المساعد الشخصي الرقمي

مشاهدة النسخة كاملة : دخلو يا المغربيات تشوفو شنو جرالي مع السعوديات



lolokati
29-11-2012, 11:40
سلام عليكم بغيت نحكي ليكم شنو جرالي البارح مع شي سعوديات وسورية انا بديت كنشتاغل في صالون بالسعودية كاين فيه 3 سعوديات وسورية متخصصة في ليستيتيك المهم يا ناس هدا السعوديات هما صاحبات المشغل وكيشتاغلو فيه وهما خواتات وهدا السورية كارية عندهم واحد الدار المهيم كنتصدم البارح في مجمع كنا كنشربو قهوة كتقلي السوووووووووووورية واواكد على السورية قاتلي هاكا ( معروف عليكم انتم المغربيات ساحرات وكهانات وبصارات ) قتليها شنو قاتلي اه وهما يتفركعو عليا السعوديات لي مكانوش اقدرو اتجرؤ عليا اننا صح ساحرات قتله شوفي اختي في اي بلد يوحد الصالح والطالح وانتي تتهمن كل المغربيات انهم ساحرات ممكن نتقبل كلامك لو قلتي بعض بس انتي تقولي الكل قلت ليها السحر حق والعين حق ولكن كون كان الساحر ينفع ينفع راسو بالاول قاتلي لا لا لا احنى بيجون عندنا بسوريا مغربيات يدقون بالبيوت وتقوليك ابغى ابصر ليك قتليه تقولين ليا بعض مغربيات يرحون مراقص اصدقك بس تقولين لي يجون عندكم البيوت هادي لي متدخلش لعقل قلت ليه هديك البصارت لو تنجم تنجم ببلادها وطلع فلوس صحاح مو تروح مدلولة على بلد اخر باش تبصر ليكم قتليها وزيدون نتوما لي مشهورات بالبصارت وقراءة الفنجان قاتلي لا لا لا احنى غير كنضحكو بيها قتليها واش ها الكلام هو التبصير فيه ضحك وفيه الصح تعرفو شنو قاتلي لا يا اخني ده الرسول صلى الله عليه وسلم انسحر ادن السحر حق قتليها فعلا بس وين انسحر الرسول قاتلي هون قتليها ادن منسحرش في المغرب او سحرتو مغربية سحروه خليج وهما يسكتو المهم ابنات بلادي عرلقت وتعصبت وتزنكت لانني تحطيت في اصعب موقف انكي دافعي على بلادك وكون زادت معايا كلمة وحدة كنت نتفها وهدو غيرين منا لاننا حمد لله لاباسات عليهم دوق في الاكل في الشرب في البيت في كل شئ بس الله اخليكم انا البارح وصلت لمعاهم هاكا واليوم قزت نتخلى على هدا العمل لانني عايرو فيه بنات بلادي وانا بعد ساعة راح تتصل بيا صاحبة المشغل بغيت نبين ليها ان المغربيات عندهم نفس وكرامة وميسمحوش لي عايرهم والله انعل الرزق لي يجي منهم عاءلتي متافقين معايا بس زوجي كيقول ليا لا لا لا ديري راسك مفراسك فوالو راكي غاتستافدي منهم وفالاخير تعلمي منهم تسريحات الخليجية وخليهم صافي ولكن بهدا الاكلام راجلي كيشوف المادة مكيشوفش كرامة الشعب المغربي واشنو رأيكم

همسة..حق
29-11-2012, 11:50
انا فمكانك والله لارجعت عندهم ولا نزيد ندل راسي معاهم و لكن انتي شوفي مصلاحتك فين هي ,, ادا كنتي محتاجة بزاف هاد الخدمة استحمليهم بين ما تشوفي شي خدمة حسن من هاديك ,,, و ادا رجعتي للخدمة حاولي مدخليش معاهم فالنقاشات بحال هاديك

lolokati
29-11-2012, 11:58
مشكورة اختي دلال اش غانقوليك حسبي الله ونعم الوكيل فيهم والله حيت جرحوني ومردوني كون غاجتني من خليجية نقول اوكي حيت قاهرينهم بس جاتني من سورية لي نصف مراقص الامارات سورية

حوااء
29-11-2012, 23:03
لا حول ولا قوة إلا بالله حسبي الله ونعم الوكييل فيهم ..هادشي مانقول

ام نهلة
29-11-2012, 23:15
شوفي ختي بصراحة عرفت بحلاش غدفعي على المغربيات انك تكوني متخلقة متدينةومتحجبة هكا غتبيني لهم وتعطيهم صورة زوينةوخا هما غلطو وخاصهم يحترموك
اما ختي الى خرجت من خدمتك وخاصة الى كنت تتاكلي منها راه المغرب مغديش يقولك اجي نعطيوك وضيفة حيت دافعتي على المغربيات
اما لسحر لرسول صلى الله عليه وسلم يهودي

مسفيوية بجدة
29-11-2012, 23:22
انا راني عايشة ف السعودية و ياما سمعت هاد الهدرة و لكن اللي كتهدر كنسد ليها فمها
ما بقات حتى وحدة كتتجرا تقولها لي
وحدة واحد المرة قلت ليها ما غاديش نقول ليك ما كاينش كاين السحارين ف المغرب و لكن تسعين ف المية من زباينهم خليجيين و هي تصقل ههههه
و لكن اللومة على دوك اللي شوهونا الله يهديهم و صافي

داليدا 12
29-11-2012, 23:35
اختي الكريمة في شخصيا كنشوف انو السورية نصبت ليك فخ بس تجري عليك من الخدمة وللاسف الشتيمة في المغربيات وسيلة قديمة باش فاش تنوضيها معاها يقولو اننا ممادبات ومولفين بالصداع وفتونة وتكون هي معاها الحق وبرهنات على دلك انت تسناي في دارك تصلو بيك ترجعي معززة مكرمة مع رد الاعتبار ولو سهل الله ورجعتي وجبداتك بدم بارد ضحكي وقولي ليها حبيبتي المغرب لا مستني مني انا ولا انت او احد شامخ بتاريخو وحضارتو وملكو وناسو واتحداكي تجيبيلي اي دولة عربية وصلت الي وصل ليه مغرب وزيديها قولي ليها شغلي تلفزيون مغربي وتفرجي شو المغربات في وصلو شوفي النقا والتاويل واللبس والزين وبنادم كيف عايش وخودي فكرة هلي لعاندك شي حاجة متقولي مرحبا باش تسكتيهم اما لابقينا كل ما يجبدونا نتغبنو وهما يضحكو علينا غادي يشدوها موسيقى للدوام

sentiment fort
29-11-2012, 23:36
خليك واثقة من راسك و ما تسكتيش على حقك و خليها تهدر و ضرب راسها مع حيط
طنشيها و ديها فخدمتك و الله يسهل عليك
راهم محروقين

fatifleur177
29-11-2012, 23:36
لا حول ولا قوة إلا بالله

فاطمة ام البنات
29-11-2012, 23:42
نعم اختي للاسف الشديد المغربيات دا.ئما متهمات بالفساد والسحر عند الخليجيات كانهم ماعارفينش بان قذف المحصنات حرام في الدين،غنقوليك صبري ؤشوفي مصلحتك كوني من الناس للى ـــــــــــــ+اذا خاطبهم الجاهلون قالوا سلاما+

جدة هبة
29-11-2012, 23:50
مديري عقلك فيهم ابنتي راه غير حسدينا حنا المغربياااااااااااااااااااااا على زينا وعلى حلاوة لسنا
وعلى الحداكه تاعنا ديها في خدمتك الله معاك والله اغلبك عليهم

مريم مرواني
30-11-2012, 00:22
لا حول ولا قوة الا بالله العلي العظيم
كلنا مسلميييين ما تخرجيش من خدمتك اختي الا جبدات ليك بحال هاد المواضيع ما تجاوبيهاش شوفي فيها و خليها تبربر حتى تفيض ههه بحال الحريرة
يخاطبني السفيه بكل قبح فأكره أن أكون له مجيباً يزيد سفاهة فأزيد حلمـاً كعودٍ زاده الإحراق طيباً و قال إذا نطق السفيه فلا تجبه فخير من إجابته السكوت

ديها فخدمتك والله انصرك عليهم ياااااربي
ره الغيرة هاديك هههه
الله اهدي ما خلق وبيزو ليك من المغرب طاااااااااااااير تالعندك أزين

wijdan19
30-11-2012, 17:35
شوفي هوما قالولك هادشي راه بيهم الحسد لي عامي عينيهم وبغاو افقسوك بهاد الهدرة ولكن انت محتاجة تعلمي صبري متخليهومش احققو هدفهم الى طولو عليك لسانهم جاوبيهم وانت باردة بيني بانك كلامهم مامحركش فيك شعرة وحدة وهاديك سورية قولي ليها مابقا لمغربيات غير اجو لسوريا اشغادي اديرو فيها شبعات شعبها مابقا غير تشبع مغربيات استغفر الله

**وردة مفتحة**
02-12-2012, 20:57
اختي بقاي في خدمتك الله يهديك راكي جاوبتيها و راها غير بغات تستافزك علاش قالت هاكاك انت هاد المرة ما تجاوبيش قولي حسبي الله و نعم الوكيل الله لي غادي يخلصها

zawji 7ayati
02-12-2012, 21:20
زين ديالي بغيتك تعرفي واحد لحاجة أن سعوديات ولخليجيات كاملات كيكرهو لبنات لمغريبيات كيقالو لأخوات قاتلهم لحسد وهادي معروفة وديك سورية بغى تخرجلك على خدمتك عليها ستفزتك بديك طريقة هما عارفين الجمال ديل لمغرب طبيعي مشي بحالهم دكشي علاش مكيبغوش تكون شي مغربيت معاهم نت قتليها بلبارد ودها فخدمتك لله اوافقك

أم المعتز
02-12-2012, 21:48
السلام عليك اختي
شكرا لانك دافعتي على شرف كل مغربية وعندي لك كلمة تقوليها ليها هي انه المغربية هي اللي علماتهم النظافة (الحمام المغربي) الصابون المغربي الليفة المغربية وزيد وزيد
و المغربية هي اللي علماتهم اللبس (القفطان والقندورة المغربية)
والمغربية هي للي كتمشط ليهم شعرهم وكتماكي ليهم وتعلمهم كيف يزولو شعر بيطانهم
والمغربية هي للي سعدات رجالهم
والمغربية هي للي وراتهم الحداقة في الطبخ وتاثيث البيت
والى كانت المغربية سحارة بصحتها وراحتها وللي قد عليها يدير بحالها
والسورية يا اختي للهم لا شماتة تديها غير في للي جاري في بلادها
وحاجة اخيرة قولي ليها من عندكم تعلمنا السحر والفساد مع الخليجيين حيت في الستينات مللي كانت المغربية باقية لابسة الجلابة بالقب والنقاب كانت السورية واللبنانية والمصرية كتدخن وتشرب الخمر وتفسد مع الخليجيين

