المساعد الشخصي الرقمي

مشاهدة النسخة كاملة : ملحق ركن اللقاء المفتوح رقم2



الصفحات : 1 2 [3] 4 5 6 7 8 9

بـراءة
21-07-2009, 12:21
عصير الدلاح
المقادير
100gدلاح
ربع لتر حليب
ياغورت فاني
من معلقة الى2معالق سنيدة حسب الذوق
خنيشة فاني
قطع الثلج
الطريقة
نطحن الكل جيدا يقدم في كؤوس مع قطع الثلج

بـراءة
21-07-2009, 12:31
نصيحة لمسح الزجاج
بعد المسح بتوب نعيد المسح بأوراق الجرائد

بـراءة
21-07-2009, 12:44
نصيحة اتلميع الفايونص
نمسهه بخليط بالصابون البلدي مع قليل من الماء

بـراءة
21-07-2009, 12:46
نصيحة لازالة المداد من الحائط
ندهن بالزبدة ونحك قليلا ونمسح

بـراءة
21-07-2009, 12:50
نصيحة لتلميع اي صنبور او لفابو او بانيو الحمام
فقط الخل الأبيض نمسح به

بـراءة
21-07-2009, 13:00
مشروب مصنوع في الدار ( مثل دانب)
المقادير
نصف لتر حليب
كأس ياغورت مسوس
50غ سنيدة
الطريقة
نضع الكل في في الطحان الكهربائي ونخلط نصبه في اناء من الزجاج نغطيه بالبلاستيك الغذائي فهو يساعد على التختر بعدها يشرب بارد

بـراءة
21-07-2009, 13:25
اومليط بالخضر
المقادير
بطاطس
جزر
الكرعة الخضرا
لوبيا
جلبانة
نجمع الكل ونعبر كيلوا لاروب
6 البيضات
قشدة الطرية
ضامة البنة
خمارة الحلوى
100غ جبن اوفروماج

الطريقة
نغسل الخضر جيدا نقطعها دوائر نضيف لها باقي العناصر ندهن الطاوة بالزبدة ونرش عليها لشبير ونضع الخضر يدخل الفرن مذة 10دقائق

بـراءة
21-07-2009, 13:44
سلطة
زلافة جزر مسلوق مقطع
زلافة بطاطس مقطعة ومسلوقة
زلافة لوبيا مقطع اومسلوقة
رابعة روز من النوع الممتاز
علبة الطون
جلبانة مسلوقة
علبة ذرة
ميونيز بزايد
زيتون خضر مقطع
لتزيين
قشور الطماطم
خيارة
زيتون أسود
الطريقة
نخلط الكل بالميونيز يزين في الطبق بوردة من قشور الطماطم ودوائر الخيار والزيتون الأسود

fatima zahra1
21-07-2009, 15:32
سلطة
زلافة جزر مسلوق مقطع
زلافة بطاطس مقطعة ومسلوقة
زلافة لوبيا مقطع اومسلوقة
رابعة روز من النوع الممتاز
علبة الطون
جلبانة مسلوقة
علبة ذرة
ميونيز بزايد
زيتون خضر مقطع
لتزيين
قشور الطماطم
خيارة
زيتون أسود
الطريقة
نخلط الكل بالميونيز يزين في الطبق بوردة من قشور الطماطم ودوائر الخيار والزيتون الأسود
ختي زينب الله اعطيك الصحة على الوصفات:82: ولاكين عندي واحد الملاحضة

امكن عي ما سمعتيش مزيان داك الميونيز كتخدي نص البوطة وتخلطي بهداك الخليط .ومن بعد
وكاتخوا الخليط فشي قالب باش ياخد الشكل دياو وعد باش تقلبيه فشي تبصيل
وتخوي داكشي اللي باقي لك من المايونيز فوق الخيليط عاد تزيني بدوائر الخيار
وقشور ماطيشة.والزيتون الاسود

بـراءة
21-07-2009, 15:52
شكرا احبيبة انا راه كنسجل في الموبيل باش نك يكون كلشي صحيح ولكن في الوصفة الأخيرة لقيت ولدي وقف التسجيل هذاك شي علاش
شكرا احبيبة على التكميل

بـراءة
22-07-2009, 17:05
سمن
المقادير
نصف كيلو زبدة بلدية
كأس ملح
كأس زعتر
الطريقة
نغلي الزعتر في الماء ونتركه يبرد
بدوب الملح في الماء ونتركه يبرد
نغسل الزبدة جيدا حتى يصفو الماء من البياض أي الحليب
تم نغسل بماء الملح مع المعك جيدا
وأخيرا نغسل بماء الزعتر وأيضا مع المعك ونصفي الماء جيدا
طريقة التخزين
تكون القنينة معقمة نأخد لقيمات من السمن نضعها في القنينة نتك فيها اعواد الزعتر وفي الأخير نضع أوراق العتر من الأعلى ونغلف بالبلاستيك الغذائي جيدا لمنع دخول الهواء ونكمل بتغليف بثوب حياتي وتخزن حتى تحرار

بـراءة
22-07-2009, 17:19
حلوى بالفلو
المقادير
رابعة الزبدة
كأس سنيدة
كأس ماء الزهر
كأس زيت
2فلو فاني
خمارة فاني
2خمارة حمراء
الدقيق حسب الخليط
الطريقة
نخلط الكل جيدا وتكون العجينة مرخوفة نتلقوها بالدلاك نقطع بالمرشم لي حبينا وندهن بأبيض البيض ونرش عليها اللوز أو أي شيء عندنا وتدخل الفرن لايجب طهيها حتى تتحمر بل تبقى بيضاء
لا يجب ان تكون العجين قاسية لكي لاتفقد طعم الفلو ويجب ان يكون سمك الحلوى رقيق

بـراءة
22-07-2009, 17:30
المقادير
8حبات شريحة
بنانة واحدة
نصف لتر حليب
3اوراق النعناع
كأس ياغورت بنكهة الفاني
معلقة كبيرة عسل
الطريقة
نغسل شريحة ونرطبوها في الماء من ساعة ونصف حتى لساعتين ثم نقطعوها قطع صغيرة ونوضعوها في الخلاط الكهربائي مع باقي المقادير ونطحن الكل جيدا يقدم بارد

بـراءة
22-07-2009, 17:34
طلب من الأخوات
لي سمعت طبق اليوم تكتب على ود مكنتش ومسمعتوش

وشكرا

sousou01
22-07-2009, 17:37
السلام عليكم و رحمة الله تعالى و بركاتع
احبيبة زينب زاير شكرا بزاف راكي قايمة بهدا الركن الله يعطيك الصحة و يسهل عيك كل ما صعابيارب ادعيوا شي دعيوة مع الصديقة الجديدة ديال هدا الركن

didou86
23-07-2009, 22:58
السلام عليكم ورحمة الله وبركاته
ماشاء الله عليكم اول مرة تندخل لهاد القسم
ولقيتكم كاتبين الوصفات بالتفصيل
الله يجازيكم كل خير على اعمالكم

taji 7ijabi
23-07-2009, 23:02
الله يجزي الأخوات عنا خير الجزاء و جعل الله مجهوداتهن في ميزان حسناتهن...
آآآمين

بـراءة
24-07-2009, 01:04
اوا حتى وحدى مسمعات طبق الأمس

طبق اليوم من عند عبد الهادي
دجاجة معمرة
المقادير

دجاجةمزولين ليها العظوم كلهم ولكن تبقى مجموعة( تكون مثل البطانة)
300غ كفتة
2بيضات مسلوقين
قليل من شعرية الصينية
شحمة نتاع الغنم لي كنعمل بيها بلفاف
كاس زيتون مقطع
2 معالق ربيع
ملح+ابزار
2 فصوص ثوم مدقوقة
زيت البلدية
الطريقة
_بعد غسل الدجاجة جيدا نتبلها بخليط من الربيع +ثوم +الملح+ ابزار+ زيت ندهن بهم الدجاجة من الفوق ومن الداخل ونحتفض بها جانبا
_نأخد الكفة نتبلها بتوابل المعتادة +ثوم حسب الرغبة +القزبر حبوب مدقوق نخلط جيدا ونقسمها نصفين ونحتفض بها جانبا
_نحضر الشعرية الصينية كلمعتاد ثم نقطعها ونضيف اليها الحامض مقطع حسب الرغبة +الزيتون المقطع ثم نقسمها نصفين ونحتفض بها جانبا

ناخد الدجاجة نخيطها ونخليو منين نعمر نعمرها بالنصف الأول من الكفة ونضع فوقه نصف الشعرية الصينية ثم البيضتان نضعهم الواحدة أمام الأخرى وبعدهانضع النصف التاني لشعرية الصينية وأخيرا نضع النصف الأخير من الكفة ثم نخيط الدجاجة لكي نجمعها ونلف عليها شحمة وأخيرا البابي ألمنيوم ثم ندخلها الفرن درجة الحرارة 200 مدة ساعة وربع عندما تنضج نخرجها ونزولو ليها البابي وشحمة ونرجعها تحمر

بحيت تكون عند التقطيع دائرة الدجاج في أسفلها دائرة الكفة وبعدها دائرة الشعرية وفي الوسط البيض
تقدم مع الخضر

اقتراح من عبد الهادي
لوبيا الخضراء مسلوقة نصوطيوها مع الثوم +ابزار+ ملح +القليل من الزبدة

douja
25-07-2009, 17:09
جربت حلوة كوكيز التي قدمت في اللقاءالمفتوح لكن حصلت على كوكيز مدسمة ودهنية كتيرا.أرجو المساعدة.هل المقادير خاطئة؟؟؟؟؟؟؟؟

douja
27-07-2009, 13:18
الأخت خديجة قدمت اليوم الجبن البلدي
1/2لتر حليب ـ1لتر لبن ـ قطرات من عصير الحامض.
نفيضو الحليبزوالحامض ثم نصبه سخون على اللبن ونتركه حتى يبرد.نضعه في صفاية بهامنديل حياتي.ندخله الثلاجة لكي لايحماض وتصفى مزيان

بـراءة
27-07-2009, 16:27
طبق اليوم


المقارونية
المقادير
نصف كيلو مقرونية شكل اختياري
فروماج محكوك
طرف كشير
قليل من الربيع
ملح +ابزار
لصوص بيشاميل
دجاج أو الكفة اختياري

مقادير لصوص بيشاميل
نصف لتر حليب
2 معالق دقيق
2 زبدة
ابزار +ملح
الطريقة معروفة وتكون سائلة بعض الشيء
الطريقة
نسلقو المقارونيةمع قليل من الملح مع ورقة سيدنا موسى ونصفيوها
ونضيف ليها لصوص بيشاميل + ابزار +ملح واذا أردنا اضافة الكفة نشحرها من قبل واذا أردنا اضافة الدجاج يجب أن يكون ناضج من قبل ونفتته ونضيفه وكما يمكن الاكتفاء بكشير فقط ونضيف الفروماج ونخلط الكل وندهن المول بزيت ونصب المقارونية وندخلها الفرن حتى تنضج

بـراءة
27-07-2009, 16:37
نصيحة للاحتفاض بالحلوة فيها كاوكاو المكلي

نحتافضو بيها في بلاستيكة ميدخلش ليها الهواء فهي تبقى مذة طويلة

بـراءة
27-07-2009, 16:40
نصيحة لحليب باش ميلسقش على الكسرونة

نضيف ليه معلقة ديال الماء

بـراءة
27-07-2009, 16:48
نصيحة لشيتة سنان
الى كانت قاسحة وبغيناها تكون رطبة وقت الغسل نوضعوها في الماء سخون ومن بعد نغسل

بـراءة
27-07-2009, 17:11
شباكية
المقادير
كيلو ونصف دقيق
كأس زيت نتاع العنبة
رابعة زبدة مركلين مدوبة
رابعة زنجلان محمر ومطحون
2 كؤوس لوز مسوح و مطحون
2 معالق قرفة
2 معالق نافع محمرمطحون
القليل من زعترمطحون
قرعة ماء الزهرصغيرة
10 داهم زعفران شعرة
ملح
25 غ خميرة الخبز
كأس من الخل
مسكة حرة
الطريقة
نعمل الدقيق في القصعة ونضيف ليه العناصر الأخرى ونجمع العجين بشوية بشوية ومتتحتاش الدلكبزاف والباقي الكل كيعرف

بـراءة
27-07-2009, 17:31
شباكية نوع أخر
المقادير
كيلو دقيق
نصف رابعة زبدة
ملح
راس الملقة خميرة معجونة
معلقة كبيرة القرفة
معلقة كبيرة نافع مطحون
5 معالق سنيدة
زعفران الحر
نصف كأس خل
2 فاني
قنينة ماء الزهر

الطريقة
نوضع الدقيق مع القادير كلها ونجمع الكل تكور صغيرة مثل الرغايف تتبسط وتقطع بجرارة على شكل مربع قد المقلى يعني كبير تنصهدوها من هاذ الجنب ومن الجنب الأخر مع العلم القلة مكتلسقش وميكونش فيها الزيت ومن بعد نلويو على شكل حلزوني ثم نلصق الأخير بالعجين تقطع مثل الفقاص يعني مائلة وتقليها في الزيت تتطفى في العسل وترش بزنجلان

بـراءة
27-07-2009, 17:50
الأخت خديجة قدمت اليوم الجبن البلدي
1/2لتر حليب ـ1لتر لبن ـ قطرات من عصير الحامض.
نفيضو الحليبزوالحامض ثم نصبه سخون على اللبن ونتركه حتى يبرد.نضعه في صفاية بهامنديل حياتي.ندخله الثلاجة لكي لايحماض وتصفى مزيان

رغايف نستعمل معاهم هاذ الجبن
المقادير
نصف كيلو فورص
بيضة
2 معالق زبدة أو 2معالق قشدة طرية
2معالق خل
معلقة سنيدة اختيارية
ملح

الحشوة
الجبن
الزيتون أسود مقطع
معدنوس
بصلة صغيرة مشحرة
زعيترة لتنسيم
الطريقةنجمع العجين عادي ممكن اظافة كأس حليب صغير للعجين نعمل كويرات صغيرة
نخلط الحشوة ونكرص كريصاتونعمروها ونكرص وحدة أخرى ونوضعها فيها ونبصطوهم وندخلهم الفرن أو نقليوهم وهاكذا

taji 7ijabi
27-07-2009, 23:46
تبارك الله عليك أختي زينب راك قايمة بالواجب على أكمل وجه
لكن عندي واحد الملاحظة بخصوص الزعتر!!!
كانضن مادكراتوش الأخت السعدية من إيطاليا في الوصفة ديال الشباكية 1
و معذرة على التدخل

بـراءة
28-07-2009, 00:22
تبارك الله عليك أختي زينب راك قايمة بالواجب على أكمل وجه
لكن عندي واحد الملاحظة بخصوص الزعتر!!!
كانضن مادكراتوش الأخت السعدية من إيطاليا في الوصفة ديال الشباكية 1
و معذرة على التدخل

هاذشي لي سمعت أختي ومزال مشجل عندي في الهاتف والله أعلم
بلحق راه غي شي بسيط مشي بزاف

بـراءة
28-07-2009, 00:44
مطيشة بلفروماج

المقادير

5 حبات مطيشة كبار
ملح
معلقة كبيرة زيت
راس نتاع الثوم
الربيع
فروماج المحكوك أو المثلت اختياري

الطريقة

نأخد مقلة غير قابلة للالتساق ندهنها بمعلقة الزيت نقسم حبات نتاع مطيشة على 2 نرشوهم بلملح ونحطوهم على وجههم في المقلة ونغطيوهم ونخليوهم على نار مهيلة وملي تطيب شوية نقلبوها على ظهرها ونخليوها في المقلة
نحك ثوم ونوضع شيء بسيط جدا في كل نصف حبةوكذالك ربيع ولفروماج ونغطيوهم حتى يدوب الفروماج
وهاهي واجدة تتقدم مع السلطات على حسب الرغبة

بـراءة
28-07-2009, 00:49
نصيحة للبوطة باش متوسخش

من بعد منغسلوها ونمسحوها نغلفوها بلبابي أليمنيوم

بـراءة
28-07-2009, 00:53
نصيحة للكسكاس باش ميخرش النفس

نستعملو البابي ألمنيوم في مكان العجين أوالميكة لي كنا كنستعملو

taji 7ijabi
28-07-2009, 01:26
قالت الزعفران اي ملون اصطناعي
سمحيليا إيلا كنت فضولية
جزيت الجنة على مجهوداتك القيمة

بـراءة
28-07-2009, 01:39
قالت الزعفران اي ملون اصطناعي
سمحيليا إيلا كنت فضولية
جزيت الجنة على مجهوداتك القيمة

ربما ولكن غادي نعاود نكتب في دفتر ديالي ونتيقن منها وشكرا لك

رزمانة
28-07-2009, 12:00
البنات بغيت وصفة البيتزا اللي دارت اليوم في اللقاء المفتوح الله يجاززيكم بخير

attayeba
28-07-2009, 14:50
اللهم صل على محمد وعلى آله وصحبه أجمعين
على الراس والعين اختي رزمانة يالله قيدي عندك
نصف كيلومخلط فينو وفورص -ملعقة صغيرة خميرة الخبز -1دنون طبيعي من الاحسن نوع عاقد-ملح-ماء دافء للعجن يعجن الكل ويخمر
الحشوة
رابعة الكفتة-نصف كيلو مطيشة-الفلفلة خضراء-زعتر-1بصلة متوسطة-تومة-ورق موسى-ملح ابزار-فروماج محكوك 1ضامة البنة
الطريقة
مطيشة تقطع بقشرتها+البصلة مقطعة+ورق موسى+تومة+الماء يطيب الكل جيدا ثم يطحن ويصفىونضيف اليه في كسرولة الملح والابزار وقليل زيت العود+زعتر+ضامة البنة ويوضع على النار حتى يعقد اما الكفتة تشحر وحدها في قليل زيت ملح وابزار
الفلفلة تقطع دوائر رقاق وتوضع في ماء غليان 1د وتصفى
ناخد العجين ويطاق بالمدلك رقيق وتدهن بلصوص مطيشة تم نضع الكفتة تم دوائر الفلفلة+زيتون والفروماج في الاخير والى الفرن

fati_casa
28-07-2009, 23:13
عفاكم الأخوات لسمعات الوصفة لقالت واحد الأخت اليوم معقلتش على إسمها لكدار للوجه قبل الماكياج تكتبها لي الله إجازكم بخير.

souad28
28-07-2009, 23:20
شكرا اختي الطيبة
سمعت المقادير هدا الصباح ولكن مكملتهمش
لهلا يخطيكم عواشركم مبروكة

بـراءة
29-07-2009, 00:38
اللهم صل على محمد وعلى آله وصحبه أجمعين
على الراس والعين اختي رزمانة يالله قيدي عندك
نصف كيلومخلط فينو وفورص -ملعقة صغيرة خميرة الخبز -1دنون طبيعي من الاحسن نوع عاقد-ملح-ماء دافء للعجن يعجن الكل ويخمر
الحشوة
رابعة الكفتة-نصف كيلو مطيشة-الفلفلة خضراء-زعتر-1بصلة متوسطة-تومة-ورق موسى-ملح ابزار-فروماج محكوك 1ضامة البنة
الطريقة
مطيشة تقطع بقشرتها+البصلة مقطعة+ورق موسى+تومة+الماء يطيب الكل جيدا ثم يطحن ويصفىونضيف اليه في كسرولة الملح والابزار وقليل زيت العود+زعتر+ضامة البنة ويوضع على النار حتى يعقد اما الكفتة تشحر وحدها في قليل زيت ملح وابزار
الفلفلة تقطع دوائر رقاق وتوضع في ماء غليان 1د وتصفى
ناخد العجين ويطاق بالمدلك رقيق وتدهن بلصوص مطيشة تم نضع الكفتة تم دوائر الفلفلة+زيتون والفروماج في الاخير والى الفرن

حبيبة نسيتي الزيتون في الحشوة ودانون ماشي بضرورة عاقد عي تخالطت ليك مع الوصفة نتاع الرايب ههههههه

وشكرا وعدرا

بـراءة
29-07-2009, 00:56
رايب
المقادير
لتر ماء
لتر حليب ولزم يكون حليب عبار
2كؤوس حليب غبرة
ياغورت بنكهة الفاني ولزم يكون عاقد
خنيشة فاني
4 الى5 معالق سكر مهم حسب الدوق
الطريقة

ناخد الماء ونوضعوه في الخلاط الكهربائي مع الحليب غبرة ولياغورت ولفاني ونخلطو جيدا ونوضعو الخليط في سطل يكون محكم الاغلاق

ونفيض الحليب ونخويوه حتى هو في السطل ونسد مزيان الى كان الجو سخون يبقى في الكوزينة عادي حتى لصباح والى كان البرد نغليو الماء ونصبوه في بانيو ونوضعو فيه السطلونغطيوه حتى لصباح
وفي صباح يدخل الثلاجة وتكال بارد

بـراءة
29-07-2009, 01:26
مطيشة الحك
المقادير
5 كيلو مطيشة ومن الأحسن تكون الطويلة وتكون حمرا
بصللة متوسطة وحدةمقطعة على2
قبصة قزبر ماشي المعدنوس
قليل من الحبق
عويدات فقط نتاع لكرافص
80 غ ملحة لغليضة ضرورية
وزيف حياتي
الطريقة
نغسلو مطيشة مزيان ونوضعوها في طاوة فيها ماء غليان من بعد منزولوهامن الماء نحطوها فوق شي فوطة
نقشروهم ونوضعوهم في الكوكط وتكون بين مهيلة ومتوسطة والكوكوط تكون تقيلة وناخد مغرف لي تنحرك بيه ونحاول نفتتوها ونخليوها تطيب مدة نصف ساعة ومن بعد نصفيوها ونحتافض بالما ديالها جانبا وناخد اللب نطحنوه في الخلاط غادي نحصلو على عصير نحتفض بيه مدة ساعتين بحيت يتعزل الما منها وناخد الما تاني ونخلطوه مع لول ونوضعوهم فوق النار وناخد زيف دحياتي ونعملو فية باقي المقادير ونعقدو مزيان ونوضعوهم في وسط الما المصفى نتاع مطيشة ونخليوه حتى ينقص الما ويبقى القليل ناخد الكموصة ونعصروها مزيان ونزولوها ونضيف 80 غ ديال الملح في الما ونبقاو نحرك حتى تدوب الملحة كلها ومن بعد نضيف اللب نتاع مطيشة لي كنا حتفضنا بيهونحرك مزيان حتى يزول منها الما مزيان ونوضعوها في قراعي معقمة ونديروها في الكوكوط باش يتسد مزيان أو نغليو الما ونوضعوهم فيه على وجههم باش يتسد ومن بعد نحتافض بيها مدة 3الأيام عاد تستعمل وبصحة

بـراءة
29-07-2009, 01:44
لعسل د نيبار
المقادير
قالب سكر
لتر ماء
ربع حامضة
خنيشة أتاي أسود
قرفة عواد
نصف كاس ماء الزهر
10 دراهم شهدة لعسل
الطريقة
ناخد القالب نهرسوه ونوضعوه مع الما في الكوكوط ونخليوه على نار حتى يدوب ونزيدو عليه ربع الحامضة وأتاي......وناخد الشهدية ونلفوها بزيف حياتي ونوضعوهافي الكوكوط وتكون على نار مهيلة ونسد مزيان وملي تصفر الصفارة نحسب 10 دقايق ونحلو عليه الا وجدناه مزال جاري نيدو حتى لعبار لي بغينا وهاهو واجد

بـراءة
29-07-2009, 01:51
عفاكم الأخوات لسمعات الوصفة لقالت واحد الأخت اليوم معقلتش على إسمها لكدار للوجه قبل الماكياج تكتبها لي الله إجازكم بخير.

