المساعد الشخصي الرقمي

مشاهدة النسخة كاملة : لالا مولات الدار دخلي عطينا تجريبتك فتسيير المصروف



الصفحات : 1 2 [3] 4

hiba hayati
19-10-2011, 19:13
هي الي ماتعاود يلاه تبعيني لقسم الصحبة

hiba hayati
19-10-2011, 20:45
السلام عليكم ورحمة الله وبركاته
البنات واش عندكوم شي خبار على امنار شفتها غبرات لعل المانع خير

تلميدة أناقة
20-10-2011, 09:51
bon jour

أميرة في مملكتي
20-10-2011, 10:12
السلام عليكم ، فاين تتغبرو ، اوا هاوا جاي راس الشهر والعيد ان شاء الله مبقا والو ، كل وحدة تقولينا اش تتوجد واش تتشري والا كانت تتعيد مع ناسها اش تتخاد معاها في يديها ؟؟؟

nadadam
20-10-2011, 17:46
واخا عليك ا سيهاميتا خليتي دارك خاوية و جايا كتساراي

hiba hayati
20-10-2011, 23:13
نانا راني فتحت موضوع باش ندردشو فقسم الصحبة http://www.anaqamaghribia.com/vb/showthread.php?220135-واخيرا-التقينا&p=4178339#post4178339

smsm24
21-10-2011, 00:28
السلام عليكم
البنات لاباس كيدايرين مع الهم ديال الجميع و التوفير و الاقتصاد....غادي تبلاو...و لكن راه الى ما درتوش هاكاك غادي تبقاو غير كاتسرفو بلا فران..انا الصراحة تصدمت من التبدير ديال الاخوات هناي كاين لي 4000درهم ماتقدوش في الشهرو لا3000درهم واخا الصراحة الظروف تاتختلاف هادي حقيقة ولكن انا تنظن ان كل شهر 4000ولا 3000درهم بزاف.انا تنقول كن دوزتو شي ظروف قاسية من الناحية المادية عاد غادي تعرفو حق الدرهم الابيض.تنهضر من التجربة ديالي ملي كنت في دار والدي مرينا بظروف صعيبة في الاول ديال حياتنا واقتصدنا و اصبرنا حتى دازت ديك الظروف و دابا الحمد لله تحسنات الاوضاع الحمد لله....و لكن ديك الضروف علموني انا شحال من حاجة ملي جيت لدار راجلي...ملقيتش مشكيل في التسيير و لكن لقيت مشكل مع راجلي....

smsm24
21-10-2011, 00:35
المشكل لي لقيت مع راجلي ماتيعرفش اسير راسوا وعاد زيد واحد المشكل اخر حنا ساكنين في مدينة و العائلة ديالي و ديالو في مدينة اخرى...وهوتايقول لك كل شهر خاصنا نمشيو للعائلة انا تانقول ليه راه بزاف مرة في شهر خاليها بعد غير مرة في شهرين ونص راه خاصنا نصبرو..حيت ماغاديش نكدب علكم ملي تنمشيو تيبقا غير حال بزطمو و هاراك للصرف..واخا هو مخصص لباه قدر شهري و للوالدة حتى هي قدر شهري ماعمري قلتليه علاش حيت حقهم هاداك و لكن الصرف الزايد لاش.و هو عزيزة عليه السقاطة...

smsm24
21-10-2011, 00:48
المهم تناقشنا في الموضوع ....ماوصلناش لنتيجة و خليت الموضوع ...سير حتى لواحد النهار و هو يقول ليا عندك الحق راه السفر تايكل لينا الفلوس .....و عاد حنا يلاه بدينا حيتنا شحال من فراش خاصنا شحال من حاجة واخا الضروريات ديال الكوزينة شريناهم في الشهور الاولين و لكن راه الدار ماعمرها تكمل و عاد الانسان تيفكر ادير دارو...و قلت ليه نديرو تجربة وشوف اش غادي نوصلو جلسنا شهرين مامشينا واخا عائلتو جات و حتا العائلة ديالتي جات...يعني كانو عندنا الضياف ...مع دلك ملي مشاو الشهر الثاني درت اللائحة بحال لي دارو الاخوات و حسبت مسبقا شحال غادي نخصرو يعني حسبت من خلال التجربة شحال كنستهلك في المواد و حددت المبلغ تقريبا ....ايوا ملي كمل الشهر و لاول مرة ملي تزوجنا جمعنا 1000درهم حطيناها في ظرف كتب عليه راجلي التوفير الشهري و فرحنا فرحة كبيرة....و قلت لراجلي تخيل نجمعو هاد المبلغ كل شهر....و بقى تيحلم مع العلم انه ممكن اننا نجمع كتر....

smsm24
21-10-2011, 00:56
سمحو ليا طولت علكم و لكن راه عرفت واش غادي تقبلو عليا
ملي داز داك الشهر ترونات القضية عاوتاني وبقى تايبان عليا انا جمعت انا درت في داك الشهر طلع ليا الدم وانا نخليه اتصرف في فلوسو كي بغا قلت ليه مع راسي نشوف واش الى خطاتك مولات الدار لي هي انا واش غادي دير شي مزية ....ايوا من داك الشهر شي 6 شهور هادي ضايعة ماجمع حتى حاجة....و غير انا وياه وعاد لي بريم لي تايشد هو تيضيع الفلوس تايبقى غير يشري و سلف للناس وميرضوش ليه و المهم الشهر الفايت ملي عرفني حاملة خلا 2000درهم في التوفير عاد هو قاليك بغى اوفر ايوا الله اهديه وخلاص
سمححححححححححوا ليا بزاف راه بغيت لمن نعاود

smsm24
21-10-2011, 01:26
بالنسبة للتسيير ديالي انا في داك الشهرلي وفرنا قيدنا في الورقة اننا غادي نخصرو 1500درهم فقط...
المهم الطحين تنشري خنشة فورص و وحدة قمح تنخلط بشويا بشوية في السطل و تادرب ليا مدة البوطة ديال الفران يمكن تدرب حتى ل3شهور الزيت تنشري 5 لتر و تنديرها في القرعة حتى هيا تدرب ليا مدة طويلة واخا عزيز عليا القلي واخا ماشي صحي.الخضرة الديسير كل سيمانة تايتقضا راجلي في السوق150درهم وتايمشي عند خضار غالي ولكن كل مرة واش حيت غالبا تاتبقى الخضرة وتندير بالناقص في شحال من حاجة ...كل سيمانة دجاجة و كيلو لحم...بالنسبة للصابون تنصبن مرة في السيمانة تنصبن بيدي تندير تيد واخا عندي الماكينة تايبان ليا الصابون باليد اقتصادي وتنلهي راسي ماحدي بوحدي ماتنفوتش 2 باكيات ديال160 ريال شمبوان تنشريو وحد القرعة تتقدنا على مدة كتر من شهرين حيت انا شعري ناشف ماتنكترش ليه الغسيل. بالنسة للصابون تنجيب صابون 1الكف و 2الطاووس و وحدة ديال الريحة بهم باش تنغسلو يدينا.وحد القرعة ديال صابون اليد شحال هادي وهي عندي تايخدموها غير الضياف...غادي تقولو ليا باش كتدوشي غادي نقول لكم بصابون الطاووس حيت هادي نصيحة من اخت في المنتدى ومن بعد تندير كريم لصحتي كلهاسنيدة تنشري 2 كيلو و تدوز ليا حتى هي مدة....تنشري اني ديال كيلو و كل مرة تنهز وحد الطاسة بغطايتها و تندير فيها القياس ديال اني و تنزيدو الما وتنقضي به هادا تيدرب ليا شهر وسيمانة....السكر 2 قولب ....الحليب على حسب فيما بغيناه دانون مرة مرة تنشريوه واخا رجلي عزيزة عليه السقاطة..المايونيز ماتنشريهش بالمرة ماتيعجبنيش تندير السلطات غير بلي متوفر عندي الطون تايشري راجلي هاداك ديال150ريال واخا ماشي هو الطون المهم مرة مرة تنشريو ايزابيلا....وحد الحاجة انتما كاتكل لكم الفلوس بززاف واخا هي مفيدة و صحية مع الاسف هنايا ماكايناش الحوت عندنا السردين بوحد و غير من السوق للسوق.
اتشي تناخد ديال لتر و زيد الما زيد الدقيق...

smsm24
21-10-2011, 01:34
عاد لي شارج ديال الانترنيت و التلفون تايكلو الفلوس.ولكن انا بالنسبة ليا كل حاجة بقياسها الزيتون الاسود و المشرمل و ديال المرقة 5 دراهم من كل حاجة يمكن يصبر 10ايام ...انا سنيكروا ماتنخدموش دايما يمكن 2 مرات في السيمانة و الايام الاخرين تندوز جفاف عادي...المهم في الاجمال واخا غادي نكون نسيت شي حاجة 1500درهم قداتنا في داك الشهر..و يمكن شاط لينا منها .....ياك مازيرت الصمطا بزززاف...

smsm24
21-10-2011, 01:36
اخر حاجة تنشكر كل الاخوات لي شاركو فهاد الموضوع حيت الصراحة شحال من حاجة غافلة على بالي و تعلمتها منكم...شكر خاص لصاحبة الموضوع أمنار

تلميدة أناقة
21-10-2011, 09:03
البنات واش عندكوم شي خبار على امنار

اميناس
21-10-2011, 10:16
السلام عليكم
وجمعة مباركة ان شاء الله
وادكركم وادكر نفسي بسورة الكهف

فعلا الاخوات امنار غبرات ...نرجو من الله ان تكون على خير... والغايب حجتو معاه ...
غير نتمنو تطل علينا وتطمننا عليها ....

بالحق راه ماشي غير الاخت امنار اللي غبرات ...كلشي البنات غبرو ... وما بقينا نشوفو تا حاجة ولا مشاراكات ولا تحديد الامور فين وصلتو ؟؟؟

اواو فينكم بانو ...

اميناس
21-10-2011, 10:18
بالنسبة للتسيير ديالي انا في داك الشهرلي وفرنا قيدنا في الورقة اننا غادي نخصرو 1500درهم فقط...
المهم الطحين تنشري خنشة فورص و وحدة قمح تنخلط بشويا بشوية في السطل و تادرب ليا مدة البوطة ديال الفران يمكن تدرب حتى ل3شهور الزيت تنشري 5 لتر و تنديرها في القرعة حتى هيا تدرب ليا مدة طويلة واخا عزيز عليا القلي واخا ماشي صحي.الخضرة الديسير كل سيمانة تايتقضا راجلي في السوق150درهم وتايمشي عند خضار غالي ولكن كل مرة واش حيت غالبا تاتبقى الخضرة وتندير بالناقص في شحال من حاجة ...كل سيمانة دجاجة و كيلو لحم...بالنسبة للصابون تنصبن مرة في السيمانة تنصبن بيدي تندير تيد واخا عندي الماكينة تايبان ليا الصابون باليد اقتصادي وتنلهي راسي ماحدي بوحدي ماتنفوتش 2 باكيات ديال160 ريال شمبوان تنشريو وحد القرعة تتقدنا على مدة كتر من شهرين حيت انا شعري ناشف ماتنكترش ليه الغسيل. بالنسة للصابون تنجيب صابون 1الكف و 2الطاووس و وحدة ديال الريحة بهم باش تنغسلو يدينا.وحد القرعة ديال صابون اليد شحال هادي وهي عندي تايخدموها غير الضياف...غادي تقولو ليا باش كتدوشي غادي نقول لكم بصابون الطاووس حيت هادي نصيحة من اخت في المنتدى ومن بعد تندير كريم لصحتي كلهاسنيدة تنشري 2 كيلو و تدوز ليا حتى هي مدة....تنشري اني ديال كيلو و كل مرة تنهز وحد الطاسة بغطايتها و تندير فيها القياس ديال اني و تنزيدو الما وتنقضي به هادا تيدرب ليا شهر وسيمانة....السكر 2 قولب ....الحليب على حسب فيما بغيناه دانون مرة مرة تنشريوه واخا رجلي عزيزة عليه السقاطة..المايونيز ماتنشريهش بالمرة ماتيعجبنيش تندير السلطات غير بلي متوفر عندي الطون تايشري راجلي هاداك ديال150ريال واخا ماشي هو الطون المهم مرة مرة تنشريو ايزابيلا....وحد الحاجة انتما كاتكل لكم الفلوس بززاف واخا هي مفيدة و صحية مع الاسف هنايا ماكايناش الحوت عندنا السردين بوحد و غير من السوق للسوق.
اتشي تناخد ديال لتر و زيد الما زيد الدقيق...

تبارك الله عليك اختي .. وما شاء الله عليك .... في نظري بنتي ليا هي هديك غادية مزيانة.. وغير كما قلتي بالنسبة للمسيزانة.. اولا على حساب العدد ديال الافراد ...ايضا امام الا كنتو غير جوج ... الا بغتيت فعلا توفري ممكن توفري اكثر ...
بالحق عجباتني كثير طريقتك ... وتبارك الله عليك والله يكمل عليك بالخير ... والله يفك سراحك بخير وعلى خير ...

اميناس
21-10-2011, 10:20
بالنسبة ليا نهار 20 في الشهر كملت الميزانية اللي عندي واخاخ خديت منها 500 درهم ...
طبعا راجلي في اخبارو .. يعني خبعت 500 درهم ... تتبقا ديالي في كل الحالات ^_^
وطلبت منو انو يزيدني .... الغالب الله ..... ولكن خديت بالزايد شي مسائل مغديش ناخدهم مثلا في الشهر الماجي او اكثر .... بحال الدقيق .. اتاي السكر ..الخ
اوا هدا ماكن ...في انتظار الاخوات يعكونا اخر اخبارهم ....

فدوىى
21-10-2011, 10:39
أخواتي في الله ...الله يسمعنا خبار الخير على أمنار فهاد نهار الجمعة

أميرة في مملكتي
21-10-2011, 10:52
اخر حاجة تنشكر كل الاخوات لي شاركو فهاد الموضوع حيت الصراحة شحال من حاجة غافلة على بالي و تعلمتها منكم...شكر خاص لصاحبة الموضوع أمنار
اختي الله يتبت حملك ويفرحك بشوفت مولودك في احسن خلقة وخلق ان شاء الله ، تبان لي مزيانة وغادية في المصروف مع الوقت مراكيش مزيرة الصمطة بزاف وانما راكي مشية مع الميزانية ، مزيان تجمعي دبا راه نهار تيتزاد البيبي وخا رزقهم ربي تيولدو معاهم تتزير شوية القضية خصوصا الا كان الواحد تيرضع صناعي زيدي عاد ليكوش
ماشاء الله عليك
امنار دخلي خيتو طمنينا عليك ، نتمنا تكوني بالف خير يا حبيبة الجماهير
اميناس كيف بقات اليديدة، نتمنا تكوني بخير دبا
سورة88 فاين هاد الغبرة كيفك وكيف هما الاميرات
ناهل لباس عليك خيتو
فردوس كيفك وكيفها البنوتة شريتي مساءل الفراش ولا باقا دوري في السوق ، راه في باب الحد كاينين للي تيخيطو الكوويطات وديك شي زوين

أميرة في مملكتي
21-10-2011, 10:55
البنات هادي واحد الوصفة ديال جيل دوش سمعتها في صباحيات 2 م : صابونة مارسييي محكوكة وطايبة في نصف لتر ماء مني دوب نصفيوها ونزيدو معاها 15 لقطرة زيت اساسي للي بغيتي وتزيدي مع ك زيت الورد وتخلطي الكل وتبقاي تغسلي بيه
الا نسيت شي حاجة في الوصفة دكروني بيها الله يجازيكم بالف خير

أميرة في مملكتي
21-10-2011, 10:59
//////////////////

اميناس
21-10-2011, 12:08
البنات هادي واحد الوصفة ديال جيل دوش سمعتها في صباحيات 2 م : صابونة مارسييي محكوكة وطايبة في نصف لتر ماء مني دوب نصفيوها ونزيدو معاها 15 لقطرة زيت اساسي للي بغيتي وتزيدي مع ك زيت الورد وتخلطي الكل وتبقاي تغسلي بيه
الا نسيت شي حاجة في الوصفة دكروني بيها الله يجازيكم بالف خير

هلا سيهاميتا ...
وتبارك الله على الوصفة ديالك ما كرهت نتفرج في هاد الصباحيات ... ولكن ولدي ادم ...ما تيخليش ليا التلفزة في الصباح ... وفي الحققة تا في العشية ...الله يهدي ....


كنفضل صابونة ديال الطاوس... تتجيني احسن من اي صابون ممكن نثق فيه او نغسل بيه جسمي كلو ....

امام يدي الحمد لله ..يسول فيك الخير والربح ..راه ولات لابس ... في الحقيقة هدي ننصحها لكل الناس العسل الحر ما كاين ما احسن منو في هاد الحالات ....

اواو نتمنى يعاودو يدخلو ..يعطونا اخبارهم ...

اميناس
21-10-2011, 12:11
مسائل عملتها هاد الشهر ....

القهوة شريت سمر .. وتنعملها معصرة ونقصت عليا نسكافه ... وبالتالي نقصت تا في كمية الحليب ....

صيبت الشوكولا ديال الخبز للكوتي للدراري ..
صيبت ايضا الكوزكيز... وصابلي ديال جدة ...ديك الحلوة القديمة الا عقلتو عليها ....؟؟؟ههههه
ايضا العجين وليت نعجن ..كل يوم تقريبا ... ما بقتش نشريه الا نادرا ....
ايضا اشريت القمح نقيتو وطحنتو ..هدي اول مرة نعملها ...^_^ في حياتي ...
والحمد لله الفرق باين كثير

اميناس
21-10-2011, 12:14
//////////////////

؟؟؟؟؟؟؟؟
خير يا سهام

صبوورة
21-10-2011, 14:56
سلام على المدبرات المقتصدات

قبل ما نبدا بغيت نسولكم على الحولي ديال العيد.
شحال الثمن لي كتخصو ليه و شحال التقضية الاخرى بحال كسوة الدراري و العطرية و الفاخر و الجمر الخ

انا حطيت يدي في الظرف لي كنت عاملة للعيد لقيت فيه شي بركة لاباس بها وانا نقص منو و قررت نشري حولي مايفوتش 1000 درهم
الحوايج نوووووووووون الماريو غيطرطق وكايننين حويجات جداد عند البنات
التقدية الاخرى غندخلها مع التقدية د الشهر و نزيدها شي شوية , ما زال ما درت لا ليست ولكن لقيت شحال من حاجة كاينة ديجا,
المهم الشهر لي فات راني درت شي مراجعات و حطيت واحد 5000 درهم (هدي توفير باش نخلص الكريدي)
دعيو معايا نزيد نوفر شوية هاد الشهؤ واخا كاينة شحال من حاجة خاصاني,
اختي سيهاميتا
انا كنشري واحد صابون سائل ديال الورد كيدير 7 دراهم كنقسمو على 2 ونزيد في كل جزء الماء دافي و نخلط مزيان و هانا عندي 2 قرعات
كنحط واحدة حدا لافابو لغسيل اليدين ( انا كيجيو عندي غير ضياف باسلين ملي يجيو كنحط غير صابون الريحة ديال 2دراهم اما الا خليت ليهم القرعة يخويوها كلها)
و كنخبي قرعة حتى تكمل الاولى راه غير قرعة كتدي ليا اكتر من شهر دابا راه قريب يكمل كان عندي من شهر 8 مع ماكانوش البنات و صبر شوية. كنستعملو حتى في الدوش مع كيس الصابون فيه رغوة كتيرة و ريحة فنة,,,,

الساعية لرضى ربها
21-10-2011, 15:57
اختي امنااااااااااااااااااااااااار دخلي طمنينا عليك لعلى المانع خير

smsm24
21-10-2011, 16:19
شكرا البنات على التشجيع..تنتمنى غير نستمرو....

استغفار الاسحار
21-10-2011, 17:48
السلام عليكم اختي اميناس تبارك الله عليك اتينا بالمقادير وصوري لينا كيما العادة هههههه الله يعطيك الصحة
اختي صبورة ماشاء الله عليك هاكدا يكون التخطيط للعيد ممكن تحطي صورة للصابون لي ذكرتي

استغفار الاسحار
21-10-2011, 17:51
بغيت نسولكم بالنسبة للخرجات ديال اطفالنا كيفاش نقتاصدو فيها خاصة لي ما عندو سيارة بحالي
ضروري يبدلو روتين الاسبوع خاصة لي كيدرس وكتعرفو كل خرجة شحال خاصك فيها اوا عطيونا افكاركم في هاد الجانب

تلميدة أناقة
22-10-2011, 09:25
اختي صبورة ممكن صورة الصابون
اختي amanarre طمنينا عليك

قلب عاشق
22-10-2011, 09:55
موضوع رااائع تبارك الله عليكم البنات نتبع معاكم

hanane maachaou
22-10-2011, 10:41
tbarkalah 3likom ou 3la madam amanar lah yfakha 3la khir

حكاية زارا
22-10-2011, 16:44
السلام عليكم
نتمنى الكل اكون بخير
شكرا لصاحبة الموضوع لانو تنستافدو منو بزاف ديا المسائل في حياتنا اليوميه
وخصوصا حنا لي عاد باديات في الحيات الزوجيه ههههه
اوا قبلو عليا معاكم هههههههه

نور الملاك
22-10-2011, 23:47
اختي فيروز شكرا لك عل الدار الجديدة
البنات شنو كتوجدو للعيد وفين كتقتاصدو
الحوالى هاد العام غاليين شويا بالنسبة للسنة الماضية
انا مغنوجدشي الحلوة مزال باقيا عندي من العيد الصغير
غنشري شويا عطرية نقيها ونطحنها حيت الا شريتيها مطحونا خاصك تكتري اما الا كانت مطحونة جديدة غير كمية قليلة تكفي
التنضيف العميق ديال الدار من الأحسن خليه حتى لمور العيد خصوصا المطبخ اقتصاد في الماء ومواد التنضيف هيهيهيه
وحتى في الجهد

دعاء آلقلوب
23-10-2011, 00:20
لبنآت لي بغات تهنى من شريآن طون معلب جربوآ هآد آلطريقة إقتصآدية وصحية وغززززآلة


http://www.anaqamaghribia.com/vb/showthread.php?220642-%E1%ED-%C8%DB%C7%CA-%CA%E5%E4%EC-%E3%E4-%D4%D1%ED%C2%E4-%C2%E1%D8%E6%E4-%E3%DA%E1%C8-%CA%CF%CE%E1&highlight=

dalida_
23-10-2011, 13:27
وحد السلام عليكم تبارك الله على امنار لالة المدبرة و على كاع الحادكات ديالنا بالنسبة لي انا راجلي مسكين خدام على قد الحال واخا عندو ليسنس الحقوق ولكن ربي ماسهلش ليه ف خدمة مزيانة، تيتخلص 1500درهم ايه ايه 1500 كارين ب 1150 درهم يعني تاتبقى 350 فيها كلشي تنشريو لحليب لبنتي ليكوش سيليراك ديال الشهر ماتيبقى والو باش تنعيشوا الله اعلم؟
ولكن حنا ساكنين حدا دارنا و دارهم هدا هوا لإمتياز تناكل ف دارنا ،ولكن عيقت عليهم بزاف وليت بعض المرات تنبقى بالجوع المهم تاكل بنتي ، الحمد الله راجلي دابا ولى تيدير شي بيعة تيربح شي بركة قليلة مع خلصتو عايشين بيها الحمد الله
ماتنشريش لبنتي لحوايج تتعطيهم لي اختي حيت بنتها كبر من بنتي إيوا هدي هيا الحياة،ملي تكبر لي بنتي ان شاء الله غادي نخدم باش نعاون راجلي
ايوا كيف ندير نقتاصد؟

إيمان الصبورة
23-10-2011, 15:13
وحد السلام عليكم تبارك الله على امنار لالة المدبرة و على كاع الحادكات ديالنا بالنسبة لي انا راجلي مسكين خدام على قد الحال واخا عندو ليسنس الحقوق ولكن ربي ماسهلش ليه ف خدمة مزيانة، تيتخلص 1500درهم ايه ايه 1500 كارين ب 1150 درهم يعني تاتبقى 350 فيها كلشي تنشريو لحليب لبنتي ليكوش سيليراك ديال الشهر ماتيبقى والو باش تنعيشوا الله اعلم؟
ولكن حنا ساكنين حدا دارنا و دارهم هدا هوا لإمتياز تناكل ف دارنا ،ولكن عيقت عليهم بزاف وليت بعض المرات تنبقى بالجوع المهم تاكل بنتي ، الحمد الله راجلي دابا ولى تيدير شي بيعة تيربح شي بركة قليلة مع خلصتو عايشين بيها الحمد الله
ماتنشريش لبنتي لحوايج تتعطيهم لي اختي حيت بنتها كبر من بنتي إيوا هدي هيا الحياة،ملي تكبر لي بنتي ان شاء الله غادي نخدم باش نعاون راجلي
ايوا كيف ندير نقتاصد؟

سلام عليكم
الله يرزقك أ يرزقنا من عندو ؛ أ ربي يفرجها أ يسهل على رجلك بشي خدمة مزينة خصوصا أنه عندو شهادة عالية
لكن سمحيلي ؛ ماني نتم ساكنين حدا داركوم أ دارهم علاش مافكرتووش تسكنه معاهم هاك توفره فلوس كرا حيت لكرا واخد ليكم لفلوس كاملة تقريبا أ ديك فلوس لكرا راكم تعونو بها ف مصروف مع دارهم أ توفره بها شي باراكا قليل لبنتي أش بانليك

أميرة في مملكتي
23-10-2011, 15:55
وحد السلام عليكم تبارك الله على امنار لالة المدبرة و على كاع الحادكات ديالنا بالنسبة لي انا راجلي مسكين خدام على قد الحال واخا عندو ليسنس الحقوق ولكن ربي ماسهلش ليه ف خدمة مزيانة، تيتخلص 1500درهم ايه ايه 1500 كارين ب 1150 درهم يعني تاتبقى 350 فيها كلشي تنشريو لحليب لبنتي ليكوش سيليراك ديال الشهر ماتيبقى والو باش تنعيشوا الله اعلم؟
ولكن حنا ساكنين حدا دارنا و دارهم هدا هوا لإمتياز تناكل ف دارنا ،ولكن عيقت عليهم بزاف وليت بعض المرات تنبقى بالجوع المهم تاكل بنتي ، الحمد الله راجلي دابا ولى تيدير شي بيعة تيربح شي بركة قليلة مع خلصتو عايشين بيها الحمد الله
ماتنشريش لبنتي لحوايج تتعطيهم لي اختي حيت بنتها كبر من بنتي إيوا هدي هيا الحياة،ملي تكبر لي بنتي ان شاء الله غادي نخدم باش نعاون راجلي
ايوا كيف ندير نقتاصد؟

اختي الله يسر اموركم ، اختي بالنسبة للكراء، راكو كاريين غالي بزاف ، حاولو تقلبو عل دار رخيصة وخا تكون صغيرة ، ونتينا ممكن تقلبي عل خدمة وبنتك خليها مع داركم او مع ناسك وتعاوني راجلك

سمية ام عبدو
23-10-2011, 18:32
السلام عليكم
أخواتي كيف حالكن؟ سامحوني على قلة المشاركه...ولكن عندي مشاكل كثيرة في البيت الله يصاوب و صافي...ولكن راني غاديه مع المصروف مزيان الحمدلله..........
أمنار لعل المانع خير ...
في أمان الله....

