بالنجاح وبكل متكمنيتو
بالنسبة لي عندي بنت كتقرا فاولى باك علوم المهم كانت كتقرا وعندها رغبة فالقرايا ولكن من الصيف والاكترية هاد العام رجع عندها تشاؤم لدرجة انها كتمنى لراسها الموت عييت معاها قلتليها ياك نتي كديري لي عليك اوا الكمال لله المهم هي عندها نقص كبيييييير فمادة الفرنسية معقداها دابا فقدات الامل كتقولي راه مابقا منزيد للقدام
عافاكم اللي عندها شي حل او كان عندها نقص وجاهداتو تنصحها

أمينة ملالية
03-01-2011, 00:24
اختي يسرا ممكن تشرحيلي أول درس في الفلسفة؟؟ بغيت نبدا زعما من نيتي هههه راني دايرة علوم الحياة و الارض حرة وقلت نتوما اللي غادي تساعدوني الله يرحم والديكم بغيت نحيدها عليا اما العربية و التربية اسلامية و الفرنسية و الانجليزية ان شاء الله ماعنديش فيهم مشكل وبالنسبة لسيونس غادي تراجع معايا واحد بنت الجيران غادي يبقى الماط و الفيزيك و الترجمة مدو يد المساعدة لختكم لله.وليت محترفة في الطلبة هههههه سمحولي طولت عليكم

Mouna12
03-01-2011, 12:56
yara0 chokran 3la htimamik ana men chamal 3afak 3teni ma3loumat mofassala 3la jihat tetouan-tanger .3afak ila kate3raf chi ma3loumat 3la kouliyat lhandassa li f tetouan wa laki jazila chokr...

yara0
03-01-2011, 23:09
لا شكر على واجب اختي منى
هذا بالنسبة للعنوان
Tél. : (0539)32-38-56/94-24-81
Fax : (0539)94-37-42
CENTRE PEDAGOGIQUE REGIONAL
Avenue My Abdelaziz SOUANI,
Tanger
و هدا بالنسبة للمسالك المتوفرة في طنجة
الرياضيات و الفيزياء و علوم المهندس -الفيزياء و علوم المهندس-الاقتصاد و التجارة (تخصص علمي و تكنولوجي)
و هذا مكونات ملف الترشيح
- ملف يسحب من إدارة المؤسسة أو من الأنترنيت
- 2 ظرفان بريديان متنبران ومعنونان
- عقد الإزدياد
- بطاقة التعريف الوطنية مصادق عليها
- كشف نقط الانتقال من السنة الأولى إلى السنة الختامية من سلك باكالوريا
يودع الملف بالثانوية الأصلية قبل 6 ماي
اختي ولدك مباشرة من بعد ما يكمل الدراسة بهاد الاقسام التحضيرية لمدة سنتين يمكن ليه يدخل للمدرسة المحمدية للمهندسين
و يمكن كذالك من بعد ما ياخد الباك يدفع ل fst او est و من بعد الحصول على الدبلوم الجامعي يدفع لسلك المهندسين او يختار الا بغا يكمل لاليسونس

youssra-bac
06-01-2011, 22:26
السلام عليكن و رحمة الله تعالى و بركاته
سمحولي بزاااف حيت تعطلت في الرد عليكم

youssra-bac
06-01-2011, 22:34
اختي يارا
سبحان الله دايما الناس اللي كيبغيو يتوجهو للطب كيكونو طيبين و كيبغيو الخير للناس
ما تديريش فبالك كلام اي حد ، انتي مستوى ديالك مزيان و بالتاكيد عاتعطي كتر لو دخلت للمجال اللي كتبغيه
انا فرحانة بزاااف حيت كل واحدة فينا عندا هدف فحياتها
و بالعمل حتى حاجة ما مستحيلة :)

youssra-bac
06-01-2011, 22:43
اختي منى نورتي
كنضن باللي يارا قامت بالواجب معاك :)
عنضيف غيرالمدارس اللي يمكن ولوجها من بعد الدراسة بالاقسام التحضيرية :
المدرسة المحمدية للمهندسين -

المدرسة الوطنية للصناعة المعدنية -

المعهد الوطني للبريد والمواصلات السلكية واللاسلكية -

المعهد الوطني للإحصاء والاقتصاد التطبيقي -

المدرسة الوطنية العليا للإعلاميات وتحليل النظم -

المدرسة الحسنية للأشغال العمومية -

المدرسة الوطنية لربابنة الجو -

المدرسة الوطنية العليا للكهرباء والميكانيك -

المدرسة العليا لصناعة النسيج والألبسة -

المدرسة الوطنية العليا للفنون والمهن -

( معهد الحسن الثاني للزراعة والبيطرة ( شعبة الطوبوغرافيا -

( المدارس العليا للأساتذة ( سلك التبريز: رياضيات ، فيزياء -

يمكن الإلتحاق بأسلاك أخرى للتبريز

ملاحظة : يمكن لتلاميذ العلوم الرياضية ولوج الأقسام التحضيرية بالمؤسسات العسكرية : المدرسة الملكية الجوية بمراكش أو المدرسة الملكية البحرية بالدار البيضاء

youssra-bac
06-01-2011, 23:04
عزيزتي ام شيماء ، سرني مرورك :)
دائما في الجهوي كتكون الفرنسية داك الشبح اللي كيطارد التلاميذ ، حيت كيكون عندنا نقص في المادة من الابتدائي
ما علينا كلشي عارف الاسباب ديال الضعف ديالنا في هاد المادة و لكن المهم كيفاش نتغلبو على هاد الضعف
اول حاجة حاولي تقنعي بنتك باللي مادة الفرنسية فحالها فحال المواد الاخرى،باش تحيد داك الحاجز النفسي اللي كيخوفها من هاد المادة
تاني حاجة الامتحان الجهوي ديال الفرنسية راه ماشي صعيب حتى لهاد الدرجة فقط خاص التلميذ يكون ذكي و كيعرف يتعامل مع المادة
كنصحك تشريلها واحد الكتاب سميتو oeuvres et analyses
هاد الكتاب فيه نصوص gاع les chapitres اللي عيقراو بالتلخيص بالاسئلة.....فقط تحتاج قلم الرصاص و معجم و تبدا تقرا و تشرح الكلمات اللي مفهمتهاش.....
كاينا فبعض المواقع شرح ديال الروايات بالعربية باش تزيد تفهم مزيان
تحاول تخدم الامتحانات اللي فاتو حيت اغلب الاسئلة كتكرر

youssra-bac
06-01-2011, 23:10
نسيت ما قوتلكش الله يخليلك بنتك ويحفظهالك من كل شر
++ اي استفسار انا موجودة :)

youssra-bac
06-01-2011, 23:16
اهلا اختي امينة، مرحبا والف مرحبا ، بكل فرحة اي حاجة وقفتي عليها انا في الخدمة
بالنسبة للدرس الاول فهو جد سهل فقط قراي هاد الموضوع
http://falsafa.info/personne.php
+ فاقرب فرصة عنحط منهجية ديال كتابة نص فلسفي اللي عطاتها لينا الاستاذة

youssra-bac
06-01-2011, 23:26
اختي فتيحة يالاه طلي عينا را توحشناك
يالاه شدوا الهمة اخواتي راه بدا العد التنازلي ديال الدورة الاولى
بالتوفيق للجميع و اللي عندو شي اشكال يحطو هنايا

ام الشيماء
07-01-2011, 00:45
عزيزتي ام شيماء ، سرني مرورك :)
دائما في الجهوي كتكون الفرنسية داك الشبح اللي كيطارد التلاميذ ، حيت كيكون عندنا نقص في المادة من الابتدائي
ما علينا كلشي عارف الاسباب ديال الضعف ديالنا في هاد المادة و لكن المهم كيفاش نتغلبو على هاد الضعف
اول حاجة حاولي تقنعي بنتك باللي مادة الفرنسية فحالها فحال المواد الاخرى،باش تحيد داك الحاجز النفسي اللي كيخوفها من هاد المادة
تاني حاجة الامتحان الجهوي ديال الفرنسية راه ماشي صعيب حتى لهاد الدرجة فقط خاص التلميذ يكون ذكي و كيعرف يتعامل مع المادة
كنصحك تشريلها واحد الكتاب سميتو oeuvres et analyses
هاد الكتاب فيه نصوص gاع les chapitres اللي عيقراو بالتلخيص بالاسئلة.....فقط تحتاج قلم الرصاص و معجم و تبدا تقرا و تشرح الكلمات اللي مفهمتهاش.....
كاينا فبعض المواقع شرح ديال الروايات بالعربية باش تزيد تفهم مزيان
تحاول تخدم الامتحانات اللي فاتو حيت اغلب الاسئلة كتكرر

