المساعد الشخصي الرقمي

مشاهدة النسخة كاملة : أنا موظفة و بغيت ندير برنامج لتنظيم حياتي شكون تنضم ليا و نشجعو بعض؟ الجزء الرابع



الصفحات : 1 2 [3] 4

الهام ام قمر
01-11-2013, 17:42
قوليلي حتى نتي كتمرضي فاش كتجيك. عندي جارتي 12 عام ملي تزوجت و مسكينة مارزقهاش الله بالذرية كان فعمرها 15 سنة ملي تزوجت. و دابة راها حاملة عقبالينا إن شاء الله. و الله العظيم فاش قالتهالي إلى بقيت نبكي و نسلم و نعاود عليها. فرحتلها بزاف. كلشي عند آلله قريب ياربي امين حتى انا كنعرف واحد السيدة 12 عام ماولدت و هاد العام ولدت وليد الله يفرحنا

karima68
04-11-2013, 13:30
اخواتي الله يفرحكم ياااااااااااااربي بشي درية صالحة انشاء الله غي متقنطوش من رحمة الله ربي كبييييييييييييير ويستجيب للدعاء

الهام ام قمر
04-11-2013, 13:48
اللهم امين اختي

فاطمة_الزهراء
04-11-2013, 16:15
السلام عليكم أخواتي
إن شاء الله سأنظم لكن
المهم راه يلاه غادي نبدا واحد العمل الأسبوع المقبل يوم الإثنين إن شاء الله
و بغيت نضم ليكم باش نبدا من الاول مزيان
نعرف براسي دخلت نيشان ههه
فاطمة الزهراء 22 سنة متزوجة ، مهندسة إعلاميات و برمجة و تصوير
نتمنى تعطيوني كل النصائح لي تقد تفيدني باش نبدا من الاول على أساس صحيح مفيا لي يرون حياتي
المهم راني شفت موضوعكن المتبت و دونت اي نصيحة تقدر تفيدني لكن مزال محتاجة الكتير و الكتير منها
و نتمنى متبخلوش عليا خليت ليكم الراحة

meknasya
04-11-2013, 16:32
اميرة مرحبا بك معنا راه العكز و الخدمة قهرونا و البنات ترخاو حيت كيعطيو الجهد فالاول بالبرامج العامرة و من بعد كيملو لازم نمشيو تصاعديا من شوية لبزاف ماشي العكس بروكرامات يكونو خفاف و لكن افيكاس

jamilatarou7
04-11-2013, 19:23
سنة هجرية سعيدة وكل عام وأنتم بخير
https://encrypted-tbn1.gstatic.com/images?q=tbn:ANd9GcS1UYbssty-kjWTG2HOpzbrYXRqzt4x3QMGxf-7tB2pNkheetAm

فاطمة_الزهراء
04-11-2013, 21:05
شكرا أختي
meknasya (http://www.anaqamaghribia.com/vb/member.php?u=18319) على الترحيب اه فعلا راه لي تيبدا بجهد كبير تعيا بسرعة
أنا إن شاء الله تنحاول نصاوب برنامج يتماشا معايا و نكون فيه مرتاحة
و المهم نعطي مهام لزوجي باش يولف حتى هو ريتم ديال العمل ملي نبدا و يساعدني
المهم إن شاء الله غادي نخلي نفس الأسس لي كانو ديال توزيع المصاريف هادا لي شرط راجلي هناني نيت مانضتي تبقا نجمع منها و نرسل لوليديا شويا
المهم يلا حبيتو تعرفو طريقتي في توزيع الصالير ديال راجلي ممكن نطرحها باش تستافدو يلا كانت مزيانة بينما بديت انا بعدا و شفت شنو لي ناسبني

morocco
05-11-2013, 04:43
السلام عليكم حتا أنا باغا نضم ليكم أنا ماشي موضفة ولكن طالبة و بغيت نضم وقتي و ناخد أفكار من عندكم باش حياتي تبقا مرتبة و بغيت نيت نتعود من دبا حيت فالقريب غادي نخدم الله يسهل ليا
ختي أميرة يا ريت تحطي لينا الطريقة ديال زوجك الله يجازيك بخير

meknasya
05-11-2013, 10:34
اميرة هاني كنستنى الطريقة

فاطمة_الزهراء
05-11-2013, 15:52
كناخد الصالير ديالو كنقص منو التوابت لي هما
* التوفير : 3000 درهم
* الكرا و السانديك : 2650 درهم
* الما و الضو و الانترنت : 250 درهم
* مصرفنا انا و ياه : 1000 درهم
* ماما و ماماه تنعطيوهم : 700 درهم
* المواصلات : 600 درهم
* الدواء و الطبيب : 300 درهم
هادو لي توابت بحال التوفير هاداك كنا تنفرشو بيه الدار و تنشريو بيه الاتات ملي سالينا ولينا تنوفروه باش إن شاء الله نديرو دارنا بلا ربا
و الدواء و الطبيب يلا ممرض حتا واحد تنوفروه باش ملي نقرر نولد نكونو جامعين شويا
ايوا تقدية ديال الشهر دايرين فيها 1200 درهم فيها كلشي إلا الخضرا و الفواكه
و دايرين تقدية ٱخرا سميتها الاسبوعية فيها الديسير و الخضرا و شي حاجة يلا خصات دايرين ليها 150 درهم للأسبوع
و دايرين الترفيه يلا بغينا نخرجو نتساراو 500 درهم
و كتشيت شي 300 ولا 200 درهم تتبقا ف البنك مكنخرجوهاش المهم ملي تيقرب يسالي الشهر تندير لائحة التقدية احيانا غير 600 درهم تتجيبلينا كلشي حيت حنا غير 2 و مكناكلوش داكشي المسموم لي تيدير السرطان الله يحفظ بحال الموناضا و الكاشير و اللانشون و حتا السكر ناقصين منو تنحليو بالعسل
و إن شاء الله ملي نبدا الاسبوع القادم العمل قالي راجلي فلوسك دياولك متعطيني منعطيك ايوا قررت نجمعهم مع واحد البركة كنت خازناها باش إن شاء الله نعاون بيها ملي نبغيو نشريو الدار
هادي طريقتي ويلا كاين فاش تفيدوني قولو ليا

oum mohamad2009
05-11-2013, 20:54
Tbark lah alik

meknasya
06-11-2013, 10:13
اميرة تبارك الله عليك ولكن خاصنا ميزانية اصغر من هادي بشوية من ناحية الاكل راكم هما هادوك قوليلي غي النت و الما و الضو كيفاش 250 انا كنخلص 200 ديال النت و 300 ديال الضو و الما ههههه هي 500 الطبيب مكنوفرلوش التوفير لاخور معنديش هههه المهم بخلاصة انا نقولك كيفاش كندير
2000 درهم
كنحيد 500 الضو و الما و النت
1000 مصروف اكل 3 اشخاص
مواصلات معنديش
كراء مكرينش
كتبقى ديك 500 مكنعرفهاش فين كطير

فاطمة_الزهراء
06-11-2013, 12:36
حبيبتي الما و الضوء راه تيجينا بزوج غير 100 درهم ولا 150 درهم اما الانترنت ف 100 درهم غير رمزية ديال الموضيم ديالي أما الويفي لي تخدم بيه راجلي مدوزينها ليه الخدمة متيخلص والو
أنا مكرهتش نوفر أكثر في ميزانية الأكل حيت تتقولي ماما بزاف 1200 درهم + تقدية الاسبوع 150 درهم جاب كلشي 1200+600 هي 1800 درهم غير أكل

meknasya
06-11-2013, 15:06
1800 درهم اكل بزاف هانتي ديري لائحة التقضية وشوفي اللي كيشيط او اللي مكيتكالش لا باقيش تاخدوه حاولي متفوتيش 1000درهم فيها خضرة و ديسير و لحم ,,,,

انيقة1982
07-11-2013, 00:09
السلام البنات,في الحقيقة موضوع اثار انتباهي او قريت غير شي صفحات فهاد الجزء ماشي كل شي,او عجبني الموضوع بزاف كنشكر الأخت اللي قتارحاتو,سمحو لي واخا ننظم لكم.

meknasya
07-11-2013, 11:19
انيقة مرحبا و م الدخلة اري طريقتك فتقسيم فالمصروف وكيفية التوفير الا كنتي كتوفري

الهام ام قمر
07-11-2013, 12:02
السلام عليكم الحبابات اش خباركم لايس مرحبا بجداد معنا و سنة سعيدة عليكم باش متمنيتو ان شاء الله بصراحة هاد الموضوع كان في سبات عميق من قبل كان الحماس و النضام و دبا البنات تاوحدة مبقات كدخل عفاكم نخاولو نديرو برناماج نمشيو عليه و يكون الحماس

jamilatarou7
07-11-2013, 12:28
السلام عليكم البنات و سنة هجرية سعيدة. فعلا ولينا معكازات.

الهام ام قمر
07-11-2013, 12:43
جميلتي اش خبارك لابس اوى فين وصلتي مع راجلك باقي باغي تجلسي في الدار

meknasya
07-11-2013, 12:48
وا نتما كتعطيو لاطاك فالاول و كتنعسو و سيرو درجة درجة

karima68
07-11-2013, 13:03
سنة سعيدة والف مرحبا بالجدد

انيقة1982
07-11-2013, 15:17
شكرا مكناسية على الرد,اش غانقول لك اختي انا هادشي عندي مخربق,باش تفهمو كثر غادي نشرح لكم : انا موظفة في قطاع التعليم او حتى الزوج ديالي عندنا طفل عمره عام و 4 اشهر انا اللي مكلفة بالمصاريف ديالو ملي كان فكرشي الى يومنا هذا,قليل فاش راجلي كيدخل فمصاريف الطفل هذا طبعا تفقنا عليه.راجلي هو اللي كيخلص الكراء الما الضو الانترنت جميع مصاريف السيارة (مع العلم انني عاونتو في شراء السيارة),مصاريف التغذية:تيشري اللي هو مهم بحال الخضر الفواكه الشاي السكر الزيت اللحم الدجاج القطانيات...واللي خاصا كنكملها انايا,مانكدبش عليكم الى قلت بلي ماعمري عرفت شحال كنصرف فالمانضا ديالي ولا شحال كنوفر,ماعمري حسبت شحال باش شرا الراجل هادي او شحال كيخلص فالما و الضو.اي حاجة متعلقة بيا انا اللي تنجبها بحال الماكياج اللباس مصروف الوالدين دياولي... من بعد نكمل لكم غادي نمشي نتغدا دابا,تهلاو

jamilatarou7
07-11-2013, 15:51
جميلتي اش خبارك لابس اوى فين وصلتي مع راجلك باقي باغي تجلسي في الدار
إلهام الحبيبة غبورات هده. ههههه قطعتله لياس فهاد الموضوع. و ما نعرف واش يزيد يهدر معيا فيه شي نهار ولالا. دابة أنا معاه غير فتنظيم مصاريف البيت. كيبي هو يشد المصروف ما ندخلش فيه و لكن هو ما يعرفش فتنظيم المصروف. ما يضربش الحساب للغدا. إوا هانا كنتمنى نستافد من الأخوات

الهام ام قمر
07-11-2013, 16:42
إلهام الحبيبة غبورات هده. ههههه قطعتله لياس فهاد الموضوع. و ما نعرف واش يزيد يهدر معيا فيه شي نهار ولالا. دابة أنا معاه غير فتنظيم مصاريف البيت. كيبي هو يشد المصروف ما ندخلش فيه و لكن هو ما يعرفش فتنظيم المصروف. ما يضربش الحساب للغدا. إوا هانا كنتمنى نستافد من الأخوات اوى مزيان اختي انا راجلي كنمشي معاه نتقداو الا خصني شي حاجة كيجيبها و انا مكنخزن والو الكريدي و دارنا منقدرش نجمع الحمدلله على كل حال

jamilatarou7
13-11-2013, 09:29
صباح الخير البنات. و عواشركم مبروكة . أنا عارفة ماكاين حتى وحدة، هاد التجمع تهجر و مالقاش الإقبال لكافي باش نزيدو لقدام. إوا إن شاء الله يرجع كيف ماكان و يلقى النجاح كما الأول.

*ام سعد*
13-11-2013, 10:44
صباح الخير عليكم

الهام ام قمر
13-11-2013, 11:01
السلام عليكم و رحمة لله و براكاته عواشر مبروكة عليكم الحبابات اختى جميلة اش خبارك لابس بصح هاد الدار خوات و تهجرا ت اوى اش بان ليك نعمروها ا نا وياك

الهام ام قمر
13-11-2013, 11:01
صباح الخير عليكم صباح الخير اختي كاين شي نضام و لا والو

jamilatarou7
13-11-2013, 11:37
السلام عليكم و رحمة لله و براكاته عواشر مبروكة عليكم الحبابات اختى جميلة اش خبارك لابس بصح هاد الدار خوات و تهجرا ت اوى اش بان ليك نعمروها ا نا وياك
نهار كبيير هدا. وجاتني للغييييييييييرة من التجمع ديال التقدية و عجبني بزاف و لكن جاني صعيب باش نقراه من الأول. و نتبع معاهم. على الله البنات يدخلو و يعاونونا باش نخليو هاد التجمع ناجح بحال غيره. بلا ما نطول لهدرة. المهم أنا ليوم صايمة أنا و راجلي الله يقبل منا ومن جميع المسلمين. ناوية فاش نمشي مع 12 نوجد شوربة الماقرون. و ندير حرشة الفران. و راه عندي شوية الحوت حتى نمشي مع 6 و نص و نقليه دغيا.

الهام ام قمر
13-11-2013, 11:54
بصح اختي تجمع زوين و فيه الحماس اوى ان شاء الله نرجعو كي كنا .....الله يقبل انا اليوم انا لي صايمة الله يتقبل راجلي لا فقت صباح مع الفجر توضيت و صليت الفجر و وجدت الغدا لراجلي درت مريقة بالدجاج و البطاطا و خيزو اوى غسلت الماعن جمعت الصالون و بيت نعاش شطبت و سقت الحمام اعزك الله و بقا لي الوقت جمعت واحد جيهة ديال الماريو لبست حوايجي و جيت للخدمة

jamilatarou7
13-11-2013, 12:43
تبارك الله عليك إلهام . و الله يعاونا كاملين . إوا البنآآآات شوية ديال الهمة ممكن نتعاونو.مثلا لي جربات شي ووصفة في الطبخ ولا فأي مجال و نجحات لها تحط لينا الرابط باش نجربوها و تعم الإفادة. أنا كنت باغيا نصايب الصابون باش نصبن و لكن شريت صابون الكف العجينة فيه ريحة زوينة و عجبني و لكن البواطة كدير 15 درهم يمكن ماشي إقتصادي. ها هي الفكرة اللي كنت باغية ندير




كنحتاجو الى سطل كبير ديال الحلوة يكون بالغطايا ديالو

نحكو عليه صابونة ديال الحجرة المربعة في حكاكة الخيزو
من بعد نضيفو ليه 2لتر ماء يكون سخون
اونحركوه مزيان او نقفلو عليه 12ساعة

بعد ما دازو 12ساعة
نضيف اليه 5كيسان التيد لي كتستعملي كيف ماكان
نضيف اليه 2ساشيات ديال سانيكروا ديال الحامض او حسب اختيارك

ثم نزيدو ليه 5ليتر ماء سخون مزيان

نحركه مزيان ونخليوه 24ساعة
بعد 24 ساعة

او ارى متصبني و تسيقي
ملاحظة

يمكن ليك عوض سانيكروا ديري شمبوان ديال تشلال الحوايج

ممكن ليكم نصاوبو نصف المقادير

*ام سعد*
13-11-2013, 16:53
البنات تبارك الله عليكم انا غير شوية نتاع النضام مقاتلة مع الوقت

الهام ام قمر
13-11-2013, 17:03
اختي لمياء انتي خدامة

*ام سعد*
13-11-2013, 19:22
اه اختي انا خدامة فالقطاع الخاص و عندي ولد عندو عام و 10 اشهر

jamilatarou7
14-11-2013, 09:35
صباحكم مبروك . و مرحبا بك معانا أختي لمياء

ام محمد و اية
14-11-2013, 09:46
تبارك الله عليك إلهام . و الله يعاونا كاملين . إوا البنآآآات شوية ديال الهمة ممكن نتعاونو.مثلا لي جربات شي ووصفة في الطبخ ولا فأي مجال و نجحات لها تحط لينا الرابط باش نجربوها و تعم الإفادة. أنا كنت باغيا نصايب الصابون باش نصبن و لكن شريت صابون الكف العجينة فيه ريحة زوينة و عجبني و لكن البواطة كدير 15 درهم يمكن ماشي إقتصادي. ها هي الفكرة اللي كنت باغية ندير
ايوا انا يا اختي كنت درت غير الشطر الاول من الطريقة الصابون و الماء و درته في بوديزة و منين كنبغي نصبن كندير كاس ديال امو ماتيك + كاس ديال الصابون دايب و اقتصدت مزيان على التيد و الحوايج كيخرجوا من داكشي و ماكينة التصبيين اوتوماتييك

*ام سعد*
14-11-2013, 09:48
صباحكم مبروك . و مرحبا بك معانا أختي لمياء
صباح الخير
ارحب بيك الخير حبيبتي

*ام سعد*
14-11-2013, 09:50
ايوا انا يا اختي كنت درت غير الشطر الاول من الطريقة الصابون و الماء و درته في بوديزة و منين كنبغي نصبن كندير كاس ديال امو ماتيك + كاس ديال الصابون دايب و اقتصدت مزيان على التيد و الحوايج كيخرجوا من داكشي و ماكينة التصبيين اوتوماتييك

واش الصابون كديريه مع الحوايج
واش متيبقاوش الحوايج مطبعين بيه

jamilatarou7
14-11-2013, 10:05
ايوا انا يا اختي كنت درت غير الشطر الاول من الطريقة الصابون و الماء و درته في بوديزة و منين كنبغي نصبن كندير كاس ديال امو ماتيك + كاس ديال الصابون دايب و اقتصدت مزيان على التيد و الحوايج كيخرجوا من داكشي و ماكينة التصبيين اوتوماتييك

أولا مرحبا بيك و نهار كبيير هذا. إوا قوليلي طريقة فعالة و إقتصادية غي نديرها و صافي . أنا كنصبن غي باليد

ام محمد و اية
14-11-2013, 10:17
السلام عليكم البنات تبارك الله على الاقتراحات ديالكم.
انا موظفة في القطاع الخاص كنتقدى من الخلصة ديالي و الخلصة راجلي كنوفرها في حساب خاص ما كنخرج منه والو باش نشريوا دار كبيرة ان شاء الله كنت كنخسر 3000 درهم غير في التقدية المواد الغذائية و اللحم و الخضر و كان فوتها ما عمرني خرج ليا الحساب هو هداك و لكن الشهر اللي فات منين تبعت برنامج التقدية و صاوبت لائحة المستلزمات و برنامج الاكل قدرت نوفر 500 درهم و عوالة هاد اشهر ان شاء الله نوفر 1000 درهم خبييتها من دابا ههههه الدسيير كيشريه راجلي - الكراء+ماء و الضوء 2600
- مدارس الاولاد 1700 بلا الترانسبور
-الشغالة اللي مقابلة الدار 1000
- الوالدين 700
-السيارة 700
احنا 4 في الدار + البنت اللي مقابلة ابنائي
اش ظهر ليكم عندكم شي اقتراحات اخريين انا معاكم الى قبلتو عليا هههه شحال وليت كنعرف نعبر في هاد المنتدى بفضلكم.