ام فدوى120
23-10-2011, 18:41
اختي داليلة الله يرزقك وغير الصبر دابا كلشي يفوت وعليك بكثرة الاستغفار واذكار الصباح والمساء فهي تجلب الرزق

إيمي
23-10-2011, 19:01
قدوتي الغالية أمناااااااااار غيابك طال علينا
لعل المانع خير
المرجو من الاخوات اللي ممكن يتصلو بيها يطمنونا عليها
تحياتي لكل الانيقات المدبرات

amanarre
23-10-2011, 19:51
السلام عليكم الحبيبات
ان شاء الله كلكم بالف خير
الله يفرجها و يسرها على الجميع ان شاء الله

اسفة على الغياب كان البيسي خاسر يلاه صايبتو ، توحشتكم بزاف يا وجوه الخير
و ان شاء الله تكونو كلكم فاحسن الاحوال


نمشي نقرى للي فاتني و لي عودة ان شاء الله

dalida_
23-10-2011, 19:55
اختي داليلة الله يرزقك وغير الصبر دابا كلشي يفوت وعليك بكثرة الاستغفار واذكار الصباح والمساء فهي تجلب الرزق
اللهم آآآآآآآآآآمين يا رب العالمين


سلام عليكم
الله يرزقك أ يرزقنا من عندو ؛ أ ربي يفرجها أ يسهل على رجلك بشي خدمة مزينة خصوصا أنه عندو شهادة عالية
لكن سمحيلي ؛ ماني نتم ساكنين حدا داركوم أ دارهم علاش مافكرتووش تسكنه معاهم هاك توفره فلوس كرا حيت لكرا واخد ليكم لفلوس كاملة تقريبا أ ديك فلوس لكرا راكم تعونو بها ف مصروف مع دارهم أ توفره بها شي باراكا قليل لبنتي أش بانليك
ماميكنش حيت دارنا على قد الحال الوالدة الله يخاليها خدامة تتصرف على الدار معاون معها خويا ساكن تما ومراتوا وولادوا ،اما دارهم غير كارين وساكن عندهم ولدهم وولاوا يعني مايمكنش
عاد حنايا رافضين الفكرة


اختي الله يسر اموركم ، اختي بالنسبة للكراء، راكو كاريين غالي بزاف ، حاولو تقلبو عل دار رخيصة وخا تكون صغيرة ، ونتينا ممكن تقلبي عل خدمة وبنتك خليها مع داركم او مع ناسك وتعاوني راجلك
الوالدة خدامة ماتتجي حتى ل 9 ديال الليل، وامه مريضة ومقابلة ولاد خوه وختو
اما الكرا فهو رخيص حيت البلاصة اللي ساكنين فيها غالية كاين اللي كاري بكتر ,انا كارية دار صغيرة

nadadam
24-10-2011, 00:02
السلام عليكم اختي دليدة الله يعاونكم على الزمان ولكن بالنسبة ليكوش و سيريلاك ماشي ضروريين انا عندي بنتي مكنشريش ليها سيريلاك كنطيب السميد بالماء وشوية ديال الزيت البلدية و ليكوش كن كنت مخداماش منشريهم غندير الخروق ا بالنسبة للخدمة ختي الى لقيتي شي خديمة متفلتيهاش وحطي بنتك عند عدوزتك راس بين الريوس و مرة مرة دوري معاها حتى انا دزت بشي ضروف صعاب و لكن هدشي دغيا يدوز و الله يسر عليك و دعي مع راجلك الله يرزق برزقكم

تلميدة أناقة
24-10-2011, 09:05
علىسلامة امنار او سلامة بسي ديالها توحشتك ا صحبتي
بالنسبة للطابلو ديال الاكسيل كيفاش ممكن ندرج في الموضوع

zho-tce
24-10-2011, 11:43
أمنار على سلامتك

اميناس
24-10-2011, 11:46
امنار على سلامتك .... وعلى سلامت البسي ديالك ...

ام عثمان و لجين
24-10-2011, 15:39
اختي amannare تبارك الله عليك وعلى تأويلك الله يفك الوحل على خير ويرزقك بنيوتة باش تكون عندك ولدة الملوك (ولد و بنت ) بحالي وتفرحي بهم .........فهمت من كلامك انك ساكنة في حي غالي المعيشة وهادي نفس المشكلة اللي عندي ياك ما انت ساكنة في لمعاريف ؟ ما تقوليش لي لا حيت أنا نتمنى تكوني جارتي هههههه. اختي الله يجازيك بخير قولي من اي سوق فيالحي المحمدي كتقداي منه باش حتى أنا نبدا نمشي له باش نزير حتى أنا راسي شويةهههههه. نبداو بعدا بالخضر و الفواكه والباقي أنا غادا نوجد لائحة لزوجي يتقد لي من الهري حيت منين كمشري السلعة من مرجان كنقفررررها. واخا نقول مع راسي غنتقدى غير الضروريات ماكنقدرش نقاوم العروض اللي فيه . وانا حملت الجدول اللي كنشكرك عليه واخا تانا كنت صاوووبت بحالة قبل مانشوف ولكن غنخدم بالجدول ديالك حيت هو مصنف ووووو عجباتني فكرة اقتطاع ربع المصروف فلنبدأ نطبقها ابتداء من هاد الشهر ان شاء الله ومنين نتقداا فنكتب حتى أنا تجربتي لهاد الشهر لي عودة ان شاء الله.

بدرأمامة
24-10-2011, 16:59
السلام عليكن ورحمة الله تعالى وبركاته انا فرحنا بزاف بكن اخواتي وخصوصا حبيبتي امنار تبارك الله عليك و الله يحفظك ويخليك لينا دائما منورة هذا المنتدى
هدي 4 ايام ونا نقرا الصفحات كلكن اخواتي رائعات واتمنى ان استفيد منكن ومن اقتراحكن
بالمناسبة لدي بنت اسمها امامة واين اسمه بدر وعمري 34 سنة واسكن بمدينة صفرو
راني بديت نخطط باش نبدا النقتاصد في المصروف ابتداءا من شهر 11 2011

ام فدوى120
24-10-2011, 19:11
السلام عليكم
على سلامتك امنار غبرتي علينا بزاف
وسلام لكل الاخوات كل واحدة باسمها
دابا العيد وخاصنا نشريوا العطرية. انا كنشري العطرية حبوب بالكثرة وكل مرة كنطحن شوية دابا عندي الابزار وعندي الخرقوم البلدي خاصني غير الكامون سكينجبير وعندي حتى المروزية
بالنسبة لخرقوم البلدي كنشري نص كيلو وكنطحنو ونديرو في قرعة الزاج وكل مرة كنخوي في قرعة صغيرة حتى يتقادة وناخد ثاني وهكدا كتدي لي العطرية بزاف

اميناس
24-10-2011, 20:22
بالنسبة ليا في مسار هاد التجربة غادية مزيان وتا راجلي عاجبو الحال هههههه
ولكن صراحة الفولس تقاضاو ...لان المشكل اللي كان عندنا ما كناش عارفين اشحال تنخصرو بالظبط على المعيشة ؟؟؟؟؟
واخاخ كملت الفلوس وتقرر يزيدني واحد 500 درهم اخرى .... غير تا نعرفو بعدا اشحال او تقريبا فين كنوصلو في مصروف الدار
مع العلم اني هاد الشهر كانو عندي اشياء كثيرة ما شريتها .....!!!!
الله يصوب

البنات اواو فينكم وفين وصلتو ؟؟؟شفتكم غبرتو ؟؟؟







السلام عليكم اختي اميناس تبارك الله عليك اتينا بالمقادير وصوري لينا كيما العادة هههههه الله يعطيك الصحة
اختي صبورة ماشاء الله عليك هاكدا يكون التخطيط للعيد ممكن تحطي صورة للصابون لي ذكرتي

اوكي يا جميل طلباتك اوامر ...ان شاء الله نحط الصور والمقادير .... واخاخ تبارك الله تقاضة خاصني نصيب واحد اخر ههههههه
امام بخصوص الخرجات للاطفال .... بالنسبة ليا واخاخ عندنا سيارة ...
وبما اني من محبات الرياضة ..اصلا ... ومنورا الولادات ..بديت شوية ناخد الوزن زاد اهتمامي بيها ...
واحيانا وخصوصا ملي شفت راسي غلاضيت بزاف ولفت لاولادي نعملو لامارش بزاف والعشية العشية طبعا في العطلة تنمضيو من داري تا لاكوط .... واخاخ كاينة مسافة طويلة ... ولكن صراحة ولفت ليهم نتمشاو كثير .... طبعا ضروري تتنوعي ليهم
ومثلا توجدي ليهم سوندوتشات وتخليهم يوجدهم معاك با يستمتعو اكثر وتاخدو داكل الخير وتعملو خرجة ... لشي بلاصة ...
او مرات اخرى في الصباح بكري تخرجو للاكوط... هدشي اللي جا على بالي دابا...

بدرأمامة
24-10-2011, 20:23
و عليك السلام اختي ام فدوى 120
ممكن تقوليلي بشحال كتسري الطرية حبوب انا ديما كنشريها مطحونة او مكتديلي والو
وشكرا

استغفار الاسحار
25-10-2011, 00:23
الله يبارك فيك اختي اميناس
ممكن تعطينا الشكلاط شنو كديري فيه

dalida_
25-10-2011, 13:03
اختي داليلة الله يرزقك وغير الصبر دابا كلشي يفوت وعليك بكثرة الاستغفار واذكار الصباح والمساء فهي تجلب الرزق
شكرا اختي اللهم امين


السلام عليكم اختي دليدة الله يعاونكم على الزمان ولكن بالنسبة ليكوش و سيريلاك ماشي ضروريين انا عندي بنتي مكنشريش ليها سيريلاك كنطيب السميد بالماء وشوية ديال الزيت البلدية و ليكوش كن كنت مخداماش منشريهم غندير الخروق ا بالنسبة للخدمة ختي الى لقيتي شي خديمة متفلتيهاش وحطي بنتك عند عدوزتك راس بين الريوس و مرة مرة دوري معاها حتى انا دزت بشي ضروف صعاب و لكن هدشي دغيا يدوز و الله يسر عليك و دعي مع راجلك الله يرزق برزقكم
بالنسبة لبنتي ماتتبغي تاكل لي حتى حاجة غير سيليراك بوحدو و دانينو و لبنان هاد الشي اللي تاتكل ، ليكوش تاندير ليها 2 فاليوم،الخدمة تاتجيني حيت عندي دبلوم زوين ولكن بنتي باقا صغيرة ماكينش اللي يشدها امي خدامة النهار كله و امه مريضة ومقابلة ولاد خوه وختو صغار

ام فدوى120
25-10-2011, 13:34
اختي انا شحال هادي ماشريت العطريةحيت باقة عندي من الصيف
والعطرية حبوب اختي صحية كتنقيها على يديك وتطحنيها وكنصحك بها
حتى نشوف الاثمنة ونرد عليك

صبوورة
25-10-2011, 15:19
البنات تبارك الله عليكم

بغيت نتشاور معاكم

باغا ناخد مهراز ديال النحاس و ملي سولت قربت نسخف حيت قال لي 350 درهم

انا ماكانش عندي حيت كنت كنقبطو من عند عدوزتي ولكن دابا تحولنا و كنحتاجو باش ندق المسائل لي قاصحة على مولينكس بحال سكين جبير الخرقوم ....
واش هادا هو الثمن ولا زادو فيه؟؟؟

بدرأمامة
25-10-2011, 15:45
شكرا اختي ام فدوى120 أنا في انتظارك

-فاطمة الزهراء-
25-10-2011, 15:47
اختي صبورة بزاف على الثمن ديال المهراز بغيت نقولك ولكن فين كتسكني

صبوورة
25-10-2011, 15:59
فالرشيدية اختي

nadadam
25-10-2011, 17:46
ختي المهراز ديال النحاس خديتو ب 400 درهم اما الاخرين اللي رخاص دايرين 200 درهم راه خفاف

اميناس
26-10-2011, 09:07
السلام عليكم
صباح الخير عليكم
صبورة ما عنديش فكرة على ثمن المهراز .. ولكن الا خرجت نسولك هنا اشحال تيعمل ...

استغفار بالاسحار
هلا بيك يا الغالية
بخصوص الشوكولا ها طريقتي
100 ريال شوكولا ماكاو
بكية هنريس
م ك زبدة
ساشي نسكافه
كاس ماء ساخن
م ك سنيدة
تخلطي كلشي في الخلاط وتخويه في قرعة وتعمليه في الصلادة تا يشد راسو
بالصحة والراحة
ممكن نهدي ليك تا هاد الفرماج

http://www.anaqamaghribia.com/vb/showthread.php?176656-*****-%C7%E1%DD%D1%E3%C7%CC-%CF%ED%C7%E1-%C7%E1%CF%C7%D1-%E3%E4-%E3%D8%C8%CE%ED-%C8%C7%E1%D5%E6%D1&highlight=

هدا عصير تيخرج كثير

http://www.anaqamaghribia.com/vb/showthread.php?178654-*******%DA%D5%ED%D1-%C7%E1%E1%ED%E3%E6%E4-%CA%D4%D1%C8%ED-%E3%E4%E6-%E6%CA%D4%D1%C8%ED-%E3%E4%E6-%C7%E1%CC%ED%D1%C7%E4-%E6%CC%ED%D1%C7%E4%E5%E3-...&highlight=

اما الكوكيز فهاهو

http://store1.up-00.com/Oct11/aCP20726.jpg



http://store1.up-00.com/Oct11/cdx20726.jpg



http://store1.up-00.com/Oct11/05u20726.jpg



http://store1.up-00.com/Oct11/qgj20726.jpg

كوكيز
250 غ زبدة ... دوبتها
250 سنيدة ...عملت اقل
2بيضات
نص كاس زيت
2خمارات حمر
شوكولا حبيبات
الطحين
تخلطي الكل والشوكولا هو الاخير طبعا
ومنبعد تقطعي بالقطاعة ... في الاول عملتهم بحال الغريبات ... ولكن فضلت فاش دلكت العجينة وقطعت جاو احسن ...

nasa01
26-10-2011, 10:45
صباحكم مبروك.عندى واحد السؤال للاخت امنار واخا ماشى مكانو ولكن كنتمنا تجاوبينىالله يطلق سراحك على خير.اما احسن واش مكواةالشعر او السشوار الماشط. بغيت ناخدو للعيدوكنتمنا تفيدونى وكاع الاخوات لمجربينو.شكرا.

صبوورة
26-10-2011, 11:00
الاخت امنار غيبات بزاااااااااااااااااف

نتمناو يكون خير

كانت قالت بلي خسر ليها البيسي و لكن من داك التهار ما عاودات طلات

الا كاينين لي كيعرفوها او عندهم شي خبار عليها يطمنونا



ختي المهراز ديال النحاس خديتو ب 400 درهم اما الاخرين اللي رخاص دايرين 200 درهم راه خفاف


شكرا اختي فعلا راه داكشي باش كاينين راني مشيت سولت في شحال من بلاصة. اوا العجب هدا شحال ولاو غاليين

هادا ديال 200 درهم كان غير ب 60 درهم
واقيلا ندير بلاش منو
الله يدير شي تاويل د الخير و صافي


السلام عليكم
صباح الخير عليكم
صبورة ما عنديش فكرة على ثمن المهراز .. ولكن الا خرجت نسولك هنا اشحال تيعمل ...

استغفار بالاسحار
هلا بيك يا الغالية
بخصوص الشوكولا ها طريقتي
100 ريال شوكولا ماكاو
بكية هنريس
م ك زبدة
ساشي نسكافه
كاس ماء ساخن
م ك سنيدة
تخلطي كلشي في الخلاط وتخويه في قرعة وتعمليه في الصلادة تا يشد راسو
بالصحة والراحة
ممكن نهدي ليك تا هاد الفرماج

http://www.anaqamaghribia.com/vb/showthread.php?176656-*****-%C7%E1%DD%D1%E3%C7%CC-%CF%ED%C7%E1-%C7%E1%CF%C7%D1-%E3%E4-%E3%D8%C8%CE%ED-%C8%C7%E1%D5%E6%D1&highlight=

تبارك الله و الصلاة على النبي ما عندي ما نقول حادقة و نص

بالنسبة للمهراز دورتها في راسي و قلت حاليا بلاش منو حيت عندي شحال من مطرقة خاصني نطرقها هههههههههه

اوا غنمشي ندبر على شي حجرة تكون كبيرة شوية و ملسة (عندي فالدار شي حجيرات صغار كنعملهم للتيمم او كنهرس بيهم السكر) اوا و غنهرمش بيهم سكين جبير او خرقوم او قرفة او ندوزهوم في مكينة د مولينكس,

الحجر موجود و فابور هههههههه و هانا وفرت 350 درهم

اميناس
26-10-2011, 11:05
تبارك الله و الصلاة على النبي ما عندي ما نقول حادقة و نص

بالنسبة للمهراز دورتها في راسي و قلت حاليا بلاش منو حيت عندي شحال من مطرقة خاصني نطرقها هههههههههه

اوا غنمشي ندبر على شي حجرة تكون كبيرة شوية و ملسة (عندي فالدار شي حجيرات صغار كنعملهم للتيمم او كنهرس بيهم السكر) اوا و غنهرمش بيهم سكين جبير او خرقوم او قرفة او ندوزهوم في مكينة د مولينكس,

الحجر موجود و فابور هههههههه و هانا وفرت 350 درهم




هههههههههههههه
اوا شفتي في لمح البصر ها انت اقتصدتي 350 درهم ؟؟؟؟
تبارك الله عليك واخلاص ...
اشوفي راني غنجي لورزازت في العيد ...ياك ما نجيبو ليك ونتلاقاو تما ؟؟؟؟هههه^_^

هبة الوهاب
26-10-2011, 11:30
السلام عليكم اشخباركم اختي امنار.. اميناس كيف بقات اليديدة برات شوية مشا سيكاتريس ولامزال... القلب الصافي الصبورة سيهاميتا وسورة وكل كل البنات فهاد التجمع هاد الاسماء الي تذكرت دابا الي نسيتها تسمح لي اشخباركم مع الاقتصاد الشهر قرب اتسالى فين وصلتو واشنو ربحو وحققتو انا الحمد لله 200 اورو قداتني هاد الشهر لكن شحال من حاجة كانت عندي من قبل واستغنيت على شحال من حاجة المهم بالنسبة لمواد التنظيف مشريتش هاد الشهر الا الصابون والاكل مفتش فيه 150 اورو الني كان عندي احتياط من قبل ونتوما فين وصلو مع استعدادات العيد حنى هنا ماكاين لا عيد لا والو كنشريو اللحم غير من عند الجزار وصافي


البنات تبارك الله عليكم

بغيت نتشاور معاكم

باغا ناخد مهراز ديال النحاس و ملي سولت قربت نسخف حيت قال لي 350 درهم

انا ماكانش عندي حيت كنت كنقبطو من عند عدوزتي ولكن دابا تحولنا و كنحتاجو باش ندق المسائل لي قاصحة على مولينكس بحال سكين جبير الخرقوم ....
واش هادا هو الثمن ولا زادو فيه؟؟؟

اختي شري مهراز ديال الخشب صغير انا هاد الي لقيت هنا فالخارج غير ب2 اورو ولا كثر مبقيتش عاقلة راه صغيور لكن كينفع كندق فيه حتى انا المساءل القاصحة

صبوورة
26-10-2011, 11:42
هههههههههههههه
اوا شفتي في لمح البصر ها انت اقتصدتي 350 درهم ؟؟؟؟
تبارك الله عليك واخلاص ...
اشوفي راني غنجي لورزازت في العيد ...ياك ما نجيبو ليك ونتلاقاو تما ؟؟؟؟هههه^_^

هههههههه
ياك بعدا؟؟
انا فالرشيدية راه حتى ورززات بعيدة علينا ههه
ولكن اجي بعدا اش غتجيبي ليا معاك واش المهراز ولا الحجرة؟؟؟ حيت صافي قررت نستعمل غي الحجرة
ولكن الا جاني شي مهراز كادو و الله ما نقول لا نقدر كاع نمشي نسافر على ودو حتى لورزازات
اوا آش قلتي ؟؟؟؟؟؟؟؟



اختي شري مهراز ديال الخشب صغير انا هاد الي لقيت هنا فالخارج غير ب2 اورو ولا كثر مبقيتش عاقلة راه صغيور لكن كينفع كندق فيه حتى انا المساءل القاصحة

تبارك الله عليك هبةالله

واش مهراز ديال الخشب يقدر يدق سكينجبير ؟؟؟
جارتي عندها واحد حاطاه غير ديكور ههههههه
هي كاع ماكتمحن راسها كتشري عطرية مطحونة
انا ما كنرتاح غير الا صايبت الحاجة بيدي ههه
ماكرهتش كون لقيت كاع نزرعها و تكون ديما عندي (العطرية)
راني عاد تحولت و بديت كنصايب واخد الجريدة فالسطح بغيت نغرس فيها الأعشاب لي تقدر تصبر بخال اللويزة السالمية الشيبة المخينزة.... الخ

هبة الوهاب
26-10-2011, 11:48
تبارك الله عليك هبةالله

واش مهراز ديال الخشب يقدر يدق سكينجبير ؟؟؟
جارتي عندها واحد حاطاه غير ديكور ههههههه
هي كاع ماكتمحن راسها كتشري عطرية مطحونة
انا ما كنرتاح غير الا صايبت الحاجة بيدي ههه
ماكرهتش كون لقيت كاع نزرعها و تكون ديما عندي (العطرية)
راني عاد تحولت و بديت كنصايب واخد الجريدة فالسطح بغيت نغرس فيها الأعشاب لي تقدر تصبر بخال اللويزة السالمية الشيبة المخينزة.... الخ

اه تبارك الله عليك معندي منتسالك اه اختي كيدق كلشي وعاوديه فمونيينكس انا جبت معايا قشور الرمان يابسين من المغرب دقيتهم فيه وعاوتهم فالماكينة بعدا نفعني شحال من حاجة مكنبغي نخسر عليها الماكينة كيكون فيا العكز نجبدها وحيت معنديش التيساع كنقدق غير فالمهراز بحال البزار ولا الكامون ولا القزبور حبوب كندق قياس الي غادي نستعمل ديك الساعة

hanane maachaou
26-10-2011, 11:59
mabrouk 3wacharkoum bach matmanitou t3aydou ou t3awdou

louna13200
26-10-2011, 14:48
السلام عليكم البنات سمحوليا بزاف مكندخلش ديما نضرا للوقت والبيبي والا كان عندي ش وقييت فاش كايكون ولدي ناعس كندير طليلة لمهيم ستافدت منكم بزاف شكرا لكم و نبشركم رجعت كنوفر الما 6 المرت كتر كنت كنحل القادوس و نبدا نشللل و كتشفت راه غضياع دابا عندي لفابو كبير فيه بلاست الغسيل و بلاش تشلال بلاست تشلال كنعمرها ونشلل بيها المعان وكتشفت اني قتاصدت 6 بانيوات دالما كنت كنطلق روبيني و نتسنا ش 5 دقايق باش يجي الما السخون دابا داك لما لكان كايضيع كانديرو ف بانيو و نغسل بيه المعان زيت مبقيتش كانخوي من القرعة كنعبر 2 معالق كيفاية الماكلة مابقيتش كنزوط الخبز ماكيشيتش ابدا كندير 4 خبزات كبار و نديرهوم فالفريجيدير و كنجبد نص خبزا انا و مول دار كافيانا باقي عندي مشكل واحد صابون الماعن كنضيعو بزاف

ام عبد الله 2012
26-10-2011, 15:21
الحمد لله هاد الشهر وفرت بزاف ديال الحاجات وشاطو ليا الفلوس و الفضل تيرجع ليكم الصراحة استافدت منكم بزااااااف الله يجازيكم بخير
دابا انا خارجة نتقدا للشهر الجاي ايوا غير الله يستر انا راه غير تنبدا نشري كنسى راسي و في التالي كنتصدم في المجموع يلاه حبيبات نشوفكم من بعد باش نقولكم شنو شريت و بشحال تقام عليا

ام فدوى120
27-10-2011, 18:47
البنات السلام عليكم
بغيت نسولكم اش كديرو في الكفتة باش كتطحنو اللحم
مشيت بغيت نشري ماكينة باش نطحن اللحم لقيت براون ب1000 درهم ومولينيكس 600 جاوني غاليين بزاف وماعرفتش اش ندير قلت نتشاور مع حبيباتي لعلهم عندهم ليا الحل



البنات جاوبوني

أميرة في مملكتي
27-10-2011, 18:48
لبنى الله يخلي ليك البيبي ديالك ، وتبارك الله عليك بالنسبة لمسحوق الاواني راه سبق لي حطيت الطريقة باش اوني ديال 1 كلغ يخرج ليك 5 لتر وبالنفس الرغوة كانت حطاتو الاخت شاكرة النعمة ونقلتو لهاد الدار
ام فدوى اختي الماركات ب 2 بيهم زوينين ومعروفين بانسبة لمولينكس راها ف ميترو ب 899 وحتا الكتروپلانيط دايرين صولد فيهم
نجمة بالتوفيق اختي في انتظار جديدك

اميناس
27-10-2011, 18:50
هههههههه
ياك بعدا؟؟
انا فالرشيدية راه حتى ورززات بعيدة علينا ههه
ولكن اجي بعدا اش غتجيبي ليا معاك واش المهراز ولا الحجرة؟؟؟ حيت صافي قررت نستعمل غي الحجرة
ولكن الا جاني شي مهراز كادو و الله ما نقول لا نقدر كاع نمشي نسافر على ودو حتى لورزازات
اوا آش قلتي ؟؟؟؟؟؟؟؟




ههههههههههههه
لا انا قلت نجيب ليك غير الحجرة ؟؟؟؟؟خخخخخخ
الا لا تستاهلي المهراز وتا مكنة جديدة ....
لهلا يحوجك احبيبة ^_^
بالحق بصاح نيت جربي ديال الخشب ... علاش لا ؟؟؟؟


السلام عليكم اشخباركم اختي امنار.. اميناس كيف بقات اليديدة برات شوية مشا سيكاتريس ولامزال... القلب الصافي الصبورة سيهاميتا وسورة وكل كل البنات فهاد التجمع هاد الاسماء الي تذكرت دابا الي نسيتها تسمح لي اشخباركم مع الاقتصاد الشهر قرب اتسالى فين وصلتو واشنو ربحو وحققتو انا الحمد لله 200 اورو قداتني هاد الشهر لكن شحال من حاجة كانت عندي من قبل واستغنيت على شحال من حاجة المهم بالنسبة لمواد التنظيف مشريتش هاد الشهر الا الصابون والاكل مفتش فيه 150 اورو الني كان عندي احتياط من قبل ونتوما فين وصلو مع استعدادات العيد حنى هنا ماكاين لا عيد لا والو كنشريو اللحم غير من عند الجزار وصافي


هلا هبة فين غبورك ؟؟؟ اتمنى تكوني بخير
الحمد لله ايدي لابس في الحقيقة ما ساليت ليها لان مع تجربة العجين كل نهار تقريبا ... نسيتها كاع هههه
الحمد لله على كل حال
انان راني عطيت تقرير على اموري ...
في الحقيقة اللي اضاف ليا هاد الموضوع اكثر هو انني نتعلم نستغني على بعض الامور بلا ما يبقا فيا الحال ... بقلب صاف ^_^
هدي اهم نقطة ..

استغفار الاسحار
27-10-2011, 18:51
كوكيز
250 غ زبدة ... دوبتها
250 سنيدة ...عملت اقل
2بيضات
نص كاس زيت
2خمارات حمر
شوكولا حبيبات
الطحين
تخلطي الكل والشوكولا هو الاخير طبعا
ومنبعد تقطعي بالقطاعة ... في الاول عملتهم بحال الغريبات ... ولكن فضلت فاش دلكت العجينة وقطعت جاو احسن ...
تبارك اله عليك اميناس حادكة مع راسك جاو غزااالين نجربهم دابا
قولي ليا عندك شي حليوات للعيد زوينين و اقتصاديين

تلميدة أناقة
27-10-2011, 18:52
كيفكم الحبيبات
الله يجعل ايامكم خير و صحة و رزق

دعاء آلقلوب
27-10-2011, 18:54
آلسلآم عليكم
أختي أمنآر على سلآمتك وآلله يكمل عليكبالخير ويسهل أمورك ويعطيك مآتمنآي فخاطرك
لبنآت عوآشركم مبروكة آللهيدخل عليكم هآد آلشهر بالصحة وآلعافية وكل مآترجاو عند آلله
أحبكم في آلله

ميسمة
27-10-2011, 23:30
السلام عليكم و رحمة الله
اولا اشكر الاخت امنار على هاد الموضوع احنا في امس الحاجة ليه
حاجة وحدة حيرتني كتير واتمنى من الاخت امنار تجاوبني :
"الزيت حاولي تستهلكي لتر واحد راه يكفيك و يزيد فالشهر الواحد "
انا اختي استهلك 5 لتر و ربما اكثر هههههههه وبعملية حسابية بسيطة : الزيت في الغدا +الزيت ف لعشا +الزيت الا طيبت شي شهيوة ف لفطور .مثلا رغييف او ملاوي +الزيت الا وجدت شي شهيوة ف الكوتي كيكة مثلا .اما اذا عملت لفريت ها الزيت سالات هههههههه .
بالله عليك اختي قولي لي كيفاش تتعاملي مع لتر واحد فقط خاصة واننا تنعرفو امنار مولات الشهيوات .

souad2000
28-10-2011, 11:21
السلام عليكم و رحمة الله
اولا اشكر الاخت امنار على هاد الموضوع احنا في امس الحاجة ليه
حاجة وحدة حيرتني كتير واتمنى من الاخت امنار تجاوبني :
"الزيت حاولي تستهلكي لتر واحد راه يكفيك و يزيد فالشهر الواحد "
انا اختي استهلك 5 لتر و ربما اكثر هههههههه وبعملية حسابية بسيطة : الزيت في الغدا +الزيت ف لعشا +الزيت الا طيبت شي شهيوة ف لفطور .مثلا رغييف او ملاوي +الزيت الا وجدت شي شهيوة ف الكوتي كيكة مثلا .اما اذا عملت لفريت ها الزيت سالات هههههههه .
بالله عليك اختي قولي لي كيفاش تتعاملي مع لتر واحد فقط خاصة واننا تنعرفو امنار مولات الشهيوات .




