المساعد الشخصي الرقمي

مشاهدة النسخة كاملة : ملحق ركن اللقاء المفتوح رقم2



الصفحات : 1 2 3 4 5 6 [7] 8 9

raihana
23-11-2009, 22:04
السلام عليكم ورحمة الله تعالى وبركاته كنسلم على جميع الحبيبات ديالي كاملين كل واحدة باسمها اوكنرحب بجميع الاخوات الجدد اوكنقول ليهم مرحبا بكم المهم انكم معانا حتى ولو ما شاركتوش ماكاين باس المهم هو اللي عندو شي حاجة يفيد بها اخوه المسلم احنا كاملين اسرةواحدة او كنشكر الاخوات اللي دعاو معاي بزاف الله يجازيهم الفردوس الاعلى من الجنة او كنقول ليكم كاملين عواشركم مباركة مسعودة والله يعطيكم كل ما تمنيت في خاطركم ويفرحكم ان شاء الله احبكم اخواتي في الله.

raihana
23-11-2009, 22:12
اهلا بالحبيبة ام شدى بغيت تشوفي راسك واش عزيزة راكي عزيزة او بزاف او كل اخت هنا راها عزيزة علي او كنتمنى للجميع كل الخير او كنقول للاختي ام شدى اني راسلتك على الخاص .

samrae
23-11-2009, 22:32
تبارك الله عليكم

ام وصال 2001
23-11-2009, 23:10
شكرا اختاي حكيمة وام شدى لاني لم اتابع حلقة اليوم حيث الارسال تقطع الله ايجازيكما الجنة
على سلامتك اختي ريحانة الله ايدوم عليك الصحة والعافية اوتبقاي دايما منورة المنتدى
لكل الاخوات الحبيبات عواشر مباركة تعيدواو تعاودو ان شاء الله ياربي

jassemine
23-11-2009, 23:51
سلامي لكل انيقات المنتدى وعواشر مباركةبكل ماتمنيتوا انشاء الله وبالشفاء للاخت ريحانة ولكل الاخت مريضة
اخواتي واش كاينة شي حليوة هنا بالاصفر دالبيض عفاكم كيف عرفتو المكرون ديال الاخت المراكشية فيه ابيض البيض وغدي يبقى الاصفر اش غيدار به؟
وشكرا عيد مبارك سعيييييييييييييد

رشى
24-11-2009, 00:01
الكعك غزال نهار سمعته في اللقاء المفتوح جربته الله يعطيهم الصحة كاملين.

عنبر
24-11-2009, 00:03
اهلا و سهلا بكن اخواتي على سلامتك اختي ريحانة و كنشكر الاخت حكيمة على الوصفات لكتبت لينا لهلا يخطيك علينا الحبيبة حيت كان هناك عطب ومكنتش مسالية

om chada
24-11-2009, 00:06
ربي يخليك الحبيبة ريحانة انا كدلك راسلتك اتمنى لك الشفاء العاجل ومرحبا بالاخت خالت نجاة وكل اخت جديدة معانا كنرحبو بها

الساجدة
24-11-2009, 00:09
السلام عليكم ورحمة الله وبركاته مشكوووووور والله يعطيك الف عافيه

رشى
24-11-2009, 00:21
حلوة باصفر البيض من اللقاء المفتوح.
500غزبدة 8 اصفر البيض 250 غ سنيدة كاس الزيت صغير 4الخمارات 2 فاني 10 الدراهم صنوبر 250غ زبيب الظحين حسب الخليط
للتزيين الزنجلان ابيض البيض . نخدموا الزبدة مع السكر واصفر البيض و+المقادير الاخرىو+الطحين و نكوروها ونغظسوا الوجه ديالها بابيض البيض والزنجلان وندخلها للفرن الساخن .

رشى
24-11-2009, 00:31
السميدة الرقيقة اختي واعواشركم مباركة مسعودة اخواتي الانيقات.

ام جهاد و نضال
24-11-2009, 00:36
شكرا اخواتي على الحضور الدائم والافادة .الحمدلله على سلامتك اختي ريحانة والله يدوم عليك صحيحتك وتبقاي منورة المنتدى الى جانب الاخوات

TAWBA 1
24-11-2009, 01:42
السلام عليكم الحادكات
انا صوّبت الحلو ديال الكوك والفرميسال اللي مقاديرها هما :
6 بيضات وكاس السميدة ونصف كيلو كوك وكاس سنيدة وكاس الزيت و 2 خمارات وكاس الفرميسال الملون والتزيين يمتء زهر والسكر كلاصي وجات زوينة ولذيذة

وحلوة الأخرى هي : رابعة الزبدة و رابعة سنيدة و كاس الزيت و1 خمارة و1فاني و 4 بيضات الأصفر فقط و الطحين حسب الخليط
للتزيين : بياض البيض و رابعة اللوز مهرمش أخضر
تشكل حريبلات وتمرمر في بياض البيض وتفند في اللوز مهرمش ويضغط عليها بالفورشيط
كتجي هشية ولذيذة

ام جهاد و نضال
24-11-2009, 13:32
مشكوووووورة والله يعطيك الصحة

hakima09
24-11-2009, 17:09
المروزية من عند الغالية
المقادير
1ك لحم الغنمي
زلافة صغيرة زبيب بلا عظم
كاس لوز منقي ومقلي
3 بصلات مشلظات
م ص سكينجبير
ابزار
ملح
زعفران
م ص قرفة
م ك راس حانوت
كاس زيت
3 بيضات مسلوقين
م ك زبدة
3 م ك عسل
الطريقة
ف كوكوت او برمة نضع اللحم مع كاس زيت ثم نضيف التوابل ثم نغطيو اللحم بالماء ونضيفو البصل(البصل ماكيتقلاش ) ونخلوه اطيب ملي يطيب اللحم نزيدو الزبيب مع دوك 3 م عسل ونخليوه يتشرب
منبعد نحطو ه ف طبق التقديم ونزينوه ب اللوز والبيض دواور
بالصحة والراحة

hakima09
24-11-2009, 17:18
كباب مغدور

المقادير
لحم مقطع
1م ك معدنوس
بصلة مشلظة
ملح
ابزار
كمون
2 م ك زبدة
م ص خل

الطريقة
في طاجين نديرو 2 م ك زبدة و نضيفو اللحم مقطع والبصلة والتوابل و شوي د الماء نخليوهم يطيبو ملي يطيب اللحم نديرو حفيرات ف الطاجين ونفرقو ديك المعلقة الصغيرة د الخل ف دوك الحفيرات فوق كل حفيرة نهرسو بيضة ونديرو فوق كل بيضة شوي كمون
ونخلوه يطيب مرة اخرى

hakima09
24-11-2009, 17:26
شكرا لك الاخت عنبر و ام وص نحن في خدمة بعضنا البعض والحمد لله
على سلامة الاخت ريحانة الله يشافيك ويعافي جميع الاخوات من كل سوء
و مبروك عواشركم والله يتقبل

hakima09
24-11-2009, 17:51
سلطة بالروز و الخضر
المقادير
رابعة روز مصلوق
2 بطاطات مصلوقين و مقطعين مكعبات
باربا مصلوقة و مقطعة
لوبيا مصلوقة
خيزو محكوك طويل
بورو محكوك طويل
طون
مايونيز
ملح
ابزار
عصير حامض
معدنوس مقطع
خس

الطريقة

نخلطو الروز مع الطون و شوية الملح و الابزار وشوي حامض و 1/2 م مايونيز و نديروه
فزلافة
نخلطو البطاطا مع المايونيز و شوية معدنوس و حامض و ملح و ابزار
نفس الشيء بالنسبة لالباربا و اللوبيا
في طبق التقديم نفرشو الخص و نقلبو زلافة دالروز في الوسط وندورو عليها بطاطا ثم باربا ثم لوبيا ....خيزو ثم البورو ولا نزينو بالطريقة اللي بغينا و تقدم السلطة بالصحة و الراحة

hakima09
24-11-2009, 17:56
منع تساقط الشعر وكذالك تلوينه باللون الاشقر
المقادير
حب رشاد بودرة
حنة (اختياري)
ماء
الطريقة
نخلطو جميع المقادير بحال الحنة وندهنو به شعرنا ونخليوه حتى ينشف الاخت قالت من ساعة و نصف حتي ل 2 على حسب الاستطاعة ديال السيدة
ونغسلو شعرنا عادي

ملاك المطبخ
24-11-2009, 20:32
الذين يشاهدون محتوى الموضوع الآن : 13 ( الأعضاء 4 والزوار 9) ‏ملاك المطبخ (http://www.anaqamaghribia.com/vb/member.php?u=33618), ‏manal2005 (http://www.anaqamaghribia.com/vb/member.php?u=13387), ‏mcaziza (http://www.anaqamaghribia.com/vb/member.php?u=27459), ‏warda2 (http://www.anaqamaghribia.com/vb/member.php?u=24520)

samah elkindi
24-11-2009, 20:42
je suis tres contente davoir participer au programme aliqae almaftouh je te remercie
tous les gens quis sont le programmer et jespére dêtre votre amie et de menvoyeré vos idées et vos ingrédiants.

ملاك المطبخ
24-11-2009, 20:48
حلوى ليلى
4 بيضات -2 خمارات -125g زبدة- كاس زيت-
فورص حسب الخليط
لتزيين: شكلاط أسود- باسطة محكوكة
يصلق البيض نأخد الأصفر نمعكه مع الزبدة وسنيدة وباقي المقادير نصنع منها
كويرات تدخل الفرن يدوب الشوكلاط نغمس فيه الحلوة وتفند في باسطة محكوكة

ملاك المطبخ
24-11-2009, 20:53
نصائح :
بولفاف مقرمش :
عند شي القطبان نرش عليها فورص
قطبان لديد :
ندهنه بزيت العود+ عصير الحامض - كامون،، نخلطهم ندهن به مباشرة عند الشي

fatima-it
24-11-2009, 20:55
http://www.anaqamaghribia.com/vb/images/icons/icon20.gifالسلام عليكم ورحمة الله وبركاته اللهم صل على محمد وعلى آله وصحبه أجمعين kif dayrin al bnat machkourin 3la had ljohd li tatbadlou. ana jarabt l kayk diyal tifall tla3 ghzall walakin tayalsaq liya f lmaqla wakha jdida.dhantha bazabda walou.odaghi ntayt7amar man lta7t 3afakom fidoni ila jarrabtouh.:69::79:سبحانك اللهم وبحمدك ، أشهد أن لا إله إلا أنت أستغفرك وأتوب إليك

hasna imintanot
24-11-2009, 20:55
اختي توبة 1 واش الحلوة ديال الفرمسيل مني كطيب مكتحلش واش كتشكليها بحال غريبة وشكرا لك

ملاك المطبخ
24-11-2009, 21:07
دوارة مفورة حليمة ازرو

دوارة كاملة مقطعة بنفس الحجم والحساب - بزار- ملح- كامون- سكنجبير -
خرقوم- توم-ربيع- بصلة-زعتر- أزير- سلمية-
بنسبة لهاد توابيل : (لحية الشيخ- ورق الرند - بصلة خضاري يابسة+هريسة مدقوقين نطحن الكل في رحى نأخد منها لدوارة)
نخلط جميع ألتوابيل والبصلة + دوارة نتركه ليلى كاملة وفي الغد نفرش شحمة ونضع فوقها دوارة تلوى وتقطع في كسكاس نفرش بصلة دوائر ونحط فوقها قطع دوارة نخليوهة تطيب تقدم مع اتاي والخبز

melami
24-11-2009, 21:12
السلام عليكم مسا ء الخير عليكم وعواشركم مباركةمسعودة باش ماتمنيتو (الصحة و الهنا والهداية للوليدات) شكرا اختي رشى الله يعطيك الستر حيت جاوبتيني

ملاك المطبخ
24-11-2009, 21:15
بنسبة لحلوى فيرميسال كتجي بحال غريبة وكتجي غزالة حتى أنا جربتها ولكن شحال هادي وكتجي محمرة من الوجه

ملاك المطبخ
24-11-2009, 21:17
الذين يشاهدون محتوى الموضوع الآن : 20 ( الأعضاء 8 والزوار 12) ‏ملاك المطبخ (http://www.anaqamaghribia.com/vb/member.php?u=33618), ‏الكوثر2 (http://www.anaqamaghribia.com/vb/member.php?u=31901), ‏بسمة الربيع (http://www.anaqamaghribia.com/vb/member.php?u=29418), ‏melami (http://www.anaqamaghribia.com/vb/member.php?u=46366), ‏om adouma (http://www.anaqamaghribia.com/vb/member.php?u=16059), ‏samrae (http://www.anaqamaghribia.com/vb/member.php?u=21224), ‏SOUSIBELLA (http://www.anaqamaghribia.com/vb/member.php?u=11688), ‏عاشقة زوجها (http://www.anaqamaghribia.com/vb/member.php?u=23155)

ملاك المطبخ
24-11-2009, 21:32
قديد حليمة ازرو
لحية الشيخ مقطعة+ ريحان+سرغينية عواد+ورق رند+ أعواد القرفة+
4 حبات ورق حنة +كذا مقسمة بنصف +عصير حامضة + ماء
نغسل جميع المكونات تصفى ونديروها في بوديزا ونزيدو فوقها ماء ونخلوه لمدة طويلة حتى تطلق المكونات نقطع اللحم ونديروه في بانيو ونكب فوقو الماء المعشب ونخلوهم يشربو من بعد يصفى وندير ليه ألتوبيل المعروفة للقديد ويتجفف في الشمس

raihana
24-11-2009, 21:45
السلام عليكم ورحمة الله تعالى وبركاته عليكم اخواتاتي كاملين كيف حالكم نتمنى ليكم تكونو بخير وفي احسن الاحوال ساغيب مدة 10 ايام لقضاء العيد في المغرب انا وعائلتي الصغيرة مع والدي واخوتي انها اول مرة مند 8 سنوات انني جد سعيدة عيدكم مبارك سعيد وكل عام وانتم بخير الغزيولات ديالي احبكم في الله جميعا ساغادر يوم الخميس عبر الطائرة .

ملاك المطبخ
24-11-2009, 21:50
الذين يشاهدون محتوى الموضوع الآن : 24 ( الأعضاء 10 والزوار 14) ‏ملاك المطبخ (http://www.anaqamaghribia.com/vb/member.php?u=33618), ‏amouna86 (http://www.anaqamaghribia.com/vb/member.php?u=11635), ‏الكوثر2 (http://www.anaqamaghribia.com/vb/member.php?u=31901), ‏بسمة الربيع (http://www.anaqamaghribia.com/vb/member.php?u=29418), ‏حجيبة (http://www.anaqamaghribia.com/vb/member.php?u=13189), ‏om adouma (http://www.anaqamaghribia.com/vb/member.php?u=16059), ‏oum ghadir (http://www.anaqamaghribia.com/vb/member.php?u=44688), ‏SOUSIBELLA (http://www.anaqamaghribia.com/vb/member.php?u=11688), ‏عاشقة زوجها (http://www.anaqamaghribia.com/vb/member.php?u=23155), ‏zahiato (http://www.anaqamaghribia.com/vb/member.php?u=31568)

ملاك المطبخ
24-11-2009, 21:55
mar7ba bik khti raihana fi bladak wttri9 salama inchaalah nti la famill dyalk
waid moubarak said wmar7ba walf alf mar7ba bik

maritaa
24-11-2009, 22:21
اختي ريحانة انا ماكنعرفكش مزيان ولكن كلنا اخواتات في هاد المنتدى الاكثر من رائع اليس كذلك بغيت نقوليك اختي ريحانة والله الى فرحت ليك بزاف منين غادي تجي المغرب باش تعيدي مع حبابك الله يجيبك على خير انت وعائلتك وعيد مبارك سعيد

raihana
24-11-2009, 22:35
ترحب بيكم الجنة ونعيمها لهلا يخطيكم علي بارك الله او فيكم اختي ملاك المطبخ واختي ماريطا .

