المساعد الشخصي الرقمي

مشاهدة النسخة كاملة : رحلةمعاناةمع النحافة من 38 الى54كيلو



tamamte
10-01-2012, 17:00
السلام عليكم و رحمة الله تعالى وبركاته:

أخواتي الكريمات الأنيقات :

كل واحدة منكم غادا تقرى رحلتي هادي تكتب لينا حتى هي لقطات محنتها مع النحافة غادا نبدى على بركة الله تعالى بنفسي.

أول شيئ : يارب لك الحمدعلى ما أعطيت وعلى ما أخذت وعلى كل حال.و لا اعتراض هو فقط بوح بمكنون القلب ومشاركة الاخوات همومهن عل الله تعالى يجعل بعد ضيق فرجا.

من الطفولةديالي وأنا ضعيفة بوحدي فالدار خوتي ماشاء الله صحاح و أبي قليول بحالي .عطيتها للقرايةوالتفوق و كنت كنحس براسي ضعيفةولكن ما مأثراش بالمشكلة.بداو صحاباتي فالثانوية كيبانو ومعالم الانوثة واضحة وأنا والو فراكة بحال صدري بحال ظهري هههههه كان عاجبني راسي و همي هوالقراية.

فأول عام دالوظيفة بديت كنحس شوية : كنسمع فشي تجمع كيهضرو علي فلانة موظفة كذا والاخرى كتقول :مابيناش عليها .راكوم عارفين بالضعف اي حاجة لبستي ماكاتبانش عليك.كانوا حوايجي من زهر بنات العائلة ونشري و نعاود والو.

بديت مع الخدمة كنحس بالتعب و الدوخة وهادي أول مرة كنحس بحجم المشكلة تصوروا معايا موظفة كتمشي للطبيب و كيقول ليها طلعي الميزان كيجبر 38 كيلو و أقسم بالله الا 38 كيلو.ايوا تصوروا شنو قال لي :الحمدلله أنكي مازال واقفة على رجليك بهاد الوزن خصهوم ايجيبوك بالاسعاف :18kisa::18kisa:

عطاني قائمة على قدها د الادوية فيهوم فانيد و سيرووات و حقن للشرب واحد لخنشة د الدوا مابقيتش عاقلا على السمييات المهم تبعتها شهرين ووصلت ل45 كيلو و هنا وقفت على الزيادة وخا كناخد الدوا والو.

نجيو للعواطف : كانت النحافة بحال ديك التابعة هههها للي موقفة زهري نتخطب و مايكملش الله واحدالعدد د المرات اللي يوصل بنادم لعقد فحياتو و على قول المصريين و كل كوم والصدمة اللي نقول ليكوم كوم تاني:

كتاب حياتي يا عين هههههههههه ما شفت زيو كتاب

فاطار الخدمة تعرفت بالهاتف على شاب و أنا و لله الحمد متدينة و ماعنديش مع العلاقات فكانت معرفة عمل و حتى هو احتارم شخصيتي وعمروقالي شي حاجة تغضب الله تعالى .المشكلة اني لما عرفت أنه من القرية اللي هي أصل الوالدين ديالي وتكلمت معاه على البلاد لقيت راسي واقعة لشوشتي ههههههه حتى هو فهمت من كلاموأنالله تعالى فتح عليه ولقى اللي كيقلب عليها : كان فارس أحلام بكل معنى الكلمة :عائلة راقية وثقافة و وسامة لكن غير قررنا نكملو تعارفنا بتعارف العائلات و كل واحد فينا احس بأنو لقى النصف الثاني و خلينا الامورتمشي بشكل طبيعي ، صديقةديالي من العائلة وفنفس الوقت كتعرفو عطاتو الصورة ديالي وراها لعائلتو و الحمد لله فوجهي زوينة -شكون شكرك ألعروسة هههه- كلشي غادي في السكة الصحيحة حتى لنهار قرر ايجي لعندنا للدار

ايوا بلا ما نطول السيد عرف عقلي تصور اينا شخصية و اينا قلدة واينا حسناء غادي توقف قدامو هو فتح السيارة و شافني تصدم و من شدةالصدمة قالي بصراحة ماتصورتكش هاكا قلت ليه : راني قلت ليك راني petite taille قالي ماسحابتليش لهاد الدرجة.و كل واحد فينا مشى فطريقو.و الحمدلله على كلحال.

نزيدكوم واحد لفلاش اخر: مرة استضفوني فبرنامج اذاعي و هي اتاصل بي بنت من العائلة قالت لي : عندك الزهرمنين الاذاعة فاش تكلمتي للي سمعك يقوال شكون هادي أما كون التلفزة ههههههههههه و بدات كتضحك.
المهم كل زرع كيجيبلو ربي كيالو جاب الله ولد الناس وتخطبت ففترة الخطبة قريت فهادالمنتدى وصفة نيسلي و نورافيت وماروخا خديتها وجاب الله التيسير ووصلت50 / حملت ورضعت ونزلت ل 48 و لهلا اوريكوم كيفاش وليت فالسبوع كنخلع.مابان قفطان مابان والو.

واحد المرة كنتكلم مع خواتات راجلي قالت لي وحدة فيهوم : الواحد ما يغلاضش بزاف ولكن ما يوليش ضعيف مشوه و كل مرة نجبدو شي حد ضعيف اضحكو و يقولو ناري على حالة
بعد ما فطمت ولدي عاودت الوصفةدنيسلي وماروخا ونورافيت و زدت واحد الخلطة فيها التقاوت كاملين ووصلت ل 53 .

دابا مازال كنعاني من فقدان الثقة فالنفس الا سكت راجلي أو ماعاملنيش كيما نبغي كنقول حيت أنا ماشي مرة و أنثى بمعنى الكلمة الا شي حد فالخدمة ضايقني كنحس بنفسي دايمن ضعيفة وذليلة و هاد الجانب النفسي كيزيد امرضني

رزقي ضايع فالدوايات حيت ماكنخلي مانستعمل غير دكرت ليكوم فقط الاشياءاللي جابت نتيجة.
دابا كلشي كيقول لي نوضي خاوي ولدك و لكن خايفة نزيد نضعاف وماقاداش على الحمل و الرضاعة.

عندي مشكل اخر بجهد الضعف كنلبس ماريو دالحوايج عاد كنسخن وكنحس اني مفرطة فحق زوجي ماكنلبسش شي ملابس خفيفة اللي تعجبو كراجل زيدعلى هادشي كامل شعري اللي خوى من القدام و صدري اللي مابقى من بعد الرضاعة غير شكيوات صغار خاويين.

رزقي و فلوسي مضيعاهوم فاللباس واللي شريتها تبان لي ماجاتش معايا ونخليها أونعطيها.

كنظن أني أول مرة كنحس براحة فحياتي حيت خرجت هاد المعاناةا للي عاشت معايا عمري كامل.

بغيت غير نسى هادشي ومانعاودش نفكر فهاد المشكل و مانبحتش فالانترنيت غير على الوصفات ولكن ماقدرتش.

بغيت نحس براسي مرة ماشي مجرد موظفة كترضي راجلها بالفلوس

دعيومعايا ومحتاجة بزاف للدعم النفسي و نتمنى شي حد عندو تخصص فعلم النفس اقرى كلامي و يحس بي و كنتمنى شي أنيقة زوينة بحالكم توجهني اتجاه صحيح نحل بيه هاد العرمة دالعقد.

و نخليكوم لأني دموعي غلباتني و اللي بغات ترتاح بحالي تفتح قلبها فهاد الصفحةوتعاود لينا معاناتها.

