المساعد الشخصي الرقمي

مشاهدة النسخة كاملة : وأخيرا لقيت لحل هههه



nouour
06-06-2013, 10:19
السلام عليكم
لمهم كنت غدي نطرح المشكل هنا لكن الحمد لله ربي جاب التيسيير ههه
القصة ومافيها أن ولدي عندو عامين و4 أشهر حيدتلو لكوش فعامين ونستغل لفرصة باش نشكر الأخت لولي لساعدتني بزاف بنصائحها وأصلا زعمت بعد ما قريت موضوعها لي درت فيه مراحل مع بنتها مين حيدتلها لكوش الله يحفظها لها بزاف
نرجع للموضوع ولدي دغيا تعلم وفهم يدير بيبي فالبو المشكل بقالي فكاكا حشكوم كيبقى 3 أيام مين نديه يبقى يغوت ويبكي دموع يقولي ديدي نبقى معاه ساعة أو أكثر والو لغوات ولا يقولي مكانش عاود نلبسلو مين نحس بغا يديرها عاود نمشيو واحد ساعة هههه لمهم كيعذبني بزآاف وشي مرات كيخليني نكون فالكوزينة ويمشي لدوش ويديرها فالسروال ههه
عرفتو شنو لحل لي لقيتو لهاد لمشكل؟أن ولدي مكيبغنيش نبقى معاه مين يدير هههه واحد نهار حطيتوا فالطواليت وسديت عليه لباب وبقيت نراقبوا من ثقب المفتاح فالحين دارها وقالي سي ميمي هههه زعما سي فيني أو إستغربت ديك الدراما كاملة غ باش ميديرش حدايا ؟وفعلا تأكدت بعدما بقيت كل مرة غ نديه ونسد عليه
سمحولي طولت لكن فرحت بزآاف وقلت نطرح لفكرة يمكن تفيد شي أم حاصلة بحالي.

أم أدهم
06-06-2013, 11:10
شكرا بزاف على الافادة
حتى أنا بغيت نزعم أو نحيد ليه ليكوش و الرضاعة و السكاتة ولدي عندو عام و 7 شهور و باقي تيستعمل كلشي
جربت نبدا بالسكاتة و الرضاعة
لكن تيفيق لي بالليل يقول لي ماما تاتا زعمة السكاتة و الى ما عطيتوش يادا يغوت و حيت تنفيق بكري للخدمة تنعطيها ليه باش ينعس
و فالصباح مع 6 ينوض يقول ليا ماما ميها زعمة الرضاعة تيبقا فيا تنقول راه يمكن جاه الجوع حيت تيقولها و عينيه مغمضين تيبقى يقولها و يعاودها حتى تنمشي نجيبها ليه
لكن قررت ان شاء الله ناخذ واحد السيمانة كونجي و نحاول معاه نحيد ليه كلشي

oum_hodhoda
06-06-2013, 13:21
شكرا بزاف على الفكرة و مزيان لي عرفتي سبب المشكل

miss_nada
06-06-2013, 13:42
الحمد الله و على سلامتك تهنيتي من تبدال ليكوش
اختي إلا كان ممكن تعطيبي الرابط ديال الموضوع الأخت لولي. حتى انا بغيت نحيد الولدي ليكوش
او قوليلي غي الطريقة لتبعتي مع ولدك
شكرا بزاف و سمحيلي طولت عليك

فاتن المكناسية
06-06-2013, 13:52
يا ختي سعداتك هههه ثهنيتي من ليكوش كل نوبة حياد حياد حتى أنا بغيت نحيد لوالدي ليكوش وكنفكر حتى نهبط المغرب باش يعاونوني هههه واحد النهار جيت نبدل ليه الكوش جيت نجبد الكوش لقيتو تسلا دارتو فالمشاية ومشيت نجبد الباكيا جيت لقيتو دارها فوق الزربية هههه