ام محمدوديع
24-11-2009, 22:51
اختي ريحانة عيد مبارك سعيد والله يوصلك بخير وعلى خير وكل عام وانت بخير.

jassemine
24-11-2009, 22:52
شكرا جزيلا لك حبيبتي رشى وعيد مبارك سعيد

عنبر
24-11-2009, 22:55
اهلا و مرحبا اختي حلوة الفغمسيل كتجي مشقة بحال غريبة ومكطيبش بزاف بشاف متكرمش

mahabat allah
24-11-2009, 23:10
الذين يشاهدون محتوى الموضوع الآن : 17 ( الأعضاء 6 والزوار 11)
‏mahabat allah, ‏amal, ‏الرجاء في الله, ‏mamat hamza, ‏عاشقة زوجها, ‏عنبر

عنبر
24-11-2009, 23:12
بسم الله الرحمن الرحيم اختي ملاك المطبخ الحلوى ديال البيض مسلوق واش فيها سنيدة لم تدكريها في المقادير وشكرا عزيزتي

mahabat allah
24-11-2009, 23:15
عواشر مباركة تعيدواو تعاودو ان شاء الله ياربي

ام وصال 2001
24-11-2009, 23:37
تبارك الله عليكم عاد ساليت دخلت باش نكتب شي حاجة لقيت راسي جيت معطلة كملتو كلشي ماخليتو لي والو وترني شحال انا كسولة ههههههه ولكن الله ايعطيكم الصحة اولهلا ايخطيكم حيت الكعدة بلا بيكم خسارة

عنبر
25-11-2009, 00:30
وصفة لترطيب الشعر 20 درهم حب الرشاد يدق ويخلط بالماء حتى يقصاح نحطوه

على الشعر 2 ساعات هد الوصفة كتغير اللون لشعرها اسود لا تستعملها

عنبر
25-11-2009, 00:37
وصفة للاماكن الداكنة تخت القهوة والصابون البلدي نخلطوهم ونوضعوهم فوق الاماكن لعندنا كحلين حتى ينشفو ونغسلوهم

عنبر
25-11-2009, 00:47
كوماح 2معالق اتاي مدقوق مغربل 2معالق فورص 2قطرات الحامض يجمع الكل بماء ورد على شكل كريم ويوضع على الوجه مثل كوماج ثم يغسل تستعمل الوصفة نهار ايه ونهار لا

TAWBA 1
25-11-2009, 00:49
أختي حسناء إيملتانوت حلوة د لفرميسال كتجي بحال غريبة مشققة من فوق ومحمرة شوية
المهم تطيب على نار مهيلة حيث كتطيب بسرعة
ويكون الكوك جديد ومتحيدهاش من طاوة حتى تبرد شوية باش ما تفتتش وكتجي لذيذة جربيها وردي علي الأخبار
وشكرا لكل الأنيقات،
مرحبا بيك فبلادك أختي ريحانة ، تعيدي وتعاودي معنا دايما في بلادك المحبوب ووسط أحبابك إنشاء الله

zizou-4300
25-11-2009, 12:55
http://www.anaqamaghribia.com/vb/images/icons/icon17.gifالسلام عليكن وعواشر مباركة مسعودة باش ماتمنيتو وبالصحة والعافية وكل عام والجميع بألف خير

المرجو كتابة النصائح التي قدمت في فترة التغذية على 9و30

ولكن جزيل الشكر

حمدا لله على السلامة للاخت ريحانة والله يوصلك على خير لبدك العزيز ومرحبا بك:58:


لبيك اللهم لبيك لبيك لا شريك لك لبيك ان الحمد والنعمة لك والملك لا شريك لك

hasna imintanot
25-11-2009, 14:19
اختي توبة1 شكرا جزيلا لك .
إختي ريحانة الله يجيبك على خير سعداتك اختي شحال زوييييييين العيد في المغرب اوا احنا هنا في الغربة غير خليها على الله و صافي اوا طريق السلامة اختي
البنات كاملين عواشركم مبروكة تعيد و تعاود.

hakima09
25-11-2009, 16:20
السلام عليكم ورحمة الله المرجو لمن سمع اطباق اليوم ان يفيدنا لانني لم اكن في المنزل اليوم

hanine82
25-11-2009, 16:26
تبارك الله عليكم

ملاك المطبخ
25-11-2009, 18:50
sam7o li rani nsit fi 7alwa baid maslou9 kas zit
chokran akhti 3andar 3la tanbih

ملاك المطبخ
25-11-2009, 21:55
كبدة مشرملة حياة
250g كبدة - م.ك.قزبر يابس مدقوق -2 فصوص توم-م.ك. تحميرة- م.بزار-
فورص- م.ك.كامون -م.ص.خل -م. ملح-250g مطيشة -
لتزيين :زيتون أحمر- حامض مصير
نخلط جميع توابيل وتوم تقسم بنصف نأخد نصف الأول نضيفه لكبدة تفند في فورص تقلى في زيت نصف قلية نزيلها تقطع مطيشة نضعها في مقلة فيها زيت تتشحر نضيف لها نصف التوابل من بعد نزيد كبدة تطيب مرة أخرى ونزيد ماء ونخلوه حتى يطيبو وتقدم .

ملاك المطبخ
25-11-2009, 22:11
رغايف على شكل كرواصة زبيدة رباط
1 كيلو فورص -بيضة- خميرة- كاس و 1/2 ماء دافئ -سكر كلاسي
فورص+بيضة+خميرة يجمع بالماء يدلك مزيان نشكلها كويرات صغار
ترتاح نبدأ بالأولى تكرص على شكل مربع نرشو عليها سكر كلاسي تطوى وناخد تانية تكرس ونرش عليها سكر كلاسي ونديرو فيها الأولى حتى نحصلو في كل وحدة 4 وحدات نحطوها في طاوة مدهونة بزيت حتى نكملو جميع
الكرات نخليوهم يخمرو من بعد ندهن الوجه بأصفر البيض ونرش عليها سكر كلاسي وتدخل الفرن

ملاك المطبخ
25-11-2009, 22:12
الذين يشاهدون محتوى الموضوع الآن : 13 ( الأعضاء 5 والزوار 8) ‏ملاك المطبخ (http://www.anaqamaghribia.com/vb/member.php?u=33618), ‏amira1 (http://www.anaqamaghribia.com/vb/member.php?u=44010), ‏jawhara42 (http://www.anaqamaghribia.com/vb/member.php?u=18282), ‏oum ghadir (http://www.anaqamaghribia.com/vb/member.php?u=44688), ‏raihana (http://www.anaqamaghribia.com/vb/member.php?u=18708)

ملاك المطبخ
25-11-2009, 22:20
حلوى نشا نزهة مراكش

1/2 كيلو زبدة-200g نشا - كاس صغير زيت- كاس عنبة سكر كلاسي-
خمارة- فاني- فورص
نخلط جميع المكونات نصنع منها كويرات توضع في طاوة مرشوشة بفورص تدخل الفرن

TAWBA 1
25-11-2009, 23:11
السلام عليكم ورحمة الله تعالى وبركاته
شكرا أختي ملاك المطبخ علىأهتمامك وإدراجك للوصفات اللي كتفوتنا فالوقت اللي كنتشغلوا فيهابعد المرات في المطبخ أو خارجه

TAWBA 1
25-11-2009, 23:12
الذين يشاهدون محتوى الموضوع الآن : 17 ( الأعضاء 4 والزوار 13) ‏TAWBA 1 (http://www.anaqamaghribia.com/vb/member.php?u=43213), ‏ام خديجة (http://www.anaqamaghribia.com/vb/member.php?u=6349), ‏jawhara42 (http://www.anaqamaghribia.com/vb/member.php?u=18282), ‏سلمى سليمة (http://www.anaqamaghribia.com/vb/member.php?u=33341)

ملاك المطبخ
26-11-2009, 01:32
الذين يشاهدون محتوى الموضوع الآن : 5 ( الأعضاء 2 والزوار 3) ‏ملاك المطبخ (http://www.anaqamaghribia.com/vb/member.php?u=33618), ‏حجابي عفتي (http://www.anaqamaghribia.com/vb/member.php?u=21138)+

zahiato
26-11-2009, 14:50
أختي ريحانة مرحبا بك وعيد مبارك سعيد عليك وعلى جميع الأخوات وكل عام والكل بخير

ملاك المطبخ
26-11-2009, 15:32
الذين يشاهدون محتوى الموضوع الآن : 14 ( الأعضاء 7 والزوار 7) ‏ملاك المطبخ (http://www.anaqamaghribia.com/vb/member.php?u=33618), ‏ام خديجة (http://www.anaqamaghribia.com/vb/member.php?u=6349), ‏chocolata22 (http://www.anaqamaghribia.com/vb/member.php?u=39874), ‏emilia (http://www.anaqamaghribia.com/vb/member.php?u=1226), ‏mahabat allah (http://www.anaqamaghribia.com/vb/member.php?u=25685), ‏malk (http://www.anaqamaghribia.com/vb/member.php?u=7319), ‏nouralhoda (http://www.anaqamaghribia.com/vb/member.php?u=23726)

ملاك المطبخ
26-11-2009, 15:42
طبق اليوم الفخد من عند سيدة لطيفة من أكادير
فخاد الحولي -م.ك زبدة -1/2 م.راس الحانوت- بزار- كامون-
ملح- توم بلقشرة- بصلة مقطعة شرائح طوال -ربطت ربيع-2.م نشاء-كنور-
جزر مقطع -بطاطا مقطعة-
نأخد الفخد نتبله بتوابل يدهن بزبدة يتقب بسكين ونديرو توم في تقب نضعه في كسكاس فوقو بصلة حتى يطيب نزوله وندخلوه فران يتحمر ناخد مرق المتبقي ندير فيه جزر وبطاطا وكنور حتى يطيبو +ربيع+نشا باش تعقاد المرقة نقدمها مع الفخد محمر

ملاك المطبخ
26-11-2009, 16:01
حريرة الكروية من عند سيدة سمية

3 لتر ماء-2.م.ك كروية مدقوقة -150g فورص- باقة نعناع -1/2 كاس صغير حامض -3 حبات مسكة حرة مدقوقة -ملح.
ماء في طنجرة يسخن ناخد فورص + ماء بارد نحركه مزيان وناخد صفاية فوق طنجرة نكبو فورص ونحرك مزيان حتى يغلي ناخد ورق نعناع مدقق مع ملح نزيده ماء بارد ونصفيوه ونكبه في طنجرة ونحرك ندق مسكة حرة ++كروية نزيدها ماء بارد تصفى ونزيدها في طنجرة + عصير لحامض نحرك مزيان حتى يطيب وإلى تكور لينا نصفيوه في صفاية
كيتشرب بعد أكل شوى أو اللحم

om chada
26-11-2009, 19:36
السلام عليكم ورحمة الله وبركاته كنسلم على كل الاخوات هنا معانا وكنقول لحبيبتي ريحانة طريق سلامة لك او لعائلتك الصغيرة اتمنى ان تكوني سعيدة وفرحانة واطلب من كل اخت تعرف اختنا ريحانة او لاتعرفها ان تدعوا معها بظهر الغيب ان يشفيها الله من مرضيها وان يرجعها لعائلتها بالصحة والعافية ويبعد عنها كل مكروه امين اتمنى من اي اخت دخلت تدعي معاها وشكرا لاكن وعواشركم مبروكة الله يدخلها عليكم بالصحة والسلامة والرزق

salima1
26-11-2009, 20:12
السلام عليكم ورحمة الله وبركاته

عواشركم مباركة مسعودة لجميع الاخوات والمشرفات وكدالك الزوار
تعيدوا دو وتعاودو بكل متمنتو ا

احبكم في الله

عنبر
27-11-2009, 00:22
السلام عليكم ورحمة الله تعالى وبركاته عواشركم مبروكة وعيد مبارك سعيد لكل الاخوات المنخرطات في ركن اللقاء المفتوح بالصحة والسلامة والشفاء لكل المرضى

om ikram
27-11-2009, 09:57
السلام عليكم ورحمة الله وبركاته
كنشكركم بزاف على هاد المجهدات لى كديرو
عافكم عطيونى طريقة الديسير لى قالت واحد السيدة
لبارح الخميس وشكرا مرة اخرى

hasna imintanot
27-11-2009, 18:04
اللحم بالبرقوق (هناء من وجدة)
المقادير
كيلو و نصف لحم مقطع
2 بصلات كبار مشلضين
3 ضروس ثوم مدقوقين
2 اعواد قرفة
ملعقة صغيرة قرفة مطحونة
ملعقة صغيرة سكينجبير
ملعقة صغيرة ابزار
شوية زعفران
2 معالق كبار معدنوس مقطع
نصف كاس زيت مخلطة بلدية و زيت المائدة
التزيين
برقوق مغسول و مرطب فالماء (نصف كيلو او اقل)
100 غرام لوز مصلوق و مفسخ و مقلي
نصف كاس جنجلان
5 معالق كبار سكر كلاصي
الطريقة
في كوكوت نديرو اللحم مع البصلة و الثومة و الزيت و المعدنوس و كل التوابل و نخلطو كلشي و نخليوه يتشحر 5 دقائق على نار مهيلة ثم نزيدو الماء (تقريبا 1 لتر) و نسدو عليه يطيب
منين يطيب اللحم ناخذو منو 2 معالق كبار ديال المرق ونخليو المرق اللي فالكوكوت يختار
نزيدو المرق اللي خذينا من اللحم على البرقوق و نخليوه يغلي شوية ثم نضيف السكر و شوية قرفة و نخليوه يتعسل
نحطو اللحم في طبق التقديم و نديرو عليه البصلة و المرق و يزين من الفوق بالبرقوق معسل و اللوز مقلي و يرش البرقوق بالجنجلان
ملحوظة : صاحبة الوصفة قالت نرطبو البرقوق ثم نزيدو عليه جوج معالق مرق ثم السكر و نخليوه يتعسل كنظن هذا غير كافي باش يطيب البرقوق خصو اولا يتصلق مزيان حتى يدخلو الطياب عاد نصفيوه و نزيدو عليه المرق و نعسلوه المهم هذا راي شخصي و كل وحدة و الراي ديالها

hasna imintanot
27-11-2009, 18:05
حلوة اللوز (امين من مراكش)
المقادير
نصف كيلو لوز مصلوق و مقشر
رابعة سكر (او اقل)
قبصة مسكة حرة
اصفر بيضة
2 معالق كبار مربى برتقال
قشرة برتقالة صغيرة محكوكة
التزيين
3 بياض البيض
ملعقة كبيرة مازهر
شكلاط اسود مذوب
شكلاط ابيض مذوب
سكر كلاصي
كوك
كويغطات ديال الحلوى
الطريقة
شكل1
نطحنو اللوز بوحدو المرة الاولى و فالمرة الثانية نخلطوه مع السكر و المسكة حرة و نعاودو نطحنوه ثم نزيدو عليه اصفر بيضة و المربى و القشرة محكوكة و نخلطو مزيان حتى تنسجم العناصر الى مابغاش يتجمع الخليط نزيدو الصفر اللي باقي لينا و نخلطو ثم نديرو كويرات صغار و نغطسوهم في بياض البيض مخلط مع مازهر ثم نفندوهم فالسكر كلاصي و نستفوهم في لاطة مدهونة
شكل 2
نديرو مقدار من العجين كويرات عاديين بلا ماندوزوهم من بياض البيض و السكر كلاصي و ندخلو كلشي للفران يطيب و منين تخرج الحلوى من الفرن نخليوها تبرد و ناخذو الحليوات اللي خليناهم دون تزيين نغطسوهم اما في الشكلاط ابيض او فالشكلاط اسود و نرشو عليهم الكوك من الفوق و نديروهم فكويغطات ديال الحلوى

hasna imintanot
27-11-2009, 18:06
الغالية ( اسفي )

حلوة كاوكاو بالكويغطات

125 غ كاوكاو او اللوز
2/1 فانية
125 غ شكلاط الاسود
كويغطات الحلوة

نحمرو كاوكاو فى المقلاة ونزولو القشرة ونهرمشوه شوية نضيفو الفانى والشكلاط مدوب ونحطوه بالمعلقة فى الكويغطات وتترك حتى تبرد

