المساعد الشخصي الرقمي

مشاهدة النسخة كاملة : ملحق للقاء المفتوح رقم 5[



الصفحات : 1 2 3 4 [5]

SAJIA
09-12-2011, 20:28
assalam alaykome akhaoiati allah ya3tokome assatre bghite oiassfate sabli elli daze alyaoime falikae almaftouh chokrane jazilane lakome

flower_arabia
10-12-2011, 16:21
صاابلي
رابعة زبدة
100غ لوز مطحون بقشورته
150سكر كلاصي
3 معالق كبار حليب سائل
ملح
1 م ص قرفة
1/2 م ص سكنجبير
1 خمارة
طحين حسب الخليط تقريباا 400غ
تخلط كل المقادير تم تفرد العجين و تقطع ع شكل دوائر و تتقب بالمشطة تكون خاصة بالمطبخ و تطهو فالفرن
لما طيب تلصق حبة مع حبة بالشكلااط

SAJIA
11-12-2011, 00:39
chokrane okhti flawer arabia allah ya3tik matmanaye jazaki allah khayrane

rawan2112
11-12-2011, 23:32
الله يعطيك الرضى والستر يا روان

اللهم امين ربي يخليك الحبيبة وينولك اللي فبالك

khadija2010
12-12-2011, 00:39
السلام عليكم اخواتي الانيقات اطلب منكن واحد الوصفة ديال سكنجبير معسل وجفف دزت شحال هدي في اللقاء المفتوح وشكرا

flower_arabia
13-12-2011, 19:44
chokrane okhti flawer arabia allah ya3tik matmanaye jazaki allah khayrane

اختي ساجيا ... اللهم امين ...اجمعين ياارب ....وواجبنا اختي ..نفيد و نستفيد

الكوثر2
15-12-2011, 15:20
السلام عليكم
لي عندها مقادير الحلوة لي دازت اليوم لي على شكل طبقات بكريم باتسيير بالليمون ومزينة ببقايا العجين طايب تكتبهوم لينا الله يجازيها خير الجزاء

ام العربي1
16-12-2011, 09:10
http://www.anaqamaghribia.com/pic/images/sdz0mfgfttywu5nwlf.gif (http://www.anaqamaghribia.com/pic/)

شهرزاد المطبخ
17-12-2011, 00:35
al akhawat alah ykhalikom ali 3andha al7rcha ali katakhmar kanat dawzatha wa7ad sayda rani ayit man9alab oktbtha ahna owalooo ohad safa ali dazat b les fruit confits alah yjazikom

سائحة
18-12-2011, 17:48
الاخوات الله يجازيكم بالخير شكون للي سجلت الوصفة ديال الكعاب بحشوة مالحة للي دازت نهار الجمعة

aicha faris
20-12-2011, 16:49
akhawati min fadlikon chkoune li sm3ate lyoume wahed lhalwa b sasate achoklate taqtabha li chokrane aqsid salsate achoklate

سائحة
22-12-2011, 21:23
akhawati min fadlikon chkoune li sm3ate lyoume wahed lhalwa b sasate achoklate taqtabha li chokrane aqsid salsate achoklate
اختي كنت سجلت غير المقادير والطريقة نسيت التفاصيل ديالها المقادير هاهما نتمنا شي اخت تكون سمعات الطريقة تكتبها ليك

3البيضات 140 غ سكر كلاصي 175 غ طحين نصف خمارة

نضرب البيض مع السكر في البامغي(حمام مريم) ثم نضيفوالطحين والخميرة ونصبها في مول دائري وندخلها للفران

السيرو: نصف كاس ماء 5 م ك سكر

صلصة الشكلاط : 400 غ شكلاط 200 غ سنيدةم ك قهوة سائلة 25 غ زبدة

الكراميل : علبة حليب نيسلي طايب 45 دقيقة في الكوكوط لوز مهرمش للتزيين

aicha faris
23-12-2011, 09:06
chokran okhti

SALMARIM
24-12-2011, 15:52
أخواتي شكون لي عندها وصفات ربيعة للشعرالجاف بالضبط هاديك لي فيها المخ دلملج بغيت
نديرهه لبنتي وشكرا

khadijamaroc
30-12-2011, 13:40
حلوة بالشكلاط و القهوة 2 بيبضات _2 كيسان عنبة سنيدة _2كيسان عنبة زيت _ 4 او 5 ساشيات قهوة سريعة الدوبان _ 2 خمارات _ الدقيق حسب الخليط كنخدمو السنيدة مع البيض ثم نضيفو الزيت والقهوةغبرة مع التخلاط نزيدو الدقيق معالخما رة شوية بشوية نتلفوالعجين بين ورقتين رقيقة ونقطعوها بالقاطع الي حبينا وندخلها للفرن عند اخراجها نلصقو 1 فوق1 نغطسوهم في الشكلاط مدوب ونفندوهم في البسكوي ديال درهم مطحون .

oumouyas
31-12-2011, 12:27
salam chkoun lissamâat chi ousfa dial بول في الليل soit man likka almaftouh ou lala moulati ou recette personnelle mjarba allah ijaziha bilkhayre

nemnema
03-01-2012, 00:56
llah ya3tikoum saha

sanfoura18
08-01-2012, 17:41
salam alikom kirakom dayrin c v afakom albnat brit wasafat l jamal diyal had simana diyal malika monassif

oum_hicham
10-01-2012, 17:32
salam chkoun lissamâat chi ousfa dial بول في الليل soit man likka almaftouh ou lala moulati ou recette personnelle mjarba allah ijaziha bilkhayre
إنشاء الله يحبس شرب السوائل على الساعة السابعة مساء
و ملي يبغي ينعس ياخد م ك العسل حر

najat12
13-02-2012, 22:36
السلام عليكم كاملين ألبنات كيف حالكم مع هذ البرد كيف حالك أختي أم هشام كيف
حال هشام مع الدراسة الحمد لله ـ توحشت هاذ الركن كثير راه مشدني عليه غير
المرض حيث عملت عملية جراحية في القلب من أثر الكليستيرول الله يحفظكم
جميعا من هاذ المرض تقبلو جميعا سلامي واحتامي

aicha faris
14-02-2012, 17:24
3la slamtek a lahbiba allah yzide fi arraha

raihana
14-02-2012, 17:51
السلام عليكم ورحمة الله وبركاته اخواتي جميعا نتمنى تكونو كاملين بالف خير على سلامتك اختي نجاة الله يجعلها اخر الاحزان الحمد لله على سلامتك الله يحفظك وينجيك من كل شر الحبيبة حاولي ترتاحي او ماتبدليش مجهود باش ما تنكسيش اختي الله يحفظك من شر المرض .

ريم 2012
15-02-2012, 20:41
السلام عليكم غالياتي
نتمنى من الاخوات ليتيسمعو للقاء المفتوح ينزلو الوصفات ليتداعو ولكن جزيل الشكر

najat12
15-02-2012, 21:46
شكرا لكم حبيباتي وأخواتي علي كلامكم الطيب والله يرزقنا ويرزقكم الصحة
ولي باقي من عمرنا يدوز في طاعة الله أمين ـ لكم مني كل الود

najat12
15-02-2012, 21:47
التوابل الخاصة بتحضير راس الحانوت (حسناء من سلا الجديدة)
كوزة غليضة عادية + كوزة صحراوية + لسان الطير + ظهر الفلفل + الخرقوم + بسيبيسة + النويويرة+ الكبابة + اوراق الورد الفيلالي + النافع البستاني + القرنفل + القرفة + قعقلة + القزبر يابس + الكمون الصوفي + الجنجلان + سكينجبير + خودنجال + 2 حبات سودانية (اختيارية) + السانوج + المسكة الحرة + زعفران حر + ابزار ابيض + كروية + بديانة
المقاييس و الطريقة
تنقى التوابل و تطحن مزيان ( طبعا الكوزة نحكوها عاد نطحنوها) و ناخذو 2 معالق صغار من كلشي ماعدا القرنفل نديرو نصف ملعقة صغيرة و المسكة حرة نديرو اكثر شوية من راس ملعقة صغيرة و نخلطو كلشي مزيان و هكذا غدي نحصلو على راس الحانوت
يمكن نضاعفو المقادير و كذلك الا مالقيناش شي نوع من التوابل يمكن الاستغناء عنه

najat12
15-02-2012, 21:48
كيفية استخرج حليب و زيت جوز الهند (الكوكو) (حنان من اولاد تايمة)
*استخراج الحليب
ناخذو حبة كبيرة ديال الكوكو و نقسموها على جوج و نزولو الجزء الابيض يعني اللب و نحكوه فالحكاكة الرقيقة ثم نديروه في قرعة او اناء كبير ديال الزجاج يكون معقم و نخويو عليه الماء طايب يكون كيغلي و نسدو القرعة و نخضوها مزيان باش تنسجم العناصر ثم نخليو الخليط حتى يدفى و نعصروه مزيان بزيف حياتي نظيف غدي نحصلو على ماء ابيض اللون هو حليب جوز الهند
يمكن نديرو بيه لاكريم باتيسيير او البيشاميل او نستعملوه في وصفات التجميل
*استخراج الزيت
ناخذو الحليب اللي حصلنا عليه نديروه في قرعة و نديروه يبات فالثلاجة و فالصباح غدي نلقاو الزيت تعزل الفوق و الحليب بقى التحت كنزولو الزيت شوية بشوية بواسطة ملعقة و نحتفظ بها في قنينة ديال الزجاج لحين الاستعمال

najat12
15-02-2012, 21:49
من زمان وانا عندي هاد الوصفة ديال الملح المنسم
وهي وصفة ديال شميشة ولكن بتصرف

نعطيكم اولا المقادير وعاد نقولكم لاش كيصلاح

2 ملاعق كباااار ملح
1 ملعقة كبيرة ابزار اسود حبوب
4 حبات قرنفل
1ملعقة كبيرة زعتر يابس
3 أوراق الغار اي ورق موسى
نصهدو شوية الابزار والقرنفل والزعتر
نطحن الكل عدا الملح في طحان التوابل ونرجعو نضيفو الملح ونطحن من جديد