فاتي المكناسية1
02-12-2012, 22:02
أختي الله يكون معك والله يبعد علينا وعلى بلادنا شر الخلق

bint abouha
02-12-2012, 22:27
okhti anti horra wamaghribia horra wa3arabiya horra wlalllllahom
oqssim billah ila bkit bqa fiya lhal hit mssou bladi lallahom
ila tsm3i klami matkhllihomch yhassou annahom blghou maqsoudhom w howa anahom yharjouk
khllik raf3a rask binathom htta yhnou lik arrras diallhom ghayranine mn almaghribiyat
allah ynasrak 3lihom ammmmmiiiiiiiiiiiiiiiine

قلب حنين
02-12-2012, 22:28
الله ينصرك اختي عليهم
عرفتي و الله كنت كنقرا موضوع واحدة السعودية كتستفسر بغات تجيب خدامة لدارها مغربية
و اجي تشوفي محيت دخلو يجاوبوها كل واحدة اش تقول
هالي تقول غادي تاخد ليك الراجل
او غادي تسحر ليك
او او او او او او
عرفتي من كلامهم تحسي بيهم بيناتنا ثار الله يستر و صافي
و ربي يحفظ المغربيات العفيفات فين ما كانو يا رب و ينصرهم و يجعلهم دايما الفوق الفوق
و ربي يهدي بناتنا لي لاهياهم الدنيا و بصيرتهم معمية يا ربي تردهم ردا جميلا يا رب و تجعلهم مفخرة لبلادهم
ما عليك اختي غير ترجعي لخدمتك السورية باينة فيها غير كاوية ليها القلب و بغات تعصبك باش تغلطي فيها و تولي انتي الخايبة و تاكدي الكلام لقالت
انتي اختي رجعي و خدمتك تكون هي هاديك و الى قال كلمة قوليه 100 و قوليهم كل واحد كيمثل راسو و بلا منهضرو كل واحد فيه الخير
و الله يسر ليك الامور اختي و ينقي طريقك من الشوك و يبعد عليك ولاد الحرام و بنات الحرام يا رب

ورقة الحنة
02-12-2012, 22:30
لي بغيت نقول ليك انا -- هو انني تنحيي فيك روح الوطنية وتنقول ليك تبارك الله عليك والله ينصرك

bint abouha
02-12-2012, 22:34
ana 3aycha f españa wllah ila jirani nasara walakin 3mmarni masm3t
mnhom htta chi haja tjrahni oqssim billah
w hadouk yyyyyaaaaa hasra 3arab khoutna wkayt3amlou m3ana hakda
sabri htta twasli ldak chi alli ntiya mchiti 3la sbtou tamak

كريمة20
02-12-2012, 22:40
هههههههه اختي ضارو عليكم كون كنت معاك نتفوهم الله يستر معرفت علاش تيغيرو من المغربيات وراه نزيدك حاجة اخرى راه ولاو السوريين تيتزوجو بنات المغرب اكثر حتى هوما تعاطاو لبنات المغرب حينت شافوهم نساء بكل معنى الكلمة من زين وحلاة اللسان ومن تعاملهم مع الاخرين راه ولات السوية بحال الخليجية تتغير من المغربيات

بنوتة أنيقة
02-12-2012, 22:43
لا بالعكس أختي ابقى معاهم ورودلنا الكرامة د المغربيات الله يرحم والديك
بصلاتك بالمحافظة اعلى دينك بالكلام الطيب غادي تخليهم يبدلو رأيوم فينا
أنا أخوتي صراحة وقعت لي مع وحد اسبانيولي قالي انتوما المغربيات ماشي مزيانين يعني (.....)
وأنا مرضيتشي قولتلو اعلاش أنا مغربية ..!! وحمرت عيني فيه حيت أنا محجبة وهو بدا كيقولي سمحلي سمحلي...
صراحة مبغيتشي فخطري اعلاش قلت هيداك ولكن ماعندي منعمل حيت انا معصبة بزااااااااااااااااااف وكنمرط اللي كيهضر اعلى المغربيات هيدا ومكيعجبنيشي ندخول مع بنادم فالهضرا
كاينين اللي طيحو بنا منسمحولمشي الله ياخد فيهم الحق حسبنا الله ونعم الوكيل

fouzina
02-12-2012, 22:47
انا فنظري اذا ماعندكش بديل فالخدمة خليك فخدمتك ولكن كاس دبال الماء ما تشربيهش معاهم راه ضهرنا مالح الحبيبة فينما مشينا

أم شاهين
02-12-2012, 22:51
أنا فبلاصتك نبقى فخدمتي نديرلهوم مسمار جحا على قبل السورية نفقسهوم غير بالبارد

نونة عماد
02-12-2012, 22:57
السلام عليكم ياسبحان الله نفس الشئ طرالي هاد الاسبوع خدمت مربية عند شي سعوديين امسك عليهم الله بزايد كنقابل بنيتة صغيرة من الصبح لحد الساعة 2 كنت مزيانة فالخدمة مرتاحة وهي هاد الاسبوع مخدماتش ام الطفلة وهي تنزل علية بالهضرة الناس تيقولولي دخلتي عندكي مغربية المغربيات سحرات وتيخربو لبيوت مع العلم انني منقبة ومتزوجة وراجلها عمرو مشافني تنمشي قبل ميجي صراحة جاوبتها مسكتش ليها قلت نصبر ونميك مزادت غي زايدة فيه وهاد نهار اتصلت براجلي قبل الوقت ديالي ورجعت لداري وحلفت منعاود نمشي عندها رزاق الله والحمد الله اناارزق بيد الله ماشي بيد العبد اختى فنضري شوفي فمكان تاني وربي ميخيبكش دعي الله وربي يسهل الامور اهم شي الكرامة هي الي كنكساب ومنفرطش فيها

أم المعتز
03-12-2012, 02:28
السلام عليكم ياسبحان الله نفس الشئ طرالي هاد الاسبوع خدمت مربية عند شي سعوديين امسك عليهم الله بزايد كنقابل بنيتة صغيرة من الصبح لحد الساعة 2 كنت مزيانة فالخدمة مرتاحة وهي هاد الاسبوع مخدماتش ام الطفلة وهي تنزل علية بالهضرة الناس تيقولولي دخلتي عندكي مغربية المغربيات سحرات وتيخربو لبيوت مع العلم انني منقبة ومتزوجة وراجلها عمرو مشافني تنمشي قبل ميجي صراحة جاوبتها مسكتش ليها قلت نصبر ونميك مزادت غي زايدة فيه وهاد نهار اتصلت براجلي قبل الوقت ديالي ورجعت لداري وحلفت منعاود نمشي عندها رزاق الله والحمد الله اناارزق بيد الله ماشي بيد العبد اختى فنضري شوفي فمكان تاني وربي ميخيبكش دعي الله وربي يسهل الامور اهم شي الكرامة هي الي كنكساب ومنفرطش فيها

سلام الله عليك اختي
تبارك الله والله تم والله تم والله هو الذي يرزق الطير تذهب خماصا وتروح بطانا وهو الذي بيده الملك كله وهو الرازق المعطي النافع تبارك الله عليك شنو كيكساب الشخص منا غير كرامته السعوديين مولفين بالمصريات ساكتات ليهم وعافطين عليهم يحساب ليهم حتى المغربيات بحال هاكذك في بلاصتك كنت نعمل نفس الشيء
اختي اذا كنت تقابلي اطفال شوفي لك شي وليدات تشديهم في دارك ما شي في ديورهم وهكذا تقابلي دارك ووليداتك وتدخلي شوية د لفلوس بالحلال والله الموفق

الشقراء الفاسية
03-12-2012, 03:44
اختي كيف قالت الاخت شدي اطفال فبيتك وماتمشي عند حد خاصة عرب ويلي غيبهدلوك انتي مغربية عرفتي شنو مغربية نشرب اتي ولماي ومايقولو عليا خدامة عندي مغربية
السلام عليكم ياسبحان الله نفس الشئ طرالي هاد الاسبوع خدمت مربية عند شي سعوديين امسك عليهم الله بزايد كنقابل بنيتة صغيرة من الصبح لحد الساعة 2 كنت مزيانة فالخدمة مرتاحة وهي هاد الاسبوع مخدماتش ام الطفلة وهي تنزل علية بالهضرة الناس تيقولولي دخلتي عندكي مغربية المغربيات سحرات وتيخربو لبيوت مع العلم انني منقبة ومتزوجة وراجلها عمرو مشافني تنمشي قبل ميجي صراحة جاوبتها مسكتش ليها قلت نصبر ونميك مزادت غي زايدة فيه وهاد نهار اتصلت براجلي قبل الوقت ديالي ورجعت لداري وحلفت منعاود نمشي عندها رزاق الله والحمد الله اناارزق بيد الله ماشي بيد العبد اختى فنضري شوفي فمكان تاني وربي ميخيبكش دعي الله وربي يسهل الامور اهم شي الكرامة هي الي كنكساب ومنفرطش فيها

نونة عماد
03-12-2012, 08:44
سلام الله عليك اختي
تبارك الله والله تم والله تم والله هو الذي يرزق الطير تذهب خماصا وتروح بطانا وهو الذي بيده الملك كله وهو الرازق المعطي النافع تبارك الله عليك شنو كيكساب الشخص منا غير كرامته السعوديين مولفين بالمصريات ساكتات ليهم وعافطين عليهم يحساب ليهم حتى المغربيات بحال هاكذك في بلاصتك كنت نعمل نفس الشيء
اختي اذا كنت تقابلي اطفال شوفي لك شي وليدات تشديهم في دارك ما شي في ديورهم وهكذا تقابلي دارك ووليداتك وتدخلي شوية د لفلوس بالحلال والله الموفق

يااختي داك الشي الي كاين ربي الي كيرزق ماشي العبد وكيف ما قلت راه معدنا غي كرامتنا ونا هي الي منتنازلش عليها وخا نموت وانا حاليات جلست هدا اول نهار ممشيتش لقيت فالجوال اربع مكالمات ديالها خليها مزيان كنساينها غي تعاود تعيط نزيد نسمع هومليها باش تعرب المغربيات لحرار

نونة عماد
03-12-2012, 08:52
اختي كيف قالت الاخت شدي اطفال فبيتك وماتمشي عند حد خاصة عرب ويلي غيبهدلوك انتي مغربية عرفتي شنو مغربية نشرب اتي ولماي ومايقولو عليا خدامة عندي مغربية