الى درنا اللوز كيتحمر ويتهرمش

hasna imintanot
27-11-2009, 18:07
هاذو جوج نصائح دازو فاللقاء المفتوح
*باش يجيونا القطبان فتيين كنزيدو ملعقة خل ابيض مع الشرمولة و نخليوهم مرقدين ثم نشويوهم
* القطبان ديال البقري باش مايجيوش قاصحين نزيدو عليهم راس ديال الموس من خميرة الحلوى مع التوابل و نخليوهم مرقدين ساعة ثم نشويوهم كيجيو فتيين بحال ديال الغنمي

hasna imintanot
27-11-2009, 18:08
نصيحتين دازو البارح بخصوص القطبان من عند السيدة بشرى
1 باش القطبان ديال بولفاف يجيو مكرملين منين نكونو كنشويوهم نرشوهم بشوية الفورص
2 بالنسبة لقطبان اللحم منين نشويوهم و يقربو يطيبو ندهنوهم بخليط مكون من عصير الحامض و زيت الزيتون و الكمون و نرجعوهم يكملو الطياب كيجيو بنان بزاف

hasna imintanot
27-11-2009, 18:09
البكبوكة (اكلة وجدية من عند السيدة حورية )
المقادير
الكرشة مغسولة مزيان و مسقطرة
مصارن خصوصا اللي فيهم الشحمة مغسولين مزيان و مرقدين فالخل و الملح 20 دقيقة او نصف ساعة و مشللين بالماء و مقطعين صغار
الرية مقطعة طريفات صغار
شوية شحمة كلاوي مقطعة
2 حتى ل 3 بصلات مشلضين
زلافة صغيرة روز
زلافة حمص مفزك
قزبر و معدنوس
راس ديال الثومة ( نقطعو الضروس او نقسموهم على جوج)
ملعقة كبيرة سكينجبير
ملح حسب الذوق
شوية سودانية (اختياري)
ملعقة كبيرة خرقوم
نصف ملعقة قزبر يابس مطحون
ملعقة كبيرة كمون
شوية من راس الحانوت (الا كان متوفر)
الطريقة
نخلطو كل المقادير اللي عندنا
نقطعو الكرشة مربعات حسب الحجم اللي بغينا و نخيطوهم من 3 جهات و نخليو جهة منين ندخلو الحشوة مانعمروهمش بزاف حيت الحمص و الروز غذي يتنفخو نفوتو النصف بشوية و نحبسو ثم نخيطوهم( كيجيو بحال الوسيدات ) و نثقبوهم بالقطيب 4 او 5 ثقوب
نديروهم فكوكوت مع الملح و الزيت و عريشات قزبر و معدنوس و نغطيوهم بالماء و نخليوهم يطيبو او نطيبوهم على الفاخر نجربو بالسكين او عود الا طابت الكرشة نطفيو عليهم
كنصفيوهم و ناكلو القدر اللي بغينا و الباقي يمكن نديروه فالمجمد و منين نبغيو ناكلوهم نفوروهم فالكسكاس
بالنسبة للحمص يمكن مانديروهش و الا مادرناهش نزيدو نعمرو البكبوكات و نخليو شوية فراغ على حساب الروز
بالصحة والراحة

hasna imintanot
27-11-2009, 18:10
التوابل الخاصة بتحضير راس الحانوت (حسناء من سلا الجديدة)
كوزة غليضة عادية + كوزة صحراوية + لسان الطير + ظهر الفلفل + الخرقوم + بسيبيسة + النويويرة+ الكبابة + اوراق الورد الفيلالي + النافع البستاني + القرنفل + القرفة + قعقلة + القزبر يابس + الكمون الصوفي + الجنجلان + سكينجبير + خودنجال + 2 حبات سودانية (اختيارية) + السانوج + المسكة الحرة + زعفران حر + ابزار ابيض + كروية + بديانة
المقاييس و الطريقة
تنقى التوابل و تطحن مزيان ( طبعا الكوزة نحكوها عاد نطحنوها) و ناخذو 2 معالق صغار من كلشي ماعدا القرنفل نديرو نصف ملعقة صغيرة و المسكة حرة نديرو اكثر شوية من راس ملعقة صغيرة و نخلطو كلشي مزيان و هكذا غدي نحصلو على راس الحانوت
يمكن نضاعفو المقادير و كذلك الا مالقيناش شي نوع من التوابل يمكن الاستغناء عنه

hasna imintanot
27-11-2009, 18:12
وصفات الجمال لهذا اليوم من عند السيدة سعيدة من سلا
وصفة العرائس لكامل الجسم (تزيل الحبوب و الزروقية و الكحولة و الحروشية و تخلي الجسم رطب بحال البيبي)
المكونات
الحنة
جذر الداد نعمرو عليه الماء و نطبخوه مزيان ثم يصفى
جذر الكلخ (2 معالق )
ملعقة صغيرة من العكر الفاسي
الطريقة
نخلطو الحنة و جذر الكلخ و العكر الفاسي بماء الداد و نطليو الجسم كامل و نخليوه ييبس ثم نحتحتوه و نلبسو الحوايج ديالنا بلا مانغسلو و تكرر العملية يوميا من 5 ايام الى اسبوع دون غسل عاد نمشيو للحمام
من بعد يمكن نبقاو نديروها غير مرة فالاسبوع و في الغذ نمشيو للحمام
تستعمل خصيصا للعرائس و نتائجها جيدة غير خصها الحال يكون سخون

hasna imintanot
27-11-2009, 18:13
وصفة لتساقط الشعر
المكونات
ملعقة ريحان مطحون
2 معالق من اوراق السدر
بيضة بلدية
الطريقة
نخلطو العناصر و نشققو بيها الشعر و نغطيوه ببوني ديال البلاستيك و نخليوه على الاقل 2 ساعات ثم نغسلوه و نشفوه مزيان بالفوطة و نشققو الجذر ديال الشعر و هو باقي سخون بالقرنفل مخلط مع زيت الزيتون
(ملعقة صغيرة قرنفل مطحون مع كاس صغير زيت زيتون نخلطوه و نخليوه ثم نبقاو نستعملو الزيت لتشقاق الشعر بعد الحمام و هو مازال سخون باش يستافد منو اكثر)


وصفة 2 لتساقط الشعر
بصلة حمرا محكوكة رقيقة و معصرة ناخذو فقط الماء ديالها و نشققو بيه الشعر و نخليوه من ساعة الى 2 سوايع ثم نمشيو للحمام و بعد الحمام مباشرة نشفو الشعر و نشققو الجذور بالقرنفل و الزيت البلدية و الشعر باقي سخون مثل الوصفة السابقة

hasna imintanot
27-11-2009, 18:14
وصفة لتقوية الشعر
المكونات
العظم ديال التمر
العظم ديال الزيتون (يكون العظم من الشجرة مايكونش مرقد)
بيضة او زيت زيتون للخلط
الطريقة
ناخذو كمية من عظم التمر و كمية من عظم الزيتون و نحمروهم مزيان فالمقلة او الفران حتى يكحالو و يوليو بحال الرماد ثم نطحنوهم بودرة او ندقوهم فالمهراز و نغربلوهم و نخلطوهم اما مع بيضة (بلدية من الاحسن) او نخلطوهم مع زيت الزيتون و نشققو بيهم الشعر و نخليوه من ساعة الى ساعتين ثم يغسل
يمكن استعمال الوصفة حتى بالنسبة للحواجب

hasna imintanot
27-11-2009, 18:14
الذين يشاهدون محتوى الموضوع الآن : 3 ( الأعضاء 2 والزوار 1) ‏hasna imintanot (http://www.anaqamaghribia.com/vb/member.php?u=21593), ‏myfeelings (http://www.anaqamaghribia.com/vb/member.php?u=11536)

melami
27-11-2009, 20:38
لالة عواشركم مبروكة وكل عام وانتم بخير والعائلة كدلك وباش ما تمنيتو الصحة و الهنا و السعادة و الله يجمعنا في الجنة انشاء الله كبفما جمعنا في هدا المنتدى الاكثر من رائع اللي كنتمنى له المزيد من التألق والتقدم

mounaliza80
29-11-2009, 23:47
عواشر مباركة و شكرا لكم على نقل الوصفات والله الى درتوا فينا خير

hasna imintanot
30-11-2009, 16:23
السلام عليكم و رحمة الله و بركاته
شوربة البطاطا حلوة ( فاطمة من البيضاء)
المقادير
رابعة بورو مغسول و مقطع دوائر
2 معالق كبار زبدة
نصف كيلو بطاطا حلوة مقشرة و مقطعة
1 لتر ماء
شوية ملح
ملعقة صغيرة بزار
راس ملعقة صغيرة كوزة
نصف ضامة بنة
علبة حليب مركز مسوس(بيريسيما)
ملعقة كبيرة معدنوس مقطع للتزيين
الطريقة
نديرو الزبدة في كوكوت و نشحرو البورو ثم نزيدو البطاطا و التوابل و الماء و نسدو عليهم حتى يطيبو(تقريبا نصف ساعة) ثم نطحنو كلشي فالخلاط و نزيدو عليه الحليب مسوس ونحركو بلا ما نطيبوه و نديرو الشوربة فزليفات و تزين بالمعدنوس و تقدم في الحين وهي باقية سخونة

hasna imintanot
30-11-2009, 16:24
المقفول (نجاة من هرهورة)
المقادير
كيلو ديال اللحم
كيلو بصلة مقطعة دوائر
كيلو مطيشة مقشرة و مقطعة دوائر
2 بصلات مشلضين
كاس مخلط زيت بلدية و زيت مائدة
2 ضروس ثوم محكوكين
ملح
نصف ملعقة صغيرة ابزار
شوية سكينجبير
شوية زعفران حر
شوية خرقوم بلدي
2 اعواد قرفة
التزيين
سنيدة
قرفة مطحونة
الطريقة
نديرو اللحم في كوكوت او فالطجين و نزيدو البصلة و الثومة و الزيت والقرفة اعواد و باقي التوابل و نخليوه يتشحر مزيان ثم نضيف الماء (الا طيبنا فالطجين ما نكثروش الماء ) و نخليو اللحم يطيب ويتشرب المرق
منين يطيب اللحم نستفو فوقه دوائر مطيشة على شكل طبقة ثم دوائر البصلة و نرشو بسنيدة ثم القرفة و نديرو فرشة اخرى ديال مطيشة و فرشة ديال البصلة و نرشو بسنيدة و القرفة و هكذا حتى نكملو و منين كنكونو نستفو البصلة و مطيشة كنضيقو الدائرة حتى تولي مقببة بحال الهرم و نخليوهم يطيبو و منين يطلقو الماء ديالهم نبقاو مرة مرة نهزو الماء اللي طلقو و نديروه في كاسرونة و منين نكملو نخليو الماء يطبخ فوق النار حتى يتعسل ثم نعاودو نكبوه فالطجين و ندخلو الطجين للفران باش يتعسل من الفوق و نخرجوه
يمكن نطيبو اللحم فالكوكوت عاد نستفوه فالطجين و نستفو عليه مطيشة و البصلة

hasna imintanot
30-11-2009, 16:25
الكرداس بطريقة زاكورة
المقادير
الدوارة كاملة الا الكبدة و القلب
مصارن مغسولين مزيان
قزبر يابس و شوية كمون و سكينجبير و تحميرة و خرقوم بلدي و شوية ازير و السانوج و شوية من اعشاب افكاض
* اعشاب افكاض : تحضر هذه الاعشاب بالبصلة مشنفة نزيدو عليها شوية الملح و نيبسوها فالشمس ثم تطحن و نزيدو عليها شوية قزبر يابس و شوية ورقة سيدنا موسى و القليل فقط من البزار و الكمون يكون كثير شوية و سكينجبير و السانوج و شوية ازير و شوية من الملح كنطحنو كلشي حتى يولي غبرة و يستعمل كنوع من التوابل
الطريقة
نغسلو المصارن مزيان بالملح و نخرطوهم حتى يوليو بحال الخيط
تغسل الكرشة مزيان و نشللوها بالحامض والملح و نقصو منها طرف و نقطعوالباقي مربعات حسب حجم الكرداس اللي بغينا
نقطعو الكرشة اللي نقصنا و الرية على شكل طولي و نزيدو شوية ديال الشحمة و نديروهم ينشفو فالسطح مدة يوم باش تشد فيهم التوابل ثم نقطعوهم صغار
نخلطو التوابل اللي مذكورة فالمقادير و نزيدو عليهم شوية من اعشاب افكاض و شوية الماء و نخلطو كلشي مع الكرشة و الرية و الشحمة ثم نسرحو الكرشة اللي قطعنا مربعات و نديرو فيها العناصر اللي تبلنا و نلويو على كل كرداس و نلويو عليهم المصارن ثم نديروهم ييبسو فالشمس و فالليل نزولوهم و هكذا حتى ييبسو مزيان الا ماكانتش عندنا الشمس يمكن نديروهم غير فالثلاجة و كل مرة نجبدو منهم و نطيبو

hasna imintanot
30-11-2009, 16:26
الذين يشاهدون محتوى الموضوع الآن : 7 ( الأعضاء 4 والزوار 3) ‏hasna imintanot (http://www.anaqamaghribia.com/vb/member.php?u=21593), ‏amal (http://www.anaqamaghribia.com/vb/member.php?u=16), ‏ياسمين جيراري (http://www.anaqamaghribia.com/vb/member.php?u=5017), ‏حجابي عفتي (http://www.anaqamaghribia.com/vb/member.php?u=21138)

sousou01
01-12-2009, 16:29
توريا من ايطاليا

سلاطة

6 حبات لافوكا
4 حبات بطاطا كبيرة
6 جبات الجزر
ورقة موسى
ربطة البورو
المعدنوس وقطع رقيق

الصلصة
عصير حامضة
الابزار
الملح
زيت الزيتون

نقطعو الجزر والبطاطا مكعبات صغيرة تسلق مع ورقة موسى وتسقطر جيدا من بعد تخلط مع الصلصة والبورو مقطع
نقطعو لافوكا على جوج ونحطوها فى طبق التقديم فى كل نصف نديرو شوية من الخليط اللى عندنا بواسطة ملعقة ويزين بالمعدنوس

sousou01
01-12-2009, 16:30
ربيعة من مارتيل

ترقاد الشطون

الشطون حسب الكمية اللى بغيتى
ملحة غليظة

تناخدو فاش غنرقدو الشطون تنفرشو الملح مزيان تم طبقة من الشطون تم الملح تم الشطون حتى الاخير نديرو الملح ونسدو عليه مدة شهر تقريبا
اما كنقدموه مشرمل مع المعدنوس والتومة مقطعين رقاق وزيت الزيتون بعد ما نزولو الشوك
او نديرو الخل والزيت والملح وتنخبيوه
او نزولو الشوك اى السنسول ونلصقو واحدة مع واحدة وتقلى فى الزيت تم نديروهم فى قرعة ونكبو الزيت اللى قلينا فيه مع الخل

sousou01
01-12-2009, 16:31
عائشة من بركان

اللحم بالمشماش يابس

2 كيلو اللحم من جهة الضلعة
2 بصلات شرائح
الزعفران شعرة
الخرقوم
سكين جبير
القزبور حبوب
كاس الزيت مخلط
3 م العسل
500 غ المشماش يابس
125 الزبدة
الماء
سنيدة
1 م ص ماء الزهر
القرفة


نديرو اللحم مع العطرية والبصلة فى الطاجين مع شوية الماء ونحليوه يطيب تم نضيفو العسل حتى الاخير

نديرو المشماش فى كسرولة مع الزبدة والماء والسنيدة والقرفة حتى تتعسل ونزيدو الزهر تم نزينو بيه الطبق
كدلك نصاوبو عقدة اللوز ونعمرو بيها المشماش ونزينو بيه الطبق

oum-anass
01-12-2009, 22:32
mabrouk l3wachr l3doit wa zairat anaqamaghribia

oum-anass
01-12-2009, 22:42
fin ymken nl9a
ملحق ركن اللقاء المفتوح رقم1 pllllllllllease

om chada
02-12-2009, 00:59
السلام عليكن جميعا جيت نطل واحد طليلة خفيفة لاني انا مريضة ما بقاتش عندي الكانة ديال نجلس او نكتب حتى شغلي ماقداش نديروا كنتمنى تسامحوني الى غابت عليكم و بغيت نجاوب الاخت لي بغات ركن لقاء مفتوح الاول ها رابط ديالو دعواتكم معايا انا واختي ريحانة وبالاخص هي محتاجة دعواتكم وجزاكن الله الف خير
http://www.anaqamaghribia.com/vb/showthread.php?t=55630&highlight=%E1%DE%C7%C1+%E3%DD%CA%E6%CD&page=80

sousou01
02-12-2009, 09:54
السلام عليكم و رحمة الله تعالى و بركاته
احبيبة ديالي لباس عليك يا ربي يكون حس خفيف ام شدى و الله العظيم قلقتيني عليك ياك لباس جاوبيني على بريدي الكتروني و الله العظيم من كل اعملق قلبي ياربي يشفيك انت و جميع المسلمين يا رب
و احبيبة ديالي ريحانة حتى هي ما لها ياك لباس المهم يا ربي يشفيها من كل مكروه و خاصة هي في وطنها العزيز بين احضان العائلة يا ربي يشفيها و يعفيها لي دخلات من البتات حتى تدعي لحبيبات ديالنا بالشفاء العاجل عاد تكتب و شكرا

ام وصال 2001
02-12-2009, 13:49
السلام عليكم ورحمة الله وبركاته
اختي ام شدى مايكون عندك باس انت والاخت ريحانة

اللهم اني اسالك باسمك الطاهر الطيب المبارك الاحب اليك الدي اذا دعيت به اجبت واذا سئلت به اعطيت واذا استرحمت به رحمت واذااستفرجت به فرجت ان تشفي الاخوات امشدى وريحانة وكل مريض انك سميع مجيب

ام وصال 2001
02-12-2009, 13:57
وصفة لتنقية الوجه من البثور وكذلك نافعة للمسارن
2م ك ازير+2م ك عرقسوس+2م ك نافع بلدي+2م ك زعتر ينقى الكل يغسل ثم يغلى مزيان يزال من فوق النار يترك 10دقائق ثم يشرب 3مرات في اليوم

ام وصال 2001
02-12-2009, 14:01
وصفة لتقشير الوجه
2م طحين رطب+2م نخالة+3الى4م ماء الورد يخلط الكل يوضع على الوجه لمدة20دقيقة يزال بقطن مغمس في ماء الورد يعمل مرة او مرتين في الاسبوع

ام وصال 2001
02-12-2009, 14:36
كراتان بالخضر
2حبات بطاطس+3حبات خيزو+زلافة صغيرة جلبانة+3حتى4 القوقات+2حبات قرع+200غ فطر طري او معلب+بصلة متوسطة+نصف كيلو سبانخ+ملح+ابزار+كوزة+فرماج محكوك200غ+صلصة بيشاميل مصاوبة اما بالحليب او المرق
الطريقة
تنقى الخضر تبخر بالملح ثم تنظف السبانخ تقطع تقلى في مقلاة مع الزيت البلدية و فصين ثوم تترك جانبا تشلظ البصل نشحروها في زيت العود ثم نضيف معها الفكيع الى كان طري اما الى كان معلب نضيفه في الاخير+ملح ابزار ثم ناخذ البيشاميل نضيف له كوزة ملح ابزار الفروماج ونحتفظ بالقليل منه للتزيين ناخذ مول الكراتان نضع فيه نصف كمية الخضر يغطى بقليل من خليط البيشاميل ثم فرشة من السبانخ البصل الفكيع طبقة اخرى من البشاميل ثم باقي الخضر البيشاميل ثم الفروماج

