المساعد الشخصي الرقمي

مشاهدة النسخة كاملة : اللي كتسمع ميد راديو تدخل..الجزء- 1-



الصفحات : [1] 2 3 4 5

امونة 1982
14-10-2010, 15:30
ابغيت من الاخوات اللي كيسمعو لالة مولاتي في ميد راديو ايكتبو لينا الوصفات باش اتعم الفاءدة

emi morocco
14-10-2010, 15:50
oui 3andak hak bnisba lnass li kayssajlou ynaklou lina lwasafat makrahnach nastyafdo

ام محمد و اسراء
14-10-2010, 16:30
m3ach kaykon had lbarnamaj

امونة 1982
14-10-2010, 17:04
m3ach kaykon had lbarnamaj

من 10الي 12 ومن الاتنين الي الخميس

الكوثر2
19-10-2010, 16:39
كيك بالتمر
4 زلايف دقيق 6 بيض كيلو تمر معجن 2 كيسان سنيدة 2 كيسان زيت 1 م قرفة 10 دراهم شكلاط ابيض و2 دراهم شكلاط اسود 3خميرات كنخلطو المقادير من غير الشكلاط ونسرحوه فاللاطة الطويلة ديال الفرن لي طولها 40 سنتيم تقريبا ولما تطيب نزينوها بالشكلاط الابيض والاسود على شكل ميل فوي

كيك بكوكاكولا
2 بيض كاس كوكاكولا 2 خميرات كاس شكلاط غبرة كاس زيت كاس سنيدة 2 كيسان دقيق كنديرو الخليط فمول وندخلوه الفرن يطيب من بعد نزينو الكيك بالشكلاط واللوز

فقاص بالكركاع
300غ دقيق 150غ زبدة فاني نصف خميرة ديال الحلوى 6 م ك زيت 150 سنيدة 6 م ك ماء زهر 300 كركاع نديرو منو عصيات ندخلوهم المجمد يقصاحو عاد نقطعوهم على شكل فقاص ندهنوهم باصفر بيضة ونطيبوهم فالفرن

محنشات بالخضر
نشحرو بصلة كبيرة فالزيت والزبدة نضيفو 2 جزرات محكوكات و 2 فلافل بالالوان ملح ابزار تحميرة نزولوه ونضيفو الشعرية الصينية حك الطون و4 م ك معدنوس
رابعة دقيق 1 م زبدة نصف م ص خميرة ديال الحلوى ملح نعجنو بالماء ونديرو منها كويرات صغار نورقوهم بالزيت نعمروهم بالحشوة ونشكلوهم محنشات ندهنوهم بالزيت ونطيبوهم فالفرن

كوكيز
رابعة زبدة 2 كيسان سنيدة 3 اصفر بيض كاس زيت كاس حليب 2 فاني 2 خميرات زلافة شكلاط مقطع الدقيق حسب الخليط تقريبا كيلو

البسبوسة
500 سميدة رقيقة 100 كوك مطحون 50 غ زبدة خميرة بلدية 1 خميرة حمراء نصف كاس الى كاس ماء زهر2 م ك نيدو كاس ونصف سنيدة نطيبوها فالمقلة التقيلة تم نسقيوها بالسيرو محضر بكاس ماء وكاس ونصف سنيدة و 2 م ك عصير حامض

zanouba4
20-10-2010, 16:39
نتمنى يتبت الموضوع و الاخوات اللي كيسمعوه يكتبوا الوصفات فحال اللقاء المفتوح

ta3iyalt
20-10-2010, 18:04
يسلام يا ميد راديو

ta3iyalt
20-10-2010, 18:13
عصير الافوكا
كاحبة افوكا لتر حليب ٢٥غ لوز ٢معالق زبيب ٨تمرات ملعقة سنيدة
نخلط الكل في المولينكس و يقدم فالحين

elina
20-10-2010, 18:22
الد جاج اطراف ندهنه بالموطارد والزبدة وشوية الملح و الابزارو نطيبوه في شوية الماء ملي يطيب الدجاج نحيدوه من الطنجرة و نزيدو شمبينيوا و لكريم فريش٤م.ك ويقدم بالصحة

elina
20-10-2010, 18:28
عصير البطاطا مسلوقة+لبن+سنيدة حسب الدوق+لافاني+سيرو الاحمر تطحن جميع المقادير و تقدم بالصحة كيجي بحال رايبي

mounia maaroufi
20-10-2010, 18:30
تبارك الله عليكم موضوع مهم اتمنى التفاعل من الاخوات و شكرا جزيلا اختي

elina
20-10-2010, 18:37
لتساقط الشعر كاس جنجلان محمر و مطحن+كاس زريعة الكتان محمر ومطحون+كاس زيت العود
نجمع جميع المقادير في قنينة و مرة مرة ندهن بالزيت و ملي نبغو نمشيو لحمام نشق راسنة بالتخة لتحتاني اي جنجلان و زريعة الكتان

nemnema
20-10-2010, 18:51
موضوع جميل الله يعطيكم الصحة حى انا كنسمع لميد راديو كيعجبني بزاف و كتبت بزاف الوصفات
بغيت نعرف واش نشارك بجميع الوصفات اللي كبتهم

ريم 2012
20-10-2010, 19:43
فكرة رائعة نتمنى ان تستمر الله يجازي مولاتها بخير ويرزقها من حيث لاتحتسب انا اول مرة تنسمعو واعجبني فيه بزاف ديال المشاركات بدون غناء كل مرة وشكرا مرة اخرى اختي

elina
21-10-2010, 19:24
نعم اختي كتب لينا الوصفات لي خدتهم من مد راديو كلهم الله يجزيك بخير لكي تعم الفائدة nemnema

ام العربي1
22-10-2010, 09:43
الزيتون مشرمل
نصف كيلو الزيتون اخضر بلا عضم نصف كيلو الزيتون اسود معلقة كبيرة مطيشة الحك 3معالق كبار المايونيز ملح ابزار كمون تحميرة الثوم المعدنوس حك الطون الكاشير محكوك زيت العود
نخلط الكلونعملوه في قريعات ديال الزجاج ونعملوه في الثلاجة لوقت لبغناه نلقاوه موجود انا جربت وجا غزال وتبارك الله على للا مولاتي وخلاص

غريبة الكوك اقتصادية
6الكيسان الكوك
3البيضات
3الكيسان سنيدة
تعمل مثل الغريبة وتدخل الفرن

كتشوب
معلقة كبيرة مطيشة الحك ملح ابزارسنيدة حسب الذوق معلقة صغيرة زيت معلقة كبيرة نشا معلقة صغيرة خل
يعمل الكل فوق النار مع التحراك حتى تعقد تترك حتى تبرد وتدخل الثلاجة الى حين الاستعمال

غريبة بالشكلاط
رابعة الزبدة 4كيسان الزيت 4كيسان السكر كلاصي الدقيق حسب الخليط تكور تعمل مثل الغريبة وتدخل الفرن لما تطيب تغطس في الشكلاط وتقدم

بسكوي
4البيضات زلافة زبدة مدوبة وزيت زلافة سنيدة 1خميرة 2معالق كاكاو قبصة ملح
تخلط وتورق بالمدلك ونقطعوها الاشكال لي بغينا مربعات دوائر تدهن باصفرالبيض المخلط مع نسكافيه وتزين باللوز مهرمش او اللوز ايفيلي او كاوكاو وتدخل الفرن

راه باقين عندي بزاف الوصفات مقيداهم تندرجهم في المرات القادمة وكنتمنى اللي كاتبة الوصفات تكتبهم لينا باش تعم الفائدة وتبارك الله عليكم





كتشوب

ام العربي1
22-10-2010, 09:55
لتبييض الماطق الحساسة
كاس ماء ورد2معالق سكر كلاصي 5معالق الطالك 3معالق زيت العود يعمل الخليط كله فوق النار لمدة قصيرة حتى يتجانس يعمل الخليط في قريعة ويدهن به يوميا ويبقى في الجسم لمدة 3ساعات او اكثر

لازالة تشققات القدم
2معالق الطالك كاس زيت العود شمعة صغيرة ديال 10ريال
ناخد زيت العود نعملوه في كسرونة نزيدو عليه الشمعة ونعملوه فوق البوطة حتى تدوب الشمعة نزيدو الطالك ونحركو حتى يتجانس ونزولوه نعملوه في شي قريعة ونستعملوه يوميا صاحبة الوصفة كتقول انه زوين بزاف

mounia maaroufi
22-10-2010, 11:32
جزاك الله الجنة اختي ام العربي

lilane
22-10-2010, 12:08
chokrane likom

ام العربي1
22-10-2010, 13:24
شكرا لك اختي مونيا معروفي حنا هنا غير باش نفيدو ونستافدووجزاك الله بالمثل

هيام أيامي
22-10-2010, 17:00
السلام عليكم
حتى أنا غادي نشارك معاكم بالوصفات لي مسجلة عندي من هاذ البرنامج

تبييض الوجه

ملعقة كبيرة من دقيق القمح
حليب دافئ
يوضع على الوجه و العنق 15 دقيقة
يغسل بماء المعدنوس

هيام أيامي
22-10-2010, 17:00
كيكة عيد ميلاد
نطربوا 4 بيضات مع كاس و نص سنيدة حتى يوليو فحال لكريمة نزيد عليهم كاس ونص الزيت و كاس شكلاط غبرة
و كاس حليب و 2 كيسان فورص و 1 فاني و 2 خمارات
ندهنوا المول بالزبدة ونرشوه بالفورص نخوي الخليط و نطيبوه في الفرن ملي تطيب نخليوها تبرد و نسقيوها بالسيرو اللي فيه الماء و السكر و قشور الحامض و نقسموها بالخيط من الوسط على 2 و نطليوا الوسط بالكريم شانتيي و الوجه كذلك و نحكوا عليها الشكلاط

هيام أيامي
22-10-2010, 17:01
سواد الابطين


قرنفل مدقوق نخلطوه مع الخل العادي و يدهن في الليل و الصباح يتغسل

هيام أيامي
22-10-2010, 17:05
التجاعيد

بياض بيضة نطربوها حتى تولي فحال الثلج نزيدوا عليها 3 معاق زيت اللوز و يتوضع على الوجه و العنق و تحت العينين و جناب الفم
مع تدليك خفيف و يغسل بماء دافئ

هيام أيامي
22-10-2010, 17:08
الشيب

أوراق التوت طريين نعملوا معاه الماء غليان و نبقاوا نشقوا بيهم الشعر يوميا

هيام أيامي
22-10-2010, 17:09
الصلع

الثومة بصلة حمرة 2 معالق حليب سائل زنجلان ندقوهم في المهراز و ناخذوا الماء ديالهم ندهنوا بيه 3 مرات في الأسبوع

هيام أيامي
22-10-2010, 17:12
تبييض الأسنان
2 معالق سنيدة شوية الملح 2 معالق دقيق قمح بخالته شوية الحامض نخلطوا الكل و نبداوا نمسحوا بشوية من الخليط الأسنان بواسطة قطن

هيام أيامي
22-10-2010, 17:13
وصفة لحساسية الصدر

النافع البلدي مدقوق يتخلط بالعسل الحر
يؤخد معلقة على الريق و معلقة قبل النوم

mounia maaroufi
24-10-2010, 13:42
شكرا جزيلا اختي هيام ايامي على المعلومات الرائعة

lilane
24-10-2010, 14:46
chokrane likom

omo lina
24-10-2010, 20:24
tay3jabni had lbarnamaj taydiroh dima man 10 tal 12 o man tnin lkhmiss stafadt mano bazaf ta3 l7wayj tsanto lih tantoma ray3jabkom

elina
25-10-2010, 09:54
كنشكر جميع الاخوات لي كتب الوصفات ديالهم لكيسمعو ل ميد راديو

bahr lmacha3ir
25-10-2010, 16:54
بريوش بالليمون
زلافة عصير إلليمون ـ زلافة حليب دافئ ـ زلافة زبدة مدوبة ـ زلافة سنيدة ـ 3 بيضات ـ 3خمارات ـ 1فاني ـ شوية خميرة العجينة ـ شوية النافع والزنجلان ـ الدقيق
كتكون عجينة خفيفة نديروها كويرات نخليوها تخمر ندهنوها بالبيض و نيسكافي وندخلوها الفران تطيب

bahr lmacha3ir
25-10-2010, 17:09
فقاس ديال الفطور
5بيضات ـ 10دراهم لوز مسلوق ـ ربع كاس نافع ـ كاس زنجلان ـ رابعة زبدة مارغرين ـ ملح ـ 2 كيسان زيت ـ 2 خمارات ـ الطحين
ناخدو من البيض 2 اصفر باش ندهنو من الفوق نعجنو الكل نديروه حريبلات ندهنوه بالبيض و نسكافي ندخلوه اطيب نص طيبة نخليوه ليلة ونقطعوه نرجعوه اكمل الطياب

bahr lmacha3ir
25-10-2010, 17:34
حلوة النgريطة
رابعة لوز او كاكاو محمر و مطحون ـ 2/1 كاس سكر كلاصي ـ 2/1 كاس ماء الزهرـ رابعة زبدة ـ 2/1 كاس زيت ـ الدقيق
للتزيين شكلاط مدوب + العقيق
ندلكو العجينة نقطعوها بالمرشم مربع بعدما تطيب لصقو كل 2 نغطسوها فالشكلاط و انزينوها بالعقيق

elina
25-10-2010, 20:32
merci bezaf a l hebiba 3la l wasafat li ketbeti lina bahr lmacha3ir

mounmoun
25-10-2010, 23:49
تبارك الله عليك عاى الوصفات منى الشمالية

mounmoun
25-10-2010, 23:53
العيد الاضحى قرب يلح الحادكات لعدها حلوات تعتقنى بهم

الكوثر2
26-10-2010, 15:55
حلوة البوق
*4 بيض 2 كيسان زيت 2 كيسان سنيدة 2 خميرات نص كاس عصير الليمون قشرة ليمونة رابعة زبدة ماركرين دقيق حسب الخليط*
بالنسبة لاي حلوة كنخلطو في الاول البيض وسنيدة فالخلاط الكهربائي من بعد نضيفو باقي المقادير تم نخرجوها بالبوق يمكن لنا نقسمو العجينة نديرو وحدة بالكاكاو وحدة عادية*
حلوة بالخل*
رابعة زبدة كاس سكر كلاص 2 الى 3 قطرات روح فاني دقيق نطلقوها ونقطعوها على شكل قليبات نفندوهم فالخل وسنيدة ولما تطيب نلصقوهم بالشكلاط*

kiko_samar
26-10-2010, 20:05
salam tanchkor kol wahda o ntmana li tat3raf wahad

kiko_samar
26-10-2010, 20:08
salam tanchkor kol wahda fikom ontmana li kant tatsma3 fi ramdan wahad siyda galat palmi taktabhom liya galat tayjiw bhal bagette o wahad lhalwa galoha nhar lkhmis molatha galat smitha halwat sbardila et merci