بارك الله فيك بنتي يسرى شكرا على كل ما قلتيه وماشاء الله عليك الله يحقق ليك كل متمنيتي فبالك

yara0
10-01-2011, 12:00
السلام عليكم
علاش الموضوع ما بقاش متبث

Mouna12
10-01-2011, 14:09
chokran okhti

youssra-bac
20-01-2011, 14:36
لا شكر على واجب اختي منى

youssra-bac
20-01-2011, 14:37
كنتمنى كل واحدة فينا تدخل تقولينا اخر اخبارها
توحشتكوم

fatin09
21-01-2011, 15:56
سلام البنات كيدايرين لا باس عليكم اوا الدورة الاولى راها سالات, كيفاش حسيتو فاش عرفتو بلي قطعتو النص تاع الطريق؟ اشنو هو التقييم ديالكم للنتائج اللي حققتوها؟ كون كان ممكن ترجعو بالزمن اش كنتو غادي تعاودو تديرو؟ اش غادي تديرو فهاد العطلة؟ الحفاظة ولا الراحة؟ و اش كتتخططو للدورة الثانية؟

youssra-bac
21-01-2011, 17:18
وعليكم السلام اختي فتيحة
لاباس الحمد لله
+ اول مرة كتخلط عليا الاحاسيس فحال هايدا، كنحس بالوقت كيمشي بزربة و الخدمة باقا تابعانا بزاااف....
+ بالصراحة انا مراضياش على النتيجة ديالي ، و لكن راضية على خدمتي و على مجهودي
+لو رجعت بالزمن اللور ، كنت عنحاول نشارك فبعض المواد كنت منسحبة منهوم فحال الاسلامية و العربية و الانجليزية
+ هاد العطلة كنت كنتسناها بفارغ الصبر ، غادي نرتاح واحد اليومين و نبدا نراجع الدروس اللي درنا و ندير التلاخيص

ألهومة
21-01-2011, 20:48
سلام لبنات تبارك الله عليكم و خلاص . قريت ليوما بضع صفحات وعجبني الموضوع ديالكم بزاااااف و راه تمنيت كن كنتوا كاتقراوو في نفس المستوى ديالي باش تعاونوني.حيت انا كانقرا في اولى باك علوم و صراحة انا خايفا من شبح اسمه الجهوي وبالنسبة للمواد اللي ضعيفة فيهم هم الفيزياااااء ويلي حالتي ماكنفهموش او كانتمنى تساعدوني عااااافكم عطيوني شي موقع مبسط حيت عندنا واحد الاستاذ مانعودشي ليكم اش كايدير لينا تصوروا انه كاندخلوا في الحصة ديالوا ساعتين ياك كايبقا يعاود لينا .انا كانوجدكوم للوطني انا غانربيكم انا انا (وتخسار الهضرة و القميع مي النقط كلشي حاط ليه المعدل) اوا قولو ليا دابا واش فحال هادوا ما يكرهوكش في المادة و نزيدكوم مني كايدخول كايجبد المقرر و يبدا ملي يا ماتملي حتا نساليو الدرس والوا الشرح والواا ما تحلميش بيه نهائيا.
عافاكم عاونوني انا في امس الحاجة ليكم.بغيت شي موقع كتاب اي حاجة تخليني نتقن كتابة موضوع باللغة الفرنسية .الله يوفقكم و ينور ليكم طريقكم.

fatin09
21-01-2011, 21:43
ختي يسرا اللي ظهر لي هو انني انا وياك عندنا نفس طريقة التفكير
+دابا فاش كملات الدورة الاولى حسيت راسي بحال الى ضيعتها وكنحس بلي الوقت كتجري و بحال الا الوطني عندنا غدا
+و الصراحة حتى انا ما راضياش على النتائج ديالي حيت كان ممكن ندير حسن من هكذا، خاصة الفلسفة، التربية الاسلامية، الرياضة، و حتى الفرنسية
+كون كانت امكانية نرجع الزمن اللور، كنت غادي نحاول ننظم وقتي، نحاول نستغل الفرص باش نربح النقط، نحاول نشارك اكثر فبعض المواد خاصة الفلسفة
+بالنسبة للعطلة غادي نرتاح شي يامات ومن بعد نبدا نراجع و ندير التلخيص للمواد العلمية و نحاول نحفظ الفلسفة و نراجع الانجليزية

yara0
22-01-2011, 19:25
السلام عليكم اخواتي فرحت برجعتكم
انا كتر منكم غير البارح مشيت للمدرسة شفت كل استاذ شحال حط ليا كيقولوليا مالكي غير موسوسة راه الفروض ماشي هما للي كيحددو المعدل راه كتنضاف ليهم نقط اخرى كتخص وضعية التلميذ داخل القسم
بيني و بينكم كن تعطاتني فرصة اخرى مع اني درت جهدي كلو في الدراسة هاد 3 شهور كنت نزيد نراجع للفروض كثر و ياك غير البارح شدينا العطلة و جبت الفيزيك بديت كنراجع اخر درس درناه لاني عارفة اسبوع ماعاديش اقدني بغيت ندير شحال من حاجة مشكلتي غير في الفلسفة اشمن مشكلة مصيبة عندي واخا يتعطاني الفرض نخرجو في الدار منعرف كيفاش نكتب نص و عندنا واحد الاستاد غير الله يسمح ليه و صافي حادك غير اقول هادي خطا هادي خطا عمرو ما ورانا اشنو هو الصحيح صراحة عييت منقلب في طريقة كتابة نص و حتى الا سولتي شي واحد من للي عندهم مع الفلسفة ما تدي منهم والوا من بعد عرفت ان الاساتدة ديال المادة كيجو عندهم للدار ...............
اوا انا اخر حاجة نفكر فيها هي اني نعطي لشي واحد 1000 درهم في الشهر باش يالاه نجيب ديك 15 او 16 دابا نجيبها لراسي ان شاء الله هههههههه فيا العناد ياك و لكن عنحاول نخدم كتر و نشوف فين عندي النقص

yara0
22-01-2011, 19:35
بالنسبة للاخت للي عندها مشكل مع الفيزيك
اولا اختي هاداك الاستاذ عندو الصح في انو كيوجدكم للوطني ههههه لان الفيزياء الا ترخيتي فيه في الجدع و الاولى باك عادي غير تمرضي راسك بالحفاظة في السنة المقبلة
الا كان الاستاذ شرحو ناقص فاحسن حاجة نصحك بيها هي الكتاب المدرسي اه راه للي زوينة فيه كيكون ملخص الدرس قرايه كامل حتى من التقديم ديال الدرس قرايه هههههه و من بعد بداي بالتمارين و اياك تستهني بالتمارين الاولى للي كتكون ساهلة راها اساس الفهم و ملي توصلي للتمارين الاخيرة للي كتون قاصحة شوية ديها للاستاد يصححها ليك و الا مبغيتيش استادك راه المدرسة عامرة بالاساتذة حتى شي واحد ماعادي يردك و ملي تسالي عاد تبداي تخدمي سلسلات بالحلول ديالهم
بالنسبة للجهوي بلا متخلعي غير هو وجدي للتجريبي مزيان ياش تقيمي مستواك و تشوفي اشنو خاصك بالنسبة للجهوي
و نتمنى ليك التوفيق

بشارة خير
22-01-2011, 22:45
الله ينجحكم حبيباتي

مزيدا من التألق لبلوغ المراد و حمل شعلة الدين الإسلامي بأياد طيبة، تقية و عفيفة

وفقكن الله و سدد خطاكن و حرصكن بعينه التي لا تنام

همسة عطاء
23-01-2011, 17:16
السلام عليكم
انا جديدة معاكم في المنتدى ميي راني متبعا المنتدى هدي شي عماين حيت كانت مسجلة معاكم ختي

المهم انا هد العام عندي الباك فحاااالكم الله يوفقنا قولو امييييييييييين
الامنية ديالي هد العام نجح ب ميييييييزة ان شاء الله
مييييي ههههههههه كفستهااااااا في هد الدورة جيباااا الفضيحة غير خليوخا على الله وصافي حيت 13.98 ماشي نققققطة الي تفرح ولكن هدي ضمن السياسية ديالي ان شاء الله حيت مبغيتش نديير جهدي في الاول والاحير نبقااا حالا فميي
ولكن ان شاء الله في هد الدورة من 15 منهبط
لان الجهوي مشي شي نقطة كبييرة جييبا 13 وااقفة
ايوة زيدو كل وحدة فينا تقولنا تنضيم ديال وقتها زعما شحال من ساعة كتقرى في النهار وكييييييفاش كتقرااا لان يزااف بينا عندنا اسلوب خطأ في القريايا يعني نستفدووو من بعضيتنا
ونحااولو نشجعو بعضيتنا عسى الله يوفقنا لاحس مداااارس في المغرب واحسن وضائق
وسمحولي علة هد الكتابة حيت غير كنتابي وصافي هد البيسي بورتابل فيه الكلافي مفيهشي العربية حتى نمشي للبسي لكبير فيه العربية وارى منكتبلكم ههه

yara0
23-01-2011, 20:24
السلام عليكم
شكرا اختي بشارة خير على دعواتك بقاي ديما طلي علينا
مرحبا بيك اختي همسة عطاء بيناتنا انشاء الله تفيدي و تستافدي بلاتي غير نلقا هاديك يسرى و فاتن زعما العطلة هادي معرفتهم اش كيديرو اوا دخلو غير سلمو على البنت

ألهومة
23-01-2011, 21:26
شوفي اختي يارا راها كاينة المنهجية ديال كتابة نص فلسفي كتبي في قوقل بالعربية منهجية كتابة نص فلسفي وكوني اكيدة باللي غاديا تخرج ليك اضافة الى هذا راه كاينين مواقع تربوية بزااف فحال دفاتر .كوم او المنظر الجميل( فنين)..