انا احتفظ به فقريعة ديال الزجاج لانه افضل طبعا من الميكة

كنحتاجو الملح المنسم لانواع المشويات سواء كانت اسماك او دجاج او ديك رومي
للشوربات
للبيتزا
للعجائن ...فداوش وسباكيتي
وللمملحات
واخيرا مانساوش كيف كيجي فالحريرة المغربية به...من داكشي
وممكن نحطوه فالمائدة ونرشو عند الرغبة
ودائما ملي نعولو نديروه فشي وصفة نقللو من الملح
فالمشويات كنديرو فالاول وفالشربات كنديرو فالاخير

najat12
15-02-2012, 21:50
[size=4][color="#008000"]المقفول نجاة من هرهورة
المقادير
كيلو ديال اللحم
كيلو بصلة مقطعة دوائر
كيلو مطيشة مقشرة و مقطعة دوائر
2 بصلات مشلضين
كاس مخلط زيت بلدية و زيت مائدة
2 ضروس ثوم محكوكين
ملح
نصف ملعقة صغيرة ابزار
شوية سكينجبير
شوية زعفران حر
شوية خرقوم بلدي
2 اعواد قرفة
التزيين
سنيدة
قرفة مطحونة
الطريقة
نديرو اللحم في كوكوت او فالطجين و نزيدو البصلة و الثومة و الزيت والقرفة اعواد و باقي التوابل و نخليوه يتشحر مزيان ثم نضيف الماء (الا طيبنا فالطجين ما نكثروش الماء ) و نخليو اللحم يطيب ويتشرب المرق
منين يطيب اللحم نستفو فوقه دوائر مطيشة على شكل طبقة ثم دوائر البصلة و نرشو بسنيدة ثم القرفة و نديرو فرشة اخرى ديال مطيشة و فرشة ديال البصلة و نرشو بسنيدة و القرفة و هكذا حتى نكملو و منين كنكونو نستفو البصلة و مطيشة كنضيقو الدائرة حتى تولي مقببة بحال الهرم و نخليوهم يطيبو و منين يطلقو الماء ديالهم نبقاو مرة مرة نهزو الماء اللي طلقو و نديروه في كاسرونة و منين نكملو نخليو الماء يطبخ فوق النار حتى يتعسل ثم نعاودو نكبوه فالطجين و ندخلو الطجين للفران باش يتعسل من الفوق و نخرجوه
يمكن نطيبو اللحم فالكوكوت عاد نستفوه فالطجين و نستفو عليه مطيشة و البصلة
وبالصحة والعافية

zahra1977
16-02-2012, 02:27
khti najat 3la slamtak raki mnawra lmontda ya ahla ani9a ana kangol bini obin rasi fin mchat najat o3yit manoalab oma3raft nal9ak hit wale ana kasola bazaf

miss samar
16-02-2012, 11:13
شكون لسمعات السفة لأخت ثريا يوم الأربعاء 15فبراير2012 كتجي على شكل طبقات جزاكم الله خيرا.

khadija2010
16-02-2012, 15:00
السلام عليكم اخوتي الله يخليكم شكون لعندها ديال سكينجير مجفف راه قالتها واحد الاخت في اللقاء المفتوح شحال هدي وقلبت عليه بزاف ومالقت والو الله يخليكم لكتعرف الوصفة تكتبها ليا


Read more: http://www.anaqamaghribia.com/vb/showthread.php?t=231685#ixzz1mYMRUo9p

khadija2010
16-02-2012, 15:07
السلام عليكم اخوتي الله يخليكم شكون لعندها ديال سكينجير مجفف راه قالتها واحد الاخت في اللقاء المفتوح شحال هدي وقلبت عليه بزاف ومالقت والو الله يخليكم لكتعرف الوصفة تكتبها ليا


Read more: http://www.anaqamaghribia.com/vb/showthread.php?t=231685#ixzz1mYMRUo9p

khadija2010
16-02-2012, 16:08
السلام عليكم الاخوات بغيت نسلكم على طريقة تجفيف الزنجبيل راه قلتها واحد الاخت شحال هدي وشكرا

najat12
17-02-2012, 19:47
وعليكم السلام ورحمة الله وبركاته

أختي خديجة بنسبة لسكينجبير راه ساهل كيف ماتعلمنا من والدينا كتقبطي سكنجبير
وهو طري وتقطعيه طروفا صغار وتعمليهم في طبسيل وتحطيهم في الشمش في
النهار وفي الليل دخليهم على رطوبة حتى يبس مزيان ونظفيه من الغبار ودقيه
في المهراز وغربليه أو طحنيه في مولنيكس كيبقى غزال ـ أتمنى أن أكون أفدتك

najat12
17-02-2012, 21:15
السفة طبقات لدازت فو اللقاء المفتوح



2 كيلو كسكسو ماركة جيدة ـ ليتر من الحليب ـ 2 حكاك ديال كريم دلكوكو ـ واحد
حفنة ديال الكوك مطحون ـ رابعة من الزبدة البلدية ـ كاس ديال العنبة ماء الزهر

بالسبة لتزيين
م ك ـ ديال العسل ـ 2 م ديال الكليكوز ـ علبة من الحليب المحلى ـ رابعة من الزنجلان
محمر ـ رابعة من البرقوق جيد ـ رابعة شريحة تكون صغيرة الحجم ـ رابعة ديال
اللوز مهرمش ـ رابعة ديال عجين اللوز ؛ لاباط داموند، رابعة ديال المشمش يابس
رابعة ديال للوزإفلي محمر
اطريقة
كنوفورو لكسكسو المرة لأولة ناشف مدهون غير بشوية ديال الزيت والملح ـ والمرة
الثانية بشوية ديال الحليب ونحلوه مزيان ويرجع يفورـ والمرة الثالت نحلوه بالحيب
لبقى ونرجعوه يفور ـ والمرة الرابعة كنحلوه بنصف حك ديال كريمة الكوك ـ
والمرة الخامسة كنرشوه بنصف لحك ليبقى ديال كريمة الكوك ونضيف عليه ديك
الحفنة ديال الكوك ـ والمرة الأخيرة كنحلوه بالماء ديال الزهر والزبدة

من بعد كنعسلو البرقوق عادي غير بشوية ديال السكر ـ وكذالك المشماش ـ ونفورو
الشريحة ونعسلوها ـ ونصقطروهم مزيان ومن بعد نقبطو البرقوق كنمرمدوه فلوز إفيلي ـ وشريحة كنمرمدوها فجلجلان ـ والمشماش كنمرمدوه فللوز لمحمر ولمهرمش
ركزو معي مزيان أخواتي راه هذ الشهيوة فيها تمّرا ولاكن صاحبتها قالت كتجي
هائلة ـ وفي الأخير كنقبطو ثلات إطرات يكونو دائريين غير دوارة فقط ليمعندوش
يستعمل إطار من الكاطون ملبس بلبابي أليمنيوم ـ ويكون واحد أكبر من ثاني
نعملو لإطار الكبير هو الأول في إناء التقديم ونخويو الطبقة الأولى ديال الكسكسو
ونضغطو بأيدينا مزيان ـ ونعملو لإطار ثاني الفوق ونضيف الكسكسو ونضيف
الإطار الصغير الفوق ونضف لبقى من الكسكسو ونضغطو عليه حتى يتقاد
وفي الأخير نعمل الحليب المركز في كسرول فوق النار مع العسل والكليكوز
وما تبقى من للوز المهرمش وعجينة اللوز ونحرك حتي تنسجم كل العناصر
ونخويوه على الطبقة الأخيرة ديال السفة ونزوقو طبقة الأولى بلبرقوق والثانية
بالمشماش والأخيرة بشريحة ونقدموه بالصحة والعافية أتمنى نكون أفدتكم

ريم 2012
17-02-2012, 22:17
شكرا احبيبة نجاة على المجهود ديالك
الله يجعلو في ميزان حسناتك

najat12
22-02-2012, 01:43
غريبة الكوك للأخت حورية من تاونات
4 الكيسان ـ ديال العنبة كوك ـ 2 كيسان زيت ـ 2 كيسان سنيدة ـ قشرة الحامض محكوكة
بكية ونصف من خميرة الحلوة ـ 3 بيضات الطحين على حساب الخليط ـ للتزيين كوكاو والسكر
الصقيل ـ وماء الزهر ـ الطريقة ـ نخلط جميع المقادر ونعمل كويرات صغار ديال
غريبة ونغطسوهم في ماء الزهر ثم السكر الصقيل ونعمل كوكاوة في الوسط ونستفوها في أنية الفرن ونبعد الكويراة على بعضهم وندخلوهم يطيبو قالت الأخت
راه دغيا كيطيبو ـ وبصحة والراحة

oum_hicham
24-02-2012, 12:55
[/B]=najat12;4753274]السلام عليكم كاملين ألبنات كيف حالكم مع هذ البرد كيف حالك أختي أم هشام كيف
حال هشام مع الدراسة الحمد لله ـ توحشت هاذ الركن كثير راه مشدني عليه غير
المرض حيث عملت عملية جراحية في القلب من أثر الكليستيرول الله يحفظكم
جميعا من هاذ المرض تقبلو جميعا سلامي واحتامي
أختي نجاة لابأس عليك
اللهم رب الناس أذهب البأس و اشف أنت الشافي شفاء لا يغادر سقما
الله يسزل فيك الخير و الرباح و الله لكم و حشة كبيرة
الله يزيد في راحتك

سائحة
06-03-2012, 20:17
السلام عليكم شكون للي سمعات الحلوى للي دازت اليوم 6 /3/12

oum_hicham
08-03-2012, 12:03
تحية إجلال و تقدير لكل امرأة مغربية خاصة و المرأة بكل بقاع العالم
عامة و خصوصا المرأة القروية و الجبلية و الصحراوية
كل عام و أنتن بألف خير
75703

sanfoura18
15-03-2012, 23:16
تحية إجلال و تقدير لكل امرأة مغربية خاصة و المرأة بكل بقاع العالم
عامة و خصوصا المرأة القروية و الجبلية و الصحراوية
كل عام و أنتن بألف خير
75703

chokran bzaaafffffffff

sanfoura18
15-03-2012, 23:22
السلام عفاكم البنات لسمعات وصفات لقاء المفتوح لقالت مليكة مناصف للشعر الجاف تقولهم لي راني بغيتهم ضروري

najat12
16-03-2012, 23:37
ماسك لترطيب و تغدية الشعر الجاف مليكة مناصف


قشرة 2 بنانات
كاس زيت الرومية
100غ الزبدة رومية
نديرو في كاسرونة إينوكس قشور البنان + الزيت يتطبخ فوق العافية حتى يطيب القشور و يبدا يكحال نخليوه يبرد و نعصرو مزيان قشرة البنان في الزيت و نصفيوه من الخيوط و نزيدو الزبدة و نديرو الخليط فوق العافية حى يدوب الزبدة
و نديرو الخليط على الشعر و نليووه على شكل باتشا و نخليوه مغطي بقبعة البلاستيك مدة 3 ساعات
و يتغسل بشمبوان

najat12
16-03-2012, 23:39
زيت تساقط الشعر و القشرة

ملعقة كبيرة زيت القطران
ملعقة كبيرة زيت القرنفل
2 معالق كبار زيت الخروع
2 معالق كبار زيت الزيتون
ملعقة كبيرة حرمل مدقوق مزيان

يتخلط الكل و يبقة يترقد مدة يومين في قرعة الزاج من بعد عاد يستعمل و يتدهن به الشعر مدة 30 دقيقة حتى 60 دقيقة عاد يتغسل

يستعمل مرة في الأسبوع





ماسك ترطيب و تغذية الشعر

الخليط 1
ملعقة كبيرة زيت اللوز
ملعقة كبيرة زيت أركان
ملعقة كبيرة زيت الزرع
نصف ملعقة كبيرة زيت السانوج
خمسة معالق كبار زيت الزيتون
ملعقة كبيرة زيت أملا

الخليط 2

جوج معالق كبار الزاز مطحون
جوج معالق كبار السدرة مطحونة
بصلة مشلضة تطيب في نصف كاس الماء مدة عشر دقاقئق و نصفيوها باش نستعملو غير الماء ديالها