ام منصف 2010
10-01-2012, 17:23
اختي بقيتي فيا والله سبحان الله تواحد ملقاها كيف بغاها الله يفرجها عليك
اشغانقول لك انا معناتي مع الغلض هههههههههههههه غي خاليها على الله وصافي كنت طاي ديالي زوينة بزاف للبسها تجي معايا ولكن دابا تزاديت بزاف ولا ليشوفني يقولي نقصي وانا مكنقدرش على رجيم وبديت كنحس بالمعاناة بغيت نرجع كيف كنت ومقدرتش انا ملي كنولد عاد كنتزاد فالوزن عندي 24 عام ولا لكيشوفني كيقولي نعطيك 30 هاد شي مرضني بزاف حتى كنقول غادي نجمع راسي وندير رجيم وكنرجع فكلامي
اختي سمحي ليا غيرت ليك الموضوع هههههههههه من نحافة لسمنة هههههههه

*وئام*
10-01-2012, 17:48
قصة مؤثرة
لي عودة ان شاء الله

shorouknour
10-01-2012, 18:37
اختي ربي كبير قريب نزل وصفاتي لزادو في شوية ربي كبير

كوثر نور الله
10-01-2012, 18:42
اختي الملالية ان كان لديك علم بما اهم بنات المسلمين فافيديهم والله يجزي المحسنين

ورقة الحنة
10-01-2012, 19:57
عزيزتي tamamt تاترت جدا لمعاناتك واحسست بكل كلمة قلتها وفي نفس الوقت شعرت بروحك المرحة والتي ان شاء الله ستجعلك تتغلبين على مايؤلمك
اختي العزيزة لا اريدك ان تشعري بالنقص او الاحباط فدائما هناك حلول لكل شي تابعي محاولتك في زيادة الوزن واعتني بنفسك جيدا وكل امراة لديها القدرة على اضهار انوتتها مارسي الر ياضة فهي الى جانب ان لها دور في زيادة الوزن او انقاصه تعطيك الشعور بالارتياح وتخفيف الضغوط اعتني بشعرك بوجهك بجسمك ثقي بنفسك وارفعي من معنوياتك فلكل منا معاناة ولكن نعمل جاهدين على اسعاد انفسنا
انت تبحثين عن الجمال في زيادة وزنك ونحن نبحت عنها في نقصانه حتى واحد ملقاها كيف بغاها ههههههههههه

sajeda
11-01-2012, 00:01
حبيبتي حتى
أنا ماعندي صحة مكنفوتش 50 كيلو . مزوجة و"عندي جوج وليدات .ولكن عمرو هدشي معقدني .الانسان يشوف اللي تحتو مشي اللي فوقوا .الله سبحانو خلق وفرق .اش يقولوا المعوقين اللي ينتضروا الأخرين يخدهوم حتى لحمام أعزكم الله ،؟ منهم مساكين كيتمنى غ يتمشى "على رجليه . ياك الحمدلله وقفة على رجليك .بدارك .بخدمتك بولدك الله يحفضو لك . تعودي من الشيطان الرجيم .حبيبتي راك عطية للأمر كتر من الحجم ديالو .حنا من النوع اللي ضعفت وراتياً حتى أنا شبهت الوالد .والجسد ديانة كيحرق ادهون بسرعة . حبيبتي ما تهلكيش المعدة ديلك بدوية باش تعجبي الأخرين .تقبلي روحك كما نتي . خاص الايمان ديالك يكون قوي فهد الجانب .را بنادم واعر كما درتي حصلتي .إلى ضعيفة علاش ويلا غليضة علاش .فكري شوية فراسك أو فولدك مسكين .اش دنبو تحرميه من أخ أو أخت يتونسو بجوج .

را أدراري كيحسو بزاف .كفاش بغيتيه يكبر مزيان ونتي أصلاً متيقاش فنفسك أمهزوزة قدامو ،؟ إو خلاص خسرتي فلوسك على أدويات أزيد خسريهم على طبيب نفساني .را هدا مشي موشكيل .نتي الوحيدة اللي قادرة تخرجي نفسك من هاد أشي .

أنا حبيبتي وقعلي بزاف ديال المواقف منين تزوجت .عجوجتي غ شفتني ضربها عشرين عفريت . حيت هم عايلة ديال الفيلة .كترميلي الهدرة ولكين وحد انهار اللي حشمتني قدام حمياني كنا دايرين ناكلو وهي دوزت يدها على ضهري وقالت اووووو وهي تقول لراجلي إنت بغيتها هكدا ،؟راجلي زعف ونة حشمت .تمنيت الأرض تحل وندخل فيها .ضرني خاطري بزاف ولكين صافي وليت نرد لها اصرف .مرة مبغتش تحشم وقاتلي خصك تغلادي كنا معروضين ونة نقلها أنا باربي ديال راجلي اللي هو ولدك .مسكين راه مل الشحمة وريحت اصنان قتلاتو . حيت ألطليقة ديل راجلي كانت كتوزن 100 كيلو .(مع احترامي لكل لغلاضات ) ولكين كانت كدلني قدام أناس ونة عروسة جديدة .مرة قتلها أنا ضعيفة معليش را البنة فلعضم . وحتى أدود فلقبر مغ يخدمش معايا بزاف . مرة قتلها نتومة شا درتو بشحومكم ،؟ والو غ ساكنين فسبيطرات ؛قتلها غ نتي فاتحة على كرشك 20 مرة .بسبب الماكلة . قتلها أنا عاجبني راسي هكدا ونتي علاش راسك واجعك ،؟
سبحان الله ؛ ربي يوم القيامة كيشوف اعمالنا مشي أجسامنا .ولكن بنادم وعر .دبى مكدورش بيا والو ملي كنجوبها .

أختي حلي عينيك وانفضي الغبار عنك وجابيهي الحياة ولدي ولداتك .تقي بنفسك .التقة بنفس هي كلشي واللي قلك كلمة قولوا عشرة . وحتى الغيرة رها تهدر .

sofialallasofia
11-01-2012, 00:31
laykhalik a malalia 7ora brit nhdr m3ak et pour tamamte ko rir kdert n3awnek ana bhalek w fhemtek bzaf w 3ziti 3lia ana fia 56 kg w 1M65 wtgouli fia 30 kgs bnate 3ailti kolhom ghlad w lebbasate ana ta haja matatji m3aya kanghlad rir 3 kg kanwli zwina :( brit nghlaaaaadddd ana ktar mennek afak a malalia hora mhtajake !!!!

tamamte
11-01-2012, 15:05
السلام عليكم و رحمة الله تعالى و بركاته:

أخواتي ىالعزيزات جعل الله ردودكن تفريجا لكربة مسلم و فرج الله بها عليكن كربة من كرب الدنيا و الاخرة :

نقسم الردود لثلاث :

الأخوات اللي كيعانيو من نفس المشكل اما وزن زائد أو ناقص نتمنى فهاد الردود نلقاو حل و نبداو بحل ملالية حرة الله اكثر خيرها تفيدنا لان المواد اللي دكرات طبيعية.

الأخوات اللي احسو بمشكلتي و فهموا الوضع ربي اجنبهم الهم فالدنيا و الاخرة و خاصة الموعظة اللي قدمتها لي الاخت منين قالت أن الثقة فالنفس هي الأساس و أن الخطوة الأولى خصني نبني ثقتي فنفسي و نرد على راسي نواعدك أختي أني نبدل مجهود فهاد الاتجاه.

الأخت ملاالية حرة فيديني بتفاصيل الوصفة الله اجازيك كل خير

houda nor
11-01-2012, 18:43
ارى انك انسانة غير متفائلة اختي انت في نعمة من الله رزقك بزوج و بذرية فلماذا انت متشائمة انت في صحة جيدة فاحمدي الله تعالى عليها لا اعلم لما معظم النساءو الفتيات همهم الواحد الزيادة في الوزن ان كانت لديك اختي صحتك فاطلب من الله ان يدومها عليك واهتمي بزوجك وولدك و حافظي على بيتك و لاتدعي احدا يؤثر فيك فانت انثى خلقك الله هكذا ويحب ان يراك هكذا و له حكمة في ذلك سبحانه عيشي حياتك اختي و تمتعي بأمومتك فغيرك يفتقدها
لك مني اجمل تحية

hananemimi
12-01-2012, 00:29
3tini akhti lmsn dyalk bghit nhdar m3ak darori w3andi lik lhal hint ana kant ktar manak

odaba bikhiiiiiiiiiiiiiir kolchi taystaghrab hint mafahmo walo

tamamte
12-01-2012, 16:58
كلماتكن مرة قرصت أدني و نبهتني الى تضخيمي للأمور و مرة دعتني الى التشمير عن ساعد الجد لمجاوزة المشكل و أعدكم أن كلامكن لن يدهب سدى فكلي ادان صاغية و أود معرفة ان كنتن تحسسن بنفس الشء ولا غير أنا زايدة فيه؟

يارا2000
19-01-2012, 13:57
السلام عليكم ورحمة الله وبركاته

الحمد لله لي ماعندك مرض عضوي


جات غير فالضعافة


حبيبتي الوصفة لي حطيتي مزيانة داوميها وشوفي طبيبة دالريجيم قصدي اختصاصية فالتغذية تعطيك ريجيم لزيادة الوزن


بالسبة للبرد يمكن كون نقص فالمانغانييوم والفيتامينات راه كاين دوا




انصحك تكوني واثقة من راسك ولا وازعي على الحمل راه ممكن تغلاضي لأن الحمل الثاني ماش هو الأول