meknasya
14-11-2013, 10:26
اسيا اختي شحال الصالير ديالك حيت قلتي كتوفري صالير راجلك كامل و كتصرفي غي ديالك بانلي مصروف كتير

jamilatarou7
14-11-2013, 10:37
السلام عليكم البنات تبارك الله على الاقتراحات ديالكم.
انا موظفة في القطاع الخاص كنتقدى من الخلصة ديالي و الخلصة راجلي كنوفرها في حساب خاص ما كنخرج منه والو باش نشريوا دار كبيرة ان شاء الله كنت كنخسر 3000 درهم غير في التقدية المواد الغذائية و اللحم و الخضر و كان فوتها ما عمرني خرج ليا الحساب هو هداك و لكن الشهر اللي فات منين تبعت برنامج التقدية و صاوبت لائحة المستلزمات و برنامج الاكل قدرت نوفر 500 درهم و عوالة هاد اشهر ان شاء الله نوفر 1000 درهم خبييتها من دابا ههههه الدسيير كيشريه راجلي - الكراء+ماء و الضوء 2600
- مدارس الاولاد 1700 بلا الترانسبور
-الشغالة اللي مقابلة الدار 1000
- الوالدين 700
-السيارة 700
احنا 4 في الدار + البنت اللي مقابلة ابنائي
اش ظهر ليكم عندكم شي اقتراحات اخريين انا معاكم الى قبلتو عليا هههه شحال وليت كنعرف نعبر في هاد المنتدى بفضلكم.
مرحبا بيك معانا تفيدينا و نفيدوك. كنضن وإلى جات على خاطرك تحطي لينا البرامج اللي متبعا ديال التقدية و لائحة المستلزمات و برنامج الاكل.

jamilatarou7
14-11-2013, 10:39
واش هذه المصاريف كاملة من صاليغ دياك ولا فيه حتى صاليغ ديال راجلك.

jamilatarou7
14-11-2013, 10:41
اسيا اختي شحال الصالير ديالك حيت قلتي كتوفري صالير راجلك كامل و كتصرفي غي ديالك بانلي مصروف كتير
مكناسية عواشر مبروكة. و فين هاد الغبور. سمحتي فينا ههههه

الهام ام قمر
14-11-2013, 10:47
اه اختي انا خدامة فالقطاع الخاص و عندي ولد عندو عام و 10 اشهر صباح الخير اختي الله يخاليه ليك و كيكديري ليه عندمن كيبقى الوليد

الهام ام قمر
14-11-2013, 10:51
صباح الخير عليكم جميلة الحبيبة اش خبارك و كي صبختي ختى انا كنصبن غي بيدي باقى ماخديت ماكينة اختي اية تبارك الله عليك راكي منضمة راسك بصراحة التجمع التقدية رائع استفدنا منو بزاف

ام محمد و اية
14-11-2013, 10:51
واش هذه المصاريف كاملة من صاليغ دياك ولا فيه حتى صاليغ ديال راجلك.
و الله العظيم غير ديالي انا غادي نحط ليكم النظام اللي تبعت هادي شهرين الصالير ديال راجلي ما محدودش حيث عندو شركة صغيرة الخياطة فاش كنتزير على شي حاجة كيعطيني و المدخول دياله في حساب خاص باسميتي لانه كتعرفوا باش ما تخلط مع حساب الشركة

الهام ام قمر
14-11-2013, 10:52
اسيا اختي شحال الصالير ديالك حيت قلتي كتوفري صالير راجلك كامل و كتصرفي غي ديالك بانلي مصروف كتير صباح الخير فين هاد الغبرة شريت اللعاب للدراري مبروك عواشرك

ام محمد و اية
14-11-2013, 10:54
اسيا اختي شحال الصالير ديالك حيت قلتي كتوفري صالير راجلك كامل و كتصرفي غي ديالك بانلي مصروف كتير

11000

ام محمد و اية
14-11-2013, 10:59
واش الصابون كديريه مع الحوايج
واش متيبقاوش الحوايج مطبعين بيه
ما كيبقاوش مطبعيين

ام محمد و اية
14-11-2013, 11:03
ها هو البرنامج

http://www.anaqamaghribia.com/pic/images/t65t3821oegitfh0jqm.jpg (http://www.anaqamaghribia.com/pic/)

الهام ام قمر
14-11-2013, 11:10
ها هو البرنامج

http://www.anaqamaghribia.com/pic/images/t65t3821oegitfh0jqm.jpg (http://www.anaqamaghribia.com/pic/) تبارك الله عليك

jamilatarou7
14-11-2013, 11:16
ها هو البرنامج

http://www.anaqamaghribia.com/pic/images/t65t3821oegitfh0jqm.jpg (http://www.anaqamaghribia.com/pic/)
تبارك الله عليك كيبان لي منظمة حياتك بزاف و كنظن عادي نستافدو منك بزآآآف.سمحيلي نسولك راه ٱختك شوية و صافي مع الحداكة الطبخ . هاد شهيوات كديريهم نتي وكفاش كتنظمي وقتك باش ديريهم. و مادابيك تحطي لينا برناج تقدية

jamilatarou7
14-11-2013, 11:21
صباح الخير عليكم جميلة الحبيبة اش خبارك و كي صبختي ختى انا كنصبن غي بيدي باقى ماخديت ماكينة اختي اية تبارك الله عليك راكي منضمة راسك بصراحة التجمع التقدية رائع استفدنا منو بزاف
صباح الخير و ربح كيصبحتي الحبيبة . تجمع زوين بزاف ديال تقدية. جربتي شي حاجة من داك التجمع. أنا مازال ما جربت شي حاجة . بغيت نجرب غي دانون و خفت ما يصدقليش.

ام محمد و اية
14-11-2013, 11:33
تبارك الله عليك كيبان لي منظمة حياتك بزاف و كنظن عادي نستافدو منك بزآآآف.سمحيلي نسولك راه ٱختك شوية و صافي مع الحداكة الطبخ . هاد شهيوات كديريهم نتي وكفاش كتنظمي وقتك باش ديريهم. و مادابيك تحطي لينا برناج تقدية
كيفما اشرت ليكم في المصاريف عندي بنت كشتغل عندي الله يجازيها بالخير و علمتها اش دير و كنتبع معاها ديما و فاش بان برنامج التقدية 2 باقتراحات البنات قدرت نصاوب ليها هاد البرنامج و فرحات بيه بزاف حيث تاهي ولات كتربح الوقت و كاتكون عارفة اش تصاوب بلا ما تبقى سولني كل نهار و في سبت او الاحد كنريحها شوية و كنقوم بالطبخ .حيث وسط الاسبوع ما كنقدرش كنخرج مع 7 و منين كنوصل خصني نراجع مع ولادي و نتعشى و نعس ايوا الله يخليها ليا و يرزقها بولد الحلال اللي استاهل .

ام محمد و اية
14-11-2013, 11:35
لائحة التقدية
http://www.anaqamaghribia.com/pic/images/ky9y1vjuae06k4wqgc3.jpg (http://www.anaqamaghribia.com/pic/)

http://www.anaqamaghribia.com/pic/images/zz4an10anl384bsqjqpi.jpg (http://www.anaqamaghribia.com/pic/)

ام محمد و اية
14-11-2013, 11:37
لائحة التالية

http://www.anaqamaghribia.com/pic/images/lhfgdn8sq5g8gya6o8xu.jpg (http://www.anaqamaghribia.com/pic/)


http://www.anaqamaghribia.com/pic/images/4hwosqxhnmzp0l59rtfx.jpg (http://www.anaqamaghribia.com/pic/)

*ام سعد*
14-11-2013, 11:45
صباح الخير اختي الله يخاليه ليك و كيكديري ليه عندمن كيبقى الوليد
امين ولدي تنخليه فالحضانة

الهام ام قمر
14-11-2013, 11:46
صباح الخير و ربح كيصبحتي الحبيبة . تجمع زوين بزاف ديال تقدية. جربتي شي حاجة من داك التجمع. أنا مازال ما جربت شي حاجة . بغيت نجرب غي دانون و خفت ما يصدقليش.شوفي الحبيبة انا جربت بيلا ديال الاخت فاتي 11 و جربت دنون و لكن عطتو لي مرات لوسي جا زوين انا كرولصة هي ليمعصبني فيما نديرها تجني مدقصة من الداخل

jamilatarou7
14-11-2013, 11:54
لائحة التالية

http://www.anaqamaghribia.com/pic/images/lhfgdn8sq5g8gya6o8xu.jpg (http://www.anaqamaghribia.com/pic/)


http://www.anaqamaghribia.com/pic/images/4hwosqxhnmzp0l59rtfx.jpg (http://www.anaqamaghribia.com/pic/)
تبارك الله عليك و ربي يحفظلك وليداتك. أختي مشكورة على هاد البرامج.

jamilatarou7
14-11-2013, 11:58
شوفي الحبيبة انا جربت بيلا ديال الاخت فاتي 11 و جربت دنون و لكن عطتو لي مرات لوسي جا زوين انا كرولصة هي ليمعصبني فيما نديرها تجني مدقصة من الداخل
واش كنتي متبعة معاهم من الأول . أنا مشكلتي ماقديتش نقرا كاع تجمعات التقدية. وداكشي عجبني بزاف إوا تلقايني :13kisa: غي من صفحة لصفحة هذه نجربها....... هاد نديرها ...... و فالأخير ما كندير والوا :manga24:

الهام ام قمر
14-11-2013, 12:01
انا كنجرب يتصدق يالا ختى تنعلم مزيان الحمدلله راني تعلمت شحال من حاجة شوفي راه كاين موضوع ديال التقدية بدون ردود فيه كلشي الوصفات ساهلين

ام محمد و اية
14-11-2013, 12:01
شكرا ليك الاخت جميلة الله يحفظ ليك العزيز عليك

الهام ام قمر
14-11-2013, 12:15
خلاصة موضوع التقدية (بدون الردود) (http://www.anaqamaghribia.com/vb/showthread.php?t=357963) جميلة شوفي هدا

meknasya
14-11-2013, 12:41
اسية متقسميش معيا الصالير ديالك هههه

jamilatarou7
14-11-2013, 12:45
خلاصة موضوع التقدية (بدون الردود) (http://www.anaqamaghribia.com/vb/showthread.php?t=357963) جميلة شوفي هدا


أيه كنحلو مرة مرة و الفايدة على الله ههههههه. إن شاء الله نبقى نجرب شهيوات منه

ام محمد و اية
14-11-2013, 12:57
الله يعطيك ما احسن منه و خاصك تعرفي اختي منين كيتزاد الصالير كيلقى البيبان مفتوحين

meknasya
14-11-2013, 13:02
اسية حيت مستوى العيش عاوتاني كيطلع ولكم كنصحك تزيدي تزيري يديك شوية باش ديري شي حاجة فيها الفايدة اوما الكرش كتاكل و تنكر هههه

ام محمد و اية
14-11-2013, 13:13
اسية حيت مستوى العيش عاوتاني كيطلع ولكم كنصحك تزيدي تزيري يديك شوية باش ديري شي حاجة فيها الفايدة اوما الكرش كتاكل و تنكر هههه
عندك الحق و داكشي فاش كنحاول

jamilatarou7
14-11-2013, 19:06
البنات نسولكم على أحسن ماركة الشوفو الغاز chauffe eau ، بغيت نشري واحد و خفت من الغاز و المشاكل دياله. نصحوني البنات فالمنتدى بمركة جانكير junkers. اللي عندها شي واحد تقولي ٱشمن ماركة واش ماكاين حتى شي خطورة

aya28
14-11-2013, 20:53
السلام عليكم حبيباتي تبركاله عليكم
jamilatorou7 junkers ماركة غزااالة هي لي عندي مووووووودة هذي

jamilatarou7
15-11-2013, 10:50
السلام عليكم حبيباتي تبركاله عليكم
jamilatorou7 junkers ماركة غزااالة هي لي عندي مووووووودة هذي
صباحكم مبروك البنات. شكرا الحبيبة على الرد. ديال الغاز ياك لي عندك. نسولك واش يستهلك بزاف دالغاز؟ و قالولي بلي غي تحلي سقاية أوتوماتيك كيجي لما سخون. يعني كتخليه شاعل ديما و لا كفاش. سمحيلي كثرت عليك لهدرة هههههه

الهام ام قمر
15-11-2013, 10:57
صباح الخير جميلة جمعة مباركة

jamilatarou7
15-11-2013, 11:12
صباح الخير جميلة جمعة مباركة
صباح الخير و الربح. علينا و عليك احبيبة و جميع المسلمين

jamilatarou7
15-11-2013, 12:18
إلهام عندك الشوفو دالماء. إلى عندك قوليلي آشمن ماركة

الهام ام قمر
15-11-2013, 12:37
إلهام عندك الشوفو دالماء. إلى عندك قوليلي آشمن ماركة
لا اختي معنديش راجلي ملاغيش يديرو قالك حنا غي في الكرا

jamilatarou7
15-11-2013, 12:52
لا اختي معنديش راجلي ملاغيش يديرو قالك حنا غي في الكرا
ههههه بحال راجلي . ماباغيش يشريه و لكن أنا باغية نشريه من عندي. أختك مبرادة بزاف . كنت كندخل معايا البوطة فالحمام و لكن واحد نهار دارتها بيا قريب ما نمشي فيها.

ام محمد و اية
15-11-2013, 13:00
إلهام عندك الشوفو دالماء. إلى عندك قوليلي آشمن ماركة

احسن ماركة هي جانكيير و لكن غالية شوية ديال الاكترونيك غير كتحلي الماء كي شعل شوفو

الهام ام قمر
15-11-2013, 13:04
لا اختي مديريش البوطة راح خاطر

fatima elw
15-11-2013, 13:27
السلام عليكم اش اخباركم لاباس؟ واتوحشتكوم بزااااااااااااااااااااااااااااف

جمعة مباركة

الهام ام قمر
15-11-2013, 13:51
السلام عليكم اختي فاطمة اش هاد الغبور

fatima elw
15-11-2013, 14:01
درت كسيدة اختي الله ينجيك

ام محمد و اية
15-11-2013, 15:17
درت كسيدة اختي الله ينجيك
نتمنى ما يكون عندك حتى باس على سلامتك

karima68
15-11-2013, 15:23
درت كسيدة اختي الله ينجيك

الحمد الله على سلامتك اختي غي ملي كتبتي راكي بيخير، ياك ماتقصحتي؟ ربي معاك اختي

karima68
15-11-2013, 15:26
البنات نسولكم على أحسن ماركة الشوفو الغاز chauffe eau ، بغيت نشري واحد و خفت من الغاز و المشاكل دياله. نصحوني البنات فالمنتدى بمركة جانكير junkers. اللي عندها شي واحد تقولي ٱشمن ماركة واش ماكاين حتى شي خطورة

هو لي عندي اختي غزاااااااااال، عندي عادي فيه البريكة كنشعلوا ملي كنسالي كنطفيه، اما في البرد كنخليه ماكانطفيه حتى الليل ملي نبغي ننعس، حيث كتحتاجي لماء سخون للوضوء ، شريتوا ب 1500درهم، غي زعمي احسن ماركة هي هادي، البوطة كتبقا عندي مابين شهرونصف حتى 2

الهام ام قمر
15-11-2013, 15:36
درت كسيدة اختي الله ينجيك الله اكبر علا سلامتك اختي كبقيتي شوية ياك ماكين باس

fatima elw
15-11-2013, 15:45
لهلا يوريكم باس ا حبابتي. دابا الحمد الله شوية جاتني الضربة فالراس و الركبة

jamilatarou7
15-11-2013, 15:54
احسن ماركة هي جانكيير و لكن غالية شوية ديال الاكترونيك غير كتحلي الماء كي شعل شوفو
شحال يكون دير . كاين فمرجان ؟؟؟

meknasya
15-11-2013, 15:54
انا شارية lg من اسيما ب 900 درهم اتوماتيك بالحجر عمرني مكنسد البوطة لا ليل ولا نهار ولفتيلة مكتبقاش شاعلة فيه حتى كتطلقي الما عاد كيشعل

الهام ام قمر
15-11-2013, 15:55
لهلا يوريكم باس ا حبابتي. دابا الحمد الله شوية جاتني الضربة فالراس و الركبة مايكون عندك باس الله يشافيك

jamilatarou7
15-11-2013, 15:56
درت كسيدة اختي الله ينجيك
الحمد لله على سلامتك أختي فاطمة. ما يكون باس عندك

jamilatarou7
15-11-2013, 15:59
هو لي عندي اختي غزاااااااااال، عندي عادي فيه البريكة كنشعلوا ملي كنسالي كنطفيه، اما في البرد كنخليه ماكانطفيه حتى الليل ملي نبغي ننعس، حيث كتحتاجي لماء سخون للوضوء ، شريتوا ب 1500درهم، غي زعمي احسن ماركة هي هادي، البوطة كتبقا عندي مابين شهرونصف حتى 2
ربي يخليك دكشي ليبغيا ندير و نزعم عليه. جميع البنات نصحوني ب جانكيير. و زعما مين تخليم مشعول نهار كامل ماياكلش الغاز. و ما شي خطر من ناحية الغاز. و كاين فمرجان ولا غي فمحلات.

ام محمد و اية
15-11-2013, 16:40
ربي يخليك دكشي ليبغيا ندير و نزعم عليه. جميع البنات نصحوني ب جانكيير. و زعما مين تخليم مشعول نهار كامل ماياكلش الغاز. و ما شي خطر من ناحية الغاز. و كاين فمرجان ولا غي فمحلات.
من الاحسن خذي الاتوماتيك و خا يظل شاعل ما كيدوز الغاز حتى طلقي الماء كاين في مرجان و بريكوما ب 1850 درهم ديال 5 لتر بلاما تحلي و تسدي القرعة كل ساعة كاين زر ديال on/of و سمحيلي على التدخل

fatima elw
15-11-2013, 16:44
ما تشوفو باس البنات

jamilatarou7
15-11-2013, 17:50
من الاحسن خذي الاتوماتيك و خا يظل شاعل ما كيدوز الغاز حتى طلقي الماء كاين في مرجان و بريكوما ب 1850 درهم ديال 5 لتر بلاما تحلي و تسدي القرعة كل ساعة كاين زر ديال on/of و سمحيلي على التدخل

الله يا ودي .مادابيا حتى أنا نلقى لي يشرحلي. و شكرا بزاف على الشرح. ٱحنا هنا غي باش نتعاونو

jamilatarou7
16-11-2013, 11:36
صباح الخير البنات . كيصبحتو. إوا أشنو عوالين ديرو ف هاد لويكاند . أنا عوالة إإن شاء الله نخمل و نسيق الكوزينة و بيت نعاس. و كنت درت صابون لواحد زربية ترطاب حيت كانت موسخة كيوطاولي فيها بصباط. إوا عوالة نصبنها. يعلم الله إمتا تنشف مع هاد الجو ليكاين ( الحمد لله على خير مولانا و رحمنا بهاد شتيوة). و نغسل الثلاجة . إوا هاد شي لي عوالة ندير.