ماء البصلة + الزاز + السدرة يتخلط و نخليوه يطلق

نمزجو الخليط الأول مع الثاني و نديرو على الشعر خصلة خصلة و الجذور و نغطيوه بالبلاستيك مدة 3 ساعات و يتغسل عادي و يتشلل بمنقوع الأزير أو مقوع السالمية باش يتبت مفعول الماسك

ماسك ترطيب و تطويل الشعر

1/2 لتر زيت رومية
1/2 رابعة أتاي خضر ميبس في الفرن سخون و مطحون
كاس الخزامة مطحونة

يتخلط الخليط و يدار في كسرونة إنوكس على نار مهيلة مدة عشرة دقائق و نخليوه يدفى و نخبيوه في قرعة الزاج مدة عشرة أيام و نصفيوه و ناخدو الخليط زو نديروه على الشعر بحال الحنة مدة أربع ساعات
و الزيت نستعملوها وحدها نحتافضو بها في قرعة الزاج و ندهنو بها الشعر
هاد الخليط ممكن نحتافضو به مدة طويلة

sanfoura18
17-03-2012, 10:28
:s8659:[I[/I]rabiy3tik nchaalah matmanay merci bcp ma chérie

خليجا
21-03-2012, 19:31
بغيت نسسولكم البنات شكون فيكم سمعات كيكة لدرت نهار الاربعاء 14 مارس تقولهالياااااا

خليجا
22-03-2012, 20:03
فينكم البنات

الفراشة العربية
24-03-2012, 18:42
http://www.najatdeharhoura.net/

fleuryassmin
27-03-2012, 17:50
السلام عليكم بغيت نسولكم البنات شكون فيكم لسمعات اليوم على الطريقة تفوار البلبولة

najat12
12-04-2012, 13:02
عجينة البيتزا ليعطاتها واحد الأخت هذ الصباح للجليلة

المقادر والطريقة

كاس من الزيت ـ 3 المعالق 3 سنيدة ـ 3 المعالق 3 حليب غبرة ـ واحد خميرة
ألزا ـ 2 معالق ونصف ص من خميرة العجين ـ كاس ونصف من الماء ـ كاس
من الطحين ـ نخدمو الجميع 7 ذقائق في الخلاط إلا طحين ـ ملي تخلط العناصر
نخويو الخليط في البانيو ونبداو نخويو طحين حتى يتجمع العجين ولا خاص طحين
نزيدو شوية راه قالت خاصها تجي كتلصق في لليدين ومن بعد نشكلوها كبغينا

najat12
12-04-2012, 13:42
الأخت بوشرى من مدونة عطات 2 العصائر

العصيرالأول ـ واحد ياغوت فاني كاس ونصف من عصير الفريزـ شوية دسنيدة
نطحن كلشي في الخلاط ونعملوه في زليفات وندخلوه لثلاجة




العصير الثاني ـ واحد الباربا متوسطة مسلوقة 2 ياغورة أحمر ـ 500 غ فريز
شوية دسنيدة ـ ونخلط في الخلاط إلي كان خاتر نزيد شوية من عصير اليمون
ونخلوه لثلاجة راه قالت هذ العصير كيتكال بلمعالق وكيجي هائل

najat12
12-04-2012, 13:54
وعطات كذلك فروماج أحمر صنع الدار

3 المثلثات ديال لفاش كيري لي فيهم لبناَّ دلفروماج أحمر ـ أصفر بيضة ـ واحد
البيضة كاملة ـ نخدموهم مزيان وندخلوه لثلاجة لحين ستعمالو راه غدي عقاد
قالت كتستعملو في البيتزا وفبزاف دشهيوات

salii
13-04-2012, 23:21
salam 3ALIKOUM S IL VOUS PLAIT LES RECETTES DU 13 AVRIL
l

salii
14-04-2012, 19:57
3afakoum les recettes de salwa hier vendredi :

kamola
25-04-2012, 12:56
وصفات التجميل ليوم امس

موزيلات العرق

حك طالك ديال الاطفال
طرف المسك متوسط
2م قرنفلوطحون ومغربل
طرف الشبة يكون اكبر من المسك شوية مطحون ومغربل

الكل يتخلط ونعملوه فى الحك ديال طالك ونعملوهم للجسم وحتى الرجلين وتحت الابطين ...

kamola
25-04-2012, 13:01
حجرة التوتية تكون كبيرة شوية اي قد الكركاعة كبيرة
طرف الشبة
طرف المسك يكون اصغرهم
1م بيكاربونات

نصخنو التوتية فى المقلا ولما تبرد تدق وتغربل وندقو الشبة والمسك ويتغربلو +البيكاربونات الكل يتخلط مزيان ونعملوه فى حك طالك نعملوه مرة فى اليوم وبعد الغسل وحتى للجسم

kamola
25-04-2012, 13:02
طرف الشبة كبير نبردوه مزيان او نحكوه بالكاغيط لحرش باش ترطاب ونبلوه شوية بالما وندوزوه علىالابطين او الجسم فهو يمتص العرق

kamola
25-04-2012, 13:10
1 م البيكاربونات +كاس عنبة الماء

نحركوه مزيان ونمسحو بيه الابطين بواسطة القطن

kamola
25-04-2012, 13:14
1/2 كاس عنبة لالكول60 درجة
م ص زيت الحامض
م ص زيت الليمون
م ص زيت البامبلوموس
م ص البيكاربونات

الكل يتخلط ونعملوه فى قرعة الزجاج

najat12
01-05-2012, 13:54
مليكة مناصيف

ماسك للظهر للى فيه الحبوب او الاتر ديالو لازم يتعمل فى الدار ماشي فى الحمام ديال الزنقة

2 م طين الاخضر
2 م عصير الحامض
1 م قرنفل محون ومغربل


الكل يتخلط ونعملوه على اماكن الحبوب ويبقى حتى ينشف ونغسلوه ومن بعد ندهنو بهاد لوسيو كل يوم

2 م القرنفل مدقوق+كاس الماء طايب نخليوه حتى يبرد ويصفى ونضيفو ليه 2 م ك عصير الحامض مصفى نخليوه فى التلاجة
ندهنو بيه الظهر مرة فى اليوم او كل يومين فهو تيسد المسام وتيعقم
ومرة مرة نعوضو الطين الاخضر بالفول او الحمص مدقوقين باش حتى طبايع تتزول

najat12
01-05-2012, 13:56
عصير التفاح

2 تفاحات كبار
ليتر الماء
عصير 1/2 حامضة
سنيدة

نقطعو التفاح على 4 بالقشرة نعملوه فى الكوكوط مع الماء غير تصفر نحسبو 15د لما يبرد يضاف له سنيدة وعصير نصف حامضة ونطحنوه يقدم بارد

najat12
01-05-2012, 13:57
عصير الفريز

1 كيلو الفريز
ليتر الماء ناقص منو ربع ليتر
250 غ سنيدة
3 ليتر عصير البرتقال

نقطعو الفريز ويضاف له السكر والماء نعملوه فى الكوكوط على نار مهيلة بزااف غير تصفر نطفيو عليه ملى يبرد نطحنوه نعملوه فى المجمد ونجبدوه ملى نبغيوه او يضاف له البرتقال ويقدم

نفس الطريقة تعمل للشهدية والخوخ

najat12
01-05-2012, 13:58
عصير الفريز

1 كيلو الفريز
ليتر الماء ناقص منو ربع ليتر
250 غ سنيدة
3 ليتر عصير البرتقال

نقطعو الفريز ويضاف له السكر والماء نعملوه فى الكوكوط على نار مهيلة بزااف غير تصفر نطفيو عليه ملى يبرد نطحنوه نعملوه فى المجمد ونجبدوه ملى نبغيوه او يضاف له البرتقال ويقدم

نفس الطريقة تعمل للشهدية والخوخ

najat12
01-05-2012, 13:59
كبيبات الكفتة

500غ الكفتة بلا توابل
1 بيضة
بصلة محكوك
ملح الابزار
كامون
تحميرة
3 م ك لاشابلير
2 م ك الربيع مقطع
زيت للقلى+شابلير+2 بيضات

الكفتة تخلط مع كل التوابل وتعمل اصابع تفند فى البيض تم شابلير وتقلى فى الزيت وتقدم مع السلطة

najat12
01-05-2012, 14:00
بيسكوى تركى

1 دانون طبيعى
5 او 6 الحكاك طحين
1 حك و1/2 السنيدة الغليظة
2 بيضات
200غ الزبدة
1 فانى
1 خمارة

الكل يتخلط وتدلك شوية وتكون مطلوقة تعمل على شكل دميلجات تدهن باصفر البيض وترش بالسنيدة وتدخل للفرن

najat12
01-05-2012, 14:01
السيدة حليمة

الدجاج مشوي

دجاجة من كيلو ونص
5 الضروس التوم
5 الاوراق البورو او الخضارية
2 م المعدنوس
كامون
تحميرة
الابزار الملح
الزعفران الحر
3 م ك الزيت البلدية
عصير الحامض
دوائر الحامض

نعملو التوابل كلها وتطحن مع بعض ونقسمو الدجاجة من السنسول وزولوه من بعد ندهنوها بداك الخليط وحتى بين الجلدة
وحتى بين الجلدة نعملو دوائر الحامض وتبات فى التلاجة ليلة كاملة وتقلى غير باش تحمر الجلدة فقط وتدخل للفرن وتقدم مع سلطة الروز او اي سلطة

najat12
01-05-2012, 14:02
تفاح مقرمش

4 التفاحات لونهم اخضر
2 م ك السكر البنى من الافضل او نعملو غير العادى
1 م ص القرفة
200غ الطحين
100 غ سنيدة
120 غ الزبدة

نقيو التفاح ويتقطع مربعات ونضيفو ليه القرفة و2 م السكر ونعملوه فى مول الزجاج
نخلطو الطحين مع السنيدة والزبدة غير بالاصابع حتى تترمل ونصبوه على التفاح ويدخل للفرن 25د
ممكن عوض الطحين نعملو الخرطال

najat12
01-05-2012, 14:03
سميرة من اسفى

كيكة بالجزر

4 البيضات
1 كاس السنيدة
1 كاس الزيت
1 كاز الجزر محكوك رقيق ويكون الكاس عامر بزاف
1 دانون الفريز
3 م ك الخل
3 م ك الكاكاو او حسن اللون للى بغات كل سيدة
3 الخمارات
1 فانى
طحين

نطربو ابيض البيض متل التلج مع قبصة الملح وندخلوه للمجمد ماشى للتلاجة
فى الخلاط نعملو اصفر البيض وسنيدة نخلطوهم مزيان تم الزيت ودانون والجزروالخل والكاكاو ونصبوه فى انية ونضيفو الطحين مع الخمارات وابيض البيض نصبوه فى المول وتدخل للفرن ملى تبرد ممكن تدهن بالشكلاط مدوب مع دانون ونرشو عليها الشكلاط محكوك او نعملو الكلاصاج فيه كاس الماء+1/2 كاس السنيدة+1 م ص نسكافى+طرف الزبدة او الزيت+شكلاط غبرة الكل على النار حتى يختار ونصبوه على الكيكة وتزش بالشكلاط ابيض محكوك او تقسم على 2 وتعر بلكريم.....

