المساعد الشخصي الرقمي

مشاهدة النسخة كاملة : شكون اللي بغات تحارب السمنة تجي معايا



الصفحات : 1 2 3 4 5 [6] 7

رحاب الاسلام
12-04-2010, 12:06
صباحكم فل يا حلوين كيفكم وين وصلتو بالرجيم اخت مودلست الي بقيتي متبعة هدا البرنامج راكي رايحة تنحفي بالتاكيد يخص تتعودي واذا حسيتي بالجوع كولي حبة تفاح او خيار او ماطيشة المهم بعدي عن الوجبات السريعة و الحلويات و بالتوفيق انشاء الله ام سامي كيفك واش الرجيم تلخبط عندك في بالي ههههههه عشوشة فينك عسي المانع خير ام حفصة وين وصلتي الان في الوزن و لا راكي ديما في 77كغ انا اليوم راني صايمة و انشاء الله الفطور ديالي اليوم كيما العادة
كاس حليب + 3حبات تمر
سلاطة +حريرة +دجاج
ياغورت و طبعا الماء بكثرة
سلام لكل طبوزة معانا هههههههههه

أم سامي
12-04-2010, 18:03
السلام عليكم ورحمة الله وبركاته

على سلامتك أختي رحاب، والله إلى تشوشت عليك، قلت مع راسي راك مشيت عندراجلك ونسيت التجمع معنا، على كل مبروك عليك راك مزيانة 71كلغ العقبا تشوفي 60 راجلك ما غاديش يعرفك.
عشوشة فينك، ياكما راك غير في الشهيوات خاصنا نديرو نفس حتى نصبح بحال رحاب، راها ماشاء الله الرشاقة حتى راجلها ما غاديش يعرفها.
أم حفصة فينك ياكما سالات المسابقة راك غارقة بين الطناجر في الشهيوات، غير باني وقولي لينا آش درت، كيف بقات حفصىة.
سمية ظهر وبان عليك الأمان، فينك، كيف الحال عسى بخير.
مودلست، نتمنى تكوني متابعة الريجيم بدون أخطاء
برنامجي لهذا اليوم: ماء طايب مع صلاة الصبح
الفطور: قهوة بلا سكر +خبز وزبدة
العاشرة: الماء والشاي بلا سكر
الغداء: جلبانة+زعلوك وشوية الدجاج
الكوتي: حتى نجي من الأيروبيك ناخذ تفاحة
العشاء: سلاطة والقوق مسلوق

أم حفصة
12-04-2010, 19:20
سلام لكل الانيقات....................
ام سامي ليومة راني فشلت واحد الفشلة ما كاين منقول ليك.............طحت غير في الخبز ديال الدرة مع الجبن و اتاي .........واو توحشت اتاي..........ههههههه مضحكوش علي بززززااااف..........عيت و الله حتى عيت بغيت ناكل بحال بنادم.............المهم غدا ان شاء الله نبدا تاني من جديد وخت عارفاكم غادين تجرو لي ودني..........اي اي ............

أم سامي
12-04-2010, 21:40
لا أختي أم حفصة، راه الحرمان هو اللي يتولد فينا النهم
أنا اليوم ذحت في القوق مسلوق حتى خرج لي من عيني، عاد مشيت نقلب على هدد السعرات الحرارية

سمية ام عبدو
13-04-2010, 17:23
هانييييييييييييييييييي..............حالتي النفسيه مخربقه...اوا لا تسالي على الماكله بدون عقل...اليوم تمشيت مع 1 الجماعة ديال النساء.....ودخلت شوية كسكسو و غادي نخرج نتمشى نمشي نقضي واحد الغرض على رجلي...شي ساعة الا ربع مشي ...و كذلك نفس المسافه فالرجوع....

أم سامي
13-04-2010, 17:46
السلام عليكم ورحمة الله وبركاته

كيف الحال يا أنيقات، أتمنى تكونا بخير
أنا الزوج ديالي مسافر، راني ريجيم حسب الرغبة
برنامجي هذا اليوم:
فطور كالعادة
الغذاءز دجاج شوارمة + القرعة الخضراء بالبصل والطماطم (مشرملة)
الكوتي: تفاح
العشاء: الكورن فليكس ( الحبوب الكاملة).
أختي سمية لاباس عليك والمشي راه مفيد

رحاب الاسلام
13-04-2010, 19:37
السلام عليكم يا الغزالات سمية اختي لباس عليك انشاء الله ام سامي كي دايرة الاحوال و الوليداتن لباس ام حفصة عشوشة هذه غبرة فين مشيتي الغزالات الجدد فينكم عيتو من الرجيم انا اليوم البرنامج ديالي كي العادة
كاس قهوة بلا سكر +شوية خبز مع المربي ديال البرتقال
الغداء بيض مقلي مع الماطيشة +ياغورت
القوتي قهوة +2ديال الكوكيز
العشاء شوربة خضر + تفاح
سلام لكل غزالة في هذا التجمع ديالنا

عباد الرحمان
13-04-2010, 19:51
السلام عليكم ورحمة الله وبركاته

عباد الرحمان
13-04-2010, 19:52
لبنات كيدايرين لباس عليكم الله يعاونكم على ريجيم ديالكم+ أنا بغيتكم تساعدوني تعطوني شي ريجيم مزيان مايكونش صعيب حيت خاتكوم متقدرش عليه ههههه .راه مامتبعا حتى ريجيم كاناكل عادي غي شكلاط و لكريم للي ضربت عليهم هما للي كانو خارجين عليا من درجة الأولى ...مرة مرة شكلاط شي وحيدة كانغش شوية مانقدرش على فراقه هههه

أم سامي
13-04-2010, 20:16
أختي تيشا ارجعي للصفحة 87 راه فيها واحد الريجيم صحي
على سلامتك رحاب تبارك الله عليك

عشوشة
14-04-2010, 07:26
السلام عليكم ورحمة الله وبركاته
توحشتلكم بزاااااااااااااف ,,, وسمحو لي راني كنت غارقة فالرحيل حتى لشوشتي والتعب وتمارة حتى طيحت 2 كيلو بلهلا يتبتو لي هههههه’’’ المهم هده مزية’’’
ام حفصة مبروك عليك الكيلوات الي نزلت انتينا ورحاب
رحاب راه مغدي يكون لا عرس ولا زواج’’’ صعيب بزاف على الي عندها الاولاد تتزوج لأنهم رفضوا لي ومنقدرش ندخل عليهم شي واح اجنبي’’’ اللهم لك الحمد هدا هو نصيبي :(وعلى الله العوض ههههههه
ام سامي اشخبارك المهم رانتينا وصلت لل70 نات فالوزن ماشي فالسن ههههه:d
سمية تيشة موديليست تبارك الله عليكم واهلا وسهلا بكم معانا راكم عمرتو علينا باش تكون المنافسة قوية بإدن الله
انا الريجيم ديالي كيف العادة
قهوة +خبز زرع +زويتة بلدية ومربى دايت بعد المرات يسكيت دايت
الغدا عادي خضر وسمك او دجاج او داند آخد الفواكه قبل الأكل او فالكوطي’’’
العشاء يوغورت مسوس خالي الدسم نع نل زريعة الكتان
لكن اهم شي هو اني احاول اتجنب كل المقليات والعجائن وأقلل من الأكل:69:
أستودعكن الله

ام يحيى وياسين
14-04-2010, 09:19
سلام عليكم اتبارك الله اعليكم اشحال هدي وانا امتبع امعاكم ابديت الريجيم انهار الاتنين واش اتقبلوني امعاكم ولا انزيد خلف مع الباب اوا جوبني هاني كنتسنا بسلام

أم سامي
14-04-2010, 09:40
السلام عليكم ورحمة الله وبركاته

على سلامتك أختي عشوشة، والله يلا توحشناك، راني نسيت الرحيل، ومبروك عليك الكلغرامات
بالنسبة لارتباطك كنا نتمنى نفرحو بيك ههه، ولكن هذه أنانية الأولاد، الحمد لله على كل شيء، ولكن لابد ما تشغلي وقتك بشيء حتى لا تحسين بالوحدة، هناك جمعيات متنوعة يمكن الانضمام لها.
لالا خديجة مرحبا بيك معانا، عرفي راسك أكثر الوزن والطول وشحال ناوية تنقصي، ومرينا كل يوم واعطينا البرنامج ديالك
وفينكم

ام يحيى وياسين
14-04-2010, 10:10
شكرا ليك الحبيب ربي اخليك وطول عمرك
الوزن هو 58
الطول 156
او المشكل عندي في وحد ملاتي كرش دير عندي 3 التنيات امعقدانيا زيد اعليها اشواكل والمأخر كنطمح نوصل 53 اتحيد لي هاد الكرش ولي عندها شي نصيحة انا ليها شكرة

أم حفصة
14-04-2010, 10:58
رحاب.............في الصراحة عجبني الريجيم اللي كنت متبعة..........و قررت باش نتبع بحالو.........غير انا لاحظت انك تتخللي الوجبة الكثيرة للعشا..........مكرهتكش تعاودي تفسري لي............
عشوشة على سلامتك كنت غابرة.......اوا مبروك 2 كيلو........
ام سامي......كيفك مع الريجيم.........
انا كيف ما كنت قلت ليك جاتني فشلة عجيبة.......اوا ليومة قلت اعود بالله من الشيطان الرجيم

المهم الفطور طريف ديال الخبز مع شوية الجبن و كاس القهوة مسوس
الغدا في ايد الله.............

سمية فينك الحبيبة...........

رحاب الاسلام
14-04-2010, 13:00
السلام عليكم ورحمة الله وبركاته
كيفكم يا الغزالات الانيقات ديال الكنتدي انشاء الله كامل تكونو لباس
ام سامي كيف احوالك و قولينا الوزن الجديد ديالك راه الفضول كلاني
عشوشة كنت نتمني ترتطبتي بولد الحلال لكن انانية الاولاد ايوا اش نديرو الله يرزقك من عندو وانشاء الله في المستقبل الاولاد يفهموك و مبروك عليك 2كغ عقوبة للمزيد
ام حفصة علي سلامتك كيفك وين وصلتي في الوزن بالنسبة ليا انا في النهار ما ناكلش بزاف لكن في الليل ندير الوجبة ديالي كاملة و الي لاحظتي الاكل ديالي كلو صحي بحيث خالي من المقالي و المعجنات يعني حتي لو كليت كثير ما راحش وزني يزيد و الحمد لله وكذلك معلومة ليك ام حفصة انا كنتعشي بكري يعني تقدري تقولي علي 6تع العشية و موراها بشي ساعة ندير رياضة ديال الخصر و الارداف و في بعض الاحيان ندخلها غير علي الرقص هههههههههههه
اخت تيشا بالنسبة للوزن ديالك ماراهش كبير اما للبطن فنصيحتي ليك هي الرياضة ثم الرياضة هكدا تقضي علي الكرش

رحاب الاسلام
14-04-2010, 13:04
البرنامج ديالي اليوم
كاس حليب بلا سكر + شوية خبز +مربي
الغداء جلبانة مفورة +ياغورت
القوتي قهوة بلا سكر
العشاء قرعة معمرة باللحم + سلاطة و بطبيعة الحال الماء نشرب حتي 3لترات في اليوم
ام حفصة انا الشي الي عاوني في التنحيف هو القرعة بحيث كليتها بزاف و ساعدتني في الشي الي راني فيه الي بغيتي تنحفي في الاسبوع من 2الي 3كغ كولي القرعة بكثرة

سمية ام عبدو
14-04-2010, 13:36
سمية فينك الحبيبة...........


ام حفصة قلبي الصفحة تلقايني!!!!!!!!!!!!
بالنسبه للنظام ديال رحاب اول مره كننتبه ليه منين اشارت ليه ام حفصه...و هاد الشي اللي خاصني ندير لان الزوج ديالي كيظل خارج...يعني كناكل مع 12 مكيكونش فيا الجوع...و بالليل كناكل معاه...خاصني نقلب النظام..12 غادي تولي فقط فواكه.....

عباد الرحمان
14-04-2010, 20:13
السلام عليكم ورحمة الله وبركاته

عباد الرحمان
14-04-2010, 20:28
اليوم بديت الريجيم يعني هههههههه فطور بكاس أتاي و خبز توست مع جبن وفالغدا درت مقرونيا وفالكوتي خذيت تفاحة و العشا سلاطة و لماء بطبيعة لحال اخت تيشا بالنسبة للوزن ديالك ماراهش كبير اما للبطن فنصيحتي ليك هي الرياضة ثم الرياضة هكدا تقضي علي الكرش
إقتباس رحاب الإسلام
أختي أنا هاد البطن هو لمشكل لكبير للإ عندي بقات ليا من بعد لولادة مابغاتش تحيد ليا عاد مازادت عندي+ مشكل وجهى حتى هو عامر كيبايني غليظة بزاف
مع الزيف خلاص

أم حفصة
14-04-2010, 20:53
رحاب .........شكرا الحبيبة ..........بغيت غير نسولك...... القرعة كيف تتاكليها كل مرة عطيني عافاك شي افكار....راني تنتسناك......اوكي الزين..........

أم سامي
14-04-2010, 21:54
السلام عليكم ورحمة الله وبركاته

كيف حالكم راكم تبارك الله عليكم، الرشاقة الرشاقة
أختي أم حفصة بالنسبة للكرعة أنا البارح وجدتها بواحد المعلقة زيت الزيتون وقطعي الكرعة رقيقة على الكول وديريها في المقلة على نار هادئة، وجدي التوم والطماطم، ونسمي بالابزار اوالملح، ونشفيها مزيان تتجي غزالة مع واحد م ك حامض.
تيشا الوزن ديالك راه ما كثيرش لكن عليك بالرياضة وشرب الأعشاب
سمية، راه العشاء إلى كان ثقيل راه يزيد في الوزن حاولي تخففي من العشاء.
رحاب تبارك الله عليك، موفقة اعطينا أفكار على القرعة راها باسلة

عباد الرحمان
14-04-2010, 22:16
شكرا أختي أم سامي على النصائح إن شاء الله نطبقهم+ غي هو بنسبة للأعشاب شنو هما للي نستعملهم+ واش غي نكب عليهم لما طيب نخليهم شوية يطلقه و نشربهم ولا نستعملهم بطريقة أخرى ؟سامحي ليا إلى كترت عليك بالأسئلة و شكرا

عباد الرحمان
14-04-2010, 22:21
راني لقيت راسي زدت فالوزن راه ولاة فيا 73 و نصف هادشي للي خلاني نبدا الريجيم

مودلست
14-04-2010, 22:40
اهلا بك اختي ام سامي شكرا على الاهتمام جزاك الله بخير انا متابعة الريجيم لكن مع الغش لان عندي ضيوف و ضروري مديري الصواب و الشهيوات عاد مشاو و غنتبع بالحرف ان شاء الله

عشوشة
15-04-2010, 09:30
السلام عليكم ورحمة الله وبركاته
شكرا لك ام سامي ورحاب على كل تعودت على هذه الحياة وانا فهماهم... وانا احب اولادي ولا يمكن ان ازعجهم بفرض شخص اجنبي عليهم,,........
دابا احنا فالريجيم واصدقنا فالمشاكل العائلية هههههههه
البارح لخبطت شوي فالريجيم مع المكان الي رحلنا لو قدامو فيه وااااااااحد مولاتي الباتسري!!!!منقولكمشي;) ايوا وتشهيت واحد المثلث ديال طارط بالتفاح واللوز:d
لكن من بعد العشا اخذيت يوغورت مسوس وخالي الدسم مع زريعة دالكتان وطريف خبز نخالة وزويتة بلدية كان فيا الجوع مع اني تغديت مزيان سلاطة وخضر ودجاج على شكل طاجين خفيف ....... لكن كترة الجري هذه الأيام وراء الأوراق الإداربة كتهدني!!!
اليوم فالفطور قهوة ضروريييييييي خبز نخالة جبن لايت ومربى لايت و..............زويتة!!!!!
الغدا واقيلا غادي نعمل طويجن دالقرعة.......... على فكرة انا كنطبخ فطاجين الطين بسكين جبير كامون وخرقوم طبيعي وفالآخر كنضيف زويتة بلدية........ وكيجي لذيذ وخفيف وانا ا
فضل الأكل النباتي وقد كنت نباتية فيما مضى لعدة سنوات!!!!
طولت عليكم يااااك المهم انا قريت فإحدى المنتديات الصحية ان الألياف والذهون الجيدة والكالسيوم والفيتامين د والبروتين والماء والشاي الأخضر هذه الأشياء تساعد الجسم على فقد الوزن بسرعة لإنها تساعد على الشبع لوقت أطول:77:
سلامي للأخوات الجديدات وياربي يقنعنا وينحفنا آمين :d

أم سامي
15-04-2010, 10:00
السلام عليكم ورحمة الله وبركاته

كيف الحال، سعيدة بمروركم ومعرفة أخباركم
عشوشة كلنا في الهوى سوى، البارح راني ريجيم زعما طيبت السباكيتي لأولادي ونسمتها في النهاية بالقزبر أخضر والطون، تشهيتها كليت أكثر منهم وكنت ساهرة تنخدم، زدت الحليب والبيسكوي، إيوا كيف جيتكم.؟
لالا عشوشة عندي واحد الملاحظة وهي أنك تتاكلي الزيت والجبن والمربى، غير واحد فيهم كفى لا تخلطي الأنواع كلها.
مودلست ما كاينين غير الضياف اللي خارجين علينا حيث فينا الصواب بزاف راه نقدرو جلسو معاهم وناكلو ولكن غير السلايط.
تيشا من بين الأعشاب اللي يمكن تشربيها ومهمة للتنزيل سكين جبير أخضر حكيه في الماء الغليان مع 2 أعواد قرفة + ملعقة الشاي الأخضر، وشربيه بعد الأكل.
أم حفصة، سمية، رحاب فينكم؟

ام يحيى وياسين
15-04-2010, 10:11
سلام اعليكم البارح مكنتش امساليا باش انحط البرنامج الغدائي عفاكم لي بانت ليها شي خطا كندير اتقولو لي الله ايجازكم كل خير
البارح
الفطور: كأس حليب خالي الدسم مع شريحتين طوست
الغداء: العدس دون اي شي اخر
الكوتي . امشيت عند صحبتي اوا اشربت 2 كيسان اتاي كرواس وسلو تاع المغرب اوا من تم حتى الغد مع شرب الماء
اليوم لفطور كالعادة كأس ح.خ،د+ شريحتين طوست
العداء انشاء الله طاجين اللحم بالشفلور مع السلطة
والعشاء سلطة فواكه

ام يحيى وياسين
15-04-2010, 10:16
عندي واحد السأل بلانسبة لزريعة الكتان مع دنون واش مزيانة اشحال نخدها في اليوم
اختي ام سامي بالنسبة لي الماء اسخون مكنقدش انشربو كنشرب غير الماء العادي
سمحو لي كترت اعليكم الاسإل ولكن هد الوزن اتبت عندي حيت الوزن السابق هو 68 امع انا اطويل بزاف منعاودش ليكم كيف كنت

رحاب الاسلام
15-04-2010, 10:52
=أم حفصة;1865384]رحاب .........شكرا الحبيبة ..........بغيت غير نسولك...... القرعة كيف تتاكليها كل مرة عطيني عافاك شي افكار....راني تنتسناك......اوكي الزين..........


مكانش مشكل يا الحبيبة انا في كل مرة كي نطيب القرعة نعطيك هذه الوصفات ديالي
قرعة معمرة نخوي القرعة و نعمرها باللحم منسم بالتومة +لبزار+شوية ملح +حبة بيض +قصبرومن بعد نرحي الماطيشة +بصل مرحي وندير القرعة في الصوص ديال الماطيشة طيب علي نار خفيفة وكي تكون قريب تنشف ندير شوية فرماج مبشور كتجي بنينة
الطريقة الثانية نسلق القرعة في الماء و الملح ثم نقسمها بالطول علي اثنين و نخوي اللب ديالها ثم نضيف علي اللب فرماج +شوية رز مسلوق +تومة و نعمر القرعة و نديرها في الفرن و نرش عليها الفرماج
طريقة اخري نقطع القرعة دوائر و نشحرهم بزيت الزيتون ز نضيف عليهم بعدما تذبال الملح +لبزار +ماطيشة مين يطيبو نضرب 3بيض علي جهة +شوية خبز مرحي و نفرغ عليهم القرعة الي شحرتها في المقلاة و ندير الكل في الفرن بحال القراتان و بالصحة و العافية علي قلوبكم [/size]

رحاب الاسلام
15-04-2010, 11:02
السلام عليكم ورحمة الله وبركاته
كيفكم يا الغزالات مع الرجيم
عشوشة الف مرحبا بيك توحشناك و مبروك عليك العتبة الجديدة راها غادي تخرج عليك سواسوا سيرتو لالا مولاتي الباتسري راه غير بجنبك ههههههههههه غير تشوفي راح تشهاي و ما نقولكش هذه الشهيوات هوما الي جابونا في هدا الوزن الله يستر
ام سامي راني بحالك كي نعودو نديرو الماكلة الي تزيد نقولو ما راحش ناكلو منها احنا غير ندخلو يدينا ما نحسوش برواحنا حتي نجو علي قاع الزلافة ههههههه عاد نندمو
ام حفصة كي دايرة يا الحبيبة و انشاء الله الوصفات ديالي نالو الاعجاب ديالك
اخت تيشا بالنسبة للاعشاب ما ديرهومش يغلو انما غلي الماء و صبيه علي كمية من الاعشاب و اتركيه مدة 15د ثم اشربيه ومن بين الاعشاب المنحفة الزنجبيل لتاي و السالمية القرفة
الاخوات الجدد مرحبا بيكم في تجمعنا لمحاربة الشحمة و الانتقال الي الاناقة انشاء الله

رحاب الاسلام
15-04-2010, 11:03
البرنامج ديالي اليوم
كاس حليب بالقهوة بلا سكر + طريف خبز
الغداء ياغورت + سلاطة
القوتي قهوة بلا سكر
العشاء حوت في الكوشة + سلاطة و طبعا الماء بكثرة في كل الاوقات

أم سامي
15-04-2010, 11:21
أختي خديجة الله يعطيك الصحة، غير سلو والكرواسون كنت ما تاكليهمش، وكان لا بد من العشاء، علاش لأن الآيض كيشتغل مع احترامنا للوجبات ديالنا، فالطبيب دائما ينصح بعد إهمال أحد الوجبات غير لا بد ما نتبهو المثل اللي معناه الفطور بحال الملك والغداء بحال .... والعشاء بحال الفقير. أنا طبيبة الحمية كانت موصياني ب4 الوجبات.
رحاب تبارك الله عليك وعلى الوصفات ديالك، غير الجبن راه غني جدا،
أنا تنستعملها إما كطورطية بالبيض ونشحرها مزيان معالتوم ونضيف عليها البيض. أو بحال زعلوك.