الهام ام قمر
16-11-2013, 12:09
صباح الخير البنات . كيصبحتو. إوا أشنو عوالين ديرو ف هاد لويكاند . أنا عوالة إإن شاء الله نخمل و نسيق الكوزينة و بيت نعاس. و كنت درت صابون لواحد زربية ترطاب حيت كانت موسخة كيوطاولي فيها بصباط. إوا عوالة نصبنها. يعلم الله إمتا تنشف مع هاد الجو ليكاين ( الحمد لله على خير مولانا و رحمنا بهاد شتيوة). و نغسل الثلاجة . إوا هاد شي لي عوالة ندير. صباح الخير اختي اوى الحماس اختي انا ان شاء الدار عندي مخملة ناوية نسيق الدار و ندوز شوية الصابون نمشي للحمام و اليوم نوجد كيكة و بسبوسة و الكرص و عدا الكسكس للغدا و الاتنين الا سهل الله ناوية نمشي للدارنا ...

jamilatarou7
16-11-2013, 12:53
صباح الخير اختي اوى الحماس اختي انا ان شاء الدار عندي مخملة ناوية نسيق الدار و ندوز شوية الصابون نمشي للحمام و اليوم نوجد كيكة و بسبوسة و الكرص و عدا الكسكس للغدا و الاتنين الا سهل الله ناوية نمشي للدارنا ...
تبارك الله عليك

jamilatarou7
16-11-2013, 13:01
كرص ساهل ماهل http://www.anaqamaghribia.com/vb/showthread.php?t=357963&page=12

soussia1
17-11-2013, 03:26
السلام عليكم
عجبني الموضوع بزاف ونتمنى نشارك معاكم ملي نحيد العڭز
حتى أنا بغيت ننظم وقتي ومصروفي، ونتمنى نفيدو بعضنا

karima68
19-11-2013, 09:54
لهلا يوريكم باس ا حبابتي. دابا الحمد الله شوية جاتني الضربة فالراس و الركبة

اختب فاطمة لاباس عليك احبيبة ربي معاك الله يجعلها مغفرة الذنوب ياربي

karima68
19-11-2013, 10:05
كرص ساهل ماهل http://www.anaqamaghribia.com/vb/showthread.php?t=357963&page=12
واش اختي جميلة جربتيه؟ وليت نبغي لي مجرب باش منضيعش الوقت
وبالنسبة للشوفو خودي لي قالت ليك ايا بالبريكة مزيان اما انا عندي عادي شريتو من محل كبير في ديورالجامع من الرباط, وبالصحة مسبقا

jamilatarou7
19-11-2013, 11:38
واش اختي جميلة جربتيه؟ وليت نبغي لي مجرب باش منضيعش الوقت
وبالنسبة للشوفو خودي لي قالت ليك ايا بالبريكة مزيان اما انا عندي عادي شريتو من محل كبير في ديورالجامع من الرباط, وبالصحة مسبقا
الحبيبة البارح أول مرة نجربه و أول مرة ندير الكرص. جاني .زوين غي شوية لداخل قاصح و لكن مشكل ديالي أنا ما دلكتوش مزيان. كنت مزروبة . الله يعطيك الصحة

jamilatarou7
19-11-2013, 11:50
نعطيكم التقرير ديالي. السبت وصلت للدار مع 12 و نص دخلت درت الغدا خليته يطيب طلعت صبنت الزربية. و جا راجلي هبطت من السطح تغدينا و ليت طلعت باش شللت زربية و من بعد خملت الدار و سيقتها.و دخلت دوشت ما نعست حتى 12 دليل. الأحد خرجت أنا و راجلي نهار كامل و شريت couette جديد ههههههه. جيت درت العشا تعشينا نعسنا. الإثنين فقت وجدت الفطور من بعد درت الغدا و وجدت الكرص و درت كيكة. جمعت الكوزينة و طلت للسطح صبنت الحوايج من 4 حتى 7 .و ليت دوزت واحد جفاف على الدار و جدت القهوا و حطيت الكرص و كيكة. منه كوطي منه عشا.هههههه هادشي لي درت.

fatima elw
19-11-2013, 12:28
السلام عليكم. اش اخباركم؟ كيدوزتو الوكاند +1 هههههه

fatima elw
19-11-2013, 12:29
اختب فاطمة لاباس عليك احبيبة ربي معاك الله يجعلها مغفرة الذنوب ياربي

امين اختي كريمة و الله ينجيك

jamilatarou7
19-11-2013, 12:34
السلام عليكم. اش اخباركم؟ كيدوزتو الوكاند +1 هههههه
مزيان أختي فاطمة الحمد لله قضيت فيه شحال ممن حاجة . و أنتي كيبقيتي شوية.

fatima elw
19-11-2013, 12:44
الحمد الله على لطف الله باقى كنعرج برجلي الله ينجيك. انا ان شاء الله حتى نتشافا ونخمل، الوالدة مسكينة ياللهكتطيب لينا الماكلة الدار حاااااالتها

الهام ام قمر
19-11-2013, 13:00
نعطيكم التقرير ديالي. السبت وصلت للدار مع 12 و نص دخلت درت الغدا خليته يطيب طلعت صبنت الزربية. و جا راجلي هبطت من السطح تغدينا و ليت طلعت باش شللت زربية و من بعد خملت الدار و سيقتها.و دخلت دوشت ما نعست حتى 12 دليل. الأحد خرجت أنا و راجلي نهار كامل و شريت couette جديد ههههههه. جيت درت العشا تعشينا نعسنا. الإثنين فقت وجدت الفطور من بعد درت الغدا و وجدت الكرص و درت كيكة. جمعت الكوزينة و طلت للسطح صبنت الحوايج من 4 حتى 7 .و ليت دوزت واحد جفاف على الدار و جدت القهوا و حطيت الكرص و كيكة. منه كوطي منه عشا.هههههه هادشي لي درت. تبراك الله على الحادكة كيدرتي الكرس انا مصدقوش لي عصبوني

الهام ام قمر
19-11-2013, 13:01
اختي فاطمة مايكون عندك باس

الهام ام قمر
19-11-2013, 13:09
انا مشيت السيت وجدت الغدا عملت مرقة بالدجاج و الزيتون و عملت الزعلوك و بطاطا عملت ليها العشوب و درتها في الفران تغدينا سيقت الدار و جمعتها و وجدت كيكة و بسبوسة سميدة درت كاسكروط في العشا درت حسوة الزرع الاحد فقت شقيت الدار و جدت الفطور البيض و الكيكة و الاوزم اوى نضت وجدت الكسكس غسيت المواعن ووجدت الكرس ولكن مصدقوش لي بغيت نحماق دخلت للدوش دوشت و خرجت وجدت الكاشكروط و العشا كان باقي الحسوة سخنتها البارح فقت و جدت الفطور و غسلت المواعن وجدت العدس للغدا للراجلي و لبست حويجي ديت للدارنا دوزت معاهم النهار كانو بنات عماتي و عماتي دوزنا النهار زوين مشيت للداري ختي ل 4 و نص وجدت بطبوط و اتاي و العشا درت شويت سردين في الفران و نعست كونت مريضة

fatima elw
19-11-2013, 15:30
اختي فاطمة مايكون عندك باس

لهلا يوريك باس

fatima elw
19-11-2013, 15:32
انا مشيت السيت وجدت الغدا عملت مرقة بالدجاج و الزيتون و عملت الزعلوك و بطاطا عملت ليها العشوب و درتها في الفران تغدينا سيقت الدار و جمعتها و وجدت كيكة و بسبوسة سميدة درت كاسكروط في العشا درت حسوة الزرع الاحد فقت شقيت الدار و جدت الفطور البيض و الكيكة و الاوزم اوى نضت وجدت الكسكس غسيت المواعن ووجدت الكرس ولكن مصدقوش لي بغيت نحماق دخلت للدوش دوشت و خرجت وجدت الكاشكروط و العشا كان باقي الحسوة سخنتها البارح فقت و جدت الفطور و غسلت المواعن وجدت العدس للغدا للراجلي و لبست حويجي ديت للدارنا دوزت معاهم النهار كانو بنات عماتي و عماتي دوزنا النهار زوين مشيت للداري ختي ل 4 و نص وجدت بطبوط و اتاي و العشا درت شويت سردين في الفران و نعست كونت مريضة

كيبقتي دابا؟ الله يشافيك

الهام ام قمر
19-11-2013, 15:44
لهلا يوريك باس اللهم امين اختي


كيبقتي دابا؟ الله يشافيك الحمدلله اختي شوية يسول فيك الخير

jamilatarou7
19-11-2013, 16:19
انا مشيت السيت وجدت الغدا عملت مرقة بالدجاج و الزيتون و عملت الزعلوك و بطاطا عملت ليها العشوب و درتها في الفران تغدينا سيقت الدار و جمعتها و وجدت كيكة و بسبوسة سميدة درت كاسكروط في العشا درت حسوة الزرع الاحد فقت شقيت الدار و جدت الفطور البيض و الكيكة و الاوزم اوى نضت وجدت الكسكس غسيت المواعن ووجدت الكرس ولكن مصدقوش لي بغيت نحماق دخلت للدوش دوشت و خرجت وجدت الكاشكروط و العشا كان باقي الحسوة سخنتها البارح فقت و جدت الفطور و غسلت المواعن وجدت العدس للغدا للراجلي و لبست حويجي ديت للدارنا دوزت معاهم النهار كانو بنات عماتي و عماتي دوزنا النهار زوين مشيت للداري ختي ل 4 و نص وجدت بطبوط و اتاي و العشا درت شويت سردين في الفران و نعست كونت مريضة
تبارك الله عليك . و لباس عليك أختي . أنا الكرص أول مرة ننديرهم درت وصفة ديال أخت fatimzahra-11- (http://www.anaqamaghribia.com/vb/member.php?u=181914) و أنا زدت فلعجينة درت شوية جلجلان جاوني زوينين بنسبة لأول مرة نديرهم ولكن شوية قاسحين ولكن عرفت باش يمكن حيت مادلكتهومش بزاف.

jamilatarou7
19-11-2013, 16:20
كرص ساهل ماهل http://www.anaqamaghribia.com/vb/sho...357963&page=12 (http://www.anaqamaghribia.com/vb/showthread.php?t=357963&page=12)

الهام ام قمر
19-11-2013, 16:29
تبارك الله عليك . و لباس عليك أختي . أنا الكرص أول مرة ننديرهم درت وصفة ديال أختfatimzahra-11- (http://www.anaqamaghribia.com/vb/member.php?u=181914) و أنا زدت فلعجينة درت شوية جلجلان جاوني زوينين بنسبة لأول مرة نديرهم ولكن شوية قاسحين ولكن عرفت باش يمكن حيت مادلكتهومش بزاف. ربي يخاليك اختي ختى انا درت نفس الوصفة وجاوني قاصحين



كرص ساهل ماهل http://www.anaqamaghribia.com/vb/sho...357963&page=12 (http://www.anaqamaghribia.com/vb/showthread.php?t=357963&page=12)

jamilatarou7
19-11-2013, 18:20
إوا ما نعرف علاش جاونا قاسحين أنا قلت يمكن غير من دليك و صافي.

fatima elw
20-11-2013, 10:13
السلام عليكم و صباحكم مبروك

jamilatarou7
20-11-2013, 10:38
صباح الخير و الربح. إوا كاين شي نشاط ولا والو. أنا فقت تكري مع 5 صباح. بديت بالغدا باش يدي راجلي و وجدت الفطور وأتاي وبقاتلي كيكة و الكرص. و غسلت ماعن دالعشا جمعت كوزينة كانت وصلت 6. فطرت مع راجلي حتى 6 و نص باش يخرج. من بعد مشيت صايبت واحد الجهة دالحوايج فالماريو . ديال صيف درتهم من اللور و دالمشتا فلقدام. و وصلت 7 و نص لبست حوييجاتي و جيت نخدم. مشكلتي أنني فاش كنمشي للدارفلعشية مع 7 ماكانقدش نهز حتى الكاس. و ماكاندير والوووا. إلى وجدت الكوطي بالكشايف. كنوصل عيانة. و هو فالحقيقة فداك الوقت لي خاصني نقضي فيه شحال من حاجة.

ام محمد و اية
20-11-2013, 11:03
صباح الخير و الربح. إوا كاين شي نشاط ولا والو. أنا فقت تكري مع 5 صباح. بديت بالغدا باش يدي راجلي و وجدت الفطور وأتاي وبقاتلي كيكة و الكرص. و غسلت ماعن دالعشا جمعت كوزينة كانت وصلت 6. فطرت مع راجلي حتى 6 و نص باش يخرج. من بعد مشيت صايبت واحد الجهة دالحوايج فالماريو . ديال صيف درتهم من اللور و دالمشتا فلقدام. و وصلت 7 و نص لبست حوييجاتي و جيت نخدم. مشكلتي أنني فاش كنمشي للدارفلعشية مع 7 ماكانقدش نهز حتى الكاس. و ماكاندير والوووا. إلى وجدت الكوطي بالكشايف. كنوصل عيانة. و هو فالحقيقة فداك الوقت لي خاصني نقضي فيه شحال من حاجة.
حاسة بيك الحبيبة كنت في حالك في العام الاول الزواج كانجي مهدودة و كنصبر راسي وكنت منين كندخل كنوجد الكوتي و العشاء في نفس الوقت و نصاوب الغداء خليه يطيب و حط عشانا زيتون +فرماج او بيض + كفتة اللي جاب الله و نغسل المواعين في الليل و نجفف الكوزينة باش تصبح نقية اما اصباح كنوجد غير الفطور اما منين ولو الاولاد ضروري من شي حد في الدار

jamilatarou7
20-11-2013, 11:12
حاسة بيك الحبيبة كنت في حالك في العام الاول الزواج كانجي مهدودة و كنصبر راسي وكنت منين كندخل كنوجد الكوتي و العشاء في نفس الوقت و نصاوب الغداء خليه يطيب و حط عشانا زيتون +فرماج او بيض + كفتة اللي جاب الله و نغسل المواعين في الليل و نجفف الكوزينة باش تصبح نقية اما اصباح كنوجد غير الفطور اما منين ولو الاولاد ضروري من شي حد في الدار
ههههه أأنا كنعيا و ما كنقد ندير والو فليل لكان نصيب غي نمشي نعس. راه هادشي باقي ما كاين لوليدات و دغيا كنعياو. إوا ربي يعاونا إن شاء الله

الهام ام قمر
20-11-2013, 11:31
صباح الخير الحبابات انا البارح مشيت صليت المغرب ووجدت الكاسكروط جلست شوية ختى للعشا صليت العشا و عاد وجدت العشا مجعبة بصوص طماط و بيض ديال الحوت غسلت المواعن شطبت بيت النعاسو صالون تعشينا عاودت غسلت المواعن العشا وسيقت الحمام اعزكم الله و عاد نعست كنرتاح ملي نخالي الدار نقية عاد نعس فقت ختى ل 5و نص صليت و رضيت الغدا راجلي مريقة ببطاطا و زيتون رجعت تكتيت شوية وجدت الفطور فطرت و لبس حوايجي و جيت للخدمة

fatima elw
20-11-2013, 11:43
تبارك الله عليكم حادكات. كنقرا و ما كرهت حتى انا نكون درت شي حاجة و تهنيت منها الله هههههه

jamilatarou7
20-11-2013, 12:06
تبارك الله عليك إلهام. أنا خاصني نحيد مني لعكز ديال لليل حيت ماكانقد ندير والو فيه . و دبا ولفت نعس بكري 9. ولا 9 ونص راني ناعسة. ( شي مرات 8 نعس ههههههه دجاج ضو)

nadinet
20-11-2013, 12:26
انا جديدة معاكم واستافدت منكم بزاف نتمنى تقبلوني معاكم
نقولكم برنامجي ديال البارح دخلت للدار مع 6 بدلت حوايجي ونصبت العشا درت طاجين حيث ماتغديناش فالدار انا وراجلي ثم جمعت الكوزينة وجمعت التصبين وطويتو ودوشت ثم صليت وجا راجلي اتعشينا ونضت غسلت الماعن د العشا وشوية هي تبانلي فالبيصارة نضت رديتها تسلق باش نوجدها للغدا د اليوم انشالله حيث غنمشي نتغدا فالدار وهدا ماكان راه مع الحمالة والثقل تنعيا وتنحاول ندير غي اللي قديت عليه الله يفك وحايلي ووحايل كاع الحاملات على خير والله يرزق المنتظرات الدرية الصالحة

karima68
20-11-2013, 12:29
اختي الهام وفاطمة لاباس عليكم ، اختي جميلة انشاء الله دابا تولفي شوية بشوية تكايسو على ريوسكم لي قديتو ديروها ولي مقديتوش ديروها خليوها راه الصحة مكاتعوضش، لي درناها اليوم نعاودوه لغد رجااااااااااااانا في الله
انا البارح جاو عندي الضياف جيت من الخدمة عيانة بدلت حوايجي توضيت صليت العاصر اوا بديت نخمم اش غادي ندير العشا، ماعندي خبز ماعندي لحم عندي دجاج اوجيزو، اوا ختكم خمات غي في التفاية جبدت برمة عملت الكسكس كيفور اوا اونصبت في الكوكوط والكاميلة الاخرى عملت فيها البصلة الماراطون هههههههههههه حطيت العشا في 9 واعمرت مورا كسكس واحد البراد ديال الشيبة خرجو فرحانين اوا نعست اختي حتى 5 توضيت صليت اوشمرت على راسي على الماعن سليت في 6 وجدت الفطور حريشات وشي رغيفات قلال ههههههههه وكملنا بالمخامر، نوضت بناتي فطرو والراجل صافي اوبدلت حويجاتي اخرجت للعمل، بغيت انشاء الله الا رجعت بكري يعني 6 ديال العشية نصبن حيث ماصبنتش في الويكاند، اوا الله يعونا
تبارك الله على اختي ايا

oumhiba-09
20-11-2013, 14:03
السلام عليكم تجمع زوين و مفيد بغيتكم تقبلو عليا بيناتكم

fatima elw
20-11-2013, 14:24
انا جديدة معاكم واستافدت منكم بزاف نتمنى تقبلوني معاكم
نقولكم برنامجي ديال البارح دخلت للدار مع 6 بدلت حوايجي ونصبت العشا درت طاجين حيث ماتغديناش فالدار انا وراجلي ثم جمعت الكوزينة وجمعت التصبين وطويتو ودوشت ثم صليت وجا راجلي اتعشينا ونضت غسلت الماعن د العشا وشوية هي تبانلي فالبيصارة نضت رديتها تسلق باش نوجدها للغدا د اليوم انشالله حيث غنمشي نتغدا فالدار وهدا ماكان راه مع الحمالة والثقل تنعيا وتنحاول ندير غي اللي قديت عليه الله يفك وحايلي ووحايل كاع الحاملات على خير والله يرزق المنتظرات الدرية الصالحة