ام وصال 2001
02-12-2009, 14:46
سلطة
2حبات خيزو مصلوقين مقطعين طوال+2مطيشات مقطعين طوال+المكور مقطع طوليا+زلافة صغيرة مقرونية مصلوقة+200غ كروفيت مشحر ف2م ك زبدة ملح ابزار يخلط الكل نضيف له صلصة مكونة من المريقة ديال تشحار الكروفيت الخل ابزار الملح يخلط الكل يقدم

hasna imintanot
02-12-2009, 15:11
بسم الله الرحمن الرحيم
السلام عليكم ورحمة الله وبركاته
طبق اليوم من عند السيدة فاطمة الزهراء من ايت ملول
شوربة بالكروفيت و الدجاج
المقادير
المرق
خيزوة صغيرة
بصلة متوسطة نتكوها ب 3 او 4 عويدات ديال القرنفل
باقة مخلطة قزبر و معدنوس و كرافص
عظام ديال الدجاج
ورقة سيدنا موسى
ملح و ابزار
زعفران ملون
من لتر و نصف الى 2 لتر ماء
نديرو كلشي في طنجرة فوق النار و نخليو العناصر تغلي مدة 15 دقيقة ثم نصفيو المرق و نخليوه جانبا
مقادير الشوربة
2 خيزوات مقطعين مكعبات صغيرة
2 كرعات خضرين مزولين ليهم الزريعة و مقطعين مكعبات صغار
2 بطاطات مقشرين صحاح (دون تقطيع)
2 حبات بورو مقطعين صغار (او بصلة صغيرة محكوكة او بصلة خضارية محكوكة)
مطيشة صغيرة محكوكة
علبة صغيرة ديال الفطر ( champignon )
صدر دجاج مقطع مكعبات صغار
رابعة كروفيت مقشر (او 200 غرام )
بكية صغيرة شعرية صينية (نديروها 5 دقائق في ماء غليان ثم تصفى )
2 معالق كبار زيت مائدة
ملح + ابزار + سكينجبير + زعفران ملون + شوية خرقوم
ضامة بنة دجاج ( او حوت )
الطريقة
نديرو البورو في طنجرة فوق النار و نزيدو عليه مطيشة محكوكة و الزيت و الدجاج و نخليوهم يتشحرو شوية ثم نضيف التوابل كلها و نخليو العناصر تتشحر مزيان ثم نضيف المرق اللي حضرنا من قبل و خيزو و البطاطا صحيحة و نخليوهم يطيبو شوية ثم نضيف الكرعة و الفطر و منين تطيب البطاطا نزولوها من الطنجرة و نطحنوها مع شوية ديال الماء و منين تطيب الشوربة مزيان نضيف الكروفيت و البطاطا مطحونة و الفيرميسال و نخليوهم شوية يطيب الكروفيت ثم تقدم الشوربة
حسب صاحبة الوصفة كتجي هائلة و لذيذة و يمكن تقدم كطبق اولي

hasna imintanot
02-12-2009, 15:12
كراتان بالخضر و السبانخ (خديجة من تمارة)
المقادير
2 بطاطات
3 خيزوات
زلافة صغيرة جلبانة
3 حتى ل 4 قلوب ديال القوق
2 كرعات
200 غرام فطر طري (او معلب)
بصلة متوسطة مشلضة
نصف كيلو سبانخ مغسولين و مقطعين
2 ضروس ثوم محكوكين
ملح + ابزار + كوزة
زيت بلدية
فرماج محكوك ( تقريبا 200 غرام)
صلصة البيشاميل ( تحضر بالحليب او بالمرق)
الطريقة
تنقى الخضر و تغسل و تقطع مكعبات صغيرة و نبخروها مع شوية الملح
نشحرو السبانخ مع الثومة فشوية الزيت بلدية و شوية ملح و ابزار
نشحرو البصلة فالزيت البلدية مع الفطر الا كان طري و شوية الملح و البزار (اما الا كان الفطر معلب نخليوه حتى تذبال البصلة عاد نزيدوه عليها و نشحره شوية) ثم نزولوهم من فوق النار و نخلطوهم مع السبانخ
نخلطو البيشاميل مع شوية الكوزة و الملح و البزار و شوية من الفرماج محكوك
ناخذو مول مدهون و نديرو فيه نصف مقدار الخضر مفورة و نديرو فوقهم شوية من البيشاميل ثم نديرو السبانخ مخلطين مع البصلة و الفطر و نديرو فوقهم البيشاميل ثم نغطيوهم بالنصف الاخر ديال الخضر و نديرو البيشاميل ثم الفرماج محكوك و ندخلو المول للفران حتى يطيب الكراتان و يتحمر من الفوق ثم يقدم بالصحة و الراحة

hasna imintanot
02-12-2009, 15:14
الله يشافيكم الحبيبات ام شدى و ريحانة

ام وصال 2001
02-12-2009, 15:40
كراتان الاخت رجاء من سلا
2حبات بصل+4م ك زيت المائدة+2فصوص ثوم محكوكين+ملح+ابزار +زعفران +ربع معلقة اسكنجبير+دجاجة تزن كيلو+كيلو بطاطس+الزيت للقلي+علبة ذرة 140غ+3م ك معدنوس مفروم+250غ جبن محكوك+5الى6 البيضات حسب البيض صغير او كبير+م ك زبدة
تشلظ البصل يوضع في طنجرة مع الزيت الثوم الملح ابزار سكنجبير زعفران تترك تتقلى تغسل الدجاجة مزيان توضع فوق البصل لما يتحمر يترك الكل يتشحر ثم نضيف لتر ماء عندما تطهى الدجاجة تزال نفتتوها او نحيدوا منها العظام نتركها جانبا تغسل البطاطس تنقى تقطع كاروات صغار ثم تقلى في الزيت حتى يصفر لونها توضع في ورق نشاف في اناء نضع فتات الدجاج مع البطاطس والمريقة لي عقادت اوضفنا ليها الذرة والمعدنوس والبيض بعدما ضربناه و150غ الجبن نخدموا مزيان حتى تنسجم العناصر ناخذوا مول ندهنوه بالمعلقة الزبدةنصب فيه الخليط ثم يزين ب100غ الفروماج الى الفرن

TAWBA 1
02-12-2009, 19:37
السلام عليكم ورحمة الله تعالى وبركاته
عواشركم مباركة مسعودة وكل عام وأنتم بخير
مايكون عندك باس أختي أم شدى و أختي ريحانة
الله يشفيكن ويشفي مرضانا ومرضى المسلمين جميعا آمـــــــــــــــــــــــــــــيــــــــــــــــــ ـن يارب

jassemine
02-12-2009, 23:12
قلبي معاكم اختي ام شدى واختي ريحانة
الله يعجل بشفائكم
قادر ياكريم

mcaziza
03-12-2009, 13:04
الله يشافيكم حبيباتي ام شدى و ريحانه اللهم رب الناس ادهب الباس واشفي انت الشافي لا شفاء الا شفاءك شفاء آآآا لا يغادر سقمآا

TAWBA 1
03-12-2009, 16:46
يشاهدون محتوى الموضوع الآن : 10 ( الأعضاء 4 والزوار 6) ‏TAWBA 1 (http://www.anaqamaghribia.com/vb/member.php?u=43213), ‏3bouch (http://www.anaqamaghribia.com/vb/member.php?u=9201), ‏ام وص (http://www.anaqamaghribia.com/vb/member.php?u=32915), ‏عنبر (http://www.anaqamaghribia.com/vb/member.php?u=43521)

hasna imintanot
03-12-2009, 19:51
وصفة لتصفية البشرة و ازالة السموم من المصارن و الجهاز الهضمي
المكونات
2 معالق كبار ازير
2 معالق كبار زعتر
2 معالق كبار عرق سوس
2 معالق كبار نافع بلدي
الطريقة
الاعشاب تكون منقية و مغسولة ثم نديروها في ماء غليان و نخليوه يغلي حتى يصفار اللون ديالو ثم نطفيو عليه و نخليوهم مرقدين مدة 10 دقائق ثم نصفيوهم و نديرو الماء في قرعة
يشرب كاس 3 مرات فاليوم (فالصباح و الغذا و الليل)

ام وصال 2001
03-12-2009, 22:10
اللحم بالكامون
كيلو لحم+2م ك كامون+2م ك زبدة+قليل ملح+شوية ابزار+بصيلات صغار مقشرين+زلافة ونصف ماء
يخلط الكل ثم يشرمل فيه اللحم نشحروه نقفلوا عليه الكوكوت تكون النار مهيلة عندما يطهى اما يحمر في الزيت او في الفرن او يقدم كما هو مصحوبا بوصفة الروز التالية
الروز
زلافة روز منقي مغسول مسقطر
زلافة ونصف ماء
3تلخيزوات محكوكين رقاق
4او 5ورقات موسى
ضامة بنة
ملح شوية+قليل ابزار+2م ك زعتر محكوك باليد+م زيت المائدة
نقليوالروز في مقلاة بالمعلقة ديال الزيت بعدما شحرنا باقي المقادير نضيف ليها الزلافة والنصف ديال الماء ولما تبدا في الغليان نضيف الروزونتركه حتى يتشرب الماء ويقدم مرفوق باللحم بالكامون او حسب الرغبة

ام وصال 2001
03-12-2009, 22:15
فينكم يالانيقات يا الحادكات شفتكوم عكزت انا غادي نقل ليكم وصفات الساعة الاخيرة او كنتمنى شي اخت تتكرم او تنقل وصفات الجمال لاني متبعتهاش وجزاكن الله الف خير
يمكن الغنمي دوخكم ههههههههههه

ام وصال 2001
03-12-2009, 23:07
السعدية من خريبكة قدمات
الموسكا
4دنجالات كبار مقادين
400غ كفتة
نصف كيلو مطيشة طرية نحكوها نعملوا ليها التوابل اونعملوها صوص
م ك مطيشة حك
بصلة كبيرة
ضرس ثوم
عصير حامضة
2بيضات
4م ك فروماج احمر محكوك
المعدنوس مفروم
م ص كامون
زيت زيتون
ملح+ابزار
الدنجال يقشر ويقطع طوليا يدهن بزيت الزيتون يدخل الى الفرن حتى يتحمر من جميع الجهات
في طنجرة فوق النار تقطع البصلة رقيقةنضيف زيت الزيتون و الثوم نحرك حت تدبال نضيف مطيشة والكفتة بعد ان اضفنا لها التوابل الربيع والملح نشحروا الكل حتى تتفتت الكفتةتوضع جانبا . ناخذ مول ديال الكراتان او الكيك نضع 2م الصوص في القاع ثم تصفف فيه قطع الدنجال يغطى بطبقة الكفتة ثم طبقة الدنجال وهكذا حتى نكملوا المقدار لي عندناولي كيحب البيشاميل ممكن اضافته بين الطبقات عند الطبقة الاخيرة نعملوا عصير الحامض يضرب البيض نصبه على الوجه ثم الفرماج يدخل الى الفرن حتى يتحمر الكل ويطيب البيض حيت كيصبح طبقة سميكة اومكيبانش بانه فيه البيض

عنبر
03-12-2009, 23:14
بسم الله الرحمن الرحيم شكرا اختي ام وص على الوصفة لي نقلتي لنا

ام وصال 2001
03-12-2009, 23:22
حورية منالمحمدية قدمات
البطاطااو الكرعة معمرة
نصف كيلو قرع او بطاطس
250غ لحم مقطع رقيق
م ك معدنوس
ملح+قزبور حبوب+ياغورت مسوس+طريف المكور مقطع رقيق
تصلق الخضر مع الملح والزعتر تصفى ثم تترك في اناءثم ناخذ طريفات اللحم نضيف لها الملح والزيت نضعها فوق النار نتركها حتى يبدا يدخلها الطياب نضيف الكرمب هو المكور ومعلقة قزبور ياغورت مسوس ثم تقسم الخضر بالنصف تفرغ نضيف ما فرغناه الى خليط اللحم نحرك حتى تنسجم العناصر ثم نعمروا بها نصوص الخضرة البطاطا او القرع او هما معا نرش بالفروماج الاحمر تدخل الى الفرن حتى تكراتين ثم تقدم

ام وصال 2001
03-12-2009, 23:27
كذلك قدمات الاخت حورية هاذ الشربة على شكل عصير الله ايجازيها بالخير
نصف ربطة كرافس+اللفت البلدي (المحفور)+ملح+قزبور حبوب+لتر ونصف ماء +قليل زعتر محكوك نطيب الكل ثم يطحن قالت الاخت حورية خصو ايكون مطلوق شوية

ام وصال 2001
03-12-2009, 23:42
طبق اليوم فخذ معمر من نزهة من الناضور
فخذ غنمي مزول ليه العظم يشرمل في 3م ك زبدة +3فصوص ثوم+ملح+ابزار+نصف كاس عنبة زيت المائدة+بصلة كبيرة مشلضة+نصف معلقة صغيرة سكنجبير+الزعفران او الخرقوم زعفران حر+م ص تحميرةقليل ماء تنشرمل الفخذ مزيان ثم نخيطوه نخليو فتحة منبن ندخل الحشوة المتكونة من 300غ كفتة+بيضة+بصلة كبيرة مشلضة+2فصوص ثوم+م ك ربيع مفروم مزيان+نصف معلقة صغيرة ملح+نصف معلقة ابزار +نصف معلقة صغيرة سكنجبير+م ص تحميرة+م ك زبدة تخلط المكونات جيدا نحشيو بها الفخذ نكملو الخياطة ديال (دير شي غرزة تكون زينة غير تنضحك) نضيف الماء الكافي يترك حتى يطيب او تعقاد المرقة اتدهن بالزبدة ويدخل الى الفرن ليتحمر او بالصحة والراحة

ام وصال 2001
03-12-2009, 23:46
ايوا عطيونا وصفات الجمال لي قالت الاخت رشيدة من تزنيت الله ايجازيكم بالخير حيث كان عندي البرازيت فالراديو داكشي باش ماسمعتهمش هاني كنتسنا

عاشقة الفردوس82
04-12-2009, 00:01
السلام عليكم ورحمة الله وبركاته نرجوكم ان تتابعو الكتابة على الموقع الالكتروني: www.snrt.ma (http://www.snrt.ma/) من أجل ارجاع نادية الناية لبرنامج اللقاء المفتوح الم ترو الانحطاط الذي وصل اليه البرنامج نرجوكم ان تراسلو الموقع لتطالبو بارجاع الاعلامية المتميزة لهذا البرنامج.

asmaitta
04-12-2009, 12:13
شكون اللي سمعات وصفات الجمال تكتبهوم عفاك

ام وصال 2001
04-12-2009, 16:19
كيفية تحضير زيت الخص
100غ بذور الخص نضعها في قرعة لونها يكون غامق(بحال القراعي ديال السيرو) نضيف عليهم كاس كبير زيت البلدية نضعها في مكان فيه الشمس لمدة 4 اسابيع مع تحريكها مرة مرة ثم تصفى الزيت المحصل عليه من التصفية الاولى نذهنو بيه الشعر ثم ناخذ منديل من ثوب حياتي نعملو فيه البذور او نعصروها مزيان حيث ان هاد الزيت لي غادي نحصل عليها هي زيت الخص

ام وصال 2001
04-12-2009, 16:26
زيوت لتقوية وتطويل وترطيب الشعر
زيت الجوجوبا+زيت الخزامى+زيت السالمية+زيت اللوز كنخذوا منها كميات متساوية مثلا لي عندها الشعر كثيف تاخذ ربع كاس من كل نوع نخلطوهم ونشققو بيهم الشعر بشيتة ديال الاسنان نحكو بيها جدر الخصلة ويمكن ان تستعمل هذه الوصفة للصغار لي عندهم الشعر خفيف هذا ما قالت الاخت ربيعة صاحبة الوصفة

ام وصال 2001
04-12-2009, 16:30
وصفة للاكزيما
نقليو البصلة في زيت العود تصفى نضيف ليها نفس المقدار منزيت الخروع تعمل هاذ الزيوت في قرعة يدهن بها مكان الاكزيما بالليل وفي الصباح تغسل مدة اسبوع الاكزيما تتختفي

عنبر
04-12-2009, 19:04
تطويل وترطيب الشعر نا خد نفس المقدار من هده الزيوت زيت الخس زيت العنبر زيت السالمية ويشق به الشعر يبقى المدة لبغينا يستعمل مرة في الاسبوع

zizou-4300
04-12-2009, 19:51
فلان بالفواكه قدمتو الاخت حسناء

-1لتر حليب +2 فلان فاني+6م.ك. سنيدة

-25 قطعة بسكوي

-اجاصة+كيوية +تفاحة+4قطع اناناس او نستعمل اي فاكهة عندنا

-للتزيين بنانة+حبات فريز+4قطع شكلاط

-يخلط نصف لتر حليب مع 1فلان و3م.ك. سنيدة ثم يصب في اناء التقديم ويترك حتى يبرد شوية وندخلوه للثلاجة