ألهومة
23-01-2011, 21:30
منهجية تحليل و مناقشة نص فلسفي
المقدمة ان مفهوم (الإنسان أو الوعي مثلا) يحتل مكانة مرموقة في تاريخ الفلسفة حيث انكب الفلاسفة و المفكرين على دراسته كل من زاويته الخاصة مما أدى الى وجود تعارض و تباين و اختلاف بين مواقفهم و تصوراتهم و النص الماثل بين ناظرينا يندرج ضمن نفس المفهوم اذ يسلط الضوء على مسالة (..........) و من هنا بإمكاننا بسط الإشكال التالي .هل ...........أم ...................ومنه بمقدورنا طرح الأسئلة التالية. بأي معنى يمكن القول.................................... و الى أي حد يمكن اعتبار.....
.العرض
*من خلال قراءتنا للنص يتضح انه يقوم أو يتبنى أطروحة أساسية مضمونها ............................(ثلات اسطر على الأقل)>>حيث يستهل صاحب النص نصه ...........................( بتأكيده أو نفيه أو استخدام" الأساليب الحجاجية و الروابط المنطقية " لقد استثمر صاحب النص جملة من المفاهيم الفلسفية أهمها............................................. ........... - وفي خضم الاشتغال على النص ثم الوقوف على مجموعة من الأساليب الحجاجية و الروابط المنطقية أبرزها...........- تكمن قيمة و أهمية الأطروحة التي تبناها صاحب النص في................................................ .** - ولتأييد أو تدعيم أو لتأكيد موقف صاحب النص نستحضر تصور................................(وعلى النقيض أو خلافا أو في مقابل) موقف صاحب النص يمكن استحضار تصورأو موقف.................(للتوفيق( آو كموقف موفق) بين المواقف المتعارضة السالفة الذكر بمقدورنا إيراد تصور.....................
. خاتمة
يتبن مما سلف ان إشكالية الوعي بين ........و ....... أفرزت موقفين متعارضين .فاذاا كان صاحب النص ومؤيديه ( فيلسوف او عالم او مفكر) قد أكدوا على ان.........................فان ........( فيلسوف أو عالم أو مفكر) قد خالفهم الرأي حيث اقر........................ .+ موقفك الشخصي معبرا عنه بشكل ضمني + سؤال مفتوح

ألهومة
23-01-2011, 21:37
صيغة امتحان البكالوريا في مادة الفلسفة ثلاث :
السؤال المباشر : يتضمن الإشكاليات وهو نوعان :
1- سؤال معرفي : يتطلب منك تناول وموقف فلسفي أو علمي بالشرح و التفسير .
2- سؤال إشكالي : يتطلب منك تناول مختلف المواقف الفلسفية والعلمية + رأيك الشخصي في النهاية .

- القولة : تتضمن الإشكالية + الموقف . وهي موقف فلسفي إزاء مواقف أخرى .
- النص الفلسفي : يتضمن الإشكالية + الموقف + الحجاج .
التحليل في امتحان البكالوريا فيما يخص مادة الفلسفة

- تحليل السؤال المباشر : يتم حسب نوع السؤال :
1- السؤال المعرفي : يتطلب منك فهم السؤال فقط لكي تتناول في إجابتك الموقف الفلسفي أو العلمي شرحا وتفسيرا .
2- السؤال الإشكالي : يتطلب منك استخراج الإجابتين المتضمنتين في صيغة السؤال ومقابلتهما . مثال دلك :
هل الشخصية معطى أم أنها بناء ؟
الإجابتين المتضمنتين في صيغة السؤال : 1- الشخصية معطى
2- الشخصية بناء
بملاحظتك لهدا التقابل ، يمكنك الوقوف على الإشكالية المتضمنة في السؤال وعلى الإطار العام للجواب .
- تحليل القولة : يجب عليك :
· استخراج الإشكالية المتضمنة في القولة ودلك بمقابلة القول بنقيضه ثم اختزاله في مفهوم فلسفي جامع ،و أخيرا
استنتاج الإشكالية .
· استنباط الموقف الفلسفي أو العلمي الدي تحيل عليه القولة و التعبير عنه باستخدام المفاهيم الأساسية .
· استحضار مواقف فلسفية أو علمية أخرى مؤيدة ومعارضة من أجل تعميق فهمنا للقولة .
- تحليل النص الفلسفي : يجب عليك :
· استخراج الإشكالية التي يطرحها النص ، بعد قراءته عدة مرات .
· استخراج موقف صاحب النص من هده الإشكالية و التعبير عنه .باستخدام المفاهيم الأساسية.
· استخراج البنية الحجاجية للنص مع التمييز بينه وبين الاستلال ، فالحجاج يعطينا الإقناع أما الاستدلال فيعطينا الخطأ أو الصواب . كما أن الدليل يوضح و لا يحل الاستدلال .
· استحضار مواقف أخرى من خارج النص من أجل تعميق فهمنا له .
ملاحظة : من بين المهارات التي يجب عليك اكتسابها في إطار تحليلك للنص " تقطيع النص إلى وحدات معنى "

يساعدك على ذلك :



· أدوات الاستنتاج : إذن ، و عليه ، و هكذا ، من ثم ، بناء على ذلك ، و بالتالي .....

· أدوات الشرط : إذا كان ، إن ...........

· أدوات المقابلة : على العكس من ذلك ، في مقابل ذلك ، من جهة أخرى ..........

أدوات السبيبة : لأن ، بسبب أن، على أساس أن ، و ذلك يرجع إلى أن ...........


الكتابة الإنشائية في مادة الفلسفة
عناصرها ثلاثة : مقدمة – عرض – خاتمة


- مقدمة : يتطلب منك التمهيد (ما قيل)+ طرح الإشكالية كيفما كانت صيغة الامتحان (سؤال مباشر أو قولة أو نص فلسفي)

- عرض :يجب عليك صياغة العناصر المستخرجة من خلال تحليلك للقولة أو النص .
يتطلب منك استعراض المواقف العلمية أو الفلسفية في حالة السؤال المباشر ، أما بالنسبة للقولة فيطلب منك إبراز
قيمة موقف القولة باعتماد مواقف فلسفية مؤيدة لصاحب القولة .
كما يتطلب إبراز حدود موقف القولة باعتماد مواقف فلسفية معارضة لموقف صاحب القولة (نقد خارجي) .
و بالنسبة للنص الفلسفي يتطلب منك إبراز قيمة موقف النص وذلك بتدعيم البنية الحجاجية للنص بحجج إضافية
من عندك أو باعتماد مواقف فلسفية مؤيدة لموقف صاحب النص (نقد داخلي) .
كما يتطلب منك إبراز حدود موقف النص باعتماد مواقف فلسفية معارضة لموقف صاحب النص (نقذ خارجي).

خاتمة : يتطلب منك إعطاء الحصيلة على شكل تكامل بين مختلفي المواقف إذا كانت هناك تقابل تعارض ، أما في حالة
تقابل تناقض فيلزمك تجنب الجمع بين مختلفي المواقف حتى لا تقع أنت في التناقض .
وفي الأخير ينبغي ختم إنشاءك الفلسفي بسؤال (لأن الفلسفة هي خروج من السؤال إلى السؤال ) .

ألهومة
23-01-2011, 21:38
نتمنى هاد الشي يفيدكم..

yara0
24-01-2011, 13:09
شكرا بزاف اختي الهام
فادنا بزاف هاد المنهجية
بغيت نعرف واش هاد التحليل كينطبق حتى على تحليل قولة و السؤال الاشكالي

ألهومة
24-01-2011, 14:40
اختي يارا بالنسبة المنهجية فانت كطبقيها على النص الموجود عندك في المقرر او في الفرض من بعد ما تكوني خرجتي الاطروحة و الاشكالية ... باش تملئي الفراغات الموجودة عندك في المنهجية و هاكا غيكون عندك نص فلسفي بكل معنى الكلمة.
(عافاك اختي يارا قوليلي واش نبدا نحفظ للجهوي في هاد العطلة ولا حتى الدورة الثانية).

yara0
24-01-2011, 15:26
اختي الهام بالنسبة لهاد العطلة فضروري متراجعي شي حاجة طبعا من بعد ما تاخدي واحد 3 ايام ديال الراحة و ستغليها في مراجعة الدروس للي دازت و حاولي ديري ليها ملخصات من عندك ديال داكشي للي فهمتي مثلا لخصي دروس التاريخ و الجغرافيا و حاولي تفهميهم و كذالك ديال التربية الاسلامية و اهم حاجة الفرنسية قراي التحليل ديال الروايات و حاولي ضبطي les figure de style
نتمنى نكون فدتك و نتمنى لك التوفيق

همسة عطاء
24-01-2011, 17:29
merciiiiiiiiiiiii اختي يارا ترحب بيك الجنة وناسها
المهم اننا نحاولوووو نشحنووو نفسنااا بالارادة يعني هدوك الي دخلو لاحسن المدارس فايش حسن منا رانا فحال فحال كلنا بعقل غفير وحد كيديرو في قرايتو وكيتيق في عقلو وحد كيقول انا مكنقدرشي وداك مكنقدرشي هيا الي جعلت العرب يتخلفووووو
......... يتبع.....
زعما رني راجعة

ألهومة
24-01-2011, 17:45
شكرا اختي يارا على النصيحة والله وفقنا .

