المساعد الشخصي الرقمي

مشاهدة النسخة كاملة : هي راها كتقال هكا .... و جداتي كتقول ليها هاكا ... --------ادخلوا شاركونا



sarati
06-11-2011, 01:45
احنا عارفين كلنا وخا فالالفية التالتة راها باقين عندنا اجداد من الالفية القديمة
و كل واحد فينا عندو جدودو كيعوجو الهدرة خصوصا مع هاد التطور السريع و انتشار المعلوميات بشكل مرموق ما قبطوناش ههههههههههههه

اوا و تفرجو لي على تعواج الهدرة و انا من النوع اللي مانشدش الضحكة كنضحك فالوجه
ولكن ربي عاطيني جدود مايتقلقوش عليا هههههههه

اكيد حتى انتما نفس الشي واقع ليكم ؟؟؟؟؟؟؟؟؟؟؟


نتسنى مشاراكتكم

sarati
06-11-2011, 01:48
نبدا انا

ميمتي مسكينة كلشي عندها مامريكلش

مايونيز = يونس و دابا فاش تطورات كتقولو مانونيز ههههههههههه
vibreur = فيفرون ههههههههههه
نوكيا = لوكيا


تفاعلكم ا حبيباتي

amouna nina
06-11-2011, 10:34
ههههههه ضحكتيني ختي سارة
ونت معمرك سمعت لي متيسقموش لهدرة
قران_____قرقان الله يسمح تنكول ليها قولي غ مصحف اش داكلشي قران
بgرة____بقرة

ولي متيسقموش لاسماء
رانيا____رانا__وتتعني بطاليانية جرانةههههه
تليكومند____تيكوماد
vيرني__فيرني
vيوز___بيوز
park ------------بارك
villa ___بيلا
يعني لتيحصلو فيهم رv p وتيحدفو لحروف ههها اما لكلمة طويلة فوق7 حروف يحسابلك داوي بلالمانية وعلى ذكر الالمان ____لاليمان لولايات لمتحدةلامريكية ماريكان ههههههلتفكرت شي حاجة نكتبها

اموريا
06-11-2011, 10:41
تبارك لله عليك اختي موضوع مميز عجبتني ديال الميونيز هههههههههههههههههههههه

اموريا
06-11-2011, 10:44
امونا نتي باقي مزال عندك ميتقال

كلير
06-11-2011, 10:58
ههههههههه

ضحكتوني

انا ختي الكبيرة ولو قارية زعمة ديما عندها مشكلة في

boite vocal تتقول لها بات بوطال ودابا تدير راسها زعما راه تتقولها غير بلعاني تتقول لها بوات بوقال

sali94
06-11-2011, 11:19
أنا جدتي له يخليها لينا فش قطعية على بنت خالتي سومية و تومية هه او هبة تقولها دهيبة معندهاش مع سميات

رحـيل
06-11-2011, 19:33
ههههه دابة يبداو يضحكو علينا ولادنا و ولاد ولادنا

الجنان
06-11-2011, 19:44
ماما الله يخليها لي الميساج كتقولها الميشاز ههههههه و كنور كتقولو كلور

ماما نوفا
06-11-2011, 19:48
انا عكوزتي الانترنيت تتقوليه لانتيرنا
و الفيبرورتتقوليه بيبرور

و الكواظخ تتقوليهوم الكرافت
اما كوثر تتقوليها كاوكاو
و البورطابل تتقوليه الكرطابل

كلير
06-11-2011, 19:55
الوالد الله يرزقه اعالي الجنان

البورتابل هو الكورتابل

والبيسي تيقول له المعلم

الجنان
06-11-2011, 19:57
ههههههههه الله يعطيها الصحة البورطابل رجع كرطابل

زهرة الندى
06-11-2011, 20:08
ههههههههههههه

هنا معك اى حبيبة

عواشرك مبروكة بنسبة لهدشي ماما ما عندها غا هو مسكينة هههه الله إشفها

هتلر ما بغى يتقد لها مرة هطلت ومرة هكلر ههه

أما papier ألومنيوم ره ولا بابي لمنيوم كيفما كتبتها أنا هي كتقلهة

أما سشوار ديمة ششوار

او الاختراع ما عرفتش علاش كتخرج لها قتراع ههههههه

او لتفكرتهة نقلها لكم

rawan2112
06-11-2011, 20:52
والله إلى ضحكتوني
اناجدة مسكينه
ordinateur ـــ وديناتوا
مفاجئة ــــ مفاجعة
الكوكوت ـ ــ الكطوط
انا بعدا كتخليني كنموت بالضحك و حتى هية متيطرلهاش