-تقطع الفواكه مكعبات صغيرة وتوضع في نص كاس عصير برتقال وتوضع على النار

مع م.ك. سنيدة حتى يتعسل شوية

-نستفو البسكوي فوق الفلان الجامد ثم نصب فوقه الفواكه

-نصاوبو الفلان الاخر كيف الاول ونخويوه على الفواكه وندخلوه للثلاجة


-منين يقصاح نزينو الوجه ب انصاف دوائر من البنان وقطع الفريز ونحكو الشكلاط فوقهم
http://www.anaqamaghribia.com/vb/images/icons/icon17.gif
وبالصحة والراحة

ام وصال 2001
04-12-2009, 22:57
طبق اليوم اللحم مفور من الاخت اسماء
اللحم اختياري+ربع كيلو لوبيا خضراء+4 نتاع الخيزوات+4 تالبطاطات+2حتى 3 نالكرعات صغار+القزبور ربيطة+5فصوص ثوم+3م ك مطيشة الحك+2م ص كامون+2م ص تحميرة+م ص ابزار+السودانية اختيارية+2م ك زيت العود+ملح
يدق القزبور مع الثوم مزيان نضيف التوابل ومطيشة الحك والزيت نصف الشرمولة نستعملوها للحم بعدما نفلحوها نمرمدوها مزيان ثم نضعها تفور ملي يدخلها الطياب ناخذواالخضر الا كانت صغيرة نخليوها صاينة تشرمل بنصف الشرمولة لي خلينا ثم تعمل مع اللحم تفور

ام وصال 2001
04-12-2009, 23:08
الضلعة مقددة من عند لكبيرة
ناخذو الضلعة نزولو منها اللحم نخليو فيها غير شوية نملحوها ثم نشروها حتى تيبس ثم توضع في الماء
ناخذو 2كيلو مطيشة طرية نقيوها نزولو منها الزريعة نزيدو عليها بصلة محكوكةمعلقة صغيرة ثوم مدقوق وقليلا من الزيت راس معلقة صغيرة كامون معدنوس ابزار تحميرةنضيفو على هاد المقاديرالضلعة ونصف كاس ماءنسدو الكوكوت ملي نحسو بيها طابت نزولو الضلعة ونترك المطيشة حتى تعقاد او تحمر ثم نعاود ردوا الضلعة(هو فالحقيقة غير عظام الضلعة) نحرك جيدا ثم يقدم

ام وصال 2001
04-12-2009, 23:19
كتف غنمي
2 خيزوات
2لفتات
بصلة صغيرة مقطعة رقيقة
قزبور و معدنوس
كامون وملح
نصف كاس زيت المائدة
3كيسان ماء
ناخذو زلافة نوضعوها وسط الكوكوت مقلوبة نضع فوقها الكتف نرشوه بالملح والكامون نضع فوقه البصلةثم الخضر صاينة ثم الزيت والماء والربيع مقبط نسدو الكوكوت ملي ايطيب يزال الكتف ويتر ك المرق يعقاد ناخذو صحن التقديم نفرشو فيه ورق الخص تقطع الخضر دوائر ترس دائرة من خيزو ثم دائرة من اللفت يوضع الكتف في الوسطوالمرق يصاحبه في اناء اخر

mama-zina
05-12-2009, 10:08
السلام عليكن اخواتي العزيزات كنشكركن جميعا على هدا الركن الناجح
وكنطلب وصفة مرندينا كطيب فمقلاة تيفال كانت دازت في اللقاء المفتوح
الا فات وكتباتها شي اخت تعطيني رقم الصفحة الله يجازيكم بخير

ام وصال 2001
05-12-2009, 12:37
السلام عليكم ورحمة الله وبركاته
اختي mama zinaدخلي لهاد الابط غادي تلقاي لي كتبحثي عليهhttp://www.anaqamaghribia.com/vb/showthread.php?t=96212

mama-zina
05-12-2009, 13:16
شكرا جزيلا عزيزتي ام وص الله يحفظك وينولك
مرادك والله يكثر من امثالك ويديم علينا هذا المنتدى
ويزيده تالق في تالق ويجعل كل الاخوات دائما
نشيطات يساعدن بعضهن البعض احبكن في
الله جميعا دون اسثتناء في رعاية الله

دانية
05-12-2009, 14:19
مشكوووووور والله يعطيك الف عافيه

noon
05-12-2009, 14:49
الله يجازيكم بالخير بغيت نعرف
الموقع ديال راديو المغربية على نت

المختارية
05-12-2009, 20:31
بسم الله الرحمن الرحيم
السلام عليكم ورحمة الله وبركاته
شوفي اختي راه المغربيةمابقاش فيها الراديو لحقاش البت ديال البرامج ولا 24 ساعةعلى24ساعة
ولا بغيتي تبعي البرنامج شديه في قناة الرابعة راه كيكون فيها اولا اتصلي بهم في الاذاعة يعطيوليك لافريكونص ديال الراديو كيشدوه في الهوت بيرد

hakima09
05-12-2009, 21:03
السلام عليكم ورحمة الله

كيدايرين ا البنات كيدوزتو لعيد يا ماغلاضيتو بكترت اللحم:):):):)
نتمنى لكل الانيقات دوام الصحة والعافية
شكرا لك اختي ام وص على الوصفات راكي متالقة
تشغلنا بالعيد ومابقيناش نسمعو لراديو

om saber
06-12-2009, 15:58
السلام عليكم
تبارك الله عليكم ا الاخوات ممكن ديروني صديقتكم ا حتى انا نشارك معاكم

hakima09
06-12-2009, 16:01
مرحبا بيك ام صابر

melami
06-12-2009, 17:19
الله يخليكم شكون سمعت الطبيب لما تكلم على العلاج بالماء البارد والساخن راه داز شحال هادي و لكن ماسمعتوش الله يجازيكم بخير و الله يشفي جميع المرضى يا رب آمين

douja
06-12-2009, 21:34
السلام عليكم حبيباتي الأنيقات.
أنا عندي ليكم واحد الهدية على طبق من دهب ،وهو معلومات صحيحة و مؤكدة على الدكتورالفايد أطال الله عمره.

^^^عنوان مركزه بمدينة تمارة:
شارع مولاي علي الشريف
عمارة 6 رقم 2
المسيرة 1 تمارة
الهاتف::0537604379

^^^^رقم المحمول الخاص للدكتور فايد:
0671047171

^^^الموقع الرسمي للدكتور فايد:
www.mfaid.com (http://www.mfaid.com/)

^^^ إيميل الدكتور فايد:
faidmohamed******.fr

شاف الله المسلمين جميعا بإدن الله
أدعوا معي لأني حامل.

om saber
07-12-2009, 00:10
شكرا لكي اختي hakima 09

عنبر
07-12-2009, 15:23
اهلا و سهلا بكن اخواتي عندي لكم وصفات الجمال هدي وصفة لتساقط الشعر حب الرشاد يدق ويخلط مع الحنة والصابون البلدي ويعجن بالماء ويوضع علئ الشعر ساعة اوساعة ونصف
للقضاء على القشرة ناخد كمية من الملح تفرك به جلدة الراس

عنبر
07-12-2009, 15:45
ترطيب الايدي معلقة ص فازلين 2معالق ص سنيدة يدلك بهما الايدي دقيقة
حتى2دقاءق مرة في الاسبوع ثم تغسل الايدي وتدهن بكريم
نصف كاس الماء يغلى فوق النار ونزيدو معلقة ك زيت الزيتون و معلقة ك عصير الحامض وندلك الايدي مزيان تم تغسل وتدهن بكريم كدلك هدي وصفة خاصة بالايدي

عنبر
07-12-2009, 16:01
للتخلص من حب الشباب 2اقراص فيتامين c في ربع كاس الماء ناخد قطن مبلل ونمسح الوجه ديالنا 2مرات في اليوم
للتخلص من الخلايا الميتة بطاطا مسلوقة مع كاس الحليب يطحن في الخلاط الكهرباءئ ويطلى الوجه يوميا مني ينشف يغسل الوجه والخليط الباقي يوضع في الثلاجة نستعمله حتى ينتهي

عنبر
07-12-2009, 16:08
ضد التجاعيد معلقة ك شكلاط غبرة كابسولة فيتامين e معلقة الحامض يطلى الوجه 15دحتى 20د ثم يغسل ويمسح بماء ورد مرة في الاسبوع يستعمل

مامات جومانا
07-12-2009, 16:40
الله يعطيكم الصحة وينولكم ماتمنيتو

sellma
07-12-2009, 17:17
السلام عليكم

عافاكم اللي سمعات وصفة الشيبة لتساقط الشعر و وصفة ترطيب اليدين من عند نفس السيدة ماعقلتش شكون تكتبها ليا
و جزاكم الله خيرا

ام وصال 2001
07-12-2009, 18:28
اختي sellmaوصفات الجمال ديال اليوم راه نزلتهم الاخت عنبر جزاها الله خيرا وللاشارة راه العشبة لي تدرجات في وصفة تساقط الشعر ليست بالشيبة ولكن هي حب الرشاد

sousou01
07-12-2009, 18:37
الخلايا المية فى الوجه

بطاطا مسلوقة
1/2 كاس الحليب

نطحنوهم فى الخلاط الكهربائى وندهنو الوجه بالخليط يبقى حتى ينشف ونزولوه بعملية الكوماج يغسل عادى
يحتفظ بالباقى فى التلاجة

sousou01
07-12-2009, 18:38
لازالة حب الشباب

2 اقراص من فيتامين س
ربع كاس الماء

ندوبو الاقراص فى الماء وندهنو بيه الوجه بواسطة القطن
2 مرات فى اليوم يوميالمدة اسبوع
فى كل يوم تنديرو مقادير جديدة مانحتافظوش بيها لمرة اخرى

sousou01
07-12-2009, 18:39
ترطيب اليدين (2)

1 م ك زيت البلدية
1 م ك عصير الحامض
1/2 كاس الماء
نديرو الماء على النار حتى يغلى ونضيفو الحامض والزيت غير يغلاو نزولوهم من النار ونتركوهم يبردو وندلكو بيه اليدين تم نغسلوهم ونديرو كريم مرطب

ام وصال 2001
07-12-2009, 18:39
طبق اليوم من عند الحاجة امينة من تمارة



كيلو سباكيتي تصلق في ماء مملح وتوضع جانبا
3بصلات+ربطة معدنوس+شوية ابزار+حك مطيشة متوسط+3بيضات
في مقلاة فوق النار نضع قليل زيت المائدةوالبصلة تقلى حتى تهبط ثم نضيف حك مطيشةوالمعدنوس 3حتى 4معلقات كبار ابزار قليل ملح و حك الطون والبيض يترك يعقادشوية ثم يحرك بالمهل عندما يوجديخلط في اناء مع السباكيتي جيداثم يقدم

sousou01
07-12-2009, 18:39
سباكيتى

500 غ الى كيلو السباكيتى مسلوقة
3 البصلات كبار مشلدين
ربطة المعدنوس مقطع رقيق
حك صغير مطيشة الحك او متوسك الى درنا كيلو
ملح الابزار
3 البيضات
علبة الطون

فى مقلاة نشحرو البصلة فى شوية الزيت حتى تتحمر تم نضيفو مطيشة الحك مع التحريك والمعدنوس يكون كتير
من 3 الى 4 م ك الملح والابزار والطون والبيض مع التحريك والبيض يبقى يبانو فيه بحال الطريفات وتيكون الخليط واقف مزيان كنصبوه على السباكيتى بعد ما ندهنوها بالزبدة او الزيت وتقدم

يمكن ان يعوض الطون بكويرات الكفتة او الدجاج ........

sousou01
07-12-2009, 18:40
ديسير

كيلو الجزر محكوك رقيق
كيلو البرتقال معصر
2 الى 3 م ك السنيدة
1 فانى
شوية الزبيب

للتزيين
الكوك
كويغطات الحلوى

فوق النار نديرو الجزر مع العصير حتى ينشف ونضيفو السنيدة والفانى والزبيب مع التحريك حتى ما يبقاش فيه اى
سائل نديروهم كيرات تفند فى الكوك ونحطوهم فى كويغطات وتدخل للتلاجة

sousou01
07-12-2009, 18:41
خديجة من المانيا

كيلو من فخاد الدجاج
500 غ الشعرية الصينية
3 البيضات
القزبور والمعدنوس
سكين جبير
الابزار الابيض و الاسود
ملح
البصلة مشلدة

يغسل الدجاج فى التوابل ويبقى جانبا
الشعرية نديروها فى الماء طايب غير تبدى تغلى نزولوها وتغسل بماء بارد
نديرو الفخاد يطيبو مع البصلة مشحرة
ناخد شوية من مرق الدجاج نضيفوه مع الشعرية ونحركو مزيان تم نضيفو البيض والملح والابزار والمعدنوس مقطع ونحركو مزيان وتدخل للفرن حتى يصبح لونه ابيض ونطفيو الفرن ونخليوه فى الداخل 4 دقائق ونزولوه الفخاد كدلك تدخل للفرن حتى تتحمر
فى طبق التقديم نديرو الدجاج فى الوسط والشعرية فى الجوانب

قالت صاحبة الوصفة بلا ماتقطع الشعرية تقدم كما هى اما للاطفال ممكن تقطع وتقدم ليهم

sousou01
07-12-2009, 18:41
بريوات بالسبانخ

500 غ السبانخ مفورة
2 م ك الزبدة
1 م ك المعدنوس مقطع رقيق
60 غ الفرماج
ملح الابزار
الورقة

فى مقلاة نديرو الزبدة و السبانخ والملح والابزار والمعدنوس والفرماج غير تشحر شوية ونعملوهم بريوات تقلى فى الزيت او تدهن بالزبدة وتدخل للفرن تقدم بالصحة

sousou01
07-12-2009, 18:42
تساقط الشعر وترطيبه

حب الرشاد مدقوق
الحنة
الصابون البلدى

يتخلط الكل وتجمع بالماء نديروه على الشعر من ساعة حتى ساعة ونصف يغسل عادى

sousou01
07-12-2009, 18:42
قشرة الشعر

يفرك الشعر غير بالملحة مزيان ويغسل

sousou01
07-12-2009, 18:43
ترطيب اليدين

1 م ص الفازلين
2 م ص سنيدة

يتخلطو مزيان ونماصيو اليدين 2 دقائق مرة فى الاسبوع

عنبر
07-12-2009, 18:56
اهلا و مرحبا بكن اخواتي المرجو عدم اعادة كتابةالوصفات التي نقلت وشكرا اليس كدلك اختي sousou

عنبر
07-12-2009, 19:11
بسم الله الرحمن الرحيم شكون فيكم اخواتي لي كتبات كاشير ديال اليوم تعطيه لينا الله يجازيها بخير

sousou01
07-12-2009, 20:06
مورتديلا

125 غ الكفتة البكرى او بيبي او الدجاج
2 ضروس التوم
الملح الابزار
القزبور مقطع
القزبور اليابس مطحون
3 م ك سميدة رقيقة
2 فرماجات متلتين
5 البيضات
كاس شاي الزيت
شوية الكوزة محكوكة

نخلطو كل العناصر فى الخلاط والكفتة حتى الاخير ويصب فى المول الخاص بالكاشير ونديروه فى الكوكوط مع الماء مدة سعة اللروب او البرمة مدة ساعة تقطع دوائر

sousou01
07-12-2009, 20:09
راني ما شفتش الصفحات و قبطت و كتبت ما تعتبينيشاولا يا عنبر

raihana
07-12-2009, 20:11
السلام عليكم ورحمة الله تعالى وبركاته على كل الحبيبات ديالي كل واحدة باسمها اشتقت اليكن جميعا وكنت دائما افكر فيكن اخواتي قضيت اجمل الاوقات رفقة اخوتي وابي مرت بسرعة البرق ودعتهم ولازالت دموعي في عيني حتى اللحظة المهم انني بخير وعدت بالسلامة مع عائلتي الصغيرة احببت ان اطمئنكم على احوالي اتمنى ان تكونو بخير وعلى خير وشكرا جزيلا على دعواتكن الطيبة ولكن بالمثل احبكن جميعا في الله يا احسن رفقة في الله .

zizou-4300
07-12-2009, 20:54
http://www.anaqamaghribia.com/vb/images/icons/icon20.gifعلى سلامتك يا اختي ريحانة واتمنى ان تكوني قد عدت من المغرب بصحة وعافية


وان تكوني اخذت الطافة التي تعينك على تحمل الغربة


تحياتي للجميع


احبكن في الله :74:

ام جهاد و نضال
07-12-2009, 21:42
الحمد لله على رجوعك بخير رفقة وليداتك وما يبقاش فيك الحال راه هادا هو حال الدنيا والله يطرح ليك البركة في وليداتك يكونو ليك خير انيس

TAWBA 1
07-12-2009, 22:08
شكرا أختي sousou01 على الوصفات ،جزاك الله خيرا
وحمدا لله على سلامتك أختي ريحانة
أتمنى لك عودة سالمة إلى بيتك حتى ولو كان في بلاد غير بلادك ، هذه هي الدنيا وحالها نسأل الله العفو والعافية والمغفرة

عنبر
07-12-2009, 23:03
شكرا اختي sousou على الوصفة ومتقلقيش ههههههههههههههههههههههههههههه

jassemine
07-12-2009, 23:42
حمدا لله على سلامتك أختي ريحانة

raihana
08-12-2009, 11:21
السلام عليكم ورحمة الله تعالى وبركاته بارك الله اوفيكم اخواتي الله يسلمكم وينجيكم من كل شر,

ام محمدوديع
08-12-2009, 18:29
الحمد لله على سلامتك اختي ريحانة اتمنى ان تكوني قضيت اوقات جميلةفي المغرب بين احضان عائلتك.