همسة عطاء
24-01-2011, 18:12
اختي الهام
ان شاء الله لعشية نكتبلك النصااائح الي يقدرو يعطيوك احسن معدل
يعني ونقلك شي حوايج الي ديري عليهم خط احمررر باش تفوقي لان الامتحااان الجهوي سااااااااااااااااااااااهل والله مع هد المخطط الاستعجالي خصهم غير ينجحوو باقل مجهود غير تكوني متبعة في القسم نضمنلك 12 لفوق
المهم حتى لعشية ونرجع عندك
حيث الاولى باك بقات فيااا شمتااا ومبعتكشي تشمت بحالي ب 13 وصافي
بغتك تجيبي شي 16 ولا 17

بشارة خير
24-01-2011, 21:21
السلام عليكم
شكرا اختي بشارة خير على دعواتك بقاي ديما طلي علينا


الله ياودي أختي مرة مرة نطل عليكم الغزالات

حتى أنا كنت بحالكم و حاسة بيكم و بهاد الحماس للي نتوما فيه

إيوا غير ديرو المجهود راه كلشي ساهل و فالمتناول

الله ينجحكم و يفرحنا بيكم

همسة عطاء
24-01-2011, 22:07
اختي الهاااام راه من قبااايل وانا نكتب في الاخير كلشي تمسحلي
مي نعااودلك دكشي كلوو
يعني كنت قتلك السيزيااام راها ساااهلة وساهلة بزااااف خصك غير تعرف كيفاش تعملها وحد الاستراتجية
يعني نقلك وحد الطريقة نصحوني بيها بزااف
ديال الناس وللاسف بقات فيا شمت العام الي فات مدرتهاش وجبت غير 13
هد الطريقةة زوينة
حيت كتقنع العقل ديالك
ان متلا قادرة تجيبي 16
كيفاش
مثلا منين تنودي مع الصباح في فراشك بقاي تكون هد اللجملة (انا قادرة نجيب 16)ومنين تمشي تنعسي قوليها مي قليها وانتي عندك وحد الثقة في النفس عاااليا واي تشويش حاولي تبعديه عليك لان الشيطان كيلعب دور مهم انه كيحبطك
ومن بعد وحد 30 بدون انقطاااع غدي تلقاي راسك سبحان الله اتوماتيكيااا كتمشي لكتوبة ديالك وماتسخايش تنزلي لكتاب
وعرفتي راه مجربينهاا بزاف ديال الناس ولاحظو الفرق كبييير
انا عاد مجربتها >> اشنو رايك نبداوها مرة حنا ولبنات ديال المنتدى لمدة شهر يومياا
هه فحال الدوة وحدة ملي تفيق وتفتح عينيك وحددة ملي تكوني في فراشك
وخصنا نتيقو فرسناا
ويكون طموحنااا عاليييييييييييييييييييييييييييي
ونوصلو لاهداف ديالنا
المشكلة فينا ماشي في الدروس
لو قنعنا اللاوعي ديالنا لكنا من الاوائل
مي حنا من الصغر ديالنا في هد المجتمع على اي غلط صغير كيقلولك مثلا سير الكلاخ ايوة تصورو معايا شي ولد يوميا كيقلوليه سير الكلاخ
وخاا يكون ناببغة راه غدي يتكلخ ؟ كيفاش ؟؟ عارفكم كتسولو كيفاش
نقلكم مثلا مشا للقيسم وخطأ في شي سؤال غدي يقلو الاستاذ سير الكلاخ
هو ماجي مع صحابو مغديش يفهم شي حاجة ... سير الكلاخ
يمشي عند واليديه يطيح شي كاس هه سير الكلاخ
غدي يجي هد الولد شي نهار ويكول مثلا 7*7 شحااااال مغديش يقدر يركز ويقول انا والله الى كلاخ
صافي هد الولد خرجووو عليييه
وهكاا حنااا
اما بالنسبة ليا العام الي فات جبت 13 بدووون اي تعب ولا حفاضة بدون منوض في الصبوحات ولا نسهر الليالي
راه جبت 13 بدراااعي مي غير من لي كنت كنتبع مع الاستاذ والثقافة العام
يعني مازالا كنتذكر ولحد الان
مكنحفضشي غير كنقرا الدرس ونحاول نفهمو
وتبارك الله
كنجيب نقط واخا ماشي متفوقا مي مكنهبطشي على 12 يعني بين 12 وحتى ل 16 والتربية الاسلاميةة الحمد للله بدون جهد كنوصل فيها 19.5 لانها ثقافة


ايوة الاجتماعيات هدي كانت حريرتها حريرة
كانت عندنا استاذة ومرضات وبقينا بلا استاذ 4 اشهر ومن بعد جبولنا استاذ مسطي الي هضر برااا ههه وخا مكنشي كيخرجني مي الجو كان غير مناسب
المهم هديك الاجتماعيات عجباتني من حيتت عطاونا اليابان واذا كنت كتبعي شوية الاخبار مع نشيونال والجزيرة الوثائقية بارك ليك حيث فيهم معلووومات وبزاااف والتاريخ يلاه قريتو وصافي مي قريا بالتركيييز
العربية غير اللعب وصافي حتى هيا اذا كان عندك الاسلوب راكي ضامنة نقطك تصورو العربية خليتها هي الاخيرة ومكانشي عندي الكتاب مشيت عند وحد صحبتي في ليلة الامتحان جبت من عندها كتاب العربية قريتو ف سااعة وصافي سديتوو وجبت 17.5
الفرنسية حااولي تفرجي ل antigon
حتى هيا تفرتلها في ليلىة الامتحان في tv5 والحمد للله كانت صدفة رائعة وكانت مترجمة يعني ملي تحطاتلي ورقت لمتيحان وجتلنا antigon فرحت وبقيت كنعاود للفيلمفي عقلي
ايوة يمكن كتبتلك بزاااف
ايوة قراي هدشي وان شاء الله نعاود نجي شي مرة نكتبليك شي نصيحة الي تفكرتها

ألهومة
24-01-2011, 22:45
شكرااا بزااااف اختي همسة عطاء والله الى كنت محتاجة نسمع كلامك الرائع .و مالها اشنوا فيها والله حتا نبدا فيها و نلتزم بالنصائح دياولك مي انا خاصني ضروري نحفظ حيت الى محفتضش ما ندير والوا و عاافك اختي لما كملي ليا النصائح حيت عجبوني النصائح اللي عطيتيني بزااااف واو والله حتا واعرين فحالك .الله يوفقك و يجعلهم في ميزان حسناتك..

ألهومة
24-01-2011, 23:09
شكراااا ليك اختي همسة عطاء و سمحيلي بزاف عذبتك معايا والله يجعلهم في ميزان حسناتك .
اه وعلاش لا غاديا نبدا نقولها ديما (انا قادرة نجيب 17 او 20)هههه قويت ياك.
مي راه انا ضروري من الحفاضة حيت المواد الادبية كلها غير حفاضة .
المهم عااافك لما كملي ليااا النصائح راهوم فنين بزاف فحالك ا زين . يا اختي انا خايفة من انشاء بالفرنسية غير كنخمم فيه قولي ليا اش درتي فيه انتي و شحال جبتي في الفرنسية .

همسة عطاء
25-01-2011, 20:16
مرسيييييييييييييي الزين ديالي مي راني كنقلك غير الوااقع
راه اي واحد قادر يجيب 20 ههه وعلاش ديرينها غير باش يجيبوها
شنو نقلك في الفرنسية
خصك على الاقل تبدا تكتب شي مواضيع (وخا انا مكنتشي كنكتب ههه باش كفستها وجبت فيه غير 10)يعني حاولي تقراي الفرنسية بزاااف يعني بقاي مرة مرة تاخدي شي كتاب بالفرنسية في الانترنت اولا فاي حاجة بغيتهاا
واذا معجبكشي تقرى اي موضوع سيري وختاريي اي موضوع كيعجببك تقراي عليه وقريه بالفرنسية عرفتي انتي وخا تقلي انا مكنستفد والو ولكن العقل راهو كيسجل الجمل كيف كتكتب و كيفاش تعبر انا صررااحة يعني الحمد لله وخا عندي شوية ديال النقص في الفرنسية مي اذا جات الاستاذة وهدرات بالفرنسية كنفهمها من طاق طاق لسلام عليكم
شوف متخااافيش راه الانشاء حتى هو كيفما قتلك وجدلو وراه باقي لك الوقت يعني باقي 5 اشهر كاافية
ايوة نتمنى لك التوفيق
واذا خفتي من الانشاء بزااف عوضي راسك في الكومبرياسيون راها كيعطولك فيها الاختيارات هه حسب ل 10 ههههه غير كنضحك معاك المهم راه تقدري تجيبي حتى ل10 في الفهم واذا غير بديتي كتكتبي في الاتنشاء غير شي فكرة ولا 2 راهم كيعطوك داك 2 نقاط >> وداك الافكار غدي تكتبيهم بطريقة صحيحة عرفتي علاش لانك غدي تكوني قريتيييي بزاااف ديال الفقرات بالفرنسية وترسخاتلك كيفاش كيتكتبوو

