المساعد الشخصي الرقمي

مشاهدة النسخة كاملة : تجارب مغتربات المملكة العربية السعودية افد واستفد



الصفحات : 1 2 [3] 4 5 6 7

meriem agdi
30-06-2011, 15:19
هنا غتلبسي غي العباية و بالنسبة للبلدي جيبي معاك غي شي قفاطن بال حزام تلبسيه الا جاو عندك الضيافاولا حتا الجلابة انا كنلبسها الا جا عندي شي حد

meriem agdi
30-06-2011, 15:19
عدريني ختي راه ما يبغينيش نقول ان شاء الله مللي نجي ونتزوج اكيد نتزاورو بإذن الله ونعطيك التفاصيل .. سمحيلي بزاف

عادي الدنيا هانيا

إكليل الجبل
30-06-2011, 15:21
ربي يحفظك كنت ناويه نوزع جلالبي قبل ما نجي ساعه نخليهم شكرا على هاد النصيحه وسمحيلي ختي مريم مابغيتكش تقلقي مني .. وبالنسبه للحلويات نجيب معاي شي حاجه ولا بلاش

meriem agdi
30-06-2011, 15:24
ضروري تجيبي شوية ديال الحلوة باش الا جا عندك شي حد تلقاي متحطي هنا را كيحماقو على الحلوة ديالنا

إكليل الجبل
30-06-2011, 15:29
راني معوله على المنتدى يعلمني الحلويات راه كون ماكان هو كون راه فضيحتي فضيحه ههه ولهلا يحشمني راهم مضومندين على الحريره والكسكسو من دابا

إكليل الجبل
30-06-2011, 15:31
عافاك قولي لي كيفاش نجيب الحلوه الى بغيتها تبقى صحيحه وماتهرسش

meriem agdi
30-06-2011, 15:31
كلشي موجود هنا غي الا مبغيتش تحداكي هههههههه

meriem agdi
30-06-2011, 15:33
عافاك قولي لي كيفاش نجيب الحلوه الى بغيتها تبقى صحيحه وماتهرسش

ديريها في بواطة تكون كتسد مزيان و ديرها في صاك صغير او ميكة زوينة و طلعيها معاك لطيارة مدريهاش في الباليزة ل غاتدفعي للباكاج

إكليل الجبل
30-06-2011, 15:39
الله يحفظك ختي مريم سمحيلي خديت من وقتك بزاف الله يرحم الوالدين راكي وريتيني بزاف الحاجات مكنتش عارفاها ربي معاك اختي

meriem agdi
30-06-2011, 15:42
الله يسر لك الامور يا رب مكينش لاش تشكريني هادا واجب و مخديتي من وقتي والو دابا مكين ميدار هههههههه

إكليل الجبل
30-06-2011, 15:47
ههههه لا حبيبتي حبستك هنايا سيري تساراي في المنتدى متعي عويناك راني حتى انا تانقل في شي مقادير ناويه نبدا من غدا ان شاء الله .. هاني مشيت وداعاي معي بزاف والى كاتعرفي شي بنت مشات بعقد العمل سوليها لي عافاك شنو طلبوليها في السفاره

meriem agdi
30-06-2011, 15:51
الله يسهل عليك ا حبيبة ويعاونك امييييييييين بسلامة عليك

مانينة
30-06-2011, 16:14
http://up.arab-x.com/Dec09/cnd39113.jpg (http://up.arab-x.com/)

البنات الي تتعرف شي حاجة على كريم دالفور الاصلي تعطينا عليه معلومات
تقولو زوين تبيض وكاين بالزاف تعلمو لوجهو ولكن ما بغيناهش لوجه
يمكن يكون معين للكلف للحاملات مني تولد تلقى شي جهة الجسم فيها
الكلف فحال الكرش الى اخره او مثلا الرجلين والكعابي الكحلين

انا ما عمرني سمعت عليه بالصدفة شفته والي جرباته تخبرنا عليه
واش ليه فائدة ترجى ولا العكس علما تقولو كاين الاصلي الطبيعي
والتقليد الي فيه الكرتزون

سهرانة
30-06-2011, 16:37
الاخوات شكون اللي عارفة شي حاجة ترجع الكرش من بعد الولادة ختكم هدي 15 يوم يالاه بدات تربط كرشها وكولولي واش كاينة شي حاجة مزيانة للترهلات والخطوط اللي تكون فالكرش الله يجازيكم بخير افيدوني
على سلامتك الحبيبة اختى راه كاين واحد المنتوج في السعودية اسمه بالمرز بعد الولادة على طول ادهني بيه وانتى راه باقية في النفاس خلي شي حد يربطها ليك مزيان وكيف قالت شيهانة الى عندك شي عصابة ما عندكش اشري توب حياتي يكون طويل وعريض وقبل تربطي بطنك الا لقيتي السكنجبير اخضر ابشريه طبخيه في الماء ومن يدفى دهني كرشك بيه وربطيها مزيا حتى تحسي براسك ياله قادرة تنفسي
وانت في المغرب غير كملي النفاس واعطيها للرياضة المشي

طنجاوية.
30-06-2011, 16:57
أختي إكليل الجبل أنا ما عندي حتى فكرة
حطي السؤال ديالك ف التجمع الثامن ديال مغتربات السعودية
تما كيدخلو لبنات أكثر من هنا ويقدرو يفيدوك ،
كنعتقد الدكتورة أم رشى كانت شرات لأختها عقد عمل باش تجيبها معاها
تسناي حتى تدخل وتجاوبك يلا شافت سؤالك

بالنسبة لك انتي واش مزوجة سعودي ، ولا جاية على أساس العمل ؟
اختي لازورد راه الدكتورة ام رشى راه بنفسها طلعات للسعودية بفيزة عمل هي وزوجها بس غابت على المنتدى

سهرانة
30-06-2011, 17:08
مرحبا بيك المغرب عزوتي وها احنا الالة كنرحبو بيك وباسم لينا كدالك كنرحبو بيك شكون الى ما يرحب بالمغرب وشكون ينسى اسمك راه في قلب قبل البال مرحبا بالمغرب عزوتي يا هلا وسهلا حيااااااااااااااك الله

افراح
30-06-2011, 17:42
دالفور تخلي الوجه ابيض و فية لمعة زوينه ما انصحك فيه اختي مانينة جارتي تستعمله ورتني اياه تشتريه من الصيدليه فكرت انمشي نشريه قلت لما نولد بالسالمة ان شاء الله انه زوجي منعني احط كريمات واجهي يقول ممزياننش إمراة حامل يا ختي واحد نهارجت عندي منين شفتها يا ختي تخلعة تحرق واجها طلع ليها شعرمسكينه واحد حالة قلت الحمد الله اني مشرتوش

لازورد
30-06-2011, 19:06
السلام عليكم أخواتي

شخباركم ؟

أختي مانينة للطبايع في الجسم كين واحد الحليب فرنسي سميتو depiwhite
مزيان بزاف ، وطبيعي ، و كين منو كريم وماسك للوجه ، يلا دخلتي منتديات فرنسية
غدي تلقايهم كيشكروه بزاف و كيقولو أن أغلب أطباء الجلدية في فرنسا كينصحو بيه
و ما فيه لا كورتيزون لا هيدروكينون لا زئبق ،

بالنسبة للوجه أيضا كين واحد المجموعة من إيف روشي سميتها bio specific ، أنا جربت منها كريم الليل
hydra white هي بخلاصة العرق سوس ، ومعروف أن العرقسوس فيه كورتيزون طبيعي وكيبيض
ريحتو غزالة و مفعولو زوين ، كيرطب الوجه ويخليه صافي وكيلمع ويلا قطعتيه ما كتأترش البشرة نهائيا.

هادي صورتو

http://yvesrochertampico.com/ImageHandler.ashx?Id=285

وهنا تلقاي صورة المجموعة كلها
فيها حليب منظف ، وكريم نهار فيه نسبة حماية من الشمس
وكريم الليل و كريم لمحيط العينين .

http://yvesrochertampico.com/Articulos.aspx?Marca=21

omomohamed3
30-06-2011, 19:33
السلام عليكم كيف حالكم أشو أخباركم أمع صهودات الله يلطف بينا

omomohamed3
30-06-2011, 19:35
أهلين الزين طنجاوي كيدايرة كاين شي طوطيح أما أنا عاد عندي أهو

طنجاوية.
30-06-2011, 19:37
أهلين الزين طنجاوي كيدايرة كاين شي طوطيح أما أنا عاد عندي أهو

هلا ام محمد وااالو غير الدار ماقادة على صهد هههههههههههههه وانت كيفك وكيف الوليدات

omomohamed3
30-06-2011, 19:40
ام محمد كيبقيتي وكيبقاووو وليداتك؟؟
وكيداير الجو عندكم بديتيو توجدوو لرمضان ولا باقي

أهلين حبيبتي أم عبدالعزيز كيف حالك كاين شي بحورات راه أبدينا أنوجدو أشوية رمضان الله إدخلو أعلينا بالصحة أسلامة جبت عطرية أشريت كيلو من حاجة أنقيناها أدرناها في القراعي حيدتها أعليا هي أولى أجبت جنجلان نقيتوهو ونافع أحبة حلاوة أحطيتهم على جنب أباقي الكثير

omomohamed3
30-06-2011, 19:42
هلا ام محمد وااالو غير الدار ماقادة على صهد هههههههههههههه وانت كيفك وكيف الوليدات

الحمدلله الحبيبة أولاد أعطلو أجالسين على التلفزة مين إفيقو ناوية أنديهم شي بلاصة واخة غير أسبوع إغيرو الجو

omomohamed3
30-06-2011, 19:51
البنات لسولو أعلى شعرية راه كاينة غير قودي كتجي أزوينة أمتعطيهاش الماء بزاف باش متعجنش أما شعيرية بكستانية كتجي حلوة أغزالة أنعطيك طريقتها خودي بكية شعيرية بكستانية أكسريها مزيان أعمليها في مقلة تيفال وقلبيها على نار هادئة ثم ضعي عليها حك نسلي كبير وحركي بسرعة أنزليها من فوق النارأبداي أتهزي بشوية أعمليها كويرات أحطيها في قويعتات كتجي أغزالة مع قهوة عربية

omomohamed3
30-06-2011, 19:56
ولي سولت على دشيشة راه مكيناش أنا كنت ناخد برغل لكيصيبو بيه التبولة أنفورو جوج مرات بحال بلبولة أمتعطيهاش الماء بزاف باش مين أتسقيها بالمرق أتشرب مزيان كنت كنسقيها أنخليها شي نص ساعة باش تشرب أمتغطيهاش بالسفرة باش متعرقش قلبي أعليها أشي طبسيل كبير أبصحة أراحة

أم ركـان و رزان
30-06-2011, 21:21
البنات بغيت نسولكم شكون جاها الدوالي في الجمل مع كيضروني خصني غير نوقف واخا دابا انا باش ولدة قربت نكمل عام
عطيوني شي نصيحة او شي دوا بلدي الى عندكم الله يجازيكم بالخير
السلام اخس سيما ممكن سؤال واش الدوالي لي جاتك واش كانت عندك قبل وتزادت من بعد الحمل ولا جاتك غير من بعد الحمل عافاكم الاخوات لي عندها نفس المشكل تعطينا حل شكون عندها دوالي وتعالجات منهم جزاكم الله خير الجزاء

سهرانة
01-07-2011, 03:43
السلام عليكم جمعة مباركة عليكم اخواتي وتبارك الله عليك اختى ام محمد فعلا الشعرية كاينة والباكستانية عجبتني طريقتك نجربها انشاء الله انا كنعملها للاولاد كنرقدها في الماء ونرجع نبخرها وهي كتبخر كنرش عليها السكر 10 دقايق نطفي عليها نزيد عليها الحليب سخون والقرفة وبعد المرات كنبخر معها الزبيب وكنستخدمها احيانا حشوة للمسمن في بلاصة الشعرية الصينية كتجي زوينة

سهرانة
01-07-2011, 03:56
البنات اليوم الجمعة الي بغات البخور عطارة المرواني عنده مجموعة بانافع لعود وكاين واحد النوع اسمه افراح ب 15 ريال ريحته زوينة واخة رخيص غير جربوه غادي يعجبكم ان شاء الله
بالنسبة للفحم كاين الفحم سهل الاشتعال اسمه فحم الشعلة
بالنسبة للعود بخور خودي من العربية للعود غير لازم تكوني تقني طريقة استخدامه كتشدي عودة وتكسريها بالمطرقة ويكون الفحم شاعل مزيان تاخدي شطية وتحطيها غير بشوية وما تقلبيهاش على الوجه التاني
وممكن تبلليها بالماء باش ما تحرقش بسرعة
بالنسبة للبان خودي الي لونه بيج فاتح جدا وحباته صغيرة
الى بغيتي بخور منعش مع الصهد خودي بخور افراح وخلطي معه زوج ولا3 حبات مستكة

شيهانة
01-07-2011, 04:27
تهيلا الله يصبرك اختي .البنت تتبغي تهرب من ظروفها في المغرب وتتختار من غيرما تفكر في العواقب وفاش تتجي تتصدم بالواقع لان اغلب بناتنا واخدين نظره عكسية على السعوديين تتسمع سعودي تيصحاب ليها واش تيتزرز فلوس وانه هو اب الرومانسية والخادم المطيع لمراته هي غير تامر وهو ينفد .لان صراحة بناتنا ما تيصارحوش وبمعنى صح فيهم كثرة الفشر تتكون عايشة ظروف مزفتة وتبدا تمجد في الزواج من سعودي وان عايشة السعادة الي ماعايشه حد .لاكن راه الواقع مغاير مشاكلهم كثيرة الا من رحم ربي وماشي اغلبهم لاباس عليهم راه فيهم ناس ما لاقية عشاء ليلة وساكنيين في افقر الاحياء وديك الفشخرة الي تيجيو يدير في المغرب راه تيكون هاز قرض من البنك تيبدى يخلص فيه عمره كله وهي تيصحاب ليها هدا هو الرجل .
انت غلطت لانك سمعت كلامك هدك البنت الله يهديها والي وقع وقع والحمد لله الامور بدات ترجع لمجاريها لاكن كلامك على طبع راجلك تيبين ان صعيب يتبدل خصوصا ان مطلق يعني راه احتمال كبير ان سبب انفصال عن زوجة يكون بسبب طبع العصبي وانشغال بالنت لدرجة ان تينسى واجبات كزوج .وهدا غل غلطيه الوحدة ما تزوجش مطلق حتى تعرف اسباب طلاقه لان كيف طلق الاولى ممكن يطلقك وهاني بالفعل جيت ولقيت رجل معصب وضع مادي صعيب راجل معكاز ايوا اش غادي يصبرك اختي غير تبقاي تدعي الله يهديه لان نوع بحال هدا صعيب يتبدل
البنات الي نصحوك تحملي انا ما تنشاطرهش هداالراي راه عندها عشرة وبايتة تحت الشجرة خصك ااعرفي علايش غادي تولدي عاد ولدي ماشي تجيبي ولاد وتجني عليهم وترضعيهم الكره والفقسة والعصيبة عنداك اختي تصلحي غلط بغلط اللهم ادا كتب عليك الله ترجعي ترجعي بوحدك ماشي ترجعي مركبة في ظهرك تنولد باش نعيش ولادنا في راحة ماشي في القهرة وتمارة .
الاخت الي تتقول ان الحق للاجنبية الي مزوجة سعودي وياجر ليها الدار ويدير ليها ويفعل ليها الله يهديك اختي فين شفت هدشي في هدا البلاد المواطنات وواكلات الدق منهم كيفاش بالاجنبية راه كيف قلت تنبقاو نزوق الامور وتيتغر بناتنا الوحدة تقول اش واقع بشكل صريح بلا تزواق .قالك ياجر ليها ويسكنها ويدير ليها ويفعل ليها وجمعيات معاها والشرطة معاها هههههه الله يا ودي تيطلقهم ونهار طلاقها تيلغي كفالة وتشد الطيارةاما زينة السفارة ديالنا تتصوريها بحال الا سفارة ديال امريكا قالك تتكفل محامي وتعطيهم مصروف الله يا ودي شوفي غير قصة يك المغربية مع الزوج السعودي الي طردها وجاب ليها الشرطة وزين السفارات ما دخلاتش حتى عطات ريحة القضية في الجرائد ومواقع النت .

الله يصلح الحال

السلام عليكم و رحمة الله تعالى وبركاته
اختي في الله بغيت اصحح لك معلومة حطيها مزيان في راسك اختي انتي ما تتعرفني و لا انا اعرفك ولوكنت تعرفني ماكنت قلتي اني تنزوق و نتفشخر علاش اختي غادية نبدى نتفشخر
داك الشي الي كتبته من حقوق المغربية في السعودية ماشي من راسي و لا كتبته باش انزوق للبنات الاوضاع شوفي ردوي و نصايحي و ابقى تحكمي
و ارجع و اقول لك كل الي كتبته صحيح مليون في الميه و عن تجربة اختي و شكلك اختي ما تطالعين المستجدات بدليل جايبة قصة يمكن من سنه 2007 او ما ادري اهم شي قديمة و الي وقع من وراها مانتي عرفتي
القصة الي جبتها ماهي دليل تخليك تتهميني بالتزواق و عيب عليك
وانا ماقلت غير الواقع و الصحيح و لهلى يوقع شي حبيبة في مثل هدي الامور و يمكن تقولي لي لك تجربه خاصة او من بعيد و انا تنقول لك شوفي الجديد واكبي الجديد شوفي مستجدات الي انت زمان ما عرفتيه
عموما اختي و لله الحمد الا كانت لك تجربة مريرة في بلاد السعودية راه حنا كلنا هنا مجتمعين على هدا الاساس باش نفيد و نستفيد ماشي نتكبر و نزوق و نتفشخر بصراحة طرتني كلمة هدي في قلبي بحال ناقصة هم و هدرة لا حولاة و لا قوة الا بالله
المفروض قبل ما تتهجمي على احد شوفي معطياته شوفي ردودي و نصايحي للبنات و الي اكتبه في موقع هدا وموقع سيدتي
لكن يلا الله المستعان
احنا نقدم النصيحة الي ياخدها حياه الله و الي ما ياخدها حياه الله و الي عاش تجربة مريرة لا يعمم و لا تفقده البصيرة
و الله المستعان اختي
بصراحة ماله داعي اسلوب الاستهزاء ترانا هنا نستفيد مو نطنز و نتمسخر على بعض

شيهانة
01-07-2011, 04:35
دخلت القنصلية المغربية في جدة على الخط في قضية "رجاء المغربية"(الصورة) التي طلقها زوجها السعودي بعد عشرة دامت عشر سنوات ولم تعلم "رجاء" بطلاقها إلا عند حضور الشرطة السعودية إلى منزلها في جدة قصد ترحيلها .



وأوضح المستشار محمد بوقنطار نائب القنصل المغربي بجدة، أن القنصلية المغربية تدرس قضية رجاء المغربية من جميع جوانبها، كما تدرس جميع الخيارات التي يمكن أن تتعامل بها القنصلية مع هذا الملف الحساس.

وكشف بوقنطار أن القنصلية المغربية بجدة تتشاور مع السلطات السعودية حول مدى قانونية القبض على امرأة مغربية متزوجة زواجاً رسمياً منذ عشر سنوات، وتقيم بصفة قانونية ونظامية، ولديها طفلة، ويتم إحالتها إلى إدارة التـرحيل تمهــيداً لتسفيرها بناء على رغبة زوجها.



وقال بوقنطار الذي كان يتحدث لمجلة "سيدتي" السعودية الواسعة الانتشار :"لقد خرجت رجاء من الترحيلات بكفالة القنصــلية المغربية بجدة، وسيتم توكيل محام لها من قِبـل القنصلية تمهيداً لرفع قضية أمام المحكمة ضد الزوج، فالمرأة لديها طفلة في السادسة من عمرها، وسنطالب بالحضانة، كما سنطالب بحقوقها وتعويضها عن الضرر الذي أصابها، كما ستتضمن الدعوى التي سيتم رفعها على الزوج نقطة مهمة، وهي معاشرته لها بعد أن طلقها من دون علمها، وسنرفع القضية، والقضاء هو الذي سيفصل فيها، ونحن نثق في عدالة القضاء السعودي. "

قصة رجاء المغربية كما روتها لمجلة "سيدتي" في عددها الأخير



منذ أكثر من عشر سنوات حلمت رجاء، المغربية الجنسية، بحياة كريمة في بلدها الثاني، السعودية، بعد أن تقدم لها أحد الأشخاص، طالباً الزواج منها، فوافقت رغم علمها أنه طلق زوجتين، ووقفت إلى جانبه، واحتضنت أبناءه من زوجتيه السابقتين، وأنجبت ابنتها الوحيدة، لجين، لينتهي بها المطاف إلى الطلاق من دون علمها، ثم إيداعها الترحيل، وخروجها بكفالة القنصلية المغربية، تفاصيل كثيرة ترويها رجاء.



تحكي رجاء معاناتها قائلة: تعرفت على زوجي الذي أصبح، من دون علمي طليقي، في المغرب، حينما أتى لزيارتنا، وطلب الزواج مني، كان عمري وقتها 19 سنة، وقضينا أول سنتين بشكل عادي وهادئ، وعاش معنا ابنه من زوجته الأولى، وعمره 7 سنوات، ولكن بعد حملي بابنتي "لجين"، التي تبلغ الآن ست سنوات، تغيرت معاملته لي، وبدأت أرى وجهاً آخر له، لم أكن أعرفه من قبل، حيث الضرب، والإهانة والإهمال، بالإضافة إلى إحضار ابنته من زوجته الثانية، وكان عمرها وقتها 7 سنوات، وقد عاملت جميع الأولاد بما يرضي الله، وأفضل من معاملته هو لهم، وبعد ولادتي لابنتنا لجين، أعاد ابنته لوالدتها، وحينما سألته عن السبب،، تحجج بأنه لا يريد إزعاجاً في المنزل، وأنه لا يحتمل وجود ثلاثة أطفال في وقت واحد


معاملة قاسية

صبرت كثيراً على إهانته لي، وضربه المستمر أمام الأولاد، لكي لا يحرمني من رؤية ابنتي، كما فعل مع غيري، حتى أن ابنتي أصبحت تعاني من عقدة نفسية بسبب هذا الأمر، وكانت تستيقظ كل ليلة وتأتي إلى غرفتي لتقول لي: ماما أريد أن أطمئن عليك، فأنا أخاف أن يأخذني بابا منك ولا أراك.المفاجأة

وتواصل رجاء: طلب مني طليقي السفر في شهر يونيو الماضي للمغرب، من دون ابنتي، على أساس أنه مشغول، وسوف يأخذ البنت لتبقى مع والدته، فرفضت، وقلت سأبقى حتى تنتهي من عملك لنسافر معاً. دارت الأيام، وكنت أجهز نفسي للسفر أنا وابنتي وأختي سعاد، التي أحضرها للسعودية بتأشيرة شغالة، لم أكن أعلم أنه ينوي طلاقي، على الرغم من أنه كان دائماً يردد على مسامعي "رجاء قد طالت فترة بقائك معي"، وكنت أرد بأنني سأتحمل كل ما يجري من أجل البقاء بجوار ابنتي.



سافرنا إلى المغرب لقضاء الإجازة، ولحق هو بنا بعد الانتهاء من عمله، بقينا فترة ثم ذهبنا من المغرب لأميركا، ثم عدنا إلى المغرب مرة أخرى، لتنتهي الرحلة على الأراضي السعودية، وكانت أختي ترفض العودة معنا، لكنه أصر على ذلك، وبالفعل عادت معنا.

وفي 20 رمضان الماضي، هددني بالطلاق، فذهبت لأقربائي استنجد بهم، لكنه جاء إلينا ومعه ورقة مكتوبة في صيغة عقد (اتفاق حضانة وسكنى)، كتب فيها العديد من البنود المجحفة التي تنظم علاقتنا بعد الطلاق، وعندما رفضت التوقيع عليها، ومع تدخل أقربائي للصلح بيننا، تراجع وأوهمهم بعد ذلك أنه أرجعني، فعدت معه، وكان يعاملني معاملة عادية، وفي يوم الثلاثاء 11/ 11/ 2008م، أخبرني بأنه سيسافر إلى الرياض، وطلب مني أن أنتبه لنفسي ولابنتنا لجين، وفي صباح اليوم التالي، خرج إلى المطار بعد أن ودعنا أنا وابنته لجين، التي ذهبت إلى المدرسة وعدت أنا لغرفتي لأنام.

الترحيل

وتتذكر رجاء، باكية، اللحظات المؤلمة التي جاءت فيها دورية من الترحيلات إلى منزلها لتلقي عليها القبض، بناء على شكوى زوجها، وتقول: لم أعلم لماذا تريدني دورية الترحيلات؟ وما الذنب الذي اقترفته؟ وتم القبض علي أنا وأختي سعاد، وعند خروجنا من المنزل لمحت طليقي في فناء المنزل، فناديت عليه لينقذني، لكنه لم يرد وتركهم يأخذونني للترحيل.

وتضيف: نادى عليّ الضابط، وسألني ما هي قضيتك، فأجبت لا أعلم، كل ما أعلم أنني سحبت من غرفة نومي إلى هنا، فقال وكيل طليقي، الذي كان موجوداً: هذه المرأة مطلقة، وقد انتهت عدتها، فبأي حق تبقى في منزل الزوجية، فذهلت لدى سماعي تلك الكلمات، وأنني مطلقة منذ أربعة أشهر، من دون علمي، فقلت للضابط أنا لست مطلقة، وهناك شهود، وهم الجيران والأهل، كما أننا سافرنا معاً إلى المغرب وأميركا، فإذا كان قد طلقني لماذا عاد بي إلى السعودية؟ وفوجئت بالضابط وهو يريني صورة من صك الطلاق الصادر من المحكمة، مكثت في الترحيل، إلى أن تدخلت القنصلية المغربية وأخرجتني على كفالتها

طلب الجنسية



سألنا رجاء، لماذا لم تطالب خلال العشر سنوات التي مرت على زواجها بالجنسية السعودية؟ فقالت:طالبت بها كثيراً، فزواجي تم بموافقة رسمية، لكن في كل مرة كان يقول لي "لا تكثري من الزن"، أنا من يحدد الوقت المناسب لمنحك الجنسية، وكنت أطالب بالجنسية لأشعر بالأمان والاستقرار، كوني مقيمة بإقامة على كفالته.

ما هو وضعك الحالي؟



أنا الآن موجودة في منزل إحدى قريباتي، وقد تم أخذ ابنتي مني، كما أنني تركت كل أغراضي في منزل طليقي.

بماذا تطالبين؟

أطالب بعودة ابنتي إلي، فأنا الأحق برعايتها، كما أطالب برد اعتباري من الإهانات التي تعرضت لها، فقضيتي هي قضية إنسانة انتهكت إنسانيتها من زوجها، وجواز السفر والتأشيرة تثبت وجودنا في الخارج معاً بعد أن طلقني، والتاريخ الذي صدر به صك الطلاق يثبت ذلك، ولا يعقل أبداً أنني سأسافر مع رجل أجنبي عني، ويعاملني كأي زوجة ما لم أكن على ذمته



الاخت الي تتقول انهم مع الاجنبية هده قصة واقعية لمغربية والسفارة دخلات في الخط هههههههه يعني هي اخر من يعلم عاد ضربتها الفيقة .