حتى أنا معك أختي نمووووووووووت ونعرف ككدير ليه
سمحولي على التدخل
الموضوع عجبني بزاف و تبرك الله على كل العظوات

تلميدة أناقة
28-10-2011, 13:57
لهلا يحرمني من طلتكم
مبروك عواشركم بالصحة او السلامة

قبلاتي لكي ammanar
الله يعينك على الضياف او يخلي ليك صحيحتك




السلام عليكم و رحمة الله
اولا اشكر الاخت امنار على هاد الموضوع احنا في امس الحاجة ليه
حاجة وحدة حيرتني كتير واتمنى من الاخت امنار تجاوبني :
"الزيت حاولي تستهلكي لتر واحد راه يكفيك و يزيد فالشهر الواحد "
انا اختي استهلك 5 لتر و ربما اكثر هههههههه وبعملية حسابية بسيطة : الزيت في الغدا +الزيت ف لعشا +الزيت الا طيبت شي شهيوة ف لفطور .مثلا رغييف او ملاوي +الزيت الا وجدت شي شهيوة ف الكوتي كيكة مثلا .اما اذا عملت لفريت ها الزيت سالات هههههههه .
بالله عليك اختي قولي لي كيفاش تتعاملي مع لتر واحد فقط خاصة واننا تنعرفو امنار مولات الشهيوات .








حتى أنا معك أختي نمووووووووووت ونعرف ككدير ليه
سمحولي على التدخل
الموضوع عجبني بزاف و تبرك الله على كل العظوات



اخواتي ميسمة و souad2000 بالنسبة لسؤالكم عن طريقة الاقتصاد فالزيت غير رجعو قراو الصفحات للي فاتت راها عطات الطريقة

ميسمة
28-10-2011, 20:50
شكرا احتيnahli5 على التنبيه قريت الصفحة لكني بكل صراحة لم اقتنع
الا عملت غير 2 ملاعق زيت في كل مرة نطيب + 2 او 3 كيكات في الشهر + 2 مرات او 3 ملاوي او رغايف . راه مستحيل يكفي 1 لتر .

حكاية زارا
28-10-2011, 21:11
شكرا للاخت امنار على الموضوع وعلى النصائح المفيده
بغيتك تساعدني راني واحله ههههه عندي مكينه تصبين اوتوماتيك لي فيها الزاجه و متتخرجش ليا لحوايج مزيان تتخليهم بطبايعهم تنضطر ندير جافيل لحوايج لبيضين والالوان تنعاود نفرك دوك الطبايع
متنصبنش بالسخون لانوتياكل لقطن ديال لحوايج وتيضيع الضو
طبقت الوصفه ديال الصابون محكوك تنديرو في الماكنه هو و اريال ومع دلك الطبايع متيتزولوش
تنشوف بلي هد شي متيخليني نقتصد لا في الماء ولا في مواد التنظيف ووقتي تيضيع
بغيت ناخد فانيش ديال الالوان كيفاش نستعملو واش متيصلاحش لحوايج لبيضين حتى هما
وبغيت نسولك على المعطر ديال الملابس بغيت شي حاجه لي قتصاديه سمعت بلي كاين في قريعات غير صغار ومعرفتش منين ناخدو
راني طبقت النصيحه ديالك مبقيتش تنشفهم تنعصرهم وتنشرهم حيت عندنا السطاح متيسع ومشمش شكرا على هد المعلومه
وسمحي ليا طولت عليك الله ابني ليك قصر في الجنه

dalida_
28-10-2011, 21:20
السلام عليكم الحادڭات
كل من سولو عليا يسول فيهم الهنا و الخيرو تشتاق ليكم الجنة احبيبات

انا لله الحمد بخير
قلة دخولي و غيابي عن الموضوع بسبب استضافتي لاهل زوجي هاد الايام
لذلك دخولي كيكون على خفيف و مشاركتي قليلة
لكن ان شاء الله ما ان اتفرغ نرجع للموضوع



الموضوع ليكم و منكم و بيكم مستمر ان شاء الله انا غير نقيطة فالواد
استفدت منكم كيف تمنيت تستافدو مني و من كل الاخوات و هذا الهدف
و الله يزيد و يكثر الخير يا وجوه الخير




الشهر قرب يسالي و ان شاء الله يبان ليكم ولو فرق بسيط بعد التطبيقات
ماشي بالضروري تبان النتيجة كبيرة من اول شهر
لكن المهم انه تحسو بفرق ولو بسيييييط فطريقة التسيير و طريقة التوفير
يعني ففكرتكم عن تسيير مصروف البيت و التوفير لدويرات الزمن الله يكتب علينا اجمعين مكاتيب الخير


التوفير ماشي هو البخل او التقشف ... لا ابدا
هنا تجمعنا باش نتعلمو نصرفو على بيوتنا بشكل صحيح
ناخذو للي محتاجينو ماشي للي بغينا
ناخذو بالعقل و للي ينفع الصحة و يكون مناسب لينا و لاسرنا و بيوتنا ماشي بالشهوة و الاشهارات هههه
مفيها باس مرة مرة تشري حاجات ماشي ضرورية لكن مرة مرة باش متكونش عادة و بعدها تولي ضرورة

يعني تكون طريقة شراءنا و اختيارنا لحاجات بيتنا مدروسة
و معتمدة على النافع الضروري
ماشي الكماليات للي ممنها منفعة لا لصحتنا لا لجيبنا


اما التوفير و (خبي قرشك الابيض لقرشك الاسود الله لا يكتب علينا ايام سوداء)
فهي حاجة طبيعية فالانسان و مع التجربة و دوام كنزيدو نكتاسبوها و نعرفو كيف نوفرو و نتعلمو ندبرو بدل منبذرو



المهم هذا كان غير تذكير بسيط بالهدف من الموضوع فالاصل
و الله يجعل اكبر اهدافنا نيل رضاه و عفوه محققة ان شاء الله




مسخيت بيكم و بالموضوع خصوصا انه متاحتش ليا فرصة نقرا و نشارك مدة طويلة لكن تعوض ان شاء الله


و عواشركم مباركة مسعودة الحبيبات
و الف شكر مرة اخرى على سؤالك عني الله يجبر بخواطركم مبغيتش نذكر اسماء لاني منوفيكمش حقكم سواأ الاخوات للي سولو عليا هنا فالموضوع او خلاو لي ملاحظات فالتقييم بارك اممه فيكم جميعا و الله يفرح قلوبكم كيف فرحتوني بكلماتكم الطيبة يا طيبات



لي عودة للردود بإذن الله

ليلة سعيدة
الى الغالية امنار التي علمتنا ان نعيش الحياة بحلوها وبعتت فينا الامل ، ما سأقول قليل في حقك فعذرا حبيبتي إذا نسيت صفة فيك فانت الأم الأخت الصديقة،كشمعة تشتعل لتنير من حولها

ميسمة
28-10-2011, 22:49
شكرا للاخت امنار على الموضوع وعلى النصائح المفيده
بغيتك تساعدني راني واحله ههههه عندي مكينه تصبين اوتوماتيك لي فيها الزاجه و متتخرجش ليا لحوايج مزيان تتخليهم بطبايعهم تنضطر ندير جافيل لحوايج لبيضين والالوان تنعاود نفرك دوك الطبايع
متنصبنش بالسخون لانوتياكل لقطن ديال لحوايج وتيضيع الضو
طبقت الوصفه ديال الصابون محكوك تنديرو في الماكنه هو و اريال ومع دلك الطبايع متيتزولوش
تنشوف بلي هد شي متيخليني نقتصد لا في الماء ولا في مواد التنظيف ووقتي تيضيع
بغيت ناخد فانيش ديال الالوان كيفاش نستعملو واش متيصلاحش لحوايج لبيضين حتى هما
وبغيت نسولك على المعطر ديال الملابس بغيت شي حاجه لي قتصاديه سمعت بلي كاين في قريعات غير صغار ومعرفتش منين ناخدو
راني طبقت النصيحه ديالك مبقيتش تنشفهم تنعصرهم وتنشرهم حيت عندنا السطاح متيسع ومشمش شكرا على هد المعلومه
وسمحي ليا طولت عليك الله ابني ليك قصر في الجنه

اختي حكاية زارا :جربي اختي هاد الطريقة ف التصبين :حكي الصابون في الحكاكة د مطيشة و زيدي عليه الماء المغلي خليه حتى يعقد و الا لقيتيه عاقد بزاف زيدي الماء
مللي تبغي تصبني ديري حوالي كاس كبير او كاس ونصف من هاد الصابون مع لحوايج اعيد وااكد مع لحوايج ماشي ف لمجر و ديري ارييل ف لمجر الثاني فقط .هذه طريقتي و تنصبن غي بالحرارة 40 و انا راضية جدا على النتيجة.

goodwife
29-10-2011, 13:32
لبنات بغيتكم ضروريييييييي انا راجلي تيضيع بزاف وانا نتافق انا وياه قلت ليه غير 2250 درهم ندوز بيها الشهر ويشيط هو قالي متقدريش وحتى انا بحالو يدي متقووووووووبة لكتعرف تصف تقولي اش نشري والا كان ممكن شي اخت تتخرج تقولي الاثمنة حيت ختكم متتعرف والو تيقولي غير جاب لك الله حيت متتعرفيش الاثمنة اما مغاديش يكفي داك المبلغ يالله البنات بيتكم تعاونوني باش منحشمش هههههههههههه

تلميدة أناقة
29-10-2011, 20:07
bon soir

goodwife
29-10-2011, 20:37
iwa lebnat fin mchiti chedokom l7esabate wla

المشتاقة الى رضى ربها
29-10-2011, 23:06
تبارك الله على الأخت amanarre و شكرا على المجهود الكبير لقمتي به باش تفيدينا
فعلا غنستافد من الوضوع اوكان خاصني لانني أكبر مبدرة في العالم
حولت نتقتاصد معرفتش او عيا الراجل معيا او هوا يشد المصروف يتقدا كلشي ورغم دالك يغوت علي الا درت شي حاجة ليكيشيط كتر ملي كيتكال معرفتش ننقس حتى متلاالا غندير غدا لربعة اناس غ نديروا يقد عشرة هههههههههه
غا تدي فيا اجر اختي امناربهد المضوع

ام عثمان و لجين
30-10-2011, 11:03
اختي amannarre طولت الغيبة لعل المانع خير؟

louna13200
30-10-2011, 15:02
سلام عليكم اختي شوفي حتا انا كنت بحالك ديما كنرمي حتى دخلت للمنتدا و استفدت منو بزاف دالحوايج هانتي متلا الا كنت كديري نتو وراجل 2 بطاطات و كيجيوك بزاف مرة اخرا دير ننص و اللحم الا كنت كديري نص كيلو كاملة را بزاف عبي 2 كريضات صغار را كافيين والا شاط ليك الغدا متلوحيهش سخيه للعشا و زيدي معاه ششليضة و هاعشاك واجد والخبز ديري فالفريكو جبدي غ نص الا مكفاكش مرة خرا زيدي ربع و هاكا ماغديش تلوحي والزيت متخويش من القرعة نيشان عبري 2 معالق انا هكا حبش التبدير والتبدير راه حرام
تبارك الله على الأخت amanarre و شكرا على المجهود الكبير لقمتي به باش تفيدينا
فعلا غنستافد من الوضوع اوكان خاصني لانني أكبر مبدرة في العالم
حولت نتقتاصد معرفتش او عيا الراجل معيا او هوا يشد المصروف يتقدا كلشي ورغم دالك يغوت علي الا درت شي حاجة ليكيشيط كتر ملي كيتكال معرفتش ننقس حتى متلاالا غندير غدا لربعة اناس غ نديروا يقد عشرة هههههههههه
غا تدي فيا اجر اختي امناربهد المضوع

goodwife
30-10-2011, 15:30
لبنات بغيتكم ضروريييييييي انا راجلي تيضيع بزاف وانا نتافق انا وياه قلت ليه غير 2250 درهم ندوز بيها الشهر ويشيط هو قالي متقدريش وحتى انا بحالو يدي متقووووووووبة لكتعرف تصف تقولي اش نشري والا كان ممكن شي اخت تتخرج تقولي الاثمنة حيت ختكم متتعرف والو تيقولي غير جاب لك الله حيت متتعرفيش الاثمنة اما مغاديش يكفي داك المبلغ يالله البنات

بيتكم تعاونوني باش منحشمش هههههههههههه





iwa jawbooooooooooooooooni

ام سارة و ياسمين
30-10-2011, 17:36
iwa jawbooooooooooooooooni
ختي good ويف أنا من تجربتي مع لبنات و 2250 راه لخير و لبركة و نتي غير نتي وياه
عرفتي حيد ١٠٠٠ درهم و تقضي لي خاصك من لهري و لي شات ليك قسمه على ٤ هادشي إلى مكنش دخل ده و الماء و لكرا
كنتمانا نكون فداتك
ama alatmina أنا m3ychach fi almaghreb ntmana لبنات yfidok

تلميدة أناقة
30-10-2011, 18:29
اختي amannarre طولت الغيبة

ام فدوى120
30-10-2011, 19:09
السلام عليكم
اختي امنار غبتي علينا لعل المانع خير
انا الزيت حاولت ماامكن نقتاصد ووالو على الاقل كنستهلك 3لتر ونص او 4 في الشهر مع الكيك والمسمن راكم عارفين
ومبروك عيدكم

dalida_
30-10-2011, 19:38
الحاجة اللي قدرت نقتصد فيها هي مسحوق ديال المواعن اوني السائل شريتو تصورو دا ليا 7 شهور;حيت اكاينة انا و راجلي ماتنضيعوهش تاندير غير شوية و تنزيد عليه الماء

ام زياد83
30-10-2011, 20:47
السلام عليكم ورحمة الله وبركاته اود ان اشكر الاخت امنار على هاد الموضوع المفيد ونغتنم الفرصة باش نبدي ليها باعجابي بيها وبمواضيعها المتميزة فكل المجالات فهي فعلا كتمتل المراة المغربية اللي نفخرو بيها وبغيت نشكر كدالك كاع البنات المدبرات الحكيمات اللي عطاو افكار فهاد الموضوع المفيد جدا
انا لعاودت ليكم على طريقتي فالمصروف او التعامل بالفلوس غادي ترجيو عليا من هنا حيت انا فت المبدرة لهيه وراجلي كاليا متعرفي والو لكن هادشي كل ناتج على بعض السلوكيات اللي ولفناهم وخرجو علينا فانا بحكم ان راجلي لاعب كرة قدم محترف وبالتالي العمل ديالو كيحتم عليه يكون كل مرة فبلاد احيانا كتكون البلاد غالية فالمعيشة وفيها بزاف ديال المغريات كتخليك تبقاي تصرفي بلا حساب بحال الامارات متلا, خصوصا مدينة دبي, كدالك فرنسا وبزاف... مع ختكم ابن بطوطة فينما عيطو ليه كنزيدو,المشكل كيف ماقلت هو بعض السلوكيات اللي فيا واللي غنتخلص منهم بادن الله والمساعدة ديالكم هد السلوكيات هي انني انا وراجلي مبليين بالروايح الماركات والساعات والماكلة فالريسطورات الغالية ولا كلت ليكم شحال كنخسر فالشهر غتعتبروه مبلغ خيالي حيت شفت المبالغ اللي كيخسرو الاخوات لقيت راسي كنخسر بحالهم غافلبسة ولا ريحة وعرفت باني خصني العصا ,مع ان ماما مسكينة عيات متغوت عليا جمعي راسك راكي غلقيتي الفلوس وكتفزقي فيهم وحتى مني ولدت زدت فيه منقدرش نقوليكم شحال خسرت فالكلينيك مني ولدت ودرت البوفي فالشامبغ وولادي كندير ليهم لlvaccin عند الطبيب في البريفي ديالهم مع ان ماما عيات فيا راهم بحال بحال وربما ديال الدولة احسن وهادشي غير شوية...والباقي اعظم الله يسمح ليا
هادشي كلو راه والله حتا غير ولفتو وراجلي حتى هو مامعونيش تاهو باغي غير يعيش ويسافر ويلبس ويبدل فالطونوبيلات,وكون ما باه الله يرحمو بقا عليه را الكورة مادايماش وزيرو دار واحد الطاكسي كون مادار والو
ودابا انا بغيت ندير واحد المشروع لقيت راسي عندي 0 درهم فالكونت ديالي واما كنخسر الزبابل تالفلوس فالخوا الخاوي
لكن انا بغيت البنات نتغير فعلا وراني قريت الموضوع كلو واستفدت منو بزاف وعرفت لاول مرة الاتمنة ديال المواد الغدائية حيت كنت غكنهز كي الضبعةووشحال محسبو لي كنخص بلاكارت ودبا والله راني فرحانة حيت ربي حط ليا هاد الموضوع فطريقي والفضل كيرجع للاخت امنار باش نحيد عليا هاد السلوكات اللي مصورت منها والو ونولي مراة مدبرة ولما لا تانا نبدا نفيدكم ههههههه
وكنطلب من الاخوات يزيدو يفيدونا
راني باغا نجمع واحد المبلغ كبير شوية حيت باغا ندير واحد المشروع
وربي يسهل لينا جميعا امورنا ونتوفقو باش نجمعو الفلوس وكل وحدة فينا تقدر تحقق داكشي اللي بغات سواء ليها ولا لوليداتها
وسمحو ليا حيت طولت عليكم ولكن راني فشيت قلبي واعترفت ليكم بداكشي اللي مقدرت نعترف بيه لتا واحد

goodwife
31-10-2011, 02:54
[QUOTE=أم الاميرة;4231252]ختي good ويف أنا من تجربتي مع لبنات و 2250 راه لخير و لبركة و نتي غير نتي وياه
عرفتي حيد ١٠٠٠ درهم و تقضي لي خاصك من لهري و لي شات ليك قسمه على ٤ هادشي إلى مكنش دخل ده و الماء و لكرا
كنتمانا نكون فداتك
ama alatmina أنا m3ychach fi almaghreb ntmana لبنات yfidok[/

اختي لا مفيهاش ضو ولا ما فيها غير داكشي ديال الكوزينة فقط وراه عندي 2 ولاد صغاررررررر

صبوورة
31-10-2011, 11:25
http://www.anaqamaghribia.com/pic/images/d1d48pb0wkwu7naw0ix8.jpg (http://www.anaqamaghribia.com/pic/)

سلام الحادقات

هانا كنحاول نحمل الصور

دعيو معايا ننجح في هاد المهمة

الا بانت قولوها ليا

وييييييييييييييييييييييييي

نجحت
صفقو عليا
ههه
هدا الصابون السائل لي قلت ليكم كنستعملو
كنضن شي وحدة من الاخوات طلبات مني ننزل الصورة

هانا بقيت كنحاول معاها
صافي من اليوم غنصدعكم بالصور

amanarre
31-10-2011, 12:13
السلام عليكم الحادڭات
كل من سولو عليا يسول فيهم الهنا و الخيرو تشتاق ليكم الجنة احبيبات

انا لله الحمد بخير
قلة دخولي و غيابي عن الموضوع بسبب استضافتي لاهل زوجي هاد الايام
لذلك دخولي كيكون على خفيف و مشاركتي قليلة
لكن ان شاء الله ما ان اتفرغ نرجع للموضوع



الموضوع ليكم و منكم و بيكم مستمر ان شاء الله انا غير نقيطة فالواد
استفدت منكم كيف تمنيت تستافدو مني و من كل الاخوات و هذا الهدف
و الله يزيد و يكثر الخير يا وجوه الخير




الشهر قرب يسالي و ان شاء الله يبان ليكم ولو فرق بسيط بعد التطبيقات
ماشي بالضروري تبان النتيجة كبيرة من اول شهر
لكن المهم انه تحسو بفرق ولو بسيييييط فطريقة التسيير و طريقة التوفير
يعني ففكرتكم عن تسيير مصروف البيت و التوفير لدويرات الزمن الله يكتب علينا اجمعين مكاتيب الخير


التوفير ماشي هو البخل او التقشف ... لا ابدا
هنا تجمعنا باش نتعلمو نصرفو على بيوتنا بشكل صحيح
ناخذو للي محتاجينو ماشي للي بغينا
ناخذو بالعقل و للي ينفع الصحة و يكون مناسب لينا و لاسرنا و بيوتنا ماشي بالشهوة و الاشهارات هههه
مفيها باس مرة مرة تشري حاجات ماشي ضرورية لكن مرة مرة باش متكونش عادة و بعدها تولي ضرورة

يعني تكون طريقة شراءنا و اختيارنا لحاجات بيتنا مدروسة
و معتمدة على النافع الضروري
ماشي الكماليات للي ممنها منفعة لا لصحتنا لا لجيبنا


اما التوفير و (خبي قرشك الابيض لقرشك الاسود الله لا يكتب علينا ايام سوداء)
فهي حاجة طبيعية فالانسان و مع التجربة و دوام كنزيدو نكتاسبوها و نعرفو كيف نوفرو و نتعلمو ندبرو بدل منبذرو



المهم هذا كان غير تذكير بسيط بالهدف من الموضوع فالاصل
و الله يجعل اكبر اهدافنا نيل رضاه و عفوه محققة ان شاء الله




مسخيت بيكم و بالموضوع خصوصا انه متاحتش ليا فرصة نقرا و نشارك مدة طويلة لكن تعوض ان شاء الله


و عواشركم مباركة مسعودة الحبيبات
و الف شكر مرة اخرى على سؤالك عني الله يجبر بخواطركم مبغيتش نذكر اسماء لاني منوفيكمش حقكم سواأ الاخوات للي سولو عليا هنا فالموضوع او خلاو لي ملاحظات فالتقييم بارك اممه فيكم جميعا و الله يفرح قلوبكم كيف فرحتوني بكلماتكم الطيبة يا طيبات



لي عودة للردود بإذن الله

حكاية زارا
31-10-2011, 20:29
اختي حكاية زارا :جربي اختي هاد الطريقة ف التصبين :حكي الصابون في الحكاكة د مطيشة و زيدي عليه الماء المغلي خليه حتى يعقد و الا لقيتيه عاقد بزاف زيدي الماء
مللي تبغي تصبني ديري حوالي كاس كبير او كاس ونصف من هاد الصابون مع لحوايج اعيد وااكد مع لحوايج ماشي ف لمجر و ديري ارييل ف لمجر الثاني فقط .هذه طريقتي و تنصبن غي بالحرارة 40 و انا راضية جدا على النتيجة.
شكرا اختي ربي اخليك والله اجازيك بالخير
انا تنستعمل نفس الطريقه لي قلتي بالحرف ومع دلك متتخرجش ليا لحوايج
راني حرت ةالله معرفت ماندير ليها
قالو لي ديري الخل وخفت الا تخسر

بدرأمامة
31-10-2011, 20:49
السلام عليكم الحدكات بغيت نقوليكم راني بديت معاكوم في نصف الشهر او قلت علاش منقثصدش حتى انا المصرف لي عطاني راجلي هو 2250 درهم اوحنا 4 افراد
او دبا رني وفرت 200درهم اوراني فرحانا بحيت من قبل كانت كاع مكتكفيني اليوم راني شديت المصروف او شريت المواد الغدائية الله اسهل الأمور هاد الشهر ديال العيد غدي اعيدو معايا عائلة زوجي او هوما 4 افراد يعني صرنا 8 افراد عافاكوم اعطيوني شي نصائح بمناسبة القتصاد في العيد اختي امنار شكرا بزاف بزاف الله احفظك واحفظ وليداتك او زوجك راني استافدت من كل نصائحك وكل نصائح الأخوات أحبكم في الله

ام الاميرة وصال
31-10-2011, 21:17
حتى انا استافدت منكم بزاف انا وراجلي بحدنا يالله تنتاظرو مولود فهاد الاسبوع او حتى ربما ليوم اوغدا دعيو معايا بالولادة الميسرة عفاكم . من قبل كنا تنخسرو تقريبا 1000 الف درهم بالكتير مبين لحم وحوت ودجاج ومواد غدائية وخضر . ولكن منين حملت ووليت تنتوحم مبقيتش قديت نطيب وتخربق لنا السيستيم كلو من كترة ماكلة الزنقة وعاد مصاريف التوجاد ليا وللبيبي . الحمد لله ودابا انشاء الله بغيت نرجع نظم اموري وراني استافدت منكم بزاف حتى لمن بعد ونجي نكتب الميزانية

استغفار الاسحار
31-10-2011, 22:14
تبارك الله عليكم
البنات غبرتو يلاه نتبادلو تجارب الاقتصاد في العيد
بالنسبة ليا زوجي ما كاين هنا يعني نشري حاولي صغير والسلام بالنسة لملابس العيد شريت لولادي البلدي طلعو شوية رخاص يعني مافيتة 400 درهم شفتو الاقتصاد
الحلوة عدلت ديال الدار صوبت 5 اشكال زوينين المقادير طلعو ليا ب 130 درهم
صاوبت غريبة معلكة والرخامة وحلوة معمرة وشي حليوات نقلتهم من عند اخت بلقيس الله يخليها لينا من بعد نزل الصور

تلميدة أناقة
01-11-2011, 12:16
تبارك الله عليكم

فدوىى
01-11-2011, 12:40
فردوس كيفك وكيفها البنوتة شريتي مساءل الفراش ولا باقا دوري في السوق ، راه في باب الحد كاينين للي تيخيطو الكوويطات وديك شي زوين

Read more: http://www.anaqamaghribia.com/vb/showthread.php?27316-لالا-مولات-الدار-دخلي-عطينا-تجريبتك-فتسيير-المصروف/page52#ixzz1cS99JEHn
زين ليك وحشة كي داير سوسوف الله يحفظو؛أختي صايبت الفراش فالكزة فالمدينة...فيه حتى شوية د الحلفة حيث مزيانة للظهر بيها كبرنا ..تقام ب 330.00 درهم...
عواشر مبروكة ليكم جميع...أمنار فينك....