طيفة
26-10-2010, 20:29
شكرا على الموضوع في المستوى وشكرا لجميع الاخوات لعتونا الوصفات لسجلو انا صراحة مكنتسنتش ليه حيت معنديش الوقت كنكون خدامة ولكن دابا بفضلكم غنولي نستفد لكو جزيل الشكر
تحياتي للجميع الله اعطيكم الصحة على هاد المجهودات
وشكر خاص لصاحبة الفكرة

الكوثر2
27-10-2010, 15:18
الشهدة
كاس زيت كاس سنيدة ملح 2 بيضات واحد بياض بيضة كاس ونصف حليب 2 م خل 2 م خميرة بلدية دقيق حسب الخليط والعجينة ماتكونش قاصحة
ندهنو مول بالزبدة ونرشوه بالدقيق نديروكويرات العجينة وحدة حد وحدة وبيناتهم نحطو طريفات من الشكلاط نخليوها تخمر ساعة تم ندهنوها باصفر بيض ولما تطيب نسقيوها بالعسل

الكوثر2
27-10-2010, 15:27
كراتان بالكرعة
نشحرو بصلة مع الزبدة ملح ابزار نقطعو 5 كرعات على شكل طولي ونغليوهم فالماء و الملح نصفيوها تم نقليوها
نشحرو رابعة دجاج فالزبدة ملح ابزار وشوية الماء
زيتون اسود نقطعوه طريفات
نخلطو دانون مسوس ونفس عبارو حليب تم نطربو 4 بيضات وزبدة ملح من بعد ناخدو مول مدهون بالزبدة نديرو طبقة من البصلة نزيدو نصف كمية الكرعة زيتون دجاج نصف خليط دانون البصلة تاني الكرعة وهكدا حتى نكملو ونختمو فالاخير بالفرماج محكوك

kiko_samar
27-10-2010, 15:33
goliliya akhti bagette olhalwa sbardila 3afak li galt waha lmra ila kano 3andak

الكوثر2
27-10-2010, 15:35
حلوة البيضة بالكوك
نطحنو 500 غ كوك ونخلطوه مع نسلي نطحنو رابعة اللوز مسلوق وفالمرة التانية نطحنوه مع السكر ونخلطوه مع زبدة وماء زهر وملون اصفر ناخدو الكوك نديرو منو كريصات نحطو وسطهم كرة من اللوز نكوروهم تم نغطسوهم فالشكلاط الابيض من بعد نقسموهم على جوج

الكوثر2
27-10-2010, 15:43
اختي سمر حلوة السبرديلة ما خديتهاش حيت ما فهمتش الطريقة

kiko_samar
27-10-2010, 16:18
wakha akhti merci o palmi li kano galo fi ramdan osamhiliya bazaf akhti

elina
27-10-2010, 18:42
3nedi liyoum wahed lewasefa deyal lewjih
1avocat
chiwiya deyal l khmira
we me3al9a deyal l3sel
we kasse deyal leben
hade l wasefa galet molatiha katebayid lewjeh

elina
27-10-2010, 18:47
halwa deyal tabe3 deyal l frit
125g zebeda
125g coco
kasse sanida
kasse zit
3 bayedat
2 khemarat
1 la vanille
we da9i9 hasaba l khalit

elina
27-10-2010, 18:50
3ajina deyal pizza
kase deyal lhlib
kase deyal zit
chiwiya deyal l khemira
we zelafa deyal da9i9

elina
27-10-2010, 18:58
الزيتون مشرمل كيجي رائع
نص كيلو زيتون بلا عظم يتغسل مزيان
حك درة
قزبر و معدنوس
شوية الكامون
فلفلة حمر و خضرة مقطعن صغيور
شوية زيت العود حتى لأ خير عاد نضفه
حك طون
شوية لهريسة

elina
27-10-2010, 19:04
we hade lwasfa deyal che3ar
lebera lawen ache9are
2 me3ale9 maa zehar
2 bayedat
2 3asir l hamed



katekhaltihoum fi tehana

ki ji behal mayonaise



katekhalih 2 heur

ام العربي1
27-10-2010, 20:24
بريوش
نصف كيلو الدقيق
رابعة زبدة
150g سنيدة
ملح 3بيضات
كاس حليب
50gسنيدة وبيضة للتزيين
الماء الدافئ باش نعجنو


خبز الشاورما
نصف كيلو الدقيق
معلقة كبيرة سنيدة
معاقة كبيرة خميرة الخبز
نصف كاس الزيت
ملح
نعجن الكل وندلكوه مزيان ونخليوه يخمر في القصعة من بعد نعملو كويرات صغار ونبسطوهم مزيان ونتركهم لمدة ربع ساعة ونطيبوهم عادي بحال البطبوط


صلصة الشاورما
ياغورت مسوس
النعناع
الخل
القرفة بسيبيسة قزبر يابس قرنفل الزعترالثوم القرنفل
يخلط الكل في الخلاط الكهربائي ويستعمل


حلوة الصخرة بالكاوكاو
1كيلو الكاوكاو محمر ومهرمش
5بيضات
رابعة الزبيبمقطع ومرقد في الماء لمدة ليلة كاملة
3كيسان العنبةسنيدة
رابعة الشكلاط ابيض
تعمل مثل الصخرة تاخد برؤوس لاصابع وتعمل في طاوة مدهونةلما تطيب تلصق وحدة بوحدة بالشكلاط الابيض

بينيي
2بيضات قبصة ملح
1خميرة الحلوى 1فاني
نصف كاس سنيدة نصف كاس زيت نصف كاس عصير الليمون
الدقيق حسب الخليط
تدلك مزيان تورق وتقطع بمرشم دائري مشنف من الجناب تقلى في الزيت ثم تزين بالسكر الكلاصي

نصيحة
لازالة الحراق من الطنجرة نستعمل الماء والملح ويطبخ مزيان ثم تغسل

امونة 1982
27-10-2010, 22:48
اتبارك الله اعليكم وكنشكر جميع الاخوات اللي تفعلو امعا الموضوع

امونة 1982
28-10-2010, 14:31
حلوة الفرماجة رابعة الزبدة 2فرماجات دقيق حسب الخليط تطلق بالمدلك وتقطع علي شكل هلال ولما تطهي تفند في سكر كلاصي

امونة 1982
28-10-2010, 14:38
حلوة الصخرة كيلو كاوكاو محمر ومهرمش بالقشور رابعة السنيدة 3البيضات كاس زيت 2قاني شكلاط ابيض لتزيين
نطرب البيض امعا سنيدة ونزيدو قاني والزيت والكاوكاو وناخد الكورة باطراف الاصابع ابحال الصخرة وماللي تطيب نزينوها بالشكلاط ابيض علا شكل خطوط

ام العربي1
28-10-2010, 15:22
حلوة المكينة ديال الكفتة
كاس الزيت
نصف كاس زبدة دايبة
2بيضات
كاس سنيدة
نصف كاس الزهر
نصف كاس النافع والجلجلان مطحونين
2خميرة
1فاني
الدقيق حسب الخليط
الحليب الدافئ لجمع العجين
يخلط الكل وتخرج في المكينة ديال الكفتة في البوق على شكل اصابع وتدخل الفرن

ام العربي1
28-10-2010, 15:26
حلوة الفورشيط
كيلو الفورص
رابعة الزبدة
2كيسان الزيت
1خميرة الحلوى
كاس دانون بنان
تعمل على شكل كويرات وترشم بالفورشيط وتدخل الفرن لما تطيب تفند في السكر كلاصي

ام العربي1
28-10-2010, 15:30
بسبوسة

4بيضات
زلافة سنيدة
زلافة اللوز مطحون بقشور
زلافة سميدة رقيقة
زلافة الا ربع زيت
3خمارات
تخلط جميع المقادير عاديةوتدخل الفرن لما تخرج تسقى بالعسل وماء الزهر

ام العربي1
28-10-2010, 15:34
حلوة بنسكافي
250gالزبدة
3معالق نسكافي ما يعادل 3ساشيات
1معلقة سكر كلاصي
نصف خميرة الحلوى
رابعة الشكلاط اسود
يجمع العجين ويورق بالمدلك ويقطع بالمرشم حسب الرغبة وتدخل الفرن لما تخرج تغطس في الشكلاط وتزين بالعقيق

امونة 1982
28-10-2010, 15:35
اتبارك الله اعليك اختي ام العربي

ام العربي1
28-10-2010, 15:38
حلوى على شكل كركاعة
رابعة الزبدة
2كيسلن الزيت
2كيسلن سنيدة
1ياغورت طبيعي
2معالق كاكاو
الدقيق حسب الخليط
تخرج بالبوق المسنن على شكل وردة تدخل الفرن لما تخرج تلصق وحدة بوحدة بالشكلاط الابيض

ام العربي1
28-10-2010, 15:43
لدجاج الى بغينا نحمروه بسرعة ويجي محمر مزيان كندهنوه بالزبدة مخلطة مع خميرة الحلوى وندخلوه الفرن


ا









لدجاج الى بغينا نحمروه بسرعة ويجي محمر مزيان كندهنوه بالزبدة مخلطة مع خميرة الحلوى وندخلوه الفرن

امونة 1982
28-10-2010, 15:46
المتوجدون الان
ام العربي
الكوتر 2
sliwa lhiwa

ام العربي1
28-10-2010, 15:46
نصيحة
الدجاج الى بغيناه يجي محمر مزيان قبل مندخلوه الفرن كندهنوه بالزبدة مخلطة مع خمارة الحلوى

الكوثر2
28-10-2010, 15:46
وصفة للهالات السوداء
وراق النعناع نقطعوهم ونديروهم على العين من 5 الى 10 دقائق تم نغسلو بماء دافي ونديرو لهم مساج بزيت اللوز

ام العربي1
28-10-2010, 15:48
شكرا اختي amina معملت غير الواجب وحنا كنتواصلو غير باش تعم الفائدة

الكوثر2
28-10-2010, 15:51
نزيف اللتة
كاس ورد الرمان مع 2 كيسان ماء سخون لما يطلق نديرو بيه بان بوش كلما غسلنا الاسنان بالشيتة

الكوثر2
28-10-2010, 15:54
وصفة للجسم
كاس صغير عصير حامض نص كاس ماء ورد نص كاس جلسرين نص كاس عسل حر نص كاس حليب الرايب ندهنو بهاد الخليط الجسم قبل الحمام ونستعملوها مرة فالاسبوع

ام العربي1
28-10-2010, 15:55
دواء للبهك
الصابون البلدي والطين الخام يعني الطين باقي خضر مطيبش
كنخلطوهموندهن به مكان البهك

غريبة الكوك والشكلاط فرميسيل
6بيضات
كاس سنيدة
كاس الزيت
كاس سميدة رقيقة
نصف كيلو الكوك
2خميرة
5دراهم الشكلاط فرميسيل
ماء الزهر والسكر كلاصي للتزيين
تتصاوب عادية مثل غريبة الكوك

