المساعد الشخصي الرقمي

مشاهدة النسخة كاملة : اللي كاتسمع ميد راديو تدخل .....الجزء الرابع



الصفحات : 1 2 [3] 4 5

nemnema
12-12-2011, 22:25
ماسك لتقوية الشعر و اكسابه اللون الاسود

50 غرام ازير
50 غرام خبيزة
50 غرام زعتر
50 غرام حريكة
50 غرام سالمية
شوية ديال الكتيرة مرقدة في كاس ماء و تبات لبلة كاملة

تغلى الكل في ليتر ماء حتى تةلي نص ليتر و ترش به الشعر بعد غسله

و بالنسبة للشعر الجاف
الكمون البلدي مع الزيت البلدية و نرقدوه مده و تبقة تدهن به الشعر

nemnema
12-12-2011, 22:28
ديسير بفانتا

اي كيكة شايطة ليك قطعيها و ضغيها في زلايف

و نسقيها بالسيرو و نضع بعض الفواكه

في كاسرونة نضع نص ليتر ديال فانا و فلون ديال الكاراميل و نتركه على نار مهيلة و نكبوه على الفواكه و ندخله للتلاجة
و من بعد نضع الفواكه تم نزين بالشونتي و خيوط من الكاراميل او الشكلاط ذايب حسب الذوق

nemnema
12-12-2011, 22:29
سلامي لكل الحبيبات نتمنى ليكم ليلة سعيدة
تصبحوا على خير
مواااااااااااااااااااااااااااح موااااااااااااح

بنت الفضيلة
13-12-2011, 21:04
السلام عليكن اخواتي الله يجازيكم بخير اللي عندها رقم هاتف نزهة من طانطان ومليكة ام سارة او اللي اتصلت بالبرنامج تطلبهم ليا حينت دائما كلقى خطوط البرنامج مشغولة

sanaakam
14-12-2011, 20:19
السلام عليكم ورحمة الله وبركاته كيف درتو مع البرد وجدتو شي مونطوات نتمنى تكونو كاملات على خير

lolitalaguapa
15-12-2011, 00:17
السلام عليكم اخواتي عافاكم لي سمعات الوصفة ديال البارح لازالة اليطن قالت الازير و القرفة و لكن ما سمعتش الباقي الله يرزقكم الخير و السعادية امين يا رب

alhayat22
15-12-2011, 20:04
اخواتي شكون عندها مقادير الحرشة ديال الليمون لقالو في الراديو اليوم شكروها أبغيت نجربها

madam el
15-12-2011, 20:27
lwassafat d radio hta homa ka yakhdohom m net

nemnema
15-12-2011, 21:54
السلام عليكم اخواتي عافاكم لي سمعات الوصفة ديال البارح لازالة اليطن قالت الازير و القرفة و لكن ما سمعتش الباقي الله يرزقكم الخير و السعادية امين يا رب

مرااحب الاخت lolitalaguapa

الوصفة ديال ازالة البطن مافيهاش ازير

المقادير
ملعقة قرفة عواد
ملعقة حب الرشاد
ملعقة زريعة الكتان

الكل يكون مطحون في البيت على اليد
و عيهم في كاس عنبة و زيدي عليهم الماء الطايب واتركيه حتى يبرد
و يشرب على الريق مرة واحدة باليوم مدة 40 يوم

ام العربي1
16-12-2011, 09:03
http://www.anaqamaghribia.com/pic/images/sdz0mfgfttywu5nwlf.gif (http://www.anaqamaghribia.com/pic/)

بنت الفضيلة
16-12-2011, 10:51
السلام عليك اختي سناء الله يجازيك بخير الى ما جاوبيني على السؤال بخصوص رقم هاتف الاخت نزهة ومليكة ضروري

زينة المغربية
17-12-2011, 01:59
الله يعطيكم الصحة راه قائمات بالواجب
جزاكم الله خيرا

lolitalaguapa
17-12-2011, 20:56
مرااحب الاخت lolitalaguapa

الوصفة ديال ازالة البطن مافيهاش ازير

المقادير
ملعقة قرفة عواد
ملعقة حب الرشاد
ملعقة زريعة الكتان

الكل يكون مطحون في البيت على اليد
و عيهم في كاس عنبة و زيدي عليهم الماء الطايب واتركيه حتى يبرد
و يشرب على الريق مرة واحدة باليوم مدة 40 يوم
الله يجازيك بخير اختي الله يجعلها ليك في ميزان الحسنات

nemnema
20-12-2011, 01:27
كيكة بالحامض و المورانك

كاس سكر
نص كاس زيت
خمارتين
لفني
كاس و نص طحين
قبصة ملح 3 بيضات


الكريمة ديال الحامض
2 اصفر البيض
3 ملاعق سكر
3 ملاعق زبدة
عصير حامضة مع قشورها

المورانك

ناخدواا بياض بيضتين اللي عزلناهم من الكريمة و نطلعوه مع كاس سكر مع رشة ملح


الطريقة عملي الكيك كالعادة و بعد النضج نسرحوا الكريمة تم المورانك و ندخله للفرن و نسعلوا غير الفوق

nemnema
20-12-2011, 01:33
كيكة باللوز و الشكلاط

5 بيضات
3 كيسان و نصف طحين
كاس سكر
كاس و نص زيت
كاس و نص عصير برتقال
قشور برتقالة
3 خمارات
200 غرام شكلاط اسود مذوب
قبصة ملح

تخدموا البياض تم نضيف له الباقي تم ندهن المول بالزبدة و نرشوه بالسنيدة حتى الجوانب و نضيف رقائق اللوز و نضعه حتى في الجوانب تم نصب نصف الخليط
و نضيف الشكلاط ذايب تم الباقي من العجين وندخله للفران مدة ساعة

nemnema
20-12-2011, 01:37
الحرشة بالليمون

4 بيضات
لفني
خمارتين
100 غرام سميدة رقيقة
125 غرام طحين
كاس صغير سكر
كاس صغير زيت
كاس عصير الليمون
تخلط الكل و ندهنوا المقلة التقيلة و نرشها بالسميدة و ندخلها للفران و بعد الطياب تسقى بالعصير ديال الليمون

nemnema
20-12-2011, 01:40
البيني

2 بيضات كبار
نعبروا البيض و عباروا
نعبروا به السكر و الزيت
ساشي لفني
خمارة
شوية خميرة الدار
و الطحين الكافي تم تطلق بالمدلك و تقطع بالمرشم و نتركها 10 دقائق باش تخمر تم تقلى

nemnema
20-12-2011, 01:43
الرغايف في الفران

نص كيلو طحين
ربعة سميدة رقيقة
ملعقتين من السكر
خمارة
يعجن بالماء و تدلك و ترتاح 10 دقائق تم تكور و تورق بالزيت و ندهنها بالزبدة و تشكل على شكل مربعة و نضعها في لاطة و بعد النضج تدهن بالعسل تم الشكلاط محكوك

nemnema
20-12-2011, 01:45
البسبوسة

ربعة سميدة رقيقة
كاس حليب
كاس زيت
خمارتين
ملعقتين من السكر
نص كاس طحين

خلطي كلشس و افرغيه في المقلاة التقيلة و نرشوا باللوز مهرمش بالقشور و ندخله للفران

nemnema
20-12-2011, 01:49
الكاشير

كاس سميدة رقيقة
راس ملعقة خمارة حمراء
زلافة متوسطة من الروز المسلوق
الهريسة اختيارية
ضرس تومة
كنور
شوية تحميرة
ملعقة قزبور يابس
كامون
حبتين من الفرماج
كاس زيت
قطرة ملون
6 بيضات

تطحن الكل و نضعه في اناء الكاشير و نضعه في الكوكوط

nemnema
20-12-2011, 01:52
كاشير باللحم و الزيتون

ربعة حليب
200 غرام لحم مقطع
30 غرام طحين
50 غرام زبدة
هريسة
اسكنجبير
قزبور حبوب
الربيع مخلط
3 بيضات

نطحن الكل و نضع القليل في بواطة ديال الكاشير و نضع القليل من الزيتون تم اللحم تم الزينون حتى تكملي الخليط و نضعه في الكوكوط

nemnema
20-12-2011, 01:55
فقاس مالح

ربعة حليب
كاس مخلط زبدة و زيت
3 صفار بيض و بيضة كاملة
خمارتين
ملح و ابزار
تحميرة و سودانية
كنور و شوية كاشير
شوية ماء
و الطحين حسب الخليط
و نحربلوه

nemnema
20-12-2011, 02:00
علاج ترهلات البطن

4 معالق كبار عسل حر
ملعقة صغيرة خل التفاح
ملعقتين كبار من الشبة مطحونة
ماء الورد


نخلط الكل و ندهن البطن و ندوروا ليه البلاستيك الغدائي و نمارس الرياضة او اشغال البيت باش تعرقي
و من بعد يغسل المكان و ينشف و يدهن بزيت جنين القمح

nemnema
20-12-2011, 02:03
تحياااتي
للغاليين
ام العربي
سناء كام
امونة
ام لينة توحشناااك
السيدة خديجة
سناء اسفي
ام عبد المغيت فين غابرة
و كل اللي معانا في هاد الركن

مواااااااااااااااااااااااااح
تصبحواا على خير

nemnema
20-12-2011, 02:09
http://www.anaqamaghribia.com/pic/images/nmxoc1xnutt2rfxral2m.jpg (http://www.anaqamaghribia.com/pic/)

ام العربي1
20-12-2011, 15:17
تبارك الله عليك نمنمة عطاك الله الصحة
شكرا لجميع الاخوات اللي منورين هذ الركن من بينهم سناء كام ام لينة
السيدة خديجة
سناء اسفي
ام عبد المغيت فين غابرة

السيدة خديجة
20-12-2011, 16:07
السلام عليكم اخواتي بارك الله فيك اختي nemnema الله اعطيك ما نويتي في خاطرك و يرزقك في كل حرف حسنة و جزاك الله عنا الف الف خير
و شكرا للا سهام ام العربي على سؤالك و الله احفظك لينا و جميع الانيقات

زينة المغربية
20-12-2011, 16:23
تحية لك لك اختي اnemnema الله يعطيك صحة و يجزك بكل خير على هاد المجهودات ديال شكرا بزاف و لجميع الاخوات و الغالية على قلبي ام العربي و ام عبد الموغيث للي مزال كنتظر اميلها ههههههه و و سناء اسفي و جميع الاخوات للي كيساهمو بلنجاح هذا الركن

زينة المغربية
20-12-2011, 16:33
الله يجزكم بالغير بغيت نتاكد واش هده الوصفات ما ناقص فيهم والو
فلفة خضرة تطحن مع كاس زيت العود و تدخل الثلاجة عشرة ايام عاد تدهب بستمرار على شعر
وصفة اخرة لتقصف الشعر و التكسر
درك صغير يزل منه شوك و يطحن مع اصفر بيض بلدية و نعملو كا قناع على شعر بغيت نعرف واش الوصفة صحيحة و لاش كطليق
واصفة اخرة لتقصف شعر
كاس خزامة
كاس شاي اخضر
يطحنو مزيان و يتخلطو مع لتر زيت رومية و يتعمل على نار حتى يبقبق ثم يترك في قرعة مدة 15 يوم و عند ذهب للحمام ناخد تخت و نشقق به شعر و زيت نستعملها بشكل يومي
عافكم الا ناقصة شي حاجة صححوها ليا و لكم جزيل الشكر

aicha faris
20-12-2011, 16:44
tbarkallah 3alikom akhawati lacreme dial lhamed wach mafihach dqiq aw ncha

nemnema
20-12-2011, 23:33
السلام عليكم اخواتي بارك الله فيك اختي nemnema الله اعطيك ما نويتي في خاطرك و يرزقك في كل حرف حسنة و جزاك الله عنا الف الف خير
و شكرا للا سهام ام العربي على سؤالك و الله احفظك لينا و جميع الانيقات


ربي يخليك حبيبتي لالة خديجة على الدعيوة
احنا اخوة و تعاونوا بعضيتنا

nemnema
20-12-2011, 23:34
تحية لك لك اختي اnemnema الله يعطيك صحة و يجزك بكل خير على هاد المجهودات ديال شكرا بزاف و لجميع الاخوات و الغالية على قلبي ام العربي و ام عبد الموغيث للي مزال كنتظر اميلها ههههههه و و سناء اسفي و جميع الاخوات للي كيساهمو بلنجاح هذا الركن