نصيحة لتعديل الفوند تان

قبل منعملوه ناخدو بيض بيضة مع2 معالق صغار زيت الزيتون نخلطوهم مزيان ودهني وجهك بهاد الخليط بستعمال القطن متقسيش المنطقة المحيطة بالعينين ومكان الفم
وتخليه 20 د ومن بعد غسلي عادي ومسحي بماء الورد وعملي الفوندو وتلاحضي الفرق

بـراءة
29-07-2009, 01:55
نصيحة الى بغيتي تحصلي على عصير الليمون كتير

نحطو الليمون في وسط الماء طايب قبل العصر

بـراءة
29-07-2009, 01:58
نصيحة الى بغيتي كاضر صور يبقى لماع

نمسحوه بقطنة فيها لنكول 90 درجة

بـراءة
29-07-2009, 01:59
نصيحة لازالت الدهون من الأواني

نمسحوهم بأوراق الجرائد بعد الغسل

بـراءة
29-07-2009, 02:02
نصيحة لازالة الرغبة في التقيئ

يشرب عصير2 حامضات بدون زيادة أي شيء

بـراءة
29-07-2009, 02:05
نصيحة لازالة لون الأسود من البصل عند القلي

ندوزوها في الدقيق وعاد نقليوها

بـراءة
29-07-2009, 02:07
نصيحة لتعويض الزبدة في الحلوة

نعوضها بنفس القدر حليب سائل أو غبرة

بـراءة
29-07-2009, 02:09
نصيحة للاحتفاض بلخضر لي لونها أخضر

نزيدو ليها الملح ونخليوها بلا منسد الطنجرة

بـراءة
29-07-2009, 02:11
نصيحةلازالت رائحة قلي البطاطس

نضيف عرش معدنوس في زيت القلي

بـراءة
29-07-2009, 02:12
نصيحة للاحتفاض بنكهة زيت البلدية

نضيف ليها قطعة سكر

بـراءة
29-07-2009, 02:15
شي دعوة نتاع الخير منكم أخواتي راه مكتبت عي بزز فيا نعاس ووجدت حتى واحد مكتب وهزتني النفس ههههههههههههه

fati_casa
29-07-2009, 10:19
بارك الله فيك أختي زينب زاير.

ya9in
29-07-2009, 12:39
السلام عليكم ورحمة الله وبركاته
بارك الله فيكم حبيباتي
الله يجازيكم شكون اللي سمعات نصائح اليوم تكتبهم لينا الله يجازيها الخير

dida_343
30-07-2009, 19:04
السلام اعليكم
لي عندها سراق زيت صغير دير الكافور في الشبيكات لي كيكونو فيهم الحلوة دراجي في لعراس اتحطها في اي بلاصة منها ريحة امنها تجري على بباه غير حضيو مع لوليدات

ya9in
01-08-2009, 18:25
السلام عليكم ورحمة الله وبركاته

ما زال ماما كتسنى تحطوا نصائح يوم 29 يوليوز غير العصير حيت ما سمعاتوش انا جيت قالتها لي و انا نقولها انا غنسولك البنات في المنتدى الله يخليكم حبيباتي في الله

ya9in
03-08-2009, 17:59
حتى وحدة ما بغات تجاوب

mcaziza
04-08-2009, 14:35
لاخت جميله قدمات الكرموص
كيلو الكرموص الاخضر او الاسود+ كيلو لاروب سنيده + نصف حامضه مزول ليها العضم+ كاس صغير الماء
بالنسبه للطريقه: نغسلو الكرموس مزيان و نقسموه على 2 و نخلطوه مع سنيده و الحامض و الماء الكل على عافيه مهيله مع التحراك حتى يدوب السكر تم نتركه نصف ساعه بعد الغليان نزولو الحامض نخليوه حتى يبرد و نطحنوه في الطحانه ممكن ندوزوه في الغربال كيف قالت الاخت جميله
ملاحضه: نفس الطريقه للمشماش و الفريز و ماندلين

mcaziza
04-08-2009, 14:41
عصير الجزر و البرتقال مان الاخت بشرى
6او7 حبات الجزر+ 7او8 برتقالات + رأس معلقه القرفه+ فاني+ معلقه ماء الزهر او 2 + سكر حسب الدوق + دانون فريز
نغسلو الجزر نقيوه و نسلقوه نتركه حتى يبرد
الليمون نعصروه نضع الكل في مولينيكس نضيف الجزر بالماء ديالو بطحنو الكل و ندخلوه للثلاجه ويقدم باردد

mcaziza
04-08-2009, 14:44
عفوا بالنسبه للكرموص فهو مربى كونفيتير

mcaziza
04-08-2009, 14:48
عصير
ايطرو اللبن + 2قطع السكر + 2 الخوخات + 1/4 سويهله + 3 الكرموصات التين
نخلط الكل ف الخلاط الكهربائي و يقدم بالصحه و الراحه

سلوى الأيام
06-08-2009, 11:19
بسم الله الرحمن الرحيم
إلى كل الأخوات في المنتدى لكم جزيل الشكر و الله يسهل عليكم جميعا على المجهودات المبدولة أنا أحب اللقاء مفتوح لكن نظرا لظروف العمل ، و لكن بفضل أناقتنا و بفضلكم تمكنت من معرفة كل وصفات اللقاء.
مشكورين والله يعطيكم الف عافيه و جزاكم الله خيرا.
عواشركم مبروكة بالصحة و باش كتمناو.

سمية ام عبدو
06-08-2009, 13:56
ماسك مغذي للشعر
3ملاعق كبار دانون مسوس
ملعقة عسل
اصفر بيضة
يمزج جيدا ويوضع على الشعر مدة20د

سمية ام عبدو
06-08-2009, 14:04
نصائح
باش ميتكورش الفلان مع الحليب,نخلطوا سنيدة مع الفلان عاد نكبوا عليهم الحليب.

الى بغيتي تغسلي ماعن الجيكس,رطبي صابونة حجرة فشوية ماء طايب.كتولي عجينة خاترة,مدة ليلة كاملة.والغد نستعملوه.

غادي نكتب من بعد طريقة مطيشة.باقي النصائح مكتبتهومش حيث جات عندي صاحبتي.

raihana
06-08-2009, 15:25
السلام عليكم ورحمة الله تعالى وبركاته اخواتي توحشتكم بزاف نتمنى تكونو جميعا بالف خير وابلغ سلامي الحار لكل الانيقات وخصوصا سوسو وام شدى واشكر كل الحبيبات على المجهودات التي يبدلونها لانجاح هدا الركن جزاهن خيرا وماواهن الفردوس ان شاء الله.

الرمضانية
06-08-2009, 16:13
تبارك الله على الحادكات الانيقات :78:

انا فات لي سمعت واحد الطبق لحم مند ايام وماكانش بامكاني نسجلو وكل ما اتذكر منو هو انها دارتو مع سفرجل منقي وطايب بطريقة جديدة وايضا مع البرقوق معمر بمشماش مطحون
شكون ممكن تعطيني طريقة الطبق بالتفصيل
الله يجازيها بخير

janat1
06-08-2009, 17:35
البارح في اللقاء المفتوح عطاو مقادير شباكية من مراكش لعندها المقادير تكتها لنا وشكرا

mcaziza
06-08-2009, 18:09
الاخت جناتعع 1 المقادير الشباكيه كيلو دقيق فورص ملح زلافه الزبده مدوبه نصف كاس زيت العود 2 معالاق كبار خل 2 معالق كبار نافع بلدي مطحون زلافه زنجلان محمر و مطحون نصف كاس ماء زهر معلقه صغيره قرفه خماره شويه خميره معجونه و الماء دافئ شويه
نخلطو جميع العناصر و ندلكوها و نقطعوها بالجراره .....
2حبات مسكه حره في الزيت ملي نبداو ف القلي
قليل من ماء الزهر ف العسل باش نسموه

mcaziza
06-08-2009, 18:10
الاخت جنات1 المقادير الشباكيه كيلو دقيق فورص ملح زلافه الزبده مدوبه نصف كاس زيت العود 2 معالاق كبار خل 2 معالق كبار نافع بلدي مطحون زلافه زنجلان محمر و مطحون نصف كاس ماء زهر معلقه صغيره قرفه خماره شويه خميره معجونه و الماء دافئ شويه
نخلطو جميع العناصر و ندلكوها و نقطعوها بالجراره .....
2حبات مسكه حره في الزيت ملي نبداو ف القلي
قليل من ماء الزهر ف العسل باش نسموهل

ام الشهيد مروان
06-08-2009, 22:25
شكرا لكن اخواتي على المساعدة القيمة:83::83::83:

سمية ام عبدو
08-08-2009, 17:31
شوربة دجاج بلاكريم فريش
نحتاجوا ليها علبة كريم فريش,نصف دجاجة,2بصلات مشلظين,ملعقة كبيرة زبدة,ملح,بزار,2معالق كبار معدنوس مقطع.
في كوكوط نشحروا البصلات المشلظين في ملعقة الزبدة,ونزيدوا الملح وليبزار,والدجاج يتقلى.نزيدوا كاس ماء ونسدوا الكوكوط مدة ثلث ساعة.نحيدوا الدجاج من الكوكوط,ونطحنوا البصلة فمولينكس ونرجعوها للكوكوط ونفرتتوا عليها الدجاج,يغلي واحد شوية,نزيدوا معدنوس ولاكريم فريش,نتسناوا دقيقة واحدة لا اكثر ونطفيوا البوطة.
راني مفهمتش مزيان الشوربة لانها دارت غير كاس ماء واحد فاادجاج,يعني غادي يكون نشف فالطياب,لان لاكريم فريش ما جارياش لدرجة تعطينا ماء كثير للشوربة,او لى كتجي ثقيلة؟
المهم دكشي اللي سمعت كتبتوا بالحرف.

houd@
10-08-2009, 21:37
Salamo 3likom kolkom ila tfadlto rsslo lia chi makadir de chabakia tkoun zwina o sahla hssab 1kilo o khososan ila kant mn likaa maftouh elah yj3l chahr ta3a o maghfira donoub jami3a

امةالواحد
12-08-2009, 23:02
الي عندها مقادير الزمية ديال الاعشاب وزرعت الدلاح
تكتبهاليا سمعتها فرديو لكن مكتبتهاش ولكم جزيل الشكر
و الله ادخل علينا وعليكم الشهر المبارك على خير

OM RANIA
13-08-2009, 15:02
3afakom li 3andha wasafat ta3 had 3 jour tnazalhom mahdart lihom

sousou01
13-08-2009, 19:35
احبيبات الانيقات كيف الاحوال راني توحشتكم بزاف و مبروك العواشر الله يدخلهم عليكم بالصحة و السلام
و كيف راكم احبيبات ديال قلبي و اخص بالدكر ريحانة ديالي و ام شدى المحبوبة ديالي راني توحشتكم بزاف و كنتمنى تكونوا بخير يارب

jassemine
13-08-2009, 23:50
الحمدلله على السلامة الحبيبة المنتدى تنور بعودتك
اش اخبار العائلة كلها صغارا وكبارا بصحتكم العطلة
وعواشر مباركة عليك وعلى العائلة وعلى جميع الانيقاتعضوات ومشرفات

ام ريم و رانية
14-08-2009, 16:39
تبارك الله عليكم وصفات ممتازة نجربها و نرد عليكم

بـراءة
15-08-2009, 10:56
الي عندها مقادير الزمية ديال الاعشاب وزرعت الدلاح
تكتبهاليا سمعتها فرديو لكن مكتبتهاش ولكم جزيل الشكر
و الله ادخل علينا وعليكم الشهر المبارك على خير



الزميطة


3كيلو الزرع
كيلو الشعير
كيلو الدرة
كيلو الحمص
كيلو زريعة الكتان
كيلو الصوجا
كيلو ايلان
زريعة الدلاح و البطيخ والكرعة
النافع وحبت حلاوة
الخروب
المسكة
الكوزة
الزعتر و فليو
السالمية
مرمدوش
مرسيطا
النعناع العبدى يابس
لويزة
مانتا
سانوج
عرق السوس


كل الاعشاب تكون يابسة والحبوب تحمر فى الفرن وتطحن فى الطاحونة

وتتجمعيه بالعسل اوالزيت الزيتون

yasmina11
15-08-2009, 18:11
تبارك الله عليك

سلسبيل26
17-08-2009, 16:50
باش يتم طرد العناكب او العنكبوت من دخول المنزل سمعت فالبرنامج واحد اخت قالت تناخدوا الشبة مع الماء و تنمسحو بها الشراجم و الاماكن لي تتكون فيها.


نعم انا للي قلت تلك النصائيح كلها للقضاء على الحشرات المنزلية



مع ةالاخت جليلة يوم الخميس وتعاود يوم الجمهة انا ايضا من محبات للقاء المفتوح


ورني كتبتهم جميعا تلك النصائيح هنا في المنتدى لطرد الحشرات المنزلية ومبيد من صنع ادي وحيات عني

khoula1986
18-08-2009, 11:34
بسم الله الرحمن الرحيم
السلام عليكم ورحمة الله وبركاته
خبز
رابعة دقيق قمح كامل رابعة طحين أبيض 20غ خميرة الخبز 100غ زيتون أسود منزوع النواة ومقطع طريفات1 م ص ملح 1م ك زيت الزيتون ماء للعجن
يخلط كل امقادير إلا الزيتون ويدلك جيدا ثم نضيف اليتون يجمع الكل ويقسم إلى 4أجزاء ونأخد كل جزء يكور في كمية وافرة من دقيق وتعمل علامة زائد فوق كل جزء يترك يخمر ويطهى

khoula1986
18-08-2009, 11:50
تمر بطريقة جديدة
نأخد عجينة تمر نضيف لها بسباس مطحون وزيت زيتون ويجمع الكل جيدا وتقدم

lilya_2119
18-08-2009, 14:22
lahi3tik sha²

khoula1986
19-08-2009, 11:53
بسم الله الرحمن الرحيم
السلام عليكم ورحمة الله وبركاته
عصير من لأخت كوثر
1لتر حليب حبة لفوكا1 م ك عسل3 م ك عقدة لوز 2م ك كركاع مهرمش قبصة مسكة حرة 2مك زبيب تمر مهروس 2دانون فاني قبصة قرفة
يخلط الكل في مولينكس ويقدم:55:

ya9in
21-08-2009, 14:08
السلام عليكم ورحمة الله وبركاته

حبيباتي في الله شكون سمعات نصائح البارح وقع لينا مشكل ف الضو و ما سمعنا والو انا و ماما ما زالها مقلقة داك المرة قتلها عنجيب ليك الوصفات لكن حتى وحدة ما عطاتني جاوبوني الله يجازيكم الجنة

raihana
24-08-2009, 16:42
السلام عليكم ورحمة الله تعالى وبركاته على كل الحبيبات ديالي كيف حالكن اشتقت اليكن كثيرا وخصوصاسوسو وام شدى عدت من السفر سالمة والحمد لله عواشركم امباركة مسعودة الله يدخلها عليكم بالصحة والعافية والرزق العميم انتم وجميع المسلمين وقولو امين.

om chada
25-08-2009, 02:08
على سلامتك الحبيبة ريحانة حتى حنا توحشناك او بقات بلاصتك والله كيبقيتي شوية الحمد لله او كيديرين العائلة لباس عليهم الله يخليهم ليك ويخليك ليهم كنت بعث لك رسالة واش قريتيها مبروك عواشرك والله يدخلوا عليك بالصحة والرزق او باش ما تمنيتي

om chada
25-08-2009, 02:10
الحبيبة سوسو يسول فيك الخير عوشرنا او عواشرك مبروك حتى انا توحشتك او توحشت نكتب في هذ

raihana
25-08-2009, 13:22
السلام عليكم ورحمة الله تعالى وبركاته شكرا لك حبيبتي ام شدى الله يسلمك وينجيك من كل شر الله يبارك فيك ويعطيك كل ما تمنيت اما بخصوص رسالتك لقد قراتها واشكرك جزيل الشكر على شرحك الكافي جعله الله لك في ميزان حسناتك لم استطع ان ارد عليك في المغرب لانني كان عندي مشكل في الانترنيت كنت اكتفي فقط بالدخول لرؤية الجديد مشكورة حبيبتي مرة ثانية.

اريج المروج
27-08-2009, 12:31
اللقاء المفتوح

طجين تاكرا
المقادير
نصف كيلو شطون مغسول و مزولين ليه السنسول
نصف كيلو مطيشة محكوكة
قزبر مقطع
3 ضروس ثومة محكوكة
ملح+ كمون+ تحميرة
حامضة طرية مقطعة دوائر
نصف كيلو بطاطا مقشرة و مقطعة دوائر
نصف كاس زيت مائدة (او مخلط زيت بلدية و زيت المائدة)
كاس ماء
الطريقة
ناخدو تاكرا و نستفو فيها دوائر البطاطا و نرشو بالملح و الكمون و نستفو فوقها الشطون ثم نخلطو مطيشة مع الثومة و القزبر و الملح و الكمون و التحميرة و نكبوها على الشطون و نديرو دوائر الحامض و الزيت و الماء و ندخلوه للفران يطيب ثم يتحمر من الفوق بلا ما نغطيوه (من الاحسن يرسل لفران الزنقة)

اريج المروج
27-08-2009, 12:33
كويرات ميرنا باللوز من عند السيدة السعدية (خريبكة)
المقادير
كيلو ميرنا مزولين ليها السنسول و الجلدة و مطحونة فمكينة مطيشة
وريفات حبق مقطعين كبير (او راس ملعقة صغيرة الا كان يابس)
حفينة صغيرة ديال اللوز ممسوح و مطحون بقشورو
ملح+ بزار
الطريقة
نخلطو الكفتة ديال ميرنا مزيان مع الحبق و اللوز و الملح والبزار (يمكن نزيدو شوية شحمة بقري او غنمي مطحونة) و نديرو منها كويرات ويمكن نطيبوهم بجوج طرق اما ندوزوهم من الطحين و نغمسوهم فالبيض مطرب و ندوزوهم من لاشابلير ثم نقلىوهم فالزيت او نطيبوهم فالفران و يمكن نطيبوهم فطنجرة مع عويدات معدنوس و ثلاثة معالق زيت و ربع كاس ماء و مزيود حار و قبصة زعفران شعرة و نديروهم يطيبو على نار مهيلة او كل واحد يطيبهم كيف بغى

اريج المروج
27-08-2009, 12:34
قطبان الدجاج بمربى البرتقال
المقادير
كيلو صدر دجاج مقطع مكعبات
3 حتى ل 4 معالق كبار مربى البرتقال(ما يكونش مطحون بزاف)
ضامة البنة دجاج (من الاحسن نديرو اللي على شكل ساشي حيت كتدوب بسرعة)
ملعقة صغيرة سكينجبير
ملعقة زيت مائدة (اختياري)
نخلطو العناصر اللي عندنا و نشرملو مكعبات الدجاج مزيان فبواطة بلاستيك و نسدوها و نخليوهم فالثلاجة على الاقل 3 ساعات ثم نديروهم فقطبان و نشويوهم عادي و نقدموهم مع الروز او المقرونية بالصحة والراحة

اريج المروج
27-08-2009, 12:34
الروز مفور باللبن
المقادير
زلافة روز
2 زلايف و نصف ماء
ملعقة كبيرة زبدة
شوية الملح
نديرو كلشي فالكوكوت و منين تبدى تصفر نقصو العافية عالحد و نحسبو من 5 حتى ل8 دقائق بعد الصفارة ثم نطفيو عليها و ما نزولوش الصفارة حتى ما تبقاش النفس تماما كنلقاو الروز بحال الا مفور و منين يبرد كنخلطوه مع اللبن بحال سيكوك

اريج المروج
27-08-2009, 12:35
فلن flan بالبنان
المقادير
1لتر حليب
4 اصفر البيض
3 معالق كبار نشا (ما عامرينش بزاف )
2 بنانات مقطعين دوائر
2 معالق كبار سنيدة (او اكثر حسب الذوق)
1 فاني
الطريقة
نخلطو الصفر مع الحليب ثم نضيف العناصر الاخرى ما عدا البنان و نخلطو مزيان و نديروهم في كسرونة فوق نار مهيلة مع التحريك المستمر و منين يبدى الخليط يعقد نضيف البنان و نخليوه شوية تقريبا دقيقة ثم نزولو الخليط من فوق النار و نديروه فزليفات و منين يبردو شوية ندخلوهم للثلاجة الى حين التقديم

اريج المروج
27-08-2009, 12:36
الفطائر بالجبن
المقادير
3 زلايف دقيق الفينو (سبيسيال)
زلافة فورص
ملح
ماء دافي
خمارة
زبدة مدوبة للتوراق
جبن ابيض بلدي مفرتت مزيان بالفورشيت للحشو
الطريقة
نخلطو الدقيق و الملح و نضيف الماء و نعجنو و ندلكو العجينة مزيان حتى تطلق و منين نقربو نساليو نضيف الخمارة و ندلكو مزيان ثم نديرو كويرات من العجين و منين يرتاحو شوية نطلقو كل كويرة و نديرو شوية الزبدة ثم نديرو الجبن و نطويو الرغايف و نطيبوهم عادي
يمكن نضيف جوج او ثلاثة بيضات للجبن و نخلطو ثم نعمرو بيه الرغايف

اريج المروج
28-08-2009, 06:21
بريوات بالخضر
المقادير
رابعة مكور مقطع رقيق
رابعة خيزو مقشر و محكوك فالحكاكة الغليضة
قبطة صغيرة بورو مقطع دوائر رقيقة
بكية صغيرة شعرية صينية مصلوقة فالماء و مصفية و مقطعة
4 حتى ل 6 مربعات فرماج مقطعين
2 معالق كبار زبدة
شوية الملح + بزار ابيض
رابعة ديال الورقة
ملعقة كبيرة زيت
الطريقة
نديرو الخضر في مقلة (من الاحسن ماكتلصقش) و نزيدو عليهم ملعقة زبدة و الملح و البزار و نغطيوهم و نخليوهم يتصهدو على نار مهيلة وما نحركوش باش مايطلقش اللون ديال خيزو ثم نزولوهم و منين يبردو نضيف الشعرية والفرماج و نخلطو و نعمرو الورقة على شكل مثلثات او سيكار او بسيطلات صغار و ندهنوهم بملعقة زبدة مخلطة مع ملعقة زيت و ندخلوهم للفران يطيبو او يمكن لينا نقليوهم فالزيت ثم نقدموهم على فراش ديال الخس