الانيقة منى
06-11-2011, 20:58
ههههههه ضحكتوني والله
الله يخلي ليكم جداتكم
انا جدودي كاملين ماتو الله يرحمهم ويرحم جميع موتى المسلمين

* مريم أم أيوب *
06-11-2011, 21:06
أنا جداتي الله يرحمها و يوسع عليها فهاد العواشر هي و جميع أموات المسلمين كانت كتقول ل petit pain تيتيبان ، و papier ألومنيوم بابي نويل ههههههههههههههه لا علاقة

القمراء
06-11-2011, 21:09
السلام عليكم
ساراتي واموضوع عندك تبارك الله عليك
قتلتوني بالضحك البنات الله يخليلكم جدودكم وجدواتكم ويخليلي جداتي


جده الله يطول عمرها كتقول

سلوى*******سولة
الميساج*****الميستاج
كوثر********كاوكاو
التلفزيون/*****التيليبيزيون

هادو ليتفكرت دبا الى تفكرت شي حاجة اخرى نكتبها ان شاء الله

الله يخليكم ديما ضاحكات والف شكر لك سارة على الموضوع الغزال فحالك وعيدكم مبرووك اخواتي

simosanaa
06-11-2011, 22:16
انا خالتي تليفون كتقول ليه تولوفين

nanoute75
06-11-2011, 22:21
ana mama, katgoul, l'interphone= lintelefone
congélateur=jonquilateur
ordinateur=rondilateur

صحبة صالحة
06-11-2011, 22:33
نــــــاري ضحكتوني البنات
أنا جدودي كولشي مانو الله إرحمهم أما بالحق ماما كتعاود ليا على جداتي مامات بابا ديـــــــــــما لمصايب هيا مولاتهم أو هضرتها ديما خاسرة هههههه

الكاسولة====الكسرونة
واحد عمتي خارجة ليها
مختفون ====== مخطوفون
جزاك الله خيرا ==== زازاكي الله خيرا
الهيكل العظمي ===== هيك عظمي
الفيبرور ======== بيبرور


الله يخليكم ديما ضاحكات والف شكر على الموضوع الغزال وعواشركم مبرووكة الفنون

sarati
06-11-2011, 23:53
ههههههههههههههههههههههههههههههههههههههههههههه
شكرا لمروركم يا البنات
و الله الى هبلتوني بالضحك
راه شي هدور خطيييييييييييييرة

petit pain = متيبان = حتيبان ههههههههههههه
نيسكافي = سينكافي
moulinex = مونينيكس
bain douche = badiche

اوا و زيييييد و زيد هاج الشي اللي تفكرت دابة


ما ضحكوش عليهم البنات بزاف واحد النهار احفايدنا يردو لينا الصرف
اوا ضحكو و قيسو

الوريدة زوزيتا
07-11-2011, 14:54
ههههههه موضوع زوين تبارك الله عليك اختي
فكرتوني فجداتي مامت بابا كتقول للتيليكوموند التليمومو ههه

وجداتي مامات ماما عندها ديما مشكل مع الارقام دابا ربعطاش (14) كتقوليها ربطعاش
سبعطاش (17) كتقوليها سبطعاش هههه
مسكينة دعواتكن معها بالشفاء العاجل حيت راها مريضة بزاف

ام عبد الله 2012
07-11-2011, 15:27
انا جداتي ما كاينش بحالها كتمشي ل تيليبوتيك و تقول ليهم بغيت تعبقة 20 درهم بيتيتي ( تعبئة ميديتل )
القران القرقان
بورطابل كورطابل
boite vocal بواط كوفان
هادشي اللي تفكرت
الله يخليها لينا و يشافيها