العفو حبيبتي و ربي يخليك على كلامك الطيب

nemnema
20-12-2011, 23:41
الله يجزكم بالغير بغيت نتاكد واش هده الوصفات ما ناقص فيهم والو
فلفة خضرة تطحن مع كاس زيت العود و تدخل الثلاجة عشرة ايام عاد تدهب بستمرار على شعر
وصفة اخرة لتقصف الشعر و التكسر
درك صغير يزل منه شوك و يطحن مع اصفر بيض بلدية و نعملو كا قناع على شعر بغيت نعرف واش الوصفة صحيحة و لاش كطليق
واصفة اخرة لتقصف شعر
كاس خزامة
كاس شاي اخضر
يطحنو مزيان و يتخلطو مع لتر زيت رومية و يتعمل على نار حتى يبقبق ثم يترك في قرعة مدة 15 يوم و عند ذهب للحمام ناخد تخت و نشقق به شعر و زيت نستعملها بشكل يومي
عافكم الا ناقصة شي حاجة صححوها ليا و لكم جزيل الشكر

مرحبا حبيبتي

الوصفة ديال الفلفلة سمعتها لكن ما اعطيتها اهمية حيت سبق واحدة كلمات البرنامج و قالت ليهم الوصفة خايبة

و ديال الصبار حيدي ليه الشوق و يطحن مع صفر بيض و يصفى و خودي غير المادة اللزجة و ادهني بيه

الوصفة لتكسر الشعر

كاس خزامة
كاس حبوب اتاي يكون نوع المحبب
يطحن الكل و نضيفو نص ليتر زيت رومية
على عافية مهيلة حتى تغلي و ضعيها في زجاجة و خليها 15 يوم
و ادهني يوميا بالزيت و في اخر الاسبوع ادهني مع التخت ملي تبغي تمشي للحمام

nemnema
20-12-2011, 23:43
tbarkallah 3alikom akhawati lacreme dial lhamed wach mafihach dqiq aw ncha

الوصفة ديال لكريم الحامض ما دكرات الطحين واقيلا نساتوا

nemnema
21-12-2011, 01:24
الشوربة ديال البطاطا و الشوفلة

البطاطا و الشفلور في الكوكوط مع الماء و الملح و الابزار و صدر الدجاج و ملي ينضج نزولوا الصدر نفرتتوه و الخليط نطحنه مع الفرماج و الحليب تم نضيف الدجاج و نسخنوه و يقدم

nemnema
21-12-2011, 01:26
المايونيز

في خلاط كهربائي تضع كاس زيت تم نص كاس خل و شوية ملح و صفر بيضة و قليل من الموطارد و نطحن الكل حتى الحصول على مايونيز

nemnema
21-12-2011, 01:30
للحد من البرد عند الاطفال

تلات ضروس التومة بلدية نضعها في كاسرونة مع كاس صغير ماء حتى تطيب مزيان و يبقى غير ملعقتين الى تلات ملاعق من الماء و نمعكوا التومة و يضاف ملعقة كامون بلدي مع
تلات ملاعق زيت بلدية و نرجعه للنار حتى تبقى غير الزيت على نار مهيلة
تم نعطي للطفل ملعقة صغيرة تم ناخدوا اخليط ديال التومة و ندفيه و ندهن به الصدر و العنق و تحت الابط

nemnema
21-12-2011, 01:34
غريبة بدقيق الذرة (باداز)

الغراف ديال مطيشة د الحك
نعبروا غراف ديال الطحين
و غراف الاربع ناقص شوية ديال دقيق الذرة
كاس زيت
كاس و نص سنيدة
خمارة
شوية خميرة الخبز
ملعقة كبيرة نافع
شوية زنجلان صاين
شوية حبة حلاوة
و نخلط الكل و نضيف الماء حتى تتجمع تم تكور و ندخلها للفرن

nemnema
21-12-2011, 01:36
كاوكاو معسل

3 كيسان كاوكاو
2 كيسان سنيدة
كاس ماء
لفني
نص كاس ماء الزهر

يوضع الكل في طنجرة و نحرك حتى يولي اشقر و نضعه في بلاتوا مفرش و نفرقوا حبوب الكاوكاو

و ايلا بغيتيه معسل خليه حتى يتعسل تم نضعه في بلاطوا و ندوزوا بالمدلك و يقطع

nemnema
21-12-2011, 01:41
بيني ديال السردين

السردين مغسول و نزولوا ليه السنسول و نرقدوه في كاس عصير الحامض مع الملح و الابزار و نتركه مدة و يصفى

في زلافة نضع صفر بيضة و تومة محكوكة و ابزار و نص خمارة و كاس حليب و ملعقتين من الطحين و نطرب البياض على شكل تلج و نضيف للخليط و نخلط

ناخدوا قطعة السردين و نضع حبة زيتونة و نلويها و نسدوها بعود اسنان او عوض الزيتون خيار مخلل او قطعة بطاطا مسلوقة او قطعة جزر مسلوقة و نغطسها في الخليط و تقلى

nemnema
21-12-2011, 01:44
كعك اسفي

كيلو فورص
2 كيسان عصير الليمون
2 كيسان زيت
قبصة ملح
قبصة نافع
خمارتين
2 كيسان سنيدة

تدلك مزيان تم تحربل و تشكل دملج و يزوق بالمنكاش

nemnema
21-12-2011, 01:47
الغريبة

ربعة زبدة
ربعة سكر كلاصي
خمارة ونص
3 اصفر البيض و بيضة كاملة
2 لفني
3 كيسان زيت
الطحين حسب الخليط تم تكور و تغطس في البياض تم الكاوكاو محمر و مهرمش غير الوجه

nemnema
21-12-2011, 01:53
علاج التونيا

زبيب اسود نزولوا ليه العظم ونسخنوها و نحكوا مكان التونيا يوميا


خلطة الزيوت مفيدة لانبات الشعر
زيت جوجوبا
زيت الجرجير
زيت اللوز المر
زيت اللوز الحار
زيت السمسم
زيت البلدية

الكل بكميات متساوية و يشقق الشعر و نتركه ساعتين



ماسك لعلاج الشعر

حبة بنانة نطحنها مع صفر بيضة بلدية و ملعقة زبدة خالية من الملح و نتركها ساعة على الشعر و يغسل و من بعد تديري بروشينج

الوصفة التانية

حبة لافوكا نطحنها مع صفر بيضة و نخلط و الى كان شعرك جاف ضيفي زيت اللوز و الى كان ذهني ديري زيت الخرواع
و نتركه ساعة و يغسل

nemnema
21-12-2011, 01:56
خلطة مفيدة للاطفال اللي كيكونوا بحال المعوقين عنقهم طايح

زيت الخرواع
زيت الخردل
زيت الكافور
زيت البلدية
الكل بنسب متساوية و ندهن به الجسم مزيان على شكل مساج
كل ليلة

و الرقبة ندهنها بزيت الكرعة يوميا

nemnema
21-12-2011, 01:59
تصبحوااا على خير
حبيباتي احبكن في الله مواااااااااااااااح

زينة المغربية
21-12-2011, 16:25
مرحبا حبيبتي

الوصفة ديال الفلفلة سمعتها لكن ما اعطيتها اهمية حيت سبق واحدة كلمات البرنامج و قالت ليهم الوصفة خايبة

و ديال الصبار حيدي ليه الشوق و يطحن مع صفر بيض و يصفى و خودي غير المادة اللزجة و ادهني بيه

الوصفة لتكسر الشعر

كاس خزامة
كاس حبوب اتاي يكون نوع المحبب
يطحن الكل و نضيفو نص ليتر زيت رومية
على عافية مهيلة حتى تغلي و ضعيها في زجاجة و خليها 15 يوم
و ادهني يوميا بالزيت و في اخر الاسبوع ادهني مع التخت ملي تبغي تمشي للحمام
شكرا بزاف و الله يجزك بالخير على كل ما كتقدميه لينا و كتاخدي من راحتك و من وقتك باش تساعدينا الله يعطيك الصحة و العافية و كل ما كتنمنياه في حياتك اللهم امين يارب

ام عبد المغيث
22-12-2011, 08:19
تحية كبيرة لكل العضوات سناء كام السيدة خديجة زينة المغربية والاخت مغربية وافتخر واحلى القبل والمتمنيات اااخوات ام العربي ونمنيمة شششششششششششششششششششششششششششكككككككككككككككككككككرر رررررررررررررااااااااااااااااااا بزاف 90000000000مرة ا الحادكات تسول فيكم الجنة وي حقق ليكم ربي كل ما تمنى تعيشو نشالله فالسعادة او الهنا ايبعد عليكم تمتارة او المحنة ايخليكم دايما فقلوبكم المحنة شكرا لحبابات الي مفكرنا واخا رحنا .بسؤلهم التئم جرحنا او كمل فرخنا بمجهود نمنيمة اجتمعنا او حداكة ام العربي تمتعنا ......اقل ما قديت نقول فحقكم غير قبل عليا ختكم دربازة كانت تقني او مابينها او بين اللغة العربية غير الخير او الاحسان واخا تنهرف بعد المرات عليها...... ختكم غير فتمارة او مع يالاه راجع من الكونجي كل مرة نضرب شوية او نوقف الله ايسول فيكم الخير او نمنى تكونو ب90000000خير الحمد لله الي بقى فبلكم او سولت فيا ربي ايخليكم هاد ان دل يدل على القلب الطاهر والمعرفة بدون مصلحة ماشي بحال الي بروفيتاو او زاد الاجر عند الله انشاء الله نفوزو مجموعين بالجنة اخت نمنيمة شكرا على المجهود:s5334::s8719::s5334::s5334::s5334::s5334:

mot de passe
22-12-2011, 16:21
بيني ديال السردين

السردين مغسول و نزولوا ليه السنسول و نرقدوه في كاس عصير الحامض مع الملح و الابزار و نتركه مدة و يصفى

في زلافة نضع صفر بيضة و تومة محكوكة و ابزار و نص خمارة و كاس حليب و ملعقتين من الطحين و نطرب البياض على شكل تلج و نضيف للخليط و نخلط

ناخدوا قطعة السردين و نضع حبة زيتونة و نلويها و نسدوها بعود اسنان او عوض الزيتون خيار مخلل او قطعة بطاطا مسلوقة او قطعة جزر مسلوقة و نغطسها في الخليط و تقلى

شكرا لك اختى جربته جا غزال وشكرا لصاحبة الوصفة انا مالويتوش خليته شرائح

aicha faris
22-12-2011, 18:27
biscuit roule lidaz lyoum allah ya3tikom ssehha akhawati et banati:s5334:

sanaakam
23-12-2011, 19:48
السلام عليكم ورحمة الله وبركاته نتمنى تكونو كاملات على خير احبكم في الله

nemnema
25-12-2011, 01:13
شكرا لك اختى جربته جا غزال وشكرا لصاحبة الوصفة انا مالويتوش خليته شرائح

بالصحة و الراحة
حتى انا فكرت الى غادي نجربوا نخليه شرائح
دابا انتي شجعتيني اتجربوا

nemnema
25-12-2011, 01:18
شكرا ليكي بزااف حبيبتي ام عبد المغيت
لهلا يخطيك تستاهلي كل خير الحمد لله انك بيخير و على خير
مواااااح

سلام حار لكل الاحبة ام العربي امونة ام لينة سناء كام السيدة خديجة سناء اسفي يا رب تكونو بيخير

ميسمة
25-12-2011, 15:25
جربت كيكة بطحين القمح الكامل والتمر جات غزالة

mot de passe
28-12-2011, 16:53
السلام عليكم نتمنى كل انيقات يكونو بخير

hamsat-mama
28-12-2011, 23:34
السيبانة لي فالشعر ديال البنيات ندهنو الشعر بالصابون البلدي مزيان ونمشطوه بالمشطة الرقيقة دار مرتين الى ثلاث مرات في الاسبوع