اريج المروج
28-08-2009, 06:22
بريوات بمذاق مالح و حلو
المقادير
رابعة كفتة
بصلة صغيرة محكوكة
شوية الملح
راس ملعقة سكينجبير
2 معالق كبار معدنوس مقطع رقيق
كاس زبيب بلا عظم مرطب في مازهر و مصفي
كاس لوز مصلوق و مفسخ ومنشف( ندهنوه بالزيت و نحمروه فالفران ثم ندقوه بالمهراز من الاحسن)
نصف ملعقة كبيرة مازهر
شوية القرفة مطحونة
ملعقة صغيرة سنيدة
2 معالق كبار زبدة
حكيكة صغيرة ديال الكوزة
رابعة من ورقة البسطيلة
الطريقة
في مقلة فوق النار نديرو البصلة مع الزبدة والملح و نخليوها ترخى شوية ثم نضيف الكفتة و نشحروها مزيان و في الاخير نضيف المعدنوس و الكوزة و سكينجبير و نحركو و نزولوهم من فوق النار
نديرو الزبيب في مقلة مع شوية القرفة و شوية سنيدة و نحركو شوية فوق النار ثم نزولوه و نخلطوه مع اللوز و العناصر الاخرى ثم نعمرو البريوات و ندهنوهم بالزبدة مخلطة مع الزيت و ندخلوهم للفران يطيبو و عند التقديم نزينوهم بالقرفة والسكر او بالعسل مخلط مع القرفة و نقدموهم سخان بالصحة والراحة

اريج المروج
28-08-2009, 06:22
طورطة باللوز
*العجين
150 غرام زبدة لينة
200 غرام دقيق
3 اصفر البيض
2 معالق صغار سنيدة
شوية ملح
*التزيين
150 غرام لوز مطحون بقشورو
100 غرام زبدة
120غرام سكر كلاصي
2بيضات
2 معالق كبار ممسوحين فورص
عصير حامضة كبيرة
الطريقة
نخلطو الزبدة مزيان حتى ترطاب ثم نضيف الصفر و نخلطو و السكر و شوية الملح و نخلطو ثم نضيف الطحين شوية بشوية حتى تجمع العجينة و نديروها فبلاستيكة وندخلوها للثلاجة مدة نصف ساعة
نخدمو الزبدة ديال الحشوة ثم نزيدو السكر كلاصي و نخلطو ثم البيض مطرب ثم اللوز و نخلطو ثم عصير الحامض و فالاخير نضيف الطحين و نخلطو جميع العناصر حتى تنسجم
نديرو العجين في مول (من الاحسن اللي كيتحل) و نكرصوه باليد و نقادوه من الجناب ثم نصب الخليط ديال اللوز و ندخلوه للفران يطيب تقريبا 45 دقيقة على درجة حرارة 180 ثم نخرجو الطورطة و نخليوها تبرد و تقدم بالصحة والراحة

اريج المروج
28-08-2009, 06:23
هربر
المقادير
مقدار ديال القمح (كيكون مهرس)رابعة او نصف كيلو
ملح
ملعقة كبيرة زبدة
ملعقة كبيرة زيت
يصلة محكوكة رقيق
4 حبات مسكة حرة
حليب مركز مسوس ( او حليب غبرة )
ماء غليان
مازهر
الطريقة
نقيو القمح و نديروه في كوكوت و نكبو عليه مقراج ديال الماء طايب مزيان و نديرو الملح و نسدو الكوكوت و نديرو الصفارة و نخليوه مرطب مدة ساعة(خارج النار) ثم نحلو الكوكوت غدي نلقاو القمح تنفخ نديروه فوق البوطة و نزيدو عليه الزبدة و الزيت و البصلة و المسكة حرة و نخليوه يطيب بلا ما نسدو عليه و مرة مرة نحركوه
منين نقربو نقدموه نزيدو عليه الحليب مسوس او حليب غبرة و منين يوجد نديروه فزليفات و نديرو ملعقة مازهر فكل زلافة و يقدم بالصحة والراحة http://www.anaqamaghribia.com/vb/images/smilies/************* (54).gif

اريج المروج
29-08-2009, 15:18
شنيك مالح

العجين

زلافة الطحين
بيضة
شوية خميرة الحلوى
ملح
2 م ك الزبدة
4 م ك الزيت الزيتون
الماء

الحشوة
2بصلات متوسطة مقطعة شرائح
2 مطيشات
2فلفلات مقليين او خضرين
2 م ك الزبدة
2 م ك الزيت الزيتون
ملح الابزار
شوية الزعتر
ورقة سيدنا موسى
الكفتة او صدور الدجاج او الظون..........................

فى مقلاة فيها شوية زيت المائدة ونشحرو البصلة حتى تدبال ونزيدو مطيشة شرائح و الفلفلة الكل فوق النار من 2 الى 3 دقائق تم نزيدو التوابل اما الدجاج او الكفتة تشحر لوحدها فى مقلاة اخرى وتترك جانبا

تعجن العجين وتورق بالمدلك طويلة و رقيقة ممكن تدهن بالكتشوب او الفرماج...تم الحشوة والزيتون دوائر(اختيارى)
تم تبرم وتقطع دوائر وتدخل للفرن مللى تخرج تدهن بالفروماج متلت او المحكوك تم الزعتر وتدخل للفرن مرة اخرى
غير شوية وتقدم

اريج المروج
29-08-2009, 15:19
كيكة مالحة

4 البيضات
1دانون مسوس
1حك دانون الزيت
شوية الملح و الابزار
3الخمارات
2كيسان دانون الطحين العبار بحك دانون

فى الخلاط نديرو دانون والزيت ملح الابزار والبيض نخلطو مزيان الطحين مع الخميرة فى الاخير

الحشوة
1مطيشة كبيرة
1بصلة
1فلفلة اى لون
الزعتر
ملح الابزار
كاشير محكوك
فوماج محكوك

نشحرو البصلة والفلفلة و مطيشة فى الزيت مع التوابل ولما نطفيو النار نضيفو الكاشير والفروماج

فى مول نصبو نصف الخليط تم الحشوة تم النصف الباقى وتدخل للفرن تزين بالفرماج محكوك

sousou01
29-08-2009, 17:53
المحنشة
المقادير
رابعة ديال اللوز مصلوق و مقلي و مطحون مع 125 غرام سنيدة
3 معالق كبار زبدة مدوبة
ربع ملعقة صغيرة قرفة
2 معالق كبار مازهر
قبصة مسكة حرة مدقوقة
20 ورقة ديال البسطيلة
زبدة مدوبة لدهن الورقة
اصفر بيضة
2 معالق كبار عسل + 3 معالق كبار من رقائق اللوز للتزيين
الطريقة
نعجنو اللوز مع الزبدة و القرفة و مازهر و المسكة و نديرو منهم قطبان طوال
نسرحو ورقة و ندهنوها بالزبدة و نديرو العقدة ديال اللوز و نلويو و نلصقو باصفر البيض
عندنا الاختيار اما نلويوها على شكل محنشة او نقطعوها صبيعات
ندهنو المحنشة بالزبدة من الفوق و ندخلوها للفران تطيب و تتحمر و منين نخرجوها ندهنوها بالعسل و تزين باللوز ايفيلي و تقدم بالصحة والراحة

sousou01
29-08-2009, 17:54
الشباكية من عند الاخ امين من مراكش
المقادير
كيلو فور ص
زلافة زبدة مدوبة (=كاس وربع ديال العنبة)
نصف كاس عنبة زيت بلدية
2 معالق كبار خل
2 معالق كبار نافع بلدي مطحون
زلافة جنجلان محمر و مطحون
نصف كاس مازهر
قبصة مسكة حرة مطحونة مع شوية السكر
قبصة ملح
ملعقة صغيرة قرفة
1 خمارة ديال الحلوى
شوية خميرة معجونة
ماء دافي لجمع العجين
زيت للقلي نديرو فيها 2 حبات مسكة حرة
عسل + شوية مازهر
جنجلان محمر صحيح للتزيين
الطريقة
نخلطو جميع العناصر مزيان و نطلقوها بالمدلك و تقطع بالجرارة و تشبك و تقلى فالزيت ثم تطفى فالعسل و تزين بالجنجلان

sousou01
29-08-2009, 17:54
طبق اليوم هو دجاجة مع البطاطا فالفرن
المقادير
دجاجة (على الاقل كيلو و نصف)مغسولة و مقطعة طراف
ملح+ بزار+ كمون+ فلفلة حمرا+ شوية الهريسة
قزبر و معدنوس مقطعين
عصير حامضة
زيتون اخضر بلا عظم مقطع
لاشابلير
بصلة كبيرة مقطعة دوائر
كيلو بطاطا مقطعة دوائر
زبدة
المقادير
نخلطو الملح و البزار و عصير الحامض و الكمون و الفلفلة حمرا و الهريسة و الربيع و نشرملو الدجاجة مزيان و ناخدو شوية شرمولة نشرملو بها البطاطا و نديروها تتبخر فالكسكاس
ندهنو الدجاجة مزيان بالزبدة و ناخدو مول ندهنوه بالزيت و نفرشو فيه دوائر البصلة و نديرو فوقها الزيتون ثم نحطو فوقهم الدجاجة و نغطيوها بورق المنيوم دون اضافة الماء و ندخلوها للفران تطيب
منين يطيب الدجاج نخرجوه و نزولو ورق الالمنيوم و نستفو البطاطا اللي تفورات فجوانب الدجاجة و ندردرو لاشابلير من الفوق و نديرو عليهم طريفات ديال الزبدة و ندخلوهم يتحمرو من الفوق ثم نقدموهم بالصحة والراحة

sousou01
29-08-2009, 17:55
حلوة المونيضات (عجينة الشباكية معمرة بعقدة اللوز)
المقادير
العجين
كيلو فورص
كاس عنبة جنجلان محمر و مطحون
كاس زبدة مذوبة
شوية الملح و شوية السكر
كاس عنبة مخلط زيت و سمن
5 معالق كبار نافع محمر شوية و مطحون
خنيشة زعفران شعرة
شوية مسكة حرة مطحونة
حكة ديال الكوزة
شوية قرنفل مطحون
شوية مازهر
بيضة
نصف قياس بيضة خل
نصف خمارة حلوى
شوية خميرة معجونة
50 غرام لوز محمر و مطحون
نخلطو المقادير اللي عندنا و نعجنوها مع اضافة شوية الماء دافي و ندلكو العجينة مزيان و نديروها كريصات نديروهم في بلاستيكة و نخليوهم جانبا
مقادير الحشوة
كيلو لوز مصلوق و مقشر و مطحون
سكر (نعبرو زلافة سكر لجوج زلايف لوز مطحون) و نخلطوهم و نطحنو مرة اخرى
3 معالق كبار زبدة
3 معالق كبار عسل
شوية مسكة حرة مدقوقة
شوية الكوزة و شوية القرنفل
شوية القرفة
2 حتى ل 3 معالق كبار مازهر
نخلطو اللوز مع باقي العناصر و نعجنو الخليط مزيان حتى نحصلو على عقدة و نديرو كويرات صغار و نغطيوهم بالبلاستيك
نورقو العجينة مزيان بالمدلك و نقطعوها مربعات نديرو فكل مربع جوج او ثلاثة الكويرات و نطويوه على جوج و نقطعوه بالجرارة باش يعطينا نصف دائرة و منين نقطعو نخليو شوية العجينة شايطة فالجناب و منين نكملو نضغطو على الجوانب مزيان بالفورشيت باش مايتحلوش و نثقبو كل حلوى 3 ثقيبات بعود ديال السنان و نقليوهم فالزيت مع حبيبات مسكة حرة ثم نطفيوهم فالعسل و بالنسبة للعجينة اللي غدي تشيط نشبكوها و نقليوها بحال الكريوش

sousou01
29-08-2009, 17:56
شوصون chaussons معمرين بالكفتة
المقادير
العجين
نصف كيلو طحين
100 غرام زبدة
2 معالق كبار حليب غبرة
4 فرماجات مربعة
ملعقة صغيرة خميرة معجونة
ملح
شوية سودانية مطحونة
نصف ضامة البنة بكري
نصف ملعقة كبيرة موطارد
نخلطو العناصر اللي عندنا و نعجنو بالماء دافي
الحشوة
رابعة كفتة (او دجاج)
100غرام شعرية صينية مصلوقة فالماء و مقطرة و مقطعة
50 غرام فرماج محكوك
فلفلة خضرا و حمرا و صفرا مشويين و مقطعين مربعات صغيرة
2 معالق كبار صوجا
شوية بزار و ملح
زيت
الطريقة
نشحرو الكفتة فالزيت ثم نضيف الفلفلة و الشعرية و الفرماج و الصوجا و شوية الملح و البزار و نخليو العناصر يتشحرو مزيان ثم نزولوهم يبردو
نطلقو العجينة بالمدلك على شكل مربعات و نديرو شوية الحشوة وندهنو الجوانب بابيض البيض و نديرو قنت على قنت باش يولي عندنا مثلت و نوقفو كل مثلت او يمكن نديروهم بحال الشوصون عادي ثم ندهنوهم ببيضة مطربة و ندخلوهم للفران يطيبو

sousou01
29-08-2009, 17:57
الحرشة بالحليب
المقادير
نصف كيلو سميدة رقيقة
كاس عنبة سنيدة
كاس زيت
بيضة
نصف لتر حليب
2 خمارات
شوية خميرة معجونة مدوبة فشوية الحليب
رشة ملح
نخلطو جميع العناصر و نديرو الخليط في مول مدهون و مرشوش بالدقيق و ندخلوها للفران تطيب و تتحمر ومنين نخرجوها اما نقدموها عادية او نسقيوها بالعسل و تزين بالكوك او كاوكاو

sousou01
29-08-2009, 17:59
الشهدة بالشكلاط من عند السيدة خديجة
المقادير
كيلو فورص
1 لتر حليب مسخن شوية
2 خمارات
ملعقة كبيرة عامرة خميرة معجونة
رابعة ديال الزبدة مدوبة
2 كيسان عنبة سنيدة (او اكثر حسب الذوق)
2 بيضات
طريفات شكلاط للتزيين
عسل
الطريقة
نخلطو البيض و سنيدة و الخميرة معجونة مزيان ثم نبداو نكبو الزبدة و نخلطو ثم نضيف الطحين مخلط مع الخمارة ثم نجمعو كلشي بالحليب العجينة خصها تكون مجموعة ما جارية ما قاصحة نخليوها ترتاح 10 دقائق على الاقل
ندهنو طاوة مدورة بالزبدة و نرشوها بالدقيق و ندهنو يدينا بالزيت و نبداو نديرو كويرات صغار و نستفوهم فالطاوة وحدة حدى وحدة و منين نكملو ناخدو الطريفات دالشكلاط الي عندنا و نديرو طريف بين كل كويرة و كويرة ثم ندهنوها من الفوق باصفر البيض و نخليوها تخمر مزيان ثم تدهن مرة اخرى باصفر البيض و ندخلوها للفران تطيب و منين تطيب من التحت و نبغيو نزلوها باش تتحمر من الفوق نجبدوها و ندهنوها مزيان بالعسل ثم ندخلوها تتحمر و نردو البال حيت دغيا كتحمر وتاخد اللون السيدة خديجة قالت ان هذه الشهدة كتجي هائلة او بالصحة والراحة

sousou01
29-08-2009, 18:00
سلطة بالخضر على شكل طورطة
المقادير
ناخدو الكمية اللي بغينا من الخضر: خيزو+ بطاطا+ لوبيا خضرا+ كرعة خضرا و نقشروهم و نقطعوهم صغير و نزيدو عليهم جلبانة طرية (او معلبة) و لفتة واحدة مقشرة و مقطعة صغير و نديروهم يتصلقو مجموعين في الماء و الملح (طبعا الجلبانة معلبة لاتحتاج للصلق)
نصلقو مقدار ديال الروز بوحدو ثم نصفيو كلشي و نزيدو على الروز و الخضر الذرة معلبة و شوية الملح و البزار (و يمكن نزيدو حتى الفرماج و كاشير مقطع الا بغينا)و نخلطو كل العناصر بالمايونيز و نديروهم في مول مدهون بالزيت يكون على شكل وردة (او اي شكل زوين عندنا) و نضغطو على الخليط من الفوق بالملعقة باش يشد الفورمة ديال المول ثم نقلبو السلطة في اناء مفرش بالخس ثم ناخدو طون بالزيت مصفي و مفرتت و نبداو نلصقوه على الجناب كلهم و نغطيوها من الفوق بطبقة مايونيز و نديرو وردة من قشور مطيشة ونحطوها الفوق وسط الطورطة و ناخدو كورنيشو نغسلوه مزيان من الملح و نقطعوه شرائح رقاق و نديرو بيهم الساق و الاوراق ديال الوردة و نقدموها بالصحة والراحة

sousou01
29-08-2009, 18:01
بحلاوة من السيدة خديجة ( تمارة)
مقادير العجين
رابعة فورص
125 غرام زبدة (نصف رابعة)
ماء الزهر لجمع العجين
الحشوة
كيلو ديال اللوز النصف مصلوق و مقشر و مطحون و النصف محمر فالفران و مطحون ( او كركاع او كاوكاو)
شوية القرفة
شوية مسكة حرة
ملعقة كبيرة زبدة
لوز مصلوق للتزيين
عسل للسقي
(السيدة نسات السكر كل واحد يضيف القدر اللي يناسبو و يحلي لينا الحشوة من السكر كلاصي)
الطريقة
نديرو الطحين و الزبدة في اناء و نخدموهم مزيان ثم نجمعو الخليط بمازهر ما تكونش العجينة قاصحة تكون لينة شوية ثم نقسموها على جوج كويرات و نخليوها جانبا
نخلطو اللوز مع القرفة و المسكة و الزبدة و السكر مزيان حتى نحصلو على عقدة
نطلقو كرة من العجين بالمدلك تكون رقيقة بزاف و نديروها فلاطة مدهونة ثم نديرو فوقها الحشوة و نقادوها ثم نغطيوها بطبقة اخرى ديال العجين و نقطعوها بالموس على شكل مربعات او معينات و نزين كل مربع بلوزة و ندخلوها للفران تطيب و تتحمر (راه كتاخد الوقت فالطياب )و منين تخرج من الفران تسقى بالعسل و هي سخونة باش تشربو و نديروها فكويغطات الحلوى

sousou01
29-08-2009, 18:01
تجفيف العنب و الكرموص للحصول على الزبيب و الشريحة
الزبيب
ناخدو كمية من العنب حسب النوع اللي بغينا(احسن نوع هو العنب الصغير اللي بلا عظم اسمه السيبري و يستعمل للزبيب الابيض )
نديرو العنب في زيف حياتي و نحزموه بحال الكموسة و نعلقوها فشي بلاصة فالظل و نخليوها حتى كينزل الماء من العنب و ينشف و يولي زبيب بعد 15 يوم تقريبا ثم نحتفظ به عادي
الشريحة
ناخدو الكرموص و نرشوه بشوية الملح (باش ما تجيش ليه الحشرات) و نفرشو ليه شي حاجة ونديروه فالشمس حتى يكرم

sousou01
29-08-2009, 18:02
مربى الكرموص
المقادير
كيلو كرموص مغسول و مقشر
نصف كيلو سنيدة
عصير حامضة + القشرة ديالها محكوكة
كاس ماء
الطريقة
نخلطو العناصر و نخليوهم ليلة كاملة(في الثلاجة) حتى يطلق الكرموص الماء ديالو ثم نطحنوهم في مكينة ديال مطيشة فالجهة اللي عيونها كبار و نديرو الخليط يطيب فوق نار مهيلة مع التحريك مرة مرة حتى يطيب و يعقد شوية (حسب كيفاش بغيناه جاري ولا عاقد) كيحتاج تقريبا 45 دقيقة ثم نحتفظ به في قراعي معقمين
نستعمل نفس الطريقة للحصول على مربى الشريحة

sousou01
29-08-2009, 18:03
مربى العنب
المقادير
كيلو عنب (النصف مقشر و النصف بقشورو )
نصف كيلو سنيدة
نخلطو العنب مع السكر و نبيتوهم ليلة فالثلاجة ثم نطحنوهم في مكينة مطيشة باش تزول القشرة بعدما دارت المفعول ديالها ثم نديروه يطيب فوق نار مهيلة و نديروه فقراعي كيبقى مدة طويلة

sousou01
29-08-2009, 18:03
طبق اليوم هو التريد بالحمام من عند الحاجة عزيزة (مكناس)
المقادير
كمية من التريد او رغايف يكونو رقاق
مقدار ديال الحمام (وحدة لكل شخص) مغسول و مسقطر
لوز مقلي (او كركاع)
سكر (نصف مقدار اللوز)
قرفة مطحونة
ربطة قزبر و معدنوس ما مقطعش
عود قرفة
ملح+ بزار +سكينجبير+ زعفران حر + ملون :
زيت
ماء
مقدار من البصلة مشلضة
شوية السمن
الطريقة
نطحنو اللوز مع السكر و القرفة و نعمرو بيه الحمام و نسدوه من التحت بعويد ديال السنان
في طنجرة نديرو الربيع و عود القرفة و الملح والبزار و السمن و الزعفران و الملون و شوية الزيت والماء و نحركو و نغمسو الحمام في الخليط و نديروه فوق النار و منين تطلع فيه الغلية نزيدو عليه البصلة و الزيت و نديرو الماء الكافي و نسدو عليه يطيب
منين يطيب الجمام نزولوه و نخليو المرق يعقد ثم ناخدو طبق التقديم نديرو فيه فرشة ديال التريد و نديرو فوقها الحمام و نديرو تريدة بين كل حمامة وحمامة و نسقيو بالمرق ثم نغطيو بالتريد من الفوق و نزقوه بالسكر و القرفة بحال البسطيلة

sousou01
29-08-2009, 18:04
التيراميسو
المقادير
2 بيضات
100 غرام سكر
علبة جبن جبلي
بكية جبن الماسكاربول
بيسكوي طويل (كيكون مفند من جهة فسنيدة)
نصف لتر قهوة مقطرة قاصحة
الطريقة
نفرقو اصفر البيض عن الابيض
نطربو البياض حتى يولي بحال الثلج
نطربو الصفر مع السكر مزيان بالباطور حتى يطلع الخليط و يولي ابيض ثم نزيدو عليه الجبن اللي عندنا ونطربو مزيان بالباطور ثم نضيف ابيض البيض و نخلطو بملعقة خشب
نفزكو البيسكوي و نستفوه في مول ثم نكبو فوقه لاكريم اللي عندنا و نقادوها ثم نرشو الكاكاو من الفوق
الي بغى يمكن يدير طبقات من البيسكوي و لاكريم http://www.*************/vb/images/smilies/*************%20%2884%29.gif

sousou01
29-08-2009, 18:05
عصير ضد الامساك (يشرب عند الفطور في رمضان)
المقادير
رابعة برقوق يابس (مغسول و مرقد 4 ساعات في الماء )
3 معالق كبار نافع
1 لتر ماء
2 معالق كبار عسل طبيعي (او عادي او سكر )
2 حكاك ياغورت طبيعي
الطريقة
نديرو الماء و النافع في كسرونة فوق النار و نخليو الخليط يغلي ثم نزولوه و نخليوه يبرد و نصفيوه
نزولو العظم ديال البرقوق و نقطعوه صغير و نديروه في الخلاط الكهربائي و نزيدو عليه الماء المنسم بالنافع و العسل و الياغورت و نطحنو مزيان و نديرو العصير فالثلاجة يبرد ثم يقدم