مسك الغزال
07-11-2011, 15:37
الله يخليهم و يحفظهم من كل شر و يطول اعمارهم
جدتي المساج تقول ليه ميستاج
سارج زعما recharge و زيد و زيد هاد اللي تفكرت

islamo
07-11-2011, 15:40
واحد لمرا في العائلة مسكينة مرا كبيرة كتقول لبيتزا/ديبزآآ هههههههه

مامات عمران
07-11-2011, 15:57
ههههههههههههههههههههههه تبارك الله عليكم ضحكتوني وعيدكم مباااااااااااارك سعيد

amouna nina
07-11-2011, 16:09
تنسع بزاف ناس كبار تيقلبو لهدرة وسيم نسيم
تكنولوجيا__تكولوجيا
تورنوvيس__طوربيس
اوطوروت__اوتوروت
وكلمة تتقولها عجوزتي وشيخي براvو ___برابو
وعاد اسماء لمدن او شوارع لايطاليا لاعلاقة
ومن طرائف ولدي 4سنوات ونصف كل حروف راء تيقلبها لام
اسموريان لسولو تيقوول لايان هههه ويعيط لاختو لانيا _رانيا_وقائمة راء طويلة وفقاموسو لام بحال شناوة تروة تلوةهههههها الله يخلي ويحفظ ماعز علينا

bisseum alger
07-11-2011, 16:24
هههههههههههه تبارك الله اعليكم ضحكتوني
جداتي تقول
سوفنير= سونوفير
كرواصون= كروة روج
ابتهال بنت اختي تعيطلها = بسال
الله يسمحنا درك ايجي الدور اعلينا هههههههههههه

bisseum alger
07-11-2011, 16:30
تنسع بزاف ناس كبار تيقلبو لهدرة وسيم نسيم
تكنولوجيا__تكولوجيا
تورنوvيس__طوربيس
اوطوروت__اوتوروت
وكلمة تتقولها عجوزتي وشيخي براvو ___برابو
وعاد اسماء لمدن او شوارع لايطاليا لاعلاقة
ومن طرائف ولدي 4سنوات ونصف كل حروف راء تيقلبها لام
اسموريان لسولو تيقوول لايان هههه ويعيط لاختو لانيا _رانيا_وقائمة راء طويلة وفقاموسو لام بحال شناوة تروة تلوةهههههها الله يخلي ويحفظ ماعز علينا
ههههه ربي يحفظهلك اختي
راها مشكل الحروف عند الاطفال
بنت اختي ماعندهاش حرف ك تنطقو ط او ث
كرسي=طرسي
نكتب= نثتب
كيراكي = ثيراطي
ميكرو= ميثرو

titrit5
07-11-2011, 18:54
بيدزا=بنزا ...مكتعجبنيش عمرني ما شفت خبز مدهون بالمرقة

laila 1989
08-11-2011, 04:18
jddati hhhhhhhhhhhhhhhhhhhhhhhh portable === kortable
bortoghal === borto9al
television === telebision

سماء105
08-11-2011, 04:29
انا جداتي كلشي بالمقلوب
البورطابل =كورطابل
كريمري =كريماني
وماما كتبغي تعيط لها بسميتها ما كتقلها ليها تا كدوز ليستة ديال سميات من خديجة فاطيمة ...........
وبزاف ير كنسا بلحق الله يعطيها صحيحتها ويطول بعمرها لينا

nissal
08-11-2011, 07:49
ana jaddati allah yarhamha kane 3zize 3liha tjaweb f telehone
iwa bache tgoule allooooo
katgoule aroooooooooooo
allah yarhamha

صحبة صالحة
11-11-2011, 14:09
هاني جيت عاوتاني و لكن هاد المرة مع أم حماتي ههههه:manga24:

tracteur == tactour
العلبة الصوتي ة== اللعبة الصوتية
l'autoroute == l'aller w retour
:manga2:ههههههههه:manga16:

ثراء القلوب
11-11-2011, 17:17
هههههههههه هههههههه ضحكتيني بموضوعك أساراتي هههههه
بسم الله :
جدة تتقول : كوادالوبي تتقولها كوادالوسفي
أنا سميتي ثرآء تتعيطلي طارة ههههههه (لواه بندير)
ملي تتجي عندنا تتقولينا قلبو ليا قناة النبوي زعما قناة لقرآن لكريم
هههههههه ميساج تتقوليه ميستاج
نضاضر /مضاضر
بورطابل/ لحاسيبة ههههههههه
وبزااااااف

yaminato
11-11-2011, 21:35
امي كتقول حتيبان ل petit pain

sofiya
11-11-2011, 21:51
موضوع زوين
انا لي كنعقل عليها بزاف هيا
جمون فو = جمافو
يتكونيكطا = يتسونيطا

rizlanita
11-11-2011, 22:29
موضوع زوين هههههههه انا جدة مسكينة تتتقول

photocoper : فاطنة كوبي ههههههههه

عندي بزاف حتى نتفكرهم و نعاودهم ليكم الله يخلي لينا جدودنا واللي ماتو الله يرحمهم

KIKA RIFIA
11-11-2011, 22:40
انا جدتي كانت كتعيط على بنتي كتقوليها شمياء

امة الله 84
12-11-2011, 10:31
ههههههه قتلتوني بالضحك الله اخليهم ليكم شكرا الفنون على الموضوع انا عاقلة على جدة ماما الله ارحمها ملي تاتعياط ليا تاتكول
نوال=نواة

خويا ملي تزاد كنا بغينا نسميوه فؤاد تاتكول ليه فعاد بسبابها بدلنا ليه السمية ههههههه

KIKA RIFIA
12-11-2011, 11:29
انا جدتي كانت كتبغي تقول البيسي يعني الكمبيوتر كتقولو الفيسي يعني المرحاض ههههههههههههه

KIKA RIFIA
12-11-2011, 11:31
موندا فانطا كتقوليها فاطنا

ام عائشة الموحدة
12-11-2011, 13:09
هههههههههههههههه الصراحة مع احترامتنا لهم راه عندهم مشكل في نطق الحروف و خصوصا هاد الأسماء لغراب عليهم ماسمعهم حتى كبرو
جدت مسكينة تتقول ل مساج: مسطاج و بورطابل: كرطابل و تلفزة: ترفزة تلفون: تلفو

نزهة82
14-11-2011, 02:28
ههههههههه

ضحكتوني

انا ختي الكبيرة ولو قارية زعمة ديما عندها مشكلة في

boite vocal تتقول لها بات بوطال ودابا تدير راسها زعما راه تتقولها غير بلعاني تتقول لها بوات بوقال

فكرتيني فماما كتقول ليها بوات بوقال

ام ادم وياسر
14-11-2011, 06:41
ههههههههههههه قتلتوني بالضحك
شكرا على الموضوع
انا جداتي الله يرحمها وجميع اموات المسلمين
كانت تقول لتلفازة المهروسة ههههههههههههه
واحد صاحب بابا كان يقول
الفيبرور ) الديبرور
الكونطربلاكي ) الطورط بلاكي
واحد عمتي تقول لتيلgرام) تنgراف
ههههههههههههههههههههههههههههههههه

أم هنية ومنصف
14-11-2011, 08:06
جده الله يطول عمرها كتقول كنفتيرـــ كفرتير ، الكعكـ ـــ كع مخطط ـــ مخنطط ، تيليفون ـــ تولوفين شكرا أختي على الموضوع

هديتي زوجي
02-12-2011, 20:37
hhhhhhhhhhhhhhhhhhhhhhhh

ماما نوفا
27-01-2012, 19:13
عمة الواليد الفليتوكس تتقوليه الفوتكس

pink flowers
27-01-2012, 19:37
هههههههههههههههههه

الزلزال_______________الزنزال

اسماعيل_________________اسماعين

لافابو_____لابابو

المرضية في الجنة
27-01-2012, 20:33
ههههههههههه جدتي فرححححانة بتلفون نهار تصالات صيفطو لها مسج تخلعت سولتنا قلنا لها راه مساج ولات تعرف زعمة اجييييو قراو هاد مسطاج وجدة زوجي الفيسبوك-سيحت بوك ههههههههههههه