ام العربي1
28-10-2010, 16:02
باسطا فلورا
3بيضات
كاس زيت
كاس سنيدة
1خميرة
الحامض محكوك
الدقيق حسب الخليط المربى
كنحمعو الخليط وكناخد منو كريصة صغيرة ونخليوها جانبا والباقي من العجين كنكرصوه في طاوة مدهونة بالزيت وندهن الوجه ديالها بالمربى وناخد الكرة المتبقية ونزيدو فيها الدقيق حتى تقصاح ونحكوها فوق المربى في الحكاكة وتدخل الفرن
كنتمنى نكون عرفت نوصل الطريقة وشكرا

امونة 1982
28-10-2010, 16:06
اختي الكوتر راك امنورة
انا غادا نعطيوكم واحد العصير جربتو وجا زوين
كيلو الحامض انحكوه ونعصروه وكيلو الا ربع سنيدة نحركوه ونزيدو لتر ماء طايب ونخليوه 12 ساعة يصفي وناخدكاس العنبة نعبرو بيه ويوضع كلا كاس في بلاستيكا ويوضع في الفريكو
وماللي نبغيوه ناخد كاس العصير ونزيدو عليه لتر ماء او اقل اعلا حساب الدوق راه تيجي راءع

الكوثر2
28-10-2010, 16:43
النور نورك اختي امينة ربي يخليك بارك الله فيك

nemnema
28-10-2010, 20:59
مرحبا يا انيقات ماشاء الله عليكم شاركتوا بجميع الوصفات اللي سمعتها اليوم
المهم انا راجعت الصفحات و اللي ناقص غادي نشارك بيه
بيدا بسم الله
وصفة للتبييض
كاس صغير عصير الحامض
كاس صغير حليب رايب
نص كاس صغير ماء الورد
نص كاس صغير غليسيرين
نص كاس صغير عسل حر
يخلط الكل و ندهن به جسمنا قبل الحمام بنصف ساعة
مع المداومة و يكون مرة في الاسبوع
حلوى الوريقات
4 بيضات +2كيسان عنبة سكر سنيدة +2كيسان زيت +2كيسان
كوك+2 الزا +2 لفني +طحين حسب الخليط
نخلط الكل و نحربلوه على شكل اصابع و نفندوهم في سكر سنيدة ونفلحوهم بالموسى و ندخلهم للفرن .

nemnema
28-10-2010, 21:03
علاج اوجاع الركبة
ليمون مر اللي اسميتوا الرنج نقطعه دوائر و نضعه في كاسرونة مع قليل فقط من الماء و نتركه على النار حتى يبدا يغلي و يتعسل غير شوية
تم نضعه على الركبة وهو دافئ ونغطيه بالفوطة حتى يبردوا و نكرر العملية 3 المرات تم نحيدوا و تغطاي نعسي هههههههه
و الغد تكرر و بعد غد حتى تحسي بالراحة

nemnema
28-10-2010, 21:08
الى الاخت amina rhaf
سبق و كتبتي انك بغيتي وصفات دازوا في رمضان
انا كنت كنتسنط ليه في رمضان و كتبت بعض الوصفات
قولي ليا اشنو بغيتي او فقط عنوان الوصفة و نقلبليك في الدفتر ههههههههههه
مشكورة لفكرتك حبيبتي

امونة 1982
29-10-2010, 11:42
الى الاخت amina rhaf
سبق و كتبتي انك بغيتي وصفات دازوا في رمضان
انا كنت كنتسنط ليه في رمضان و كتبت بعض الوصفات
قولي ليا اشنو بغيتي او فقط عنوان الوصفة و نقلبليك في الدفتر ههههههههههه
مشكورة لفكرتك حبيبتي


جزاكي الله خيرا انا يالله ابديت كنسمع ليه هادي 3 سيمنات شي اخت اللي قالت ليك اتكتبي ليها الوصفات وماللي انت موسوعة كتبي ليا وصفة اعطاها واحد السيد فيها الصابون الحجرة لتبييض الوجه
اوا شاتي انت اللي جبدتيني يالله كتبي هههههه

ام الشهيد مروان
29-10-2010, 17:19
ما شاء الله ..وتبارك الله عليكوم حبيبات قلبي ..
وشكرا للحبيبة صاحبة الموضوع والي تستاهل التثبيت والتقيم ..فب الحقيقة موضوع رائع ..وحبيبات اروع ..مبخلوش علينا بالوصفات القيمة الله يجعلها في ميزان حسناتهن امين يا رب..
لي رجاء عندكن حبيباتي ...فين جا هاد البرنامج نبدا نسمعو ..مع احر تشكراتي ...

elina
29-10-2010, 20:04
wasefa li berayeti ya oukhet amina
sabouna deyal hajera 3adiya
we l rasoul l beyad
we maa l wared
me3ale9a deyal l khemira deyal l halewa
200 g deyal sucre glace

امونة 1982
29-10-2010, 20:19
ما شاء الله ..وتبارك الله عليكوم حبيبات قلبي ..
وشكرا للحبيبة صاحبة الموضوع والي تستاهل التثبيت والتقيم ..فب الحقيقة موضوع رائع ..وحبيبات اروع ..مبخلوش علينا بالوصفات القيمة الله يجعلها في ميزان حسناتهن امين يا رب..
لي رجاء عندكن حبيباتي ...فين جا هاد البرنامج نبدا نسمعو ..مع احر تشكراتي ...
راك نورتى الموضوع ايلا كنتي في كازا شاديه علا الموجة 2'88

طيفة
29-10-2010, 20:23
شكرا لكن جميعا لهلا اخطيكم علينا

امونة 1982
29-10-2010, 20:24
wasefa li berayeti ya oukhet amina
sabouna deyal hajera 3adiya
we l rasoul l beyad
we maa l wared
me3ale9a deyal l khemira deyal l halewa
200 g deyal sucre glace
شكرا وقولي ليا اشحال المدة اللي يبقا في الوجه وشحال من مرة في الاسبوع

nemnema
29-10-2010, 21:55
جزاكي الله خيرا انا يالله ابديت كنسمع ليه هادي 3 سيمنات شي اخت اللي قالت ليك اتكتبي ليها الوصفات وماللي انت موسوعة كتبي ليا وصفة اعطاها واحد السيد فيها الصابون الحجرة لتبييض الوجه
اوا شاتي انت اللي جبدتيني يالله كتبي هههههه
ماكاين موشكيل حبيبتي امينة
الوصفة ديال التبييض
تلت صابونة محكوكة ديال الحجرة
بكية غاسول ابيض
قرعة ماء الورد
200 غرام سكر كلاصي
ملعقة خميرة ديال الحلوى
نخلط الكل بالطراب و نضع الخليط في قرعة معقمة تم نتركها 20 دقيقة ترتاح و من بعد ندخلها للتلاجة
قاليك هدا القناع كيبيض الوجة و كينضفوا جيدا
هههههههههه شفتي الموسوعة هاهي ههههههه

nemnema
29-10-2010, 22:09
الله يخليكم اللي استمعت للحلقة اللي دازت نهار الاربعاء
راه ديال السيدة حورية
ماسك فيك كاس المعدنوس قالت تغليه و يطحن بغيت نعرف مقدار الماء فاش يغلى المعدنوس
و شكرا ليكم جميعا

امونة 1982
30-10-2010, 15:14
ماكاين موشكيل حبيبتي امينة
الوصفة ديال التبييض
تلت صابونة محكوكة ديال الحجرة
بكية غاسول ابيض
قرعة ماء الورد
200 غرام سكر كلاصي
ملعقة خميرة ديال الحلوى
نخلط الكل بالطراب و نضع الخليط في قرعة معقمة تم نتركها 20 دقيقة ترتاح و من بعد ندخلها للتلاجة
قاليك هدا القناع كيبيض الوجة و كينضفوا جيدا
هههههههههه شفتي الموسوعة هاهي ههههههه


لهلا ايخاطيك الحبيبة

امونة 1982
30-10-2010, 15:16
الله يخليكم اللي استمعت للحلقة اللي دازت نهار الاربعاء
راه ديال السيدة حورية
ماسك فيك كاس المعدنوس قالت تغليه و يطحن بغيت نعرف مقدار الماء فاش يغلى المعدنوس
و شكرا ليكم جميعا


ان شاء الله ايفيدوك الاخوات انا مكنتش في الدار نهار الاربعاء

الكوثر2
30-10-2010, 15:46
ماسك الوجه لي قالت حورية فيه كاس المعدنوس يغلى مع الماء من بعد نطحنوه وناخدو منو قياس معلقة صغيرة نخلطوها مع معلقة صغيرة عسل ومعلقة صغيرة زيت الزيتون وروز مطحون حسب الخليط هاد الماسك كيغدي البشرة وكينقيها
لوسيون للوجه واليدين ايضا
لتر ماء 2 كيسان نخالة ربطة معدنوس يغلى مزيان نصفيوه فتوب حياتي وناخدو الماء ديالو نديروه يبرد فالتلاجة ونستعملوه بعد الماسك للوجه وايضا لليدين
الا نسيت شي حاجة نتمنى الاخوات يفيدونا لان صاحبة البرنامج ما كتعاودش الوصفات

امونة 1982
30-10-2010, 15:51
االكوتر سيري الله يعطيك مانويتي في خاطراك

الكوثر2
30-10-2010, 15:53
امين اختي امينة ولك بالمتل انت وجميع الاخوات

mounia maaroufi
30-10-2010, 18:12
شكرا جزيلا لكل الانيقات على مجهوداتكم

falti latifa
30-10-2010, 22:28
اتبارك الله اعليكم وكنشكر جميع الاخوات اللي تفعلو امعا الموضوع

nemnema
30-10-2010, 23:16
ماسك الوجه لي قالت حورية فيه كاس المعدنوس يغلى مع الماء من بعد نطحنوه وناخدو منو قياس معلقة صغيرة نخلطوها مع معلقة صغيرة عسل ومعلقة صغيرة زيت الزيتون وروز مطحون حسب الخليط هاد الماسك كيغدي البشرة وكينقيها
لوسيون للوجه واليدين ايضا
لتر ماء 2 كيسان نخالة ربطة معدنوس يغلى مزيان نصفيوه فتوب حياتي وناخدو الماء ديالو نديروه يبرد فالتلاجة ونستعملوه بعد الماسك للوجه وايضا لليدين
الا نسيت شي حاجة نتمنى الاخوات يفيدونا لان صاحبة البرنامج ما كتعاودش الوصفات
مشكورة حبيبتي كوتر انا كتبت الوصفة غير ما ركزتش على كمية الماء واش نجيب كاس المعدنوس و نغليه مع كاس ماء او اقل

شوق
31-10-2010, 01:23
انا كنت سمعت واحد الوصفة


ديال الغلظ


جربتها وعجباتني مزيانة


الحليب دافي + الشوكلاط غبرة + الحلبة مدقوقة

امونة 1982
31-10-2010, 14:02
كنتمنا من المشرفات ايتبتو الموضوع باش جميع الاخوات يستافدو ولكم مني جزيل الشكر

امونة 1982
31-10-2010, 14:58
انا كنت سمعت واحد الوصفة


ديال الغلظ


جربتها وعجباتني مزيانة


الحليب دافي + الشوكلاط غبرة + الحلبة مدقوقة

اشحال من مرة كتاخديه او واش كتخلطي احتا الحلبة امعا الحليب راه اختي ابغات تغلاض

امونة 1982
01-11-2010, 10:05
صباح الخير اعلا جميع الاخوات

امونة 1982
01-11-2010, 13:19
حلوة الفلفلة من عند خالتي كنزة
رابعة الزبدة
كاس ونصف سكر كلاصي
كاس ونصف زيت
2كيسان جنجلان
نصف خمارة
2كيسان كاوكاو محمر ومهرمش
4البيضات دقيق حسب الخليط
ملون احمر واخضر عواد القرنفل لتزيين
نخلط جميع المقادير وتقسم اعلا 2 واحد انضيفو ليه ملون احمر و واحد اخضر وتتشكل حرابل صغيرة وتعمل ابحال الفلفلة ونضع لقرنفل الفوق وتطهى قالت انها كتجي زوينة

امونة 1982
01-11-2010, 13:26
حلوة ريشبوند احتا هي من عند خالتي كنزة
4البيضات
زلافة صغيرة اديال الزيت
زلافة صغيرة اديال السنيدة
رابعة الزبدة
3الخمارات
الدقيق حسب الخليط
كونفتير وماء الزهر لتفنيد بعد الطهي
كنديرو كويرات من العجين وتكون صغيرة وبعدما تطيب انديروها في الكونفتير ونفندوها في الكوك
قالت رابعة اديال الكوك

امونة 1982
01-11-2010, 13:32
حلوة الفرماجة
رابعة الزبدة
4القطع فرماج متلت
ملح
الدقيق حسب الخليط
كنجمعو العجين ونديروه في التلاجة اشوية عاد انطلقوه بالمدلاك ونقطعوه اعلا احساب قلب وماللي كتطيب كندهنو الوجه بالعسل ونرشو اعليه اللوز المهرمش