مشروب لتصفية البشرة والجسم من السموم
قرعة ماء معدني ديال لتر و نصف نديرو فيها كيس ديال ليبتون و دائرة ديال الحامض و نخلطو مزيان و نبقاو نشربو من هاد الماء طول اليوم حتى نكملوه

sousou01
29-08-2009, 18:05
حرشة خفيفة
المقادير
نصف لتر حليب
نصف كيلو سميدة رقيقة
كاس صغير سنيدة
نصف كاس زيت
2 خمارات
رشة ملح
قشرة برتقالة محكوكة + العصير ديالها
الطريقة
نخلطو السميدة و سنيدة و الزيت و كل المقادير اللي عندنا غدي يولي عندنا خليط جاري نديروه في مقلة ثقيلة مدهونة مزيان بالزبدة و مرشوشة بالدقيق و ندخلوها للفران تطيب و تتحمر ثم نخرجوها و نديرو المقلة فوق زيف فازك باش تزول منها الحرشة بسهولة كتجي رطبة و هشيشة

sousou01
29-08-2009, 18:06
الحرشة معمرة باللحم
العجين
كيلو سميدة رقيقة
خمارة ديال الحلوى
شوية الملح
كاس صغير زيت المائدة
ماء لعجن الخليط
الحشوة
رابعة هبرة اللحم مقطعة صغير (او دجاج او بيبي)
2 بصلات كبار مشلضين
ملح+ بزار+ كمون+ تحميرة+ سكينجبير +خرقوم + شوية سودانية(اختياري)
قزبر و معدنوس مقطعين
زيت
ملعقة كبيرة من شحمة الكلوة مقطعة صغير
الطريقة
نشحرو البصلة و اللحم مزيان مع الزيت والتوابل اللي عندنا ثم نزيدو الربيع و نزولوهم من فوق النار ونخليوهم يبردو
نخلطو السميدة مع الملح و الخمارة والزيت و نبسسوها مزيان ثم نزيدو الماء و نخلطو حتى نحصلو على عجينة خفيفة و نخليوها ترتاح شوية
ندهنو المقلة الثقيلة بالزبدة و نرشوها بالسميدة
نقسمو العجينة على جوج نديرو النصف الاول في المقلة و نكرصوه مزيان ثم نديرو الحشوة و نقادوها فوق العجين و نخليو شي سنتيم ديال الحاشية بلا حشوة ثم نغطيو بالنصف الاخر ديال العجين و نقادو الجناب بالموس و نرشوها بالسميدة من الفوق
و هنا عندنا الاختيار اما ندخلو الحرشة تطيب فالفران من التحت ثم تتحمر من الفوق او يمكن نطيبوها فوق البوطة حسب الطريقة المعروفة

sousou01
29-08-2009, 18:07
وصفة لتغطية الشيب
100 غرام تاكاوت نحمروها شوية فالمقلة و ندقوها و نخلطوها مع الحنة و الماء ونديرو الخليط فالشمس مدة نصف ساعة ثم نديروها للشعر و نخليوها ساعة ثم نغسلوها
هذه الوصفة تستعمل مرة كل 15 يوم و كتعطي للشعر لون اسود

sousou01
29-08-2009, 18:07
كلاص بالشريحة
6 شريحات مقطعين صغير
5 بيضات
100 غرام سنيدة
كاس صغير ماء + ملعقة صغيرة ماء الورد
250 غرام كريم فريش نطربوها بالباطور حتى تطلع مزيان
100 غرام شكلاط اسود مذوب في حمام مريم
الطريقة
نديرو الماء في كسرونة فوق النار و منين يغلي نزيدو عليه سنيدة ونخليوه حتى تدوب و يولي عندنا سيرو ثم نزولوه من فوق النار
نطربو اصفر البيض بالباطور مع اضافة السيرو على شكل خيط و احنا كنطربو ثم نضيف الشكلاط للخليط ثم نضيف لاكريم فريش مطربة و نخلطو حتى ينسجم الخليط ثم نضيف بياض البيض مطرب بحال الثلج و في الاخير نضيف قطع الشريحة و نديرو الكلاص في بواطة و ندخلوه للمجمد ليلة كاملة ثم يقدم في كؤوس على شكل كويرات وهاد الكلاص كيجي بحال لاكريم كلاصي

sousou01
29-08-2009, 18:08
البسبوسة من الاخت امال(المحمدية)
المقادير
نصف لتر حليب سخون
نصف كيلو سميدة رقيقة
كاس عنبة سنيدة
كاس عنبة ما عامرش زيت
قشرة برتقالة كبيرة محكوكة
عصير 2 برتقالات
3 خمارات
رشة ملح
عصير برتقال لسقي البسبوسة
الطريقة
في اناء نديرو العصير و القشور و سنيدة ونخلطو بالملعقة (او اليد) ثم نضيف الزيت و نخلطو ثم الحليب دائما مع التخلاط ثم السميدة و في الاخير نضيف الخمارة و نخلطو كلشي
ندهنو مول بالزبدة و نرشوه بالدقيق و ندخلو الخليط للفران اللي نكونو سخناه مزيان من قبل و نخليو البسبوسة تطيب من التحت ثم نحمروها من الفوق و منين تخرج من الفران تسقى بعصير البرتقال و هي سخونة و تزين بالكوك او كاوكاو ثم تقطع على شكل معينات و تقدم بالصحة والراحة
الاخت امال قالت ان هاد البسبوسة كتجي رائعة

sousou01
29-08-2009, 18:09
العسل من السيدة حورية
المقادير
2 كيلو سنيدة
شوية قرفة اعواد
نصف حامضة
شوية زعفران حر
شوية زعتر
شوية سواك الفم ديال الكركاع
كاس كبير ماء
الطريقةنديرو كل العناصر في كوكوت (يمكن نديرو الاعشاب في كموسة) و نديروها فوق نار متوسطة و نحسبو 20 دقيقة بعد الصفارة و نطفيو النار ثم نضيف للخليط 2 كيسان كبار ماء بارد و نبعدو وجهنا لان الخليط كيغلي و ها العسل واجد بلا ما نعاودو نرجعوه فوق النار
السيدة حورية قالت انه كيجي غزال و كيبقى مدة طويلة
بالنسبة للسواك راه دارتو باش يعطي اللون اللي ما بغاش يديرو يمكن يعوضو بحبوب اتاي او ليبتون

sousou01
29-08-2009, 18:09
الدجاج في الفرن بالسالمية و الازير
المقادير
دجاجة من كيلو ونصف لجوج كيلو
الشرمولة: قزبر و معدنوس مقطعين+ ملح+ بزار+ سكينجبير +طريفات زبدة+ تحميرة+ زيت+ شوية عصير الحامض
البصلة مقطعة دوائر
مطيشة مقطعة دوائر
عريشات سالمية و ازير
بطاطا صغيورة مقشرة صاينة
الطريقة
نشرملو الدجاجة بالشرمولة اللي عندنا مزيان من الداخل و من برا و نديرو الازير و السالمية فالداخل ديالها ثم نكتفوها و نثقبو الصدر ديالها بالموس باش يدخلو الطياب
ناخدو مول و نديرو فيه فرشة ديال البصلة ثم فوقها فرشة ديال مطيشة ثم نحطو الدجاجة الفوق و ندورو عليها البطاطا من الجناب نديرو الزبدة من الفوق و نكبو الشرمولة اللي بقات و نغطيو بورق المنيوم و ندخلوها للفران تطيب دون اضافة الماء
منين تطيب الدجاجة نزولوها من المول هي والبطاطا و ندهنوهم بالزبدة و نرجعوهم للفران يتحمرو و مرة مرة نقلبوهم باش يتجمرو من كل الجوانب
نطحنو البصلة و مطيشة في الخلاط على شكل صلصة
نديرو الدجاحة مع البطاطا في طبق التقديم و نقدمو معاهم لاصوص فزليفات

sousou01
29-08-2009, 18:10
طبق اليوم هو شاوارما بطريقة جديدة من السيدة ربيعة
المقادير
لحم مقطع شرائح رقيقة حسب الكمية اللي عندنا (او بيبي او حتى الكفتة )
زيت
بصلة مقطعة شرائح
شوية سكين جبير+ بزار+ ملح
فلفلة خضرا حلوة ( او حارة حسب الذوق) مقطعة شرائح
بهارات الشاوارما (هيل قرنفل سكينجبير سودانية بزار ابيض كوزة و خرقوم)
3 بطاطات كبار مصلوقين و مطحونين
فرماج احمر محكوك
ثومة (من الاحسن تكون غبرة)
ملعقة كبيرة زبدة
شوية المعدنوس
نصف كاس حليب
صلصة البيشاميل
الطريقة
نقليو اللحم فالزيت و نزيدو البصلة و سكين جبير و الملح والبزار و الفلفلة و البهارات و نخليوهم يتشحرو مزيان ومنين يطيب اللحم نزولو الخليط من فوق النار و نديروه في مول
نخلطو البطاطا مطحونة مع الزبدة و الثومة و شوية المعدنوس و شوية من الفرماج محكوك و الحليب و نديرو منها كويرات صغار نستفوهم فوق اللحم اللي درنا فالمول( نغطيوه كله) ثم نديرو عليها صلصة البيشاميل و نرشو الفرماج من الفوق و ندخلوها للفران شوية لان العناصر طايبة و منين تتحمر نخرجوها و نخليوها تبرد شوية و نرشو عليها المعدنوس من الفوق و تقدم بالصحة والراحة

sousou01
29-08-2009, 18:10
دانون بحال ديال الزنقة
ناخدو 12 ملعقة حليب غبرة نخلطوها مع 1 لتر ماء في الخلاط الكهربائي ثم نضيف 2 حكاك دانون باي نكهة بغينا و سكر حسب الذوق و نخلطو العناصر مزيان و نحتفظ بالخليط (طبعا منين نبغيو نزيدو دانون للخلاط خصنا نقصو الحليب باش ما يفيضش من الخلاط حيت الخليط كثير)
ناخدو 8 معالق اخرى من نيدو و نخلطوها مزيان في الخلاط مع 1 لتر ماء و نديرو الخليط يغلي فوق النار و مباشرة منين تطلع الغلية نخويو عليه الخليط الاول و نديروه في سطل صغير كيتسد و نسدو عليه و نغطيوه ونخليوه فوق البوطاجي من الليل للصباح ثم ندخلوه للثلاجة يبرد يمكن نزيدو عليه الفاكهة اللي متوفرة عندنا نقطعوها و نضيفوها ليه
يمكن ايضا الا كنا شاعلين الفران منين نطفيوه ويدفى شوية ندخلو ليه السطل و نخليوه فيه
السيدة ربيعة شكرات هاد الياغورت بزاف قالت انه كيجي رائع فالمذاق و مايمكنش نفرقو بينه و بين ديال الزنقة

sousou01
29-08-2009, 18:11
كموسات ديال الورقة معمرين بالحوت
المقادير
فلفلة خضرا مشوية و مقشرة و مغسولة و مسقطرة و مقطعة مربعات كبار(من نصف كيلو الى كيلو الا ربع)
فيلي ديال الحوت مبخر مع الماء و طريف ديال الحامض و منقي من الشوك الا كان فيه
شوية زيت بلدية
ثومة محكوكة
ملح+ بزار
معدنوس مقطع
ورقة البسطيلة صغيرة
الطريقة
نديرو الفلفلة في مقلة مع الزيت و الثومة والملح و البزار و نخليوها تتشحر حتى يتبدل ليها اللون ثم نزيدو عليها المعدنوس و نزولوها من فوق النار
ناخدو ورقة ديال البسطيلة ونديرو فوقها نصف ورقة اخرى نحطوها الوسط باش ماتقطعش لينا بالحشوة ثم نديرو شوية الفلفلة الوسط و نديرو فوقها فيلي ديال الحوت و نجمعو الورقة بحال الكموسة و نشدوها بعويدات الاسنان و نقليوهم فشي حاجة غارقة و نسقطروهم من الزيت و نديروهم في طبق مفرش بالخس و مطيشة و نقدمو معاهم الصلصة
صلصة مرافقة
نصف ملعقة موطارد+ شوية الزيت البلدية+ عصير نصف حامضة+ ملح+ بزار +شوية معدنوس مقطع نديروهم فقرعة و نسدوها و نخلطوهم مزيان ثم نديرو الصلصة فزلافة ونقدموها مع الكموسات اللي وجدنا و بالصحة والراحة

sousou01
29-08-2009, 18:12
ديسير بالفواكه و المورانك
المقادير
2 بنانات
2 تفاحات
بعويد+ خوخ+ فريز (حسب الفواكه اللي عندنا)
ننقيو الفواكه و نقطعوهم شرائح طويلة و نديروهم في مقلة مع شوية الزبدة و سنيدة و نخليوهم يتعسلو و يطلقو الماء ديالهم ثم نطفيو عليهم
تحضير المورانك
ناخدو 5من بياض البيض (او اقل حسب كمية الفواكه) و نطربوهم مزيان بالباطور مع رشة ملح و منين يطلعو نبقاو نزيدو السكر كلاصي مع التطراب حتي يعقد الخليط و يولي بحال الثلج
نديرو الفواكه اللي عسلنا فزليفات صغار كيدخلو للفران و نديرو فوقهم المورانك يمكن نديروها على شكل وريدات وندخلوهم للفران غير يتذهب اللون ديال المورانك و نخرجوهم. هاد الديسير كيجي بنين بزاف حسب راي صاحبة الوصفة
يمكن تعويض المورانك بلاكريم باتيسيير

sousou01
29-08-2009, 18:12
خبز بالزيتون الاسود من السيدة عزيزة من العرائش
المقادير
رابعة من طحين القمح بالنخالة ديالو
رابعة فورص
20 غرام خميرة معجونة(ملعقة كبيرة و نصف)
100 غرام زيتون اسود مزولين ليه العظم و مقطع
ملعقة كبيرة ملح
ملعقة كبيرة زيت زيتون
300 مليلتر ماء (او على حسب الدقيق)
الطريقة
نخلطو المقادير اللي عندنا ما عدا الزيتون وندلكو العجينة مزيان ثم نزيدو الزيتون للعجينة ونقسموها على اربع كويرات ناخدو كل كرة ندوروها مزيان فالفورص الفوق ديالها خاصو يعمر بالفورص ثم نديروهم في لاطة بلا ما نكرصوهم و ناخدو سكين ماضي و نفلحو كل كرة من الفوق على شكل زائد (الفلحة تكون داخلة شوية فالعجينة)ثم نخليوهم يخمرو و ندخلوهم للفران يطيبو وبالصحة والراحة
اوا هذا خبز مدوز راسو http://www.*************/vb/images/smilies/*************%20%2827%29.gif

sousou01
29-08-2009, 18:13
خبز بالاعشاب
المقادير
2 كيسان كبار و نصف طحين
ملعقة كبيرة خميرة
ملعقة صغيرة سكر
ملح
ملعقة كبيرة معدنوس مقطع
ملعقة كبيرة ازير
ملعقة كبيرة اوراق البسباس (او تعوض بالنافع )
4 اوراق سالمية
ملعقة صغيرة ثوم قصبي(الا كان موجود)
ماء دافي لجمع العجين
الطريقة
نخلطو جميع العناصر ما عدا الاعشاب و نعجنو مزيان وفي النهاية نزيدو الاعشاب اللي عندنا و نغطيو العجينة تخمر ثم نديروها على شكل جوج باكيطات و نديرو القطبان بجوج على شكل زائد يعني واحد على واحد و نلويو الجناب ديالهم يعني ندورو الراس ديال كل قطيب و نخليوهم يخمرو ثم ندخلوهم للفران
صراحة طريقة التشكيل ماواضحاش مزيان لكن المهم هو العجين و كل واحد يشكلو كيفما بغى

sousou01
29-08-2009, 18:14
عصير لذيذ بالمانك
المقادير
حبة من المانك
2 خوخات
نصف لتر عصير برتقال
سنيدة حسب الذوق
نصف لتر ماء
نديرو كل العناصر في الخلاط الكهربائي و نطحنوهم مزيان و نديرو العصير يبرد مزيان فالثلاجة و يقدم بالصحة و الراحة

sousou01
29-08-2009, 18:15
طبق اليوم هو المسقعة المصرية من السيدة نجاة
المقادير
2 كيلو دنجال نقشروه و نقطعوه دوائر رقاق و نديروه فالماء و الملح مدة ربع ساعة ثم نصفيوه ونقليوه فالزيت او يمكن نستفوه في لاطة مدهونةبالزيت و ندهنوه حتى هو بالزيت و ندخلوه للفران يتحمر
2 بصلات كبار مشلضين
مقدار كفتة حسب الموجود
كيلو الا ربع مطيشة محكوكة+شوية مطيشة الحك
زيت
ملح+ بزار +شوية قرفة +سكينجبير
شوية كوزة(اختياري)
2 ضروس ثوم محكوكين
الطريقة
نشحرو البصلة و الثومة مزيان فالزيت ثم نزيدو الكفتة و نشحروها معاهم ثم نضيف مطيشة و التوابل ونخليوهم يتشحرو مزيان ونخليو العناصر حتى تطلق فبعضها وتوجد الصلصة
ناخدو مول عالي نديرو فيه فرشة ديال الدنجال و فوقها فرشة ديال صلصة مطيشة والكفتة ثم فرشة دنجال والطبقة الاخيرة تكون صلصة مطيشة والكفتة نقادوها وندخلوها للفران تطيب و تتحمر من الفوق ثم تقدم بالصحة والراحة

sousou01
29-08-2009, 18:15
الروز بالشعرية (اكلة مرافقة للمسقعة)
المقادير
كاس عنبة شعرية رقيقة
نصف كيلو روز
ملعقة كبيرة زبدة+ ملعقة كبيرة زيت
ملح
ماء(بارد او سخون)
نديرو الزبدة و الزيت في طنجرة و نديرو معاهم الشعرية و نشحروها مزيان حتى تتحمر و نحصلو على لون ذهبي ثم نزيدو الروز و نخليوه يتحمر شوية معاها ثم نغطيوهم بالماء و الماء خاصو يكون فايت الروز بمقدار ثلث اصبع ومنين يغلي الماء نقصو العافية على الحد و نغطيوه و نخليوه يطيب وينشف من الماء تقريبا ربع ساعة ثم نحركوه ونشوفو واش وجد ولا نزيدو شوية الماء طايب و منين يوجد الروز يقدم مع طبق المسقعة بالصحة والراحة

sousou01
29-08-2009, 18:16
المهلبية
المقادير
1 لتر حليب
4 معالق كبار نشا مذوبين فشوية حليب او ماء
شوية مازهر (او فاني او ماء الورد)
سكر حسب الذوق
الطريقة
نديرو الحليب في كسرونة فوق النار مع السكر و مازهر و منين يغلي نقصو العافية و نزيدو عليه النشا ونبقاو نحركو بملعقة خشب حتى يبدى يعقد ثم نزولوه من فوق النار و نديروه فزليفات صغار نخليوهم يدفاو ثم ندخلوهم للثلاجة يبردو مزيان و عند التقديم نزينوهم بالكوك او زبيب او لوز مهرمش حسب الرغبة
يمكن نضيفو للحليب فالاول جوج معالق كبار ديال الكوك

sousou01
29-08-2009, 18:17
عصير لافوكا و الفواكه الجافة مقوي في رمضان
المقادير
حبة كبيرة افوكا مقشرة و مزولين ليها العظم
1 لتر حليب بارد
ملعقة كبيرة عسل طبيعي
3 معالق كبار لوز مصلوق و مطحون
5 حبات تمر معجون
2 معالق كبار كركاع مهرمش
قبصة مسكة حرة مطحونة
2 حكاك دانون فاني
قبصة قرفة
2 معالق كبار زبيب
نديرو لافوكا في الخلاط الكهربائي مع الحليب و باقي العناصر و نطحنوهم مزيان و نقدمو العصير بالصحة و الراحة

sousou01
29-08-2009, 18:17
رغايف بالكفتة من السيدة نزيهة (برشيد)
مقادير العجين
زلافة من دقيق القمح الممتاز
زلافة فورص
خميرة
ملح
ماء دافي
مقادير الحشوة
فلفلة حمرا مقطعة
فلفلة خضرا مقطعة
2 بصلات مقطعين
100 غرام كفتة
شوية معدنوس مقطع
ملح+ بزار+ تحميرة
ملعقة كبيرة زيت
الطريقة
نشحرو الفلفلة و البصلة فالزيت ثم نضيف الكفتة و المعدنوس و التوابل و نحركو مزيان و نخليوهم يتشحرو و ينشفو من الماء ثم نخليو الحشوة تبرد
نعجنو المقادير الاولى و ندلكو العجينة مزيان و نديروها على شكل كويرات ثم نورقو كل كويرة بالزيت و نديرو فيها شوية من الحشوة و نطويوها و نطلقو كويرة اخرى دون حشوة و نديرو فيها الرغيفة الاولى و هكدا نديرو وحدة فقلب وحدة الاولى تكون عامرة والاخرى لا ثم نديروهم في لاطة مدهونة و ندخلوهم للفران يطيبو و يتحمرو

sousou01
29-08-2009, 18:18
كراتان بالبطاطا ولاكريم فريش من السيدة نادية (بروكسيل)
المقادير
5 بطاطات مصلوقين في الماء و الملح و ضامة البنة او اي نسمة بغينا (قرنفل او ورقة سيدنا موسى)و مقطعين مربعات كبار
250 ميللتر كريم فريش
ملعقة صغيرة عامرة من عجين الثوم
ملح+ بزار
كرعة خضرا مقطعة مربعات بلا ما تصلق
فرماج محكوك
تحميرة
الطريقة
نخلطو لاكريم فريش مع الثومة و الملح والبزار مزيان و نديرو الخليط في مول ثم نستفو فوقها البطاطا ونزوقو بالكرعة يعني نستفو مربعات بطاطا و نديرو حداها الكرعة و لكن البطاطا تكون غالبة ثم نرشو الفرماج محكوك من الفوق و نرشو فوقه التحميرة وندخلوهم للفران يطيبو و يتحمرو من الفوق و البطاطا غدي تشرب لاكريم فريش و يتجمع الخليط يؤكل هاد الكراطان سخون بالصحة و الراحة

sousou01
29-08-2009, 18:18
عصير باللبن و الفواكه
*المقادير
1 لتر لبن
3 حتى ل4 حبات كرموص
2 خوخات
ربع سويهلة
سكر حسب الذوق
نطحنو جميع العناصر في الخلاط الكهربائي و نديرو العصير يبرد و يقدم بالصحة و الراحة كيجي المذاق ديالو غزال