تبارك الله عليك و الله يفك وحايلك على خير

fatima elw
20-11-2013, 14:25
اختي الهام وفاطمة لاباس عليكم ، اختي جميلة انشاء الله دابا تولفي شوية بشوية تكايسو على ريوسكم لي قديتو ديروها ولي مقديتوش ديروها خليوها راه الصحة مكاتعوضش، لي درناها اليوم نعاودوه لغد رجااااااااااااانا في الله
انا البارح جاو عندي الضياف جيت من الخدمة عيانة بدلت حوايجي توضيت صليت العاصر اوا بديت نخمم اش غادي ندير العشا، ماعندي خبز ماعندي لحم عندي دجاج اوجيزو، اوا ختكم خمات غي في التفاية جبدت برمة عملت الكسكس كيفور اوا اونصبت في الكوكوط والكاميلة الاخرى عملت فيها البصلة الماراطون هههههههههههه حطيت العشا في 9 واعمرت مورا كسكس واحد البراد ديال الشيبة خرجو فرحانين اوا نعست اختي حتى 5 توضيت صليت اوشمرت على راسي على الماعن سليت في 6 وجدت الفطور حريشات وشي رغيفات قلال ههههههههه وكملنا بالمخامر، نوضت بناتي فطرو والراجل صافي اوبدلت حويجاتي اخرجت للعمل، بغيت انشاء الله الا رجعت بكري يعني 6 ديال العشية نصبن حيث ماصبنتش في الويكاند، اوا الله يعونا
تبارك الله على اختي ايا

لاباس الحمد الله اختي كريمة يسول فيك الخير. و انت لاباس؟

fatima elw
20-11-2013, 14:25
السلام عليكم تجمع زوين و مفيد بغيتكم تقبلو عليا بيناتكم

مرحبا بك اختي و الدار دارك

oumhiba-09
21-11-2013, 09:35
السلام عليكم
نڭول ليكم شنو درت البارح
دخلت ل دار مع 6و نصف طلعت نشوف حماتي حيت مريضة انا و بنيتي عندها 4 سنوات و نصف ضحكاتني حتى هي ڭالت ليا ماما مي غادية تاكل مسكة باغية مسكينة تدي في ايديها شي حاجة و هي تاخد واحد ميكسي من الثلاجة و مطلعاه و هي تعطيه لجداها شوية و هي تجيب خاس و خواتو فيه و بدات هي اللي كاتشرب
المهم ڭلت معاهم شوية و هبطت ل داري طيبت لولادي الروز بالزبيب يتعاشاو منو و يديو منو للغذاء حيت طيبت ليا انا پ راجلي البيصارة و هوما ماكايكلوهاش صايبت مع بنتي الواجبات ديالها و عشيتهم باش ينعسو بكري ساعات منين ما نعسو حتى نعسونا الهم غسلت الماعن ماخليت والو و خويت الشبكة ديال الماعن و غسلتها و غسلت البوطة و تعشينا عاد كملت مسيح البوطاجي و من بعد دخلت للحمام دوزت عليه شوية و راجلي مسكين عاوني شطب ليا بيت الڭلاس حيت مانعاودش ليكم خيفاش ولا بالروز و جففت و ستفت شي حوايج كانو مصبنين و من بعد صليت العشاء و تكيت ف بلاصتي ولكن ماجانيش النعاس بقيت كانتفرج حتى الوحدة و نعست فقت مع 5 و ربع حيت كانصوم تسحرت صليت و نعست فقت مع 6 و نصف جمعت لولادي صاكهم و فيقتهم بدلت ليهوم و ديتهم انا و راجلي ل لاكريش حيت كايبقاو تما لانهار كولو و شديت ترانسبور و ها انا ف الخدمة

jamilatarou7
21-11-2013, 09:49
السلام عليكم
نڭول ليكم شنو درت البارح
دخلت ل دار مع 6و نصف طلعت نشوف حماتي حيت مريضة انا و بنيتي عندها 4 سنوات و نصف ضحكاتني حتى هي ڭالت ليا ماما مي غادية تاكل مسكة باغية مسكينة تدي في ايديها شي حاجة و هي تاخد واحد ميكسي من الثلاجة و مطلعاه و هي تعطيه لجداها شوية و هي تجيب خاس و خواتو فيه و بدات هي اللي كاتشرب
المهم ڭلت معاهم شوية و هبطت ل داري طيبت لولادي الروز بالزبيب يتعاشاو منو و يديو منو للغذاء حيت طيبت ليا انا پ راجلي البيصارة و هوما ماكايكلوهاش صايبت مع بنتي الواجبات ديالها و عشيتهم باش ينعسو بكري ساعات منين ما نعسو حتى نعسونا الهم غسلت الماعن ماخليت والو و خويت الشبكة ديال الماعن و غسلتها و غسلت البوطة و تعشينا عاد كملت مسيح البوطاجي و من بعد دخلت للحمام دوزت عليه شوية و راجلي مسكين عاوني شطب ليا بيت الڭلاس حيت مانعاودش ليكم خيفاش ولا بالروز و جففت و ستفت شي حوايج كانو مصبنين و من بعد صليت العشاء و تكيت ف بلاصتي ولكن ماجانيش النعاس بقيت كانتفرج حتى الوحدة و نعست فقت مع 5 و ربع حيت كانصوم تسحرت صليت و نعست فقت مع 6 و نصف جمعت لولادي صاكهم و فيقتهم بدلت ليهوم و ديتهم انا و راجلي ل لاكريش حيت كايبقاو تما لانهار كولو و شديت ترانسبور و ها انا ف الخدمة
صباحكم مبروك البنات و تبارك الله عليك أختي . أنا لبارح وصلت للدار مع 7 . وجدت القهوة و حطيت الكوتي كلينا مزيان منه كوتي منه عشا ههههه. غسلت الماعن درت الحمص ينتفخ . مشيت طويت حوايج كنت صبنتهم. صافي ومشيت نعست كانت 9 .( قتلكم كنعس بكري دجاج ضو) فقت مع 5 طيبت الحمص للغدا و وجدت الفطور. جمعت بيت نعاس . فطر راجلي و أنا مشيت صبنت 2 جلالبي و شي حوييجات خفاف طلعت نشرتهم. عاد هبطت فطرت و لبست حوييجاتي و هاني فالخدمة.

oumhiba-09
21-11-2013, 10:21
jamilatarou7 (http://www.anaqamaghribia.com/vb/member.php?u=184938)
اختي جميلة حتى نتي تبارك الله عليك نعيتك تڭولي ليا كيفاش كاديري للحمص بغيت نجربو

الهام ام قمر
21-11-2013, 10:36
تبارك الله عليك إلهام. أنا خاصني نحيد مني لعكز ديال لليل حيت ماكانقد ندير والو فيه . و دبا ولفت نعس بكري 9. ولا 9 ونص راني ناعسة. ( شي مرات 8 نعس ههههههه دجاج ضو) الله يبارك فيك الحبيبة غي مرة مرة و صافي بعد المرات كاتكون الخاطر مريضة منبغي ندير والو


انا جديدة معاكم واستافدت منكم بزاف نتمنى تقبلوني معاكم
نقولكم برنامجي ديال البارح دخلت للدار مع 6 بدلت حوايجي ونصبت العشا درت طاجين حيث ماتغديناش فالدار انا وراجلي ثم جمعت الكوزينة وجمعت التصبين وطويتو ودوشت ثم صليت وجا راجلي اتعشينا ونضت غسلت الماعن د العشا وشوية هي تبانلي فالبيصارة نضت رديتها تسلق باش نوجدها للغدا د اليوم انشالله حيث غنمشي نتغدا فالدار وهدا ماكان راه مع الحمالة والثقل تنعيا وتنحاول ندير غي اللي قديت عليه الله يفك وحايلي ووحايل كاع الحاملات على خير والله يرزق المنتظرات الدرية الصالحة مرحبا بيك معنا انا فرحانة حيت التجمع رجع فيه النشاط و الله يفك وحيلك على خير و العقبة لينا ان شاء الله.


اختي الهام وفاطمة لاباس عليكم ، اختي جميلة انشاء الله دابا تولفي شوية بشوية تكايسو على ريوسكم لي قديتو ديروها ولي مقديتوش ديروها خليوها راه الصحة مكاتعوضش، لي درناها اليوم نعاودوه لغد رجااااااااااااانا في الله
انا البارح جاو عندي الضياف جيت من الخدمة عيانة بدلت حوايجي توضيت صليت العاصر اوا بديت نخمم اش غادي ندير العشا، ماعندي خبز ماعندي لحم عندي دجاج اوجيزو، اوا ختكم خمات غي في التفاية جبدت برمة عملت الكسكس كيفور اوا اونصبت في الكوكوط والكاميلة الاخرى عملت فيها البصلة الماراطون هههههههههههه حطيت العشا في 9 واعمرت مورا كسكس واحد البراد ديال الشيبة خرجو فرحانين اوا نعست اختي حتى 5 توضيت صليت اوشمرت على راسي على الماعن سليت في 6 وجدت الفطور حريشات وشي رغيفات قلال ههههههههه وكملنا بالمخامر، نوضت بناتي فطرو والراجل صافي اوبدلت حويجاتي اخرجت للعمل، بغيت انشاء الله الا رجعت بكري يعني 6 ديال العشية نصبن حيث ماصبنتش في الويكاند، اوا الله يعونا
تبارك الله على اختي ايا يسول فيك الخير اختي و انتي اش اخبارك لابس اختي الضياف يجو السبت و لا الاحد مالهم مالقاو غي وسط السيمنة


السلام عليكم تجمع زوين و مفيد بغيتكم تقبلو عليا بيناتكم مرحبببببببببببببببببببببببببببببا الزين


السلام عليكم
نڭول ليكم شنو درت البارح
دخلت ل دار مع 6و نصف طلعت نشوف حماتي حيت مريضة انا و بنيتي عندها 4 سنوات و نصف ضحكاتني حتى هي ڭالت ليا ماما مي غادية تاكل مسكة باغية مسكينة تدي في ايديها شي حاجة و هي تاخد واحد ميكسي من الثلاجة و مطلعاه و هي تعطيه لجداها شوية و هي تجيب خاس و خواتو فيه و بدات هي اللي كاتشرب
المهم ڭلت معاهم شوية و هبطت ل داري طيبت لولادي الروز بالزبيب يتعاشاو منو و يديو منو للغذاء حيت طيبت ليا انا پ راجلي البيصارة و هوما ماكايكلوهاش صايبت مع بنتي الواجبات ديالها و عشيتهم باش ينعسو بكري ساعات منين ما نعسو حتى نعسونا الهم غسلت الماعن ماخليت والو و خويت الشبكة ديال الماعن و غسلتها و غسلت البوطة و تعشينا عاد كملت مسيح البوطاجي و من بعد دخلت للحمام دوزت عليه شوية و راجلي مسكين عاوني شطب ليا بيت الڭلاس حيت مانعاودش ليكم خيفاش ولا بالروز و جففت و ستفت شي حوايج كانو مصبنين و من بعد صليت العشاء و تكيت ف بلاصتي ولكن ماجانيش النعاس بقيت كانتفرج حتى الوحدة و نعست فقت مع 5 و ربع حيت كانصوم تسحرت صليت و نعست فقت مع 6 و نصف جمعت لولادي صاكهم و فيقتهم بدلت ليهوم و ديتهم انا و راجلي ل لاكريش حيت كايبقاو تما لانهار كولو و شديت ترانسبور و ها انا ف الخدمة تبارك الله عليك اختي


صباحكم مبروك البنات و تبارك الله عليك أختي . أنا لبارح وصلت للدار مع 7 . وجدت القهوة و حطيت الكوتي كلينا مزيان منه كوتي منه عشا ههههه. غسلت الماعن درت الحمص ينتفخ . مشيت طويت حوايج كنت صبنتهم. صافي ومشيت نعست كانت 9 .( قتلكم كنعس بكري دجاج ضو) فقت مع 5 طيبت الحمص للغدا و وجدت الفطور. جمعت بيت نعاس . فطر راجلي و أنا مشيت صبنت 2 جلالبي و شي حوييجات خفاف طلعت نشرتهم. عاد هبطت فطرت و لبست حوييجاتي و هاني فالخدمة. ماشاء الله عليك الزين عرفتي انا حتى جلابة مبقات تجي قدي و حتى سروال كلشي ضدقتو و بقيت والو غضني نبدا نشري و الطبيب البارح قالي غصك لاماغش خيت و لات عندي شوية شحمة في الكرش مبقيت عارفة مندير


لاباس الحمد الله اختي كريمة يسول فيك الخير. و انت لاباس؟ صباح الخير فاطوم

nadinet
21-11-2013, 10:50
صباح الخير عليكم الأنيقات
ايوا نقولكم أشنو درت البارح ملي امشيت للدار نتغدى بالبيصارة شحرت لحيمة فالطجين وزدت عليها الجلبانة والبطاطا وخليتها بلا ماطيبتها ووصيت راجلي حيث تيجي بكري مع 4 ملي يجي يشعل على الطاجين ساعا ملي جيت مع 6 لقيتو مسكين شاعل عليه فوق المجمر المهم دخلت بدلت عليا واتوضيت وصليت ودرت بالكوزينة شوية حيدت الماعن من الشبكة ورديتهم لبلاصتهم ماتنبغيش ندير كاسكروط باش نتعشى مزيان حيث تتنفخ لي كرشي مع الحمل المهم امشيت اتكيت شوية وابقيت تنتفرج فالتلفزة شوية حيدت الطاجين من فوق المجمر واتسنيت راجلي يجي ولقيت راسي انعست مع العيا حتى لديك 9 ملي جا راجلي اتعشينا ونضت غسلت الماعن د العشا ومباشرة انعست المهم الحمدلله ماكانش عندي الشغل البارح بالليل بزاف وارتاحيت حيث نيت كنت عيانة ودابا راني تنفكر شنو ندير العشا حيث ماناوياش ندير الطاجين

jamilatarou7
21-11-2013, 10:51
jamilatarou7 (http://www.anaqamaghribia.com/vb/member.php?u=184938)
اختي جميلة حتى نتي تبارك الله عليك نعيتك تڭولي ليا كيفاش كاديري للحمص بغيت نجربو

أختي طياب عادي. أنا درتو بلا لحم إلى كان عندك احسن يجي بنين و إلى ماكنش ما عليش فهاد البرد ما يليق غي القطاني والبيصارة. حكيت بصلة كبيرة و درتها تقلا على نار مهيلة فزيت و فنفس لوقت زدت عليها ثوما محكوكة الحمص يبغي ثوم و زدت حكيت مطيشة و خليتهم يتقلاو مع العطرية . الملح إبزار خرقوم سكنجبير تحميرة و كمون تزيدي معدنوس .و تكون موجدة لما سخون و لا دافي.باش يساعدك دغية يطيب و ديري الحمص لي تكوني نفختيه ليلة قبل. و تخليه يطيب تقريبا شي 30ـ 45 دقيقة على حسب الحمص واش يكون طياب .

oumhiba-09
21-11-2013, 11:04
أختي طياب عادي. أنا درتو بلا لحم إلى كان عندك احسن يجي بنين و إلى ماكنش ما عليش فهاد البرد ما يليق غي القطاني والبيصارة. حكيت بصلة كبيرة و درتها تقلا على نار مهيلة فزيت و فنفس لوقت زدت عليها ثوما محكوكة الحمص يبغي ثوم و زدت حكيت مطيشة و خليتهم يتقلاو مع العطرية . الملح إبزار خرقوم سكنجبير تحميرة و كمون تزيدي معدنوس .و تكون موجدة لما سخون و لا دافي.باش يساعدك دغية يطيب و ديري الحمص لي تكوني نفختيه ليلة قبل. و تخليه يطيب تقريبا شي 30ـ 45 دقيقة على حسب الحمص واش يكون طياب .
شكرا ليك اختي واش نقدر ندير الحمص نيشان

jamilatarou7
21-11-2013, 11:22
شكرا ليك اختي واش نقدر ندير الحمص نيشان
كفاش لحمص نيشان. بلا ما ينتفخ ليلة قبل. لا أحبيبة ضروري ينتفخ على الأقل 3 ساعات.

الهام ام قمر
21-11-2013, 11:25
تبارك الله على الحدكات انا البارح خرجت مع ل11 مشيت عند الطبيب من بعد طلعت للدارنا تغديت و بقيت ختى للعشية عاد مشيت للداري وصلت مع 5 و نص وجدت كاسكروط كلينا صليت العشا و تكتين نعست ختى فيقني راجلي وجد الحوت شويتو في الفران كليت 2 و خليت راجلي يتعشا و نضت نعست معرفتش مالي البارح بخال الا كنت مبنجة صباح فقت صليت الفجر الله يقبل و تكتيت حتى ل 6و نص عاد غسلت المواعن و جمعت الصالون و جدت الفطور و سيقت الخمام فطرت غسلت المواعن الفطور و لبست حوايجي و جيت للخدمة

الهام ام قمر
21-11-2013, 11:27
البنات خاصنا نديرو تحدي مع بعضيتنا نخاولو نعملو برنامج يسعدنا و نمشيو عليه ... جميلة الحمص مكتفصغيهش

oumhiba-09
21-11-2013, 11:36
كفاش لحمص نيشان. بلا ما ينتفخ ليلة قبل. لا أحبيبة ضروري ينتفخ على الأقل 3 ساعات.
اه تشهيت نديرو اليوم و داكشي علاش ڭلت بديرو نيشان ايلا كان يطيب ليا ليوم

jamilatarou7
21-11-2013, 11:44
البنات خاصنا نديرو تحدي مع بعضيتنا نخاولو نعملو برنامج يسعدنا و نمشيو عليه ... جميلة الحمص مكتفصغيهش
لباس عليك أختي وصلتي كاع لطبيب. ربي يشفيك و حاولي على صحتك. أنا بقيت كيما قبل زواج petite taille hhhhh . وزن 53 كغ و طول 150 سم.