امونة 1982
01-11-2010, 13:41
سابلي باللوز والكراميل من عند سناء
العجين رابعة الزبدة
150gسنيدة
4البيضات
1قاني
850gالدقيق
الحشو
حك نسلي طايب 45دقيقة
500gاللوزمحمر ومطحون او كاوكاو
كنجمعو العجين ونقطعوه اعلا شكل هلال وكندهنهم بالبيض وقالت انسرحهم بالمدلاك اللي كيكون فبه تشراط ويدخل ليطهى
بعد ماطاب كنخلطو اللوز والكراميل وكنديرو منهم حريبلات صغار ونبداو انلصقو كل 2 الهلالات بالحشوة
نتمنى اتكون الفكرة وصلت

امونة 1982
01-11-2010, 14:09
ماسك لتنقية الوجه
بطاطا محكوكة ومسفية انخدو غير الما
خيارة احتا هي محكوكة ومسفية انخدو غير الما
دابا غادي انخدو الما اديال البطاطا والخيار ونزيدو اعليه نيدو ودقيق الشعير
يالله البنات شي دعيوة ولا مانستاهلش ههههه

الكوثر2
01-11-2010, 14:33
اختي نمنيما صاحبة الوصفة ما قالتش كمية الماء انت ديري عينك ميزانك

الكوثر2
01-11-2010, 14:34
اختي امينة جزاك الله الفردوس الاعلى بارك الله فيك

امونة 1982
01-11-2010, 14:39
انا وياك اختي الكوتر ياك هاد شي اللي كتبت هو هاداك
راه ابقيقت كنكتب بزربة باش مايفوتني والو ماعرفتش اعلاش ماكتعودش الوصفات

الكوثر2
01-11-2010, 14:40
كراتان بالسردين
كفتة سردين نشرملوها بالتومة ربيع ملح تحميرة كامون ابزار هريسة ونديروها فمول مدهون بالزيت نرشو عليها الروز العادي مسلوق تم الفلفلة خضرة مقطعة تم ماطيشة محكوكة ونفس الشرمولة لي درنا مع السردين وفي الاخير نديرو الفوق البيض مطرب

شوق
01-11-2010, 14:43
بالنسبة للشؤال على الوصفة ديال الغلظ


درت عاشق ديال الحلبة مدقوقة وعاشق ديال الشوكلاط غبرة في كاش ديال الحليب


مع الفطور وقبل النوم


اش غدي نقوليكم والله الى كان عندي العرس ووليت ضعيفة مع الخدمة وتمارة


تقريبا في 3 ايام وليت مزيان


رجعو ليا الحنيكات ووليت بخير

امونة 1982
01-11-2010, 14:49
شكرا اختي شوق احتا اختي ادعاف ليها الوجه امعا السنان دارت ليهم لي باك ولاو احناكها خاويين ولاو ابحال احناك النافار هههه

شوق
01-11-2010, 14:52
لا شكرا على واجب

هههههههههههههههه

غير قولي ليها تصبر شوية حيت كتجي قاصحة شوية

المهم هو هدوك 3 بيهم على القد اللي تقدر عليه

ان شاء الله يرجعو ليها شي حنيكات رطبين وحميمرين

امونة 1982
01-11-2010, 14:59
ياربي من فاماك لربي والله احتا اتعقدات وكيف كيقولو اللي بغا العسل يصبر لي قريص النحل

الكوثر2
01-11-2010, 15:05
المقادير هما هادوك حتى انا كنكتب بالزربة شي كتبتو شي نسيتو
فين شفتي حناك النفارههههههه

امونة 1982
01-11-2010, 15:12
المقادير هما هادوك حتى انا كنكتب بالزربة شي كتبتو شي نسيتو
فين شفتي حناك النفارههههههه

ههههه احناك النفار المفشوشين ماشي المنفوخين

الكوثر2
01-11-2010, 15:13
بسطيلة
كيلو لحم مقطع على مكعبات صغار
2 بصلات
فولات الحولي والكلوات ايضا
شعرية الصينية
زيتون مقطع
زبدة
زيت
500غ ورقة البسطيلة
معدنوس ملح ابزار
سكنجبير تحميرة
هريسة 5بيضات مسلوقين
الفطر
كنشحرو المقادير مع التوابل نديروه فاناء ونضيفو البيض محكوك و نعمرو بيه الورقة على شكل بسطيلة ندهنوها بالزبدة وندخلوها الفرن تطيب

امونة 1982
01-11-2010, 15:19
شوق والكوتر وباقي الاخوات واش جربتو شي كيك انا كنت جربت اديال التفاح وماعرفتش فين امشات ليا الورقة ومابقيتش عاقلا اعليه اللي جربت شي كيك اتكتبو ليا

امونة 1982
01-11-2010, 15:39
نتمني اتتكونو بخير
ام العربي
نمنيما

امونة 1982
01-11-2010, 17:43
وصفة للحمام
شوية الحناء
حفنة الخزامة
صابون البلدي
ماء الداد
كنخلطو كلشي ونديروها في الحمام

nemnema
01-11-2010, 19:11
اختي نمنيما صاحبة الوصفة ما قالتش كمية الماء انت ديري عينك ميزانك

شكرا حبيبتي كوتر ربي يخليك

nemnema
01-11-2010, 19:31
مرحبا امينة شكرا بزاف على الوصفات اللي كتبتي انشا الله غادي نجرب حليوات العيد و نرد عليك الخبار

امونة 1982
02-11-2010, 10:53
صباح الخير اعلا وجوه الخير

امونة 1982
02-11-2010, 10:54
العفو الحبيبة احنا اهنا غير باش انفيدو بعضياتنا

الكوثر2
02-11-2010, 14:48
غريبة بنسكافي
زبدة ماركرين كاس سكر كلاص نص كاس زيت 6 ساشيات نسكافي باكية صغيرة شكلاط غبرة 2 خميرات فاني دقيق حسب الخليط نخلطو المقادير ونديرو منها كويرات نعمروهم بحشوة متكونة من الكوك سكر كلاص وماء زهر تم نشكلوهم على شكل غريبات ونطيبوهم فالفرن

الكوثر2
02-11-2010, 14:52
الدجاج فالفرن
4 فخاد دجاج 1 م موطارد ملح ابزار سكنجبير 2 تومات نخلطو كلشي ونخليوه يرقد ليلة من بعد نبخروهم تم نديروهم فالدقيق والبيض ولشابلير ونقليوهم

ام العربي1
02-11-2010, 15:30
شكرا اخواتي على المجهود الجباراللذي تقمن به استسمح لاني كنت مريضة شوي هداك شي علاش مبقيتش كنكتب الوصفات المهم اناىجربت كيكة بالنخالة وجات زوينة وجربت الزيتون مشرمل وجربت شي حليوات بسكوي وجاو غزالين وحتى الكتشوب غير زعمو وجربو
الله يعطيكم الصحة

امونة 1982
02-11-2010, 16:35
لاباس اعليك اختي ام العربي راه شاتاك اغبرتي
مايكون باس
الكوتر اش خبارك

امونة 1982
02-11-2010, 16:45
حلوة باللوز من عند سناء
2بيضات
80غ زبدة ماركرين
80غ نسلي
100غ لوز مطحون
150غ فورص
1خمارة
1قاني
للتزيين ارقائق اللوز
انطربو اصفر البيض بالباطور مزيان انزيدو عليه قاني ونسلي وزبدة واللوز والملح انكونو طفينا الباطور عاد انزيدو الدقيق والخمارة
انديروها كويرات وتوضع في ابيض البيض وتفند في اللوز وتدخل للفرن وماللي اتخرج بالسلامة ههههه انديروها في العسل مباشرة منسم بماء الزهر
وتوضع في كويغطات

ام العربي1
02-11-2010, 20:18
لهلا يوريك باس اختي جزاك الله الجنة

الكوثر2
02-11-2010, 20:30
الحمد لله على كل حال اختي امينة
اختي ام العربي ما يكون عنك باس وجزاك الله الف خير على الوصفات وسمحي ليا بغيت نسولك على كيكة النخالة الا كان ممكن تكتبي لنا المقادير

الكوثر2
02-11-2010, 20:32
كوماج للوجه
فرماجة كيري نديروها على الوجه ونخليوها تنشف من بعد نكوميوها كتزول الاوساخ نديروها 2 مرات فالاسبوع

الكوثر2
02-11-2010, 20:35
ازالة حب الشباب
بنانة تكون طايبة مزيان نخلطوها مع 1 م ك خل التفاح و 2 م ك نيدو نخليو هاد الخليط على الوجه حتى ينشف ونغسلو بماء دافي ومن بعد بماء بارد كنستعملوه يوميا

omo isma3il
02-11-2010, 20:38
السلام عليكم موضوع جميل حتئ أنا كنسمع لميد راديو غير مكنكتب والو حيت الوقت فاش كيكون كنكون مشغولة بالرواين ديال الدار ولغدا بغيت منكم لسمعا ت لوصفة ديا لتراس ديال لحريق تكتبها لي حيت إديا محروقين بالفران ولكم جزيل الشكر

الكوثر2
02-11-2010, 20:41
وصفتين للشيب
كاس بدور الريحان نرقدوهم فكاس زيت الزيتون40 يوم من بعد نشقو بيهم الشعر ابتداء من 20 عام
3 م ك اوراق الكركاع مطحونين 2 م 5 زيت الجرجير نشقو بهم الشعر

omo isma3il
02-11-2010, 20:54
finkom akhwatati hita wohda majawbatni

ام العربي1
03-11-2010, 17:30
ما تشوفي باس اختي بالنسبة للكيكة على الراس والعين غير جربيها راها غزالة
3بيضات
كاس عنبة زيت
كاس عنبة سنيدة
كاس عنبة حليب
دانون فاني
3خميرة
التمر شوية مقطع طريفات
2معالق كبار الفورص
زلافة النخالة محمرة
كنخلط الكيك عادي ونعملوه في مستطيل مدهون بالزبدة ومرشوش بالطحين
غير واحد الملاحضةانا الزيت درت غير نصف كاس باش مجاتش مزيتة او بالصحة والراحة

امونة 1982
03-11-2010, 21:10
السلام عليكم موضوع جميل حتئ أنا كنسمع لميد راديو غير مكنكتب والو حيت الوقت فاش كيكون كنكون مشغولة بالرواين ديال الدار ولغدا بغيت منكم لسمعا ت لوصفة ديا لتراس ديال لحريق تكتبها لي حيت إديا محروقين بالفران ولكم جزيل الشكر
اختي ماعنديش هاد الوصفة نتمني الاخوات ايفيدوك

nemnema
03-11-2010, 22:23
غادي نشارك معكم كل يوم ببعض الوصفات اللي عندي
حلوى الشهدة
نصف ليتر حليب +قبصة ملح +ملعقة قشور ليمون +شوة خميرة العجين+2 بيضات معزولين البياض للحلوى و الصفر للدهن+1 الزا حمراء+1 لفني+كاس زيت+2 كيسان سكر +طحين حسب الخليط
نخلط الكل بحال عجين البريوش و يترك يخمر و من بعد يكور كويرات صغار في المول تم نتركها تخمر مرة تانية تم ندهنها بالصفر + الزنجلان.ج

nemnema
03-11-2010, 22:26
كيكة لمرضى السكري
3 البيضات+1 ياغورت طبيعي+3 الزا حمرين+كاس الزيت+كاس عصير اليمون+قشرة حامضة+ونخلط الكل بالمولينيكس مع اضافة الطحين حتى الحصول على سمك عجين الكيك ونصبه في مول و ندخله للفرن .

nemnema
03-11-2010, 22:32
علاج قسوحية الارجل
اللفت الابيض مسلوق ومطحون
تم نذوبوا صابونة الكف الاصلي ونخلط الكل و كل يوم ندهن بيها الارجل

وصفة الغلظ
ربعة الشريحة+ربعة الحلبة
نضعهم في الماء تم نصفيهم و نطحنهم و نخلطوهم مع الشكلاط اللي كندهنوا بيه الخبز ويؤخد 3 المرات في اليوم
علاج قشرة ديال الوجه
صفر بيضة مع زيت اركان الابيض ونضعهم في الوجه مدة 15 دقيقة 2 مرات في الاسبوع

nemnema
03-11-2010, 22:42
لترطيب الارجل و لازالة القشرة
صابونة الحجرة ترقد في الدواء الاحمر ليلة كاملة
تم توضع في الارجل لمدة ربع ساعة

وصفة للضعف
35 غرام اوراق العنب
10 غرام قشرة النبك
نضعهم في اترو ماء بارد تم يغلى على عافية مهيلة مده 5 دقايق
تم يشرب 3 الكيسان في اليوم

لنحافة البطن
قرفة عواد
زيعة الكتان
حب الرشاد
نضعهم في اترو ماء مغلي تم نتركهم حتى يطلقوا 15 دقيقة
تم يشرب 3 المرات في اليوم قبل كل وجبة