فدوىى
01-11-2011, 12:58
وحد السلام عليكم تبارك الله على امنار لالة المدبرة و على كاع الحادكات ديالنا بالنسبة لي انا راجلي مسكين خدام على قد الحال واخا عندو ليسنس الحقوق ولكن ربي ماسهلش ليه ف خدمة مزيانة، تيتخلص 1500درهم ايه ايه 1500 كارين ب 1150 درهم يعني تاتبقى 350 فيها كلشي تنشريو لحليب لبنتي ليكوش سيليراك ديال الشهر ماتيبقى والو باش تنعيشوا الله اعلم؟
ولكن حنا ساكنين حدا دارنا و دارهم هدا هوا لإمتياز تناكل ف دارنا ،ولكن عيقت عليهم بزاف وليت بعض المرات تنبقى بالجوع المهم تاكل بنتي ، الحمد الله راجلي دابا ولى تيدير شي بيعة تيربح شي بركة قليلة مع خلصتو عايشين بيها الحمد الله
ماتنشريش لبنتي لحوايج تتعطيهم لي اختي حيت بنتها كبر من بنتي إيوا هدي هيا الحياة،ملي تكبر لي بنتي ان شاء الله غادي نخدم باش نعاون راجلي
ايوا كيف ندير نقتاصد؟
أختي الله يسهل عليكم يا رب...ربي كبير..وواخا زوجك خدام دابا فنفس الوقت يزيد يقلب را باك+4 تبارك الله....حبيبة بالنسبة لحوايج خودي بشهوتك كاينين شي حوايج د البال كاع تاناخدو منهوم ماكاين غير ...زارا..مونكو..الله يسهل..و نتي قلبي على شي خديمة بحال فشي روض و بنتك حطيها معاك فيه....باش قلتي نبقى بجوع و بنتي تشبع حسيت بيك.و قلبي تزير عليا...بالنسبة الخضرة تقدايها فالأخر د العشية تتكون رخيصة...وأكثري من الإستغفار را تيحل بيبان الرزق...مع ودي

dalida_
01-11-2011, 13:39
أختي الله يسهل عليكم يا رب...ربي كبير..وواخا زوجك خدام دابا فنفس الوقت يزيد يقلب را باك+4 تبارك الله....حبيبة بالنسبة لحوايج خودي بشهوتك كاينين شي حوايج د البال كاع تاناخدو منهوم ماكاين غير ...زارا..مونكو..الله يسهل..و نتي قلبي على شي خديمة بحال فشي روض و بنتك حطيها معاك فيه....باش قلتي نبقى بجوع و بنتي تشبع حسيت بيك.و قلبي تزير عليا...بالنسبة الخضرة تقدايها فالأخر د العشية تتكون رخيصة...وأكثري من الإستغفار را تيحل بيبان الرزق...مع ودي
شكرا بزاف الحبيبة على الرد ديالك مبادرة طيبة منك, بالنسبة لحوايج أنا متنشري حتى حاجة حيت أختي تاتشري لبنتها وتعطيني بناتنا تيلبسو بحال,
مابقى والو وبنتي تديرعام دابة عندها 10 شهور تنتسناها تمشى ونحطها في الحضانة منقدرش دابة حيت حدوديت ماتتبري حتى حد,
أنا قارية عندي الباك ودبلوم تقني في المبيعات وباغى نخدم محتاجة لشي خدمة،ولكن صعيب تلقاها ف هاد الوقت خاص تكون عندك المعرفت, الله يسهل يا رب
ام,

dalida_
01-11-2011, 14:02
السلام عليكم ورحمة الله وبركاته اود ان اشكر الاخت امنار على هاد الموضوع المفيد ونغتنم الفرصة باش نبدي ليها باعجابي بيها وبمواضيعها المتميزة فكل المجالات فهي فعلا كتمتل المراة المغربية اللي نفخرو بيها وبغيت نشكر كدالك كاع البنات المدبرات الحكيمات اللي عطاو افكار فهاد الموضوع المفيد جدا
انا لعاودت ليكم على طريقتي فالمصروف او التعامل بالفلوس غادي ترجيو عليا من هنا حيت انا فت المبدرة لهيه وراجلي كاليا متعرفي والو لكن هادشي كل ناتج على بعض السلوكيات اللي ولفناهم وخرجو علينا فانا بحكم ان راجلي لاعب كرة قدم محترف وبالتالي العمل ديالو كيحتم عليه يكون كل مرة فبلاد احيانا كتكون البلاد غالية فالمعيشة وفيها بزاف ديال المغريات كتخليك تبقاي تصرفي بلا حساب بحال الامارات متلا, خصوصا مدينة دبي, كدالك فرنسا وبزاف... مع ختكم ابن بطوطة فينما عيطو ليه كنزيدو,المشكل كيف ماقلت هو بعض السلوكيات اللي فيا واللي غنتخلص منهم بادن الله والمساعدة ديالكم هد السلوكيات هي انني انا وراجلي مبليين بالروايح الماركات والساعات والماكلة فالريسطورات الغالية ولا كلت ليكم شحال كنخسر فالشهر غتعتبروه مبلغ خيالي حيت شفت المبالغ اللي كيخسرو الاخوات لقيت راسي كنخسر بحالهم غافلبسة ولا ريحة وعرفت باني خصني العصا ,مع ان ماما مسكينة عيات متغوت عليا جمعي راسك راكي غلقيتي الفلوس وكتفزقي فيهم وحتى مني ولدت زدت فيه منقدرش نقوليكم شحال خسرت فالكلينيك مني ولدت ودرت البوفي فالشامبغ وولادي كندير ليهم لlvaccin عند الطبيب في البريفي ديالهم مع ان ماما عيات فيا راهم بحال بحال وربما ديال الدولة احسن وهادشي غير شوية...والباقي اعظم الله يسمح ليا
هادشي كلو راه والله حتا غير ولفتو وراجلي حتى هو مامعونيش تاهو باغي غير يعيش ويسافر ويلبس ويبدل فالطونوبيلات,وكون ما باه الله يرحمو بقا عليه را الكورة مادايماش وزيرو دار واحد الطاكسي كون مادار والو
ودابا انا بغيت ندير واحد المشروع لقيت راسي عندي 0 درهم فالكونت ديالي واما كنخسر الزبابل تالفلوس فالخوا الخاوي
لكن انا بغيت البنات نتغير فعلا وراني قريت الموضوع كلو واستفدت منو بزاف وعرفت لاول مرة الاتمنة ديال المواد الغدائية حيت كنت غكنهز كي الضبعةووشحال محسبو لي كنخص بلاكارت ودبا والله راني فرحانة حيت ربي حط ليا هاد الموضوع فطريقي والفضل كيرجع للاخت امنار باش نحيد عليا هاد السلوكات اللي مصورت منها والو ونولي مراة مدبرة ولما لا تانا نبدا نفيدكم ههههههه
وكنطلب من الاخوات يزيدو يفيدونا
راني باغا نجمع واحد المبلغ كبير شوية حيت باغا ندير واحد المشروع
وربي يسهل لينا جميعا امورنا ونتوفقو باش نجمعو الفلوس وكل وحدة فينا تقدر تحقق داكشي اللي بغات سواء ليها ولا لوليداتها
وسمحو ليا حيت طولت عليكم ولكن راني فشيت قلبي واعترفت ليكم بداكشي اللي مقدرت نعترف بيه لتا واحد

السلام عليكم مالك أختي على هاد الحال سمحلي نقول ليك نتي مبدرة وربي متيبغيش للتبدير,خاصك تعرفي بقيمة الفلوس وتديري بقيمة الزمان حيت القرش الأبيض تاينفع صاحبه في اليوم الأسود,ملي عرفتي الغلط هدا هو المهم تعلمي من تجارب الأخرين وشدي يديك نتي وراجلك بش تساعدو وتجمعو شويت الفلوس بش ديري المشروع اللي باغة
أنا متلا لو كان عندي الفلوس كون درت بزاف الحوايج ولكن الله غالب,راجلي تيتخلص 1500 درهم مغربي كارين ب-1150 وعندنا بنت صغيرة خاصها تاكل وتلبس وشحال من حاجة خصها وهكدك تنقتصد نجمع وا ديري بحالي
الله يسهل عليك عواشر مبروكة

ام زياد83
01-11-2011, 14:32
احبيبتي دليلة شكرا بزاف على الرد ديالك ونصائحك وبغيت نحييك على الصبر ديالك وانشاء الله ربي كبير غايجيب ليك الفرج من عندو ولكن اختي سمحيلي راكي خاصك ضروري تقلبي على خديمة بحال سكريتيرة عند شي طبيب ولا محامي ولا فشي روض عطا الله وبنتك بقا تخليها عند ماماك ولا ختك ...وبالنسبة للكرا حولي لالقيتي شي دويرة بقل من داك التمن
بالنسبة ليا انا راني عااااارفة راسي مبدرة وبزاف وان شاء الله ربي يسمح ليا ولكن والله تابديت كنتغيرونولي وحدة اخرى امراة ديال الزمان مغنبقاش متبعا الخوا الخاوي وندير علاش نرجع حتى البلايص اللي فيهم المغريات مبقيتش كندوز منهم وحتى القسم ديال الازياؤء والاكسسور مابقيتش كندخلهم وراني وليت كنعرف الاتمنة ديال المواد الغدائية وراني كنوجد لائحة ديال المشتريات انشاء الله غنحطها ليكم ... وتعطيوني رايكم
والله يسهل علينا جميعا ومبروك عواشركم

فدوىى
01-11-2011, 14:49
شكرا بزاف الحبيبة على الرد ديالك مبادرة طيبة منك, بالنسبة لحوايج أنا متنشري حتى حاجة حيت أختي تاتشري لبنتها وتعطيني بناتنا تيلبسو بحال,
مابقى والو وبنتي تديرعام دابة عندها 10 شهور تنتسناها تمشى ونحطها في الحضانة منقدرش دابة حيت حدوديت ماتتبري حتى حد,
أنا قارية عندي الباك ودبلوم تقني في المبيعات وباغى نخدم محتاجة لشي خدمة،ولكن صعيب تلقاها ف هاد الوقت خاص تكون عندك المعرفت, الله يسهل يا رب


أختي الله يسهل كاين واحد الموقع يعاونك تلقاي خدمة راني نخليه ليك فالتققيم حيت ممنوع وضع روابط المواقع على العام

hanane maachaou
01-11-2011, 16:43
أنا مشيت لبارح مع ماما تقدت

*2 flota
* بكت أريل 3.5 كلو مركز
*بكت فروماج 80 قطعت
* امو 1.5 كلو
*10 كلو سكر
* دقيق 25 كلو فرص
* 10 قمح
* 2 دنتفرس
* 2 صابون طوس
* 1 ديتول
*1/2 كلو سميد+بلبولة+روز
*لحليب

* جفيل

* سنكروا
* بكيت لخميرة
* حق كبيرة مطشت لحك عيشة

* 5 لتر زيت لوسير

* 2 كاشير
مهم هاد شي كامل من لهري بمكملش 700 ذ رهم اش بان لكم

dalida_
01-11-2011, 17:08
احبيبتي دليلة شكرا بزاف على الرد ديالك ونصائحك وبغيت نحييك على الصبر ديالك وانشاء الله ربي كبير غايجيب ليك الفرج من عندو ولكن اختي سمحيلي راكي خاصك ضروري تقلبي على خديمة بحال سكريتيرة عند شي طبيب ولا محامي ولا فشي روض عطا الله وبنتك بقا تخليها عند ماماك ولا ختك ...وبالنسبة للكرا حولي لالقيتي شي دويرة بقل من داك التمن
بالنسبة ليا انا راني عااااارفة راسي مبدرة وبزاف وان شاء الله ربي يسمح ليا ولكن والله تابديت كنتغيرونولي وحدة اخرى امراة ديال الزمان مغنبقاش متبعا الخوا الخاوي وندير علاش نرجع حتى البلايص اللي فيهم المغريات مبقيتش كندوز منهم وحتى القسم ديال الازياؤء والاكسسور مابقيتش كندخلهم وراني وليت كنعرف الاتمنة ديال المواد الغدائية وراني كنوجد لائحة ديال المشتريات انشاء الله غنحطها ليكم ... وتعطيوني رايكم
والله يسهل علينا جميعا ومبروك عواشركم
بالنسبة لحوايج أنا متنشري حتى حاجة حيت أختي تاتشري لبنتها وتعطيني بناتنا تيلبسو بحال,مابقى والو وبنتي تديرعام دابة عندها 10 شهور تنتسناها تمشى ونحطها في الحضانة منقدرش دابة حيت حدودية ماتتبغي حتى حد,أنا قارية عندي الباك ودبلوم تقني في المبيعات وباغى نخدم محتاجة لشي خدمة،ولكن صعيب تلقاها ف هاد الوقت خاص تكون عندك المعرفة, الله يسهل يا رب
ولكن أمنيتي ندير شي مشروع ديالي حيت عزيز علي التجارة , أنت حاليا فين ساكنة؟واش في المغرب؟


أنا مشيت لبارح مع ماما تقدت

*2 flota
* بكت أريل 3.5 كلو مركز
*بكت فروماج 80 قطعت
* امو 1.5 كلو
*10 كلو سكر
* دقيق 25 كلو فرص
* 10 قمح
* 2 دنتفرس
* 2 صابون طوس
* 1 ديتول
*1/2 كلو سميد+بلبولة+روز
*لحليب

* جفيل

* سنكروا
* بكيت لخميرة
* حق كبيرة مطشت لحك عيشة

* 5 لتر زيت لوسير

* 2 كاشير
مهم هاد شي كامل من لهري بمكملش 700 ذ رهم اش بان لكم

مزيان ولكن علاش شريتي 5 لتر ديال الزيت راه بزاف ,علاش مادريش كاشير ديال الدار راه أقتيصادي ودايره على يديك

ام زياد83
01-11-2011, 17:51
بالنسبة لحوايج أنا متنشري حتى حاجة حيت أختي تاتشري لبنتها وتعطيني بناتنا تيلبسو بحال,مابقى والو وبنتي تديرعام دابة عندها 10 شهور تنتسناها تمشى ونحطها في الحضانة منقدرش دابة حيت حدودية ماتتبغي حتى حد,أنا قارية عندي الباك ودبلوم تقني في المبيعات وباغى نخدم محتاجة لشي خدمة،ولكن صعيب تلقاها ف هاد الوقت خاص تكون عندك المعرفة, الله يسهل يا رب
ولكن أمنيتي ندير شي مشروع ديالي حيت عزيز علي التجارة , أنت حاليا فين ساكنة؟واش في المغرب؟
حبيبة ديالي انا دابا صافي استقريت فالمغرب فمدينتي الجديدة حيت ولدي دخلتو المدرسة وقررت ننكلس بلا منبقا ندور بيه من بلاد لبلاد, اخر مرة راجلي كان فليبيا ومشيت عندو وديت معايا ولدي وكنت حاملة كلست معاها سيمانة وناضت عندهم الثورة واضطريت نرجع فالطونوبيل حتى لمصروكلست فاوتيل من عندي باش نرتاح حيت كنت كرشي لفمي وعاد خديت الطيارة وتكرفست من كولش ليك الحمد لله على كلشي
قررت قرار باش نكلس فداري نقري ولدي وندير واحد المشروع ونبرك للرض هههههه
ختي علاش راجلك مايديرش بيرمي ديال الطاكسي راه زوين حنا خدام معانا واحد الولد كيشيط ليه الخير والبركة

goodwife
01-11-2011, 17:55
حتى انا كنت بحالك ام زياد لي شفتها بغيتها ولحانوت لدخلت ليه تيشم في ريحت اللبن وتيشوطني حتى واحد الشهر تازمنا وانا نجمع راسي اما راجلي لحوايج لي ليقين ولي مليقين يشريهم روايح بلا حساب وغير الغاليين والا شرا شيحاجة صغيرة على الدراري نقوليه ردها والله ميبغي اوا جمعي راسك اختي واخ تشريو غير بقع ارضية وبنيوهم وتبداو تكريو

dalida_
01-11-2011, 19:35
ماكنت دايرة لا كوم لا نيت و بغيت أختي ربي يسهل عليك سميتو ماروك أنونس....أختي المشرفة مبغاش يمشي فتقييم....
اه تنعرفو تندخل ليه شكرا ا حبيبة


حبيبة ديالي انا دابا صافي استقريت فالمغرب فمدينتي الجديدة حيت ولدي دخلتو المدرسة وقررت ننكلس بلا منبقا ندور بيه من بلاد لبلاد, اخر مرة راجلي كان فليبيا ومشيت عندو وديت معايا ولدي وكنت حاملة كلست معاها سيمانة وناضت عندهم الثورة واضطريت نرجع فالطونوبيل حتى لمصروكلست فاوتيل من عندي باش نرتاح حيت كنت كرشي لفمي وعاد خديت الطيارة وتكرفست من كولش ليك الحمد لله على كلشي
قررت قرار باش نكلس فداري نقري ولدي وندير واحد المشروع ونبرك للرض هههههه
ختي علاش راجلك مايديرش بيرمي ديال الطاكسي راه زوين حنا خدام معانا واحد الولد كيشيط ليه الخير والبركة
اه تكرفستي الحبيبة ، مزيان ملي جيتي لبلادك بين حبابك حتى الا حتجتي لشي حاجة تلقيهم حداك ,وماكاين ما أحسن من الاستقرار باش تعرفي تربي ولدك فوسط بلادو
دابة راجلي باغي يديران شاء الله شي مشروع على قد الحال غاضي يعاونو لواليد ديالو وعاد أنا غاضي نخدم ونتعاونو منكدبش عليك ا ختي تقهرت بالكرا متيخلي لينا والو
وانتي مابغا ديري والو؟ ولا بغا ديري يد ف يد ههههههه

ام زياد83
01-11-2011, 21:27
اه تكرفستي الحبيبة ، مزيان ملي جيتي لبلادك بين حبابك حتى الا حتجتي لشي حاجة تلقيهم حداك ,وماكاين ما أحسن من الاستقرار باش تعرفي تربي ولدك فوسط بلادو
دابة راجلي باغي يديران شاء الله شي مشروع على قد الحال غاضي يعاونو لواليد ديالو وعاد أنا غاضي نخدم ونتعاونو منكدبش عليك ا ختي تقهرت بالكرا متيخلي لينا والو
وانتي مابغا ديري والو؟ ولا بغا ديري يد ف يد ههههههه[/QU
علاش لا الزين يلاه زيدي جي عندي لجديدة وخدمي معايا راني باغا ندير location de voiture راني وجدت تقريبا كلشي وكنطلع ونهبط على الاوراق وحيت فالقانون الجديد طلبولي واحد المبلغ خاصو يكون فالكونت ديالي عاد يعطيوني الرخصة داكشي علاش راني جمعت راسي ودايرةجهدي باش نجمعو
ايوا الا بغيتي هانا معاك الا بغا الله انشاء انشاء الله غنبدا فشهر 6

[QUOTE=goodwife;4242360]حتى انا كنت بحالك ام زياد لي شفتها بغيتها ولحانوت لدخلت ليه تيشم في ريحت اللبن وتيشوطني حتى واحد الشهر تازمنا وانا نجمع راسي اما راجلي لحوايج لي ليقين ولي مليقين يشريهم روايح بلا حساب وغير الغاليين والا شرا شيحاجة صغيرة على الدراري نقوليه ردها والله ميبغي اوا جمعي راسك اختي واخ تشريو غير بقع ارضية وبنيوهم وتبداو تكريو


غاسكتي اختي داك الشي اللي خرج علينا وخلانا اللور جاو الناس غا من مورانا وقضاو حاجة ايوا مني تي بحالي زيدي نجمعو راسنا منبقاوش ضحكة اش قضينا بالحوايج واللبس والروايح ...
وحتى راجلك زيريه ولا كان تاهو خاوي بحال ديالي خودي نتي بزمام الامور وبداي نتي اللي تصرفي بمعرفتك وستفدي من البنات القدوة بحال الاخت صبورة وامنار ...
والله يوفقك ويوفقنا كاملين
عواشرك مبروكة

أميرة في مملكتي
01-11-2011, 22:05
ام زياد بالتوفيق ان شاء الله ، الله يسر امورك
دليدا الله يعاونك اختي ويسهل عليك بللي فيها خير
فردوس بصحت لكتكوتة

ام عثمان و لجين
02-11-2011, 01:42
اختي داليدا الله يسهل عليك في شي خدمة اللي تنفعك و تنفع عائلتك الصغيرة ......ام زياد الله يوفقك في المشروع ديالك ونوليو منين نجيوووو للجديدة نكريو من عندك طموبيل نتساراوو بها تما

اختي عندي لك سؤال بخصوص المبلغ اللي طلبوا لك والأوراق اللي دفعت لهم الله يجازيك بخير حنت حتى أنا و راجليي كنفكروا نديروا مشروع و باقي ماقررناش أش غنديروا

ام زياد83
02-11-2011, 13:24
اختي داليدا الله يسهل عليك في شي خدمة اللي تنفعك و تنفع عائلتك الصغيرة ......ام زياد الله يوفقك في المشروع ديالك ونوليو منين نجيوووو للجديدة نكريو من عندك طموبيل نتساراوو بها تما

اختي عندي لك سؤال بخصوص المبلغ اللي طلبوا لك والأوراق اللي دفعت لهم الله يجازيك بخير حنت حتى أنا و راجليي كنفكروا نديروا مشروع و باقي ماقررناش أش غنديروا


شكرا ليك اختي لوجي مرحبا بيك الالة جي عندي لداري وانا نساريك فالجديدة,ايوا جيبي لي الكليان هههه بالنسبة للمبلغ ولاو كيطلبو خاص تكون عندك 50 مليون فالكونت ديالك بلحق كتبقا ديالك خاصها غير تكون كتقدمي ملف للسيرفيس دي ميل يكون فيه لغولفي دكونت,واللوكال يعني المحل اللي غديري فيه وخاصك توفري 5 طونوبيلات يكونو جداد كيرفضو البونوكازيو. هادو هوما المهمين عادا كتجيب شي اوراق من الضريبة وزيد وزيد...المهم طلع ونزل باش تخرجي الرخصة
هو مشروع زوين غير خاصك تكوني على بال يعني ماتخرجي شي طونوبيل تا تاخدي فوطوكوبي لاكارت ناسيونال ويحط ليك شيك باري حيت كيوقعو بزاف المشاكيل باش تكوني مامنة راسك
ايوا الله يسهل علينا كاملين
الا كنتي مهتمة خودي ايميلي ونشرح لك اكتر را فيه بزاف ديال الخبايا

أم الأميرة ١
02-11-2011, 15:22
وحد السلام عليكم تبارك الله على امنار لالة المدبرة و على كاع الحادكات ديالنا بالنسبة لي انا راجلي مسكين خدام على قد الحال واخا عندو ليسنس الحقوق ولكن ربي ماسهلش ليه ف خدمة مزيانة، تيتخلص 1500درهم ايه ايه 1500 كارين ب 1150 درهم يعني تاتبقى 350 فيها كلشي تنشريو لحليب لبنتي ليكوش سيليراك ديال الشهر ماتيبقى والو باش تنعيشوا الله اعلم؟
ولكن حنا ساكنين حدا دارنا و دارهم هدا هوا لإمتياز تناكل ف دارنا ،ولكن عيقت عليهم بزاف وليت بعض المرات تنبقى بالجوع المهم تاكل بنتي ، الحمد الله راجلي دابا ولى تيدير شي بيعة تيربح شي بركة قليلة مع خلصتو عايشين بيها الحمد الله
ماتنشريش لبنتي لحوايج تتعطيهم لي اختي حيت بنتها كبر من بنتي إيوا هدي هيا الحياة،ملي تكبر لي بنتي ان شاء الله غادي نخدم باش نعاون راجلي
ايوا كيف ندير نقتاصد؟


عزيزتي دليدة لك الله هو وحدو اللي يكون معاك أولا .
تعرفي من مدة وأنا تنقرا في الموضوع وعاجبني ، وبغا ندخل ولكن قلت حتى نسالي كل الصفحات .
ولكن منين لقيت مداخلتك أثرت فيا بزاف والله ودخلت باش ندعي معاك الله يفك ضيقتكم ويرزقكم من حيث لا تحتسبون ، ويعاونكوم على بنيتكوم.
ونقول ليك هذا حال الدنيا كل واحد منين جاتو ، والحمد لله على كل حال .
وأكثري من الإستغفار .

دعاء آلقلوب
02-11-2011, 17:14
طريقة تحضير آلذرة آلمعلبة

http://img803.imageshack.us/img803/6528/dscf0675v.jpg (http://imageshack.us/photo/my-images/803/dscf0675v.jpg/)


http://www.anaqamaghribia.com/vb/showthread.php?222759-%D8%D1%ED%DE%C9-%CA%CD%D6%ED%D1-%C2%E1%D0%D1%C9-%C2%E1%E3%DA%E1%C8%C9&highlight=

dalida_
02-11-2011, 17:15
وليت خصني امتى ندخل بش نشوفكم ونهدر معاكم ؛أيما تنمشي لدارنا أو دار راجلي بش نتكونكطة معاكم باش نرتاح ونفرغ اللي ف قلبي


عزيزتي دليدة لك الله هو وحدو اللي يكون معاك أولا .
تعرفي من مدة وأنا تنقرا في الموضوع وعاجبني ، وبغا ندخل ولكن قلت حتى نسالي كل الصفحات .
ولكن منين لقيت مداخلتك أثرت فيا بزاف والله ودخلت باش ندعي معاك الله يفك ضيقتكم ويرزقكم من حيث لا تحتسبون ، ويعاونكوم على بنيتكوم.
ونقول ليك هذا حال الدنيا كل واحد منين جاتو ، والحمد لله على كل حال .
وأكثري من الإستغفار .
شكرا اى ختي ربي يخليك ويخلي لك صحتك واللي عزيز عليك


ام زياد بالتوفيق ان شاء الله ، الله يسر امورك
دليدا الله يعاونك اختي ويسهل عليك بللي فيها خير
فردوس بصحت لكتكوتة
شكرا اختي على الرد ديلك هادي مبادرة طيبة منك


اختي داليدا الله يسهل عليك في شي خدمة اللي تنفعك و تنفع عائلتك الصغيرة ......ام زياد الله يوفقك في المشروع ديالك ونوليو منين نجيوووو للجديدة نكريو من عندك طموبيل نتساراوو بها تما

اختي عندي لك سؤال بخصوص المبلغ اللي طلبوا لك والأوراق اللي دفعت لهم الله يجازيك بخير حنت حتى أنا و راجليي كنفكروا نديروا مشروع و باقي ماقررناش أش غنديروا

شكرا اختي على الرد ديالك هادي مبادرة طيبة منكم كاملين نتومة أهلي وحبابي


أم زياد الغالية فاش وصلتي ف المشروع ديالك

فدوىى
02-11-2011, 17:18
dalidaكي درتي دخلي هدري معانا و مع ذلك صيفطي جهدك كامل ديال طلبات التوظيف...بأنترنت مخاسرة والو......الله يسهل أزين...
أمنار كي درتي مع ضياف دخلي فيدينا متغبريش الله يفكك على خير..
سهام شريتي لفرآن و لا مزال.....