لا أحبيبة ما كنفسخوش. طريقة وجدية ههههه راه بعدا كالتها واحد نهار شميشة. قالت فوجدة كياكلو الحمص بجلوفو. ههههههه

الهام ام قمر
21-11-2013, 11:47
ان شاء الله نجربها ماتشوفي باس اختي

ام محمد و اية
21-11-2013, 11:47
أختي طياب عادي. أنا درتو بلا لحم إلى كان عندك احسن يجي بنين و إلى ماكنش ما عليش فهاد البرد ما يليق غي القطاني والبيصارة. حكيت بصلة كبيرة و درتها تقلا على نار مهيلة فزيت و فنفس لوقت زدت عليها ثوما محكوكة الحمص يبغي ثوم و زدت حكيت مطيشة و خليتهم يتقلاو مع العطرية . الملح إبزار خرقوم سكنجبير تحميرة و كمون تزيدي معدنوس .و تكون موجدة لما سخون و لا دافي.باش يساعدك دغية يطيب و ديري الحمص لي تكوني نفختيه ليلة قبل. و تخليه يطيب تقريبا شي 30ـ 45 دقيقة على حسب الحمص واش يكون طياب .
تصوري قبل البارحة ولادي تشهاوا الحمص بحال طايب في الزنقة و قلت ليهم ما طلبتوا غير الساهلة جبدته من الفريكو كان مرطب قبل و مجمد و درته في الكوكوت يتسلق مع مليحة و منين طاب صفيته في شبكة و حطيته ليهم مع شوية الكامون و الله ما خلاوا فيه والو و فرحت حيث ما عمرني فكرت فيه كنديروا غير في الكسكس ولا الحريرة و قلت مع راسي بما انو غني بالبروتينات غادي مرة مرة نديروا في الكوتي او شلادة الغذاء. ودبا زدتني طريقة اخرى الله يجازيك بالخيرغادي نجربها ان شاء الله

jamilatarou7
21-11-2013, 11:47
اه تشهيت نديرو اليوم و داكشي علاش ڭلت بديرو نيشان ايلا كان يطيب ليا ليوم
إلى كتمشي لدارك مع 12. ديريه ينتفخ فالما يكون شوية دافي وزيديله لملح هكا دغية يرطاب. وفاش تمشي فلعشية طيبيه. أنا هكا درت لوبيا نهار إثنين حتى لصباح و قالي راجلي بغيت لوبيا. إوا درتلها هاد طريقة مدة 2 ساعات و نص و طابتلي مزيان.

jamilatarou7
21-11-2013, 11:52
تصوري قبل البارحة ولادي تشهاوا الحمص بحال طايب في الزنقة و قلت ليهم ما طلبتوا غير الساهلة جبدته من الفريكو كان مرطب قبل و مجمد و درته في الكوكوت يتسلق مع مليحة و منين طاب صفيته في شبكة و حطيته ليهم مع شوية الكامون و الله ما خلاوا فيه والو و فرحت حيث ما عمرني فكرت فيه كنديروا غير في الكسكس ولا الحريرة و قلت مع راسي بما انو غني بالبروتينات غادي مرة مرة نديروا في الكوتي او شلادة الغذاء. ودبا زدتني طريقة اخرى الله يجازيك بالخيرغادي نجربها ان شاء الله

ربي يخليك الحبيبة و يحفظلك وليداتك. أنا نهار كناكل فيه مزيان و كيعجب راجلي. و فكرة أخرى. حتى إلى ضفتيله شوية روز فالأخير كيزيدله بنة أخرى. أنا ليوم درته بلا روز.

oumhiba-09
21-11-2013, 11:55
إلى كتمشي لدارك مع 12. ديريه ينتفخ فالما يكون شوية دافي وزيديله لملح هكا دغية يرطاب. وفاش تمشي فلعشية طيبيه. أنا هكا درت لوبيا نهار إثنين حتى لصباح و قالي راجلي بغيت لوبيا. إوا درتلها هاد طريقة مدة 2 ساعات و نص و طابتلي مزيان.

لا اختي ماكانمشيش ماشي مشكل نديرپ غدا ان شاء الله

ام محمد و اية
21-11-2013, 11:59
جميلة يا جميلة المواظبة
كيبان لي انا و ياك ما كنخرجوش من هاد التجمع و خا ما كنشاركش بزاف بحالك و لكن را حاضية من البعيد خدامة و حاضية واعرة هادي ههههه

fatima elw
21-11-2013, 12:31
صباح الخير تاع 12 هههههههه
واو تبارك الله ما شاء الله بدا التجمع كيزيان. الله يخليه ديما هككا و اكثر. اوا قولو امين هههه

fatima elw
21-11-2013, 12:32
الهام اش كاليك الطبيب ياك لاباس؟ الله يشافيك احبيبة

ام محمد و اية
21-11-2013, 12:43
صباح الخير تاع 12 هههههههه
واو تبارك الله ما شاء الله بدا التجمع كيزيان. الله يخليه ديما هككا و اكثر. اوا قولو امين هههه
امييين يا رب

الهام ام قمر
21-11-2013, 12:52
صباح الخير تاع 12 هههههههه
واو تبارك الله ما شاء الله بدا التجمع كيزيان. الله يخليه ديما هككا و اكثر. اوا قولو امين هههه الحمدلله اختي انا لابس قالي خاصني منبقاش نتعصب و نرتاح و خاصني ندير شوية la marche على ود و لات عندي شحمة في الكرش

oumhiba-09
21-11-2013, 13:05
الحمدلله اختي انا لابس قالي خاصني منبقاش نتعصب و نرتاح و خاصني ندير شوية la marche على ود و لات عندي شحمة في الكرش
واش انت حاملة

الهام ام قمر
21-11-2013, 13:24
واش انت حاملة مزال الحبيبة الله يسر من عندو و طبيب قالي كلشي مزيان عندي

karima68
21-11-2013, 13:33
اختي الهام لاباس عليك احبيبة ، فاطمة جميلة أيا وكل الانيقات صباحكم مبروك
بالنسبة لغذاية اليوم اعملت سردين مفور وشلاضة فيها اللوبية الخضرة وخيزو وليباط روسول والطون والمعدنوس بكثرة ومطيشة والبصلة مشلضة والخص مقرد والمايونيز والخل والزيت والبزار وشوييييية الكامون والملح خلط اوجخلط باش كولشي اشبع ههههههههههههه كاتجي بنينة بزااااااااف والله وديسير رمان انستغلوه قبل مايمشي هههههههههه هادا مكان الحبابات

الهام ام قمر
21-11-2013, 13:50
اختي الهام لاباس عليك احبيبة ، فاطمة جميلة أيا وكل الانيقات صباحكم مبروك
بالنسبة لغذاية اليوم اعملت سردين مفور وشلاضة فيها اللوبية الخضرة وخيزو وليباط روسول والطون والمعدنوس بكثرة ومطيشة والبصلة مشلضة والخص مقرد والمايونيز والخل والزيت والبزار وشوييييية الكامون والملح خلط اوجخلط باش كولشي اشبع ههههههههههههه كاتجي بنينة بزااااااااف والله وديسير رمان انستغلوه قبل مايمشي هههههههههه هادا مكان الحبابات ماتشوفي باس الحبيبة و نهارك مبروك و بصحة و راحة

fatima elw
21-11-2013, 14:39
الحمدلله اختي انا لابس قالي خاصني منبقاش نتعصب و نرتاح و خاصني ندير شوية la marche على ود و لات عندي شحمة في الكرش

الله يشافيك الزين. اوا اعطي الراحة لراسك اصاحبتي

fatima elw
21-11-2013, 14:40
اختي الهام لاباس عليك احبيبة ، فاطمة جميلة أيا وكل الانيقات صباحكم مبروك
بالنسبة لغذاية اليوم اعملت سردين مفور وشلاضة فيها اللوبية الخضرة وخيزو وليباط روسول والطون والمعدنوس بكثرة ومطيشة والبصلة مشلضة والخص مقرد والمايونيز والخل والزيت والبزار وشوييييية الكامون والملح خلط اوجخلط باش كولشي اشبع ههههههههههههه كاتجي بنينة بزااااااااف والله وديسير رمان انستغلوه قبل مايمشي هههههههههه هادا مكان الحبابات

اهلا الزين. يسول فيك الربح و بصحتك و راحتك

oumhiba-09
21-11-2013, 14:54
مزال الحبيبة الله يسر من عندو و طبيب قالي كلشي مزيان عندي
الله يجيب ليك اللي فيها الخير

meknasya
21-11-2013, 15:14
دايزة نسلم وغادة بحالي :12kisa::manga21:

الهام ام قمر
21-11-2013, 15:20
الله يجيب ليك اللي فيها الخير اللهم امين يارب


دايزة نسلم وغادة بحالي :12kisa::manga21: امالك اختي

jamilatarou7
21-11-2013, 15:54
مزال الحبيبة الله يسر من عندو و طبيب قالي كلشي مزيان عندي

إوا الحمد لله اللي راكي لباس . ربي يسهلك فالحمل فيما قريب إن شاء الله.

nadinet
22-11-2013, 10:18
صباح النور الأنيقات البارح دخلت للدار مع 6.30 بدلت عليا وصليت ودرت حوايج التصبين فالماكينة ثم نقيت الجلبانة والفول ودرتهم فالفريكو وانا تنتفرج فالتلفزة باش نرتاح شوية ملي دخل راجلي نضت قطعت الفريت وطيبت دوائر الكفتة حيث درت ساندويتش الكفتة والفريت للعشا مع الرمان منقي ومخلط مع رايبي الساندويتش دهنت 2 خبيزات صغار بالمايونيز كنت خديت طريقتو من المنتدى تيجي زوين بزاف وحطيت عليه دوائر الكفتة ثم الخس ودوائر مطيشة و رشيت عليه شوية الكيتشاب باش مايجيش ناشف وعاد درت عليه فرماج ساندويتش وسديت الخبيزات ودرتهم فالبانيني تيجي ساندويتش خفيف وبنين وتيشبع والأهم ماتيشدش الوقت بالنسبة اللي عيانة ومافيها ماتنصب العشا اتعشينا نضت نشرت الحوايج وجمعت الكوزينة واتفرجت شوية وانعست مع 11 هدا هو برنامجي د ليلة البارح اليوم انشالله غنمشي نتغدى كسكسو مع دارناالمايونيز خديتو من طريقة وجدية مغتربة الله يجازيها بالخير

الهام ام قمر
22-11-2013, 11:04
صباح النور الأنيقات البارح دخلت للدار مع 6.30 بدلت عليا وصليت ودرت حوايج التصبين فالماكينة ثم نقيت الجلبانة والفول ودرتهم فالفريكو وانا تنتفرج فالتلفزة باش نرتاح شوية ملي دخل راجلي نضت قطعت الفريت وطيبت دوائر الكفتة حيث درت ساندويتش الكفتة والفريت للعشا مع الرمان منقي ومخلط مع رايبي الساندويتش دهنت 2 خبيزات صغار بالمايونيز كنت خديت طريقتو من المنتدى تيجي زوين بزاف وحطيت عليه دوائر الكفتة ثم الخس ودوائر مطيشة و رشيت عليه شوية الكيتشاب باش مايجيش ناشف وعاد درت عليه فرماج ساندويتش وسديت الخبيزات ودرتهم فالبانيني تيجي ساندويتش خفيف وبنين وتيشبع والأهم ماتيشدش الوقت بالنسبة اللي عيانة ومافيها ماتنصب العشا اتعشينا نضت نشرت الحوايج وجمعت الكوزينة واتفرجت شوية وانعست مع 11 هدا هو برنامجي د ليلة البارح اليوم انشالله غنمشي نتغدى كسكسو مع دارناالمايونيز خديتو من طريقة وجدية مغتربة الله يجازيها بالخير تبارك الله عليك اختي

الهام ام قمر
22-11-2013, 11:10
صباح الخير عليكم و جمعة مباركة ان شاء الله انا البارح ماركبت ختى ل 6 و الله شدتني البكير حيت لبلاصة فين خدامة المركوب قليل و ضلمة لا اله الا الله و صافي وصلت مع 6و نص لجاري حيدت حوايجي و صليت المغرب وجدت كاسكروط و كلينا رتجيت شوية و وجدت سباكيتي صليت العشا وغسلت المواعن و مشيت شطبت بيت النعاس و الصالون و دوزت الجفاف على الدرا كاملة سيقت الحمام ووجدت العصير تعشينا و نعست صباح فقت ختى ل6 صليت الفجر ووجدت الغدا للراجلي وجدت الفكور فطرنا غسلت مواعن وديت للخدمة

jamilatarou7
22-11-2013, 11:18
صباحكم مبروك البنات. كيبقيتي إلهام شوية لباس؟ تبارك الله عليك nadinet
أنا لبارح وصلت مع 7 . درت أتاي و الخبز ما كان عندي والو إوا درت العشا مرقة بالبطاطا و بيبي. شربت أتاي و دغية نضت شطبت الدار. و مسحت كوافوز ديالي و لكومو و قاديت داكشي ليكان فوق منها. تعشينا . ما غسلتش الماعن. مشيت نتفرج شوية و نعست كانت 10 . صباح فقت حتى 7 غسلت الماعن و فطرت و خرجت نخدم.

ام محمد و اية
22-11-2013, 12:50
جمعة مباركة البنات و صباحكم منور ان شاء الله

الهام ام قمر
22-11-2013, 12:54
إوا الحمد لله اللي راكي لباس . ربي يسهلك فالحمل فيما قريب إن شاء الله. اللهم امين الحبيبة انا وانتي و جميع المسليمين




جمعة مباركة البنات و صباحكم منور ان شاء الله و عليكي حبيبتي

fatima elw
22-11-2013, 13:17
السلام عليكم اش اخباركم لاباس؟ نتمنى تكونو على احسن ما يرام

oumhiba-09
22-11-2013, 14:11
السلام عليكم البنات كي صبحتو اليوم جمعة مباركة
انا البارح دخلت للدار مع 6و نصف و الطريق كاملة و انا كانخمم اش غادية ندير لاعشاء ولكن لقيت راجلي جايب صوصيص دو فوا سهل عليا المامورية ديال العشا المهم دخلت بدلت حوايجي و عطيت لولادي ياكلو و صايبت عالڭرعة محكوكة مع البيض شفتها فالمنتدى جات بنينة واخا كليتها غي بوحدي مابغاوهاش ليا و درت شلاضة بمطيش و الخس و عمرت براد ديال اتاي حيت كنت صايمة و تشهيتو انا كانطيب و نفس الوقت كانشوف مع بنتي ليدوڤوار دياولها و اللي حطيتها فالماعن كانغسلها باش ماويتجمعوش عليا طريقة زوينة و فعالة وخا غير معلقة ولا كاس تعشينا غسلت ماعن العشاء و ستفت شي حوايج كانو مصبنين و صليت حيت ما صليتش نهار كامل تجمعات عليا المهم ندمت علاش خليتها حيت الواحد كاويعيا و ماكايبقاش يعطي لكل صلاة حقها و ملي جيت نعس ولدي الصغير حيح بزز باش نعس نعست مع 11 و فقت الصباح مع 05 و 10د تسحرت و صليت و غسلت الماعن فاش تسحرت و جمعت لولادي ساكهم اللي كايديو معاهم و تكيت شوية حتى ل 6و نصف لبست ولادي و وصلتهم للمدرسة و جيت

الهام ام قمر
22-11-2013, 16:02
السلام عليكم البنات كي صبحتو اليوم جمعة مباركة
انا البارح دخلت للدار مع 6و نصف و الطريق كاملة و انا كانخمم اش غادية ندير لاعشاء ولكن لقيت راجلي جايب صوصيص دو فوا سهل عليا المامورية ديال العشا المهم دخلت بدلت حوايجي و عطيت لولادي ياكلو و صايبت عالڭرعة محكوكة مع البيض شفتها فالمنتدى جات بنينة واخا كليتها غي بوحدي مابغاوهاش ليا و درت شلاضة بمطيش و الخس و عمرت براد ديال اتاي حيت كنت صايمة و تشهيتو انا كانطيب و نفس الوقت كانشوف مع بنتي ليدوڤوار دياولها و اللي حطيتها فالماعن كانغسلها باش ماويتجمعوش عليا طريقة زوينة و فعالة وخا غير معلقة ولا كاس تعشينا غسلت ماعن العشاء و ستفت شي حوايج كانو مصبنين و صليت حيت ما صليتش نهار كامل تجمعات عليا المهم ندمت علاش خليتها حيت الواحد كاويعيا و ماكايبقاش يعطي لكل صلاة حقها و ملي جيت نعس ولدي الصغير حيح بزز باش نعس نعست مع 11 و فقت الصباح مع 05 و 10د تسحرت و صليت و غسلت الماعن فاش تسحرت و جمعت لولادي ساكهم اللي كايديو معاهم و تكيت شوية حتى ل 6و نصف لبست ولادي و وصلتهم للمدرسة و جيت الله معاك اختي الخدمة و الدار و الدراري صعيبة و لكن صلاة خاصها تكون في وقتها

soussia1
23-11-2013, 20:46
الله معاكم البنات
الخدمة والدار والدراري ماشي ساهلين
أنا غا نبدا معاكم ونبدى نحط البروڭرام ديالي مرة مرة مع ماشي ديما كا ندخل، ماكانلقاش الوقت

jamilatarou7
25-11-2013, 10:51
صباحكم مبروك البنات . كيف دايرين و أشنو درتو فهاد الويكاند. أنا مادرت والو. هاد ويكاند مشيت لوجدة نشوف واليديا و حضرت الخطوبة ديال ولد خالتي. جيت لبارح وصلت لدار مع 7 و نص. وجدت الكوتي دغية كلينا و نعسنا كنا عيانين. و راه خصني نتقدا كلشي من الخضرة و زيد و زيد. الدار عندي خاوية . عندي روز و لوبيا و الحمص صآآآفي . إوا نوجدو شي برنامج للتقدية لهاد شهر.

jamilatarou7
25-11-2013, 12:57
البنات إوا فينكم. صبحتو ناعسآآآات.

jamilatarou7
25-11-2013, 12:58
إلهههههههههام أنا كنقلب عليك !!!!!! فيييييييييينك

الهام ام قمر
25-11-2013, 13:13
صباحكم مبروك البنات . كيف دايرين و أشنو درتو فهاد الويكاند. أنا مادرت والو. هاد ويكاند مشيت لوجدة نشوف واليديا و حضرت الخطوبة ديال ولد خالتي. جيت لبارح وصلت لدار مع 7 و نص. وجدت الكوتي دغية كلينا و نعسنا كنا عيانين. و راه خصني نتقدا كلشي من الخضرة و زيد و زيد. الدار عندي خاوية . عندي روز و لوبيا و الحمص صآآآفي . إوا نوجدو شي برنامج للتقدية لهاد شهر. لو لو لو مبروك على ولد خالتك وجدة غزالة كنت دزوت فيها سيمنة رائعة اش خبار داركم لابس




إلهههههههههام أنا كنقلب عليك !!!!!! فيييييييييينك صباح الخير حبيبتي هنا هنا غي الخدمة يازين ديالي راني اليوم تالفة معها

الهام ام قمر
25-11-2013, 13:19
انا مشيت نهار السبت وجدت الغدا الحوت و زعلوك و فريت اوى تغديتا نعست عيت فقت ل5 وجدت مسمن معمر بالخضرة و الكروفيت و اتاي العشا غي الدسير نعست الصباح فقت صليت الفجر و رجعت نعست ختى لل 10 فقت دايخة و راسي دارني وجدت الكسكس و جمعت الدار تغدينا جمعت الماريو و نعست شوية فقت وجدت المخمار و اتاي و عجنت 10 الخبزات صغار هههههههههههه غدا نحارب درتهم في التلاجة باش منبقاش كل نهار نعجن العشا غي الديسير و نعست صباح فقت مع 6 صليت ورديا الغدا للراجلي عملت ليه العدس شوية ميتحرق لي هههههههه و وجدت الفطور فطرنا و غسلت المواعن لبست حوايجي و جيت..