ام عبد المغيث
29-12-2011, 08:28
نمنيمة ام العربي سناء كام نتمني تكونو كاملات بخير تووووحححححششششششتتتتكككككمممممممم والله العظيم ما تنعرف فالانترنت الا نتما انتما الي مونسيني الله اينولكم فخاطركم ما تمنيتوا البنات الي تعرف كيف يتصوب العشوب الي عند الاخوان الي تيتباعو كويرات تعتقني وشكرا عندي شوية اللوز مصلوق مقشر ولكن درت فالفريكو اش يمكن ليا نصوب بيه فيدوني ختي نمنيمة ما تغبريش او ششششككككررررااااااا على المجهود الى كنت غبرت من الراديو راني ما غبرتش من المنتدى الحبيب

ام عبد المغيث
29-12-2011, 08:30
الاخت الي جربت الكيكة بالتمر و دقيق القمح الى كان ممكن تحط لينا المقادير وشكرا مسبقا

ام العربي1
29-12-2011, 09:40
صباح الخير والرباح عليكم
اهلا ام عبد المغيث اش خبارك فيت كتغيبي راك ديما في البال
نتمنى تكوني بخير
وباقي البنات كل وحدة باسمها باش منسى حتى وحدة وتقلق علي توحناكم وتبارك الله عليك سلامي الحار

السيدة خديجة
29-12-2011, 14:30
صباح الخير اخواتي كيف عاملات لباس للا nemnema او للا سهام ام العربي و سناء اسفي و mot de passe و جميع الانيقات الفاضلات من فضلكن الي سجلات الوصفة ديال تنشيط الكبد الي فيها السفرجل و الشعر دالكبال الي قالتها خالتي كنزة اليوم تكتبها لي و جزاها الله عني الف الف خير مقدما

ام عبد المغيث
29-12-2011, 21:05
الله يرزقني الصبر اختي او دعيو معايا يرزقني سيدي ربي لعوين صراحة اختي غير المشاكل اوووووووففففففف واحد المسخوطة ديال الجارة او واحد العمارة ما كاين بحالها ما حلتي لزهر العوج ما حلتي لفام ديال الميناج ديال الدروج ما تتحملنيش حيت بنتها تدور نت مولات الخير براجلي اما وحدة قدامي او شرجمها على شرجمي نت مولاة الخير ما كاين غير تبركيك تبركيك تبركيك عيت فهاد المدينة ايمتا رجع لكازا سعداتك اسناء كام نمنيمة نتمنى اختي تكوني مزيان ما ملفاش تغبري او تما تكتبيش الوصفات الله ايعونك او تبرك الله على ام العربي فايقة بكري او تدزور المنتدى عاد تتبد نهارها سسسسسسسسنننننننننةةةةةةةةة سسسسسسعععييييدة لكم كاملات واخا ما شريت لراجلي حتى كاد او ما عرفتش اش غاد نجيب ليه

عبق الاريج
29-12-2011, 21:49
شكرا لجميع الاخوات اللي منورين هذ الركن

ام العربي1
30-12-2011, 09:33
http://www.anaqamaghribia.com/pic/images/ugmjkcksu5u0kgqovv1g.png (http://www.anaqamaghribia.com/pic/)

fleuryassmin
30-12-2011, 23:42
بارك الله فيكم يإخواتي

nemnema
01-01-2012, 21:48
صباح الخير اخواتي كيف عاملات لباس للا nemnema او للا سهام ام العربي و سناء اسفي و mot de passe و جميع الانيقات الفاضلات من فضلكن الي سجلات الوصفة ديال تنشيط الكبد الي فيها السفرجل و الشعر دالكبال الي قالتها خالتي كنزة اليوم تكتبها لي و جزاها الله عني الف الف خير مقدما

مساء النور لالة خديجة الوصفةديال تنشيط الكبد راه حورية اللي قدماتها نهار الخميس
هاهي الوصفة وشوفي واش هي

شوربة لتنشيط الكبد

ربعة ديال السفرجل
50 غرام شعر الكبال
ملعقتينمن الزبيب الاسود
8 تمرات
8 شريحات
شويةكركديه اللي عندو الضغط مايستعملهاش

nemnema
01-01-2012, 21:55
كيكة بالتفاح


كاس نيدو
كاس ونص سنيدة
كاس زيت
ملعقة زبدةذايبة
2 تفاحات محكوكين
خمارتين
لفني
كاس ماء
اربع ملاعق كاكاو
الطحين حسب الخليط

يخلط الكل و بعد النضج يزوق بالشكلاط مخل مع دانون فاني

nemnema
01-01-2012, 21:59
الكعك الوجدي

2 كيلو فورص
زلافةزنجلان نص مطحون و نص صاين
زلافة مخلطة بين نافع حبة حلاوة و زريعة البسباس
4 كيسان السكر
2 كيسان الزيت
4 خمارات
2 لفني

يخل الكل ويرتاح نص ساعة تم نخرجه من الماكينة البلدية
و نخربلوه رقيق حيت كيخمر و نفلحوه بالموس و ندهنه بصفر بيضة

nemnema
01-01-2012, 22:03
تبييض المناطق الحساسة

ملعقتين من الحليب غبرة
ملعقتين من الشبةمطحونة
ملعقة عصير الحامض
خلطي و ادهني به الجسم في الحمام



تحضير معجون الاسنان
ملعقة بيكاربونات
ملعقتينمن الغاسول الابيض
ملعقةصغيرة زيت النعناع
ملعقة صغيرة زيت القرنفل
ملعقة صغيرة زيت الزعتر
يخلطالكل ونحتفظ به في طاسة و نحكوا سنيناتنا

nemnema
01-01-2012, 22:07
كعك اسفي

كيلوفورص
2 كيسان عنبة زيت
2 كيسان سنيدة
خمارتين
2 لفني
2 كيسان حليب مغلي
زلافة نافع وحبةحلاوة وزنجلان
شويةخميرةالخبز

نخلطوا الكل والى مابغاتش تتجمع زيدي ماء الزهر و نخرجه من الماكينة ونحربلوه و ترتاح و تزوق بالمنكاش

nemnema
01-01-2012, 22:21
وصفات لالة حورية

دهان للمفاصل

500 غرام من السالميةمطحونة
500 غرام زبدة
يتخدموا مزيان و يبقى يدهن به المفاصل


ماسك يوضع قبل وع الماكياج يعطي النضارة

تلات ملاعق عصارة الجزر
تلات ملاعق عصارة القرعة الحمراء
ملعقة زيت الزنجلان
صفر بيضة بلدية
يوضع لمدة 20 دقيقة

شوربة للحد من فقر الدم

تلات حبات باربا
بصلة
ربطة خبيزة
ملعقة نافع
نطحن الكل و ناخدوا زلافة في الصباح

مشروب مفيد لعلاج هشاشة العظام

الكرومب
ربطة سبانخ
لوبيا خضراء
ونطيبوا الكل في الماء وندوروها بملعقة ايلان مطحون و نطحن في الحين ملعقة زريعة الكتان و نضيفها في الحين
ويجب الابتعاد عن المخللات و المشروبات الغازية

مشروب مرافق لمرض هشاشة العضام

2كيسان من الماء
8 حبات شريحة
يطحن ونضيف ملعقة سالمية و ملعقة زريعة الكتان و ملعقة مرددوش
و تقدم في زليفات
ويبقى يدهن المفاصل بزيت بلدية
و المشروب يداوموا عليه مدة اسبوع

nemnema
01-01-2012, 22:27
سلامي الحار للحبيبات
ام عبد المغيت يسلم عليكالخير يالحبيبة سنةسعيدةياربي تكون سنةسعيدة مليئة بالحب مع شريك حياتك واولادك
ام العربي سنةسعيدة تعيشي انشا الله في سعادة و راحة البال
السيدة خديجة سنة سعيدة مليئه بالحب
امونة الحلوة اتوحشتك سنة سعيدة ليك يارب تسهل عليك بكل الخير
ام لينة الغائبة ههههههتوحشتك بزاااف سنة سعيدةليك بالتوفيق في حياتك وتكوني متفوقة
سناء كام سلامات حارة ليك وسنةسعيدة تكون بالفرحة والسعادة وبطولت العمر

احبكن في الله
الله يجعلها محبة دائمة
مواااااااااااااااااااح عليكم كاملات

سنة سعيدة

السيدة خديجة
02-01-2012, 14:47
بارك الله فيك اختي للا nemnema و الله اعطيك ما نويتي في خاطرك و يجعل ليك في كل خطوة سلامة الف الف شكر اختي و جزاك الله عنا الف الف خير احبك في الله

oumlina
03-01-2012, 23:03
salamo3alikome kamline
je te remercie beaucoup ma chére nemnema dima mfakrani yfakarfik janna inchallah wallah matansali les études supérieus sont dur et ça demande plus de concentration et oui c'est pas facile avec les enfants mais hamdollah ça marche et on fait allerj'éspére rabbi mayhachamniche brite natwasale m3ak mais comment? je vous passe mon grand bonjour merci ma chere nemnema
un gros bisous

sanaa asafi
05-01-2012, 00:06
Salam sana sa3ida twahachtkom bzaf b nisba l okht li jarbat kika ta3 lkamh lkamil o tmar ana li 3titha hadik 3tatha liya wahd mektasa f halawiyat katji rezala ra jarboha 3la hsabi ana radi n3awdha f radio inchalah simana jaya nas 3ajbathom

nemnema
05-01-2012, 00:51
اهلا اهلا اهلا بلالة ام لينة
عارفة يالحبيبة انك مامسالياش مع دراستك و مسؤولية العائلة
كنتمنى ليك التوفيك يارب في حياتك و يخليلك اولادك ويبارك فيهم
الى ماتواصلناش هنايا نشوفو الايميل
غير مع الصبر غادي تحققي كل اهدافك باذن الله
موااااح الزين الصافي

nemnema
05-01-2012, 00:57
سلام للغاليات نتمنى تكونة على خير

يغيت نسولكم واش عارفين انو برنامج لالة مولاتي كيعاودوا غير للحلقات
حيت هادي يومين كل الوصفات اللي دازوا كانوا فايتليا كتبتهم
واقيلا ما بقة حدكيتصل ههههههههههههههه

mot de passe
05-01-2012, 16:27
عندك الحق اختى غير كيعاودو ربما سنا مسافرة لكن اليوم جابو حلقة جديدة لقيت ام دعاء من راشيدية بادية واحد الديسير الله يجازيك بخير الا قيدتى الوصفات ديال حوربة و ام دعاء سجليهم الله يحقق ليك ما تمنيتى

sanaakam
05-01-2012, 17:28
+لتبييض المناطق الحساسة_ك ونص ماء ورد+نص كاس زيت العود+كاس بولبو+م ملح نوضع الكل فوق النار حتى يتخلط الكل ثم نوضع في المناطق لي بغيت مع التدليك

sanaakam
05-01-2012, 17:32
كيكة الكوكوط_4 البيضات __كاس سنيدة __كاس طحين__2 خمارات _3 معالق كاكاو __نخلط الكل نوضع في الكوكوط مدهونة تطيب على نار مهيلة ثم نزينها حسب الرغبة

sanaa asafi
05-01-2012, 23:49
Oui rah barnamaj had simana m3awd sanaa chada wahd simana trtah chwiya maskina 3yat htal lundi 3ad radi dkol inchalah

زينة المغربية
10-01-2012, 16:09
عافكم بغيت الكيك ديال الكركاع و ايضا الكيكة الاقتصادية
شكرا لك

sanaakam
13-01-2012, 00:42
salame alaikom jemea mobarika ntma tkoko kamlatte ala khayre siha o afya

ام العربي1
13-01-2012, 09:53
http://www.anaqamaghribia.com/pic/images/7aivir7ul0vwbf5dmbn3.gif (http://www.anaqamaghribia.com/pic/)

najlaa2000
13-01-2012, 17:20
يا ريت الأخت سناكام أو نمنيمة أو أي أخت تكتب لنا وصفات الأطفال ليوم الأربعاء وشكرا.

rose80
18-01-2012, 13:25
السلام عليكم الحادكات، أش خباركم و كيف عاملين مع البرد

بغيت نطلبكم واحد الطلب، لي سمعات الحلقة ديال لالة مولاتي هاد الصباح
و قدرات تسجل وصفة غريبة السميدة ديال خالتي كنزة، تعتقني بيها
الله ينولكم ما في بالكم

صفية 2
18-01-2012, 18:25
السلام عليكم الله يخليكم اللي سجلات الحلوى اللي فيها الكونفير والكوك مع البيض من الفوق تكتبها ليا الله ينولكم اللي في بالكم