ام زياد83
02-11-2011, 17:41
[QUOTE=dalida_;4248236]أم زياد الغالية فاش وصلتي ف المشروع ديالك[/QUOTE


هانا باقا اختي كولشي وحد بقا داك المبلغ راحنا زيرنا السمطة باش ننكملوه
سكتي راني البارح مشيت العروبية فخميس الزمامرة جيت كلي غبابرماموالفاش كنمشي ولكن دابا لصقت فيهم باش منخليش راجلي يشري بالغلا حيت هاد العام غنعيدو بوحدنا فدارنا موالفين كنعيدو فدارهم كنتشركو فكرفة حيت والديه ماكياكلوش الغنمي وكنشريو حولي باش نضحيو وحتى لكنا برا كنجيو ثمن الطيارة والعيد وشوفي بشحال كيتقام هاد العيد ساعة الحمد لله هاد العام عدوزتي عند بنتها ففرنسا ولدات, كتلو غنشريوغاحولي صغيرساعة لقينا الشواط فالاثمنة مزال هدا الكوري ديال نسيبنا, راجلي الحولي الي حط عليه يديه نكوليه غالي فقصتو ,بلحق را الحولي العادي ماكين غا 50 و60 الف كنكلو حنا دابا مزيرين وزيدون ولادنا صغار مكيكلوش بانو ليه شي مشاش كيدورو وهو يكول ليا علاش ماتاخديش واحد من هادو وتنوضي نايضة هههههههه

dalida_
02-11-2011, 17:49
dalidaكي درتي دخلي هدري معانا و مع ذلك صيفطي جهدك كامل ديال طلبات التوظيف...بأنترنت مخاسرة والو......الله يسهل أزين...
أمنار كي درتي مع ضياف دخلي فيدينا متغبريش الله يفكك على خير..
سهام شريتي لفرآن و لا مزال.....
لاباس الحمد لله وأنت اش خبارك أنا تنقلب على الخدمة ف نت ايلا سهل الله


[quote=dalida_;4248236]أم زياد الغالية فاش وصلتي ف المشروع ديالك[/quote


هانا باقا اختي كولشي وحد بقا داك المبلغ راحنا زيرنا السمطة باش ننكملوه
سكتي راني البارح مشيت العروبية فخميس الزمامرة جيت كلي غبابرماموالفاش كنمشي ولكن دابا لصقت فيهم باش منخليش راجلي يشري بالغلا حيت هاد العام غنعيدو بوحدنا فدارنا موالفين كنعيدو فدارهم كنتشركو فكرفة حيت والديه ماكياكلوش الغنمي وكنشريو حولي باش نضحيو وحتى لكنا برا كنجيو ثمن الطيارة والعيد وشوفي بشحال كيتقام هاد العيد ساعة الحمد لله هاد العام عدوزتي عند بنتها ففرنسا ولدات, كتلو غنشريوغاحولي صغيرساعة لقينا الشواط فالاثمنة مزال هدا الكوري ديال نسيبنا, راجلي الحولي الي حط عليه يديه نكوليه غالي فقصتو ,بلحق را الحولي العادي ماكين غا 50 و60 الف كنكلو حنا دابا مزيرين وزيدون ولادنا صغار مكيكلوش بانو ليه شي مشاش كيدورو وهو يكول ليا علاش ماتاخديش واحد من هادو وتنوضي نايضة هههههههه
ههههههه هكداك نبغيك زيري مول الدار نتومة راكم قلال مكينش لش تشريو شي حاجة كبيرة بركة عليكم واحد سغير يقدكم ويشيط الخير

أنا بعدة مغديش نشري حيت الله اللي عالم ما عندنا فلوس أية الله نتكافاو مع الوقت غدين نعيدو مع دارهم

ام زياد83
02-11-2011, 18:05
ايوا البنات راني اليوم مشيت تقديت العطرية من عند العطار مشات معايا ماما مسكينة استغربات وبقات كضحك كنكوليها عداك يقولبني راني عارفة الاثمنة هههه
شريت نص كيلو برقوق ورابعة المشماش رابعة الزبيب نص كيلو اللوز 10 دراهم المروزية 20 درهم زعفران شعرة ونص رابعة ليقامة كلها (لابزار سكنجبير الكامون تحميرة القرفة والخرقوم البلدي) والعطار كيعبر ليا وانا كنكوليه قوي معايا هههههههههه
اما التقدية كلها كنت مقداياها من مرجان عندي كلشي خاصني غاالزبدة للتحمار ديال اللحم وصيت عليها واحد السيد خدام فالوزين ديال الحليب منها تكون زوينة ومنها تكون ناقصة فالثمن ايوا كيجتك مراة ديال الزمان ياك ههههههههه ماما ماتت عليا بالضحك كاتلي كندرتي هاكا من شحال هادي
اه الحليب ديال بنتي حيت باقا كنعطيها نان مشيت عند واحد صحابتي فرماسيانة خديت ليها صطوك حيدلت ليا 12فالمية بحال لي كتاخدو هيا تقام عليا بشي 600 درهم قل شي صرف فيه 12 حك باش نتهنى من الحليب


[quote=ام زياد83;4248380]
ههههههه هكداك نبغيك زيري مول الدار نتومة راكم قلال مكينش لش تشريو شي حاجة كبيرة بركة عليكم واحد سغير يقدكم ويشيط الخير

أنا بعدة مغديش نشري حيت الله اللي عالم ما عندنا فلوس أية الله نتكافاو مع الوقت غدين نعيدو مع دارهم


مافيها باس احبيبة الا عيدتو مع دارهم ير نتي وياه بنيتك مزال مكتعرف, انا والله العظيم ماعندي معا هاد العيد الله يسمحلي غير ولدي عندو دابا عامين ونص ولا كيكولي بغينا ماع ماع وما كن بلاش منو وزيدون كتفرضو السنة الا كان المستطاع
اصلا ماعندي مع دوك الشحومات كيعجبني داك بولفاف ديال نهار اللول والغد شي مريقة بالبرقوق والمشماش والكتف مبخر اما الشي لاخورانشاء الله كلو غنصدقو الله يقبل

hanane maachaou
02-11-2011, 18:33
وليت خصني امتى ندخل بش نشوفكم ونهدر معاكم ؛أيما تنمشي لدارنا أو دار راجلي بش نتكونكطة معاكم باش نرتاح ونفرغ اللي ف قلبي
الله يصيب لك اى ختي أجي علاش مديريش شي حاجة في دار تعاوني بها على زمان إما تسيبي لحلوى لجيران أولى لكيك أولى لخبز العيلات لمودفت علاش مافيها باس أو راكي مقابلة بنتك أو في نفس لوقت معاونة مول دار

dalida_
02-11-2011, 19:07
الله يصيب لك اى ختي أجي علاش مديريش شي حاجة في دار تعاوني بها على زمان إما تسيبي لحلوى لجيران أولى لكيك أولى لخبز العيلات لمودفت علاش مافيها باس أو راكي مقابلة بنتك أو في نفس لوقت معاونة مول دار
هاد الأيام غادي نمشي عند واحد السيدة تتصوب الحلوة زوينة غaدي تعلمني فابور ;حتى تكبر لي بنتي دير عام ونديرها ف الحضانة باش ندخل نخدم


ايوا البنات راني اليوم مشيت تقديت العطرية من عند العطار مشات معايا ماما مسكينة استغربات وبقات كضحك كنكوليها عداك يقولبني راني عارفة الاثمنة هههه
شريت نص كيلو برقوق ورابعة المشماش رابعة الزبيب نص كيلو اللوز 10 دراهم المروزية 20 درهم زعفران شعرة ونص رابعة ليقامة كلها (لابزار سكنجبير الكامون تحميرة القرفة والخرقوم البلدي) والعطار كيعبر ليا وانا كنكوليه قوي معايا هههههههههه
اما التقدية كلها كنت مقداياها من مرجان عندي كلشي خاصني غاالزبدة للتحمار ديال اللحم وصيت عليها واحد السيد خدام فالوزين ديال الحليب منها تكون زوينة ومنها تكون ناقصة فالثمن ايوا كيجتك مراة ديال الزمان ياك ههههههههه ماما ماتت عليا بالضحك كاتلي كندرتي هاكا من شحال هادي
اه الحليب ديال بنتي حيت باقا كنعطيها نان مشيت عند واحد صحابتي فرماسيانة خديت ليها صطوك حيدلت ليا 12فالمية بحال لي كتاخدو هيا تقام عليا بشي 600 درهم قل شي صرف فيه 12 حك باش نتهنى من الحليب
علاش تتقداي من مرجان راح غالي بزاف تيكوي على بوزلوم ؛ شوفي شي هري ولا شي مارشي تيكون رخيص

بالنسبة لنان راه زوين حتى أنا كنت تنديرو لبنتي ولكن جاني غالي مع أن حتى حاجة ما تغلى على حبيبتي. وليت تنشري سنترال المعقم هداك رخيص وتايدي لي

شحال عند بنتك ف العمر

أميرة في مملكتي
03-11-2011, 11:03
السلام عليكم ورحمة الله وبركاته
عواشر مبروكة
ام زياد بصحتك التقدية ، اللهم ادمها نعمة واحفضها من الزوال

ام فدوى120
03-11-2011, 11:43
السلام عليكم
صباحكم مبروك وعواشركم مبروكة
تقديت العطرية خديت نص كيلو برقوق 5 دراهم كامون حبوب و4 كيلو بصلة اما العطرية الاخرى مازال عندي منها وطحنت سكنجبيروالبارح مشا الر اجل جاب الحولي
غير سكتو تكرفيسة معاه ولكن الحمد لله نصبرو

صبوورة
03-11-2011, 11:58
السلام عليكن يا الحبيبات

هاد الايام كتعكس ليا الكونيكسيون
بغيت نحييي البنات لي عاد التاحقو
و بغيت نقول للاخت داليدا ديري ياقينك في الله و دابا ربي يسهل عليك نتي و راجلك: لوكان جيت نعاود ليك شحال من تمارة دازت علينا تقولي باااااااااااااز
انا مجازة من 1992 و زدت خديت دبلوم ديال البيروتيك في 1998و راجلي خدا الاجازة قبل مني بعام و عندو ديبلوم ليتيا من 1986
لحد الساعة مازال ما خدمناش مع الدولة ولكن جربنا جميع انواع الشغل حتى الميناج درتو
خدمت حتى ب 300 درهم و دابا الحمد لله خدمة عندي زوينة ولكن مامرسماش

الاخت ام زياد
اختي راه التبدير مامزيانش الحمد لله ملي عرفتي الخطأ و ان شاء الله تحققي الهدف ديالك
البنات عيد مبارك سعيد
غنمشي هاد العشية ناخد التقدية من الهري و نعطيكم التفاصيل و اللائحة

فدوىى
03-11-2011, 12:40
السلام عليكن يا الحبيبات

هاد الايام كتعكس ليا الكونيكسيون
بغيت نحييي البنات لي عاد التاحقو
و بغيت نقول للاخت داليدا ديري ياقينك في الله و دابا ربي يسهل عليك نتي و راجلك: لوكان جيت نعاود ليك شحال من تمارة دازت علينا تقولي باااااااااااااز
انا مجازة من 1992 و زدت خديت دبلوم ديال البيروتيك في 1998و راجلي خدا الاجازة قبل مني بعام و عندو ديبلوم ليتيا من 1986
لحد الساعة مازال ما خدمناش مع الدولة ولكن جربنا جميع انواع الشغل حتى الميناج درتو
خدمت حتى ب 300 درهم و دابا الحمد لله خدمة عندي زوينة ولكن مامرسماش

الاخت ام زياد
اختي راه التبدير مامزيانش الحمد لله ملي عرفتي الخطأ و ان شاء الله تحققي الهدف ديالك
البنات عيد مبارك سعيد
غنمشي هاد العشية ناخد التقدية من الهري و نعطيكم التفاصيل و اللائحة

ما شاء الله عليك أختي....نصيحة للكل إحتفظو بدرهمكم الأبيض لليوم الأسود....حتى أنا و راجلي كنا دزنا من أزمة علماتنا بزاف...كان جلس من الخدمة وأنا نفيسة.congé maternité.الحمد الله ربي سهل من بعد و لكن نفعونا واحد لفلوس كان جامعهم ....و تعلمنا حاجة أخرى ميحكليك غير ظفرك وميبكيليك غير شفرك...............إذا علاش منشوفوش قدامنا مزيان قبل منطيحو فالحفرة ديال التبذير

ام زياد83
03-11-2011, 13:35
السلام عليكن يا الحبيبات

هاد الايام كتعكس ليا الكونيكسيون
بغيت نحييي البنات لي عاد التاحقو
و بغيت نقول للاخت داليدا ديري ياقينك في الله و دابا ربي يسهل عليك نتي و راجلك: لوكان جيت نعاود ليك شحال من تمارة دازت علينا تقولي باااااااااااااز
انا مجازة من 1992 و زدت خديت دبلوم ديال البيروتيك في 1998و راجلي خدا الاجازة قبل مني بعام و عندو ديبلوم ليتيا من 1986
لحد الساعة مازال ما خدمناش مع الدولة ولكن جربنا جميع انواع الشغل حتى الميناج درتو
خدمت حتى ب 300 درهم و دابا الحمد لله خدمة عندي زوينة ولكن مامرسماش

الاخت ام زياد
اختي راه التبدير مامزيانش الحمد لله ملي عرفتي الخطأ و ان شاء الله تحققي الهدف ديالك
البنات عيد مبارك سعيد
غنمشي هاد العشية ناخد التقدية من الهري و نعطيكم التفاصيل و اللائحة

الاخت صبورة تبارك الله عليك راكي اسم على مسمى وراني مني بداهاد الموضوع وانا كنشوف فيك قدوة لينا فالتدبير
بخصوص الخدمة اختي راها غير حظوظ انا خويا عندو الاجازة في bj جيولوجي ومخلى فين دفع تا حاجة مقبلاتو تا التعليم مقبلوهش وفالخر درنا ليه بيرمي دكوفيونس وكيسوق لراجلي الطاكسي وكون ماكان داك الطاكسي كون را كيتشومر
ولكن راه ربي ماكينسا تا واحد والخدمة ماشي عيب
ايوا كيجيتك بعدا انا راني وليت تلميدة مجتهدة مشيت عند العطار وتقديت وكنكوليه هاه قوي معايا مزيان راك درتي غا شوية هههههه
ومن الشهر الجاي مغنبقاش نتقدا من السوبر مارشي حيت فيه بزاف المغريات وشحال من حاجة مكنتش معوله عليها صدقت شارياها بحال داكشي ديال البولونجري... وديت معايا ولدي لصق ليا على شحال من حاجة وشوهني تما,انشاء الله غنولي نمشي عند الهري لقيت واحد الهري عندو داكشي نقي وعنو تقريبا كلشي غندي لاليست ونهني راسي ,ايوا هاحنا كنتسانا جديدك
مبروك عواشركم مرة اخرى

سماليل
03-11-2011, 13:55
تبارك الله على الانيقات فدتونا بزاف الله يجازيكم بخير
من اليوم حتى انا غنبدا نوفر

lalafatema
03-11-2011, 19:51
تبارك الله عليك أختي على الفكرة و الشرح واافي و كافي

صبوورة
04-11-2011, 14:50
البنات

باركولي راني شريت شوفو
خديت فاكور

البارح عشية مشيت خديتو و جبت بلومبي راه اليوم كيركبو

التقدية مازال ما خديتها حيت تعطلت شوية عند مول الشوفو
و ملي مشيت للهري لقيتو عامر مدكس و خليت لا ليست غنمشي نجيب التقدية هاد العشية

الحلوى حتا لغدا ان شاء الله
الحولي ما غيجي حتى لصباح الحد نيت ما قادين علا صداعو

اوا تعيدو بالف خير





ما شاء الله عليك أختي....نصيحة للكل إحتفظو بدرهمكم الأبيض لليوم الأسود....حتى أنا و راجلي كنا دزنا من أزمة علماتنا بزاف...كان جلس من الخدمة وأنا نفيسة.congé maternité.الحمد الله ربي سهل من بعد و لكن نفعونا واحد لفلوس كان جامعهم ....و تعلمنا حاجة أخرى ميحكليك غير ظفرك
وميبكيليك غير شفرك...............إذا علاش منشوفوش قدامنا مزيان قبل منطيحو فالحفرة ديال التبذير


عندك الحق اختي
هادي كاينة


الاخت صبورة تبارك الله عليك راكي اسم على مسمى وراني مني بداهاد الموضوع وانا كنشوف فيك قدوة لينا فالتدبير
بخصوص الخدمة اختي راها غير حظوظ انا خويا عندو الاجازة في bj جيولوجي ومخلى فين دفع تا حاجة مقبلاتو تا التعليم مقبلوهش وفالخر درنا ليه بيرمي دكوفيونس وكيسوق لراجلي الطاكسي وكون ماكان داك الطاكسي كون را كيتشومر
ولكن راه ربي ماكينسا تا واحد والخدمة ماشي عيب
ايوا كيجيتك بعدا انا راني وليت تلميدة مجتهدة مشيت عند العطار وتقديت وكنكوليه هاه قوي معايا مزيان راك درتي غا شوية هههههه
ومن الشهر الجاي مغنبقاش نتقدا من السوبر مارشي حيت فيه بزاف المغريات وشحال من حاجة مكنتش معوله عليها صدقت شارياها بحال داكشي ديال البولونجري... وديت معايا ولدي لصق ليا على شحال من حاجة وشوهني تما,انشاء الله غنولي نمشي عند الهري لقيت واحد الهري عندو داكشي نقي وعنو تقريبا كلشي غندي لاليست ونهني راسي ,ايوا هاحنا كنتسانا جديدك
مبروك عواشركم مرة اخرى

تبارك الله عليك
برافو راكي عجبتيني ملي عرفتي الخطأ داغيا و صلحتيه
انا راني ولييت واخا نمشي لسوبير مانشري غير لي خاصني و تكون فيه شي بروموسيون (واخا هنا مهنيين ماعندناش لي سوبير غير ملي نسافر لدارنا)
راه مع الولف غتغلبي على المغريات
و حاولي ماتديش معاك ولدك حيت الدراري كيغلبونا و شحال من حاجة تشريها غير باش تسكتيه
ديري لا ليست و ديري واحد الكارني بقاي تقيدي فيه جميع المصارف كل يوم واخا تكون صغيرة هههههههه و غتلقاي شحال من حاجة ما لازماش و مع دلك كتشريها و من بعد مع المدة غتحيديها عليك,
حاجة اخرى خاصك تحاولي تعلمي ولدك التوفير ديري ليه صنيديقة يبقى يجمع الفلوس و دخلي ليه للراس الأهمية د الاقتصاد
انا هاد الايام بنتي الصغيرة بقات كتخاصم حيت مابقيتش نسخرها للحانوت باش تجمع الصرف لي كيبقا هههه
او من بعد جمعي لوليداتك واحد المبلغ و الا قديتي ديري ليهم كونط (صندوق التوفير) و ملي يكبرو ان شاء الله حوليه ليهم بسمياتهم
انا راني درت هاد الكونط ملي كنت في لافاك و باقي مرة مرة نحط فيه شوية
اوا الله يوفقك لما فيه الخير و المنفعة


تبارك الله على الانيقات فدتونا بزاف الله يجازيكم بخير
من اليوم حتى انا غنبدا نوفر

بالتوفيق ان شاء الله

dalida_
04-11-2011, 15:45
السلام ا لبنات كيف دايرين لباس عليكم ،
جمعة مباركة ،

لبارح ما دخلتش حيت ممشيتش لدارنا حيت كانت شتى والبرد خفت على بنتي ل تمرض لي ،ولكن حسيت بواحد الفراغ حيت ما هدرتش معاكم ولفتكم ،
ماشي بنتي كانت هابطة مع بابها ف الدروج وزلق مع الماء وطاح، مشاة روحي تزهق لي خفت ، ولكن الحمد لله ما وقع لها والو كان هازها ،راجلي اللي مسكين كلاها ف دهرو


البنات

باركولي راني شريت شوفو
خديت فاكور


البارح عشية مشيت خديتو و جبت بلومبي راه اليوم كيركبو

التقدية مازال ما خديتها حيت تعطلت شوية عند مول الشوفو
و ملي مشيت للهري لقيتو عامر مدكس و خليت لا ليست غنمشي نجيب التقدية هاد العشية

الحلوى حتا لغدا ان شاء الله
الحولي ما غيجي حتى لصباح الحد نيت ما قادين علا صداعو

اوا تعيدو بالف خير
فاغور ماركة مزيانة شارينها دارنا ودار راجلي الله يعمر لها الدار

صبوورة
04-11-2011, 16:15
شكرا اختي بزاف الناس كيشكروه

اميناس
04-11-2011, 19:40
داليدا ما يكون باس عند راجلك وعلى سلامت بنتك ربي يحفظها ويسلمها لك ويسلم ليك راجلك ... خردي شي صدقة ^_^




عواشركم مبوركة اخواتي وتبارك الله عليكم .... وكل عام وانت بالف خير وصحة وسلامة ... وكل عام وانت الى الله اقرب ... وجمعة مباركة ان شاء الله

الله يدخلو عليكم بالصحة والسلامة وراحة البال ... والرزق الكثير ...






بالنسبة للعيد ان شاء الله ناوية نسافر عند دار راجلي ...لقائنا بعدا العيد


تحية لكل المناضلات في هده الصفحة ..كل اخت باسمها تحية خاصة ايضا لامنار ... الله يفك سراحك بخير .. وما تغبري علينا ...
عجبوني بزاف ديال الردود ولكن ما بقاليش الوقت ... ولكن عندي بزاف ديال .. كلمات التشجيع للعديد من الاخوات صراحة برافو عليكم وشابو ....
وفي الاخير اقول الله يديم المحبة

ام زياد83
04-11-2011, 19:40
السلام عليكم ورحمة الله وبركاته
عواشر مبروكة
ام زياد بصحتك التقدية ، اللهم ادمها نعمة واحفضها من الزوال

الله يعطيك الصحة احبيبة
عواشر مبروكة علينا وعليك


تبارك الله عليك
برافو راكي عجبتيني ملي عرفتي الخطأ داغيا و صلحتيه
انا راني ولييت واخا نمشي لسوبير مانشري غير لي خاصني و تكون فيه شي بروموسيون (واخا هنا مهنيين ماعندناش لي سوبير غير ملي نسافر لدارنا)
راه مع الولف غتغلبي على المغريات
و حاولي ماتديش معاك ولدك حيت الدراري كيغلبونا و شحال من حاجة تشريها غير باش تسكتيه
ديري لا ليست و ديري واحد الكارني بقاي تقيدي فيه جميع المصارف كل يوم واخا تكون صغيرة هههههههه و غتلقاي شحال من حاجة ما لازماش و مع دلك كتشريها و من بعد مع المدة غتحيديها عليك,
حاجة اخرى خاصك تحاولي تعلمي ولدك التوفير ديري ليه صنيديقة يبقى يجمع الفلوس و دخلي ليه للراس الأهمية د الاقتصاد
انا هاد الايام بنتي الصغيرة بقات كتخاصم حيت مابقيتش نسخرها للحانوت باش تجمع الصرف لي كيبقا هههه
او من بعد جمعي لوليداتك واحد المبلغ و الا قديتي ديري ليهم كونط (صندوق التوفير) و ملي يكبرو ان شاء الله حوليه ليهم بسمياتهم
انا راني درت هاد الكونط ملي كنت في لافاك و باقي مرة مرة نحط فيه شوية
اوا الله يوفقك لما فيه الخير و المنفعة


ايوا اش غنكول ليك تبارك الله عليك وخلاص
فعلا را كلشي بالولف وراني بديت كنعود راسي نبعد على المغريات
اما ولدي غسكتي تعلم ليا لي شافها بغاها ديتو معايا لمرجان حيت خليت بنتي لماما ومنقدرش نخليهم ليها بجوج وجيت لكازا قديت واحد الغرض وطرقت مرجان تقديت منو حيت معدناش فالجديدة كاينا غا اسيما ولابيل في, بلحق لقيت بزاف البروموسيونات زوينين خصوصا فمواد التنظيف وليباط... ايوا منكولش ليك اش دار ليا ولدي دخل ليا لديك لبلاصة ديال الالعاب ولصق على واحد اللعبة ب120 درهم شدها مبغا يطلقها بقيت تا سهيتو ورديتها مني وصلنا لاكيس بديت كنحط ملقاهاش كاليا فيناهيا العبة اللي خديت حطيتيها روديها ليا هههههههه ورجعني تا جبناها شوهني ههههه
ايوا الله يهدي لينا وليداتنا ويقدرنا عليهم




السلام ا لبنات كيف دايرين لباس عليكم ،جمعة مباركة ، لبارح ما دخلتش حيت ممشيتش لدارنا حيت كانت شتى والبرد خفت على بنتي ل تمرض لي ،ولكن حسيت بواحد الفراغ حيت ما هدرتش معاكم ولفتكم ،ماشي بنتي كانت هابطة مع بابها ف الدروج وزلق مع الماء وطاح، مشاة روحي تزهق لي خفت ، ولكن الحمد لله ما وقع لها والو كان هازها ،راجلي اللي مسكين كلاها ف دهرو

دليدة على سلامت بنيتك الحمد لله حفظها ليك ومايكون باس عند راجلك



البنات

باركولي راني شريت شوفو
خديت فاكور

البارح عشية مشيت خديتو و جبت بلومبي راه اليوم كيركبو

التقدية مازال ما خديتها حيت تعطلت شوية عند مول الشوفو
و ملي مشيت للهري لقيتو عامر مدكس و خليت لا ليست غنمشي نجيب التقدية هاد العشية

الحلوى حتا لغدا ان شاء الله
الحولي ما غيجي حتى لصباح الحد نيت ما قادين علا صداعو

اوا تعيدو بالف خير

صبورة بصحة الشوفو فاكور راها ماركة زوينة مافيهاش الريسك بحال لوخرين
ايوا متنسايناش بنصائحك شتك وليتي ناسيانا كنحصلك فمواضيع اخرى ومخليانا حنا ,ديري العدل ههههه

ام فدوى120
04-11-2011, 20:07
ختي صبورة مبروك الشوفو الله يدخلو عليك بالصحة وطول العمر
اختي بشحال شريتيه

dalida_
04-11-2011, 21:10
السلام ا لبنات كيف دايرين لباس عليكم ،جمعة مباركة ، لبارح ما دخلتش حيت ممشيتش لدارنا حيت كانت شتى والبرد خفت على بنتي ل تمرض لي ،ولكن حسيت بواحد الفراغ حيت ما هدرتش معاكم ولفتكم ،ماشي بنتي كانت هابطة مع بابها ف الدروج وزلق مع الماء وطاح، مشاة روحي تزهق لي خفت ، ولكن الحمد لله ما وقع لها والو كان هازها ،راجلي اللي مسكين كلاها ف دهرو

دليدة على سلامت بنيتك الحمد لله حفظها ليك ومايكون باس عند راجلك

الله لا يوريك بس الحبيبة اش خبارك

الساعية لرضى ربها
04-11-2011, 21:29
السلام عليكم ورحمة الله
سمحوليا البنات مبقيش دخلت حت كان المنتدى مكيبغيش اتفتح ليا معرف مناش
المهم انا ضطريت نتسلف من ديك 500درهم لي خليت على جنب 200 درهم اي بقات ليا 300 درهم هد الشهر والحمد لله ...هد الشهر نرد السلف لماليه هههههههه
ماعرفت واش عندكم شي اخبار على الاخت امنار اولا الله اطمنا عليها يارب
ملتقنا مرا العطلة ديال العيد حت مسافرة الى كتب الله

عواشركم مبوركة اخواتي وتبارك الله عليكم .... وكل عام وانت بالف خير وصحة وسلامة ... وكل عام وانت الى الله اقرب ... وجمعة مباركة ان شاء الله
هد الجملة الاخيرة درت ليها كبي كولي ديال الخت ادميناس الله اتر خيرها هههههههههه

ام عثمان و لجين
05-11-2011, 01:09
شكرًا ام زياد الله يحفضك و يبارك لك في المشروع ديالك ا حبيبة ....اختي هداك المبلغ اللي قلت غالي علي بزاف حيت أنا يله اشريييت ارض غي البارح و الى سهل الله نبدا نبني فيها دار في القريب العاجل . نقدر ناجل فكرة مشروعك حتى نساااالي لبني انشاء الله وتشوف واش باقين عندي شي ركابي للمشاريع و لا لا هههههه
داليدا على سلامة راجلك وبنييتك ....صبوورة بالصحة الشوفو و بالصحة التحمحيمة مسبقا ههههه ......
كنتمنى لجميع الأخوات عيد مبارك سعيد .تعيدو و تعاودو ان شاء الله و ما تكتروشي من الشحمممة باش تبقاو ديما انييقات

hanane maachaou
05-11-2011, 12:03
dalida مايكون بس عند بنتك أو رجلك أوصبورة بصحة شوفو أو مبروك عشركم أو عيدكم أو لله يعطيكم مفنيتكم أو نتلقو سمانة جاية أنا عند 10 كونج لحمد لله ديل لعيد

lightislam
05-11-2011, 18:32
واحد السلام عليكم ،،،

ربي يجازيك بخير أختي أمنار على الموضوع وانا معجبه بيك وبمواضيعك كاملة ،،، قريت شوية من المشاركات وقلت والله حتى نشارك حتى انا بتجربتي المتواضعه ،،،

انا دابا وليت محترفة فالتقضية بعد سنين ،،، وفي نفس الوقت وليت مدمنة على الجمعية وكارفور هنا فالامارات ،،، وليت غادة جاية ونبقى ندور،،، اخر شي تعلمت شي حوايج نشريهم غير من الجمعية ارخص وشي حوايج كرفور ،،، وفينما كانوا التخفيضات أنا كاينة ،،،

درت الجدول شحال من شهر وما استمريتش عليه ، عييت ههه
المهم ىخر شي وليت كندير طريقة زوينة انه مثلا فالاسبوع ما تفوتش التقضية مبلغ معين والشهر اربع اسابيع فمزيان تهنيت وليت على الاقل حاطة سقف أعلى للمصروف،،، مثلا هاد الاسبوع شريت اللحم بزاف والتخربيق ديال الدار ووصلت للسقف اللي حاطه ايوة نخلي شي حاجة اخرى للاسبوع اللي بعده كندخلش فالتفاصيل بحال كنقول لراسي ديري ما بغيتي أختي غير ما تفوتيش هاد المبلغ هكدا كيدوز الشهر وانا عارفة شحال صرفت يعني الى مصرة على حاجة كنضحي بحاجة اخرى،،،
مبروك عيدكم الفنات أحبكن في الله كلكم ،،،ونستوني بزاف وكنحس بيكم عائلتي ،،،
راني عندير سابلي ديالك أختي أمنار ربي يحفظك ويبارك فيك

أم الأميرة ١
05-11-2011, 21:41
السلام عليكم ورحمة الله تعالى وبركاته
أخواتي الكريمات عيدكم مبارك سعيد وكل عام وأنتم إلى الله أقرب

حبيباتي من مدة وأنا مع هاد الجمع المبارك حتى وليت تنحس بحال إلى راني وسط أهلي وأخواتاتي ...
لهذا تنشكر العزيزة أمنار على هاد الفكرة المميزة جعل الله هذا العمل في ميزان حسناتها ، وسهل الله عليها أمر حملها ورزقها الدرية الصالحة المتقية .
وماننساش خواتاتي الصبورة أميناس و كل لبنات سامحوني إلى ما ذكرتش سمياتكوم .....
المهم حتى أنا إن شاء الله من بعد العيد غادي نعطيكم تجربتي في الإقتصاد
واللي مخلياني ولله الحمد من قبل و من بعد ماشيين مازيان وكل سنة تانمشيو نحييو الرحم مع الوالدين والأهل ونشوفو لبلاد ...
واخا راجلي ما خدامشي كما ينبغي ...
المهم هاد ساعة نخليكوم على خير.
وقبل ما ننسى كنقول ليك أختي دليدة على سلامة راجلك وبنيتك .
عواشركم مباركة أخواتي العزيزات وكل عام وأنتن بخير وتقبل الله منا ومنكم صالح الاعمال.

dalida_
09-11-2011, 15:50
أخواتي عيد مبارك سعيد وكل عام وأنتم إلى الله أقرب










ربي يخليك ا الغالية ويحفضك ويخلي ليك لي عزيز عليك؛ عيد مبارك سعيد ليك والعايلة

شكرًا ام زياد الله يحفضك و يبارك لك في المشروع ديالك ا حبيبة ....اختي هداك المبلغ اللي قلت غالي علي بزاف حيت أنا يله اشريييت ارض غي البارح و الى سهل الله نبدا نبني فيها دار في القريب العاجل . نقدر ناجل فكرة مشروعك حتى نساااالي لبني انشاء الله وتشوف واش باقين عندي شي ركابي للمشاريع و لا لا هههههه
داليدا على سلامة راجلك وبنييتك ....صبوورة بالصحة الشوفو و بالصحة التحمحيمة مسبقا ههههه ......
كنتمنى لجميع الأخوات عيد مبارك سعيد .تعيدو و تعاودو ان شاء الله و ما تكتروشي من الشحمممة باش تبقاو ديما انييقات

بارك الله فيك ما يوريك باس

dalida مايكون بس عند بنتك أو رجلك أوصبورة بصحة شوفو أو مبروك عشركم أو عيدكم أو لله يعطيكم مفنيتكم أو نتلقو سمانة جاية أنا عند 10 كونج لحمد لله ديل لعيد

بارك الله فيك ما يوريك باس,عواشرك مبروكة ا لحبيبة تعيدي وتعاودي

السلام عليكم ورحمة الله تعالى وبركاته
أخواتي الكريمات عيدكم مبارك سعيد وكل عام وأنتم إلى الله أقرب

حبيباتي من مدة وأنا مع هاد الجمع المبارك حتى وليت تنحس بحال إلى راني وسط أهلي وأخواتاتي ...
لهذا تنشكر العزيزة أمنار على هاد الفكرة المميزة جعل الله هذا العمل في ميزان حسناتها ، وسهل الله عليها أمر حملها ورزقها الدرية الصالحة المتقية .
وماننساش خواتاتي الصبورة أميناس و كل لبنات سامحوني إلى ما ذكرتش سمياتكوم .....
المهم حتى أنا إن شاء الله من بعد العيد غادي نعطيكم تجربتي في الإقتصاد
واللي مخلياني ولله الحمد من قبل و من بعد ماشيين مازيان وكل سنة تانمشيو نحييو الرحم مع الوالدين والأهل ونشوفو لبلاد ...
واخا راجلي ما خدامشي كما ينبغي ...
المهم هاد ساعة نخليكوم على خير.
وقبل ما ننسى كنقول ليك أختي دليدة على سلامة راجلك وبنيتك .
عواشركم مباركة أخواتي العزيزات وكل عام وأنتن بخير وتقبل الله منا ومنكم صالح الاعمال.