رحاب الاسلام
15-04-2010, 12:17
ام سامي يالحبيبة انا الجبن الي كنستعملو كيكون خالي من الدسم و الي خاص باصحاب الرجيم و ما نكثرش منو غير باش يعطيني المذاق ياك علي بالك القرعة المذاق ديالها كي داير الواحد راه حارم راسو من الشهيوات انا راه في خاطري وحد التشاراك باللوز و كي نتفكر السمنة ايوا نرجع و نقول لالا اش نديرو المهم راه في راسي الحلم ديال النحافة انو نولي بحال الغزالة و راني قريب نوصل بربي العقوبة للبقية الي انظمو لينا

أم حفصة
15-04-2010, 20:16
سلام لكل الحبيبات................رحاب شكرا الحبيبة على الوصفات و الله منكرهش وصفات اخرى حيت ناوية ان شاء الله الايام اللي جاية نتغدى بالقرعة و نتعشى بيها بغيت غير تعدد الوصفات باش منملش مع ختكم متنكلهاش بزززاف بوحدها مع المداق المسوس ديالها............
كنت بديت في الريجيم و لكن مرضت مشكيت عليكم من نهار الثلاثاء حتى لاصال ممشيت ليها دبا حصتين.....
ام سامي كيفك لاباس عليك.....عشوشة.........لاباس عليك...........سمية كدايرة احوالك .............نتمنى تكونو كلكم بالف خير.............
مسالة اخرى وليت تنشرب تقريبا 3 لتر ديال الما يوميا.......بغيت غير نعرف الما بكثرة اش تدير..........مضحكوش علي........هههههههه

رحاب الاسلام
15-04-2010, 21:10
سلام ام حفصة لباس عليك انشاء الله حاولي تاكلي شوية كي راكي مريضة و كي ترتاحي ولي للرجيم المهم راح نزل ليك وصفات اخري بخصوص القرعة انشاء الله حتي انا ما نحملش المداق ديالها بصح بهده الطرق راني ناكلها و حسيت راسي نقصت في الميزان كيما قلت راني 71كغ و راني نقول من غدا انشاء الله راح نولي للقرعة بوحدها يعني ناكل غير القرعة هكدا باش نطيح الكوالة الي بقاو الله يعينا و يكون معانا

عشوشة
15-04-2010, 22:02
السلام عليكم ورحمة الله وبركاته
أم سامي قليل فاين كناكل الجبن لايت ولكن كيعجبني اكثر ناخذ الجبن الأبيض مع الزيت ومحكوك عليه الزعتر لكن انا كنحمق على زيت العود.......:d!!!
اما بالنسبة للقرعة فكاين عدة وصفات مع راس الحنوت والقرفة والزبيب او غير فالطاجين وتعطروها بالكامون وسكين جبير وتوم ومعدنوس وزعتر لكن على عافية مههههههههههيلة..........
انا تغديت اليوم طجين بيبي بالقرعة المدورة والبصل والزعتر جا بنيييين !!!
فالكوتي تفاحة
العشا شاي بالأعشاب البيبنوش سالميةويزير + يوغور طبيعي دون دسم مع زريعة الكتان

الله يبارك فيك يارحاب لكن ما تخافش علي دابا كنقدر نضبط نفسي لأني كنتصور إذا كلييت حلوة غدي تستقر لي اما في فخضي او تنفخ لي بطني وجا مفكني منها!!!:d راها السم اللذيذ!!!
ام حفصة ميكون عندك باس
رانيا وتيشا وموديليست المشكل ديالكم مشي عويص بشوية دالإرادة ان شاء الله غدي توليو رشيقات مثل غصن البان:71:

أم سامي
15-04-2010, 23:10
تبارك الله عليك
يا أغصان الخيزران، راكم مبرعات راسكم ها القرعة منسمة ها الجبن بزيت الزيتون...
أم حفصة لاباس عليك، نتمنى تكون أحسن، حاولي تاخدي الدوا وانساي الريجيم حتي تعودي لاباس.
عشوشة أن تتعجبني القرعة المدورة بالزعتر مع الغنمي ميام ميام،
رحاب راك صافي غادي نتوجوك رشيقة هذا الشهر راك تبارك الله غادي تطلي على الستينات
سمية فينك، خديجة ومودلست وتيشا...

ام يحيى وياسين
16-04-2010, 06:56
سلام عليكم كيف ديرين فين اوصلتو مع الرجيم
ام سامي انا ديما امتبعاكم مكندخلش بزاف حيت سي سيد كيقول لي كتفضلي pc اعلي اوا كندير لو خطرو
المهم سولت على زريعة الكتان املقيت حتى رد واش هي كتساعد في نقص الكرش حيت هد الكرش امعصباني ملي كنفيق اصباح كنعبرها كنلقى90 cm اوا ملي نكول حدت ولا حرج

رحاب الاسلام
16-04-2010, 11:17
السلام عليكم ورحمة الله وبركاته
كيفكم يا الغزالات ان شاء الله لباس
ام سامي كنشكرك بزاف علي التتويج راه وسام شرف علي صدري كيف ما يقولو و هدا بالارادة و الاعانة من عند الله و ثانيا بفضل تشجيعاتكم
عشوشة كيفك فعلا القرعة كيف ما قلتي انا كنموت عليها بالزعتر و الكمون هيت الزعتر و الكمون كيساعدو في التخسيس ايضا
ام حفصة ان شاء الله اليوم راكي في احسن الاحوال
اختي خديجة بالنسبة للكرش ديالك حتي انا كنت بحالك كانت 92سم اليوم راهي 82سم الشي الي كنت نديرو هو المساج ديال زيت زيتون مع خل التفاح و طبعا رياضة ديال الكرش و في هذه الايام راني ندير كريم الزنجبيل حتي هو اعطاني نتيجة زوينة و الحمد الله الكرش ديالي نقصت و ما راهيش كي بكري
تيشا مودلست سمية و كل الاخوات كنسلم عليكم كامل

رحاب الاسلام
16-04-2010, 11:19
برنامج ديالي اليوم هو
الصباح كاس قهوة بالحليب بلا سكر + خبز محمص
الغاء قرعة مفورة بالزعتر و الكمون +حبة تشينة
القوتي كاس حليب بلا سكر
العشاء قرعة في الفرن مع الماطيشة +ياغورت
هده الايام راني نشرب الماء ديال حبة الحلاوة + البابونج حتي هو منحف ممتاز للبطن

رحاب الاسلام
16-04-2010, 11:33
هده وصفة لطبخ القرعة اختي ام حفصة و ان شاء الله تعجبك
نقطع القرعةداوئر ثم البصل والفلفل الكل داوئر نشحرالبصل والفلفل فى زيت الزيتون ثم نزيد القرعة علي البصل و الفلفل و تحركي حتي يتشحرو مزيان نزيد عليهم لحم بقري مقطع طريفات صغار و نسم الكل بلبزار و شوية ملح وكمون +ثوم مرحي +ماطيشة كي تقرب علي الطياب دخليها في الفرن حتي تتحمر من الوجه ديالها و بالصحة و الراحة علي قلبك ام حفصة و يمكنلك تاكلها مع شوية ارز

أم حفصة
16-04-2010, 11:46
هده وصفة لطبخ القرعة اختي ام حفصة و ان شاء الله تعجبك
نقطع القرعةداوئر ثم البصل والفلفل الكل داوئر نشحرالبصل والفلفل فى زيت الزيتون ثم نزيد القرعة علي البصل و الفلفل و تحركي حتي يتشحرو مزيان نزيد عليهم لحم بقري مقطع طريفات صغار و نسم الكل بلبزار و شوية ملح وكمون +ثوم مرحي +ماطيشة كي تقرب علي الطياب دخليها في الفرن حتي تتحمر من الوجه ديالها و بالصحة و الراحة علي قلبك ام حفصة و يمكنلك تاكلها مع شوية ارز


تبارك الله عليك يا رحاب ممممممممممم شهيتيني و الله في هاد الوصفة نهار الاثنين ان شاء الله غادية نبدا في شهيواتك ديال القرعة......مزال مدعدعة بالمرض الله ينجيك.....غير نوللي لاباس نبدا و تبارك الله برعتيني وصفات.........

رحاب الاسلام
16-04-2010, 12:48
لباس عليك اختي ام حفصة حبسي الرجيم و كولي شوية كي ترتاحي ارجعي للرجيم الصحة زوينة و نبغوك ديما منورتنا بالطلة ديالك

أم حفصة
16-04-2010, 13:06
لباس عليك اختي ام حفصة حبسي الرجيم و كولي شوية كي ترتاحي ارجعي للرجيم الصحة زوينة و نبغوك ديما منورتنا بالطلة ديالك




بارك الله فيك الحبيبة........المشكلة هي ان الدوا اللي خرجات لي الطبيبة كلو تزيد الوزن و تدير الشهية....و الله حسيت براسي ورمت و تنفخت غير الله يحفظ.............راني طالع لي الدم بزززززااااااااافف............

ام يحيى وياسين
16-04-2010, 17:28
سلام عليكم برنامج اليوم
الفطور. كأس حليب خالي الدسم+ شريحتين طوسط
الغداء. بيتزا
العشاء. يغورت مسوس
اختي رحاب الاسلام شكرا ليك كنتمنى تنقس لي انا داب كندير خل التفاح و زيت ،ممكن اتشرحي لي اكتر على كريم الزنجبيل اما بخصوص الرياضة اختك معكازة

أم سامي
16-04-2010, 18:00
السلام عليكم ورحمة الله وبركاته
أخواتي البارح كتبت ليكم صفحة طويلة عريضة ولكن ولدي جا يجري وأزال لي الخيط ديال النت
على كل كيف حالكم نتمنى تكونوا على خير وبخير
رحاب تبارك الله تستاهلي راك مواضبة ريجيم ومساج وأعشاب، الله يبارك
أم حفصة لاباس عليك، نتمنى تكوني اليوم أحسن
خديجة، تبارك الله عليك، البرنامج ديالك فيه خلل بسيط هو في البداية حاولي تصبري على البيتزا وما لها، كثري من الخضر واللحوم البيضاء. بالنسبة للبطن ديالك اخدي السالمية كشاي سخون بلا سكر أو لا في الليل طيبي الماء + الكمون حبوب + نصف حامضة مقطعة، وفي الصباح قبل الفطور اشربي على الأقل 2 كيسان كبار راها منحف بامتياز
سمية، عشوشة، تيشا، مودلست فينكم

رحاب الاسلام
16-04-2010, 19:49
سلام عليكم برنامج اليوم
الفطور. كأس حليب خالي الدسم+ شريحتين طوسط
الغداء. بيتزا
العشاء. يغورت مسوس
اختي رحاب الاسلام شكرا ليك كنتمنى تنقس لي انا داب كندير خل التفاح و زيت ،ممكن اتشرحي لي اكتر على كريم الزنجبيل اما بخصوص الرياضة اختك معكازة

اختي خديجة لا شكر علي واجب رانا بحال عائلة و كل وحدة كتفاجي علي اختها المهم بالنسبة لكريم الزنجبيل انا كندير زنجبيل محكوك يغلي في الماء حتي يولي باقي عندي نصف العبر ايوا و نضيف عليه علبة ديال كريم دوف+2ملاعق زيت زيتون + 3ملاعق خل التفاح و ندهن البطن ديالي في الليل و في النهار و مرات ندير الرياضة والا الرقص واعطاني نتيجة ما شاء الله نتمني تفيدك هذه الوصفة يا رب و تنقص الكرش ديالك فعلا راها مشكل كبير البطن في هذه الاونة الاخيرة

عباد الرحمان
16-04-2010, 20:17
السلام عليكم ورحمة الله وبركاته

عباد الرحمان
16-04-2010, 20:44
لبنات كيدايرين لباس عليكم لبارح فلفطور خذيت كاس لحليب مع شوية لخبز فيه جبن و الغدا لحوت سردين مع لخضر فالفران الكوتي كنت عند صاحبتي خذيت نص كاس أتاي مع لفقاص غي 3 وحدات صغار ماكترتش العشا توست مع جبن و ليوم فلفطور كاس أتاي بوحده الغدا سباغيتي بالخضرة الكوتي كاس أتاي مع توست مادرت فيه والو العشا ؟؟؟؟؟؟؟باقي ماتعشيت شربت صباح قبل لفطور كاس نافع درته يغلى مع لما و شربته قبل الكوتي قالو ليا مزيان بنسبة للي عندو لبطن إوا هذا ماكاين .أنا محتاجة لوصفات للي كيحايدو لكرش حيت عندي كبيرة ومع أنا قصيرة كاتبين عندي بزاف مبقاوش كيجيو قدي سراول فصمتا ههههههه

عشوشة
17-04-2010, 09:57
السلام عليكم ورحمة الله وبركاته
كيف انتم البنات انشاء الله تكونوا بخير وبإرادة قوية لتحدي السمنة وتدويب الشحمة...
ام سامي يسقسي فيك الخير, انا البارح كنة مسافرة لطنجة من نهاري وكتعرفي ان الجري والكعبة كيعمل الجوع...ورانا تغديت بشوارما لكن من دون فريت و2 طروفا دالبيزة صغااااااااار... وتصوري من 5 حى ال10 داليل في قطار العودة........بنتي قالت لي والووو اماما غدي تتعشااااي مع انني ممتعوداش ناكل متاخرة:(لكن عملت لها خاطرة لكن اليوم باذن الله يوم الجوع حيث شفت هاذ الأسبوع الميزان ديالي
متحركش للأسفل:mad: (وراني شريت ميزان خاص)
رحاب تبارك الله عليك وشكرا على الوصفة دالكريم

رانيا انا كنستعمل زريعة الكتان لانها مفيدة للعضام وهرمون الأستروجين ...
ام حفصة الله يشافيك وحاولي تاخذي ت7 حبات تمر فالصباح على اليق وفواكه جافة بين الوجبات مثل الكركاع واللوز راهم مكيغلضوش وكيزودو الجسم بالقوة بلا ما تلتجئي للأدوية انا شخصيا مكنحباشي وضدها بامتياز...

أم سامي
17-04-2010, 13:44
السلام عليكم ورحمة الله وبركاته

كيف الحال يا طبوزات، نتمنى يكون الريجيم 10/10، أنا ابتدتء من يوم الاثنين سأبدأ بجدية، ونرجعو للميزان كل سبت، وإن شاء الله نقضي على الكيلوات
تبارك الله عليكم
بر نامجي اليوم:
الفطور: قهوة بدون سكر +3 حبات تمر + خبز كامل محمر +زيت الزيتون
الغداء: الدجاج { الأرز بالخضر} + ياغورت
الكوتي= الشاي منسم بلا سكر
العشاء= صوبة + ياغورت

ام يحيى وياسين
17-04-2010, 13:56
اختي خديجة لا شكر علي واجب رانا بحال عائلة و كل وحدة كتفاجي علي اختها المهم بالنسبة لكريم الزنجبيل انا كندير زنجبيل محكوك يغلي في الماء حتي يولي باقي عندي نصف العبر ايوا و نضيف عليه علبة ديال كريم دوف+2ملاعق زيت زيتون + 3ملاعق خل التفاح و ندهن البطن ديالي في الليل و في النهار و مرات ندير الرياضة والا الرقص واعطاني نتيجة ما شاء الله نتمني تفيدك هذه الوصفة يا رب و تنقص الكرش ديالك فعلا راها مشكل كبير البطن في هذه الاونة الاخيرة
اللهم امين اختي وشكرا لك على الوصفة انشاء الله غدي انجربها

ام يحيى وياسين
17-04-2010, 14:01
السلام عليكم اش اخباركم فين واصلين مع الرجيم

عشوشة
18-04-2010, 07:34
السلام عليكم ورحمة الله وبركاته
كيف اصبحتو الرشيقات...
انا نفلكم غير على الي كليت البارح اما اليوم باقيا ماعرفتس وما نضمنوش
البارح الفطور فحال العادة غير اليوم غدي نستبدل خبز الزرع بخبز الشعير البلدي بنخلتو وحيت فايتلي مجرباه راه ك ي خ رط
كان عداي البارح خضر نبخرة كثير فيها القرعة (العدوة دبال القرعة اصابتنا من رحاب ههههههه) وسمك مشوي
الكوتي زوج مزاحات من بعد ساعتين خذيت 2 بسكوي دايت
من بعد جاو عندي ناس يباركولي الدار خديت معاهم نصف كاطو مع نصف كاس حليب قليل الدسم.
ايوا فالليل خذيت مستحلب من حبة حلاوة نافع بايبنوش سالمية أزير مرددوش
دابا هاني كنغطر بالقهوة معطرة خبز شعير +زيت بلدية وعسل و2بسكوي دايت
استودعكم الله الذي لا تضيع أمانته

mama yasmine
18-04-2010, 10:09
salamo 3alikom hta ana bagha nkon m3akom ana wazni 72 tool 161 wazn sabi9 59 b3it nrja3 lih walakin min lmosstahil dak l3am n9asst 16 kilo daba fihad lbard rja3tha ma3a wahad lalla molati lkarch khal9ali mochkil wa m3a9dani bi saraha bissmi llah abdaa hta ana m3akom

mama yasmine
18-04-2010, 10:13
ana mjarba ssoulofan 3la korchi fisaraha 3tani nataàij zwina kont kandiro mni kankon nch9a fi dar katb9a korchi kat3ra9 hta kayfazgo hwayj diali hadi hia lissa3datni bach nhayad lkorch walakin masstamaritch ou raj3at walakin hgadi nbda marra okhra inchaha allah

أم سامي
18-04-2010, 11:05
السلام عليكم ورحمة الله وبركاته

أختي عشوشة تبارك الله عليك، راه الأكل ديالك صحي، غير الكاتو راه فيه الكريمات والحلاوات
بالنسبة لمنقوع الأعشاب راه حبة حلاة تتفتح الشهية
ماما ياسمين مرحبا بيك معنا، غير أختي استعملي لوحة المفاتيح بالعربية لأن الكتابة بالعرنسية ممنوعة في المنتدى، وكذلك باش نفهموك وما يصعابش علينا نقراوك
قولي لينا آش تتاكلي ونتساعدو راه الوزن ديالك ما كثيرش بزاف
لالا خديجة، مازال متنعرفوش آش من ريجيم راك متبعة
أم حفصة، سمية، رحاب، تيشا، مودلست وكل الغائبات فينكم

أم سامي
18-04-2010, 11:07
برنامجي الغذائي اليوم مازال تالف
الفطور: الماء طايب مع الصبح / من بعد كاس قهوة بلا سكر + خبز كامل مع زيت الزيتون والكونفتور + حبات ثمر
الغذاء والله إلى مازال تالف

عباد الرحمان
18-04-2010, 17:07
لبنات كيدايرين مع شي ريجيم إن شاء الله توصل كل وحدة لهدفها أمين يا رب . لبارح فطور: كورن فليكس مع لحليب الغدا: طيبت لقرعة مع الجزر و البصل و شوية من طماطم (راني بديت نستعمل لقرعة حيت قلتو بي أنها كاتساعد فاريجيم ) الكوتي: خذيت بيمو عادي مافيه والو العشا :درت خبز مربع رطب على شكل بيتزا وشربت كاس كمون حبوب مع لحامض و اليوم فطرت بتوستا واحدة مع جبن مكان فيا جوع الغدة سلطة و بطاطا مسلوقة مع حوت أبيض مقلي و كاس ديال عصير لجزر و البرتقال و الكوتي باقي مادرتو ؟؟؟؟ و شربت قبل لاغدى كاس عصير ديال لقرعة مع لحليب حيت جاني جوع مكنتش واكلة مزيان

عباد الرحمان
18-04-2010, 17:52
أختي رحاب الإسلام لوصفة للي حطيتي ديال لكريم ديال سكينجبير واش سكينجبير طري ولا لعادي +الكريم دوف ديال ليدين ولا أي كريم ،تكون لعلبة غي صغيرة .أنا بغيت نجربها نتمنى مايكونش سكينجبير طري حيت ماعنديش ومالقيتش فين موجود+ عاد قلتها لراجلي أوصى عليه واحد سنغالي يجيبو ليه .نتمنى يجيبو

رحاب الاسلام
18-04-2010, 19:10
أختي رحاب الإسلام لوصفة للي حطيتي ديال لكريم ديال سكينجبير واش سكينجبير طري ولا لعادي +الكريم دوف ديال ليدين ولا أي كريم ،تكون لعلبة غي صغيرة .أنا بغيت نجربها نتمنى مايكونش سكينجبير طري حيت ماعنديش ومالقيتش فين موجود+ عاد قلتها لراجلي أوصى عليه واحد سنغالي يجيبو ليه .نتمنى يجيبو
السلام عليكم ورحمة الله وبركاته

اختي تيشا انا سكينجبير الي استعملتو طري و حكيتو في الحكاكة اما دوف فدرت الي حاص بالجسم كامل يمكن تعوضيه بالجليسوليد الي عندك

رحاب الاسلام
18-04-2010, 19:14
السلام عليكم ورحمة الله وبركاته
كي دايرات الغزالات مع الرجيم راني نشوف الاخوات كامل راهم بداو تياكلو القرعة و يطيبوها راها صحيح مكانش حالها في الرجيم بحيث فيها الماء بكثرة و ما تزيدش الوزن بالعكس تنحف و كدخل الكرش كذلك وانا شخصيا مجربتها البرنامج ديالي اليوم
كاس قهوة بالحليب + فرماج +طريف خبز
الغداء ما كليت والو
القوتي قهوة بالحليب +قاطو سندويتش + خبز اسمر
العشاء ماراه في خاطري والو ناخد 1ياغورت الماء هده الايام راني نسمو باعواد ديال القرفة و الزنجبيل اخضر