..
في امان الله

youssra-bac
25-01-2011, 20:20
السلام عليكم و رحمة الله تعالى و بركاته

youssra-bac
25-01-2011, 20:20
نقرى ما كتبتو و نرجع

همسة عطاء
25-01-2011, 20:21
اوكي اختي يسرى
قراي على خاطرك .... شبعت كتااابة من البارح

youssra-bac
25-01-2011, 20:22
مرحبا بيك اختي همسة عطاء
ان شاء الله تفيدي و تستفيدي

youssra-bac
25-01-2011, 20:24
ما عندي ما يتسالك اختي
اللي كنت عنقولو انا قلتيه نتي هههه

youssra-bac
25-01-2011, 20:28
اختي همسة
الجهوي ديالك راه مزيان ، بامكانك تجيبي حسن جدا علاش لا :)
نتي pc او svt ؟

همسة عطاء
25-01-2011, 20:28
هههه
ايوة كيقلو القلوب عند بعضهاا
غير انا سبقتك
ايوة قلي احتي يسرى جاوكم النتائج ولا باقي

همسة عطاء
25-01-2011, 20:30
فينهو مزياان
ههه هد العام كفستها جايبة في الدورة الاولى 13.98 اويليي اش غديرلي هد 13
الله يدوز هد العام على خير
انا ديرة pc ولكن معانا شي اساتذة 0.00001 ميزيدولك فيسبيل الله
اذا مجبتيها بدرااعك

youssra-bac
25-01-2011, 20:32
احنا باقين ما عطاونا
حنا عندنا الاساتذة مفاهمين معانا غير هوما كيديرو شويا دالفرز

youssra-bac
25-01-2011, 20:34
شوفي 13.98 راها مزيانة و الله
المهم تكوني فاهمة الدروس ديالك باش تجيبي العز فالوطني راه هو اللي عليه كلشي

همسة عطاء
25-01-2011, 20:35
ايوة سعدااااتكم اختي
حتى انتي pc
-- شحال ناوية تجيبي (متقليشي معرفتشي هههه غير بالتقريب ولو )

youssra-bac
25-01-2011, 20:36
اجي نتينا من اينا مدينة ؟

youssra-bac
25-01-2011, 20:37
بالتقريب ان شاء الله ديك 15.5 او 16 على الاكتر

همسة عطاء
25-01-2011, 20:37
انااا من الحسيمة هه ريفية - ومكنعرفشي نهدر بالريفية - شمالية

youssra-bac
25-01-2011, 20:38
حنا اللي مزيانة عندنا هوما الاساتذة ديال الواد الادبية متساهلين معانا+كيحطو نقاط مزيان
و لكن المواد العلمية ادا مجيبتيها بدراعك و الله لاديتيها و لكن ماشي مشكيل حيت كيشرحونا مزيان

همسة عطاء
25-01-2011, 20:38
ايوة بالتوفيييق احبيبة ديالي دكشي الي كنتمنى لك وعلاش لا توصليها حتى 17
مي اجييييي قليلي الطريقة ديالك في القرايااا يمكن انا عندي شي حاااجة خطأ وكيعجبنيي نستفد من طرق ديال التلاميذ الي نااجحين فحااالك ^^

youssra-bac
25-01-2011, 20:39
مرحبا بناس الحسيمة، بالريفية و لا الشمالية كلنا مغاربة هههه

همسة عطاء
25-01-2011, 20:41
wéééééééééééééé
دكشي الي كاين حتا حنا واصلا المواد الادبية مفيها ميتشااف عااادية
حنى عندنا شي اساتذة الشرح شوووووية يعني بالكاد كيوصلولك المعلومة
والمشكلة ديالي هيا اني كنكون في القسم فشكر زعما كنكون انا الاولى الي كنفهم دكشي الي كيقل الاستاذ بعكس التلاميذ اخرين كيبقاو عاود عاود حتى كيجيني الملل هه كنكون حفظت المعلومة
ولكن انا نخرج من القسم صااافي مكنعرف اينا اتجاه مشاات هه

ألهومة
25-01-2011, 22:20
شكرااا بزاف اختي همسة عطاء . راه حتا انا كا نفهم اش تاتقول الاستاذة دالفرنسية مي المشكل عندي في التعبير الانشائي يلاه كنجيب فيه هديك 8.5 مي دابا كا نحاول نعالج المشكيل ديالي من خلال مواقع لتعليم الفرنسية و رسوم متحركة..(غنحاول نتعاطاها) (بنات شحال جبتوا في المراقبة المستمرة ديال دورة اولى في السيزيام انا جبت 15.01 واش مزيانا واخا هاكاك بقا فيا الحال حيت بنات فحال المستوى ديالي جابوا 17.50 مي المشكيل فيا انا اللي كنت عاطياها غير نعاس).
تصوروا انني ما كنحفض للفرض حتا يبقا ليه غير نهار او ما نبدا نحفض حتا لديك 10 ديال الليل عاد نولي كانحفض او نتاوب هههه والوا زعما نحفض بكري منقدش.

ألهومة
25-01-2011, 22:25
بنات عطيوني مواقع ديال اولى بكالوريا علوم تجريبة.
اه وبغيت نسولكم واش ممكن ندير علوم فيزيائية واخا ضعيفة في الفيزياء قولوا ليا كيف جاتكم واش مندمتوش عليها صراحة.واش كاينين معاكم اللي لا علاقة لهم بيها.(عرفتوا انا عاجباني حيت فيها افاق متعددة مي كاينة واحد الحاجة سميتها نقص ).

همسة عطاء
26-01-2011, 15:45
الهام راكي مزيانة 15.5
راه اولى علوم تجربية صعييييبة بزاااف
وخصوصا لاالفزياء راهو لا علاقة بالفزياء ديال الباك حيت ان ديال الاولى باك فشكل دير معقد مي ديال الثانية باك ساااهل تقدري تفهمي غير من الاستاذ

تصوري العام الي فات مكنتشي كنعرف اشنو كنقرىىىى اذا كنتو قيرتو داك جدول التفاعل في الكمياء والله مكنت عارفة لمن كيحتاجوه

مي هد العام الحمد لله كلشي واااضح
وناكدلك انه نفس الاستاذ الي كيقريني هد العام هو لي قراني العام الي فات
يعني 95/100 المشكل فينا حنا كنعقدوو الامور ماشي الاساتذة
توكلي على الله
والي حاسة انك تجيبي راسك فيها ديريها
وراه حنا حمدين الله على العلوم فزيائية مافيها غير تطبيق العلاقات والمعامل 7
اجي تشوف صحاب العلوم
المعامل 7 وتصوري كانو العام الي فات مينزلوشي من 18 هه اول نقطة عندهم 5.5 تصوريهاااااااااااااااااااا ؟؟؟؟؟؟؟؟؟؟؟ظظ

youssra-bac
26-01-2011, 19:03
اختي الهام مرحبا بيك فالتجمع ديالنا و مبروك النجاح فالدورة الاولى :)
شوفي اختي من التجربة ديالي أ الامتحان الجهوي راه ساهل بزااااف غير بعض التلاميذ الله يهديهوم ما كيخدمو والو و كايبقاو يحبطو فبنادم و يقولو صعيب و التصحيح بلابلابلا....
باقي الوقت فيدك باش تعوضي اي نقص فشي مادة/متلا الفرنسية قراي الأنليز ديال الروايات و ضبطي les figures de styles و بالنسبة للانشاء راه كيتحط ساهل و غالبا كيكون موضوع اجتماعي ، قراي مواضيع على المراهقة ، الاسرة ، المدرسة ، الادمان.....و حاولي تستعملي داك الروابط المنطقية d'abord و puis و d'autre part و finalement...و طرحي بعض الاسئلة في المقدمة متلا على les causes و les conséquences.......
نهار الامتحان ما تخلعيش و ركزي و تيقي فقدراتك ، بالنسبة للورقة ديالك نظميها مزيان خلي على الاقل 3 ديال المربعات في الهامش،باش تعاوني المصحح و ما يغلطش في حساي النقط ، كتابتك تكون واضحة و مفهومة ، و الاسئلة اللي مافهمتيهاش و كانت متعلقة بالحفاضة جاوبي عليها من التقافة عامة ديالك
الاجتماعيات انا كنت درتلها خطاطات للدروس ، و التربية الاسلامية حفظت بعض الاستشهادات و التعاريف +المهم فهمي مزيان+ و حتى دوك الانشطة طلي عليهم راه كيحطوهم
العربية ساهلة بزاااف ما تضيعيش فيها النقاط و ركزي على الدرس اللغوي

youssra-bac
26-01-2011, 19:12
اختي همسة انا حطيت المنهجية اللي كنتبع في الصفحة الاولى
الماط و الفيزيك يوميا كنخدم التمارين،فاش كيجي الفرض gاع ما كنتأزم كنكون خادمة داكشي مع الاستاذ

youssra-bac
26-01-2011, 19:18
ها المنهجية ديال تحليل نص
المقدمة:
ماوظيفتها؟ وظيفتها التمهيد للموضوع وتبرير وجوده أو الإعلان عنه. وبما أن كل تفكيرفلسفي ينطلق من إشكالية ما يحاول كشف أبعادها ونتائجها أو يحاول إعادة صياغتها أو اقتراح سبيل أو سبل لمعالجتها، فإن المقدمة هي محل الطرح الإشكالي، ولكن الحس السليم يعلمنا أيضا أنه لايمكن الشروع مباشرة بطرح السؤال أو الإشكال، فلابد من نوع من التمهيد يأخد بالقارئ تدريجيا إلى الإشكال. وعليه فالمقدمة تتضمن شقين مترابطين:
**التمهيد( للإشكال) ثم
**التعبير عن هذا الإشكال وصياغته وطرحه:

تعليمات مساعدة : لتحديد اشكالية النص، يمكن أن نطرح على أتفسنا السؤال التالي:- ماهو السؤال أو الإشكال الذي يعتبر النص بمثابة جواب عليه أو معالجة له؟ بالجواب على هذا السؤال، أحدد السؤال المركزي الذي سأطرحه في آخر المقدمة وكذا الأسئلة المتفرعة عنه.
حسنا، ولكن كيف أمهد له الآن وأِؤطره؟

تعليمات مساعدة: (لصياغة التمهيد):
لإنجاز التمهيد، علينا أولا أن نطرح على أنفسنا أحد الأسئلة التالية: - ماهو موضوع النص؟
- أو ماهو المجال أو القضية التي يتحرك ضمنها النص؟
- أو ماهو المفهوم أو المفاهيم الأساسية التي يتمحور حولها النص؟
بالجواب على أحد هذه الأسئلة أحدد الإطار العام للنص الذي ينبغي الآن أن "أنسجه" ضمن تمهيد مناسب، بأحد الأساليب التالية:


ا- التأطير النظري أو الإشكالي أو التاريخي (تاريخ الفلسفة بالطبع) لقضية النص:

مثال:* يستمد التساؤل حول قيمة الحقيقة معناه من الفلسفة المعاصرة التي تستهدف في بعض اتجاهاتها إعادة النظر في مسألة القيم أو قلبها أحيانا، من هنا يمكن التساؤل....
* لم تطرح اشكالية طبيعة العقل ووظائفه بشكل منهجي متخصص إلا مع الفلسفة الحديثة. فمع ديكارت تحديدا، تراجعت الحمولة الموضوعية للعقل واتخد معنى ذاتيا أضيق. بيد أن هذا الإنقلاب لم يكن سوى فاتحة لطرح أسئلة حول طبيعة ووظيفة هذه الملكة التي تتوفر عليها الآن الذات العارفة، من قبيل: هل...


ب- تعريف المفهوم المركزي في النص: بشكل ينفتح على الإشكالية المراد طرحها:

مثال: *للغة معنيان: عام وخاص، يهمنا هنا المعنى الخاص الذي يفيد – حسب لالاند – وظيفة التعبير الكلامي عن الفكر داخليا وخارجيا. ولكن هل نفهم من ذلك أن اللغة وظيفة التعبير الكلامي عن فكر مستقل عنها وسابق في الوجود عليها ؟ أم أن الفكر لايوجد إلا أثناء ومن خلال وظيفة التعبير الكلامي أي أن اللغة والفكر كيانان متصلان متزامنان؟

ج- الإنطلاق من التقابلات:

مثال :* يبدو الإنسان أحيانا حرا في اختيار شخصيته وفق مشيئته وإرادته، في حين تكشف ملاحظات أخرى عن كونه مجرد نتاج لإكراهات وإشراطات خارجة عن إرادته. فهل الإنسان الآن...

د- الإنطلاق من تجربة شخصية أو واقعة ملموسة أو أدبية أو من الحس المشترك:

مثال :* كثيرا ماينتاب الواحد منا أفكار أو أحاسيس لا يعثر لها على كلمات مناسبة لوصفها أو التعبير عنها أو إبلاغها للآخرين، ألا يحق لنا والحالة هذه أن نعلن أسبقية وانفصال الفكر عن اللغة؟ أم...
* في رواية أوراق، يقول الراوي عن اللغة بأنها "ستار سميك يحجب المعنى"، وهذا يتناقض وما نعرفه عن اللغة من كونها أداة للتواصل ونقل المعلومة أو الخبر، مما يفترض أن تكون شفافة لا ستارا معتما، فهل اللغة...

المنزلقات والأخطاء: لكون المقدمة أول ما يصادف أو "يصدم" قارئ موضوعنا، فإنها تنبئ عن قيمة الموضوع ككل: بحيث قد تترك لديه انطباعا يؤثر سلبا أو ايجابا على طريقة تعامله مع بقية موضوعنا، لذا يستحسن تجنب بعض المنزلقات والأخطاء أثناءها، من قبيل:
-إطالة التمهيد بالإسترسال في تفاصيل إما أنها لاعلاقة لها بالموضوع، وإما أنها مرتبطة بالموضوع لكن موقعها العرض لاالمقدمة.
-طرح أسئلة كثيرة إما لاعلاقة لها بالموضوع، وإما أننا لانستطيع معالجتها كلها في العرض.
-كتابة تمهيد عام جدا وغير مفض إلى الإشكال المطروح، بحيث يكون في الحقيقة صالحا لجميع الموضوعات، كالمفتاح الذي يفتح جميع الأقفال !!.

youssra-bac
26-01-2011, 19:21
الــــــــــعرض:


بشكل تقليدي، يتكون العرض من جزئين أو فقرتين متكاملتين مترابطتين والفصل بينهما مصطنع بهدف الشرح والتوضيح : التحليل والمناقشة.
التحليـــــل

جزء من الموضوع أبرهن من خلاله على مدى فهمي السليم لأطروحة النص و لمضمونه وحججه ومسار تشكل أطروحته ، وإدراك دلالة أفكاره وينبغي أن نتذكر على الدوام أن دلالة النص غير واضحة وبديهية وإلا لما سئلنا عنه! فقد تكون الدلالة اللغوية أو الدلالة الفلسفية غامضة أو هما معا. وعليه فإن المجهود الفكري الأكبر يتجه نحو شرح وتوضيح المادة المعرفية التي يحملها النص

youssra-bac
26-01-2011, 19:22
صيغ مساعدة:
صيغ للحديث عن أطروحة النص: "يدافع النص عن أطروحة مفادها..."
"يسعى النص إلى إثبات..."
"النص في مجمله دفاع عن ..."، "
من الواضح أن النص ينتصر لأطروحة مفادها..."
للحديث عن المفاهيم والبنية المفاهيمية: "ومن الجدير بالذكر أن ... يفيد..."
"من المعروف أن ... يعني..."،
"إذا أردنا الوقوف على مفهوم... سنجد أنه يدل على..."
"نلاحظ حضورا قويا لمفهوم... ويقصد به..."
"لكن مالمقصود ب...؟ يقصد به..."
" وفي هذا الإطار نشير إلى أن ...... تعني ......".
صيغ للحديث عن الأسلوب الحجاجي للنص: "لإثبات هذه الفكرة استعمل النص أسلوب...ليوضح كيف أن..."
"هنا لجأ النص إلى...لإبراز..."،
" ولكي يدلل على...قارن..."
، "لنلاحظ كيف استعمل... ليصل إلى أن..."،
"لايكتفي النص ب... بل..."
صيغ للحديث عن مسار تشكل الأطروحة داخل النص: "فيما يخص بنية النص نلاحظ أنه انطلق من ... إلى..."
"بعد أن حدد النص... انتقل إلى..."،
" اعتمد النص عموما على أسلوب....."،
صيغ لإستدعاءالمكتسبات المعرفية الملائمة: " ولنضرب لذلك مثلا..."
، "وبعبارة أخرى..."،
"وهذا يعني أن..."
"الشيء الذي يتطابق والأطروحة القائلة..."، "
" يمكن أن نفسر ذلك بالقول..."
لكن، مالمقصود ب...يفهم من ذلك أن..."،
"ولعل هذا ما ذهب إليه أيضا..."

youssra-bac
26-01-2011, 19:22
المناقـــــــــــــــــشة
ماوظيفتها؟ جزء من الموضوع أبرهن فيه على قدرتي على الحكم على موقف النص وتقييمه أو إبراز حدوده.
تعليمات مساعدة: لإنجاز هذه الخطوة في المرحلة التمهيدية، يمكن أن أطرح على نفسي ألأسئلة التالية:
- هل لدي ملاحظات أو تعليقات حول الأسلوب أو البناء الحجاجي للنص؟ حول قوة الحجج أو ضعفها، ملاءمتها أو عدم ملاءمتها؟ -------- مناقشة داخلية؛
- هل هناك نتائج أو جوانب أهملها النص أثناء تناوله للموضوع -------- مناقشة داخلية؛
- إن لم يكن، أفلا توجد مواقف وأطروحات فلسفية مغايرة تتبنى منظورا أو تحليلا مخالفا لتحليل النص؟ -------- إبراز حدود النص.مناقشة خارجية؛
- إن لم يكن، أفلا توجد مواقف وأطروحات فلسفية تتبنى منظورا أو تحليلا مكملا لتحليل النص؟ ------------ lموضعة النص في سياقه الفلسفي، مناقشة خارجية
صيغ مساعدة:
أ- صيغ للإنتقال إلى المناقشة: --"نلخص ماسبق بالقول إن النص ينتصرللأطروحة القائلة...ولكن إلى أي حد.../ هل صحيح أن.../ألا يمكن...؟"
--"انتهينا مع النص إلى أن...ولكن..."
-- "يتبين وفق منطق النص أن...فإلى أي حد..."،
-- " لحد الآن نظرنا إلى ... من زاوية..... ماذا لو ....؟" إلخ....
ب- صيغ للشروع في المناقشة الداخلية: -- "نلاحظ بأن البنية الحجاجية للنص لاتعتمد سوى على..."
-- " إن أغلب حجج النص ذات طبيعة..."
-- " إن النص يحيل على... دون أن يقدم توضيحا حول..."
-- " استشهد النص بــ.... ولكن ماذا عن .....؟"إلخ....
ج- صيغ للشروع في المناقشة الخارجية: --"يمكن أن نتناول الإشكالية من زاوية أخرى..."
-- "على النقيض مما سبق، تؤكد الفلسفة أو التصور الفلاني بأن..."
-- " إننا بهذه الأسئلة ننفتح على تصور مغاير..."
-- "بهذه الأسئلة، نتموقع ضمن تصور معارض يرى بان..."

youssra-bac
26-01-2011, 19:24
الخاتمة:
ماوظيفتها؟
جزء من الموضوع نعبر فيه عن الخلاصة التي نخرج بها من كل هذا التحليل والمناقشة.