علاج الحبوب السوداء
2 معالق صغار قرفة+صفر بيضة بلدية
نخلط الكل و نضعه على الوجه كقناع
قالت انو غادي يحرقك شوية
خليه حتى ينشف تم يزال كجوماج
تم نمسحه بماء الورد
ويوضع مرة في الاسبوع

sousou01
03-11-2010, 23:34
السلام عليكم و رحمة الله تعالى و بركاته
أختي ام العرابي و الكوثر على السلامة كنتوا مودرين ليا في المنتدى و لكن الحمد لله راني لقيتكم المهم راني توحشتك الكوثر كنت منورة ركن شهيوات شميشة و اغبرتي ام العرابي عضوة جديدة مرحبا بك لانضمام معنا في هده الأركان الساخنة ديال الكوزينة
المهم بغيت نسولكم على المسكوتة ديال الماء الغازي تيدكروها الأخوات و لكن ماسمعتهاش واش ممكن شي وحدة فيكم تكتب ليا الوصفة مع الطريقة
وشكون لسمعت وصفة ديال البريوش بالكريم لي اعطات يوم 02/11/2010 لي قالت الطريقة ما فهمتهاش شكرا

nemnema
04-11-2010, 01:39
صباغة الشعر باللون البني
10 ملاعق حنة+2 كيسان ماء دافئ
2 ملاعق خل التفاح+2 عصير حامضات +3ملاعق حرقوم غبرة
نخلط الكل ما عدا عصي الحامض و نتركه يتخمر لمدة ساعة تم نضيف له
العصير و نضعه على الشعر و نتركه 3 ساعات
ومع كل غسلة للشعر يتفتح اللون


علاج رائحة الفم
100 غرام عرق سوس مدقوقة و نضعها في لتر خل ابيض و يترك 10 ايام حتى يخمر
تم يستعمل على شكل غرغرة لمدة 5 ايام


كريم لتشقق اليدين
2 شمعات +كاس زيت العود+2 ملاعق عصير الحامض
نسخنوا الزيت على عافية مهيلة و نضيف الشمع تم الحامض و نخلط حتى يتقل و نعمروا بيه قريعات و يستعمل يوميا باليل



وصفة الحمام للعروسة
التبريمة
3ملاعق كبار حنة +شوية العكر الفاسي+ملعقة عسل حر+ملعقة دواء احمر
شوية عصير الحامض و نضيف شوية ماء دافئ
ونخلط الكل ويوضع على الجسم كل يوم ولا يغسل لمدة
3 ايام تم تغسلي و تبيااااااااااضييييي ههههههههه
لكن لما تستعملي الوصفة لا تخرجي للشمس

nemnema
04-11-2010, 01:47
علاج الاكزيما
عشبة الحدجة تسلق في الماء تم تضاف اليها الحنة و تدهن بيها اماكن لكزيما
تم يغسل جيدا بالماء و الصابون جيدا لان هده العشبة مضرة للعينين


لزيادة الوزن
ربعة الصوجا+ربعة زريعة الفصة+شوية حلبة+شوية زنجلان+شوية النافع
يطحن الكل ويخلط مع شوية زيت العود و العسل و السكر كلاصي تم يكور و ياخد 3 المرات في اليوم

شوق
04-11-2010, 14:20
هاد الشي زوين تبارك الله


الله يرحم ليكم الوالدين


وشكرا بزاف لصاحبة الموضوع

ام العربي1
04-11-2010, 14:45
شكرا اختي سوسوعلى السؤال لهلا يخطيك بالنسبة للمسكوتة بالمشروب الغازي ها هي المقادير
2بيضات
2خميرة
كاس الزيت
كاس سنيدة
كاس كوكا كولا
كاس كاكاو
2كيسان دقيق

ام العربي1
04-11-2010, 14:50
غريبة البهلة في الكوكوط
كيلو ونصف الدقيق
رابعة الزبدة
كاس عنبة زنجلان محمر
3كيسان الزيت عنبة
3كيسان عنبة سنيدة
نصف كاس ماء الزهر
3خميرة
نجمع الخليط عادي وندلكوه مزيان ونعملوه في الكوكوط لمدة ثلاث ساعات من بعد نكوروها وندخلوها الفرن

ام العربي1
04-11-2010, 15:02
حلوة البيض المسلوق
رابعة الزبدة عادية
4اصفر البيض مسلوق
كاس السكر كلاصي
كاس زيت
1خميرة
للتزيين الشكلاط اسود وبيمو طونيك مطحون
نخلك الكل تعمل مثل غريبة وتكون صغيرة شوي وتدخل الفرن لما تطيب نغطسوها في الشكلاط دايب وتمرمد في بيمو وبالصحة

غريبة بالكركاع
115g الزبدة
2معالق سنيدة
معلقة فاني قبصة ملح
115gكركاع مهرمش او مطحون
للتزيين سكر كلاصي
نعملوها مثل غريبة ونرشموها بالمرشم وندخلوها الفرن لما تخرج من الفرن تفند في السكر كلاصي

ام العربي1
04-11-2010, 15:12
حلوة العش
كيلو ونصف كاوكومكلي ومطحون بقشرته
قرعة المربى جاري
معلقة كبيرة القرفة
نصف كيلو زنجلان محمر للتزيين
نصف رابعة الشكلاط ابيض للتزيين
نصف كاس ماء الزهر
بياض بيضة للتزيين
في انا نخلط الكاوكاو مع المربى مع القرفة مع الزهر
وننكورها كويرات صغار نغطسوها في ابيض البيض ونفندوها في الزنجلان ثم نعملوها في لاكة مدهونة ونثقبوها في الوسط ةتخل الفرن لما تخرج نعمرو الثقبة بالشكلاط ابيض ةتقدم

هاد شي اللي قدرني عليه الله ليوما ةاللي كتبات شي حاجة تحطها لينا وجزاكم الله كل خير

ام العربي1
04-11-2010, 15:20
وصفة لازالة النزلات البرد والسعال عند الاطفال اكثر من 3سنوات
حفنة النبك حفنة زريعة الكتان 2عواد عرق السوس مهرمش
يطحن الكل ويغربل مزيان بالغبال الرقيق ديال الحرير
ناخذ راس معلقة ونعملوه مع كاس الحليب الساخن ويعطى للاطفال في الصباح او في الليل
هاد الوصفة قالتها خالتي كنزة

لازالة مغص المعدة ناخد بطاطا خضرة نحكوها في الحكاكة ويعصر ماؤها ويشرب على الريق

ام العربي1
04-11-2010, 15:27
السلم عليكم اختي سوسو بغيت نطلب منك مقادير البريوش اللي فيه لاكريم انا مسمعتوش ولك جزيل الشكر

امونة 1982
04-11-2010, 15:53
السلام عليكم سيهام مرحبا ونهار اكبير هادا

امونة 1982
04-11-2010, 15:59
ام العربي هالبريوش
3معالق كبار زبدة
كاس الحليب
1 خمارة
معلقة كبيرةخميرة
3معالق كبار سنيدة
دقيق حسب الخليط
اتجمعي كلشي وتدلاك مزيان وترتاح 45 دقيقة
كنسرحوها ونديرو كريم باتيسيير وتجمع راه اختي الطريقة ماودحاتهاش بالنسبة ليا اتقدري اديريها ابحال الضفيرة وتدهنيها باصفر البيض وتبقى تخمر ساعتين وتدهن مرة اخرى وتدخل للفرن

ام العربي1
04-11-2010, 17:09
شكرا اختي امينة على الوصفة الاساس هو المقادير والطريقة كنتمناو شي اخت لا عارفة الطريقة تكتبها لينا لحقاش انا كيعجبني البريوش واولادي حتى هما

امونة 1982
04-11-2010, 17:52
العفو الحبيبة بارعي ليا الوليدات

mounia maaroufi
04-11-2010, 18:10
جزاكم الله الف خير على مجهوجاتكم فين ما كنقرا شي حاجة كندعي معاكم

nemnema
04-11-2010, 19:21
الله يعطيك الصحة يا ام العربي هههههههههههههههه
انا اليوم هي المجتهدة غادي نكتب ليكم الوصفات اللي دازوا هههههههههههه

تبريمة قبل الحمام
ملعقة عكر فاسي حر
نصف كاس زيت العود او زيت الزنجلان
ماء الورد+غاسول الابيض ونجمع الخليط و نضعه على الجسم تم ندهب للحمام


لتبييض الوجه و الرقبة
3 كيسان الماء فاش تسلق الروز
نيدوا الكمية اللي غادي تعقد لينا الماسك
و ندهن به الوجه و الرقبة و الجسم
و نبقاو عريانين حتى ينشف ههههههههههه و يضربنا شي جن ههههههه
تم ندهن يدينا بزيت اللوز و نبدا الكوماج


لازالة شيب الراس
بكية اتاي و حفنة سالمية مطحونة
نغليوهم في الماء و نبقاو نشقق به الشعر

علاج سواد الابطين
فازلين نخلطوا معه عصير حامضة
و كل ليلة ندهن بهدا الخليط و يغسل في الصباح

تبييض اليدين
ملعقة ماء الورد+بياض بيضة+ملعقة طحين+زيت اللوز او زيت الزنجلان+ملعقة عصير
الحامض / نخلط الكل ونضعه على اليد لمدة 20 دقيقة و يغسل بالماء الدافئ .

nemnema
04-11-2010, 19:30
حلوى البلوطة
ربعة الزبدة +كاس الزيت+2 كيسان سكر سنيدة +2 بيضات +2 خميرات الزا +2 لفني
ربعة لوز مفسخ و مقلي
ربعة شكلاط اسود و الشكلاط الابيض
نخلط جميع المقادير ماعدا اللوز و الشكلاط و نشكلوها بحال البلوطة و نضع اللوزة في الوسط
وندخلها للفرن ملي تطيب نغطسها في الشكلاط اسود ذايب و نصنع خيوط من الشكلاط الابيض

nemnema
04-11-2010, 19:33
اللحم على الطريقة الرباطية
كناخدوا اللحم و نحكوا عليه البصلة و الملحة و الابزار و الحرقوم البلدي و الزعفران الحر بزايد
و اسكنجبير و شوية الزيت و 2 بصلات مشلظين فاش يتقلى اللحم و نمرقه
و فاش قرب يطيب نزولوا شوية مرقة
و نضعها في مقلاة و نضيف لها الربيع + البيض مطرب و نشكلها ك اومليط
و ملي يطيب اللحم نحطوها في الفوق +اللوز مفسخ و مقلي

nemnema
04-11-2010, 19:36
حلوى الباسطا
ربعة الزبدة ديال العبار +4 صفار بيض مسلوق+كاس سكر كلاصي+كاس الزيت+1 الزا +نصف كيلو شكلاط اسود+بسكوي طاكير محكوك +الطحين حسب الخليط
نخلطوا مقادير الحلوى و نكوروها كويرات صغار او اصابع و ندخلها للفرن و ملي تطيب
نغطسها في الشكلاط تم الكوفرييت و نحطوها في القويعطاط

nemnema
04-11-2010, 19:41
حلوى عيد الميلاد فوري ان وان
180 غرام سكر سنيدة+140 غرام فورص +6 البيضات+40 غرام كاكاو مر +180 غرام طحين +2 الزا حمرين
نطربوا البيض مع السكر حتى يصبح مرغوي مزيان تم نضيف الطحين و الكاكاو و الخميرة يكونوا مغربليين
ونصبها في مول و ملي تطيب نقسمها و نسقيها بالسيرو ديال الفواكه المعلبة
و نزوقوا بلكريم شونتي + قطع الفواكه +قطعة الحلوى و نسقيها + لكريم تم نزوقوها على دوقك
و الجوانب نزوقوهم بالشكلاط شعرية ملونة او حيب اللي موجود

nemnema
04-11-2010, 19:44
لتبييض اليدين و الرجليين
ياغورت مسوس
2 معالق نخالة
ملعقة خرطال
3 معالق غليسرين
نخلط الكل و ندهن به الاماكن اللي فيهم السواد
سواء الوجه او الرقبة او اليدين و الرجلين
ايوا البنات هادشي اللي داز اليوم
شفتوا المجتهدة هههههههههههه

امونة 1982
04-11-2010, 19:50
لتبييض اليدين و الرجليين
ياغورت مسوس
2 معالق نخالة
ملعقة خرطال
3 معالق غليسرين
نخلط الكل و ندهن به الاماكن اللي فيهم السواد
سواء الوجه او الرقبة او اليدين و الرجلين
ايوا البنات هادشي اللي داز اليوم
شفتوا المجتهدة هههههههههههه

10 علا 10 انجحتي ودازتي القسم التانى ههههه

امونة 1982
04-11-2010, 19:53
جزاكم الله الف خير على مجهوجاتكم فين ما كنقرا شي حاجة كندعي معاكم