سورة88
09-11-2011, 15:52
بسم الله الرحمن الرحيم
السلام عليكم ورحمة الله وبركاته

تحية لكل اخوات وعيد مبارك سعيد نتمنى يدخل عليكم بالصحة وطول لعمر وبالبركة فرزق



الحمدالله شهر 10 دازلي مزيان
هديك 200 اورو لعطاني راجلي كفاتني وشاطلي منها تقريبا صرفت 120 اورو والباقي خليتو لمصاريف اخرى
اوا كيجيتكم هههههه

هاد شهر تقديت لي يخصني :24 لتر ديال لحليب-5لتر زيت-طون-سكر -خضر والفواكه-عطرية-زبدة ديال حلوة-دانون-فرماج-بيض-حوايج حلوى-كاغط ووزينا-الى اخره مهم لكيدوم مدة طويلة تقديت منو لشهر

اوا هدا مكان الله يطرح البركة فارزاقنا




sihamita كيدايرا و كيدايرا الكتكوته ديالي ناتمانا تكووني ف احسان احوال
كيراكي مع المصروف غلقبك اولا غلبتيه هههه

شهرزاد المطبخ
09-11-2011, 16:58
السلام عليكم اخواتي والله كلها في هاد ادنيا أوهامو لكن الله مكينس حد الحم دلله كلها كيعيش برزق ألي مكتب عليه الله المهم هو اصبر كلشي كايفوت للي كلا الغالي ولا ألي كلا الرخيص الحمد لله على نعمة أصحة وراحة البال والله يرزقنا ويرزقكم رزق حلال طيب أعيدكم مبارك سعيد أخاواتي الكريمات

صبوورة
10-11-2011, 12:03
البنات كلكم

عيد مبارك سعيد نتمنى تكونو عيدتو فالخير و الهنا

دليدا الحمد لله على سلامة بنتك و راجلك

فدوى الله يعطيك الصحة و الراحة اختي اخديتو ب 34 اف ريال و مع الكسسوارات و البوطة و البلومبي تقام ب 40
انا ما بقاتش ليا لا ليست ديال التقدية و لكن راني خسرت شي 700 درهم فالمجموع حيت كنقيد المصاريف فالكارني
الحد لله كانو باقيين عندي شي مسائل و زدت غير الضروريات
حتى الحولي تقام عليا رخيص بزاف و راني حطيت واحد المبلغ300 درهم فالظرف ديال العيد الكبير و نبقى نزيد 100 درهم كل شهر ان شاء الله

اوا الله يدير البركة فالرزق و القناعة فالقلب

ميسمة
10-11-2011, 16:43
ما شاء الله عليكم يا بنات .... و منكم نستفيد هههههههه
انا ما تنصرفش راجلي هو اللي مكلف بكل شيء . هو وزارة المالية + وزارة الخارجية وانا وزارة الداخلية .
من بعد ما تابعتكم يضهر لي وقيلا نشد حتى المالية . لعل وعسى نوفر شي بركة .

تلميدة أناقة
11-11-2011, 13:34
شهر 10 كامل او انا تنقيد لي صرفت يوميا باش نعمر الطابلو لكن من الزهر تخوات ليا رضاعة بنتي على لوريقات ايوا هدا ما كتاب

صبوورة
11-11-2011, 14:44
البنات لي ما رديتش عليهم

سمحو ليا راه الكونيكسيون عندي تقيلة
و شحال من مرة حتى كنكتب و يمشي ليا كلشي

المهم كنشكر كل وحدة
راكم ديما فالبال

dalida_
11-11-2011, 15:02
كتبي ف وورد حسن ليك بش ميمشيش ليك

البنات لي ما رديتش عليهم

سمحو ليا راه الكونيكسيون عندي تقيلة
و شحال من مرة حتى كنكتب و يمشي ليا كلشي

المهم كنشكر كل وحدة
راكم ديما فالبال

صبوورة
11-11-2011, 15:11
فعلا هادشي لي وليت كندير واخا ياخد شوية الوقت كوبي كولي

و لكن راه كيعصب

amanarre
11-11-2011, 17:09
السلام عليكم و رحمة الله

الحبيبات الغزالات جمعة مباركة
عواشركم مباركة و عيد مبارك سعيد
ان شاء الله تكونو دوزتوه انتم و كل حبابكم و من عز عليكم بخير و صحة و الهنا
ينعاد عليكم بالافراح و المسرات و تقبل الاضحية و الاعمال الصالحة ان شاء الله


عارفة راسي مقصرة كندخل غير نطل بلا رد
لكن ان شاء الله نعوض للي فات
فايام عيابي كانو عندي اهل زوجي فكان دخولي للنت غير على خفيف
و بعدها هاد العطلة و العيد سافرنا ندوزو معاهم العيد و يلاه جينا داكشي لاش مدخلتش من قبل نعايدكم فالوقت لكن امنياتي و دعواتي ليكم بظهر الغيب الله يديم محبتنا و مجمعنا لوجه الله فالدارين عامر ان شاء الكريم

نمشي نحاولي نراتراپي روتار هههه

dadda
11-11-2011, 18:59
عيد مبارك سعيد لكل الانيقات والله يخليكم ديما بخير ويغلبكم على مصاعب الحياة والله يفتح في وجهكم بيبان الرزق الحلال والصحة والعافية


السلام عليكم و رحمة الله

الحبيبات الغزالات جمعة مباركة
عواشركم مباركة و عيد مبارك سعيد
ان شاء الله تكونو دوزتوه انتم و كل حبابكم و من عز عليكم بخير و صحة و الهنا
ينعاد عليكم بالافراح و المسرات و تقبل الاضحية و الاعمال الصالحة ان شاء الله


عارفة راسي مقصرة كندخل غير نطل بلا رد
لكن ان شاء الله نعوض للي فات
فايام عيابي كانو عندي اهل زوجي فكان دخولي للنت غير على خفيف
و بعدها هاد العطلة و العيد سافرنا ندوزو معاهم العيد و يلاه جينا داكشي لاش مدخلتش من قبل نعايدكم فالوقت لكن امنياتي و دعواتي ليكم بظهر الغيب الله يديم محبتنا و مجمعنا لوجه الله فالدارين عامر ان شاء الكريم

نمشي نحاولي نراتراپي روتار هههه

عيد ميارك سعيد اختي امنار والله يرزق درية سليمة معافاة والله يجعل ما تعمليه من اجلنا في ميزان حسناتك وينصرك على من عاداك ويحفظك واسرتك من كل شر



اخواتي انا عندي مشكيل ديال لعشا انا متبعا دابا رجيم وراجلي خاصو يتعشى ولدي صغير خاصو يتعشى وكلها وماكلتو اشندير راني حايرة والكوزينة تترون بالماعن والميزانية لا تسمح

kokotg
11-11-2011, 19:29
الحبيبة امنار عيد مبارك وكي راكي دايرة مع الحمل ربي يسلكك على خير
لك مني هذه
http://im17.gulfup.com/2011-11-11/1321008485632.jpg (http://www.gulfup.com/show/X2bmuief9e8740)

amanarre
11-11-2011, 19:33
عيد مبارك سعيد لكل الانيقات والله يخليكم ديما بخير ويغلبكم على مصاعب الحياة والله يفتح في وجهكم بيبان الرزق الحلال والصحة والعافية


عيد ميارك سعيد اختي امنار والله يرزق درية سليمة معافاة والله يجعل ما تعمليه من اجلنا في ميزان حسناتك وينصرك على من عاداك ويحفظك واسرتك من كل شر


اخواتي انا عندي مشكيل ديال لعشا انا متبعا دابا رجيم وراجلي خاصو يتعشى ولدي صغير خاصو يتعشى وكلها وماكلتو اشندير راني حايرة والكوزينة تترون بالماعن والميزانية لا تسمح




اللهم امين يا رب لينا اجمعين
لا حرمنا من دعواتك يا طيبة


ادام اسهل ربي يباركام غكولو متسرست افوس نم


الله يجبر بخاطرك و يفرجها عليك دنية و اخرة
بارك الله فيك احبيبة

الزين بالنسبة للعشا كيف سبق و قلتي راجلك كيبغي الاكل من نوعية خاصة ، يعني غير صبري و عملي ليه الشهيوات للي يبغيها الله يديم المحبة و الهنا بينكم،
اما ولدك الله يحفظو ليك و يفرحك بيه خيرة رجال الامة فحاولي تولفي ليه ياكل للي موجود متعلميش ليه يتشرط عليك راه تعذبي معاه ملي يكبر ،
ولفي ليه ياكل كلشي للي كانت موجودة ولو تكون ماكلة شاطت من وجبة سابقة او بايتة ،
ممكن لو شاط ليك من الغذا تسخنيه ليه او تعملي اكل بزايد
مثلا ول شي نهار عملتي ليپات سباڭيتي و كوكييت و غيرها عادة كتكون عزيزة على لوليدات ديري منها للي يكفيك يوماين و سخنيها ليه ياكلها للعشا او دخليها تڭراتينا فالفرن باش تجي اكلة مختلفة
او ديري الشعرية او المحمصة او النجيمات او حروف او الروز اما عادي بالحليب او بالصلصة
و شهيوة بحال الكبسة باللحم او بالدجاج، او ديري و السفة بالروز او بالسعرية سفة او كسكسو
و لو شاط سخنيه فالعشا لليوم الموالي ، كلها اكلات اقتصادية و مغذية و كتشبع و عزيزة على لوليدات كيف الكبار
عملي البيتزا بالموجود ماشي ضروري الوصفات التقليدية ،
و عملي الكراتان بللي شاط من الخضار و الپات و اللحم من اكل سابق ...
عملي كيش او تورت محشي بالموجود و ممكن تقدميه فالعشا عدة مرات مثلا ياكل منو اليوم و غذا عملي ليه طبق مغاير و بعدو ممكن تسخنيه ليه و ياكلو
نفس الشي بالنسبة للشربة و الحساء و الحسوة و الحريرة و العصيدة و هربل
عملي ليه الساندويتشات ببقايا الاكل (لحم دجاج حوت ) و ضيفي عليها سلطة خفيفة او بطاطة مسلوقة او مشوية فالفرن كتعجب لوليدات ،
و ممكن ترفقي العشا بديسير يشجعو ياكل ( طريف كيك او كابكيك او فلون او موس او عصير... كاين فيها عدة وصفات اقتصادية و لذيذة عزيزة على الدراري )
عملي ليه سلطة فواكه ترافق طبق يكون عشاه صحي و يولف الاكل الخفيف باليل باش متلقاي معاه مشاكل ملي يكبر تولي فاتحة مطعم وسط الدار كلا يقولك بغا ياكل حاجة فشكل هههه



الحبيبة امنار عيد مبارك وكي راكي دايرة مع الحمل ربي يسلكك على خير
لك مني هذه
http://im17.gulfup.com/2011-11-11/1321008485632.jpg (http://www.gulfup.com/show/X2bmuief9e8740)




علينا و عليك احبيبة
ينعاد عليك بالافراح و المسرات

لله الحمد يقول فيك الهنا و الخير

الله يخلي ايامك كلها فرح و ورود

amanarre
11-11-2011, 20:33
كنحاول نقرى كل مفات لكن ماشاء الله خصني ايــــــــام

ان شاء الله نحاول نجواب عن كل التساؤلات
وللي فاتتني او مرديتش ليها البال سمحو لي و ذكروني بيها



بالنسبة للاخوات للي قالو ممقتانعينش بانهم ممكن يقللو من استهلاكهم للزيت الرومية (زيت المائدة)

http://anaqamaghribia.com/pic/images/85mnhop9zw8tesz0b.jpg

فطبعا القناعات هي كلشي بحالها بحال النية بيها كيكمل العمل !
لو قنعتي راسك بالحاجة راها كتولي واقع و القناعات كتبقى مرتبطة بالافكار

طبعا ممكن تعملي الشهيوات (طويجنات ، مقالي ، مشاوي ، حلويات ، معجنات ) و يكفيك 1 ليتر زيت رومية فالشهر الى بغيتي و قنعتي راسك بطريقة استهلاك و استخدام معينة ،
و بلا ميكون تفكيرنا غير فالتوفير المالي انما فالتوفير الصحي للي ميتشرى بالمال ،
الى درنا فبالنا ان كل شخص معافى (يعني لله الحمد مكيعاني من اي مرض ) و فسن الشباب ( يعني متعداش 50 نات)
الكمية ديال الزيت للي خص ميتعداهاش فاليوم هي 2 معالق كبيرة و طبعا متكونش طايبة لانها الى طابت كتضر شرايينو لو طول الله العمر ؟!!


لذالك فباش تحافظي على صحتك و صحت حبابك و صحت جيبك
ممكن تعملي ملعقة صغيرة او كبيرة من الزيت فالطاجن حسب حجمو و حسب واش اللحم فيها شحم ،
و باش يكون صحي خلي الزيت اخر شيء لما تطيب الخضرة تسقيها بملعقة صغيرة زيت زيتون من الفوق كتعطي البنة و الذوق و اكيد منفعتها اكبر من لو كانت طايبة
ممكن تعملي الكيك بدون زيت او تعمليه ب 5 معالق زيت ...
ممكن تعملي الملوي و المسمن و الرغيفات ب 10 معالق زيت لو عملتي كمية كبيرة و 5 تكفي للزينة
ممكن بدل متقلي الفريت و الحوت و الخضار و اللحوم تدهنيها ملعقة كبيرة زيت او زبدة و تدخليها تشوى فالفرن




حاجة اخرى كتساعد فاستعمال الزيت بطريقة صحية اكثر و بسعات و احجام مناسبة هي الرشاشة

http://anaqamaghribia.com/pic/images/d9ckiq100ldqvesekad0.jpg

http://anaqamaghribia.com/pic/images/pbilged44icvn4x1fpmw.jpg


بحال للي فالصور(ممكن تشريها ديال الزاج او البلاستيك و تعمريها بنفسك كل مرة)
كتعمريها بالزيت اي نوع زيت بغيتي


http://anaqamaghribia.com/pic/images/6yrcfa0pfoup2yflc8mk.jpg





و تبقاي ترشي بيها بدل متكبي الزيت ،

http://anaqamaghribia.com/pic/images/pt5r18f0temsi7u6rr.jpg


http://anaqamaghribia.com/pic/images/5yy1la1hbmrv7wb9hfdf.jpg

هكا كتعملي غير القياس بلا متكثري و كتكون عملية اكثر فالاستعمال
ترشي بيها السلطات و الطاجين و المرقة و المسمن و المقلة و الطاوة و مول الكيك...
كتوزع الزيت بشكل متساوي اكثر بلا ضياع
و ممكن تعملي فيها اي نوع زيت او سائل كتستعمليه فالمطبخ (خل ، ماء زهر ، ماء ورد، سيرو ...)



http://anaqamaghribia.com/pic/images/wl766m22bdlx7b08lfvp.jpg


للعلم ملعقة كبيرة زيت تساويcl 1،5 سل
ملعقة صغيرة زيت تساوي 0،5 cl سل
1 ليتر كتكون فيها cl 100 سل اي ما يقارب 67 ملعقة كبيرة او 201 ملعقة صغيرة
بعملية حسابية بسيطة و بحسابات صحية ابسط غتعرفو واش تقدرو تتعلمو تستهلكو 1 ليتر زيت رومية (زيت المائدة)فالشهر او لا


الشهيوات كثيرة و الوصفات اكثر كيبقى الاختيار هو المهم ، يعني ماشي بالضروري الى تعلمنا نقصو منا ستهلاكنا للزيت غنحرمو راسنا من الشهيوات !!!
انما نعملو شهيوات لذيدة و نافعة قلبا و قالبا

و طبعا راه مكتستعملوش غير الزيت الرومية فالمطبخ و الشهيوات كاين زيت الزيتون و زيت ارڭان و زيوت متنوعة و اضف ليها الدهنيا بحال الزبدة و المرڭرين و غيرها ؟!

يعني كلشي ممكن بقات فاختيارات كل شخص واش بغا او مبغاش
لله الحمد عطانا الخير فين نختارو خصنا غير نبحثو و نغيرو الطباع بشوية الصبر ،




بالنسبة للاخت للي سولاتني على المكواة

http://anaqamaghribia.com/pic/images/95m4y5l05t8h86turi.jpg

و السيشوار

http://anaqamaghribia.com/pic/images/9pod1nrh4hxqou5e21vi.jpg


فالى بغيتي تختاري ديري فبالك
ان اقلهم ضرر هو المكواة لسبب بسيط هو انها مكتوصلش لجلدة الراس و عروق الشعر ،
عكس السيشوار للي كيحرق الجلدة ديال الراس و بالتالي الشعرة من العرق
طبعا فلك الحالات حاولي متستخدميش الالات بشكل يومي ، مرة فالاسبوع تكفي ، باش تحافظي على صحة شعرك اكثر

شخصيا عندي المكواة

http://img195.imageshack.us/img195/6500/88269629.jpg

و السشوار بالماشط

http://img708.imageshack.us/img708/5792/27378458.jpg

للي كنستعمل اكثر هو المكواة
اما السشوار غير لو بغيت نشف شعري لو كنت مزروبة او خارجة بعد الدوش كنخاف يضربني البرد واخا تحت الزيف
اما لو بقيت فالدار كنخليه ينشف طبيعي لخاطرو
و بعدها نصففو بالمكواة لكن كيف قلت مرة فالاسبوع ماشي يوميا







بالنسبة للمهراز ديال النحاس

http://anaqamaghribia.com/pic/images/y9y5wdgf5u6rz97qh52.jpg

هذاك هو ثمنو لو كان نحاس حقيقي ماشي مغشوش (ممكن تاواي عليه فمدن فيها الصناعة التقليدة مراكش فاس ... لكن مغينقصوش بزاف )
المهم تختاريه يكون ثقيل كلو سواء ا كرش المهزار او يدو تكون ثقيييلة و من ثقلو و رنة صوتو غتعرفيه واش نحاس او مزور
راه النحاس غلا و زاد فالثمن حيت الذهب قل و ولاو كيكثرو النحاس فمجوهرات الذهب ، قريب نوليو نشريو النحاس بالغرام ههههه

المهراز ديال العود

http://anaqamaghribia.com/pic/images/cq5k1cxgv7rwsnc6a5s6.jpg

حتى هو زوين لكن الى خذيه عود خشب كاجو باش ميتشق او يطرطق او يتهرس ليك
حيت إلى خذيتي الخشب للي مكيصبرش للسخونة و البرد بحال عود الشوك(اللوز) راه يطرطق ليك لما يسخن الحال او يبرد بزاف
(و نفس شي على فكرة بالنسبة لكل حاجة من الخشب الناس للي فمناطق داخلية فين كتكون الحرارة و البرد كثير يردو البال لنوع الخشب للي كيختارو)

ممكن تاخذي مهراز حجر ،

http://anaqamaghribia.com/pic/images/flyaxftr51akil7oy4vr.jpg

او رحى

http://anaqamaghribia.com/pic/images/d64z93rq8tb4dvjpqcae.jpg

لكن نفس الشيء تقريبا كيطلعو بنفس ثمن مهراز النحاس،
او كيف عملتي حجيرات ترحي بيها و تهناي من التقلاب و الشراء






بالنسبة لطحانة الكفتة

http://anaqamaghribia.com/pic/images/cg5xbmnelv6yhmm2bd.jpg

الى مكنتيش غتستعمليها بشكل كبير يعني لقلية 4 مرات فالاسبوع فمكاين لاش تخسري عليه فلوسك 500 إلى1500 ... درهم حسب القوة و الماركة
احسن تبقاي تشري اللحم للي بغيتي ( لحوم حمراء او بيضاء ) و توقفي تطحنيها عند الڭزار و تديها لدارك تعملي فيها للي بغيتي من عطرية
شخصيا عندي الطحانة ديال الكفتة فالعجان لكن قليل فين كنستعملها ملي كناخذ اللحم كنطحن قياس الكفتة للي بغيت عند نفس الڭزار و نجيبها ننسمها و نقسمها على شهوتي

dadda
11-11-2011, 21:34
اللهم امين يا رب لينا اجمعين
لا حرمنا من دعواتك يا طيبة


ادام اسهل ربي يباركام غكولو متسرست افوس نم


الله يجبر بخاطرك و يفرجها عليك دنية و اخرة
بارك الله فيك احبيبة

الزين بالنسبة للعشا كيف سبق و قلتي راجلك كيبغي الاكل من نوعية خاصة ، يعني غير صبري و عملي ليه الشهيوات للي يبغيها الله يديم المحبة و الهنا بينكم،
اما ولدك الله يحفظو ليك و يفرحك بيه خيرة رجال الامة فحاولي تولفي ليه ياكل للي موجود متعلميش ليه يتشرط عليك راه تعذبي معاه ملي يكبر ،
ولفي ليه ياكل كلشي للي كانت موجودة ولو تكون ماكلة شاطت من وجبة سابقة او بايتة ،
ممكن لو شاط ليك من الغذا تسخنيه ليه او تعملي اكل بزايد
مثلا ول شي نهار عملتي ليپات سباڭيتي و كوكييت و غيرها عادة كتكون عزيزة على لوليدات ديري منها للي يكفيك يوماين و سخنيها ليه ياكلها للعشا او دخليها تڭراتينا فالفرن باش تجي اكلة مختلفة
او ديري الشعرية او المحمصة او النجيمات او حروف او الروز اما عادي بالحليب او بالصلصة
و شهيوة بحال الكبسة باللحم او بالدجاج، او ديري و السفة بالروز او بالسعرية سفة او كسكسو
و لو شاط سخنيه فالعشا لليوم الموالي ، كلها اكلات اقتصادية و مغذية و كتشبع و عزيزة على لوليدات كيف الكبار
عملي البيتزا بالموجود ماشي ضروري الوصفات التقليدية ،
و عملي الكراتان بللي شاط من الخضار و الپات و اللحم من اكل سابق ...
عملي كيش او تورت محشي بالموجود و ممكن تقدميه فالعشا عدة مرات مثلا ياكل منو اليوم و غذا عملي ليه طبق مغاير و بعدو ممكن تسخنيه ليه و ياكلو
نفس الشي بالنسبة للشربة و الحساء و الحسوة و الحريرة و العصيدة و هربل
عملي ليه الساندويتشات ببقايا الاكل (لحم دجاج حوت ) و ضيفي عليها سلطة خفيفة او بطاطة مسلوقة او مشوية فالفرن كتعجب لوليدات ،
و ممكن ترفقي العشا بديسير يشجعو ياكل ( طريف كيك او كابكيك او فلون او موس او عصير... كاين فيها عدة وصفات اقتصادية و لذيذة عزيزة على الدراري )
عملي ليه سلطة فواكه ترافق طبق يكون عشاه صحي و يولف الاكل الخفيف باليل باش متلقاي معاه مشاكل ملي يكبر تولي فاتحة مطعم وسط الدار كلا يقولك بغا ياكل حاجة فشكل هههه







علينا و عليك احبيبة
ينعاد عليك بالافراح و المسرات

لله الحمد يقول فيك الهنا و الخير

الله يخلي ايامك كلها فرح و ورود


شكرا أختي الغالية نصائح رائعةعندي اقتراح لمادا لم تفكري في إنشاء مجلة نسائية تهتم بالطبخ بالتوفير بآلآكل الصحي بالنصائح المنزلية بالديكور صراحة و من القلب دون مجاملة يحزفي نفسي أن تكون إمرأة مغربية في مثل عطائك ما شاء الله و لا قوة الا بالله و لا يستفيد منها الوطن بينما نجد نساء لا تجربة لهن يؤسن المجلات الهدامة و التي تنشر الفسق و التبرج و الاكل القاتل المدمر هناك امكانية انشاء مجلة الكترونية معززة بالصور وفيديوهات صوتية لشرح الوصفات و أرجو ان تفكري في الأمر مستقبلا بعد تكون ظروفك تسمح و اسفة إن تجرأت عليك ولكني والله أحبك وأحس أنك تستحقين أن تكون إعلامية فبلدنا يحتاج للمتميزات فقلمايجود الزمان بهن

asma bent asfi
11-11-2011, 22:13
السلام عليكم ,,,موضوع في القمة الله ينوركم

عندي واحد النصيحة بالنسبة الخبز ,,انا كنعجن خبز ديال سيمانة يعني عشرة و لا تمانية نطيبهم و نخليهم يبردو ونديرهم ف بلاستيكات بيضين و نخشي ف فريكو مللي كنجبدهم نخليهم يطلقو شوية و لا نسخنهم كيجيو بحال ايلا يالله طيبتيهم و مكنبقاش نتعدب مع عجينة كل نهار و الخبز ديما عندي ف فريكو ,,كنقتصد على الوقت و الجهد و حتى نقص من خبز الزنقة ,..و حتى المخمار و المسمن,,هادشي علماتو ليا الواليدة الله يحفظها ليا ...و مرة مرة كندير طاجين ديال الخضرة كيجي رووووووووووووووووووووووووووووعة كندير فيه خيزو و بطاطا و الدنجال و الكرعة خضرة و الفلفة حلوة و حارة البصلة و مطيشة و وزيت العود ,,والله كيجي حسن من اللي فيه الدجاج ولا اللحم ,,مع الخضرة كطلق ديك البنة ديالها منعاودش ليكم ,,,مللي كنتوحشو كنديرو و عصير و شلاظة و ها غدا مخير
جلوف مطيشة كنجمعهم و نديرهم مع الحريرة كتجي الحريرةحمرااااااااااااااا هههه

ايو نتفكر شي لعيبات و نقولهم ليكم

في امان الله

صبوورة
12-11-2011, 20:26
سلام يا الحبيبات



كيف الاحوال؟؟؟


نتمنى تكونو عيدنو بخير

امنار كيف عاملة مع شي خفة الله يخفف دنوبنا و يخفف علينا هموم الدنيا

فعلا نصائح كلها فمحلها و كلشي ممكن نقتاصدو فيه بالعزيمة و الارادة

انا بصراحة الزمان لي علمني شحال من حاجة

و ملي ربي مسك عليا ووسع عليا فالرزق ما نسيتش ان الانسان خاصو يتعلم من التجارب و واخا طلقت يدي في شحال من حاجة كنبقا نفراني و نفكر بناتي بحسن التدبير

بهاد التدبير و لله الحمد ربي وفقني في شحال من حاجة
وواخا الدخل ديالي كان محدوود ربي سبحانه و تعالى دار فيه البركة و تمكنت بفضل من الله باش نشري داري واخا صغيرة و لكن على قدي و كافيانا