عباد الرحمان
18-04-2010, 20:28
السلام عليكم ورحمة الله وبركاته

اختي تيشا انا سكينجبير الي استعملتو طري و حكيتو في الحكاكة اما دوف فدرت الي حاص بالجسم كامل يمكن تعوضيه بالجليسوليد الي عندك

شكرا أختي على معلومات آتمنى هداك سيد للي موصيه راجلي على سكينجبير يجيبو ليه من هنا واحد ١٥ يوم عالأقل :(

مودلست
18-04-2010, 21:11
اختي رحاب الاسلام ما يكون باس توحشت كلامك و نصائح ديالك و لكن فينما نفتح بالليل مكنلقاكش مكنسالي غير بالليل للاسف و نتمنى تكوني بصحة جيدة ان شاء الله

مودلست
18-04-2010, 21:21
انا باقا متبعا معاكم تنشكرك ام سامي على الاهتمام غير مكنساليش بالنهار و بالليل مكنلقاكومش للاسف اتمنى يكونو كل الانيقات بخير و على خير

عشوشة
19-04-2010, 09:07
السلام عليكم ورحمة الله وبركاته
كيفكم الرشيقات ؟ باقيا حاصلة ف 80 كبغاتش تنزل!!!:mad:
البارح تغديت سمك مشوي +خضر وتكتوكة دالفلفل بالوانه ال3:اخضر, احمر,اصفر!!!
خرجت وتعبت من المشي ملي رجعت للدار اخذيت رايب وزريعة الكتان ونعست هي هذيك حت للصبح!!:cool:
اليوم:
فطور: قهوة بزعتر وقرفة بدون سكر طريف خبز شعير زويتة بلدية وبسكويت دايت يسمىfibra integral /gullon وهاذ الشركةgullon منتجاتها جيدة!:)
هاذ الأيام وقفت الرياضة لأن ركبتي اصابها فدع ونفخ:( بكثرة جري والطلوع والهبوط!!!:66:
تيشا استغرب الي موجدتيش الزنجبيل مع انه متوفر عند العطارة وفي المرشيات!! والأخضر هو الأحسن
ام حفصة انشا الله تكوني بخير ! ام سامي اتشجعي راه ما بقا والو ! رحاب الصامدة ماشاء الله عليك !
واحد جميلة مبقتش تظهر ياك ما باقي الوحام مستمر معاها؟!
موديليت ورانيا وخديجة غير زيرو الحزام!!وتبعوا نصائح مشرفتنا ام سامي:62:

عباد الرحمان
19-04-2010, 12:45
السلام عليكم ورحمة الله وبركاته
كيفكم الرشيقات ؟ باقيا حاصلة ف 80 كبغاتش تنزل!!!:mad:
البارح تغديت سمك مشوي +خضر وتكتوكة دالفلفل بالوانه ال3:اخضر, احمر,اصفر!!!
خرجت وتعبت من المشي ملي رجعت للدار اخذيت رايب وزريعة الكتان ونعست هي هذيك حت للصبح!!:cool:
اليوم:
فطور: قهوة بزعتر وقرفة بدون سكر طريف خبز شعير زويتة بلدية وبسكويت دايت يسمىfibra integral /gullon وهاذ الشركةgullon منتجاتها جيدة!:)
هاذ الأيام وقفت الرياضة لأن ركبتي اصابها فدع ونفخ:( بكثرة جري والطلوع والهبوط!!!:66:
تيشا استغرب الي موجدتيش الزنجبيل مع انه متوفر عند العطارة وفي المرشيات!! والأخضر هو الأحسن
ام حفصة انشا الله تكوني بخير ! ام سامي اتشجعي راه ما بقا والو ! رحاب الصامدة ماشاء الله عليك !
واحد جميلة مبقتش تظهر ياك ما باقي الوحام مستمر معاها؟!
موديليت ورانيا وخديجة غير زيرو الحزام!!وتبعوا نصائح مشرفتنا ام سامي:62:

أختي راني ماشي فالمغرب راني مقيمة بي إيطالية هداك شي علاش مالقيتوش هنا راني باقى تنقلب عليه فالمارشييات لكبار
و الله يشفيك أختي ++++لبنات ماعارت فين غابرين:confused::confused:

رحاب الاسلام
19-04-2010, 13:03
اختي رحاب الاسلام ما يكون باس توحشت كلامك و نصائح ديالك و لكن فينما نفتح بالليل مكنلقاكش مكنسالي غير بالليل للاسف و نتمنى تكوني بصحة جيدة ان شاء الله
يسول فيك الخير يا الحبيبة انا كل مرة و كيفاش نهار نكون شوية تعبانة ما نبقاش عند بسي لانوالنهار كامل راني فيه نخدم و في الليل نكون مع راجلي نحكي سيرتو كي راه بعيد عليا ايوا كي نكمل نلقي راسي تعبانة منو نروح ننعس هههههههههه ايوا اليوم نحاول نبقي فيه في الليل و نشوف فين وصلتي ياك ما كرهتيش من الرجيم يخص كيف ما قالت عشوشة تزيرو الحزام بتاش توصلو للي بغيتو

رحاب الاسلام
19-04-2010, 13:07
شكرا أختي على معلومات آتمنى هداك سيد للي موصيه راجلي على سكينجبير يجيبو ليه من هنا واحد ١٥ يوم عالأقل :(

اخت تيشا الي ما لقيتيش السكنجبير تقدري تعوضي الوصفة بوصفة زيت الزيتون حتي هي زوينة انا استعملتها مده شهرين قبل الزنجبيل و هي نفس العبر ديال زيت الزيتون +خل التفاح و كتخلطيهوم مزيان و تدهني المناطق الي زايدة في جسمك مثل الكرش و الارداف ثم لفي عليها الميكا و بقاي ديري في الشغل ديالك حتي تحسي بالعرق يسيل ايوا دوشي نتمني تستفادي هذه الكرش و الله العظيم غير عقدتنا بالتوفيق انشاء الله

رحاب الاسلام
19-04-2010, 13:11
السلام عليكم ورحمة الله وبركاته
كيفكم الرشيقات ؟ باقيا حاصلة ف 80 كبغاتش تنزل!!!:mad:
البارح تغديت سمك مشوي +خضر وتكتوكة دالفلفل بالوانه ال3:اخضر, احمر,اصفر!!!
خرجت وتعبت من المشي ملي رجعت للدار اخذيت رايب وزريعة الكتان ونعست هي هذيك حت للصبح!!:cool:
اليوم:
فطور: قهوة بزعتر وقرفة بدون سكر طريف خبز شعير زويتة بلدية وبسكويت دايت يسمىfibra integral /gullon وهاذ الشركةgullon منتجاتها جيدة!:)
هاذ الأيام وقفت الرياضة لأن ركبتي اصابها فدع ونفخ:( بكثرة جري والطلوع والهبوط!!!:66:
تيشا استغرب الي موجدتيش الزنجبيل مع انه متوفر عند العطارة وفي المرشيات!! والأخضر هو الأحسن
ام حفصة انشا الله تكوني بخير ! ام سامي اتشجعي راه ما بقا والو ! رحاب الصامدة ماشاء الله عليك !
واحد جميلة مبقتش تظهر ياك ما باقي الوحام مستمر معاها؟!
موديليت ورانيا وخديجة غير زيرو الحزام!!وتبعوا نصائح مشرفتنا ام سامي:62:

عشوشة اختي لباس عليك حاولي تعطي راحة لجسمك راه الجري و الشغل يهلكو العمر نتمني ترتاحي من الركية ديالك و الوزن ديالك راه احسن من الاول المهم في الرجيم ديالنا انو ما نزيدوش ما عليش الي ما نقصناش بزاف المهم يبقي الوزن هوهو وما يزيدش انا الان راني في 71كغ هذه الايام الجاية غادي نعطي راحة لجسمي شوية و ناكل كي العباد هههههههههههه لكن في حدود المعقول هكدا ماشي الي نزلتو في 3اشهر نردو في نهار ههههههههه

رحاب الاسلام
19-04-2010, 13:16
البرنامج ديالي اليوم
الصباح كاس حليب بلا سكر + خبز اسمر
الغداء سلاطة بالزرودية و شوية ديال البطاطا + حبة تشينة
القوتي قهوة + كوكيز
العشاء راه في خاطري اسكالوب ديال الدجاج بلصوص ديال الشومبينيون ولاكريم
ام سامي غادي تعاقبييني علي لاكريم لانو فيها الدهنيات بصح بيني و بينك اشتقت باش ناكل كي الناس رانا بحال هدوك المساكين الي ما لقاوش قوت نهارهم بالرغم من انو كل شي موفر لينا بالصح اش ندير كاين الي ياكل ما ياكل ما يزيدش انا غير نشوف الماكلة نحس براسي زدت ههههههههه

عباد الرحمان
19-04-2010, 14:01
اخت تيشا الي ما لقيتيش السكنجبير تقدري تعوضي الوصفة بوصفة زيت الزيتون حتي هي زوينة انا استعملتها مده شهرين قبل الزنجبيل و هي نفس العبر ديال زيت الزيتون +خل التفاح و كتخلطيهوم مزيان و تدهني المناطق الي زايدة في جسمك مثل الكرش و الارداف ثم لفي عليها الميكا و بقاي ديري في الشغل ديالك حتي تحسي بالعرق يسيل ايوا دوشي نتمني تستفادي هذه الكرش و الله العظيم غير عقدتنا بالتوفيق انشاء الله
شكرا أختي على لوصفة إن شاء الله نجربها الله يكتر خيركم على لمعلومات لمفيدا الله يجعلها فميزان حسناتكم +شجعتوني ندير ريجيم واخا ماشي شي ريجيم للي كاندير ههههه كاناكل عادي ولكن وليت نقص من دهنيات و ماجاورها ونشرب الأعشاب للي موجودة عندي راني نقصت 200 g مدة 6 أيام منين بديت واش مزيانة ولا شوية ولا ولو؟؟؟ بنسبة لواحدة عاد بدات

ام يحيى وياسين
19-04-2010, 14:19
سلام عليكم pc كان خاسر لي انا باق امتبع الرجيم اوا الحمد لله هد الاسبوع انقصت كيلو ادعيو امعاي

douraatou
19-04-2010, 14:26
السلام عليكم حتى انا معاكم وزني 75
الوزن الاول 65
الوزن الثاني 55
الطول 1.49 م

أم سامي
20-04-2010, 17:25
السلام عليكم ورحمة الله وبركاته
سامحو لي البارح كان عندي مشكل للدخول للمنتدى راه مع اللوك الجديد والصيانة كيصعاب علي فتح المناقشات
بالنسبة للحمية راني مخلطة ومجلطة لكن غادي نبدى يوم السبت المقبل
عشوشة تبارك الله عليك، شهتيني في القهوة المنسمة، إلى ممكن قولي لي كيفاش تتعمليها
رحاب تبارك الله عليك
تيشا، غير تشجعي راه ثمن الرشاقة غالي بزاف
خديجة الله يجيبك على خير
أم حفصة، سمية ، وجميلة الله يردك بخير نتمنى حملك يمر على أحسن ما يكون

أم سامي
20-04-2010, 17:28
دوراتو مرحبا بك معنا في المنتدى وفي هذا التجمع
إن شاء الله غادي يعجبك، قولي لنا آش من ريجيم راك متبعة
مرينا كل يوم واعطينا برنامجك الغدائي وغادين نصححو ليك كل الأخطاء

رانيا خديجة، نتمنى نشوفوك
تيشا حاولي أكثر 200غ في أسبوع واش تتضحكي علينا

رحاب الاسلام
20-04-2010, 19:38
السلام عليكم يا الغزالات كي دايرات مع الرجيم نتمني كل الاخوات يكون في احسن حال سمحوليا يا خواتاتي غادي نغبر عليكم شوية لانو الفيزا ديالي خرجت و الي كتب الله غادي نسافر عند راجلي بصح غير نستقر نولي للتجمع ديالنا و محال الي ننساكم راكم في قلبي ديما ساكنين و بربي انشاء الله حتي نوصلو لمبتغانا نسلم عليكم كامل الي الملتقي واخا هذه الايام الرجيم غادي يتلخبط عندي شوية هيت راه علي بالكم غادي نزور الاهل و نودعهم المهم نقولكم تهلاو في راسكم و انشاء الله نهار ندخل للتجمع ديالنا نلقاي كامل الاخوات نحفو يا رب نسلم عليكم كل وحدة باسمها
ام سامي قبلاتي و شكرا علي النصائح ديالك هوما الي ساعدوني
عشوشة تهلاي في راسك و انشاء الله تنحفي يا رب كيما راكي حابة
ام حفصة انشاء الله انتي الرابحة الكبري في لاصال
تيشا خديجة مودلست و الاخوات الجدد الي نسيتهم سلام حار ليكم و الي الملتقي

عباد الرحمان
20-04-2010, 21:03
دوراتو مرحبا بك معنا في المنتدى وفي هذا التجمع
إن شاء الله غادي يعجبك، قولي لنا آش من ريجيم راك متبعة
مرينا كل يوم واعطينا برنامجك الغدائي وغادين نصححو ليك كل الأخطاء

رانيا خديجة، نتمنى نشوفوك
تيشا حاولي أكثر 200غ في أسبوع واش تتضحكي علينا

هههههههههههههه راني نضحك معاكم .راني لحمد لله نقصت كيلو و100g ف 7 أيام و شكرا على نصائح ديالكم حتى من صحابتي لاحظوا فيا لفرق واخا ماشي بزاف ولين لحمد لله بشوية بشوية وحنا غادين مع لمدة

عباد الرحمان
20-04-2010, 21:09
السلام عليكم يا الغزالات كي دايرات مع الرجيم نتمني كل الاخوات يكون في احسن حال سمحوليا يا خواتاتي غادي نغبر عليكم شوية لانو الفيزا ديالي خرجت و الي كتب الله غادي نسافر عند راجلي بصح غير نستقر نولي للتجمع ديالنا و محال الي ننساكم راكم في قلبي ديما ساكنين و بربي انشاء الله حتي نوصلو لمبتغانا نسلم عليكم كامل الي الملتقي واخا هذه الايام الرجيم غادي يتلخبط عندي شوية هيت راه علي بالكم غادي نزور الاهل و نودعهم المهم نقولكم تهلاو في راسكم و انشاء الله نهار ندخل للتجمع ديالنا نلقاي كامل الاخوات نحفو يا رب نسلم عليكم كل وحدة باسمها
ام سامي قبلاتي و شكرا علي النصائح ديالك هوما الي ساعدوني
عشوشة تهلاي في راسك و انشاء الله تنحفي يا رب كيما راكي حابة
ام حفصة انشاء الله انتي الرابحة الكبري في لاصال
تيشا خديجة مودلست و الاخوات الجدد الي نسيتهم سلام حار ليكم و الي الملتقي

أختي الله يديك على خير عند راجلك طريق السلامة .إن دولة غادة ليها ???

أم سامي
20-04-2010, 21:36
السلام عليكم يا الغزالات كي دايرات مع الرجيم نتمني كل الاخوات يكون في احسن حال سمحوليا يا خواتاتي غادي نغبر عليكم شوية لانو الفيزا ديالي خرجت و الي كتب الله غادي نسافر عند راجلي بصح غير نستقر نولي للتجمع ديالنا و محال الي ننساكم راكم في قلبي ديما ساكنين و بربي انشاء الله حتي نوصلو لمبتغانا نسلم عليكم كامل الي الملتقي واخا هذه الايام الرجيم غادي يتلخبط عندي شوية هيت راه علي بالكم غادي نزور الاهل و نودعهم المهم نقولكم تهلاو في راسكم و انشاء الله نهار ندخل للتجمع ديالنا نلقاي كامل الاخوات نحفو يا رب نسلم عليكم كل وحدة باسمها
ام سامي قبلاتي و شكرا علي النصائح ديالك هوما الي ساعدوني
عشوشة تهلاي في راسك و انشاء الله تنحفي يا رب كيما راكي حابة
ام حفصة انشاء الله انتي الرابحة الكبري في لاصال
تيشا خديجة مودلست و الاخوات الجدد الي نسيتهم سلام حار ليكم و الي الملتقي

أختي رحاب والله إلى بكيتيني/ أكره الوداع
الله يديك على خير وتفرحي براجلك ويفرح بيك، والله يرزقكم الذرية الصالحة
إن شاء الله ترجعي لتجمعنا، ولهذه اللمة
الله ييسر الأمور

أم سامي
20-04-2010, 21:38
تيشا إلى كنت فقدت 1كلغ و100غ راك مخيرة، لأن هدفنا هو نقصوا بشوية ودائما
Doucement et surement

عباد الرحمان
20-04-2010, 23:34
تيشا إلى كنت فقدت 1كلغ و100غ راك مخيرة، لأن هدفنا هو نقصوا بشوية ودائما
Doucement et surement

و الله أختي إلى راني مدغطاش على راسي راه متبعا غي بشوية عليا كاناكل عادي و ماكان كترش فالماكلا غي هو هاد الأسبوع كانت تانخرج أنا والدي كل عشية كنديه يلعب فاجاردا كانضل نجري معاه حيت باقي صغيرهادشي للي عوني كنجي مسالية هاديك هي الرياضة للي كانت تندير ههههههه

ome rim
21-04-2010, 00:00
و الله أختي إلى راني مدغطاش على راسي راه متبعا غي بشوية عليا كاناكل عادي و ماكان كترش فالماكلا غي هو هاد الأسبوع كانت تانخرج أنا والدي كل عشية كنديه يلعب فاجاردا كانضل نجري معاه حيت باقي صغيرهادشي للي عوني كنجي مسالية هاديك هي الرياضة للي كانت تندير ههههههه
salam al bnat ana mocharika jadida o 3jabni bzaf had l montada habit ncharek fih o bghit nchkor l bent litrhat had lfekra allah ye3tiha litmenat. o bravo lbent ticha lihabtat 1kg100 bravo 3lik wach momkin ntalb menk t9oulili ach kliti fhad la semaine o:)chokran

أم سامي
21-04-2010, 00:32
أهلا بك معنا أم مريم
أختي لا بد من استعمال لوحة المفاتيح العربية لأن العرنسية ممنوعة
اعطينا شحال الوزن والطول ديالك، واخبرينا على الريجيم اللي ناوية تتبعي وغادي نتساعد مع بعضنا
تصبحون على خير

عشوشة
21-04-2010, 08:12
السلام عليكم ورحمة الله وبركاته
سامحو لي البارح كان عندي مشكل للدخول للمنتدى راه مع اللوك الجديد والصيانة كيصعاب علي فتح المناقشات
بالنسبة للحمية راني مخلطة ومجلطة لكن غادي نبدى يوم السبت المقبل
عشوشة تبارك الله عليك، شهتيني في القهوة المنسمة، إلى ممكن قولي لي كيفاش تتعمليها
رحاب تبارك الله عليك
تيشا، غير تشجعي راه ثمن الرشاقة غالي بزاف
خديجة الله يجيبك على خير
أم حفصة، سمية ، وجميلة الله يردك بخير نتمنى حملك يمر على أحسن ما يكون
السلام عليكم ورحمة الله
ام سامي كيفك؟ سمحلي اذا ما رديتش عليك فالحين! رانانا جد مشغولة!
قهوتي كالتالي بسيطة! : كنوضع فمكان الماء, فالكوكوط, نافع وفالصفاية كنوضع معلقة قهوة ثم شوية دالقرفة وشوي دسكين جبير ثم اتمم بملعقة قهوة!!! اذا بغيتي يمكن تضيفي قاع قلة ومسكة حرة وماء زهر اذا طبختيها عادي!!!:)

عشوشة
21-04-2010, 08:18
السلام عليكم يا الغزالات كي دايرات مع الرجيم نتمني كل الاخوات يكون في احسن حال سمحوليا يا خواتاتي غادي نغبر عليكم شوية لانو الفيزا ديالي خرجت و الي كتب الله غادي نسافر عند راجلي بصح غير نستقر نولي للتجمع ديالنا و محال الي ننساكم راكم في قلبي ديما ساكنين و بربي انشاء الله حتي نوصلو لمبتغانا نسلم عليكم كامل الي الملتقي واخا هذه الايام الرجيم غادي يتلخبط عندي شوية هيت راه علي بالكم غادي نزور الاهل و نودعهم المهم نقولكم تهلاو في راسكم و انشاء الله نهار ندخل للتجمع ديالنا نلقاي كامل الاخوات نحفو يا رب نسلم عليكم كل وحدة باسمها
ام سامي قبلاتي و شكرا علي النصائح ديالك هوما الي ساعدوني
عشوشة تهلاي في راسك و انشاء الله تنحفي يا رب كيما راكي حابة
ام حفصة انشاء الله انتي الرابحة الكبري في لاصال
تيشا خديجة مودلست و الاخوات الجدد الي نسيتهم سلام حار ليكم و الي الملتقي
السلام عليكم
رحاب حتى انا راك بكيتني!!!!!:( راكي حاضرة فالقلب وخا مشفناش بعضيتنا!!! وغادي تخلي علينا فراغ هااائل متنسناش ! وهنيءا لك الي غدي تلتحقي بزوجك هذا خبر جميل الله يسعدكم ويرزقكم الذرية الصالحة يارب:)

ام يحيى وياسين
21-04-2010, 15:33
سلام عليكم اش اخباركم مع الرجيم انا امتباعكم غير مكنكتبش ليكم البرنامج اليومي حيت بنتي امريضة لي، اختي تيشا انا في ايطاليا الزنجبيل مجود غير اتسناي راه غيدخل اداب راه مجود في iper الى كان احداك نتمنى انكون فدتك

ام يحيى وياسين
21-04-2010, 15:47
برنامج اليوم
الفطور، كأس حليب خ.د+ شريحتين الطوسط
الغداء، طجين ( دجاج+جزر+قرعة) مع قليل من الخبز
العشاء، سلطة الخضر
مع شرب الماء بكترة وعمل حراكات للبطن والرقص كيفما قالت الاخت رحاب الاسلام

عباد الرحمان
21-04-2010, 17:53
سلام عليكم اش اخباركم مع الرجيم انا امتباعكم غير مكنكتبش ليكم البرنامج اليومي حيت بنتي امريضة لي، اختي تيشا انا في ايطاليا الزنجبيل مجود غير اتسناي راه غيدخل اداب راه مجود في iper الى كان احداك نتمنى انكون فدتك

شكرا أختي راه مشيت قلبت عليه تما ومالقيتش+ و راه راجلي جابو ليا غي لبارح من عند واحد لمحل ديال بنغلادش ودارتو مع الشاي الأخضر و القرفه واخا لمد اق... راكم عارفين بقات ليا غي لوصفة ديال كريم من بعد و نديرها .