يااختي انا مخدمتش عندها خادمة انا اصلا كنت خدامة فحضانة الفترة المسائية كيحترموني كل وحدة كدرس فالقسم ديالها كنسالي وقتي كنمشي لداري وهاد العائلة من معارف زوجي وراجلها صاحب راجلي وعندهم الخادمات كانو تيقلبو على جليسة لبنتهم الفترة الصباحية قالهم راجلي جيبوها عند مراتي راها مكتشتغلش فصباح ومنين تجيو من الشغل دوزو خودوها وهما يشبطو فراجلي عفاك تجي هي لبنيتا صغيرة يدربها البرد فصباح بكري قربو يبكيو منين بديت هي كتجي مولات الدار ونا كنخرج وهاد الاسبوع الي مخدماتش فيه بقات بالهضة الي عاوتلكم اما مكندنش شي نغربية تشتغل خادمة عندهم وهما اصلا ميخدموش مغربية ميتين من المغربيات الله يهدي الجميع

فاطمة بنت العز
03-12-2012, 09:15
السلام عليك اختي
شكرا لانك دافعتي على شرف كل مغربية وعندي لك كلمة تقوليها ليها هي انه المغربية هي اللي علماتهم النظافة (الحمام المغربي) الصابون المغربي الليفة المغربية وزيد وزيد
و المغربية هي اللي علماتهم اللبس (القفطان والقندورة المغربية)
والمغربية هي للي كتمشط ليهم شعرهم وكتماكي ليهم وتعلمهم كيف يزولو شعر بيطانهم
والمغربية هي للي سعدات رجالهم
والمغربية هي للي وراتهم الحداقة في الطبخ وتاثيث البيت
والى كانت المغربية سحارة بصحتها وراحتها وللي قد عليها يدير بحالها
والسورية يا اختي للهم لا شماتة تديها غير في للي جاري في بلادها
وحاجة اخيرة قولي ليها من عندكم تعلمنا السحر والفساد مع الخليجيين حيت في الستينات مللي كانت المغربية باقية لابسة الجلابة بالقب والنقاب كانت السورية واللبنانية والمصرية كتدخن وتشرب الخمر وتفسد مع الخليجيين
مشاء الله عليك اختي وعل أفكارك نفس الكلام الي ديما نقولو أي وحدة ولراجلييييي

صلوا على رسول الله
03-12-2012, 09:34
لا حول ولا قوة إلا بالله العضيم الله إغلبك عليهم كنشكرك بزاف على الموقف ديالك أختي وعلى الغيرة ديالك. بعض السوريات زيدهم على بعض السعوديات كيغيرو من المغربيات واحد السوري خدام مع راجلي كيقول احنا السوريين كنقولو ل متزوج مغربية راه ما تزوج .


عرفتي احنا المغربيات ل عايشات وسطهم ل خصنا نغيروا هاد النضرة أزفت ل وخدين علينا خصنا نتشبتو بدينا بحجابنا بأخلاقنا بمعاملاتنا أنعتزو بمغربيتنة.


واحد صحبتي كانت تمشي لدار قرأن فيها سعوديات وشاميات ستمرت معاهم مدة بدون مايعرف جنسيتها نهار كتشفو أنها مغربية مصدقوش عند بالهم المغربية غير ديال المراقص . الله اصلح أحوالنا .

صلوا على رسول الله
03-12-2012, 09:43
السلام عليكم ياسبحان الله نفس الشئ طرالي هاد الاسبوع خدمت مربية عند شي سعوديين امسك عليهم الله بزايد كنقابل بنيتة صغيرة من الصبح لحد الساعة 2 كنت مزيانة فالخدمة مرتاحة وهي هاد الاسبوع مخدماتش ام الطفلة وهي تنزل علية بالهضرة الناس تيقولولي دخلتي عندكي مغربية المغربيات سحرات وتيخربو لبيوت مع العلم انني منقبة ومتزوجة وراجلها عمرو مشافني تنمشي قبل ميجي صراحة جاوبتها مسكتش ليها قلت نصبر ونميك مزادت غي زايدة فيه وهاد نهار اتصلت براجلي قبل الوقت ديالي ورجعت لداري وحلفت منعاود نمشي عندها رزاق الله والحمد الله اناارزق بيد الله ماشي بيد العبد اختى فنضري شوفي فمكان تاني وربي ميخيبكش دعي الله وربي يسهل الامور اهم شي الكرامة هي الي كنكساب ومنفرطش فيها

الحمد لله لتفاكتي معاهم .أختي متخدمي عند حد في دارو أبسط شيء الوحو عليك شي باطل. واحد مغربية كانت خدامة عند شي سعوديين بخير وعلى خير حتى واحد نهار قاتلهم سعودية راه شفرتلي دهبي كانت غتمشي فيها لولا لطف الله وتدخل سفارة .


الله ايسر لك و إرزقك من حيت لا تحتسيبن .

ام عبد الملك
03-12-2012, 10:02
عرفتي اختي غلحسد لفيهم
مكتفهمش ليهم حنا مغربة مكتيرش عدنا تعدد عرفتي وحد سيد من الفملة قال ليه وحد سعودي نتوما لمغرب كتزوج غير وحد حية عيلتكوم سحرات
جوبو كليه مكدبتيش حية كيسحرون بتعامل ديالهم حنا عيلتنا فيها ام مربية خادمة زوجة لحبيبة او زيد او زيد ....................... ام نتوم خسكم 4 او شوف تشوف حية معكزة
هههههههههههه عبر عليه
غير مكتفهمش ليهم ككندير ليها او كيبدو يبقبقو

ام عفيفة
03-12-2012, 10:34
أولا أختي الكريمة أحيك تحية عظيمه على غيرتك.في الحقيقة أهل الخليج يتهموننا بالدعارة والشعوذة لأنهم هم من يبحث على هذه الأمور فيجدنوها إذن هم أهل هذه الأمور،وكون جل نساء الخليجيات يتهمون المغربيات بالسحر لان كثير من الخليجين يحبون الزواج من مغربيات لأنهن فعلا ساحرات بإمتيازهن في استمالت أزواجهن بالسحر الحلال الذي هو تفنن المرأة المغربية في حياتها الزوجيه من جميع النواحي،وهذا تفتقر إليه الكثير من الخليجيات فيتهمن المغربيات بالسحر لأنهن جاهلات بأن السحر الحلال اللذي هو ذكاء المرأة في سحر زوجها بفن التعامل وقضاء حاجيات الزوج بحب وطاعة له أعظم وأكبر من سحر الشعوذة اللذي يضر ولا ينفع بشيء.
أختي الكريمة لا تتركي عملك بل بالعكس أظهري لهن مهارتك في عملك وجمالية تعاملك،وكذلك مرة مرة إستغلي فرصة وجودهن وكلمي زوجك عبر الهاتف بأحلى وأجمل كلام ليعرفن سحر المغربيات الحقيقي،
وقولي لهن نعم السحرموجود في المغرب وفي السعودية وفي كل بلاد العالم لكن اللذين يؤمنون به هم الجهلة الكفرة بدين الله لانهم يؤمنون بقوته.وقولي لها أنتم لديم هيئة مخصصة في القبض على السحرة لأنه لديكم سحرة وعار عليكم يابلد الحرمين وجبل عرفات والمدينة المنورة وبلد رسول الله وبلد العلماء أن تعتقدوا في السحر.
أما السحرة اللذين في المغرب فهم فقط كذابون يستغلون الجهلة لسرقة أموالهم باسم السحر.
أختي الكريمة لا تهتمي لكلامهن فهن يحسدونك لأنك ناجحة ويردن إزعاجك بهذا، أحسن رد لك وريهن هذا الفيديو وقولي لهن هذه الأمور السحرية وجدوها عندكم في السعودية عندما قبضو على سحرة في السعودية وليس في المغرب . أرجوك وريهن ماذا يفعلن السعوديات لأدية الناس بالسحر.
شوفي كُنْ مَمْنْتشر عندهوم هاذ الأمر كاع ميدروش هاذ البرنامج باش ينبهو الناس بخطر إنتشاره في بلد الرسول والعلماء وبلد تطبيق الشريعة .قولي لهم عار عليكم تتهمو المغرب لي مفيه مكة ولا مدينة منورة وليس بقبلة المسلمين وتنسوا بلدكم لي هي قبلة المسلمين.
سمعي هاذ الشيخ أوشوفي كيف فضح سحرة في السعودية
وريهم البرنامج وقولي ليهم يله شفتو السحر فبلاد العبادة .
http://www.youtube.com/watch?v=wjWX1rg9GYc

فراوله مغربيه
03-12-2012, 10:38
السلام عليكم اختي ما تديريش في بالك راه عندهم فوبيا من المغربيات حيث احسن منهم الحمد لله , عرفتي قبل شي اربعة ايام جالسة انا ولوستي و مرات لوسي وهذو اماراتيات وهي تقولي مرات لوسي صحيح عندكم الحين مول كبير في كازا بلانكا وانا نقولها اه موروكو مول وهي تقول للوستي هذا الشيخ ديالنا فالفجيرة هو اللي بناه ليهم وانا ونقولها عفواااااااااااا المول ديال بيزنس مان مغربي هو و مراتو وهو في نفس الوقت ملياااااااااااااااااااردير كاينه شراكة مع خليجيين لكن ماشي بناه لينا شيخكم وفي عوض مايجي يبني لينا خليه يبني في مدينتكم اول اللي هي الفجيرة دايرة بحال شي فيلاج عرفتي تصدمت , هذا القوم راهم مغشوشين في راسهم بزاااااف ما تديش عليهم و خلي ديما لسانك جاااااهز للجواب راكي مسلمة مغربية حررررررررره واللي خداك عرف شنو خدا الاصل و الجود والكرم والطيبة والمراة ديال الزمان ماشي من بعض اللي معتابرين الزواج هو الجنس والفلوس

love.butterfly
03-12-2012, 12:10
tbarkllah 3lik 3barti 3lihom baradtilina lkhatr fihom

سهرانة
03-12-2012, 20:02
سلام عليكم اختى خاصك تعرفي اي مجال ديال العمل راه غادي تلقاي فيه بعض العقبات والعراقيل ولكن خليك اكبر منها واعقل اكيد ما نقول لك سكتي لانه بعض الناس تشوف سكوتك ضعف ماشي نزاهة وتعقل منك جاوبي وبحكمة بحيت ما تبانيش نعصبة او ان الموضوع محرج لك وانتى عايشى في السعودية ولا يخفى عليك انه الهيئة اغلب شغلها في القبض على السحرة والمشعودين وافك السحر وهدا الامر لم يعد حكرا على المغربيات فخليك هادئة ولا تنرفزي نفسك وتخسري شغلك بسبب تفاهات وربما كيف قالو الاخوات ارادت احراجك وجعل الاخرين يخافو منك وبالتالي يبعدو عنك والا علاش غادي تفتحو بشكل علني انا في الاول كنت بحالك ولكن الان ردي اني تنقول هدا وصف مستهلك هل من جديد
لا تبريري ولا تسكتي في نفس الوقت وحاجة اخرى من ترجعي لشغلك تعاملي كانه شئ لم يكن غادي تستفزيها اكثر لانه ادا كان هدفها ازعاجك فغادي تعرف انك لم تنزعجي ولم تاتر عليك وحتة الى سمعو الحوار بينكم غادي يفهمو ان قلبك وعقلك اكبر مما يقال عنك كونك مغربية ملاحظة تراه ممكن الموضوع يفتح حتى من طرف زبونة واش غادي تعصبي في وجها لا جاوبي بكل برودة اعصاب وضربة في الصميم تسكتها وتخليها تحس بحقارة وصفها وممكن تطلب منك السماح
ولا تنسي رب ضارة نافعة بعض الناس يستحسن ما تبرري وتنكري باش يبقاو يخافو يغلطو معاك ههههه
تقبلي مروري اعانك الله والله يجعل كيدهم في نحورهم