sousou01
29-08-2009, 18:19
طورطة باردة بلاكريم باتسيير و المورانك من السيدة نوال (تارودانت)
المقادير
**العجين المكسر
150 غرام زبدة
250 غرام دقيق
بيضة
2 معالق كبار سكر كلاصي
ملعقة كبيرة زيت
نخلطو الزبدة و الدقيق و السكر و الزيت حتى يولي خليط مرمل ثم نجمعو بالبيضة و نخليو العجينة ترتاح ثم نسرحوها بالدقيق و نديروها في قوالب فردية او في مول و نثقبوها بالفورشيت و ندخلوها للفران تطيب
**لاكريم باتسيير
نصف لتر حليب
100 غرام شكلاط اسود مربعات
3 بيضات (نفرقو الصفر على الابيض)
100 غرام سنيدة
100 غرام زبدة ذايبة
5 معالق كبار دقيق
1 فاني
الطريقة
نديرو الحليب فوق نار مهيلة و نزيدو عليه الشكلاط و نخليوه حتى يغلي و يذوب الشكلاط ثم نزيدو الصفر و احنا كنطربو بسرعة بالضراب اليدوي (باش ما يطيبش البيض)و نزيدو سنيدة و الزبدة و فاني ونحركو ثم نبداو نضيفو الدقيق ملعقة ملعقة مع التخلاط المستمر حتى نكملو و نبقاو نحركو حتى يعقد الخليط و تولي لاكريم جاهزة ثم نزولوها من فوق النار
*نطربو بياض البيض مع رشة ملح ثم نبقاو نزيدو السكر حتى يولي بحال الثلج (مورانك)
نديرو لاكريم باتسيير فوق العجين اللي طاب ثم نديرو المورانك من الفوف و ندخلو الطورطة للفران باش بياض البيض يشد فراسو من الاحسن تكون النار من الفوق و غير يبدى يقصاح و يتذهب اللون ديالو نخرجوه
يمكن نزينو الطورطة بالفواكه او من الاحسن تزين بخطوط شكلاط اسود على شكل ميلفوي و نديروها فالثلاجة تبرد مزيان و تقدم بالصحة و الراحة

sousou01
29-08-2009, 18:20
سمك كبايلا معلب ( بحال الطون ديال العلب)
المقادير
كيلو من سمك كبايلا نديرو عليه الماء طايب ثم نزولو السنسول و الراس و نهزو غير الطراف البويض
نصف كاس زيت
2 طريفات حامض طري
2 مزاود ديال الحار
ملح
نديرو الزيت في كوكوت و نديرو طراف الحوت و الحامض و الحار و الملح و نسدو عليهم على نار مهيلة مدة ربع ساعة ثم نحلو الكوكوت و ها الطون ديالنا واجد بالصحة والراحة

sousou01
29-08-2009, 18:20
مربى الكرموص من السيدة جميلة (خريبكة)
المقادير
كيلو كرموص مغسول و منشف و مقسوم على جوج (يمكن نديرو الكرموص الاسود او الاخضر و لكن ما نخلطوهومش)
كيلو الا ربع سنيدة
نصف حامضة بقشورها مزولين ليها العظام
كاس صغير ماء
الطريقة
نديرو الكرموص في طنجرة و نزيدو سنيدة و الماءو الحامض و نخلطو مزيان و نديروهم فوق نار مهيلة و نحركو بملعقة خشب حتى تذوب سنيدة و منين يغلي الخليط نحسبو من نصف ساعة حتى لساعة الا ربع مع التحريك مرة مرة بلا ما نغطيو الطنجرة منين يطيب نزولو القشرة ديال الحامض و نطحنوه مع الكرموص في مكينة مطيشة ثم نحتفظ به في قراعي معقمة
يمكن نديرو نفس الطريقة بالنسبة للمشماش و الفريز و الماندرين بالنسبة للماندرين نقشروه و نزولو العظام و نزيدو كمية السكر حسب الحموضة ديالو يمكن نوصلو حتى لكيلو

sousou01
29-08-2009, 18:21
عصير خيزو و البرتقال من السيدة بشرى (تطوان)
المقادير
6 حتى ل7خيزوات مقشرين و مصلوقين
8 برتقالات معصورين
راس ملعقة قرفة
1 فاني
ملعقة مازهر
ياغورت فريز
سكر حسب الذوق
الطريقة
بعدما يبرد خيزو نديروه فالخلاط بالماء ديالو و نزيدو عصير البرتقال و العناصر الاخرى و نطحنو كلشي مزيان و نديروه فالثلاجة يبرد ثم يقدم بالصحة والراحة السيدة بشرى قالت انه كيجي زوين بزاف

sousou01
29-08-2009, 18:22
طبق اليوم هو ستيك بالصلصة مرافق بالروز
المقادير
نصف كيلو ستيك لحم او بيبي (او اكثر حسب الاشخاص)
قزبر و معدنوس مقطعين رقاق
ثومة محكوكة
2معالق كبار عصير حامض
ملح + بزار + قزبر حبوب مدقوق
زيت القلي
نشرملو الستيك بالعناصر اللي عندنا و نخليوه جانبا
*مقادير صلصة البيشاميل بالماء
نصف لتر ماء
علبة شامبينيو (فطر )
ضامة البنة
زعتر
2 معالق كبار زبدة
3 معالق كبار فورص
ملح + بزار
ملعقة كبيرة مطيشة الحك مدوبة فشوية الماء
في كسرونة فوق النار نديرو الماء يغلي ثم نزيدو الزبدة و مطيشة الحك و الضامة و الزعتر ثم الشامبينيو و نبداو نضيفو الطحين شوية بشوية مع التحريك المستمر و نبقاو نحركو حتى يبدى يعقد الخليط و نزولوه من فوق النار
نقليو الستيك فالزيت و نديروهم فوق الورق النشاف ثم نحطوهم في طبق التقديم و نديرو فوقهم شوية الصلصة و الوسط نديرو فيه الروز

*الروز sauté
المقادير
3 زلايف روز
6 زلايف ماء
3 بصلات متوسطين مقطعين دوائر رقيقة
ملح+ بزار
2 معالق كبار زيت
فرماج محكوك
نديرو الروز يطيب مع الماء و الملح والبزار حتى يشرب و يولي مفرز(يمكن اضافة ورقة سيدنا موسى)
نديرو الزيت في مقلة فوق نار مهيلة و نديرو البصلة و البزار و نخليوها تتشحر و تتحمر مزيان حتى تولي بحالا معسلة
ندهنو مول بالزبدة او زيت و نديرو طبقة ديال البصلة و نرشو نصف كمية الفرماج ثم نديرو طبقة ديال الروز و نرشو الفرماج من الفوق وندخلوه للفران يطيب على نار مهيلة حتى يعقد بحال الكيك تقريبا نصف ساعة ثم نخرجوه و نقلبوه باش تولي البصلة الفوق و نقطعوه دوائر بكاس مدهون بالزيت او مربعات و نديروه وسط طبق الستيك و يقدم بالصحة و الراحة

sousou01
29-08-2009, 18:23
السفوف بلا دقيق
المقادير
2 كيلو ايلان مكلي و مطحون مزيان
كيلو و نصف جنجلان محمر( كيلو نطحنوه و نصف كيلو يبقى صحيح)
كيلو لوز مكلي فالفران( النصف مطحون و النصف مهرمش)
3 معالق نافع مطحون
3 معالق حبة حلاوة مطحونة
2 معالق قرفة
ملعقة مسكة حرة
عسل+ زبدة لجمع الخليط
نخلطو العناصر اللي عندنا و نجمعوها بالزبدة مدوبة مخلطة مع العسل
هذا سفوف بطريقة جديدة مفيد و كيجي المذاق ديالو غزال حسب صاحبة الوصفة

sousou01
29-08-2009, 18:23
بالكوك ونيسلي من الاخت حسناء من سلا الجديدة
المقادير
4 بيضات
120 غرام كوك(3 دراهم)
حك ديال نيسلي
عبار حك و نصف من الحليب
1 فاني
الطريقة
نعزلو الصفر على الابيض
نخلطو الصفر مع الحليب و نيسلي و الكوك و الفاني بالضراب اليدوي
نطربو بياض البيض بحال الثلج ثم نضيفه للخليط الاول
نديرو الخليط فزليفات صغار كيستحملو الحرارة او في مول كبير و نديروه في حمام مريم يكون الماء غليان و ندخلو الفلن للفران يطيب نجربوه بموس او عود الا خرج ناشف يعني انه طاب كيحتاج تقريبا نصف ساعة
منين يخرج نخليوه يبرد و ندخلوه للثلاجة يبرد مزيان ثم يقدم بالصحة و الراحة
الاخت حسناء قالت بانه كيجي رائع و يستحق التجربة

sousou01
29-08-2009, 18:24
الجبن بالزعتر من السيدة سعاد من بني ملال
المقادير
1 لتر حليب ( من الاحسن ديال العبار )
نصف لتر لبن
ملعقة كبيرة زعتر مطحون
نصف كاس عنبة زيت بلدية
رشة ملح
الطريقة
نغليو الحليب مع الزعتر فوق نار متوسطة و منين يفيض مباشرة نخويو عليه اللبن مع اضافة رشة الملح و نخليوه يرقد ساعة او اكثر حتى يطلع الماء الفوق ثم نديرو ثوب حياتي في اناء و نخويو فيه الخليط و نخليوه يتصفى (يمكن نعلقوه فروبيني)من بعد ناخدو شبكة وندردرو التحت الزعتر ونديرو الجبن و نخليوه يتسقطر مزيان ثم نقلبوه في طبق و نخويو عليه الزيت من الفوق ونديروه فالثلاجة كيشرب الزيت و كيجي خفيف وزوين

sousou01
29-08-2009, 18:24
جبن عادي
المقادير
1 لتر حليب بلدي
4 معالق خل ابيض
نغليو الحليب على نار متوسطة ثم نزيدو عليه الخل و نخليوه يرتاح 2 ساعات او اكثر ثم يصفى فالثوب
بهذه الطريقة الحليب ما كيضيعش منه بزاف

sousou01
29-08-2009, 18:25
خبز البانيني معمر بشوارما
*مقادير الخبز
نصف كيلو دقيق مخلط سبيسيال مع الفورص
ملعقة كبيرة خميرة معجونة
ملح
نخلطو العناصر ونجمعو بالماء و نخليوه يخمر ثم نشكلوه باكيطات او كريصات صغار و نديروه في لاطة مدهونة و نخليوه يخمر مرة اخرى ثم ندخلوه للفران يطيب ما نخليوهش يتحمر غير يدير القشرة و يشد فراسو و نخرجوه (حيت باقي تابعو الطياب)

*الشوارما
7 توابل مخلطين و مطحونين و مغربلين وهم:
قرفة+ قرنفل+ كوزة+ كمون+ قزبر يابس+ بزار+ فلفلة سودانية
بصلة مقطعة شرائح
ثومة محكوكة
معدنوس مقطع
خل ابيض
عصير حامض
ملح
كاس ياغورت مسوس(او كريم فريش)
2 معالق كبار مطيشة الحك
شرائح رقيقة ديال الدجاج او بيبي (او حتى اللحم )
نشرملو شرائح الدجاج بالعناصر اللي عندنا و نخليوهم فالثلاجة من3 الى4 ساعات ثم نديروهم في لاطة و ندخلوهم للفران تحت نار مهيلة ( النار تكون من الفوق) و نبقاو نحركوهم مرة مرة بالملعقة حتى يطيبو
منين يبرد خبز البانيني نحلوه و نديرو الحشوة و نديرو معاها مطيشة مقطعة و الخس و المايونيز و نديروه يتحمر في الالة الخاصة بتحضير البانيني و بالصحة و الراحة

sousou01
29-08-2009, 18:26
طبق اليوم هو سمك الموسطيل طايب بطريقة الدجاج محمر من السيدة الغالية من اسفي
المقادير
موسطيلة كتوزن من كيلو و نصف الى جوج كيلو (الموسطيل يشبه الصول و اللحم ديالو ابيض بحال الدجاج)
4 معالق كبار قزبر و معدنوس مقطعين
2 معالق كبار حامض مصير مقطع
4 ضروس ثوم محكوكين
بصلة صغيرة محكوكة
ملح+ بزار+ سكينجبير+ زعفران حر+ خرقوم+ ملون
شوية السمن
نصف كاس زيت مائدة
الطريقة
يغسل الحوت و يقطع طريفات و نزيدو عليه الشرمولة اللي عندنا و نرقدوه شوية
ناخدو مول نديرو فيه البصلة و طريفات الحوت بالشرمولة ديالو و نزيدو شوية الماء تقريبا نصف كاس و ندخلوهم للفران حتى يطيب الحوت و ينشف من الماء ثم يقدم بالصحة و الراحة المذاق ديالو كيجي بحال الدجاج محمر

sousou01
29-08-2009, 18:26
رايب
المقادير
لتر ماء
لتر حليب ولزم يكون حليب عبار
2كؤوس حليب غبرة
ياغورت بنكهة الفاني ولزم يكون عاقد
خنيشة فاني
4 الى5 معالق سكر مهم حسب الدوق
الطريقة

ناخد الماء ونوضعوه في الخلاط الكهربائي مع الحليب غبرة ولياغورت ولفاني ونخلطو جيدا ونوضعو الخليط في سطل يكون محكم الاغلاق

ونفيض الحليب ونخويوه حتى هو في السطل ونسد مزيان الى كان الجو سخون يبقى في الكوزينة عادي حتى لصباح والى كان البرد نغليو الماء ونصبوه في بانيو ونوضعو فيه السطلونغطيوه حتى لصباح
وفي صباح يدخل الثلاجة وتكال بارد

sousou01
29-08-2009, 18:27
مطيشة الحك
المقادير
5 كيلو مطيشة ومن الأحسن تكون الطويلة وتكون حمرا
بصللة متوسطة وحدةمقطعة على2
قبصة قزبر ماشي المعدنوس
قليل من الحبق
عويدات فقط نتاع لكرافص
80 غ ملحة لغليضة ضرورية
وزيف حياتي
الطريقة
نغسلو مطيشة مزيان ونوضعوها في طاوة فيها ماء غليان من بعد منزولوهامن الماء نحطوها فوق شي فوطة
نقشروهم ونوضعوهم في الكوكط وتكون بين مهيلة ومتوسطة والكوكوط تكون تقيلة وناخد مغرف لي تنحرك بيه ونحاول نفتتوها ونخليوها تطيب مدة نصف ساعة ومن بعد نصفيوها ونحتافض بالما ديالها جانبا وناخد اللب نطحنوه في الخلاط غادي نحصلو على عصير نحتفض بيه مدة ساعتين بحيت يتعزل الما منها وناخد الما تاني ونخلطوه مع لول ونوضعوهم فوق النار وناخد زيف دحياتي ونعملو فية باقي المقادير ونعقدو مزيان ونوضعوهم في وسط الما المصفى نتاع مطيشة ونخليوه حتى ينقص الما ويبقى القليل ناخد الكموصة ونعصروها مزيان ونزولوها ونضيف 80 غ ديال الملح في الما ونبقاو نحرك حتى تدوب الملحة كلها ومن بعد نضيف اللب نتاع مطيشة لي كنا حتفضنا بيهونحرك مزيان حتى يزول منها الما مزيان ونوضعوها في قراعي معقمة ونديروها في الكوكوط باش يتسد مزيان أو نغليو الما ونوضعوهم فيه على وجههم باش يتسد ومن بعد نحتافض بيها مدة 3الأيام عاد تستعمل وبصحةhttp://www.*************/vb/images/smilies/*************%20%2877%29.gifhttp://www.*************/vb/images/smilies/*************%20%2877%29.gifhttp://www.*************/vb/images/smilies/*************%20%2877%29.gifhttp://www.*************/vb/images/smilies/*************%20%2877%29.gifhttp://www.*************/vb/images/smilies/*************%20%2877%29.gifhttp://www.*************/vb/images/smilies/*************%20%2877%29.gifhttp://www.*************/vb/images/smilies/*************%20%2812%29.gifhttp://www.*************/vb/images/smilies/*************%20%2812%29.gifhttp://www.*************/vb/images/smilies/*************%20%2812%29.gifhttp://www.*************/vb/images/smilies/*************%20%2812%29.gif

sousou01
29-08-2009, 18:28
لعسل
المقادير
قالب سكر
لتر ماء
ربع حامضة
خنيشة أتاي أسود
قرفة عواد
نصف كاس ماء الزهر
10 دراهم شهدة لعسل
الطريقة
ناخد القالب نهرسوه ونوضعوه مع الما في الكوكوط ونخليوه حتى يدوب ونزيدو عليه ربع الحامضة وأتاي......وناخد الشهدية ونلفوها بزيف حياتي ونوضعوهافي الكوكوط وتكون على نار مهيلةhttp://www.*************/vb/images/smilies/*************%20%2865%29.gifhttp://www.*************/vb/images/smilies/*************%20%2865%29.gif ونسد مزيان وملي تصفر الصفارة نحسب 10 دقايق ونحلو عليه الا وجدناه مزال جاريhttp://www.*************/vb/images/smilies/*************%20%2874%29.gifhttp://www.*************/vb/images/smilies/*************%20%2874%29.gif نيدو حتى لعبار لي بغينا وهاهو واجد

sousou01
29-08-2009, 18:28
نصيحة لتعديل الفوند تان

قبل منعملوه ناخدو بيض بيضة مع2 معالق صغار زيت الزيتون نخلطوهم مزيان ودهني وجهك بهاد الخليط بستعمال القطن متقسيش المنطقة المحيطة بالعينين ومكان الفم
وتخليه 20 د ومن بعد غسلي عادي ومسحي بماء الورد وعملي الفوندو وتلاحضي الفرق

sousou01
29-08-2009, 18:29
نصيحةلازالت رائحة قلي البطاطس

نضيف عرش معدنوس في زيت القلي

نصيحة للاحتفاض بنكهة زيت البلدية

نضيف ليها قطعة سكر

sousou01
29-08-2009, 18:30
مطيشة بلفروماج

المقادير

5 حبات مطيشة كبار
ملح
معلقة كبيرة زيت
راس نتاع الثوم
الربيع
فروماج المحكوك أو المثلت اختياري

الطريقة

نأخد مقلة غير قابلة للالتساق ندهنها بمعلقة الزيت نقسم حبات نتاع مطيشة على 2 نرشوهم بلملح ونحطوهم على وجههم في المقلة ونغطيوهم ونخليوهم على نار مهيلة وملي تطيب شوية نقلبوها على ظهرها ونخليوها في المقلة
نحك ثوم ونوضع شيء بسيط جدا في كل نصف حبةوكذالك ربيع ولفروماج ونغطيوهم حتى يدوب الفروماج
وهاهي واجدة تتقدم مع السلطات على حسب الرغبة

sousou01
29-08-2009, 18:31
وصفة البيتزا اللي دارت اليوم في اللقاء المفتوح
نصف كيلومخلط فينو وفورص -ملعقة صغيرة خميرة الخبز -1دنون طبيعي من الاحسن نوع عاقد-ملح-ماء دافء للعجن يعجن الكل ويخمر
الحشوة
رابعة الكفتة-نصف كيلو مطيشة-الفلفلة خضراء-زعتر-1بصلة متوسطة-تومة-ورق موسى-ملح ابزار-فروماج محكوك 1ضامة البنة
الطريقة
مطيشة تقطع بقشرتها+البصلة مقطعة+ورق موسى+تومة+الماء يطيب الكل جيدا ثم يطحن ويصفىونضيف اليه في كسرولة الملح والابزار وقليل زيت العود+زعتر+ضامة البنة ويوضع على النار حتى يعقد اما الكفتة تشحر وحدها في قليل زيت ملح وابزار
الفلفلة تقطع دوائر رقاق وتوضع في ماء غليان 1د وتصفى
ناخد العجين ويطاق بالمدلك رقيق وتدهن بلصوص مطيشة تم نضع الكفتة تم دوائر الفلفلة+زيتون والفروماج في الاخير والى الفرن

sousou01
29-08-2009, 18:32
المقارونية
المقادير
نصف كيلو مقرونية شكل اختياري
فروماج محكوك
طرف كشير
قليل من الربيع
ملح +ابزار
لصوص بيشاميل
دجاج أو الكفة اختياري

مقادير لصوص بيشاميل
نصف لتر حليب
2 معالق دقيق
2 زبدة
ابزار +ملح
الطريقة معروفة وتكون سائلة بعض الشيء
الطريقة
نسلقو المقارونيةمع قليل من الملح مع ورقة سيدنا موسى ونصفيوها
ونضيف ليها لصوص بيشاميل + ابزار +ملح واذا أردنا اضافة الكفة نشحرها من قبل واذا أردنا اضافة الدجاج يجب أن يكون ناضج من قبل ونفتته ونضيفه وكما يمكن الاكتفاء بكشير فقط ونضيف الفروماج ونخلط الكل وندهن المول بزيت ونصب المقارونية وندخلها الفرن حتى تنضج

sousou01
29-08-2009, 18:32
صيحة للاحتفاض بالحلوة فيها كاوكاو المكلي

نحتافضو بيها في بلاستيكة ميدخلش ليها الهواء فهي تبقى مذة طويلة


نصيحة لحليب باش ميلسقش على الكسرونة

نضيف ليه معلقة ديال الماء

sousou01
29-08-2009, 18:34
شباكية
المقادير
كيلو ونصف دقيق
كأس زيت نتاع العنبة
رابعة زبدة مركلين مدوبة
رابعة زنجلان محمر ومطحون
2 كؤوس لوز مسوح و مطحون
2 معالق قرفة
2 معالق نافع محمرمطحون
القليل من زعترمطحون
قرعة ماء الزهرصغيرة
10 داهم زعفران شعرة
ملح
25 غ خميرة الخبز
كأس من الخل
مسكة حرة
الطريقة
نعمل الدقيق في القصعة ونضيف ليه العناصر الأخرى ونجمع العجين بشوية بشوية ومتتحتاش الدلكبزاف والباقي الكل كيعرف

sousou01
29-08-2009, 18:35
شباكية نوع أخر
المقادير
كيلو دقيق
نصف رابعة زبدة
ملح
راس الملقة خميرة معجونة
معلقة كبيرة القرفة
معلقة كبيرة نافع مطحون
5 معالق سنيدة
زعفران الحر
نصف كأس خل
2 فاني
قنينة ماء الزهر

الطريقة
نوضع الدقيق مع القادير كلها ونجمع الكل تكور صغيرة مثل الرغايف تتبسط وتقطع بجرارة على شكل مربع قد المقلى يعني كبير تنصهدوها من هاذ الجنب ومن الجنب الأخر مع العلم القلة مكتلسقش وميكونش فيها الزيت ومن بعد نلويو على شكل حلزوني ثم نلصق الأخير بالعجين تقطع مثل الفقاص يعني مائلة وتقليها في الزيت تتطفى في العسل وترش بزنجلان

sousou01
29-08-2009, 18:35
غايف نستعمل معاهم هاذ الجبن
المقادير
نصف كيلو فورص
بيضة
2 معالق زبدة أو 2معالق قشدة طرية
2معالق خل
معلقة سنيدة اختيارية
ملح