الله يصلح الحال ويحفظ بناتناااااا

القصة هدي مرت عليها تقريبا 3سنوات و شايفاها م ن زماااااااااااااااااااااااااان
و ماهي مقياس و لا معيار يسمح لك تهيني الناس بردك و ضحكك(هههههه)كلنا نعرف نضحك و نطنز و لكن في مكان مناسب
لاتكوني انسانة سلبية و اطلعي على كل مستجدات و راح نناكدي من كلامي ماشي باش ابرر ما كتبته و لكن يمكن ينفعك في اسلوبك مرة تانيه
و الله يوفقك

سهرانة
01-07-2011, 04:37
لا تنسو اخواتي قراءة سورة الكهف وفي هدا اليوم العظيم ادعو الله انه يسهل على كل الحوامل ولادتهن وان يرزق من ترتجي من ربها الدرية الصالحة وان يسهل على كل الاخوات وان يحفظنا انه سميع مجيب
لا الله الا انت سبحانك ربي اني كنت من الظالمين

سهرانة
01-07-2011, 04:42
سمحو لي اختى مانينة بغيت نسولك على كريم فيد اوت كنتي قلتي لقتيه في ينبع عافاك فين ا بلاصة واش اسم المحل لانه السيدة في المغرب ما لقاتوش وقلبت اهنا باش ناخدو ليها ما لقيتش الاصلي
وهداك المطهر فين نقدر نلقاه اهنا واش ممكن متلا في بندة ولا بن داود
شوفي الى عندك الواليدات وبغيتي تشري ليهم العاب كاين محل اسمه نحن الالعاب في طريق المطار اسعاره مناسبة والى بغيتي تاخدي ليهم لبيسات تنكرية بحال توم وجيري راه سوق البدر فيه كل اشكال الرسوم المتحركة

سهرانة
01-07-2011, 04:46
البنات اشنو رايكم في كلمة الخضوع للزوج والفرق بين فهمه وتطبيقه في المغرب وفي الخليج السعودية خصوصا هدا سؤال طرحتو عليا جارتي سعودية جاوبتها ولكن قلت علاش ما ناقشوهش اهنا لانى من جيت وانا نفكر صراحة موضوع من كتر تفكيري طير عليا النعاس

سهرانة
01-07-2011, 04:58
اخواتي واخة ما كتعرفو اسم شيهانة ادعو لها الاعمال بالنيات اللهم اعن اختنا في الله وارزقها الدرية الصالحة اجلا غير عاجل

شيهانة
01-07-2011, 05:01
السلام عليكم ورحمة الله تعالى و بركاته
اش خباركم الغزالات كلكم لاباس عليكم وجدتوا شي سفوف و لا مازال
بصراحة تنشكر كل حبيبة و غالية دعات و تدعي معيا و ربي يوفقها و يناولها الي فيه الخير لها و لاهلها
الحبيبة انا فعلا كنت كنمشي عند دهانة و لكن اختي عدباتني بززاف داك شي علاش وقفت من عندها و انا بادن الله ناوية ندير عمليه بالمغرب لانه صراحة الالم الي تيشدني مرة مرة واعر بززاف و الحمد الله على كل حال ويسول فيكم الخير و رباح كل وحده باسمها تبارك الله ماشاء الله راكم كثار الله يحفضكم و يصونكم من شر الحاسدين

اختي سهرانة شفت سؤال و موضوعك و غادية انفكر فيه مزيان دابة فيا النعاس و فاش انفيك انمخمخ عليه هههههههه
و بغيت سولككم البنات
ولكن خلون لحين نكمل من مناقشة موضوع اخت سهرانة باش ما نبقاوش نخربطوا مع بعضنا بس اتمنى ما انسى
يلا تصبحو على خيرررررررر
في امان الله

سهرانة
01-07-2011, 05:06
البنات اختى شيهانة ما ابغى ابرر موقف ام رائد اكيد ما قصدت من ضحكها الاستهزاء
غير بغيت نقول البنات اش واقع في الدنيا زمان كانت حرب الخليجيات على المغربيات دابة ولات حرب المغربيات على الخليجين وحتى على الاجانب يا اخواتى راه الى مكتب ليه شي حاجة غادي يعيشها واخة تكون البنت مزوجة ولد عمها غير التخويف والترهيب نهى عليه الرسول الصلاة والسلام بشرو ولا تنفرو ويسرو ولا تعسرو
ورجاءا بلاش من المواضيع الخوية وخلونا نستافدو ياله البنات ناقشو موضوع خضوع المرأة لزوجها بين المجتمع الخليجي والمغربي كيف فهمتيه في المغرب وكيف لقتيه اهنا والنس كيف تنظر للمرأة الى خاضعة لزوجها

دكتورة ام رشى
01-07-2011, 07:02
السلام عليكم اخواتي انا الان وصلت لسعودية لتبوك الحمد لله من 20 يوم تقريبا و كنت فشقة مفروشة على ماتقادات الدار لي غنسكن يالله جيت وستقريت الحمد لله عاد دخلت نشوفكم توحشتكم بزاف و حنيت للمنتدى قولي لي شكوووووووووون فتبوك

لازورد
01-07-2011, 08:54
السلام عليكم ورحمة الله وبركاته

جمعة مباركة أخواتي
دكتورة أم رشى الحمد لله على سلامتكم ، كي جاتك السعودية؟
الله يخليك يلا عندك شوية ديال الوقت جاوبي على سؤال الأخت إكليل الجبل
راها باغية تجي للسعودية بعقد عمل ، وكتسول على الإجراءات
و المطلوب في مثل حالتها.

sima09
01-07-2011, 09:05
السلام عليكم اخواتي انا الان وصلت لسعودية لتبوك الحمد لله من 20 يوم تقريبا و كنت فشقة مفروشة على ماتقادات الدار لي غنسكن يالله جيت وستقريت الحمد لله عاد دخلت نشوفكم توحشتكم بزاف و حنيت للمنتدى قولي لي شكوووووووووون فتبوك

على سلامتك و مرحب بيك معانا هانا و ان شاء الله الله يكمل عليك بالخير و يسر اومورك كلها و يرزقك الدرية الصالحة
و تنبسطي هانا في السعودية راها زوينة خسك غير تعودي راسك عليها و غتعجبك ان شاء الله

المغرب عزوتي
01-07-2011, 13:51
اختي دكتوره ام رشى على سلاامتك اللي وصلتي بخييير كلشي كان تيسول عليك والله يعينك على الغربه
خصك غير شويه وقت باش تولفي راه السعوديه ولافه بصرااحه عن تجربه شخصيه
اختي شيهانه لا تقلقي وما تهزي في خاطرك يمكن اختي ام رائد ما قصداتش وخانها تعبير وتنصح اي بنت في تجكع هذا قبل ما تكتب شي رد
تختار وتنتقي الالفاظ الحميده لانه هذا شي كلها يون في ذمتنا ونسال عليه يوم الحساب فلا داعي للتجريح وخلونا في مواضيع مفيده
راه كل واحد عالم بيه الله على حالو والنار ما يحس بيها غير واطيها على قولتهم واسال الله اختي شيهانه يفرج همك وهم كل مسلم ومسلمه
سيما+سهرانه+اكليل الجبل+ام لينا +كل البنات اللي ناسيه نكاتهم تنسلم عليكم ونرسل ليك احسن تحيه اخويه مككله بعطر الوروود الفواحه

ام مراد 2
01-07-2011, 14:18
السلام عليكم كيدايرين البنات جمعة مباركة كاين شي كسكس ولا غير العكز اختي شيهانة الله يرزقك الذرية الصالحة وان شاء الله ندعي معاك فاسجود واوقات الاستجابة الله يسهل ليك الامور ولجميع المسلمات واحد الطنجاوية فين غابرة اختي توحشناك بزاااااف والاخوات ام رائد سهرانة اموونة لازورد مانينة ام محمد ام رشى ....وزيد وزيد توحشناكم بزااف فين الجمعة ديال زمااان

مانينة
01-07-2011, 14:47
القصة هدي مرت عليها تقريبا 3سنوات و شايفاها م ن زماااااااااااااااااااااااااان
و ماهي مقياس و لا معيار يسمح لك تهيني الناس بردك و ضحكك(هههههه)كلنا نعرف نضحك و نطنز و لكن في مكان مناسب
لاتكوني انسانة سلبية و اطلعي على كل مستجدات و راح نناكدي من كلامي ماشي باش ابرر ما كتبته و لكن يمكن ينفعك في اسلوبك مرة تانيه
و الله يوفقك
ام رائد يمكن ما كانتش تتقصد ونيتها في التبرير نية سليمة
غير ابغى اقول لك امر اختي الشيهانة وهي كاينين ناس تتعمم وهذا خطأ ومثل كاين مغربي مزيان راه كاين الخايب
وكيف كاين سعودي خايب كاين المزيان وحتى المثال ينطبق على السودانين والمصريين وغيرهم الكثير والدليل
اخر ما كتب في مقالة في الصحيفة الالكترونية دار الحياة سوادني ضحك على مغربية---- الاربعاء, 29 يونيو 2011
http://ksa.daralhayat.com/ksaarticle/282885

المختصر المفيد الي عندها شي راجل مهما كانت الجنسية مزيان ومتقي الله ويعرف بحق
الشرع ويحسن المعاملة الزوجية بما يرضي الله تكمش عليه وتحمد الله وتشكره وتدعي
لبنات الناس بالصلاح والتسير وتفريج الهم

مانينة
01-07-2011, 14:52
السلام عليكم كيدايرين البنات جمعة مباركة كاين شي كسكس ولا غير العكز اختي شيهانة الله يرزقك الذرية الصالحة وان شاء الله ندعي معاك فاسجود واوقات الاستجابة الله يسهل ليك الامور ولجميع المسلمات واحد الطنجاوية فين غابرة اختي توحشناك بزاااااف والاخوات ام رائد سهرانة اموونة لازورد مانينة ام محمد ام رشى ....وزيد وزيد توحشناكم بزااف فين الجمعة ديال زمااان
ام مراد ربي يخليك الزين وجمعة مباركة عليك وعلى جميع الاسرة الكريمة

مانينة
01-07-2011, 14:58
السلام عليكم أخواتي

شخباركم ؟

أختي مانينة للطبايع في الجسم كين واحد الحليب فرنسي سميتو depiwhite
مزيان بزاف ، وطبيعي ، و كين منو كريم وماسك للوجه ، يلا دخلتي منتديات فرنسية
غدي تلقايهم كيشكروه بزاف و كيقولو أن أغلب أطباء الجلدية في فرنسا كينصحو بيه
و ما فيه لا كورتيزون لا هيدروكينون لا زئبق ،

بالنسبة للوجه أيضا كين واحد المجموعة من إيف روشي سميتها bio specific ، أنا جربت منها كريم الليل
hydra white هي بخلاصة العرق سوس ، ومعروف أن العرقسوس فيه كورتيزون طبيعي وكيبيض
ريحتو غزالة و مفعولو زوين ، كيرطب الوجه ويخليه صافي وكيلمع ويلا قطعتيه ما كتأترش البشرة نهائيا.

هادي صورتو

http://yvesrochertampico.com/ImageHandler.ashx?Id=285

وهنا تلقاي صورة المجموعة كلها
فيها حليب منظف ، وكريم نهار فيه نسبة حماية من الشمس
وكريم الليل و كريم لمحيط العينين .

http://yvesrochertampico.com/Articulos.aspx?Marca=21

اختي ربي يخليك وجزاك الله كل خير وان شاء الله ننزل المدينة لانه افروشي كاينة تماك
ونشريه تبارك الله عليك الغزالة والله يفك وحايلك على خير

سهرانة
01-07-2011, 15:11
السلام عليكم البنات مانينة الى بغيتي اف روشي راها كاينة في مجمع النور وبزاف المرات كنمشي نلقاهم سادين مخلين غير الزاج يبان تاع المحل حاولي تمشي من وراء المغرب حيت كل ما تنمشي السوق بعد العصر ندير طلة ىنلقاهم سادين وما عمرني مشيت بعد المغرب راه مجمع زوين وكل الاسواق العالمية دايرة فروع ديالها فيه

سهرانة
01-07-2011, 15:15
ام رائد يمكن ما كانتش تتقصد ونيتها في التبرير نية سليمة
غير ابغى اقول لك امر اختي الشيهانة وهي كاينين ناس تتعمم وهذا خطأ ومثل كاين مغربي مزيان راه كاين الخايب
وكيف كاين سعودي خايب كاين المزيان وحتى المثال ينطبق على السودانين والمصريين وغيرهم الكثير والدليل
اخر ما كتب في مقالة في الصحيفة الالكترونية دار الحياة سوادني ضحك على مغربية---- الاربعاء, 29 يونيو 2011
http://ksa.daralhayat.com/ksaarticle/282885

المختصر المفيد الي عندها شي راجل مهما كانت الجنسية مزيان ومتقي الله ويعرف بحق
الشرع ويحسن المعاملة الزوجية بما يرضي الله تكمش عليه وتحمد الله وتشكره وتدعي
لبنات الناس بالصلاح والتسير وتفريج الهم

مانينة كيف يقولو صح لسانك في كل كلمة قولتها الى جينا نحصرو الشر ولا الخير في جنس واحد من البشر غادي نكونو في خانة الجهل واتمنى البنات يردو البال لالفاظهم لانه اكيد كاين اجانب يشوفو المنتدى وماشي زوينة يشوفونو ما مفاهمين مع بعضنا وعن جد جارتي مرة مرة كتعمل ظلة قالت لي ما فهمتش الكلام مزيان ولكن باين كاين خلاق بين البنات

خولة2009
01-07-2011, 15:15
هلا بنات شخباركم كي صبحتو

مانينة
01-07-2011, 15:20
اختي سهرانة سولتي على الكريم فيد اوت مشيت الصيدلية النهدي هنا ومشيت خير بلادي معروف ومشيت صدلية النحاس
وميت عطار مرواني

في الاخير فين لقيته في خير بلادي وقلست نقلب ونحل ونقلب وانا نلقاه

عارفة شريلي الي تتباع هنا يا سهرانة وحدة من سلفاتي تعمل اساس بدل كريم اساس
مني قالتها ليا تعجبت انه موجود وتتباع وتعرفو الاصلي من غير الاصلي

خولة2009
01-07-2011, 15:24
لبنات غي سكتو مشيت درت لسير ديال الشمع وكنديرها غي الله يعزكم تحت بيطاني هادي سنتين وانا غي عليها ومزيانة ريحتها بالفراولة وهادي 3 ايام كنت معروضة فزواج باش نزرب مشيت دراتها ليدي وكنتر بالكغيط غي سليت دازت شوية بقاو شحطات فيدي مشيت للعرس يدي فيها شحطات حمرين اراك من بعيد ههههههههههه
المهم هادي يومين شفتهم بداو يغماقو معرفت اش ندير حدي لبارح درت ميديكاسول ديال الاثا ر من المغرب ليدي ندمت والله
لي عندها شي فكرة تبلغني هية هادي زرب تعطل

مانينة
01-07-2011, 15:24
هلا بنات شخباركم كي صبحتو

الحمد لله اختي وانتي كيف بقيتي مع التقل شوية الله يفك وحايلك على خير

سهرانة
01-07-2011, 15:24
وهدا واحد الطاجن تاع الفيلي سهل ولديد حيت اختكم معكازة تحماق على الشئ السهل جارتي دوفتني منه واخدت من عندها الطريقة للامانة باقي ما جربتو حبيت اتشارك معكم المعلومة الجديدة
الفيلي غسليه وقطعيه مربعات صغار رشي عليه قبصة ملح والابزار
في مقلى حطي ملعقة كبيرة زيت عافية والبصلة مشلطة مزيان و2 اضروس التوم محكوكين غير يدبال اضيفي زوج حبات ماطيشة محكوكين وبقاي تحكركي دوبي ملعقة كبيرة ماطيشة الحك في نص كاس ماء ديال اتاي واضيفيها وانتى تحركي الان حطي البهارات الهندية ديال الاسماك وقبصة ديال بهار الكاري والملح ردي البال راك رقدتي السمك في الملح والخرقوم وورقة سيدنا موسى وحركي الصلصة مزيان خليها بحال ديال بيتزا حطي السمك وقلبيه على وجها باش يتشرمل من الوجهين
دابة السر ديال الطاجين عرفتو الطحينة السائلة الى يعملو بها صوص المشويات مكتوب قيها طحينة فاخرة النخلة خودي زوج معالق ودوبيهم في كاس صغير تاع اتاي وكبيها على السمك غير بشوية بلا ما تحركيه غير بالملعقة خليه يدخل في الجناب سدي الطاجين ولا المقلة 10 حتى 15 دقيقى وها هو واجد
صراحة لديد بزاف وسبق دقت بحالو في مطعم اسماك ياله الى سبقت الاخرى وجربته تقول لنا كيف جاها

مانينة
01-07-2011, 15:26
السلام عليكم البنات مانينة الى بغيتي اف روشي راها كاينة في مجمع النور وبزاف المرات كنمشي نلقاهم سادين مخلين غير الزاج يبان تاع المحل حاولي تمشي من وراء المغرب حيت كل ما تنمشي السوق بعد العصر ندير طلة ىنلقاهم سادين وما عمرني مشيت بعد المغرب راه مجمع زوين وكل الاسواق العالمية دايرة فروع ديالها فيه

ان شاء الله غادي نمشي ليها لاني بغيت نشري الريحة الي كنتو تتهدرو عليها وبغيت نشوف الي قالت ليا عليه
الاخت لازورد الله يذكرها بخير
بارك الله فيك اختي سهرانة ويجيزك الله كل خير

مانينة
01-07-2011, 15:28
سمحو لي اختى مانينة بغيت نسولك على كريم فيد اوت كنتي قلتي لقتيه في ينبع عافاك فين ا بلاصة واش اسم المحل لانه السيدة في المغرب ما لقاتوش وقلبت اهنا باش ناخدو ليها ما لقيتش الاصلي
وهداك المطهر فين نقدر نلقاه اهنا واش ممكن متلا في بندة ولا بن داود
شوفي الى عندك الواليدات وبغيتي تشري ليهم العاب كاين محل اسمه نحن الالعاب في طريق المطار اسعاره مناسبة والى بغيتي تاخدي ليهم لبيسات تنكرية بحال توم وجيري راه سوق البدر فيه كل اشكال الرسوم المتحركة

المطهر الارضية تلقايه في محل خاص بالمنظفات جنب باتيسري تبيع الحلوة اسمه انيستال ملاصق معاه

والكريم راه قلت ليك فين شوفي الصيدليات وجلسي تقلبي لانه ممكن تلقاي والا العكس
سيري المرواني واخر حاجة سيري خير بلادي وتخباي تماك ما غادي يشوفك حد وجلسي
تقلبي حتى تطيحي فيه

سهرانة
01-07-2011, 15:29
اختي سهرانة سولتي على الكريم فيد اوت مشيت الصيدلية النهدي هنا ومشيت خير بلادي معروف ومشيت صدلية النحاس
وميت عطار مرواني

في الاخير فين لقيته في خير بلادي وقلست نقلب ونحل ونقلب وانا نلقاه

عارفة شريلي الي تتباع هنا يا سهرانة وحدة من سلفاتي تعمل اساس بدل كريم اساس
مني قالتها ليا تعجبت انه موجود وتتباع وتعرفو الاصلي من غير الاصلي
شكرا اختى مانينة ما عمرني سمعت بخير بلادي يمكن كاينة غير تمة انشاء الله نسول واش كاينة اهنا
اه شيرلي راه لقيتها اهنا في سوق اسمه الراية ولكن ما كنستخدمهاش لاني عن تجربة كانت غادي تخرج عليا من اول استخدام السيدة الى بغيت ليها فيد اوت كانت تعملها للكلف وغير زادت عليها وسبحان الله واحد السيدة اخرى صفات ليها وجها خلاتو بحال الحليب

سهرانة
01-07-2011, 15:31
لبنات غي سكتو مشيت درت لسير ديال الشمع وكنديرها غي الله يعزكم تحت بيطاني هادي سنتين وانا غي عليها ومزيانة ريحتها بالفراولة وهادي 3 ايام كنت معروضة فزواج باش نزرب مشيت دراتها ليدي وكنتر بالكغيط غي سليت دازت شوية بقاو شحطات فيدي مشيت للعرس يدي فيها شحطات حمرين اراك من بعيد ههههههههههه
المهم هادي يومين شفتهم بداو يغماقو معرفت اش ندير حدي لبارح درت ميديكاسول ديال الاثا ر من المغرب ليدي ندمت والله
لي عندها شي فكرة تبلغني هية هادي زرب تعطل
مايكون عندك باس اختى راها لاسيغ الشمع حارة شوفي راه ما كاين احسن من العسل للجرح ولا الحرق الي يكون جديد وكاين كريم اسمه ميبو

خولة2009
01-07-2011, 15:31
اختي سهرانة سولتي على الكريم فيد اوت مشيت الصيدلية النهدي هنا ومشيت خير بلادي معروف ومشيت صدلية النحاس
وميت عطار مرواني

في الاخير فين لقيته في خير بلادي وقلست نقلب ونحل ونقلب وانا نلقاه

عارفة شريلي الي تتباع هنا يا سهرانة وحدة من سلفاتي تعمل اساس بدل كريم اساس
مني قالتها ليا تعجبت انه موجود وتتباع وتعرفو الاصلي من غير الاصلي

مانينة واش خديتي فيد اوت لي قالت ليك عليه امولة لي لونو البني راه قالت زوين مخير
اما على شيرلي تا انا كنعرف وحدة كديرها كريم اساس ولكن اختي ريحتها تقلبك بيها والله ومعروفة ريحة شيرلي
الا بغيتي ديري واحد طرقة بشرلي روعة خليها نتي قوماج هو:
خودي نسلي محلى وديريه فكسرونة +2 شرليات+ زغبة الزعفران الحر وحطيهم على نار مهييييييييييييلة او المجمر وبقاي تحركي حتى دوب مزيان شي 15 دقيقة وحطيها فقرعة دزاج ومدريهاش فالثلاجة وبقاي دهني بيها وجهك ونوضي تشلقي شي نص ساعة منين تحسي بيها نشقت مزيان بقاي تفركي بصباعنك روووووووووووووووووووعة جربيها وتفكرني من اول استعمال تولي بشرتك بيبي

مانينة
01-07-2011, 15:33
شكرا اختى مانينة ما عمرني سمعت بخير بلادي يمكن كاينة غير تمة انشاء الله نسول واش كاينة اهنا
اه شيرلي راه لقيتها اهنا في سوق اسمه الراية ولكن ما كنستخدمهاش لاني عن تجربة كانت غادي تخرج عليا من اول استخدام السيدة الى بغيت ليها فيد اوت كانت تعملها للكلف وغير زادت عليها وسبحان الله واحد السيدة اخرى صفات ليها وجها خلاتو بحال الحليب

وهادشي الي بغيت تنا نقول ليك سلفتي تتعملها غير هي وتعجبت مني قالت ليا عندهم شيري

المهم زمان سولتيني على الكريم الي كان ساعدني في الاول اسمه بين الاصلي ماشي التقليدي
زوين بصراحة ولحد الان عندي في الدار ما تخطانيش واخا رخيص ولكن زوين جا مع البشرة
ديالي وخبا ليا الكلف الي كان عندي
كنت تنشريه من عند صيدلية النهدي وهو كان تجبده ليا وتنقول ليه عطيني الاصلي تتلقايه
تقيل مني تحليه وتديري غير شوية على مكان الكلف وتداومي اسبوع او 2 تتبان ليك انه
الكلف راه ما بقاش يبان بالزاف وغير وكان خاصه المداومة
خصوصا مني تتخرجي من الحمام ووجهك سخون كنت نعملو كانت تعطيني مفعول دغية

خولة2009
01-07-2011, 15:36
طنجاوية مرحبا فين غبورك اختي ليك وحشة اشنو كتعاودي

سهرانة
01-07-2011, 15:37
ان شاء الله غادي نمشي ليها لاني بغيت نشري الريحة الي كنتو تتهدرو عليها وبغيت نشوف الي قالت ليا عليه
الاخت لازورد الله يذكرها بخير
بارك الله فيك اختي سهرانة ويجيزك الله كل خير
الله يسر ليك كنتي سولتي على من فين تشري هدايا تكون اسعارها مناسبة شوفي فاش تمشي للحرم شوفي جنب البقيع محل ديال مطعم البيك هديك العمارة الي هو فيها كلها محلات تسوق وكاين فيها شي تويشيات هههه زوينين وحتى المحلات ديال الماعن وما عقلتش اي دور كيبيعو فيه الاتواب ديال السودانين ومحل جنبه كيبيعو فيه الاتواب الهندية الساري

طنجاوية.
01-07-2011, 15:40
لبنات غي سكتو مشيت درت لسير ديال الشمع وكنديرها غي الله يعزكم تحت بيطاني هادي سنتين وانا غي عليها ومزيانة ريحتها بالفراولة وهادي 3 ايام كنت معروضة فزواج باش نزرب مشيت دراتها ليدي وكنتر بالكغيط غي سليت دازت شوية بقاو شحطات فيدي مشيت للعرس يدي فيها شحطات حمرين اراك من بعيد ههههههههههه
المهم هادي يومين شفتهم بداو يغماقو معرفت اش ندير حدي لبارح درت ميديكاسول ديال الاثا ر من المغرب ليدي ندمت والله
لي عندها شي فكرة تبلغني هية هادي زرب تعطل
ههههههههههههههههههههه ضحكتيني خولة انت فحال قصتي لي عملت انا فبيطاني راه باقي فيهم لي طراس ديال الكاغيط هههههههههههه اوا شنو غنعملو هادشي لي عطا الله

ام مراد 2
01-07-2011, 15:42
اهلااااااااااااا خولة فين هاد الغبورات توحشتك بزااف ايوا داز السبوع وانتي مجيتي العيون هههههههه هي كحلتي دوك اليدين اعانك الله اللي كنعرف فتجربتي مع الحلوة ولاسير كندهن بالزيت البلدية من بعد لانها كتقلل نمو الشعر مرة من بعد مرة وكدلك كيرطب والسبب انكي بطريقة خاطئة والشحطات هههه كيف ما سميتيهم راه تيزولو بوحدهم والله اعلم اللي عندها شي معلومة تفيدنا ياله البنات

مانينة
01-07-2011, 15:43
لبنات غي سكتو مشيت درت لسير ديال الشمع وكنديرها غي الله يعزكم تحت بيطاني هادي سنتين وانا غي عليها ومزيانة ريحتها بالفراولة وهادي 3 ايام كنت معروضة فزواج باش نزرب مشيت دراتها ليدي وكنتر بالكغيط غي سليت دازت شوية بقاو شحطات فيدي مشيت للعرس يدي فيها شحطات حمرين اراك من بعيد ههههههههههه
المهم هادي يومين شفتهم بداو يغماقو معرفت اش ندير حدي لبارح درت ميديكاسول ديال الاثا ر من المغرب ليدي ندمت والله
لي عندها شي فكرة تبلغني هية هادي زرب تعطل