صفية 2
18-01-2012, 18:29
حلوة السميدة/200g السميدة الرقيقة-2 بيضات-1 خمارة -قشرة حامضة-500g الكوك -125gسنيدة- ملعقة صغيرة العسل -نصف كاس العنبة الزيت ونجمعوها الى ما تجمعاتش نضيف بيضة ونكوروها وندوزوها في السميدة الغليظة

sanaakam
18-01-2012, 22:31
نزلة البرد_ ناخد زيت العود نخطو مع قرنفل مطحون أو سكنجبير ثم نوضعو في الرجيلات ونلبس التقاشر

sanaakam
18-01-2012, 22:43
نزلة البرد_ ناخد زيت العود نخطو مع قرنفل مطحون أو سكنجبير ثم نوضعو في الرجيلات ونلبس التقاشر

sanaakam
18-01-2012, 22:50
حلوة_كيلو فورص_رابعة زبدة_كاس زيت_نص كاس زهر_كاس ماء_خميرة معجونة__2 معالق سنيدة_نخلط الكل نكورها ثم ندوز فوقها لفورشيط ندخلها تطيب نلاقيها بالشكلاط نفندها في سكر كلاصي

sanaakam
18-01-2012, 23:01
السلام عليكم الله يخليكم اللي سجلات الحلوى اللي فيها الكونفير والكوك مع البيض من الفوق تكتبها ليا الله ينولكم اللي في بالكم

حلوة الكوك_رابعة زبدة_بيضة_فاني_نص خمارة_نص كاس سنيدة_الطحين حسب الخليط_رابعة كوك_رابعة سكر كلاصي_ناقص كاس_رابعة كوك_قرعة كوفتير جاري_ هادو هم المقادير لكن ما سجلتش اطريقة

sanaakam
18-01-2012, 23:07
بسبوسة_كاس حليب_كاس زيت_بيضة_نص كاس سنيدة_رابعة سميد غليظة_2 خمرات_نخلط الكل حين تطيب نزين بزنجلان

sanaakam
18-01-2012, 23:11
قراشل_نص كيلو فورص_100غ زبدة_كاس زيت_ملح_ابزار_20 غ خميرة_خمارة_الحليب لي يجمع نحربل نقطع ثم ندخل يطيب

sanaakam
18-01-2012, 23:15
التبول اللارادي_كل ليلة ناخد حب رشاد مع الحليب فايض

mot de passe
19-01-2012, 11:22
ام لمياء من بنجرير
حلوى كوك
رابعة الزبدة نباتية - بيضة - لفانى - نصف خمارة - نصف كاس سنيدة - طحين - 4 بيضات - لفانى
رابعة كوك - رابعة سكر كلاصى ناقص نصف كاس - قرعة كونفتير مشماش
زبدة مع بيضة ونصف كا س سكر كلاصى وخمارة وفورص تجمع وتطلق وتوضع فى طاوة طويلة تطيب نصف طيبة مباشرة عملى فوقهاكونفتير وترجع للفرن تحمر
4 بيضات طربيهم مع رابعة سكر كلاصى ناقص نصف كاس ورابعة كوك تخلط ضيفى ورح فانى او لفانى خرجى طاوة من الفرن وضعى الخليط غطى كوفتير ما يبقاش يبان وترجع تطيب خليها حتى تبرد ورشى سكر كلاصى لما تبرد مزيان تقطع مربعات

sanaakam
19-01-2012, 17:11
حلوة اللوز_رابعة لوز مطحون_رابعة كركاع مهرمش_رابعة سنيدة_بيضة_1 فاني_نص خمارة_نخلط الكل نكورها نفندها في سكر كلاصي ندخلها للفرن

sanaakam
19-01-2012, 17:15
رابعة زنجلان_محمر مطحون_رابعة لوز مطحون_رابعة سنيدة_رابعة زبدة_رابعة طحين نخلط الكل كويرات صغار حين تطيب نلاقيها بشكلاط اسود

ام العربي1
20-01-2012, 09:27
http://www.anaqamaghribia.com/pic/images/8pqs7l5zitqueatb6by2.gif (http://www.anaqamaghribia.com/pic/)

nassima94
20-01-2012, 12:15
كيكة بالتفاح


كاس نيدو
كاس ونص سنيدة
كاس زيت
ملعقة زبدةذايبة
2 تفاحات محكوكين
خمارتين
لفني
كاس ماء
اربع ملاعق كاكاو
الطحين حسب الخليط

يخلط الكل و بعد النضج يزوق بالشكلاط مخل مع دانون فاني
واش مافيها البييض؟

nemnema
24-01-2012, 01:41
البسبوسة

2 بيضات
لفني
كاس صغير سكر
كاس صغير زيت
كاس صغير لبن
كاس طحين
كاس كوك
نص كيلو سميدة رقيقة
تلات ملاعق كبار زبدة

تخلطوا جميع المقادير و تفرغوها في مول مدهون و مرشوش بالسميدة الغليظة

و ندخلها للفران و تخليوها تطيب نص طيبة و اسقيها بالسيروا ديال ماء الزهر و السكر مضاف ليه ملعقتين من السكر اللي حرقناهم حتى و لا كاراميل و خلي شوية من السيروا تم تدردري عليها الكوك و قطعيها ارجعيها للفران ملي تتحمر خرجيها و اسقيها بالباقي ديال السيرو

nemnema
24-01-2012, 01:45
الصابلي

بيضتين
ربعة زبدة ديال العبار
ياغورت فاني
خمارتين
كيلو فورص ممتاز
2 كيسان سكر كلاصي
2 كيسان زيت

يخلط الكل و نتركها ترتاح تم تطلق بالمدلك و تقطع بالمرشم و تلصق 2/2 بالشكلاط تم ندهن الوجه بالعسل تم نعطيوها بالكاوكاو محمر و مهرمش

nemnema
24-01-2012, 01:49
الغريبة بحال الهبلة

ربعة الزبدة
رابعة سكر كلاصي
3 خمارات
2 كيسان عنبة زيت
2 كيسان كوك
كاس لوز مصهد و مهرمش بالقشور
كيلو فورص ممتاز

يخلط الكل و تكور و تطهى في الفران ديال الزنقة

nemnema
24-01-2012, 01:54
الغريبة

3 بيضات
3 خمارات
3 كيسان زيت
3 كيسان سنيدة
ربعة زبدة
قشور ليمونة محكوكة
كاس لوز مطحون
كاس كوك مطحون

يخلط الكل و تكور كويرات كبار و تغطس في البياض ديال البيض تم في الكاوكاو مقشر و مهرمش في الماكينة ديال مطيشة

nemnema
24-01-2012, 02:01
الشهدة

بيضتين
لفني
خمارتين
2 كيسان زيت
2 كيسان سنيدة
نص ليتر حليب دافئ
شوية خميرة الخبز
الطحين حسب الخليط

يخلط الكل و نخليها تبات ليلة كاملة
تم تدهني الطاوة ديال البسطيلة و تكوري كويرات صغار بعد ما نضع قطعة شوطولا في الوسط و نخليها تخمر شوية تم تدهن بالبيض تم الزنجلان و ملي تخرجيها من الفران تدهن بالعسل

nemnema
24-01-2012, 02:06
صابونة لجميع انواع البشرة

صابونة الطاووس محكوكة
كاس حليب سائل
ملعقتين كبار من الروز مطحون
ملعقتين كبار من الغاسول ابيض
ملعقتين كبار من زيت الغليسيرين
ملعقتين كبار من الزيت البلدية

يخلط الكل في حمام مريم تم نضعها في قوالب التجميد


ماسكات للتبيض

الماسك الاول

ملعقتين من لفول مطحون
ملعقتين من الغاسول الابيض
ملعقتين من ياغورت طبيعي
يخلط الكل و يوضع لتلت ساعة و يغسل بالماء الدافئ تم البارد


الماسك التاني

ملعقة كبيرة روز مطحون
ملعقة كبيرة لوز مطحون
ملعقة كبيرة ياغورت مسوس
ملعقة صغيرة من العسل
و يوضع على الوجه لمدة تلت ساعة و يغسل

nemnema
24-01-2012, 02:11
جوماج لليدين

ملعقتين كبار من الروز مطحون
عصير نص حامضة
و نضعه على اليدين و نعمل حركات دائرية تم يغسل و من بعد دهني يديكي بالكريم


كريم لترطيب اليدين

5 ملاعق زيت اللوز
شمعة
3 ملاعق زيت الغليسبربن
ملعقتين من الفازلين
ملعقتين من عصير الحامض
ملعقتين من الطالك ديال الاطفال

نضع الشمعة في حمام مريم حتى تذوب تم نضيف الزيوت و نحرك و نفرغها في زجاجة و نحتفضوا بيها و كل ليلة تدهني بيها يديك

nemnema
24-01-2012, 02:16
تحية عطرة لكل حبيباتي الانيقات

ام العربي \ام عبد المغيت \ السيدة خديجة \ سناء كام \ ام لينة \سناء اسفي \ امونة






http://www.anaqamaghribia.com/Gallery/images/ne/0003.gif

ام عبد المغيث
24-01-2012, 14:47
شكرا احبيبة ام العربي و نمنيمة السيدة خديجة و كل العضوات شكرا على المجهودات الي تتقوم بيها نتمنى تفيدوني واخا خارج الموضوع نتتما قدامات فالمنتدى او فالدنيا تبارك الله عليكم بالنسبة لطراس ديال الحبوب شي وصفة او شي كريم عيات واحد السيدة تعلج و بدون فاءدة او الي عندها شي فكرة على الطنوبيلات بغات ختكم تشري او حرت قلبت فالانترنت او تلفت قلت مع راسي ما كاين ما حسن من خواتاتي فالمنتدى الي غادين ايفدوني سناء كام غبرت الزين يكما قطع عليكم المترو الكونيكسو ههههههههههههه

شهرزاد المطبخ
24-01-2012, 15:58
شكرا احبيبة ام العربي و نمنيمة السيدة خديجة و كل العضوات شكرا على المجهودات الي تتقوم بيها نتمنى تفيدوني واخا خارج الموضوع نتتما قدامات فالمنتدى او فالدنيا تبارك الله عليكم بالنسبة لطراس ديال الحبوب شي وصفة او شي كريم عيات واحد السيدة تعلج و بدون فاءدة او الي عندها شي فكرة على الطنوبيلات بغات ختكم تشري او حرت قلبت فالانترنت او تلفت قلت مع راسي ما كاين ما حسن من خواتاتي فالمنتدى الي غادين ايفدوني سناء كام غبرت الزين يكما قطع عليكم المترو الكونيكسو ههههههههههههه

okhti rah wa7ad al okht ktbt o3an tajribtha chakhsiya an zayt sabar al asli kayzwl ay atrass okanat anatija mobhira

mot de passe
24-01-2012, 17:04
اختى ام عبد المغيث
بالنسبة للوصفة لازالة تراس ديال الحبوب
انا جربت معلقة حمص مطحون مع نصف معلقة زيت الورد وتجمع بماء دافئ وتعمل كماسك وتغسلى بماء دافئ
2 مرات فى الاسبوع
هاد الوصفة فى نفس الوقت كتبيض نتمنى تفيدها

sanaa asafi
24-01-2012, 17:22
khti nemnema ma3andi maytsalk raki hata halawiyat dyali li "tit rir howa brit ngol lik sabli nsiti 1vanille o tahiyati likom kolkom

sanaa asafi
24-01-2012, 17:24
o hadik halwa reriyba li fiha 3 men kol haja ana golt kas kouk oula louz machi bjouj o ila mabritich madiri la louz la kouk ok

السيدة خديجة
25-01-2012, 21:44
للا nemnema تبارك الله عليك الله احفظك و خلاص و يسول فيك الخير و الرباح انت و ام عبد المغيت و ام العربي و sanaakamو mot de passe و جميع الانيقات و عواشركم مبروكة و متنساوش تكتبوا لينا الحليوات ديال اليوم و جزاكن الله عنا الف خير