الحشوة
الجبن
الزيتون أسود مقطع
معدنوس
بصلة صغيرة مشحرة
زعيترة لتنسيم
الطريقةنجمع العجين عادي ممكن اظافة كأس حليب صغير للعجين نعمل كويرات صغيرة
نخلط الحشوة ونكرص كريصاتونعمروها ونكرص وحدة أخرى ونوضعها فيها ونبصطوهم وندخلهم الفرن أو نقليوهم وهاكذا

sousou01
29-08-2009, 18:36
سم الله الرحمن الرحيم
السلام عليكم ورحمة الله وبركاته
اختي اولا القواعد التي يجب الالتزام بها وهي
الابتعاد على كل ماهو معلب
" " " " الملونات
" " " " المنكهات
" " " "الدهون المشبعة
" " " " المشروبات الغازية
تطبخ بالزيت الزيتون فقط
وتصوم الاثنين والخميس
الالتزام بالمشي يوميا
سلطة قبل الاكل والخبز الكامل ويكون بدون فورص
ازالة اسكر من الاكل
قالت بانها تنهض مع الفجر بعد الصلات تشرب كاس كبيرة من الماء المغلى من قبلوتترك تبرد ممزوجة جيدا مع ملعقةكبيرة من العسل الحرة وهي تاكد على العسل الحرة ولا تتناول اي شيء بعدها واداحست بالجوع تاخد من لتر الى لترونصف من الماء ومن الاحسن ان يكون مغلى من قبل ويترك حتى يبرد وتشرب ولا تاكل اي شيء حتى الغذاء تاكل السلطة اولاوالغذاء يكون مشوي او في الفرن
ولا تنام بعد الاكل مباشرة بل تتمشى مذة نصف ساعة وتاخد القيلولة فقط مدةربع ساعة فقط
وكلما احست بالجوع تشرب لتر الى لتر ونصف من الماء المغلى من قبل وحتى في العشاء تشرب مثل كاس الصباح مع العسل وتبقى الى الصباح وهكذا
نقص وزنها15kg في ظرف شهران
اختي اعطيتك الوصفة بالتدقيق لانها مسجلة لدي ولا تنسيني من الدعاء

sousou01
29-08-2009, 18:37
مشروب مصنوع في الدار ( مثل دانب)
المقادير
نصف لتر حليب
كأس ياغورت مسوس
50غ سنيدة
الطريقة
نضع الكل في في الطحان الكهربائي ونخلط نصبه في اناء من الزجاج نغطيه بالبلاستيك الغذائي فهو يساعد على التختر بعدها يشرب بارد

sousou01
29-08-2009, 18:37
اومليط بالخضر
المقادير
بطاطس
جزر
الكرعة الخضرا
لوبيا
جلبانة
نجمع الكل ونعبر كيلوا لاروب
6 البيضات
قشدة الطرية
ضامة البنة
خمارة الحلوى
100غ جبن اوفروماج

الطريقة
نغسل الخضر جيدا نقطعها دوائر نضيف لها باقي العناصر ندهن الطاوة بالزبدة ونرش عليها لشبير ونضع الخضر يدخل الفرن مذة 10دقائق

sousou01
29-08-2009, 18:38
سلطة
زلافة جزر مسلوق مقطع
زلافة بطاطس مقطعة ومسلوقة
زلافة لوبيا مقطع اومسلوقة
رابعة روز من النوع الممتاز
علبة الطون
جلبانة مسلوقة
علبة ذرة
ميونيز بزايد
زيتون خضر مقطع
لتزيين
قشور الطماطم
خيارة
زيتون أسود
الطريقة
داك الميونيز كتخدي نص البوطة وتخلطي بهداك الخليط .ومن بعد
وكاتخوا الخليط فشي قالب باش ياخد الشكل دياو وعد باش تقلبيه فشي تبصيل
وتخوي داكشي اللي باقي لك من المايونيز فوق الخيليط عاد تزيني بدوائر الخيار
وقشور ماطيشة.والزيتون الاسود

sousou01
29-08-2009, 18:39
سمن
المقادير
نصف كيلو زبدة بلدية
كأس ملح
كأس زعتر
الطريقة
نغلي الزعتر في الماء ونتركه يبرد
بدوب الملح في الماء ونتركه يبرد
نغسل الزبدة جيدا حتى يصفو الماء من البياض أي الحليب
تم نغسل بماء الملح مع المعك جيدا
وأخيرا نغسل بماء الزعتر وأيضا مع المعك ونصفي الماء جيدا
طريقة التخزين
تكون القنينة معقمة نأخد لقيمات من السمن نضعها في القنينة نتك فيها اعواد الزعتر وفي الأخير نضع أوراق العتر من الأعلى ونغلف بالبلاستيك الغذائي جيدا لمنع دخول الهواء ونكمل بتغليف بثوب حياتي وتخزن حتى تحرار

sousou01
29-08-2009, 18:39
حلوى بالفلو
المقادير
رابعة الزبدة
كأس سنيدة
كأس ماء الزهر
كأس زيت
2فلو فاني
خمارة فاني
2خمارة حمراء
الدقيق حسب الخليط
الطريقة
نخلط الكل جيدا وتكون العجينة مرخوفة نتلقوها بالدلاك نقطع بالمرشم لي حبينا وندهن بأبيض البيض ونرش عليها اللوز أو أي شيء عندنا وتدخل الفرن لايجب طهيها حتى تتحمر بل تبقى بيضاء

ملاحظة:
لا يجب ان تكون العجين قاسية لكي لاتفقد طعم الفلو ويجب ان يكون سمك الحلوى رقيق

sousou01
29-08-2009, 18:40
المقادير
8حبات شريحة
بنانة واحدة
نصف لتر حليب
3اوراق النعناع
كأس ياغورت بنكهة الفاني
معلقة كبيرة عسل
الطريقة
نغسل شريحة ونرطبوها في الماء من ساعة ونصف حتى لساعتين ثم نقطعوها قطع صغيرة ونوضعوها في الخلاط الكهربائي مع باقي المقادير ونطحن الكل جيدا يقدم بارد

sousou01
29-08-2009, 18:41
دجاجة معمرة
المقادير

دجاجةمزولين ليها العظوم كلهم ولكن تبقى مجموعة( تكون مثل البطانة)
300غ كفتة
2بيضات مسلوقين
قليل من شعرية الصينية
شحمة نتاع الغنم لي كنعمل بيها بلفاف
كاس زيتون مقطع
2 معالق ربيع
ملح+ابزار
2 فصوص ثوم مدقوقة
زيت البلدية
الطريقة
_بعد غسل الدجاجة جيدا نتبلها بخليط من الربيع +ثوم +الملح+ ابزار+ زيت ندهن بهم الدجاجة من الفوق ومن الداخل ونحتفض بها جانبا
_نأخد الكفة نتبلها بتوابل المعتادة +ثوم حسب الرغبة +القزبر حبوب مدقوق نخلط جيدا ونقسمها نصفين ونحتفض بها جانبا
_نحضر الشعرية الصينية كلمعتاد ثم نقطعها ونضيف اليها الحامض مقطع حسب الرغبة +الزيتون المقطع ثم نقسمها نصفين ونحتفض بها جانبا

ناخد الدجاجة نخيطها ونخليو منين نعمر نعمرها بالنصف الأول من الكفة ونضع فوقه نصف الشعرية الصينية ثم البيضتان نضعهم الواحدة أمام الأخرى وبعدهانضع النصف التاني لشعرية الصينية وأخيرا نضع النصف الأخير من الكفة ثم نخيط الدجاجة لكي نجمعها ونلف عليها شحمة وأخيرا البابي ألمنيوم ثم ندخلها الفرن درجة الحرارة 200 مدة ساعة وربع عندما تنضج نخرجها ونزولو ليها البابي وشحمة ونرجعها تحمر

بحيت تكون عند التقطيع دائرة الدجاج في أسفلها دائرة الكفة وبعدها دائرة الشعرية وفي الوسط البيض
تقدم مع الخضر

اقتراح من عبد الهادي
لوبيا الخضراء مسلوقة نصوطيوها مع الثوم +ابزار+ ملح +القليل من الزبدة

sousou01
29-08-2009, 18:42
طجين بسفرجل (اللقيم) والملوخية
1k ونصف اللحم البقري
1k ونصف (اللقيم)
كاس زيت اللمائدة
نصف كيلوا ملوخية
ملعقة كبيرة مخلطة زعفران حر عادي
معلقة سكنجبير
شوية ملحة
بصلة كبيرة
مطيشة صغيرة
القزبور
الطريقة;
يقطع اللحم طرائف ويوضع في طنجرة + كل العطرية +بصلة+الزيت ويغطى بالماء
ويطهى
*ناخد اللقيم يقسم الىنصفين بدون ازالة القشور فقط اللب يوضع في كسرولة فيها ماء
لكي لا يسود لونه.

كيمن بعد نزول اللحم من الطنجرة ونترك المرقة مكانها لك يطهى فيه اللقيم ونضيف اليه
مطيشة
* وناخد الملوخية بعد غسلها وناخد قليل من المرقة لكي تطهى فيه الملوخية مع اضافة
قليل من الماء

ناخد الصاجين او الطبسيل نضع اللحم تم السفرجل وبعد نضيف الملوخية تم نمرقوا بالمرقة
وبالصحة والراحة

sousou01
29-08-2009, 18:42
كيكة
العجين:
5بيضات+1كاس العنبة ديال السكر + كاس من الطحين
السيروا:
2معالق السكر+ 4 معالق مربى فوق النار حتى ينسجم
الطريقة:
يطرب ابيض البيض حتى يطلع تم نضيف اليه اصفر البيض+السكر والدقيق مع مواصلة
الخلط
تاخد الطاوة الفرن ونضع فيها الخليط ونطلقه فيها وندخلها الفرن حتى تطهى وبعد طهي الخليط
ناخدوا السيروا ونسكبه على وجه الكيكة تم تلف جبدا (على شكل قوقعة الحلزون)وتحزم بشئ وتوضع في التلاجة
وقدم اما ساخنة او باردة حسب الدوق وبصحة والراحة

sousou01
29-08-2009, 18:43
لازالة الحروق من الجلد
كتاخدي 7 مربعات ديال الشمع (اللي تاوقفوا به الخياطة التوب او تاشمعوا به الحرير)
+زيت الزيتون يوضان فوق النار حتى ينسجم الكل +اصفر بيضةبلدية وكنطفيو لنار
ينضف مكان الحريق ويدهن بهدا الخليط كل يوم
*والله يشافي الكل*


* الرائحة ديال البصل اللي كتبقى فاليدين كتاخدي القزبزر مدقوق+الملحة
وكديري بهم الكوماج

sousou01
29-08-2009, 18:44
وصفة خفيفة من مراكش
المقادير
2جزرات كبار
2كرعة خضرا
الربيع
رابعة كفة
2بيضات
ملح ابزار
2معالق كبار لشبير
فروماج محكوك
الطريقة
نحك الجزر و الكرعة في الحكاكة ونخلط الكل جيدا ندهن المول بالزبدة ونصب الخليط ونرش من الاعلى بالفروماج ثم ندخلها الفرن حتى تنضج
تقدم مقطعة مثل الكيك

sousou01
29-08-2009, 18:44
عصير الدلاح
المقادير
100gدلاح
ربع لتر حليب
ياغورت فاني
من معلقة الى2معالق سنيدة حسب الذوق
خنيشة فاني
قطع الثلج
الطريقة
نطحن الكل جيدا يقدم في كؤوس مع قطع الثلج

sousou01
29-08-2009, 18:45
طبق اليوم من فاس

السفة بالدجاج

كيلو اللروب الشعرية
شوية القرفة
كلاصى
اللوز

دجاجة من كيلو اللروب
بصلة مشلدة
الربيع
الابزار ملح
الخرقوم
سكين جبير
زيت مخلط
التومة
الزعتر

تكون دجاجة مغسولة ومسقطرة نديروها مع التوابل( تشرمل) ونديروها فى طنجرة مع البصلة وكاس
الماء ونخليوها الطيب

تدهن الشعرية بالزيت وتفور من 6 الى 7 مرات حتى طيب
فى طبق التقديم نديرو الدجاجة بلا مرق تم تغطى بالشعرية وتزين بالقرفة واللوز وكلاصى على شكل خطوط

sousou01
29-08-2009, 18:46
طبق اليوم من مراكش


طورتية بالكفتة

500الكفتة
بصلة مشلدة
2/1 كاس لاشبلير او سميدة الغليظة محمرة
40غ الزبدة
4م الحليب
3م كريم فريش او دانون مسوس
100فرماج محكوك
2 م ك المعدنوس رقيق
ملح الابزار
1بيضة مسلوقة
1م فلفلة خضرا حمرا صفرا مقطعين رقيقة


تخلط الكفتة مع كل التوابل نديروها فى مول مدهون وتدخل للفرن وملى طيب ترش بالفرماج وتدخل للفرن وهو طافى

sousou01
29-08-2009, 18:47
الزميطة

3كيلو الزرع
كيلو الشعير
كيلو الدرة
كيلو الحمص
كيلو زريعة الكتان
كيلو الصوجا
كيلو ايلان
زريعة الدلاح و البطيخ والكرعة
النافع وحبت حلاوة
الخروب
المسكة
الكوزة
الزعتر و فليو
السالمية
مرمدوش
مرسيطا
النعناع العبدى يابس
لويزة
مانتا
سانوج
عرق السوس

كل الاعشاب تكون يابسة والحبوب تحمر فى الفرن وتطحن فى الطاحونة

sousou01
29-08-2009, 18:48
)المحابق ديالالحبق اللى في البيت تنديرو مع التربة ديالو قشور البيض تيطرد الديدان

2)باش نحيدو رائحة التوم او البصلة من اليدين نديرو تخت القهوة او الملح

3) المسكة فى الملابس تنديرو مبيد الحشرات ونخليوه شوية ويكرط بالموس ويغسل

او الزيت العادية او مكعبات التلج

sousou01
29-08-2009, 18:49
الطبق من خريبكة

الكبدة

500 الكبدة او اكتر مقطعة شرائح رقيقة
2او3 ضروس التوم
عصير حامضة
الملح الابزار
المعدنوس
الزيت العادية

فة مقلاة نديرو كل التوابل على نار متوسطة او عالية بلا ما نزيدو الماء ملى طيب تزين بشرائح
الحامض وتقدم مع السلطات

sousou01
29-08-2009, 18:49
لقدمين ناعمين

المرحلة الاولى
2/1 شمعة
كاس صغير الزيت العادية
1م ص الحامض

المرحلة التانية
2م ك الكليسيرين
1 م ص الدواء الاحمر

المرحلة التالتة
2م ص زيت العود
2 م ص الحامض
1 م ص سنيدة
1 م ص تخت القهوة

كنسخنو الزيت فى كصرونة وندوبو فيه الشمع مع التحراك(بلا نار) تم الحامض ونديروه فى علبة
وندهنو القدمين ونلبسو تقاشر ونخليوهم حتى الصباح مللى نكونو غادين الحمام ونحكوهم مزيان
تم ندهنوهم بالكليسيرين مع دواء الاحمر غير فى القاع تم زيت العود مع القهوة تدهن به من الركبة
الى الاصابع مع الدلك اى ماساج مرة مرة تغسل بماء دافئ تم كريم مرطب مرة فى الاسبوع

sousou01
29-08-2009, 18:50
الطيحان معمر

10الطيحان الغنمى
بكية الشعرية الصينية
شوية الزيتون بلا عظم مقطع
معدنوس و القزبور
الكامون
الابزار الملح
3ضروس التوم
تحميرة
2/1 كاس الزيت

تقطع الشعرية وتضاف كل التوابل وشوية الزيت ونعمرو بها الطيحان ونسدوهم بالعود ونديروهم فى الكوكوط مع 3 الكيسان الماء والزيت اللى عندنا ممكن شوية العطرية اللى عملنا فى الحشوة
ولما يطيب نخليوه حتى يتسقطر مزيان تم نفندوه فى البيض ولاشيلير ويقلى
يقدم مع الخص و الخيار....... وزليفات من المرق اللى طاب فيه الطيحان

sousou01
29-08-2009, 18:51
تنسيم القهوة

1 م ص سكين جبير
1م ص الابزار 1م الجنجلان
المسكة
1م ك حبت حلاوة او النافع او مخلطين
قليل من القرنفل
شوية الزعتر
===فليو
الكوزة الصحراوية
الكروية

يطحن الكل ويوضع فى قرعة الزجاج

sousou01
29-08-2009, 18:52
شنيك بالخضر
الحشو

2بصلات كبار
حبة من فلفلة خضراء و صفراء و حمراء
4الجزرات
4 الكرعات
كاس كبير الزيت
المعدنوس والقزبور
الكامون تحميرة
الخرقوم
سكين جبير
الابزار ملح
ضامة البنة البقر
الزيتون الاسود و الاخضر مقطعين
كشير محكوك طويل

العجين

كيلو الطحين
ملح
1م ص خميرة الخبز
1خمارة
60 الزبدة مدوبة
ماء دافئ

نخلطو العجين منديروه كريصات بحال المسمن ونخليوها ترتاح
فى مقلاة البصلة والزيت والملح تشحر تم باقى المقادير ممكن شوية الهريسة ونديروها فى شبكة
حتى تسقطر مزيان نطلقو العجين بالزيت اللى تسقطر ونديرو الحشوة على الطول ونبرموها ونخليوها ترتاح تم تلوى على شكل حلزونى نزينوها بالزيتون او فلفلة مقطعة مربعات ندهنوها بالبيض ونخليوها تخمر تم تدهن مرة اخرى وتدخل للفرن
او ممكن نخليوها طويلة وتدخل للمجمد تم تدهن بالبيض وتقطع متل الفقاص وتدخل للفرن

البيض مع الخل وقليل القرفة و الحليب تنخلطوهم وتندهنو بيه

sousou01
29-08-2009, 18:52
سلاطة

500 الباربا مسلوقة ومقطعة دوائر
1م ك سنيدة
1م ص الخل
1 م ك ماء الزهر
قليل القرفة

يخلط الكل ويترك جانبا

ينقى البرتقال و يقطع دوائر يخلط مع السنيدة والزهر والقرفة

فى طبق التقديم كنديرو دوائر من الباربا تم البرتقال وفى الوسط الخص مقطع ويسقى بما تبقى من الخل والزهر

اريج المروج
31-08-2009, 03:18
للهالات

1) الكرموص الاسود يقطع دوائر يوضع على العينين شى 5 د ويغسل بماء بارد

2) سواد الفم

2 م ص العسل
2/1 علبة دانون طبيعي
عصير 2 حامضات

يخلط الكل ويدهن به حول الفم 10د يغسل بماء دافئ 2 مرات فى الاسبوع

اريج المروج
31-08-2009, 03:18
طبق خفيف

500الكفتة
1بصلة متوسطة مشلدة
الربيع
سكين جبير
ضرس التومة
دوائر الكاشير
فروماج ساندويتش
2بيضات مسلوقين او4 ديال السمان
ملح الابزار
الزيتون الاسود والاخضر بلا عظم

كتشحر البصلة فى شوية الزبدة تم الكفتة وكل التوابل تم تورق مزيان على شكل مستطيل منستفو عليه الفرماج
المربع تم الزيتون الاخضر تم الكاشير والزيتون الاسودتم البيض مقطع على الطول تلوى الكفتة وتدخل للفرن فى حمام مريم وتقدم دافية

اريج المروج
31-08-2009, 03:20
بسبوسة

زلافة سنيدة
زلافة سميدة رقيقة
زلافة اللوز مهرمش بالقشرة
زلافة اللروب الزيت
4 البيضات
3 الخمارات
1 م ك القرفة
الكزة شوية
شوية الملح
2/1 كاس العسل
ربع كاس الماء الزهر

تخلط جمبع المقادير ماعدا العسل والماء الزهر وتدخل للفرن مللى تطيب تسقى بالعسل مخلط مع الماء الزهر وتقطع وتزين بحبات اللوز

oum rayane06
01-09-2009, 00:05
من فضلك أريج هل انصتي لهديك الخلطة من سطات اللي سميتها ايسكاض

sousou01
01-09-2009, 21:26
طبق اليوم هو الدجاج بالموطارد و الفكيع (champignons)
المقادير http://img89.imageshack.us/img89/787/mghribia.gif (http://img89.imageshack.us/img89/787/mghribia.gif)
دجاجة مغسولة و مقطعة طريفات
كاس موطارد
حك ديال الفكيع
رابعة ديال لاكريم فريش
2 معالق كبار زبدة
كاس كبير ماء
الطريقة
ندهنو الدجاج مزيان بالموطارد فالليل و نبيتوه فالثلاجة و فالصباح نديروه في طنجرة و نزيدو عليه الزبدة و كاس كبير ماء و نغطيوه و نخليوه يطيب
منين يطيب الدجاج نزولوه من الطنجرة و ندخلوه للفران يشرب شوية بلا ما يتحمر
نرجعو للمرق اللي فالطنجرة نزيدو عليه لاكريم فريش و نخليوها تغلي شوية ثم نضيف الفكيع و نخليوه شوية غدي تولي عندنا صلصة عاقدة ثم نزولو الطنجرة من فوق النار
عند التقديم نحطو الدجاج و نديرو لاصوص و من فوقها الفكيع و يقدم بالصحة و الراحة
الا كنا بغينا نديروهاد الدجاج للعشاء نديرو ليه الموطارد فالصباح

sousou01
01-09-2009, 21:26
وصفة الفرخ لمغشش من ميدلت
المقادير
6 بيضات
راس ملعقة من كل هذه التوابل: كمون+ بزار+ سكينجبير+ تحميرة
شوية زعفران
بصلة مشلضة
كاس عنبة لوز ممسوح و مهرمش غليض بقشورو
نصف ملعقة راس الحانوت (اختياري)
ملعقة نافع
نصف زلافة لحم مقطع طريفات صغار بزاف (اصغر من القطبان)
شوية شحمة مقطعة صغير
نصف كاس زيت
2 معالق كبار قزبر و معدنوس مقطعين
المقادير
نخلطو كل العناصر و نضيف البيض و نخلطو مزيان و نديرو الخليط في بلاستيك غذائي و نسدوه من الجناب و نديروه فالكسكاس يطيب على البخار كيحتاج تقريبا ساعة او يمكن نديروه في برمة فيها الماء و لكن هنا خصنا نضوبلو البلاستيك و يكون صحيح باش ما يتحلش

sousou01
01-09-2009, 21:27
الكريب معمر في الفرن
المقادير
مقدار من الكريب محضر من قبل
بصلة مشلضة
شوية زبدة+ شوية زيت
حامضة مصيرة مقطعة طريفات
فلفلة حلوة مقطعة ( نستعمل الالوان اللي عندنا)
ضامة بنة بقري
شوية الهريسة
ملح
شوية دجاج طايب مفرتت
شعرية صينية مصلوقة و مصفية ومقطعة
شوية ربيع مقطع
4حتى ل 5البيضات
فرماج محكوك
الطريقة
نشحرو البصلة مع الزبدة والزيت و الفلفلة و الضامةو الهريسة و شوية الملح و الحامض و منين يترخاو نضيف الدجاج و نحركو حتى يشرب ليقامة و في الاخير نضيف الشعرية الصينية نشحروها غير شوية معاهم ثم نزولوهم من فوق النار و نضيف البيض و الربيع و نخلطو (يمكن اضافة شوية الصوجا للخليط)
ناخدو حبة من الكريب و نديرو شوية حشوة فالراس الوسط و نطويو عليها الجناب ثم نلويو على شكل سيكار و منين نكملو الكريب اللي عندنا ناخدو مول مدهون بالزبدة و نستفو فيه السيكار اللي عندنا و ندخلوهم للفران يطيبو و منين يطيبو من التحت نخرجوهم و نرشو عليهم الفرماج من الفوق و نعاودو ندخلوهم حتى يذوب الفرماج ثم نقدموهم بالصحة و الراحة كيجيو ناشفين و زوينين
طريقة2
نديرو نفس الحشوة دون اضافة البيض و نعمرو الكريب و نلويوهم و نقطعوهم طرانش و نستفوهم في مول مدهون بالزبدة و نخلطو صلصة البيشاميل مع البيض و شوية الفرماج و نكبوها عليهم من الفوق و ندخلوهم للفران يطيبو و يتحمرو ونقدموهم

sousou01
01-09-2009, 21:28
شنيك بالكاشير و الفرماج (خديجة من مكناس)
المقادير
العجين
نصف كيلو طحين
ملعقة كبيرة خميرة معجونة
3 معالق كبار زبدة =نصف رابعة
كاس صغير حليب
الحشوة
4 معالق كبار كيتشاب
ملعقة كبيرة زعتر
بصلة مشلضة
100 غرام كاشير محكوك
100 غرام فرماج محكوك
علبة صغيرة فطر ( champignons )مقطع صغير
شوية زبدة
التزيين2
2معالق كبار زعتر محكوك
2 معالق كبار فرماج محكوك
الطريقة
نشحرو البصلة مع الزبدة حتى تذبال و نخليوها تبرد
نعجنو الطحين مع الخميرة والزبدة و الحليب و ندلكو العجينة مزيان و نخليوها ترتاح خمس دقائق ثم نسرحوها بالمدلك على شكل مستطيل او مربع و ندهنوها مزيان بالكيتشاب و نحكو عليه الزعتر ثم نديرو البصلة ثم الكاشير ثم الفرماج و نديرو من الفوق الفطر و نلويو و احنا كنزيرو ثم نديروه فالكونجيلاتور تقريبا ربع ساعة يشد فراسو ثم نقطعوه دوائر غلاض شوية (قياس اصبع)و نديروهم في لاطة مدهونة و نرشوهم بالزعتر من الفوق و ندخلوهم للفران و منين يطيب الشنيك نخرجوه و نرشو عليه الفرماج من الفوق و نعاودو ندخلوه للفران يذوب الفرماج و نخرجوه
السيدة خديجة قالت انه كيجي غزال فالمنظر و المذاق و لكن نسات ماقالتش انه خصنا نخليوه يخمر حيت فيه الخميرة ضروري يخمر عاد يدخل للفران )

sousou01
01-09-2009, 21:28
كلاص

2/1 ليتر الحليب جامد
ساشى كريم شانتيى
1 فانى
علبة الحليب نسلى
1دانون فانى
ملون غدائى اى لون
بودرة الكاكاو
2ساشى القهوة
شوية الكركاع واللوز