مع الله
08-12-2009, 20:53
السلام عليكم و رحمة الله و بركاته.هادي اول مشاركة لي ف هاد المنتدى و نتمنى تقبلوني معاكم . * طنجية
كيلو اللحم_م ص سمن_م ص كمون_حامضة مرقدة_ربع كاس اتاي زيت المائدة_ملح _4فصوص توم.
في طنجرة نديرو اللحم+التوم مفروم+الحامضة مقسومة على4+السمن+الكمون+الزيت+الملح+الماء و نسدو الكوكوط و منين تصفر نخليوها على نار مهيلة حتى تطيب.

zizou-4300
08-12-2009, 21:32
وصفة الجمال 1 شد البشرة (الوجه .الرقبة اليدين)


-قليل من عصير الخيار

-بياض بيضة

-نشا

-افوكا

-عصير حامض

تنديرو لقياس لي بغينا

يوضع الماسك مدة دقايق10 ثم يغسل بالما دافي ثم بارد
http://www.anaqamaghribia.com/vb/images/icons/icon17.gif
يمكن استعماله 2 مرات في الاسيوع

zizou-4300
08-12-2009, 21:36
وصفة الجمال 2 للبشرة الجافة


-نص كاس مايونيز

-بياض بيضة

-م.ص. زيت اللوز
http://www.anaqamaghribia.com/vb/images/icons/icon17.gif
يوضع الماسك على الوجه 15دقيقة ثم يغسل بالما دافي ثم بارد

zizou-4300
08-12-2009, 21:44
وصفة الجمال 3 تبييض الوجه (gommage)


-3م,ك, ما ورد

-1م.ك.نشا

-نص كاس ما

تخلط المقادير مزيان ثم توضع على نار مهيلة حتى تولي فحال كريم ثم تترك حتى

تبرد وتوضع على الوجه حتى تنشف عاد نزولها

هاد الكمية كافية ل3 ايام يمكن استعمال الماسك 3 مرات ف الاسبوع او يوميا

zizou-4300
08-12-2009, 21:53
:77:وصفة الجمال 4 (هاد الوصفة ما اسمعت لاش تتصلاح ؟؟؟؟؟؟؟؟؟؟؟؟)


-1م.ص. حلبة مطحونة مزان ومغربلة بشي حاجة رقيقة

-1م.ك. كريم فريش لي قاصحة ماشي لي سائلة او ياغورت طبيعي الى ماكنتش لاكريم

تخلط المقادير وتوضع على الوجه مدة ربع ساعة ثم يمسح الوجه ب معدنوس مغلي ف ما معدنيمدة 5 دقايقhttp://www.anaqamaghribia.com/vb/images/icons/icon17.gif

zizou-4300
08-12-2009, 21:57
:58:المرجو من الاخوات كتابة الوصفات التي قدمت اليوم وخاصة

--- الوريدات بالقشدة

---الشورمة


ولكن جزيل الشكر:78:

sousou01
08-12-2009, 22:05
اولا السلام عليكم و رحمة الله تعالى و بركاته
احبيبة ديالي جيت المغرب و ما جيتيش عندي ريحانة و لا خفتي من الكاظو ههههههه
غر تنضحك معك على سلامتك و ضويتي المنتدى و نتمناو ما تغريش علينا
احبيبة ام شدى فين راكي غابرة ردي عليا راني توحشتك
واهلا و سهلا بمع الله في هدا الركن
و مرحبا بكل اخت كل واحدة باسمها الخاص و شكرا

sousou01
08-12-2009, 22:06
طبق اليوم من عند السيدة سارة من ايطاليا
رولو معمر بالكفتة والسبانخ
المقادير
نصف كيلو كفتة
ملعقة كبيرة زيت بلدية
شوية ملح و ابزار
شوية تحميرة
ضرس ثومة محكوك
5 بيضات مسلوقين
نصف كيلو سبانخ مفورين او مصلوقين في ماء و ملح و مصفيين و مشحرين في مقلة مع ملعقة كبيرة ديال الزيت البلدية او زبدة و ابزار و نذوقو الملح الا خاصة نزيدوها و نخليوهم حتى ينشفو من الماء
الطريقة
نخلطو الكفتة مع الزيت و الثومة و الملح و البزار و التحميرة
ناخدو لاطة ديال الفران نفرشو فيها ورق سيلفيريزي و نطلقو فوقه الكفتة بالمدلك على شكل مستطيل ثم نسرحو السبانج فوق الكفتة و نخليو شوية ديال الفراغ من الجناب ثم نستفو البيض مسلوق بيضة جنب بيضة فوق السبانخ على الحافة ديال المستطيل و نبداو نهزو الورق و نلويو على شكل باكيطة و منين نكملو نلويو عليها الورق و نسدوه من الجناب بحال الفانيدة و نعاودو نغطيوه مزيان بورق المنيوم ثم نحطوه فوق اللاطة و ندخلوه للفران يطيب مدة 30 دقيقة هو غذي يطلق الماء ديالو و منين يخرج من الفران يبقى حتى يبرد ثم نقطعوه طرانش كيجي فيه منظر زوين و الوان مختلفة
بالنسبة للماء اللي غذي يطلق منين نحلو الورق نزولو الماء و نديروه في كسرونة مع شوية النشا او دقيق و نبقاو نحركو حتى يختار الا خاص الملح و البزار نزيدوهم و نقدمو الصلصة مع الرولي
طبق مرافق
نقطعو الكرعة الخضرا دوائر و نديروها في مقلة مع الزيت البلدية و ضرس ثومة محكوك و شوية الملح و البزار و مرة مرة نهزو المقلة و نحركو دون استعمال الملعقة حتى تطيب الكرعة و لا حاجة لاضافة الماء

sousou01
08-12-2009, 22:07
حلوة على شكل وردة مقلية و معمرة بالقشدة (ربيعة من القصر الكبير)
مقادير القشدة (لاكريم)
2 كيسان حليب
كاس كريم فريش سائلة
كاس نشا
كاس طحين
كاس سكر
شوية فاني
نعبرو بنفس الكاس اما كبير او صغير حسب المقدار اللي بغينا
الطريقة
نديرو المقادير في كسرونة و نخلطو مزيان بالضراب اليدوي ثم نديروها فوق النار و نبقاو نحركو حتى يتماسك الخليط و يولي بحال الكريما و نزولوها من فوق النار و نخليوها تبرد
مقادير العجين
2 كيسان و نصف طحين
ملعقة صغيرة خميرة الحلوى
قبصة ديال البيكاربونات
شوية الملح
شوية قرفة (او حبة حلاوة)
كاس ديال اللبن
شوية الفاني
بيضة
ماء ورد (اختياري)
الطريقة
نخلطو العناصر مزيان و نجمعو العجينة باللبن و ندلكوها مزيان (تكون بحال عجينة الكعب ) ثم نغطيوها و نخليوها تخمر مدة ساعة و من بعد نطلقوها مزيان تكون رقيقة بحال ديال الكعب من الاحسن نورقوها فالمكينة ثم نقطعوها ب 3 مراشم على شكل دوائر وحدة اكبر من وحدة او نستعملو كيسان (مثلا كاس ديال الشكلاط و كاس اخر اصغر منه و كاس ثالث اصغر منهم)
كنحطو الدائرة الكبيرة و نديرو فوقها الدائرة المتوسطة و فوقها الدائرة الصغيرة و هكذا حتى نكملو كل حلوى فيها 3 دوائر من بعد نضغطو عليهم من الوسط براس ملعقة او مغرفة باش يشدو فبعضهم ثم نحطو كل وحدة في مقلة فيها الزيت سخون باش تقلى و احنا ضاغطين عليها باش ماتحلش و باليد الاخرى نبقاو نخويو عليها الزيت حتى تشد الفورمة ديالها ثم نقلبوها على الجهة الاخرى و نكملو الباقي بنفس الطريقة كيجيو بحال شكل وردة نديرو الوريدات فوق الورق النشاف ثم نغطسوهم فالسيرو مزيان
تحضير السيرو
كاس ماء +كاس سكر نخلطوهم و نديروهم فوق النار حتى يذوب السكر و يغلي الخليط مزيان و يبدى يلصق فالملعقة هذا سيرو خاتر و الا بغيناه سيرو خفيف نديرو كاس سكر مع 2 كيسان ماء
منين نزولو الوردات من السيرو كنعمرو القلب ديال كل وردة (يعني الوسط ديالها) بالكريما اللي حضرنا من قبل و تزين بنصف حبة كرز (حب ملوك معسل) كتجي مثل الوردة تماما رائعة فالمنظر و المذاق و كتذوب فالفم حسب صاحبة الوصفة

sousou01
08-12-2009, 22:08
الطنجية المراكشية فالكوكوت
المقادير
كيلو ديال اللحم غنمي ملج او بقري
ملعقة صغيرة سمن
ملعقة صغيرة كمون
حامضة مصيرة مقسومة على اربعة و مزولين ليها العظام
ربع كاس صغير زيت مائدة
شوية ملح
4 فصوص ثوم مقطعين
الطريقة
نديرو اللحم فالكوكوت مع باقي العناصر و نديرو القياس ديال الماء و نسدو الكوكوت بلا مانقليو اللحم و منين تبدى تصفر نقصو العافية و نخليوها تطيب على نار مهيلة مدة ساعة كتجي لذيذة
يمكن استعمال الدجاج بدل اللحم مع النقص من مدة الطياب

sousou01
08-12-2009, 22:09
الشوارما بطريقة ساهلة و اقتصادية من عند السيدة حليمة
المقادير
صدر دجاج حسب الكمية اللي بغينا مقطع شرائح طويلة قد الاصبع و رقيقة (او لحم او حتى الحوت)
2 ضروس ثوم مدقوقين
2 بصلات مشلضين
2 مطيشات مقطعين صغار
شوية ديال المعدنوس
شوية الملح و البزار
ملعقة كبيرة زيت مائدة
ملعقة صغيرة عصير حامض
2 معالق طحينة (تحضر الطحينة بخلط كاس جنجلان مطحون مع نصف كاس زيت نباتية)
الطريقة
نديرو البصلة و الثومة و المعدنوس مع الزيت في مقلة فوق النار و منين يذبالو نزيدو الملح و البزار و الدجاج و مطيشة و نحركو مزيان و نخليو العناصر حتى تطيب و تنشف من الماء ثم نضيف الطحينة و عصير الحامض و نحركو و نزولوهم من فوق النار
السلطة
خسة و مقدار من مطيشة مزولين ليها الزريعة و مقطعة بقشورها و خيار
ملعقة كبيرة ياغورت طبيعي
ملعقة طحينة
ملح
عصير نصف حامضة
نقطعو الخضر حسب الشكل اللي بغينا و نخلطوهم مع الياغورت و الطحينة و الملح و عصير الحامض
طريقة تحضير خبز الشاوارما
كيلو فورص ممتاز
3 معالق كبار حليب غبرة
شوية ملح
ملعقة صغيرة زيت مائدة
ملعقة كبيرة خميرة خبز مذوبة في نصف كاس ماء مدة 2 دقائق
الطريقة
نعجنو العناصر عادي بحال الخبز او البطبوط و نخليوها تخمر مدة 5 ساعات و منين تدوز ساعتين و نصف نفرغو الهواء اللي فالعجينة و نعاودو نردوها تخمر ساعتين و نصف اخرى ثم نديروها كريصات صغار و نكرصوهم نرققوهم مزيان باليد و منين نكملو نرجعو للكريصة الاولى و نديروها تطيب اما فالشواية الكهربائية او فالفراح فوق الفاخر او فالمقلة الثقيلة و غير نحطوها فالمقلة دغيا نقلبوها باش تنفخ و ماتديرش البويوقات و منين يطيب الخبز نسخنو اللحم شوية و نعمرو بيه الخبيزات مع السلطة و تقدم الشوارما المنزلية بالصحة والراحة

zizou-4300
08-12-2009, 22:30
:82:جزاك الله خيرا اختي sousou01 على الوصفات :82::82::82::82::82:

مع الله
08-12-2009, 23:24
السلام عليكم و رحمة الله و بركاته.شكرا الاختsousou01 و الله يجازيك بخير و نتمنى نفيدكم.

aicha faris
09-12-2009, 11:10
jazakom allah khairan akhawati al 3azizate et 3la slamat okhti raihana arjou an takouni bikhayr wa 3afia tbarkallah 3alikom kolkom wa a3tadir marratan okhra 3ala al kitaba bi al3aranssia lahaqqach l clavier 3andi ma fihche al 3arabia

3bouch
09-12-2009, 12:43
السلام عليكم نتمنى كل البنات يكونو بخير الله يرحم والديكم اللي عارفة فاش من صفحة كاينة خلية نحل تكتبها لي و لكن جزيل الشكر

hakima09
09-12-2009, 14:20
اليك الرابط ديال عش النحل (الشهدة)

http://www.anaqamaghribia.com/vb/showthread.php?t=69887&page=86

hakima09
09-12-2009, 14:28
الحرشة ف الفران من عند بشرى من سلا
المقادير
1/2 كيلو سميدة رقيقة
1/2 لتر حليب بارد
كاس سنيدة
1/2 كاس عنبة زيت
خمارة حمراء
ملح
حكة حامض (اختياري)

الطريقة
نخلطو السميدة مع الحليب ثم نضيف باقي العناصر وندهن مول بالزبدة (المول اكون كبيير ف القطر)ويرش بالسميدة ويفرغ الخليط وتطهى في الفرن لمدة من 20 حتى ل 30 دقيقية

hakima09
09-12-2009, 14:32
طبق اليوم من عند السيدة زينب
اللحم بالبطاطا الصغيرة
المقادير
قطع لحم غنمي مافيهاش الشحمة
كمون
ثومة محكوكة
ملح
ملعقة صغيرة سمن
زعفران حر
البطاطا اللي كتكون صغيرة بزاف مقشرة صحيحة
بالنسبة لمقادير التوابل حسب كمية اللحم اللي درنا
الطريقة
نديرو اللحم في كوكوت مع السمن و الثومة و التوابل و نخليوه يتشحر مزيان ثم نديرو الماء الكافي و نسدو عليه يطيب خاصو يطيب مزيان و على المهل باش مايتحلش
بالنسبة للبطاطا اما نزيدوها على اللحم منين يقرب يطيب او نقصو شوية ديال المرق من اللحم و نديرو البطاطا في اناء ماكيلصقش و نخليوها تطيب فالمرق حتى تنشف مزيان و اللحم كذلك خاصو يكون ناشف و كيجي بحالا مبخر
منين يطيب اللحم و ينشف كنديروه في طبق التقديم و نرشوه بالكمون و نحطو فوقه البطاطا و نرشوها بالكمون ثم يقدم الطبق كيجي لذيذ بزاف و فيه مذاق عجيب حسب صاحبة الوصفة

hakima09
09-12-2009, 14:33
زعلوك بالكرمب من عند خديجة من تينغير
المقادير
كرمب يكون كثير مغسول و مقطع
بصلة خضارية مقطعة صغير
شوية لحم مقطع صغير
قزبر و معدنوس مقطعين
حبة مطيشة مقشرة و مقطعة
2 ضروس ثوم محكوكين
ملعقة كبيرة زيت مائدة
ضامة البنة
ملح + ابزار + كمون + سكينجبير + خرقوم + تحميرة
مزود ديال الحار (اختياري)
نصف كاس زيت بلدية
الطريقة
نصلقو الكرمب و نديروه يقطر فشبكة او نفوروه
نشحرو العناصر اللي عندنا مع زيت المائدة و التوابل ثم نديرو الماء و نخليوهم يطيبو و ينشفو من الماء ثم نعصرو الكرمب باليد و نزيدوه عليهم و نبقاو نحركو شي خمس دقائق ثم نقدموه
يمكن نفقصو عليه بيضة او جوج من الفوق او نخليوه عادي

hakima09
09-12-2009, 14:34
شوربة بالكرعة من عند السيدة زينب
المقادير
4 كرعات خضرين كبار محكوكين فالجهة الغليضة( او مقطعين صغار الا كان الخلاط كيطحن مزيان)
بصلة كبيرة محكوكة
ربطة كبيرة شوية مخلطة قزبر و معدنوس مقطعين
ربطة ديال الكرافس مقطع
ابزار
شوية الملح
خرقوم
سكينجبير (تقريبا ملعقة كبيرة )
ضامة بنة بقري
كاس كبير حليب
ملعقة كبيرة فورص
الطريقة
نطحنو الكرعة و البصلة و الربيع و الكرافس فالخلاط الكهربائي ثم نديروهم في طنجرة مع الضامة و التوابل و نخليوهم يطيبو ثم نخلطو الحليب مع الفورص و ندورو بيه الشوربة بحال طريقة الحريرة و نخليوها تطيب و تعقد (يمكن نزيدو عليها فالاخير بيضة او جوج الا بغينا)
كتجي زوينة و كتسخن حيت كتكون عاطية للحرورة بسبب سكينجبير

hakima09
09-12-2009, 14:51
نخبركم البنات بلي الطاجين ديال البطاطا واللحم دقتو هده 3 ايام عند صاحبتي راه كا يجي بنيين بزاااااف غير جربوه

3bouch
09-12-2009, 16:12
الله يرحم والديك اختي حكيمة09 هدي علاش كنقلب الله يجازيك بالخير

aicha faris
09-12-2009, 16:47
assalamo 3likom allah ykhallikom 3tiwni arrabit dial smen lamdaweb dial marrakech kian daz chhal hadi fi alliqae al maftouh wa chokrane jazilan:79:

عنبر
09-12-2009, 18:05
بسم الله الرحمن الرحيم وصفة لترطيب وتنقية الوجه 2 معالق الحمص 2 معالق الفول يابس 3 حبات لوز خضر ليكور مسوس يوضع ماسك على الوجه حتى ينشف ويغسل 2 مرات في الاسبوع

عنبر
09-12-2009, 18:17
لبريق الشعر صفر بيضة عصير حامضة 2معالق زيت الزيتون يوضع ماسك على الشعر
2 مرات في الاسبوع
للشعر المتساقط قشور الرمان مع الماء والحنة يمكن الاستغناء عن الحنا لشعرو جاف يوضع على الشعر نصف ساعة او ساعة

mamachida
09-12-2009, 18:59
الله يعطيكم الصحة

rachida om lina
09-12-2009, 19:04
lehla ykhattikom alina akhawati lkarimat

madiha09
09-12-2009, 20:05
شكرا لكي اختي ولكن الله يخليك الى تابعتي وصفات الجمال ديال هاد الاسبوع وراء العيد فيديني بيها هدا ايميلي diha23_********.com.مديحة ومشكورة مرة تانية.