najat12
01-05-2012, 14:05
طريقة باش نفورو الكسكسو غير مرة وحدة ونربحو الوقت نشريو ديال البكية تنبسبسوه بالزيت والملح ونصبو عليه الماء طايب غير جهد للى يتغطى فيه فقط ونخليوه حتى يشرب نحركوه شوية باليد نعملو ليه الزيت او سمن ونفوروه مرة وحدة ونسقيوه ونقدموه

najat12
01-05-2012, 14:06
مريم من فرنسا

مربى التمر

كيلو التمر يكون قاصح ولونه غامق
3 الكيسان عنبة ديال الما
3 م سنيدة
5 القرنفلات
عصير نصف حامضة

نقلبو التمر من الوسط ونخليو العظم فيه نعملوه فى الكوكوط مع الماء ونسدو عليع غير تصفر نحسبو 1/2 ساعة ونطفيو ملى يبرد نعملوه فى زيف حياتى ونعصروه فى طنجرة تيبقى غير العظام وديك القشرة فقط وهاديك العصارة نعملوها على النار مع سنيدة والقرنفل مع التحريك حتى يبدا يجمد عاد نضيفو عصير الحامض ونزولوه

ممكن ناخدو 5او6 المعالق من هاد المربى + م الزبدة نعملوها فى الخلاط مزيان حتى تولى كريما وندهنو بيه الخبز

najat12
01-05-2012, 14:07
كرواصة

500غ الطحين
1 م ك خميرة الخبز
5 م ك السنيدة
2 م ك الزبدة مدوبة
1 بيضة
1 فانى
قبصة الملح
ما دافي
250 الزبدة للتوريق +شكلاط+كريم باتسيير اختياري

الكل يتخلط وتدلك وتكون رطبة ترتاح شوية وتعمل كويرات بحال المسمن وتورق بالزبدة وتطوى على 4 حتى نكملو تم ناخدو كل مربع نبسطوه باليد ونقسموه على 2 فى الطرف نعملو م كريم باتسيير وطرف الشكلاط او ديال الدهن وتبرم وتبقى تخمر تدهن باصفر البيض مخلط مع الحليب والزيت وتدخل للفرن

najat12
01-05-2012, 14:08
كرواصة بحال البريوش

500 غ الطحين
100 ع الزبدة مدوبة
90 غ السنيدة او 5 م ك
2 بيضات
1 م ك خميرة الخبز
قبصة الملح
3 التفاحات+كريم باتسيير

الكل يتخلط الى الزبدة تبقى حتى الاخير ملى تجمع العجين وندلكوها بيها وتعمل كريصات بحال البطبوط نعملو فى الوسط م كريم باتسيير ونعملو عليه شرائح التفاح رقيقة ونرشوه بالسنيدة والقرفة او غير السنيدة ونهنو الجوانب بالبيض وتبقى تخمر وتدخل للفرن

najat12
01-05-2012, 14:09
كراتان بالدنجال والمقارونية والكفتة

1 كيلو الدنجال يكون كبير
250 الماقارونية
500 الكفتة
فروماج محكوك
الربيع
4 الضروس التوم
الزيت البلدية والرومية
ملح الابزار
تحميرة
500 مطيشة
1 او 2 م ك مطيشة الحك

نعملو الدنجال شرائح طويلة وتقلى ونسبقو المقارونية وتصفى والكفتة تتشحر مع التوابل وتبقى مفرتة ونقطعو مطيشة وتشحر مع التوابل ومطيشة الحك وشوية الزيت ناخدو مول مدهون نعملو الدنجال تم المقارونية تم مطيشة تم الكفتة تم المقارونية تم مطيشة تم الدنجال وتدخل للفرت تتحمر عاد نعملو الفرماج وترجع للفرن شوية

najat12
01-05-2012, 14:09
طارطة ساهلة

180غ الطحين
150 غ السنيدة
120 غ الزبدة
2 تفاحات شرائح رقيقة بزاف او مكعبات
شوية الزبيب
1 م ك القرفة
1 م الفانى
2 م ك عصير الحامض والقشرة حامضة

الطحين مع الزيدة نخلطوهم مزيان وسكر وتبقى ترتاح فى التلاجة شوية تم نخلطو التفاح مع الزبيب والقرفة والحامض ونصبوه على خليط الطحين من بعد ما نبسبسوه باليد نصبوه فى المول وتدخل للفرن

najat12
01-05-2012, 14:10
زينب من ليبيا

بطاطا معمرة بالكفتة

250 الكفنة
2 بيضات
2 بصلات كبار
1/2 خمارة
ملح الابزار
راس م ص من المروزية
شابلير
زيت للقلي

فى طنجرة نعملو البصلة محكوكة غليظة + الكفتة نع التحريك+الملح والابزار وقليل من المروزية حتى تطيب وتفرتت وتبرد عاد نزيدو بيضة +4 م ك لاشابلير وتخلط مزيان ونقطعو بطاطا دوائر غليظة وتفلح من الوسط يعنى بحال سندويتش وتعمر بالكفتة تفند فى البيض تم شابلير وتقلى فى الزيت ومن بعد تدخل للفرن وتقدم

najat12
01-05-2012, 14:11
بشرى من ايت اورير

حلوة البونجة

5 البيضات
3 الخمارات
3 الكيسان الزيت
2 كيسان ونصف سنيدة
طحين
المربى+الكوك

الكل يتخلط وتعمل كويرات او اصابع وتدخل للفرن من بعد تفند فى المربى تم فى الكوك

SAJIA
08-05-2012, 22:40
allah ejazikome balkhaire elli sam3ate les recette de glace ta3tihali allah ya3tikome assatre wa chokrane massabbakane

kiko_samar
09-05-2012, 12:36
salam lah ikhalikom li sam3at 3assir dyal hamed o 3assir limoun li galat wahad okht tktabhom liya merci

najat12
16-05-2012, 18:44
* لتزيين السفة بشكل مختلف منين نديروها فطبق التقديم كناخدو بيضة بقشورها مغسولة مزيان و كنديرو بيها حفيرات وسط السفة و كل حفيرة كنعمروها بحاجة وحدة باللوز مقلي و مطحون و وحدة بالسكر كلاصي و وحدة بالزبيب معسل و هكذا حتى نكملو كتعطي منظر زوين

* البرقوق اليابس منين نبغيو نديروه مع اللحم نفوروه مزيان ثم نفلحوه بالمقص و نزولو ليه العظم و نعمروه باللوز مقلي ومطحون مخلط مع السكر كلاصي و القرفة و مازهر و شوية الزبدة ثم نعسلوه

* باش يجينا اللوز مكلي فالدار بحال ديال الزنقة كنرقدوه ساعتين في الماء ثم نصفيوه و نديروه في لاطة و ندخلوه للفران او نديروه في مقلة فوق البوطة مع التقليب مرة مرة حتى يتحمر و الا بغيناه مالح كنخلطو الماء و الملح و منين يتحمر اللوز كنرشوه بالخليط و نحركوه مزيان ثم نطفيو النار و نخليوه يبرد

najat12
16-05-2012, 18:45
* الحريرة ديال السميدة منين كتبرد كتجمد و تتكور منين نبغيو نسخنوها نزيدو عليها شوية الماء طايب و نخلطوها مزيان بالضراب اليدوي ثم نسخنوها غدي تولي بحالا يالاه طابت

* القطبان ديال البقري باش مايجيوش قاصحين نزيدو عليهم راس ديال الموس من خميرة الحلوى مع التوابل و نخليوهم مرقدين ساعة ثم نشويوهم كيجيو فتيين بحال ديال الغنمي

* للمعان الاواني ديال النحاس خصنا نحكوهم فالنهار اللي تكون فيه الشمس اولا كنحكوهم مزيان بالزنبوع (او لرنج _ الليمون المر) ثم كنشللوهم بالماء و نحكوهم بالجيكس رطب ثم نغسلوهم بالمسحوق و نديروهم فالشمس كيبقاو يلمعو مدة طويلة

najat12
16-05-2012, 18:45
من عند السيدة لطيفة من مراكش


* لتنظيف البطاطا قسبية بسهولة كنرقدوها عشرة دقائق في الماء يكون عايم عليها ثم نغسلوها بالشيتة ديال الصابون باش يزول التراب و نكرطوها بالموس

* باش نفركو الرمان و نزولو الحبات ديالو بسهولة كنغسلو الرمانة و نزولو ليها الطربوش و نشقوها بالموس على اربعة و نحلو الشقاق شوية بيدينا ثم نقلبوها فوق طبسيل و نبقاو نضربوها من الفوق بشي حاجة ثقيلة شوية مثلا ملعقة ثقيلة او يد الموس و غدي تنزل الحبات ديالها بسهولة

* للاحتفاظ بالسفرجل مدة سنة في المجمد كنزولو ليه البذور و نقيوه بلا ما نزولو ليه القشور ثم نشقوه بالموس على اربعة من الظهر ثم نديروه في ماء غليان مع شوية الملح و نخليوه يغلي مدة دقيقة واحدة ثم نزولوه و نخليوه يبرد من بعد نستفوه في بلاطو و نديروه يجمد ثم نجمعوه في بلاستيكات و نحتفظ به في المجمد

najat12
16-05-2012, 18:46
النصائح من عند شريفة من الرباط

1) باش نزولو المداد على اليدين نحكوهم بمطيشة مزيان

2) الزربية الى اللون ديالها تبدل تنرشوها بماء معدنى ونخليوها 10 د ونشطبوها على شكل دائرى ومن بعد تشطب عادى ونديروها فى الشمس

3)الزربية الى طبعات بالمربى او القهوة نفزكو منديل بالماء ولالكول ونمسحو مكلن الطبعة ونحكوه مزيان

4) الملابس الى كان فيهم الصدا تندهنوهم بعصير الحامض ونخليوه فيها ومن بعد تغسل بصابون الحجرة

najat12
16-05-2012, 18:47
الى كان عندك الدباب فى المنزل تديري كاسرونة فيها الماء مع الخزامة وتبقى تغلى راه ماتيبقاش

6) باش نحيدو رائحة الشواء من المنزل ملى نساليو الشواء نديرو طرف من قشرة الحامض او البرتقال فى المجمر

7) طبايع ليدام فى الملابس ترشو بطالك ونفركوهم باليد بلا ماء من بعد نغسلوهم بصابون الحجرة
نصائح اليوم من عند السيدة نتيجة من تمارة

*الشكلاط باللوز مكلي
نغسلو اللوز و نديروه في مقلة ثقيلة و نخليوه يتحمر بلا زيت على نار مهيلة ثم نخليوه يبرد و نهرمشوه
ندوبو شكلاط اسود نوع مزيان في حمام مريم ثم نزيدو عليه اللوز مهرمش و نخلطو و نسرحوه فوق ورق المنيوم او بلاستيك و نخليوه يبرد ثم نجمعوه حتى نحتاجوه للحلوة او اي حاجة اخرى و يمكن نديروه في قوالب و منين يجمد نزولوه و نحتفظ به فبلاستيكة الى حين الاستعمال

*منين نعصرو الحامض نحتفظ بالقشور في المجمد و منين نبغيو نديرو القشرة ديال الحامض في حلوة او كيكة نجبدوهم و نحكوهم فالحكاكة الرقيقة و نستعملوهم