و لهادا كنقول لجميع البنات ان الخطوة الاولى هي لي كتكون صعيبة

ولكن ملي تبداي كلشي كيجي ساهل

اوا غير توكلو على الله

dadda
12-11-2011, 21:32
السلام يا بنات كاين شي اقتصاد انا شريت بكية ديال الند الباكستاني غير ب 5 دراهم فيهل شي عشرين عود ديال ريحة الفواكه وحطيتهم فطواليط اعزكم الله و هاكا نتهنى من سانكروا ديما غير وشريت علبة ديال بخور سلوى ب20 درهم الا ساليت من استعمال الفحم تنهز واحد شوية ديال الجمر وندير فمبخرة ونبخر بيه البيت ولكن من الاحسن الا كنتي غدي تخرجي تدريه ف دوش ولا طواليط باش ميوقعش ليك لا سمح الله اشتعال النيران هاكا فاش تندخل للدار تنشم ريحة زوينة واقتصادي ومتيخليش رائحة الغنمي تدور هههههه
و بالنسبة لبنات لي ساكنين فالنواحي ديال اكادير راه فالسوق الاسبوعي ديال انزكان كاين واحد مول الطابلة داير ديما 5 دراهم لكل حاجة عندو بابيي جنيك 4 ب 5 دراهم و 5 صابونات ماركة مغربية ب 5 دراهم تقديت عندو لي لانجيت باش تنمسح لوالدي حشاكم ب 5 دراهم وبريكي ديال البوطة و سربيتات تاع الكوزينة و بابيي سرفييت ومعطر الجو ةاشياء كتيرة
بالنسبة للاخوات لي من هاد المنطقة راه كايكون تخفيظ نهار الجمعة فصباح قبل العشرة فسوق انزكان مشي القيسارية لا السوق لي ليه السور تيكونو لحوايج رخاص ونهار التلاتاء تيكون اسعار مناسبة خصوصا قرب الطاكسيات والخضر تتكون لرخيصة وحتى لي بغات تفرش دارها اسعار فالمتناول وفسوق الاربعاء انزا رخيس كلشي وفسوق سيدي يوسف النمودجي قرب سوق الاحد راه كاين ميتشرى فالبال وفماعن داكشي زوين ورخيص وعلى برا سيدي يوسف ناشرين بزاف ديال الاشياء بحال الاواني ديال الخريج والملابس والبال كلشي رخيص والا كان عندك طموبيل ممكن تمشي لاولاد تايمة نهار الخميس كلشي موجود الخضر جديدة واللحم جديد وزوين والدوارة تتقام ارخص واللحم صحي مشي بحال المدن واولاد داحو اضن نهار لحد فيها سوق حتى هو رخا لله
هادشي لي كنعرف دابا والا كاين شي جديد انا غدي نقولها لكم

استغفار الاسحار
14-11-2011, 10:51
بارك الله فيكم الاخوات استافدنا منكن
حبيبتي امنار على سلامتك توحشناك بزاااااف عودة ميمونة


السلام يا بنات كاين شي اقتصاد انا شريت بكية ديال الند الباكستاني غير ب 5 دراهم فيهل شي عشرين عود ديال ريحة الفواكه وحطيتهم فطواليط اعزكم الله و هاكا نتهنى من سانكروا ديما غير وشريت علبة ديال بخور سلوى ب20 درهم الا ساليت من استعمال الفحم تنهز واحد شوية ديال الجمر وندير فمبخرة ونبخر بيه البيت ولكن من الاحسن الا كنتي غدي تخرجي تدريه ف دوش ولا طواليط باش ميوقعش ليك لا سمح الله اشتعال النيران هاكا فاش تندخل للدار تنشم ريحة زوينة واقتصادي ومتيخليش رائحة الغنمي تدور هههههه
و بالنسبة لبنات لي ساكنين فالنواحي ديال اكادير راه فالسوق الاسبوعي ديال انزكان كاين واحد مول الطابلة داير ديما 5 دراهم لكل حاجة عندو بابيي جنيك 4 ب 5 دراهم و 5 صابونات ماركة مغربية ب 5 دراهم تقديت عندو لي لانجيت باش تنمسح لوالدي حشاكم ب 5 دراهم وبريكي ديال البوطة و سربيتات تاع الكوزينة و بابيي سرفييت ومعطر الجو ةاشياء كتيرة
بالنسبة للاخوات لي من هاد المنطقة راه كايكون تخفيظ نهار الجمعة فصباح قبل العشرة فسوق انزكان مشي القيسارية لا السوق لي ليه السور تيكونو لحوايج رخاص ونهار التلاتاء تيكون اسعار مناسبة خصوصا قرب الطاكسيات والخضر تتكون لرخيصة وحتى لي بغات تفرش دارها اسعار فالمتناول وفسوق الاربعاء انزا رخيس كلشي وفسوق سيدي يوسف النمودجي قرب سوق الاحد راه كاين ميتشرى فالبال وفماعن داكشي زوين ورخيص وعلى برا سيدي يوسف ناشرين بزاف ديال الاشياء بحال الاواني ديال الخريج والملابس والبال كلشي رخيص والا كان عندك طموبيل ممكن تمشي لاولاد تايمة نهار الخميس كلشي موجود الخضر جديدة واللحم جديد وزوين والدوارة تتقام ارخص واللحم صحي مشي بحال المدن واولاد داحو اضن نهار لحد فيها سوق حتى هو رخا لله
هادشي لي كنعرف دابا والا كاين شي جديد انا غدي نقولها لكم
شكرا اختي على المعلومات انا ايضا من اكادير قولي ليا في سيدي يوسف كيبيعو الاواني وملابس الاطفال


السلام عليكم ,,,موضوع في القمة الله ينوركم

عندي واحد النصيحة بالنسبة الخبز ,,انا كنعجن خبز ديال سيمانة يعني عشرة و لا تمانية نطيبهم و نخليهم يبردو ونديرهم ف بلاستيكات بيضين و نخشي ف فريكو مللي كنجبدهم نخليهم يطلقو شوية و لا نسخنهم كيجيو بحال ايلا يالله طيبتيهم و مكنبقاش نتعدب مع عجينة كل نهار و الخبز ديما عندي ف فريكو ,,كنقتصد على الوقت و الجهد و حتى نقص من خبز الزنقة ,..و حتى المخمار و المسمن,,هادشي علماتو ليا الواليدة الله يحفظها ليا ...و مرة مرة كندير طاجين ديال الخضرة كيجي رووووووووووووووووووووووووووووعة كندير فيه خيزو و بطاطا و الدنجال و الكرعة خضرة و الفلفة حلوة و حارة البصلة و مطيشة و وزيت العود ,,والله كيجي حسن من اللي فيه الدجاج ولا اللحم ,,مع الخضرة كطلق ديك البنة ديالها منعاودش ليكم ,,,مللي كنتوحشو كنديرو و عصير و شلاظة و ها غدا مخير
جلوف مطيشة كنجمعهم و نديرهم مع الحريرة كتجي الحريرةحمرااااااااااااااا هههه

ايو نتفكر شي لعيبات و نقولهم ليكم

في امان الله
متافة معاك نفس طريقتي كنعجن خبز وملاوي اسبوع وكنتهنى الله يدديم علينا النعم

تلميدة أناقة
14-11-2011, 10:54
عندي طلب الى جات على خاطركم بغيتكم تقترحو عليا اشنو نهدي لزوجي في عيد ميلادو من غير الريحة او قاميجة او ساعة ختكم زركة في هد القضية اوا باش الا كتاب او جا نفاجؤو
شكرا

صبوورة
14-11-2011, 15:29
عندي طلب الى جات على خاطركم بغيتكم تقترحو عليا اشنو نهدي لزوجي في عيد ميلادو من غير الريحة او قاميجة او ساعة ختكم زركة في هد القضية اوا باش الا كتاب او جا نفاجؤو
شكرا



هههه بصراحة انا ما بيني و بين الرومانسية غير الخير و الاحسان

و لكن غير الا و حلتي شري مشموم د الورد و هني راسك

شهرزاد المطبخ
14-11-2011, 16:09
عندي طلب الى جات على خاطركم بغيتكم تقترحو عليا اشنو نهدي لزوجي في عيد ميلادو من غير الريحة او قاميجة او ساعة ختكم زركة في هد القضية اوا باش الا كتاب او جا نفاجؤو
شكرا هههه أنا عندي مع أرومنسية أختي أحسن حاجة هي تلقي لرجلك بوجه حسن يعني متقسريش على راسك بشي حاجة لبسي ديري لمكياج تريحي أقادي دارك وجدي شي عشوة غزالة أشي شمعات أشي وردات أشي كلمات زونين هدى أحسن كاد و

dadda
14-11-2011, 17:24
بارك الله فيكم الاخوات استافدنا منكن
حبيبتي امنار على سلامتك توحشناك بزاااااف عودة ميمونة


شكرا اختي على المعلومات انا ايضا من اكادير قولي ليا في سيدي يوسف كيبيعو الاواني وملابس الاطفال


متافة معاك نفس طريقتي كنعجن خبز وملاوي اسبوع وكنتهنى الله يدديم علينا النعم
السلام الحبيبة الا كنتي تتقصدي ملابس الاطفال البال نقوليك فين تقدايهم شفتي سوق الاحد كاينة واحد البلاصة جنوب السوق على اليمين كاينين النجارة وعلى اليسار كاينين الخضارة وامامهم القهاوي فاش كايديرو البنات المسمن وحداهم كاين واحد تيبيع كلشي ب 35 درهم وراهم العطارة ليي تيبيعو للاجانب مشي العطارة الفوقنيين لي حدا الجزارة لا هدو دوك لي فتحت السوق اوا اختي تم كاين صف ديال مالين البال تيبيعو داكشي تاع الاطفال رخيص وكاين وحد فالشوكة راه تيشوف فالنجارة ومالين الموبيليا نهار تلات تيحل البالة عندو داكشي واعر ورخيص ميفوتش 20 درهم
وحتى سوق سيدي يوسف النمودجي فيه البال تاع الاطفال والاسعار ما بين 10 دراهم ل 20درهم والا بغيتي سبيبطات راه تلقايهم منشورين على براعند هادوك لي تيجيبو السلعة ديال الخريج خصوصا نهار السبت والاحد فالعشية مورا التلاتة ديال العشية


عندي طلب الى جات على خاطركم بغيتكم تقترحو عليا اشنو نهدي لزوجي في عيد ميلادو من غير الريحة او قاميجة او ساعة ختكم زركة في هد القضية اوا باش الا كتاب او جا نفاجؤو
شكرا
السلام اختي انا هديت لراجلي فعيد الفطر لي فات كندورة واعرة بيستاش بالسفية دايرة وبالزواقة ديال الدبانة وغير ب 150 درهم قاليا فالاول 250 درهم وتشطرت معاه وشريت ليه سجادة ديال الطموبيل هدوك لي تيطواو تيتباعو عند لي تيبيعو عطور الشرق وشريت ليه عطر العود ب 15 درهم
قاليا خاصني غير الاحرام راني وليت غدي للحج هههههههه ولكن فالاخير عجبوه ديما تيشكر فالكندورة جاتو زوينة خصوصا كمامها فوق المرفقين يعني تتصلح للمسجد مشي غير للدار

moroccano
14-11-2011, 17:25
السلام عليكم هادي يومين و أنا تنقرأ ف هاد الموضوع و تحمست بزاااف و الله العظيم عطيتوني واحد شحنة من الطاقة الايجابية و ولا كلشي تايبان ليا ممكن !! أي حاجة دار فيها الإنسان راسو راه لابد مايوصل ليلها!! تنشكر جميع الأخوات اللي عطونا من وقتهم و مجهودهم و مابخلوش علينا بتجاربهم و تقاسموا معانا تجاربهم اليومية وفدنا بأدق التفاصيل و على رأسهم الأخت أمنار الله يسهل عيها و يفكها على خير

الله يخليكم لما جاوبوني أنا بديت نجمع من هاد شهر و عندي ليكم سؤال : واش 1500 درهم كفاني غي أنا و راجلي مافيها لا كرا لا ما لا ضو لا تليفون ?! لانني تانجميع الباقي كله باش نكيملو تمن الدار .

ملكةجمال المغرب
15-11-2011, 09:47
الله يعطيكم الصحة انا راه اكبر موبدرة وخاصني نتعلم منكم بزاف لحوايج حتى نرجع او نحكيلكم همي



لوحة المفاتيح بالعربية لمن لا تتوفر عليها بجهازها (http://www.anaqamaghribia.com/arabic/)




ana ma3ndich arabiya f pci nta3i wila jit naktab man google radi ng3ad 3am lmohim radi nahkilikom dak chi lawa9a3liya m3a tabdir

mohim rajli khdam 3la bara ya3ni falkharij okaysefatli kola mois 6000 dh hta 8000 dh o3aycha ri ana

wmama safi karya b 1500 dh kant9ada manchhar lachhar rivitayma kanjib 4 litr zit 4 kilo sokar 4

9wabas zabda hok matecha kbir 2 9wabas man lhaga nta3 les pates litr zit ziton obla linsito

sabon la3tor 9absa atay kbira konfiture formaj 120 bida lkhobz matan3ajnoch kanchriw

kola yom 5 lkhobzat o3ndi masrif tonobil ama morjan fakanb9a radya jayalo kola 5 ayam kantchhaw fih ana

omama okoma tanmchi lih kanhat 3ala9al 300 dh min manchri walo lham odjaj makanchrich nta3

chhar ya3ni kol yom radya lgazar fo9ach ma kaysali min kantchaha lbarrir olamsaman omsaman

chahma kanchri man zan9a ohta lmilfay kanchrih man bara hit gana3gaz nsawbo lkachir olfromaj olkitchop makaykhtawnich man

talaja lkaswa tant9adaha iman lkhorda ga3 mamhalya frasi hit makaychitlich bach nataksa man

jdid kanhtam ibcha3ri owajhi kandaya3 3lih bzaf les pomade kankhalas lma odow okancharger

lportable dyali kola yom bach nahdar m3a rajli lmohim makanchayat hta doro wchi man marat

tanakol 2000 dh fsimana omin nahbat lamdina kanachri idbiz onhat fihom 200 dh onji jaya ladar

omin nab9a nchof nalga rasi machrit walo omin nsali laflos nab9a nrawat 3la rajli ongolo dik zoj

frank likatsefat raha

ga3 makat9adni zidni ohowa tab3ato masarif tamak dyalo ohta mama min ngolha rani tandaya3

bzaf khasni najma3 makatnsahnich hit hta hiya kanat yadha matlo9a oba9ya wakha ykon 3andha ri

dh 100 katsrafha kamla otb9a katsalaf wana daba f3amri 23 sana oma3arfa zman ach ydirli

oma3ndnach dar ya3ni rir karyin obritkom tnashoni liwajh ilah rah lkholsa nta3 ostad kanchadha

ana wkandaya3ha rir hak ohak ohta mansalaf libra chihaga tayji 3andi omatayradolich ohta rajli

rah chayab m3aya

fds

تلميدة أناقة
15-11-2011, 09:57
لبنات تنشكركم على الاقتراحات ديال هدية زوجي الله يرضي عليكم

hanane maachaou
15-11-2011, 10:32
الله يعطيكم الصحة انا راه اكبر موبدرة وخاصني نتعلم منكم بزاف لحوايج حتى نرجع او نحكيلكم همي



لوحة المفاتيح بالعربية لمن لا تتوفر عليها بجهازها (http://www.anaqamaghribia.com/arabic/)





ana ma3ndich arabiya f pci nta3i wila jit naktab man google radi ng3ad 3am lmohim radi nahkilikom dak chi lawa9a3liya m3a tabdir

mohim rajli khdam 3la bara ya3ni falkharij okaysefatli kola mois 6000 dh hta 8000 dh o3aycha ri ana

wmama safi karya b 1500 dh kant9ada manchhar lachhar rivitayma kanjib 4 litr zit 4 kilo sokar 4

9wabas zabda hok matecha kbir 2 9wabas man lhaga nta3 les pates litr zit ziton obla linsito

sabon la3tor 9absa atay kbira konfiture formaj 120 bida lkhobz matan3ajnoch kanchriw

kola yom 5 lkhobzat o3ndi masrif tonobil ama morjan fakanb9a radya jayalo kola 5 ayam kantchhaw fih ana

omama okoma tanmchi lih kanhat 3ala9al 300 dh min manchri walo lham odjaj makanchrich nta3

chhar ya3ni kol yom radya lgazar fo9ach ma kaysali min kantchaha lbarrir olamsaman omsaman

chahma kanchri man zan9a ohta lmilfay kanchrih man bara hit gana3gaz nsawbo lkachir olfromaj olkitchop makaykhtawnich man

talaja lkaswa tant9adaha iman lkhorda ga3 mamhalya frasi hit makaychitlich bach nataksa man

jdid kanhtam ibcha3ri owajhi kandaya3 3lih bzaf les pomade kankhalas lma odow okancharger

lportable dyali kola yom bach nahdar m3a rajli lmohim makanchayat hta doro wchi man marat

tanakol 2000 dh fsimana omin nahbat lamdina kanachri idbiz onhat fihom 200 dh onji jaya ladar

omin nab9a nchof nalga rasi machrit walo omin nsali laflos nab9a nrawat 3la rajli ongolo dik zoj

frank likatsefat raha

ga3 makat9adni zidni ohowa tab3ato masarif tamak dyalo ohta mama min ngolha rani tandaya3

bzaf khasni najma3 makatnsahnich hit hta hiya kanat yadha matlo9a oba9ya wakha ykon 3andha ri

dh 100 katsrafha kamla otb9a katsalaf wana daba f3amri 23 sana oma3arfa zman ach ydirli

oma3ndnach dar ya3ni rir karyin obritkom tnashoni liwajh ilah rah lkholsa nta3 ostad kanchadha

ana wkandaya3ha rir hak ohak ohta mansalaf libra chihaga tayji 3andi omatayradolich ohta rajli

rah chayab m3aya

fds
حدة بعد وحد لكلافير زين نت كتكتبي بلفرنسي أو هو كيترجم لك العربي

www.yamli.com أختي هاد شي لكدري فيه راح ممزينش أو $رمتعرفش بقيمته درهم حتى تخصك نت جولتي كيسيفط لك 7000 درهم هيدي منها 1500 كرى أو إلى كترت عندك 2000 مصاريف فيها 1000 درهم مصروف أو بورتابل أو كلش أو لقليل خصك تخبي وحد 3500 درهم لزمان بعد إلى عيا رجلك أو دخل لبلد يلقى علاش يرجع أو يحس بيك حتى نت مرة ديل زمان أو علوش لا راح من لقليل كيولي لكتير دفع في appartement أولى ديري شي مشروع أو حتى نت إلى كنت بركة في دار أو surtout رجلك مكينش علاش متخدميش على ميجي راها مشي عيب مشي حرام راح ناس كيخبو ب-10 دراهم أو كيدرو بها شي حاجة لزمان متقلقش من اى أختي راه بغيت غير مصلحتك أو كلنا تبادلنا أو لفضل لكبر كيرجع لهد لمنتدى

صبوورة
15-11-2011, 12:01
صباح الخير يا انيقات


امالكم هربتو على هاد الموضوع؟؟؟


واخا الاخت امنار ماكيناش راه داركم هادي

الاخت امنار راها مشغولة بالضياف و الحبالة الله يكمل عليها بخير و سلامة

و هي راه خلات ليكم هاد التجمع باش تحطو افكاركم وتجاربكم

و كل واحدة باش تنصح الاخرى

و نتمناو ملي ترجع تلقاكم فدتو و ستافدتو جميع

اوا الله يوفق الجميع

صبوورة
15-11-2011, 12:21
حدة بعد وحد لكلافير زين نت كتكتبي بلفرنسي أو هو كيترجم لك العربي

www.yamli.com أختي هاد شي لكدري فيه راح ممزينش أو $رمتعرفش بقيمته درهم حتى تخصك نت جولتي كيسيفط لك 7000 درهم هيدي منها 1500 كرى أو إلى كترت عندك 2000 مصاريف فيها 1000 درهم مصروف أو بورتابل أو كلش أو لقليل خصك تخبي وحد 3500 درهم لزمان بعد إلى عيا رجلك أو دخل لبلد يلقى علاش يرجع أو يحس بيك حتى نت مرة ديل زمان أو علوش لا راح من لقليل كيولي لكتير دفع في appartement أولى ديري شي مشروع أو حتى نت إلى كنت بركة في دار أو surtout رجلك مكينش علاش متخدميش على ميجي راها مشي عيب مشي حرام راح ناس كيخبو ب-10 دراهم أو كيدرو بها شي حاجة لزمان متقلقش من اى أختي راه بغيت غير مصلحتك أو كلنا تبادلنا أو لفضل لكبر كيرجع لهد لمنتدى

[SIZE=5]
/SIZE]

ايه اختي عندك الحق

7000 درهم راه سالير يكفي عائلة كبيرة و توفري منو مازال

اوا خاصك تكايسي عليها و تجمعي لدواير الزمان

غير تابعي معانا و بحتي فالمواضيع المتنوعة فهاد المنتدى الرائع غتولي خبيرة في التدبيز المنزلي بحول الله

ملكةجمال المغرب
15-11-2011, 15:02
merci lahla ykhatekom 3liya radi nabda na9tasad chwaya wnabda m3akom nkhabi hta ana lazman wnogolikom ga3 dakchi liradi nachri blahsab


لوحة المفاتيح بالعربية لمن لا تتوفر عليها بجهازها (http://www.anaqamaghribia.com/arabic/)


brit nsawalkom 3la lmsaman omsaman chahma olpitza wmakolat okhrin wach momkin nsawabhom ondirhom fkonjilator ochhal ysabroli



لوحة المفاتيح بالعربية لمن لا تتوفر عليها بجهازها (http://www.anaqamaghribia.com/arabic/)

استغفار الاسحار
15-11-2011, 15:31
brit nsawalkom 3la lmsaman omsaman chahma olpitza wmakolat okhrin wach momkin nsawabhom ondirhom fkonjilator ochhal ysabroli
طبعا اختي كيصبرو وهادي طريقتي كنوجد ديال اسبوع ونحط الفريزو ومني نحتاجهم نسخن المقلاة ونحط كلوحدة تسخن بحال الى عاد مصاوب كيجي وااعر وحتى البطبوط كنعمل ليه نفس الطريقة كيجي هائل

فدوىى
15-11-2011, 17:12
أختي أمنار أحبك في الله ...حبوبة و نصائحك و ديال البنات كاملين تيزيدو بينا القدام...الله يفكك على خير...مع ودي

ملكةجمال المغرب
15-11-2011, 19:06
Thanks to مركز اناقة للصور for <a href="http://www.anaqamaghribia.com/pic/">Free image hosting</a>http://www.anaqamaghribia.com/pic/images/7jecownq8sv7bsswha4p.jpghttp://www.anaqamaghribia.com/pic/images/a6imvsea47n1d1d16s2.jpgهانا فتاتحت معاكم الصنديقة انشاء الله غادي نبقى نحوش فيها وخا غير درهم نرميه فيها وانا اليومة صيفط لية راجلي وخلصت لكرا ولي شات لحتو فيها والفضل يرجع ليكم

6789267893

استغفار الاسحار
15-11-2011, 19:31
فييييينكم يا بنات زيدونا افكاااااار بغيت نبدا باواني المطبخ حنا معروفين بقوة القشوع بدون معنى شنو نصائحكم باش يكونو عندنا اواني قلال وعمليين وانيقين في نفس الوقت كيمثل المرا المتولة

صبوورة
16-11-2011, 12:06
اختي
بلا ما تكتري عليك فالقشوع بلا فايدة

شري غير الضروري و اللازم

و الحاجة لي ما كتستعمليهاش بزاف ما ضيعيش فيها فلوسك

راه غير كيزاحموك و يعمرو الكوزينة و تحسي بالضيق

ايكون عندك سربيس متول للضياف كافي

الكيسان د الما و العصير خودي الجودة و لكن بلا ماتكتري من الاشكال
يكون عندك ترموس للضياف و واحد للاستعمال اليومي
سوبيار وزلايف خودي شي سربيس كاليتي للضياف و الا عندك الدراري خودي ديال الزاج للاستعمال الكتير
الكيسان د اتاي حتى هما الا كنتي ميسورة ممكن تشري ديال البلار او كريستال للضياف و ممكن تستعملي ديال العنبة راهم مزيانين اما للدار استعملي العاديين حتى الا تهرسو ما يبقاش فيك الحال
اوا بطبيعة الحال الصينية و البرارد ممكن تستعملي ديال الفضة للضياف و فالدار ديري الاينوكس
هادشي لي تفكرت
نشوف الحادقات الاخريات اش يقولو
الا تفكرت شي حاجة اخرى نرجع

سمية ام عبدو
16-11-2011, 14:32
السلام عليكم
اسفه على قلة المشاركه،،،،لكن ادخل كل يوم نقرا آش مكتوب....عندي ظروف عائليه صعبة شويه دعيوا معايا بتيسسير الامور...
عيدكم مبروك واخا متأخرة.....تعيدو وتعاودو.....إن شاء الله.
بالنسبه للمصروف راني غاديه مزيان ولله الحمد و الفضل كيرجع ليكم لهلا يخطيكم.....
الله ييسر للجميع.

صبوورة
16-11-2011, 15:11
السلام عليكم
اسفه على قلة المشاركه،،،،لكن ادخل كل يوم نقرا آش مكتوب....عندي ظروف عائليه صعبة شويه دعيوا معايا بتيسسير الامور...
عيدكم مبروك واخا متأخرة.....تعيدو وتعاودو.....إن شاء الله.
بالنسبه للمصروف راني غاديه مزيان ولله الحمد و الفضل كيرجع ليكم لهلا يخطيكم.....
الله ييسر للجميع.