ام محمد و اية
25-11-2013, 13:23
انا البارح فقت في الثامنة طيبت لفطور و فيقت ولادي مع 9 باش يراجعوا ولدي عندوا الامتحان اليوم و ادعيوا معاه الله يجازيكم بخير و مع 10.30 كان عندنا لقاء الاباء في المدرسة و رجعت مع 12.30 هزيت اولادي و مشينا عند عدوزتي نتغذوا و دزت للسوق في الطريق تقديت الخضرة 50 درهم ما فيها والو 3 بطاطا 2 مطيشة 1/2 لوبيا 1 بسباس ربيع و لحق علينا راجلي منين دخلت في العشية مع 7.00 وجدت كوتي و عشاء -صلق البيض و حطيت زيتون ديال الدار الابض و الاسود و زيت و كيكة كانت مصاوباها البنت في الفريكو و حطيت شوية الفواكه المجففة و كلينا و عطيت لولدي بعض تمارين في الفرنسية و الرياضيات ودخلت دوشت لبنتي و دوشت انا من بعد خليت ولدي كيدوش و مشيت نعس.و كنت عولة نخمل الكوزينة و لكن قلت حتى الاسبوع الماجي حتى يكمل ولدي الفروض

الهام ام قمر
25-11-2013, 14:17
انا البارح فقت في الثامنة طيبت لفطور و فيقت ولادي مع 9 باش يراجعوا ولدي عندوا الامتحان اليوم و ادعيوا معاه الله يجازيكم بخير و مع 10.30 كان عندنا لقاء الاباء في المدرسة و رجعت مع 12.30 هزيت اولادي و مشينا عند عدوزتي نتغذوا و دزت للسوق في الطريق تقديت الخضرة 50 درهم ما فيها والو 3 بطاطا 2 مطيشة 1/2 لوبيا 1 بسباس ربيع و لحق علينا راجلي منين دخلت في العشية مع 7.00 وجدت كوتي و عشاء -صلق البيض و حطيت زيتون ديال الدار الابض و الاسود و زيت و كيكة كانت مصاوباها البنت في الفريكو و حطيت شوية الفواكه المجففة و كلينا و عطيت لولدي بعض تمارين في الفرنسية و الرياضيات ودخلت دوشت لبنتي و دوشت انا من بعد خليت ولدي كيدوش و مشيت نعس.و كنت عولة نخمل الكوزينة و لكن قلت حتى الاسبوع الماجي حتى يكمل ولدي الفروض الله يسهل عليهم ياربي و يفرح بيهم ان شاء الله و تشوفيهم كيما بغيتي...جربت العجينة ديالك ديال الخبز جاني ساهل الله يجازيك بلخير..

ام ياسمين13
25-11-2013, 15:31
السلام عليكم البنات
تبارك الله عليكم راكم حادقات ومتولات والله يكون في عون لي عندهم الدراري وكيكابروا باش الامور الاسرية اديالهم تمشا عادية
حتى انا موظفة بحالكم ومكاين غي الماراطون والسباق مع الزمن
كنت كنسيق كل اسبوع ولكن مع الوقت مبقيتش نقدر وليت كنسيق سيمانة مزيانة بالشطابة والكراطة والاسبوع لي موراه كندير غي جفاف خفيف والدنيا كتبقا لي نقية والمواعن وليت لي وسختو نغسلوا في البلاص والصابون كنديروا بالليل بالمكينة عندي غي مشكل واحد هو لي كيروني هههههه هو الطوي اديال الملابس ونردهم للماريو لقيت لهم حل شريت شبكة كبيرة وخشيتها وسط البلاكار وبقيت كنخشي فيها الكسوة حتى نلقا لهم الوقت وتكون عندي الكانة اديالهم ونطويهم والطواليت كنسيقها في الصباح وندوز مرة مرة على الدوش ولافابو هدا هو التنظيم المعتمد عندي ولي عندها شي ملاحظة ولا نصيحة متبخلش عليا بيها وشكرا

ام ياسمين13
25-11-2013, 15:33
صباحكم مبروك البنات . كيف دايرين و أشنو درتو فهاد الويكاند. أنا مادرت والو. هاد ويكاند مشيت لوجدة نشوف واليديا و حضرت الخطوبة ديال ولد خالتي. جيت لبارح وصلت لدار مع 7 و نص. وجدت الكوتي دغية كلينا و نعسنا كنا عيانين. و راه خصني نتقدا كلشي من الخضرة و زيد و زيد. الدار عندي خاوية . عندي روز و لوبيا و الحمص صآآآفي . إوا نوجدو شي برنامج للتقدية لهاد شهر.
اهلا اختي جميلة يبان لي حتى انت من الجهة الشرقية بحالي اشمن مدينة فين ساكنة ازين

fatima elw
25-11-2013, 15:44
السلام عليكم اش اخباركم؟ بداية اسبوع موفقة
حتى انا هاني معاكم دابا الحمد الله رجلي ولات لاباس كنقد نتمشى بها عادي.اوا صافي نبقى ندير شغلي كيفما كنت.
المهم نهار السبت خرجت و مشيت جبت واحد الكموند ديالي رجعت لدار تغديت وبديت الصابون مع العصر ماكملت تال 9:10 وجت العشاء و نعست ةخلت امي تحط العشاء انا كنت عييت. الاحد فقت مع 5 غسلت الماعن تالعشاء و وصليت وجت الفطور وخرجت مع 6:15 مشيت دوزت واح الكونكور الله يجيب النجاح خرجنا مع 13:30 جيت لدار تغديت صليت نزلت الحوايج طويتهم درتهم فالماريو صليت العصر و نعست. فقت لقيت امي موجدة الكاسكروط كليت و جمعت الماعن درت العشاء تعشينا غسلت الماعن و نعست.بالصباح فقت مع 6 صليت وجت الفطورلبست احوايجي وجيت الخدمة

fatima elw
25-11-2013, 15:48
انا عندي شلا ما يتدار الدار ولات حالتها حيت امي مسكينة يالاه تتكفا مع توجاد الماكلة.دابا خاصني تخمال + عجين الخبز تاع السيمانة + نقاد المسمن + كرواصة و الكيك و خاصني نتقدا ونعمر الفريكو باش يسهال علي الشغل . الله يعاونا و صافي

jamilatarou7
25-11-2013, 15:56
لو لو لو مبروك على ولد خالتك وجدة غزالة كنت دزوت فيها سيمنة رائعة اش خبار داركم لابس



صباح الخير حبيبتي هنا هنا غي الخدمة يازين ديالي راني اليوم تالفة معها
ربي يخليك و يفرحك إن شاء الله. وليديا الحمد لله مزينين يسول فيك الخير. والله كاع هكاك غي لخدمة و تمارة ديالها.

jamilatarou7
25-11-2013, 15:59
انا مشيت نهار السبت وجدت الغدا الحوت و زعلوك و فريت اوى تغديتا نعست عيت فقت ل5 وجدت مسمن معمر بالخضرة و الكروفيت و اتاي العشا غي الدسير نعست الصباح فقت صليت الفجر و رجعت نعست ختى لل 10 فقت دايخة و راسي دارني وجدت الكسكس و جمعت الدار تغدينا جمعت الماريو و نعست شوية فقت وجدت المخمار و اتاي و عجنت 10 الخبزات صغار هههههههههههه غدا نحارب درتهم في التلاجة باش منبقاش كل نهار نعجن العشا غي الديسير و نعست صباح فقت مع 6 صليت ورديا الغدا للراجلي عملت ليه العدس شوية ميتحرق لي هههههههه و وجدت الفطور فطرنا و غسلت المواعن لبست حوايجي و جيت..
تبارك الله عليك. أنا مازال مازعمة على لمسمن و مخامر و هاد شي كامل. حيت ماكنعرفلوش

jamilatarou7
25-11-2013, 16:00
انا البارح فقت في الثامنة طيبت لفطور و فيقت ولادي مع 9 باش يراجعوا ولدي عندوا الامتحان اليوم و ادعيوا معاه الله يجازيكم بخير و مع 10.30 كان عندنا لقاء الاباء في المدرسة و رجعت مع 12.30 هزيت اولادي و مشينا عند عدوزتي نتغذوا و دزت للسوق في الطريق تقديت الخضرة 50 درهم ما فيها والو 3 بطاطا 2 مطيشة 1/2 لوبيا 1 بسباس ربيع و لحق علينا راجلي منين دخلت في العشية مع 7.00 وجدت كوتي و عشاء -صلق البيض و حطيت زيتون ديال الدار الابض و الاسود و زيت و كيكة كانت مصاوباها البنت في الفريكو و حطيت شوية الفواكه المجففة و كلينا و عطيت لولدي بعض تمارين في الفرنسية و الرياضيات ودخلت دوشت لبنتي و دوشت انا من بعد خليت ولدي كيدوش و مشيت نعس.و كنت عولة نخمل الكوزينة و لكن قلت حتى الاسبوع الماجي حتى يكمل ولدي الفروض
تبارك الله عليك.الله ينجحه إن شاء الله و يسهل غليه كل ما صعاب.

jamilatarou7
25-11-2013, 16:04
اهلا اختي جميلة يبان لي حتى انت من الجهة الشرقية بحالي اشمن مدينة فين ساكنة ازين
متشرفين أختي أم ياسين أنا من وجدة . ولكن راجلي من الناظور و ساكنة فالعروي إلى تسمعي به. و نتي منين الحبيبة.

jamilatarou7
25-11-2013, 16:07
السلام عليكم اش اخباركم؟ بداية اسبوع موفقة
حتى انا هاني معاكم دابا الحمد الله رجلي ولات لاباس كنقد نتمشى بها عادي.اوا صافي نبقى ندير شغلي كيفما كنت.
المهم نهار السبت خرجت و مشيت جبت واحد الكموند ديالي رجعت لدار تغديت وبديت الصابون مع العصر ماكملت تال 9:10 وجت العشاء و نعست ةخلت امي تحط العشاء انا كنت عييت. الاحد فقت مع 5 غسلت الماعن تالعشاء و وصليت وجت الفطور وخرجت مع 6:15 مشيت دوزت واح الكونكور الله يجيب النجاح خرجنا مع 13:30 جيت لدار تغديت صليت نزلت الحوايج طويتهم درتهم فالماريو صليت العصر و نعست. فقت لقيت امي موجدة الكاسكروط كليت و جمعت الماعن درت العشاء تعشينا غسلت الماعن و نعست.بالصباح فقت مع 6 صليت وجت الفطورلبست احوايجي وجيت الخدمة
الله ينجحك أختي و يشفيك إن شاء الله. ويخليك ميمتك و يخليلها صحيحتها إن شاء الله

الهام ام قمر
25-11-2013, 16:30
السلام عليكم البنات
تبارك الله عليكم راكم حادقات ومتولات والله يكون في عون لي عندهم الدراري وكيكابروا باش الامور الاسرية اديالهم تمشا عادية
حتى انا موظفة بحالكم ومكاين غي الماراطون والسباق مع الزمن
كنت كنسيق كل اسبوع ولكن مع الوقت مبقيتش نقدر وليت كنسيق سيمانة مزيانة بالشطابة والكراطة والاسبوع لي موراه كندير غي جفاف خفيف والدنيا كتبقا لي نقية والمواعن وليت لي وسختو نغسلوا في البلاص والصابون كنديروا بالليل بالمكينة عندي غي مشكل واحد هو لي كيروني هههههه هو الطوي اديال الملابس ونردهم للماريو لقيت لهم حل شريت شبكة كبيرة وخشيتها وسط البلاكار وبقيت كنخشي فيها الكسوة حتى نلقا لهم الوقت وتكون عندي الكانة اديالهم ونطويهم والطواليت كنسيقها في الصباح وندوز مرة مرة على الدوش ولافابو هدا هو التنظيم المعتمد عندي ولي عندها شي ملاحظة ولا نصيحة متبخلش عليا بيها وشكرا السلام عليكم و لا اختي متولة تبارك الله معندي منقول


السلام عليكم اش اخباركم؟ بداية اسبوع موفقة
حتى انا هاني معاكم دابا الحمد الله رجلي ولات لاباس كنقد نتمشى بها عادي.اوا صافي نبقى ندير شغلي كيفما كنت.
المهم نهار السبت خرجت و مشيت جبت واحد الكموند ديالي رجعت لدار تغديت وبديت الصابون مع العصر ماكملت تال 9:10 وجت العشاء و نعست ةخلت امي تحط العشاء انا كنت عييت. الاحد فقت مع 5 غسلت الماعن تالعشاء و وصليت وجت الفطور وخرجت مع 6:15 مشيت دوزت واح الكونكور الله يجيب النجاح خرجنا مع 13:30 جيت لدار تغديت صليت نزلت الحوايج طويتهم درتهم فالماريو صليت العصر و نعست. فقت لقيت امي موجدة الكاسكروط كليت و جمعت الماعن درت العشاء تعشينا غسلت الماعن و نعست.بالصباح فقت مع 6 صليت وجت الفطورلبست احوايجي وجيت الخدمة اختي الحبيبة على سلامتك و الله يخالي ليك الميمة و الله يخالي لينا امهتانا جميعا و جميع امهات المسليمين اختي عطيني طريقتك في الكرواصة و الكرص


انا عندي شلا ما يتدار الدار ولات حالتها حيت امي مسكينة يالاه تتكفا مع توجاد الماكلة.دابا خاصني تخمال + عجين الخبز تاع السيمانة + نقاد المسمن + كرواصة و الكيك و خاصني نتقدا ونعمر الفريكو باش يسهال علي الشغل . الله يعاونا و صافي الله معاك


ربي يخليك و يفرحك إن شاء الله. وايديا الحد لله مزينين يسول فيك الخير. والله كاع هكاك غي لخدمة و تمارة ديالها.الحمدلله اختي الحبيبة اوى الله يعفو علينا ياربي


تبارك الله عليك. أنا مازال مازعمة على لمسمن و مخامر و هاد شي كامل. حيت ماكنعرفلوش اوى زعم تاكول اللحم هههههههه زعمي باش تعلمي الحبيبة كلشي ساهل خاص غي الخاطر

karima68
25-11-2013, 16:41
ماشاء الله عليكن حبيباتي
يوم السبت فقت 5 توضيت صليت وجدت الفطور غسلت الماعن فيقت بناتي حيث كيقراو يوم السبت ـ تقديت درت البيصارة للغدا مع سردين في الكوكوط غزاااااااال، (خديتو من المنتدى الله يجازي بخير الاخت لي حطاتو)، المهم تغدينا جمعت الدار في العشية الحمام تعطشينا بالحريرة ديال البلبولة، يوم الاحد الفطور حريشات بالزيت البلدية والعسل وبراد اتاي بالشيبة جمعت الدار وعجنت ودرت طاجين بلحم والخضر (كرعة الصغيرة، شيفلور، بطاطا، خيزو) طاحين سوسي ههههههههههه والرمان تغدينا وجت كيكة حيث جاو عندي ناس راجلي في العشية وشريت شنيك وكرواصا ورغايف حيث ماساليت حتى 15ساعة، مابقاش ليا الوقت في ندير رغايف، اوا اوعمرت اتاي والقهوى مخرجو حتى فوت العشاء، عييت جمعت الماعن غسلتهم توضيت صليت شربت كاس الحليب ونعست اوبناتي عاودو نفس كاسكروط هههههههههه اونعسوا ليوم صبحت صايمة الله يقبل اوهانا في الخدمة هادا ماكان

jamilatarou7
25-11-2013, 16:51
ماشاء الله عليكن حبيباتي
يوم السبت فقت 5 توضيت صليت وجدت الفطور غسلت الماعن فيقت بناتي حيث كيقراو يوم السبت ـ تقديت درت البيصارة للغدا مع سردين في الكوكوط غزاااااااال، (خديتو من المنتدى الله يجازي بخير الاخت لي حطاتو)، المهم تغدينا جمعت الدار في العشية الحمام تعطشينا بالحريرة ديال البلبولة، يوم الاحد الفطور حريشات بالزيت البلدية والعسل وبراد اتاي بالشيبة جمعت الدار وعجنت ودرت طاجين بلحم والخضر (كرعة الصغيرة، شيفلور، بطاطا، خيزو) طاحين سوسي ههههههههههه والرمان تغدينا وجت كيكة حيث جاو عندي ناس راجلي في العشية وشريت شنيك وكرواصا ورغايف حيث ماساليت حتى 15ساعة، مابقاش ليا الوقت في ندير رغايف، اوا اوعمرت اتاي والقهوى مخرجو حتى فوت العشاء، عييت جمعت الماعن غسلتهم توضيت صليت شربت كاس الحليب ونعست اوبناتي عاودو نفس كاسكروط هههههههههه اونعسوا ليوم صبحت صايمة الله يقبل اوهانا في الخدمة هادا ماكان
تبارك اله عليك. الله يخليك إلى ماتكوليلي كفاش كديري السردين فالكوكوط .

الهام ام قمر
25-11-2013, 16:54
ماشاء الله عليكن حبيباتي
يوم السبت فقت 5 توضيت صليت وجدت الفطور غسلت الماعن فيقت بناتي حيث كيقراو يوم السبت ـ تقديت درت البيصارة للغدا مع سردين في الكوكوط غزاااااااال، (خديتو من المنتدى الله يجازي بخير الاخت لي حطاتو)، المهم تغدينا جمعت الدار في العشية الحمام تعطشينا بالحريرة ديال البلبولة، يوم الاحد الفطور حريشات بالزيت البلدية والعسل وبراد اتاي بالشيبة جمعت الدار وعجنت ودرت طاجين بلحم والخضر (كرعة الصغيرة، شيفلور، بطاطا، خيزو) طاحين سوسي ههههههههههه والرمان تغدينا وجت كيكة حيث جاو عندي ناس راجلي في العشية وشريت شنيك وكرواصا ورغايف حيث ماساليت حتى 15ساعة، مابقاش ليا الوقت في ندير رغايف، اوا اوعمرت اتاي والقهوى مخرجو حتى فوت العشاء، عييت جمعت الماعن غسلتهم توضيت صليت شربت كاس الحليب ونعست اوبناتي عاودو نفس كاسكروط هههههههههه اونعسوا ليوم صبحت صايمة الله يقبل اوهانا في الخدمة هادا ماكانتبارك الله عليك اختي

ام محمد و اية
25-11-2013, 17:23
الله يسهل عليهم ياربي و يفرح بيهم ان شاء الله و تشوفيهم كيما بغيتي...جربت العجينة ديالك ديال الخبز جاني ساهل الله يجازيك بلخير..
ربي يخليك الحبيبة و يفك وحايلك على خير ان شاء الله بصحتك و راحتك العجينة الزين عودي عجني 5 خبزات و ديريهم في الفريكو و منين تغيه تسخني في الفران او بانيني

الهام ام قمر
25-11-2013, 17:25
ربي يخليك الحبيبة و يفك وحايلك على خير ان شاء الله بصحتك و راحتك العجينة الزين عودي عجني 5 خبزات و ديريهم في الفريكو و منين تغيه تسخني في الفران او بانيني

اللهم امين اختي الحبيبة هههههههههههه راني دسرت درت 10 خبزات قالي راجلي مالك غدا تحرتي

jamilatarou7
25-11-2013, 17:29
اللهم امين اختي الحبيبة هههههههههههه راني دسرت درت 10 خبزات قالي راجلي مالك غدا تحرتي
إلهام ممكن تقوليلي على هاد طريقة العجين.،؟ و فاش كتجبديه من ثلاجة و تسخنيه كيبقى طري؟

الهام ام قمر
25-11-2013, 17:44
إلهام ممكن تقوليلي على هاد طريقة العجين.،؟ و فاش كتجبديه من ثلاجة و تسخنيه كيبقى طري؟ شوفي ديري الدقيق عادي خلطي بالماء انا خاليتها مرغوفة شوية جمعي العجينة ديتها و جبتها مادلكتها ماوالو و خاليتها ختي تنفخت و عاد درتها كورات و كرصتها و خاليتها اتخمر.... انا كنسخن في الفران ..

jamilatarou7
25-11-2013, 19:14
شوفي ديري الدقيق عادي خلطي بالماء انا خاليتها مرغوفة شوية جمعي العجينة ديتها و جبتها مادلكتها ماوالو و خاليتها ختي تنفخت و عاد درتها كورات و كرصتها و خاليتها اتخمر.... انا كنسخن في الفران ..
يعني بلا دليك غي تجمعي لعجينة و صافي. و تخليه يخمر.,???? حتى لواليدة ديالي دير هكاك تسخن فالفران باش يخمر خاصة فجو بارد ما يبغيش يخمر.