الله ايبارك فيك اختي مونيا احتا انا استفدت منك بزاف

nemnema
04-11-2010, 19:54
http://up.arab-x.com/Feb10/BK375942.gif
http://up.g4z4.com/uploads/d50ee473d7.bmp
ههههههههههههههههههههه

sousou01
04-11-2010, 19:57
أم العرابي لهلا يخطيك راحنا تبلينا بهدا البرنامج شكرا بزاف على الوصفة ديال المسكوتة أختي شوفي انا كتبت البريوش و لكن الطريقة غير مفهومة و شكرا أمينة لي كتباتوا حتى هي مسكينة ما فهمتش الطريقة ديالوا ههههه و الله مامفهوماش كنتمنى يقبط ليا التيليفون و ناكد ليهم باش تشرح لينا الطريقة مرة اخرى أختي ام العرابي واش ممكن تكتبي ليا بعض الوصفات لي دازوا لانني اختي انا هدا الاسبوع عاد اكتشفت البرناج و شكرا أختي هدا اليوم الخميس ما سمعتش البرنامج راني تتكون عندي عامرة الصباح و العشية لي خاوية المهم أختي راني نستناك أم العربي باش تكتبي ليا ديال اليوم

امونة 1982
04-11-2010, 19:58
هههههه والله احتا اقتلتينى بالدحك احتفلتي بالنجاح

nemnema
04-11-2010, 20:04
أم العرابي لهلا يخطيك راحنا تبلينا بهدا البرنامج شكرا بزاف على الوصفة ديال المسكوتة أختي شوفي انا كتبت البريوش و لكن الطريقة غير مفهومة و شكرا أمينة لي كتباتوا حتى هي مسكينة ما فهمتش الطريقة ديالوا ههههه و الله مامفهوماش كنتمنى يقبط ليا التيليفون و ناكد ليهم باش تشرح لينا الطريقة مرة اخرى أختي ام العرابي واش ممكن تكتبي ليا بعض الوصفات لي دازوا لانني اختي انا هدا الاسبوع عاد اكتشفت البرناج و شكرا أختي هدا اليوم الخميس ما سمعتش البرنامج راني تتكون عندي عامرة الصباح و العشية لي خاوية المهم أختي راني نستناك أم العربي باش تكتبي ليا ديال اليوم

مرحبا اختي سوسو واخا انا فضولية حيت انتي طلبتي ام العربي
لكن انا غادي نجاوبك بلاصتها ههههههههههه
عاد كتبت في الصفحات الاخيرة الوصفات اللي دازوا اليوم الى بغيتي تشوفيهم و حتى ام العربي راه كتبات حلوى دازت اليوم
حلوى العش غير راجعي الصفحات
و سمحيلي الى جاوبتك عوض ام العربي انا غير حبيت تعرفي و خلاص هههههههه

nemnema
04-11-2010, 20:07
واييه ياك جبت 10/10
مرة مرة كانت كنجيبها
فكرتيني بالايام هههههههههههههههههههhttp://upload.7bna.com/uploads/f563cb41c2.gif

kiko_samar
04-11-2010, 20:24
salam lah ikhalikom halwat lakrim li galat siyda galt 140g dkik o 180g dkik omagalatch lbayd o kika li galt 3awtani wahda okhra dyal choklat fi lma9adir magalatch ch7al man bayda o fi tarika galat nkhalto lbay osanida charholiya 3afakom

sousou01
04-11-2010, 20:30
اختي nemnema شكرا بزاف على الرد السريع سيري لهلا يخطيك و الله يحفظك من اعز لديك
شوفي اختي لم اقصد هدا انا غير قلت ام العرابي علاحقاش هي لتنشوف دائما تتكتب كثير و قلت هي مواظبة على الاستماع و لهلا يخطيكم ب2 و امينة و كل عضوة هنا تتعمل كل جهدها باش تتعاون االأخوات الاخرين لي تيخدموا بحالي و ما يمكنش راكي عارفة التدريس واش ممكن تقطعي الدرس باش تسمعي مستحيل المهم شكرا شكرا و اسمحي لي مرة اخرى راني تننتظر منك الرد حالا باش نعرفك راه صافية لبن لي تيقولوا المصريين بيزوووووووووووووووووووووووووو لكم جميعا

امونة 1982
04-11-2010, 20:31
salam lah ikhalikom halwat lakrim li galat siyda galt 140g dkik o 180g dkik omagalatch lbayd o kika li galt 3awtani wahda okhra dyal choklat fi lma9adir magalatch ch7al man bayda o fi tarika galat nkhalto lbay osanida charholiya 3afakom
اختي عنداك الحق احتا انا كتبتها وعاود اضربت اعليها حيت المقادير ناقصين

dala3
04-11-2010, 20:50
chokran bzaf lah ykhlokom chal lmoja frbat stp

ام العربي1
04-11-2010, 21:44
شكرا ليكم بزاف الاخوات كل واحدة باسمها بالنسبة للاخت اللي طلبت مني الوصفات ديال اليوم راهم كلعم كتبتهم
بالنسبة للاخوات نمنمة وسوسو وامينة كنضن انه مكينش فرق بيناتنا لعندها شي وصفة تدرجها ماشي مهم شكون اللي كتبها المهم هو المشاركةهههههههههههههه
المهم كلنا كنستافدو من بعضنا

ام العربي1
04-11-2010, 21:49
السلام عليكم وتبارك الله عليكم
بالنسبة لكيكة الشكلاط حتى انا سمعتها ولكن المقادير مكاملاش
عفاكم اللي سمعات فيكم الاخت اللي عطات مقادير واحد المسمن درجاتو اليوم تكتبو لينا نبغيو نعملوه في هاد العيد

الكوثر2
04-11-2010, 21:52
اخواتي تبارك الله عليكم كل وحدة باسمها الله يجازي كل وحدة خير الدنيا والاخرة
اختي سوسو راكي منورة اينما حللت الله يعطيك الصحة

الكوثر2
04-11-2010, 21:56
العنكرة محمرة
ناخدو العنكرة نزولو لها العضام تولي على شكل فيلي نخلطو الملح ابزاراسود ابزار ابيض زيت الزيتون زيت عادية سمن توم الربيع تم ندهنو بيه العنكرة نلويوها ونجمعوها بالخيط وندهنوها تاني بنفس الخليط كنديروها تطيب من بعد نحمروها فالفرن

ام العربي1
04-11-2010, 22:09
اختي الكوثر تبار الله عليك راكي كملتي اللي نسيناه حنايا والعنكرة هدا وقتها

الكوثر2
04-11-2010, 22:11
مسمن باللوز
كيلو دقيق 2 بيضات 2 خميرات ملح نعجنو العجينة وندلكوها مزيان تم نورقوها على شكل مسمنات نعمروهم باللوز مسلوق من الاحسن يكون مسلوق حيت غادي يتقلا من بعد نقليوهم وندهنوهم باللوز مقلي والعسل

الكوثر2
04-11-2010, 22:14
حريق المعدة
زريعة الكتان النافع حبة حلاوة كروية ازير مطحونين مغربلين وبعد كل وجبة ناكلو منهم معلقة

الكوثر2
04-11-2010, 22:18
وصفة لزيادة الوزن
كيلو لوز مسلوق مطحون 500غ كاوكاو مطحون الحمص محمر مطحون ديال مول الزريعة 2 كوزات مقليين فالزيت مدقوقين وسكر كنخلطو كلشي وناخدو منو قبل كل وجبة

الكوثر2
04-11-2010, 22:19
لتنقية الوجه
خيار نيدو التمر

الكوثر2
04-11-2010, 22:24
وصفتين لازالة البقع السوداء من الوجه
الفجل مطحون ناخدو الماء ديالو نزيدوه عصير الحامض ونخليوه يرقد ليلة من بعد نديروه للوجه لمدة 15 دقيقة
3 حبات لوز مسلوق مقشر مطحون بيضة بلدية وعصير الحامض

ام العربي1
04-11-2010, 22:40
تبارك الله عليك اختي الكوثر راكي مجتهدة تستحقي 10

nemnema
04-11-2010, 23:03
اختي nemnema شكرا بزاف على الرد السريع سيري لهلا يخطيك و الله يحفظك من اعز لديك
شوفي اختي لم اقصد هدا انا غير قلت ام العرابي علاحقاش هي لتنشوف دائما تتكتب كثير و قلت هي مواظبة على الاستماع و لهلا يخطيكم ب2 و امينة و كل عضوة هنا تتعمل كل جهدها باش تتعاون االأخوات الاخرين لي تيخدموا بحالي و ما يمكنش راكي عارفة التدريس واش ممكن تقطعي الدرس باش تسمعي مستحيل المهم شكرا شكرا و اسمحي لي مرة اخرى راني تننتظر منك الرد حالا باش نعرفك راه صافية لبن لي تيقولوا المصريين بيزوووووووووووووووووووووووووو لكم جميعا
lمواااااااح عليك الزين ديالي
حشى لله نتقلق منك ههههههههه
الله يحسن العون كل واحدة
نتمنى ليك التوفيق في خدمتك و حياتك
و هههههههه حليب يا قشطتييييييي

sousou01
05-11-2010, 10:55
السلام عليكم
شكرا حبيبتي اختي nemnema على صفاء قلبك و حسن نيتك لهلا يخطيك بيزووووووووووووووووووووووووووووووووووووووووووووووو ووووووووووووووووو

sousou01
05-11-2010, 11:20
السلام عليكم و الله العظيم عاد شفتك يا الكوثر
و الله راك منورة منورة منورة منورة الف تنوير و مليون تنوير لهلا يخطيك تنشوف العضوات القدام تيرجع ليا حنين ديال ركن اللقاء المفتوح في اوجه العطاء ديالوا اما الان نستثنيوا غير رائعة و نجمة اللقاء نادية الناية الكل تيلاحظ انه اصبح غير اعادة ديال الوصفات مع نفس الاصوات و السرعة مع البعض في اعطاء الخط و التريث مع اخرين و اعطائهم كامل الوقت في تكميل الوصفة و تبليغ الاهداءات و السلام للأقاربهم و اخرين لتيبغيوا يفيدوا و يشرحوا للمستمعين تيقاطعوهم و يقولوا ليهم شكرا و يقطعوا الصوت أنا شخصيا ما بقيت تنسمع ليه واخا تيكون عندي الوقت و الله ما تنسمع تنسمع الأسبوع ديال للا نادية الناية واخا لانها تتعرف تسير البرنامج ديالها و عارفة تتنظموا بخبرتها العالية كون تخطى البرنامج يهزوا الماء المهم اتبارك الله عليك الكوثر و مرحبا معنا

الكوثر2
05-11-2010, 13:01
تبارك الله عليكم اخواتي جمعة مباركة
اختي ام العربي 10 على 10 غادي نقسمها مع نمنيما تبارك الله عليها راه هي لي مجتهدة
سوسو راكي عزيزة لهلا يخطيك اختي اللقاء المفتوح رغم اني كنت كنسمع غير الساعة الاخيرة كنهتم غير بالطبخ لي كيفقصني هو الاغاني الطويلة وايضا كيف ما قلتي كاين لي يعطيوه الوقت وكاين لي كيقاطعوه فمتلا اليوم الوقت كلو عطاوه للطيفة الطبايلي ولمدة ساعة كاملة ما سمعنا الا وصفة وحدة لدلك قلبت الموجة لميد راديو نتابعوهم حتى هما حتى يتغرو فاش كيتشهرو كيوليو حاسين بريوسهم
تقبل الله دعواتكن اخواتي فهاد الجمعة المباركة

sousou01
05-11-2010, 17:04
اختي الكوثر هانتي معي في فكرة اللقاء المفتوح لي قلتي كيفقص كثير و في الأخير تتقولي لي عندي نكتفي به من الوصفات و لا هده الفقصة
شوفي انا ما تنشدش ميد راديو الا على الأنترنيت واش حتى انت حيث ما تنعرفش التترد ديال المدينة ديالي على الراديو و اليوم ما سمعتش لآنني راني مرسضة و دايرة شهادة طبية راني في الدار و لكن ما سمعتش والوا قولي ليا أش داروا اليوم و شكرا