ناحد الحليب ونهرسوه بالفورشيط تم نضيفو ساشى شانتيى ونطربوه بالخلاط الكهربائى حتى يتضاعف حجمه تم نزيدو الفانى و دانون ونسلى دائما مع الخلط يقسم الى تلات قطع الاول نضيف الكاكاو والتانى ملون والتالت القهوة
ناخد مول اللى عندو القراصة ونصبو الاول ونرش الكركاع و اللوز تم التانى ونرش كدلك اللوز و الكركاع تم التالت ونرش اللوز و الكركاع ودخل للمجمد

ممكن ان يدهن بالنباج ( اختيارى)

sousou01
01-09-2009, 21:33
السلام عليكم و رحمة الله تعالى تنشكر كل العضوات في هدا المنتدى و تنطلب منهم الحاح على الاداعة المغربية باش ترجع لينا هرم اللقاء المفتوح نادية الناية و تنتمنى من كل عضوة في هدا المنتدى الكبير ان تراسل الاداعة عبر رسالة خاصة او عبر البريد الكتروني ديال الاداعة وسوف يكتب نداءالى مدير الاداعة المغربية عبر الصحف و اتمنى من العضوات التفاعل و لي تتحب البرنامج يكون كيف زمان بالنصائح لي كانت لا نادية تتقوم عليها باش نستفيد نحن و يارب يكون تفاعل و شكرا توقيع محبوبة نادية الناية

sousou01
01-09-2009, 21:50
اعواشر مباركة مسعودة عليكم و اتبارك الله عليكم
لحبيبات ديالي بغيت نطلب منكم واش فيكم شي واحدة لي عندها مقادير المقروط ديال واحد السيدة من مدينة الرباط كانت دوزاتوا في لقاء مفتوح تكتب و لها اجر عند الله و شكرا

sousou01
01-09-2009, 22:02
بريوات بالكرعة

كيلو الكرعة محكوكة

التومة

الربيع

حامضة مصيرة مقطعة

2 م الزبدة
ملح الابزار
الشعرية الصينية
100الفروماج محكوك
ورقة البسطيلة

فى مقلاة نشحرو الكرعة مع الزبدة مع التحريك حتى تنشف تم الربيع والتومة وكل المقادير ولما تبرد نعمرو الورقة على شكل متلت تدخل للفرن او تقلى

sousou01
01-09-2009, 22:03
سيكار مالح

250 غ الورقة
8 المربعات الفروماج

بيشاميل
1 م ك الزبدة
1 م ك الطحين
250 الحليب اى ربع ليتر
ملح الابزار الكوزة

نطيبو البيشاميل حتى يعقاد تندهنو بيه الورقة تم نديرو الفروماج ونطويو على شكل سيكار تدهن بالزبدة وتدخل للفرن
كما يمكن ان تقلى كدلك يحتفظ به فى المجمد

انا هي المغربية
02-09-2009, 23:19
السلام عليكم اخواتي ابغا منكم خدمة ربتا يخليكم مقادير البسبوسة و شكرا لكم

بنت كلميم
03-09-2009, 01:17
الشهدة
المقادير
كاس الحليب
ربع كاس زيت
4 ملاعق كبار حليب نيدو
كاس دانون فاني
كاس ماء دافئ
3 ملاعق كبار سنيدة
ملح
ملعقة كبيرة خميرة معجونة
دقيق فينو والفورص حسب الخليط
طريفات شكلاط للتزيين
الطريقة
يخلط الكل جيدا ونترك العجين نصف ساعة ثم نكورها ونضع وسطها طريف الشكلاط وتوضع في لاطة مدهونة وتكون متباعدة قليلا ونتركها تخمر لمدة ساعة ثم تدهن بالبيض وتزين بالجنجلان والى الفرن

sousou01
03-09-2009, 21:27
نوكة مقلية (حلوة البليغة)(خديجة من قلعة مكونة)
المقادير
كيلو جنجلان مغسول و منقي
كيلو فورص
2 بيضات
125 غرام زبدة عادية
ملعقة صغيرة مسكة حرة مدقوقة
ملعقة كبيرة قرفة مدقوقة
نصف كاس مازهر
نصف كاس زيت
1 خمارة
شوية خميرة معجونة
شوية ملح
زيت للقلي
كيلو و نصف عسل نوع جيد
الطريقة
نخلطو الطحين مع الجنجلان و ندوبو الزبدة مع الزيت و نزيدوها عليهم و نديرو البيض و باقي المقادير و نخلطو كلشي مزيان و نديرو كويرات نخليوهم شوية و نطلقوهم مزيان بالمدلك و نقطعو بطابع مربع (مشنف او عادي) و نديرو في لاطة ونغطيوهم و منين نكملو المربعات نجمعو جوج قنات ديال كل مربع بحال شكل البليغة و نقليوهم فالزيت ثم نطفيوهم فالعسل
السيدة خديجة شكرات هاد الحليوة بزاف و قالت انها كتجي فنة خصوصا الا كان العسل مزيان

sousou01
03-09-2009, 21:28
طبق اليوم من عند السيدة حورية من المحمدية
الدنجال معمر بالكفتة ديال السردين
المقادير
4 دنجالات متوسطين
نصف كيلو حتى لكيلو ديال السردين مغسول و منقي مزيان من الجلدة والسنسول والشوك ومطحون في طحانة اليد
4 مطيشات متوسطين محكوكين
بصلة صغيرة محكوكة
3 بيضات
شوية فرماج محكوك
ملعقة كبيرة قزبر و معدنوس مقطعين رقاق
خيزوة محكوكة
زعتر+ قزبر حبوب+ كمون +تحميرة+ شوية هريسة+ ملح
شوية من قشرة حامض مصير مقطعة صغير
نصف كاس زيت مائدة +نصف كاس زيت زيتون
الطريقة
نقسمو الدنجال على جوج بالطول و نديروه يتصلق في ماء و ملح حتى يدخلو الطياب و لكن ما يتحلش يبقى شاد فراسو ثم نصفيوه و نخويوه شوية بملعقة صغيرة باش نديرو الحشوة(او يمكن نبخروه فالكسكاس)
نخلطو كفتة السردين مع البصلة و خيزوة محكوكين و الزعتر و القزبر حبوب و الملح و الكمون و التحميرة و شوية الهريسة
نديرو مطيشة في مقلة مع زيت المائدة و القزبر و معدنوس و الزعتر و التوابل اللي عندنا و نخليوها تتشحر مزيان و تنشف من الماء ثم نزيدو عليها كفتة السردين و نبقاو نحركو باش تتفرتت و تتخلط مع مطيشة ثم نديرو قشرة الحامض و شوية الهريسة و نزيدو الزيت البلدية و منين يدخل الحوت الطياب نزولوه من فوق النار و نزيدو عليه البيض و نحركو مزيان (يمكن نزيدو عليهم الدنجال اللي زولنا )
نعمرو انصاف الدنجال بالحشوة و نديروهم في مول مدهون بالزيت و نرشوهم من الفوق بالفرماج ثم ندخلوهم للفران يكملو الطياب و يدوب الفرماج ما كيحتاجوش بزاف ديال الوقت ثم نقدموهم بالصحة والراحة

الساعية لرضى ربها
05-09-2009, 07:16
tbark allah 3likom

sousou01
10-09-2009, 21:08
قوق معمر

20 قلب القوق يمكن المعلب كدلك
400غ الكفتة اقل او اكتر

كتشحر مع الزيت و التوابل و4 مربعات الفرماج ونعمرو القوق ونديرو من الفوق طرف من مربع الفرماج ساندويتش
تدخل للفرن على حسب ما يدوب الفرماج





2)نفس الحشوة تيعمر بيها الدنجال ونفس الطريقة بحيت تيتقسم على جوج ونحيدو القلب ديالو تيتخلط مع الحشوة والدنجال تيتقلا وكيتعمر بالحشوة وتيدخل للفرن

sousou01
10-09-2009, 21:09
البريوات بالفرماج من عند خديجة من تمارة

كيلو الورقة
5 او 6 الفروماج مربع او اى نوع
موطارد


تندهنو الورقة بالموطارد و تنديرو طرف صغير الفروماج وتشكل متلتات تقلى او تدخل للفرن


دجاج سريع التحضير

دجاجة مقسومة
5 ضروس التومة
الزعتر
الشيح
ازير
قرفة اعواد
2 رؤوس القرنفل
ملون او الخرقوم
زعفران شعرة
2/1 كاس الزيت العادى
قزبور حبوب
ورقة سيدنا موسى ( اختيارى)

الكل على نار هادئة حتى يطيب بلا ماء

sousou01
10-09-2009, 21:10
كفتة بالبطاطا و الشعرية الصينية

250 الكفتة البكرى
500 البطاطا مسلوقة وممعوكة باليد
بكية صغيرة الشعرية
زيتون اخضر بلا اعظم مقطع
3 البيضات
حامضة مصيرة مقطعة
القزبور و المعدنوس
4 ضروس التومة مدقوقة بالملح
100 الفروماج محكوك
ملح الابزار
التحميرة
الكامون
السودانية

الشعرية فى الماء طايب ومللى تبرد تقطع رقيقة وتضاف لهل كل المقادير تكرص فى مول دائرى وتدخل للفرن ومللى تخرج ترش بالفرماج وتدخل غير شوية للفرن

sousou01
10-09-2009, 21:10
طبق اليوم من عند نجاة من هرهورة

سلاطة

1زلافة الروز
1زلافة جلبانة
فلفلة حمرة وصفرا مشوية او مقلية
حك الطون
كاشير صغير
الزيتون اخضر
1 م الزيت البلدية
المعدنوس
خيارة
2/1 بيضة مسلوقة

جوج ايطارات واحد اكبر والتانى اصغر

الروز مسلوق مع 2 زلايف الماء والملح و 1م الزيت البلدية
الجلبانة مسلوقة مع الملح
تناخدو النصف الاكبر من الروز يطحن مع الجلبانة ويجمع بالمايونيز والباقى من الروز يطحن مع الفلفلة ويجمع بالمايونيز
الزيتون يطحن مع الكاشير و المعدنوس والطون

ناخد الايطار الاكبريفرش بدوائر الخيار تم الروز الاخضر يكرص باليد ويدخل للتلاجة بعد ان يرش بالطون

الايطار الاصغر تنديرو الروز اللى مع الفلافل ويدخل للتلاجة بواسطة الجيب الحلوانى تنديرو فيه خليط الزيتون وتنزينو بيه
الروز تم 2/1 بيضة عند التقديم تنزولو الايطارات ويزين الجوانب حسب اختيار كل سيدة

.

sousou01
10-09-2009, 21:11
خبيزات معمرين

2/1 كيلو الطحين
1م ك خميرة الخبز
2/1 خمارة
1 م ك الزبدة
1م ك السنيدة
2 م ك الخل
الملح الماء

الحشوة
صدر الدجاج او الكفتة
ورقة سيدنا موسى
سكين جبير
الزبدة او الزيت
ملح الابزار
بصلة واحدة
بورو واحدة
جزرة محكوكة
شوية المكور مقطع
السودانية
بيضة للدهن

الدجاج مقطع صغير ومشحر مع التوابل
البصلة مشلدة مع البورو و الجزرة والمكور تتشحر مع الملح و الابزار و السودانية وتكون العجين واجدة تناخدو كرة صغيرة
تكرص غير شوية تملا بالحشوة وتكور وتوضع فى لاطة تدهن بالبيض وتشرط بالسكين على شكل + وتدخل للفرن وهى سخونة ترش بالفروماج وتدخل للفرن غير باش يدوب الفرماج

oum rayane06
11-09-2009, 06:23
chokran sousou al majhoud, wallah chokran bezzaf

raihana
14-09-2009, 13:59
السلام عليكم ورحمة الله تعالى وبركاته على كل الحبيبات ديالي نتمنى تكونو بخير وفي تمام الصحة والعافية وعيدكم مبارك سعيد وكل عام وانتم بالف خير اليوم سمعت هادالحليوات من اللقاء المفتوح على بركة الله.غريبة معلكة.كيلو لوزاو كاوكاو مقلي في شوية الزيت ومطحون بقشرته ـ 300 غ سكر كلاصي غادي نستملو النصف في العجين والنصف نمرمدو فيه الحلوى ـ 6 بيضات ـ 4 معالق كبار كوفتير جاري او عسل ـ 2 خمارات ـ لفاني ـ 2 معالق صغار ماء الزهر ـ نجمعو كل شيء ونعملو منه كويرات صغار ونمرمدهم كاملين في السكر كلاصي وندخلهم الفرن مدة 10 د ماكاملاش بمجرد ماتشقق نخرجوها .

jassemine
15-09-2009, 14:24
حلوة الكروفيتة و حلوة الكوزة بعجينة واحدة
المقادير
4 بيضات ( نفرقو الصفر على الابيض )----رابعة زبدة---رابعة سنيدة---1 خمارة
2 فاني---كيلو دقيق او اقل ---ملون احمر---شكلاط غبرة--شكلاط ابيض مذوب
125 غرام كوك
الطريقة
نعركو الزبدة مع سنيدة مزيان ثم نضيف اصفر البيض و الخمارة و فاني ثم الدقيق شوية بشوية حتى نحصل على عجينة لينة و خفيفة نقسموها على جوج النصف الاول نزيدو ليه الملون الاحمر و نخلطو مزيان حتى نحصل على لون وردي و نخليوه يرتاح و النصف الثاني نضيف ليه الشكلاط غبرة و نخلطو مزيان و نخليوه يرتاح شوية
الكروفيتة
ناخدو العجين الوردي و نديروه على شكل حريبلات صغار و نقوسوهم شوية على شكل هلال ثم نغطسوهم في بياض البيض مطرب ثم نفندوهم مزيان فالكوك و يدخلو للفران
الكوزة (الكركاعة )
ناخدو الخليط البني و نديروه على شكل كويرات صغار و نضغطو عليهم من الفوق شوية بالفورشيت بحال شكل الكركاعة و ندخلوهم للفران يطيبو
منين تطيب
نلاصقو كل 2 بالشكلا مدوب

raihana
15-09-2009, 16:02
رابعة الزبدة ـ 2 فروماجات مربعين ـ 2 فروماجات مثلتين ـ كاس سنيدة ـ كاس زيت ـ قبصة ملح ـ دقيق حسب الخليط نجمعوا جميع المقادير ونكوروها كويرات صغار ونطبعوها بالطابع على شكل وريدة وندخلوها الفرن او ماتطيبش بزاف.

yasmina11
15-09-2009, 21:51
الله اخليكم شكون لي سمعت حلوة تمر لي عطاة الاخت لي من فرنسا


تعطيني المقادير

raihana
15-09-2009, 22:16
حلوى بالتمر والكركاع .250 غ دقيق ـ 100 غ تمرمقطع رقيق ـ 100 غ كركاع مهرمش ـ 300 سنيدة ـ 125 زبدة ـ بيضة مضربة ـ خمارة ـ 2 معالق كبار شوكلاط غبرة ـ قشرة حامضة محكوكة ـ 2 معالق كبار ماء وقبصة ملح ـ 100 شوكلاط اسود ذائب نذيب السكر والزبدة معا والماء حتى نحصل على خليط متجانس على نار مهيلة ونتركه يبرد ونزيد باقي المقادير ونخلط الكل جيدا ندهن المول اللي مستطيل ومربع بالزبدة والدقيق ونملاه بالخليط ونطيبوها تم نتركها تبرد تم نزينها بالشوكلاط ونتركها تبرد ونقطعها مربعات صغار ونوضعوها في كويغطات.

yasmina11
16-09-2009, 16:42
شكرا اختي

raihana
16-09-2009, 17:47
السلام عليكم ورحمة الله تعالى وبركاته لا شكر على واجب او بصحتك او راحتك اختي.

اريج المروج
16-09-2009, 21:32
حلوة معلكة بالعسل
المقادير
3بيضات
2 كيسان سنيدة
3 كيسان زيت
2 خمارات
2 فاني
3او 4 معالق كبار عامرين عسل
دقيق حسب الخليط
اصفر بيضة+ شوية قرفة للتزيين
الطريقة
نخلطو العناصر اللي عندنا مزيان ثم نضيف الدقيق شوية بشوية غير تجمع العجينة و نقدرو نشكلوها ونحبسو خاصها تكون خفيفة
نديروها على شكل اصابع و نحطوهم في لاطة يكونو متباعدين ثم نخلطو اصفر البيض مع القرفة مزيان و نزين الاصابع على شكل خط رقيق الوسط او حسب الرغبة و ندخلوهم للفران يطيبو ما نخليوهمش يتحمرو بزاف غير يبداو يتحمرو من الجناب نخرجوهم حيت هاد الحلوى كتزيد تحمر بعدما كتخرج من الفران

اريج المروج
16-09-2009, 21:33
طبق اليوم من مديونة

الكسكس

الدجاج مقطع على حسب الافراد
السمن
قبطة الربيع
الزعفران شعرة
الخرقوم
سكين جبير
ملح الابزار
كيلو البصلة مشنفة او اكتر
القرفة اعواد
الماء
السميدة
الزبيب مرطب
1م ك الزهر
1 م ك القرفة
2كيسان الماء
100 اللوز مكلة بالقشرة
100سنيدة

فى طنجرة تنديرو الدجاج مع التوابل والبصلة حتى يطيب الدجاج نزولوه ونحمروه فى الفرن والبصلة نضيفو ليها السنيدة و القرفة حتى تتعسل
الزبيب مع الزهر و القرفة والماء على نار مهيلة لو نشف من الماء وباقى ما تعسلش نضيفو الماء و اللوز نطحنوه مع السنيدة
عند التقديم الكسكس اللى مفور عادى ويسقى تم الدجاج و البصلة واللوز مهرمش تم يغطى
بطبقة اخرى من الكسكس وفى الجوانب يزين بكويرات من الزبيب المعسل
و كويرات من اللوز المطحون وكدلك يزين باللوز مهرمش على شكل خطوط من فوق الى تحت
كما يمكن الطبقة الاخيرة من الكسكس تنحلوه مع شوية اللوز اللى مطحون
مع السنيدة

المشتاقة الى الفردوس
17-09-2009, 12:05
اخواتي اللي سمعت الحلويات ديال البارح 16/09/2009الأربعاء تكتبهم لينا ولها الأجر في هاذ العواشر

اريج المروج
17-09-2009, 13:30
تفضلي اختي

حلوى تتخرج 4 الاشكال ( من زاكورة)

كيلو اللروب الزبدة اى 750غ
3 الكيسان الزيت
2 كيسان السنيدة
3 البيضات
2 خمارات
طحين

الشكل الاول
150غ اللوز ايفيلي
2 ابيض البيض
2 م ص القرفة عامرين

الشكل التانى
4 م ك الكاكاو
1 نسلى على شكل كراميل
100 الفيرميسيل الاسود

الشكل التالت
1 كاس العنبة مخلط جنجلان صحيح واللوز محمر ومهرمش
100 شكلاط اسود
علبة كورن فليكس مهرمش
كلاصي

الشكل الرابع
كاس المربى جارى
2 م ص سنيدة
ملون احمر
اللوز مهرس او مقسوم ويكون ابيض
2 ابيض البيض

تنخلطو العجين وتكون خفيفة وماتنديروش الخميرة وتتقسم على 4
القسم الاول تنضيفو 2/1 بكية الخميرة والقرفة تجعل كويرات تفند فى ابيض البيض تم فى اللوز ايفيلي ملى نكملو ندهنوها مرة اخرى بابيض البيض فوق اللوز وتدخل للفرن
الطريقة التانية
تضاف غبرة الكاكاو و2/1 خمارة وتجعل كويرات صغار جدا تبسط باليد حتى تصبح رقيقة وتدخل للفرن تلصق كل قطعتين بالكراميل مع الضغط عليها حتى
تخرج من الجوانب ويفند الجوانب بالفرمسيل
القسم التالت
تضاف 2/1 خمارة وكاس جنجلان مع اللوز على شكل كعاب تدخل للفرن لما تبرد يفند طرف فى كلاصى والطرف التانى فى الشكلاط مدوب تم فى الكورن فليكس
القسم الرابع
تضاف 2/1 خمارة على شكل غريبة تفند فى ابيض البيض تم فى اللوز وتحفر من الوسط وتدخل للفرن 5 دقائق تم تحفر مرة اخرى وترجع للفرن بلا ما تحمر بزاف وتملا من الوسط بخليط المربى ولما تبرد مزيان نجمعوها
المربى مع السنيدة و الملون الاحمر على نار مهيلة حتى تطلق