وكتبة أنا بعد ولادةاتير شكلي لكن ثاني تغير ودت بزاف


غير ازعي وربي المعين

oumsarawamoad
20-01-2012, 14:46
السلام عليكم أختي الكريمة راه المجتمع هو اللي غلط ماشي أنت أغلبية الأفكار منافية للدين والصحة خلي إيمانك قوي بالله أكرم الناس عند الله الثقي ماشي السمين أو النحيف فمثلا أنا مرتاحة ومتفاءلة واخا الوزن ديالي معمرو فات 50 كيلو راجلي عاجبو الحال أ معمرو قالي غلاضي أ كيبغيني كيف ما أنا تصوري خطبني كان فيا 45 وعمري 17 سنة واخا كانو شي ملاحظات ديال بنات العائلة اللي كنت متأكدة أن الغيرة اللي كانت كتهدرهم ولكن كنت واثقة بالله ثم بنفسي دابا 5 سنين باش مزوجة أ كلشي مزيان الحمد لله ما عمر الوزن ديالي عقدني فيا 50كيلو والدة 2 مرات كنرضع أولادي بكل فخر اللي بغا يهدر مكيهمنيش ولكن ناوية بإذن الله نوصل 55 يالله صاوبت واحد الوصفة طبيعية اللي بغيت نقولك قبلي راسك كيفما أنت لأن الراحة والثقة في النفس هما كلشي كولي المكسرات بكثرة راها كتغلض اللي استهزئ منك وهدر فيك راه عطاك من حسناته توكلي عالله أولدي ودعي الله يسر ليك شوفي النعم الكثيرة اللى عطاك وكفى بالإسلام نعمة

oumsarawamoad
20-01-2012, 15:10
لوصفة اللي بديت هي /
تمر+شريحة+زبيب مفورين +حلبة مطحونة
كاس زنجلان مطحون +كاس لوز أو كاوكاو أو كركاع مطحون أو خلطي المكسرات اللي عندك
خلطي كلشي بالشكلاط ديال الدهن أنا درت نوتيلا تقدري تخلطي بالعسل الحر أو نسلي
إنشاء الله غادي ندير الوصفة ديال واحد الأخت راه زوينة صحية عطاتها مفعول رائع في شهرين
مني تفيقي للفجر خودي كاس ديري فيه 2معالق ديال شعير زيدي فيه ماء ساخن وحليه بشوية العسل خليه إدفا شوي شربيه من بعدو كولي 2معالق ديال الوصفة الأولى اللي عطيتك أرجعي الخليط للثلاجة كل يوم أنتي ماخاسرة والو ديريها مدة طويلة كلشي موجود ههههه
الله يسر لينا وجميع البنات اللي بغاو يزيدو الوزن

tamamte
29-01-2012, 16:04
جزاكن الله كل خير على ردودكن رجعتوا في الروح و قررت نرجع للله تعالى و هو عندو كل خير

كلثوم البيضاوية
29-01-2012, 20:37
اختي الغلض راه غير مرض
شوفي الاروربيين اشنو كيوزنو كتلقايها كستيلو وغادة تفقص ودايرة رجيم ورياضة
اختي كوني واثقة من راسك وحاولي تشوفي اللبس اللي كيواتي الرقيقات متلبسيش الاسود
حاولي تغيري من راسك والله يسر لك

الماسة المغربية
29-01-2012, 21:54
اختي نصحك بفنيد بيرفيتال كنقول فانيد ومللي توصلي لوزن مثالي ديري السيروا بيرفيتال هو الي هناني من النحافة واخا خسرت الفلوس بزاف عليه ولكن الحمد لله لان تقريبا عانيت من نفس الشي

لي عودة

sihamfbs
30-01-2012, 17:33
اختي نصحك بفنيد بيرفيتال كنقول فانيد ومللي توصلي لوزن مثالي ديري السيروا بيرفيتال هو الي هناني من النحافة واخا خسرت الفلوس بزاف عليه ولكن الحمد لله لان تقريبا عانيت من نفس الشي

لي عودة
ختي ممكن تجولي لينا شحال ديال لوقت وتني كاتستعملي فانيد بيرفيتال لاني عييت مانجراب ولو ودابة راجلي عقدني غالي خاصك تغلادي

زوجي حبيبي2011
30-01-2012, 18:36
السلام عليكم ورحمة الله تعالى وبركاته
زيدوني عليكم اخواتي حتا انا ضعيفة بزااااااااااااااف وزدت كملت ملي تزوجت وجيت لعند راجلي في هاد الايام اللي دازت عليا ما كناكل ما كنشرب كانو جالسين معايا ناسي وواحد اختو الله يسمح ليها كانت كتخلي حتا تحط الماكلة وكتقول شي كلمة كتسد لي النفس بمرة
في الاول فاش جيت ما لاحظ راجلي والو ولكن داز شهر قالي ضعافيتي بزااااااااااف في هاد المدة القصيرة لحقاش جيت شفت وضع اخر وما نكذبش عليكم فيا النفس بزاااااااف اللي قال شي كلمة كناخدها بحساسية زايدة وكنبقا غي عابسة لا ماكلة لا شريب
قالي راجلي خاصك تهلاي فراسك شوية حتا انا بغيت نبدا شي وصفة راني طحت بزااااف
ولكن الحمد لله انا حامدة الله وشاكراه على كل شيء لانو كنت اضعف من هاكا بزااااااف دابا غلاض ليا وجهي وورم تقول فيا 80 كيلو ولكن انا واااااالو بحال الريشة في العرس دارت لي النكافة غي البونج في صدري وحزماتني بفوطة هههههههههه وليت كنبان قد العفريتة ولكن غي الحوايج تحيدو وتفضحت ههههههه
قالي راجلي شنو خاصك نشريه ليك ومازال ما عرفت اشمن وصفة بالضبط نتبع انا ان شاء الله غادا نتبع معاكم الوصفات واللي عندها شي حاجة ايفيكاس تفيد الاخوات وتفيدني معاهم

ام منصف 2010
30-01-2012, 18:41
الانيقات ليبغات تغلاض تبعد على دواء خليكم مع الوصفات طبيعية
دواء راه كيرجع ردو البال راسكم لهما ضعف ولا المرض الله يحفض

oumsarawamoad
31-01-2012, 19:14
أختي (زوجي حبيبي 2011) ماتفقصيش راسك كوني مرتاحة ماتسمعيش الهدرة الخاوية تمرضي راسك ولي قال ليك شي حاجة خايبة ديري براسك مسمعتي والو ربي يفرج عليك أتسكني بوحدك ضحكتيني ملي درتي البونج والفوطة هههه كاين شي نكافات كيزيدو عليك الفقايص تقولي خاصهم المراة تكون فيلة باش عاد يعجبهم الحال تجيهم هي هديك هههه أنا ماجبتش النكافة أتهنيت كون جات تشوف فيا 45كيلو في العرس كون خوات شي سداري أتعمرني بالبونج ديالو هههههه المهم شوفي الوصفة اللي حطيت في الردود السابقة راها مزيانة أطبيعية

madline
31-01-2012, 23:08
smhilya zadti fih bzf rah rjal mab9awch baghin lghold ama bnisba ldak lkhatib liknti dayra m3aj oja ogalik matkhayltkch hokak hadak ga3ma istahlak hit bayna kibghi ralmadahir makibghich le fon hnak lah mano ohanti daba tzwjti osahl alik lah mé 53 raha poids idéal aji magoltich tol dyalk chhal bach nkdro ngolo lik wach nti hiya hadik ola khask tzidi

ourzazat88
31-01-2012, 23:34
hananmimi baghya tgoli liha wsfaa bo7daa aaaaaa 7sltaaaaaaaak hhhhhhhhhhhhh.ila kant chihaja litnf3naa golihaa linaa 7ta 7naa plz wlah yjazik bikhir

dandona
01-02-2012, 00:07
wanari ila jit n3awad likom ana chno tra liya hhhhhhhhh mnin kanatfakar kantarta9 badahk kant kanwazan 53 kilo wana fiya 1.68 kant kanban bha chi 9ados hhhhhhhhhh wkan li m3a9adni anani kol madazt 3la chiwahad taygol zwina tbark allah walakin khasak taghladi hhhhh wlichofni tayghawat malki yak labas 3alach waliti ga3 haka saraha kano 3a9doni hata ja rajli allah ikhalih yakhtabni galiya ana 3jabtini mnin r9i9a 3amarni makant kanatsawar anaho iji wahad nhar nat9abal fih rasi walakin daba alhamdo lillah wakha zat chwiya kanwazan daba 57 kilo 3ajabni rasi ahata rajli khalani nraja3 ti9a frasi wakha magalt lo bali ana bghit naghlat laha9ach mabaghinich naghlad nihaiyan

madline
01-02-2012, 01:23
hhhhhhhhhhhhhhh dandona dahaktini lay3tik lkhir

زوجي الغالي
01-02-2012, 23:57
السلام عليكم
شكرا للأخت صاحية الموضوع اللي فتحت لينا هاد التجمع وشاركتنا بالقصة ديالها جزاكي الله خيرا أختي احنا هنا نساعدو بعضنا ونحكيو همومنا وهاد النحافة صراحة مرضاتني
الله يسهل علينا جميع ويغلضنا كاملين
لي عودة ان شاء الله باش نحكيلكم واخا غير شوية من المعاناة المشتركة بيناتنا

tamamte
02-02-2012, 15:41
شكرا على مروركن الطيب.