الكوثر2
05-11-2010, 20:23
انا كنشد ميد راديو فالراديو ماشي على النت اما برنامج الوصفات كيدوز من الاتنين الى الخميس فقط
ما يكون عندك باس اختي اسال الله لك الشفاء ودوام الصحة والعافية

sousou01
05-11-2010, 21:08
شكرا الكوثر لهلا يخطيك على ردك على سؤالي الله يحفظك من شر الخلق يارب

sanaakam
05-11-2010, 22:02
السلام عليكم ورحمة الله وبركاته اخواتي انا مستمعة وفية ومشاركة في برنامج لا لا مولاتي باش تعرفوني انا لي عطيت وصفة ديالكرتان بالكرعة طجين سردن عدة نصاءح حلو العش البلوطة كاليط فرماج ديال الدار دانيت بالشكلاط .....لي تحتاج شي حاجة نوريهاليها انا تحت الخدمة

nemnema
05-11-2010, 22:11
مرحبا بيك حبيبتي sanaakam
لهلا يخطيك
و حبيبتي سوسو مايكون عندك باس ربي يشافيك
الى كان عندك البورتابل فيه الراديو
بقاي سمعي البرنامج فيه الى ماقدرتيش تشعلي الانترنيت
وراه كيما قالت الاخت كوتر راه كيكون غير من الاتنين الى الخميس

sanaakam
05-11-2010, 22:14
دانيت بالشكلاط نصف لتر حليب 100دريال شكلاط ديال 4دريال نوضعهم في كسرونة ف البوطة حتى بدوب الشكلاط فقط بلا ما يغلى الحليب نتركو يبرد ناخد مولينكس عفواالخلاط الكهرباءي _هههه_نوضع الخليط نضيف فاني ثم معلقة ونصف دقيق 1 بيضة السكر حسب الدوق نخلط الكل ثم نرجعو للكسرونة نبقى نحرك بمعلقة ديال العود حتى يعقد نوضعو في زلايف او ناكل به خبيز مع الفطور او الكوطي بالحة والراحة

nemnema
05-11-2010, 22:17
واقيلا ما دخلت حتى و حدة اليوم هههههههههههه
اليوم ماكاين لا لالة مولاتي هههههههه
انا دخلت نسلم عليكم
amina rhaf
كوتر
سوسو ربي يشافيك
ام العربي
sanaakam
تهلاو فراسكم ههههههههههههه

nemnema
05-11-2010, 22:20
دانيت بالشكلاط نصف لتر حليب 100دريال شكلاط ديال 4دريال نوضعهم في كسرونة ف البوطة حتى بدوب الشكلاط فقط بلا ما يغلى الحليب نتركو يبرد ناخد مولينكس عفواالخلاط الكهرباءي _هههه_نوضع الخليط نضيف فاني ثم معلقة ونصف دقيق 1 بيضة السكر حسب الدوق نخلط الكل ثم نرجعو للكسرونة نبقى نحرك بمعلقة ديال العود حتى يعقد نوضعو في زلايف او ناكل به خبيز مع الفطور او الكوطي بالحة والراحة

ضحكتيني اختي سناء و غير قولي اللي بغيتي هنا الدنيا هانية هههههههههههههه
بغيت نسولك 100 ريال الشكلاط شحال من مربعة ههههههههههههههههههههه
متقوليش الفلوس مرة تانية ماديريش الاشهار ههههههههههههه

sanaakam
05-11-2010, 23:24
100 يعني 25 قطعة ديال 4 دريالدريال

sanaakam
05-11-2010, 23:28
اختي نمنمةسناء كام كولها داخلة او كات قولي ما دخل احد حرام عليك هههه...

ام العربي1
06-11-2010, 12:24
السلام عليكم ورحمة الله تعالى وبركاته كيف حالكم حتى انا دخلت باش نسلم عليكم ونقول ليكم نهاية اسبوع موفقة باذن الله


عليكم كاملين نمنمة امينة سوسو كوثر sanaakam

شوق
06-11-2010, 13:08
خسارة عزيز عليا ميد راديو ديك الشي يقولوه بالخف

ولكن ختكم في واحد الجبل ما فيهش الريزو ديال الراديو خخخخخخخ


البركة فيكم وصافي

امونة 1982
06-11-2010, 16:11
السلام عليكم ورحمة الله وبركاته اخواتي انا مستمعة وفية ومشاركة في برنامج لا لا مولاتي باش تعرفوني انا لي عطيت وصفة ديالكرتان بالكرعة طجين سردن عدة نصاءح حلو العش البلوطة كاليط فرماج ديال الدار دانيت بالشكلاط .....لي تحتاج شي حاجة نوريهاليها انا تحت الخدمة
مرحبا بيك امعانا وياريت اتكتبي لينا طجين السردين وتشرحي ليا حلوة البلوطة

امونة 1982
06-11-2010, 16:14
سوسو لاباس اعليك
الاخوات الكوتر
نمنيما
ام العربي
شوق
نتمني اتكونو بخير

sousou01
06-11-2010, 18:25
الاخوات الكوتر
نمنيما sanaakam
ام العربي
شوق
نتمني اتكونو بخير و شكرا على الدعوات ديالكم و الله العظيم تنفرح مني تتكتبوا ليا و تدعيوا معايا شكرا لكم احس كان اخواتي هما الدين يتكلمون معي احس بحنان معكم و الله شاهد على ما اقول و مرتاحة منين تنشوفكم متواجدين هنا كانني معكم بين احضانكم و شكرا عموما

sousou01
06-11-2010, 18:30
sanaakam اختي اكتب ليا انا بعدا كل الوصفات لي دكرتي و شاركتي بهم ادا امكن و كان في المستطاع لديك و شكرا مسبقا لانني انا عاد اكتشفت هدا اسبوع و شكرا لك اتمنى الرد السريع منك

sanaakam
06-11-2010, 21:33
السلام عليكم ورحمة الله وبركاته اختي انا عند الخدمة نعطيك دابا كاليط الباق غير نلقى المدكرة اونكتب ليك

sanaakam
06-11-2010, 21:48
كاليط _كاس عسل_كاس سنيدة 2 بيضات 1 للدهين 2 فاني 2 خمارات كاس زيت قبيسة ملح الدقيق حسب الخليط نجمع الخلط ثم ناخد لاطة نوضع فيها بابي كلاصي ناخد العجين نبدا نعمل صبيعات نوضع وسط منهم شوية ديال شكلاط ثم نوضع في اللاطة حين نكمل ندهن بالبيضة لي بقات ثم ناخد فرشط نجر به الكليط فحال الفقاس ندخلو للفن يطيب بالصحة و الراحة راه كاي جي زوين انامجرباه ومعاوداه

sousou01
07-11-2010, 09:59
السلام عليكم و رحمة الله
أختي sanaakam شكرا بزاف على الرد و كتابة لكاليط لهلا يخطيك شوفي راني غدي نعجن من الوصفات ديالك في هدا العيد المهم راني كلهم لي تكتبي ليا راني غدا نجربهم غير غاصني يكون التوضيح
بحال لكاليط واش فيهم كاس العسل و كاس سنيدة ب2 نعملوهم
و الشكلاط واش قطع يتقطع اسمحي على الازعاج بزاف بيزوووووووووووووووووووووووووووووووو

sanaakam
07-11-2010, 15:15
السلام عليكم ورحمة الله وبركاته اختي راه فيها كاس عسل وكاس سنيدة والشكلاط غير المربع قطعيه على4 او ديريه الوسط

ام العربي1
08-11-2010, 08:57
اخت سوسو1 راه بالفعل احنا اخوات هاد الحاجة ما فيها شك وصباحكم مبروك الاخوات كاملين

الكوثر2
08-11-2010, 14:51
حلوة البوق
500 كوك 8 بيضات 2 كيلو دقيق نص لتر زيت كيلو الا ربع سنيدة 2 حامضات محكوكين 4 خميرات نخلطو المقادير تم نخرجوها على شكل وردة بالبوق ونزينوها بالفواكه المعسلة
غريبة الشميشة
رابعة زبدة 2 كيسات سنيدة 2 خميرات كاس ونص زيت 2 بيض ملح برتقالة محكوكة دقيق حسب الخليط
نخلطو المقادير ونديرو منها كويرات نفندوهم فسنيدة ونطبعوهم بمرشم البطاطا ولما يطيبو نديرو فدوك التقيبات شكلاط مدوب

الكوثر2
08-11-2010, 14:54
لي عندها مقادير العجائن بالخضر لي دوزو اليوم تكتبهم لينا الله يجازيكم بخير

الكوثر2
08-11-2010, 15:01
كيك بالقهوة والكركاع
2 بيض
100 غ سكر
100 غ كركاع
100 غ زبيب
2 خميرات
100 زبدة
2 م ك نسكافي
200 دقيق
ملح
كاس الا ربع حليب
كنخلطو الزبدة سكر البيض الخميرة الدقيق ملح القهوة ندوبوها فالحليب وفالاخير نضيفو الزبيب والكركاع بعد ما نكونودوزناهم فشوية الدقيق تم ندخلو الخليط الفرن

الكوثر2
08-11-2010, 15:05
حلوة التمر
رابعة زبدة
كاس زيت
كاس سنيدة
نص كاس ماء زهر
خميرة
دقيق
الحشوة رابعة تمر مخلط مع زبدة 1 م ماء زهر ونص م ص قرفة مخلطة مع قرنفل
نخلطو المقادير الاولى نديرو منها كويرات نعمروهم بالحشوة تم نضغطو عليهم بالمرشم ونطيبوهم فالفرن

امونة 1982
08-11-2010, 15:17
السلام عليكم اليوم اخرجت نتقدا في الصباح ماسمعت والو

nemnema
08-11-2010, 17:43
مرحبا بكم الغزالات
هههههههههه ضحكتيني يا امينة مشيتي للسوق
حى انا مريضة بالرواح هلكني مافقت حتى 11و ربع هههههههه سمعت غير شوية
المهم غادي نكتب ليكم الوصفات اللي كتبت ههههههههه قبلوا عليا اليوم

nemnema
08-11-2010, 17:50
علاج الحكة في المناطق الحساسة
الله ينجينا و ينجيكم ههههههه
ربطة ديال السالمية +درهم الياطرون
اترو ماء مغلي جيدا نكبوه على الربطة و الياطرون و نتركه حتى يطلق مزيان تم نصفيه و نبقى نغسلوا به


حلوى بكاوكاو و الشكلاط
125 غرام كاوكاو محمر و مقشر و مهرمش+150 غرام شكلاط اسود+ملعقة صغيرة لفني منسم بالزهر
نخلطوا الكاوكاو مع الفاني و نجمعه بالشكلاط دايب و نصنع كويرات و نضعها في قويعطاط و ندخلهم للمجمد


عصير الكورجيت
4 كورجيت مسلوق نطحنها مع نصف ليتر حليب و 1 دانون فاني+سكر حسب الذوق و نطحن الكل جيدا

nemnema
08-11-2010, 17:55
دانون منزلي
200 غرام حليب غبرة +اترو ماء بارد+1 الزا
اترو ماء ساخن +1 دانون طبيعي +150 غرام سكر سنيدة مخلطة مع واحد كيس لفني
نخلط بودرة الحليب مه الماء البارد + دانون + السنيدة مع لفني + الزا حمراء ونطرب مزيان في الخلاط الكهربائي
تم نضيف الماء الساخن مع التطريب تم نكبوهم في الماكينة ديال دانون و اللي ماعندها ديك الماكينة
تكبهم غير في كيسان و تحطهم في حمام مريا يكون الماء ساخن و تغطيه بالفوطة بعد منغمسوها في الماء الساخن و نشفوها

nemnema
08-11-2010, 18:04
كريم ليلي للعناية بالبشرة
كاس بابونج نخوي عليه ماء غليان و نتركه حتى يطلق و نصفيه
و نخلط مع الماء ملعقة زيت الجزر +ملعقة زيت اللوز +2 معاق الفازلين و نخلط الكل و نضعه في قريعة و نستعمله كل ليلة


لوسيون للبشرة الحساسة
نقشرو السفرجل و نحكوه و ناخد غير الماء ديالوا بعد مانصفيوه
ونخلطوا معه 2 حبات اسبرين
تم نمسح به الوجه

علاج تشقق الشفتين
2 معالق صغار شمع العسل+4 معالق صغار زيت اللوز+ملعقة صغيرة ماء الورد
نخلط كل المقادير و نضعها في حمام مريا حتى يذوبوا مزيان و نصفيه و نكبوه في قالب خاوي ديال العكر
بعد منكونوا غسلناه و نشفناه و ندخله للمجمد حتى يجمد و يكون صالح للاستعمال
و الى بغيتي اللون الاحمر يمكن ليك تخلطي مع المقادير شوية ديال العكر 24 ساعة اللي كيتباع
عند العطار باش يعطيك اللون احمر في الشفاه او تخليه عادي [/color]

nemnema
08-11-2010, 18:14
جراطان ديال الدنجال
دنجال مقطع طولي و مقلي
بطاطا مسلوقة و مطحونة مع الزبده و الملح و الابزار
صلصة الطماطم المعروفة هي ماعطاتش المقادير عزيزة عليا هده الوصفة كنديرها انا نعطيكم كيفية تحضيري للصلصة الى عجباتكم
بصلة محكوكة +تومة محكوكة +طماطم مقطعة قطع صغيرة بزاف و نزول ليها الزريعة +الربيع و الملحة و الابزار و التحميرة
و الكمون و الزيت العود و نخليها على نار مهيلة حتى تذوب مزيات الطماطم و الى جاب الله نشفات ليك قبل ما تنضج ماتزيدي الماء صفي الزريعة ديال مطيشة و زيديه و ماكنديرش لصوص طوماط ماعزيزة عليا ههههههه انا هدي هي طريقتي و مكاندير البيض في الاخير انا كنحط دنجال و بطاطا و نروليهم و في الاخير كنفرش الصلصة ديال الطماطم للوجة + فرماج احمر
نرجعوا للوصفة ديال اليوم
قالت تسرحوا قطعة الدنجالة و نسرحوا شوية من البطاطا و من الفوق مطيشة و نلويها على شكل سيكار و نستفوا في مول الفران تم نطربوا 4 البيضات و نكبوهم من الفوق و ندخلهم للفرن