اريج المروج
17-09-2009, 13:32
حلوى بالتمر

500 غ الزبدة
2 كيسان السنيدة
2 كيسان الزيت
2خمارات
2فانى
2/1 كاس عصير البرتقال
طحين
قوالب صغار جدا

الحشو
التمر معجون مع شوية الزبدة وكلاصي والقرفة والمسكة وقليل جدا من الكوزة و القرنفل

تخلط كل المواد وتكون رطبة نعمرو القوالب بحال طورطات وفى وسط القالب نديرو كرة من العجين تم تغطى بقليل من العجين المبسط باليد تستف فى الاطة وهى مقلوبة اى المول هو اللى الفوق وتدخل للفرن وترش بكلاصى مللى تبرد

اريج المروج
17-09-2009, 13:33
حلوة الكوك

250الزبدة
350غ طحين
150غ الكوك
350ع السنيدة
2 خمارات
للتزيين
حليب نسلى طايب

تخلط كل المقادير وتكون خفيفة تشكل كويرات صغيرة تحفر من الوسط بالاصبع غير شوية تفند الكوك وتدخل للفرن تلصق كل اتنين بالكراميل او الشكلاط مع الضغط عليها حتى تخرج من الجوانب

اريج المروج
17-09-2009, 13:34
غريبة باللوز~~~~~

500غ اللوز مسلوق ومطحون
1 م ص حميرة الحلوى
شوية المسكة
1م ص الزبدة
4 البيضات 3 غير الاصفر والرابعة كلها
250 كلاصي
1 م ك قشرة الحامض
200غ اللوز ايفيلى للتزيين

تخلط كل المقادير تجعل غريبة تدهن بابيض البيض اللى خليناه وتفند فى رقائق اللوز تدخل للفرن ممكن ان تدهن بالناباج او العسل

مزكلدية
17-09-2009, 13:55
اخواتي لي سمعوا الحلوة التي تعطي اربعة اشكال تكتبها الله اخليكم انا عقلت فقطعلى المقادير الرئيسية و2 الاولين وننسيت الاضفات
الشكلين الا خرين المقادير هي..750 زبدة - 3كيسان(العنبة) زيت_2كيسان سنيدة _3بيضات -دقيق حسب الخليط -2خمارات
نخلط الزبدة+السنيدة+الزيت+البيض تمالدقيق شيئا فشيئا نخلي العجينة خفيفة شويا تمنقسم العجينة ال 4اجزاء تم نضيف له نصف خمارة الحلوة ونضيف له 2معلقات صغار قرفة نعملها غريبة ونفندها من وجهها في ابيض البيض تم اللوز افلي وندهنها في الاخير بابيض البيض بالشيت فوق اللوز بش اشد مزيان-نمر ال الشكل التانيناخد الجزء التاني من العجينةنضيف له 4معالق شكلاة غبرةونصف الخمارة الحلوة ونعملها بكف اليد كويرة بحال البية ونبسطها باليد بحالديامنتين تملما تطيب نلصقها بالكراميلديل الحليب المركز المحلى الطايب في الكوكوط ونفندها من الجوانبفي الشكلاط فرمسيل في الالوان نمر الى الشكل3 ناخد الجزء 3من العجينة نضيف لهنصف بكية الخميرة وكاس مخلط مبيناللز مكلي ومهرمش والجنجلانمحمر نكورها على شكل مشمشة ونضع فيها في الوسط حفيرة صغيرةونطيبها منبعد ناخد قرعة كوفتير صغيرة نضعها في كسرونة نضيف لها2معالق كبار ديل سنيدة وملون احمرونتركه حتى يغلاو ويقصح شويا ونعمر به الحفيرة الحلوة والشكل الرابع معقلشي عل الاضفات ديالو هو كيدر على شكل كعب غزالاو ربماملي كيطيب نمرمدالنصفهالاول في السكر الكلاصي والجهة الاخرى من الكعبةنغطسهافي الشكلاطالاسودونفندها في الكونفلكس مهرس شويا ولاكن لست متاكدة كنتمنى من الاخوات لي سمعهااضيفو المعلومات لي انانسيتها

sousou01
17-09-2009, 19:31
حلوى تتخرج 4 الاشكال ( من زاكورة)

كيلو اللروب الزبدة اى 750غ
3 الكيسان الزيت
2 كيسان السنيدة
3 البيضات
2 خمارات
طحين

الشكل الاول
150غ اللوز ايفيلي
2 ابيض البيض
2 م ص القرفة عامرين

الشكل التانى
4 م ك الكاكاو
1 نسلى على شكل كراميل
100 الفيرميسيل الاسود

الشكل التالت
1 كاس العنبة مخلط جنجلان صحيح واللوز محمر ومهرمش
100 شكلاط اسود
علبة كورن فليكس مهرمش
كلاصي

الشكل الرابع
كاس المربى جارى
2 م ص سنيدة
ملون احمر
اللوز مهرس او مقسوم ويكون ابيض
2 ابيض البيض

تنخلطو العجين وتكون خفيفة وماتنديروش الخميرة وتتقسم على 4
القسم الاول تنضيفو 2/1 بكية الخميرة والقرفة تجعل كويرات تفند فى ابيض البيض تم فى اللوز ايفيلي ملى نكملو ندهنوها مرة اخرى بابيض البيض فوق اللوز وتدخل للفرن
الطريقة التانية
تضاف غبرة الكاكاو و2/1 خمارة وتجعل كويرات صغار جدا تبسط باليد حتى تصبح رقيقة وتدخل للفرن تلصق كل قطعتين بالكراميل مع الضغط عليها حتى
تخرج من الجوانب ويفند الجوانب بالفرمسيل
القسم التالت
تضاف 2/1 خمارة وكاس جنجلان مع اللوز على شكل كعاب تدخل للفرن لما تبرد يفند طرف فى كلاصى والطرف التانى فى الشكلاط مدوب تم فى الكورن فليكس
القسم الرابع
تضاف 2/1 خمارة على شكل غريبة تفند فى ابيض البيض تم فى اللوز وتحفر من الوسط وتدخل للفرن 5 دقائق تم تحفر مرة اخرى وترجع للفرن بلا ما تحمر بزاف وتملا من الوسط بخليط المربى ولما تبرد مزيان نجمعوها
المربى مع السنيدة و الملون الاحمر على نار مهيلة حتى تطلق

المشتاقة الى الفردوس
17-09-2009, 23:00
تفضلي اختي

حلوى تتخرج 4 الاشكال ( من زاكورة)

كيلو اللروب الزبدة اى 750غ
3 الكيسان الزيت
2 كيسان السنيدة
3 البيضات
2 خمارات
طحين

الشكل الاول
150غ اللوز ايفيلي
2 ابيض البيض
2 م ص القرفة عامرين

الشكل التانى
4 م ك الكاكاو
1 نسلى على شكل كراميل
100 الفيرميسيل الاسود

الشكل التالت
1 كاس العنبة مخلط جنجلان صحيح واللوز محمر ومهرمش
100 شكلاط اسود
علبة كورن فليكس مهرمش
كلاصي

الشكل الرابع
كاس المربى جارى
2 م ص سنيدة
ملون احمر
اللوز مهرس او مقسوم ويكون ابيض
2 ابيض البيض

تنخلطو العجين وتكون خفيفة وماتنديروش الخميرة وتتقسم على 4
القسم الاول تنضيفو 2/1 بكية الخميرة والقرفة تجعل كويرات تفند فى ابيض البيض تم فى اللوز ايفيلي ملى نكملو ندهنوها مرة اخرى بابيض البيض فوق اللوز وتدخل للفرن
الطريقة التانية
تضاف غبرة الكاكاو و2/1 خمارة وتجعل كويرات صغار جدا تبسط باليد حتى تصبح رقيقة وتدخل للفرن تلصق كل قطعتين بالكراميل مع الضغط عليها حتى
تخرج من الجوانب ويفند الجوانب بالفرمسيل
القسم التالت
تضاف 2/1 خمارة وكاس جنجلان مع اللوز على شكل كعاب تدخل للفرن لما تبرد يفند طرف فى كلاصى والطرف التانى فى الشكلاط مدوب تم فى الكورن فليكس
القسم الرابع
تضاف 2/1 خمارة على شكل غريبة تفند فى ابيض البيض تم فى اللوز وتحفر من الوسط وتدخل للفرن 5 دقائق تم تحفر مرة اخرى وترجع للفرن بلا ما تحمر بزاف وتملا من الوسط بخليط المربى ولما تبرد مزيان نجمعوها
المربى مع السنيدة و الملون الاحمر على نار مهيلة حتى تطلق





سيري ا اختي بغيت ربي يسهل عليك في هاذ العواش وفي هاذ الأيام ااكبيرة عند الله
الله يعطك ماتمنيتي في خاطرك

اريج المروج
18-09-2009, 05:04
الاقتباس غير متاح حاليا
امين يا الحبيبة ولك بالمثل

sousou01
19-09-2009, 02:34
السلام عليكم ورحمة الله وبركاته
حلوة بالكراميل و اللوز من عند السيدة محجوبة (تمارة)
المقادير
نصف كيلو زبدة (500 غرام )
400 غرام سنيدة
2 كيسان صغار زيت
2 خمارات
طحين حسب الخليط
التزيين
200 غرام لوز مصلوق و مقشر و مقلي او محمر في الفران و مهرمش
150 غرام شكلاط اسود مذوب ( او وريدات شكلاط تباع جاهزة )
2 اصفر البيض للدهن
حك نيسلي طايب فالكوكوت مع الماء مدة 45 دقيقة حتى يولي كراميل
الطريقة
نخدمو الزبدة مع سنيدة مزيان حتى تولي بوماد ثم نزيدو الزيت ثم الخميرة و الطحين حتى نحصل على عجينة رطبة و لكن ماشي خفيفة بزاف باش يمكن لينا نطلقوها بسهولة
نطلقو العجينة و نقطعوها بالطابع اللي كتكون فيه وحدة مثقوبة و وحدة لا ثم ندهنوها باصفر البيض و ندخلوها للفران تطيب ما تحمرش بزاف غير يتورد اللون ديالها و نخرجوها
نلصقو كل جوج بالكراميل و نضغطو عليهم باش يخرج الكراميل من الجناب و نفندو الجناب في اللوز مهرمش و نعمرو الثقيبة اللي الفوق بالشكلاط مذوب او بوريدة ديال الشكلاط

sousou01
19-09-2009, 02:35
حلوة بكاوكاو و الشكلاط ( حفيظة من وزان )
المقادير
نصف كيلو كاوكاو مقلي فالزيت و مطحون بقشورو
رابعة زبدة ماركرين
زلافة صغيرة سنيدة
زلافة صغيرة زيت
نصف خمارة
طحين اللي يجمع الخليط
شكلاط اسود و شكلاط ابيض مذوبين للتزيين
نخلطو المقادير اللي عندنا و نجمعو بالطحين و نديروها على شكل غريبة و ندخلوها للفران تطيب ثم نغطسوها فالشكلاط اسود مدوب مع شوية الزيت ثم تزين من الفوق بالشكلاط الابيض

sousou01
19-09-2009, 02:35
حلوة بكاوكاو و المربى
المقادير
رابعة زبدة
5 بيضات
كاس عنبة سنيدة
نصف كاس زيت
قشرة حامضة محكوكة
نصف خمارة
طحين حسب الخليط
التزيين
رابعة كاوكاو اخضر مهرمش
سكر كلاصي
مربى فريز
بياض البيض
الطريقة
نجمعو المقادير الاولى تكون عجينة خفيفة نديروها كويرات تكون مقببة و نغطسوها في بياض البيض مزيان ثم في كاوكاو مهرمش و نستفوها في لاطة ثم نديرو ثقيبة وسط كل حلوة بواسطة الاصبع الصغير و ندخلوها للفران تطيب و منين تخرج نرشو عليها السكر كلاصي من الفوق بالصفاية ثم نعمرو الحفيرات بالمربى

sousou01
19-09-2009, 02:36
حلوة مالحة
المقادير
كاس كبير حليب
كاس كبير زيت
رابعة زبدة
شوية الملح + شوية البزار
ملعقة كبيرة موطارد
دقيق اللي يجمع الخليط
100 غرام فرماج احمر محكوك للتزيين
الطريقة
نجمعو العناصر كلها ماعدا الفرماج ونطلقوها بالدلاك و نقطعوها بالمرشم حسب الشكل اللي بغينا ثم نرشوها بالفرماج من الفوق و ندخلوها للفران

sousou01
19-09-2009, 02:36
حلوة مالحة بكاوكاو
المقادير
400 غرام دقيق
كيلو الا ربع زبدة ( 750 غرام )
100 غرام كاوكاو محمر و مقشر و مطحون
شوية القرفة
شوية الملح
شوية البزار
شوية سكينجبير
2 بيضات
التزيين
اصفر البيض
كاوكاو اخضر مهرمش
الطريقة
نخلطو كل المقادير اللي عندنا و ندخلو العجينة للمجمد تقريبا نصف ساعة تشد فراسها ثم نطلقوها بالدلاك و نقطعوها حسب الرغبة بالقطاعة او المرشم ثم ندهنوها باصفر البيض و نرش بكاوكاو اخضر مهرمش و ندخلوها للفران تطيب

sousou01
19-09-2009, 02:37
رغيفات مقليين و معسلين
المقادير
كيلو فورص
2 بيضات
كاس زبدة مذوبة
3 خمارات
نصف كاس جنجلان مطحون
شوية زعفران حر
شوية نافع مطحون
شوية الملح
ملعقة صغيرة عامرة خميرة معجونة
زيت للقلي
عسل
لوز مهرمش او جنجلان للتزيين
الطريقة
نخلطو الطحين مع باقي المقادير و نجمعو بالماء دافي تكون العجينة خفيفة شوية نخليوها ترتاح شوية ثم نديرو كويرات قد المشماشة و منين نكملو نرجعو للكويرة الاولى و نبداو نورقو بالزيت و نطويو بحال الرغايف و منين نكملو نقليوهم فالزيت ثم نطفيوهم فالعسل و نزين باللوز او الجنجلان
اللي مابغاش الحلاوة بزاف يمكن غير يرشهم بشوية العسل من الفوق

sousou01
19-09-2009, 02:37
بشكيطو بالشكلاط

125 طحين
2م ك السنيدة
2 م ك الزبدة مدوبة
1 م ك الزيت
قبصة الفانى
قبصة خميرة الحلوى

تزيين
100 غ شكلاط الاسود
100غ الشكلاط الابيض
اللوز محمر و مهلرمش

تخلط كل المقادير مع بعض تورق تقطع دوائر تدخل للفرن تم يفند نصف الدائر بالشكلاط الاسود والتانى بالابيض اما ان تبقى غير بالشكلاط او يزين الشكلاط باللوز مهرمش

nice-women
22-09-2009, 17:31
رابعة الزبدة ـ 2 فروماجات مربعين ـ 2 فروماجات مثلتين ـ كاس سنيدة ـ كاس زيت ـ قبصة ملح ـ دقيق حسب الخليط نجمعوا جميع المقادير ونكوروها كويرات صغار ونطبعوها بالطابع على شكل وريدة وندخلوها الفرن او ماتطيبش بزاف.

السلام عليكن و رحمة الله تعالى و بركاته


تشكرين غاليتي بغيت نسولك واش الزبدة المستعملة ديال لعبار و لا مانكرين ؟؟؟؟


الله يعطيكن ما تمنيتو في خاطركن

raihana
22-09-2009, 21:06
السلام عليكم ورحمة الله تعالى وبركاته لك اختي الحبيبة عن تاخري في الردعليك لانني لم اقرا رسالتك الا اللحظة فيما يخص سؤالك عن الزبدة لم اتذكر ماهي ولكن عن تجربتي لحلوي الفروماج فالزبدة العادية هي الاحسن اتمني ان اكون قد اعطيتك الجواب الكافي واعتذر لك مرة ثانية وشكرا لتفهمك اختي.

nice-women
22-09-2009, 22:23
السلام عليكم و رحمة الله تعالى و بركاته

أختي راني جربت الحلوة بالفرماج أشنو نقول ليك جات حالتها و ما فيها ما يتكال حشمت مع دارنا و هادي أول مرة كنجرب شي حاجة من أناقة مغربية و ما تصدق :o :o اليوم زعما نزلت ليا المعنويات :(

تشكرن غالياتي :)

kiko_samar
23-09-2009, 14:43
wach jarabti dyal li9a lmaftouh

raihana
23-09-2009, 15:18
السلام عليكم ورحمة الله تعالى وبركاته اختي الذنب ليس ذنبي لقد سمعتها من اللقاء المفتوح استسمحك مرة ثانية اود ان اسالك كيف استعملت الزبدة وباقي المقادير.

raihana
23-09-2009, 21:13
السلام عليكم ورحمة الله تعالى وبركاته غادي نعطيكم وصفة الدجاج بالكورنيشو قدمت يوم الثلاتاء دجاجة على حسب عدد الافراد ـ شوية الابزار ـ ملح ـ زعفران شعرة ـ ملعقة زبدة كبيرة ـ شوية الزيت ـ 2 ضامات البنة ـ نصف كاس ماء ـ نصف كيلو بطاطا ـ شوية كورنيشو مرقد ومحكوك ناخد الدجاجة ونغسلوها ونشرملوها بخليط التوابل والكورنيشونقطعو البطاطا دوائر ونستفوها في المول الخاص بالفرن المدهون ونؤضعو الدجاجة ونخلطو اللي بق من الشرمولة بنصف كاس الماء ونصبه على الكل ونغطيها بورق الالومنيوم وندخلها الفرن تطيب.

mouna222
26-09-2009, 14:13
السلام عليكم ورحمة الله وبركاته
بغيت نعرف طريقة اعداد الحريرة الحامضة عرفتو الحريرة ديالي مكتجيش بنينة معرفتش علاش

khoula1986
26-09-2009, 22:43
بسم الله الرحمن الرحيم
السلام عليكم ورحمة الله وبركاته
أنا ختي mouna222 كنت كنعاني من نفس لمشكل ولايني ملي جربت هاد لحريرة تهنيت
هاهو رابط
http://www.anaqamaghribia.com/vb/showthread.php?t=62245

mouna222
27-09-2009, 13:53
سيري الله يعطيك منويت فخاطرك

فلافل
28-09-2009, 17:45
تبارك الله عليك تيشهي
الله يعطيك الصحة

om chada
29-09-2009, 00:32
السلام عليكم ورحمة الله وبركاته
البنات كيديرين كلشي لباس انا نكتب ليكم واحد لوصفة ديال لقاء مفتوح من منتدى اخر ماشفتهاش مكتوبة

رغايف معمرين بقشيوشات الدجاج و الشعرية الصينية
http://www6.0zz0.com/2008/11/23/18/116618381.jpg

مقادير العجين
نصف كيلو دقيق
25 غرام خميرة معجونة
ملح
ماء دافي لجمع العجين
نعجنو المقادير اللي عندنا و ندلكو العجين ثم نديرو كويرات صغار و ندهنوهم بالزيت
زيت + زبدة لطلق العجين
مقادير الحشوة
كناصي و كبيدات الدجاج مقطعين رقاق و يمكن نزيدو عليهم طريفات صدر دجاج طايب مفرتت
قزبر و معدنوس مقطعين
شوية بزار و ملح و سكين جبير و زعفران
2 بصلات مشلضين
زيت
كاس ماء
شعرية صينية مرطبة في ماء طايب خمس دقائق و مصفية
ملعقة قرفة + ملعقة سنيدة
الطريقة
نديرو التقاطع ديال الدجاج في مقلة مع الزيت و البصلة و الربيع و التوابل و نخليوهم يتشحرو مزيان ثم نزيدو عليهم كاس ديال الماء و نغطيوهم و نخليوهم يطيبو
منين يقربو يطيبو نزيدو عليهم القرفة و سنيدة و نخليوهم يكملو الطياب و يشربو ثم نزيدو عليهم الشعرية الصينية
نطلقو كويرات العجين بخليط الزبدة و الزيت و نديرو شوية من الحشوة الوسط و نسدو الرغيفات على شكل مربع بلا ما نكرصوهم ثم نستفوهم في طاوة مدهونة بالزيت و نخليوهم يخمرو ثم ندهنوهم بالبيض و ندخلوهم للفران يطيبو ثم نقدموهم

om chada
29-09-2009, 01:15
عصير بالحليب
لتر حليب +3 ليمونات معصؤين + حامضة معصرة+ 2 كيري +سكر على حسابك
تخلطي كلشي فمولينكس وتاخدي كاس التقديم تخوي فيه شوية السيرو تم تصبي فوقه العصير تدخليه التلاجة
تيجي طبقات
http://www.sedty.com/vb/imagehosting/4616_1206465622.jpg
القريشلات ديال عاشوراء :
المقادير : كيلو دقيق 2 كيسان زيت 2 كيسان سنيدة 2 بيضات نص كاس ماء الزهر 2 خميرة كاس صغير زنجلان محمر نصف كاس نافع شوية الملح نجمعو المكونات والما تجمعاتش زيدي شوية الماء او ماء الزهر
كاشير خالي من الدهون
غ كفتة دجاج
فصوص ثوم صغار4
ملح ابزار
كاس خبز مطحون
بيضة
زيتون مقطع

كتخلطي العناصر كلها و تجمع ببيضة
تعمله فكاس الكاشير او في بلاستيك غدائي او خنيشات سباكتي
و تعملها فكوكوت مع شوية الحامض باش متكحلش ل 45د و ها هو واجد

om chada
29-09-2009, 01:17
بناشي بالفرماج :


كاس يوغورت مسوس
كاس عصير البرتقال
سكر حسب الذوق
يخلط الكل في الخلاط و يقدم باردا. 1/2 حليب 2 قطع فرماج مربع

om chada
29-09-2009, 01:18
بناشي بالفرماج :
1/2 حليب
2 قطع فرماج مربع
كاس يوغورت مسوس
كاس عصير البرتقال
سكر حسب الذوق
يخلط الكل في الخلاط و يقدم باردا

khoula1986
29-09-2009, 08:08
لهلا يخطيك أختي أم شدى

om chada
29-09-2009, 23:15
بارك الله فيك اختي خولة هدفنا واحد ان نفيد ونستفيد

إسراء
30-09-2009, 09:59
اخواتي اشكركن على مجهوداتكن القصوى لوضع كل هذه الوصفات والنصائح رهن اشارتنا.اسال الله تعالى ان يجعله في ميزان حسناتكن.