هدا اسبوعين بديت كناخد كينات د الحلبة لكن صروني فمعدتي واخا كولشي كيشكرهوم و ممكن حتى المرضع تاخدهم كيعطضيو الحليب.

بالنسبة للأخت اللي سولاتني على الطول فطولي 1.53 ووزني 53 يعني لا طول لا عرض ههههههه و هدا هو المشكل.

hasna222
02-02-2012, 17:55
hta ana akhti 3andi nafs lmochkila ana f 3amri 24 ans o matanfotch 48kg o dima li taychofni taygol li taytshab li tat9ray f lycee walakin ana jatni 3adi ma3mri thasast man had lhala li galha liya tangolih hsn nit bach man banch kbira f l3mar hhhh .tanshak akhti takhdi lomor b basata ila kan rajlk tat3jbih b hakak ya3ni matsw9i lnas kol wahd igolo li3jbo

Susan
05-02-2012, 06:58
والله بقيتي حيت عانيت فحالك
ولكن دابا مبقيتش كنتسوق
حيت رشاقه هي لي زوينه
والله
المهم يكون عندك صدر يغطي هادا هو كلشي
جربي هاد الوصفه
زبيب كحل رقديه بالليل وبالصباح خلطيه وصفيه وشربي جوج كيسان واحد على رقيق وواحد بالليل
وتبارك الله غادي تغلاضي وتزياني حتى بشرة تاعك غتولي بيضا ومزنقه
جربي ودعي معايا

مغربية24
05-02-2012, 09:30
السلام عليكم احسابني غير بوحدي الي ضعيفة الصح كلنا في الهوى سوى الله اغلضنا على قد النفع
لي عودة انشاء الله نحكي ليكم حتا انا شوية عن معاناتي لكن غير مع راسي ههههه

tamamte
06-02-2012, 15:52
شكرا الأخت سوسو على وصفة الزبيب ان شاء الله نجربها حيت وزنت هاد النهار و تفقصت عاوتاني.شكرا للأنيقات على الردود المهمة

ni3matoallah
12-02-2012, 18:00
السلام عليكم اختي الحبيبة مزيان ملي تكلمتي وفضفضتي راه كاينات بزاف عندهم هاد المشكل لي جاي من تقافة ديال المجتمع ديالنا حتى انا كانت في 40كلغ فاش كنت فالجامعة مع الهم تالقرايا ملي خدمت تزادت فيا واحد الخميسا ولكن الحمد لله مخالقش ليا مشكل هههه حيت وجهي مدور ولكن ملي كن نكون فالحمام كنحشم يحك ليا شي حد ظهري هههه المهم تزوجت تزاديت تاني شويا وصلت ل50كلغ درت عملية جراحية من بعد نقصت تاني ولكن الحمد لله مخالقش ليا مشكل خصوصا راجلي رياضي مكيحملش الغلض هادشي ليكيقول ههههه يالله الحبيبة تهلاي فراسك اوفوليدك وماتديهاش فهضرت العيالات الله يسر
بغيت نشكر الانيقات على حب الخير لي فيهم انا ملي تسجلت فهاد الموقع تزاد وزني شويا جزاكن الله خيرا

tabaknnost
12-02-2012, 21:25
السلام عليكم شوفي حبيبتي,الاخوات مقصروش و قالو المفيد حتى انا ملي عقلت على راسي وانا ضعيفة ولكن سبحان الله كنت دائما تايقة فراسي و لله الحمد..ولي نبغي نقولك شوفي فعقلك ماشي فجسمك ونتي تبارك الله قلتي مثقفة وقاريا..يعني الله يخليك ماتنزليش لداك المستوى...لا.. ضعيفة .لا.. رقيوقة .لا ..مسيكنة...وكدي راسك الحبيبة ودارك ولدك باغين عقلك وماشي لطاي ديالك..والواحد كنحتارموه بافكارو ماشي بزينو ولا طولو..وسمعي ملي كنعرفو الواحد ضعيييييييييييييوف وخايف عاد كنخلو فيه ولي مخرج فينا العينين وخا ميسواش كنحتارمووووووووووووه حيت خايفين منو اوا هدا هو بنادم... نجيك دابا المفيد وسمعيني مزيان بعدي كاع عل الدوايات انا من4 شهور تقريبا تزاديت شي كيلوات وديما كنحاول نقلب عل الطبيعي.وعلا حساب مفهمت بحال الى كتحسي بضاعف من الدخل اول حاجة عليك بغذاء الملكات هو كيقوي المناع وانا شريتو 10 غ ب 50 درهم وثاني حاجة حبوب اللقاح حتا هو كيقوي المناعة ومنافعو كثيرة قلبي على هاد الجوج فكوكل وتلقايهم فدوك المعشبات الي صحابها بشواهدهم بحال الفرمسيان وقالي السيد الي كنشري عندو بلي عندهوم قويلبات كيفتحو الشهية ب 1400 ريال ولكن مخديتهم من بعد ديري واحد سلو بدقيق الشعير والان ودقيق القمح وديري فيه كلشي وخلطيه بزيت بلدية انا درتو مطولتش فيه مكنحملش بزاف سلو ولكن درت واحد كيلو الشريحة فكسكاس الكوكوت ودرت شوية الحلبة وسديت عليها حتى طابت من بعد طحنت كلشي وخلطهم وناكل معيلقة فالصباح ومعيلقة فالليل دامت اسبوع وخا مكنت حتى نتيجة كملي كيلو تمرمع الزبيب بنفس الطريقة مع الحلبة وزيدي حمص مطحون لوز مطحون كركاع صوجا كاوكاوانا زد واحد شوية الذروة كانت عني يعني شحمة د الجمل وكولي 3 مرات فالنهار

tabaknnost
12-02-2012, 22:03
ونسيت مقلت ليك صفي ديك الحلبة من الما دريها غير هيا بلا ماء قالتها واحد الاخت الله يجازيها بالخير وحاجة اخرى ديري ديما واحد الميكة فجيبك ديري فيها الحمص الكركاع اللوز والصوجا الزبيب وبقاي تاكلي فيها بحال الادمان ديما معاك انا عزيزة عندي هادي وحتى ملي كنت حاملة مخطاتنيش هاد الاشياء كتقويك وكتفتح الشهية ومافيها حتى ضرر ونسيت واحد الحاجة قريت بزاف فالمنتديات على حليب الصوجا وحتى هو درتو ههههه وهاد الاشياء الى كاع منفعات ما ضر كناخد يا للا مثلا كاس كبير صوجا ممكلياش نرقدها فالما 8 الساعات نصفيها ثم نعبرها وقياسها ف 2 مرات ماء عادي يعني كاس صوجا يساوي 2 كيسان ماء وطحني فمولنكس ودريه فطنجرة وبقاي حداه تحركي ونقصي العافية واحد 20 حتى 25 دقيقة ديري السكر القياس لي بغيتي وخليه يبرد شوية وصفيه بثوب مزيان انا كندير ليه الشكلاط غبرة باش تغطي على ريحة الصوجا وديريه فالثلاجة ومايفوتش 3 ايام لاحقاش كيحماض وضروري ثلاجة ودوزي به داك التمر كاس فصباح كاس باليل وضروري تسخنيه قبل ماتشربيه وهاد الايام شفت فواحد القناة قالك تشربي فالصباح كاس حليب عادي مطحون فيه 3 بنانات و7 ولا10 تمرات ومعلقة د العسل طحني وشربي وتاكلي الروز بزاف وتعشاي بالتون بزيتو و ضروري متمليش والنتيجة متسنايهاش فسيمانة ولا شهر عل الاقل شهراين واكثر داكشي انا فاش بانت لي واهم حاجة حبوب اللقاح ميخطاكش والله يسهل علينا كاملين ونتمنى نكون فدك ولو غير بشوييييييييييية

tabaknnost
12-02-2012, 22:12
وحاجة اخرى درتها هاد الايام خديت واحد 5 دراهم حلبة نقيتها وغسلتها وحمصتها غير شوية ثم طحنتها وخلطها بعسل حر مع معلقة حبة السوداء وجمعتهم ودرتهم فقرعة كل صباح ناخد معلقة ندوزها بحليب سخون اوا غير الله يسترهاني غير كنصرط ههههههههههه