ام عبد المغيث
26-01-2012, 19:21
براك الله فيك السيدة خديجة كيف دايرة اسناء او نمنيمة او ام العربي مع شي شهيوات او شي برد حتى وحدة ما جوباتني بخصوص الطنوبيل اولا مقتصدات عليا على حساب الضريبة او لاسيرونس ههههههههههههه ياك برك عليا غير الطاكسيات رخاص وجدت شي حاجة لسيدنا المولد اولا والو انا بعدة شرفت مع عبد النغيث او زدت حتى هم السيارة نهار او ما طال وانا تنقلب فالانترنت حتى شحفت الحصول عواشركم مبروكة مسبقا او دجنب الحلويات الي هازة الزبدة او الزيت راه ضرر كبير كتر من السوسة ديال بن ادم الي تيبروفيتي او يستغل حاجة صافي لهلا ايجعلنا منهم لا دنيا ولا اخرة واح+دghizeelle غبرت حتى بيضت وانا مازال تنتسنى فيك الزين

mot de passe
27-01-2012, 10:47
الله يبارك فيك اختى السيدة خديجة بالنسبة الحلويات
خديجة ام ايمان من الراشيدية

حلوى اللوز والشكلاط

250 الزبدة - 6 معالق كبار سكر كلاصى -6معالق ك الزيت

معالق ك الزيت - نصف خمارة -فلان زرق -رابعة اللوز مقلى ومهرمش

6 معالق ك ماء الزهر وتجمع بطحين

وقطعى بمرشم دائرى مسنن وتطيب منين تطيب

تلصق بنسلى و تفند فى الشكلاط اسود مدوب

mot de passe
27-01-2012, 10:49
حلوى دودة

كاس الزبدة عنبة مدوبة - كاس الحليب -نصف كاس ما الزهر

ملح و طحين

تعجن وترتاح

الحشوة

زلافة كاكاو و زلافة كوك مطحون و زلافة الزنجلان مطحون

تخلط بالكوفتير جارى وتعمل حرابل

العجين تقطع مربعات و تعمل بحال شباكية تحط الحربل الوسط وتجمع بحال الدودة

منين تطيب تطفى فى العسل

mot de passe
27-01-2012, 10:53
لطيفة من الدار البيضاء

3 بيضات - 3 كيسان الزيت - 2 كيسان السنيدة - حامضة محكوكة

3 خمارات - لفانى - كيلو فورص - ملون اخضر واحمر

تجمع وتقسم على 2 وحدة تلونيها بالاحمروالاخرى بالاخضر


تكون لاطة حمراء ولاطة خضراء

منين تطيب الحلوى طيبى نصف لتر حليب مع بكية كاوبيل

و تغطسى الحلوى فيه وتفند فى الكوك

ابني-زكرياء
28-01-2012, 14:54
شكرا

nemnema
29-01-2012, 23:32
حلويات بدون طحين الفورض

حلوة بطحين الذرة

منجرينة
ملعقة قرفة
ملعقتينمن النشا
كاس زيت
خمارة
و الطحينديال الذرة

يخلط الكل ويورق و تقطعيها بالمراشم


حلوة بيلان

كاس زيت
بيضة
خمارة
كاس زبدة
كاس زنجلان محمر ومطحون
يجمع الكل ويضاف ايلان مطحون حتى تتجمع العجينة
و تورق و تقطع بالمراشم

nemnema
29-01-2012, 23:37
حلوى بالكاوكاو

كيلوكاوكاو محمر و مطحون
نص كيلومنجرين
ربعة سكر كلاصي
ربعة فورص

يخلط الكل ويسرح بالمدلك ويقطع بالمرشم مدور وبعدالطهي يزوق الوجه بالسكر كلاصي مع وضع نص كركاعة في الوسط

nemnema
29-01-2012, 23:48
حلوى ريشبوند
6 بيضات
ربعة سنيدة
ربعة منجرين
كاس زيت
لفني
تلات خمارات

يخلط الكل و يجمع بالفورص و نكوروه كويرات صغار و ندخلهم للفران
و من بعد تطفيهم في
قرعة كنفتور جاري مسخن مع شوية خل و ماء الزهر حتى يعقد شوية تم
تمرمديهم في الكوك

nemnema
29-01-2012, 23:55
الغريبة بالسميد و الكوك

كاس سنيدة
كاس سميدة رقيقة
كاس مخلط زيت و زبدة
راس ملعقة خمارة حمراء
ملعقتين ماء الزهر
بيضتين
تلات كيسان كوك

نخلط السوائل و في الاخير نضيف الكوك و السميدة و تكور و نباعدو بيناتهم في الاطة

nemnema
30-01-2012, 00:05
الغريبة

ربعة زبدة عادية
كاس و نص زيت
كاس و نص سنيدة
خمارتين
تلات ملاعق كبار غبرة لكريم باتسيير
زلافة زنجلان محمر و مطحون او تعوضيه بكاوكاو

يخلط الكل و يجمع بالطحين و يكور و يدخل للفرن

nemnema
30-01-2012, 00:08
الحرشة

نص ليتر حليب
كاس زيت
ناسين من السكر
خمارتين
نص كيلو سميد رقيق
يطرب الكل في مولينيكس و في الاخير يضاف السميد و يخلط و نفرغه في المقلة التقيلة وندخلها للفران

nemnema
30-01-2012, 00:13
وضفتنين للسردين

الوصفة الاولى

نص كيلو سردين مغسول نرقدوه في كاس حليب مع الملحة و الابزار و ورقة موسى و الكامون
و نتركه تلت ساعة
تم ندوزوا قطع السردين في دقيق الحرش و يقلى


الوصفة التانية

يتقى السردين و يطحن و يخلط مع تلات ملاعق نشا و المعدنوس و التومة و الملح و الابزار و الكامون و نكوروه و نحليوه يرتاح
تم يكرص قليلا و ندوزوه في طحين الحرش و يقلى

nemnema
30-01-2012, 00:28
الغريبة بالسميد

8 بيضات
400 غرام سكر كلاصي
زلافة زيت
قشور حامضة
2 لفني
2 خمارات
600 غرامسميدة رقيقة
500 غرام كوك
ملعقتين كبار كنفتور جاري
يخلط الكل و يدهن اليدين بماء الزهر و تكوري و نضع الوجه في السكر كلاصي و تباعدي بيناتهم في لاطة

nemnema
30-01-2012, 00:48
حلوى باردة بالكاوكاو

3 زلايف كاوكاو مقلي و مطحون
ملعقتين من روح اللوز
ربعة شكلاط اسود
نص ملعقة قرفة
50 غرام شكلاط ابيض
علبة نسلي
200 غرام بسكوي صابلي
2 لفني

نطحن الكاوكاو و البسكوي مزيان و نضيف القرفة ونسلي وروح اللوز ولفني ونسرحوه في لاطة مدهونة ونسرحوا من الفوق الشكلاط الاسود ذايب تم نعمل خيوط من الشكلاط الابيض
و تقطع بعدما تبرد على شكل معينات تم نضعها في القويعطاط

nemnema
30-01-2012, 00:52
البيني ديال السردين

تلات بيضات مطربين مع نص ليتر حليب و نص كاس زيت مع نص خمارة ونص ملعقة ملحة و 400 غرام طحين
و نخلط الكل و نتركه يخمر ساعة
ناخدوا السردين ننقيه ونزولوا ليه السنسول و نغطسه بالخليط ويقلى

nemnema
30-01-2012, 00:56
البيني

نص كاس عصير الليمون
نص كاس حليب
شويةزبدة مذوبة
بيضة
قبصة ملح
خمارة حمراء
حميرة الخبز
و الطحين الكافي تم نتركها ترتاح مدة 10 دقيقة
تم يطلق بالمدلك و تقطع و نتركها تخمر تم تقلى و فنديها في سنيدة او زوقيها بالشكلاط

nemnema
30-01-2012, 00:59
الغريبة بالزنجلان

8 صفر البيض
نص كيلو زبدة
نص كيلو سنيدة
2 كيسان زيت
2 خمارات
ربعة زبيب
ربعة زنجلان
نص كيلو فورص

يخلط الكل و كوريها تم دوزي الوجه في البياض تم الزنجلان

nemnema
30-01-2012, 01:04
الصابلي بنكهة الفاني

ربعة زبدة عادية
ربعة سكر كلاصي
بيضة
روح فاني
الطحين حسب الخليط
يخلط الكل و يطلق بالمدلك تم ندوزوه بالمدلك المشنف تم تقطع بالمرشم حسب ذوقك تم بعد النضج يدهن الوجه بالناباج و ندردروا اللوزمهرمش

nemnema
30-01-2012, 01:08
الصابلي بنكهة القهوة

ربعة زبدة
اربع ملاعق كبار سكر كلاصي
2 ساشيات نسكافي
الشكلاط للتزيين
الطحين حسب الخليط

يخلط الكل ويطلق باالمدلك و تقطع بالمرشم اللي حبيتي و بعد الطهي تزوق بالشكلاط

nemnema
30-01-2012, 01:16
الفقاص ( قياس 2 كيلو )

12 بيضات
4 كيسان الزيت
4 كيسان سنيدة
4 خمارات حمرين
2 لفني
ملعقة عسل
كاس ماء
شوية نافع و زنجلان و اللوز
و الطحين الكافي

يخلط الكل و نروليوه و ندهنه بالنسكافي مخلط بالاصفر ديال بيض وقطرة حليب و نزوقه بالفرشيط و نتقبه بالفنيتة
تم ندخله للفرن نص طيبة و خرجيه و لفيه في توب مبلول و من بعد يقطع و يكمل الطياب

nemnema
30-01-2012, 01:21
تحية كبيرة للسيدة خديجة تستاهلي كل خير حبيبتي
و سلامي للكل الحبيبات ام عبد المغيت مبروك السيارة مسبقا هههههههه واخا ماعاونتك في حتى حاجة ههههههههه نتمنى ليك التوفيق
و تحية ام العربي و سناء كام و سناء اسفي و ام لينة و امونة و mot de passe
عيدكم مبارك سعيد يكون مليئ بالافراح و المسرات

mot de passe
31-01-2012, 13:54
عواشر مبروكة وشكر لك اخوات المنتدى
شكر لك اختى nemnema على الوصفات

زوجي حبيبي2011
01-02-2012, 15:05
السلام عليكم ورحمة الله تعالى وبركاته
خواتاتي شكون فيكم اللي مسجلة الوصفة ديال زيادة الوزن بالمكسرات سمعت قالتها اليوم المقدمة ديال البرنامج ولكن ما قالتش اشنو فيها
امكن ديال شي مستمعة سميتها sسناء العنبري اللي عندها تعتقني بيها

aicha faris
02-02-2012, 10:34
tbarkallah 3alikom akhawati 3awacher mbarka mas3OUDA

الهام ام سعد
03-02-2012, 15:02
سلام عليكم ورحمة الله وبركاته
ختى nemnema الله سهل عليك ما صعاب
اااااااحلى تقييم
جمعة مبارك للجميع

nemnema
05-02-2012, 00:59
سلام عليكم ورحمة الله وبركاته
ختى nemnema الله سهل عليك ما صعاب
اااااااحلى تقييم
جمعة مبارك للجميع

لهلا يخطيك حبيبتي الهام ام سعد
وربي يخليك على الدعيوة عواشر مباركه

nemnema
05-02-2012, 01:08
السلام عليكم ورحمة الله تعالى وبركاته
خواتاتي شكون فيكم اللي مسجلة الوصفة ديال زيادة الوزن بالمكسرات سمعت قالتها اليوم المقدمة ديال البرنامج ولكن ما قالتش اشنو فيها
امكن ديال شي مستمعة سميتها sسناء العنبري اللي عندها تعتقني بيها

مرحبا اختي

الوصفة ديال الاخت سناء العنبري

المقادير
نص كيلو لوز مكلي مطحون
نص كيلو كركاع مسخن في الفران ومطحون
نص كيلو حمص مكلي و مطحون
ربعة بيستاش مطحون
2 ساشيات ديال سيريلاك
الطريقة

يطحن جميع المقادير وتحتفضين بهم في زجاجة
و تاخدي ملعقتين من الخليط مع كاس ديال الحليب

nemnema
05-02-2012, 01:10
tbarkallah 3alikom akhawati 3awacher mbarka mas3ouda
allah yabarak fik
nawartina okhti
aicha faris
mabrouk el3id

nemnema
05-02-2012, 01:12
السيدةخديجة
امالعربي
ام عبدالمغيت
امونة
ام لينة
سناءكام
سناءاسفي
mot de passe
عيدكم مبارك سعيد

sanaakam
05-02-2012, 20:41
السلام عليكم ورحمة الله وبركاته آش خباركم عواشركم مبروكة بالخير والرحمة وباش ما تمنيتو و زيادة