دكتورة ام رشى
03-12-2012, 20:20
اختي الى مكنتيش على كفالتهم خرجي عطا الله تمارة فالمشاغل هادو حقودات احسن ليك تبعدي عليهم ويااااااااااااااما بنشوف من هاد الاشكال تيعدفوك فالعمل و فالخروجات

ميرامار
03-12-2012, 20:46
آش غنقوليك إيلا بغيتي اطرطقيهم وتخليهم يتقلاو فزيتهم هي أنك ترجعي براسك مرفوع فحال مكاين والو أما ايلا مرجعتيش راه داكشي اللي بغاو وخليهم يعرفو بأنهم داكشي اللي بغاو يوصلو ليه عمرهم يلقاوه فطريقك ومتسكتيش ليهم ولكن إيلا بغيتي تعبري عليهم جاوبيهم بحشيان الهدرة ونتي ضاحكة باش يندمو حتى علاش جبدو معاك الهدرة من الاول

ام سونا
04-12-2012, 00:19
شـاپــُو اختي لولو

حتا انا فالسعودية و تلاقيت بزاف مع سعوديات و سوريات و هضرت معاهم و لكن عمري سمعت منهم شي حاجا تمس شرف المغربيات بالعكس قالو لي بللي ناس طيبين بحالنا قلال و كيقولو انهم تيعرفو مغربيات و كيعاودو عليهم الله يعمرها دار

و انا لما تلاقيت مرة مع سعودية فعيادة للاسنان قالت لي انت من الطايف كيسحابليها سعودية قلتليها و بكل فخر انا مغربية تعجبت و قالت لي ما عرفتكومش كتلبسو نقاب و لگوانتي و تقاشر قالتلي اللي كنعرفهوم ماشي منقبات لهاد الدرجة قلت ليها حنا معظم المغربيات بحالي كيلبسو و قالت لي دوزي عندنا للدار زوريني اعتذرت ليها

المهم اختي رجعي لعملك كيف العادة و راسك مرفوع

omomohamed3
04-12-2012, 11:51
سلام عليكم بغيت نحكي ليكم شنو جرالي البارح مع شي سعوديات وسورية انا بديت كنشتاغل في صالون بالسعودية كاين فيه 3 سعوديات وسورية متخصصة في ليستيتيك المهم يا ناس هدا السعوديات هما صاحبات المشغل وكيشتاغلو فيه وهما خواتات وهدا السورية كارية عندهم واحد الدار المهيم كنتصدم البارح في مجمع كنا كنشربو قهوة كتقلي السوووووووووووورية واواكد على السورية قاتلي هاكا ( معروف عليكم انتم المغربيات ساحرات وكهانات وبصارات ) قتليها شنو قاتلي اه وهما يتفركعو عليا السعوديات لي مكانوش اقدرو اتجرؤ عليا اننا صح ساحرات قتله شوفي اختي في اي بلد يوحد الصالح والطالح وانتي تتهمن كل المغربيات انهم ساحرات ممكن نتقبل كلامك لو قلتي بعض بس انتي تقولي الكل قلت ليها السحر حق والعين حق ولكن كون كان الساحر ينفع ينفع راسو بالاول قاتلي لا لا لا احنى بيجون عندنا بسوريا مغربيات يدقون بالبيوت وتقوليك ابغى ابصر ليك قتليه تقولين ليا بعض مغربيات يرحون مراقص اصدقك بس تقولين لي يجون عندكم البيوت هادي لي متدخلش لعقل قلت ليه هديك البصارت لو تنجم تنجم ببلادها وطلع فلوس صحاح مو تروح مدلولة على بلد اخر باش تبصر ليكم قتليها وزيدون نتوما لي مشهورات بالبصارت وقراءة الفنجان قاتلي لا لا لا احنى غير كنضحكو بيها قتليها واش ها الكلام هو التبصير فيه ضحك وفيه الصح تعرفو شنو قاتلي لا يا اخني ده الرسول صلى الله عليه وسلم انسحر ادن السحر حق قتليها فعلا بس وين انسحر الرسول قاتلي هون قتليها ادن منسحرش في المغرب او سحرتو مغربية سحروه خليج وهما يسكتو المهم ابنات بلادي عرلقت وتعصبت وتزنكت لانني تحطيت في اصعب موقف انكي دافعي على بلادك وكون زادت معايا كلمة وحدة كنت نتفها وهدو غيرين منا لاننا حمد لله لاباسات عليهم دوق في الاكل في الشرب في البيت في كل شئ بس الله اخليكم انا البارح وصلت لمعاهم هاكا واليوم قزت نتخلى على هدا العمل لانني عايرو فيه بنات بلادي وانا بعد ساعة راح تتصل بيا صاحبة المشغل بغيت نبين ليها ان المغربيات عندهم نفس وكرامة وميسمحوش لي عايرهم والله انعل الرزق لي يجي منهم عاءلتي متافقين معايا بس زوجي كيقول ليا لا لا لا ديري راسك مفراسك فوالو راكي غاتستافدي منهم وفالاخير تعلمي منهم تسريحات الخليجية وخليهم صافي ولكن بهدا الاكلام راجلي كيشوف المادة مكيشوفش كرامة الشعب المغربي واشنو رأيكم
وعليكم السلام اختي لولو كاتي كدايرة اش اخبارك هي خدمتي هدكشي اعلاش مبقيناش انشوفوك في تجمع ديالنا امبروك اعليك شوفي اختي راه خاصك الصبر هدالبلاد لمكانش عندك الصبر القلب كبير راه متعيشيش فيها اما هديك سورية راها اتلقايها غيرانة منك الا سمعات السعوديات اشكرو فيك ابغات تخلق ليك مشاكل امعاهم اديها افي خدمتك اميكي اطنشيها اشوفيها لمتفركع انا عندي صديقات سعوديات الله اعمرليهم دار عمرني مسمعت منهم شي حاجة قلقاتني عشرة 17سنة امشيت المغرب نهائى ابقينا دائما على اتصال ارجعت افرحو بيا قداش كل يوم وحدة عازمني ولكن راه فيهم للعيادوبالله متشاف اكيسمعو مغربية اكيضربهم الضوء بحال مين ابغيت انسجل بنتي في المدرسة اخديت ملف اديالها للادارة تسجيل قيسم اختبارات اسمعو مغربية ابقات وحدة اتصفطني الوحدة امين كيشوفوني اتقوليها المغربية جات اهو راجلي امشى ادرة تعليم للمدير كيعرفو اهو ارسل ليهم خطاب بقبول البنت في التسجيل عرفتي مين امشيت عندهم اشافو الخطاب جاهم من الفوق قالو ليا المغربيات مساهلاتش كتعرفي مدير ادرة التعليم كلتليهم كان كيجي اقسر عندي اهما انطمو كاملين امين اخديت ملف المدراسة لغتقرافيها بنتي اتلقات ليا وحدة من معلمات اقالت ليا اني كتشتغلي قلت ليها لا وهي تقول ليا متخدميش وانا انضحك قلت ليها عندك شي خدمة ليا اعرفي اشنو قالت ليا ابقاي اتجينا البيت اتعملي لينا حمام مغربي امساج اتقادينا اتمشي لنشوف ليك كليان اتبقاي اتمشي عندهم وانا انبقى انضحك قالت ليا اشفيك تضحكين قلت ليها مدرتو حتى راسس انديرو ليك انا قول ليها خليها حتى هد المرة انمشي المغرب اندير دورة عند شي طيابة انجيب شهادة انجيب معدات انجي انخدم ليكم قالت حتى حمام سونة كتقراو اعليه قلت ليها ضروري اهي تسكت مين اخرجت عند راجلي شافني انضحك قلت ليه مرتك غادية اتخدم طيابة اهنى انبقى انهز امعاية الكيس والصابون البلدي الغاسول الحنة انجلس في موقف

om faysal
04-12-2012, 20:07
assalam alaikom ya okhti
ta ana sakna fi saoudya mais ma diri fi rassek walou tiki fi rassek ou bkay stafdi manhom ou samri klam rajlek, aman dik souria sadi rliha tama man ou khassek doui mra saroudya moulat salon goulilha ana rani ri hshamt mabritsh sdar ou mabritch najbed bnad nass gouliliha doui mra souria bash tbared rlik ila baryinak mrahom

alah yessahel lik inchalah
ou dima ikoun listirfare rla foumek
ou dri dima bash rabi inajik manhom ou issahel lik omorek.

ام هديل212
05-12-2012, 22:55
لولوكاتي تباركالله عليك بيني لهم المراة المغربية عندها النفس. و كرامتها فوق كل شئ و كنموتو على بلادنا و شوفي الى اتصلت بيك صاحبة الشغل قولي لها مبقيتش باغة نخدم الا الى اعتدرتو و في رايي البيئة د المشغل اللي انتي فيه غير مناسبة للعمل هم حاقدين و حاسدين تخافي يهدنو معاك دابا اللعب و يكيدو لك احسن شوفي رزقك مكان تاني و الاحسن يكون مشغل مافيهش السعوديات

حفيضة84
05-12-2012, 23:06
:82:

رشيدة أم يزيد
05-12-2012, 23:37
وعليكم السلام اختي لولو كاتي كدايرة اش اخبارك هي خدمتي هدكشي اعلاش مبقيناش انشوفوك في تجمع ديالنا امبروك اعليك شوفي اختي راه خاصك الصبر هدالبلاد لمكانش عندك الصبر القلب كبير راه متعيشيش فيها اما هديك سورية راها اتلقايها غيرانة منك الا سمعات السعوديات اشكرو فيك ابغات تخلق ليك مشاكل امعاهم اديها افي خدمتك اميكي اطنشيها اشوفيها لمتفركع انا عندي صديقات سعوديات الله اعمرليهم دار عمرني مسمعت منهم شي حاجة قلقاتني عشرة 17سنة امشيت المغرب نهائى ابقينا دائما على اتصال ارجعت افرحو بيا قداش كل يوم وحدة عازمني ولكن راه فيهم للعيادوبالله متشاف اكيسمعو مغربية اكيضربهم الضوء بحال مين ابغيت انسجل بنتي في المدرسة اخديت ملف اديالها للادارة تسجيل قيسم اختبارات اسمعو مغربية ابقات وحدة اتصفطني الوحدة امين كيشوفوني اتقوليها المغربية جات اهو راجلي امشى ادرة تعليم للمدير كيعرفو اهو ارسل ليهم خطاب بقبول البنت في التسجيل عرفتي مين امشيت عندهم اشافو الخطاب جاهم من الفوق قالو ليا المغربيات مساهلاتش كتعرفي مدير ادرة التعليم كلتليهم كان كيجي اقسر عندي اهما انطمو كاملين امين اخديت ملف المدراسة لغتقرافيها بنتي اتلقات ليا وحدة من معلمات اقالت ليا اني كتشتغلي قلت ليها لا وهي تقول ليا متخدميش وانا انضحك قلت ليها عندك شي خدمة ليا اعرفي اشنو قالت ليا ابقاي اتجينا البيت اتعملي لينا حمام مغربي امساج اتقادينا اتمشي لنشوف ليك كليان اتبقاي اتمشي عندهم وانا انبقى انضحك قالت ليا اشفيك تضحكين قلت ليها مدرتو حتى راسس انديرو ليك انا قول ليها خليها حتى هد المرة انمشي المغرب اندير دورة عند شي طيابة انجيب شهادة انجيب معدات انجي انخدم ليكم قالت حتى حمام سونة كتقراو اعليه قلت ليها ضروري اهي تسكت مين اخرجت عند راجلي شافني انضحك قلت ليه مرتك غادية اتخدم طيابة اهنى انبقى انهز امعاية الكيس والصابون البلدي الغاسول الحنة انجلس في موقف

Dahaktini ya benti,lah y3tik chi khayr

ntouma f saoudiya kaykololkom tkhedmo f hamam
w hna ffrance kaykolona tkhedmo f menage (lkhedma d dyour), ana analyste financière mli tzwejtmchit l france,wmli bdit nfetech 3la lkhedma, kaykololi hayed l foulard,wla ila bghiti tkhali cha3rek mghati, kayen menage

رشيدة أم يزيد
05-12-2012, 23:38
المغرب والمغاربة كانوا و مازالوا و إن شاء الله غادي يبقاو كيف ماقال الشاعر : "رغم الداء و الأعداء، كالنسر فوق القمة الشماء"

وقول لهديك، كيف ما كيقولو هما الخليجييين "اللي ما يطول العنب حامض عنه يقول"

و آخر حاجة، برافو عليك يا لالة،
w law kanlek 3and "lghzal" haja,kolo ya sidi
lfahem yfham

عطية الرحمان
05-12-2012, 23:40
حبيبة حاولي تحققي داتك وسطهم وتقوي شخصيتك بحسن اخلاقك وبالاحسان في عملك هادشي باش غتفرضي عليهم احترامك والله يهدي ما خلق

سونة1984
06-12-2012, 01:04
الله يعاونك عليهم اختي تحية كبيرة ليك و الله يرزقك الصبر انا الصراحة ماكانقدرش نصبر لشي هضرة بحال هادي و البنات تبارك الله ماخلاو ليا مانقول

اميرة الحجاب82
06-12-2012, 01:47
حبيبة ديالي الى تساعفيني راه السورية بغات تجري عليك ولكن بتاويل واصلا هما فعلا مفهمينش كيفاش نقدرو نسيطرو على راجل اما السحر دبا مبقاش السحر كاين الا عند قلة ديال الناس اصلا الجنون ولاو يخافو من بنادم ههههههههههههههه
معليناش تبتي مكانك وان شاء الله تولي اشطر وحدة فيهم وتعملي صالون ديالك الله يوفقك

المتفائله خيرا
06-12-2012, 02:18
سلام
شوفي حبيبة....أنتي تبارك الله عليك جاوبتيهم و سكتيهم....السحر في كل مكان....و بعض السعوديات آو أي جنسية اللي ما عمرهم خرجوا و شافوا كيكون تفكيرهم محدود ....بعكس السعوديات بنات الخير اللي ما خلاو حتى بلاد.....كتكون عقليتهم زوينه و منفتحه و مكيقولوش بحال هاذ الهدرة....كيكونوا واعيين بزاف....أنا بلاصتك ما نتقلق و ما نتعصب....قولي لهاذيك السورية....المغربيات سحارات....( واش تحطيها في ذمتك ) راه هذا يتسمى غيبة و بهتان ....يوم القيام غادي يطلع من لسانها أقوام و أجيال مغاربه ياخذو حسناتها.....قوليها ( اتقاي الله )...و متقلقيش نهائيا و رجعي لخدمتك.

بعض....بعض المغربيات هداهم الله.....كيساهموا في انتشار هاذ الشائعة علينا....أستغفر الله لي و لهم....و الله يهديهم....و كيف ما كاين بعض المغربيات....كاين بعض السعوديات....بعض السوريات....مهنة السحر قديمة من عهد فرعون.....و مذكورة في القرآن ......و باختصار أختي....منين تبغي تسكتيهم ...قولي غير هاذيك الكلمة ( الكلمة هاذي تحطيها في ذمتك )....وخليها تجاوبك هاذيك الساعه....و غادي تشوفي هذاك الساعه كيف دخل سوق راسها و متحاوبيهاش و متجادليش معاها......قولي لا حول و لا قوة إلا بالله و صافي .......متبقايش تجادلي في بحال هاذ المواضيع.....و عاد. هاد السورية ....قولي السلام عليكم عليكم السلام.....و جمعي و طوي......عامليها لوجه الله.....و خليها تحط في ذمتها....راه يجي يوم هي تعتذر ليك .

المتفائله خيرا
06-12-2012, 02:24
نصيحتي أختي ثانية ....متبقايش تصدعي راسك و بعدي على المجادلات و الحوارات.....منين تكون عندك الخدمة خدمي و تعلمي.....و منين تكون مسألية ....خذي معاك سبحة و قرآن وأذكار ......عطي التيقار أختي أحسن....هاذي نصيحة من أخت أكبر منك .

ام معتزبالله
06-12-2012, 02:54
السلام اختي ماتسوقيهمش وروحي خدمي خدمتك مثل ماقال زوجك وتعلمي والى كانو يهضرو في المغربيات خليهم وماتعلقييش وجوابك بمحله لهم كل مكان فيه الصالح والطالح
سوا وقتي من خدمتك واتصلو ورجعوك ماغاديش يغير نضرتهم هما من غيرتهم منا يتكلمو للانو ماكيعرفوش المغربية منا كتصبر على الصغيرة والكبيرة واتحمل كل المصاعب وتقابل بيتها واولادها وتهتم بشغلها وهالشي الى قاهرهم للانو عندنا توافق بكل الجوانب وربي يحميكي ويقويكي ويسهل عليكي المصاعب

lolokati
06-12-2012, 18:13
سلام عليكم فرحة مين دخلت ولقيتكم جاوبتوني اشكر كل انيقة على مرورها العطر حقيقة البنات انا محتاجا نبقى معاهم باش نتعلم منهم التسريحات الخليجية وتشقير ليدللك انا لغد ليه ممشيتش حتى بعد مشيت وخديت مديرة المشغل وعتادرت ليا وقاتلي حنى كانعرفو ناس مزيان وهون في حارتنا راه كاين سحارات سعوديات وعراقيات شيعيات قاتلي بأي مكان في السحر وكيفما فهمتو اخواتي فعلا هدا السورية شافت جاتها منافسة في الصالون بغات تحيدني بأي طريقة ولقيتها كتهضر في ظهري بزاف بزاف وكيفما قتليكم هي اختصاصها لحف يعني لاسير والخيط والحلاوة ومين شافتهم غي علموني انا فابور التسريحات لانهم كيستافدو مني في الوصفات المغربية ....... قالت ليهم الي تتعلمو المغربية ابغى اتعلمو مفهمتش هدا السيدة اش بين او بينها ولكن دابا مكنهضر معاها مكتهضر معايا والوووووووو عاطيها تيقار بحالا مكيناش والله اغلبني عليهم ولعز للمغرب ولكل مغربية وبغيت كل مغربية تعرف من خلا ل موضوعي اننا حمد لله بنات الخير والنظاففففففففففففة والزين والبياض واللسان الحلو والدوق في اللباس والاكل والشرب وفي كل شي اعتزي وافتخري بنفسك يا مغربية والسلام عليكم

rimaalfala
06-12-2012, 19:24
اختي حاسة بيك ماشي غير في الخليج كنسمعو هاد الهضرة في اي مكاان انا في ليبيا وكنسمع هاد الهضرة وكاينين اللي كيأكدو ليا بانه فعلا دايرين مابغاو هنا الصراحة عمر شي وحدة ماجرحاتني كيقولو على اللي سمعو بيهم ولا شافوهوم ماكيعمموش انا مكنقدرش نكدب الهضرة لانها كااااينة ديك الهضرة اش غادي نقولو ربي يهدي الناس والفقر راه ماشي دافع باش يديرو هاد الشي ياما كاينين فقراء بكرامهتهم وشرفهم ويباتو بالجوع وجارو ماعارفش واش كلا ولا لا فعلا خاص حد للموضوع الحكومة تتحرك شوية بالتعاون مع حكومات البلد المستضيف يديرو حل لانه بناتنا كيضيعو غير من جراء الطمع ...انت فعلا مقصرتيش انا في نظري كملي معاهم وباخلاقك وتعاملك معاهم ومع غيرهم غادي تبرهني ليهم العكس ...