ياسمين..
09-12-2009, 22:02
شكرا جزيلا لكل الأنيقات اللواتي يساهمن في نقل هذه الوصفات

TAWBA 1
09-12-2009, 22:07
الذين يشاهدون محتوى الموضوع الآن : 20 ( الأعضاء 6 والزوار 14) ‏TAWBA 1 (http://www.anaqamaghribia.com/vb/member.php?u=43213), ‏ام وص (http://www.anaqamaghribia.com/vb/member.php?u=32915), ‏ياسمين.. (http://www.anaqamaghribia.com/vb/member.php?u=41723), ‏melami (http://www.anaqamaghribia.com/vb/member.php?u=46366), ‏omriyad be (http://www.anaqamaghribia.com/vb/member.php?u=40506), ‏همس الحنين (http://www.anaqamaghribia.com/vb/member.php?u=19322)

ام وصال 2001
09-12-2009, 22:11
تبارك الله عليكم الغزالات ماعندي شي مانقول الله ايعطيكم الصحة ويجازيكم بالخير على سلامتك اختي ريحانة
راني هاد ليام مشغولة ضياف تكبو علي كيف الشتا مابقيتش تانسالي باش نزل معاكم الوصفات غير سمحو لي او دعيو معاي اوا نخليكم على خير انود نشوف اش اوراي من شقى

saliha75
09-12-2009, 23:33
عافاكم الله جميعا وسدد خطاكم

ام جهاد و نضال
10-12-2009, 00:50
اخواتي واحد السيدة اليوم قالت الطريقة باش نحكو النحاس جربتها هاديك الساعة لما قالتها والله حتى النتيجة كتبهر بلاعداب وبسهولة الله يجازيها بخير
الطريقة هي انك كتحكي النحاس بجيكس ناشفة بدون ماء اوحامض اوحتى حاجة والنتيجة رائعة

Hanouna 84
10-12-2009, 01:10
salam kif antoma alabnat atbarkalah a3likom 7adgat bazaff wa abgit at3almoni ,ana
kanatmana ta3tiwni site de li9aa maftou7 wa radio--ajdida am3akom

choukrannnnnnnnnnnnnnnn

asmaitta
10-12-2009, 12:09
شكرا بزاف على مجهوداتكم اخواتي
الله يجازيكم بالخير و يجعلو فميزان حسناتكم

TAWBA 1
10-12-2009, 12:25
السلام عليكم ورحمة الله وبركاته
فقاص مسّوس لأصحاب مرض السكري شفاهم الله
المقادير :
2 بيضات ـ كأس العنبة زيت ـ نفس الكاس حليب ـ نفس الكاس عصير البرتقال ـ 2 معالق خميرة معجونة ـ ملح ـ حوالي كيلو الدقيق فورص
الطريقة :
تعجن المقادير كلها ُم تترك ترتاح 10 دقائق ، بعدها يقسم على ثلاث على شكل كوميرات ، يوضع في الطاوة مدهونة ليختمر ، ثم يدهن بالبيض ونسكافيه
أو بأي شيء تريدينه ، يطيب نصف طيبة بعدما يبرد يقطع ويعاد إدخاله للفرن ليتحمر ويقدم بالصحة والراحة

TAWBA 1
10-12-2009, 12:46
شوربة جزائرية من عند السيدة نجاة من casa
المقادير :
زلافة الحمص مفزّك ـ بصلة مشلظة ـ طريفات لحم أو دجاج ـ لفتة صفراء ـ 2 خيزو ـ 2 مطيشات مقطعين صغار ـ ربطة كرافس ـ قزبور و معدنوس مقطعين ـ كمون ـ ملح ـ إبزار ـ قرفة أعواد ـ سكنجبير ـ خرقوم ـ زيت ـ 3 مطيشات صحاح ـ حفنة الفداوش( معجنات )مبخرة في الكسكاس
الطريقة :
بعد تشحير للبصلة و طريفات اللحم نضيف باقي المقادير والماء ونترك الكل ينضج مدة ثلث ساعة أو نصفها ، بعدها نأخد خيزو وربطة الكرافس و مطيشات الصحاح من الطنجرة بعد نضجها ونطحنها في المولينكس ثم نعيدهم إلى الطنجرة ونتركها تطيب بعدما أضفنا الفداوش المبخرة وتقدم مع القضبان أو أي نوع من المشويات وبالصحة
كتقول مولتها أنها كتجي لذيذة بزاف

TAWBA 1
10-12-2009, 12:55
نصائح من عند عائشة آزرو
ـ الطجين يلا بغينا نطيبو به و ميحرقش نديروه يسخن قبل الاستعمال مع دهنه بقليل من الزيت
ـ أواني إينوكس المحروقة تحك بكاغيط يشترى من عند الدروكري يسمى كاغيط الزيرو ،
ـ الكلمار يلا بغيناه مايطرطقش أثناء القلي ، يقطع دوائر و يفور في الكسكاس ثم يمرمر في الطحين به ملح ويقلى ، كيجي رطب
ـ لغسل الدجاج من الزفرة ، يغسل جيدا ثم نديرو ليه الملح وسكنجبير والحامض محكوك بقشرته و مائه

سائحة
10-12-2009, 15:36
شكراااا الاخوات على المجهوداللي كتبدلوه الله يجازيكم بالخير

اليوم سمعت واحد الاخت عطات الوصفة د الفطير المشلتت او مفهامشي مزيان الله يجازيكم ا

الاخوات الليكتعراف لهاد الوصفة تفيدنا بيها مشكووووورين

sousou01
10-12-2009, 16:51
عائشة من ازرو

المشلتث

500 غ الفورص
500 غ الفينو (القمح )
2 م ك العسل
ملح
زلافة السميدة رقيقة مخلكة مع خمارة

يعجن الخليط مايكون قاصح او جارى نديروهم كويرات تطلق بالزبدة ( ماتكونش مدوبة ) على شكل اشرطة ترش بالسميدة
وتلوى تم تطلق التانية مع رشها بالسميدة ونضع فوقها الاولى
وتلوى تم تقطع بالسكين من جهة العرض الى كانو الكور كبيرة
نديرو كل جوج مع بعض او صغار ندير 3 حتى 4 مع بعض ونطيبوهم عادى

صفاء القلب 2000
10-12-2009, 17:01
اختي سوسو01 تبارك الله عليك غير الى تفهمونا اكتر المشلتت راه مافهمتشي الطريقة

mamachida
10-12-2009, 18:42
شكراااا الاخوات على المجهوداللي كتبدلوه الله يجازيكم بالخير

اليوم سمعت واحد الاخت عطات الوصفة د الفطير المشلتت او مفهامشي مزيان الله يجازيكم ا

الاخوات الليكتعراف لهاد الوصفة تفيدنا بيها مشكووووورين

كنديروليه الطريقة دايال المخمر ..غير المخمر كنلويو 1 ونقرصوها ..وصاحبة الوصفة قالت نلوي 1ونديرها وسط الاخرى تم نلويها وهكدا حتى نكمل 4 تم نقطعها في الوسط من جهة العرض ويوليو عندي 2 ....اتمنى تكوني فهمتني

miwa
10-12-2009, 22:59
السلام عليكم ورحمة الله وبركاته
الله اخليكم البنات علاش الزبدة مخصهاش تكون دايبة في المشلتت و شكرا.

zizou-4300
10-12-2009, 23:19
:75:صاحبة الوصفة قالت نستعملو زبدة ما ديباش باش نعرفو لقياس لي تنديرو:75:

miwa
10-12-2009, 23:45
مشكوووووورة zizou

الساجدة
11-12-2009, 00:01
بسم الله الرحمن الرحيم مشكوووووور والله يعطيك الف عافيه

raihana
11-12-2009, 11:33
السلام عليكم ورحمة الله تعالى وبركاته اخواتي كيف حالكم كنتمنى تكونو بخير وعلى خير واشكركم على دعواتكم معي كما ارحب باخواتي الجدد معنا هنا ليفيدو ويستفيدو وبكل من تريد الافادة ونرجو من العلي القدير ان نكون خير صحبة في الله في الدنيا والاخرةلقد كتبت الجملة الاخيرة ومؤذن الظهر يؤذن اتمنى ان تكون دعوة مستجابة.

raihana
11-12-2009, 11:43
وصفة لترطيب وتقوية الشعر؛ شوية ازير ـ شوية الزعتر ـ شوية السانوج ـ شوية الشيح ـ شية حبرشاد ـ 5 عويدات القرنفل ـ شوية الخزامة ـ عود السواك ـ شوية الحرمل مكلي ـ 2 كيسان زيت العود كل هده العناصر غير مطحونة نسخن الزيت قليلا ونضع معها كل العناصر تسخن شويةونزيلها من على النار ونضع الكل في قارورة وندهن بها الشعر جيدا كلما اردنا الذهاب للحمام فهي مفيدة للشعر.

raihana
11-12-2009, 13:07
كويرات الشيفلور معمرين بالكفتة؛ حبة شيفلور كبيرة ـ 125 كفتة ـ ملح وابزار ـ بصلة متوسطة مقطعة.
نغسلو شيفلور ونصلقوه في الماء به ملح ونخليوه يتسقطر .في مقلاة نضع شوية الزيت ونشحرو البصلة حتى تذبال تم نزيدو الكفتة واللح والابزار ونحركو مزيان ونخليوها تشحر من بعد ماتطيب نتركها تبرد .ناخد الشيفلور ونمعكه بالفورشيط جيدا وناخد كرة منه ونضع وسطها شوية الكفتة ونكوروه مرة تانية ونمرمدوها في الطحين تم البيض تم الخبز محمص ونقليوه في الزيت تم نوضعوهم على الورق النشاف .لامتصاص الزائد من الزيت.

raihana
11-12-2009, 13:15
كيكة بالتفاح؛ 3 بيضات ـ 9 معالق كبار حليب ـ 9 معالق كبار سنيدة ـ 6 حتى 7 معالق كبار زيت ـ 9 معالق كبار طحين ـ 2 خمارات ـ 2 لفاني ـ 2 تفاحات منقيين ومقطعين شرائح نخلطو جميع المقادير والطحين في الاخير ونفرغه في مول مدهون ومغبر اوفي مقلاة وجدة الثقيلة ونستفو شرائح التفاح من فوق وندخله الفرن مدة 20 د.

raihana
11-12-2009, 13:49
نصائح اليوم
لازالة الحبر من الملابس نوضعو معجون الاسنان على مكان الطبعة ونتركه حتى يجف تم يغسل .
لازالة الصدا من الملابس نزيله بعصير الحامض وشوية الملح.
للتخلص من الارهاق والعياء ناخد 2 حبات الخص ونغليوهم في لتر من الماء مدة 20 د ونصفيوهم ونشربوهم كل ما حسينا بالعياء.

ta3iyalt
11-12-2009, 16:20
merci bzzzaf

ta3iyalt
11-12-2009, 16:30
جربتها لبارح جات فنة الله ايجازي لي وراتها لينا

ام جهاد و نضال
11-12-2009, 16:53
بصحتك اختي ولكن ما هي الوصفة اللي جربتي البارح

TAWBA 1
11-12-2009, 18:29
شكرا أختي ريحانة على الوصفات
أشنو هي الوصفة اللي جربتي و جات زوينة Ta3iyalt

zahiato
12-12-2009, 22:21
السلام عليكم انا جربت الفقاص ديال مرضى السكر جا لذيذ راه مكتوب في الصفحة 170

TAWBA 1
12-12-2009, 22:49
السلام عليكم
بصحتك وراحتك أختي Zahiato

sousou01
12-12-2009, 23:51
السلام عليكم ورحمة الله وبركاته نرجوكم ان تتابعو الكتابة على الموقع الالكتروني: www.snrt.ma (http://www.snrt.ma/) من أجل ارجاع نادية الناية لبرنامج اللقاء المفتوح الم ترو الانحطاط الذي وصل اليه البرنامج نرجوكم ان تراسلو الموقع لتطالبو بارجاع الاعلامية المتميزة لهذا البرنامج.

ta3iyalt
14-12-2009, 13:03
السلام عليكم يآ احلى عضوات احلى منتدى اليوم فاتني اللقاء المفتوح ممكن تعاودولي اش داز فيه؟ الله اجازيكم بخير

عنبر
14-12-2009, 14:58
وصفة لتساقط الشعر الزعتر يسحق ناخد مقدار 2 معالق كبار توضع في الماء بارد ويشقق به الشعر يوميا
تساقط الشعر حبوب المعدنوس تدق ناخد الغبرة توضع في الماء مدة 12ساعة يدك به فروة الشعر تبقئ 3 ساعات 2 مرات في الاسبوع

عنبر
14-12-2009, 15:19
غسول الشعر حفنة مسحوق عرق السوس يو ضع في لتر خل التفاح في قا رورة مدة اسبوع عاد يستعمل يدلك به فروة الراس مرة في الاسبوع

sousou01
14-12-2009, 18:02
لطيفة الطبايلى مراكش

الشوا ديال الزلافة

ضلعة
2 الى 3 زلايف الماء
2 م ك السمن المدوب
1 م ك الكامون
1 م ك الملح
5 البصلات كبار وصحاح
1 كاس كبير الطحين
الماء

نديرو الماء فى طنجرة كبيرة ونقلبو فى الوسط زلافة على فمها تم نديرو البصلة فوق الزلافة ونحطو عليها الضلعة بعد ما ندهنوها بالسمن المدوب والكامون والملح ونقفلو الطنجرة ونسدو الغطاء
بعجين الطحين والماء ونزلوه على المجمر بعد ما تنزل النار شوية
من 4 الى 5 ساعات تم نقلبو الغطاء على الطنجرة ونديرو الرماد
والفحم اما المرق اللى بقى نسقيو بيه الروز ويقدم كطبق مرافق

كدلك نديرو كمية قليلة من اللحم حسب افراد العائلة

sousou01
14-12-2009, 18:03
طريقة السمن المدوب

كيلو الزبدة البلدية او الرومية
كموصة الزعتر من الاحسن فاصمة
1 م ك الملح
1 م ص الدشيشة الغليظة

تنديرو الزبدة على نار ميلة مع الزعتر والملح حتى تدوب مزيان عاد نديرو الدشيشة ( البلبولة ) حيت هى اللى كتصفى الزبدة
تيبقى الماء تحت والسمن فوق تنصقيو السمن غير بشوية بلا ما نخدو اللى التحت وتنديروه فى قرعة الزاج ومانقفلوش عليه حتى يبرد تماما عاد نسدوها

sousou01
14-12-2009, 18:03
نصائح من البيضاء

خديجة

ملى نغسلو الدجاج نشرملوه ب 2/1 كاس عصير الحامض و 1 م موطارد و 1 سكين جبير و راس المعلقة صغيرة القرنفل

sousou01
14-12-2009, 18:04
القزبور والمعدنوس ملى يتقطع يكون ناشف من الماء ونديروهم فى مربعات التلج حتى يجمدو عاد نديروهم فى بلاستيك