نورالهدى إيطالي
27-01-2012, 20:41
تبارك الله عليكم ضحكتوني وعيدكم مباااااااااااارك سعيد

نبــع الحنـــان
27-01-2012, 20:54
أنا جدة مسكينة كتفقسني بالضحك ، زعما العملية يقولولها بالفرنسية opération، هي تقوليها باراسيون هههههههههههههههههههه ، والكوليسترول تقوليه الكيستيرو ،التيليكوموند تقوليها لاباراي ، و سكانير تقولو سكالي ، اوبززززاف الهدور ، كنبقى غير حالا فمي ونضحك

قلب طيب84
27-01-2012, 20:57
موضوع زوين لي عودة هه عندي ميتقال نقول ليكم وحدة الانترنيت كتقول ليها جدة لانتريت نتفكر شي حاجة نجي نكتبها ههه

نبــع الحنـــان
27-01-2012, 20:58
ونسيت ، الكونفيتور جدة كتقوليه ، الكفيتور ، وعمتي الفاكيتور

fifisamad
27-01-2012, 21:07
السلام عليكم البنات
والله يلا قتلتوني بالضحك تبارك الله عليكم وعلى جدواتكم ولي ميتين الله يرحمهم ويرحم جميع المسلمين الموات والأحياء

أنا واحدمرات خالي كتقول :
- السنطة هي السمطة
- البراقة هي البراءة
مع خالي عزيز عليه يغني أغاني عبد الحليم وخصوصا هاديك الأغنية ديال جبار واحد النهار قالت ليه تا مالك كاع النهار ونتا تغني هاديك gباص
جدتي الله يرحمها كانت كتقول داكسي هي طاكسي
السبيتار هي السبيطار
وبزاااااااااااااااف الحوايج نسيتهم حتى نتفكرهم ونقولهم ليكم
وجدتي كتعيط عليا وفاه ويلا جا شي حد تقول لي أهلل = زعما أهلا
وماما ماكتسقمش ليها انوفلوانزا كل مرة واش كتقول ليها

salwat-mamaha
27-01-2012, 21:17
هههههههههههههههههههه الله أحفظكم ........أنا جدتي الله أرحمها كتقول لطاقة الشمسية ...........تاقشا و عجوزتي طرفاية..........طرف-- واد درعة..........وادرأ

Amal salma
27-01-2012, 21:54
السلام عليكم اى لغزالات أنا عكوزتي مسكينة كتقولينا اى شعلو هدوك تليفونات عندكم را كتشدني صوطا العلبية
واحد نهار كانت عندي او كانت خارجة تجيب دورة او قالت لإلى خاصك شي حاجة نجبهلك معايا
قلتلها سبكتي عفاك مشت كتقول لمول لحنوت عطيني بكصيتي او جات مقلقة حتش ضحك عليها مول الحانوت
شتنبر(شكين جبير ) أو زيد أو زيد .........

fifisamad
27-01-2012, 22:23
هههههههههههههه
واحد الراجل من العائلة الكلمار كيقول ليه الكرمان
سوء تفاهم كيقول ليه سوق تفاهم

جهراء
27-01-2012, 22:47
ههههههههههههههه الله يعطيكم الصحة فوجتو علينا
انا جدي مسكين الله يطول في عمرو تيقول
المنعش ......... ام العيد
الشمكار ........ الشنgار
اما جدة مسكينة كتقول
الميكروبات ...الموكرييبات
اما عgوزتي
الوحوش ....الاحوش

فراشة بالألوان
27-01-2012, 23:27
ههههخهههههههه انا الميمة الحنينة كااع الاسماء قالباهوم ولاء كاتقولها ولد