نبــع الحنـــان
06-06-2013, 14:15
إيوا مبرووووك عليك تهنيتي والله بنتي عندها عامين و5 شهور ومازال ماعلمتها ، ولكن تبانلي مستعدة تتعلم ، لحقاش مين كندخل الطواليت كتجيب البو ديالها وكتجلس فيه تقولي كاكا ، أولا منين كديرها في الكوش تقولي كاكا ، بغيت نعلمها ومازعمتش ، بغيت حتى نمشي للمغرب باش تعاوني ماما هههه لوكان غير تحطيلنا رابط ديال الأخت لولي

nouour
06-06-2013, 17:17
الحمد الله و على سلامتك تهنيتي من تبدال ليكوش
اختي إلا كان ممكن تعطيبي الرابط ديال الموضوع الأخت لولي. حتى انا بغيت نحيد الولدي ليكوش
او قوليلي غي الطريقة لتبعتي مع ولدك
شكرا بزاف و سمحيلي طولت عليك
هاهوو الرابط أختي
http://www.anaqamaghribia.com/vb/showthread.php?t=287301
شوفي خاص أولا نت بعدا تكوني مستعدة تماما المسألة كاملة متعلقة بالصبر ووسعي خاطري وأبدا واش تعصبي ولا حتى تبداي وتقولي بناقص وترجعي لور وترديلو لكوش اليوم الأول ضروري يدوز صعيب لكن إبتداأ من ليوم 5 يبالك الضو هههه لمهم قراي لموضوع فيه أيضا تجارب الأخوات الله يوفقك حبيبتي

nouour
06-06-2013, 17:22
إيوا مبرووووك عليك تهنيتي والله بنتي عندها عامين و5 شهور ومازال ماعلمتها ، ولكن تبانلي مستعدة تتعلم ، لحقاش مين كندخل الطواليت كتجيب البو ديالها وكتجلس فيه تقولي كاكا ، أولا منين كديرها في الكوش تقولي كاكا ، بغيت نعلمها ومازعمتش ، بغيت حتى نمشي للمغرب باش تعاوني ماما هههه لوكان غير تحطيلنا رابط ديال الأخت لولي
الله يبارك فك جارتي لعزيزة عادة لبنات دغيا يتعلمو إلى مزال متمشي نصيحة غ ز3مي حسن متعذبي مماك مسكينة وأيضا تمشي ترتاحي الله يعاونك وردي علينا لخبار
هاهو الرابطhttp://www.anaqamaghribia.com/vb/sho...d.php?t=287301 (http://www.anaqamaghribia.com/vb/showthread.php?t=287301)

nouour
06-06-2013, 17:24
يا ختي سعداتك هههه ثهنيتي من ليكوش كل نوبة حياد حياد حتى أنا بغيت نحيد لوالدي ليكوش وكنفكر حتى نهبط المغرب باش يعاونوني هههه واحد النهار جيت نبدل ليه الكوش جيت نجبد الكوش لقيتو تسلا دارتو فالمشاية ومشيت نجبد الباكيا جيت لقيتو دارها فوق الزربية هههه
ههه شحال عندوا؟الصراحة أنا نفضل نعلمو فداري باش ميبقاش كل واحد يفتي علي رأي هههه

nouour
06-06-2013, 17:41
شكرا بزاف على الافادة
حتى أنا بغيت نزعم أو نحيد ليه ليكوش و الرضاعة و السكاتة ولدي عندو عام و 7 شهور و باقي تيستعمل كلشي
جربت نبدا بالسكاتة و الرضاعة
لكن تيفيق لي بالليل يقول لي ماما تاتا زعمة السكاتة و الى ما عطيتوش يادا يغوت و حيت تنفيق بكري للخدمة تنعطيها ليه باش ينعس
و فالصباح مع 6 ينوض يقول ليا ماما ميها زعمة الرضاعة تيبقا فيا تنقول راه يمكن جاه الجوع حيت تيقولها و عينيه مغمضين تيبقى يقولها و يعاودها حتى تنمشي نجيبها ليه
لكن قررت ان شاء الله ناخذ واحد السيمانة كونجي و نحاول معاه نحيد ليه كلشي