اختي يمكن ما عرفتيش تحيدي الكاغيط لانه خاصك مني تبغي تحيديه ما تطلعيش يديك للفوق
وانتي تحيدي
حيديه ويديك تكون في نفس مستوى الكاغيط من لتحت وتحيدي بسرعة ويديك تكون خفيفة
من بعد تدهني بالزيت البابونج على طول ما تسنايش
ومني شفتي الحمورية كان خاصك غير تمشي للتلج وتحطيه عليها مزيااااان ومن بعد كمادات
البابونج ماتكونش سخونة الاهم هو البابونج يطلق في الماء وتعمليها في يديك بارد المكونات دياله
ممتازين للبشرة الحساسة والي تتحمار او لوقعة ليها شي حاجة في يديها او وجها
وعاد من بعد ديري ميبو

الصالونات الكبار في المغرب مني تعملو تنظيف الوجه ومني تحسو انه الوجه ديال البنت ولا حمر
تعملو ليها البابونج على طول قبل ما تنوض تشوف وجها في المراية لانه تهدي الاحمرار بسرعة

طنجاوية.
01-07-2011, 15:43
طنجاوية مرحبا فين غبورك اختي ليك وحشة اشنو كتعاودي

هلااااااااااااااا خوخة كيفك وكيف الاحوال انا غير الدار ماقادة على حر هههههههه حتى انا توحشتك فين غبرتي على المسنجر

سهرانة
01-07-2011, 15:44
الدكتورة ام رشى الحمد لله على سلامتك وانشاء الله تسكني شقتك بالصحة والسلامة ويكونو جيرانك احسن الجيران ويسعدك معاهم انشاء الله راه تقدري تلقاي شى جارة الى تكون بحال اختك تهون عليك الغربة وما بقاي تحسي بالفراغ غير اعطي نفسك فرصة التعرف واعطيهم حتى هما فرصة

مانينة
01-07-2011, 15:49
مانينة واش خديتي فيد اوت لي قالت ليك عليه امولة لي لونو البني راه قالت زوين مخير
اما على شيرلي تا انا كنعرف وحدة كديرها كريم اساس ولكن اختي ريحتها تقلبك بيها والله ومعروفة ريحة شيرلي
الا بغيتي ديري واحد طرقة بشرلي روعة خليها نتي قوماج هو:
خودي نسلي محلى وديريه فكسرونة +2 شرليات+ زغبة الزعفران الحر وحطيهم على نار مهييييييييييييلة او المجمر وبقاي تحركي حتى دوب مزيان شي 15 دقيقة وحطيها فقرعة دزاج ومدريهاش فالثلاجة وبقاي دهني بيها وجهك ونوضي تشلقي شي نص ساعة منين تحسي بيها نشقت مزيان بقاي تفركي بصباعنك روووووووووووووووووووعة جربيها وتفكرني من اول استعمال تولي بشرتك بيبي

ان شاء الله نجربها ربي يخليك اختي خولة بخصوص كريم فيد اوت تنستعمل الي لون دياله بني
هو زوين بصراحة الا لقيتي الاصلي

سهرانة
01-07-2011, 15:50
اهلااااااااااااا خولة فين هاد الغبورات توحشتك بزااف ايوا داز السبوع وانتي مجيتي العيون هههههههه هي كحلتي دوك اليدين اعانك الله اللي كنعرف فتجربتي مع الحلوة ولاسير كندهن بالزيت البلدية من بعد لانها كتقلل نمو الشعر مرة من بعد مرة وكدلك كيرطب والسبب انكي بطريقة خاطئة والشحطات هههه كيف ما سميتيهم راه تيزولو بوحدهم والله اعلم اللي عندها شي معلومة تفيدنا ياله البنات
هده معلومة يمكن راكم عارفينها قبل يوم من تعملي لاسيغ عملي حمام مغربي باش الشعر يوقف ويكون سهل في التحياد وعندك الصح الزيت البلدية واخة الاخصائين ما كينصحوش بيها راه كتقلل ظهور الشعر
ومن الاحسن الى ما تعرف تشيل تتفق مع شي وحدة تجيها الدار وتحاول تنقل من عندها الحرفة كل بلاصة شوفيها كيفاش تعمل راه غادي تعلمي وديما خلي كريم ميبو وكريم كيناكومب في التلاجة

مانينة
01-07-2011, 15:52
سهرانة جربي الطاجين والا جا زوين وبنين ومول الدار شكره نجربوه حنا
ولكن بداي وقولي بسم الله وحنا من بعدك نتوكلو على الله

غير بغيت نقول لك جارتك تتشري الفيلي جاهز لانه هنا في ينبع ما تنصحوش الناس
انه يشرو الفيلي تقولو خايب والله اعلم تقولو تتربي في المجاري او الوديان المسخة
وتيجبوه من برى وتبيعو في بنده

ام مراد 2
01-07-2011, 15:53
البنات شكون عندها شي ماسك فاعل تارك للرجلين والجسم من بعد الولادة عتقو الرووووووووووووح

خولة2009
01-07-2011, 15:53
اهلااااااااااااا خولة فين هاد الغبورات توحشتك بزااف ايوا داز السبوع وانتي مجيتي العيون هههههههه هي كحلتي دوك اليدين اعانك الله اللي كنعرف فتجربتي مع الحلوة ولاسير كندهن بالزيت البلدية من بعد لانها كتقلل نمو الشعر مرة من بعد مرة وكدلك كيرطب والسبب انكي بطريقة خاطئة والشحطات هههه كيف ما سميتيهم راه تيزولو بوحدهم والله اعلم اللي عندها شي معلومة تفيدنا ياله البنات

هلا ام مراد كي بقيتي الحبيبة ان شاء الله تكوني وليتي لباس من الولادة وشخبار سي مراد بدا يبان شوية
وشتي اختي اخرنا الهبطة شوية تال شهر 8 بس اكيد كنكون فالعيون ان شاء الله نشوفك وتشوفيني الا بغا الله اعطيني اميلك او نعطيك ديالي نتواصلو منين نجي اجي عندي حياكي
ختي غي سكتي ندمت والله ودرنها تعرفي حنى مولفين بالحلوة وزغبني مولانا والخفة لي عطاني الله ههههههههههه درتها من قوت العكز باش نزرب اوا على الله ياهيدو راني ندور وندهن يختي عزيز علية لحمي هههههههههه الله يسخروصافي

خولة2009
01-07-2011, 15:56
ههههههههههههههههههههه ضحكتيني خولة انت فحال قصتي لي عملت انا فبيطاني راه باقي فيهم لي طراس ديال الكاغيط هههههههههههه اوا شنو غنعملو هادشي لي عطا الله

زين الطنجاوي والله العضيم الا تفكرتك فاش طرالي وعيت منتفكر اش قالو ليك البنات بس معقلتش قلت نعتق راسي على الله يمشيو يارب
اما انا والله غي هنا كنخرج شوية نتقدا لي حيدتها علية تحيد تعرفي مع رمضان جاي الواحد يله يتكفا مع الصلاة ونعطيو لربي القوت فهاد الشهر المبارك الله يدخلو علينا وعليكم جميعا بالصحة وسلامة وطولت العمر يارب

سهرانة
01-07-2011, 15:57
سهرانة جربي الطاجين والا جا زوين وبنين ومول الدار شكره نجربوه حنا
ولكن بداي وقولي بسم الله وحنا من بعدك نتوكلو على الله

غير بغيت نقول لك جارتك تتشري الفيلي جاهز لانه هنا في ينبع ما تنصحوش الناس

انه يشرو الفيلي تقولو خايب والله اعلم تقولو تتربي في المجاري او الوديان المسخة
وتيجبوه من برى وتبيعو في بنده
بالعكس سمك الفيلي نقي ماشي بحال هداك الي في المغرب نقولو ليه البوري وانا سبق جبته من السوق تيكون مجمد وخاصك تعرفي ان اسماك البحر الاحمر من احسن الاسماك وانا شفت سوق جدة ديال الاسماك راهم كيجبوه طازج من البحر لانه اصلا جدة ما فيهاش المجاري هده الشي علاش كل عام كتغرق عاد بداو يعملو ليهم المجاري الي هو الواد الحار

خولة2009
01-07-2011, 15:59
اختي يمكن ما عرفتيش تحيدي الكاغيط لانه خاصك مني تبغي تحيديه ما تطلعيش يديك للفوق
وانتي تحيدي
حيديه ويديك تكون في نفس مستوى الكاغيط من لتحت وتحيدي بسرعة ويديك تكون خفيفة
من بعد تدهني بالزيت البابونج على طول ما تسنايش
ومني شفتي الحمورية كان خاصك غير تمشي للتلج وتحطيه عليها مزيااااان ومن بعد كمادات
البابونج ماتكونش سخونة الاهم هو البابونج يطلق في الماء وتعمليها في يديك بارد المكونات دياله
ممتازين للبشرة الحساسة والي تتحمار او لوقعة ليها شي حاجة في يديها او وجها
وعاد من بعد ديري ميبو

الصالونات الكبار في المغرب مني تعملو تنظيف الوجه ومني تحسو انه الوجه ديال البنت ولا حمر
تعملو ليها البابونج على طول قبل ما تنوض تشوف وجها في المراية لانه تهدي الاحمرار بسرعة


عارفة اختي زبلتها بس شندير الزربة اما شلت مزيان المكلة كانت عندب فاليد اليمنى النثير منترتش مزيان وبقيت نعاود عليه ختى طابت البلاصة
وراني عتقتها درت الثلج
ودرت بيافين لكن داك شحطات كيحرقوني مرة مرة مزال ولبارح درت عاود البومادة ربي كبير انا قاع ممولفالية قاع مكنتيق فالشمع بس ش ندير

مانينة
01-07-2011, 16:00
البنات اشنو رايكم في كلمة الخضوع للزوج والفرق بين فهمه وتطبيقه في المغرب وفي الخليج السعودية خصوصا هدا سؤال طرحتو عليا جارتي سعودية جاوبتها ولكن قلت علاش ما ناقشوهش اهنا لانى من جيت وانا نفكر صراحة موضوع من كتر تفكيري طير عليا النعاس
انا غادي نفكر فيه مزيان ونجي نتناقش معاك وما تغلبينش
راني ماشي قدك انا غير على قد الحال

مانينة
01-07-2011, 16:03
بالعكس سمك الفيلي نقي ماشي بحال هداك الي في المغرب نقولو ليه البوري وانا سبق جبته من السوق تيكون مجمد وخاصك تعرفي ان اسماك البحر الاحمر من احسن الاسماك وانا شفت سوق جدة ديال الاسماك راهم كيجبوه طازج من البحر لانه اصلا جدة ما فيهاش المجاري هده الشي علاش كل عام كتغرق عاد بداو يعملو ليهم المجاري الي هو الواد الحار

هنا تتباع عندنا غير في هيبر بنده تجيبوه من خارج الدولة والناس ما تتشكروش هادشي علاش قلت ليك هادشي
وسعداتكم مني عندكم تتباع زوين وغزال حنا مساكن الي تشهى الفيلي ما تايكلوش
ولكن البنقلة موجود فيها الحوت طازج ديال النهار ولكن الفيلي ما كاينش

خولة2009
01-07-2011, 16:06
ام مراد ميحتاج العيون راه مهتمين غي بالمسكات خودي من عند البيضانيات راه مشاء الله فيه كثير كان عندي كتاب غي ديال المسكات بس قليل لي عقلا علية
ممكن تكوني عارفة ديالة تبريمة ديال الحناء والحلبة والحمص والروز والبيض والفرماج راه زيونة
وعندك خودي الصابون البلدي للرجلين زيدي عليه التحميرة وديريهم رجلك وجمعي بالبلاستيك خليهم شي 2 ساعات
الوجة الخيار محكوك مع نيدو كثير كاين

مانينة
01-07-2011, 16:06
عارفة اختي زبلتها بس شندير الزربة اما شلت مزيان المكلة كانت عندب فاليد اليمنى النثير منترتش مزيان وبقيت نعاود عليه ختى طابت البلاصة
وراني عتقتها درت الثلج
ودرت بيافين لكن داك شحطات كيحرقوني مرة مرة مزال ولبارح درت عاود البومادة ربي كبير انا قاع ممولفالية قاع مكنتيق فالشمع بس ش ندير

حاسة بيك الحبيبة خصوصا الانسان مني تكون زربان يزرب ما يعقل لانه كانت جراتي ليا حتى انا ووليت ندير لاسير
على تيساع وفي وقت نكون مسالية فيه غير هي الي تكون عندي في هذاك النهار
الله يشافيك اختي وما تشوفي باس

سهرانة
01-07-2011, 16:08
البنات شكون عندها شي ماسك فاعل تارك للرجلين والجسم من بعد الولادة عتقو الرووووووووووووح

اختى انتى باقية نافسة ما عليك غير بالدلكة اما الحمام والماسك ما نصحكش بيه لانه غادي تجلسي عريانة ويدخلك البرد دابة عملي غير الدلكة راه بحال التقشير حتى تكملي النفاس عاد بداي في الحمامات والماسكات
والدلكة راه ماشي شرط تحترمي مقادرها كل مرة واش تعملي ركزي غير على الكريشة
بحال الحمص والفول والترمس والعدس والارز طحنيهم ولكن ماشي طحين ناعم بزاف
حطيهم في طاسة وزيدي عليهم ملعقة الملحة الحية راك باقية في المغرب تلقايها
وزيدي قشور برتقالة وقشور ليمونة وعجنيهم بالماء ورد وفرشي واحد السفرة كبيرة ولا ايزار اكبير وبلا ما تبللي لحمي غير سدي السراجم ما يجيكش البرد وبداي ادهني وتحكي بشكل دائري فاش تكملي دوشي وتبخري بالخزامة وعملي طريقة ام محمد ديال الراس
والا كان راجلك ما عندكش مسافر ممكن تعملي الحنة خلطي معها ايازير والزعفران زغبة تكوني مدوباه في الماء قبل واتاي حبوب مطحون والعكر الفاسي وشوية الداد ودهني لحمك هده حتى تكملي النفاس وتبغي تمشي للحمام وعجني الحنة بالماء دافي ولازم تكوني في شي بلاصة ما يجيها البرد ايوة دهني لحمك كله وفاش تنشفي بلا ما تغسليها غير بشي شيفون مسحي لحمك مزيان ولبسي شي حاجة ما باغياهاش والنهار الاخر عاد سيري الحمام

مانينة
01-07-2011, 16:09
الذين يشاهدون الموضوع الآن: 12 (9 من الأعضاء و 3 زائر)

مانينة
ماسة
ghizlane-2009
خولة2009
nissal
om mourad
سهرانة
غريبه في بلد عر
طنجاوية.

جالسين على العقووووووبة

مانينة
01-07-2011, 16:11
الدكتورة ام رشى الحمد على سلامتك اختي ونتمناو ليك طيب المقام في السعودية

سهرانة
01-07-2011, 16:14
[quote=مانينة;3647025]هنا تتباع عندنا غير في هيبر بنده تجيبوه من خارج الدولة والناس ما تتشكروش هادشي علاش قلت ليك هادشي
وسعداتكم مني عندكم تتباع زوين وغزال حنا مساكن الي تشهى الفيلي ما تايكلوش
ولكن البنقلة موجود فيها الحوت طازج ديال النهار ولكن الفيلي ما كاينش[/quote
اختى راه احنا في المدينة ماكاينش عندنا البحر غير قلت لك فاش نزلت جدة شفته طازج وهنا راه كاين في السوق ديال الاسماك ولكن انا ما عمرني اخديته كنجيبو مجمد كنعملو للوليدات كيعجبهم كنعملو بحال ديال البيك وهده طريقته الي بغات تعملها كنشد الفيلي ونرقده في الماء والحامض على بال يفك التلج دياله كنشد الدقيق ونزيد ليه باربيكا والملح والابزار ونخليه على جنب كنشد بطاطا ليز ونكسرها في ميكتها عاد نحطها في طبسيل والبيض كنخفقوه ونرمي فيه شوية الربيع كنسخن الزيت مزيان عاد نقص النار عليه كنشد القطعة ندوزها في الدقيق عاد البيض عاد بطاطا ليز والا ما كانت عندي ليز كندوزها في الشوفان ونقليه

طنجاوية.
01-07-2011, 16:16
زين الطنجاوي والله العضيم الا تفكرتك فاش طرالي وعيت منتفكر اش قالو ليك البنات بس معقلتش قلت نعتق راسي على الله يمشيو يارب
اما انا والله غي هنا كنخرج شوية نتقدا لي حيدتها علية تحيد تعرفي مع رمضان جاي الواحد يله يتكفا مع الصلاة ونعطيو لربي القوت فهاد الشهر المبارك الله يدخلو علينا وعليكم جميعا بالصحة وسلامة وطولت العمر يارب

ههههههههههههه اوا تفكريني فايام المحاين هههههههه انا بعدا سلمت امري لله صافي اوا الله يعاونك راه السفر كيبغي التوجاد

مانينة
01-07-2011, 16:16
الله يسر ليك كنتي سولتي على من فين تشري هدايا تكون اسعارها مناسبة شوفي فاش تمشي للحرم شوفي جنب البقيع محل ديال مطعم البيك هديك العمارة الي هو فيها كلها محلات تسوق وكاين فيها شي تويشيات هههه زوينين وحتى المحلات ديال الماعن وما عقلتش اي دور كيبيعو فيه الاتواب ديال السودانين ومحل جنبه كيبيعو فيه الاتواب الهندية الساري
اه اختي نفسي نمشي الحرم وندخل الجامع ونزور النبي وتنحس بواحد الراحة مني تندخل للحرم وانا غادية على رجليا
الله الله الله زمان ما مشينا هاد اليومين قلتها لراجلي قالي ان شاء الله نمشو نجلسو جنب الحرم شي 4 ايام
ومنها نشوف المحلات الي قلتي ليا عليها

سهرانة
01-07-2011, 16:19
انا غادي نفكر فيه مزيان ونجي نتناقش معاك وما تغلبينش
راني ماشي قدك انا غير على قد الحال
حاشا اختى راه احتى انا ماشي شي حاجة واعرة راني غير كنتعلم من الجيران والبنات والموضوع راه قلت لكم انا عمرني ما جا على بالي غير جارتي هي الي ناقشتو معايا ولكن فاش جلست مع راسي لقيت فعلا كاين اختلاف بين المغرب والخليج والناس كاين الي تشوف المراة الي خاضعة لراجلها راها دالها وما عندها كلمة وكاين البنات الي هي فعلا خاضعة لراجلها وما تتقولش للاخرين كتشوفو انه مدلة ونقص من كرامتها انا عمرني ما جا على بالي وقلت يمكن كاين بنات بحالي الي ما عمرهم فكرو في الامر وكاين الى حتى معناه ما عارفة اشنو هو

مانينة
01-07-2011, 16:22
[quote=مانينة;3647025]هنا تتباع عندنا غير في هيبر بنده تجيبوه من خارج الدولة والناس ما تتشكروش هادشي علاش قلت ليك هادشي
وسعداتكم مني عندكم تتباع زوين وغزال حنا مساكن الي تشهى الفيلي ما تايكلوش
ولكن البنقلة موجود فيها الحوت طازج ديال النهار ولكن الفيلي ما كاينش[/quote
اختى راه احنا في المدينة ماكاينش عندنا البحر غير قلت لك فاش نزلت جدة شفته طازج وهنا راه كاين في السوق ديال الاسماك ولكن انا ما عمرني اخديته كنجيبو مجمد كنعملو للوليدات كيعجبهم كنعملو بحال ديال البيك وهده طريقته الي بغات تعملها كنشد الفيلي ونرقده في الماء والحامض على بال يفك التلج دياله كنشد الدقيق ونزيد ليه باربيكا والملح والابزار ونخليه على جنب كنشد بطاطا ليز ونكسرها في ميكتها عاد نحطها في طبسيل والبيض كنخفقوه ونرمي فيه شوية الربيع كنسخن الزيت مزيان عاد نقص النار عليه كنشد القطعة ندوزها في الدقيق عاد البيض عاد بطاطا ليز والا ما كانت عندي ليز كندوزها في الشوفان ونقليه

يجي لذيذ تبارك الله الا تصادفت هنا مع الفيلي الي مزيان نجرب الوصفة دياالك خاصني شي نهار
نمشي مع راجلي البنقة -المرصة- ونشوف تما اش تبيعو رغم انه الحريم ما تدخلوهاش تدخلوها
غير الرجال ولكن ممكن شي نهار الا خاوية من الناس ندخل ليها

سهرانة
01-07-2011, 16:25
[quote=مانينة;3647119]اه اختي نفسي نمشي الحرم وندخل الجامع ونزور النبي وتنحس بواحد الراحة مني تندخل للحرم وانا غادية على رجليا
الله الله الله زمان ما مشينا هاد اليومين قلتها لراجلي قالي ان شاء الله نمشو نجلسو جنب الحرم شي 4 ايام
ومنها نشوف المحلات الي قلتي ليا عليها[/quote
اختى الله لا يحرمك من زيارته غير بغيت نقول انهم ما كيخلوش النساء يدخلو مكان قبره عليه السلام هداك خاص غير بالرجال غير الى دخلتي صليتي في الروضة الشريفة ولقيتي شي فرصة دوزي تسصلي وتسلمى عليه انا والله عمرني ما دخلت لها يا رب تكتبها لي حيت ديما كنلقى الزحام والمقاتلة الوقت الي يكون شوية ما فيها زحام مع 9 الصباح واحنا هدا الوقت ما كنمشوش الدراري ناعسين واحنا السهر متعبنا
وغير زربي تعالي قبل يتوسط شعبان راه يعمر بزاف تبارك الله وما تلقاي فين تجلسي علما انه كاين شي جنسيات ياكلو ويرمو ويوسخو الساحة كيبجيبو الفقصة صافي

مانينة
01-07-2011, 16:25
خولة غادي تدوزي رمضان في المغرب سعداتك الله يكمل عليك اختي

سهرانة
01-07-2011, 16:29
[quote=مانينة;3647159][quote=سهرانة;3647107]

يجي لذيذ تبارك الله الا تصادفت هنا مع الفيلي الي مزيان نجرب الوصفة دياالك خاصني شي نهار
نمشي مع راجلي البنقة -المرصة- ونشوف تما اش تبيعو رغم انه الحريم ما تدخلوهاش تدخلوها
اختى الا جيتي المدينة بلا ما تمشي لبندة سيري لكارفور في طريق المطار وديريها حجة لداك المحل تاع الصابون المعطر كاين صابون بالعسل والمسك والورد وكل ما لا يخطر عبى بال ديال العسل عرفتي ادوشي بيه ما تحتاجي لا مزيل عرق ولا عطر يشد في لحمك وحوايجك وراه ينفعك للمنطقة الحساسة كاين حتى بالخزامى راه فاش ادخلي لكارفور تلقايه علي اليمين انا زماااااااان ما مشيت ليه وريحة الصابونة باقية في انفي ما كاينش بحالها فكرتيني فيه والله وراها تنفع هدية ممتازة صابونة المسك لماماك ولا لبابك خصوصا الرجال تعجبهم

مانينة
01-07-2011, 16:30
[quote=مانينة;3647119]اه اختي نفسي نمشي الحرم وندخل الجامع ونزور النبي وتنحس بواحد الراحة مني تندخل للحرم وانا غادية على رجليا
الله الله الله زمان ما مشينا هاد اليومين قلتها لراجلي قالي ان شاء الله نمشو نجلسو جنب الحرم شي 4 ايام
ومنها نشوف المحلات الي قلتي ليا عليها[/quote
اختى الله لا يحرمك من زيارته غير بغيت نقول انهم ما كيخلوش النساء يدخلو مكان قبره عليه السلام هداك خاص غير بالرجال غير الى دخلتي صليتي في الروضة الشريفة ولقيتي شي فرصة دوزي تسصلي وتسلمى عليه انا والله عمرني ما دخلت لها يا رب تكتبها لي حيت ديما كنلقى الزحام والمقاتلة الوقت الي يكون شوية ما فيها زحام مع 9 الصباح واحنا هدا الوقت ما كنمشوش الدراري ناعسين واحنا السهر متعبنا
وغير زربي تعالي قبل يتوسط شعبان راه يعمر بزاف تبارك الله وما تلقاي فين تجلسي علما انه كاين شي جنسيات ياكلو ويرمو ويوسخو الساحة كيبجيبو الفقصة صافي

راه حتى انا تنصلي في الروضة مرة مشيت لقيت الزحام ولكن بقيت تندخل ندخل حتى صليت قريبة ليه راه قاليا راجلي
غنمشيو الاسبوع الجاي سعدات الخالة ام زوجي وعمي كل اسبوع تماك خميس وجمعة وراجلي تقولي روحي معاهم وحتى هما
ديما تقولو ليا روحي معنا وانا تنقول حتى نمشي مع راجلي وياربي يتحقق لينا المنى ونمشيو الاسبوع الجاي
قلت لي راجلي واخا غير يومين المهم نشوف المقام ونصلي فيه

خولة2009
01-07-2011, 16:34
خولة غادي تدوزي رمضان في المغرب سعداتك الله يكمل عليك اختي

لا الحبيبة غادي ندوز هناية غي 20 يوم الاولى ونمشي نكمل لي باقي تم باش نعيد لانو غادي نولد تك الا كتبها الله؟

سهرانة
01-07-2011, 16:35
ايه اختى صلي وادعي راه الروضة من رياض الجنة الله لا يحرمنا منها وحتى الا ما دخلتي الاعمال بالنيات خلي ولادك عن باباهم وتزاحمي دخلي وسيري لمسجد قباء راه صلاة فيها تعادل عمرة

مانينة
01-07-2011, 16:36
[quote=مانينة;3647159][quote=سهرانة;3647107]

يجي لذيذ تبارك الله الا تصادفت هنا مع الفيلي الي مزيان نجرب الوصفة دياالك خاصني شي نهار
نمشي مع راجلي البنقة -المرصة- ونشوف تما اش تبيعو رغم انه الحريم ما تدخلوهاش تدخلوها
اختى الا جيتي المدينة بلا ما تمشي لبندة سيري لكارفور في طريق المطار وديريها حجة لداك المحل تاع الصابون المعطر كاين صابون بالعسل والمسك والورد وكل ما لا يخطر عبى بال ديال العسل عرفتي ادوشي بيه ما تحتاجي لا مزيل عرق ولا عطر يشد في لحمك وحوايجك وراه ينفعك للمنطقة الحساسة كاين حتى بالخزامى راه فاش ادخلي لكارفور تلقايه علي اليمين انا زماااااااان ما مشيت ليه وريحة الصابونة باقية في انفي ما كاينش بحالها فكرتيني فيه والله وراها تنفع هدية ممتازة صابونة المسك لماماك ولا لبابك خصوصا الرجال تعجبهم

علاه عندكم كارفور في المدينة ما كنتش عارفاها اول مرة نسمعها منك ان شاء لله نمشي نشوفو وان شاء الله نشوف
المحل الي قلتي عليه بارك الله وفيك
سهرانة راني غادي نخرج دابة وان شاء الله لنا لقاء بخصوص الموضوع للمناقشة
الله يحفظ ليك الوليدات

مانينة
01-07-2011, 16:37
ايه اختى صلي وادعي راه الروضة من رياض الجنة الله لا يحرمنا منها وحتى الا ما دخلتي الاعمال بالنيات خلي ولادك عن باباهم وتزاحمي دخلي وسيري لمسجد قباء راه صلاة فيها تعادل عمرة

الله لا يحرمنا منها يارب يارب

الله يسترها معاك دنيا واخرة اختي سهرانة

سهرانة
01-07-2011, 16:38
ربي يخليك مانينة حتى انا غادي نخرج وحتى انتى ربي يحفظ ليك الواليدات خولة الله يسهل نزولك للمغرب ويسهل عليك الولادة راه وسط اهلك احسن بزاف واخة تجي ماماك اهنا خاطرك ما تتبردش بحال المغرب

سهرانة
01-07-2011, 16:40
خولة ما تنسايش حقنا من الشكلاط والحلاوة ديال البيبي عقلتو البنات على الفانيد الي مصور فيه ماكانة كيجي بالالوان ههههه بلا ما نكلف عليك خولة انا بغيت غير الشكلاط

ام مراد 2
01-07-2011, 17:33
لا الحبيبة غادي ندوز هناية غي 20 يوم الاولى ونمشي نكمل لي باقي تم باش نعيد لانو غادي نولد تك الا كتبها الله؟
اله يكمل بخير هي الولادة هنا ان شاء الله قوليلي بحالاش ناخد ايميلك اولا نعطيك ايميلي ...شكرا عل الماصكات ازين دابا انديرهم بحول الله

شيهانة
01-07-2011, 17:33
السلام عليكم و رحمة الله تعالى و بركاته
اش خباركم الغزالات و اخبار مولاى داركم ووليداتكم ان شاء الله و بادنه تكونوا بالف خير و صحة و عافيه و ربي ينجيكم من كل شر و من هوام و يحفضكم و يصونكم و يهني بالكم و ينور قلوبكم و يفرج هم كل مكروب في هد الجمعة المباركة
والغزلات الي دابة وصلوا السعودية مرحبى بهم و حمد الله على سلامتهم و ان شاء الله يعطيهم خير هدا البلاد و يبعد عنهم شرهم و يلاقيهم بمن احسن منهم خلق
و حبابات الي ناويين ينزلوا المغرب طريق السلامه بادن الله و يمشوا و يرجعوا لينا سالمين غانمين (شحال قدك اختي من هديا الي خاصك تنزلي معك الله يكون في عونك)
و الانيقات الحاملات الي يخخف عنهم الثقل و يحفضالي في بطونهم و يصلح دريتهم
و الي متواجدة الله يسعدهم و يريح بالهم من ثقل الحياة
و تنشكررررا بزززززاف و جزا الله خيرا كل الي تدعي معي و ان شاء الله في ميزان حسناتكم
و ان شاء الله بغيت نعطيكم صراحة قناع للبشرة الدهنية و ان شاء الله يفيدكم............