ام عبد المغيث
06-02-2012, 14:22
شكرا ليك اححبيبة نمنيمة وعيدك اسعد باشما تمنيت نت وجميع العضوات من مشرفات وعضوات وحتى زاءرات خاصة العاءلة الكبيرة المكونة لقسم الي تتسمع ميد راديو من بينهم السيدة خديجة والحادكة ام العربي والامواظبة على الدراسة رغم المسؤولية ام لينا والقاءمة بالواجب mot de passeما نساو الحلاوية سناء اسفي وكدلك الشاعرة سناء كام والاخت ghizelleلي غبرات علينا والمتولة وصاحبة الدارة امونة على فكرة عجبني الفهرس ديالك ولكن تلفت لالة نمنيمة الشكر ليك على التهنءة على السيارة مسبقا واخا حتى وحدة ما فادتني وعزل معايا واخا غير الماركة اولا خيفين نخوي ليكم البونبة او ناخد المازوط كامل ههههههه انا غادا نعمرها غير بالما او لا غير البرد مع الجو لي كاين دابا غادا تطلع عليا القضية رخيصة هههه والله العظيم تلفتني هاد القضية او ماغاد نشريها حتى نشيب قبل الوقت ههههههههه المهم عيدكم مبروك او برك عليكم من الحلوة را غادين نوليو دبدبات ههههههههه

مغربية24
06-02-2012, 15:08
السلام عليكم
هذا موقع فيه تقريبا جميع وصفات مدي راديو انشاء الله اعجبكم
http://passiondecuisine.over-blog.com/

بنتي_بنتي
08-02-2012, 02:18
عافاكم الى عرفتو المقادير ديال الكيكة ديال الشعرية راه قدمتها واحد السيدة ف للا مولاتي و شكرا

mot de passe
08-02-2012, 15:38
الله يبارك فيك اختى نمنمة وعلى جميع انيقا المنتدى الرائع وشكرا لك اختى على الكلمة الطيبة فى حق جميع الانيقات لهلا يخطيك علينا كتعجبنى طريقة كتابتك وصوابك

mot de passe
08-02-2012, 15:48
السلام عليكم ورحمة الله تعالى وبركاته
خواتاتي شكون فيكم اللي مسجلة الوصفة ديال زيادة الوزن بالمكسرات سمعت قالتها اليوم المقدمة ديال البرنامج ولكن ما قالتش اشنو فيها
امكن ديال شي مستمعة سميتها sسناء العنبري اللي عندها تعتقني بيها

زيادة الوزن
نصف كيلو لوزمحمرو مطحون - نصف كيلو كركاع مسهض فى الفرن و مطحون
نصف كبلو حمص مكلى و مطحون - رابعة بيستاش مطحون
2 خنيشات سيريلاك الكل يتخلط
تاخدى 3 معالق فى الصباح مع كاس الحليب دافئ

mot de passe
08-02-2012, 15:51
اخواتى الله يخليكم اللى قيدات الطريقة ديال طون قالتها نادية من وارزازات اليوم وشكرا

بنتي_بنتي
08-02-2012, 21:42
عافاكم اخواتي اللي عندها كيكة بالشعرية قدمتها واحد السيدة ف ميد راديو الله اجزيكم بالخير

sanaakam
08-02-2012, 22:45
اخواتى الله يخليكم اللى قيدات الطريقة ديال طون قالتها نادية من وارزازات اليوم وشكرا

كيلوطون-شوية بزار حبوب-شوية ملح-8ريوس ثومة- كاس خل -2أوراق موسى- ناخد طنجرة نوضع الما حتى يغلى ثم نوضع الطون و باقي العناصر حتى يطيب ثم ناخد قرعة الزاج نوضع ورق موسى و بزار حبوب وضراس ثومة ثم نعمر القرعة بزيت العود نوضع في الثلاجة

oumlina
09-02-2012, 16:51
salamo3alikome pou 3wachere mabrouka hbiba nemnema rani f agadire s3datkome la chaleur ou mBar3ine b ljawe diyal agadire rani mchite l chalalates diyal imozare mawsalte htta konte radi nmoute b doukha walakine de trés beaux paysages a voir
mercibeaucoup okhti oumabdelmohgite ysawale fik lkhire rani ghi m3a les études ou drari raki 3arfa la résponsabilité
concernat la voiture je te conseille b 308 raha 3andi fanna ou mazoute économique et spacieuse kata3adni m3a trois enfants ana ba3da 3ajbani mais a toi de choisir et bonne chance et bon courage g roses bisessssssssssssssssssg

mot de passe
09-02-2012, 17:10
كيلوطون-شوية بزار حبوب-شوية ملح-8ريوس ثومة- كاس خل -2أوراق موسى- ناخد طنجرة نوضع الما حتى يغلى ثم نوضع الطون و باقي العناصر حتى يطيب ثم ناخد قرعة الزاج نوضع ورق موسى و بزار حبوب وضراس ثومة ثم نعمر القرعة بزيت العود نوضع في الثلاجة

بارك الله فيك اختى الف الف شكر

nemnema
09-02-2012, 22:06
الله يبارك فيك اختى نمنمة وعلى جميع انيقا المنتدى الرائع وشكرا لك اختى على الكلمة الطيبة فى حق جميع الانيقات لهلا يخطيك علينا كتعجبنى طريقة كتابتك وصوابك

ربي يخليك لينا يا لحبيبة mot de passe
لهلا يخطيك وشكرا بزااف على كلامك الطيب

nemnema
09-02-2012, 22:32
مراحب يا انيقات
الله يخليكم اللي عندها مقادير الكيكة ديال سيرو الاخضر تكتبها ليا
لهلا يخطيكم كاملين

nemnema
09-02-2012, 22:37
salamo3alikome pou 3wachere mabrouka hbiba nemnema rani f agadire s3datkome la chaleur ou mBar3ine b ljawe diyal agadire rani mchite l chalalates diyal imozare mawsalte htta konte radi nmoute b doukha walakine de trés beaux paysages a voir
mercibeaucoup okhti oumabdelmohgite ysawale fik lkhire rani ghi m3a les études ou drari raki 3arfa la résponsabilité
concernat la voiture je te conseille b 308 raha 3andi fanna ou mazoute économique et spacieuse kata3adni m3a trois enfants ana ba3da 3ajbani mais a toi de choisir et bonne chance et bon courage g roses bisessssssssssssssssssg

ahlan habibti omlina
w bsahtak elkharga
imozare mentaqa zwina bazaf
tzouri w t3awdi
encha allah

kamola
10-02-2012, 14:51
مراحب يا انيقات
الله يخليكم اللي عندها مقادير الكيكة ديال سيرو الاخضر تكتبها ليا
لهلا يخطيكم كاملين

كيكة بالسيرو
____________
2 بيضات+ كاس ياغورت بنكهة الكوك+ نفسوا زيت+ نفسو سنيدة+ نفسو كوك+ ونصف كاس سيرو اخضر2 خمارات+2 كاس فورص منين طيب نزينها بشكلاط مدوب فكاس ياغورت ونرشو الكوك

sanaa asafi
10-02-2012, 15:18
السلام عليكم جمعة مباركة تحياتي أم لينا نمنمة سناء كام خديجة أم العربي مغربية 24mot de passe كمولة أم عبد المغيت شكرا بصحة السيارة كنمووووووت فيكم موووووواح

ام عبد المغيث
12-02-2012, 11:42
بصحة الخرحة ا ام لينا او الله ايكمل عليك فقريتك او يقدرك على المسوؤلية فريمو ما سهلاش الله ايعونا ام العربي غبرتي motde passشكرا على كتابة الوصفات وشكرا على الوقت الي تتقدموه باش تحط الوصفات وشكرا خاص لنميمة المتميزة الي ما تتبخل علينا بحتى حاجة السيدة خديجة تحية كبيرة ليك يا حبيبتي سناء اسفي شكراليك واخا هاد المسخوطة ديال لسيارة حيرتني او تلفتني ماغادا نلقى لي بغيت حتى نشيب فالانترنت سناء كام او العنبري ضوري فالدار البيضاء قبل ما تمشي لمدينة صغيرة بحالي او تهلاي لي فراسك نت وجميع النيقات والحادكات

najlaa2000
13-02-2012, 17:26
oum abdelmoughit , je suis avec le choix d'oumlina , moi aussi j'aime comme marque "307-308". Je passe bonjour à sanaa asafi et à toute famille med radio et anaqua maghribia

sanaa asafi
13-02-2012, 23:46
Merci najlaa bzaf bousi liya adam rak mnawra

aicha faris
14-02-2012, 17:22
allah ykhalikom akhawati bghite sable li daz nhar tnine wahie "3adi et lakher bi alkaramel chokrane

ام عبد المغيث
15-02-2012, 20:42
شكرا ليكم الحادكات نمنيمة ام العربي لي غابرة علينا نتمناو ايكون المانع خير سناء اسفي والعنبري ام لينا نجلاء وكالسيدة خديجة مو دو باس وكل العضوات تحية كبيرة ليكم او قولو لي رايكم فduster aw sandero ديال داسيا انا عارفة ماكاين الي غادي ينفعني بحالكم الغاليات اما حسن المازوط او ليسانس راه تلفت انا عارفة بيجو زوينة ا ام لينا ولكن ما تتعجبنيش عزيز عليا الكبر او تواسع بحالا غادا نسكن فيها خديت راجلي عامر ما تزجت بيه حتى عبرت ههههههههههه او طنوبيل حتى هي ولكن تلفت بالمعقول

aicha faris
21-02-2012, 16:42
chkoune li sm3ate al 3ajine al mowarraq bi 2hachawate dazo simana hadi dial nezha min tantan taqtabha li chokrane li jami3 AL ANIQATE

mounmoun
26-02-2012, 09:50
تبارك الله عليك الحادك ديلنا كلشي عندك غزا ل الغزا ل:s12316: منى الشمالية

sanaakam
27-02-2012, 11:44
بارك الله فيك

sanaakam
27-02-2012, 11:55
لحم معسل_كيلو لحم مقطع_م ص سكنجبير_م بزار_شوية زعفران_الربيع مروزية_م قرفة ك ماء ثم نتركوها تنشف ناخد شريحة نرقدها 3ساعات ثم نوضع فوق النار نضيف سكر و القرفة حين يطيب اللحم ناخد طجين نوضع البصلة ثم اللحم ثم مقطع_ملح_كاس زيت العود_نشحر الكل 10دقائق ثم نضيف الماء الكافي حتى يطيب ناخد كسرونة نوضع البصلة مقطعة_زيت الرومية حتى تدبل ثم نضيفم الشريحة

hajarhajar
29-02-2012, 20:16
salamo lah 3alykom akhwati,3afakom lism3at lkika dyal danon tabi3i obla zit t9olha li 3afakommmmmmmmmmmmmmmmm

sanaakam
01-03-2012, 13:02
صباغة الشعر الاسود_4
حبات كركاع بقشور محروقين مدقوقين+3++3م حرمل مطحون م زيت العود م ماء السالمية نخلط الكل ندير في الشعر 2 مرات في الاسبوع

sanaakam
01-03-2012, 13:07
سواد العنق_م دانون مسوس_4 م ماء البطاطا_م ص شبة مدقوقة_م روز مطحون_م زنجلان مطحون_نجمع الكل ب م حليب ندهن العنق حين ينشف ندهن بزيت كليسيرين ثم ندير كوماج

sanaakam
01-03-2012, 13:13
الكحبة_كاس عسل حر نوضعو في قرعة معقمة_ناخد كموسة ديال الثوب نوضع فيها م فليو_م زعتر_م مرددوش_3 ضراس ثوم_م حلبة مطحونة نجمع الكل ثم نوضعها في وسط العسل في حمام مريم نتركها 24 ساعة ثم ناخد م الصباح وم في الليل

sanaakam
01-03-2012, 13:16
البواسر_كفور بلدي مطحون_خزامة مطحونة و مغربلة_نخلط الكل نجمع بالسمن حايل على شكل قويلبات_نوضع في الثلاجة حتى يقساح ثم نستعملهم لمدة 6 ايام فقط