نورهان البرهان
وفاء فؤادة

ودابا قلت ليها راه عندي بنيتة فكرشي غادي نسميها شيرين انشاء الله وهي تقول ليااااا بغيتي تسمي قلة الحيا قلة ليها علاااش قالت ليا باي باي اشري باي باي وهي معصبة مت بالضحك

fifisamad
27-01-2012, 23:42
هههههههههههههههههه الله يخليها ليك

ام دعااء
27-01-2012, 23:44
هههه والله الى ضحكتوني وبزاف
انا جداواتي كلهم ماتو الله يرحمهم ويوسع عليهم
اما ماما
الفيلا ـ بيلا
لافوكاـ لابوكا
قناة الجزيرة ـ ززيرة
اقرأـ اقرا
وعكوزتي
الانترنيت ـ ليترنيت
لافوكا حتى هي بحال ماماـ لابوكا
كسكسو بالتفاية ـ كسكسو بالفتاية وملي كتعرف راسها قالبة الهضرة تقول اش خليتها انا عارفاها ديالها هي ههههههههههههه

fifisamad
28-01-2012, 00:15
هههههههههههههههه الله يخلي ليك ميمتك اختي

3achika lilanak
28-01-2012, 01:10
ههههه قتلتوني بالضحك انا الى تلاقت الوالدة مع جدة الوالدة كدير فيها قارية وتبدا تصحح ليها
مدتيل = مديتي
لفوكا = بكبوكة
البورطابل = الكورطابل
ادم = ادان
اما دعاء الصلاة تقول حفضاه بالالمانية تجي تصحي لها تقول لك لا هاكدا قالو لفقيه في الجامع
التلفون = تولوفين
تلكوموند = نوض نوض
هاد الشي لي تفكرت وخا القائمة طويلة

fifisamad
28-01-2012, 01:13
هههههههههههههههههههههه مسكينة

fatima oum med
28-01-2012, 10:31
ana mama katgoul lboite vocal porte bocal

أمي جنتي
28-01-2012, 11:06
شكرا لك أختي بزاف على الموضوع أضحك الله سنكن ضحكتوني
نتفكر إن شاء الله و نكتب

أم القمرين
28-01-2012, 14:21
الله يخلي لينا للي باقي ويرحم للي مات
والله العظيم لا معاهم البركة
بزاف ديال الكلمات سبحان الله كينطقوها بحال بحال
مثلا : الكورطابل ـ مسطاج ـ التيليفو ... على ما لاحظت
أنا الوالدة مسكينة الله يخليها لي
لورديناتور= ديناصور
أميمة = لميمة
أيوب = يوب
والزوينة عندها هي
كتمشي الحانوت وكتشري الزبدة لابريري ... عرفتو آش كتقول ليها ؟ فريريجة هههههههه ماعرفتش كيفاش كيفهمها مول الحانوت
وبزآآآاف فين ما تفكرت شي حاجة نقولها ليكم
وعكوزتي حتى هي عندها شي مفردات ديال الهبال
دانون = دعنون
تصرفيقة = تصرقيفة
قنعت من شي حاجة = عنقت منها
ههههههههههه
الله يسمح لينا ماشي كنعيبوهم ولكن غير كنضحكو حتى تجي نوبتنا ويضحكو علينا ولادنا وحفايدنا إيلا بقينا فالحياة

أم القمرين
28-01-2012, 16:39
:s8719:

بنت في النت
28-01-2012, 16:45
هههههههههههههههه تبارك الله على أم القمرين

sarati
14-02-2012, 23:34
ههههههههههههههه
لهلا يخطيكم
تفاعلكم فرحني

almo7iba
15-02-2012, 21:39
والله البنات الا قتلتوني بالضحك شحال هادي ماضحكت بحال هاكدا
انا جداتي مسكينة كاتقول للتلفون التولوفين وسطات كاتقوليه زطات والتلفزة الترفازة وولد اختي سميتو ريان كاتقوليه ريال وولدي اسلام كتقوليه سلمان وعدنان كاتقوليه وانعيم اما ماما فحتى هي كاتقول لمساج مساج مسطاج ومفاجئة مفاجعة ولوطوروت كاتقوليها روتوروت وبزاف وخا ماكاترضاش نضحكو عليها اما واحد عجوزتي فغير شدي كرشك وضحكي كلشي مقلوب الخشوع كاتقوليه القشوع وبزاف ديال الكلمات غير هي وخا نضحكو عليها ماقتقلقش كاتضحك حتى هي على راسها كانعقل واحد المرة كنا مسافرين انا وهي وولدها وهي تقوليه الطوموبيل غادية مزيان هي صاوبتي ليها ليزامورتيسور وانا نموت بالضحك انا وراجلي قلناليها كيفاش عرفتيها قالتلينا راه سمعت سعيد قالها يعني ولدها لاخر وباش كاتفضي معايا ملي كاتهضر بهضرة الافلام كاتقول اسفة وشكرا وياك ما زعجتك وزيد وزيد ههه