سارة أمة المعز
13-02-2012, 17:49
السلام عليكم و رحمة الله

ختي حسيت بكل كلمة قلتيها حيث حتى أنا ضعيفة و لكن ماشي لدرجة نخلي فيها الضعف يعقدني، تخيلي أنا طويلـــــــــــة ما شاء الله فيا 1,74m و غير 56kg و عندي 24 عام هههههه الحمد لله نتي بصحتك وبخدمتك و براجلك و وليدك غيرك ما عندوش هاد النعم وأصلا على حساب طولك وزن ديالك راه هو هذاك شوفي أنا تبارك الله قداش بالطول و ضعيوفة لووول والله أختي راك غير كتمرضي فراسك على والو، ما تبقايش تسوقي لهدرة الناس، أنا ما زال ما تزوجت و شحال من وحدة كنعرفها كتقول ليا را الرجال كيبغيوا الغلظ ههههه و هاذي غير هدرة خاوية تبارك الله بنات ضعاف و مزوجات و بنات غلاظ و مزوجات الناس أذواق و الله خلقنا مختالفين وله في خلقه شؤون الحمد لله على كل حال. شوفي الحوايج الزوينة اللي في حياتك و أهمها أسرتك


في أمان الله

modhila86
14-02-2012, 11:58
متخليش راسك تحسي بالجوع حيت مني الجسم تيحس بالجوع تيبدا ياخد من les reserves ديال الجسم ، و تنصحك بالحليب خضر كامل الدسم و التمر ،كولي فيهوم شحال ما قديتي و ردي عليا الخبار ،انا واحد ختي ضعيفة و تيجي رمضان تتزاد نحيت غتيودن المغرب تطيح علا التمر و الحليب خضر ، و تما و حنا نكتشفو بلي ر تيغلضو

fiffifa
14-02-2012, 17:25
. c'est une recette dans ce forum même essaye le je trouve tout est naturel dans cette recette et réponds moi si tu l'as essayé.merci.

مهم مقادير العجنة 5 دراهم من ايلان.صوجا.بكبوكة.لكثيرة.زريعة الفصة.زريعة الشمندر.سكودي.حلبة مطحونة .شريحة مفورة.لوز.كاوكاو.الفوة.يخلط بقرعة الشكلاط.العسل الحر.قرعة سيرو فيتاتيننن أو يحمر الكل و يطحن وونخلط ملعقة في كأس من الحليب هدا هو زريك عند صحراوة

tamamte
15-02-2012, 10:11
صراحة التفاعل ديالكم مع الموضوع ديالي خلاني نخلخل المفاهيم اللي عندي مع نفسي و بدا كيبان لي أن المشكل ديالي فراسي أنا كثر ماهو فراس الناس ، غير من خلال قراءاتي فعلم التنمية البشرية أن التجارب ديالنا كتولد عندنا قناعات و أنا هادشي اللي حكيت ليكوم ولد عندي قناعة أن مشكلتي فحياتي هي النحافة و الحمد لله جربت بعض الوصفات اللي كتبتوا لياو للي جاتني فالمتناول خاصة اللي فيها المكسرات و الحمد لله البارح عبرت و لقيت 56 كنظن الا زدت النصائح ديالكم باش نحس براحة نفسية و مانسوقش لنظرة الناس خصني نتقبل راسي كيما أنا غادي نكون لاباس ان شاء الله .
صراحة مالقيت باش نجازيكم و أحسن ما عندي هو الدعاء : اللهم يسر لكل أخت أمرها و لكم مني هدا الدعاء هو زوين بزاف و كيفاجي خاصة للي محرومة من شي حاجة :
اللهم يا عالي يا متعالي يا عالما بحالي و أحوالي أنزل مفاتيحك و حل أقفالي و اتني رزقي في مكاني يا من لا يغيب عني و لا ينساني .امين

ام مريم البتول
15-02-2012, 10:24
اختي تانحييك على صراحتك و اشراكنا بمعاناتك
اولا باينة فيك انسانة طيبة هادشي باين من خلال كلامك
للاسف معك حق فمجتمعنا مجتمع مظاهر و المرا اغلبية تايشوف جمالها و قدها عاد يشوف الامور الاخرى وهادشي داخل فيه بزاف ديال العوامل من الاعلام اللي اختصر المراة فجسد جميل و تضاريس فقط
المهم
مادكرتيش لينا سبب نحافتك واش متتكليش ولا وراثي مثلا
اللي ننصحك هو تييييييييييقي فراسك و عنداكي تخلي هاد المسكل يزيد يؤثر عليك فعلاقتك الزوجية ..راجلك خداك و نتين ضعيفة و اختارك و بغاك يعني خويييي راسك لانه ممكن نتين تديري مشكل من لا شيء
حاولي تفرضي شخصيتك و تخليها تطغى على اي شي اخر لانه الانسان ماشي شكل سطحي فقط خصوصا المراة و الزوجة راه هي تربية و معاملات و عشرة طيبة و ادب و حسن خلق هادشي كله تايرفع من قيمتها عند زوجها و قدام الناس
و شحال من راجل مزوج جميلة الجميلات و مامرتاحشي معاها
كولي مزيان و ديما الحلبة كوليها واخا الريحة راه نتائئجها بزاف زوينة على الجسم و الصحة
كولي البطاطا بزاف و النشويات بحال لي باط و زيدي عليها الجبن
ايلا لقيتي تمارسي الرياضة راه تاهي تتقاد المورال و تاتفتح الشهية

oumsarawamoad
15-02-2012, 13:50
أختي الكريمة صاحبة الموضوع فرحتيني بالرد الأخير ديالك هاكذا نبغيك متفائلة تبارك الله مبروك عليك 56كيلو راه بالنسبة للطول ديالك هذا الوزن راه كثر من الطبيعي ماشاء الله يعني علميا أنت بعيدة عن النحافة الله يعطيك ما نويتي نتمنى الوصفة اللي حطيت ليك من قبل نفعاتك تهلاي فراسك في انتظار أنك تفرحينا بالحمل الثاني إنشاء الله تحياتي لجميع الأخوات أحبكن في الله

زوجي الغالي
15-02-2012, 18:48
السلام عليكم ورحمة الله وبركاته أعجبتني شجاعتك أختي على مشاركتنا قصتك أنا تسجلت فهاد المنتدى مدة طويلة هادي وعمري تجرأت نشارك قصتي مع الأخوات خاصك تفتخري بنفسك وبشخصيتك وجرأتك
حتى أنا وحدة من البنات اللي تيعانيو من النحافة واللي تيزيد هاد المعاناة هو الناس اللي متيرحموش وانا ماشية في الشارع عاجبني راسي وناشطة تتسمعي الشباب رماو لك شي كلمة تيعيروك حيت رقيقة واش أنا ما حاساش براسي راني حاسة ولكن تنحس أن عندي ما يكفي من الصفات الجميلة اللي تتغطي على مظهري
أو زميلاتي في الدراسة لأني كنت متفوقة والحمد لله وواثقة من نفسي كلما تاحت ليهم الفرصة تيرميو لي شي كلمة تخليني واخا تنرد جواب على كلامهم ولكن تتبقى ديك الهضرة فراسي نهار كامل وعوض ما نهتم بدراستي تنبغي ناكل ونلبس مزيان باش نفقسهم ونبين لهم أنني عاجبني راسي
ومخليت حتى وصفة اللي لقيتهم تيشكرو فيها فأي منتدى تنديرها والوالدة مسكينة تتقولي شبغيتي بهاد الشي والأدوية الفاتحة للشهية ها نورافيت ها برفيتال ها تريزوركس ها برنابول ولكن برنابول صراحة الا تبعتها مزيان بدون تهاون تتجي معايا بزاف وكلشي تيلاحظ الفرق لأنها تتفتح لي الشهية بزاف
ودابا حماتي كل مرة تتقولي انتي زوينة هكدا ولكن خاصك تزيدي تنقولها عارفة وتيبقا فيا الحال واش هادشي بيدي لو قدرت كنت درتها ولكن الغالب الله مرة تنكون معصبة لقمة ديال الماكلة منقدرش ناكلها تنبقى بالجوع النهار كامل خصوصا الا كنت مناقشة مع خطيبي أو شي شخص عزيز علي طرات لو شي حاجة الله يستر يعني خاصني نكون ديما فرحانة باش نغلاض ههههه

المهم انتقادات الناس تتزيد تمرضني وتتخليني نكتأب أكثر ولكن الا رجعتي لله وصليتي ودعيتي الله يسهل أمورك والله تترتاحي بزاف وتتحسي بنفسك انسانة أخرى ومرتاحة لأنك تطيعين ربك ولا يهمك سوى رضا الخالق والا كانت علاقتك مزيانة معاه أكيد غادي تكون كدلك مع زوجك أولادك والله يغلضنا على قد النفع بغينا غير شوي