sanaakam
01-03-2012, 13:22
تساقط الشعر_نص م حلبة_نص م اوراق سدر_2 م اوراق الريحان_بصلة حمر ا_2 ضراس ثومة كاس ماء نتبخ الكل حتى يولي نص كاس ماء ثم نصفيه نخلط بزيت الجرجير ندير مساج بالاصابع مرة في الاسبوع لمدة ساعة ثم نغسلو

sanaakam
01-03-2012, 13:25
انتظام الدورة الشهرية_م زريعة اللفت_م زريعة الجزر_2 ك ماء _راس م قعقلا_نتبخ الكل ثم نشرب قبل فترة الحيض ب4 ايام وبعدها ب 4 ايام

sanaakam
01-03-2012, 13:33
تخفيف الشيب_3 م ريحان_ك زيت العود على نار هادئة ثم ندهن يوميا حتى يتبدل اللون

sanaakam
01-03-2012, 17:35
كيكة_بكية كاوبيل_ك ماء بارد_2 بيضات_ك سنيدة_4 م حليب غبرة_2 فاني_2 خمرات_2 ك طحين ناخد كاوبيل+غبرة الحليب_والماء وفانينخلطهم ثم نقص كاس ثم نضيف باقي العناصر ندخلها للفرن تطيب ثم حين تطيب ناخد الكاس اللي نقصنا نضيف ليه دانون شكلاط نخلطهم ناخد الكيك نقسمها على 2 ثم نوضع الخليط ومن لفوق نزين بكريم فريش

sanaakam
01-03-2012, 17:40
خل التفاح_ناخد 3 كيلو تفاح نغسلو ونمسحو نقسمو على 4 نوضع في قرعة زاج مغطيةبثوب اسود لمدة 40 يوم ثم نصفيه بزيف حياتي ونركو يومين اخرى ثم نسنعملو

zina3
01-03-2012, 21:27
السلا م عليكم اخواتي الي سمعت فيكم وصفات الاخت عتيقة تكتبهم لينا وشكرا

wiamti
01-03-2012, 22:05
اختي sanaakam وصفات الاخت عتيقة الله يجازيك بالخير وشكرا

hamsat-mama
01-03-2012, 23:28
كيكة بدانون طبيعي
كاس ونصف طحين. خمارة.دانون طبيعي.بيضة.كاس سنيدة .تفاح مقطع هلاليات
نخلطو المقادير كلها ونكبوها فالمول ونستفو التفاح ونرشو من فوقو شوية سنيدة
ومن الاحسن نسمو الكيك بالفاني او الحامض لاني مسمعتش مولات الوصفة كالتو هاد الكيك مافيهش الزيت

ماه
01-03-2012, 23:32
اعانكم الله في الافتتاح واتمنى لكم التوفيق

عصفورة مغربية
02-03-2012, 01:31
ياريت تعطيوني مقادير لحرشة في مقلة ثقيلة لعطاتها واحد الاخت قبل ما يسالي برنامج بشوية الله يستر عليكم

hajarhajar
02-03-2012, 09:53
chokran bzafffffffffffffffff okhti hamsat-mama,lah yjazik kola khayr

امونة 1982
02-03-2012, 22:03
عصفورتي والله ماسمعتها احتا يدخلو الاخوات اللي كاتبينها ويفيدوك

عصفورة مغربية
02-03-2012, 22:04
هانية الحبيبة امونة راني مقيدة غير نصف ديالها

sanaa asafi
03-03-2012, 18:50
Khti sanakam labas o jami3 sadikat twahachtkom b nisba l kika li 3tit ta3 chokolat makayditiche kas zit rah fiha ok

عصفورة مغربية
05-03-2012, 13:13
ياريت تعطيوني مقادير لحرشة في مقلة ثقيلة لعطاتها واحد الاخت قبل ما يسالي برنامج بشوية الله يستر عليكم

تاوحدة ماجاوبتنا

sanaakam
05-03-2012, 22:27
سامحيني أ ختي ما سجلتهاش

mot de passe
06-03-2012, 13:38
السلا م عليكم اخواتي الي سمعت فيكم وصفات الاخت عتيقة تكتبهم لينا وشكرا

اختى زينة الوصفات اللى قيدت ديال عتيقة
لوسيون للبشرة الدهنية
1/2 لتر ماء - نصف قشرة ليمون مقطعة ونصف قشرة حامضة مقطعة
والقشرة ديال كيوية مقطعة
الكل تعمل مع الماء على نار مهيلة ختى الحصول على ربع لتر ماء وتبقاى تدهنى بيه الوجه

mot de passe
06-03-2012, 13:40
والوصفة ديال تساقط الشعر
8 معالق من زيت الخروع و4 ضروس الثوم مقطعين
عمليهم فى حمام مريم حتى ترخى الثوم وعمليها فى قرعة معقمة
خليها 48 ساعة عاد بداى تستعمليها

sanaakam
08-03-2012, 23:01
تحية إجلال لكل المغربيات

sanaakam
13-03-2012, 12:57
عماد من أكادير-لمعان البشرة وتبييضها-م ك عدس مطحون-م ك زنجلان مطحون-صفر بيضة-م ص عسل نجمع الكل بماء الخص نوضع على الوجه 20دقيقة

sanaakam
13-03-2012, 13:15
عماد من أكادير-تصفية البشرة-م ص عسل-م دانون مسوس-م ك زنجلان نخلط الكل بماء الخيار أو الكرومب مدة 20 دقيقة

sanaakam
13-03-2012, 13:18
عماد من أكادير-إعطاء نضارة للبشرة-م دانون مسوس-م دقيق زنجلان- م ص عصير الحامض-م ص عسل مدة 20دقيقة

sanaakam
13-03-2012, 13:25
إزالة السواد من الجسم-م دانون مسوس-م ص شبة مطحونة-3م ماء البطاطا-3م زيت جليسيرين يستعمل يوميا لمدة اسبوع

sanaakam
13-03-2012, 13:27
ماسك ضدالتجاعيد-2 م عصارة الجزر -م ص عسل يوضع في الوجه لمدة ثلث ساعة

sanaakam
13-03-2012, 13:37
عماد من أكادير-وصفة سواد الشفاه-2 م زيت زنجلان -3 م عصارة الكرومب ندهنو الفم 7 أيام 2 مرات في الصباح والمساء من بعد 7أيام نستعمل م زنجلان مطحون -م عسل-م زريعة الكتان نطحنوهم ندهن الفم لمدة 7 أيام ثم ندهن بزيت اللوز الحلو

sanaakam
13-03-2012, 13:42
عماد من أكادير-صابونة جميع أنواع البشرة-نص صابونة محكوكة ندوبها في حمام مريم ثم نضيف م حليب سائل-3 م ورد بلدي مطحون-م زيت الورد نوضع في قوالب حتى يجمد ثم نستعملها

sanaakam
15-03-2012, 15:43
وصفة هشاشة العظام-كاس حياتي عامر بالماء نضيف ليه 2 معالق خل التفاح و بيضة بلدية نتركهم ليلة ثم نشرب الماء فقط نداوم على الوصفة 10أيام ثم نوقفها يومين ثم نستعملها 10أخرى

sanaakam
15-03-2012, 15:49
آلام بو مزوي-250g تمر مفور+ 125g سرغينة مغسولة مكرمة و مدقوقة نخلطنم بجوج ندير كويرات ناخدها في الصباح ونبتاعد على الماء البارد

sanaakam
15-03-2012, 15:56
آلام اللثة -4 م ريحان+ م ملحة حية +شوية قرنفل نتبخ الكل بالماء نشلل به القم ثم ناخد زيت البلدية نخلطها مع قشور الرمان مطحون نستعمل كريما نديرها للفم

hajarhajar
19-03-2012, 20:50
3afakom ,lism3at lyouma ma9adir dyal torta dyal lfrise o harcha likatib fi tifal tgolha lya

sanaakam
19-03-2012, 22:59
الحرشة فوق البوطة-كاس حليب سائل-ك سميدة -بيضة-خمارة الحلوة-شوية الخميرة المعجونة-نص كاس زيت -نص كاس سنيدة -ملح نخلط الكل ثم ندهن المقلةثم نطيبها فوق البوطة

sanaakam
19-03-2012, 23:12
طورطة بالفريز--الطحين +م سنيدة +50gزبدة +5 م حليب سائل +فاني +بيضة +شوية الملح نجمع العجينة نتركها ترتاح الكريما نص كاس عصير ليمون +2 بيضات +م طحين +نص ك سنيدة +فاني نخلط الكل نسرح العجين ثم نوضع نص كيلو فريز مقسوم ثم نوضع الكريماثم ندخلها تطيب

sanaakam
19-03-2012, 23:13
3afakom ,lism3at lyouma ma9adir dyal torta dyal lfrise o harcha likatib fi tifal tgolha lya

ماتكوني غير على خاطرك

وسن11
19-03-2012, 23:40
السلام عليكم ابنات انا من مدينة فاس ماشات الموجة من نهار السبت عفاكم اللي عندها شي فكرة تعتقني بها عفاكم

hajarhajar
20-03-2012, 18:21
lahla ykhatik ya ahla okht,lah yjazik wihafdak yarab ,walah ma3raft kifach nchokrak,lah y3tik kol matmaniti nti o lakhawat kolhom

hajarhajar
20-03-2012, 18:36
lah ykhalik wihafdak winajik yarab

sanaakam
20-03-2012, 20:46
lah ykhalik wihafdak winajik yarab

بارك الله فيك أختي احنا اخواتات الحمد لله

mounmoun
27-03-2012, 02:00
مشات الاداعة ميد راديوا علينا ابقينا واحلين معرفنا اش نديروا انا بعدا هبطلي طسيون 7 وبقيت نعسا نهار كامل ملفيقت سولت عاى الاداعة واش رجعات كلولي باق ونا نعاس عاود عتقوني ياختي بشي حل

mounmoun
27-03-2012, 02:02
انا بعدا عدي نحماق الله يستر

hajarhajar
27-03-2012, 19:23
lah yhafdak winajik yarab

ام يوسف11
28-03-2012, 11:44
السلام عليكم ورحمة الله وبركاته
عندي طلب الله ارحم الوالدبن
لي سمعات لميد راديو يوم الاثنين 26 مارس
واحد الاخت عطات واحد الكيكة فيها واحد النوع ديال اللوز طويل لي سمعتها
تعطيها لي الله ارحم الوالدين

صفية 2
28-03-2012, 15:26
السلام عليكم الله يجازيكم واحد السيدة اليوم عطات كيكة بالشكلاط والقهوة اللي سجلتها تكتبها لي وشكرا

mounmoun
02-04-2012, 13:10
اختي سناء تبارك الله عليكوعلى الوصفات ديالك رني سمعت في هدا صباح وكنت مشعول في المطبح:s1987::00018025::32135::32135::manga12::man ga12::manga12:مستمع الوفية منى الشمالية

sanaakam
02-04-2012, 21:58
بارك الله فيك أختي لهلا يخطيك

hajarhajar
03-04-2012, 16:02
lah yjazikom bikher lism3at chbakia dyal lhlib tgolha lya ,olbassbossa galtha wahad lokht lah yrdi 3likom rah 3andi trabya hadchi 3lach makan9aydche kolchi 3afakom

samiasouma
03-04-2012, 18:12
السلام عليكم ورحمة الله وبركاته
عندي طلب الله ارحم الوالدبن
لي سمعات لميد راديو يوم الاثنين 26 مارس
واحد الاخت عطات واحد الكيكة فيها واحد النوع ديال اللوز طويل لي سمعتها
تعطيها لي الله ارحم الوالدين


KIKA LOUZE OUM SAAD BOUJDOUR
100g zabda 60g sucre glacee bida vanill khamara 220 thine kachoure hamda nakhaltou nasrhoha f moule hachwa 100g zabda 60g sucre glacee natrbohome nzidou 2 œufs vanille natrbou mazyne nzidou kachoure limoune 250g louze khadre mathoune nzidou bcwhiya khamra halwa cuil confiture machamch karfa nadhnou ajine b confiture nakbou hachwa narchou b les amandes Twile nadkhloha frane 30mn

samiasouma
03-04-2012, 18:13
السلام عليكم الله يجازيكم واحد السيدة اليوم عطات كيكة بالشكلاط والقهوة اللي سجلتها تكتبها لي وشكرا