عباد الرحمان
21-04-2010, 18:32
نهارالاتنين : فطور كورن فليكس مع لحليب الغدا دجاج فالفران غي بوحده (درت هاديك لوصفة ديال التازية ) الكوتي كاس أتاي مع كيكة سميدا العشا عصير لقرعة و البارح فطور كاس أتاي درت فيه فلييو طري مع كيكة سميدا الغدا كاس لعصير و خرجت لاعشييا كلها ودازت عند صاحبتي شربت كاس أتاي مع شوية ديال لوز والتمر ... العشا كليت تبيسيل صغير ديال لمكرونيا و كاس سكينجبير مع عواد لقرفة و الشاي الأخضر و قبل مانعاس شربت كاس لكامون حبوب و اليوم شربت كاس كمون حبوب و عاد فطرت بكاس دانون مسوس مع طريف صغيييير ديال لكيكة الغدا دانجال مفور درته زعلوك مع شوية لخبز الكوتي ليمونة العشا درت طريفات دجاج فالكوكوت غي بحدهم كانتسنا غي راجلي يجي من لخدمة عاد نتعشاو و الماء أكيد كل ساعة والرياضة الحبل

لمياء79
21-04-2010, 18:43
السلام عليكم اخواتي ممكن نضم ليكم؟ انا طولي 175وزني 74المشكل ليعندي الكرش ...لي عندها شي وصفة كتزول الكرش تعتقني بها ولكن تكون مجربهاوكتعطي نتيجة وشكرا

أم سامي
22-04-2010, 10:24
السلام عليكم ورحمة الله
ام سامي كيفك؟ سمحلي اذا ما رديتش عليك فالحين! رانانا جد مشغولة!
قهوتي كالتالي بسيطة! : كنوضع فمكان الماء, فالكوكوط, نافع وفالصفاية كنوضع معلقة قهوة ثم شوية دالقرفة وشوي دسكين جبير ثم اتمم بملعقة قهوة!!! اذا بغيتي يمكن تضيفي قاع قلة ومسكة حرة وماء زهر اذا طبختيها عادي!!!:)

تبارك الله غليك لالا عشوشة، غادي نجربها راني من المغرمات بالقهوة بمختلف ألوانها
نتمنى تكوني بألف خير أنت وأسرتك الصغبرة


نهارالاتنين : فطور كورن فليكس مع لحليب الغدا دجاج فالفران غي بوحده (درت هاديك لوصفة ديال التازية ) الكوتي كاس أتاي مع كيكة سميدا العشا عصير لقرعة و البارح فطور كاس أتاي درت فيه فلييو طري مع كيكة سميدا الغدا كاس لعصير و خرجت لاعشييا كلها ودازت عند صاحبتي شربت كاس أتاي مع شوية ديال لوز والتمر ... العشا كليت تبيسيل صغير ديال لمكرونيا و كاس سكينجبير مع عواد لقرفة و الشاي الأخضر و قبل مانعاس شربت كاس لكامون حبوب و اليوم شربت كاس كمون حبوب و عاد فطرت بكاس دانون مسوس مع طريف صغيييير ديال لكيكة الغدا دانجال مفور درته زعلوك مع شوية لخبز الكوتي ليمونة العشا درت طريفات دجاج فالكوكوت غي بحدهم كانتسنا غي راجلي يجي من لخدمة عاد نتعشاو و الماء أكيد كل ساعة والرياضة الحبل
تبارك الله عليك تيشا، راك مبرعة راسك، الله يبارك، غير بحال الكيك واللوز مقلي من الأفضل تاخذي اللوز عادي
راك بهذه الطريقة غادي يتغير القوام ديالك

السلام عليكم اخواتي ممكن نضم ليكم؟ انا طولي 175وزني 74المشكل ليعندي الكرش ...لي عندها شي وصفة كتزول الكرش تعتقني بها ولكن تكون مجربهاوكتعطي نتيجة وشكرا
لمياء، أختيبالنسبة للبطن لا بد من الرياضة، وشرب مغلي الشاي الأخضر مع النافع والكامون الصوفي

ام يحيى وياسين
22-04-2010, 11:49
سلام عليكم برنامج اليوم
الفطور، كأس حليب خ.د +2 بسكويات
الغداء، خضر مصلوقة
العشاء، شربة الكروم والقرعة الخضراء

عباد الرحمان
22-04-2010, 11:53
[

تبارك الله عليك تيشا، راك مبرعة راسك، الله يبارك، غير بحال الكيك واللوز مقلي من الأفضل تاخذي اللوز عادي
راك بهذه الطريقة غادي يتغير القوام ديالك

أختي أم سامي الله يبارك فيك على نصائح ديالك +
واش زاعما غادة مزيان ولا بين و بين:confused: :confused:؟؟؟؟ اللوز ما تانقليهش كناكلو عادي لكيك غي جربت واحد لكيكة سميد أكنت تناكل منها دابا سالات صافي هههه .

أم حفصة
22-04-2010, 18:30
رحاااااااااااااااب............و الله الحبيبة حتى بكيت منين قريت بانك غادية تغيبي علينا..........حيت انا وخت معاكم اتغيب بزززاف و لكن منين تنرجع تنلقى جوج دائمتا الوجود...هي انت و ام سامي ..........نتمنى ترجعي لينا دغية و نسيت نبارك ليك التحاقك بزوجك.......و اؤكد لك لحد الان نتية هي الرابحة الكبرى معانا في هاد التجمع.........
ام سامي راني وخت متندخلش راني تنقرا بسرعة و تنخرج.......كدايرة الحبيبة .......كدايرة مع شي ريجيم.....المهم بلا منكدب عليك راني هاد الايام مع المرض مدرتش الريجيم حيت منقدرش ...الدواء اللي خرجات لي الطبيبة توكلني بزززززاف غير الله يحفظ.....مبغيتش نتعبر حيت غادية نلقى شي براكة رجعات و الله ماني لخاطري ......ليومة اخر فانيدة في الدواء......دعي معايا نحبس و نرجع الاكل المتوازن.....راه بلا تشجيعاتك راني والو.......
عشوشة كدايرة اختي .......كاين شي ريجيم و لا بحالي طايحة في الماكلة.هههههه اوا الله يصاوب منعندو .......
لاحظت انضمام بنات جديدات الركب ديالنا.....تنقول لكل وحدة منهم مرحبا بيكم و اي هدف بغيتو توصلو ليه راه بشوية ديال الصبر و شوية ديال الارادة تحققوه........

عشوشة
23-04-2010, 11:55
السلام عليكم ورحمة الله
ام سامي انا بيدي من عشاق القهوة لكن حاليا لم أعد اشربها إلا في الصبح وخا البارح صمت متناولتهاش فالإفطار{ولأول مرة-!
سمحولي قللت من الدخول الى المنتدى لأنه لا زال عندي مرطون ديال الخروج !!!
اليوم راني معروضة على سكسو فالغدا!
اليوم غير تمشيت لأنه بالنسبة للرياضة ركبتي لا زلت لا اقدر على ثنيها لكن الحمد لله أحسن من الأول,
ام حفصة يسول فيك الخير
بالنسبة لحاب راه خلات علينا فراغ !الله يردها بسلام

أم سامي
23-04-2010, 22:00
سلام عليكم برنامج اليوم
الفطور، كأس حليب خ.د +2 بسكويات
الغداء، خضر مصلوقة
العشاء، شربة الكروم والقرعة الخضراء
أختي شعارنا هنا نأكل حتى نسبع ولا نحرم أجسامنا من الفيتامينات والبروتينات....
برنامجك يظهر لي صعيب شوية
لابد في المرحلة الأولى من إدماج اللحوم البيضاء في برنامجك، تقدري تاخذي الخبز في الفطور غير يكون خبز كامل


[



أختي أم سامي الله يبارك فيك على نصائح ديالك +
واش زاعما غادة مزيان ولا بين و بين:confused: :confused:؟؟؟؟ اللوز ما تانقليهش كناكلو عادي لكيك غي جربت واحد لكيكة سميد أكنت تناكل منها دابا سالات صافي هههه .
تبارك الله عليك، ما عندي ما نقول/ غير كملي

رحاااااااااااااااب............و الله الحبيبة حتى بكيت منين قريت بانك غادية تغيبي علينا..........حيت انا وخت معاكم اتغيب بزززاف و لكن منين تنرجع تنلقى جوج دائمتا الوجود...هي انت و ام سامي ..........نتمنى ترجعي لينا دغية و نسيت نبارك ليك التحاقك بزوجك.......و اؤكد لك لحد الان نتية هي الرابحة الكبرى معانا في هاد التجمع.........
ام سامي راني وخت متندخلش راني تنقرا بسرعة و تنخرج.......كدايرة الحبيبة .......كدايرة مع شي ريجيم.....المهم بلا منكدب عليك راني هاد الايام مع المرض مدرتش الريجيم حيت منقدرش ...الدواء اللي خرجات لي الطبيبة توكلني بزززززاف غير الله يحفظ.....مبغيتش نتعبر حيت غادية نلقى شي براكة رجعات و الله ماني لخاطري ......ليومة اخر فانيدة في الدواء......دعي معايا نحبس و نرجع الاكل المتوازن.....راه بلا تشجيعاتك راني والو.......
عشوشة كدايرة اختي .......كاين شي ريجيم و لا بحالي طايحة في الماكلة.هههههه اوا الله يصاوب منعندو .......
لاحظت انضمام بنات جديدات الركب ديالنا.....تنقول لكل وحدة منهم مرحبا بيكم و اي هدف بغيتو توصلو ليه راه بشوية ديال الصبر و شوية ديال الارادة تحققوه........

غير باني وقولي لينا آش تديري، أنا راني أول مرة في حياتي عندي لهفة على الحلو، راني تناكل متنعقل
إن شاء الله بغيت نبدا الريجيم ديال الشربة غدا لكن ما عنديش الكروم غادي نبداها يوم الاثنين إن شاء الله غير دعيو معايا

السلام عليكم ورحمة الله
ام سامي انا بيدي من عشاق القهوة لكن حاليا لم أعد اشربها إلا في الصبح وخا البارح صمت متناولتهاش فالإفطار{ولأول مرة-!
سمحولي قللت من الدخول الى المنتدى لأنه لا زال عندي مرطون ديال الخروج !!!
اليوم راني معروضة على سكسو فالغدا!
اليوم غير تمشيت لأنه بالنسبة للرياضة ركبتي لا زلت لا اقدر على ثنيها لكن الحمد لله أحسن من الأول,
ام حفصة يسول فيك الخير
بالنسبة لحاب راه خلات علينا فراغ !الله يردها بسلام
أختي عشوشة، أنا الرياضة (الأيروبيك) مواضبة عليها ثلاثة المرات في الأسبوع ودابة من سخن الجو غادي نبقى نمشي للغابة (راني ساكنة غير بعيدة عن الغابة) ومسمينها منتزه
بالنسبة للقهوة راني تنشربها بلا قياس

دلع
23-04-2010, 22:16
ايوا زيدو واحد الدبدوبة للركب ديالكم
الاسم دلع الدلوعة وخا شكلي لايوحي باي دلع
الطول 160
الوزت 75 وزيد
الوزن المنشود الاول 65
الثاني 60
مشكلتي هي العشا والحلويات
منقدرش نمتنع على العشاء حيت تنوجد لراجلي وبنتي ايوا نوجد ونطيب و ماناكلش مايمكنش
وزيد عاد كنتعشاو متاخر جدا
بالنسبة للرياضة انا كنخدم و البلدة اللي ساكنة فيها صغيرة بزاف ما فيها حتي شي صالة ديال الرياضة
ايوا شجعوني بشي دعيوة ولا كليمة

siham mohammed
24-04-2010, 01:25
السلام عليكم
البنات الله يجزيكم بخير راني تعقد في حياتي و الله بهاد الغلظ كندير الرياضة و لكن مع الدراسة مكنداومش اللي عندها شي وصفة فعالة تفيدنا بها
انا طولي 174 و لكن كنوزن 89
في صيف 2008 كانت فيا 75
عتقوني الله يجازيكم بخير
ا

أم سامي
24-04-2010, 10:28
ايوا زيدو واحد الدبدوبة للركب ديالكم

الاسم دلع الدلوعة وخا شكلي لايوحي باي دلع
الطول 160
الوزت 75 وزيد
الوزن المنشود الاول 65
الثاني 60
مشكلتي هي العشا والحلويات
منقدرش نمتنع على العشاء حيت تنوجد لراجلي وبنتي ايوا نوجد ونطيب و ماناكلش مايمكنش
وزيد عاد كنتعشاو متاخر جدا
بالنسبة للرياضة انا كنخدم و البلدة اللي ساكنة فيها صغيرة بزاف ما فيها حتي شي صالة ديال الرياضة

ايوا شجعوني بشي دعيوة ولا كليمة


أهلا دلع في تجمعنا، راه حنا مجموعة من الدبدوبات، مرة طالعة ومرة نازلة، معنا بعض الدبدوبات اللي تمكنوا من إنزال الوزن، ومعنا الغشاشات بحالي...
ربما راك بحالي، حيث تيصعاب علي نطيب وما ناكلش، ولكن يمكن ناكل شوربة أو في فترة العشاء نقوم بشي آخر حتى نتلهى على المائدة، وهذا ما كنت أقوم به خلال فترة اتباعي لنظام طبي
الرياضة أختي ماشي بالضرورة قاعة الرياضة ولكن الهواء الطلق أحسن للمشي راه تيعطي نتائج مذهلة
أختي بقاي تدخلي وقولي لينا آش تتاكلي كل يوم ونصحح مسار بعضنا، بالبنسبة للعشاء حاولي تتعشاي شوية بكري
وأكثري من الخضر والفواكه وشرب الماء ومنقوع الأعشاب



السلام عليكم
البنات الله يجزيكم بخير راني تعقد في حياتي و الله بهاد الغلظ كندير الرياضة و لكن مع الدراسة مكنداومش اللي عندها شي وصفة فعالة تفيدنا بها
انا طولي 174 و لكن كنوزن 89
في صيف 2008 كانت فيا 75
عتقوني الله يجازيكم بخير
ا
يظهر لي أختي أنك لازلت لم تتزوجي وهذا بطبيعة الحال يساعد كثيرا لأن الهرمونات هي التي تخلط بعض موازين النساء
لا بد من ممارسة الرياضة والتقليل من السكريات والعجائن والإكثار من الخضر والفواكه وشرب الماء ومنقوع الأعشاب
لا بد أن تمرينا وتعطينا برنامجك اليومي لكي نصحح مسار بعضنا البغض

دلع
24-04-2010, 21:41
السلام على دبدوبات المنتدى
اليوم فالفطور
شربت فنجان قهوة ونقصت قطعة سكر كنت كنشربها بجوج قطع واليوم شربتها غي بوحدة مانكدبش عليكم جاتني مرة وخا هاكك تحملتها وكليت معاها طريف خبز مع الجبن
فالغداء طيبت مريقة بالفول واللحم و شلاظة ديال الخس والباربا كليت سلاطة وحطيت حداي ربع خبزة كليت بها الطجين وصافي مازدتش الخبز
مشيت نخدم ملي رجعت مالخدمة كاس قهوة مر وطريف خبز مدهون بالكونفتير دالحامض كنحماق عليه
بين الوجبات الماء والتفاح
والعشا دبا راها 8 ونص مازال مابالي واش نتعشى ولا لا

أم سامي
25-04-2010, 11:32
السلام عليكم ورحمة الله وبركاته

فينكم الطبوزات غير مشار رحاب ما بقا اللي يدخل
أختي دلع تبارك الله عليك، راك غادة مزيان غير السكر لو تنقصيه نهائيا وتعوضيه، أنا حاليا أشرب الشاي والقهوة كحلة بلا سكر
الخبز بداي تعجني الخبز الكامل
الله الموفق
برنامجي لهذا اليوم:
الفطور كالعادة: الخبز كامل + زيت الزيتون والكونفتور ديال البامبلوموس (راني وجدته في البيت غير ما كثرتش فيه السكر راه شوية مر ولكن غزال)
الغذاء: سنذهب لنزهة : المشاوي وراني وجدت البطاطس وشلاظة وأظن أن المزاح هو الفاكهة هي اللي غادي ناكلو لأن المنطقة معروفة بالمزاح
العشاء: راني وجدت البارح واحد الشوربة بالخضر وكثرت فيها القرعة وياغورت راني تناخذ أكتيفيا بالحبوب

siham mohammed
25-04-2010, 17:36
مشكلتي انا انني كناكل كل حاجة منها شوية و كنبقى ندور و نقب هههههههههههه كيف شي دجاجة و لكن صافي قررت 3 وجبات في النهار صافي
أم سامي الله يجزيك بخير شنو الحوايج اللي خصني نقطعهم باش نضعاف شوية مع انني قطعت المعجنات و فروماج بانواعه كاملة حيت كالو ليا انه حتى هو كيغلظ كالو ليا بان عشبة الرجلة مزيانة و زريعة الكتان واش صحيح؟؟؟؟؟؟
جاوبيني بسرعة الله يكتر خيرك

شمس الامارات
25-04-2010, 18:52
السلام عليكم ورحمة الله تعالى وبركاته
انا تعقدت من الغلض راجلي كيعايرني في الصباح والليل حتى اللبس منقدرش نلبس داكشي ليكانبغي
الله يخليكم عاونوني محتاجة مساعدتكم شجعوني
وزني 110 .............90..................80
طولي173

ام يحيى وياسين
25-04-2010, 19:19
سلام عليكم كيف ديرين نتمنا اتكونو بالف خير
اختي رحاب الاسلام الله اوسلك على خير
ام سامي شكرا لك على النصيحة اختني انا الخبز كنعجنو غير بالفورص و السبسيان داك لي ابحال اسميدة هد اسي لي اقدرت اعليه حيت انا مشي في المغرب باش نشري القمح انطحنو ،اما بالنسبة للحوم البيضاء انشاء الله غنبداه هد الاسبوع على حساب المزانية ، اوا هد الاسبوع انقست غير 500g شكرا مرة اخرى يا ام سامي

دلع
25-04-2010, 20:38
السلام عليكم ورحمة الله وبركاته

فينكم الطبوزات غير مشار رحاب ما بقا اللي يدخل
أختي دلع تبارك الله عليك، راك غادة مزيان غير السكر لو تنقصيه نهائيا وتعوضيه، أنا حاليا أشرب الشاي والقهوة كحلة بلا سكر
الخبز بداي تعجني الخبز الكامل
الله الموفق
برنامجي لهذا اليوم:
الفطور كالعادة: الخبز كامل + زيت الزيتون والكونفتور ديال البامبلوموس (راني وجدته في البيت غير ما كثرتش فيه السكر راه شوية مر ولكن غزال)
الغذاء: سنذهب لنزهة : المشاوي وراني وجدت البطاطس وشلاظة وأظن أن المزاح هو الفاكهة هي اللي غادي ناكلو لأن المنطقة معروفة بالمزاح
العشاء: راني وجدت البارح واحد الشوربة بالخضر وكثرت فيها القرعة وياغورت راني تناخذ أكتيفيا بالحبوب
اختي ام سامي بالصحة النزهة غيرتيني
فطوري اليوم
قهوة كحلة +قطعة كيكة صاوبتها فالصبح بصح نقصت منها السكر
الغذاء
العدس+طريف دالخبز+الحوت مقلي
العشاء
صدر بيبي مشوي مع سلاطة بالخيار
المهم فهاد الشي كاع انني مابقيتش ناكل بين الوجبات

عباد الرحمان
25-04-2010, 22:08
السلام عليكم و رحمة الله و بركاته

سمية ام عبدو
25-04-2010, 22:17
السلام عليكم
كيف الحال؟ راني كندخل نقرا و نخرج....ام حفصه ضربوك ليا بالعين الحبيبه....الله يشافيك...حتى المسنجر مبقيتيش كتدخلي ليه....
ام سامي انتي بحالي مضروبه على القهوه!!!!! امتى كتلقاي الوقت للاعشاب؟ راني وقتما بغيت نشربهم...كنمشي للقهوه!!!!!!! فيديني الله يخليك...و بصحتك لخريجه.....

عشوشة
25-04-2010, 23:12
السلام عليكم ورحمة الله
ام سامي رانا هاذ المنتدى مابقيت عرفالو رجلو من راسو!
انا مقللة من الأكل نقصت كيلو هاد الأسبوع! دابا فيا 79 ك! غدا، بإذن الله ساصوم

ام عبد االرحمن
25-04-2010, 23:21
نصحوني بشي ريجيم عافكم طولي 172 والوزن 81 اشمن ريجيم نتبع وعندي مشكلالرياضة لا استطيع عملها معندي فيه و حتى الخروح

أم حفصة
26-04-2010, 11:33
ام سامي هانا غير هنا اللي مغبرني المرض الله يعافيكم ...........راني من مرض لمرض و الحمد لله على كل حال.........تفدعات لي رجلي راني ناعسة بيها ما كاين لا رياضة لا والو..........
سمية الحبيبة كدايرة توحشتك و الله.....و الله مكدبتي فيها راه غير العين .......تصوري دبا معرفتش امتا تفدعات لي رجلي و ولات فيها واحد الزروقة كبيرة و الله العظيم على شكل عين الزروقة الخارج و البياض من الداخل و دائرة صغيورة .....عين عين غير الله يستر.....اللي شافها تقول لي الله يحفظ.........
رحاب خلات بلاصتها بززززاااااف..........
ام سامي كون غير تافقنا نصومو يوميا و نديرو افطار موحد .......و الكل يلتازم بيه ......منها اجر و منها نطيحو حيت دبا الحال بدا تسخن و ضروري متتمشي لكوزينة دوري فيها شي دويرة ......الصيام احسن..........اش بان ليكم......