ام مراد 2
01-07-2011, 17:36
اختي سهرانة شكرا عل الخلطات الرائعة الوالدة حدايا وقلتليها اشنو كتبتي قاتليك تبارك الله عليك الله يحفظك عجبوها بزااف اكيد نبدا يهم ن اليوم انشاء الله

شيهانة
01-07-2011, 18:02
السلام عليكم و رحمة الله تعالى و بركاته
شوفوا الغزالات بغيت غير نقول لك عن كم قناع مزيان للوجه و نبدى بالدهنية من اول خطوة الى اخرها و ان شاء االله يعجبكم مزيان
اولا اتاكدي ان بشرتك دهنية ماشي نوع تاني و باش تعرفيها اكيد اختي الغزالة تعرفي بس ماعليه الي تفلسفت شي شويه ههههههه
البشرة الدهنية هو انك لما تصحين من النوم تلاقيه كله مدهن و يلمع و فيه رؤوس سوداء على مستوء الانف و الدقن و الجبهة و احيانا الخدود
و في بزاف بنات تكون بشرتها دهنية تمشي تستخدم كريمات او اقنعه للبشرة جافة على ااساس بشرتها تولي جافة و بكدا تكون انقلبت الايه من دهني لجاف يعني ما دارت والو غير عدبت وجهها و خلاص الاهم تاخد الكريمات او الاقنعة للبشرة الدهنية مشان تخلق توزان في هرمونات البشرة
المهم اليط الطريقة
لازم منضف او غسول للبشرة الدهنيه بالنسبة غير طبيعي فيه منظف كلين كبير للبشرة الدهنية مرة فضيع للبشرة
او غسلي وجهك بصابون الطاووس العادس الخالي من اي مواد
2 قناع للتقشير
تاخدي حبة طماطم و تسلقيها و تاخدي فقط عصيرها مصفي (حبه صغيرة)
حبة بطاطة تسلقيها و تدعكيها مزييان لحين تصير مثل الزبدة (حبة صغيرة)
تخلطين الخليط مع بعض اوكي و تحطين الخليط على وجهك كله و رقبتك لانها من الوجه
و تاخدي شرائح الخيار مرقدة في ماء ورد طبيعي
و تنسدحي على ضهرك وارفعي رجولك للفوق بشكل مريح و حطي شرائحعلى عينيك و شغلي لك القران و استرخي مرررررررررررةو انسي كلش الكوزينة و الصابون و ولادك وووو
المهم بعد ربع ساعه حتلاقي القناع شد علة وجهك لا تحاولي تسوي اي حركة مثلا تفتحي فمك او تحكي لالالا ابدا لانها غلط
بعدين خدي لك كسرونة فيها ماء سخونة بزاف و حطي فيها اي عشبة عندك بابونك او زعتر نعناع
حطي فوطة فوق راسك و من تحت الكسرونه اكيد اغلبكم عارفين الطريقة و شوي شوي غادية تشوفي القناع با يلين يلين لا تخليه يلين بزاف لا غير شوي
هنا تيجي عمليه التقشيربشكل صحيح
ادفركي وجهك باطراف اصابعك بشكل دائري من فوق الى تحت على شكل دائرة و بلطف تام و مرري على دقنك و جبهتك يمين يسار يسار يمين
اما رقبتك ابدائ من تحت و انتي طالعه ىلفوق لان بطريقة هدي تحاولي تخلي الاعصاب لفوق ماشي تنزليها لتحت
المهم كملتي التقشير gommage
تاخدي ماء ورد و مسحي به وجهك كله و رقبتك و عينيك وحاولي تشيلي الرؤوس سوداء بشويش بلا ما تجرحي وجهك
وخدي لك عصير ليمونة ماشي حامض لان الفيتامينC مزيان للبشرة الدهنية و بالاخص الي فوق 30 مع النشا و الحليب الصافي و حطيهم و بعد ما ينشف حاولي تشيلهم بلطريقة هدي
ماء دافي و ماء مثلج
مرة مثلج و مرة بارد
و في الاخير مسحي باماء ورد مزيان وجهك
وخدي لك ثلج حطيه في كيس او ثلجة لحالها الا قدرتي تتحكلي برودتها و بداي تمشيها على وجها بشكل دائري مثل ما كنتي تتديري في التقشير في الاول غادي يلسعك و يتجمد وجهك ولكن بعدين راح تشوفي وجهك مورد ماشاء الله عليه و بالهنا عليكم

شيهانة
01-07-2011, 18:06
نسيت نقول لكم
وقت الي تستخدموا هدا القناع او اي قناع او حتى الى كنتم توكم طالعين من الحمام المغربي
لا تحطوا والووووووووووو على وجهكم لا كريمات و لا اقنعه و لا اي شي لانه مضر للبشرة
استنوا لحين ساعه او ساعتين ومن الافضل طول اليوم و بعدين حطي الي تبي على وجهك
بالنسبة لكريم الاساس فيه كريم انا شخصيا تنستخدموا طبيعي وزوين و يغطي كل عيوب البشرة و شوي منه يكفي
اسمه ديرماكول را فيه حسب درجة و نوعية البشرة صراحة من داك شي يرجع وجهك مراية
اهم شي حسن الاختيار

شيهانة
01-07-2011, 18:12
البنات
اي وحده باغت تغير لوك ديالها من صبغ او قص او صبغ او ديفرساج (الفرد) و بغات النصيحة و الطريقة خطوة خطوة تقولي و انا على راس الخدمة
و الله يوفقنا للخير

المغرب عزوتي
01-07-2011, 20:13
شيهانه اهلا وسهلا الحبيبه اش خبااركم

هاي هاي اليوم راكي باغا تضاااربي هههههههههه

كيفاش قاليك راسك زعما تحطي للبشره الدهنيه وتنساي المختلطه والجافه

البنات اليوم انا باغا خدمه منكم الله ينور طريقكم ويسهل امركم
انا جات فتره تنمشي المسبح حيث اختكم تتسطى عالعومان وراكم عارفين مع شمس ديال السعوديه ماشاء الله بارده جسمي تحرق وياريت برونزاج لا والله سمر حيث انا بيضا
ومن ما بقيتش نمشي للمسبح رجع ليا السمار بحال الصفووريه نتمنى تعطيوني ماسكات للجسم تكون ساهله ونتايجها روعه حيث اختكم من جات هنا ولات معقازه استغفر الله
شيهانه يالله قدامي حطي خلطاات الزين
البنات كلهم خوله وام مراد ومانينه وام منال وشكون عوتاني ياربي تنسى النكات كلكم فردا فردا زنقه زنقه في المغرب والسعوديه تنسلم عليكم

سهرانة
01-07-2011, 20:27
المغرب عزوتي ضحكتيني اضحك الله سنك هههههه اختى راه المسبح اهنا ماشي بحال راه الماء كله كلور وغير معالج في نظري ما تنفعك غير الحنا والسدر والله اعلم

سهرانة
01-07-2011, 20:30
شيهانة تبارك الله عليك وجعلها في ميزان حسناتك يا رب اختى بغيت نسولك اشنو احسن ترطيبة متوفرة اهنا عرام البنات كل عام يطلبوها مني في المغرب قال ليك تاع اهنا احسن من الي في المغرب اختى انا شعري رطب ولكن ملفلف او ولفت على الجل خصوصا مع الصيف اشنو احسن جل مر عليك

سهرانة
01-07-2011, 20:34
اختى واحد السيدة كوافورة في المغرب وبغات الكيراتين للفرد صاحبتي هنا قالت لي عندها البرازيلي ولكن كيفاش نعرف انه اصلي حيت بغيت ناخد كمية للكوافيرة الي في المغرب والا كنتي عرفي شي محل في جدة دليني عليه في المدينة كاين العسلي ممتاز ولكن على ود الشحن من جدة يكون احسن
على فكرة البنات الي بغات ترسل شي حاجة للمغرب بحال الات تقيلة ولا اي شئ راه تمشي لمناء جدة ولا المطار راه تشحن وتخلص عليها وراه توصل ما ضيعش بادن الله انا عمرني ما رسلت غير واحد السيدة دلتني على طريقة والي عندها معلومات اضافية تدلني حيت السيدة الى نعرف كوافيرة وباغية مجموعة اشياء من هنا

ام مراد 2
01-07-2011, 20:59
شيهانه اهلا وسهلا الحبيبه اش خبااركم

هاي هاي اليوم راكي باغا تضاااربي هههههههههه

كيفاش قاليك راسك زعما تحطي للبشره الدهنيه وتنساي المختلطه والجافه

البنات اليوم انا باغا خدمه منكم الله ينور طريقكم ويسهل امركم
انا جات فتره تنمشي المسبح حيث اختكم تتسطى عالعومان وراكم عارفين مع شمس ديال السعوديه ماشاء الله بارده جسمي تحرق وياريت برونزاج لا والله سمر حيث انا بيضا
ومن ما بقيتش نمشي للمسبح رجع ليا السمار بحال الصفووريه نتمنى تعطيوني ماسكات للجسم تكون ساهله ونتايجها روعه حيث اختكم من جات هنا ولات معقازه استغفر الله
شيهانه يالله قدامي حطي خلطاات الزين
البنات كلهم خوله وام مراد ومانينه وام منال وشكون عوتاني ياربي تنسى النكات كلكم فردا فردا زنقه زنقه في المغرب والسعوديه تنسلم عليكم

السلام عليكم كيف الحال كيدايرة مع شي عومان هي الاخت رياضية من داك الشي ههههه وملي جيتي اداوي اعكزتي واختك اكتر منك فالعكز واخة كلشي يكون مقاد ولكن الله يجيب اللي يديرو الله يهدينا بالنسبة للكحولية ديال الشمس والماء مغتلقاي احسن من الحنة كيما قالت سهرانة زيدي عليها البابونج والخرقوم واطلي جلدك وديريها مرة فالسيمانة حتى تشوفي الكحولية لون الحناء قرب يزول كوني موجدة شي بواطة مخلطة فيها صابونة مبشورة حامضة مسلوقة بقشورها نص كاس زيت العود نص كاس ماء ورد .1جلسوليد خلطي العناصر فمولينكس الا جليسوليد حتى الاخر ملي ديري الخليط فالبواطة عاد اضبفبها وابداي طلي يوميا متوصليش الاماكن الحساسة وماتبينيش جلدك للشمس نهار ورا نهار تبان النتيجةوتفكريني

ام مراد 2
01-07-2011, 21:04
كاينة وحدة اخرى بالحق لقيتهاليك فالمنتدى وباين عليها زوينة


خلطة رااااااائعة كتصفي الجسم و ترطبو:





الصابون البلدي - النوع المزيان كيكون لونو بني غااامق-


الحنة ديال الجسم


الحلبة مطحونة


الخرقوم البلدي


الغاسول الابيض -ديال البشرة-


عصير حامضة


ماء الورد


قليل من حليب نيدو غبرة


و المقادير عينك ميزانك , غير شوية شوية من الحاجة و الجهد ديال استعمال واحد


لان مايصلاحش تبقى لمرة اخرى


مللي تمشي للحمام و تغسلي


يعني متعمليهاش قبل ماتحكي لكن من بعد متكون البشرة نقية عمليه ماسك للجسم و يقاي شي 10 د

سهرانة
01-07-2011, 21:08
تبارك الله عليك ام مراد الحنا زوينة بزاف ولكن كنعجزو نديروها ما فينا للروينة حتى احنا ولينا كلشي بالزربة اختى بالنسية للخرقوم راه عند العطار تلقاي الكركم الهندي للجسم راه ممتاز

ام مراد 2
01-07-2011, 21:10
البنات كاينة واحد القصة زوينة قريتها عند الاخت ام سارة فمنتدى الحياة الزوجية بغيتكم تشوفوها واخة طويلة ولكن كتبين معاناة بعض النساء وراها مثيرة ومشوقة كتحسي براسك جزء من الاحداث ونزيدكم واقعيةhttp://www.anaqamaghribia.com/vb/showthread.php?15585-حكايتي-مع-زوجي-و..عشيقته....(قصة-واقعية)

سهرانة
01-07-2011, 21:11
البنات الي تشي للمسبح وبغات تعوم مع راسها كاين واحد الحاجة وهي دهني جسمك او وجهك وحتى شعرك بالفازلين راه كيعمل طبقة عازلة مايخلي الماء ياتر على الجسم قالتها لي وحدة جزائرية غير ما عرفت واش تحملو الفازلين هههههههه وعنداك تحطيه لرجليك لا تمشي تزلقي شي زلقة ما تشديها حتى القاع تاع المسبح ههههههه

سهرانة
01-07-2011, 21:15
البنات كاينة واحد القصة زوينة قريتها عند الاخت ام سارة فمنتدى الحياة الزوجية بغيتكم تشوفوها واخة طويلة ولكن كتبين معاناة بعض النساء وراها مثيرة ومشوقة كتحسي براسك جزء من الاحداث ونزيدكم واقعيةhttp://www.anaqamaghribia.com/vb/showthread.php?15585-حكايتي-مع-زوجي-و..عشيقته....(قصة-واقعية)
ام مراد واقيلة الراجل مسافر عليك عايشة الدراما مع راسك اختى اعطيني شي نكات ولا شئ حاجة تفرح راه الغربة ما مخليا لينا كانة نعيشو احدات شي قصص مؤلمة من كترة ما كنسمعو ولينا نتهربو واخة تيقولو الي شاف هموم الناس ينسى هموحتى تكون الكانة مزيانة وندخلو نقراو اش كاين تمة
ام مراد راك نافسة ردي بالك تبقاي تقراي المواضيع المؤلمة لانك نافسة والمراة النافسة غرضة للاصابة باكتئاب ما بعد الولادة

ام مراد 2
01-07-2011, 21:16
شكون عارفة حاجة مزيانة للشعر المجعد والجاف ومتقولوش الترطيبة راها عياتني بالحق الترطيبة تاع المغرب واش كاينة شي حاجة مزيانة فالسعودية عتقو ختكم لا تبدا تغطي بالزيف ههههه

سهرانة
01-07-2011, 21:22
ام مراد استنى تدخل شيهانة راه خبيرة تبارك الله حتى انا سولتها شوفي الشعر المعد اهنا راه كاين ماسكات
وممكن تعملي خلطة الزنجلان تشدي الزنجلان وطحنيه وخلطي معه دانون مسوس وكع الزيوت المرطبة زيت العود زيت السمسم زيت اللوز ودهني شعرك وانتى بحال كتعملي الترطيبة خطيه ببلاستيكة ولبسي طاقية فوقها راه غادي يقساح ما تخافيش من تكبي الماء راه غادي يحل بسرعة
هده راه طريقة ديال وحدة سودانية

المغرب عزوتي
01-07-2011, 21:26
سهرانه وام مرااد راكم مقشبين مع راسكم عليااا ههههههههه ايوا نزيدكم يا لالا الاخت ماشي زعما زعما رياضيه غير
راكم عارفين مع حنا في مغرب نشااط فياق بكري ومن طبعيتنا جسم خدام مع تحنيه الجفاف والكراطه ودروج وتمشي السوق تجيبي الخضره
وايضا اللي كانت خدامه ومن تتجي هنا سبحان الله شي عجيب غريب كثره النعاس وما تتشبعيش ديماا حاسه راسك باللي عيانه وباغا غير تكاي
وخمول وكسل بلى فايده انا بعدا غادا نتسطى والوزن ما صدق يتزاد شويه شويه حتى ولا صعود صاروخي قلت جالسه جالسه خلني نمشي لاصال
وحيث السباحه تتحرق اكثر من ايروبيك قلت نديرها ولكن جبتها في راسي ....منعرف اش غاي ندير مع عجز دابا ولفت رياضه خصني نولفي ندير خلطاات
توحشت الحمام ديال مغربي هنا تعياي ما ديري فيه ماشي بحال من تدخلي بيت السخون وتفركك الكساله وتبجدي وتديري غاسول والحنا
خخخخخخخخخخخخخخخخخخخخخخخخخ
يارب يقدرني على الخلطات دعيو معاي ربي يبعد على العقززز

المغرب عزوتي
01-07-2011, 21:28
ام مرااد انا سمعت من سعوديات باللي كاينه ترلاطيبه تتجي من مغرب طبيعيه للشعر ومعروفين فيها بنات الجنوب
بحال اللي شفت شي وحده هنا من العيوون ياريت تفيدنا واش كاين بصح هاذ شي ولا لا
ماعمرك فكرتي في قطران يختي على ما زويناتو تيرطب الشعر
منعرف امتى تدخل شيهانه هاذ الايام قتلاتني القشره مع قبل ما نمشي لاصال ندوش ومن نرجع ندوش قتلت شعري بالما ولا يطيح اكثر من قياس وقشره

ام مراد 2
01-07-2011, 21:34
ام مراد واقيلة الراجل مسافر عليك عايشة الدراما مع راسك اختى اعطيني شي نكات ولا شئ حاجة تفرح راه الغربة ما مخليا لينا كانة نعيشو احدات شي قصص مؤلمة من كترة ما كنسمعو ولينا نتهربو واخة تيقولو الي شاف هموم الناس ينسى هموحتى تكون الكانة مزيانة وندخلو نقراو اش كاين تمة
ام مراد راك نافسة ردي بالك تبقاي تقراي المواضيع المؤلمة لانك نافسة والمراة النافسة غرضة للاصابة باكتئاب ما بعد الولادة

متقوليش ليا اختك خاصها غير السبة وتخلع مبقالي غير الاكتئاب نسال الله السلامة والعافية الله يحفظك عل هاد المعلومة راه غير اليوم الراجل ناعس والدري ناعس الدار كلها ناعسة امكرعينها كسكسو هههه ختك بدات تتقلب طاحت فهاد القصة الله يحفظ الجميع ولكن متكون غير خاطرك الطرائف موجودين
بالحق بحال الا سمعت ان النكت حرام ....حديث الرسل عليه لصلاة والسلام...لعن الله الكذب ولو كان مزاحا ....والله تعالى اعلم اللي عارفة شي حاجة تفيدنا الله يجازيكم بخير ولكن الطريفة اللي كتكون واقعية ممنها باس

المغرب عزوتي
01-07-2011, 21:37
بصحتكم يا لا لا الكسكسو واخا ما عرضتي ما واللو
بخصوص النوم قاع هاكاك غير ياكل ويتجبد ينعس يجيب ليا الكابه ماشي بحال بالمغرب
كنا ناكل ونتمشاو ولا غير نجلسوا العصريه ولا نمشيو لخدمتنا

ام مراد 2
01-07-2011, 21:48
سهرانه وام مرااد راكم مقشبين مع راسكم عليااا ههههههههه ايوا نزيدكم يا لالا الاخت ماشي زعما زعما رياضيه غير
راكم عارفين مع حنا في مغرب نشااط فياق بكري ومن طبعيتنا جسم خدام مع تحنيه الجفاف والكراطه ودروج وتمشي السوق تجيبي الخضره
وايضا اللي كانت خدامه ومن تتجي هنا سبحان الله شي عجيب غريب كثره النعاس وما تتشبعيش ديماا حاسه راسك باللي عيانه وباغا غير تكاي
وخمول وكسل بلى فايده انا بعدا غادا نتسطى والوزن ما صدق يتزاد شويه شويه حتى ولا صعود صاروخي قلت جالسه جالسه خلني نمشي لاصال
وحيث السباحه تتحرق اكثر من ايروبيك قلت نديرها ولكن جبتها في راسي ....منعرف اش غاي ندير مع عجز دابا ولفت رياضه خصني نولفي ندير خلطاات
توحشت الحمام ديال مغربي هنا تعياي ما ديري فيه ماشي بحال من تدخلي بيت السخون وتفركك الكساله وتبجدي وتديري غاسول والحنا
خخخخخخخخخخخخخخخخخخخخخخخخخ
يارب يقدرني على الخلطات دعيو معاي ربي يبعد على العقززز
اميين الزين الله يقدرك وغيلا ديري الهمة فراسك ونوضي عري عل كتافك هههه والا كان عل الغلض احنا فالهوا سوا ان شاء الله يتقاضى النفاس ونبدا نحرق الشحمة الله يعينااجي بعدا نسولك لاصال تيعاودو عليه غالي فالسعودية انتي بشحال داخلاه

ام مراد 2
01-07-2011, 21:58
ام مرااد انا سمعت من سعوديات باللي كاينه ترلاطيبه تتجي من مغرب طبيعيه للشعر ومعروفين فيها بنات الجنوب
بحال اللي شفت شي وحده هنا من العيوون ياريت تفيدنا واش كاين بصح هاذ شي ولا لا
ماعمرك فكرتي في قطران يختي على ما زويناتو تيرطب الشعر
منعرف امتى تدخل شيهانه هاذ الايام قتلاتني القشره مع قبل ما نمشي لاصال ندوش ومن نرجع ندوش قتلت شعري بالما ولا يطيح اكثر من قياس وقشره
سمعت اختي هديك الهضرة لقيتها وحدة مغربية كتبيع للسعوديات ترطيبةwella street ديال 600 ريال مغربية ب 150 ريال سعودي يعني 300 درهم وهي عادية كاينين ماركات احسن منها الله المستعان بالنسبة للقشرة كاينة واحد الوصفة انا مجربها تمشي القرة مباقاش تشوفيها...خودي ليك شوية الخل مع قطيرات الحامض ودلكي بيهم فروة الراس من بعد متكوني اغسلتيه بالشامبو وخليهم شوية وغسلي راسك الله يعينك

ام مراد 2
01-07-2011, 22:05
سهرانة هاهي اختي واحد الطريفة الله يغفر لينا هدهدا واحد البوليسي تاع الطريق النهار كلو ما صور والو تلفلوس. ملي قرب يسالي الخدمة وقف واحد الطوموبيل راكبة فيها مرى. قاليها عندك لوراق قالتلو عندي. البولات خدامين قالتلو خدامين..... الحاصول بقا تيسولها غير باش يدخلها و تدور معاه و هي كلشي عندها 5/5. ملي شاف راسوا غدي يضيع قال ليها عندك المسجالة قالتلو عندي. قال ليا واحد البوليسي تاع الطريق النهار كلو ما صور والو تلفلوس. ملي قرب يسالي الخدمة وقف واحد الطوموبيل راكبة فيها مرى. قاليها عندك لوراق قالتلو عندي. البولات خدامين قالتلو خدامين..... الحاصول بقا تيسولها غير باش يدخلها و تدور معاه و هي كلشي عندها 5/5. ملي شاف راسوا غدي يضيع قال ليها عندك المسجالة قالتلو عندي. قال ليها عندك الداودي جاوبتوا عندي و هو يقول ليها تلقيه. ملي تلقاتو البوليسي بدا تيشطح و قال ليها علقي لخوك

ام مراد 2
01-07-2011, 22:11
أحوال النساء
اقسم رجل أن لا يتزوج حتى يستشير مائة إنسان وذلك نظرا لما قاساه من النساء.. فاستشار تسعة وتسعينا وبقي واحد فخرج يسأل من لقيه وإذا بمجنون قد اتخذ قلادة من عظام وسود وجهه وركب قصبة كالفرس.. فسلم عليه وقال له: أريد أن أسألك عن مسألة أرجوك الجواب عليها. فقال له: سل ما يعنيك وإياك أن تتعرض لما لا يعنيك.. قال له: إني رجل لقيت من النساء بلاء عظيما.. وآليت على نفسي أن لا أتزوج حتى استشير مائة إنسان وأنت تمام المائة فماذا تقول؟ فقال: اعلم أن النساء ثلاث.. واحدة لك وواحدة عليك وواحدة لا لك ولا عليك.. أما التي لك فهي شابة جميلة لم يعرفها الرجال قبلك.. إن رأت خيراً حمدت وإن رأت شراً سترت. وأما التي عليك فامرأة لها ولد من غيرك فهي تنهب مالك وتعطي ولدها، ولا تشكرك مهما عملت معها. وأما التي لا لك ولا عليك.. فهي امرأة قد تزوجت غيرك من قبلك فإن رأت خيراً قالت هذا ما نحب.. وإن رأت شراً حنت إلى زوجها الأول.. وهذا هي أحوال النساء شرحتها لك فاعلم وإن شئت أن تتزوج فانتقي من خيرهن وإلا فلا. قال: ناشدتك من أنت..؟ قال الرجل المتمم للمائة: ألم اشترط عليك ألا تسأل عما لا يعنيك..؟
أحسن النساء
سئل أعرابي عن أحسن النساء فقال: أطولهـــــــن إذا قــــــامت وأعظمهــــن إذا قعــــدت وأصدقهـــــن إذا قـــــالت التي إذا غضبـت.. حلمت وإذا ضحكــت.. تبسمــت وإذا صنعـت شيئاً جودته التـي تـلـــــــــزم بيتـــــها ولا تعصـي زوجــــــــها العــزيــزة فــي قومــــها الذليلـــــــــة في نفســــها الـــودود الــــــولــــــــود وكــــل أمرها محمـــــود
قالوا في الغزل
هدير البحر بعينيها.. ولهيب الجمر بخديها..وصفاء التبر بشفتيها.. نسيم الفجر برقتها.. واللؤلؤ معدن فكيها.. والسكر بطن كفيها.. إن مرت شعشعت الأنوار..أو هلت أزهرت الأغصان..أو أنست غردت الأطيار.. فيها من سحر الشرقية.. فيها من فن الغربية سبحان الخالق ما هي انس في صورة حورية..ملك في حلة إنسية.. نور في بحر الأبدية.. فلئن مت ووافاني الحين.. من بعد ثلاثة أو يومين فلقد قتلتني بالرمشين.. ذات العينين الساحرتين..
هل تعلم
أن المرأة المتزوجة تعيش اكثر من المرأة العازبة.
أن جمال المرأة يزداد كثيرا جدا بعد الزواج.
أن تأثير المرأة في تغير تاريخ العالم اكبر من تأثير الرجل.
أن لون بشرة المرأة يتوقف كثيرا على حالة معدتها.
أن الرجل اكرم من المرأة.
أن حب المرأة أدوم من الرجل.