يمكن نديرو القزبور لوحده وكدلك المعدنوس

sousou01
14-12-2009, 18:05
زينب اكادير

القراشل

250 غ الزبدة
4 الكيسان الزيت ( العنبة )
2 خمارات
2 فانى
شوية خميرة الخبز
500 غ السنيدة
4 البيضات
شوية النافع
شوية الجنجلان
قبصة الملح
2 كيلو الطحين
حفنة الحرش
2 كيسان الماء او حسب الخليط

نحكو الزبدة مع السنيدة تم نضيفو كل المقادير وتجمع بالماء تحربل رقيقة وتقطع بالسكين او المقص وتدخل للفرن

sousou01
14-12-2009, 18:05
وصفات الجمال لهذا اليوم من عند السيدة ربيعة من القصر الكبير
لوسيون للبشرة الحساسة
المكونات
2 معالق كبار شوفان (خرطال)
ماء معدني القياس اللي يغطي لينا الخرطال
اصفر بيضة بلدية
3 معالق كبار زيت اللوز
الطريقة
نديرو الشوفان في زلافة و نغطيوه بالماء المعدني و نخليوه مدة ساعة غذي يتضاعف الحجم ديالو ثم نعصرو الشوفان من الماء و نصفيوه في منديل نقي و غذي يولي عندنا حليب الشوفان هو اللي غذي نستعملو
نديرو اصفر البيضة فالخلاط الكهربائي و نخلطو مزيان ثم نبداو نزيدو زيت اللوز قطرة قطرة مع التطراب حتى يعقد الخليط بحال المايونيز ثم نزولوه من الخلاط و نزيدو عليه حليب الشوفان مصفي و نخلطو حتى تنسجم العناصر و نديرو اللوسيون اللي حصلنا عليها في قرعة و كل ليلة نبداو نغسلو الوجه ديالنا مزيان و ننشفوه و نديرو قطن فاللوسيون و نمسحو بيه الوجه مزيان فالليل و فالصباح كيصبح الوجه منور بحالا دايرين ليه كريم الاساس ( fond de teint)
يمكن استعمال الوصفة حتى للبشرة الجافة و كذلك يمكن نديرو غير حليب الشوفان بوحدو

sousou01
14-12-2009, 18:06
وصفة لازالة النقط و الرؤوس السوداء (تزيل النقط تماما بحالا درنا ليهم الليزر)
المكونات
2 معالق كبار عصير الصبار
ملعقة صغيرة من ماء الزهر الطبيعي المقطر
ملعقة صغيرة عصير البومبلوموس
ملعقة كبيرة صلصال اخضر
3 حتى ل 4 نقط من زيت الحامض
الطريقة
نمزجو العناصر كلها مزيان بالفورشيت و نخليو زيت الحامض حتى الاخير عاد نزيدوها و نخلطو شوية ثم ندهنو الوجه بالخليط و نديرو ليه حمام بخار على الاكثر مدة نصف ساعة مع تغطية الوجه بفوطة باش يبقى البخار مجموع و من بعد نمسحوه و هو باقي مندي بقطن مبلل بماء المعدنوس و سنلاحظ ان النقط بدات تختفي
تستعمل الوصفة مرة في الاسبوع و كيبان الفرق من اول مرة
كيفية تحضير ماء المعدنوس
ناخذو كمية من المعدنوس و نقطعوه رقيق و نغطيوه بماء معدني بارد و نخليوه ليلة كاملة ثم يصفى و يستعمل كيعطي نتيجة هائلة
(الوصفة الاصلية تستعمل فيها عشبة اسيوية تسمى بالهاماماييس و بما انها غير موجودة بالمغرب عوضاتها السيدة ربيعة بمازهر مقطر و قالت ان له نفس المفعول)
*للمعلومة فالسيدة ربيعة كانت تقطن ببلد عربي و كانت تشتغل مع ناس كيصاوبو الوصفات و يبيعوها باثمان مرتفعة و هي دابا كتكرم بيها على مستمعات اللقاء المفتوح دون مقابل لانها مابقاتش فهذاك البلد فلنطلب من الله عز وجل ان يجعلها في ميزان حسناتها

sousou01
14-12-2009, 18:07
كيفية معرفة نوع البشرة (دهنية , حساسة, عادية , جافة او بين و بين)
البشرة الدهنية
كنحطو منديل ورق على الجبهة و الانف و الخدين و الا بانت لينا فيه مادة دسمة (دهون) فالبشرة دهنية
البشرة الحساسة
هي اصعب انواع البشرة لانها تتاثر بجميع مستحضرات التجميل حتى و ان كانت ذات جودة و تتاثر بتغيرات الجو و كيكون فيها احمرار و بعض الاحيان حكة خفيفة
البشرة الجافة
عندما تمسح بمنديل الورق لا تظهر اية دهون و كنحسو بالوجه مشدود و مجبد
البشرة العادية
عندما نمسح بالمنديل ما كنشعروش بالوجه كيتجبد او باي شد فالمكان كما ان الورق كيبقى صافي
البشرة اللي بين و بين
بشرة مافيها لا شد لا جفاف و لا دهون

مامات جومانا
14-12-2009, 20:05
أختي سوسو واش القراشل هما القريشلات ديال مراكش ؟ وشكرا لك على مجهوداتك انت والاخوات الانيقات

sousou01
14-12-2009, 23:39
نعم هم الفقاص ديال عاشورى الصغيور لي تيتباع في السوق

bent bladi
14-12-2009, 23:48
شكرا الاخوات على المجهود اللي كتبدلوه
الله يجازيكم بالخير

صحراوية انيقة
15-12-2009, 14:58
اختي فاطمة بالنسبة للكيك ديال طيفال بداي دهني القلة بقطنة مبللة بقليل من الزيت باش ماتلصقش وتقبلي مروري

melami
15-12-2009, 15:01
كي دايرين ا لغزالات انا اليوم جربت طريقة الحمص في تيرموس باللوبية البيضاء القاصحة و اعطت نتيجة زوينة طابت مزيان وبقاو الحبات معزولات كل وحدة بوحدها ايوة جربو و ردو علي

ملاك المطبخ
15-12-2009, 18:15
الذين يشاهدون محتوى الموضوع الآن : 6 ( الأعضاء 3 والزوار 3) ‏ملاك المطبخ (http://www.anaqamaghribia.com/vb/member.php?u=33618), ‏om ikram (http://www.anaqamaghribia.com/vb/member.php?u=39456), ‏so3ad10 (http://www.anaqamaghribia.com/vb/member.php?u=21223)

sousou01
15-12-2009, 19:06
بسم الله الرحمن الرحيم
السلام عليكم ورحمة الله وبركاته
وصفات الجمال لهذا اليوم من عند السيدة ربيعة من القصر الكبير
ماسك لتقشير الوجه (الكوماج يصلح لجميع انواع البشرة)
المكونات
2 معالق كبار شوفان (خرطال) مطحون غبرة رطبة
3 حبات فريز ممعوسين مزيان بالفورشيت
ملعقة كبيرة كريما (او حليب البقر نغطيوه و نخليوه حتى الغذ و نزولو الوجه اللي غدي يتكون الفوق كيكون خاتر و نستعملوه )
الطريقة
نخلطو جميع العناصر حتى نحصل على كريم نديروه للوجه و نخليوه مدة 10 دقائق ثم نبداو نزولوه بعملية دائرية برؤوس الاصابع حتى يتقشر و يخرج معاه بحال الوسخ حيت كتزول الجلدة الميتة ثم نغسلو الوجه بماء دافي و بعده ماء بارد و نمسحوه بماء الورد و من بعد نديرو اي كريم كنستعملوه للوجه
بعد استعمال الماسك و تقشيره نلاحظ فرق كبير لانه كيرد الوجه رائع حسب صاحبة الوصفة
يستعمل الماسك منين نشوفو الوجه ذبال لانه يجدد نضارة الوجه يعني مرة فالشهر

sousou01
15-12-2009, 19:06
سبراي للبشرة الجافة اللي كتقشر
المكونات
نصف ملعقة صغيرة من زهر البرتقال
2 معالق صغار عصير الصبار (نطحنو الصبار او نحكوه فالحكاكة رقيقة باش يطلق الماء ديالو)
3 حتى ل 4 نقيطات عسل حر
2 حتى ل 3 نقط من زيت الازير
الطريقة
نخلطو المكونات و نديروها في بخاخ (رشاشة) و نرشو الوجه و اليد باش نرشو تكون بعيدة على الوجه باش يعطي مفعول احسن و نخليوه مدة 15 دقيقة ثم يمسح الوجه بالقطن بلا ما نغسلوه
يستعمل مرة في الاسبوع

sousou01
15-12-2009, 19:07
الرفيسة (هدى من المضيق)

المقادير
دجاجة ديال كيلو و نصف
2 بصلات كبار مشنفين
كاس صغير زيت مائدة
قزبر و معدنوس مربطين
ملح و ابزار
نصف ملعقة صغيرة جنجلان
شوية زعفران ملون
شوية زعفران حر مسخن
العجين العادي ديال لمسمن او التريد طايب و من بعد نلويو ثلاثة او اربعة ورقات ديال التريد و نقطعوهم رقاق ثم نديروهم فالكسكاس حتى يطيب المرق و نفوروهم
التزيين
لوز مفسخ و مقلي و مهرمش
الطريقة
نطيبو الدجاجة صحيحة مع البصلة و الزيت و باقي التوابل و العناصر اللي عندنا حسب الطريقة المعتادة و منين تطيب نزولوها من الطنجرة و ندخلوها للفران تتحمر و نخليو المرق يختار
نفورو التريد اللي قطعنا فالكسكاس و نديرو فرشة من التريد في الطبق و نديرو فيها حفرة الوسط و نحطو الجاجة فالحفرة ثم نديرو عليها قبة ديال التريد و نصفيو البصلة و نحطوها الفوق و نسقيو بالمرق سخون و نزين باللوز مهرمش من الفوق و يقدم الطبق

sousou01
15-12-2009, 19:08
كفتة على شكل طورطة (مليكة من اولاد تايمة)
المقادير
كيلو ديال الكفتة
3 بيضات كبار
2 ضروس ثوم مدقوقين
شوية معدنوس مقطع
2 كيسان صغار شابلير
شوية ملح
شوية تحميرة
(يمكن الا بغينا نديرو التوابل الاخرى)
التزيين
كيتشاب (او اي صلصة اخرى)
البطاطا مصلوقة و مطحونة مزيان بحال الكريم و مخلطة مع شوية الزبدة و الملح و ابزار ابيض
الطريقة
نخلطو الكفتة مزيان مع البيض و المعدنوس و لاشابلير و باقي العناصر و نقسموها على ثلاثة
ناخذو لاطات مدورين مدهونين و نبسطو في كل وحدة مقدار ديال الكفتة و نقادوها مزيان من الفوق (او الا كان عندنا غير مول واحد نطيبو كل وحدة بوحدها)
ندخلو الكفتة تطيب فالفران ثم نخرجوها و الى بانت لينا تنفخات شوية من الفوق نقادوها بالسكين
نحطو دائرة ديال الكفتة و نسرحو عليها الكيتشاب و نديرو دائرة اخرى ديال الكفتة و نسرحو الكيتشاب ثم نديرو الدائرة الثالثة ديال الكفتة و نغطيوهم كاملين من الفوق و الجناب بالبطاطا مطحونة (خصها تكون سخونة باش تتسرح بسهولة) و نقادو الفوق و الجناب بالسكين باش تجي بحال الطورطة ثم نديرو شوية من البطاطا فلابوش و نديرو وريدات الفوق و فالجناب ديال الطورطة و نزوقوهم بنقيطات ديال الكيتشاب ثم نزين الوسط بوريقات نعناع و تقدم الطورطة دافية

sousou01
15-12-2009, 19:09
طبق اليوم من عند السيدة امينة
بسطيلة مشكلة بالدجاج و الحوت و السبانخ
**حشوة السبانخ
3 قبطات سبانخ
2 بصلات كبار مشلضين
بكية فرماج مربع (كيري)
شوية الكوزة
شوية ملح و ابزار
بيضة
**حشوة الدجاج
دجاجة (كيلو او جوج كيلو)
بصلة مقطعة شرائح
ملح + ابزار + سكينجبير + زعفران
شوية سمن
عود قرفة
رابعة لوز مفسخ و مقلي و مهرمش
قزبر و معدنوس مقطعين
10 بيضات
شوية الزبدة
سكر كلاصي (تقريبا 150 غرام)
كيلو ديال الورقة (او كيلو الا ربع)
ملعقة قرفة
**حشوة السمك
ميرنا و كروفيت و كلامار حسب الموجود
شعرية صينية
قزبر و معدنوس مقطعين
ضامة بنة
فطر اسود
ملح صيني
سودانية و ملح و ابزار و كمون و تحميرة
صلصة الصوجا
زبدة و زيت
الطريقة
** نغسلو السبانخ و نقطعوهم رقاق و نديروهم في مقلة يتشحرو مع شوية الزيت او زبدة و الملح و البزار
نحمرو البصلة فشوية الزيت و الملح و البزار
نقطعو مربعات الفرماج و نخلطو كلشي مع بيضة و شوية الكوزة
** نديرو الدجاج في طنجرة مع البصلة و الزيت و السمن و التوابل و الربيع و منين يطيب نزولوه من الطنجرة و نفرتتوه و نطيبو البيض فالمرق ديالو ثم نخلطو كلشي مع اللوز و سكر كلاصي حسب الذوق (يمكن اضافة بيض مسلوق محكوك)
** نديرو الحوت في مقلة فيها شوية الماء و الربيع و الضامة و التوابل اللي عندنا فالمقادير و الزيت و الزبدة و نبداو بالكلامار (مصلوق شوية من قبل) ثم نديرو ميرنا و الكروفيت و الفطر و نخليوهم يطيبو
ثم نصفيوهم من الماء ديالهم و نديرو فيه الشعرية الصينة الا خصنا الماء نزيدوه ثم تصفى و تقطع و نخلطوها مع الحشوة
نسرحو الورقةو ندهنوها بالزبدة مدوبة و نديرو نوع من الحشوة و نلويوها بحال المحنشة ثم نديرو ورقة اخرى و ندهنوها بالزبدة و نديرو حشوة اخرى و نزيدوها على الاولى و نلويو كذلك بحال المحنشة ثم نديرو الحشوة الثالثة بنفس الطريقة و هكذا حتى نكملو و ندهنوها بالزبدة و تدخل للفران او نسرحو ورقة و نديرو فيها شوية من كل حشوة و نلويو بحال المحنشة
او يمكن نديروها بسطيلة عادية على شكل طبقات
السيدة اللي عطات الوصفة راه ماشرحاتش المرحلة الاخيرة مزيان حيت سالى الوقت و مابغاتش ترجع تكمل مع 11h . فالاول قالت بسطيلة و فالاخير صدقات محنشة
المهم الحشوات هما هادو و كل وحدة تعمر حسب ذوقها

عنبر
15-12-2009, 23:42
وصفةللبشرة الجافة منعش نصف معلقة زهر البرتقال 2 معالق ص زيت الصبار ودلك بحك الصبار في الحكاكة الرقيقة ويصفى 3او4 م عسل حر 2او3 نقط ازير توضع فى بخاخ ويرش على الوجه يبقى ربع ساعة ثم يمسح بقطن دون غسل مرة في الاسبوع

عنبر
15-12-2009, 23:57
كوماج 2 م الشوفان يطحن بدرة 3 حبات الفريز يمعك بالشوكة معلقة كريمة الطرية ديال الحليب يخلط الكل على شكل كريمة توضع على الوجه 10د ومن بعد عملية داءرية حتى يتقشر الوجه تم يوضع كريم مرة في الشهر

mouna222
16-12-2009, 12:38
وصفة لتساقط الشعر الزعتر يسحق ناخد مقدار 2 معالق كبار توضع في الماء بارد ويشقق به الشعر يوميا
تساقط الشعر حبوب المعدنوس تدق ناخد الغبرة توضع في الماء مدة 12ساعة يدك به فروة الشعر تبقئ 3 ساعات 2 مرات في الاسبوع


السلام عليكم ورحمة الله وبركاته
بارك الله فيكم الاخت عنبر و الاخت سوسو و جميع الاجوات على الوصفات اللي كتفيدونا بها .
عافاكم اخواتي بغيتكم تعطيوني صاحبة الوصفات اعلاه و هاد حبوب المعدنوس فين نلقاوهم.

انهار المغرب
16-12-2009, 14:50
فعلا هو برنامج رائع ولكن معرفتش علاش قطعوه ما بقاوش كيديروه على قناة المغربية

achikato aljana
16-12-2009, 15:21
شكرا لك اختي الكريمة علي هده المعلومات القيمة استفدنا من القاء المفتوح مجموعة من الاشياء

raihana
16-12-2009, 16:22
السلام عليكم ورحمة الله تعالى وبركاته كيف دايرين لاباس عليكم عواشركم مباركة مسعودة وكل عام وانتم بخير .
نصائح الجمال؛
وصفة للشعر الجاف؛3 اصفر البيض بلدي ـ كاس لاروب زيت العود ـ نخلطو كل شيء مزيان وندهنو به الشعر كله من جذور حتى اخره ونتركه مدة ساعة ونغسلوه عادي.