أم سامي
26-04-2010, 13:49
نصحوني بشي ريجيم عافكم طولي 172 والوزن 81 اشمن ريجيم نتبع وعندي مشكلالرياضة لا استطيع عملها معندي فيه و حتى الخروح
أم عبد الرحمان مرحبا بك معنا راجعي الصفحة 87 راه واحد الريجيم صحي
بالتوفيق


ام سامي هانا غير هنا اللي مغبرني المرض الله يعافيكم ...........راني من مرض لمرض و الحمد لله على كل حال.........تفدعات لي رجلي راني ناعسة بيها ما كاين لا رياضة لا والو..........
سمية الحبيبة كدايرة توحشتك و الله.....و الله مكدبتي فيها راه غير العين .......تصوري دبا معرفتش امتا تفدعات لي رجلي و ولات فيها واحد الزروقة كبيرة و الله العظيم على شكل عين الزروقة الخارج و البياض من الداخل و دائرة صغيورة .....عين عين غير الله يستر.....اللي شافها تقول لي الله يحفظ.........
رحاب خلات بلاصتها بززززاااااف..........
ام سامي كون غير تافقنا نصومو يوميا و نديرو افطار موحد .......و الكل يلتازم بيه ......منها اجر و منها نطيحو حيت دبا الحال بدا تسخن و ضروري متتمشي لكوزينة دوري فيها شي دويرة ......الصيام احسن..........اش بان ليكم......

لاباس عليك أم حفصة، راهم قوسوا عليك، الله يحفظنا من العين، إن شاء الله خير
رجلك ديري ليها الثلج، باش ترتاحي
والله إلى فكرة ديال الصيام منها حج وحوايج
غير هاذ الأسبوع راني عندي خالتي غير تسالي وعلى بركة الله


مشكلتي انا انني كناكل كل حاجة منها شوية و كنبقى ندور و نقب هههههههههههه كيف شي دجاجة و لكن صافي قررت 3 وجبات في النهار صافي
أم سامي الله يجزيك بخير شنو الحوايج اللي خصني نقطعهم باش نضعاف شوية مع انني قطعت المعجنات و فروماج بانواعه كاملة حيت كالو ليا انه حتى هو كيغلظ كالو ليا بان عشبة الرجلة مزيانة و زريعة الكتان واش صحيح؟؟؟؟؟؟
جاوبيني بسرعة الله يكتر خيرك
سهام محمد، أنا أنصحك بأكل ثلاث وجبات رئيسية وزيدي وجبة مع العاشرة والخامسة عبارة عن فواكه أو ياغورت طبيعي. لا بد من حذف السكر الأبيض كما يقال في الطب السكر والملح عبارة عن سموم بيضاء، العجائن خذي الخبز الكامل في الفطور وفي الكوتي، في البداية احذفي البطاطس والموز بأشكاله
مرينا كل يوم اتعطينا برنامجك الغذائي ونصحح لبعضنا البعض.


السلام عليكم ورحمة الله تعالى وبركاته
انا تعقدت من الغلض راجلي كيعايرني في الصباح والليل حتى اللبس منقدرش نلبس داكشي ليكانبغي
الله يخليكم عاونوني محتاجة مساعدتكم شجعوني
وزني 110 .............90..................80
طولي173
مرحبا بك شمس الامارات تفضلي ادكري لنا أنواع الحمية التي تنوين اتباعها
اكثري من شرب الماء والخضروات والفواكه من غير الموز
لا بد من المشي والرياضة على الأقل 1س /اليوم


سلام عليكم كيف ديرين نتمنا اتكونو بالف خير
اختي رحاب الاسلام الله اوسلك على خير
ام سامي شكرا لك على النصيحة اختني انا الخبز كنعجنو غير بالفورص و السبسيان داك لي ابحال اسميدة هد اسي لي اقدرت اعليه حيت انا مشي في المغرب باش نشري القمح انطحنو ،اما بالنسبة للحوم البيضاء انشاء الله غنبداه هد الاسبوع على حساب المزانية ، اوا هد الاسبوع انقست غير 500g شكرا مرة اخرى يا ام سامي
أختي يمكنك استعمال هذا الخبز لزوجك وأبنائك واشتري الخبز الكامل من السوق راه متواجد وبأشكاله لمتنوعة
تبارك الله عليك وعلى 500غ العقبا اللي بقا


اختي ام سامي بالصحة النزهة غيرتيني
فطوري اليوم
قهوة كحلة +قطعة كيكة صاوبتها فالصبح بصح نقصت منها السكر
الغذاء
العدس+طريف دالخبز+الحوت مقلي
العشاء
صدر بيبي مشوي مع سلاطة بالخيار
المهم فهاد الشي كاع انني مابقيتش ناكل بين الوجبات
تبارك الله عليك دلع، غير الحوت المقلي راه مضر
عوضيه المرة الجاية بالحوت في الفران


السلام عليكم
كيف الحال؟ راني كندخل نقرا و نخرج....ام حفصه ضربوك ليا بالعين الحبيبه....الله يشافيك...حتى المسنجر مبقيتيش كتدخلي ليه....
ام سامي انتي بحالي مضروبه على القهوه!!!!! امتى كتلقاي الوقت للاعشاب؟ راني وقتما بغيت نشربهم...كنمشي للقهوه!!!!!!! فيديني الله يخليك...و بصحتك لخريجه.....
سمية تبارك الله عليك، قراي وقولي لينا غير كيف دايرة
الله يعطيك الصحة، أنا الأعشاب تنديرهم في قريعة الزجاج وتنبدا نشرب عوض الماء


السلام عليكم ورحمة الله
ام سامي رانا هاذ المنتدى مابقيت عرفالو رجلو من راسو!
انا مقللة من الأكل نقصت كيلو هاد الأسبوع! دابا فيا 79 ك! غدا، بإذن الله ساصوم
عشوشة فين غبرتي، راه اللوك جديد راه ولفناه ودارو فيه المشرفين تغييرات مهمة
غير ادخاي واحكي لينا على الحمية
مبروك عليك 1كلغ لهلا يردو

om louay
26-04-2010, 19:22
hay hay hay 3la om hafsa mhayha fi anaka magrebia a kedayra rani twahahctek fi rayat lwohoch mangolch lek kadach wahachtek lmohem akher akhbari rani karebt nweli miss maroc welat fiya 72 kilo gram men asel 82 ana ferhana we baka kan zawel riyada yawmeyan we bretek tchej3eni akhtete lahla yekhatek 3leya ntiya le derti fiya nefs ta dert sport we rejim mouah 3lek asemkosa dyal anaqa maghribia


0

أم حفصة
26-04-2010, 20:30
hay hay hay 3la om hafsa mhayha fi anaka magrebia a kedayra rani twahahctek fi rayat lwohoch mangolch lek kadach wahachtek lmohem akher akhbari rani karebt nweli miss maroc welat fiya 72 kilo gram men asel 82 ana ferhana we baka kan zawel riyada yawmeyan we bretek tchej3eni akhtete lahla yekhatek 3leya ntiya le derti fiya nefs ta dert sport we rejim mouah 3lek asemkosa dyal anaqa maghribia


0

الله الله فرحتيني بزااااف يا اختي مني وليتي 72 يويويويويو راني فرحت ليك بزااف بزااف و مرحبا بيك في اناقة.....نورتينا و الله......و كانت فرحتي كبيييرة منين لقيتك كاتبة هنا..نتمنى مرة مرة دخلي عندنا.

عشوشة
27-04-2010, 07:54
السلام عليكم ورحمة الله
أشخباركم لاباس عليكم الرشيقات!! راه غير باش ادخلوا لهاذ المنتدى, راه فحد ذاته تحدي لواحد الوضع مبقيتوش راضيين عليه!!
فالحقيقة , يا أم سامي الحبيبة, رجعت فأغلب الأحيان كنكل وماكنشبعش! واتفادى ما أمكنني كل الأكل غير الصحي بحال المقليات والحلويات من غير بسكوي دايت والمشي حاليا لأني بعدت على لا سال دالرياضة الي كنت منخرطة فيها!! لكن سابحث عن أخرى لااذن الله....
انا أطبق نظام تنزيل الكيلوات من دون حرمــــــــــــــااااااااااااااااااان!! الرياضة الوحيدة الي مكان حبهاش هي حركات البطن واتمنى لو هناك طريقة أخرى للقضاء عليها بطني مكدهارش من الحوايج لكن معقدانييييييييييييييي!!!!!!!
وياريت لو كل واحدة فينا تحاول تبحث على انجع الطرق للتخلص من البطن وترهلاتوووووووووو!!!
ام حفصة لاباس عليك الله يقومك بالسلامة والله توحشنا رحاب الى كل الأخوات الجديدات اقول مرحبا بكم والله ينحفكم على خير

ام يحيى وياسين
27-04-2010, 11:39
سلام عليكم كيف ديرين نتمنى اتكونو بالف خير
ام سامي شكرا لك على النصيحة سوف اتبعها انشاء الله اسمحي لي مكنكتبش البربامج اليومي حيت عندي التخمال هد الايام ، انا امتبع الرجيم غير كنكسرو يوم الاحد خت كندير الكسكس

ام عبد االرحمن
27-04-2010, 13:52
اخواتي رحبوا بي معكن عندي استفسار انا خصني ننقص 10 كيلو ومبغيتش الشراطي و الترهل فالجسم ديالي وخا كنديرالمشي و اترطيب شنو الحل عاافكموسؤال اخر باش تنصحوني ندير الرياضة فالدار لاني كنعجز عليها بزاااااااااف ومكنعرفشي منين نبداها

سمية ام عبدو
27-04-2010, 16:12
ام سامي...الاعشاب نطبخهوم...و نشربهم بارديين؟ يتشربوا زعما؟ واش عندهم نفس المفعول بحال الى كانوا سخان؟

ام عبد االرحمن
27-04-2010, 17:08
ام ساميو الاخوات نصحوني كفاش نتشجع و نديرالرياضة فالدار

أم سامي
27-04-2010, 17:42
hay hay hay 3la om hafsa mhayha fi anaka magrebia a kedayra rani twahahctek fi rayat lwohoch mangolch lek kadach wahachtek lmohem akher akhbari rani karebt nweli miss maroc welat fiya 72 kilo gram men asel 82 ana ferhana we baka kan zawel riyada yawmeyan we bretek tchej3eni akhtete lahla yekhatek 3leya ntiya le derti fiya nefs ta dert sport we rejim mouah 3lek asemkosa dyal anaqa maghribia


0
أم لؤي مرحبا بصحابات أم حفصة، الله ييسر الأمور
ومبروك عليك الوزن الجديد راك رشيقة تبارك الله
الله يخليك استعملي لوحة المفاتيح بالعربية

السلام عليكم ورحمة الله
أشخباركم لاباس عليكم الرشيقات!! راه غير باش ادخلوا لهاذ المنتدى, راه فحد ذاته تحدي لواحد الوضع مبقيتوش راضيين عليه!!
فالحقيقة , يا أم سامي الحبيبة, رجعت فأغلب الأحيان كنكل وماكنشبعش! واتفادى ما أمكنني كل الأكل غير الصحي بحال المقليات والحلويات من غير بسكوي دايت والمشي حاليا لأني بعدت على لا سال دالرياضة الي كنت منخرطة فيها!! لكن سابحث عن أخرى لااذن الله....
انا أطبق نظام تنزيل الكيلوات من دون حرمــــــــــــــااااااااااااااااااان!! الرياضة الوحيدة الي مكان حبهاش هي حركات البطن واتمنى لو هناك طريقة أخرى للقضاء عليها بطني مكدهارش من الحوايج لكن معقدانييييييييييييييي!!!!!!!
وياريت لو كل واحدة فينا تحاول تبحث على انجع الطرق للتخلص من البطن وترهلاتوووووووووو!!!
ام حفصة لاباس عليك الله يقومك بالسلامة والله توحشنا رحاب الى كل الأخوات الجديدات اقول مرحبا بكم والله ينحفكم على خير
عشوشة، الحمد لله على سلامتك
أنا أطبق نظام الأكل بدون انقطاع، والله ما عرفتش آش وقع لي راني تناكل بلا حساب
اليوم الغداء كليت الكرعين، كيف جيتك ولكن بسلامتك
أنا الحمد لله البطن ما فيه ترهلات بفضل الرياضة


سلام عليكم كيف ديرين نتمنى اتكونو بالف خير
ام سامي شكرا لك على النصيحة سوف اتبعها انشاء الله اسمحي لي مكنكتبش البربامج اليومي حيت عندي التخمال هد الايام ، انا امتبع الرجيم غير كنكسرو يوم الاحد خت كندير الكسكس
كيف حالك رانيا خديجة
تبارك اللهه عليك
غير بشوية التخمال كيجيب الجوع

اخواتي رحبوا بي معكن عندي استفسار انا خصني ننقص 10 كيلو ومبغيتش الشراطي و الترهل فالجسم ديالي وخا كنديرالمشي و اترطيب شنو الحل عاافكموسؤال اخر باش تنصحوني ندير الرياضة فالدار لاني كنعجز عليها بزاااااااااف ومكنعرفشي منين نبداها
أم عبد الرحمان، الشراطي بلاء لا بد منه غير إلى كان جلدك مطاطي
استعملي بعض الزيوت وواظبي على الرياضة


ام سامي...الاعشاب نطبخهوم...و نشربهم بارديين؟ يتشربوا زعما؟ واش عندهم نفس المفعول بحال الى كانوا سخان؟
سمية، الأعشاب هما هما باردين ولا سخان
أنا غالبا ما تنعمل 1لتر منهم وتنشربهم على طول اليوم

أم حفصة
27-04-2010, 20:05
أم لؤي مرحبا بصحابات أم حفصة، الله ييسر الأمور
ومبروك عليك الوزن الجديد راك رشيقة تبارك الله
الله يخليك استعملي لوحة المفاتيح بالعربية
بارك الله فيك الحبيبة ام سامي............ترحب بيك الجنة ........ام لؤي راها اختي الصغيرةههههههه اخر العنقود.......حتى هي راه دارت تحدي مؤخرا و نقصات و فرحاتني حيت من قبل متزوج مبقات هبطات 72 و انا متاكدة غادية توصل 66 و لا 64...............
و بالمناسبة لؤي هو اللي في الصورة الرمزية ديالي.........تنموووووت عليه ...........

أم سامي
27-04-2010, 21:34
أم حفصة تبارك الله عليك وعلى الأخت ديالك
ماشاء الله على لؤي اسم جميل جدا
قولي لي أختي آش نديرو واش نبرمجو لواحد الأسبوع ديال الصوم؟

عباد الرحمان
27-04-2010, 22:18
كيدايرين البنات لباس عليكم كيدايرين مع شي ريجيم الله يعونكم عليه .أنا كانت غايبة هاد الأيام مع لمرض .الريجيم كله مشى ليا واليوم وزنت راسي بلا مانعاود ليكم... و دابا إن شاء الله نبدا من جديد و اليوم فطرت بدانون مع طريف لحرشة الغدا كاس عصير لقرعة مع بسكويت الكوتي كاس أتاي مع خبز مربع رطب درته بيتزا (غي دهنتو بلاصوص وفرماج مربع )العشا كورن فليكس دايت مع لحليب

أم حفصة
27-04-2010, 23:22
[quote=أم سامي;1924650]
أم حفصة تبارك الله عليك وعلى الأخت ديالك
ماشاء الله على لؤي اسم جميل جدا
قولي لي أختي آش نديرو واش نبرمجو لواحد الأسبوع ديال الصوم؟




الله يبارك فيك اختي.........شوفي حددي النهار و نبداو و حددي الفطور ............. و نقول ليك الصيام ريجيمو غززززززااااااال..........

عشوشة
28-04-2010, 04:38
السلام عليكم ورحمة الله
ام سامي هو مشي ترهل شديد لكن بعض التنيات الي بقاو لي من بعد مولدت طفلتي الثالثة وما كنتش عملت الرياضة من بعدها!!! والمشكل الآن هو انني مكنواضبش على الرياضة! وخصني نوجد شي حل!!!
انا اليم كان عندي شغل فالرباط وملي خذيت فالفطور قهوة وخبز زرع وزيت بلدية وبسكويات دايت والنهار كلو وانا على الما وشي لوحات شوكولا اسود وبدون سكر إلى ان رجعت فالمساء وخديت طرف بيتزا بالكفتة وطاجين نباتي دالشيفلور!!! حسيت براسي كليت بزاف لكن كان فيا جوع شدييييييييد!!
ام حفصة وام سامي انا متفقة معاكم على الصيام وكنتظر باش تحددوا اليوم والنظام الغذائي !! وانا اقترح السوائل: مثلا شوربة خضر + حليب منزوع الدسم مع تمر والسحور يكون فيه بيضة بلدية مسلوقة او محرحرة,,,,+ خبز زرع او بسكوي+ قهوة + جبن ابيض او يوغورت خ د وب سكر!!! كيف جيتكم!!!

عشوشة
28-04-2010, 04:43
أم لؤي مرحبا بصحابات أم حفصة، الله ييسر الأمور
ومبروك عليك الوزن الجديد راك رشيقة تبارك الله
الله يخليك استعملي لوحة المفاتيح بالعربية

عشوشة، الحمد لله على سلامتك
أنا أطبق نظام الأكل بدون انقطاع، والله ما عرفتش آش وقع لي راني تناكل بلا حساب
اليوم الغداء كليت الكرعين، كيف جيتك ولكن بسلامتك
أنا الحمد لله البطن ما فيه ترهلات بفضل الرياضة


كيف حالك رانيا خديجة
تبارك اللهه عليك
غير بشوية التخمال كيجيب الجوع

أم عبد الرحمان، الشراطي بلاء لا بد منه غير إلى كان جلدك مطاطي
استعملي بعض الزيوت وواظبي على الرياضة


سمية، الأعشاب هما هما باردين ولا سخان
أنا غالبا ما تنعمل 1لتر منهم وتنشربهم على طول اليوم
بصحتك الكرعين يا ام سامي!! لكن راهم كيما كيقولوا صابون الكرش هههههههههههه واظن على انهم اقل ذهنا من اللحم غير متهبطش بزاف على الحمص والمرق والتغماس ههههههههههه

عشوشة
28-04-2010, 04:48
أم عبد الرحمان بالنسبة للشراطي عليك بالعظام دالشفرجل تنقعيهم فالماء وهاذ الأخير دهني به يوميا مكان الشراطي راه علاج هاااااااااايل!!

أم سامي
28-04-2010, 09:53
كيدايرين البنات لباس عليكم كيدايرين مع شي ريجيم الله يعونكم عليه .أنا كانت غايبة هاد الأيام مع لمرض .الريجيم كله مشى ليا واليوم وزنت راسي بلا مانعاود ليكم... و دابا إن شاء الله نبدا من جديد و اليوم فطرت بدانون مع طريف لحرشة الغدا كاس عصير لقرعة مع بسكويت الكوتي كاس أتاي مع خبز مربع رطب درته بيتزا (غي دهنتو بلاصوص وفرماج مربع )العشا كورن فليكس دايت مع لحليب

لالا تيشا، الفطور ديالك لا بد من تعويض الحرشة بالخبز الكامل راه صحي وكذلك يشبع ويساعد على الترونزيت
بالنسبة للعشا راه مزيان



[quote=أم سامي;1924650]



الله يبارك فيك اختي.........شوفي حددي النهار و نبداو و حددي الفطور ............. و نقول ليك الصيام ريجيمو غززززززااااااال..........

إن شاء الله إلى بغيتو نبداو يوم الاثنين المقبل منها نكون خالتي سالات ومنها نبدا الأسبوع ونقدرو نواضبو كل 4/ الأسبوع
آش بان ليك


السلام عليكم ورحمة الله
ام سامي هو مشي ترهل شديد لكن بعض التنيات الي بقاو لي من بعد مولدت طفلتي الثالثة وما كنتش عملت الرياضة من بعدها!!! والمشكل الآن هو انني مكنواضبش على الرياضة! وخصني نوجد شي حل!!!
انا اليم كان عندي شغل فالرباط وملي خذيت فالفطور قهوة وخبز زرع وزيت بلدية وبسكويات دايت والنهار كلو وانا على الما وشي لوحات شوكولا اسود وبدون سكر إلى ان رجعت فالمساء وخديت طرف بيتزا بالكفتة وطاجين نباتي دالشيفلور!!! حسيت براسي كليت بزاف لكن كان فيا جوع شدييييييييد!!
ام حفصة وام سامي انا متفقة معاكم على الصيام وكنتظر باش تحددوا اليوم والنظام الغذائي !! وانا اقترح السوائل: مثلا شوربة خضر + حليب منزوع الدسم مع تمر والسحور يكون فيه بيضة بلدية مسلوقة او محرحرة,,,,+ خبز زرع او بسكوي+ قهوة + جبن ابيض او يوغورت خ د وب سكر!!! كيف جيتكم!!!

لالا عشوشة كنت تختاري ما بين الطاجين واللا البيتزا
ما عليهش راه الجوع تيولد
راه غادي نديرو برنامج 100 في المائة

أم سامي
28-04-2010, 09:56
غادي نفتحو باب لتسجيل الصائمات ابتداء من الأسبوع المقبل
اللائحة راها مفتوحة حتى يوم الأحد
أم سامي
أم حفصة
عشوشة

عباد الرحمان
28-04-2010, 12:31
أختي أم سامي هنا في إيطالية ماكنلقاوش طحين كامل بحال لمغرب كاين غي لفرص و طحين صفر

أم سامي
28-04-2010, 18:12
أختي أم سامي هنا في إيطالية ماكنلقاو طحين كامل بحال لمغرب كاين غي لفرص و طحين صفر
أختي اخذي الخبز الواجد في المحلات الكبرى راه إما في المخبزات أو الأسواق الكبرى،حيث فاش كنت في روما كنت كنشريه من المحلات الكبرى

أم حفصة
28-04-2010, 22:30
مزيان يا ام سامي حتى انا غادية تكون عمتي سالات و نبداو هههههههههه اوا ان شاء الله تعالى الاسبوع الماجي صياااااام..........على بركة الله تعالى.......