عاشقة الجنوب
25-02-2012, 12:51
اختي شكرا على طرحك لموضوع حسيت بحاالا كتحكي معناتي حتى مزوجة وعندي بنية الي شافني يعطيني 18 سنة رقيوقة متنفوتش 48 كيلو ههه وطولي 1.60 ماشاء الله ملي تزوجت دائما غاديا للتحت بكثرة الهم وتناخد بزاف على خاطري مبقاتش خاطري واسعة راكم عارفين الواحد ملي كيتزوج و كيصتدم بواحد الواقع فشكل مكانش كيتصورو تنحاول نتغلب على دوك الاحاسيس ولكن بنادم متتيخليكش بصراحة راه مشي الزمان او الزواج الي خايب راه البشر الله يحفظ الي خايب وخا تعياي ديري معاه المستحيل مكيتبدلش وقيلة بحال الى خرجت من الموضوع ههه سمحوليا المهم المشكلة الي عندي هي اني راه تنصاوب دوك الخلطات وتنشري السيروات ولكن معنديش النظام فحياتي يعني تنصوب شي وصفة وناكل منها 2 مرات من بعد ننخليها معنديش المداومة وبصراحة تنهمل راسي واحد المرة مشيت عند الطبيبة ملي عبرات وزني تخلعات كات ليا نري ركي ناقصة بزاف وانتي ماشاء الله طولك زوين خاصكي تبالي براسك خرجات لي 1 سيرو ولكن مكملتو راه مزال تيسمعكم هادي 5 اشهر وعائلة راجلي دائما تيكولو ناري رقوقة خاصكي تزادي ..... والهضرة كثيرة بغيت اكون فيا الحماس وننسا الهم ونعيش حياتي بما يرضي الله الحمد لله على كل حال .

الانيقة منى
25-02-2012, 22:41
السلام عليكم اخواتي
شكرا لاختنا صاحية الموضع على طرح هدا الموضع الرائع
حتى انا تعقدت من النحافة كنت بخير الحمد لله حتى درت عملية جراحية هادي تلات سنوات و نصف من مورا ما بقيت لقيت صحتي, ضعافيت بزاف وليت كنخلع, تعقدت مريت بظروف صعبة وليت غادية وتنضعاف , لكن من شهر نونبر بديت الحرب ضد النحافة شريت سيرو nuravit وتبعتو ووليت كناكل مزيان, ويجرى اللي يجرى كنسى كلشي وكناكل مزيان مزيان وخلقت لراسي جو كلو هدوء وكيفتح الشهية اي حاجة توقع ما كنتسوقش ليها وكناكل مزيان ودابا الحمد لله تزاديت في الوزن ورتاحيت وليت كنعس مزيان مزيان, الحمد لله ولى وجهي عامر ومزينق و دزاديت في الوزن الحمد لله, وانا مكملة في البرنامج ديالي السيرو والاكل جيدا و النوم جيدا وما نتسوق لحتى حاجة,
رجعت لي تقتي بنفسي. ووليت كنهتم براسي اكتر ووليت سعيدة في حياتي, السعادة انا اللي خلقتها بنفسي, نتمنى نكون قد افدتكم,
انا مزال ما عبرتش الوزن ديالي, ملي بديت البرنامج ديالي ما عرفتش شحال كان وزني لكن انا متاكدة كنت في 40, دابة نقدر نولي قريبة ل 60 او فوق 60, لكن حسيت براسي دزاديت وعمرت وتقاديت الحمد لله
ملي نتعبر نقول ليكم شحال ولى وزني الجديد
وانا عازمة ومصممة على انني نطرد شبح النحافة من حياتي

nouro alhoda
29-02-2012, 13:08
السلام عليكم اختي تنصحك تقلبي على العيادة ديال الدكتور الفايد .
راني كنت سمعت فواحد الدرس ديالو أن الواحد فاش تيكون ضعيف من صغرو و تتكون نتائج التحاليل مزيانة راه ممكن يكون كلا شي حاجة مسمومة فصغرو و قال بان الاطباء ما كيعرفوهش ولكن من فضل الله علينا راه دواء كاين والانسان تيتعافا بكل بساطة ولله الحمد.
هادشي باش يمكن نفيدك اختي وسيري الله يفاجيها عليك و يعطيك ربي صحة جديدة.

فروله وسكر
29-02-2012, 23:18
سلام عليكم انا اختي غير بالصدفه قريت موضوعك وصراحة ثأترت بزااف لان حسيت ان نفسيتك تعبانه صحيح ان المظهر حاجة مهمه للمرأة لكن اختي كلل حاجة ليها حل وانتي حلك بسي جدا لو جيتي تفكي بالعقل يعني ماشي حاجة كبيره انتي ممكن تصبحي ملكه جمال الى عندك ثقه في نفسك والحمد لله انتي وضفه وعندك عائلة يعني ماشاء الله ماخصك شيء الوضوع كله نفسي الى جيتي تفكري حل الضعف ساهل بزااف كاينين وصفات كثيره تغلاضي بيهم وتاخدي صحتك وكاين ايضا موضوع الاهتما بالبشرة والحمد لله دابا العلم تور كايني وسائل تجميليه حتى الى بغيتي تحسني من مظهرك وتعطي ثقه لنفسك اكبر الحمد لله احنا في الصحرا شغله هو جسمهم وشكلهم وهدا كيعطي ثقه كبيره في النفس اختي فق استعملي وصفات للغلض ولافضل النتائج استعملي اكثر من وصفه والى بغيتي انا ممكن نعطيك برنامج خاص تبعيه وانتي تشوفي كفاش تغلاضي وتبان معالم الانوثه عندك وايضا حتى وصفات للبشرة والله يسر لك اختي انا ممكن مانرجعش للموضوع لكن الى بغيتي وبغات اي بنت تراسلني على الخاص لاني الموضوع فقط غير بالصدفه دخلت له

tamamte
01-03-2012, 20:54
السلام عليكم و رحمة الله تعالى و بركاته:

أخواتي أسأل الله تعالى كيما دعمتوني نفسيا افرج الله تعالى كل همومكم.

فعلا بديت كنحس بأن المشكلة د النحافة هي نفسية أكثر مما هي صحية.
الاخت مايا راي ضعيفة بحال الوالد ديالي يعني وراثي.
الاخوات اللي الموضوع ديالي فتح ليهم شهية الكلام نتمنى تكونوا خويتوا المزيودة و ارتاحيتو.

حنان جنات
03-03-2012, 01:47
عليكم الاخوات بالحلبة والله العظيم هي الوحيدة اللي كتنفع معظم الناس كيشكرها تصرطيها بالماء على الريق ولا تديريها في كاس به ماء في الليل والصباح شربي داك الماء وكوليها مع الحليب او الحريرة راه هدا هو الحل الوحيد وبعدو على السيرويات ودوى ديال الماكلة راه غير خسران الفلوس بلا فايدة وغيجبدو عليكم مرض اخر وكنتمنى لكم الصحة والتوفيق في الحياة

ansak da kalam
03-03-2012, 18:40
السلام عليكن
اولا شكرا اختي على الموضوع وعلى اشراكنا بمعاناتك ثانيا بغيت نقولك ماتفقسيش فراسك راه حتى واحد فهاد الدنيا ميستاهل تمرضي راسك من اجلو حتى زوجك اهم حاجة هي صحتك ثم صحتك ثم صحتك و ابنك لي محتاجلك تكبريه وتوقفي بجنبو
والنحافة راه ماشي غي بوحدك لي كتعاني منها وهي اصلا ماشي مشكل غير مجتمعنا المتخلف لي خلانا نعانيو منها شوفي المجتمعات الاوروبية كاع ماعاطينها اهمية بالعكس كيفضلو الجسم النحيف لانه اقل عرضة للامراض
وحتى انا يا اختي جسمي نحيف ولكن ماعمري ماتعقدت ولا عانيت المهم انني اتمتع بصحة جيدة ولله الحمد ملي تزوجت كنت كنوزن 49 وطولي 1.64 ملي كنت نلبس كولون كان زوجي كيناديني نحول هههه (نحول رسوم متحركة ايلا عقلتو عيه زينة ونحول وهو نحلة رجليها رقيوقيييين بحالي هه) واختك صافي كاع مبقيتش نلبسوههه المهم كالتلي واحد الاخت على واحد الكنينة كتغلض وقلت علاش منجربش وفعلا غلاضيت عليها ووصلت 60 وليت غزالة هههه (الحمد لله زوينة فوجهي) ولكن المشكل انني ملي قطعتها رجعت ضعافيت ااااااااااااااه وبقيت ناخدها فالصيف ونقطعها فالشتاء (لان فالشتاء كندسو فالكسوة ههههه) واحد المرة كنت نتفرج واحد البرنامج على الامراض النفسية وانا سمعت واحد السيد مسكين مريض قليهم سبابي الدوية وجاء دكر الكنينة وانا نحلف مانزيد ناكلها انا خلقني ربي هكدا لي عجبتو واخا لي ماعجبتو ينطح راسو مع حيط ودابا راني نستعمل الحلبة مرة مرة باش ماضرنيشوحاليا راي كنوزن مابين 55 و 58 على حسب الحالة النفسية ههههه لي كنت مزيانة كنزيد شوية وايلا تعصبت نقص فالبلاص والحمد لله على كل حال