الله ييسر امورك اختي و يدير ليك شي تاويل

أم فتونة
16-11-2011, 22:07
سلام اخواتي تبركالله عليكم إو كنشكركم بزاف على هاد لموضوع الله اخليك لينا أختي أمنار بغيتكم تعلمني كيفاش نجمع راسي راح ختكم ل تحت فيها كتخسرهة

ملكةجمال المغرب
16-11-2011, 22:14
لبنات مالكم ما بقتوش كدخلو تفيدونا توحشناكم

hanane maachaou
17-11-2011, 12:02
لبنات مالكم ما بقتوش كدخلو تفيدونا توحشناكم
برافو عليك من درتي هكى رى مغديش تندمي االله يسهل عليك أو علينا

أم أنس وإلياس
17-11-2011, 12:12
تبارك الله عليكم

صبوورة
17-11-2011, 18:00
اوا البنات نتمناو كل وحدة دخلات تفيدنا بتجربتها

و بهاكا غنحاولو نزيدو لقدام

و الا لقينا شي تعديلات لي نديرو في تجاربنا هادا هو الموضوع المناسب

و راه اي واحدة ممكن تفيد و حتى وحدة ما تحسب راسها مبدرة او ما كتعرف والو فالمصروف

حيت بالمقارنة ما بين التجارب كنتعلمو و نشوفو فين غلطنا و نحاولو نصححوه

ام عثمان و لجين
18-11-2011, 00:40
امنارر اختي توحشناك و توحشنا نصائحك فين غبووووووورك ...ديري واخا غير طليلة صغيرة راه البنات بداواا يطلوا و يهربوا ما بقاش الحماس كيف الاول...ايوا رجعي زرعيه فينا .الله يفكك على خير .

dalida_
18-11-2011, 16:37
فينك أمنار نتي لي كنتي جمعنا، توحشناك طال غيابك علينا، ردي علينا را حنا محتاجين النصائح ديالك القيمة

صبوورة
18-11-2011, 19:55
سلام يا حادقات

نتمنى تكونو مسايرين فالتسيير و المصروف يكون بخير


الاخت امنار عندها ظروف منعاتها من المشاركة غير عدروها

ولكن حاولو تشاركو بتجاربكم و نصائحكم بعضياتكم بيدما ترجع لينا

وكل وحدة تنصح الاخرى و اكيد ملي ترجع امنار غتعمل ملخص و تجمع الردود

صبوورة
19-11-2011, 12:51
الذين يشاهدون الموضوع الآن: 5 (5 من الأعضاء و 0 زائر)

صبوورة
maryoum
nada222
sondos afifi
غالية1


مرحبا بيكم يا بنات

انا كنحاول نطل على الموضوع في غياب الاخت امنار الله يرجعها بخير

ما يمكنش نعوضها بطبيعة الحال او نقارن نفسي بتجربتها الكبيرة ما شاء الله

ولكن راه كلنا هنا غير باش نستافدو

و لهدا غير تشجعو و عطيونا تجاربكم و حتى وحدة ماتحاول تنقص من قدر نفسها لاننا كلنا و لله الحمد غير كنتعلمو و مايمكنش نهائيا نقولو اننا وصلنا للطوب top

نور الملاك
19-11-2011, 23:11
تبارك الله عليك صبورة راكي هزا المشعل في غياب امنار الله يرجعها بالسلامة
دب بقاو 10 ايام ويتسالا الشهر انا هاد المرة وفرت فلوس اللحم حيت الحولي شراه مول الدار الله يخليه لينا واو ديك 500 درهم راها في الخدية هيهيهي حتى نشوفو شنو نزيدو عليها الا شاط لينا ها الشهر

صبوورة
20-11-2011, 11:03
سلام يا البنات


انا هاد ال10 ايام الاخيرة هي لي كنخاف منها


شي مرات الله يحفظ كيخرجو شي مفاجئات ماكانوش على البال و تقدر تخربق الميزانية

ملي كيقرب الشهر يكمل كنبدا نقول يا حفيظ يا ستار يا ربي نكملو الشهر على خير

الا ما وقع حتى طارىء نقدر نكون وفرت 1000 درهم تقريبا

ولكن راني كنت دايرة السمطة بزاف

و نقصت شحال د الشهيوات ههههه

و عملت القطاني 3 د المرات من غير الكرعين بالحمص الا حسبناها هي 4 مرات

نور الملاك
20-11-2011, 15:22
تبارك الله عليك صبورة مزيانين القطاني ليوم مع هاد البرد هدا هو وقتهم حتى انا درتهم بزاف هاد الأسبوع حيت ملينا من اللحم وحتى ولادي يحماقو عليهم او 1000درهم تبارك الله مبلغ مزيان الا استمريتي هاكدا غتجمعى مليون في السنة ممتاز جدا انا مقدرتش نوفر بزاف حيت راكي عارفا العيد و عراضاتو من غير فلوس اللحم الي وفرت ممكن شي 300درهم الا مجاش شي طارئ الله يحفض

نور الملاك
20-11-2011, 15:26
لبنات راني شفت واحد الموضوع ليوم معقلتش على الرابط ديالو على كيفية تحضير الفواكل لمعسل هادا وقت البرتقال و لقشور غير كنلحوهم علاش منستاغلهمش وبلا منشريو فواكه معسلة ممكن نزيدولهم حتى نكهات الا بغينا

nor alfajr
20-11-2011, 17:08
السلام عليكم ورحمة الله وبركاته
شهر اكتوبر فاش بديت نحسب الداخلة والخارجة ودرت فاول الشهر presupuest 350 وحاولت نلتزم بيه لكين هيهات
المهم كملت الشهر ب 365 اورو ( فيها compra +الخضرة+اللحم+ تيليفون+المازوط ...)
+البوطة الغاز 15,10 +الضوء 54 +comonidad 80€
ومازال خاصني نقص وماعرفت فين وكيفاش ؟؟؟؟؟
شكون فيكوم البنات تقدر تعاوني بشي فكرة؟؟؟
والله ارحم بيها الوالدين
بغيت نعرف € 513 واش معقولة ولى بزاف مع الاشارة حنى 4 الافراد فالبيت
€1= تقريبا 11 درهم
نصحوني الله يعطيكوم ماتمنيتو ويرزقنا ويرزقكوم رزقا حلالا طيبا

صبوورة
20-11-2011, 17:11
تبارك الله عليك صبورة مزيانين القطاني ليوم مع هاد البرد هدا هو وقتهم حتى انا درتهم بزاف هاد الأسبوع حيت ملينا من اللحم وحتى ولادي يحماقو عليهم او 1000درهم تبارك الله مبلغ مزيان الا استمريتي هاكدا غتجمعى مليون في السنة ممتاز جدا انا مقدرتش نوفر بزاف حيت راكي عارفا العيد و عراضاتو من غير فلوس اللحم الي وفرت ممكن شي 300درهم الا مجاش شي طارئ الله يحفض


الله يبارك فيك اختي

بصراحة 1000 درهم ما كافياش انا خاصني نوفر اكتر

خاصني من هنا لشهر 4 نكون جمعت 3 مليون تقريبا حيت خاصني نخلص واحد الكريدي

و الا مشيت على هاد الوتيرة مانضنش واش ننجح

خاصني نزيد ندير شي مراجعات
اوا دعيو معايا الله يدير البركة فالرزق

goodwife
20-11-2011, 17:15
انا هد الشهر جمعت 900 درهم ولكن للاسف تزيرت فشي حوايج اخرين وجبدتها الشهر الجاي ان شاء الله غادي نجمع اكثر لان هد الشهر اتقديت لمقدية ديال شهريين بالنسبة لداكشي لمتيخصرش بحال اللوز والفواكه الجافة عامة والسميدة ديال الحلوة والغليضة وداكشي ديال القطاني والسنيدة والسكر والسكر كلاصي على قبل الحلوى والكوك وتقضيت هد الشهر 5 لتر ديال الزيت راه باقة عندي الزيت لدوز لي الشهر هد 5 لتر غادي ندوز بيها الشهرين الجايين ويشيط انا كنت تندير 5لتر تندوز بيها 15 حيت كنت غير نقلي فيها ونرميها الله اسمح لي دروك وليت تنقلل الزيت فالنصيب ونتكايسو على الصحة والحمد لله راني غادية مزيان بفضل الله ثم بفضل نصائحكم غادي ندوزو الشهر بخير الحمد لله

dadda
20-11-2011, 17:19
3 مليون بزاف من هنا لشهر 4

صبوورة
20-11-2011, 17:30
بصراحة انا ما كيعجبونيش الفواكه معسلة

ولكن بالنسبة لقشور البرتقال لقيت واحد الحل

كنيبسهم و نطحنهم

و نعملهم في بزاف د المسائل:
-للتنسيم في الكيك و الحلويات و الكونفتيرات ههه
-كنعمل بيهم واحد الخلطة باش تزول ريحة الصباط: قشور البرتقال يابس مطحون+ شوية خزامة يابسة مطحونة + شوية قرنفل مطحون+ شبة + بيكاربونات د الصود+ طالك الاطفال هداك الرخيص اصفر خلطي المقادير مزيان و ديرها فالصباط ملي مايكونش يستعمل ( فالصيف مثلا) و خليه اطول مدة ممكنة و من بعد ملي تبغي تلبسيه سوسيه و لبسيه و ردي عليا الخبار كرري العملية و دعي معايا برحمة الوالدين و الصحة و السلامة
- لرائحة زكية فالبلاكار: قشور البرتقال يابس مطحون+ شوية خزامة يابسة + شوية قرنفل + شوية ورد هادو بلا ما تطحنيهم غبرة غير شوية باش يطلقو الريحة جمعي الخليط في ساشي انا كنديرو في ليبا او تقاشر النيلون ملي يتقطعو من الصبيعات هههه كنعمل الخليط بالداخل و نحزمهم من الجانبين و نخشيهم في قنات البلاكارات و تبقى لريحة زوينة
-مع عشوب الشعر و الحنة ههه: كنشري واحد الساشيات ديال عشوب الشعر نطحنهم و نغربلهم و نزيد معاهم الحنة و نزيد هاد التخليطة ديالي: قشور البرتقال يابس مطحون+ شوية خزامة يابسة + شوية قرنفل + شوية البابونج و ممكن تعملي هاد الخليط مع الصابون البلدي و دوزي بيه صحتك و عاد حكي بالكيس يا سلام

nor alfajr
20-11-2011, 17:48
الذين يشاهدون الموضوع الآن: 5 (5 من الأعضاء و 0 زائر)
nor alfajr,dadda,goodwife,nasiha,صبوورة,



مساء الخير والربح البنات كيدايرين لاباس عليكوم ,فين وصلتو فالاقتصاد
الله وفقنا جميعااا

صبوورة
20-11-2011, 17:50
السلام عليكم ورحمة الله وبركاته
شهر اكتوبر فاش بديت نحسب الداخلة والخارجة ودرت فاول الشهر presupuest 350 وحاولت نلتزم بيه لكين هيهات
المهم كملت الشهر ب 365 اورو ( فيها compra +الخضرة+اللحم+ تيليفون+المازوط ...)
+البوطة الغاز 15,10 +الضوء 54 +comonidad 80€
ومازال خاصني نقص وماعرفت فين وكيفاش ؟؟؟؟؟
شكون فيكوم البنات تقدر تعاوني بشي فكرة؟؟؟
والله ارحم بيها الوالدين
بغيت نعرف € 513 واش معقولة ولى بزاف مع الاشارة حنى 4 الافراد فالبيت
€1= تقريبا 11 درهم
نصحوني الله يعطيكوم ماتمنيتو ويرزقنا ويرزقكوم رزقا حلالا طيبا

اختي بالنسبة للمصروف في المغرب هاد المبلغ راه بزاف

ولكن في الخارج اختي مانعرف
على الله يدخلو البنات لي برا ويفيدوك

صبوورة
20-11-2011, 17:54
انا هد الشهر جمعت 900 درهم ولكن للاسف تزيرت فشي حوايج اخرين وجبدتها الشهر الجاي ان شاء الله غادي نجمع اكثر لان هد الشهر اتقديت لمقدية ديال شهريين بالنسبة لداكشي لمتيخصرش بحال اللوز والفواكه الجافة عامة والسميدة ديال الحلوة والغليضة وداكشي ديال القطاني والسنيدة والسكر والسكر كلاصي على قبل الحلوى والكوك وتقضيت هد الشهر 5 لتر ديال الزيت راه باقة عندي الزيت لدوز لي الشهر هد 5 لتر غادي ندوز بيها الشهرين الجايين ويشيط انا كنت تندير 5لتر تندوز بيها 15 حيت كنت غير نقلي فيها ونرميها الله اسمح لي دروك وليت تنقلل الزيت فالنصيب ونتكايسو على الصحة والحمد لله راني غادية مزيان بفضل الله ثم بفضل نصائحكم غادي ندوزو الشهر بخير الحمد لله

برافووو

بالتوفيق ان شاء الله

louna13200
20-11-2011, 17:54
salam okhti ta ana kayna f l kharij ye3ni nqdo ntfhamo ana wiyak mziana b nissba ll euro golili mn ina dwla ntya ana mn fransa alla ayin mrhba bik binatna
السلام عليكم ورحمة الله وبركاته
شهر اكتوبر فاش بديت نحسب الداخلة والخارجة ودرت فاول الشهر presupuest 350 وحاولت نلتزم بيه لكين هيهات
المهم كملت الشهر ب 365 اورو ( فيها compra +الخضرة+اللحم+ تيليفون+المازوط ...)
+البوطة الغاز 15,10 +الضوء 54 +comonidad 80€
ومازال خاصني نقص وماعرفت فين وكيفاش ؟؟؟؟؟
شكون فيكوم البنات تقدر تعاوني بشي فكرة؟؟؟
والله ارحم بيها الوالدين
بغيت نعرف € 513 واش معقولة ولى بزاف مع الاشارة حنى 4 الافراد فالبيت
€1= تقريبا 11 درهم
نصحوني الله يعطيكوم ماتمنيتو ويرزقنا ويرزقكوم رزقا حلالا طيبا

صبوورة
20-11-2011, 18:01
3 مليون بزاف من هنا لشهر 4



ايه اختي

راني تسلفت باش شريت الدار

و خاصني من هنا لشهر 4 نجمع 4 مليون

راني جمعت واحد وشوية

وراني كنشوف فين ممكن نزيد نزير السمطة

الا بان ليكم فاش تنصحوني الله يكتر خيركم

goodwife
20-11-2011, 18:04
ايه اختي

راني تسلفت باش شريت الدار

و خاصني من هنا لشهر 4 نجمع 4 مليون

راني جمعت واحد وشوية

وراني كنشوف فين ممكن نزيد نزير السمطة

الا بان ليكم فاش تنصحوني الله يكتر خيركم

مثلا لتتشري الفرماج صاوبيه او تتشري الشكلاط ديال الدهين صاوبيه راه تيجيو بحال ديال الحانوت واحسن حيت صاوبتيهم على يديك

صبوورة
20-11-2011, 18:26
بالنسبة للفرماج ما كيصدقش كيف نبغيه

جربت جميع الطرق لي دارو البنات في المنتدى كيجي جاري و داغيا كيكمل او حامض كيخليوه ليا فالراس

و من بعد قلت بلاش منو
وليت كنشري هديك البكية الكبيرة لي فيها شي 96 قطعة كدوز ليا شهر كامل
و كنعمل كونفتير بفواكه الموسم ملي تكون رخيصة يعني باقل من 2 دراهم

الشكلاط ما بقيتش نديرو حيت ديما كيكون عندي نوع ديال كونفتير اوا بلاش مانكتر في الحلاوة

nor alfajr
20-11-2011, 18:56
salam okhti ta ana kayna f l kharij ye3ni nqdo ntfhamo ana wiyak mziana b nissba ll euro golili mn ina dwla ntya ana mn fransa alla ayin mrhba bik binatna
وعليكم السلام ورحمة الله وبركاته
ارحب بيك الخير اختي louna انا عايشة فاسبانيا

nor alfajr
20-11-2011, 19:05
حتى انا متافقة مع dadda
4 مليون فخمس شهوربزاف تقدري توفري الخير والبركة ولكين 4 مليون بزاف
شوفي اختي الى عندك شي دهب جبديه راه يقضي الغراض وكولشي يتعوض انشاء الله
اماالى ماعندكش شوفي شي حد اسلفك باش تربحي شوية دالوقت وانشاء الله غادي توفري بحداكتك
نتمنى منكونش تقيلة على قلبك وربي يسهل علينا كاملين

goodwife
20-11-2011, 20:02
اختي صبورة انا تنديرو تيجي روعة نقوليك طريقتي وجربيها تتخدي 3لتر ديال لحليب وتتديريها تغلى منين تغلى زيدي عليها ثلت كاس ديال العنبة مخلط العصير ديال نص حامضة وخل غير يفيض لحليب كبيه فيه وديريه فتوب حياتي يقطرواحد ربع ساعة وهداك لما لتيقطر خليه ليجي الخليط قاسح وتبغيه من بعد شدي داك الحليب لتكلل وديريه فالمولينكس وزيدي 9 فرماجات و 20 غرام ديال الزبدة وشوية ديال الملح ونصف حامضة لبقات وطحني مزيان وياكي تزيدي الما غير شوية طحني مزيان راه مغاديش يبي يتطحن دغية ولكن مرة مرة حبسي المولينكس وداك الشي للتحت رديه الفوق وتبداي تخلطي شوية شوية تيولي بحال ديال الحك خلطي مزيان هو تيشد الوقت فالطحين حيت تيبي تبداي تخلطي بالمعلقة وتعادي تشعلي مولينكس نتمنى نكون فسرت مزيان غير هو الا بيتي شوية يكون جاري بحال ديال الحك زيدي شوية ديال الماء غير شوييييييييييية تناكد وراني تنديرو وتيصدق

صبوورة
20-11-2011, 20:32
اختي صبورة انا تنديرو تيجي روعة نقوليك طريقتي وجربيها تتخدي 3لتر ديال لحليب وتتديريها تغلى منين تغلى زيدي عليها ثلت كاس ديال العنبة مخلط العصير ديال نص حامضة وخل غير يفيض لحليب كبيه فيه وديريه فتوب حياتي يقطرواحد ربع ساعة وهداك لما لتيقطر خليه ليجي الخليط قاسح وتبغيه من بعد شدي داك الحليب لتكلل وديريه فالمولينكس وزيدي 9 فرماجات و 20 غرام ديال الزبدة وشوية ديال الملح ونصف حامضة لبقات وطحني مزيان وياكي تزيدي الما غير شوية طحني مزيان راه مغاديش يبي يتطحن دغية ولكن مرة مرة حبسي المولينكس وداك الشي للتحت رديه الفوق وتبداي تخلطي شوية شوية تيولي بحال ديال الحك خلطي مزيان هو تيشد الوقت فالطحين حيت تيبي تبداي تخلطي بالمعلقة وتعادي تشعلي مولينكس نتمنى نكون فسرت مزيان غير هو الا بيتي شوية يكون جاري بحال ديال الحك زيدي شوية ديال الماء غير شوييييييييييية تناكد وراني تنديرو وتيصدق


انا كوبيت الطريقة باش نجربها

واش ملي نبغي نطحن نزيد نص حامضة ولا العصير ديالها؟؟؟

و زعما مايجيش حامض؟؟

جربتو واحد المرة بكاس ديال عصير الحامض فيه نيدو و زبدة و حليب سائل ولكن جا حامض و الله ما بغاو ياكلوه

و باش ما يضيعش وليت نديرو مع الشلايض عوض المايونيز هههه حتى حاجة ماضيع

شكرا الزين على الطريقة الله لا يخطيك

الا صدق نسميه good wife
hhhh

صبوورة
20-11-2011, 20:38
سؤال اخر

واش الخل الابيض ولا الملون ؟

ههه

goodwife
20-11-2011, 21:33
انا كوبيت الطريقة باش نجربها

واش ملي نبغي نطحن نزيد نص حامضة ولا العصير ديالها؟؟؟

و زعما مايجيش حامض؟؟

جربتو واحد المرة بكاس ديال عصير الحامض فيه نيدو و زبدة و حليب سائل ولكن جا حامض و الله ما بغاو ياكلوه

و باش ما يضيعش وليت نديرو مع الشلايض عوض المايونيز هههه حتى حاجة ماضيع

شكرا الزين على الطريقة الله لا يخطيك

الا صدق نسميه good wife
hhhh

لا ازين ماشي نصف حامضة غير العصير ديالها وبالنسبة للخل انا تندير اي خل بغيت لكان تبعي المقادير وان شاء الله اصدق انا هدا باش وليت خدامة

dadda
20-11-2011, 22:42
اختي صبورة الله يحسن عوانك راني غارقة كريديات بحالي بحالك الله يفكها من عندو

nor alfajr
21-11-2011, 09:33
صباح الخير البنات
كاين شي جديد
افكار جديدة , نصائح قيمة ...
نحن في انتظاركن متحرموناش من مشاراكاتكوم القيمة


http://www.anaqamaghribia.com/pic/images/kkr6nnd9ikxb0gqpho0.gif (http://www.anaqamaghribia.com/pic/)

صبوورة
21-11-2011, 11:51
لا ازين ماشي نصف حامضة غير العصير ديالها وبالنسبة للخل انا تندير اي خل بغيت لكان تبعي المقادير وان شاء الله اصدق انا هدا باش وليت خدامة

شكرا احبيبة على الرد

غنجربو ان شاء الله من دابا باش نشوف واش يصدق و نعرف شحال الكمية لي كيخرج
و الا جا زوين نولي نخدم بيه مع مع بداية الشهر الماجي باش نشوف شحال غيدوز ليا

الله لا يخطيك يا الحبيبة

صبوورة
21-11-2011, 11:52
[QUOTE=dadda;4321364]اختي صبورة الله يحسن عوانك راني غارقة كريديات بحالي بحالك الله يفكها من عندو[/QUOTE


ههه
امين اختي الله يفكها من عندو

هي استنجد غريق بغريق

صبوورة
21-11-2011, 11:56
صباح الخير البنات
كاين شي جديد
افكار جديدة , نصائح قيمة ...
نحن في انتظاركن متحرموناش من مشاراكاتكوم القيمة





http://www.anaqamaghribia.com/pic/images/kkr6nnd9ikxb0gqpho0.gif (http://www.anaqamaghribia.com/pic/)






اوا تشجعو يا البنات عطيونا افكار من عندكم

ما بغيناش نحتاكرو المشاركات

الله يجعل البركة في الرزق

goodwife
21-11-2011, 12:48
غير جربي انا نقلت من عند واحد الاخت فواحد المنتدى الله اجازيها بيخير من ثم هو لوليت معتمد عليه راه كان ديال 96 متيدوز لي تسيمانة مع تيلقاوه ولادي ساهل تيحلو ويرميو فمهم الله احفضهم ولا تيشدوع وتيبداو اخصرو فيه حيت ساهل هدا حطيتو فطاسة متيلقاو متيديروليه وخليتو انا نيت شوية جامد والله الا داب قريب لشهر وباقي مسالة

صبوورة
21-11-2011, 17:54
شكرا عزيزتي

اكيد غنجربو

و نتمنى يصدق ليا

واخا البواطة ديال الفرماج كتدي ليا شهر ولكن الثمن ديالها شوية مرتفع

بهادا غنوفر تقريبا النض د الثمن

chinigami
21-11-2011, 20:59
تبارك الله عليكم

صبوورة
21-11-2011, 21:03
الذين يشاهدون الموضوع الآن: 4 (4 من الأعضاء و 0 زائر)

صبوورة
amanarre+
marimar1721
samira de tiz

اختي امنار

الحمد لله على سلامتك نتمنى تكون الامور كلها بخير

البنات مرحبا بيكم في داركم

معدة برامج
22-11-2011, 00:25
تبارك الله ماشاء الله عليكم

ام محمد ريان والاء
22-11-2011, 01:02
تباترك الله عليك ليا عودة انشاء الله

goodwife
22-11-2011, 01:36
اوا يا الحادكات تسالات لمقدية ولا باقي

معدة برامج
22-11-2011, 09:42
صباح الخير عليكم
كانت واحد الاخت سولات على الفواكه المعسلة هدا هو الرابط وانا جبرتهوم وكايجو روعة مع الكاب كيك والكيك والحلوى
http://www.anaqamaghribia.com/vb/showthread.php?55602-صاوبي-الفواكه-المعسلة-بإيديك-بالتفصيل-الممل-بالصور-ماتفلتوهاش-ألبنات

تلميدة أناقة
23-11-2011, 09:24
bonjour les filles

nor alfajr
23-11-2011, 16:03
فينكوم البنات فين غبرتو صافي دغيا استسلمتو هههههه

nor alfajr
23-11-2011, 16:05
الذين يشاهدون الموضوع الآن:
nor alfajr,louna13200,صاحبة الظل,

شداتكوم الكاميراااااا ههههه

goodwife
23-11-2011, 18:20
الذين يشاهدون الموضوع الآن: 1 (1 من الأعضاء و 0 زائر)


goodwife (http://www.anaqamaghribia.com/vb/member.php?137050-goodwife)


واقيلا انا بوحدي لتندخل

ام عثمان و لجين
24-11-2011, 09:53
لا يا اختي أنا مرة مرة كندخل وكنلقىى الدنيا كتصقللل ايوا الله يرجع لنا الاخت امننار على خير تجمعنا من جديد

hanane maachaou
24-11-2011, 10:20
صباحكم مبروك نتمنى مولت دار امانار تكون بخير أو شحتة مزيانة أو حتى الأخوات يكونو في تمام

nor alfajr
24-11-2011, 10:21
الذين يشاهدون الموضوع الآن: 4 (4 من الأعضاء و 0 زائر

nor alfajr,hanane maachaou,loujy,غالية1,
http://www.anaqamaghribia.com/pic/images/oymr3z9no84xw47xtl03.gif (http://www.anaqamaghribia.com/pic/)

صباح الخير الحبايب فين غبوركوم نتمنى تكونو لخير كاملين

nor alfajr
24-11-2011, 10:23
فين وصلتو مع الصرف والمصروف كلي غادي مزيان

hanane maachaou
24-11-2011, 10:33
صباحكم مبروك نتمنى مولت دار امانار تكون بخير أو صحتها مزيانة أو حتى الأخوات يكونو في تمام

أم الأميرة ١
24-11-2011, 20:54
سلام الله عليكم أخواتي الكريمات
كيفكم كاملات ؟
أتمنى أن تكن بخير جميعا وكل عزيز عليكن .
وأسأل الله أن يطمإننا على أختنا العزيزة على قلوبنا أمنار .
وأن تكون بخير ويرزقها الله ولادة ميسرة ويقر عينها بها .

goodwife
24-11-2011, 21:14
الحمد لله ها حنا تنضارب وشهر قرب اكمل الحمددددددددددددددددددددددددددددددددددد لله

تلميدة أناقة
26-11-2011, 13:01
فين وصلتو مع الصرف

ام العربي1
26-11-2011, 15:31
http://www.anaqamaghribia.com/pic/images/7vy4lvdb2ftxv9nrfxiy.jpg (http://www.anaqamaghribia.com/pic/)

نور الملاك
26-11-2011, 21:01
الحمد لله هاد الشهر وفرت فيه 800درهم
او شنو نديرو لا ليست ديال لحوايج الي غنشريو الشهلر الجاي بادن الله
10كيلو فورص
5كيلو سميدة
5 كيلو دقيق القمح سبيسيال
الزيت باقيا عندي شي 3لتر نجيب بها الشهر ان شاء الله
سنيدة شي 4كيلو حيت البرتقال و الحامض دخلو لا بد مندير مربى و عصائر
سكر القالب عندي
اوني 1كيلو
جفيل 10لتر كيدوز اكتر من سنة غير للتصبان و الأواني كنزيد معاه الماء و روح جافيل 5دراهم للمرحاض اعزكن الله مكنستعملوش لماعن و التصبين
1ماكسيس اخضر زوين بزاف
2كيلو كسكسو كاينا هاد الماركة ممتازة جدا وحتى طحين كاينا زوين بزاف
التون
السباكيتي و المقرونية الروز مزال عندي القطاني حتى هي عندي كنخدهم بكتر ة في الصيف
مطيشة الحك عندي كناخد الحك ديال 5 كيلو و نقصم انا وجارتي خديتو في رمضان و عملتو ف مكعبات التلج
صابون الماكينة عندي كناخد اوني زوين وريحتو رائعة و منتوج مغربي و كنعاون بصابون الحجرة محكوك
الخل كناخد ديال منتوج اقتصادي ابيض
الشمبوان جربت كل الأنواع مكانش احسن من كادوم بالغسول حجم عائلي ب 18 درهم ولولادي كناخد جونسون حجم كبير كيبقا 6 اشهر
صابون اليدين كناخد الجيل دوش ب 10دراهم بالكراميل كنغسلو بيه حتى الرجلين
وللجسم هاد المرة غنجرب هداك ديال الرمان الي كيسعملوه لبنات
او هاد الشي الي راني كاتبا في لا ليست لحد الأن الا تفكرت شي حاجة نزيدها
فرماج القطع ديال 64

نور الملاك
26-11-2011, 21:02
او سخنو لينا الموضوع على متجي امنار والا شي وحدة تقضات تقول لينا فين كاين التخفيض

dalida_
27-11-2011, 13:17
فين أيام أمنار يا سلام توحشناك

تلميدة أناقة
27-11-2011, 13:45
سلام الله عليكم أخواتي الكريمات
كيفكم كاملات ؟

goodwife
27-11-2011, 15:34
بيت نسولك اختي ماشي ديك 5 كيلو سميدة كثيرة اوا البنات كداز شهركم كل وحدة تقولينا واش بان الفرق

amanarre
29-11-2011, 09:58
السلام عليكم و رحمة الله

صباح الخير يا وجوه الخير

الحبيبات تـــــــــــــــــــــــــــــــــــــــــــــــــ ــــــو حشــــــــــــــــــــــــــــــــــــتكم بـــــــــــــــــــــــــــزاف
ان شاء الله تكونو كلكم بالف خير

اسفة على الغياب دون انذار كنت شوية عيانة
كثرت السفر هاد الشهرين و السفر و الحمل مكيتفاهموش مع بعضهم ههههه
لكن لله الحمد على كل حال مع شوية الراحة احسن لله الحمد

لي عودة ان شاء الله
نمشي ندير دورة فالاقسام و نرجع للتفاصيل

بوسة كبيرة على خد كل غالية و مرة اخرى راني توحشتكـــــــــــــوم كـــــاملات
و عواشركم مباركة و سنة سعيدة بالهنا و الخير و الصحة و البركات و كل الخيرات

ام عثمان و لجين
29-11-2011, 10:06
ايوا المدبرات فين الهمة الموضوع ديالننا بعد ما كان منور الصفحة الاولى غيبقىى حتى يولي في الأرشيف ، ايوا شمرو على دريوعاتكم و وريوننا حنة يديكم باش يرجع الموضوع في الصفحة الاولى و يكون منور فيها دائماً ومنين ترجع امننار تفرح بكم وتعرف باللي رآها مخليا موراها عيلاات علاش تعول ........ يله رجعوا الحيوية والحماس للموضوع راه يستأهل

omo zaid
29-11-2011, 11:27
السلام عليكم صراحة موضوع زوين بزاف او انا من نوع لي غادي يستفد منك أختي خصوصا انا وزوجي خدامين او مكنوفروا والو واش نكتب قصة ديالي هنا او على الخاص

ام عثمان و لجين
29-11-2011, 15:38
الحمد لله على السلامة اختي امناار ، توحشناك بزاف وتوحشنننا نصائحك القيمة المهم انك بخير .......... ايوا هاحنناا كنتسناو ماتغبريش علينا عاود ....... احبك في الله

goodwife
29-11-2011, 17:31
السلام عليكم صراحة موضوع زوين بزاف او انا من نوع لي غادي يستفد منك أختي خصوصا انا وزوجي خدامين او مكنوفروا والو واش نكتب قصة ديالي هنا او على الخاص


وغير كتبيها هنا نستافدو



يالله لبنات دخلات المانضة ولا باقي?!