أم سامي
29-04-2010, 09:44
السلام عليكم ورحمة الله وبركاته


كيف الحال نتمنى تكونوا على خير والريجيم ماشي مزيان
راه توحشنا بزاف رحاب يا رب تكون بخير وعلى خير
لائحة الصائمات لازالت مفتوحة
سأضع برنامجا لمناقشته هذه الأمسية
راني خدامة في الثانية بعد الزوال

رحاب الاسلام
29-04-2010, 13:20
أختي الله يديك على خير عند راجلك طريق السلامة .إن دولة غادة ليها ???

salam alikoum ya el rzalat ki dayrat walah kla twahchtkoum bezaf merci habibti ticha ana rani fi francewanti fin

أم حفصة
29-04-2010, 13:31
رحاااااااااب ..........نهار كبير هدا منين طلليتي علينا و الله حتى بلاصتك بقات و كنت دايرة فينا شوية ديال الحماس........ههههههه ام سامي غير مشيتي عليها و طاحت في الشهيوات .......و واحد لالا ام حفصة متتنوضش من حدا واحد الحاجة سميتها الماكلة غير الله يستر.......حنا قررنا باش نديرو اسبوع صيام....دعيو معانا يجيب نتيجة ....راه حنا مقفرينها......

رحاب الاسلام
29-04-2010, 15:09
رحاااااااااب ..........نهار كبير هدا منين طلليتي علينا و الله حتى بلاصتك بقات و كنت دايرة فينا شوية ديال الحماس........ههههههه ام سامي غير مشيتي عليها و طاحت في الشهيوات .......و واحد لالا ام حفصة متتنوضش من حدا واحد الحاجة سميتها الماكلة غير الله يستر.......حنا قررنا باش نديرو اسبوع صيام....دعيو معانا يجيب نتيجة ....راه حنا مقفرينها......
alah la yekhtik ya el hbiba wa hata ana twahchtkoum wa twahcht el wnasa dyalkoum kifek om hafsa inchalah labas wa ki dayra ma3a rigim wach kach kwala naksou mouraya wela mazal

رحاب الاسلام
29-04-2010, 15:13
salam ala ahla anikat fi el montada likoum wahcha kbira
om sami sma3t bik raki dakhlatha ri chhiwsat meli mchit wach rigim habas wakila ana tjr en rigim mi our le moment maranich fargha ki nefrag nwali likoum nsalam alik bezaf wa samhili om sami ala bali radi tgoulili la li el firansiya mazal ma lkitch clavier en arab radi nhawal bach nhawas wa nwali nektab bel arabiya
aichoucha ki dayra wa mabrouk alik el kilou li tah al akhawat el jedod marhba bikoum m3ana wa alah ynahfna kamel ana mazelt dima fi el wazn dfyali wa ri nkamal chrol dyali wa tekhmal dyal dar nwali maakoum lelbarnamej dyal el makla nkhalikoum ala khir salam

سمية ام عبدو
29-04-2010, 16:53
على سلامتك رحاب و كيف لقيتي راجلك؟الله يوفقكم ...سيري تهلاي فراسك و راجلك راكي عروسه دبا...قابلي ليا هاد الغلاظات....مينفعوا بوالو.بما فيهم انا ههههه.بالنسبه للعربيه راه حتى انا كنكتب غير على لوحة المفاتيح العربيهlexilogos ...كتكبي علىle clavier ...و اذا الحرف معرفتيش كتكتبيه من الشاشه...j espere que t a compris

عباد الرحمان
29-04-2010, 21:01
السلام عليكم أخواتي جميعا الفطور الشاي و شوية الخبز و الزيت البلدية الغدا سمك سردين في الفرن الكوتي الشاي و خبز توست مع قطعة فرماج مربع العشا غادي نشرب كاس الأعشاب و كنت خارجة لاعشيا تمشيت مزيان حتى راجليا ضروني باقين حتى لدابا ههه وصباح درت لحبل و حركات لبطن عاد وليت نديرهم و لماء كيلعادة

عباد الرحمان
29-04-2010, 21:15
salam alikoum ya el rzalat ki dayrat walah kla twahchtkoum bezaf merci habibti ticha ana rani fi francewanti fin

على سلامتك أختي كدايرة لباس عليك أنا في إيطالية

رحاب الاسلام
30-04-2010, 09:31
السلام عليكم ورحمة الله وبركاته


كيف الحال نتمنى تكونوا على خير والريجيم ماشي مزيان
راه توحشنا بزاف رحاب يا رب تكون بخير وعلى خير
لائحة الصائمات لازالت مفتوحة
سأضع برنامجا لمناقشته هذه الأمسية
راني خدامة في الثانية بعد الزوال


صباح الخير و الربح م سامي يتوحشك الخير حتي اتا و الله غير توحشتكم بزاف و احمد الله راتي وليت لحباباتي و خواتاتي نسلم عليك ام سامي و راني سمعت راكي لاتية غير بالشهوات ملي غبرت عليك ههههه انا البرنامج ديالي راه ملخبط شوية و لكن راني ناكل و نكثر من السلطة بكل انواعها الاسبوع الجاي غادي نولي معاكم بادن الله سلام و جمعة مباركة

أم سامي
30-04-2010, 09:38
رحاااااااااب ..........نهار كبير هدا منين طلليتي علينا و الله حتى بلاصتك بقات و كنت دايرة فينا شوية ديال الحماس........ههههههه ام سامي غير مشيتي عليها و طاحت في الشهيوات .......و واحد لالا ام حفصة متتنوضش من حدا واحد الحاجة سميتها الماكلة غير الله يستر.......حنا قررنا باش نديرو اسبوع صيام....دعيو معانا يجيب نتيجة ....راه حنا مقفرينها......

والله أم حفصة ما كذبت، من مشيتي وأختك في الشهيوات والحلاوة، راني وصلت ل80 ياحصرة على أيام العز اللي وصلت فيها 72 وكنت نتسنا نطل على 6، على كل خلي عليك السيدة راها فرحانة براجلها وأنت باغاها تدخل تصوم


alah la yekhtik ya el hbiba wa hata ana twahchtkoum wa twahcht el wnasa dyalkoum kifek om hafsa inchalah labas wa ki dayra ma3a rigim wach kach kwala naksou mouraya wela mazal
رحاب الحبيبة ليك وحشة كبيرة، والله إلى خليتي بلاصتك، نتمنى ترجعي لينا في القريب العاجل
غير استعملي لوحة المفاتيح العربية، راني في هذه المرة تجاهلت أنك كاتبة بالعرنسية
تبارك الله عليك نتمنى تكوني بألف خير ونتمنى تجينا شي خبار تفرح بالحمل ديالك


salam ala ahla anikat fi el montada likoum wahcha kbira
om sami sma3t bik raki dakhlatha ri chhiwsat meli mchit wach rigim habas wakila ana tjr en rigim mi our le moment maranich fargha ki nefrag nwali likoum nsalam alik bezaf wa samhili om sami ala bali radi tgoulili la li el firansiya mazal ma lkitch clavier en arab radi nhawal bach nhawas wa nwali nektab bel arabiya
aichoucha ki dayra wa mabrouk alik el kilou li tah al akhawat el jedod marhba bikoum m3ana wa alah ynahfna kamel ana mazelt dima fi el wazn dfyali wa ri nkamal chrol dyali wa tekhmal dyal dar nwali maakoum lelbarnamej dyal el makla nkhalikoum ala khir salam
والله ما كذبو عليك، راني تحلت لي الشهية خاصني غير ما نصرط، غير الله يحفظ وخلاص
كل أنواع الشهيوات اللي في بالك الحلو والمالح
ولكن راني مقررة نحيد هذه 10كلغ منها للصيف
راني تعقدت
احكي لينا كيف لقيتي راجلك، كيف كان الاستقبال، واش عجباتك دارك الجديدة وجيرانك والبلاد...


على سلامتك رحاب و كيف لقيتي راجلك؟الله يوفقكم ...سيري تهلاي فراسك و راجلك راكي عروسه دبا...قابلي ليا هاد الغلاظات....مينفعوا بوالو.بما فيهم انا ههههه.بالنسبه للعربيه راه حتى انا كنكتب غير على لوحة المفاتيح العربيهlexilogos ...كتكبي علىle clavier ...و اذا الحرف معرفتيش كتكتبيه من الشاشه...j espere que t a compris
والله ما كذبت يا سمية راه غلاضات بامتياز
ولدي تيقول لي ماما الطبوزة


السلام عليكم أخواتي جميعا الفطور الشاي و شوية الخبز و الزيت البلدية الغدا سمك سردين في الفرن الكوتي الشاي و خبز توست مع قطعة فرماج مربع العشا غادي نشرب كاس الأعشاب و كنت خارجة لاعشيا تمشيت مزيان حتى راجليا ضروني باقين حتى لدابا ههه وصباح درت لحبل و حركات لبطن عاد وليت نديرهم و لماء كيلعادة
الأكل ديالك راه ممتاز، تبارك الله عليك

أم سامي
30-04-2010, 09:40
على سلامتك رحاب
والله إلى خليتي بلاصتك

رحاب الاسلام
30-04-2010, 09:41
على سلامتك رحاب و كيف لقيتي راجلك؟الله يوفقكم ...سيري تهلاي فراسك و راجلك راكي عروسه دبا...قابلي ليا هاد الغلاظات....مينفعوا بوالو.بما فيهم انا ههههه.بالنسبه للعربيه راه حتى انا كنكتب غير على لوحة المفاتيح العربيهlexilogos ...كتكبي علىle clavier ...و اذا الحرف معرفتيش كتكتبيه من الشاشه...j espere que t a compris
كنشكرك بزاف اختي سمية و الحمد الله راتي في احسن ااحوال و راني فهت ين نكتب بالعربية شكرا و الله يكون معانا باش ننف انشاء الله

رحاب الاسلام
30-04-2010, 09:49
على سلامتك رحاب
والله إلى خليتي بلاصتك

الله يسلمك يا الحبيبة احمد الله وصلت بخير ولقيت راجلي يسني فيا بالسبة للجيران كامل اجانب بصح كي راني مع زوجيما راي حاسة بالغربة زد كل يوم راني نحكي مع الاهل ديالي الانترنت راها دايرة فينا خير كبير

ام عبد االرحمن
30-04-2010, 15:09
اخواتي بغيت نولكم واش ممكن ندير ورق الكرمب على الصدر لاني انا معنديش مشكل فالكرش واش ممكن يصغر الصدر

أم سامي
30-04-2010, 17:29
أم عبد الرحمان لا تغامري بالكرمب على الصدر، لأن الصدر آخر شيئ تينزل
حاولي ديري حركات لشد الصدر
موفقة

ام عبد االرحمن
30-04-2010, 17:36
شكرا اختي على الرد واش فايت لك جربتي شي حركات للصدر وتشد

عشوشة
01-05-2010, 09:34
السلام عليكم ورحمة الله
على سلامتك يارحاب!!نورت المنتدى! شفو البنات ........ عندي ليكم اقترااااااااااااااااح! يمكنلكم تقوموبحمية ديطوكس اللي كنت نزلتها فصفحة من صفحات المنتدى! غدي ندورلكم على الصفحة لاني نسيتها!!!
انا اليوم جبرت راسي طيحت 1كيلو!!!دابا فيا 78ايوا كيف جيتك يا ام سامي؟!
ام حفصة غير بشوية عليك يالحبيبية راه الكيلوات ساهلين باش يوليو!!!!!!!!
سمية تيشا الله يعينكم وام عبد الرحمان هناك حركة تسمى la pompeوهي جيدة للصدر,,,!ابحثي عنها فالانترنت !

سمية ام عبدو
01-05-2010, 17:38
السلام عليكم
كيف الاحوال؟ راني كنشرب الاعشاب فالفطور بدون سكر...و ناقصة شويه من الماكله...و شريت البارح الشاي الاخضر.....و الماء بزاف.

أم سامي
01-05-2010, 21:00
على سلامتك عشوشة، تبارك الله عليك راك تتغبري
وتطلي علينا بناقص واحد العقبا لينا جميعا
مبروك عليك
قلبي لينا أختي على هذه الحمية
راه حنا نهار الاثنين غادي نلداو نصومو بإذن الله
أم عبد الرحمان غادي نلقاو ليك الحركات
سمية أم عبده كيف دايرة، راكطم تتغبرو حتى نتوحشوك

أم سامي
01-05-2010, 21:02
اليوم راني رجعت للماء والسالمية
راني حتى أنا بديت ننقص ماشي الكلغرامات ولكن غير من الماكلة
الله يسهل الأمور

omomohamed3
01-05-2010, 21:56
السلام عليكم كدايرين إنشاء الله أتكونو كلكم بخير معاكم أم محمد حتى أنا بغيت أنضعاف وخى كيقولو ليا أضعفيت بقى مزال خصني شوية كنت كنوزن في أول 98كيلو وطول 166 متردابة أمع رياضة صرت كنوزن 85كيلو

omomohamed3
01-05-2010, 22:02
واحد أم حفصة شفتها مبيناش اليوم يكي مبديتي رجيم من دابة كبقات الرجيلة شوية مالكي مخرجتيش أمعانا لمارش في صباح اليوم أمشينا البحر غزالة مصاب أعويناتك واش أعرفتيني أنا زينب خواتات

أم سامي
01-05-2010, 22:09
مرحبا بيك أم محمد، تبارك الله عليك راك نقصت مزيان العقبا اللي بقا ليك
أم حفصة دابة تبان راها غير تتوجد ليوم الاثنين

الوردة هنودة
01-05-2010, 23:15
السلام عليكم اختي ام سامي و جميع الاخوات. معكم هند من الرباط 22 سنة عضوة جديدة. صراحة تعرفت على المنتدى هذا من خلال بحتي في google و لقيت موضوعك يا ام سامي زوين و يشجع خصوصا اني من حاملي الوزن الزائد هههههه انضم اليكم طبعا بعد موافقتكم طولي 1.55 م و وزني الحالي 84 كلغ و اريد ان اصل انشاءالله الي وزن 60 كلغ و بعدها الي 55 كلغ. شكرا.

الوردة هنودة
01-05-2010, 23:35
نصحيني ام سامي بشي ريجيم انا دابا فبالي ريجيم soupe aux choux لكن مازال ما شريت المقادير. قريت عندكم هنا فبعض التدخلات فهاذ الموضوع على السالمية ؟ شنو مفعولها و كيفاش نتناولها؟

عشوشة
02-05-2010, 11:00
هذه بعض الوصفات لتنقية الجسم!!
شاي ديتوكس بالتوابل:
ملعقة ص شاي اخضر
عود قرفة
3حبات قاع قلة
الطريقة:
تنقع القرفة ف نصف لتر من الماء الغليان لمدة 5دقائق نضيف القرنفل الكوزه ثم قاع قلة؛ نكبوها فبراد الشاي فوق الشاي ونتركها 4دقايق قبل التقديم
4مسمارقرنفل
م ص كوزة (لكن هاذه لم اعداستعملها ملي قريت انها حرام لانها مادة مخدرة!!):cool:

عشوشة
02-05-2010, 11:07
ام سامي علاسسسسش كنغبر لهلايوريك المراطونات الي كنضرب فالإدارات والمصالح الجبائية قبل مناخذ الإعفاء الضريبي!!!!
كنرجع للدار برجلي منفوخين وديك الشحمه الي كطيح بلهلا يتبتولي!!!

ام عبد االرحمن
02-05-2010, 11:11
اختي ام سامي خدي بيدي و شجعيني ندير شي ريجيم راني غير نبدا شي ريجيم مع شي تجمع نشوفهم خمروا و نتبعهم حتى انا وتجمعكم اللهم بارك بان لي مزيان ممكن تقبلوني معااكم بغيت ننقص ان شاء الله 14 كيلو و الهدف الاول 10 كيلو وعندي المشكل فالرياضة مكنلقا اللي زعمني على لامارش ولاصال بعيدة

omomohamed3
02-05-2010, 12:27
مشكورة أختي أم سامي الله يحفضك وخلي ليك أوليداتك في هدصباح راني شديتها حتى البحر جري والله لغزالة دابة عندنا الميزان نهار الثلاثاء بغيت أنطيح أشي كيلو

ام عبد االرحمن
02-05-2010, 14:54
ام سامي فييينك هههه

أم حفصة
02-05-2010, 19:36
واحد أم حفصة شفتها مبيناش اليوم يكي مبديتي رجيم من دابة كبقات الرجيلة شوية مالكي مخرجتيش أمعانا لمارش في صباح اليوم أمشينا البحر غزالة مصاب أعويناتك واش أعرفتيني أنا زينب خواتات

مرحبا و الف مرحبا بالزين و نهار كبير هدا اللي طلليتي عندنا..........كدايرة ربيعة .....قولي ليها دور عندنا شي دويرة .........مجيتش لاصال حيت مشيت العروبية عاد دخلت و الله حتى ندمت علاش مشيت......منين مشيت و انا في الماكلة 3 ايام ديال الانتقام ههههههههه داك الشي علاش متنبغيش نسافر حيت غير تنفوت بلاكة 40 و تنطيح في الماكلة عمية .......و عارفة مالين العروبية ممنوع تقولي ليهم الريجيم....غير الكسكسو يوميا يعني 3 مرات ......خللي على المخامر و زيد و زيد اللي كان مصبرني انني نهار الاثنين غادية نبدا الريجيم و الله حتى خايفة من ميزان نهار الثلاثاء غير الله يحفظ....راني حاسة غادية نكون في الثمانينات و ما فوق غير الله يحفظ و صافي.........شي 83 و لا الصرف ....غير الله يحفظ.........

ام عبد االرحمن
02-05-2010, 20:07
اخواتي واش دايرين تبداو الريجيم غدا وكفاشالقضية ديال الميزان نهار اللتلاثاء واش بعد غدا و لا الثلاثاء الماجي

أم حفصة
02-05-2010, 21:28
اخواتي واش دايرين تبداو الريجيم غدا وكفاشالقضية ديال الميزان نهار اللتلاثاء واش بعد غدا و لا الثلاثاء الماجي

شوفي الحبيبة حنايا برمجنا ان شاء الله اسبوع صيام هاد الشي اللي في بالي............غير هو ام سامي مزال ما قتارحاتش علينا الافطار...........
مسالة الميزان نهار الثلاثاء هاديك غير بيني و بين omomohamed حيتاش هي معايا في نفس لاصال و المدربة غادية تعبرنا نهار الثلاثاء
اما في ما يخص هنايا معرفتش ام سامي امتا غادية تقول لينا لعبار ........

أم حفصة
02-05-2010, 22:03
حي على الصياااااااااااااااااااااااااااااااااااااام

omomohamed3
02-05-2010, 22:45
هلا هلا بأم حفصة كدايرة أكديرين الوليدات إنشاء الله كلكم بخير أسلامة أبصحة توفيجة أنشوفوك أنهار ثلاثاء إنشاءالله

omomohamed3
02-05-2010, 22:49
اليوم راه عاود أمشينا بحر أنا أدار غزالة في صباح بكري ربيعة عامت مبغات تخرج من ماء

عشوشة
03-05-2010, 06:17
السلام عليكم ورحمة الله
امسامي راكي غيبتي!! ياك ما شي زرود ههههههههه
ام حفصة غير مرضتلك الرجيلة وعملتها سبة وفسيتي الحايل والجديد!! ههههه المهم ماغدتكونيش زدتي بزاف وهاذ المرة متحرميش راسك راه الريجيم القاسي هو الي كيخليك تنتقمي من الأكل!!!
ام محمد وأمعبد الرحمان وسمية كيف عاملين مع شي ريجيم؟!! انا كنوصيكم غير على العشا كلوا خفيف وبكري ولا غير تفاحة ويوغور بدون سكر وخالي الدسم وتشوفو النتيجة فشهر!!!!!!!
انا اليوم صايمة باذن الله كيما اتفقنا...لكن غدا ساسافر الى مراكش والمسافه طويلة لذا ميمكنليش نصوم!!!
اتمنى لكن صياما مقبولا وانويو الأجر هيييه! وفالإفطار مطيحوش فالأكل هههههههه:Cat:
موفقات بإذن الله

عشوشة
03-05-2010, 06:21
السلام عليكم ورحمة الله
امسامي راكي غيبتي!! ياك ما شي زرود ههههههههه
ام حفصة غير مرضتلك الرجيلة وعملتها سبة وفسيتي الحايل والجديد!! ههههه المهم ماغدتكونيش زدتي بزاف وهاذ المرة متحرميش راسك راه الريجيم القاسي هو الي كيخليك تنتقمي من الأكل!!!
ام محمد وأمعبد الرحمان وسمية كيف عاملين مع شي ريجيم؟!! انا كنوصيكم غير على العشا كلوا خفيف وبكري ولا غير تفاحة ويوغور بدون سكر وخالي الدسم وتشوفو النتيجة فشهر!!!!!!!
انا اليوم صايمة باذن الله كيما اتفقنا...لكن غدا ساسافر الى مراكش والمسافه طويلة لذا ميمكنليش نصوم!!!
اتمنى لكن صياما مقبولا وانويو الأجر هيييه! وفالإفطار مطيحوش فالأكل هههههههه
موفقات بإذن الله

أم حفصة
03-05-2010, 11:51
سلام لكل الغزالات ديالي..........المهم كنت صايمة ليومة و لكن كانت في الحيض و لقيت مزال شي وسيخات......وخت هاكاك خديت غير كاس دانون ندوز بيه اليوم حتى الافطار........و غدا ان شاء الله نستمر ........