*منين نسلقو الخضر لتحضير السلطة كنديرو معاها ضرس ثومة و شوية الملح و منين تسلق نصفيوها من الماء و نستعملو ماء السلق فالطاجين او المرقة و ضرس الثومة اللي صلقنا كنحكوه و نديروه مع صلصة السلطة كنخلطو شوية شوية ملح و ابزار ابيض مع زيت بلدية و شوية خل و عصير حامض ثم نزيدو عليهم ضرس الثومة مسلوق و محكوك و شوية معدنوس مقطع و نخلطو و نديروها مع الخضر اللي سلقنا

*ماء سلق البطاطا نستعملوه لتحضير البريوش مثلا نديرو شوية زبدة و شوية ملح و خميرة معجونة و خمارة و نصف كاس سنيدة و الحليب و شوية من ماء سلق البطاطا و نخلطو و نجمعو بالدقيق و نديروه على شكل بريوش

najat12
16-05-2012, 18:48
*ضامة البنة
باش نحصلو على ضامة البنة منين نبخرو اللحم او الدجاج او الحوت ناخدو الماء اللي تبخرو فيه و نديروه في قوالب الثلج و نجمدوه ثم نحتفظ به في اكياس في المجمد و نعزلو كل نوع بوحدو بالنسبة لضامة اللحم او الدجاج يمكن نديروها فالحريرة او اشياء اخرى و بالنسبة لضامة الحوت نديروها في صلصة الحوت كتجي زوينة بزاف

*منسم للساندويتش
ناخدو بصلة نقشروها و نقطعوها طريفات صغار و نشحروها فالزيت و الملح ثم نزيدو عليها فلفلة خضرا و فلفلة حمرا مقطعين مكعبات صغار و نخليوهم يتشحرو مزيان و منين يبردو نديروهم في بواطة فالثلاجة و منين نبغيو نديرو ساندويتش للوليدات نديرو لحم او دجاج و نديرو عليه شوية البصلة و الفلفلة ثم فرماج و يمكن نزيدو على البصلة و الفلفلة الثومة الى بغيناه فسندويتشات للكبار و كيبقى صالح فالثلاجة لمدة 3 ايام

*السمن الحار
نغسلو الزبدة بلدية (باش يزول الحليب اللي فيها) و نخليوها جانبا
نديرو كاس ماء مع 2 معالق زعتر و نخليوه يغلي شوية و منين يبرد مزيان نصفيوه
ناخدو الزبدة اللي عندنا نزيدو عليها الملح و الماء ديال الزعتر و نخدموها مزيان باليد باش يدخل فيها ماء الزعتر ثم نديروها في قرعة ديال الزجاج و نكبو عليها شوية ماء الزعتر الفوق و نسدوها و نخليوها مدة 40 يوم ثم نحلو القرعة و نخويو الماء اللي فيها و غدي نلقاو السمن واجد للاستعمال

*بالنسبة للحلوة اللي كتلصق بالمربى و كتكون وحدة عادية و وحدة مثقوبة من الوسط باش نحصلو على منظر زوين ناخدو مربى جاري و نخلطو شوية مع سيرو احمر و شوية مع سيرو اخضر ثم نلصقو الحلوة باش نحصلو على لون اخضر و احمر و نزوقو بشوية اللوز مقلي و مهرمش من الجناب

*بعض المرات منين كنوجدو حلوة الصابلي كيكون الدقيق خايب و كتفرتت لينا العجينة و ماتبغيش تجمع في هذه الحالة ناخدو ابيض البيض (ماشي الاصفر) و نخلطوه مع العجينة ثم نديرو الاشكال اللي بغينا

ريم 2012
16-05-2012, 19:30
تبارك الله عليك احبيبة نجاة الله يجعلو في ميزان حسناتك
الله يخليك لسمعتي طريقة خل الورد وكدلك زيت الورد داز اليوم الله يجازيك بخيره

najat12
18-05-2012, 02:31
إنشاء الله نبحث لأختي العزيزة على لبغات ـ لك كل الود

najat12
18-05-2012, 02:32
سكار بالأرز وزبيب من عند أمال

غ روز العادي ـ 2 ك زبدة ـ م ص قرفة ـ 2 ك سكر ـ 400 غ زبيب مرطب
نصف كاس من ماء الزهر شوية من المسكة الحرة 750 غ الورقى ديال
البسطيلا ـ الطريقة
نسلق الروز في الماء وقبسة ملح ـ ونصفيوه ونسقطروه مزيان ونخد مقلى
ونعمل الروز والزبيب وجميع المقادر ونعملوفوق نار مهيلة ونحرك مزيان
حتى ياخد الخليط لون محمر مدة 5 ذ ونقطع الورقى على شكل طولى ونعمر
سيكرات حتى نكمل ونقليوهم كيف العادة وبالصحة والعافية

najat12
18-05-2012, 02:32
الخضر مشوية ربيعة بالرباط

بطاطس
الكرعة الخضراء
الدنجال
بصلة دوائر
مطيشة دوائر
2ضروس التوم
الكل مقطع شرائح رقيقة تدهن بالزيت البلدية وتدخل للفرن
فى الخلاط نديرو البصلة و مطيشة والتوم والملح والزيت البلدية وقليل الابزار يخلط الكل ويقدم فى
الزليفات
بالنسبة للمقادير حسب الاختيار
الوصفة التانية
الدنجال مقسوم على3 شرائح الى كان كبير او على2 الى كان صغير وندهنوه بالزيت البلدية ويدخل
للفرن

2بيضات
ملح الابزار
شوية الكفتة تقريبا 50 غ
نخلط كلشى مزيان وناخد الدنجال ونحفروه من الوسط غير شوية ونعمروه بشوية من الخليط والفرماج محكوك وتدخل للفرن

najat12
18-05-2012, 02:34
بسطيلة بالدجاج و خيزو من عند السيدة جمعة

المقادير :
كيلو خيزو
علبة الشامبينيون صغيرة
باكية الفرميسيل
شوية الزيتون بلا عضم
شوية الفرماج محكوك
راس الثومة


ملح إبزار ورقة موسى
وراق البسطيلة
حبة خيزو للسلق
و المعدنوس مقطع صغير
الطريقة :
في طنجرة نعمل الدجاجة+ ملح + إبزار و رقة موسى الثومة بلا ما نقشرها
و حبة خيزو ملي تطيب الدجاجة نزولها و نفتتها ناخد ماء السلق نعمل فيه
الشعرية نحك خيزو نحمروه في ربع الزبدة و الشامبينيون مع الربع الثاني
الدجاج مع الربع الثالث ثم في الأخير الشعرية و دائما مع الملح و الإبزار
الفرماج المحكوك الزيتون مقطع و المعدنوس مقطع صغير
نشركوهم في إناء و نبدا نعمر الورقة إما في بسطيلة كبيرة
أو بسيطلات فردية
و بالصحة و الراحة

1 دجاجة 100 غ الزبدة نقسمها على 4 2 ضامات البنة الدجاج مقسومين على 4

najat12
18-05-2012, 02:36
كلمار معمر بالروز

6 الكلمار صغار
200غ الروز
كاس شاي الزيت العود
2 بيضات
2 م ك مطيشة الحك
2 بصلات
2فلفلات خضرا وحمرا
كيلو مطيشة
المعدنوس والقزبور
ملح/فلفلة حارة ورقة موسى

نغسلو الكلمار مزيان ونحتافظو بالغشاء والرجلين مقطعين صغار ونشحروهم مع بصلة واحدة والزيت والفلفلة والروز بلا مايكون مسلوق ومطيشة الحك وسودانية اختارية والملح والابزار اختياري والربيع مقطع وورقة سيدنا موسى الكل يتشحر مزيان ونزيدو كاس الماء للى غيطيب فيه الخليط من 15 الى20 د ونخليوه يبرد ونظيفو ليه البيض مطرب ونعمرو بيه الكلمار ونسدوه بالعود
فى صينية للفرن نعملو مطيشة مقطعة +مطيشة الحك+ بصلة وحدة مشلدة+الكلمار معمر+كاس الماء ويدخل للفرن 30 د حتى ينشف من المرق ويقدم

najat12
18-05-2012, 02:37
لوبيا

800 غ للوبيا الخضرا
400 غ مطيشة
100 غ البصلة رقيقة
1 م ك تومة محكوكة
2 م ك زيت العود
1 كاس الماء
ملح الابزار
المعدنوس او الحبق

الكل فى الكوكوط وتقفل عليها 5 د وتقدم مزينة بالمعدنوس او الحبق

najat12
18-05-2012, 02:38
الدجاج مشوي

دجاجة من كيلو ونص
5 الضروس التوم
5 الاوراق البورو او الخضارية
2 م المعدنوس
كامون
تحميرة
الابزار الملح
الزعفران الحر
3 م ك الزيت البلدية
عصير الحامض
دوائر الحامض

نعملو التوابل كلها وتطحن مع بعض ونقسمو الدجاجة من السنسول وزولوه من بعد ندهنوها بداك الخليط وحتى بين الجلدة
وحتى بين الجلدة نعملو دوائر الحامض وتبات فى التلاجة ليلة كاملة وتقلى غير باش تحمر الجلدة فقط وتدخل للفرن وتقدم مع سلطة الروز او اي سلطة

oumsalma2010
18-05-2012, 09:28
السلام عليكم اخواتي لسمعات عصير ديال الليمون مطبوخ راه داز في اللقاء المفتوح راه فيه 7 الليمونات2 كنقطعهم بالقشرة ديلهم او الباقي كنقشرهم ونقطعهم او كيلولاروب سنيدة او لترماء او نطيبهم في الكوكوت من بعد نخليهم يبرد ونطحنوهم ولكن معقلتش شحال نزيد ديال الما ء واش 3لتر ولا 5لترالله اجزيكم بخير

kiko_samar
18-05-2012, 19:09
salam khti ana sma3t li fih kilo limoun taykouno 12limouna yaki takhdi 8 limounat na9ihom o9at3ihom +sokar +lma hta ytrata limoun okhali ighli 15d othaydih
o takhdi 4 lmounat traslihom ot9at3ihom bi 9achrathom odiri ihom lma ylala otahaydihom tsafi lma okhalih ot3awdi diri lihom lma tadiri had tari9a 3 lmarat othatafdi bi lma dyalhom
man ba3d tahni limoun lawal m3a tani olakan khatar tatzidi dak lma li kanti tatghali bih limoun otsafi kolchi otzidi lma hssab kifach tatbghih nti khatar ola khfif hada galat molato taykharaj 7littre

kiko_samar
18-05-2012, 19:09
3afak ila sma3ti dak lhamad li galo 3assir merci

sanfoura18
12-06-2012, 00:38
salam lbnat 3afakom li sam3at f barnamj li9ae mafto7 aw mjarba chi wasfa 3la tazbyid rokab+bayn lfakhid ta3tihali 3afakom c urgent

dohdoh
14-06-2012, 12:26
جزاكي الله خيرا
اللهم شفي أنت شافي و لمعافي آ مين

najat12
25-06-2012, 23:10
من الأخت فاطمة
فقاص مالح

نصف كيلو فورص
2 بيضات
وحدة ندهنو بيها
4 فروماج مربعين
ملح
ماء بارد
رابعة فروماج محكوك
زيتون و كاشير
و السودانية