كردينيا
22-03-2012, 01:16
حتى أنا في الصراحه فحالك ممزوجش وعندي 27 سنه,,وحتى واحد ما كيعطيني السن ديالي الحقيقي كندهر صغيرة,,من ناحيه الرجال تعقدت,,حياتي كامله طالعه على الخدمه والدار,,ولكن الحمد لله على كل حال,, مادام الإنسان بصحتو يقول الحمد لله هذا من فضل الله,,ويثق في نفسو وف إيمانو بالله,,وكنتمى تحققلك أمنيه ديالك الله كبير

la tunisienne
03-04-2012, 18:07
السلام عليكم .. الى الاخت tamamte و الى كل اخت تعاني من النحافة اتركي عنك كل الوصفات و الخرابيط و اعملي ما ساقوله بالحرف الواحد و ان شاء الله في مدة قصيرة سوف تلاحظين تحسن ملحوظ ..لا اريد ان اطيل عليكن و لكن من طبيعتي شخصيا اذا قرات اي وصفة افضل ان تكون واضحة لذلك اول شيئ انا عانيت طول عمري من النحافة حتى بعدالزواج و لكن من الله علي بهذا الاكتشاف العظيم و الحمد لله في مدة وجيزة وصلت الى مبتغاي ..سامحوني طولت عليكم و تو نبداو في الصحيح انا استعملت حب الرشاد و الطريقة كالتالي *تاخذ ملعقة صغيرة من حب الرشاد حبا و ليس مرحيا و يسف ثم يشرب بعده القليل من الماء للبلع ثلاث مرات يوميا -على الريق صباحا و قبل الغداء بنصف ساعة و قبل العشاء بنصف ساعة -ستلاحظين زيادة شديدة في الشهية ومن ثم تبدا زيادة الوزن ..نتصور الطريقة ساهلة ومفهومة بالنسبة لحب الرشاد عندو اسم آخر هو الثفاء احنا في تونس نقولولو حب الرشاد و هو يشبه للجلجلان -السمسم- اما هو لونو بني الوصفة راني مجربتها انا شخصيا و كل العائلة ...ما طالبه منكم غير الدعاء ربي يسخرلي زوجي و يصلح ذات بيننا و يالف بين قلوبنا و يجعل اطفالي من الذرية الصالحة..و الي عندها اي استفسار راني حاضرة ..

عاشقة وليد
03-04-2012, 23:05
شوفي الزين لي باين ان قلبك ابيض وحنين وهدا المهم ولكن ما انصحك به ملعقة حلبة كل صباح وطيبي حريرة الشعير وديري فيها حب الرشاد وشربيها ورا الحلبة ومن بعد فطري مزيان وداوميهم ما تقطعيهم انا بحالك ثقتي ما كتقوى الا ادا غلا ضيت ودابا متبعة هاد الوصفة ودايرة سيرو انتنوركس فيه 10 حبات انتنوركس قرعة في الاسبوع تبعي هادشي وردي علي انتنوركس ماما واختي شربوه حتى عياو غلا ضو وماشي مضر

ماه
03-04-2012, 23:34
اسمحو عندك الحق فالمجتمع لايرحم اناايضا كنتلااعرف عيب النحافة حتى دخلوه لي الناس لعقلي واصبحت افكر في الزيادة ولكن ساعدوني همي الاكبر ليس الناحافة ولكن مشكل الان هو الم شديد فيالرجل قالو عندي عرق بوزلوم ساعدوني ساعدونيييييييييييييييييييييييييييييا انا لااعرف اين اجد جوابكم هنا تيبان الصحة او الزيادة في الوزن هو المهم

saraa
04-04-2012, 01:34
السلام عليكم
انا ايضا يا اخوات نيييييحفة كانت فيا 48 وطولي 162ومؤخرا نقصت اكثر ولا فيا 45 بسبب مرضي بالقولون العصبي كنظن انه عندي والله اعلم باقي ما مدوزتش عند الطبيب لكن شفت هنا في المنتدى في واحد الموضوع عن القولون العصبي و علاماتو ولقيت بعض العلامات فيا مثلا الا تعصبت وللاسف انا كنتعصب غااالبا مثلا غير الروتين اليومي كيقلقني نفس اعمال البيت كتعاود والداار والنت الخروج مرة مرة لكن غير كنرجع للدار كنعاود نقنط ونمل بعد ايام انا عازبة اعيش مع اسرتي سعيدة والحمد لله ما خصني حتى خير لكن كنمل بسبب غير الروتين و الصديقات على ارض الواقع ماعندييش المهم وعبادتي اللي وليت مقصرة فيها هي اللي تحزنني اكثر مابقا عندي لخاطر لوااالو لا ماكلة ولا لي عمل او شئ جديد نتعلمه الخ.....
الا تعصبت كتسد شهيتي مممكن ماناكل وواالوو طول اليوم لكن طبعا خصني نااكل امام امي اللي خاايفة عليا غير لا نمرض الله يحفظ ماشي نولي غير في الضعف لكن غير كنبزز الماكلة وناكل شوووووية ونوض واللي زاد الامر صعوبة وقلقني كثيراا هو الا كلت شي نوع من الاكل كيوقف ليا في حلقي بحالة ما كينزلش طبعا كنحس بخنقة وضيق تنفس مني كيوفع ليا هدشي لدرجة كنبغي نبكي علاااش واش مابقيتش نقدر نااكل ولا اشنو ندير ولت كنخااف من الماكلة مني كتحط في الطبلة كفااش غادي نسرطها واش غادي توحل ليا ولا لا الله المستعااان القبط مرة مرة كيجيني بسبب طبعا شهيتي الضعيييفة في الاكل حتى المااء كنساااه حتى المساء عاد كنتفكرو
عاد طبعا كنسمع كلام الناس خصوصا في الحمام وصدري صغيييير انا حامدة الله وشاكرااه لكن مني كنحس بشي حد يتكلم عندي او احتقاار وعدم اهتماام كنحس بنقص الا لبست جلابة او صاية كيقول ليا ماكتيججججيش معاك حينت نحييييفة المهم قلة الاكل مع النفسية كتمرض بسبب بعض الناس وحتى العرسااان ما يشوفووش فيك حينت نحييييفة هدا هو الغااالب في مجتمعنا والحمد لله الله هو الرزاااق ماشي العباد والخير فيما اختاره الله

بغيت حتى انا نعاون راسي بشي حاجة طبيعية مثلا الحلبة نبقا نشرب الماء ديالها طوول اليوم هدي جاتني اسهل من انني نسفها مانقدرش نسف شي حاجة اما الماء ديالها غادي نبدا نيديرو لكن كنظن وحده لا يكفي غادي تكون نتاائج بعد موووودة وانا بغيت نزيد في وزني الا عندكم اي وصفات ساهلة ومفعولها جيد وتكون طبيعية
وايضا شي علاج مجرب وطبعي للقولون العصبي والقبض الله يكثر خيركم

ام مريم البتول
04-04-2012, 12:27
السلام عليكم
انا ايضا يا اخوات نيييييحفة كانت فيا 48 وطولي 162ومؤخرا نقصت اكثر ولا فيا 45 بسبب مرضي بالقولون العصبي كنظن انه عندي والله اعلم باقي ما مدوزتش عند الطبيب لكن شفت هنا في المنتدى في واحد الموضوع عن القولون العصبي و علاماتو ولقيت بعض العلامات فيا مثلا الا تعصبت وللاسف انا كنتعصب غااالبا مثلا غير الروتين اليومي كيقلقني نفس اعمال البيت كتعاود والداار والنت الخروج مرة مرة لكن غير كنرجع للدار كنعاود نقنط ونمل بعد ايام انا عازبة اعيش مع اسرتي سعيدة والحمد لله ما خصني حتى خير لكن كنمل بسبب غير الروتين و الصديقات على ارض الواقع ماعندييش المهم وعبادتي اللي وليت مقصرة فيها هي اللي تحزنني اكثر مابقا عندي لخاطر لوااالو لا ماكلة ولا لي عمل او شئ جديد نتعلمه الخ.....
الا تعصبت كتسد شهيتي مممكن ماناكل وواالوو طول اليوم لكن طبعا خصني نااكل امام امي اللي خاايفة عليا غير لا نمرض الله يحفظ ماشي نولي غير في الضعف لكن غير كنبزز الماكلة وناكل شوووووية ونوض واللي زاد الامر صعوبة وقلقني كثيراا هو الا كلت شي نوع من الاكل كيوقف ليا في حلقي بحالة ما كينزلش طبعا كنحس بخنقة وضيق تنفس مني كيوفع ليا هدشي لدرجة كنبغي نبكي علاااش واش مابقيتش نقدر نااكل ولا اشنو ندير ولت كنخااف من الماكلة مني كتحط في الطبلة كفااش غادي نسرطها واش غادي توحل ليا ولا لا الله المستعااان القبط مرة مرة كيجيني بسبب طبعا شهيتي الضعيييفة في الاكل حتى المااء كنساااه حتى المساء عاد كنتفكرو
عاد طبعا كنسمع كلام الناس خصوصا في الحمام وصدري صغيييير انا حامدة الله وشاكرااه لكن مني كنحس بشي حد يتكلم عندي او احتقاار وعدم اهتماام كنحس بنقص الا لبست جلابة او صاية كيقول ليا ماكتيججججيش معاك حينت نحييييفة المهم قلة الاكل مع النفسية كتمرض بسبب بعض الناس وحتى العرسااان ما يشوفووش فيك حينت نحييييفة هدا هو الغااالب في مجتمعنا والحمد لله الله هو الرزاااق ماشي العباد والخير فيما اختاره الله