أم سامي
03-05-2010, 11:58
السلام عليكم اختي ام سامي و جميع الاخوات. معكم هند من الرباط 22 سنة عضوة جديدة. صراحة تعرفت على المنتدى هذا من خلال بحتي في google و لقيت موضوعك يا ام سامي زوين و يشجع خصوصا اني من حاملي الوزن الزائد هههههه انضم اليكم طبعا بعد موافقتكم طولي 1.55 م و وزني الحالي 84 كلغ و اريد ان اصل انشاءالله الي وزن 60 كلغ و بعدها الي 55 كلغ. شكرا.
أهلا بك الوردة الهنودة، ومرحبا بالرباط
فهذا التجمع تنشجعوا بعضنا من أجل إنقاص الوزن أو على الأقل الحفاظ غلى أوزاننا دون السقوط في فخ السمنة
اختي راجعي الصفحة 87 راه فيها واحد الحمية اللي مجربة ومن متابعة طبية


نصحيني ام سامي بشي ريجيم انا دابا فبالي ريجيم soupe aux choux لكن مازال ما شريت المقادير. قريت عندكم هنا فبعض التدخلات فهاذ الموضوع على السالمية ؟ شنو مفعولها و كيفاش نتناولها؟
الصفحة 87
بالنسبة لهذا الأبوع راه مبرمجين الصيام
وراني غادي نقترح الفطور
راكم معروضات كاملات


هذه بعض الوصفات لتنقية الجسم!!
شاي ديتوكس بالتوابل:
ملعقة ص شاي اخضر
عود قرفة
3حبات قاع قلة
الطريقة:
تنقع القرفة ف نصف لتر من الماء الغليان لمدة 5دقائق نضيف القرنفل الكوزه ثم قاع قلة؛ نكبوها فبراد الشاي فوق الشاي ونتركها 4دقايق قبل التقديم
4مسمارقرنفل
م ص كوزة (لكن هاذه لم اعداستعملها ملي قريت انها حرام لانها مادة مخدرة!!):cool:


قولي لي هذا الشاي نشربوه بوحدو دون أكل أو نشربه مع الأكل
أختي عشوشة إلى شربت هذا الخير راني غادي نزيد الثالث


ام سامي علاسسسسش كنغبر لهلايوريك المراطونات الي كنضرب فالإدارات والمصالح الجبائية قبل مناخذ الإعفاء الضريبي!!!!
كنرجع للدار برجلي منفوخين وديك الشحمه الي كطيح بلهلا يتبتولي!!!
أختي الله عوينك، وتبارك الله عليك


اختي ام سامي خدي بيدي و شجعيني ندير شي ريجيم راني غير نبدا شي ريجيم مع شي تجمع نشوفهم خمروا و نتبعهم حتى انا وتجمعكم اللهم بارك بان لي مزيان ممكن تقبلوني معااكم بغيت ننقص ان شاء الله 14 كيلو و الهدف الاول 10 كيلو وعندي المشكل فالرياضة مكنلقا اللي زعمني على لامارش ولاصال بعيدة
إن شاء الله هنا ما كاين خميرة غير ادخلي واحكي لينا على برنامجك اليومي
دابة حنا مقررات صيام خلال هذا الأسبوع


مشكورة أختي أم سامي الله يحفضك وخلي ليك أوليداتك في هدصباح راني شديتها حتى البحر جري والله لغزالة دابة عندنا الميزان نهار الثلاثاء بغيت أنطيح أشي كيلو
تبارك الله عليك الجري راه مهم
عرفينا عليك، شحال الوليدات
واش من مدينة


ام سامي فييينك هههه
هاني راني كنت في خرجة نزهة زعما
وغالبا الأحد راجلي تيكون في الدار ما تنبغيش يلاحظ علي راني لاصقة في النت


مرحبا و الف مرحبا بالزين و نهار كبير ههاني دا اللي طلليتي عندنا..........كدايرة ربيعة .....قولي ليها دور عندنا شي دويرة .........مجيتش لاصال حيت مشيت العروبية عاد دخلت و الله حتى ندمت علاش مشيت......منين مشيت و انا في الماكلة 3 ايام ديال الانتقام ههههههههه داك الشي علاش متنبغيش نسافر حيت غير تنفوت بلاكة 40 و تنطيح في الماكلة عمية .......و عارفة مالين العروبية ممنوع تقولي ليهم الريجيم....غير الكسكسو يوميا يعني 3 مرات ......خللي على المخامر و زيد و زيد اللي كان مصبرني انني نهار الاثنين غادية نبدا الريجيم و الله حتى خايفة من ميزان نهار الثلاثاء غير الله يحفظ....راني حاسة غادية نكون في الثمانينات و ما فوق غير الله يحفظ و صافي.........شي 83 و لا الصرف ....غير الله يحفظ.........

بصحتك الزرود أم حفصة، غير قولي لي آش من عروبية راك مشيتي شبعتيها كسكسو ولبن وطامعة في الصيام ينزل ليك
بالصحة والراحة


اخواتي واش دايرين تبداو الريجيم غدا وكفاشالقضية ديال الميزان نهار اللتلاثاء واش بعد غدا و لا الثلاثاء الماجي
لا هنا عندنا الميزان نهار السبت، باش نشوفو واش كاينة شي نتيجة ولالا
هذاك راه في النادي اللي منظمة ليه أم حفصة


حي على الصياااااااااااااااااااااااااااااااااااااام
باسم الله نبدأ صيامنا
الله يحفظك


السلام عليكم ورحمة الله
امسامي راكي غيبتي!! ياك ما شي زرود ههههههههه
ام حفصة غير مرضتلك الرجيلة وعملتها سبة وفسيتي الحايل والجديد!! ههههه المهم ماغدتكونيش زدتي بزاف وهاذ المرة متحرميش راسك راه الريجيم القاسي هو الي كيخليك تنتقمي من الأكل!!!
ام محمد وأمعبد الرحمان وسمية كيف عاملين مع شي ريجيم؟!! انا كنوصيكم غير على العشا كلوا خفيف وبكري ولا غير تفاحة ويوغور بدون سكر وخالي الدسم وتشوفو النتيجة فشهر!!!!!!!
انا اليوم صايمة باذن الله كيما اتفقنا...لكن غدا ساسافر الى مراكش والمسافه طويلة لذا ميمكنليش نصوم!!!
اتمنى لكن صياما مقبولا وانويو الأجر هيييه! وفالإفطار مطيحوش فالأكل هههههههه:Cat:
موفقات بإذن الله
والله ما كذبتي
مشيت واحد المنطقة جبلية البارح لقضاء اليوم مع أطفالي
وديت معي السلاطة وأنواع مختلفة من اللحوم (المشاوي) الكبدة والكفتة والميركيز
وكملتها بالمزاح
وكليت حتى الجلبانة خضرة

أم حفصة
03-05-2010, 12:03
ام سامي كدايرة الحبيبة..........بغيت نسولك على السالمية كيف تديري ليها و لاش تتليق........هانا في الانتظار........

أم سامي
03-05-2010, 12:11
http://img183.imageshack.us/img183/8716/e34905119coz9.gif


اليوم كما تواعدنا نبدأ الصيام على بركة الله
http://www.21za.com/pic/decoration001_files/4.gif



أقترح عليكم مائدة أسبوع الصيام

الإفطار
- ثمرات (7) وحليب خال الدسم
- قهوة أو شاي بلا سكر
- خبز كامل مع زيت زيتون أو جبن لايت
- ياغورت
-شوربة خضار (ما فيهاش البطاطس)
اكثري من شرب الماء

http://www.21za.com/pic/decoration001_files/4.gif
العشاء أو السحور

- لحوم بيضاء (150غ) مشوية أو في الفران
خضر وسلاطة
- إما خبز كامل (طريف واحد) أو أرز أو بطاطس
ياغورت

http://www.21za.com/pic/decoration001_files/4.gif

-أكثرن من شرب الماء
- الفواكه بين الوجبات
نقيع الأعشاب بلا سكر

أم سامي
03-05-2010, 12:17
أخواتي لكل واحدة حق اختيار إفطارها وسحورها
غير لا بد من احترام القاعدة العامة
ممنوع السكريات
الإكثار من الماء
الفواكه لا تلأكل مع الوجبات
الخبز كامل
الإكثار من الخضر
التفليل من الدهون

أم سامي
03-05-2010, 12:20
ام سامي كدايرة الحبيبة..........بغيت نسولك على السالمية كيف تديري ليها و لاش تتليق........هانا في الانتظار........
كيف دايرة أم حفصة
راني كنت تنكتب الفطور والسحور
بالنسبة للسالمية
أنا تناخذها دائما إما وحدها بلا سكر أو مع الشاي الأخضر ومع سكين جبير راها تمتص الدهون
راها غزالة غير جربوها
والناس اللي فيهم الكولسترول راها مزيانة ليهم

الوردة هنودة
03-05-2010, 12:29
عرفتي يا ام سامي انا دابا في فترة الحيض ، ام شاء الله غير نغسل نبدا معاكم الصيام ـ نيت باقي عندي 7 ايام من رمضان هههههه الله يسمح ليا و خلاص ـ المهم نبدا معاكم الصيام و نفطر بحالكم و نحاول نتحرك بالنهار . لكن غير صبروني


http://www.zero-complexe.com/Reglette-Regime/reglettes042010/reglette-10-05-02-8450-84.png (http://www.zero-complexe.com)

أم سامي
03-05-2010, 12:48
أهلا الوردة
وقبل ما تبداي معنا الصيام
راه الصفحة 87 فيها واحد النصائح والحمية اللي غادي تعجبك

سمية ام عبدو
03-05-2010, 14:16
لبنات شريت ميزان الكتروني...و تعبرت لقيت فيا 82.5 هئ هئ هئ...بغيت نتفقص...مع انني كنتحرك و مكنعسش بنهار...و لكن الفقايص قتلوني..كنطيح فالنقيب عميه...
افطاركم زوين...تقريبا هو اللي طيحت بيه 7.7كيلو فرمضان....الله يعاونكم...
السالميه راها كتضعف...و شربوا حتى سكينجبير طري مطحون مع الماء بارد..رائع..انا عاد شريت مولينكس...غادي نشريه و نطحنوا و نديروا فالثلاجه..راه ممكن تحضري كمية 3 ايام الى فيك العجز بحالي...

أم سامي
03-05-2010, 16:43
شكرا سمية تبارك الله عليك

أم حفصة
04-05-2010, 09:14
ام سامي كيف داز عندك الصيام ديال البارح..........انا ان شاء الله اغتسلت ليومة من الحايض وانا صايمة بادن الله تعالى .........و الله العظيم غير الاحساس بالصيام تهنيك من التفكير في هاد المصيبة ديال هاد الكرش.......
سمية ميبقاش فيك الحال الحبيبة راكي ماشي غير بوحدك حتا انا اكيد غادية نكون بحالك و لا كثر......فقسة صافي.......

أم سامي
04-05-2010, 09:34
السلام عليكم ورحمة الله وبركاته

كيف الحال يا بنات
أم حفصة بيني وبينك النهار مجبد والبارح راسي بقا تيوجعني بحال دوك اللي مقطوعين
عيني ما بقيت قادة نفنحهم، وزدتها بالأيروبيك جيت من لاصال كان المؤذن أدن، فلم أتمكن من الأكل لأن رأسي
ظل يؤلمني. لقد احترمت الوجبة التي وضعت في ص143، وشربت 3 كيسان كبار ديال سكين جبير والحامض
وحتى خذيت دواء الرأس وشربت القهوة كحلة عاد تحلو لي العينين

أم سامي
04-05-2010, 09:37
هذا النهار قمت مع الثالثة والربع وشربت الماء وسكين جبير وكاس ماء عادي
وبعد صلاة الصبح رجعت نعس شوية وقمت للتحضير لأبنائي
في انتظار تقولو لي رأيكم في الفطور خلال فترة صيامنا

أم حفصة
04-05-2010, 10:29
[QUOTE=عشوشة;1943916][SIZE=5]السلام عليكم ورحمة الله
امسامي راكي غيبتي!! ياك ما شي زرود ههههههههه
ام حفصة غير مرضتلك الرجيلة وعملتها سبة وفسيتي الحايل والجديد!! ههههه المهم ماغدتكونيش زدتي بزاف وهاذ المرة متحرميش راسك راه الريجيم القاسي هو الي كيخليك تنتقمي من الأكل!!!
[COLOR=Red]عشوشة كدايرة الحبيبة و الله مكدبتي فيها راني بصح درت السبة بالمرض و بالرجيلة هههههه و ختك طاحت في الماكلة ما بقات ناضت و اش ندير راه القهرة صافي........

omomohamed3
04-05-2010, 20:16
مساء الخير عليكم جميعا باركو لي اليوم كان عندنا الميزان وراني أنقصت 2 كيلو دابة عندي 83إنشاء الله أدخل في 70 اللهم لك الحمد وشكر

omomohamed3
04-05-2010, 20:18
فينك يأم حفصة مالكي مجيتيش لصال ياك خير إنشاألله ألا بدلت توقيت واش كاين شي نقصان

om adam11
04-05-2010, 21:41
السلام عليكم انا وزني 107 كلوغرام و الطول 1.78متر .حمستوني غدي نبدا الرجيم من غدا انشاء الله بغيتكم تساندوني بقترحاتكم اله يخلكم يا خوتي و لي عندها شي وصفة ترسلها ليا و شكرا

أم حفصة
04-05-2010, 21:44
مساء الخير عليكم جميعا باركو لي اليوم كان عندنا الميزان وراني أنقصت 2 كيلو دابة عندي 83إنشاء الله أدخل في 70 اللهم لك الحمد وشكر
تبارك الله عليك الزين راكي غادية في الطريق..........مبروك عليك و العقبى الوزن المثالي............اوا ختك تعبرات ليومة 81 .........تصوري فرحت بززززاف لانني كنت متوقعة كثر مع الدوا و تفتحات لي الشهية بزززززاااااف اوا الحمد لله راني فزت ب 6 كيلو وخت رجعات 4 المهم
ليومة كنت صايمة النهار كان زوين
فطرت ب كاس قهوة مع الحليب مسوس+زلافة ديال الشوربة +5 دغيمات ديال الخبز و شوية السلاوي ..............-في الليل ناخد دانون و لا حليب..........انا متنتسحرش .......هاد الشي هو الفطور و العشا و السحور الله يجعل البركة.ههههههههههه

om adam11
04-05-2010, 21:44
ومبررررررررررررررررررررررررررك omomohamed3

omomohamed3
04-05-2010, 22:31
الله إبارك فيك أم أدم وعقباليك إنشاألله راه غير مع إرادة وعزيمة تحققي كل ماتتمناي راني كنت عايشة في سعودية غير أكل أنعاس ألى خرجنا غير سيارة أكل روز كينفخ نهار جيت المغرب فياشي 100كيلو بحال فيل حشاك إلى أمشيت أشوية أنعود أنهج أنجلس لما دخلت لصال كنوزن 98 كيلو أدابة الحمدلله فيا83 راه غير تبداي رياضة أرجيم أعجبك الحال متبقايش تقدي أتوقفي أعليهم

maman de zaineb
04-05-2010, 22:37
بسم الله الرحمن الرحيم
دخلوني معاكمو لكن يا اختي ام ليلى حاوليانن تكتبي لناللرجيم ديال الاسبوع ,راني خرجت على راسي راني خديت واحد الاقراص كسد الشهية لنن سد ليا للمخرج راني دابا ماشي في الرجيم كنفكر في حل لهاذ المصببة ديال البواسير

omomohamed3
04-05-2010, 22:37
الله إبارك فيك أختي أم حفصة الله إعاونك على صيامك أحاولي شوية على نفسك متكتريش في ريجيم مع تونسيو وقلب راكي تبارك الله عدت أتباني أغزالة تقادات فورمة عندك بزاف أنشوفوك يوم خميس إنشاء الله

أم حفصة
04-05-2010, 22:43
الله إبارك فيك أختي أم حفصة الله إعاونك على صيامك أحاولي شوية على نفسك متكتريش في ريجيم مع تونسيو وقلب راكي تبارك الله عدت أتباني أغزالة تقادات فورمة عندك بزاف أنشوفوك يوم خميس إنشاء الله

اوا الحبيبة اش غادية نقول ليك فرحت بززززاف لانني كنت غير الا كليت شوية بزايد تنتزاد في الاسبوع حتى 3 كيلو ........و الله العظيم من اخر عبار لدبا كليت بحال الغولة و متزاديتش بززززاف .....فرحت لان هدا تعني حاجة وحدة هي انني مبقيتش تنتزاد بسرعة.....واقيلا الهرمونات عندي بداو تتقلصو هههههههههه

أم سامي
04-05-2010, 23:17
مساء الخير عليكم جميعا باركو لي اليوم كان عندنا الميزان وراني أنقصت 2 كيلو دابة عندي 83إنشاء الله أدخل في 70 اللهم لك الحمد وشكر
تبارك الله عليكم في هذا القاعة ديال الرياضة، بهذا الشكل غادي ديرو نفس وتنقصو من اليمنة
مبروك عليك لهلا يرجعهم


السلام عليكم انا وزني 107 كلوغرام و الطول 1.78متر .حمستوني غدي نبدا الرجيم من غدا انشاء الله بغيتكم تساندوني بقترحاتكم اله يخلكم يا خوتي و لي عندها شي وصفة ترسلها ليا و شكرا
أختي مرحبا بك في تجمعنا، تقدري تراجعي الصفحة 87 راه فيها ريجيم طبي وجيد
لا بد لك أختي من العزيمة ثم الرياضة والأكل الصحي
اخذي 5 وجبات صغيرة في اليوم عوض 3


تبارك الله عليك الزين راكي غادية في الطريق..........مبروك عليك و العقبى الوزن المثالي............اوا ختك تعبرات ليومة 81 .........تصوري فرحت بززززاف لانني كنت متوقعة كثر مع الدوا و تفتحات لي الشهية بزززززاااااف اوا الحمد لله راني فزت ب 6 كيلو وخت رجعات 4 المهم
ليومة كنت صايمة النهار كان زوين
فطرت ب كاس قهوة مع الحليب مسوس+زلافة ديال الشوربة +5 دغيمات ديال الخبز و شوية السلاوي ..............-في الليل ناخد دانون و لا حليب..........انا متنتسحرش .......هاد الشي هو الفطور و العشا و السحور الله يجعل البركة.ههههههههههه
أم حفصة راه الفطور ديالك مائة في المائة


الله إبارك فيك أم أدم وعقباليك إنشاألله راه غير مع إرادة وعزيمة تحققي كل ماتتمناي راني كنت عايشة في سعودية غير أكل أنعاس ألى خرجنا غير سيارة أكل روز كينفخ نهار جيت المغرب فياشي 100كيلو بحال فيل حشاك إلى أمشيت أشوية أنعود أنهج أنجلس لما دخلت لصال كنوزن 98 كيلو أدابة الحمدلله فيا83 راه غير تبداي رياضة أرجيم أعجبك الحال متبقايش تقدي أتوقفي أعليهم
أم محمد راه العزيمة والإرادة القوية هي اللي تساعدنا على التغلب على نفسنا


بسم الله الرحمن الرحيم
دخلوني معاكمو لكن يا اختي ام ليلى حاوليانن تكتبي لناللرجيم ديال الاسبوع ,راني خرجت على راسي راني خديت واحد الاقراص كسد الشهية لنن سد ليا للمخرج راني دابا ماشي في الرجيم كنفكر في حل لهاذ المصببة ديال البواسير
الحبيبة ديالي، شحال من مرة قلت ليك لا تأكلي مثل هذه السموم
عليك أولا بشرب الماء طايب مع سكين جبير طري + القرفة أعواد (اشربيه مور الأكل)
الماء طايب ونصف حامضة + الكمون حبوب وتشربيه طول اليوم
الشاي الأخضر بدون سكر بعد الأكل
راجعي الصفحة 87
سلامي وقبلاتي لكوثر وزينب
أخواتي نقدم ليكم أختي الصغيرة



اوا الحبيبة اش غادية نقول ليك فرحت بززززاف لانني كنت غير الا كليت شوية بزايد تنتزاد في الاسبوع حتى 3 كيلو ........و الله العظيم من اخر عبار لدبا كليت بحال الغولة و متزاديتش بززززاف .....فرحت لان هدا تعني حاجة وحدة هي انني مبقيتش تنتزاد بسرعة.....واقيلا الهرمونات عندي بداو تتقلصو هههههههههه

حالتي مثل حالتك
حتى أنا فاش تناكل غير شوية تيبان علي
الله يستر وخلاص
علاش ما بشيتيش تتريضي
أنا البارح تريضت ودرت آلة الفيبرور 20 دقيقة

أم سامي
04-05-2010, 23:23
هذا النهار، لم يوجعني راسي بزاف
خذيت غير الفطور اللي كان غلى الشكل التالي:
5 ثمرات و2 كيسان حليب خال الدسم
زلافة قهوة بلا سكر + خبز كامل مع الكاشير
2زلافات الصوبة بالحامض
ساعة بعد ذلك خذيت شوية ديال المزاح
دابة راني موجدة الماء والقرفة وسكين جبير
وقبل النوع غادي ناخذ كاس ديال أكتيفيا

أم حفصة
05-05-2010, 12:55
حالتي مثل حالتك
حتى أنا فاش تناكل غير شوية تيبان علي
الله يستر وخلاص
علاش ما بشيتيش تتريضي
أنا البارح تريضت ودرت آلة الفيبرور 20 دقيقة


الحمد لله يا ام سامي النهار داز زوين و مشيت درت لاصال مع 7 ديال العشية ........ومسخفتش بزاف......

أم حفصة
05-05-2010, 14:59
سلامي وقبلاتي لكوثر وزينب
أخواتي نقدم ليكم أختي الصغيرة


مرحبا باخت ام سامي......القسم نور .......و كيف ما قالت ليك ام سامي بعدي تماما على الادوية راه كلها سلبيات..........عليك بالرياضة و الريجيم و شوية ديال الصبر لا نت لا حنايا ......وها حنا تهنينا........