نعجنه الفورص البيض و الملح و الفروماج و الماء بارد و نتركوه فالثلاجة
نحكو الفروماج و نقسموه على ثلاتة
نخرجو العجين من الثلاجة و نطلقوها و نرشوها بالفروماج و نطويوها على 4
مثل العجينة المورقة
و نتركها ربع ساعة و من بعد نبسطوها و نرشوها لثاني مرة بالفروماج و نخليوها ربع ساعة
و نكمله ل 3 الحصص دالفروماج

نورقوها رقيقة و نقسموها على زوج
و ندهنوها بالبيضة منسمة بالفانيليا او قهوة سريعة الدوبان
واحد كنديرو فيه الزيتون مقطع
و الثاني بالكاشير
و نعملوهم حرابل رقييقة قياس الكابل فالكونجلتور حتلى ييبسوا و نخرجوهم و نقطعوهم و نعملوهم بالاطة

الا متقطعتش نسخنو السكين و نقطعه بيه
ربع ساعة و كتطيب

و بصحتكم الحادكات

najat12
25-06-2012, 23:12
صبيعات بالكفتة و الخضر في الفرن من السيدة سمية من سلا
المقادير
رابعة كفتة
قزبر و معدنوس مقطعين
بزار + سكين جبير + ملح + راس ملعقة صغيرة قزبر يابس مدقوق
رابعة بطاطا مقشرة و محكوكة رقيق و معصرة من الماء
رابعة خيزو مقشر ومحكوك رقيق و معصر
بصلة متوسطة محكوكة في الجهة الغليضة ومعصرة من الماء
بيضة
ربع كاس عنبة زيت مائدة
الطريقة
نخلطو كل المقادير اللي عندنا مزيان و نديرو منهم صبيعات او كويرات ونديروهم في لاطة مدهونة بالزيت و ندخلوهم للفران يطيبو ثم نقدموهم بالصحة و الراحة
هده المقادير كتعطي نصف كيلو
الا بغينا نديروهم طجين كناخدو الطجين نديرو فيه شوية زيت بلدية و نستفو دوائر بصلة و مطيشة ونديرو فوقهم الكويرات ديال الكفتة و الخضر ونغطيوهم بدوائر البصلة و مطيشة و نرشو من الفوق بالتوابل ونديروهم يطيبو على نار مهيلة دون اضافة الماء و بالصحة والراحة

najat12
25-06-2012, 23:16
بريوات بالفرماج

400الورقة
5 قطع الفروماج
المعدنوس مقطع
ملح الابزار
م مايونيز

يخلط الكل مزيان ونديروهم بريوات تدهن بالزبدة وتدخل للفرن

najat12
25-06-2012, 23:17
كروكيت بالدجاج

صدر الدجاج او فخاد....
1بصلة
ورقة سيدنا موسى
القزبور حبوب
الابزار حبوب
ملح
الماء
الكل يصلق ويصفى ويفرتت

صوص بيشاميل
م ك الزبدة
م ك الطحين
ملح الابزار
كوزة
بصلة مشلدة
كاس الحليب(العنبة)

زيت للقلى و شبلير و البيض و الطحين

ناخد الدجاج مفرتت مع البيشاميل ونخليوهم فى التلاجة حتى الغد تم نديروهم صبيعات ونقليوهم

najat12
30-06-2012, 22:39
السلام عليكم و رحمة الله و يركاته

المخرقة دفاس


- 1 كيلو طحين + كاس ديال زبدة " مدوبة "
1 كيلو ديال اللوز " مطحون " -
- 2 كيسان زنجلان "محمر و مطحون"
- حفنة زعفران الحر
- كاس ديال زيت الزيتون
- 2 معالق كبار ديال الخل
- معلقة صغيرة ديال القرفة
- 2 معالق كبار ديال المسكة الحرة
- معلقة كبيرة ديال نافع " مدقوق "
- ماء الزهر
- العسل
- شوية دلخميرة
- نص معلقة صغيرة خميرة ديال الحلوة
- شوية ديال الملح

طريقة اعداد المخرقة الفاسية: *
نخلطو العناصر ديال لمخرقة كاملين مزيان و نعجنو لعجينا ديالها و نقطعوها ما تكونش غليضة و ما تكونش رقيقة بزاف و مربعات بالجرارة و نخرقوا لمخرقة على الطريقة المعروفة
نقلوها فزيت سخونة,نقطروها و نطفوها فلعسل " لعسل أللي غادي نطفو فيه لمخرقة نديرو فيه المسكة الحرة + شوية ماء زهر" و نشربوها لعسل مزيان,ندردرو عليها الزنجلان أو اللوز مهرمش.

najat12
30-06-2012, 22:46
تـَقَـنـْتـَة المذاق ديالها تقريبا بحال سلو نخليكم مع المقادير

الدقيق كيلو و 400 غ
ـ زلافة ديال لوز مصلوق مقلي مهرمش
ـ نصف زلافة ديال زنجلان محمر شوية
ـ تقريبا 1لتر من الزيت حيدي منو100 مليلتر قلي فيها اللوز
ـ 2معالق كبار ديال القرفة مطحونة
ـ تقريبا زلافة عامرة ديال السكر بودرة اوما يعادل 200 غ

طريقة تحضير
نديرو الزيت فوق النار نخليوها تسخن

بعد ما سخنات الزيت نزيدو ليها الدقيق شوية بشوية مع التحراك مزيان
نخليها طيب على نار هادئة شوية ونبقاو نحركو كل مرة باش متحرقش راه كتعطل فالطياب تقريبا ساعة ونصف
نخليوها حتى اولي اللون ديالها بحال الكراميل ونطفو عليها نخليها تبرد شوية
مين بردات شوية نزيدو لها السكر واللوز الزنجلان والقرفة نحركو مزيان بالطراب اليدوي

نخليوها تبرد مزيان شي 3 دسوايع عاد نقدموها
كنحتافضو بيها فالقرعة ديال الزاج تكون كبيرة ومع الوقت راه كتصفي داك الزيت الفوق الى بغيتو تحيدوه ليها وتقدموه ناشف و بالصحة و الراحة

najat12
30-06-2012, 22:55
عصير القرع الأحمر
المقادير...

كأس كبير قرع أحمر يصلق مدة 20 دقيقة

خوختان +موزتان +نصف كأس عصير الليمون(الحامض)

كأس كبير عصير البرتقال +نصف لتر من الماء, سكر حسب الذوق

يطحن الكل بالخلاط الكهربائي,ويوضع بالثلاجة حتى يبرد

بالصحة والعافية

najat12
30-06-2012, 22:59
عصير التمر

عصير التمر جد مفيد يعطي للجسم طاقة خاصة لمن يمارس التمارين الرياضية و لمن يمر بيوم شاق و متعب
لذلك لا تتردي في تقديم عصير التمر لزوجك او ابنك او حتى طفلك لمنحهم الطاقة و التغدية السليمة


ناخد تمر معجون او تمر عادي نرقده في الماء الساخن ليلة كاملة

ثم نزيل له العظم في الصباح

ونطحن التمر مع الحليب و الياغورت بالفانيلا

و بالصحة و الراحة

najat12
30-06-2012, 23:03
الحليب بالمسكة الحرة و الماء الزهر


مقادير
1 لتر حليب بارد
خنيشة ديال المسكة الحرة
نص كاس صغير ديال مازهر
4معالق كبار ديال السكار

طريقة تحضير الحليب بالمسكة الحرة و ماء الزهر:
نخوي لخنيشة ديال المسكة الحرة فمهراز مع شوية ديال السكار و ندق المسكة الحرة حتى تولي غبرا، فقرعة ديال الزاج نخوي 1 لتر ديال لحليب بارد،نزيد عليه المسكة الحرة المدقوقة + نص كاس صغير ديال مازهر + السكار و نخلط كل شي مزيان نقدم هاد المشروب المنعش و المقوي بارد مع تمر ..

sanfoura18
01-07-2012, 15:41
afakom albnat li andha wasfa diyal tarikat ta7dir zit de vanille raha daztf likae lmafto7 ta3tihali afakom:83:

ريم 2012
02-07-2012, 19:08
الله يعطيكم الصحة
والله يجعلو في ميزان حسناتكم غالياتي

سكينة ام آدم
11-09-2012, 23:53
كيكات صغار100غ كوك
150غ دقيق
كاس زيـت
دانون طبيعي
2 بيضات
خمارة و نص
170غ سنيدة
50غ شعرية الشكلاط(فيرمسيل)
تخلطجميع المقاديـر بحال كيك عادي و تدار في مولات فردية

سكينة ام آدم
12-09-2012, 00:01
بسبوسة
200 غ زبدة مذوبة
علبة نسلي
نص خمارة
ملح
100غ بودرة اللوز
320غ سميدة رقيقة
كاس الماء
سيرو للسقي البسبوسة^^400غ سنيدة
2 كيسان الماء
معلقة صغيرة عصير الحامض
معلعة صغيرة روح اللوز
معلقة صغيرة ماء الزهر
يغلى الكل فوق النار لمدة 10 دقايق
تخلط جميع المكونات و تدهن المول وتدخل الفرن و منين طيب نسقيوها بسيرو وممكن تزينوها بلوز (فاش تقطع كيجي كل مربع فيه لوزة)

سكينة ام آدم
12-09-2012, 16:16
فقاص اقتصادي
2بيضات
2 كيسان زين
كاس و نص سنيدة
2 كيسان الماء دافيء
2 خمارات
فاني
كاس صغير جنجلان محمر
و 2 معالق النافع
و دقيق حسب الخليط

سكينة ام آدم
12-09-2012, 16:20
كيك البرتقال125غ زبدة
160غ سنيدة
2 بيضات
كاس )العنبة) ليمون
كاس( عنبة )حليب
60غ سميدة رقيقة
155غ دقيق
2 خمارات

سكينة ام آدم
12-09-2012, 16:27
حلوة التمـر
1/2 كيلو تمر مفور
200غ سنيدة
250غ دقيق
كاس زيت
كاس ما زهر
فاني
معلقة صغيرة قرفة
كاس كاوكاو محمر و مطحون

للتزيين:: شكلاط اسود و شكلاط ابيض و كويغطات

تخلط جميع المكونات مع التمر و تسرح في لاطة صغيرة تكون مدهونة و مرشوشة بالدقيق و تدخل الفرن
منين نخرجوها تدهن بشكلاط اسود و نديرو خطوط بشكلاط ابيض ونديرو تموجات بفورشيط و نديروها في كويغطات

سكينة ام آدم
12-09-2012, 16:35
كوكيز
100غ شكلاط مقطع رقيق
100غ سكر كلاصي
80غ زبدة
خمارة
زلافة دقيق
زلافة اوراق انعناع طري
ملح
اصفر بيضة

تجمع جميع المكونات و نديرو منها حرابل نديروهم في بلاستيكة و الى المجمد حتى يقصاحو
منين نخرجوهم نقطعهم و ندخلهم الفرن

