المساعد الشخصي الرقمي

مشاهدة النسخة كاملة : بينيي لداد و ساهلين



nabila jamal
23-03-2012, 09:15
السلام اخواتي الأنيقات
هاد لبينيي ساهلين نبداو بالمقادير:
في وعاء نضع 2 كيسان ديال الماء دافي غندوبو فيها معلقة كبيرة خميرة ديال الخبز
وشوية الملحة عينك ميزانك معلقة كبيرة سكر سنيدة الى كانت عزيزة عليك لحلاوة زيدي شوية
بغيتهم يجيوك خفاف اكتر زيدي ربع كاس مونادا سبرايت او خل ابيض
خلطي هادشي كامل وخليه يرتاح 10 دقاق
وزيدي عليهم 4 كيسان ديال الماء دافي و خلطيهم مزيان بالحق تبقى العجينة مطلوقة
من بعد نخليهم يرتاحو واحد ساعة ونبداو نديرهم بالمعلقة كبيرة فالزيت حتى يتحمرو
ونقدموهم بشوية العسل واللوزمهرمش ندردرو عليهم القرفة اونقدموهم بالسكر سنيدة
وبالصحة والراحة

omfatima3
23-03-2012, 09:21
مشكورة اختي على الوصفة

الوان الطيف
23-03-2012, 09:22
هاد الوصفة شفتها فبرنامج ساهل وبنين سرو منين ومزعمتش نجربها
اجي فينا هو الدقيق وشحال كمية ديالو؟؟؟

غفرانك ربي 3
23-03-2012, 16:43
تبارك الله عليك و لكن الى كان ممكن تعطينا القياس ديال الدقيق حيت بغيت نجربو

بسمة الأمل
23-03-2012, 23:06
تبارك الله عليك أختي الله يعطيك الصحة

nabila jamal
24-03-2012, 08:37
هاد الوصفة شفتها فبرنامج ساهل وبنين سرو منين ومزعمتش نجربها
اجي فينا هو الدقيق وشحال كمية ديالو؟؟؟
بالفعل اختي انا خديتهم من هداك الموقع والله حتى ديما تنديرهم حينت صدقو ليا زونين و بالنسبة للدقيق فانا خطأت4 كيسان دقيق فين دايرة 4كيسان لما دافي + واللي زايداه انا من عندي فهديك الوصفة هو فبلاصت مونادا انا تندير الخل شكرا ختي على الملاحظة

nabila jamal
24-03-2012, 08:39
تبارك الله عليك و لكن الى كان ممكن تعطينا القياس ديال الدقيق حيت بغيت نجربو

انا خطأت4 كيسان دقيق فين دايرة 4كيسان لما دافي

nabila jamal
24-03-2012, 08:50
عذرا على الخطأ لأن هذا تاني موضوع ليا فالمنتدى مزال ممتعوداش على الكتابة بالعربية هههههه حينت كنت موالفة غير نقرا ونطبق فالكوزينة هاد شي علاش غتلقاو اغلب وصفاتي من الانترنيت و هاد لمرة غنرافق وصفاتي بالصور باش تتاكدو من تجاربي ان شاء الله
تحية خالصة الى كل الأنيقات

amato razza9
24-03-2012, 09:01
tbark allah 3lik baynin ldad in chae allah njerebhom

bent bladi
24-03-2012, 11:48
مشكورة اختي على الوصفة,جزاكي الله خيرا

ابتهالات
24-03-2012, 17:51
تبارك الله عليك ، وفي انتظار جديدك .

مستبشرة
12-09-2012, 07:44
نصيحة عمرك ماتدري لخميرة ديال الخبز مع لملح دقة واحدة لأن لملح كيفسد مفعول لخميرة