تعليمات مساعدة: لإنجاز هذه الخطوة، يمكن أن أطرح على نفسي السؤال التالي:

كيف أصبحت أنظر إلى الموضوع الآن بعد تحليله ومناقشته؟

صيغ مساعدة:بما أن الخاتمة حصيلة مسار العرض، فإن هذه الحصيلة ستعكس موقفنا من التقابل أو من جملة التقابلات التي كان العرض مسرحا لها . والتقابل نوعان:
-تقابل تناقض: إذا كانت المواقف متناقضة لايمكن الجمع بينها وكان حضور أحدها يلغي الآخر (كتقابل العقلانيين والتجريبيين، أو تقابل القائلين بالحرية أو الحتمية بالنسبة للشخصية) وكنت أرجح أحدهما فيمكن استعمال صيغة مثل : "إذا بدا ضمن رأي أول بأن..... فأن التفكير العميق في الإشكالية يِكد بأن....."؛ أما إدا كنت محايدا، سأقول مثلا: " إن قضية أو إشكالية .... متعددة الأبعاد، بحيث تبدو من جهة..... ومن جهة أخرى......".
- تقابل تعارض: عندما تكون المواقف مختلفة ولكن يكمل بعضها بعضا كتكامل موقفي جاكبسون وديكرو بصدد وظيفة اللغة. في هذه الحالة نبرز التكامل الموجود.

المنزلقات والأخطاء أوماينبغي تجنبه: تجنب الأحكام القاطعة لأن الفكر الفلسفي ذوطبيعة منفتحة؛وتجنب طرح أسئلة أبعد ماتكون عن الموضوع التي انتهينا منه و تجنب إعادة طرح نفس أسئلة المقدمة وكأننا لم نستفد شيئا وكأننا خرجنا من الموضوع كما بدأناه !!

ألهومة
26-01-2011, 20:59
شكراااااااا بزاف همسة عطاء و يسرا و تبارك الله عليكم راكوم رائعين في النصائح والله يوفقكم و يجعلكم من الامة الصالحة يا رب .

همسة عطاء
27-01-2011, 13:42
ياااااااااااااربي
دعي معانا بشي 15 ولا 16
هه

ألهومة
27-01-2011, 21:50
الله ينجحكم بشي 16 ولا 17 يا ربي امين.

youssra-bac
30-01-2011, 12:04
امييين

yara0
30-01-2011, 13:12
امين مكرهناش شي نقيطة زوينة
قولوليا القراية نهار الاربعاء او الخميس

yara0
30-01-2011, 13:14
الهام راكي مزيانة 15.5
راه اولى علوم تجربية صعييييبة بزاااف
وخصوصا لاالفزياء راهو لا علاقة بالفزياء ديال الباك حيت ان ديال الاولى باك فشكل دير معقد مي ديال الثانية باك ساااهل تقدري تفهمي غير من الاستاذ

تصوري العام الي فات مكنتشي كنعرف اشنو كنقرىىىى اذا كنتو قيرتو داك جدول التفاعل في الكمياء والله مكنت عارفة لمن كيحتاجوه

مي هد العام الحمد لله كلشي واااضح
وناكدلك انه نفس الاستاذ الي كيقريني هد العام هو لي قراني العام الي فات
يعني 95/100 المشكل فينا حنا كنعقدوو الامور ماشي الاساتذة
توكلي على الله
والي حاسة انك تجيبي راسك فيها ديريها
وراه حنا حمدين الله على العلوم فزيائية مافيها غير تطبيق العلاقات والمعامل 7
اجي تشوف صحاب العلوم
المعامل 7 وتصوري كانو العام الي فات مينزلوشي من 18 هه اول نقطة عندهم 5.5 تصوريهاااااااااااااااااااا ؟؟؟؟؟؟؟؟؟؟؟ظظ
مالكي اختي همسة عطاء مع صحاب العلوم بلا معيار الله يخليك راه نحن هنا ههههههههه

همسة عطاء
31-01-2011, 21:08
nnnnnnn
يارااا راني كنقول الوااقع راه هادي صحبتي كانت كتجيب العام الي فات 18 19 لعلوم وكنت كنقلها كيف كديرلها ههه
من بعد انا قرتت اني ندير فزياء وهي علوم
وتصورو كتجيب 2 و 2.5 ولكن مع وحد الاستاااااااااااذ خطااار كيدير الفرووض مشحرييين
ههه وراه انا عارفة الى فحالنا فحالكم غير كل واحد اشنو كيعجبوو وصافي احبيبة

youssra-bac
31-01-2011, 21:34
مرحبا هموسة
كي دوزتي هاد العطلة ؟

youssra-bac
31-01-2011, 21:47
انا دازتلي العطلة طايرة ،gاع ما حسيت بالوقت
بالصراحة تقريبا ما درتش شي مجهود كبير في المراجعة و القراية
المهم ارتحت شويا و بدلت الجو باش ندخل بنفس جديد للدورة التانية

ألهومة
31-01-2011, 23:17
ناااري يا لبنات انا مهيزت تا كتاب هوا الليخر هههه علما انني بقيت غير في الدار الملل و صافي .

yara0
01-02-2011, 15:27
السلام عليكم
يسرى,فاتن,الهام,همسة عطاء كي دايرين لباس عليكم
حتى انا ما هزيت كتاب في هاد العطلة صراحة ارتاحيت شوية من القراية غير نبداو غدا ان شاء الله و نبدا تاني المراجعة

fatin09
01-02-2011, 16:05
انا كنت دايرا نراجع شوية و لكن ما مسيت حتى كتاب، يالله استراحيت شوية باش الى نرجع للقراية ناشطة

همسة عطاء
01-02-2011, 16:43
mercii yousra merci yaraaa
انا هد العطلة اووووووووووووووووووووووووووووو بقيت مقابلة غير النت والتلفزة هههه ديره كل نهار فلم امريكي مع 10 ديال اليل مي ستاافدت شوية
ههه اما على الكتب حدث ولا حرج
هه جبت الدفتر ديال الماط من عند صحبتي هد العطلة مكتبت والو مخليتها تراجع وانا ماكتبت

ألهومة
02-02-2011, 19:57
هههه كاع يا لبنات مقفرينها يسحاب ليا غير بوحدي.
ناااااري ما نعاودش ليكم كيف داز هاد نهار تصورووووا قسمنا المشاغب الكسول ترباووا شويا واقلا دارتها ليهم النقطة - عرفتواا كيكانوا في الاول-ناري ناري استاذ كيشرح او هما (الخلعة-الراديان...).مي الحمد الله ترباوا شوية على ما اظن .
اه وليوما مولات الفرنسية بقات كتوعي فينا و تنصح مسكينة وقالتلي الا بغيتي الفرنسية غير قراي القصص صغار او لخصي او غاديا تشوفي انا غاديا نبدا ان شاء الله (ميمتي الجهوي قرب وانا باقا عاطياها غير النعاااااااس ولايني صافي غاديا نجمع راسي) .
و انتوما كيف داز عندكوم هاد النهار تاع الدخول بعد العطلة.

youssra-bac
03-02-2011, 12:53
هههه انا دازلي النهار الاول فشكل و الله
اول حاجة كيف دخلت صدموني الدراري و قالولي اول نقطة و تاني نقطة كانت 18.5 و 18.22 ديال واحد 2 بنات اساتذة كيقريونا !!!!
لا مستوى عندهوم ولا والو ، غير السوايع وعاطينها للتبوحيط بففففففف
تحطت ليهم 20 فالرياضة و 20 فالترجمة !!!
المهم تحطمت مزيان و حسيت بالظلم، والقسم كامل مصدوم وغير تايشوف بعينيه
جيت نشارك فالحصة ديال الماط و هوما يقولوليا نكلس و نخلي اللوالة في القسم هوما اللي يجاوبو
دازت الحصص كولها مملة،عارفين الجواب و ما تنشاركو ما والو غير شوفيا نشوف فيك

youssra-bac
03-02-2011, 12:56
كفحال هاد المناظر هي اللي تتحبطنا، و الله حتى وليت تنحس باللي سواء خدمت او مخدمتش الاستاذ ما كيقدر الشعور و المجهود ديالنا
و الله ما نسمح لحتى استاذ ظلمنا :(

youssra-bac
03-02-2011, 13:00
ما بقات عندي رغبة نشارك لا فقسم لا نخدم تمارين لا والو ، كايبداو غير نفخ نفخ فالنقاط و ولاد الشعب اللي تايخدمو ما كتقبل عليهم حتى مدرسة
قمة الاحباط و الله !!!