سكينة ام آدم
12-09-2012, 16:43
كعيكعات 1 كيلو دقيق
كاس زيت
250غ سكر كلاصي
100غ جنجلان محمر و مطحون
2بيضات
2 م ك حبة حلاوة محمر و مطحون
2 م ك نافع محمر و مطحون
2 خمارات
معلقة خميرة الخبز مدوبة
كاس ماء دافيء
تجمع جميع المقاديــر و تدلك مزيان و نديرو منها حريبلات نديهم بحال الدبليج و نقشوهم بموس و لا تخليهم هكاك تدهن بالبيض و يدخل الفرن

ness kech
16-09-2012, 15:29
الله يعطيكm الصحة

oum_hicham
21-09-2012, 10:58
السلام عليكم و رحمة الله و بركاته
الحمد لله تمكنت من الولوج لصفحات الملحق
و تطمأنت على العديد من الصديقات
و سنبدأ إنشاء الله التدوين
إلى لقاء قريب

zahra1977
21-09-2012, 23:37
علي سلامتكم

najat12
30-09-2012, 19:45
السلام عليكم جميعا طال الغياب ياغليات عسى المانع خير

maria57
05-10-2012, 15:30
bravo

سكينة ام آدم
05-10-2012, 18:54
دنـاب حلقة 5/10/2012
لتر ونص ماء مغلي مزيان
لتر و نص ماء بارد نزيدو عليك 4 كيسان حليب غبرة 2 فاني؛خمارة؛4 كيسان سكر؛ نخلطوهم مزيان بالميكسور و نزيدوه على الماء المغلي و نديرويهم في بيدو و نغطيوه بشي حاجة تقيلة ويكون لونها غامق مايدخلش ضوء ونخليوه 24 ساعة

سكينة ام آدم
05-10-2012, 18:59
البينيي
خليط 1 فيه كاس حليب
شوية خميرة لخبز
كاس دقيق
نخلطوهم ونخليوه على جنب
خليط 2 فيه 1/2 كيلو دقيق
كاس سنيدة
75غ زبدة
2 بيضات
2 فاني
نخلطو مزيان و نضيفو خليط 1 على خليط 2 و نجمعوهم ونخليوه يرتاح شوية و من بعد نطلقوه بلمدلك ونقطعوه بكاس ونخليوه يخمر ونبداو نطيبوه في زيت وفاش يطيب نرشوه بسكر سقيل و لا سنيدة

سكينة ام آدم
05-10-2012, 19:14
حرشة
كاس ونص سنيدة
2 كيسان سميدة رقيقة
كاس ونص زيت
كاس ونص حليب
3 خمارات
2 فاني
معلقة لخل
3 بيضات
كاس ونص فورص
تخلط جميع مكونات ونديروها في مول مدهون و مرشوش بسميد
ومنين نخرجوها نسقيوها بكاس ليمون مخلط مع نص كاس ما زهر

سكينة ام آدم
05-10-2012, 19:17
كيـــك
4 بيضات
دانون طبيعي
كاس سنيدة
كاس زيت
2 خمرات
فاني
2 كيسان و نص دقيق
تخلط جميع مكونات ونديروهم في مول مدهون، و نديرو فوق منها (تفاح محكوك على طول ولوز مقطع وشوية قرفة )وتدخل للفرن

سكينة ام آدم
05-10-2012, 19:23
طورطية
6 بيضات
100 غ جلبانة
100غ لوبيا
3 بطاطات
3 خيزوو
نص فلفلة خضرا
نص كاس لحليب
50غ زبدة
50غ فرماج احمر
ملح وابزار
تقطع لخضر وتسلق في ماء مملح
تقطع فلفلة صغرة
ونضربو لبيض ولحليب وملح وبزآر ونضيفو ليهم لخضر
و نديروها ف مول يكون في حمام مريم وتدخل للفرن

najat12
06-10-2012, 18:54
طورطية
6 بيضات
100 غ جلبانة
100غ لوبيا
3 بطاطات
3 خيزوو
نص فلفلة خضرا
نص كاس لحليب
50غ زبدة
50غ فرماج احمر
ملح وابزار
تقطع لخضر وتسلق في ماء مملح
تقطع فلفلة صغرة
ونضربو لبيض ولحليب وملح وبزآر ونضيفو ليهم لخضر
و نديروها ف مول يكون في حمام مريم وتدخل للفرن
تبارك الله عليك أختي ألف شكر

ملكة الاسرار
08-10-2012, 14:59
السلام عليكم تبارك الله عليكم بغيت الا ممكن شي أخت سجلت الماسكات ديال البقع ديال نهار الخميس وديال اليوم. تكتبهم ليا عفاكم

joki
14-10-2012, 22:20
:4418:

joki
15-10-2012, 11:55
اعطوني الله اخليكم شي حليوات العيد ختكم باقة جديدة في الزمان وشكرا

oum_hicham
16-10-2012, 11:52
فضل صيام العشر الأوائل من ذي الحجة :
روى أبو هـريرة رضي الله عنه عن النبي عليه الصلاة و السلام أنه قال : " ما من أيام أحب إلى الله أن يعبد فيها من عشر ذي الحجة يعدل صوم كل يوم منها صيام سنة و قيام كل ليلة منها قيام ليلة القدر". و في الخبر أن موسى عليه السلام قال : يا رب دعوت فلم تجب دعوتي، فعلمني شيئا أدعوك به. فأوحى الله تعالى إليه يا موسى إذا دخل أيام العشر من ذي الحجة قل : لا إله إلا الله اقض حاجتك، قال يا رب كل عبادك يقولها، قال يا موسى من قال : لا إله إلا الله في هذه الأيام مرة لو وضعت السماوات السبع و الأرضون السبع في كفة الميزان و لا إله إلا الله في الكفة الأخرى لثقلت و رجحت هذه المقالة عليهن جميعا. و روي عن ابن عباس عن النبي عليه الصلاة و السلام أنه قال :
• "اليوم الذي غفر الله فيه لآدم عليه السلام أول يوم من ذي الحجة، من صام ذلك اليوم غفر الله له كل ذنب "
• "و اليوم الثاني استجاب الله دعاء يونس عليه السلام فأخرجه من بطن الحوت، و من صام ذلك اليوم كان كمن عبد الله تعالى سنة لم يعص الله في عبادته طرفة عين"
• "و اليوم الثالث : الذي استجاب الله فيه دعاء زكريا عليه السلام، من صام ذلك اليوم استجاب الله دعاءه"
• "و اليوم الرابع : اليوم الذي ولد فيه عيسى عليه السلام من صام ذلك اليوم نفى الله عنه البأس و الفقر، فكان يوم القيامة مع السفرة البررة الكرام."
• "و اليوم الخامس : اليوم الذي ولد فيه موسى عليه السلام، من صام ذلك اليوم برئ من النفاق أو من عذاب القبر"
• " اليوم السادس : اليوم الذي فتح الله تعالى لنبيه فيه الخير، من صامه ينظر الله إليه بالرحمة فلا يعذب بعده أبدا"
• "و اليوم السابع : اليوم الذي يغلق فيه أبواب جهنم. و لا تفتح حتى تمضي أيام العشر، من صامه أغلق الله عنه ثلاثين بابا من العسر و فتح له ثلاثين بابا من اليسر."
• "و اليوم الثامن : اليوم الذي يسمى يوم التروية، من صامه أعطى من الأجر ما لا يعلمه الله."
• "و اليوم التاسع : اليوم الذي هو يوم عرفة، من صامه كان كفارة لسنة ماضية و سنة مستقبلة و هو اليوم الذي أنزل فيه : {اليوم أكملت لكم دينكم و أتممت عليكم نعمتي} "(1)
• "و اليوم العاشر : هو يوم الأضحى من قرب قربانا فيه فبأول قطرة قطرت من دمه غفر الله له ذنوبه وذنوب عياله، و من أطعم فيه مؤمنا أو تصدق فيه بصدقة بعثه الله تعالى يوم القيامة آمنا و يكون ميزانه أثقل من جبل أحد."

(مجالس)
(1) سورة المائدة الآية 3
تقبل الله من الجميع.

oum_hicham
19-10-2012, 11:01
السلام عليكم و رحمة الله و بركاته
كيف حال الجميع أتمنى أن تكن بألف خير
عواشركم مباركين مساعد و عيد مبارك سعيد.
كيفية صنع خل الثوم من عند إيمان التازي
200 غ الثوم منقي و مهروس بالمهراس
300 ملل خل التفاح
نعمل الكل في قلرعة الزاج غامقة نخليه يتجانس 3 أسابيع
و نبدا نستعملوه ممكن تسمعوه عند أمونة مزيونة
يستعمل في الأكل و يعالج للفطريات

oum_hicham
19-10-2012, 11:04
كريم مرطب للأماكن الجافة جدا
40 غ زيت اللوز
30 غ زيت الزيتون
15 غ زبدة الكاريتي
5 غ غليسيرين
10 غ شمع النحل
5 قطرات زيت الخزامة العطري
نعمل الكل في حمام مريم ختى ينساجمو ملي يبرد نزيد قطرا الزيت العطري
نعملوه في قرعة الزاج معقمة و نستعملوه حتى يسالي.

oum_hicham
19-10-2012, 11:16
ترطيب اليدين و الرجلين و كل الأماكن الجافة بالجسم
25 غ ورد مجفف
م ك وريدات البابونج
150 ملل ماء معدني أو ماء مقطر
100 ملل زيت الزيتون
م ك عسل حر
10 غ شمع النحل
10 غ غليسيرين
نعمل البابونج و الورد في الماء معدني أ و مقطر مغلي و نغطيه و نخليه حتى يبرد
في حمام مريم نعمل الشمع و الزيوت و نخرك حتى يدوبو نزلهم عن النار و نبقى نحرك
حتى يدفاو و نبدى نزيد الما المنسم بالأعشاب و حنا كنضرب مزيان حتى يتجانسو نعملوهم
في قرعة معقمة و غامقة و نبقى نستعملوه.

oum_hicham
19-10-2012, 11:17
ترطيب اليدين و الرجلين و كل الأماكن الجافة بالجسم
25 غ ورد مجفف
م ك وريدات البابونج
150 ملل ماء معدني أو ماء مقطر
100 ملل زيت الزيتون
م ك عسل حر
10 غ شمع النحل
10 غ غليسيرين
نعمل البابونج و الورد في الماء معدني أ و مقطر مغلي و نغطيه و نخليه حتى يبرد
في حمام مريم نعمل الشمع و الزيوت و نخرك حتى يدوبو نزلهم عن النار و نبقى نحرك
حتى يدفاو و نبدى نزيد الما المنسم بالأعشاب و حنا كنضرب مزيان حتى يتجانسو نعملوهم
في قرعة معقمة و غامقة و نبقى نستعملوه.

maria57
08-11-2012, 22:19
الله يعطيك الصحة

omghita
11-11-2012, 20:38
omhichamتوحشتك بزاف افين غبرتي اولا نسيتينا شكرا على الوصفات نتمنى ايلا كنت قيدتي الوصفات تحطهم لينا وشكرا ليك بزاف او توريني فين غادا نشوفو الوصفات ديال كل يوم الزين وشكرا حتى وصفات ميد راديو ما بقاوش تيحطوهم ما عرفتش فين غادين لقاهم

noussaabdulina
12-12-2012, 23:14
assalamou 3alaikom bghit zasfa d lkika bilbaskazit m3a khiwou li 9admoha fi likaamaftouh semana l,ola dmch,har decembre 2012 wa chokran