المغرب عزوتي
01-07-2011, 22:13
اختي ام مرااد بخصوص النوادي الرياضيه على حسب المنطقه اللي انتي فيها الا كانت جده راه كاين الرخيص والغالي والا كانت الشرقيه خصوصا الخبر
غالي اختي على قله الفايده انا داخله على حساب شركه راجلي والحمد لله دابا ليا 4 اشهر ولفتها الرياضه شوفي الجمعه ماكايناش لاصال ونضت فكيت اليوتيوب
وتبع واحد مدربه كنديه قسم بالله اختي ام مراد الا وليت نقطر بالعرق احسن من لاصال درت رياضه ساعه ودوشت بالماء البارد ونعست الا بغيتي الرابط نرسلوا ليك راه يفيدك واخا تدير غير كل نهار ربع ساعه رياضه

ام مراد 2
01-07-2011, 22:18
اختي ام مرااد بخصوص النوادي الرياضيه على حسب المنطقه اللي انتي فيها الا كانت جده راه كاين الرخيص والغالي والا كانت الشرقيه خصوصا الخبر
غالي اختي على قله الفايده انا داخله على حساب شركه راجلي والحمد لله دابا ليا 4 اشهر ولفتها الرياضه شوفي الجمعه ماكايناش لاصال ونضت فكيت اليوتيوب
وتبع واحد مدربه كنديه قسم بالله اختي ام مراد الا وليت نقطر بالعرق احسن من لاصال درت رياضه ساعه ودوشت بالماء البارد ونعست الا بغيتي الرابط نرسلوا ليك راه يفيدك واخا تدير غير كل نهار ربع ساعه رياضه
عتقيني به اختي راني كنت حاملة وموحمة ومبرعة راسي فالمكلة دابا وحلت فراسي الحمد لله عل كل حال اشنو هو الرابط الله يجازيك بخير

خولة2009
01-07-2011, 22:23
هلا بنات شخباركم كديرين
ام مراد انا غادي نعطيك اميلي اوكي وقولي لي ديالك باش كيبدا باش ندخلك عندي

المغرب عزوتي
01-07-2011, 22:25
هاهو الرابط شوفيه وردي ليا الخبار دابا نيت عرفتي راه تدعي ليا بالذريه

خصك غير الحماس وتكون عندك اراده وفي نفس الصفحه تلقاي للمدربه شحال من حصه ماشي غير اللي رسلت ليك

http://http://www.youtube.com/watch?v=cACymM2gOqI

المغرب عزوتي
01-07-2011, 22:34
هذي اول حصه بديت بيها اليوم وخزنت باقي الصفحات في مجلد غير اني اروح للنادي دعي ليا عافاك اختي بالذريه وبانه ربي يوفقني وننحف

خولة2009
01-07-2011, 22:35
المغرب هزوتي بصحتك الرياضة دابة نخزن هاد الرابط غي نخلص على خير وبخير وانا معاه ههههههه
نتي اي مدينة ساكنة؟

خولة2009
01-07-2011, 22:38
ام مراد خديتي الاميل باش نحيدو

المغرب عزوتي
01-07-2011, 22:41
خوله يارب ييسر امرك انا من بجده وانتيناا

المغرب عزوتي
01-07-2011, 22:43
انا شفت الايميل خخخخخخخخخخخخخخخخ

خولة2009
01-07-2011, 22:47
انا شفت الايميل خخخخخخخخخخخخخخخخ

خخخخخخخخخخخخخخخ بالعافية عليك متشرفة بمعرفتك جدة غزالة انا الحبيبة من الشرقية يلع عرفيني براسك حطي لكارك ناسيونال

ام مراد 2
01-07-2011, 22:48
ام مراد خديتي الاميل باش نحيدو

اخذت الايميل ويبدا بـ ammar
وجزاكي الله خير

المغرب عزوتي
01-07-2011, 22:52
معليش سمحي ليا تقادات ليا لاكارت تصبري حتى نعمل التجديد ليها ههههه
انا ليا دابا سنتين ونص في السعوديه باقا ما جابش الله ليا نحمل دعيو معايا

خولة2009
01-07-2011, 22:53
شيهانة شخبارك ان شاء الله امورك تمام الحين تبارك الله عليك راكي مقصرتيش الله يجعلو فميزان حسناتك وشكرا على دعيوة ياربي تعطينا وقفة ساهلة لي ولجميع الحملات
اما على الكدوات غي سكتي يخي والله تعيت وجاتني مع الولادة شري للولد شري للبيبي لي فكرشك شريليك نتي حوايج نفاس شري للخدامة تهية متلبس تم شري الكدوات منعرف فين تقصمي راسك والله
اما الاهل والله مكيطلبو كيقوليك غي اجي نتي بالسلامة تلقاي الوحلى مع العائلة هههههههههه
والله منين كنرجع تنقول مغادي نهبط والو هاد العام غي كيوصل التخفيضات تنقينا خاشين ريوسنا فالشرواط

خولة2009
01-07-2011, 22:59
معليش سمحي ليا تقادات ليا لاكارت تصبري حتى نعمل التجديد ليها ههههه
انا ليا دابا سنتين ونص في السعوديه باقا ما جابش الله ليا نحمل دعيو معايا

خخخخخ ضحكتيني يله تتجديها وعطيني المعلومات الجديدة
مشاء الله راه تكوني بديتي تولفي الله يسخر يارب عاجلا غير اجل فشي بيبي يارب وسيري عند شي مراخة كيف سمعت البنات كيعودو عليها زوينة كيقولو ترد الرحم لبلاصتو نتي مشيتي للطبيب ؟او ممكن يكون هرمون الحليب طالع دوري براسك والله يقدرني ندكرك فوقت الولادة وندعي ليك

خولة2009
01-07-2011, 23:01
اخذت الايميل ويبدا بـ ammar
وجزاكي الله خير

العفو حبيبتي

المغرب عزوتي
01-07-2011, 23:04
بصراحه النزول للمغرب تيطلبا شي وشوياات لبس ليك باش تباني قدام الناس كادويات للعائله وزيد فلوس مساريه لمدن ثانيه وفلوس كرا في فنادق

يعني خصك فلووس كثيره علاش ما نمشيش بيها لدول ثانيه نشوف عادات واجواء اخرى

المغرب عزوتي
01-07-2011, 23:08
اختي مشيت لكذا دكتور تيقول ماعندكم والو كلشي مزيان بقا ليا غير الممرخه او الشيخ لانه احتمال تكون عين والله اعلم

خولة2009
01-07-2011, 23:27
اختي مشيت لكذا دكتور تيقول ماعندكم والو كلشي مزيان بقا ليا غير الممرخه او الشيخ لانه احتمال تكون عين والله اعلم

المغرب اختي تيبغليه مصاريف هنا وثم كولشي كيجبد ايوا الله يرزقنا من حيث لانحتسب يارب
ايوا الحمدو الله اختي منين قالوليك مكاين والو هادة اهم شي بالنسبة اختي للشيخ رقي غي نفسك بنفسك ماء زمزم قراي فيه وشربيه
وديري واحدالطريقة كانت قالتها لية وحدة السيدة والله اعلم مجربتهاش قالت تشدي دجاجة تبليها بالمساخن مزيان يوم كله وطيبيها بالمساخن داكشي يكون متول ههه بعدين دخلي للدوش يكون سخونننننننن مزيان نتي وراجلك وسخنو عضامكم وطفيو المكيفات المهم تكبطو مزيان كوني حاطة طنجرة فوق البوطة هوا لكان شي حد يجزها ليك مزيان لانو من الحمام دخلو البت نعاس بالليل باش متنوضيش وكولوها بجوج تم كوليها وتخرجيش وتغطاي وشدي الزعفران الحر حطيع شوي فالمعبل غي شوية يكون مزيان الحر حولي كيف دخليه لداخل وسميو بالله ويجامعك ومنين تكملي هوزي رجلك الفوق شي 10 دقايق وتكوني لابسة السروال مغطية باش ميدخلكش البرد وخلاص ونامي
هادي طبعا يكون فوق الاباضة بعد الدورة ان شا الله تكون فدتك

المغرب عزوتي
01-07-2011, 23:32
اختي جات ماما عندي العام اللي فات ودارت ليا الداجا بالمساخن ونفس الطريقه اللي قلتي ليا غير الزعفران الحر هاذي اول مره تنسمع فيها

خولة2009
01-07-2011, 23:41
اختي جات ماما عندي العام اللي فات ودارت ليا الداجا بالمساخن ونفس الطريقه اللي قلتي ليا غير الزعفران الحر هاذي اول مره تنسمع فيها

الله يخليها ليك يارب ويحفضها ليك جربي متعرفي الحبيبة وسيري عند هاد المراخة وقراي سورة البقرة مهمة بززززززاف

المغرب عزوتي
01-07-2011, 23:58
ربي يخليك اختي راحنا نحاول والكمال على الله

شيهانة
02-07-2011, 01:29
شيهانه اهلا وسهلا الحبيبه اش خبااركم

هاي هاي اليوم راكي باغا تضاااربي هههههههههه

كيفاش قاليك راسك زعما تحطي للبشره الدهنيه وتنساي المختلطه والجافه

البنات اليوم انا باغا خدمه منكم الله ينور طريقكم ويسهل امركم
انا جات فتره تنمشي المسبح حيث اختكم تتسطى عالعومان وراكم عارفين مع شمس ديال السعوديه ماشاء الله بارده جسمي تحرق وياريت برونزاج لا والله سمر حيث انا بيضا
ومن ما بقيتش نمشي للمسبح رجع ليا السمار بحال الصفووريه نتمنى تعطيوني ماسكات للجسم تكون ساهله ونتايجها روعه حيث اختكم من جات هنا ولات معقازه استغفر الله
شيهانه يالله قدامي حطي خلطاات الزين
البنات كلهم خوله وام مراد ومانينه وام منال وشكون عوتاني ياربي تنسى النكات كلكم فردا فردا زنقه زنقه في المغرب والسعوديه تنسلم عليكم
السلام عليكم اختي بصراحة راني حطيت موضوع و مترردة قلت واقلة بنات ماهم محتاجين و لكن الحمد الله فرحت فاش بديتوا تسولوني و ان شاء الله نكون عند حسن ضنكم
بالنسبة اختي البشرة الجافة غادية انهدر علليها و حتى عادية و مختلطة غير كوني هانية
اما بالنسبة لجسمك اختي غادية انقول ليك و لكن لا تقولي لي عقزانة
خدي داد مطحون مع الحناء الجسم و صابون البلدي الاصلي غادية تلاقيه عنك رامز الا كان عندكم بمنطقة الي انتي بيها و الحامض شوي ملح
و خلطيهم مع بعض و يلا دهني ليا جسمك و الى خفتي تصبغ في يديك لبسي قفازات في يديك و حطي كيسة في رجليك و فاش تنشف الحناء غير حتييها و تروشي عادي
و في اليوم الي بعده خدي صابون البلدي مع شبشة دهني جسمك طبعا تكوني ناويه على حمام مغربي و فركي جسمك
و غادية تشوفي جسمك راه يبدى يرجع له لونه
فيه خلطة تانيه للجسم خودي بديل النخالة مع الزبادي يكون منتهي صلاحية(البنات الي انتت صلاحية اي زبادي او دانون لا ترموه استغلووه اقنعهة لبشرتكم )و حطي على جسمك و خليه ينشف شوي و بداي تفركي فيه و غادية تشوفي نتيجة
و فيه طريقة اخرى تقدر تشتري سنفرة للجسم من عند محلات نزيه بالمشمش راها زوينة بزاف للجسم
اهم شي تداومي على الخلطات بشكل مرتين في الاسبوع بادن الله

نسيت البنات نقول لكم اي قناع للبشرة اكتبه لكم مرة كل اسبوع فقط و بالاخص قناع طماطم و البطاطس مرة وحده كل اسبوع فقط

و بالنسبة للشعر اختي الي تبغي تسبح في البركة او المسبح تحط على شعرها البوني البلاستيك باش يحميه من مواد الي تتكون في البركة

شيهانة
02-07-2011, 01:55
شيهانة تبارك الله عليك وجعلها في ميزان حسناتك يا رب اختى بغيت نسولك اشنو احسن ترطيبة متوفرة اهنا عرام البنات كل عام يطلبوها مني في المغرب قال ليك تاع اهنا احسن من الي في المغرب اختى انا شعري رطب ولكن ملفلف او ولفت على الجل خصوصا مع الصيف اشنو احسن جل مر عليك
السلام عليكم و رحمة الله تعالى و بركاته
اش خبارك اختي سهرانة ان شاء الله تكوني بالف خير
اختي حسب خبرتي غادية نقول لك على ترطيبة هي بصراحة عدنا بالمغرب ولكن المشكل ماشي في ترطيبة في طريقة الشغل اختي الترطيبة هدي صنع الماني اسمها جلات فيها العادية و القوية
العادية الي شعرها ناعم و لكن يتفلفل و تبغيه يكون منسدل طايح
و القوية الي شعرها كرد متجعد
و فيه ويلا سترات يسموه هنا الفرد المائي للشعر الناعم
اختي الطريقة باش شعرك ما تطيحه الترطيبة نبدا الي شعرها متجعد و مشعكة ههههههه امزح تاخد للشعر القوي
اولا ما يكونش مغسول داك النهار و ياريت لو بعد يومين
تانيا تاخد الفازلين و تدهن به فروة الراس كله و تركز على مناطق الجبهة و ادنين و قفا دول الي تطيح منهم شعر بزاف او تاخد البودرة طالك
مدة الترطيبة نص ساعه من اول ما تبدي تحطي المادة على الشعر
تكوني موجده المادةفي زبدية بلاستيك و مشط ضهرة مستوي و اسنانه واسعه و شباط للشعر او قرارص اربعه
وتجيب زيت بوناويل و الى ما عندها تخفف الماده بشوي زيت الزيتون الاصلي
بعد ما توجد الاغراض توكل على الله
تحط فوطة على ضهرها و من الاحسن حد ثاني الي يديرها لها باش تركز على الشعر كله
و تقسم الشعر على اربعه و تمسك كل جهة
تشوف الساعه و تبدا اول شي ففقط تحط المادة على الشعر خصله خصله و بسرعه من غير ما تحط على الجدور لحين ما تخلص و بعدين ترجع على الشعر من التحت و مثل ما نقول تحلب الشعر بسرعه و تمشطه بضهر المشط بحيت يكون مستوي و لا تعرج فيه و في الوقت الي تحلب الشعر ههههه تحاول توصل للجدور و يلا بسرعه بسرعه قبل ما تخلص نص ساعه و الى وصلت نص ساعه قبل ما تكمل تاخد بخاخ فيه ماء و تصب على الشعر الي خدماته في الاول و تاكدي اختي الي دارت هدا الطرقة كلشي من داك الشي غادي يطلع زوين و لا يطيح شعرها نهائيا
و بعدين تغسله طبيعي بالماء مزياااان مزيااااااااااااااااااااااان و تاخد فقط بلسم و تمشيه على شعرها و ترجع تغسله و بعدين تحط متبث الي يكون مع الترطيبة و تخليه 10 دقايق و تغسل شعرها بعد دالك بالشامبوا العادي ديالها و الا بغات تستشور ديك ساعه عادي ما بغاتش تقدر تحط حمام زيت لشعرها
فيه بعض ناس يقولون ما يصير تغسل شعرها بعد تمليس بع 4 ايام و هدا غلط هدا الي يسبب تساقط الشعر
بالنسبة احسن حمام زيت اختي عندك حمام زيت بالبروتين لونه برتقالي تيدير 55 ريال قدر يقول لك 70 او 65 انتي قولي له 50 وراح يخليه لك ب55 تلاقيه عند محلات الجوهي او محلات شمس
و فيه فاشكول نخاع الثور
و فيه الثوم
كلها مزيانه لشعر بعد التمليس
و من الاحس الي تبغي تقص شعرها تقصه قبل تمليس و ترجع تشيل الاطراف المتقصفة الي راح تطلع بعد التمليس
و الله الموفق
بالنسبة لترطيبة للشعر العادي
نفس الشي نفس الوقت و نفس السرعه و نفس الطريقة اللهم فرق ان الاولى نحلب و نشد الشعر و هدي لا بس نمشي عليه بضهر مشط ولو شايفة نفسك سريعه ماعليه سوي نفس الطريقة الاولىو لكن اسرع

فيه نوعيات اخرى مرسوم فيها بنات سوداء و شعرها منفوش في الصيدليه لونها احمر ووتانيه اخضر فضيعه لشعر الممتجعد مرررررررررررررررررررررررررة
و لكن احرصي تلبسي قفازات لانها تدبح اليد اقصد تاكل اللحم و تحفر فيه

اختي انا شخصيا لا انصحك بجيل صراحة راها تسبب تساقط الشعر و احيانا حتى القشرة
فيه طريقة كنا نديرها بالمغرب فاش نكربي شعرنا يصير كيري
وهو مبلل شوي نحط شوي زيت الزيتون و يصير ملفوف
وممكن لو تحبي شعرك يكون كيري ملفوف خدي لك سفن و بللي شعرك بها ولو عندك لفافات صغار لفي بها شعرك هدا الي ما حبيتي تحطي سبراي او رغوة
ولو شعرك ناعم مرة بس يتلف خدي لك كلينكس و خدي كل خصله من شعرك و لفيه على كلينسك و شديه ببنس و خليه لحين ينشف او تكملي شغل البيت و حلي شعرك غادي تشوفيه ملفوف بحال كيري طبيعي
الي بغيتي شعرك يكون ناعم منسدل ما عليك غير بي الباطش ديالنا الي كنا نعملها بالمغرب راها مزيانه للشعر و الي كنت زربانه عملي باطشة و غطيه و نشفيه باسشوار و رجعي لفيه ناحية الثانيه و اعطيه استشوار و بعدين فكي شعر و جيبيه كله قدام و اعطيه استشوار و ديك ساعه فاش ينشف ديري فيه الي بغيتي
اتمنى اكون افدتكم و قدرت نوصل لكم معلومات و شكرا

شيهانة
02-07-2011, 02:12
اختى واحد السيدة كوافورة في المغرب وبغات الكيراتين للفرد صاحبتي هنا قالت لي عندها البرازيلي ولكن كيفاش نعرف انه اصلي حيت بغيت ناخد كمية للكوافيرة الي في المغرب والا كنتي عرفي شي محل في جدة دليني عليه في المدينة كاين العسلي ممتاز ولكن على ود الشحن من جدة يكون احسن
على فكرة البنات الي بغات ترسل شي حاجة للمغرب بحال الات تقيلة ولا اي شئ راه تمشي لمناء جدة ولا المطار راه تشحن وتخلص عليها وراه توصل ما ضيعش بادن الله انا عمرني ما رسلت غير واحد السيدة دلتني على طريقة والي عندها معلومات اضافية تدلني حيت السيدة الى نعرف كوافيرة وباغية مجموعة اشياء من هنا
اختي

بانسبة للكراتين اول شي سعره غالي هنا و بالاخص الاصلي تيدير ما بين 1500 الى 3000 و الي عندها شي احد في امريكا او اسبانيا تراه يكون احسن لها من الي هنا وحده صاحبتي جابت له من بريطانيا باعته لي ب 3000 و شامبوان ب 300 واخة ضربتني حتى نقزت و لكن الحمد الله دخلت قيمته و زيادة لانه يبدى من 1500 ممكن يصل الي 2500 و حسب طول الشعر )و شامبوا تبعه تيدير 300 و احيانا 250 و يدوب ياخد لك شعر هو حسب مدة الاستخدام و يبغي لك تاخد بزاف من شامبوا و البلسم لانه بيكون مافيه مادة الصوديم الي في شامبونات الاخرى و هدا مادة الي جات على الشعر الي فيه العلاج تيبطل مفعوله بعد اسبوع
الاهم اختي الاصلي الاصلي اسمه جلوبال فيه الي بالشكلاط هدا كيصلح لجميع انواع الشعر
الفروله كيصلح للشعر العادي
و النوع الثالث صراحة ما استخدمه و لكن اغلب شي نستخدم برائحة الشكلاط
رايحته بحال الشكلاط فعلا و ريحته خفيفة و تلاقي طريقة الاستخدام اختي مكتوبة وراء الغرشة و نوعية البرازيل مكتوبه عليها و خثم العالمي ايضا
اختي الي لقيتي غرشة بيضاء فقط الاسم و فيها احيانا علامة زرقاء او حمراء هدا فقط تعبئة و ماشي الاصلي معبي اما من لبنان او مصر او الكويت وتتكون فيه نسبة مادة مسرطنة اكثر مما مصرح به وزارة الصحة العالمية
ويكون في معلومك اختي الي ككان مغشوش راه يطيح شعر و يخلي مولاته قرعه داك شي علاش خاصك تتاكد من الاصل
و فيه نوعيه ثانيه تلاقيها عند الجوهي للتجميل جلسة وحده فقط و يقول اصلي و لكن ما جربته
انا وحده مغربية متزوجة هنا كانت تجيبه لي من بريطانيا و صار لي زمان ما عرفت اخبارها
اختي الكيراتين اصلا علاج تيقولوا فيه فرد و لكن فقط كدوب
وهو فعلا يخلي الشعر يجنننننن لمعه و طايح من الحمام شعرك بحال شي فليبينيه عادي طبيعي ماشي بحال تديري ترطيبة تيبقةدى مسنبل لا الكيراتين يخليه عادي يجنن و الكسرة فقط يخفف منها ما يزولاهاش كلها
و الي عندها شعر متجعد و بغات تديره تملس اول شي و بعد اسبوعين تحط كيراتين نتيجته فضيعه
الي بغات تصبغ او تخصل اول شي تصبغ و بعدين كيراتين لانه في حد داته علاد للتقصف و الخشونه و كل شي
ديري الي بغيتي في شعرك و كيراتين يرجعه لك يهبل و لكن اهم شي الاصلي
انا مرة استخدمت غير الاصلي يوووه تعالي شوفيني الروح كانت كتزهق مني الله ستر غير بنات تقوني بالحليب عيوني طلعت و الله
ولكن الاصلي عادي
فيه الي 4 جلسات ما تغسل شعرها ويوميا تعيد عليه بسيراميك درجة حرارته ما بين 250 الى 300 ومافوق
و لا تربطه و لاتمسكه و شي لانه بيكون مثل الطلاء اي خدش يخليه يتشقق
و في الجلسة الاخيرة تغسله عادي و تقصه لازم مشان يطلع لوك
فيه الي جلسة وحده اربع ساعه تشتغل عليه و خلاص
و الله الموفق
اهم شي اختي تراه يكلف بززاف وو انت اخبر

شيهانة
02-07-2011, 02:25
اختى واحد السيدة كوافورة في المغرب وبغات الكيراتين للفرد صاحبتي هنا قالت لي عندها البرازيلي ولكن كيفاش نعرف انه اصلي حيت بغيت ناخد كمية للكوافيرة الي في المغرب والا كنتي عرفي شي محل في جدة دليني عليه في المدينة كاين العسلي ممتاز ولكن على ود الشحن من جدة يكون احسن
على فكرة البنات الي بغات ترسل شي حاجة للمغرب بحال الات تقيلة ولا اي شئ راه تمشي لمناء جدة ولا المطار راه تشحن وتخلص عليها وراه توصل ما ضيعش بادن الله انا عمرني ما رسلت غير واحد السيدة دلتني على طريقة والي عندها معلومات اضافية تدلني حيت السيدة الى نعرف كوافيرة وباغية مجموعة اشياء من هنا
بالنسبة للشحن اختي في الطيارة تراه عادي هنا و تقدري تشحني و كلشي بخير و لكن اختي راهم تيكرفسونا بالمغرب فاش نبغي ناخد الشحن لازم تخلصي عليها من اول و جديد و يبدو يفتشوا واش الاغراض جديدة و لا قديمة و الا عندك اجهزة تخلصي عليها وزيد وزيد داك شي علاش ما فضلش فكرة الشحن الا ادا الامور تغيرات مزيان يكون خير و بركة

شيهانة
02-07-2011, 02:50
شكون عارفة حاجة مزيانة للشعر المجعد والجاف ومتقولوش الترطيبة راها عياتني بالحق الترطيبة تاع المغرب واش كاينة شي حاجة مزيانة فالسعودية عتقو ختكم لا تبدا تغطي بالزيف ههههه

السلام عليكم و رحمة الله تعالى و بركاته
اختي مثل ما قلت المشكل ماشي في الترطيبة المشكل في طريقة استخدامها
المهم غادية اعطك وصف طبيعية و حاولي تطبيقها بادن الله