mariam11
16-02-2012, 06:17
ههههههههههههه البنات ضحكت مزيان
أختي المحبة ضحكتيني والله هههههههههه ، أنا من سطات و كانت جدة أمي الله يرحمها مراكشية و حتى هي تقول ل سطات زطات
أما عجوزتك جابت لي الضحك ههههههه
جدتي أم أمي تقول ل بيتزا ، بيزدا
و جدتي الأخرى الله يرحمها و يوسع عليها كانت تقول
المطار الكراج ديال الطيارات
الله يسمح لينا

almo7iba
16-02-2012, 12:21
شفتي اختي مريم والله مساكن الله يسمح لينا منهم الا كايقتلو بالضحك ولكن راهم معدورين هاد العجب لي ولا دبا ما كانش فعهدهم هما

sarati
16-02-2012, 13:36
ههههههههههههههههههههههه
نزيدكم و حدة اخرى
جدتي غير شافت اكتيفيا فالتلفزة على الامعاء
ناضت شرات واحد كل نهار تاكل منو معلقة
صافي انا راه دمووووووعي ما احبسوش فاش قالت لي راه الدوا هاداك
خاص تاكلي كل نهار معلقة 15 يوم

almo7iba
16-02-2012, 13:58
حكتيني اختي ساراتي فكرتيني فواحد الحاجة كاتديرها جدتي عرفتي كاتحماق على شي حاجة سميتها الدوا واحد النهار سرقاتلي قويلبات ولدي دياول السخانة ودارتهم واي دوا تحط كاتاخدو كيفما كان ولا ت ماما مسكينة رادة معاها البال لاتهز شي دوا يقتلها ايوا الله يهديها وخلاص وحاجة اخرى فينما مشيت عندها كاتقولي شريلي سليب راه كانبغي نمشي للحمام مانلقى مانلبس ونشريه ليها عندها هواية جمع الكيلوطات راه الى قلبتي حوايجها تلقاي محل ديالهم غير ماعاودات فيهم البيع مسكينة داكشي لي كايقوليها راسها وخا هي فالاصل ماكاتلبسهم غير فالحمام ههههه

علياء78
16-02-2012, 15:06
قتلتوني بالضحك ههههههه
خصوصا الاخت سارتي على اكتيفيا هههه والاخت المحبة عى الدوا والسليبات هههه
الله يحفظهوم
انا عكوزتي crème fraiche كاتقوليها crème crèche ههههه

علياء78
16-02-2012, 15:25
قتلتوني بالضحك ههههههه
خصوصا الاخت سارتي على اكتيفيا هههه والاخت المحبة عى الدوا والسليبات هههه
الله يحفظهوم
انا عكوزتي crème fraiche كاتقوليها crème crèche ههههه

omyasmin
16-02-2012, 19:13
ا جدة الله يرحمها المطار هو المحطة البلاصةفي الطيارة هي المضرب ابتسام هي اتساع الافلام انتاع الحرب تقولنا في عهد الرسول ص اما امي المراهقة هي المهارقة ههه الميساج المصاج اما عمتي البندقية هي البقندية هههه موضوع غزال تفقست بالضحك

almo7iba
16-02-2012, 20:06
تفكرت واحد الحاجة كاتقولها جدتي القدافي كاتقوليه القندافي وعكوزتي الى غلطات كاتبغي تقول عفوا وكاتقول 3affan طبعا تعلمتها من الافلام ولكن ما كاتسgمهاش هههههههههه