أم سامي
06-12-2012, 19:38
السعوديات مثلهم مثل جميع الناس فوق القارة الذين يحكون ما يسمعون
مثلهم مثل دول الغرب الذين لازالوا يعتبرون أننا نسكن في الخيام ونعيش عيشة بدائية....
لأنهم سعمعوا وعندهم صور مفبركة عن دول الجنوب ونفس الشيء بالنسبة للخليجيات
فمرت فترة في تاريغ المغرب، ربما يمكن اعتبارها فترة سوداء، كان المغرب الوجهة المفضلة لبعض الخليجين
ومن تم كرهت السعوديات المغرب والمغربيات
فلاداعي لنفكر بشكل سلبي عندما تمس بعض الجاهلات كرامة المغربيات اللي هي في الأصل لالات العيالات هههه
لا تقلقي عزيزتي ما جمت تعيشين بينهم فما عليك إلا تجاهلهم ولا تناقشيهم في أفكار مفبركة ولا صحة منها
تحياتي

ام نهلة
06-12-2012, 19:40
سلام عليكم فرحة مين دخلت ولقيتكم جاوبتوني اشكر كل انيقة على مرورها العطر حقيقة البنات انا محتاجا نبقى معاهم باش نتعلم منهم التسريحات الخليجية وتشقير ليدللك انا لغد ليه ممشيتش حتى بعد مشيت وخديت مديرة المشغل وعتادرت ليا وقاتلي حنى كانعرفو ناس مزيان وهون في حارتنا راه كاين سحارات سعوديات وعراقيات شيعيات قاتلي بأي مكان في السحر وكيفما فهمتو اخواتي فعلا هدا السورية شافت جاتها منافسة في الصالون بغات تحيدني بأي طريقة ولقيتها كتهضر في ظهري بزاف بزاف وكيفما قتليكم هي اختصاصها لحف يعني لاسير والخيط والحلاوة ومين شافتهم غي علموني انا فابور التسريحات لانهم كيستافدو مني في الوصفات المغربية ....... قالت ليهم الي تتعلمو المغربية ابغى اتعلمو مفهمتش هدا السيدة اش بين او بينها ولكن دابا مكنهضر معاها مكتهضر معايا والوووووووو عاطيها تيقار بحالا مكيناش والله اغلبني عليهم ولعز للمغرب ولكل مغربية وبغيت كل مغربية تعرف من خلا ل موضوعي اننا حمد لله بنات الخير والنظاففففففففففففة والزين والبياض واللسان الحلو والدوق في اللباس والاكل والشرب وفي كل شي اعتزي وافتخري بنفسك يا مغربية والسلام عليكم
الله يوفقك احبيبة المهم فبحال هاد الخدمة ميكونش فيها النتيف الحجبان والاطلاع على العورات
والله يسر لك فلفيها الخير

amira riham
06-12-2012, 19:41
Salam akheti allah ye3awnek hena kolna m3ak wa/rez9ak mate9t3ich biydek homa haka kaydiro soryat hessed ye9t3hom wa lobnanyat homa 3andena fi allmagne

فرح ام ياسر
06-12-2012, 19:58
أختي رفع راسك لفوق حيت نت مغربية و نت باخلاقك وكرامتك تجاوبهم ويقول المتل ياما تحت سواهي دواهي

om_loay
08-12-2012, 15:04
شتي الحبيبة السورية راه غيرانة منك و بغات تحيدك من قدامها عرفتي علاش؟ حنت المشاغل اول مكتدخل الزبونة كتسول على مغربية ولا فلبينية و اكثر شي مغربية حنت المغربيات معروفين دواقات في القطيع و الزبونة كترتاح على يد المغربية السيدة خايفة على بلاصتها تلاح للتوش داكشي علاش بغات تجبدك . نصيحة مني الى جبدات مرة اخرى عطيها علاش كتقلب غير بالفن و برودة اعصاب و دوي معاها و ضحكي راك غادي تحرقي اعصابها و الى قالت لك المغربيات سحارات قولي لها =مدام علقتي على هاد المعلومة خدي بالك راه كلشي وارد و ضحكي راه تولي خايفة منك .و الى هضرات معاك في الفساد قولي لها بغيت غير نسولك واش انتي علوية ولا سنية؟ و واش بصح كنسمع عليكم عطينها للشيشة قتلة و عادي الشيشة كتدور على الدار كاملة من الاب و الام حتال الاخ الصغير ....واش لمعسل فيه الحشيش ولا والو....استفزيها راه اليوم تجبدك و تجبدي لها ضواسهم راه تدخل سوق راسها .\
كوني متاكدة الى وريتيها نيابك راه غادي تدخل سوق راسها .و لتخليش خدمتك مسمار جحى في داك المشغل .

ميسان2
08-12-2012, 15:19
تبارك الاخوات قالو لك المفيد السورية غيرانة منك ولاسف اختي وخا تخلي خدمتك غتسمعي اللام في مكان اخر وميمكنش كل مرة تسمحي في الخدمة على ود شتائم وللاسف هي حقائق شي معفونات عفنونة وشوهونة وراكي ربما تكونش شفتي اليوتوب الجديد اللي خرج هادي2 اسابيع والحمد لله المغربيات فيهم النفس بركو عليه حتى تحيد شووووووهة شوووووهة عمرني شفت بحال هاد المصيبة قسم بالله الى تازمت فاش شفتو بالتالي هانتي كيف غدافعي على فاسدات وتهدمي حياتك بسباهم وهما اصلا من النوع اللي متيحسوش والله يخلي للمغرب المغربيات الشريفات يرفعو راسنا ونربو اولادنا ونكونو جيل جديد صالح هدا هو افضل رد على هاد الخامجات شوهنو الله ينتقم منهم انت دافتي وسكتيهم تبارك الله عليك لكن اخدمتك خليها اختي لان كل مرة ختسمعي كلام اكثر من هدا مدام شي بنات المغرب مبغاوش يحشمو والله يهدينا

سقيعة
08-12-2012, 15:26
هههههههههههههههههههههههههههههههههه لي يعيش في الخليج ياما يشوف وياما يسمع من ها العقليه زباله لي عندهم الله يقويق اختي وبس

lolokati
08-12-2012, 17:27
سلام عليكم ام لؤي ضحكتيني والله عرفتي راه هيا قالتهالي بفمها انها كتشيش مع راجلها انا تصدمة وقاتلي رجالنا كيقولو المرأة الى ما تشرب ارجيله ما تنفع زوجة الله استرنا اختي والله العظيم الغربة كتوريك العجب سمعنا بي بنات اشربو شيشة تخبية على دارهم بس راجل اطلب من مراتو دير معاه شيشة هاد الشي كيصدم

سهرانة
08-12-2012, 20:37
يااختي انا مخدمتش عندها خادمة انا اصلا كنت خدامة فحضانة الفترة المسائية كيحترموني كل وحدة كدرس فالقسم ديالها كنسالي وقتي كنمشي لداري وهاد العائلة من معارف زوجي وراجلها صاحب راجلي وعندهم الخادمات كانو تيقلبو على جليسة لبنتهم الفترة الصباحية قالهم راجلي جيبوها عند مراتي راها مكتشتغلش فصباح ومنين تجيو من الشغل دوزو خودوها وهما يشبطو فراجلي عفاك تجي هي لبنيتا صغيرة يدربها البرد فصباح بكري قربو يبكيو منين بديت هي كتجي مولات الدار ونا كنخرج وهاد الاسبوع الي مخدماتش فيه بقات بالهضة الي عاوتلكم اما مكندنش شي نغربية تشتغل خادمة عندهم وهما اصلا ميخدموش مغربية ميتين من المغربيات الله يهدي الجميع
السلام عليكم عاد قريت موضوعك اختى الرزق بيد الله الله يرزقك من حيت لا تحتسبين لا اديريش في خاطرك الخيرة فيما اختاره الله
وهدا المسالة راك غادي تصادفيها حتى مع ناس ما تعرفيهمش واخة في السوبر مارك كاين الناس الى عقليتهم قديمة وكاين الى واعيين و وعندهم علاقات زوينة مع المغربيات وكنعرف ناس لا يتقون ولا يطمنو على اولادهم الا مع المغربية وكيعاملوها وحدة منهم راه فين ما مشيتي كاين الزين وكاين الخايب غير الانسان ديما يدعي الله يلاقيه مع ولاد الحلال والنفوس الطيبة

om_loay
08-12-2012, 21:16
سلام عليكم ام لؤي ضحكتيني والله عرفتي راه هيا قالتهالي بفمها انها كتشيش مع راجلها انا تصدمة وقاتلي رجالنا كيقولو المرأة الى ما تشرب ارجيله ما تنفع زوجة الله استرنا اختي والله العظيم الغربة كتوريك العجب سمعنا بي بنات اشربو شيشة تخبية على دارهم بس راجل اطلب من مراتو دير معاه شيشة هاد الشي كيصدم

صافي هانتي شديتي عليها كود اقتما جات تهضر معاك ضحكي و قولي لها انا عارفاك مكتدويش من خاطرك و عدراك حنت موحاااااااااال شيشتي اليوم .وقولي لها احنا بنات البيران و المراقص هما الي كيشيشو و الشيشة دليل في مجتمعنا المغربي و العربي على فساد المراة.
و حشيها فيها غير بالفن و الفاهم يفهم باش تصحح المعلومة ديال شكون الي معمر المراقص ههههههههه . راه محدك كتقدامي في الغربة و شلى مغدي تشوفي ووسعي خاطرك و خلي شخصيتك قوية و طولي بالك راه غير مجرد وقت وتولي دايرة بلاصتك وسطهم .و الله يوفقك