مغربية بافتخار
14-12-2012, 14:06
ياريت شي اخت تعطينا وصفة كيكة باردة بالجزر وهنريس طبقات الله يرحم الوالدين و كدلك سلطة القوق معمر

samiasouma
16-12-2012, 13:35
السلام عليكم عفاكم وصفات لي دازو نهار الجمعة 14/12/121 الله يجزيكم بخير

inssaf13
24-12-2012, 16:02
مرحبا بالانيقات
بينيي + الشهدة + كيك بدون بيض من فتيحة من بوعرفة
http://www.youtube.com/watch?v=WNjXpZpwubw

douja86
24-12-2012, 16:34
جزاك الله خيرا اختي

inssaf13
25-12-2012, 12:33
جزاك الله خيرا اختي

http://www.anaqamaghribia.com/Gallery/images/rd/0017.gif

حنان تالت
25-12-2012, 14:39
http://t2.gstatic.com/images?q=tbn:ANd9GcSVcg4JM5xPDwhttp://t2.gstatic.com/images?q=tbn:ANd9GcSVcg4JM5xPDwhttp://t2.gstatic.com/images?q=tbn:ANd9GcSVcg4JM5xPDwhttp://t2.gstatic.com/images?q=tbn:ANd9GcSVcg4JM5xPDwhttp://t2.gstatic.com/images?q=tbn:ANd9GcSVcg4JM5xPDw-Iw5upiQraxPOOUlgK7st2lMosVixwD96dILGCDQ

ريم 2012
25-12-2012, 14:43
ينقل لقسمه

snisan
28-12-2012, 12:39
السلام عليكم السلام عليكم الله ي خليكم شكون لسمعات طريقة سيل لخبز دارها نهار اتنين 17 ديسمبر

عبلة نوار
30-12-2012, 18:57
شكرا لكن جميعا

raihana
31-12-2012, 22:40
السلام عليكم ورحمة الله وبركاته اخواتي جميعا وبدون استثناء كل واحدة باسمها والله حتى توحشتكم غاية الوحوش ولكن الغالب الله كان عندي مشكل في البرابول والحمد لله تصلح او حتى الوقت مابقاش من كثرة الاشغال والتربية والاولاد الله يقدرنا باش نعطيو ولو القليل ونتمنى ان شاءالله تكونو في احسن الاحوال وفي تمام الصحة والعافية وسمحو لي بزاف الى كنت من المقصرين في حقكم والله يقدرنا على فعل كل مافيه خير لينا جميعا امين يارب

oum elbanat
03-01-2013, 22:56
البنات شكون اللي سمعات الحلقة ديال الدكتور الفائد اللي كان كيهدر فيها على الماء والويدان ام الربيع و سبو و ياريت تكون بالصوت الله يرحم الوالدين

raihana
08-01-2013, 22:52
السلام عليكم ورحمة الله وبركاته اخواتي نتمنى تكونو بالف خير
خبيزات ساهلين
كيلو دقيق القمح او سميدة رقيقة بحال القمح _ زلافة صغيرة فورص _ 2 معالق صغار حليب غبرة _ 2معالق صغار سنيدة _ خميرة الخبز او الخميرة الفورية _ كاس صغير حياتي زيت وزبدة او ربع كاس عنبة زيت العود _ كاس عنبة حليب سائل _ ملح حسب الذوق _ ماء دافئ _ شوية القمح اوسميدة رقيقة _ بابي كويسون
الطريقة؛ نخلطو كل شي ونزيدو الما والعجينة تكون خفيفة ونضربوها مزيان ونخبطوها المهم بردي غدايدك فيها حتى تحمد الله ونغطيوها ونخليوها تخمر ونوجدو زلافة فيها الما وطاسة فيها سميدة والطاوة فيها ورق المطبخ ونعملو كويرات مع غطس اليد في الما ونمرغوها في السميدة ونعملوها في الطاوة حتى نعملو كل شي هاد المقادير كتخرج 12 كرة تم نغطيوهم يخمرو ونتقبوهم وندخلهم فرن سخون مزيان يطيبو.

raihana
08-01-2013, 23:04
كيكة
4 فروماجات مثلتين _ 4 بيضات _ نصف كاس صغير زيت _ كاس عنبة سنيدة _ فاني _ 3 خمارات _ 2 كيسان ونصف طحين_ قشرة حامضة. نضربو بياض البيض مع قبصة ملح وسنيدة وحنا كنضربو بالضراب الكهربائي وفاني والفروماج والزيت واصفر البيض مع التضراب تم الفورص والخمارات وعصير الحامضة وقشرتها ونخلطو بمهل ونفرغه في مول مدهون وندخلها الفرن تطيب.
ملحوظة؛ راني نسيت ماذكرت عصير حامضة ولكن راه كتبت في الطريقة عصير حامضة وقشرتها

raihana
08-01-2013, 23:16
حليوة بالشوكلاط
500 شوكلاط اسود _ 2 معالق كبار زيت_ 2 معالق كبار عسل_ 2 بيضات_ 5 بكيات البسكوي بالزبدة مافيه لاشكلاط لا كوك لالوز عادي _ شوبة الكوك للتزيين_ نذوبو الشوكلاط في حمام مريم مع زيت تم نزيدو معاه العسل ونزولوه من على النار ونخلطو كل شي مزيان تم نزيدو البيض ونضربو مزيان ونزيدو البسكوي مهرمش ونخلطو كل شي ونعملوهم عصيات في بلاستيكة وندخلهم المجمد حتى يتجمدو وني نخرجوهم نمرمدوهم في الكوك ونقطعوهم دوائر ونعملوهم في ثلاجة

raihana
09-01-2013, 19:56
السلام عليكم ورحمة الله وبركاته
كيكة بالقهوة؛ 4بيضات _ 3خمارات_ زلافة سنيدة_ زلافة زيت_ كاس شوكلاط غبرة _ زلافة قهوة معصرة_ 500 طحين للتزيين كريم فريش والشكلاط محكوك
الطريقة؛ نضربوالبيض مع سنيدة ونزيدو القهوة معصرة تم زيت والشكلاط والطحين والخمارات ونفرغها في مول دائري مدهون وندخلهاالفرن تطيب نخليوها تبرد مزيان ونقسموها على 3 وندهنها بالكريما حتى نكملو ونغطيها كاملة ونزينها بلاكريم فريش مضربة والشوكلاط محكوك.

raihana
09-01-2013, 20:03
بيبي مشرم
500 شرائح بيبي صغار_ 2 معالق كبار معدنوس_ معلقة صغيرة ثومة غبرة_ 4 معالق كبار زيت بلدية_ معلقة سكينجبير _ معلقة ابزار_ معلقة كبيرة لاموطارد_ 3 معالق كبار صوجا نخلطو كل شي ونشرملوهم ونخليوهم مرقدين مدة باش يتشربو مزيان ونعملوهم في طاوة نيشان وندخله الفرن يطيب.

raihana
09-01-2013, 20:51
بيبي مشرم
500 شرائح بيبي صغار_ 2 معالق كبار معدنوس_ معلقة صغيرة ثومة غبرة_ 4 معالق كبار زيت بلدية_ معلقة سكينجبير _ معلقة ابزار_ معلقة كبيرة لاموطارد_ 3 معالق كبار صوجا نخلطو كل شي ونشرملوهم ونخليوهم مرقدين مدة باش يتشربو مزيان ونعملوهم في طاوة نيشان وندخله الفرن يطيب.

zahra1977
19-01-2013, 11:58
ممكن تشرحولي. التغييير اللي وقع فاللقا المفتوح

TAWBA 1
12-02-2013, 17:43
السلام عليكم
من فضلكن اللي سمعت وصفات الجمال الخاصة بصباغة الشعر طبيعيا ليوم الثلاثاء 12 فبراير تكتبهم لنا الله يرحم الوالدين

ندي ام ريحانة
13-02-2013, 00:17
ايه اختي سمعت بصباغة الشعر لون بني
5معالق كبار الحنة .3معالق كبار غبرة كاكاو مر .3معالق كبارنسكافي .4نيكرو اتاي .نصف حامضة معضرةاو2معالق كبار خل طريقة
نصف لترالماءنطيبو فيه اتاي نيكرو نحلوه نخليوهيتبخ تم نصفيوه تم نضيفو ليه جميع المقادير بما فيه الحنة والقهوة والكاكاو مر وحامض عصير نخلط كلشي هو سخون نخليه 2او3ساعات
تم نطليه للشعر
اختي هاد لسمعت

ماما شرف
13-02-2013, 16:30
السلام عليكم أنا من المدمنات على اللقاء المفتوح كيديرو نصائح قيمة بصح كيكترو فلاغاني شي مرة كنقص الصوت مين نجهدي نلقا لوصفا فاتتني ودبا مع التغيير لي دارو بقيت كنسمع غي لفقرة جمال بزاف ونصائح المطبخ... مبقاوش يدوزو الوصفات..
بالنسبة للوصفات عطات 2 للون البني الاول قالتو ندى أم ريحانة
إليكم التاني
قشور الرمان
قشور الكركاع ممكن تعويضو( بالسواك)
شاي اسو
كاكاو ا+الحنة+ الحامض لتتبيت اللون
تغلي المقادير في الماء وتزيدي الحنة والحامض والكاكاو تخليهوم يرقاد نصف نهار عاد ديريه لشعرك.
لي بغاتو أكاجو ديري ماء البطراف عوض الماء العادي مع نفس المقادير

TAWBA 1
14-02-2013, 11:08
شكرا أخواتي ندى أم ريحانة وmamachraf ولكل الأنيقات على تواصلهن و الإستجابة لتلبية طلبات العضوات ، الله يرحم الوالدين

TAWBA 1
14-02-2013, 11:19
شكرا أخواتي ندى أم ريحانة وmamachraf ولكل الأنيقات على تواصلهن و الإستجابة لتلبية طلبات العضوات ، الله يرحم الوالدين

saida25
22-02-2013, 21:58
السلام عليكم أخوتي
أنا عضوة جديدة نتمنى تقبلوني بيناتكم
لي طلب الله يجازيكم كل خير بغيت طريقة صنع الزيوت وبالخصوص زيت جوز الهند ( الكوك ) ل قدماتها مليكة مناصف فاللقاء المفتوح


في انتظار ردكن

saida25
22-02-2013, 22:22
السلام عليكم أخوتي
أنا عضوة جديدة نتمنى تقبلوني بيناتكم
لي طلب الله يجازيكم كل خير بغيت طريقة صنع الزيوت وبالخصوص زيت جوز الهند ( الكوك ) ل قدماتها مليكة مناصف فاللقاء المفتوح


في انتظار ردكن

saida25
22-02-2013, 22:36
السلام عليكم أخوتي
أنا عضوة جديدة نتمنى تقبلوني بيناتكم
لي طلب الله يجازيكم كل خير بغيت طريقة صنع الزيوت وبالخصوص زيت جوز الهند ( الكوك ) ل قدماتها مليكة مناصف فاللقاء المفتوح


في انتظار ردكن

oum elbanat
27-02-2013, 17:39
السلام عليكم البنات
الله يخليكم شكون اللي سمعات العجين المورق اللي عطاتو السيدة الكبيرة من سوق الاربعاء يوم الثلاثاء 26 فبراير