أختي الله يعونك روحي غ دقة دقة بداي بالرضاعة شريلو دوك لكيسان لي عندهم ليد ديه كاع يختارو هو خبي لببرون عطيلو يشرب فيه وخا إلى مبغاهش متعطيلوش لببرون بقاي معاه حتى يشدو غ صبري إلى كان يفيق ف6 يبغي لحليب راه عاد إلى كان ينعس بكري باش يشبع عشيه وزديلو لحليب وديه ينعس مغديش يفيق بكري لكن إلى كان ينعس مع 8 راه عادي يجوع من الأحسن عشيه مثلا 8 ونصف وعطيه لحليب مع 9 باش ميفيقش
بالنسبة للسكاتة 3 أيام ينساها أنا لفكرة لي طبقت مع ولادي شديه قطعيلها الراس مين يبغيها عطيهالو مغديش تلصقلو فالفم غدي يبكي لكن نت صبريلو راها غ مسألة وقت فالأخير يفقد الأمل ههه خاص غ الصبر لمهم دري يوماين لرضاعة و3 لسكاتة لكن لكوش أحبيبة كنظن سمانة غير كافية خليه حتى تشدي لكونجي نشان الله يوفقك أحبيبة

أم نفيس وا أنس
07-06-2013, 09:52
شكرا بزاف على الافادة
حتى أنا بغيت نزعم أو نحيد ليه ليكوش و الرضاعة و السكاتة ولدي عندو عام و 7 شهور و باقي تيستعمل كلشي
جربت نبدا بالسكاتة و الرضاعة
لكن تيفيق لي بالليل يقول لي ماما تاتا زعمة السكاتة و الى ما عطيتوش يادا يغوت و حيت تنفيق بكري للخدمة تنعطيها ليه باش ينعس
و فالصباح مع 6 ينوض يقول ليا ماما ميها زعمة الرضاعة تيبقا فيا تنقول راه يمكن جاه الجوع حيت تيقولها و عينيه مغمضين تيبقى يقولها و يعاودها حتى تنمشي نجيبها ليه
لكن قررت ان شاء الله ناخذ واحد السيمانة كونجي و نحاول معاه نحيد ليه كلشي
اختي مزال صغير حتى رضاعة خليها ليه مزال ليكوش مزال حيت دبا اقدر مغدي اتعلم غدي اطعطل ليكوش حتى ادير عامين حتى رضاعة مكيعدبك مشي بحال رضاعة طبيعية بنت راجلي حتى ل 3 سنين ونص مزال هههههههههه كتدير رضاعة كتضحكني متأثرات عليها موالو على خاطر خاطرها حتى سكاتة حتى لحتها لراسها انا ولدي لول سكاتة لحها ف لقادوس طوالط اعزكم الله قالي خخى هههه من دك لحضة نساها كان كتضربو لفيقةكيخدها لراسو بليل كتدير ضو هدك السكاتة كيعرفها قبل ميدير عامين الى بغيتي تزولي رضاعة سكاتة غير بالحيلة متحيدها ليه بزز ديري فيهم شي حاجة مداق ديالها ميعجبو باش اسهال عليك لان هاد لجيل تبارك الله كيعرفو اقضو حاجتهم بالبك ادن كتبقى حنى نخدمو لحيلة معاهم الله اصلحهم انا كنصحك مزال متزولي ليه مزال صغير

أم أدهم
08-06-2013, 09:26
أختي الله يعونك روحي غ دقة دقة بداي بالرضاعة شريلو دوك لكيسان لي عندهم ليد ديه كاع يختارو هو خبي لببرون عطيلو يشرب فيه وخا إلى مبغاهش متعطيلوش لببرون بقاي معاه حتى يشدو غ صبري إلى كان يفيق ف6 يبغي لحليب راه عاد إلى كان ينعس بكري باش يشبع عشيه وزديلو لحليب وديه ينعس مغديش يفيق بكري لكن إلى كان ينعس مع 8 راه عادي يجوع من الأحسن عشيه مثلا 8 ونصف وعطيه لحليب مع 9 باش ميفيقش
بالنسبة للسكاتة 3 أيام ينساها أنا لفكرة لي طبقت مع ولادي شديه قطعيلها الراس مين يبغيها عطيهالو مغديش تلصقلو فالفم غدي يبكي لكن نت صبريلو راها غ مسألة وقت فالأخير يفقد الأمل ههه خاص غ الصبر لمهم دري يوماين لرضاعة و3 لسكاتة لكن لكوش أحبيبة كنظن سمانة غير كافية خليه حتى تشدي لكونجي نشان الله يوفقك أحبيبة
شكرا بزااااف أحبيبة لهلا يخطيك