ام العربي1
08-11-2010, 18:15
السلام عليكم ورحمة الله تعالى وبركاته ايوا كلنا كسولات هاد النهار حتى انا مسجلت غير الوصفات الاخرين وهما اللي ذكرت الاخت نمنمة الله يجازيها بخير حتى الغد انشاء الله

nemnema
08-11-2010, 18:17
دجاجة بالموطارد
ملعقة موطارد ندهنوا بيها الدجاجة كاملة و نفرشوا ملعقة ملحة حية للمول و نحطوا الدجاجة و ندخلها للفران بلا ماء بلا زيت
كي غادي تخرج الله اعلم ههههههههههههههههه
جاتني غريبة هده الوصفة ههههههههههههه

nemnema
08-11-2010, 18:19
نداء الى كل العضوات ههههههههههه
دازت اليوم واحد الوصفة قالتها السيدة حورية لكن للاسف ماكتبتها
هي علاج خاص لمرض الروماتيزم
ياربي اللي سمعاتوا تكتبوا ليا الله يرحم بيها الواليدين
انا هدا الطلب اللي بغيت هههههههههه
عنداكم تنساوني

امونة 1982
08-11-2010, 18:43
نمنيما مايكون عنداك باس
كتضحكي حيت امشيت السوق وخا عليك هههه راه امشيت اتقديت العطرية باش نطحنها فالدار باش انبننو الحولي هههه

nemnema
08-11-2010, 18:52
ويتي ويتي على الحادكة ديالنا
الله يعطيك الصحة
لهلا يوريك باس الحبيبة ديالي
عندك تغبري في العيد لازم تورينا الحداكة اللي درتي نهار العيد هههههههههههههههههه

امونة 1982
08-11-2010, 20:09
اش غادي انوريك الحبيبة اختاك ايدها بحدها كلشي انديرو راسي

nemnema
08-11-2010, 20:16
اش غادي انوريك الحبيبة اختاك ايدها بحدها كلشي انديرو راسي

الله يكون في العون الحبيبة ههههههه

امونة 1982
08-11-2010, 20:18
اللي عندها وصفة نسلي تكتبها ليا

nemnema
08-11-2010, 20:26
يالاه كتبتها من عند الاخت سقيعة
كاس كبير حليب بودرة
نص كاس كبير سكر سنيدة
ربع كاس ماء
نطحن الكل في مولينيكس حتى الحصول على خليط تقيل
ونكبوه في طاسة و ندخله للتلاجة

nemnema
08-11-2010, 20:27
ههههههههههه الله يستر يا امينة راه ماركزتش مع سؤالك
واش بغيتي تحضي نسلي البيتي راه هو اللي كتبت
و لا حلوى ههههههههههههه

اخت لطيفة
08-11-2010, 20:30
تبارك الله على الشيف امينة ورباعتها الله يعطيكم الصحة...راكو جايبين راسكم... كلشي غزال ...هادي اول مرة نكتاشف التجمع ديالكم وعجبني بزاف

maria.
08-11-2010, 20:32
الله يعطيك الصحة

sanaakam
08-11-2010, 20:45
السلام عليكم ورحمة الله وبركاته انا سمعت ولكن ما سجلت ما كتبت قلت غادي نلقى كولشي مكتوب ولكن الوصفة ديال حورية ديالكان ضن ومامتاكداش فيها عرق سوس مع الماء مغلي

sanaakam
08-11-2010, 20:55
نعطيكم بعض الوصفات لي دازت في البرتامج
لازالة الكر ش كاس ماء دافي على الريق معلقة عسل حر نص معلقة حامض نخلطو الكل نتمشاو نص ساعة ثم نفطرو عادي

sanaakam
08-11-2010, 21:04
كيكة منمرة 4البيضات كاس زيت كاس سنيدة 2 خمارات 200غرام طحين 2 معالق كاكاو الطريقة نخلطو الكل نقسمها على 2 نصف ابيض والاخر نخلطو بكاكاو ندهن المول ثم ناخد 2 معالق نوضع مرة بيضة ومرة كحلة حين نكمل ندخلها للفرن راها كات جي منمرة

sanaakam
08-11-2010, 21:13
لتشقق القدمين خميرة الحلوة تحميرة الصابون البلدي نخلطو الكل نوضعوه في القدمين نبقاو النهار كامل به مع التقاشر في العشية نغسلو رجلينا ثم نوضغو طالك

sanaakam
08-11-2010, 21:16
ماسك ينقي الوجه طالك عسل نخلطوهم نوضعوه يوميا

sanaakam
08-11-2010, 21:22
كيكة مالحة 5 البيضات كاس حليب نص كاس زيت بصلة محكوكة معلقة زبدة م علقة ربيع مقطع 4 الخمرات شوية فرماج محكوك شوية ملح ابزار كمون 3 كيسان طحين نخلط الكل نوضع في المول مدهون ندخلها للفرن

sanaakam
08-11-2010, 21:24
للشعرالجاف معلقة لافوكا مع زيت العود صفر بيضة نخلطو الكل نديرو ماسك لشعرنا

sanaakam
08-11-2010, 21:34
بريوات بالفرماج بصلةمشلضة مع الملح ابزار زبدة نضيفو 2 بكيات الفرماج بكية مربعة وبكية مثلثة ثم 4 البيضات ثم شوية ديال الفرماج احمر محكوك نطفيو على النار ثم ناخدو الورقة ثمنعمروهم نوضعوهم في الفريكو حين نبغيوهم نقليوهم او نطيبوهم

sanaakam
08-11-2010, 21:45
كيكة بالتفاح 2 بيضات 2 تفاحات محكومين 2خمرات س زيت كاس سنيدة كاس طحين نخلطو الكل في الخلاط الكهرباءي نوضعوها في المول مدهون ثم ناخدو 2 تفاحات اخرين من غير لي درنا في الخليط نقطعوهم نزينو بهم ااكيك من الفوق ندخلوها للفرن

راقيا44
08-11-2010, 21:47
الله يعطيكم الصحة اخواتي الغاليات وتبارك الله عليكم تجمع رائع ربي يحفظكم

وجزاكن الله كل خير على الوصفات المفيدة لي اعطيتونا بارك الله فيكم

اخواتي لي كيسمعوا لهاد البرنامج بالانترنيت يعطوني الموقع بغيت نبقى نسمع ليه

جزاكن الله كل خير

sanaakam
08-11-2010, 21:51
نزيدكم او لا براكة انا بعدة ضراتني يدي بالكتبة مرة اخرى نعطيكم المزيدهههه..

امونة 1982
08-11-2010, 22:50
تبارك الله على الشيف امينة ورباعتها الله يعطيكم الصحة...راكو جايبين راسكم... كلشي غزال ...هادي اول مرة نكتاشف التجمع ديالكم وعجبني بزاف

مرحبا غير ابقاي اتجي عندنا راه كاينين نصائح ازوينة

امونة 1982
08-11-2010, 22:51
الله يعطيكم الصحة اخواتي الغاليات وتبارك الله عليكم تجمع رائع ربي يحفظكم

وجزاكن الله كل خير على الوصفات المفيدة لي اعطيتونا بارك الله فيكم

اخواتي لي كيسمعوا لهاد البرنامج بالانترنيت يعطوني الموقع بغيت نبقى نسمع ليه

جزاكن الله كل خير
اختي انا كنسمعو غير في الراديو نتمني الاخوات ايفيدوك

راقيا44
08-11-2010, 22:53
مجاوتونيش اخواتي

هانية على كل حال بارك الله فيكن

wiamti
08-11-2010, 23:36
وصفات حرية الي دازت اليوم
وصفة الروماتيزم
راس الكرافس رابعة الشريحة 3او4معالق زيت العود نعملها تطيب عادية متل الشربة من بعد نطحنها في الخلاط الكهربائي وفي المساء تشرب عند النوم

وصفة البحة و السعال
3معالق عرق السوس نهرسه نعمل كل معلقة في كاس الماء غليان حتى يطلق ويصفى ويشرب قبل كل وجبة في الصباح في الغداء وفي العشاء

وصفة التونيا
م ص الحرمل م زيت الزيتون 2فصوص الثوم محكوكين نصف م الحلبة نخلطهم مزيان وناخد مكان التونيا وقبل من هدا نعمل الملحة الحية دافئة كمساج في مكان التونيا تم نعمل الخليط الاول

وصفة بياض البشرة
نظف وجهنا بالنيطرون ثم ناخد 2م دقيق الروز صفر البيض م زيت الزيتون او زيت اركان نخلطهم ونوضعهم على الوجه والرقبة ماتبقى نعمله على اليدين ونغسل بالماء الدافئ والبارد ونمسح بماء الورد واداكان الوجه ناشف نضيف الى ماء الورد قطرات من زيت الورد

nemnema
09-11-2010, 01:38
نزيدكم او لا براكة انا بعدة ضراتني يدي بالكتبة مرة اخرى نعطيكم المزيدهههه..

تبارك الله عليك الزين ديالي
كتبت جميع الوصفات اللي درجتي حيت متبعت البرنامج اليوم حتى 11 و ربع و داكشي اللي سجلت راني شاركت بيه
ربي يخليكي لينا
اما لالة امينة راه مشات للسوق ماسمعات الحبيبة والوا لكن دابا غادي تسجل
فضحتها بالسوق هههههههههههههههههههههههه

nemnema
09-11-2010, 01:45
مجاوتونيش اخواتي

هانية على كل حال بارك الله فيكن
عندك تقلقي الحبيبة انا غادي نوريك الى حبيتي تسمعي ميد راديو من الانترنيت
غادي تمشي لغوغل و تكتبي www.medradio.ma
و من بعد ماتبان ليك الصفحة ضغطي على كلمة medradio.ma-bientot en ligne
وضغطي عليها غادي تبان ليك صفحة بيضاء فيها الوان و تابعي البرنامج من 10 الى 12
ومن الاتنين الى الخميس
ياربي تكوني فرحانة و متقلقيش من الاخوات
و مرحبا بيك عندنا في متجمع ميد راديو ههههههههههههه

nemnema
09-11-2010, 01:52
وصفات حرية الي دازت اليوم
وصفة الروماتيزم
راس الكرافس رابعة الشريحة 3او4معالق زيت العود نعملها تطيب عادية متل الشربة من بعد نطحنها في الخلاط الكهربائي وفي المساء تشرب عند النوم

وصفة البحة و السعال
3معالق عرق السوس نهرسه نعمل كل معلقة في كاس الماء غليان حتى يطلق ويصفى ويشرب قبل كل وجبة في الصباح في الغداء وفي العشاء

وصفة التونيا
م ص الحرمل م زيت الزيتون 2فصوص الثوم محكوكين نصف م الحلبة نخلطهم مزيان وناخد مكان التونيا وقبل من هدا نعمل الملحة الحية دافئة كمساج في مكان التونيا تم نعمل الخليط الاول

وصفة بياض البشرة
نظف وجهنا بالنيطرون ثم ناخد 2م دقيق الروز صفر البيض م زيت الزيتون او زيت اركان نخلطهم ونوضعهم على الوجه والرقبة ماتبقى نعمله على اليدين ونغسل بالماء الدافئ والبارد ونمسح بماء الورد واداكان الوجه ناشف نضيف الى ماء الورد قطرات من زيت الورد

ربي يخليك حبيبتي wiamti
كانت كنتسنى هاد و صفة الروماتيزم يعطيك الخير
و مرحبا بيك بيناتنا

nemnema
09-11-2010, 01:54
تبارك الله على الشيف امينة ورباعتها الله يعطيكم الصحة...راكو جايبين راسكم... كلشي غزال ...هادي اول مرة نكتاشف التجمع ديالكم وعجبني بزاف
مرحبا بلالة لطيفة و تعطلتي حتى كتشفتينا ههههههههههههه
مرحبا بيك عندنا عجباتني رباعتها هههههههههههههه
يعطيك الخير

اخت لطيفة
09-11-2010, 13:48
مرحبا بلالة لطيفة و تعطلتي حتى كتشفتينا ههههههههههههه
مرحبا بيك عندنا عجباتني رباعتها هههههههههههههه
يعطيك الخير
اييه تعطلت بزاف عارفاها وتعطلت اكثر لاني مزال ما اكتشفت ميدي راديو

شف-تي الخيبة لي انا فيها المهم تشرفت بمعرفتكن وانشاء الله كاع نستافدو ا مع البنات

الكوثر2
09-11-2010, 14:19
المروزية
كيلو لحم
راس الحانوت
نص كاس عسل حر
رابعة لوز مسلوق مقشر
500غ زبيب
200غ زبدة
نص كاس زيت
نص كاس زيت
ربع معلقة ص قرفة
نص م ص سكنجبير
1 م ص ابزار
خرقوم
زعفران شعرة
ملح
نخلطو اللحم والتوابل وشوية ماء من بعد نديروه يطيب مع البصلة محكوكة اللوز لمدة ساعة ونصف تم نضيفو الزبيب مسلوق والعسل نخليو المروزية تعسل شوية واحد ربع ساعة

الكوثر2
09-11-2010, 14:24
اخواتي لي سمعات وصفة الزكام تفيدنا عندي الوصفة ناقصة فيها كاس كبير ماء نعناع و2 شرائح رقاق حامض جزاكن الله خير الدنيا والاخرة