روحي محلات الجوهي او نزيه اوكي و خدي لك
حمام زيت بالبروتين لونه برتقالي سعره 55
فاشكول بالثوم سعره 35 اصلي ماشي اي كلام
خدي لك الزيوت الاتيه
زيت الزيتون الاصلي
زيت القطران
زيت الحلبة
زيت الثوم
زيت البصل
زيت قرنفل
زيت الزعتر
زيت نخاع الثور
زيت الحرمل (لازم تكون اصليه كلها من المعصرة)
اوكي و خلطيهم كلهم مع بعض في قرعه كبيرة و خدي الزعتر و فركيع في ايدك مزيان و خلطيهم معهم
اولا شي خلطي الفاشكول مع حمام زيت وراه يطلع لك تقريبا 12 حبة وسط)
خدي لك كاس بلاستيك و عبيه من زيوت الي خلطتي و زيديها على حمام زيت مع فاشكول و حركي مزيييييييييييييييييييييييييييياااااااااااااااااااا ن
تقدر تحتفضي بالخلطة و الزيوت في الثلاجة عادي و تقدر تبيعي منهم او تعطي لصحباتك لما تشوفي النتيجة بادن الله
المهم نيجي الاهم
شعرك مجعد و جاف
غسلي شعرك بشامبوان جربي صانصيلك للشعر الجاف تراه مزيان و اختاري البلسم يجي جالون كبير بالاعشاب و الثوم من داك الشي
و بعدين خدي لكي شوي من الزيت الي خلطنا باطراف اصابعك و بدي تدلكي تدلكي لحين تحسي فروة راسك صارت حارة لانك بطريقتك تنشطي الدورة الدمويه و تفتحي مسام باش يستقبل العلاج
بعدين خدي لك الخلطة و حطيها على شعرك و خدي النيلون و لفي به شعرك او بلاستيك و لا تشدي بزاف باش ما يعورك راسك و خليه ساعه او ساعه نص حسب رغبتك عادي
و بعدين غسلي شعرك فقط بماء دافي و في الاخير ماء بيدر بارد من غير شامبوان نهائي
و في اليوم التاني نفس الحكايه لكن لا تغسليه بشامبوا و استمري الى قدرت اربع الى خمس ايام بنفس الطريقه
و بعدها حطي خلطة كل يومين و استمري عليها
و في الاسبوع الثالث كل اربع ايام
لحين يصير كل مرة في الاسبوع
وقولي للبنات على نتيجة بادن الله
انتم لو لحضتم شي احنا ركزنا اكثر شي على الخلطة لانها للتنعيم ام الزيوت للتساقط
الشعر خفيف ناعم و يتساقط
تحاولي تستخدم فقط الزيوت (ربع ساعه تكفي )
شعر ناعم من فوق و خشن من الاطراف

تحط الزيوت فوق و الخلطة فقط على الاطراف

ولو على ريحة حاولي تبخري شعرك و نصيحتي لكم خواتي بعدوا عن خمريات تراها تقصف الشعر وو تطلع الشيب اكثر

شيهانة
02-07-2011, 02:54
ام مرااد انا سمعت من سعوديات باللي كاينه ترلاطيبه تتجي من مغرب طبيعيه للشعر ومعروفين فيها بنات الجنوب
بحال اللي شفت شي وحده هنا من العيوون ياريت تفيدنا واش كاين بصح هاذ شي ولا لا
ماعمرك فكرتي في قطران يختي على ما زويناتو تيرطب الشعر
منعرف امتى تدخل شيهانه هاذ الايام قتلاتني القشره مع قبل ما نمشي لاصال ندوش ومن نرجع ندوش قتلت شعري بالما ولا يطيح اكثر من قياس وقشره

اختي تمشي و ترجعي بالف سلامة
بما انك اختي ماشي مغرب جربي ماء مريوة راها مزيانة للشعر
مادام باقيه هنا خليني نسولك
كيفاش تتعتني بشعرك
اول شي ترة ماء الحار مضر للشعر
ثاني شاي حتى ماء الي هنا كاين الي ما وافقعاش للشعر يعني لما تخلصي ترواش خدي لك ماء بيدر
ثالث شي لا تخلي شعرك يدهن بزاف و ان كنتي تحط جيل وقفيها او كريمات للشعر او بديل الزيتقولي لي اشنو
تديري في شعر لانه اختي ادا عر السبب بطل العجب
وشكرا

شيهانة
02-07-2011, 02:59
سمعت اختي هديك الهضرة لقيتها وحدة مغربية كتبيع للسعوديات ترطيبةwella street ديال 600 ريال مغربية ب 150 ريال سعودي يعني 300 درهم وهي عادية كاينين ماركات احسن منها الله المستعان بالنسبة للقشرة كاينة واحد الوصفة انا مجربها تمشي القرة مباقاش تشوفيها...خودي ليك شوية الخل مع قطيرات الحامض ودلكي بيهم فروة الراس من بعد متكوني اغسلتيه بالشامبو وخليهم شوية وغسلي راسك الله يعينك
السلام عليكم
بالنسبة اختي لويلا ستريت تراه موجوده حتى هنا بالسعودية سعرها تقريبا ما يتعدى 40 ريال سعودي وهي للشعر العادي و يسمونها رولكس
بالنسبة للقشرة اختي فعلا مثل ما قلتي الخل حتى ولو كان وحده مزيان للقشرة بس اهم شي معرفة سببها و ان كانت قشرة خفيفة و لا ثقيله لانها احيانا تكون من الفطريات لا قدر الله و هدي يبي لها علاج

شيهانة
02-07-2011, 03:08
ايوة سيروا خلوني انعس
استودعكم الله جميعا

لازورد
02-07-2011, 05:45
اختي ربي يخليك وجزاك الله كل خير وان شاء الله ننزل المدينة لانه افروشي كاينة تماك
ونشريه تبارك الله عليك الغزالة والله يفك وحايلك على خير

اللهم آمين ، بارك الله فيك وجزاك كل خير أختي الحبيبة


لبنات غي سكتو مشيت درت لسير ديال الشمع وكنديرها غي الله يعزكم تحت بيطاني هادي سنتين وانا غي عليها ومزيانة ريحتها بالفراولة وهادي 3 ايام كنت معروضة فزواج باش نزرب مشيت دراتها ليدي وكنتر بالكغيط غي سليت دازت شوية بقاو شحطات فيدي مشيت للعرس يدي فيها شحطات حمرين اراك من بعيد ههههههههههه
المهم هادي يومين شفتهم بداو يغماقو معرفت اش ندير حدي لبارح درت ميديكاسول ديال الاثا ر من المغرب ليدي ندمت والله
لي عندها شي فكرة تبلغني هية هادي زرب تعطل

أختي خولة ما يكون عندك باس ، عليك بالعسل الحر
سبحان الله مكيخليش طبايع الحرق نهائيا


شكون عارفة حاجة مزيانة للشعر المجعد والجاف ومتقولوش الترطيبة راها عياتني بالحق الترطيبة تاع المغرب واش كاينة شي حاجة مزيانة فالسعودية عتقو ختكم لا تبدا تغطي بالزيف ههههه

أختي أنا قريت واحد الوصفة ديال الدكتور عبد الباسط كيقول تاخذي الأملج مطحون من العطار
وترقديه في زيت الزنجلان و تدهني بيه ، وبزاف ديال البنات جربوه ومدحوه ، كيقولك كيرد الشعر
بحال يلا مفرود ، على فكرة الأملج هو نفسو الأملا لي كيستعملو الهنود الزيت ديالو ، دابر أملا
وهو داك الثمرة الخضرا لي تتلقايها مرسومة على العلبة ، غير المجفف كيولي لونو بني
وريحتو عادية ، ماشي بحال الزيت كيقلب .

ام مرااد انا سمعت من سعوديات باللي كاينه ترلاطيبه تتجي من مغرب طبيعيه للشعر ومعروفين فيها بنات الجنوب
بحال اللي شفت شي وحده هنا من العيوون ياريت تفيدنا واش كاين بصح هاذ شي ولا لا
ماعمرك فكرتي في قطران يختي على ما زويناتو تيرطب الشعر
منعرف امتى تدخل شيهانه هاذ الايام قتلاتني القشره مع قبل ما نمشي لاصال ندوش ومن نرجع ندوش قتلت شعري بالما ولا يطيح اكثر من قياس وقشره

المغرب عزوتي أنا سمعت أن بيتادين ممتاز للقشرة ، رها الوصفة كينة هنا في المنتدى ، قالها طبيب لشي وحدة
وعملاتها ونفعتها ، وبزاف لي جربوها ونفعتهم ، أنا نفسي جربتها وجابت نتيجة
كتشدي بيتادين ديال الجرح العادي وتشققي بيه شعرك بعد ما تدوشيه ، واحد 5 دقايق و شلليه مزيان

تجربة ناجحة
كنت شفت وصفة للقضاء على القشرة وهي بيتادين، كتشققي بيه الشعر عادي تخليه شوية وتغسلي شعرك. النيجة فورية و جيدة.بيتادين ديال الجروح غريبة شوية
حتى أنا جاتني غريبة و لكن قلت نجربو حيت هو مطهر ، يعني إلى مانفعنيش ماغاديش يضرني. لكن الحمد لله كانت النتيجة مرضية.



ايوة سيروا خلوني انعس
استودعكم الله جميعا

أختي شيهانة جزاك الله خيرا على الوصفات المفيدة
الله يجعلها فميزان حسناتك ويرزقك الذرية الصالحة

أم عبد العزيز
02-07-2011, 11:12
شيهانه الله يجزاك خير على النصائح والخلطات الزوينة بغيت نسولك انا عاد درت لميش بالبونيه وماعجبوونيش ومشيت عاو فوقهم ولهلا يوريك الشعر كي ولا وشعري جاف واش يصلح ندير الترطيبة من بعد لميش ولا شي ماسك نديرها ويتقاد شوية

مانينة
02-07-2011, 12:37
السلام عليكم البنات كدايررررين

تبارك الله عليك شيهانة وحنا الي شعرنا رطب وتطير مساكن ما عندنا ما نديرو الغالب الله
ختك راه تتدير تشليلة بالزعتر واش مزيان علما ما عمرني صبغت شعري ولا درت فيه شي حاجة
من لميش يعني طبيعي ولكن الماء ديال هنا ما وافقوش اشنو ندير ليه عافاك بش نرجع فيه
الروح ديال اللمعان
مني كنت في المغرب كان غزال والماء ديال هنا الله لطيف مزوينش

سهرانة
02-07-2011, 13:37
السلام عليكم اختى مانينة عندك الحق في بيتادين حتى انا راني شفت الخليجيات كيخلطوه مع الحنة ديال الصبغ والي ما تصبغ ممكن تعمل كيف قلتي
بالنسبة للزعتر راه مزيان حتى هو للقشرة ولكن الا كان شعر رطب ما كيطيرش حيت الزعتر كينشف شوية وعن تجربة الا بغيتي اللمعان ديري البابونج فاش كنت في المغرب كنت تنعملو نطبخه ونديه معايا الحمام كنشلل بيه غزال واحيانا كنغلطه مع شامبوان شوفي الي بغيتي اللمعة اشري سيروم كريستال من جد ممتااااااااااااااااااااز وما تحتاجي لا سشوار ولا شي غير ديري باطشا ويطلع ليك غزال والريحة يا سلام وممكن تخلطيه مع الكريم شوية من الكريم وشوية منه في يدك ودهني شعرك والى بغيتي شعرك يولي كيرلي تخلطي شويا منه وشوية من الجل كيطلع غزال تبارك الله
بالنسبة للسفن ما ننصحش بيها سبق وجربتها هرست ليا شعري واحد الكوافيرة اله يجزاها خير اعطاتني طريقة باش الجل مع الوقت ما ياترش على الشعر اول شى تنشفي شعرك من الماء مزيان بالمنشفة ودهني بزيت جونسون بيبي عاد تعملي الجل ديالك

سهرانة
02-07-2011, 13:47
شيهانه الله يجزاك خير على النصائح والخلطات الزوينة بغيت نسولك انا عاد درت لميش بالبونيه وماعجبوونيش ومشيت عاو فوقهم ولهلا يوريك الشعر كي ولا وشعري جاف واش يصلح ندير الترطيبة من بعد لميش ولا شي ماسك نديرها ويتقاد شوية
اختى انا اجرى ليا بحالك واشد منك وكان قرب العيد ما نقوليكش كيف صرت حتى نصحتني واحد السيدة بوصفة انك تاخدي العسل ادوبيه في ماء دافي وتزيدي عليه صفر بيضة او واحد البنانة وملعقة الزبادي ولا اللبن وملعقة زيت العود وادهني شعرك وتغطيه ببلاستيكة ومن تغسليه تحاولي تبعدي على الشامبو بقاي مدة تغسلي غير بالبسلم
ويوميا فاش تبغي تنعسي ادهني شعرك بشوية العسل مدوب في ماء ادهني بحال الا كتعملي كريم والله البنات العسل احسن دواء سواء للوجه ولا حتى للشعر
شيهانة فيا الفضول دخلت معاك في الخط شوفي اختى هديك جلات راه عرفتها ولكن انا بغيت شي ماركة تكون ما معروفاش في المغرب حيت السيدة عندها صالون تبارك الله كبير وباغية تعمل شى حاجة تكون جديدة على الناس انا سبق جارتي سوادنية جابت لي واحد الكريم الفرد وعملتو ليها في داري جاها غزاااااااااااااااال كيحمق واخدت اسمه ولكن راه عام هدا باش ضيعته وتحولت من فين ساكنة هيا الى عقلت عليه انه صناعة يابانية ولونه فاش خلطت العبوات ولات بنية بحال العود وريحته غزالة بحال الورد وما صبغش في يديا

سهرانة
02-07-2011, 13:49
لينا2 وفينك الحبيبة غابرة دخلي ما حد الخبيرة شيهانة موجودة تجاوبك علاش ما بغيتي زربي دغية بيزو ليك والى الوليدات والله يفك وحايلك على خير

سهرانة
02-07-2011, 13:51
مريم اش اخبارك وكيف هي ابها سمعت الاسبوع الي فات امطار والجو غزال عرفتي انا نفسي نمشي واخة غير نهار للسوف الشعبي الي فيه العيالات يبعو ونرجع شهوة منه نصيحة البنات الى نزلتو ابها سيرو ليه راح بحال كتسراي في شي سوق ولا موسم ههههههههههه

سهرانة
02-07-2011, 13:55
[quote=المغرب عزوتي;3649306]اختي مشيت لكذا دكتور تيقول ماعندكم والو كلشي مزيان بقا ليا غير الممرخه او الشيخ لانه احتمال تكون عين والله اعلم[/quote
اختى توكلي جيبي مراخة ولا سيري لعندها راها بالتجربة سبحان الله عندهم خبرة واحد السيدة راها حملت على يد مراخة غير توكلي على الله ولا تنسي الدعاء اللهم لا سهل الا ما جعلته انت سهلا وانت تجعل الحزن ان شئت سهلا
اختى سعداتكم في جدة كاين لصال الى تعرفي شي واحد مزيان دليني عليه بالحق ماشي ليا غير شي بنات تمة حتى هما السمنة بدات تلعب بيهم

meriem agdi
02-07-2011, 14:21
مريم اش اخبارك وكيف هي ابها سمعت الاسبوع الي فات امطار والجو غزال عرفتي انا نفسي نمشي واخة غير نهار للسوف الشعبي الي فيه العيالات يبعو ونرجع شهوة منه نصيحة البنات الى نزلتو ابها سيرو ليه راح بحال كتسراي في شي سوق ولا موسم ههههههههههه

السلام عليكم
سهرانة سول فيك الخير ا حبيبة انا لباس الحمد الله الجو في ابها زويييييييين و الدنيا عامرة لي كنسولو في المغرب او هنا كيقولي الموت ديال الصهد حنا الجو مبرد و الاسواق كلهم زوينين هنا

سهرانة
02-07-2011, 14:42
بصحكتم مريم هدا العام ما كتاب لينا نشوفوها سبحان الله هي والقرى الى جنبها ما تقولي انها في السعودية وديان واشجار وغابات والمهرجان ديالها زوين وطبيعة من جد زوينة بصحتك وبصحة البنات الي غادي يسكنو فيها راه فيها بزاااااااااااف ما يتشاف حتى الى توحشت الكرموس راه كاين تمة فاش مشيت ليها كنت نفطر بيهم ههههههههههه
البنات بخصوص الشعر راه ماشي غير الماء هو وحده الى ياتر حتى الشمس لانه غالبا اهنا ما كنخرجوش بالنهار حتى تغيب الشمس عاد نخرجو والشعر راه بحال الغرس يحتاج الشمس لهدا ممكن تشرو زيت كبد الحوت وتبقاي فاش تعملي اي خلطة تحطي منه واخة ريحته مجهدة من جد ممتاز
ام مراد لقيت واحد الخلطة ديال الشعر المجعد نجربها انا الاولى ونشوف النتيجة عاد نكتبها ليكم واخة شعري ماشي مجعد غير كيف قالت مانينة كيطير يقلب على الريزو
بالنسبة للحنة ديال الفرد راه كاينة في المغرب عند العشابات وشخصيا كنت جربتها زوينة كترطب وطول الشعر غير هي كطلع الشعر كحل هده الشي علاش ما بقيت كنستخدمها

أم عبد العزيز
02-07-2011, 15:10
اختى انا اجرى ليا بحالك واشد منك وكان قرب العيد ما نقوليكش كيف صرت حتى نصحتني واحد السيدة بوصفة انك تاخدي العسل ادوبيه في ماء دافي وتزيدي عليه صفر بيضة او واحد البنانة وملعقة الزبادي ولا اللبن وملعقة زيت العود وادهني شعرك وتغطيه ببلاستيكة ومن تغسليه تحاولي تبعدي على الشامبو بقاي مدة تغسلي غير بالبسلم
ويوميا فاش تبغي تنعسي ادهني شعرك بشوية العسل مدوب في ماء ادهني بحال الا كتعملي كريم والله البنات العسل احسن دواء سواء للوجه ولا حتى للشعر
شيهانة فيا الفضول دخلت معاك في الخط شوفي اختى هديك جلات راه عرفتها ولكن انا بغيت شي ماركة تكون ما معروفاش في المغرب حيت السيدة عندها صالون تبارك الله كبير وباغية تعمل شى حاجة تكون جديدة على الناس انا سبق جارتي سوادنية جابت لي واحد الكريم الفرد وعملتو ليها في داري جاها غزاااااااااااااااال كيحمق واخدت اسمه ولكن راه عام هدا باش ضيعته وتحولت من فين ساكنة هيا الى عقلت عليه انه صناعة يابانية ولونه فاش خلطت العبوات ولات بنية بحال العود وريحته غزالة بحال الورد وما صبغش في يديا
بارك الله فيك الحبيبة وطريقتك دابا نجربها ونرد عليك الخبار

لطيفة رافت
02-07-2011, 15:28
السلام عليكم البنات كيف حالكم انا مغربية جديدة معاكم مقيمة بالسعودية

طنجاوية.
02-07-2011, 15:31
السلام عليكم البنات كيف حالك انا مغربية جديدة معاكم مقيمة بالسعودية

هلااااااااااااااااااااااااااا الزيوووونات نورتي المنتدى

طنجاوية.
02-07-2011, 15:32
توقيعك روووووووووووووووووووووووووعة لطيفة رافت

شيهانة
02-07-2011, 15:33
شيهانه الله يجزاك خير على النصائح والخلطات الزوينة بغيت نسولك انا عاد درت لميش بالبونيه وماعجبوونيش ومشيت عاو فوقهم ولهلا يوريك الشعر كي ولا وشعري جاف واش يصلح ندير الترطيبة من بعد لميش ولا شي ماسك نديرها ويتقاد شوية


السلام عليكم و رحمة اللهتعالى و بركاته
اختي لالالا ما نصحكش بالترطيبة لانك غادية تقرعك
دالحينشعرك صارت خفيفة و جافة و متقصفة ماعليك غير بلخلطة الي كتبتها من قبل مث ما قلت الا كان شعرك ناعم حطي غيرفي الاطراف و طول الشعر ولا تجيبيها للجدور
اشنو اللون الي حطيتي ديال لميش واشعسلي و لا ثلجي
و كيف شكل شعرك عموما الحين

meriem agdi
02-07-2011, 15:35
السلام عليكم البنات كيف حالكم انا مغربية جديدة معاكم مقيمة بالسعودية

مرحبا بك معانا ختي لطيفة نورتي التجمع

لطيفة رافت
02-07-2011, 15:37
توقيعك روووووووووووووووووووووووووعة لطيفة رافت

مشكورة حبيبتي وتسلمي على ترحيبك الاروع

شيهانة
02-07-2011, 15:39
السلام عليكم البنات كدايررررين

تبارك الله عليك شيهانة وحنا الي شعرنا رطب وتطير مساكن ما عندنا ما نديرو الغالب الله
ختك راه تتدير تشليلة بالزعتر واش مزيان علما ما عمرني صبغت شعري ولا درت فيه شي حاجة
من لميش يعني طبيعي ولكن الماء ديال هنا ما وافقوش اشنو ندير ليه عافاك بش نرجع فيه
الروح ديال اللمعان
مني كنت في المغرب كان غزال والماء ديال هنا الله لطيف مزوينش


شوفي اختي فعلا الزعتر راه مزيان للشعر بزاف راخ يطوله و يشيل حتى تقصف
طبخي الزعتر و صفيه و حطيه في شي بخاخ ديال الشعر ويوميا بلي شعرك بها مزيانو خليه اصلا ما فيه ريحة
و سبحان الله هنا بالسعودية كل منطقة و ماء في شكل انتي حاولي تغسلي في نهاية بماء بيدر
و الا عندك اختي زيت اركان راه مزيان بززاف لكل مشاكل الشعر
و الاخت الي اتكلمت على الاملج راه من داك شي و بالاخص مع زيت سمسم راه مزيان للشعر
والله يوفق
و حتى ماء البابونج راه مزيان للشعر و بالاقص الي لونه فاتح
و مزيان حتى للبشرة الدهنية

لطيفة رافت
02-07-2011, 15:39
مرحبا بك معانا ختي لطيفة نورتي التجمع

شكرا احيببة ديالي ربي يخليك ومنور بوجدوكم والله

طنجاوية.
02-07-2011, 15:42
مشكورة حبيبتي وتسلمي على ترحيبك الاروع
العفو حبيبتي هادا واجب علينا لانك مغربية بنت بلادنا

شيهانة
02-07-2011, 15:47
اختى انا اجرى ليا بحالك واشد منك وكان قرب العيد ما نقوليكش كيف صرت حتى نصحتني واحد السيدة بوصفة انك تاخدي العسل ادوبيه في ماء دافي وتزيدي عليه صفر بيضة او واحد البنانة وملعقة الزبادي ولا اللبن وملعقة زيت العود وادهني شعرك وتغطيه ببلاستيكة ومن تغسليه تحاولي تبعدي على الشامبو بقاي مدة تغسلي غير بالبسلم
ويوميا فاش تبغي تنعسي ادهني شعرك بشوية العسل مدوب في ماء ادهني بحال الا كتعملي كريم والله البنات العسل احسن دواء سواء للوجه ولا حتى للشعر
شيهانة فيا الفضول دخلت معاك في الخط شوفي اختى هديك جلات راه عرفتها ولكن انا بغيت شي ماركة تكون ما معروفاش في المغرب حيت السيدة عندها صالون تبارك الله كبير وباغية تعمل شى حاجة تكون جديدة على الناس انا سبق جارتي سوادنية جابت لي واحد الكريم الفرد وعملتو ليها في داري جاها غزاااااااااااااااال كيحمق واخدت اسمه ولكن راه عام هدا باش ضيعته وتحولت من فين ساكنة هيا الى عقلت عليه انه صناعة يابانية ولونه فاش خلطت العبوات ولات بنية بحال العود وريحته غزالة بحال الورد وما صبغش في يديا

طيب اختي اا نا قلت جلات لانها عالمية و نتائجها مضمومة وحتى ويلا سترات راها موجوده بالمغرب و هناو مرة حلوة

اختب بالنسبة لسفن شوفي يمكن غسلتي شعرك بها المفروض تاخدي كل خصلة و تبلليها شوي شوي وراه ما تدير والوا و طبعااي شي يزيد عن حدهينقلب لضده يعني واحدة لازمتكايس في كل شي بحال البطبخ الا شيطتي في ملح تتخربي الاكل لاني جوعانه ما بعد اتغدى ههههههه
عندك اختي كادوس
و عندك نوعية من ماتريكس
و اختي ترى كاين بززاف الترطيبات وو لكن الوحده تدور على المضمون

شيهانة
02-07-2011, 15:55
السلام عليكم و رحمة الله تعالى و بركاته

اختي لطيفة رافت مرحبى بيك بيننا و ان شاء الله ترتاحي وسطنا و نستفيد منك و تستفيدي منا
فعلا اختي توقيعك ماشاء الله تبارك الله يشرح النفس شحال هدي ماشفت الخضرة من كثرة العج و الغبار و طلعتنا للبر ولينا ما نشوفوا غير بالابيض و لاسود ههههههه
اللهيوفقك اختي و مرحبى بيك و سطنا رانا كانا خوات هنا و يد واحدة و ربي يوفقنا جميعا و لا يفرق بيننا امين

طنجاوية.
02-07-2011, 15:55
اليوم اول نهار فشعبان فالسعودية دبا المواضيع تكون غير على التوجاد لرمضان ان شاء الله يالله متبخلوش علينا واي حاجة سواء غتفرنز فالتلاجة فحالاش متلا والشباكية وسلو والمشروبات الباردة والشوربات يالله الحادكات لي دخلات تكتب طرقة توجادها لرمضان اللهم بلغنا رمضان

لطيفة رافت
02-07-2011, 16:00
فكرة زوينة بزاف تبارك الله عليك

مانينة
02-07-2011, 16:22
الذين يشاهدون الموضوع الآن: 5 (4 من الأعضاء و 1 زائر)

مانينة
شيهانة
طنجاوية.
قطوة بس اتخربش

مساء الخيرات البنات

اختي طنجاوية فعلا اليوم اول يوم والله يدخل علينا كاملين بالصحة والعافية

اختي شيهانة بارك الله فيك والله يرزقك الذرية الصالحة ان شاء الله

اختي سهراااااااااانة كلامك صحيح والله يحفظ من هاد الشعر ليطير مرة وحدة راني ما تنخلط ما تنجلط تنخاف عليه

اختي مغيارة ااااه اقصد لطيفة رافت مرحبا بيك ومرحبا بالتراب الي جابك راح اترك للبنات يعرفونا فيك مزييييان

باقي البنات ببببببببببببببببببببببببببزو لكم جميعا

لطيفة رافت
02-07-2011, 16:25
الذين يشاهدون الموضوع الآن: 5 (4 من الأعضاء و 1 زائر)

مانينة
شيهانة
طنجاوية.
قطوة بس اتخربش

مساء الخيرات البنات

اختي طنجاوية فعلا اليوم اول يوم والله يدخل علينا كاملين بالصحة والعافية

اختي شيهانة بارك الله فيك والله يرزقك الذرية الصالحة ان شاء الله

اختي سهراااااااااانة كلامك صحيح والله يحفظ من هاد الشعر ليطير مرة وحدة راني ما تنخلط ما تنجلط تنخاف عليه

اختي مغيارة ااااه اقصد لطيفة رافت مرحبا بيك ومرحبا بالتراب الي جابك راح اترك للبنات يعرفونا فيك مزييييان

باقي البنات ببببببببببببببببببببببببببزو لكم جميعا

ههههههههههههههههههههههههههههههههههه ضحكتيني ربي يخليك احبيبة وشكرا ليك على الترحيب انا مغربية وساكنة بالرياض

شيهانة
02-07-2011, 16:29
الله يجعل ربي يدخلوا علينا جميعابالصحة و العافية وطولت العمر و هناء البال

مانينة
02-07-2011, 16:31
المهم البنات اليوم ناضت الروينة مع راجلي بسبب الاسم الي تندخل بيه كان جالس ما عليه ما بيه وانا ما تنخبي حتى حاجة
وكان اللاب توب قدامو وما جاه عقلو غير على السمية ديال مانينة الطانطو دياله قاليه نجرب هاد الاسم وجلس يجرب
في جوجل وطلع ليه الاسم في شي منتدى اخر وناض ليا