بغيت حتى انا نعاون راسي بشي حاجة طبيعية مثلا الحلبة نبقا نشرب الماء ديالها طوول اليوم هدي جاتني اسهل من انني نسفها مانقدرش نسف شي حاجة اما الماء ديالها غادي نبدا نيديرو لكن كنظن وحده لا يكفي غادي تكون نتاائج بعد موووودة وانا بغيت نزيد في وزني الا عندكم اي وصفات ساهلة ومفعولها جيد وتكون طبيعية
وايضا شي علاج مجرب وطبعي للقولون العصبي والقبض الله يكثر خيركم
اختي راكي تتديري امور تتزيد فمشكلتك و يزيد يضرك القولون العصبي اللي اسبابه نفسية بالاساس
متتشربيش الما بزاف و هدا تايزيد يجعره
متتاكليش يمكن تبقاي اليوم كله
خصكي تعرفي انه مللي تشبعي مغاديش يضرك وكل مابقيتي بالجوع تايحرقك اكثر
ايلا بززتي على راسك الاكل وولفتي تاكلي فساعات معينة غادي تولف داتك ويولي بروكرامك العادي هو هداك
ننصحك بوجبات متفرقة على اليوم وخفيفة ماشي تغلقي كل مرة
بعدي من ليدام و الحرور و المشروبات الباردة
انا دوزها عليا مللي حملت مشا سبحان الله

مللي تتعصبي و تحبي تتهدني طلقي قران و سمعي ليه و ملاي وقتك الخاوي بذكر الله
الا بذكر الله تطمئن القلوب

saraa
06-04-2012, 23:38
الله يكثر خيرك اختي مايا
غادي نعاون راصي بشي وصفات اللي كيفتحو الشهية باااااش نقدر ناكل ان شاء الله

ام مريم البتول
07-04-2012, 11:14
الله يكثر خيرك اختي مايا
غادي نعاون راصي بشي وصفات اللي كيفتحو الشهية باااااش نقدر ناكل ان شاء الله

ان شاء الله اختي غير حاولاي تتبعي الي قلت ليك ومايكون غير الخير ان شاء الله

laila2010
08-04-2012, 02:29
السلام عليكم
خاصك تعرفي الى بقيتي بهاذ النفسية ما عامرك غادا تغلاظي .كضخمي الامور بزاف .الى واحد ما عجبتيهش راه ماشي نهاية العالم .و حتى الزواج راه نصيب هداك السيد لي ما عجبتيهش ماكانش مكتاب .دابا راكي مزوجة و عندك ولد علاش مرضة راسك .خاصك تحاولي تنساي و باش تنساي هي تهالاي في راسك ولي ديري وصفات لوجهك و شعرك .ديها في راسك و نساي عليك هدرة بنادم و شي حاجة الى وقعات لينا شحال هادي منبقاوش نفكرو فيها .انتي غادا تكوني زوينة غير هدرة بنادم لعبات ليك على نفسيتك .اوا نسايهم عليك و ديها في راسك و في ولدك و راجلك .

الوفاء النادر
01-05-2012, 23:49
اختي بقيتي فيا و غادي نصحك لوجه الله كولي الورص وردي عليا و لكن راه تيغلض بزاف المهم راه كيتباع عند الجزار بلحق قليل خصك توصي عليه و الله المستعان

ام مريم البتول
07-05-2012, 17:09
,,,,,,,,,,,,هاد الدواء اختي هو للحساسية وماشي للغلض ولو يفتح الشهية فله مضاعفات خطيرة الا تخاد في غير محله
,,,,,,,,,,,,,,,,,,,,,,,,,,,,,,,,,,,,,,,,,,, تاتكال منها حبة وحدة في اليوم و تحت وصف الطبيب بحال الدواء السابق
ماشي نغلضو شي قنت و نمرضوا قنات اخرين اختي المرجو الانتباه راه الصحة اهم من الغلض,

بارك الله فيك اختي مايا
المشكل اللي كاين ان بعض الاخوات
تيستعملوا ادوية في امكنة غير محلات
الدواء اللي مصنوعين ليها
ارجوكم اخواتي انتبهوا لما تاكلونه
ارجوكم لا تضروا انفسكم
وتلقوا بها للتهلكة

الأنيقة أسماء
07-05-2012, 17:21
أختي الله إفرج همك أهم كل وحدة فينا حسيت بك أفهمتك كلام ناس راه سم مغنكولش ليك متديهاش فيهم حيث وخا كنكولو منتسوقوش كنتسوقو ولو غير شوية أنا بغيتك تسوقي ليهم لكن بإجابية كلامهم ليك خليه إحفزك تكوني أجمل قلبا أقالبا حيث نفسية مزيانة تساوي شهية ،أبارك عليك من دوا لفارمسيان وفري فلوسك أخليك في طبيعي حيث شحال من وحدة كتبغي تكحلها تعميها كتصدق داوي مرض آخر أمتنسايش رأي رجلك من هذشي حيث ممكن تعجبو فورمتك لا تصدقي كترضي ناس أناسيا رجلك

EsCaRcHa
09-05-2012, 15:14
3tini akhti lmsn dyalk bghit nhdar m3ak darori w3andi lik lhal hint ana kant ktar manak

odaba bikhiiiiiiiiiiiiiir kolchi taystaghrab hint mafahmo walo

7biba wakha t3tini ton msn m7tajak stp

zinebemi
10-05-2012, 18:09
سلام ختي حتى انا بحال كاع الاخوات الليجاوبوك حسيت بيك وتفهمتك مزيان وبصح الثقة بالنفس مهمة,حتى انا كان عندي نفس المشكل دابا الحمد الله غلاضيت والليكان ديما ماتر فيا هو اني مكنتش عندي الثقة فراسي من قبل وخة كنت تنجرب ونعاود تيبقة عندي الشك فالنتيجة وزيد عليها تديري المجهود باش الاخرين يكونو راضيين انا مانجحت نغلاض حتى بديت تنفكر وقنعت راسي باللي هادشي لتندير والمجهودات ديالي باش نغلاض راه لراسي انا لية انا وكيفما كانت النتيجة راه لية انا

zinebemi
10-05-2012, 18:14
اختي راني حتيت اشنو درت فواحد الموضوع " الليبغات تغلاض بلا دوايات " تيقي بيا تيعطي نتيجة مللي يولي un mode de vie مزيان وبنلدم يتيق فراسو راه هداك مفتاح الخير وربي ييسر امرك

التائبة الساجدة
07-06-2012, 13:16
allah ichafik akhti

fousia
20-06-2012, 19:56
السلام عليكم
أختي الله إفرج همك أهم كل وحدة فينا غير بغيت نسولك اختي صاحبة الموضوع قلتي <<قريت فهادالمنتدى وصفة نيسلي و نورافيت وماروخا خديتها وجاب الله >> عافك الى ممكن تعطيني الطريقة ديال هاد الوصفة حيت سولت في الفارماسيان على هاد السيرو وقالو لي ما عندو حتى شي ضرر على مستوى الصحة حيت الأبنة ديالي كتعاني حتى هيا من هاد المشكلة ديال النحافة في عمرها 17 عام وكتوزن 48 وعندها في الطول 1.67 ومع الأسف مسكينة اللي لبستها ماناتجيش معاها عافاك أختي عطيني الطريقة ديال هاد الوصفة الله يجازيك كل خير والله يغلضك انتي وجميع الأخوات اللي باغين يغلاضو على قد النفع