ام محمد و اية
26-11-2013, 10:32
اللهم امين اختي الحبيبة هههههههههههه راني دسرت درت 10 خبزات قالي راجلي مالك غدا تحرتي
ضحكتيني الله يخليك ديما ضاحكة و منين زعمتي ديري 6 خبيزات على قد الاسبوع و الباقي قطعيه بطيبيطات صغار تفطري بهم سخان مع زيت الزيتون اللي مفيد بزاف.

الهام ام قمر
26-11-2013, 10:36
ضحكتيني الله يخليك ديما ضاحكة و منين زعمتي ديري 6 خبيزات على قد الاسبوع و الباقي قطعيه بطيبيطات صغار تفطري بهم سخان مع زيت الزيتون اللي مفيد بزاف. صباح الخير اختي اللهم امين ان شاء الله هاد المرة نديرهم

ام محمد و اية
26-11-2013, 10:46
على ذكر زيت الزيتون راها مفيدة بزاف و خصوصا للاطفال و بالتجريب انا ولادي منين كانوا صغار كنشري كورنفليكس و الشكلاط للدهن و غبرة مع الحليب و كانوا دائما مراض واحد المرة و ولدي خرج فية حبوب و منين ديتة عند البيدياتر التازي اللي في شارع 11 يناير قالي دابا غادي تحيدي ليه الكوتيه المدرسة دانون +بيمو وياخذ غير تفاحة او بنانة و في الفطور يفطر بزيت الزيتون و الله القسم دابا ولدي عنده 13س و من كان عنده 5س عمروا ما شاف الطبيب الحمد الله و حتى اخته .راجلي دابا العام العام في شهر 10 كيمشي يشري زيتون و يوقف عليه في المعصرة نهار حتى يطحن و يجيبه و يرجع في نفس النهار كنطيب بها و نكلها ديما.بعدوا من الاشياء اللي فيها مواد حافظة انا كنت سمعت للدكتور الفايد بان الزيت كتعطي للاطفال مناعة قوية.

ام ياسمين13
26-11-2013, 11:28
متشرفين أختي أم ياسين أنا من وجدة . ولكن راجلي من الناظور و ساكنة فالعروي إلى تسمعي به. و نتي منين الحبيبة.

تبارك الله عليك ازين انا ساكنة في بركان تشرفت بمعرفتك اختي

ام ياسمين13
26-11-2013, 11:48
السلام عليكم نهاركم مبروك الغزالات
البارح دخلت للدار مع 5 ونصف توضيت وصليت وصاوبت الكوتي كلينا وتخشيت في منطة بقيت نتفرج مكان عندي مايدار حيث الاحد كلشي درتو حتى وصلت 9 نضت نصبت الغدا لراجلي اديل اليوم اللوبيا كريني عندي في الكونجيلاتور مع الدجاج و سخنت الحريرة وشوية مرقة بالسفرجل كان باقية عندي من الاحد تعشينا طفيت على الكوكوت غسلت وجهي ودهنتو بالكريم المرطب هو واليدين والرجلين ونعست الصباح فقنا مع 5 صلينا راجلي رجع تكا وانا دوزت على الطواليط اعزكم الله ووجدت الفطور سخنت البطبوط وزيت البلدية فيقتو فطرنا وخرجنا لخدمتنا مع 7 ونصف .

jamilatarou7
26-11-2013, 11:54
تبارك الله عليك ازين انا ساكنة في بركان تشرفت بمعرفتك اختي
تبارك الله على ناس بركان.

ام ياسمين13
26-11-2013, 11:55
تبارك الله على ناس بركان.

الله يبارك فيك ازين

jamilatarou7
26-11-2013, 11:57
و فخاطري غي ندير البطبوط لمسمن...... و يصدقولي هههههه و مايعيبهومش ليا راجلي. من هاد ناحية راجلي ضايع معايا. ما كنعرفش نديرهم .

ام ياسمين13
26-11-2013, 12:09
و فخاطري غي ندير البطبوط لمسمن...... و يصدقولي هههههه و مايعيبهومش ليا راجلي. من هاد ناحية راجلي ضايع معايا. ما كنعرفش نديرهم .

غي زعمي اصاحبتي فاش ميكونش في الدار جربي غي شوية غي ما ماتاكلوا الى صدق مين يجي فاجايه والى مصدقش متوريهش ههههه داكشي لي كنت كندير شوية بشوية مرة يصدق مرة لا حتى تعودي وراه كاملين كل مرة وكيفاش كيجينا مرة زين مرة غي عدي وسلك

اللسان الحلو
26-11-2013, 12:24
و فخاطري غي ندير البطبوط لمسمن...... و يصدقولي هههههه و مايعيبهومش ليا راجلي. من هاد ناحية راجلي ضايع معايا. ما كنعرفش نديرهم .
شوفي أختي ، المسمن ، عجني زلافة د سميدة رقيقة ، وجوج د الفرص ، المهم الكمية د سميد جوج منها فورص ، مليحة ،سكر سندة ، ديري العجينة قاسحة و غطيها بميكة ونسايها واحد ساعة على الأقل ، كل ما خليتيها مدة كبيرة كل ما مزيان ، أنا إلى بغيتو لكاسكروت كنعجنو ف صباح ، المهم ديري كويرات خليهم تاني يترخفو واحد ساعة أخرى أو كتر ، المسمن العدو ديالو تزربي عليه ، صافي دوك الكويرات
مني يترخفو ، واحد زليفة ديري فيها خليط الزبدة والزيت ، سرحي المسمنة ودهني بدك الخليط د زبدة والزيت ورشي المسمنة بسميدة رقيقة ،ف كل مرة طويتي شي جهة دهني زبدة وزيت ورشيشا د السميد ok ،غي شوية شوية باش مايجيش ميدم بزاف , صافي غطي دك المسمنات بميكةو- خليهوم تاني يترخفو واحد نص ساعة أو أكتر وعاد قرصيهوم وبداي طيبي ،سخني المقلة مزيان عاد لوحي فيها ، العافية تكون ف الأول ناقصة غي تشد راسها وجهدي البوطة ، والله إلى تبعت هدشي حتى يجيك مسمن واعر ، يالله ديريه وردي عليا , ونعطيك البطبوط من بعد

ام محمد و اية
26-11-2013, 12:28
و فخاطري غي ندير البطبوط لمسمن...... و يصدقولي هههههه و مايعيبهومش ليا راجلي. من هاد ناحية راجلي ضايع معايا. ما كنعرفش نديرهم .
غير زعمي و بداي بالبطبوط رقيه بالمدلك باش يجيك ساهل 0.5 سنتم و قطعيه بزلافة و منين يخمر ديري المقلة الوجدية و بداي تطيبي و فاش تلوحيها في الاول قبل ما تنفخ قلبيها و تسناي طيب شوية و بداي تحمريها من الواجهتين و اللي طابت لويها فزيف باش تحافظ على الرطوبية ديالها.
نتمنى كون شرحت ليك مزيان و تقبلي مروري

jamilatarou7
26-11-2013, 12:38
شوفي أختي ، المسمن ، عجني زلافة د سميدة رقيقة ، وجوج د الفرص ، المهم الكمية د سميد جوج منها فورص ، مليحة ،سكر سندة ، ديري العجينة قاسحة و غطيها بميكة ونسايها واحد ساعة على الأقل ، كل ما خليتيها مدة كبيرة كل ما مزيان ، أنا إلى بغيتو لكاسكروت كنعجنو ف صباح ، المهم ديري كويرات خليهم تاني يترخفو واحد ساعة أخرى أو كتر ، المسمن العدو ديالو تزربي عليه ، صافي دوك الكويرات
مني يترخفو ، واحد زليفة ديري فيها خليط الزبدة والزيت ، سرحي المسمنة ودهني بدك الخليط د زبدة والزيت ورشي المسمنة بسميدة رقيقة ،ف كل مرة طويتي شي جهة دهني زبدة وزيت ورشيشا د السميد ok ،غي شوية شوية باش مايجيش ميدم بزاف , صافي غطي دك المسمنات بميكةو- خليهوم تاني يترخفو واحد نص ساعة أو أكتر وعاد قرصيهوم وبداي طيبي ،سخني المقلة مزيان عاد لوحي فيها ، العافية تكون ف الأول ناقصة غي تشد راسها وجهدي البوطة ، والله إلى تبعت هدشي حتى يجيك مسمن واعر ، يالله ديريه وردي عليا , ونعطيك البطبوط من بعد
ربي يخليك عادي نجرب لمسمن بطريقتك الأخت اللسان الحلو .( إسم على مسمى ) و نرد عليك.

jamilatarou7
26-11-2013, 12:41
غير زعمي و بداي بالبطبوط رقيه بالمدلك باش يجيك ساهل 0.5 سنتم و قطعيه بزلافة و منين يخمر ديري المقلة الوجدية و بداي تطيبي و فاش تلوحيها في الاول قبل ما تنفخ قلبيها و تسناي طيب شوية و بداي تحمريها من الواجهتين و اللي طابت لويها فزيف باش تحافظ على الرطوبية ديالها.
نتمنى كون شرحت ليك مزيان و تقبلي مروري

عادي نجربه و نشوف . هاد الأيام تشهى البطبوط. و قالي فاش نمشي عند واليدة نكولها ديرولي. :18kisa::18kisa:

ام محمد و اية
26-11-2013, 13:07
عادي نجربه و نشوف . هاد الأيام تشهى البطبوط. و قالي فاش نمشي عند واليدة نكولها ديرولي. :18kisa::18kisa:

غير ما تايسيش الى ما صدقش ليك في الاول بقاي تعاودي حتى تطيحي ليه على قوالبه هههه و الله يعاونك الحبيبة

jamilatarou7
26-11-2013, 15:40
إن شاء الله .. عندك الصح

fatima elw
26-11-2013, 17:16
السلام عليكم
البنات بغيت نطلب رقم هاتف من الادارة كيفاش ندير عفاكم

meryem1978
27-11-2013, 10:54
صباح الخير عليكم الحادكات تبارك الله عليكم
بغيت نضيف واحد اللا ضافة بالنسبة العدس تنصلقو لما يبرد نفرقوا في الميكات نديروا في المجمد هكا تتسهال علي المأمورية بحال السبت تنخرج حى 12h30 تنجبدوا هو مطيشة تهي محكوكة
هاد الطريقة تند يرها حتى اللوبيا البيضا

fatima elw
27-11-2013, 11:04
صباح الخير عليكم. البنات كيدايرات؟ فين مشا الحماس؟؟؟؟؟

fatima elw
27-11-2013, 11:05
صباح الخير عليكم الحادكات تبارك الله عليكم
بغيت نضيف واحد اللا ضافة بالنسبة العدس تنصلقو لما يبرد نفرقوا في الميكات نديروا في المجمد هكا تتسهال علي المأمورية بحال السبت تنخرج حى 12h30 تنجبدوا هو مطيشة تهي محكوكة
هاد الطريقة تند يرها حتى اللوبيا البيضا

تبارك الله عليك حتى انا هاديك طريقتي

nadinet
27-11-2013, 11:19
صباح الخير عليكم الأنيقات
انا نقولكم أشنو درت البارح دخلت للدار مع 6 مباشرة رديت الحريرة تطيب وامشيت جلست نتفرج شوية بينما نرتاح من بعد نضت غسلت شي ميعنات قلال خلاهم راجلي ودوزت على الطواليت أعزكم الله والحمام طويت شي حويجات مصبنين قلال حيث ماتنجمعش التصبين قطعت الفريت وخليتو فالما اتصل بيا راجلي سولني أشنو دايرة العشا ملي عرف الحريرة جاب معاه الكفتة تيعجبو ساندويتش الكفتة والفرماج درتولو واتعشينا بالحريرة والفريت وساندويتش الكفتة لراجلي وانا غي خبيزة صغيرة كفتة بوحدها جمعت الماعن غسلتهم وقطرت الحمص كنت دايراه يرطاب ودرتو فالثلاجة اليوم الصباح مع 7 فقت رديتو يطيب مع الكرعين اطفيت عليه مع ديك 8 تقريبا طاب ملي نرجع مع 12 انشالله نشعل عليه واحد الشوية هدا هو برنامجي
فاش تنقرا برنامج كل وحدة تناخد فكرة على أشنو نطيب وكيفاش ندير والله تنتمنى من الاخوات يفيدونا ويتحمسو للموضوع أكثر حيث فعلا مفيد

الهام ام قمر
27-11-2013, 11:52
السلام عليكم الحبابات انا البارح وصلت للدار حيضت حوايجي و جدت الكاسكروط كلينا دخلت للكوزينة وجدت سباكيتي ودرت كابيلا تصلق درتها طون مسحت الحيوط و البلاكار و الفران و الفرونو غسلت الماعن باقا لي غي التلاجة و نحك واحد البرمة و الكوكوط صباح فقت مع ل 5 غرج معي راجلي الصالون باش يتشمش مسحت الحويوط و الشرجم و شكبتو و سيفتو مشيت للبيت النعاس جمعتو و سيقتو و مسحت ليه الحيوط ز مسحت الناموسية و البلاكار و الماريو و سيقتو و فرشتو و صلت 7و نص لبست حوايجي و جيت للخدمة ان شاء الله نمشي في العشية نرجع الصالون و ندير الصابون يترقد باش نفيق ليه الصباح ان شاء الله هاد السسيمنة داين عندي ناسي خاص الدار تكون نقية

ام محمد و اية
27-11-2013, 13:10
السلام عليكم الحبابات انا البارح وصلت للدار حيضت حوايجي و جدت الكاسكروط كلينا دخلت للكوزينة وجدت سباكيتي ودرت كابيلا تصلق درتها طون مسحت الحيوط و البلاكار و الفران و الفرونو غسلت الماعن باقا لي غي التلاجة و نحك واحد البرمة و الكوكوط صباح فقت مع ل 5 غرج معي راجلي الصالون باش يتشمش مسحت الحويوط و الشرجم و شكبتو و سيفتو مشيت للبيت النعاس جمعتو و سيقتو و مسحت ليه الحيوط ز مسحت الناموسية و البلاكار و الماريو و سيقتو و فرشتو و صلت 7و نص لبست حوايجي و جيت للخدمة ان شاء الله نمشي في العشية نرجع الصالون و ندير الصابون يترقد باش نفيق ليه الصباح ان شاء الله هاد السسيمنة داين عندي ناسي خاص الدار تكون نقية
برافو عليك منين قديتي ديري هادشي مع الصباح تبارك الله و ما شاء الله الله يعاونك الحبيبة
منين غادا تولدي ان شاء الله شكون غادي قابل ليك البيبي

ام محمد و اية
27-11-2013, 13:24
البنات عندي ليكم واحد الاكلة ساهلة للغذاء تفكرتها درناها البارح الغذاء خسارة ما صورتهاش كنت شفتها في المنتدى و ما عقلت على مولاتها تسمح ليا
في الليل منين توصلي رقدي نصف دجاجة صغيرة او القياس اللي مولفة كديري في الحامض معصر و شوية المصيرو العطرية خرقوم ابزار و شوية الازير ز الزعتر مطحونين و شوية السمن و خليها واحد ساعة على الاقل وديريها في كسكاس تبخر و شدي بطاطة صاينة و فلحيها بالموس او ترشميها حتي توصلي الحد بحال لا غادي تصاوبي الفريت و لكن بلا ما تقطع و ديري ديك شرمولة ديال دجاج في كل فلحة يعني البطاطا كتبقى صاينة و معمرة و تحطيها في الكسكاس مع الدجاجة تبخر و منين تجي الغد ليه من الخدمة ديريها في مول و دوري بها البطاطا و دخليها الفرن تحمر كتجي روعة

الهام ام قمر
27-11-2013, 13:40
برافو عليك منين قديتي ديري هادشي مع الصباح تبارك الله و ما شاء الله الله يعاونك الحبيبة
منين غادا تولدي ان شاء الله شكون غادي قابل ليك البيبي الله يبارك فيك اختي ان شاء الله بقا معرفت كانقول حتى يسهل الله و نفكر اش غندير راجلي قالي نجلس من الخدمة و نمشي نسكن مع دارهم و انا رافضة هاد الفكرة كنتمنى من الله يدير شي تاويل ديال


البنات عندي ليكم واحد الاكلة ساهلة للغذاء تفكرتها درناها البارح الغذاء خسارة ما صورتهاش كنت شفتها في المنتدى و ما عقلت على مولاتها تسمح ليا
في الليل منين توصلي رقدي نصف دجاجة صغيرة او القياس اللي مولفة كديري في الحامض معصر و شوية المصيرو العطرية خرقوم ابزار و شوية الازير ز الزعتر مطحونين و شوية السمن و خليها واحد ساعة على الاقل وديريها في كسكاس تبخر و شدي بطاطة صاينة و فلحيها بالموس او ترشميها حتي توصلي الحد بحال لا غادي تصاوبي الفريت و لكن بلا ما تقطع و ديري ديك شرمولة ديال دجاج في كل فلحة يعني البطاطا كتبقى صاينة و معمرة و تحطيها في الكسكاس مع الدجاجة تبخر و منين تجي الغد ليه من الخدمة ديريها في مول و دوري بها البطاطا و دخليها الفرن تحمر كتجي روعة عرفت الوصفة ديال الاخت وفية ام عمارة ان شاء الله نجربها الله يعكيط الصحة