safa wa
12-12-2012, 04:12
الله ينصرك وينصرنا على كل واحد كيعيرنا واحد السعودي عدو جوج ولاد واحد اخواني ولاخر لا سيفطهم للمغرب باش يفوجو شوية ملي رجعو سولهم على الرحلة ديالهم كيدازت قاليه الاخواني والله يا بوي هدا البلد بلد دين وتقوى ونساؤهم محترمات ومحجبات ومساجدهم مليانة
والتاني قاليه والله بلد كلو فسق وفجور وبناتهم ما يستحيون
يعني اللي صالح فيهم مشا الاماكن العبادة وشاف المغرب على حقيقتو ولقانا اننا مسلمين بحالنا بحالهم والتاني مشا نيييييييشان البار كيحسابلو المغرب منحاصر غير فهداك البار
وبلادنا بزااااااااااف عليهم وكنقولهم
قل ماشئت في مسبة عرضي فسكوتي عن اللئيم جواب
ما انا بعادم الجواب ولكن ما من الاسد ان تجيب الكلاب
والله العظيم حتى كينين سعوديات كيموتو على المغربيات وكيحتارموهم راغي المغيارات والمحسادات هوما اللي منوضينها علينا وديييييييييييييييييييما مغاربة واللي ما يبغينا يمشي يدعيناhttps://encrypted-tbn1.gstatic.com/images?q=tbn:ANd9GcQ1Ylte6zPtUo3nNDYoi3eU6QJgonQNb HoKBNjah4OxkwMtpAU5مووووووووووتو بالسمhttp://www.anaqamaghribia.com/vb/image/jpeg;base64,/9j/4AAQSkZJRgABAQAAAQABAAD/2wCEAAkGBhASDxUSExQTFBEQFBIUGBEXEhQUFhUVGBUVFhQVEh cXHCYeFxkjGhISIC8gIzMpLSwsFR8yNTIqNiYrLSkBCQoKDgwO Gg8PGiohHh01KSw1Kio1NCoyLDAqLCwsLSo0LSwsKSo1KTIpKS w0NTUsLS0sKSwqLCktNSwwKSosKf/AABEIAIgBcQMBIgACEQEDEQH/xAAcAAEAAgIDAQAAAAAAAAAAAAAABgcEBQIDCAH/xABPEAABAwIDAwgECQYKCwAAAAABAAIDBBEFEiEGMUEHEyJRYX GBkQgyocEUQlJTYnKSsbIjM0OTs8IXRGRzgoSjw9HSFRYkNGOD lKKk4/H/xAAaAQEAAwEBAQAAAAAAAAAAAAAAAQIDBAUG/8QAMhEBAAEDAQUHAgUFAQAAAAAAAAECAxEEEiExQVEFExRhcYH wMrEiM5HB4UJDUpLRFv/aAAwDAQACEQMRAD8AudEReGsIiICIiAiIgIiICIiAiJdARfGuB 3a7/ZofavqAtbR4/DLVz0rSedpRC54O60rS5pb12tr3hZ09Sxls7mtzODBmcG3cfVa L7yeAUKoMPH+s1TLmc1woqfoi2V7XOc05gRwMbCCOrtVqYiYnI nKIiqCIiAiIgIiICIiAiIgIiICIiAiIgIiICwK3n8/5P1SBwZYHjcnX79/BZ6JE4GoD6rqcdeLYvHNrp2Wv4LrjjqgSenldl6OZriBYZ7EnQ 3va3+AW7RW2vIaRpqy0BwPC9sg+KM1iCLdIW7jv4LkH1dhodzO DL7+lx37v8BvW5RNrygaWM1QaGgO+Kbuymx0zDV2vxjfsG5co5 arS7Twvoy27X/u04aLcIm15D6i+IqgiIgIiICIiAiIgIiICLHxGpMcMkgFzHG94 HWWtJA9igOGbNGupxVCrkNY7UnN0Y3X0ZYdJnh4CyO3T6am5TN dyrZpiYjOM759OSZ7SVpipXua7K45I2v06DpZGxNfr8kyA+Cx9 qtlWV1OIXSzRZJGSNkjfleHsvlJPHf52O8LuxLARUUL6SZ5fzs XNulsAS635wDcCHAO8FXrItraP8lH8Hrom6NleWZsvDNmex97d ebvK1ojPCcTDjndOOKebMbJw0AlbE6VzZ5XSkSSGTKSBcNJ4Xu bm5N9SbLaVtfFCwySvZHG3e97gxo7y42VcMp9ranR8lHRN4lrW vdb6P5zXxCz8O5IIC8S188+ITDX8s9wiH1Y7k27CbdimaYzmqr 9N6GXtfV4XW4WKibNNRiaMtewvYc/PCDM29rgFzwesXtwK5xjLtK4Dc/CmnxZV5R7HLRfwa4i2d1OyrY3B5JjKaXIA8MdJzroWDJ0W5tLh wGt7cDJ4KmB2Mvdm/KNpm0w4Nz53Tyxgk6vyOhdYbhe+5W3RGInPESdERc4IiICIiAi IgIiICIiAiIgIiIC4ySBoJJAABJJNgANSSTuC5KteWjEZIo6Yv jdLhzpXfCY2y806Q2HNRk+tlvndYb8ovbQq1FO1VgWJSVkcrBJ E9kjHXs9jmvabGxs5pIOoI8F3KDcm0NS1lm03wPDgJDDBI4vqH vkkz85IT6jAC5oaddRcnepyldOzOAREVQREQEREBERAREQEREB ERAREQEREHF0jQQCQC42AJ3mxNh16AnwXJVJyyY/NSYjhkouIYnvkuD6zszGytP8Ayzb+mVbavVRiInqCheM7Pspam CopbxvlqI43wtPQe11y/o8AA0kjdx0spotFjONzxVUEUdO6Rkp6Umtm8NDuBAu45t43Kjt 0VdymuYo5xOYmcRMY553N6ix6eqzPkaBpE5rb33uLGvOnUA9nt Wuw7aynmrZ6Nmfn6QNLwWENIcG6sduIBcBrbsuNVOJcTcrFxLF IadgfM8Ma58cYJvq97g1g06yfDislwNtDY9fV2qj5MNxabCZ31 srXU+HsmMFvzr54JXRiSUjUhuSUC+/MDrvV7dEVcZF4rCp8GgZPJO2NonmtnltdxAAAbfg0Bo0Gl9d67 ajEIo4jM97WxNbnMhNmhtr3J6rKlJOVSsnr4pYpxFGKuOD/AEYY7SOic8NL3uIs9x1BAILCRYcVNu3VVnAvNERZAuLJAb2INi QbG9iN4PauSqzCq+tpsUljDQ98sj3PhzgB4N3h0ZdYZspuOu1j 2HdpNHOppr2aoiaYziefVaaL406e5fUcIiIgIi6X1kYeIy5oke CWsLhmIG8gbyiYiZ4O5ERECIiAiIgLBrMEp5ZoppI2vkp8/Nl2oYXZczmt3Zug2zt44Wus5EicCAT8oZbtI3DiQIDCGHQf7y4 CVpvvtksy3W5T9efuWWlmGPxOpmuNQYYJWhou4vjdJYtHEgQjT 6KvPA8UbU0sNQ3Rs8bJLdWZoJb4EkeC3u0RFNNUcxnIiLAEREB ERAREQEREBERAREQEREBERBWHpBUGfC45baw1DNfovY9p9uTyU +2cq+doqeXjJBA/7UbT71GOWqO+B1H0XU5/t4x71uOT198Ioj/JYB5MA9y2nfaj1kSBERYiC1G2EeG4lNBWEx09Y5tRBUkEsvzbI 5YnkDQh0YcD1P1totpPyg4OwGQ1lLcgAlsjXvIFyBZl3EC507S t1iuD09TGYp4mSxnXI9ocL9Y6j2jVaCl5KsGjdmbRxE/TL5B9mRxb7FrmiY35yNK/lHqcQcYcIgc8Xs7EJmlkEXa1p1e7qB1+iVv8RioqXDm0lZOBFU NNM6V5ymWSRrjI4nc0uJe650BKkcMLWNDWgNa0WDWgAAdQA0AW NimDU9SwMniZK1rmvAe0Gzmm4I6j/wDNxUbUZ3RiBW2w/J3QTZZhXzV9NTyER07iRFG9p0D2Em9tCBZoOhsQp9VbI0MlSyq fTxGpjIc2bLZ2YeqXW9YjgXXtYLNw/CoIA4QxsjEj3SODGhoL3WzOIHE2Hku2oqmMALiBmc1o7XOIDQO sklK7k1TnKYiZ3Q7URFmgUD5SMEeCytiuHw5Q8jeADdkg7ibHv HUp4uqqLMjucy83Yh2awbltY5r6Wsjr0epq016LlO/y6xPGGs2Vx4VdM2TQPHRe0cHi17dhBBHetwoJsPNBB8OcyS9LE 5jg8g+qGvJ77aDtsOtTHDcUinjEkTw9h4jgepw3g9hRprtP3V6 rYidnd7ZjOPXeykRYmLYkyngfM/1Y23sN5O4AdpJA8UcVNM1TFNPGWWq6272WrJKj4RFeQdBrWtuH x20FusZiTmG6/VqsCv5UqpxPNsjjHC4MjvM2HsWudt3iR15427Io7fgR9RoOy9b pq+9jZjlif4ifut3DoXshjbI7PI1jQ5/ynAC581kKpaDlNrWHp83KOILcp8CywHkVPtmdrYa1rsocyRgBc w62vexDhoRoeo9iPK1nZep08TcriJjrHD57N4i4yyhrS5xAa0E knQADUk9iq3aLFa2vLjTxymkjJAyA2fbe53Fx+jw70YaLRVaqr jFNMcZn5xWoirfkvx2TnH0z3EsLS9lyTlIIDmi/Ag3t2dqshFdbpKtJem1VOfPqIiI41Pco55vafC5Plcwy/wDWHtP7RXA0aKn+W0iPEsKm+TIdfqTQu/eKuFbXPopkERFiCIiAiIgIiICIiAiIgIiICIiAiIgh/K6y+B1f1Iz5TRn3LI5MH3waj/mGjyLh7k5T2XwWsH/AcfItPuXTyTOvglH/ADbh5SyD3Lb+17/sJciIsQREQEREBaEv5/Esv6OhYHW655QbH+jHf7a3yjuxrw8VUvGSsn8m5WtHkEdViNmi u50jH+277ZSJERHKivKBtJLSxRiIhskrj0iA6zWjWwOl7uaqux DF6ic3llfJ2OcbDubuHgrzrcOimblljZI3qc0Ot2i+5QzaPYWi BjbEHxyzytjaGuJb8qRxa6+jWNcdLcOtH0/ZGv01mmLddH4t/wCLET/MREMbAqWgnoDRx1BbLK4PcSMjnPFrANdo5osNAb6LZ7C7IzUkk z5SOlZjQ112uaDmLyPIAHUa9ah+02w8lGznOdY9lwB8SS/Czdcx7irXwtrxBGJNZBGzMTvzZRmv43RXtG9sWZmxc2qLsznPH MY9PLluZSwMYwWKpjEcuYsDg4tDi3NYGwcRrbW+ltwXPFMYgp2 Z5ntY3hfe49TWjVx7lA8a5U3G7aZmUfOyanvawaDxv3I8rRaLU 36oqsxMY/q4RHv/AM3tjtDydUnNF8ThA5ovdzyYz2PLycvePIqGYBtfUUZLWkPj1/JucSwH5TCN2vVofasqDA8TxBwe/OW8JJSWMH1G2/CFJWclUPMEGVxnO6S1mA9WTeR23v3KX0lN6zp7fca27FzPLjj3 4/v0RaDDK7E5TLlba+UyZRHG3sFhdx17SrJ2U2ZbRQllw97zme+1 rncAB1AfeetVbU0VfQSEflYr/HYXZHjgbjQ9x17AuTNo8SnPNtmneXaZWaE95YAbKGus0l7VURT auURa8vk/snm2+JulAoKch1RP67QR0I2jMQ4/FJsPC/WFAKHGa2gkLAXRkHpQvF2ntyn7x5qxNiNkDStMstjUSCx1vkbv yg8STYk9g6rmQ1uGwzNyyxskHU5odbuvuR5FvtDT6TOnimLlHO es9emOnpnKttgZHT4o+fK1vQke4NBDQXFo0ve1ySfNWksLDcFp 6cOEMbY85BOUb7br37z5rMc24I1F+I3+CPN7Q1dOqvbdEYiIiI 9mjwvbahqKqWljmaaiBzmOjPRLi31jHf1wCCDbdY8NVvVTdLyF vhxaGZkxfRskExLjaZrmHM1ht6+Z1ukLaXuBpe5FpcppjGzOXn qe9IqMiOik+RLMPNsbh+Aq343XAPWL+eqq30iIr4bC75NU0fai l/yqxsBmz0kD/lwQu842n3q1f5dPuM5ERYgiIgIiICIiAiIgIiICIiAiIgIiINB t/HmwmtH8lnPlG4+5aXkVqQ/A4BxjdOw/rnuHseFLcZpOdppovnYpY/tMc33qrPR2xkGmqKQnpxSCZo45XtDXW7A6MfbC2pjNqfKYFvoi LEEREBERAUE2DxUR1NTRvNnc/K9l+JuQ9o7bNafPqU7Va8oWzEjJjWQglrrF+W+ZjxazxbWxsNe BHaj1uzYt3dvT3JxtxGJ844fPZZSKoaHlIro22LmSgcXsufNpF/FcqnlLr36NMbL/ACI7nwzlyOn/AM/qtrGafXP8LXqKlkbS57mtaN7nENA7yVXO0G3rBWc5CBKIoiyNx uGB73flH23u6LWtG7itbS7LYnXOD5S8N+cmc4WH0Gb/ACAC3Wz+D0dHXSQ1Ba6RojfDLJZrSC3pZQTlDg4G19dNEdFnR6 XSbU11d5XET+Gnpwn7/pncbMbO1NVO2srS4tbZ0bHaZje7SG/EYN9uPdvkW1+1jKOMAWdPIOgzgB8t/wBEe0+JHHHtuaWnYcr2yy8I2ODtfpuFw0e3sUW2X2ckr5zWVWs ZdcNOgkI3ADhG3d22t1oziib8+K1cbNundFPDPSIj7z8jBwrZa sxF/PzPLWO/SvFy4dUTNOj5DvU9wXYujprFrM8g/SPs51+zg3wAW8a0AWGgGlv8F9RwartS9f8AwxOzR/jG7d89hERHlll8DANwsvqICIiAiIgp/l6xmrp5aGSEvjbE6WQSj1edGUNa7gejm0O8Od2qxtjdo219DDV AAGVvSaPiyNJa9o7MwNuyy0nKNjWEOpJaasqIml7dGtPOSskGr HtYy7gQeuw3jcSsDkHpXswYF26SeZ7PqdFlx2ZmPXRMRNqN2+B 85eoM2Dk/IqIHfjb++pVsNJmwqiPXSU37JgWh5a2XwOoPyXU5/t4x+8pDsbTGPDaSM72UtOD3iJt/bdVn8qPVDcIiLFIiIgIiICIiAiIgIiICIiAiIgIiIC82bZ4VWY HixqaclkUr3vifa7HNcbvgkG42vax4ZT3ek1iYrhMFTE6GeNks Tt7HC47COojgRqFraubE7+Eivdl+XignYG1V6abibOfET1tc0E t7nDTrKnuHbRUlR+ZqIJfqSscfIG4VWbR+jxE8l1HOYr/oZQXtHY2RvSA7w7vUExPkWxmEm0AmA+NFIx3k1xD/AGLfu7Nf01YQ9PIvJphxuk4YhAB1fCIx7LBdtPyo4zHoKyf+mW v/ABgp4SZ4SZerUXmOn5bsabvnY/60EP7rQthF6QOKjeyld3wvH4ZAqzpa/Iy9GIvP0XpE1/xqelPdzzfveVlM9I6o40kJ7pXj3FV8NcFx1WzFHIcz6eIuO85A Ce8jeoFie0LqHEXNhp42RMDW82YgwvHGRr7ZtSTY6iwGij7fSQ k40TP+ocP7tdNZy+xSlpkw1jzG4PaTVatcDcEHmezcnh7nR6ej 10Wqpi/E10zGMZ4JTDttXNxBzXRuyyyNaKV4sWg2a3IeBtqTuOvepjtRs nFWsGY5JGXyyAXsDva4fGb2KqZfSCic9kjsOaZI75X/AAkEtuLHKeZvxK7z6SPVQ/8Alf8AqUeHudC9rqZrouWKe7qpjG7n8jrx55S3C+SprXgzy52A/m2NLc31nE3A7B5qeRRNa0NaAGtAAAFgANAAOAVKO9JF3ChHjVE/3S6H+kfPwo4h3zPP7oU+GudHPqdbe1UxN2rOPnJeqKgJfSKrz6 tNSjv5133PCwZuX/FjubTM7oXH8Typ8LccmXo1LrzBPy1Y07dUNb9WCAe0sJWMNr8f qfVnrn34Rc6P2QCt4SrnMGXqgrWVu1FDD+dqaeO3B08bT5E3Xm xuw2P1XrQVj78ZnOb+2cFtqHkExaT1+Yh+vNmPlGHJ3FEfVULd ruWHBor/AO1B5HCOOR/tDcvtUZxL0iaJt+Zp55T1vLIgfIuPsWtw70cdxnrO9sUP7z3e5 SvDOQ3CIvWjlnI4yym32Y8o81GLFPWRXmJekDiMhywQwQ30Gjp n+FyGn7Kwxh21GKev8K5t3y3fBordeTohw7gVf2F7O0lMLQQQw 9rI2tJ73AXPitinf00/RTApPZ70dzdrqyoFgbmKEHXsMj7W8G+Kuaioo4Y2RRtDI42tY1 g3NaBYALuRY13Kq/qSje32BvrKRtK0EtmnphIfkxNkD5HeTLd5CkbRYWGgHBfUVM7s AiIoBERAREQEREBERAREQEREBERAREQEREBERAXTPRRvFnsY8f Sa133hdyINPNsbhz/Wo6R3fTRf5Vgy8mmEO30VP4My/hIUmRW26o5iHv5IcFO+jZ4STD7nrHfyLYIf4sR3VFR75FOEU95 X1kQJ3IhgvzEg/rEvvcuB5DMG+al/XvVgIp72vrIr/wDgLwb5uX9e9P4C8G+bl/XvVgIne19ZEBbyHYMP0Mh755PcV3x8i2CD+LE99RUe6RTdE72v rIiUXJPgzd1HF4ukd+JxWfBsHhbPVoqXvMEbj5uBW+RVmuqeYx KbCKeP83DEz6sTG/cFloirkLIiICIiAiIgIiICIiAiIgIiICIiAiIgIiICIiAiIgIi ICIiAiIgIiICIiAiIgIiICIiAiIgIiICIiAiIgIiICIiAiIgIi ICIiAiIgIiICIiAiIgIiIP/9k=