أم أدهم
08-06-2013, 09:28
اختي مزال صغير حتى رضاعة خليها ليه مزال ليكوش مزال حيت دبا اقدر مغدي اتعلم غدي اطعطل ليكوش حتى ادير عامين حتى رضاعة مكيعدبك مشي بحال رضاعة طبيعية بنت راجلي حتى ل 3 سنين ونص مزال هههههههههه كتدير رضاعة كتضحكني متأثرات عليها موالو على خاطر خاطرها حتى سكاتة حتى لحتها لراسها انا ولدي لول سكاتة لحها ف لقادوس طوالط اعزكم الله قالي خخى هههه من دك لحضة نساها كان كتضربو لفيقةكيخدها لراسو بليل كتدير ضو هدك السكاتة كيعرفها قبل ميدير عامين الى بغيتي تزولي رضاعة سكاتة غير بالحيلة متحيدها ليه بزز ديري فيهم شي حاجة مداق ديالها ميعجبو باش اسهال عليك لان هاد لجيل تبارك الله كيعرفو اقضو حاجتهم بالبك ادن كتبقى حنى نخدمو لحيلة معاهم الله اصلحهم انا كنصحك مزال متزولي ليه مزال صغير
شكرا بزاااف أختي

om asm
08-06-2013, 11:07
انا اخواتاتي ولدي عند عام انص ابغية نحيدليه لبزولة بدية كنحيد ليه ديال نهار ولكين الا بغا ينعس دروري يديرها فموا وخا بنهار منين يبغ ينعس دروري كندير فدهري باش ينسا زعما غير كينعس انجي نحط فبلاسة كيفيق انبقى نطبطب عليه باش ينعس والو عاد ماكا يفيق ايبد يبكي اكيبق فيا اكنعطيها ليه يريت تعطيوني نصائح باش نحيدها ليه

أم نفيس وا أنس
08-06-2013, 13:59
انا اخواتاتي ولدي عند عام انص ابغية نحيدليه لبزولة بدية كنحيد ليه ديال نهار ولكين الا بغا ينعس دروري يديرها فموا وخا بنهار منين يبغ ينعس دروري كندير فدهري باش ينسا زعما غير كينعس انجي نحط فبلاسة كيفيق انبقى نطبطب عليه باش ينعس والو عاد ماكا يفيق ايبد يبكي اكيبق فيا اكنعطيها ليه يريت تعطيوني نصائح باش نحيدها ليه
حتى عام ونص زولتها بالمرة مسكين كنت كندهنها بالحار هههه كيجي ارضع كيلقها حارة كيمشي بحالو حمد لله متكرفس عليا ولكن تكرفس علي ملي كنرضعو كيما قلت مينعسش بلا بزولة اوا ليل حتى هو كيفيق كندهنها بحار ونوض دورو بليل ارجع ليه نعاس غير ليلة وحدة لي بكى بزاف قسحي قلبك كنصحك زوليها ليه بالمرة باش متعدبي غدي ابقى بجوع حت غيفهم بلي ليل كطعطيها ليه الله اوفقك

oumozaid
08-06-2013, 23:55
اختي إلا كان على السكاتة غير زعمي ونقصي ليه منها بالمقص كالها ليا الطبيب لولدي كنت تنكول مستحيل يحيدها انا مازعمتش ولكن راجلي شدها و حيد ليها الراس ومع دلك عاود شدها عادي وخليناه وعاود نقصنا ليه منها و عاود شدها وبقينا معاه حتى ما خلينا فيها والو ولى تيخشيها كلها فمو و عدباتو مسكين شاف تاعيا ولاحها راسو و تهنيييييييينا اخيرا

mimi75
20-06-2013, 15:14
اختى على سلامتك تهنيتي من تبدال ليكوش