المساعد الشخصي الرقمي

مشاهدة النسخة كاملة : سؤال للأخوات: محاولة حمل بعد utrogestan



Ninita
27-11-2012, 15:34
السلام عليكم، أنا مزوجة هادي 3 سنين و دورتي غير منتظمة حتى قبل ما نتزوج. خذيت حبوب منع الحمل لمدة سنتين ونصف تقريبا كنت كاناخذ Jasmine. المهم فشهر فبراير الماضي قررت نوقف مانع الحمل ونتسناو يرزقنا الله. كانت الدورة الاولى مدتها 38 يوم والثانية على 60 يوم، هي فاش مشيت للطبيبة وقالت لي ما كاينش حمل وما عندك والو غير الهرمونات ناقصيت وعطات لي Utrogestan حبة فالنهار لمدة 10 أيام، منين بديت ناخدها ولات كتجيني الدورة بكري يوم 21 أو 22 يعني قبل ما نكمل 10 أيام لي كالتليا. بقيت على هاد الحال شهرين.
ومن بعد عطاتلي 3 أشهر أخرى ديال Utrogestan حبتين فاليوم وولات كتجيني ف 28 أو 29 فالشهر.
يوم 29 شتنبر الماضي جاتني آخر دورة وساليت نيت هاديك 3 اشهر، واليوم كملت شهرين بدون ما تنزل الدورة.

الاسبوع الماضي درت test الصيدلية خرج إيجابي وفرحت ومشيت لبارح للطبيبة دارت لي Ecographie كالتلي ما كاين والو هاد الشهر. وانا من الصدمة مشيت درت تحليل الدم غير خرجت من عندها وخرجات سلبية. الحمد لله على كل شيء.

المهم سؤالي هو واش كاين شي وحدا لي سبق تأخرت ليها الدورة بهاد الشكل وخا ما حاملاش 60 يوم بزاف؟ علما أن هذا أول شهر مورا Utrogestan؟

هي الطبيبة كالت لي واحد المعلومة دوختني: كالتي Utrogestan كاتقاد الدورة وإلا ما كانش حمل من بعد منها على الأقل كتبقى الدورة ديالك منتظمة واحد 4 أو 5 اشهر عاد تعاود تخربق ماشي من أول شهر.
نصحوني عافاكم.

ام فيصل وبراء
27-11-2012, 16:24
حتا انا اختي كنت كناخد كلوميد وايتروجيستون شهر3و4و5وشهر6 مدرت والو وبقيت كنتسنا الدورة مجاتش وفرحت قلت صافي واقلة حاملة درت التست خرج لي خط باين وخط باهت قلت واقة باقي مبانش تسنيت شهر7مجاتنيش وشهر 8 صمنا رمضان ومجاتنيش عودت التست ونفس المشكل مشيت عند الطبيبة قالت لي معندك والو وعطاتني التحاليل ديال الهرمونات ولقاتهم تخربقو لي مزيان ومن بعدها يعني شهر 9 نها 21 عاد جاتني وبي ديفاستون وشتي انا كتر منك 4اشهر عاد جاتني ودبا باقة كندير ديفاستون الله يفرحك

هاشيمية
27-11-2012, 22:23
الله يفرحك و جميع الاخوات المنتظرات بالدرية السليمة الصالحة امين
utrogewtan تتنظم الدورة....

أنثى النمر
28-11-2012, 01:01
يا لطيف اللي شاف هم الناس كاينسى همه
آنا بحالكم الدورة عندي غير منتظمة ؛ عطاني الطبيب يتروجستان و البروليفين بحال الكلوميد ؛ الشهر الأول ما حملتش و الدورة كان الطول ديالها 31 يوم ف الشهر الثاني دازت 31 يوم و ما جاتنيش الدورة و تسنيت 3 أيام درت التحليل و طلع إيجابي. و الحمد لله.
الأخوات نصيحة لله ؛ إلى استعملتوا يتروجستان أو أي منظم للدورة و بقات الحالة كيفما هي ؛ و غير كاتوقفي الدواء كيرجع كلي كيفما كان ؛ و الطبيب براسو ما كيفهم والو.
سيــــــــــــــــــــــــــــــــــروا ديروا الرقية الشرعية . و عن تجربة و الله.
بعد المرات كايكون الحل ساهل و ما كانشفوهش.

Ninita
28-11-2012, 10:13
شكرا الأخوات على الردود ديالكم.
الموضوع محير ما لنا إلا الدعاء

أماريس
28-11-2012, 14:41
أختي نينيتا أقسم بالله إيلا تانقرا القصة ديالك و بحال إيلا تاتهضري عليا!!!!!! نفسسسسسسسسس الحالة تماااما سبحان الله! و معا نيت سميتي نعيمة ونتيا دايرا نينيتا جات هيا هاديك هههههههههههههههههه.أختي أنا الطبيبة اعطاتو ليا شهر واااااااااااحد فقط و ماكتابش نحمل! و قبل مانكمل آخر حبة جاتني الدورة.لكن أختي أنا راه عندي تكيس واش درتي الإيكو؟؟؟؟

Ninita
28-11-2012, 15:37
أختي نعيمة أنا كان عندي تكيس شحال هادي قبل من نتزوج وفبداية الزواج والحمد لله مشا معا الكينة. هاد الساعة ما كاينش تكيس.

أماريس
28-11-2012, 15:52
أختي جربي مرددوش راه منظم للهرمونات و مزيان للي عندها الدورة غير منتظمة

Ninita
29-11-2012, 14:31
شكرا أختي دابا نجربو

meriamaaf
30-11-2012, 22:17
أختي حتى أنل كانت عندي الدورة مخربقة و مشيت للطبيب عطاني دوفاستون(عندها نفس الدور ديال utrogeston) شهرين ملي قطعتها رجعت تخربقات و ملي رجعت لعندو عطاني دوفاستون و كلوميد و جاب الله التيسير
الله يفرحك

simra-
04-01-2013, 21:38
Okhti hta ana kn w93at lia wmajtnich dawra 2 mois wchft 3dil tba hit bghit nt2kd kaygoulouli ma3ndak hata mouchkil Koulchi tabi3i. Chrbt dufaston 5mois wt9adat lia dawra whad chhar jtni jouj mrat b3id 3lik blhri9hta drabt ybra w3tatni tbiba utrogen gatlia chrbiha fnhar13 walkin lmouchkil rjli mabghach galia katrat dwa tkhrj 3lik wnini wbinak bghit wlidat wma3rft mandir

ingel eyes123
06-01-2013, 18:16
متخاعيش انا وقع ليا بحالك ومشيت درت التست ديال الدم كاليا محملاش وملي درت ديال البولة طلعت حاملة حتى الطبيب فاش دوزت عندو كاليا ما باين والو انا دابا ولدت كنصحك غبر صبري وعاودي التست حيت حتى انا استعملت ايتروجستان ولكن قويلبات من الامام
الله افرحك

Ninita
07-01-2013, 12:27
أمين أختي شكرا, أنا دابا ساليت اوتروجستان وعطاتني الطبيبة دوفاستون شهر واحد باش نزلت الحيض ودابا هاد الشهر ماكنستعمل حتى دوا. كانتسنا الله يسهل علينا وعلى الجميع.