youssra-bac
03-02-2011, 13:06
الهام بداي اختي تديري تلخيصات للدروس و تحفظيها خاصة الاجتماعيات و التربية الاسلامية
العربية اذا بغيتي تخدميها مزيان شري طوب فالعربية راه زوين
و ما تخافيش راه باقي الوقت فيدك و ان شاء الله تجيبي 17 ولا 18 ، تا حاجة اختي ما مستحيلة ، فقط تحداي راسك و بداي تحفظي و تخدمي و تبحتي على اي حاجة تعاونك
و اذا قدرتي حتى تديري سوايع فالفرنسية ديريهوم ، راه هاد الامتحان عيحققلك ربع احلامك
ما تبعيش دوك اللي كيبقاو حتى لاخر دقيقة و يخدمو ، نتي ديري اللي عليك و الكمال على الله ، و قولي لمامك تدعيلك
وراه ربي ما تيخيبش اللي تيخدم
يا ربي النجاح لينا كاملين

youssra-bac
03-02-2011, 13:09
يارا همسة فتيحة يالاه دخلو عمرو هاد الدار
راه هي المتنفس الوحيد اللي عندي :)

yara0
03-02-2011, 14:30
بلا ما تقلقي اختي يسرى راه ماشي غير في قسمكم و لكن هذا هو حال مدارس المغرب و للي يبقا فيا انه كيتحاسبو معانا حنا ملي نقولو ليهم يزيدونا غير نقط المشاركة و السلوك و لكن معليش و جيتي تشوفي راه فعلا ملي كيبدا الاستاذ يزيد فالنقط غير عشوائيا عاد كيبدا الصداع لان شحال من واحد كيتظلم فيها و شحال من واحد كياخد فوق ما كيستحق انا طبعا منتحاسب مع حد على نقاطو و لكن كيبقا فيا الحال على نقطي ................
قولي ليا نتي شحال جبتي

ألهومة
03-02-2011, 21:38
اه بصاح عندكم الحق راه النقط كيتطوعوا غير هاكاك مي المهم هوا انك تستافدي اما النقطة راها كتبقا غير رسم او صافي عكس المعلومات اللي كترسخ في الدهن ديالك يعني خاصنا نخدموا لريوسنا ونبينوا ليهم علاش قادين .
عافاكم غير بقاوا تفيقوني شوية باش تهزني النفس او نحفظ (فايقوني ونفيقكوم ههههه) يلاه راجعوا ا لبنات راه هنا فين خاصكوم تبانوا هنا فين كتحدد القيمة ديالك راه الباك هاداك راجعوا و حفظوا باش تحقوا المستحيل يلاه ا ختي ما تكونيش من المعكازين هزي داك الدفتر مسكين.

ألهومة
03-02-2011, 21:43
اه صراحة انا بالنسبة المشاركة ما كندويش يا ختي كنتزنك او حالتي حالة الى دويت كنحس بالاحراج حيت كلشي كيبقا يحنزز فيك (واش حتا نتوما هاكا ولا لا) او نزيدكوم مني كتنودي لسبورة كيفليوك من راسك حتا رجليك -واش حتا نتوما.ولا لا.ولا غير انا نااااري كنكره هاد قلة الثقة في النفس اللي فيا او كنبغي نكون ماكانتسوقش و لكن ما كنقدرش .علاش.

fatin09
03-02-2011, 22:23
انا بعدا داز عندي نهار عادي بحال الى كاع ما كانت العطلة، ختي الهام حتى انا كيطرا ليا بحالك حيت كنكون عارفة الجواب و لا حافظة شي حاجة و لكن كنتجنب قدر الامكان ما نهضرش، و حتى ف الماط كنكون مصايبة التمرين و كولشي و لكن كنقول الى دابا نضت للسبورة و تنسات علي شي قاعدة خاصة اننا ما كنهزوش الدفتار للسبورة، و عندي حاجة اخرى انا كنحشم من الاساتذة نعيط ليهوم معايا البنات ابسط سؤال اولا تمرين و كيعيطو للاستاذ باش اشوف اش دارو انا لا ما عرفتش مناش كنخاف

همسة عطاء
04-02-2011, 17:23
اهلا اختي يسرى و الهام وياراا وختي فاتن
كيف ديرين لابااااااااس
المهم انا هد النهار ولبارح
دازوو عادين بزاف
حيت كندخلو 3 سعات فينهار كامل غير المواد الاساسية والتلاميذ باقي ميكجيوش غير حنا هكا شي 15 وبقين 20 تلاميذ حتى نهار الاثنين
المهم
انا دابة داخة لهد اللدورة بحماس كبيررررررررررررررر
وكنتمنى يبقا ونجيبووو شي نقطة وااعرة
اولالا

همسة عطاء
05-02-2011, 17:01
اييوة فينكم البنااات

youssra-bac
05-02-2011, 19:05
هانا جيت هههه
واخا عليكوم البنات ، عارفين الجواب و ما تنوضوش للسبورة ، كون كنتو حدايا كون قرفصتكوم مزيان ههه
عرفتو حتى انا كنت فحالكوم تنحشم و كنخاف نغلط و يضحكو عليا،و وخا ما نفهمش مكنتش كنسول، اما واحد التقة فالنفس ما كنت كنعرفها نهائيا
كنت كنضرب النقط عالفروض و ديما الاساتذة كيبقاو يقولو شكون هيا هاد يسرى هههه
المهم انتقلت لواحد المدرسة ، دخلت القسم و نا نتصدم الاستاذ كيسول كولشي كيعلي يدو و يجاوب وخا يكونو ما متاكدينش من الجواب !
هنا حسيت براسي راه فيا شي خلل ، بديت كنتشجع و كنشارك حتى انا ، فالاول كنت كنحس باللي كلشي كيشوف فيا هههه و من بعد ولات عندي عادي

youssra-bac
05-02-2011, 19:09
+++++ شوفو راه خصكوم تتغلبو حتى نتوما على هاد الحشومة و الخوف ، وتيقو فراسكوم
و ما تنساوش راه حنا زعما مقبلين على المباريات ديال المدارس و راكم عارفين فالشفوي كيلعبو على النفسية ديال الواحد

youssra-bac
05-02-2011, 19:16
ختي يارا حنا باقين ما عطاونا المواد لوخرين ، غير الحراسة العامة قاتلينا اول و تاني نقطة
انا دابا صافي ما بقيتش كنفكر فالنقطة ، بغيت نخرج اكبر عدد من التمارين ، بغيت نتقن الفرنسية........
بدا العد العكسي،شي 20 اسبوع هايدا و نختمو الدراسة التانوية :)
ما تضيعوش الوقت ، يالاه كل واحدة فينا تبقى تدخل و تقولينا شنو حفضات و شنو خرجات باش نحفزو بعضياتنا

youssra-bac
05-02-2011, 19:22
عالبارح حطيت هاد الموضوع ، الوقت كايطير ، يالاه بغينا نرفعو بهاد التجمع و باناقة مغربية :)
فكرو فواليدكوم نهار النتيجة شحال عايفرحو اذا جبتو مزيان، فكرو من يبقى سيمانا للوطني تكونو ساليتو المراجعة، فكرو فمستقبلكم ، فكرو ف 12 عام دالقراية ، فكرو فكل نهار فقتو فيه مع السبعة و تحديتو النعس و مشيتو تقراو ، فكرو شحال ديال الدموع هبطنا كل ما ما جاوبناش فشي فرض ، فكرو و فكرو
و في الاخير رجعو للكتوبا و استيلو و خدمو باش تحقو الامال ديالكوم :)

youssra-bac
05-02-2011, 19:27
حتى نتينا اختي الهام فكري مزيان فمستقبلك باش تزيدي تحفزي و تحفظي
تيقي بيا اختي الجهوي راه اسهل ما يكون ، فقط نظمي وقتك و معلوماتك و تيقي فراسك
اوا يالاه سمعي كلام ختك الكبيرة و نوضي تحفضي هههه

همسة عطاء
06-02-2011, 13:27
اختي يسرى عندك مليووووووووووووووووووووووووووون حق وحق
راه هدشي الي كتقول هو المنطق
هدي 12 سنة وانا كنوض في 7 ديال الصبااح لاش باش نجيب مقبولل >> اوووووووووووووووف الله يستر ان شاء الله بالميزةةةةةةة
هدي 12 سنة وانا كنكلف الولدين
وهدي 12 وانا نخدم لاامتحانت ولدروس
وهدي 12 سنة وحناا الهدف ديالنا الول والاخير نشدو الباك ومين بقا 20 اسبوع او اــــــــــــــــــــقل بدينا كنعسوووو
فييييييييييييييييييييييييييييييييييييييييييييييييي يييييييييييييييييييييييييييييييييييييييييييييييييق وووووو ونفييييييييييييييييييييييييييييييييييييييييييييييي ييييييييييييييييق معاكم
راه هدا الباك
هو ساااااااهل اذا عرفنا كيف نديروه
كنتذكر التاسعة كيف كنت كنقل صعيبة مي غير نجحت فكرت انها اسهل عام فقريت فيه

اللـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــه
يوفقــــــــــــــــــــــــــــــــــــــــــــــ ــــــــــــــــــــــــــــــــــــــــــــنااا