KIKA KAHWA KAWKAW
100g chcolat daibe mali tidoube 3 cuil nescfae 100g zabda trabe 180g sanida nzidou 4 oeufs wahda b wahda nzidou chwolat khamra natrbou crème fraiche w zlafa kawkaw mathoune nakhltou b nacha takoune khfifa ndiroha f moule madhoune nadkhloha farane

sanaakam
03-04-2012, 23:30
وصفة عماد للشعر الأشقر3م بابونج مطحون+كاس ماء نتركو الكل يغلىحتى يولي نص كاس نطفي عليه نضيف صفر بيضة 2 م خل التفاح م ك خرقوم بلدي تستعمل 2مرات في الأسبوع

حياة اسلامية
04-04-2012, 13:54
وصفة عماد للشعر الأشقر3م بابونج مطحون+كاس ماء نتركو الكل يغلىحتى يولي نص كاس نطفي عليه نضيف صفر بيضة 2 م خل التفاح م ك خرقوم بلدي تستعمل 2مرات في الأسبوع

واش هادي اختي لتشقير الشعر ولا ديروها الا كان الشعر اشقر وشحال نخليها فالشعر وشكرا

sanaakam
04-04-2012, 16:18
هذه الوصفة للحصول على شعر أشقر بمواد طبيعية

nemnema
07-04-2012, 23:28
سلام عليكم يالانيقات والحادكات

وصفات عماد
الوصفة الاولى لتقوية الشعر ومناسبة لصلع المقدمة و الوراتي
ملعقتين من كل حاجة
زيت الزنجلان
زيت الكوكو
زيت اليازير
زيت الجرجير
زيت الحبة البركة
زيت الزعتر
زيت اللوز
نخلطوهم كلهم ونشقق بهم الشعر وناخدوا فوطة مسخنة في الكسكاس ونغطي بها الشعر لمدة خمس ساعات

nemnema
07-04-2012, 23:31
تسويد الشعر

ملعقتين من السالمية مطحونه
1o كركاعات مكوكين مع القشور
ملعقة حرمل مطحون
كاس زيت
نطيبوا الكل في حمام مريا لمدة خمس دقائق تم يشقق به الشعر و نتركه خمس ساعات

nemnema
07-04-2012, 23:32
علاج المصران
ملعقة نعناع يابس
راس ملعقة قعقلة
كاس ماء ساخن
ناخده مرتين في اليوم

nemnema
07-04-2012, 23:36
علاج البهاق الابيض

ملعقتين كبار من ماء البصة الحمراء
ملعقتين من الخل الابيض
يدهن به مرتين في اليوم

nemnema
07-04-2012, 23:38
علاج البهاق الاصفر

ملعقة سانوج مطحون
ملعقتين من الخل الابيض
يخلط الكل ويدهن مرتين في النهار

nemnema
07-04-2012, 23:41
صابونة للتنضيف اليومي

صابونة عادية محكوكة
غرام زعفران حر
ملعقة صغيرة عسل حر
نذوبوا الكل في حمام مريا ونعبا في قوالب التجميد

nemnema
07-04-2012, 23:44
البسبوسة

ربعة سميد رقيق
كاس كوك
كاس زيت
كاس سكر
لفني
خمارة
3 بيضات
يخلط الكل ويفرغ في صينية وبعد النضج تسقى بالسيرو
عصير الليمون مع السكر وتزوق بالكوك

nemnema
07-04-2012, 23:46
الشباكية بالحليب

نص ليتر حليب
بيضتين
خمارتين
يخلط الكل ويجمع بالطحين
تم تسرح و نشكلوها شباكية وتقلى و ندردروا السكر كلاصي

nemnema
07-04-2012, 23:48
تبييض الايدي
الخميرة حبوب
عصير الحامض
خمارة حمراء
يخلطالكل ونضعه على اليدين

nemnema
07-04-2012, 23:54
كيك بالقرفة

3 بيضات
لفني
خمارة
كاس الا ربع زيت
كاس سكر
ملعقتين كبار قرفة
علبة حليب بوريسيما
والطحين حسب الخليط و ندخلها للفران حتى تتحمر
تم نحضر الصلصة
علبة كريمة
2 كيسان سنيدة
كاس زيت
ملعقتين من القرفة
علبةنسلي
نخلط الكل على نار مهيلة لحتى يعقد ونفرغها على الكيكة

mounmoun
10-04-2012, 01:30
شكرا على المجهوداتك معنا الله يخفضك :manga7::manga7:

sanaakam
11-04-2012, 21:40
بهلة بالشكلاط-نصف كيلو زبدة-4 ك سنيدة -4ك زيت -خمارة -100غ كاكاو مسوس نخلط الكل ثم نقسم الخليط على 2ثم نوضع الكاكاو ثم ننكور ها ب جوج ألوان و ندخلها تطيب

sanaakam
11-04-2012, 21:45
الرايب-ك عنبة ما بارد-دانون - ك عنبة حليب غبرة -ك ما سخون- سكر حسب الذوق - فاني -نخلط الكل نوضع في كؤوس التقديم ثم ندير ما سخون في الكوكوط نغلق عليه بالصفارة

hajarhajar
16-04-2012, 17:13
salamo lah 3alykom akhawati ,kantmana tkono dayman bikher ,lah yjazikom bikher ,3andi wahad talab ,tnin lifat lokht nzha man tantan galt wasafat lkross, kant 3ayana chya maktabthomche ,3afakom liktabhom ygolhom lya

ام العربي1
16-04-2012, 19:11
salamo lah 3alykom akhawati ,kantmana tkono dayman bikher ,lah yjazikom bikher ,3andi wahad talab ,tnin lifat lokht nzha man tantan galt wasafat lkross, kant 3ayana chya maktabthomche ,3afakom liktabhom ygolhom lya

كرص نتاع نزهة من طانطان
المرحلة1
3 معالق نافع 3 معالق حبة حلاوة كاس سنيدة مع نصف لتر ماء طاي ونغطية ونخليه ربع ساعة
الخليط رقم2
2 معاق خميرة الدار مع معلقة كبيرة سنيدة مع كاس الماء دافي
في قصرية عملي 2 كيلو فورص مع 3 بيضات مع كاس الزبدة مدوبة مخلط مع الزيت مع 3 معالق حليب غبرة مع نصف كاس ماء الزهرمع 4 معالق زنجلان محمر وصاين مع 2 فاني وضيفي خليط الخمير + خليط النافع وحبة حلاوة مصفيين ناخذو غير الما ديالهم وجمعي العجين تكون قاصحة شوية وتدلك مزيان واحنا نزيدو الماء وندلكو حتى تولي رطبة وغطيها وخليها ربع ساعة من بعد قرصيها وعملي في الطاوة وندهنونها ببيضة كاملة مخلطة مع اصفر بيضة ونخليوهم يخمرو مرة اخرى مزيان ونرشوهم بالزنجلان ونطيبوهم

زينة المغربية
16-04-2012, 19:18
شكرا بزاف ام العربي على الكرص للي كتبتيه لينا حيت انا سمعت اليوم شكروه سيدات للي جبربوه بزاف و بغيت نجربو حتى انا

ام العربي1
16-04-2012, 20:14
شكرا بزاف ام العربي على الكرص للي كتبتيه لينا حيت انا سمعت اليوم شكروه سيدات للي جبربوه بزاف و بغيت نجربو حتى انا
لا شكر على واجب الحبيبة حتى انا سمعتو هذ الايام يتكلمو عليه وانه صدق ليهم غزال وانا مسجلاه غير مزال مكتاب نجربو
اش خبارك لاباس عليك

زينة المغربية
16-04-2012, 20:25
لا شكر على واجب الحبيبة حتى انا سمعتو هذ الايام يتكلمو عليه وانه صدق ليهم غزال وانا مسجلاه غير مزال مكتاب نجربو
اش خبارك لاباس عليك
راه حتى انا لقيت راسي كتباه من شهور هادي ديالها نيت غير كاين اختلاف بسيط بينهم
الحمد الله انا ما كنتش هنا كنت عند ختي عاد جيت دكشي علاش غبت عن المنتدى
والله الا توحشتكم بزاف و المواضيع ديالكم خصوصا انتي للي عمري ما نسيتك

ام العربي1
16-04-2012, 20:49
راه حتى انا لقيت راسي كتباه من شهور هادي ديالها نيت غير كاين اختلاف بسيط بينهم
الحمد الله انا ما كنتش هنا كنت عند ختي عاد جيت دكشي علاش غبت عن المنتدى
والله الا توحشتكم بزاف و المواضيع ديالكم خصوصا انتي للي عمري ما نسيتك

والله وفيك الخير اختي حتى انا مزال نتفكر البنات اللي تلاقيتهم اول مرة في هذ المنتدى ربي يخليك الله يكبر بيك

زينة المغربية
17-04-2012, 02:28
والله وفيك الخير اختي حتى انا مزال نتفكر البنات اللي تلاقيتهم اول مرة في هذ المنتدى ربي يخليك الله يكبر بيك
و بك اللا سهام و لهلا يخطيك علينا

hajarhajar
17-04-2012, 07:52
lah ynawar lik tri9ak ,wissahal 3lik yarabbbbbbbbbbbbbbbbb

ام العربي1
17-04-2012, 17:40
lah ynawar lik tri9ak ,wissahal 3lik yarabbbbbbbbbbbbbbbbb

ياربي امين اختي

ام العربي1
17-04-2012, 17:41
سلامي الحار
لسناء كام
نمنمة
ام عبد المغيث
سناء اسفي
السيدة خديجة
ام لينا
وكل كل الاخوات اللي كانو يشاركونا هذ الموضوع الرائع

أم سناء
18-04-2012, 16:25
ألسلام عليكم أخواتي
شكون سمعات اليوم وصفة فدوى من الراشدية قدمات كيكة طبقات ما سمعتعاش مزيان اللي سجلت المقادير تكتبها ليا الله يجازيها بخير

ام العربي1
18-04-2012, 21:44
ألسلام عليكم أخواتي
شكون سمعات اليوم وصفة فدوى من الراشدية قدمات كيكة طبقات ما سمعتعاش مزيان اللي سجلت المقادير تكتبها ليا الله يجازيها بخير

اختي واش هذي كيكة قدرة قادر
الطبقة الاولى
جنواز
3 بيضات+130 سكر كلاصي+100 غ دقيق+3 معالق كاكاو+1فاني
يخلط الكل وتدخل الفرن تطيب ونتركها تبرد

الطبقة2
3 دانون مسوس + 2 باكيات نيدو 65 غ +4 معالق سنيدة تخلط في الخلاط ونصبوها فوق الطبقى الولى وتدخل الفرن مني يطيب نخليوها تبرد

الطبقة3
نصف لتر حليب مع 2 ساشيات فلان مع معلقة كبيرة قهوة سريعة الذوبان مع سنيدة حسب الذوق يعمل فوق البوطة حتى يغلي ويعمل فوق الطبقة 2 وتدخل الفرن 5 دقائق وتخرج ونخليوها تبرد مزيان وبالصحة
نتمنى تكون هذي

أم سناء
19-04-2012, 13:37
شكرا أختي أم العربي1 الله يجعلها في ميزان حسناتك واش فايتلك جربتيها حيث قالت صاحبة الوصفة أنها كتجي ممتازة

وشكرا جزيلا مرة أخرى لهلا يخطيك

hajarhajar
19-04-2012, 18:50
3afakom lism3at halwa dyal lkok likat9la fi zit ,olaglass dyla okht om zenab man rabat

sanaakam
19-04-2012, 22:21
2ك كوك +ك ونص فورص +خمارة +م ك خميرة الخبز +م ك سنيدة +٢ م حليب غبرة +فاني ٢ ك ماء دافي نخلط الكل كدير كويرات صغار نقليهم في الزيت ثم نغمس في العسل

sanaakam
19-04-2012, 22:27
كلاص أم زينب +600gفريز مطحون +220g سنيدة +نص حامضة معصرة +ك ص ماء نوضع الماء في كسرونة نضيف سكر ثم الحامض ثم الفريز نخلط الكل ثم ندخلو للمجمد 30mn ثم نحركو نفس العملية تكرر 3 مرات ثم نوضع في كؤوس التقديم