مني منك مني منك قلت ليه راني ما مسجلاش في حتى منتدى اخر وحلفت وقلت ليه مسجلة غير في الاناقة المغربية
ومن بعد ساعة ديال النكير جلسنا نقلبو شكون واخدة الاسم في منتدى مغربي ما عرفتش يمكن جديدة طلعت وحدة
جزائرية معنا هنا تتنقل الوصفات الطبخ والطياب وتطرحهم تماك

ومن بعد قلت ليه راه اي واحد يعجبه شي اسم ممكن ياخدو وينسبو لنفسه عادي اودي اش غانقول ليكم
راني من ساعة من دخلت الظهرية هنا وانا مع راجلي شد وقطع تقلت ليه بغيت نمشي دارنا هههههه
فاكرة نفسي بيتنا قريب قلة العقل بعد المرات وما دير ضريبة الغربة

وفعلا اكتاشفت انه الاسم موجود في المواقع تصدمت ماكنتش متوقعاها

احيانا الرجال احس دماغهم ناشف ما يمتازون بالليونة في بعض المواقف مع زوجاتهم
خصوصا الا كان شي يتعلق بالمملكة الي هو مسيطر عليها

الله يصلح الحال وصافي حتى دار ما خطاها الصداع

مانينة
02-07-2011, 16:38
شيهانة خلعتيني ما كانش تصحاب راسي الزعتر تنشف غادي نجرب البابونج
عندي مخبي اليوم نتبخه ونديره لشعري

غير وكان تقولو البابونج تخلي الشعر يولي شوية اشقر والله اعلم

بارك الله فيك الزين

شيهانة
02-07-2011, 16:40
لا حولاة و لا قوة الله الا بالله
اختي مانينة وسعي خاطرك و لا تشدي معه
الله يهديه و يهدي سره و بادن الله ما يكون غير الخير
و هدي الي اخدت اسمك المستعار الله يهديها يعني ما لقت غير اسمك الله المستعان
انا مرة لقيت وحده حاطة و صفة و طريقة الحريرة المغربية بواحد الطريقة تنود الشيب و تقلع الخاطر و تعالي شنو درت فيها ندمتها و في الاخر طلعت تونسية قلت لها كملتي من اكل بلادك تلحيتي على اكل بلاد الناس شكون كال لك تلاحي باغة تشوه طعم الاكلات المغربية لا حولاة و لا قوة الا بالله شوفي فين وصل بيهم الحسد و الغيرة فعلا ناس غريبة
و بقيت وراها وراها لحين طفشتها و قفلوا موضوع هههههههه
كلشي وصفات مخرجة منهم العجب الكحل
الله المستعان

مانينة
02-07-2011, 16:40
ههههههههههههههههههههههههههههههههههه ضحكتيني ربي يخليك احبيبة وشكرا ليك على الترحيب انا مغربية وساكنة بالرياض

هلا هلا حياااا الله باهل الرياض

مرحبا بيك اختي ونورتي التجمع

مانينة
02-07-2011, 16:47
لا حولاة و لا قوة الله الا بالله
اختي مانينة وسعي خاطرك و لا تشدي معه
الله يهديه و يهدي سره و بادن الله ما يكون غير الخير
و هدي الي اخدت اسمك المستعار الله يهديها يعني ما لقت غير اسمك الله المستعان
انا مرة لقيت وحده حاطة و صفة و طريقة الحريرة المغربية بواحد الطريقة تنود الشيب و تقلع الخاطر و تعالي شنو درت فيها ندمتها و في الاخر طلعت تونسية قلت لها كملتي من اكل بلادك تلحيتي على اكل بلاد الناس شكون كال لك تلاحي باغة تشوه طعم الاكلات المغربية لا حولاة و لا قوة الا بالله شوفي فين وصل بيهم الحسد و الغيرة فعلا ناس غريبة
و بقيت وراها وراها لحين طفشتها و قفلوا موضوع هههههههه
كلشي وصفات مخرجة منهم العجب الكحل
الله المستعان

عبرتي عليها ولقاتك ماساهلاش ليها تبارك الله عليك

خليها على الله ياالله لقيتني تفاكيت معاه ودخل ينعس وهو نفسية مرتاحة لانه قلبنا بجوج
وعرفنا ان الاسم مستعمل من قبل عدة اشخاص وقالي خلاص اسف
اودي راه تنديرو الخاطر ونوسعوه ونجيب الي يوسع هاد الخاطر ونقول الفكاكة راجلي صعيب شوية
اختي شيهانة حتى من نكونو خارجين كل شي ينتبه ليه ما يخلي حتى حاجة تفوته
حتى عائلته تصبروني وتقولو لي اصبري عليه ولك الاجر عارفينه صعيب ماشي
فحال اخوانه وخواته في بعض الامور او اغلبها
حتى اخواته وامه يقولون له ترى لازم تتغير شوية وفكها لا تعقد البنية معاك
ودابة شوية شوية بدى يفك لكن الي فيه شي طبع فيه

شيهانة
02-07-2011, 16:48
شيهانة خلعتيني ما كانش تصحاب راسي الزعتر تنشف غادي نجرب البابونج
عندي مخبي اليوم نتبخه ونديره لشعري

غير وكان تقولو البابونج تخلي الشعر يولي شوية اشقر والله اعلم

بارك الله فيك الزين

الغزالة ماشي انا الي قلت زعتر ينشف الشعر لا انا قلت مزيان و انا عن نفسي جربته فاش كنت بالمغرب و فاش لبست الحجاب تماك بدا شعري يطيح و بديت نحط الزعتر و لبس حجابي و يوم ملكتي الكل ا
و استغرب من شعري انا نفسي استغربت
راه وحده من بنات الي قالت ينشف
و بالنسبة للبابونج اختي الا كان شعرك لون فاتح على اشقر طبيعي بلليه بماء بابونج و خليه للشمس (من زين شمسهم هنا هههههه) و راه غادي يعطيك لون اشقر على دهبي
لاننا كنا نستخم طريقة هدي ايام الصيف و البحر (الله يغفر لنا ) و احيانا ناخد كريم نيقيا الي كانت تيجي علبته زرقاء و ندهن به شعرنا مع ماء البحر و الشمس يصير لون اشقر على دهبي و لكن الا كان شعرك اصلا فاتح ماشي اسود او من درجات البني

مانينة
02-07-2011, 16:52
شفتك على خير اختي شيهانة نمشي نكمل الطياب الي كنت بدياه وحبسته بسبب المشكل التافه
وحتى هو مني يغضب يعمل اضراب ما ياكلش نهائيا ولا يدخلها لفمو تقولي باقي طفل خاص الي يحزر ويبزر عليه
باش يرضى ونوووض دابة نكمل ومن بعد نفيقو يعتق شفتك على خير

مانينة
02-07-2011, 16:54
الغزالة ماشي انا الي قلت زعتر ينشف الشعر لا انا قلت مزيان و انا عن نفسي جربته فاش كنت بالمغرب و فاش لبست الحجاب تماك بدا شعري يطيح و بديت نحط الزعتر و لبس حجابي و يوم ملكتي الكل ا
و استغرب من شعري انا نفسي استغربت
راه وحده من بنات الي قالت ينشف
و بالنسبة للبابونج اختي الا كان شعرك لون فاتح على اشقر طبيعي بلليه بماء بابونج و خليه للشمس (من زين شمسهم هنا هههههه) و راه غادي يعطيك لون اشقر على دهبي
لاننا كنا نستخم طريقة هدي ايام الصيف و البحر (الله يغفر لنا ) و احيانا ناخد كريم نيقيا الي كانت تيجي علبته زرقاء و ندهن به شعرنا مع ماء البحر و الشمس يصير لون اشقر على دهبي و لكن الا كان شعرك اصلا فاتح ماشي اسود او من درجات البني

اها واخا دابة فهمت مزيان نكمل على الزعتر ولكن ندير الطريقة الي قلتي عليها مزيانة بالزاف
انا شعري بني فاااااااتح يعني ممكن ندير حتى البابونج وبجوهم صحيين بارك الله فيك الغزالة
والله يعطيك شي وليدات يعمرو عليك الداااار وتفرحي بيهم عاجلا ان شاء الله

omoabir
02-07-2011, 18:55
السلام عليكم الانيقات كي عاملين تبارك الله غليكم غيبت اسبوع لقيتكم فى 69 الله يجزيكم بخير وشكرا الاخت شيهانه علي المعلومات الله يفرج كربتك ويعجل بنصرك اللهم اميننننننننننننننننننننننن بغيت نسولكم علئ village canari واش مزيان للسكن راجلي بغ يكري ثم بين الدمام والخبر اللى تغرف تجاوبني في اقرب وقت والف شكر للجميغ

عابدة
02-07-2011, 19:12
السلام عليكم و رحمة الله و بركاته
تبارك الله عليكم سهرانة, ام محمد, شيهانة, شيهانة, مانينة, لازورد, ام فراس الله يعطيكم الصحة و الله يسخر ليكم ازواجكم ووليداتكم و كل من حولكم....
استفدت منكم كثيييييير الله يتقبل منكم و يجعلو فميزان حسناتكم....

عابدة
02-07-2011, 19:16
ام محمد كيدارة و كيداير مول الدار و الوليدات؟ رتاحو شوية؟
الدعاء زوين الله ينورك احبيبتي...
و حتى الطريقة ديال السفوف عجباتني تبارك الله عليك ...
ماكنتش عارفة طريقة الزيت العود و الخزامى فالنفاس...زوينة ياختي دابا فات فيا الفوت...
الله يوفقك اختي و يسر لك امورك ااامين

لطيفة رافت
02-07-2011, 19:24
السلام عليكم البنات كيف دايرين

عابدة
02-07-2011, 19:26
شيهانة اختي كيدليرة و كيداير مول الدار و الوليد؟
كيبقيتي شوية؟ الامور تحسنات؟ يارب يفرج عليك عن قريب ...
كنت قلتي يمكن ديري عملية فالمغرب على ود الالم في جنبك...اختي ااااااااخر حل هو العملية...جربي كيما قالو البنات المراخات و الاشياء الطبيعية بعدا ايلا ما فادت ما ضر باذن الله... و ايلا كنت كتسكني فالدار البيضا ننعت ليك واحد السيدة كيجيوها الناس من داخل و خارج المغرب, امراة كبيرة و عندها خبرة على الله تكون سبب فشفائك اختي...
وتبارك الله على الوصفات و الخلطات داك الشي كيشهي غي شكون هي هاد الحادكة لي غدير هاد الشي خصوصا فهاد الجو ديال الكسل و العجز...انا راه جايبة معايا من المغرب الحنا, الغاسول الورد, الصابون البلدي, زعما باس ندير الحمامات...داك الشي باقي فكارتونتو...كندخل ندير الصابون و نخرج:81:هههههه

omomohamed3
02-07-2011, 19:27
السلام عليكم كيف حالكم أشو أخباركم أمع صهودات الله إلطف بينا عدنا بحال دجاج رومي كنقلبو أعلى البرودة فين أنتبردو

لطيفة رافت
02-07-2011, 19:30
السلام عليكم كيف حالكم أشو أخباركم أمع صهودات الله إلطف بينا عدنا بحال دجاج رومي كنقلبو أعلى البرودة فين أنتبردو

لباس اللهم لك الحمد والله غير الله يلطف مع هاد الحر

omomohamed3
02-07-2011, 19:30
أعواشيركم مبروكة الله إدخل أعلينا هذا الشهربالصحة أسلامة أطول العمروحياة سعيدة وحقق كل أمنياتنا وبلغنا رمضان يارب العالمين

لطيفة رافت
02-07-2011, 19:32
أعواشيركم مبروكة الله إدخل أعلينا هذا الشهربالصحة أسلامة أطول العمروحياة سعيدة وحقق كل أمنياتنا وبلغنا رمضان يارب العالمين

اللهم امين يارب ويدخلها بالف صحة وعافية انشاءالله على كافة المسلمين يارب

عابدة
02-07-2011, 19:37
اختي تاليا فين غبرتي؟
قريت شنو كتبتي, ربي يبعد عليك اولاد الحرام و يسخر لك اولاد الحلال...
الدريات ماقصروش و قالو كلام رزين ماشاء الله...
ماعندي فين نزيد...غير بغيت نقول هاد الفرصة لي تعطات ليك من دهب بدلي مجهود مضاعف عن جميع لعرايسات باش يكمل عليك الله بالخير و التيسير...
و بالنسبة للاولاد ماشي دابا و قتهم, وكل شي بيد الله, خليهم تا تثبتي علاقتك مزيان و تنضجيها عاد فكرو تجيبو ثمرات لهاذ العلاقة...حيت ايلا ولدتي دابا غتلفي و غاتهملي شحال من حاجة...اللهم ركزي و ثبتي راسك و كسبي شريك حياتك...
و نسال البنات يدعيو معك الله يثبت الغرس والله يسخر لك زوجك و تكوني قرة عينو و يكون قرة عينك...و دعي بالدعاء لي كتباتو ام محمد فكل سجدة و مع الاذان و فساعة بين العصر و المغرب من يوم الجمعة تيكون فيه الدعاء مستجاب...
والله المستعان

عابدة
02-07-2011, 19:42
خولة الزين كيدايرة و كيداير عزوز و البيبي؟
ان شاء الله تكونو كلكم بالف خير...
بديتي تاكلي شوية؟ حذاري من الامساك...كثري من المانغا و فطري بحبوب الافطار ديال الشوفان...يالاه قالتها ليا واحد صاحبتي ما كيجيها لا امساك لا بواسير اعزكم الله...
الله يفكك على خيرو جميع البنات...

omomohamed3
02-07-2011, 19:44
هلا بيك حبيبتي أش أخبارك أمرحبا بيك معنا أدار دارك وإنشاء الله تستافدي معنا ونستافد معاك حطي كل ماهو جديد عندك وقبل حطي لكارط ناسيونال كم عمرك زوجك مغربي أو أجنبي عندك شي أوليدات إنا مدينة أنت في مغرب شغل كومسارية

omomohamed3
02-07-2011, 19:47
مساء فل أخواتي عابدة أم عبير أم فراس أكيدايرين أشو أخبار أوليداتكم أفين أغبرتو توحشناكم

لطيفة رافت
02-07-2011, 19:48
هلا بيك حبيبتي أش أخبارك أمرحبا بيك معنا أدار دارك وإنشاء الله تستافدي معنا ونستافد معاك حطي كل ماهو جديد عندك وقبل حطي لكارط ناسيونال كم عمرك زوجك مغربي أو أجنبي عندك شي أوليدات إنا مدينة أنت في مغرب شغل كومسارية

ربي يخليك احبيبة انا مغربية من مدينة قنيطرة متزوجة بالرياض وزوجي سعودي وباقي ومارزقتش بوليدات باقي وهاني حطيت لكارط ديالي باقي انتوما معرفتكمش هههههههه

عابدة
02-07-2011, 19:59
بغيت نسولكم البنات طريقة تخزين القهوة معطرة و الاعشاب...
الله يجازيكم بخير

خولة2009
02-07-2011, 20:46
خولة الزين كيدايرة و كيداير عزوز و البيبي؟
ان شاء الله تكونو كلكم بالف خير...
بديتي تاكلي شوية؟ حذاري من الامساك...كثري من المانغا و فطري بحبوب الافطار ديال الشوفان...يالاه قالتها ليا واحد صاحبتي ما كيجيها لا امساك لا بواسير اعزكم الله...
الله يفكك على خيرو جميع البنات...

هلا عابدة شخبارك الحبيبة يسول فيك الخير والربح عزوز هاهوا غي مع شطون كيطيحو عليه الغرايب ههههههههه والتقل لا تسالي اختي راني بديت منكد بعليك نعية ونمل غي ربي معانة
اما الامساك كيف قلتي راه قتلني اختي مع الحبوب لي عاطيني د الحديد داير لي الامساك راني باش منتزيرش اكثر كنشرب حبة فيومين بدل فاليوم
ختي نشولك شنو حبوب الشوفال لي قاتليك السيدة لي كتعرفي وممكن تعلميني على الله يختي
راه داك نهار نقيت وحدة كاتبة فالمننتدى الا جاوك الباسر ديري كولقاط سينيال وغادي يبردو ومشيت درتو بغاو يخرجو عنية هههههههه شوطني وصبرت عليه وشوية الله يجيب الفرج هادة الا ولدت عادي معرت اش يطرا فيا معاهم ههههههه

سهرانة
02-07-2011, 21:30
عبرتي عليها ولقاتك ماساهلاش ليها تبارك الله عليك

خليها على الله ياالله لقيتني تفاكيت معاه ودخل ينعس وهو نفسية مرتاحة لانه قلبنا بجوج
وعرفنا ان الاسم مستعمل من قبل عدة اشخاص وقالي خلاص اسف
اودي راه تنديرو الخاطر ونوسعوه ونجيب الي يوسع هاد الخاطر ونقول الفكاكة راجلي صعيب شوية
اختي شيهانة حتى من نكونو خارجين كل شي ينتبه ليه ما يخلي حتى حاجة تفوته
حتى عائلته تصبروني وتقولو لي اصبري عليه ولك الاجر عارفينه صعيب ماشي
فحال اخوانه وخواته في بعض الامور او اغلبها
حتى اخواته وامه يقولون له ترى لازم تتغير شوية وفكها لا تعقد البنية معاك
ودابة شوية شوية بدى يفك لكن الي فيه شي طبع فيه
السلام عليكم مانينة جيتني بحال كتهدري عليا نفس الشئ سبحان الله اختى ما عليك غير بالصبر ومسألةالشارع يبقى يشوف فيك دابة يفك منها شوية راه كل البنات كيعانو منها حيت الراجل تيكون عارف مرتو مغربية سبحان الله يتهيئ ليه ان الناس كلها عارفيناها مغربية وكع الناس تشوف فيها انتى ريحي مخك فاش تكوني معاه نزلي الباش على عينك وصافي باش حتى هو ما يشوف عينيك فين انا راه ما كنشوف والو فاش كنديرو شحال من مرة نجي على وجهي ولكن نقول اللهم نطيح ولا الصداع الراس كيف قلتي حتى زين ما خطاطو لولوة هدا متل مغربي
والصبر والزواج كيف قلت وجهان لعملة واحدة الله يسخر لينا ازواجنا ويرزقنا الصبر يا رب حتى انا راني بحالك اليوم مقفراها

سهرانة
02-07-2011, 21:36
شيهان مانينة انا الي قلتي الزعتر كينشف الشعر وهو كيصلاح الي شعرها دهني ودغيا يتزيت لها ما يمسك فيه السشوار والرطوبة بسرعة تاتر فيه واخة تعمل ليه حتى السيراميك والكوافيرة الي نعرف راها كطبخو وتعملو في بخاخ الى شعرها دهني كترش بيه عاد تسشور ليها
مانينة انتى حسب كلامك شعرك بحال شعريرطب ولكن الزغبة خفيفة كاطير وحتى اللون بني فاتح هده الشي علاش قلت لك استعملي البابونج ولا كان الزعتر مناسبك ممكن تشدي الزعتر والسالمية والبابونج وتعمليهم في زويف حياتي ولا داك التوب تاع الهدايا وتربطيها وتعلقيها في الدوش باش كل ما دوشتي وما فيك الي يطبخ ويحط راه بالتجربة زوينة ديال المعكازات بحالي للامانة شفتها في منتدى اخر وجربتها وكل خمس ايام كنغير الاعشاب

سهرانة
02-07-2011, 21:41
الي شعرها جرد شيكسة ههههه سمحو ليا غير بغيت نفيدكم واحد الكوافيرة كيجو عندها صحبات هدا النوعية وكيقهروها تبقى تسشور وتعاود والسيراميك وكنا مقشبين قلت ليه الله يكون في عونك قالت لي ما تخافيش عندي خطة واغلب الصالونات كيعملوها والسودانيات بالاخص كتشدي زيت فازلين وتغلطيه مع الماء في بخاخ وترش عليها مزيان تسشور الشعر وترجع تعمل ليه السيراميك دغية يسشور والسشوار يبقى شاد ليها مدة طويلة انا جربتها غير مع جهاز السيراميك صراحة زوينة وحتى بديل الزيت الي شعرها رطب ديال بانتين زوين

سهرانة
02-07-2011, 21:43
على قول مانينة مرحبا بالمغيارة معانا مرحبا ببحور الاطلس وبلاد الاعراس مرحبا يا خيي خيي ايه عليك يا زمن مرحبا بلطيفة رأفت

غريبه في بلد عر
02-07-2011, 21:45
السلام عليكم شخباركم البنات تبارك الله عليكم هاكا يكونو بنات البلاد والا فلا
كيديرين مع شي صهودات

سهرانة
02-07-2011, 21:47
طنجاوية اش اخبارك اختى راه الصهد قاضي علينا باقي ما تحركنا او وجدنا والو لسيدنا رمضان بالحق البهارات وجدتها
اختى عابدة كنظن سولتي على تخزين الاعشاب من الاحسن تاخديها حبوب وكل اسبوع طحني غير الكمية الى تقدك وفاش تجيبيها حبوب عرفتي داك الحك تاع الحليب ديال الاطفال ولا سيريلاك هداك غسليه وبقاي تحفظي فيه كاع الاعشاب بالكيس ديالها وفي الجنا ارمي طوبة السكر تمتص الرطوبة هده فكرة شميسة دارتها لتخزين الحلوى وفعلا مجربة زوينةاما الدقيق الى كان عندك كمية كتيرة غير حطيها في المجمد لانه بسرعة كيجيه الدود الصغير

سهرانة
02-07-2011, 21:49
على دكر شميسة البارح استضافت وحدة من مراكش عملت طاجين الدجاج معسل بعصير البرتقال راه لديد غير جربوه انا كنت شفته عام هدا في قناة فتافيت جابتو ديك الاجنبية اسمها نايجلا برنامجها زوين ديال المعكازات بحالي غير تابعوه كتجيب اطباق شرقية ومغاربية بزاف

سهرانة
02-07-2011, 21:51
مرحبا بغريبة في بلد عربي غير سكتي على الصهودات واخة الجو باليل فيه شوية الهواء ولكن بالنهار ما فينا لا يهز ولا الي يحط والحال سخون يخلي الواحد بسرعة يتقلق غير مع حوايجو هههههه الله يلطف بينا

سهرانة
02-07-2011, 21:55
ام محمد اش اخبارك اختي لاباس عليك اختى انتى من مسفوية ياك واش كتعرفي شي خياط واااااااااااااااااااعر ديال التقليدي وحتى البنات الي في الدار البيضا الا تعرف شي خياط زوين تقول لينا عليه وكنت سمعت شي خياط في الحفاري كيبيع جاهز وممكن عبر النت يصايب ليك الي بغيتي يعني ترسلي ليه التوب وتختاري الموديل وترسلي ليه العبار

غريبه في بلد عر
02-07-2011, 22:02
مرحبا بغريبة في بلد عربي غير سكتي على الصهودات واخة الجو باليل فيه شوية الهواء ولكن بالنهار ما فينا لا يهز ولا الي يحط والحال سخون يخلي الواحد بسرعة يتقلق غير مع حوايجو هههههه الله يلطف بينا
ترحب بيك الجنه الزين شخبارك نتي
وييه اختي الصهد لا تسولي عليه الشوم هاد الايام الله يحفظ البرد سخون والغبرة الله يعينا الحمد لله على كل حال هدا هو جو هاد البلاد

شيهانة
03-07-2011, 00:36
شيهان مانينة انا الي قلتي الزعتر كينشف الشعر وهو كيصلاح الي شعرها دهني ودغيا يتزيت لها ما يمسك فيه السشوار والرطوبة بسرعة تاتر فيه واخة تعمل ليه حتى السيراميك والكوافيرة الي نعرف راها كطبخو وتعملو في بخاخ الى شعرها دهني كترش بيه عاد تسشور ليها
مانينة انتى حسب كلامك شعرك بحال شعريرطب ولكن الزغبة خفيفة كاطير وحتى اللون بني فاتح هده الشي علاش قلت لك استعملي البابونج ولا كان الزعتر مناسبك ممكن تشدي الزعتر والسالمية والبابونج وتعمليهم في زويف حياتي ولا داك التوب تاع الهدايا وتربطيها وتعلقيها في الدوش باش كل ما دوشتي وما فيك الي يطبخ ويحط راه بالتجربة زوينة ديال المعكازات بحالي للامانة شفتها في منتدى اخر وجربتها وكل خمس ايام كنغير الاعشاب


شوفي اختي حسب ما فهمت من كلامك ان شعرك ناعم و لكن مع استشوار يصير مشوك و طالع لفوق صح ام لا
شو في اختي الى كان شعرك من هدا النوع غادية نقول لك طريقة استشوار
اول شي الغلطة الكبيرة الي شعرها من نوعيه هدي اوكي لما تغسل شعرها لا تستشوره على طول لا تنشفه مزيان اول شي بالفوضة و بعدين فقط الهواء و تنشفه مزياااااااااااااااااااان لحين ينشف و يصير كشة و بعد دالك تبدى تستشور شعرها على خفيف و لا تعطيه حرارة كثيرة و ان شاء الله ماغديش يشوك و لا يطير في السماء

شيهانة
03-07-2011, 00:40
الي شعرها جرد شيكسة ههههه سمحو ليا غير بغيت نفيدكم واحد الكوافيرة كيجو عندها صحبات هدا النوعية وكيقهروها تبقى تسشور وتعاود والسيراميك وكنا مقشبين قلت ليه الله يكون في عونك قالت لي ما تخافيش عندي خطة واغلب الصالونات كيعملوها والسودانيات بالاخص كتشدي زيت فازلين وتغلطيه مع الماء في بخاخ وترش عليها مزيان تسشور الشعر وترجع تعمل ليه السيراميك دغية يسشور والسشوار يبقى شاد ليها مدة طويلة انا جربتها غير مع جهاز السيراميك صراحة زوينة وحتى بديل الزيت الي شعرها رطب ديال بانتين زوين

اختي الى كان استشوار حار دديك ساعه يبان الشغل و الخدمة
و لي شعرها كشة اول شي يستشور وهو مبلل و من الاحسن تحط كريستال يخلي الشعر بعد استشوار طبيعي و حر و مو باين مدهن نهائي

المغرب عزوتي
03-07-2011, 00:40
السلام عليكم غير تغبري نص نهار تلقاي ماشاء الله صفحات طاارت
تنبلغ سلاامي لكل البناااات وحده وحده ونحيي اختنا الجديده لطيفه رافت
اختي مانينه الصبر وصافي راه الوحده في الغربه على قولتي جناحها مكسور ساعفي وصااافي راه اغلب مشاكل تتوقع بسبه هاذ الانترنت
كاين شي ناس الله يهديهم يلقاو سميات تعجبهم ينوضوا ينسخووهم في بلايص اخرين لا وينسخوا كمان بعض مواضيع الاشخاااص
الله يستر علينا وصاافي اختي شيهانه اش خبارك واش خبار وليدك وكي دايره اموورك الله يغلبك على من عاداك وشكرا على الوصفااات الشيقه وبانتظار الجديد منك
واحد جارتي قالت ليا سولي اشنو ممكن يتعالج بيه سواد الرقبه
يالله كل واحد تقول ترتيباتها لرمضاااان بالتفريز وكيفاش دوزات باقي العامات بعيده على اهلها
انا عني تنفرزن سيكار بالفروماج بوالدجاج والشعريه الصينيه والبطاطس المسلوقه بشطه وتندير بف باستري بالجبن وتنفرزن ورق عنب
شباكيه وسفوف تتجيني واجده من مغرب الله يخلي عائله مساكن ما تيقصروش وان شاء الله ناويه نفرزن بف بالمفروومه وجبن شيدر بس نتسنى غير نرتب الدار ونسوس ونخملها عاد نبدى في شغل الطياااب

يالله دوركم انتوما تعطيونا تجارب

شيهانة
03-07-2011, 00:47
السلام عليكم و رحمة الله
شكرا الحبابات على سؤولكم عليا و دعواتكم معي و صراحة موضوعي راه باقي ما صا ر فيه والو شي جديد
بالنسبة اختي للمراخة راني مشيت و مشيت ومشيت و الغالب الله و الحمد الله
بالنسبة اختي ال تسال جارتها على عنقها اسود قولي لها ما عليك غير تفركي هديك الرقبة بليفة و صابون مغربي ترى اكثر سعوديات ما تيفركوا جسمهم نهائي فقط ماء وصابون
طبعا ما فيه غير داد مطحون و ليمون و حنة راه مزيان على الاقل يخفف السواد و يصير لون نظر ماشي غاديى تبياض
لان سواد سنين ما غاديش يروح ما بين يوم و ليلة
ولو حصل شيرلي تبقى تديرها عنقها

شيهانة
03-07-2011, 00:48
اختي سهرانة
ماقلت لي والو على السيدة الي تبيع الكيراتين و اشنو نفعك داك الشي الي كتبته لك على كيراتين ام لا

المغرب عزوتي
03-07-2011, 00:51
تسلمي اختي شيهانه عرفتي حتى انا بدا رقبتي تسمر حيث اختي الجو نهائي ما ناسبنيش
وجسمي نشف وخصوصا راجلي واخا نبات نهار كامل نحط الكريمات نرجع نلقاها نشفااات
كلشي مستغرب مني يقولوا فاش كنتي جسمك بحال جسم البيبي شوفي كيفاش ولا الحمد لله على كل حاال

لازورد
03-07-2011, 11:33
السلام عليكم أخواتي
مانينة ، سهرانة ، شيهانة ، أم محمد ، المغرب عزوتي ، خولة ، لطيفة رأفت ، غريبة في بلد عربي ، طنجاوية ، صحراوية حبوبة ، تاليا ، لينا2 ، ليليا ليل ، عابدة ، و اللي نسيت سمياتهم يعذروني

شخباركم ؟ إن شاء الله تكونوا في أحسن الأحوال
مبروك عواشركم ،

لازورد
03-07-2011, 11:44
خولة
بالنسبة للإمساك استعملي زريعة الكتان
هرمشيها وديري معلقة فكاس ديال الما غليان ، خليها 10 دقايق
ومن بعد حركيها وشربيها كاملة ، راها ممتازة ، فيها ألياف ملينة
كتساعد الأمعاء على تصريف الفضلات ،
استعمليها الصباح قبل الفطور بنص ساعة ، وبليل بعد العشا بنص ساعة
وراها مزيانة حتى للجنين حيت فيها أوميغا3 وكتمنع تكون الكوليستيرول .