ام عبد الرحمن ولينة
12-12-2012, 07:04
اختي صاحبة الموضوع الله يكثر من امثالك والله يجازيك عنا كل خير انك تدافعي على بنات بلادك في بلاد الناس
لا تنسي ان المجتمع الي انت عايشة فيه الان دون دكر الاسم قريب العهد بالتحضر ليس ه حضارة مثل المغرب او مثل بلدان اخرى ربي رزقهم من الواسع بالحرم المكي وبالمدينة وبالبترول
فكونهم يتعاملوا مع ناس سابقنهم في الحضارة صعب شوية الاغلبية هنا كتعتابر الاجنبي عبد عندها ملي يكون محتاجك يلحس صباطك وملي ما يحتاجكش يستعلى ويستكبر فابسط ما قالته السورية او السعوديات هو ان المغربيات ساحرات او خطافات الرجالة او خارجات الطريق
عارفة في مجال الشغل هده الامور تحصل وتقع خصوصا ان كنت انت تفهمين في الحلاقة واكيد انك تفهمين فيها لاننا احنا في المغرب الواحدة ما كتفتح صالون حتى كتكون عندها ديبلوم والديبلوم ما كتاخديه حتى كتعلمي سنتين فممكن السورية بغات تستافزك باش تعمليك مشكلة وتطلعي من الصالون وهدا كيوقع كثير
انا الصراحة فين ما كنتحط فشي مجمع ويهدرو على الصالون او لكوافيرات تلقايني كنعطي درس فمثلا في موقف حصل مع سعوديات قالت لي الكواورات المغربيات كيعرفو للحلاقة قلت لها
التاكوافيرت ماشي ساهلة راه في المغرب كيقراوها يعني كتتعلمها مدة سنتين وتمتاحن عاد كتاخد شهادة ماشي غير عندها لفلوس وتنوض تفتح صالون عارفة ولا ما عارفاش وكوافورة كتكون خاصة بالنساء يعني صالونها ما كيدخلش ليه الراجل كيستغربوا كنقول مع نفسيربما هدا لكلام يغير من نظرتها للكوافورات هنا
عارف لو انا منك نقول لها اوى خافوا مني غادي نقدر نسد لكم الصالون ههههه غير كنضحك معاك او قولي لها كتعرفي شي واحدة وريها ليا تسحر ليا
اختي الكريمة دافعي كيف ما بغيتي على نفسك وعلى بنات بلادك لكن بحكمة وعقل حتى لا تضري نفسك
في مرة في ملهى من الملاهي الاطفال جات واحد السيدة سعودية صلاة في المكان الي انا جلسة فيه انا وواحد السيدة مغربية قالت لنا انتما مغربيات قلنا لها نعم قالت لنا المغربيات ممتازات قلنا لها بارك الله فيك قالت لنا انا عندي مشكلة كنبغي واحد السيد وهو ما بغاش يتقدم ليا عافاكم الا كتعرفو شي حاجة نديرها له يجي يخحطبني راني كنبكي في نص الليل عليه
قلت لها انا بحالاش قالت لنا انا كنعرف واحد المغربية كتسحر لكن غالية وطلبت مني 5000 ريال سعودية
قلت لها راها غير كتضحك عليك ما كاين لا سحر ولا حاجة راه الا بغاه لك الله غادي يجي لداركم والا ما كانش مقدرو لك واخة تبكي دائما
عارفة فيقي قبل لفجر وصلي واستغفري وطلبي الله
عارفين والله هاد لكلام ما قبلاتو مصرة على اننا كنعرفو شي حاجة وما بغيناش نقولوا لها يا الله انا شخصيا عرفتها مسكينة مريضة بحاجة اسمها السحر ومامنة ان المغربيات كيفهموا في هده الاشياء ملي عرفتها هاكداك صممت انني نهدر لها غير على الله وان هدا حرام وما فيش حلال كيجي عن طريق لحرام وري شاهد علا كنت باغية الاجر من الله لعل كلمة مني تفيقها تصحح لها شي حاجة في عقلها
الناس يا اختي الكريمة عقليات ومتفاوتة في درجة خوفها من الله وايضا تقافتها كتختالف فخليك عاقلة ودافعي بما يرضي الله وما تضريش نفسك الواحد في الغربة ما ناقصش مشاكل باركة عليه بعد الاهل ولحباب
نسولك فين ساكنة في السعودية
انا في ابها

lolokati
12-12-2012, 14:17
اللهم اهدني واهدي بي كنشكرك بزاف وراه اختي لي وقع ليا وقع ليك حتى انا مين بديت كنقوليهن خافو الله راه هدا الشي مكينش كيقولو ليا لا لا ميمكنش كنقوليهم فعلا السحر حق ولكن فلا يفلح ساحر حيت اثى وكنقول ليهم شوفو راه ربي يصلح كل شيء الى الكفر بيه ونتوما كتشركو كيقولو ليا لا لا ولكن دجال كيعرف لمستقبل ديالنا ونقول مع راسي نسكوت اختي هدو مراض بسحر وصافي انا دابا خرجت من هداك صالون جالسة في دار

lolokati
12-12-2012, 14:19
انا كنسكن في الحفر الباطن

سونة1984
12-12-2012, 15:34
الله يقويك عليهم اختي