الهام ام قمر
27-11-2013, 13:41
اختي ملي كتبخريها كتخاليها في التلاجة

ام ياسمين13
27-11-2013, 15:30
السلام عليكم
البارح وصلت مع 5 ونصف وجدت الكوتي وصليت جا راجلي كلينا ونضت نصبت العشا مرقة باللحم وخيزو وزيتون ومنو خليت لراجلي الغدا اديال اليوم مع شلادة اديال الخس وخيار وباربة وديسير درت لاماشين تصبن وتعشينا من بعد راجلي نشر الحوايج وانا غسلت المواعن اديال الكوتي والعشا درت الواجب اديال العناية الشخصية بحال ديما ههههه غسلت وجهي ودرت لو كريم المرطم ودرت لليدين والرجلين حتى هما ونعست مع 11 صباح فقت مع 5 صليت وقريت شوية رجعت تكمشت واحد نصف ساعة من بعد نضت صاوبت الفطور سخنت بتي بان لراجلي انا معنديش معاه سخت الخبز وكليتو مع زيت وكاس اتاي وخرجنا للخدمة وشي حوايج خاصهم يتطواوا خشيتهم في الشبكة وسط البلاكار بحال ديما هههههه حتى العشية ان شاء الله

ام محمد و اية
27-11-2013, 15:32
اختي ملي كتبخريها كتخاليها في التلاجة
شكرا لي فكرتيني في الاخت الله يجازيها بخير انا غيرت شوية المهم منين تبخر ديريها في بواطة و ديريها في الثلاجة

ام محمد و اية
27-11-2013, 15:36
[QUOTE=ilhamb;8880013]الله يبارك فيك اختي ان شاء الله بقا معرفت كانقول حتى يسهل الله و نفكر اش غندير راجلي قالي نجلس من الخدمة و نمشي نسكن مع دارهم و انا رافضة هاد الفكرة كنتمنى من الله يدير شي تاويل ديال

اختي الى كان باستطاعتك جلسي في دارك و تقابلي البيبي ديالك احسن اما فكرة تجلسي مع دارهم صعيبة و ما شي ساهلة و اللي في الاخير الله يا يجيبها

ام ياسمين13
27-11-2013, 15:44
البنات عندي ليكم واحد الاكلة ساهلة للغذاء تفكرتها درناها البارح الغذاء خسارة ما صورتهاش كنت شفتها في المنتدى و ما عقلت على مولاتها تسمح ليا
في الليل منين توصلي رقدي نصف دجاجة صغيرة او القياس اللي مولفة كديري في الحامض معصر و شوية المصيرو العطرية خرقوم ابزار و شوية الازير ز الزعتر مطحونين و شوية السمن و خليها واحد ساعة على الاقل وديريها في كسكاس تبخر و شدي بطاطة صاينة و فلحيها بالموس او ترشميها حتي توصلي الحد بحال لا غادي تصاوبي الفريت و لكن بلا ما تقطع و ديري ديك شرمولة ديال دجاج في كل فلحة يعني البطاطا كتبقى صاينة و معمرة و تحطيها في الكسكاس مع الدجاجة تبخر و منين تجي الغد ليه من الخدمة ديريها في مول و دوري بها البطاطا و دخليها الفرن تحمر كتجي روعة
شكرا ازين على الوصفة ان شاء الله نجربوها
هد السيمانة شميشة دارت واحد الوصفة تقريبا بحالها شرملت الدجاجة ولكن مقطعة على 4 شرملتها بالتوابل والاعشاب المنسمة زعتر وازير ... ومن بعد دارتهم في لاطا وشحرت البصلة مع الفلفة والبصلة مقطعين طوال في الزيت ودارتهم فوق الدجاج وصلقت البطاطا الصغيرة مع التومة وقشرتها وتبلتها بالتوابل وازير والقسبور ومعدنوس وبيضة ودوزتها في شابلير ودارتها فوق الطبق ودخلاتو للفرن مغطب ببايي سولفيريزي مين طاب عراتو وخلاتو يتحمر

ام ياسمين13
27-11-2013, 15:51
صباح الخير عليكم الأنيقات
انا نقولكم أشنو درت البارح دخلت للدار مع 6 مباشرة رديت الحريرة تطيب وامشيت جلست نتفرج شوية بينما نرتاح من بعد نضت غسلت شي ميعنات قلال خلاهم راجلي ودوزت على الطواليت أعزكم الله والحمام طويت شي حويجات مصبنين قلال حيث ماتنجمعش التصبين قطعت الفريت وخليتو فالما اتصل بيا راجلي سولني أشنو دايرة العشا ملي عرف الحريرة جاب معاه الكفتة تيعجبو ساندويتش الكفتة والفرماج درتولو واتعشينا بالحريرة والفريت وساندويتش الكفتة لراجلي وانا غي خبيزة صغيرة كفتة بوحدها جمعت الماعن غسلتهم وقطرت الحمص كنت دايراه يرطاب ودرتو فالثلاجة اليوم الصباح مع 7 فقت رديتو يطيب مع الكرعين اطفيت عليه مع ديك 8 تقريبا طاب ملي نرجع مع 12 انشالله نشعل عليه واحد الشوية هدا هو برنامجي
فاش تنقرا برنامج كل وحدة تناخد فكرة على أشنو نطيب وكيفاش ندير والله تنتمنى من الاخوات يفيدونا ويتحمسو للموضوع أكثر حيث فعلا مفيد

تبارك الله عليك ازين وبالصحة والراحة الحمص بالكرعين

ام ياسمين13
27-11-2013, 15:56
السلام عليكم الحبابات انا البارح وصلت للدار حيضت حوايجي و جدت الكاسكروط كلينا دخلت للكوزينة وجدت سباكيتي ودرت كابيلا تصلق درتها طون مسحت الحيوط و البلاكار و الفران و الفرونو غسلت الماعن باقا لي غي التلاجة و نحك واحد البرمة و الكوكوط صباح فقت مع ل 5 غرج معي راجلي الصالون باش يتشمش مسحت الحويوط و الشرجم و شكبتو و سيفتو مشيت للبيت النعاس جمعتو و سيقتو و مسحت ليه الحيوط ز مسحت الناموسية و البلاكار و الماريو و سيقتو و فرشتو و صلت 7و نص لبست حوايجي و جيت للخدمة ان شاء الله نمشي في العشية نرجع الصالون و ندير الصابون يترقد باش نفيق ليه الصباح ان شاء الله هاد السسيمنة داين عندي ناسي خاص الدار تكون نقية

تبارك الله عليك ضربتيها بتخميلة اديال النفس في الصباح مزيان تبقا لك الدار نقية الويكاند تستغليه للخروج ولا لحاجة اخرى وتاخدي راحتك مع ضيافك

الهام ام قمر
27-11-2013, 16:11
تبارك الله عليك ضربتيها بتخميلة اديال النفس في الصباح مزيان تبقا لك الدار نقية الويكاند تستغليه للخروج ولا لحاجة اخرى وتاخدي راحتك مع ضيافك الله يبارك فيك اخني الحبيبة في الصراحة الفياق بكري بدهب مشري هاد القضية بصح انا من ل5 حتى ل 7 ونص درت شحال من حاجة ..

jamilatarou7
27-11-2013, 16:14
البنات تبارك الله عليكم كاملين. غي دخلت نطل و ماقديتش ما نشاركش عندي لخدمة بزآاف معرمة. نتوما عارفين آخر السنة و مع أنا محاسبة كترات عندي الخدمة بلا قياس غي سمحولي إلى ما ببقيتش نشارك.

الهام ام قمر
27-11-2013, 16:15
البنات تبارك الله عليكم كاملين. غي دخلت نطل و ماقديتش ما نشاركش عندي لخدمة بزآاف معرمة. نتوما عارفين آخر السنة و مع أنا محاسبة كترات عندي الخدمة بلا قياس غي سمحولي إلى ما ببقيتش نشارك. جميلتي الجميلة الله يعاونك على خدمتك اختي

karima68
27-11-2013, 16:49
حتى انا زيديني عليك اجميلة فاداني الخدمة خصها تحيد والاحصاءات الله يعاونا ويعاون الجميع
تبارك الله على الاخوات،
الحوت في الكوكوط : اختي السردين ايكون كبير منقي مزيان من السنسول والشوك وجلدة اعمليه في الكوكوط خوي عليه شوية زيت البلدية وشوية الخل و4 وريقات سيدناموسى و6رؤوس التوم و3 فليفلات حمرين حارين والملح وابزار اوسدي الكوكوط غي تبدا تصفر واحد 3 دقائق اوحلي اوخليها حتى تنشف اوكوليه غزااااااااااااال ممكن تخليه في الثلاجة بحال ديال الكونسيرف غزااااااااااااال الله يجازي الاخت لي حطاتو امكن ام عيد امكنن مشرفة حتى نشوف طبخ الاسماك الله يجازيها بخير قالت ليك اصلاح للبيتزا اولكولشي غزاااااال جربوه ماتشبعوش منو

ام محمد و اية
27-11-2013, 16:59
شكرا ازين على الوصفة ان شاء الله نجربوها
هد السيمانة شميشة دارت واحد الوصفة تقريبا بحالها شرملت الدجاجة ولكن مقطعة على 4 شرملتها بالتوابل والاعشاب المنسمة زعتر وازير ... ومن بعد دارتهم في لاطا وشحرت البصلة مع الفلفة والبصلة مقطعين طوال في الزيت ودارتهم فوق الدجاج وصلقت البطاطا الصغيرة مع التومة وقشرتها وتبلتها بالتوابل وازير والقسبور ومعدنوس وبيضة ودوزتها في شابلير ودارتها فوق الطبق ودخلاتو للفرن مغطب ببايي سولفيريزي مين طاب عراتو وخلاتو يتحمر
شكرا اختي حتى الوصفة كتبان زوينة غادي نجربها ان شاء الله كلشي فالدار عندي كيعجبه دجاج في الفرن

ام محمد و اية
27-11-2013, 17:03
حتى انا زيديني عليك اجميلة فاداني الخدمة خصها تحيد والاحصاءات الله يعاونا ويعاون الجميع
تبارك الله على الاخوات،
الحوت في الكوكوط : اختي السردين ايكون كبير منقي مزيان من السنسول والشوك وجلدة اعمليه في الكوكوط خوي عليه شوية زيت البلدية وشوية الخل و4 وريقات سيدناموسى و6رؤوس التوم و3 فليفلات حمرين حارين والملح وابزار اوسدي الكوكوط غي تبدا تصفر واحد 3 دقائق اوحلي اوخليها حتى تنشف اوكوليه غزااااااااااااال ممكن تخليه في الثلاجة بحال ديال الكونسيرف غزااااااااااااال الله يجازي الاخت لي حطاتو امكن ام عيد امكنن مشرفة حتى نشوف طبخ الاسماك الله يجازيها بخير قالت ليك اصلاح للبيتزا اولكولشي غزاااااال جربوه ماتشبعوش منو
الله يعاونك على خدمتك و الاكلة كتبان غادي جي روعة شكرا اختي

ام محمد و اية
27-11-2013, 17:08
البنات تبارك الله عليكم كاملين. غي دخلت نطل و ماقديتش ما نشاركش عندي لخدمة بزآاف معرمة. نتوما عارفين آخر السنة و مع أنا محاسبة كترات عندي الخدمة بلا قياس غي سمحولي إلى ما ببقيتش نشارك.
الله يعاونك اختي على خدمتك دابا وقت Bilan معذورة اختي .حتى انا كنوجد طابلو في الدار للمحاسب بفريلانس ديال شركة راجلي و خا ما شي خدمتي و لكن تعلمتها باش نراقب شغلنا راسنا

jamilatarou7
27-11-2013, 19:18
الله يعاونك اختي على خدمتك دابا وقت Bilan معذورة اختي .حتى انا كنوجد طابلو في الدار للمحاسب بفريلانس ديال شركة راجلي و خا ما شي خدمتي و لكن تعلمتها باش نراقب شغلنا راسنا
ما فهمتش هاد الكلمة بفريلانس ???? . ضروري ما تبعي خدمتك و تعرفي شادة والفادة.كنخدم فشركة كبيرة و لخدة كثيرة .عندي بزاف les taches و راني عيانة على داكشي علاش ليكنقولكم فاش كنمشي نوصل مع 7. ما نقد ندير والووووو

ام محمد و اية
28-11-2013, 16:33
ما فهمتش هاد الكلمة بفريلانس ???? . ضروري ما تبعي خدمتك و تعرفي شادة والفادة.كنخدم فشركة كبيرة و لخدة كثيرة .عندي بزاف les taches و راني عيانة على داكشي علاش ليكنقولكم فاش كنمشي نوصل مع 7. ما نقد ندير والووووو
بالفرنسية Freelance يعني محاسب مستقل عنده مكتب خاص و كيخدم مع بزاف الشركات و انا خصني هاد الايام نوجد ليه طابلو في الاكسيل بالمشتريات و المبيعات على ود البيلان

ام ياسمين13
28-11-2013, 16:40
ما فهمتش هاد الكلمة بفريلانس ???? . ضروري ما تبعي خدمتك و تعرفي شادة والفادة.كنخدم فشركة كبيرة و لخدة كثيرة .عندي بزاف les taches و راني عيانة على داكشي علاش ليكنقولكم فاش كنمشي نوصل مع 7. ما نقد ندير والووووو

الله يعاونك ازين
تلاقينا هنا غي المحاسبات حتى انا كنوجد لبلون 2013 ان شاء الله راني نقاد الستوك والمبيعات ولبنكة والمشتريات وعاد ليطا 9421 خاصني نقادها حتى احنا عندنا خدامة كثار شي 40 واحد تبارك الله

ام ياسمين13
28-11-2013, 17:02
الله يعاونك اختي على خدمتك دابا وقت Bilan معذورة اختي .حتى انا كنوجد طابلو في الدار للمحاسب بفريلانس ديال شركة راجلي و خا ما شي خدمتي و لكن تعلمتها باش نراقب شغلنا راسنا
اختي هد فريلانس الله يخليك واش لوجيسيال اديال الكونطا حيت انا خدمة غي اكسيل بيه كندير كلشي المبيعات والمشتريات والستوك والبنكة عاد نديهم للمحاسب الى كان كيسهل الخدمة نجربوا علا ش لا

ام محمد و اية
28-11-2013, 17:28
اختي هد فريلانس الله يخليك واش لوجيسيال اديال الكونطا حيت انا خدمة غي اكسيل بيه كندير كلشي المبيعات والمشتريات والستوك والبنكة عاد نديهم للمحاسب الى كان كيسهل الخدمة نجربوا علا ش لا
الا اختي فريلانس هو محاسب مستقل يعني Expert comptable و بالنسبة راجلي عنده شركة صغيرة ما يقدرش يخدم كونطابل ديما انا تعلمت شوية من دراري اللي معايا في خدمتي و هاد الكونطابل كي يجي لعند راجلي مرة مرة في الشهر و كنوجد ليه La situation du mois في طابلو اكسيل و هو كيكمل خدمته في تيفيا او البيلان . نتمنى تكوني فهمتيني

jamilatarou7
29-11-2013, 09:36
صباحكم مبروك البنات. وي أختي فهتك غي هاد لكلمة جديدة عليا .كنعرف ( fiduciaire ) إوا آلله يعاونك و يعاون أم ياسمين. بكثرة لخدمة ما قديتش ندخل نطل عليكم. و الأسبوع جاي عادي يجيو عندي les directeurs financiers .

ام ياسمين13
29-11-2013, 09:38
الا اختي فريلانس هو محاسب مستقل يعني Expert comptable و بالنسبة راجلي عنده شركة صغيرة ما يقدرش يخدم كونطابل ديما انا تعلمت شوية من دراري اللي معايا في خدمتي و هاد الكونطابل كي يجي لعند راجلي مرة مرة في الشهر و كنوجد ليه La situation du mois في طابلو اكسيل و هو كيكمل خدمته في تيفيا او البيلان . نتمنى تكوني فهمتيني

اه فهمت اختي شكرا جزيلا

jamilatarou7
29-11-2013, 10:26
إلهام صباح الخير. كي صبحتي و كيدرتي مع ضيافك. أشنو وجدتي الحادكة. نتي راكي ووليتي حادكة فطياب ماشي بحالي قاتلني لعكز. إوا الله يعاونك على ضيافك

ام ياسمين13
29-11-2013, 10:55
صباحكم مبروك البنات. وي أختي فهتك غي هاد لكلمة جديدة عليا .كنعرف ( fiduciaire ) إوا آلله يعاونك و يعاون أم ياسمين. بكثرة لخدمة ما قديتش ندخل نطل عليكم. و الأسبوع جاي عادي يجيو عندي les directeurs financiers .
اه حتى انا كنعرف غي سمية فديسيير ايوا نزيدوا هد المعلومة حتى هي في راسنا على مااظن بالانجليزية
الله يعاونك اختي جميلة على خدمتك

الهام ام قمر
29-11-2013, 10:57
صلوا على من علمنا الحب...

وآخى القلب بالقلب...

وفتح للخير كل درب ..



اللهم صلي وسلم على

سيدنا محمد وآله وصحبه

الكرام تسليما كثيرا...



( فتح لك الله كل أبواب الخير في هذا اليوم)

الهام ام قمر
29-11-2013, 11:01
السلام عليكم الحبابات الحمدلله اختي جاو البارح بصراحة طفلتي مسكينة جيت من الخدمة لقيتها كلشي موجداه جابت كيكة و راجلي جاب التمر و الفاكية اوى العشا توحشو الحوت شويناه و شوينة الكفتة و الصوبا طفلتي جابتها طايبة

ام ياسمين13
29-11-2013, 11:08
السلام عليكم الحبابات الحمدلله اختي جاو البارح بصراحة طفلتي مسكينة جيت من الخدمة لقيتها كلشي موجداه جابت كيكة و راجلي جاب التمر و الفاكية اوى العشا توحشو الحوت شويناه و شوينة الكفتة و الصوبا طفلتي جابتها طايبة
تبارك الله عليك اختي وبالصحة والراحة
اختي الهام اسمحي لي نسولك واش حتى انت من الجهة الشرقية حيث طفلتي كتقال في هد الجهة في حين في الجهة اديال الغرب كيقولوا لوستي وسمحي لي ازين على التدقيق ههههه

ام ياسمين13
29-11-2013, 11:09
صلوا على من علمنا الحب...

وآخى القلب بالقلب...

وفتح للخير كل درب ..



اللهم صلي وسلم على

سيدنا محمد وآله وصحبه

الكرام تسليما كثيرا...



( فتح لك الله كل أبواب الخير في هذا اليوم)

اللهم صلي وسلم على النبي الحبيب

jamilatarou7
29-11-2013, 11:47
تبارك الله عليك اختي وبالصحة والراحة
اختي الهام اسمحي لي نسولك واش حتى انت من الجهة الشرقية حيث طفلتي كتقال في هد الجهة في حين في الجهة اديال الغرب كيقولوا لوستي وسمحي لي ازين على التدقيق ههههه
هههههه راكي حاضية مع الهضرة الشرقية. و الله إلى ضحكتيني. و لكن راه بصح حنا كنقولو طفلتي و فالغرب كيقولو لوستي..