أيضا الشمام ، ممتاز للإمساك ،
الموز ما تاكليهش على معدة خاوية ، حيت هو كيسبب القبط
و يلا قدرتي تشربي معلقة زيت بلدية على الريق يكون أحسن

ليليا ليل
03-07-2011, 12:36
خولة ما تنسايش حقنا من الشكلاط والحلاوة ديال البيبي عقلتو البنات على الفانيد الي مصور فيه ماكانة كيجي بالالوان ههههه بلا ما نكلف عليك خولة انا بغيت غير الشكلاط

اه سهرانة عقلت عليها وبالالوان ههههههههههه
كيف حالك الزين و كيف حالك خولة يا ربي يفكك على خير
البنات الغزالات كيف حالكم

لازورد
03-07-2011, 13:01
المغرب عزوتي

كين واحد الكريم فرنسي للرجلين ممتاز
يلا كانو متضررين بزاف من الجفاف


يلا لقيتيه استعمليه
ما لقيتيهش خلي أهلك يسيفطوه لك من المغرب
هادي صورتو

http://www.shadeline.com/produits/popup/18.jpg

ليليا ليل
03-07-2011, 13:26
ام مراد استنى تدخل شيهانة راه خبيرة تبارك الله حتى انا سولتها شوفي الشعر المعد اهنا راه كاين ماسكات
وممكن تعملي خلطة الزنجلان تشدي الزنجلان وطحنيه وخلطي معه دانون مسوس وكع الزيوت المرطبة زيت العود زيت السمسم زيت اللوز ودهني شعرك وانتى بحال كتعملي الترطيبة خطيه ببلاستيكة ولبسي طاقية فوقها راه غادي يقساح ما تخافيش من تكبي الماء راه غادي يحل بسرعة
هده راه طريقة ديال وحدة سودانية

واش تصلاح هاذ الخلطة للشعر العادي؟

سهرانة
03-07-2011, 14:09
واش تصلاح هاذ الخلطة للشعر العادي؟
ايه اختى تصالح ليه ممكن تعلمليها مرة في الاسبوع راها زوينة وكتعطي لمحة للشعر وانتى باقية في المغرب عمليها وسيري الحمام من تغسليه عملي ليه باطشا يخرج كانه مسشور

سهرانة
03-07-2011, 14:18
البنات انتم ديما تتكتبو على الحاجة الي شاغلاكم وحتى انا اليوم حابة نتشارك معاكم واحد الحاجة
فاش كنت ديال راسي الى تقلقت ولا تعصبت ندخل بيتي ونسد عيلا ونعس نعسة طويلة نفيق بحال الا ما كاين والو ولا نلبس سبرديلتي ونعطيها للمشي واتناء المشى نفكر ونعرف الغلط فين كاين
لكن من بعد الزواج والولادة وليت الى تعصبت ما يجيني نعاس ولا عندي فين نتمشي لوحدى ما معايا حد طبعا ما عاد قدامي غيرناكل الي جات قدامي وبحال ما كليت والو المشكل اني كنلتهم الحلويات بكترة خصوصا الشكلاط ونقدر خلال ساعة من 10 حتى 20 حبة عاد يجيني النعاس ونفيق بحال دايز فوقي تران خمول وكسل انا عارفة ان الامر غلط وتنكون في كامل وعي ومع دالك ما كنتوقفش حتى تبرد نفسي وهده الشئ طبعا اتر على الوزن والنفسية مع زيادة الوزن بلا نقول معروفة
الى بغات تعلق على كلامي با ما تعمل اقتباس لان يغادي نعمل تعديل والى بغات تقول حيرانة على وزن سهرانة
خصوصا في فترة الصيف نصير حساسة بزاف وا يحاجة تقلقني واش حتى انتم البنات نفسيتكم وسلوكم تغير واحيانا كتقولي لا ماشي هي انا هده

أم عبد العزيز
03-07-2011, 14:30
المغرب عزوتي

كين واحد الكريم فرنسي للرجلين ممتاز
يلا كانو متضررين بزاف من الجفاف


يلا لقيتيه استعمليه
ما لقيتيهش خلي أهلك يسيفطوه لك من المغرب
هادي صورتو

http://www.shadeline.com/produits/popup/18.jpg
هاد الماركة ياللاه جبت منها كريم ترطيب و كريم للاثار والحروق زوينة بزاااف انا جبتهم من المغرب مانعرف واش كاينة هنا ولا لا

أم عبد العزيز
03-07-2011, 14:34
سهرررررررررررانة حتى انا ملي جيت لهنا وليت حساسة بزااااااااف والا تفقصت ماكيدينيش النعااااس وكنولي نفكر فالمغرب وحبابي ونقول مصاب كون كنت حدااااااااااااهم هنا الا تفقصتي ماعندك حد حتى الخروج ماتخرجش بوحدك كتلقى القلب غادي يطرطق

طنجاوية.
03-07-2011, 14:44
السلام عليكم أخواتي
مانينة ، سهرانة ، شيهانة ، أم محمد ، المغرب عزوتي ، خولة ، لطيفة رأفت ، غريبة في بلد عربي ، طنجاوية ، صحراوية حبوبة ، تاليا ، لينا2 ، ليليا ليل ، عابدة ، و اللي نسيت سمياتهم يعذروني

شخباركم ؟ إن شاء الله تكونوا في أحسن الأحوال
مبروك عواشركم ،

هلا الزيوووووووووووونات شخبارك وشخبار الوليدات

لازورد
03-07-2011, 14:46
هلا الزيوووووووووووونات شخبارك وشخبار الوليدات

الحمد لله حبيبتي
أنا بخير
الوليدات عاد أولهم جاي ف الطريق إن شاء الله .
الله يجيبو على خير ويرزق كل محرومة الذرية الصالحة

طنجاوية.
03-07-2011, 14:59
طنجاوية اش اخبارك اختى راه الصهد قاضي علينا باقي ما تحركنا او وجدنا والو لسيدنا رمضان بالحق البهارات وجدتها
اختى عابدة كنظن سولتي على تخزين الاعشاب من الاحسن تاخديها حبوب وكل اسبوع طحني غير الكمية الى تقدك وفاش تجيبيها حبوب عرفتي داك الحك تاع الحليب ديال الاطفال ولا سيريلاك هداك غسليه وبقاي تحفظي فيه كاع الاعشاب بالكيس ديالها وفي الجنا ارمي طوبة السكر تمتص الرطوبة هده فكرة شميسة دارتها لتخزين الحلوى وفعلا مجربة زوينةاما الدقيق الى كان عندك كمية كتيرة غير حطيها في المجمد لانه بسرعة كيجيه الدود الصغير

كيفك سهرانة شخبار الوليدات حنا اليوم الحمد لله الجو بااااااااااااااااااااااارد سبحان الله متقولش الصيف ورمضان قرب ياارب تبرد علينا وتسهل علينا الصيام والقيام ويدخلو علينا بالصحة والعافية وطول العمر

طنجاوية.
03-07-2011, 15:00
الحمد لله حبيبتي
أنا بخير
الوليدات عاد أولهم جاي ف الطريق إن شاء الله .
الله يجيبو على خير ويرزق كل محرومة الذرية الصالحة

فال خير ان شاء الله الله يجيبو على خير بالصحة والعافية ان شاء الله امييييييين

مانينة
03-07-2011, 15:21
اختي لازورد يسول فيك الخير الغزالة لهلا يخطيك والكريم الي مصوراه هنا عرفتو
زوين الا رجليها ناشفين بالزاف

ليليا ليل
03-07-2011, 15:24
ام محمد اش اخبارك اختي لاباس عليك اختى انتى من مسفوية ياك واش كتعرفي شي خياط واااااااااااااااااااعر ديال التقليدي وحتى البنات الي في الدار البيضا الا تعرف شي خياط زوين تقول لينا عليه وكنت سمعت شي خياط في الحفاري كيبيع جاهز وممكن عبر النت يصايب ليك الي بغيتي يعني ترسلي ليه التوب وتختاري الموديل وترسلي ليه العبار
اختي انا عندي الخياطة ديالي في البرنوصي الى بغيتيها نرسل لك عنوانها

مانينة
03-07-2011, 15:26
سهرانة شعري فحال شعرك راني تنخاف عليه حتى من الهواء الطاير ههههههههههه
بخصوص الزعتر كيف انتي والاخت شيهانة الله يرزقها الذرية الصالحة قلتو انه زوين
وفعلا هو زوين لانه شعري ميدم انا شعري ما تنفعش ليه السيشوار نهائيا لانه
من الماء تنخليه ينشف تايولي مكربي ويتنفخ غير بوحدو والا عملت السيشوار
مانجي نخرج من عند مولات الصالون ينعس ما يبغي ينوض تولي لابد تندمني
وتنقول حسن ما نديرش السشوار

اهم شي انك تعاوني الشعر باش يبقى حيوي وفيه اللمعان وماشي تكون الزغبة ذبلانة
تبارك الله عليكم الزوينات

مانينة
03-07-2011, 15:27
اختي انا عندي الخياطة ديالي في البرنوصي الى بغيتيها نرسل لك عنوانها

واش تتخيط في دارها ومراة عصرية لانه اخت مرات خويا تتعرف وحدة تتخيط نخوة ولكن ضربك تتنقزي
غاااااااااااااااااااااااااااااااااااالية

مانينة
03-07-2011, 15:36
اختي سهرانة وام عبد العزيز راه همنا واحد غير صبرو البنات كل شي بالاجر دياله
واخا جالسة نصبر فيكم راني واصلني العظم بغيت امتى يجي عيد الكبير او الربيع
ننزل المغرب وااااااا عباد الله بغيت نمشي نشم هوى بلادي ونشوف خوتي وحبابي

سهرانة نقصي من الشكلاط شوفي مني تكعاي شدي البايسكل او السير طلعي فوق منو وبردي فيه الغدايد بدل ما تغلاضي
خلي الفورمة زينة اصحبتي عندك وليدات وخاصك تهلاي في صحتك راه الا لقدر الله جرات لينا شي حاجة
راه واخا اهل الزوج والزوج ماشي فحال الميمة الي تدور بيك وتجيب ليك تاكلي حتى لفراشك
والله الا مدرتيها بيديك في دارك ما تدار والله مني مرضت وليت تنهدر غير بوحدي ونقول
فينك اماما تاخدي بيديا
البنات تهلاو في راسكم تهلاو وتهلاو والله ياخد بديكم ويسخر ليكم ازواجكم
ويخليكم قرة عنيهم بإذن الله

ليليا ليل
03-07-2011, 15:37
السلام عليكم أخواتي
مانينة ، سهرانة ، شيهانة ، أم محمد ، المغرب عزوتي ، خولة ، لطيفة رأفت ، غريبة في بلد عربي ، طنجاوية ، صحراوية حبوبة ، تاليا ، لينا2 ، ليليا ليل ، عابدة ، و اللي نسيت سمياتهم يعذروني

شخباركم ؟ إن شاء الله تكونوا في أحسن الأحوال
مبروك عواشركم ،

الله يبارك فيك اختي وييسر أمرك ويسترك دنيا واخرة
احنا الحمد لله بخير يسول فيك الخير والرباح


واش تتخيط في دارها ومراة عصرية لانه اخت مرات خويا تتعرف وحدة تتخيط نخوة ولكن ضربك تتنقزي
غاااااااااااااااااااااااااااااااااااالية
لا عندها محل تتغلي شوية لكن داك الشي عندها روعة وغزال

مانينة
03-07-2011, 15:48
ليليا ليل يعني ماشي هي لانه كاينة واحدة تايمشو عندها لدارها ساكنة في القدس ولكن تتشوف غير من نيفها
وتتخيط داكشي نخوة وكلاس ولكن الغلا والشياط وعندها معمل في عين السبع

انا ما عمري خيطت عندها غير عوادات ليا عليها ومرة كنت عند دار خويا وشفت اخت امراة خويا وعندي معها وقبل ما نخرجو
قالت ليا وصلني الي بغيتي عند الخياطة ومنها تتعرفي عليها وتشوف خدمتها وفعلا مشيت وطلعنا دارها والانسان من دارو تعرفيه
ووراتنا الخدمة وانا كنت ساكتة لانه تتهدر غير من 1500 للفوق هدا غير جلابة تكون خفيفة فمابالك تكاشط وحينها ما كنت دايرة
في راسي نفصل ولا نخيط ولكن خدمتها زينة قالت ليا فصلي قلت ليها نوضي جمعي رجليك نخرجو فاحلنا لانه راسي كان خاوي
في وقتها

مانينة
03-07-2011, 15:51
الذين يشاهدون الموضوع الآن: 10 (4 من الأعضاء و 6 زائر)

مانينة
لازورد
ليليا ليل
طنجاوية.

البنات مالكم ساكتين اودي هدرو طنجاوية مدينة طنجة بدى يبان فيها الاجواء ديال رمضان
الاسواق والشباكية ووو

تبارك الله على الزوار 6 كاع

خولة2009
03-07-2011, 16:24
هلا بنات شخباركم صباحكم مبروك
سهرانة من نساش اختي ان شاء الله فالحلوة وشكلاط هوا الاول ونتبعة حلوة المقانة ايام معاها والله عرفتي راني فكرت نمشي لداك بو ريال وريالين وناخد شي توشيات نهبطهم معاية ونعمرهم تما بليدراجي والشكلاط شكون عندها شي قتيراح وتصيورات زوينين وساهلين لاني اول مرة نديرهم لانو فولدي نقيت اهل راجلي موجدينهم زوينين لي جاني كنعطيه بس هاد المرة بغيت نصيبهم راسي الا كتاب

خولة2009
03-07-2011, 16:30
مانينة متفقصي راسك راه رجالة كلهم هاكاك كيجيبو ضغط وكيف قالت سهرانة تقولي غادي يعرفوك مغربية من تحت لعباية ولامصورا ليك فالجبهة هوا غادي ويشوف فجنابو واش كيشوف فيك شي حد ولكن مع الوقت غادي يعيا كلنا دزنا منها مهما راه مزالة كاينة القوعيدة لكن خفت شوية بس اش نديرو هادشي لي عطا الله انا مرات تيقولي خفضي صوتك تقولي غي انا لي كنبان ليه مع اني والله صوتي يربي تسمعيه والسعوديات سمعي صوتها كتعرر من الباب لكن حنا لا
مانينة انتي فجدة صح عندك شي صحبات لانو عندي صحبتي باغة تعرف على شي وحدة لانو معندها حد هية مغربية وزوجها سعودي قتلها القنط وعندها وليدات الى كان ممكن تعطيني امايلك ونتواصلو ونعرفك بيها

خولة2009
03-07-2011, 16:33
شيهانة تبارك الله عليك وعلى الوصفات ممقصراش يله فيديني انا شعري رطب لكن لازم نطلقو شوية بالاستشوار وممكن نطلع بيه هاكاك كيبان عدي بس الا طلق بستشوار كان احسن قوليلي طريقة كيف
وانا صراحة بانت لي فالكيراتين وممكن نجيب البرودوي عندي اخني فامريكا ممكن ترسلولي لكن اي نوعية نقوليها
غي صراحة خايفة يطيح لي شعر لانو خفيف شرايك شنو تقتارحي علية

خولة2009
03-07-2011, 16:40
لبنات هادو لي قتليكم يله لي عندها شي افكار للمقبلات على الولادة ينفعونا نوجدوهم الحين قبل منتقلو
http://img148.imageshack.us/img148/1396/040410140439d1whg12qkxu.jpg (http://imageshack.us/photo/my-images/148/040410140439d1whg12qkxu.jpg/)

Uploaded with ImageShack.us (http://imageshack.us)
http://img84.imageshack.us/img84/5185/040410140439tjod7uudbqp.jpg (http://imageshack.us/photo/my-images/84/040410140439tjod7uudbqp.jpg/)

Uploaded with ImageShack.us (http://imageshack.us)

خولة2009
03-07-2011, 16:42
يله البنات نخليكم لي رجعة لازوردي شكرا على النصيحة الله يفكك على خير دابة نديريها راها غي محطوطة نيت
الزين لي رجعة نوريك شنو خديت لبيبي الى بغتي تمشي تشري زيهم عجبوني وقلت منضيعهمش وخلت نفيدك تانتي بيزو ليك
سلامي للجميع مغرب عزوتي طنجاوية لينا ام حمد غريبة لطيفة رافت شيهانة سهرانة ام رائد عاشقة مكة وزيد زدي ابوزيد يله نخليكم في امان الله

سهرانة
03-07-2011, 16:51
سهرانة شعري فحال شعرك راني تنخاف عليه حتى من الهواء الطاير ههههههههههه
بخصوص الزعتر كيف انتي والاخت شيهانة الله يرزقها الذرية الصالحة قلتو انه زوين
وفعلا هو زوين لانه شعري ميدم انا شعري ما تنفعش ليه السيشوار نهائيا لانه
من الماء تنخليه ينشف تايولي مكربي ويتنفخ غير بوحدو والا عملت السيشوار
مانجي نخرج من عند مولات الصالون ينعس ما يبغي ينوض تولي لابد تندمني
وتنقول حسن ما نديرش السشوار

اهم شي انك تعاوني الشعر باش يبقى حيوي وفيه اللمعان وماشي تكون الزغبة ذبلانة
تبارك الله عليكم الزوينات
السلام عليكم شعرك بحال شعري تماما الى كان طويل ممكن تريحيه من الجل من تغسليه دهنيه بسيروم كريستال وكريم وظفريه وزيري الظفرة فاش تحليه غادي تلقايه اطفر لكن اخف من يتكربا وحده فاش كان شعري طويل هده الشي الي كنت نعمل ليه يطلع بحال البابي ليز

لازورد
03-07-2011, 17:12
يله البنات نخليكم لي رجعة لازوردي شكرا على النصيحة الله يفكك على خير دابة نديريها راها غي محطوطة نيت
الزين لي رجعة نوريك شنو خديت لبيبي الى بغتي تمشي تشري زيهم عجبوني وقلت منضيعهمش وخلت نفيدك تانتي بيزو ليك
سلامي للجميع مغرب عزوتي طنجاوية لينا ام حمد غريبة لطيفة رافت شيهانة سهرانة ام رائد عاشقة مكة وزيد زدي ابوزيد يله نخليكم في امان الله

اللهم آمين حبيبتي
ويفكك حتى انتي على خير ، بانتظار صور الأغراض لي شريتي للبيبي
و بالتفصيل الممل ، وشكرا مسبقا .

طنجاوية.
03-07-2011, 17:34
الذين يشاهدون الموضوع الآن: 10 (4 من الأعضاء و 6 زائر)

مانينة
لازورد
ليليا ليل
طنجاوية.

البنات مالكم ساكتين اودي هدرو طنجاوية مدينة طنجة بدى يبان فيها الاجواء ديال رمضان
الاسواق والشباكية ووو

تبارك الله على الزوار 6 كاع

هلا مانينة شخبارك طنجة باااااقي حتى الاتر ديال رمضان مكاينش كاين اجواء صيفية والبحر والعرا الله يسترنا دنيا واخرة

طنجاوية.
03-07-2011, 17:49
هلا بنات شخباركم صباحكم مبروك
سهرانة من نساش اختي ان شاء الله فالحلوة وشكلاط هوا الاول ونتبعة حلوة المقانة ايام معاها والله عرفتي راني فكرت نمشي لداك بو ريال وريالين وناخد شي توشيات نهبطهم معاية ونعمرهم تما بليدراجي والشكلاط شكون عندها شي قتيراح وتصيورات زوينين وساهلين لاني اول مرة نديرهم لانو فولدي نقيت اهل راجلي موجدينهم زوينين لي جاني كنعطيه بس هاد المرة بغيت نصيبهم راسي الا كتاب
خولة نعطيك اقتراحي ادا عجبك انا خالي جاب الدراجي من بلجيكا هادي سنتين ونص على شكل رضاعات روووووعة وتقدر تحلهوم وتعمرهوم بسلو ومعاهم نيت تقدر تعمل شوكلاط فالطون الابيض عرفتي كيجي المنضر روووووعة انا غدي نصورهالك ان شاء الله ادا عجبك اقتراحي جاوبني

مانينة
03-07-2011, 17:55
مانينة متفقصي راسك راه رجالة كلهم هاكاك كيجيبو ضغط وكيف قالت سهرانة تقولي غادي يعرفوك مغربية من تحت لعباية ولامصورا ليك فالجبهة هوا غادي ويشوف فجنابو واش كيشوف فيك شي حد ولكن مع الوقت غادي يعيا كلنا دزنا منها مهما راه مزالة كاينة القوعيدة لكن خفت شوية بس اش نديرو هادشي لي عطا الله انا مرات تيقولي خفضي صوتك تقولي غي انا لي كنبان ليه مع اني والله صوتي يربي تسمعيه والسعوديات سمعي صوتها كتعرر من الباب لكن حنا لا
مانينة انتي فجدة صح عندك شي صحبات لانو عندي صحبتي باغة تعرف على شي وحدة لانو معندها حد هية مغربية وزوجها سعودي قتلها القنط وعندها وليدات الى كان ممكن تعطيني امايلك ونتواصلو ونعرفك بيها

عند الحق في حكاية الصوت وتنقول غير انا بوحدي هي انتوما قبل مني دزتو منها ويا اختي ليومنا هذا
مني نخرجو يقولي وطي صوتك ياربي تنتغدد والجنون تطلعو ليا مني تقولها ليا ونزيدك واحد الحاجة
مني نكونو في شي مول كبير نشري شي حاجة ومني نمشيو لي لاكس وتكون عامرة وبلاصة ديال
الحريم وبلاصة للرجال يقول لي لا لالالا انا الي راح احاسب روحي انتي وقفي هناااك يعني في
مكان بعيد عن الزحام تنقول ليش ما في حريم تحاسب عادي احاسب جهة الحريم
يقولي انا موجود تنقول ليه في خاطري وانت فين عمرك ماكنتي موجود معي لما اخرج لاي مكان


الغزالة انا من مدينة ينبع الهيئة الملكية تتعرفيها

لازورد
03-07-2011, 18:03
السلام عليكم

لبنات لي شعرهم ضعيف وطاير
وباغيين سيروم ، كين واحد أحسن من كريستال و اخف منو
عند بودي شوب ، بزيت بذور العنب
ثمنو 65 ريال ، ولكن يستاهل ، وريحتو زوينة ومنعشة

هذي صورتو ، سميتو
GRAPESEED GLOSSING SERUM

http://makeupandbeauty.com/wp-content/uploads/2011/03/The-Body-Shop-Grapeseed-Glossing-Serum.png

طنجاوية.
03-07-2011, 18:05
عند الحق في حكاية الصوت وتنقول غير انا بوحدي هي انتوما قبل مني دزتو منها ويا اختي ليومنا هذا
مني نخرجو يقولي وطي صوتك ياربي تنتغدد والجنون تطلعو ليا مني تقولها ليا ونزيدك واحد الحاجة
مني نكونو في شي مول كبير نشري شي حاجة ومني نمشيو لي لاكس وتكون عامرة وبلاصة ديال
الحريم وبلاصة للرجال يقول لي لا لالالا انا الي راح احاسب روحي انتي وقفي هناااك يعني في
مكان بعيد عن الزحام تنقول ليش ما في حريم تحاسب عادي احاسب جهة الحريم
يقولي انا موجود تنقول ليه في خاطري وانت فين عمرك ماكنتي موجود معي لما اخرج لاي مكان


الغزالة انا من مدينة ينبع الهيئة الملكية تتعرفيها

الحمد لله لي انتم فحالي انا سحابلي غير انا راه وااااااااالو معنديش الحق حتى فحاجة فالزنقة صوتي وحسي مقطووووووووووووووووع ههههههههههههههه وانا ممولفاش

مانينة
03-07-2011, 18:24
الحمد لله لي انتم فحالي انا سحابلي غير انا راه وااااااااالو معنديش الحق حتى فحاجة فالزنقة صوتي وحسي مقطووووووووووووووووع ههههههههههههههه وانا ممولفاش

الصبر اختي طنجاوية حسب ما تقولو تخافو علينا فرحاتنا هههههه