اروىرؤى
05-05-2010, 15:17
السلام عليكم

انا اخت معاكم وحبيت نقص في وزني ساعدوني ارجوكم
طولي 150سنتيم

كان وزني في السابق110كيلو ودرت الريجيم ولية 92كيلو والان زاد وزني 97كيلو وعمري 21 سنة وانا جد محبط ارجوكم افيدوني
جزاكم الله خيرا
انا بنتضاركم

أم حفصة
05-05-2010, 15:34
السلام عليكم

انا اخت معاكم وحبيت نقص في وزني ساعدوني ارجوكم
طولي 150سنتيم

كان وزني في السابق110كيلو ودرت الريجيم ولية 92كيلو والان زاد وزني 97كيلو وعمري 21 سنة وانا جد محبط ارجوكم افيدوني
جزاكم الله خيرا
انا بنتضاركم


الحبيبة اولا مرحبا بيك معانا .......و نقول ليك مسالة نتية مزاااااال صغيرة على هاد الوزن بززززاف ......و لكن تنقول ليك لا للاحباط........حنايا دبا بدينا من الاثنين اسبوع ديال الصيام نقدرو نكملو على اسبوع على حسب......بغيتي تبداي معانا الصيام مع تقليل الكمية ديال الافطار و العشا و السحور رجعي الصفحة 143 ربما .....راه فيها نمودج افطار و الا مبغيتيش الصيام رجعي الصفحة 87 راه فيها ريجيم صحي متكامل .......و صبري باش توصلي راه كنا بحالك و ربما اكثر منك.......و لكن مع الصبر كلشي تسهاااال

اروىرؤى
05-05-2010, 16:04
الحبيبة اولا مرحبا بيك معانا .......و نقول ليك مسالة نتية مزاااااال صغيرة على هاد الوزن بززززاف ......و لكن تنقول ليك لا للاحباط........حنايا دبا بدينا من الاثنين اسبوع ديال الصيام نقدرو نكملو على اسبوع على حسب......بغيتي تبداي معانا الصيام مع تقليل الكمية ديال الافطار و العشا و السحور رجعي الصفحة 143 ربما .....راه فيها نمودج افطار و الا مبغيتيش الصيام رجعي الصفحة 87 راه فيها ريجيم صحي متكامل .......و صبري باش توصلي راه كنا بحالك و ربما اكثر منك.......و لكن مع الصبر كلشي تسهاااال
ربي يحفضك ام حفصة
صح هاد الوزن كبير عليا بنسبة لستي
ونا غادي نبدا معاكم الصيام من غدوة يلا حب ربي
ان شالله يبلغلي الوزن لي نحوس عليه انا ونتوما ورايحا ندخل كل يوم ونشارك معاكم سلام وربي يوفقنا كامل

ام عبد االرحمن
05-05-2010, 20:20
ام سامي الله يخليك واش عندك حل لتصغير الصدر و شده

عباد الرحمان
05-05-2010, 21:06
السلام عليكم أخواتي
أنا جيت بعد غياب كانت تندخل نطل عليكم وتنخرج أنا باقية مع 73 كيلو حتى كانبدا ريجيم و كانمرض عاوتاني وكانرجع من لاول أنا مشكلتي منين كانمرض كاتفتح ليا شهية بالعكس إوا ليوم بديت ريجيم البرنامج كان كتالي فطور كاس عصير مع بيسكوي غداء شوية ديال سفة شعرية شربت قبل كاس سكينجبير بارد و مور لماكلا كاس سكينجبير مع قرفة الكوتي الشاي مع لبطبوط شوية لفرماج و الكاشيرو كاس سكينجبير+ القرفة العشا تفاحة كاس زعترو فلييو ...واخا بان ليا هاد شي ماشي حتى لهيه ،الرياضة حتى هي وقفتها مع لمرض :17kisa::manga23:

عباد الرحمان
05-05-2010, 21:12
سمعت بواحد لوصفة تحيد لكرش هي زريعة لكتان و حب رشاد والقرفة عواد نديروهم مع لما طايب وكل نهار تشربي منهم كاتستعمليها لمدة 3 أشهر و قالو عندها نتيجة مزيانة شنو رأيكم ؟؟؟

أم سامي
05-05-2010, 22:53
السلام عليكم ورحمة الله وبركاته

اليوم داز النهار مزيان، مع 1ساعة الأيروبيك و20 دقيقة ديال الفيبرور
الفطور كان عبارة عن سوائل وشوية الثمر، راني واصلة لي حتى العظم
إلى ما بنتش لكم غير دعيو معايا وخلاص
الله يسهل الأمور
البنات الجدادات مرحبا بيكم حتى يكون عندي الخاطر ونجاوبكم
الأخوات راهم قايمات بالواجب

omomohamed3
06-05-2010, 11:45
الله إحفظك أم سامي والله لفرحانة مين نقصت وزني وخصوصا لما كيقولو ليا البنات في لصال راكي تقاديتي أضعافتي هد شي لبغينا حتى أحنا متبقاش فينا نهجة ديال السمنة ألي ألبسناها أتجي أعلينا

سمية ام عبدو
06-05-2010, 15:04
ام سامي الله يفرج همك...و يفرحك...
تيشا...حب الرشاد كنسمع عليه مخشصوش يتخاذ بصفة دائمة..مره مره....الكرش نقصي غير الخبز و تشوفي.....انا كنت كنشرب واحد خالوطه كنا مسميينها فواحد التجمع اخر...و كانت نتيجه زوينه...دخلات ليا الكرش...كنت كندير...ماء طايب...كمون..قرفه...شاي اخضر...سكينجبير...دائره ديال الحامض...نافع البستاني..و اذا كانوا اعشاب اخرين كنزيدهم...اوا كنخليه 1 ربع ساعه و كنشربوا..المذاق لا تسولي عليه... و لكن النتيجه زوينه...فكرتيني فيه ننوض نصاوبوا دبا نيت...

دلع
06-05-2010, 19:00
السلام عليكم راني رجعت بعد غياب حيت كنت سمحت فالريجيم ودبا راني وليت مرة اخرى دعيو معايا ندير كوراج هاد المرة و نشد مزيان فالرجيم ديالي

omomohamed3
06-05-2010, 19:21
مساء خير عليكم جميعا كدايرين مع رجيم أنا راه عدو ديالي رجيم غير كنقص من خبز أكنشرب ماء دافئ مع صباح أحيانا مكنتعشاش أمع رياضة هي أهم

omomohamed3
06-05-2010, 19:22
أختي أم حفصة كدايرة أكدازة عرضة بالصحة أراحة الحبيبة

عباد الرحمان
06-05-2010, 21:34
أم سامي الله يعوناك و يسر ليك أمورك و يجعل أيامك كلها فرح إن شاء الله

ام سامي الله يفرج همك...و يفرحك...
تيشا...حب الرشاد كنسمع عليه مخشصوش يتخاذ بصفة دائمة..مره مره....الكرش نقصي غير الخبز و تشوفي.....انا كنت كنشرب واحد خالوطه كنا مسميينها فواحد التجمع اخر...و كانت نتيجه زوينه...دخلات ليا الكرش...كنت كندير...ماء طايب...كمون..قرفه...شاي اخضر...سكينجبير...دائره ديال الحامض...نافع البستاني..و اذا كانوا اعشاب اخرين كنزيدهم...اوا كنخليه 1 ربع ساعه و كنشربوا..المذاق لا تسولي عليه... و لكن النتيجه زوينه...فكرتيني فيه ننوض نصاوبوا دبا نيت...

أختي شكرا على لوصفة غي هو واحد سؤال لكمون نديرو حبوب و لقرفة عواد ولا مطحونة ونافع البستاني للي ذكرتي هو النافع لعادي ؟؟؟؟؟ هاد ليامات متبعة خلطة سكينجبير طري و لقرفة عواد .راها عقدتني هاد لكرش حتى حاجة مابقات تجي قدي ولاة خارجة ليا بحال إلى حاملة ههههههه

أم حفصة
06-05-2010, 22:05
أختي أم حفصة كدايرة أكدازة عرضة بالصحة أراحة الحبيبة

الله يبارك فيك الزين دازت زوينة الله يعطيك شي عراضة فاعلة تاركة ههههههههههه
ام سامي ليومة مصمتش لانني صبحت سخفاااانة بززززززاف و ضطريت نفطر.........الجمعة انم شاء الله صايمة......الله يقدرنا على هاد الشحومات و اللحومات.......

عشوشة
07-05-2010, 09:20
الله يبارك فيك الزين دازت زوينة الله يعطيك شي عراضة فاعلة تاركة ههههههههههه
ام سامي ليومة مصمتش لانني صبحت سخفاااانة بززززززاف و ضطريت نفطر.........الجمعة انم شاء الله صايمة......الله يقدرنا على هاد الشحومات و اللحومات.......


السلام عليكم ورحمة الله
اختي أم حفصة راه مكروه تبداي الصيام يوم الجمعة بدون اي سبب!!! وانا ارى انه لا يجب ان يكون الصيام من اجل الريجيم فقط فاما ان نصوم الإثنين والخميس والأيام البيض وإما لا حتى نأخذ أجر الصيام ونخلص اجسامنا من السموم

عشوشة
07-05-2010, 09:24
السلام عليكم ورحمة الله وبركاته

اليوم داز النهار مزيان، مع 1ساعة الأيروبيك و20 دقيقة ديال الفيبرور
الفطور كان عبارة عن سوائل وشوية الثمر، راني واصلة لي حتى العظم
إلى ما بنتش لكم غير دعيو معايا وخلاص
الله يسهل الأمور
البنات الجدادات مرحبا بيكم حتى يكون عندي الخاطر ونجاوبكم
الأخوات راهم قايمات بالواجب

أم سامي الله يفرج همك ويكشف غمك الحبيبة
شوف غير مشي وضرب واحد الكصعا دسكسو او شي لوحة دالشوكولا ممممممممممممم على حسابي هههههههههه

omomohamed3
07-05-2010, 11:44
صباح خير عليكم جميعا كدايرين متقولوش ليا حتى اليوم صايمين اليومة جمعة أضروري إكون كسكسو

أم سامي
08-05-2010, 10:10
الله إحفظك أم سامي والله لفرحانة مين نقصت وزني وخصوصا لما كيقولو ليا البنات في لصال راكي تقاديتي أضعافتي هد شي لبغينا حتى أحنا متبقاش فينا نهجة ديال السمنة ألي ألبسناها أتجي أعلينا
أم محمد الله يعيطيك الصحة، غير واظبي وغادي تجمعي مزيان وينقص حتى الوزن ديالك


ام سامي الله يفرج همك...و يفرحك...
تيشا...حب الرشاد كنسمع عليه مخشصوش يتخاذ بصفة دائمة..مره مره....الكرش نقصي غير الخبز و تشوفي.....انا كنت كنشرب واحد خالوطه كنا مسميينها فواحد التجمع اخر...و كانت نتيجه زوينه...دخلات ليا الكرش...كنت كندير...ماء طايب...كمون..قرفه...شاي اخضر...سكينجبير...دائره ديال الحامض...نافع البستاني..و اذا كانوا اعشاب اخرين كنزيدهم...اوا كنخليه 1 ربع ساعه و كنشربوا..المذاق لا تسولي عليه... و لكن النتيجه زوينه...فكرتيني فيه ننوض نصاوبوا دبا نيت...
شكرا سمية أم عبدو، الحمد لله
أختي حب االرشاد راه تيغلظ وتيديروه للنافسات باش يجيهم الحليب
أنا تنخلط كل حاجة على حدى: سكين جبير طري والقرفة عواد والحامض
أو الكامون حبوب والحامض والماء طايب
أو الشاي الأخضر والحامض وسكين جبير
راها النتيجة مائة في المائة

السلام عليكم راني رجعت بعد غياب حيت كنت سمحت فالريجيم ودبا راني وليت مرة اخرى دعيو معايا ندير كوراج هاد المرة و نشد مزيان فالرجيم ديالي
مرحبا بيك، راك معندك هروب من الكلغرامات


مساء خير عليكم جميعا كدايرين مع رجيم أنا راه عدو ديالي رجيم غير كنقص من خبز أكنشرب ماء دافئ مع صباح أحيانا مكنتعشاش أمع رياضة هي أهم
هاذ الشي إلى تمشيتي عليه راك مزيانة


أم سامي الله يعوناك و يسر ليك أمورك و يجعل أيامك كلها فرح إن شاء الله


أختي شكرا على لوصفة غي هو واحد سؤال لكمون نديرو حبوب و لقرفة عواد ولا مطحونة ونافع البستاني للي ذكرتي هو النافع لعادي ؟؟؟؟؟ هاد ليامات متبعة خلطة سكينجبير طري و لقرفة عواد .راها عقدتني هاد لكرش حتى حاجة مابقات تجي قدي ولاة خارجة ليا بحال إلى حاملة ههههههه
شكرا تيشا
نعم الكمون حبوب والقرفة عواد وإلى ما توفرش النافع البستاني ديري العادي


الله يبارك فيك الزين دازت زوينة الله يعطيك شي عراضة فاعلة تاركة ههههههههههه
ام سامي ليومة مصمتش لانني صبحت سخفاااانة بززززززاف و ضطريت نفطر.........الجمعة انم شاء الله صايمة......الله يقدرنا على هاد الشحومات و اللحومات.......

أنا صمت أربعة أيام متوالية (الاثنين الخميس) ونظرا لظروفي ما كنت تنقدر ناكل والو غير السوائل
راني نقصت واللا حتى غذا ونتوزن ونقول ليكم النتيجة


أم سامي الله يفرج همك ويكشف غمك الحبيبة
شوف غير مشي وضرب واحد الكصعا دسكسو او شي لوحة دالشوكولا ممممممممممممم على حسابي هههههههههه
عشوشة راني جاوبتك في الخاص
راني درت الكسكس والله ما داز لي


صباح خير عليكم جميعا كدايرين متقولوش ليا حتى اليوم صايمين اليومة جمعة أضروري إكون كسكسو
أنا راني توقفت وغادي نشوف واش نكمل واللا ندير برنامج ديال 1000 كالوري في اليوم

أم حفصة
08-05-2010, 18:55
سلاااااااااااااااام لجميع الغزالات دياولي............كيفكم..........ام سامي كدايرة .......ان شاء الله هاد الفكرة ديال 1000 كالوري زوينة............

أم سامي
08-05-2010, 20:14
كيف جاتك
منها ناكلو ومنها نختارو نوع الأكلات ومنها نشبعو
غدا إن شاء الله، سأقوم ببحثق حول الموضوع ونحط البرنامج الأسبوع الموالي

عشوشة
09-05-2010, 10:27
السلام عليكم ورحمة الله
انا كشهت عند طبيبة مختصة فالتغذية وعطاتني le régime dissocié! الفطور غير الفواكه!! ونوع واحد حتى نشبع!! اما الخبز فهو غااااااااائب فالأسبوع الأول!!
قطعت لي القهوة والحليب ومشتقاته! وحتى الشاي لأني كتجيتي حالات اكتئاب عاتيت منها في الماصي ولازالت تزورني من وقت لآخر !!!!
وسمحت لي بجبن المعز.....! والخضر بكثرة طازجة و مبخرة + سمك او دجاج بلدي كسكس ديال الشعير مع حمص أو خضر......
مع تيزان فوريفر و كثير من هذه المنتجات!!! كعصير الصبار الي كيعمل على تنقية الجسم مثل ديتوكس!
كيف ظهارلكم؟؟؟؟؟؟؟؟؟؟!!!!!!!!!!!!!!!

أم سامي
09-05-2010, 10:56
السلام عليكم ورحمة الله وبركاته

كيف حالك أختي عشوشة؟ نتمنى تكوني بألف خير
بالنسبة لهذا الريجيم أنا لم أسمع عنه سابقا
هل برنامجك عبارة عن فواكه خلال أسبوع أم ماذا؟

maman de zaineb
09-05-2010, 13:46
سلامي وقبلاتي لكوثر وزينب
أخواتي نقدم ليكم أختي الصغيرة


مرحبا باخت ام سامي......القسم نور .......و كيف ما قالت ليك ام سامي بعدي تماما على الادوية راه كلها سلبيات..........عليك بالرياضة و الريجيم و شوية ديال الصبر لا نت لا حنايا ......وها حنا تهنينا........

شكرا ام حفصة على اللترحيب والله يعونا على الكيلوات لي زايدة

عباد الرحمان
09-05-2010, 16:36
السلام عليكم أخواتي كيدايرين مع شي ريجيم.... إوا أنا ماشكيت عليكم هاد لمصران هلكني هاد ليامات حتى واليت شوية و هو يرجع ليا عاوتاني إوا ماكانش عندي مشكل معاه حتى ناض فمرة واحدة راه قالو ليا مزيان ليه نافع راني هادي يومين كانشرب فيه إوا الله يشافينا جميعا

laila03
09-05-2010, 22:43
السلام عليكم أخواتي كيدايرين مع شي ريجيم.... إوا أنا ماشكيت عليكم هاد لمصران هلكني هاد ليامات حتى واليت شوية و هو يرجع ليا عاوتاني إوا ماكانش عندي مشكل معاه حتى ناض فمرة واحدة راه قالو ليا مزيان ليه نافع راني هادي يومين كانشرب فيه إوا الله يشافينا جميعا



السلام عليكم
اختي لباس عليك والله يشفيك بغيت غير نسولك واش لمصران كيضرك غير ملي بديتي كتبع الرجيم
على حقاش انا عندي مجربا غير نبدا شي رجيم ينوض يحرقني لمصران معراف علاش

كنتمنى لعندها شي فكرة تفدنا بها

عباد الرحمان
10-05-2010, 14:01
السلام عليكم
اختي لباس عليك والله يشفيك بغيت غير نسولك واش لمصران كيضرك غير ملي بديتي كتبع الرجيم
على حقاش انا عندي مجربا غير نبدا شي رجيم ينوض يحرقني لمصران معراف علاش

كنتمنى لعندها شي فكرة تفدنا بها
لا أختي هاد لمشكل ولا عندي قبل من ندير ريجيم تقريبا من لعيد لكبير للي داز تما بدا يضرني ومنين مشيت عند طبيبة قالت ليا عندك لمصران و خاصني ندير ريجيم إوا أختك ماعكازا بقيت شحال عاد بديت ندير ريجيم زاعما ههه الله يشافينا جميعا

سمية ام عبدو
11-05-2010, 00:48
السلام عليكم
راني واقيلا فاق الوحش اللي بالداخل ديالي...ديال الرجيم زعما...و راه ام حفصه عارفاه...ياك ا سكينه؟ ماعلينا خلوينا من بلابلا
المهم...لييوم بديت الحمله...فالعشيه خذيت ملعقه ديال زريعه الكتان صحيحه مع ماء..و كليت اناناس...و خرجت اتمشيت شي ساعه الا ربع....و رجعت شربت الشاي الاخضر...و مشيت نشري دانون مسوس ساعه لقيت غير اللي فيه الحلوف....و جيت بحالي...و غادي نشوف باش نتعشى...و نقدر ندير بناقص....و راني شريت سكينجبير اخضر...باش نشربوا مره مره...غادي نحاول نلتزم بالمشي يوميا شكون تنضم ليا..و نقولوا كل يوم شحال اتمشينا؟

سمية ام عبدو
11-05-2010, 00:50
تيشا ميكون عندك باس حتى انا كينوض عليا المصران منين كندير الرجيم...كيدير الضد زعما...هههههه

رحاب الاسلام
11-05-2010, 09:35
السلام عليكم ورحمة الله وبركاته
كيفكم يا الغزالات ديال المندي ايوا تبارك الله عليكم غبرت مدة لقيت امنافسة زادت الله يوفقكم و اللي صايمة الله يقبل صيامها
ام سامي كيفك اتتي و الاولاد انشاءالله لباس عشوشة امحفصة لكم وحشة سمحولي مانيش متبعة معاكم هيت الكتبة بالعربية بالماوس كتكره منها المهم انا وزني راه 72 كغ و راني غادي نبدا الاسبوع المقبل بحول الله الجري مع زوجي هكدا بش وزني مايزيدش و راني ديما في الرجيم ديالي

عشوشة
11-05-2010, 10:33
السلام عليكم ورحمة الله وبركاته
تيشا تناولي النافع على الريق وقبل النوم راه مزيان للمصران الغليظ وحاولي تجنبي الخضر والمواد الي كتضر المصران!
الأخت سمية شفتك ما كليتي والو غير السوائل!!! ممكن فالليل تعش:s5334:اي بكرتان دالخضر او الكرعة بالجبن خالي الدسم او بيض بلدي او حتى سلاطة دردري عليها زريعة الكتان!!! واحد من هاذ الأكلات!!!
رحاب اهلا وسهلا نورتي المنتدى وتبارك الله عليك !حافظتي على وزنك
ام سامي فينك عسى المانع خير!:manga16:

أم حفصة
11-05-2010, 11:27
الحبيبات الطبيبزات كيفكم............انا من البارح و انا ريجيم............غادية نشدو ان شاء الله حتى الخميس اللي من بعد هدا حيت عندنا العبار يعني 10 ايام........المهم تنفطر بقهوة مع الحليب خالي من الدسم بلا سكر بطبيعة الحال..........تنتغدى بطبسيل ديال الفواكه خيار تفاح بعويد خوخ مقطع فوق منو كاس دانون لينيا........مداق واعر......العشية قهوة .....في الليل فواكه.......
غدا ان شاء الله ندير خضر مع الغدا ان شاء الله........
سمية ...هداك الوحش راه منين تجيني تنتخلع و الله...تنقول مغادية نشدها حتى 100 و الفوق.ههههههه و لكن الله تعالى كبير دغيا تنجمع راسي.......
رحاااب نهار كبير حيت طلليتي علينا .....
عشوشة كدايرة اختي لاباس عليك ......
تيتشا لاباس عليك
نتمنى تكونو كلكم لاباس
وواحد ام سامي معرفت مالها نتمنى يكون المانع خير ان شاء الله.....

loulou agadir
11-05-2010, 12:07
السلام وعليكم البنات كيفكم مع الرجيم انا اول مرة كنزور هذا القسم وكنتمنا متكونش الاخيرة باذن الله نعرفكم عن نفسي انا لولو اكادير وزني الحالي 88 كيلوا مشاء الله في 3 شهور زاد وزني تقريبا 7 كيلوا 0000000000000وطولي 1065من 3 اشهر تقريبا لا سويت رجيم ولا رياضة حنت كانوا عندي الضياف وما كان عندي وقت واليوم كنتمنا نستفد من خبرتكم في هذا المدة واش من رجيم اللي كيجيب ناتجة باش نتبع مشكوريييييييييييين

أم حفصة
11-05-2010, 12:21
السلام وعليكم البنات كيفكم مع الرجيم انا اول مرة كنزور هذا القسم وكنتمنا متكونش الاخيرة باذن الله نعرفكم عن نفسي انا لولو اكادير وزني الحالي 88 كيلوا مشاء الله في 3 شهور زاد وزني تقريبا 7 كيلوا 0000000000000وطولي 1065من 3 اشهر تقريبا لا سويت رجيم ولا رياضة حنت كانوا عندي الضياف وما كان عندي وقت واليوم كنتمنا نستفد من خبرتكم في هذا المدة واش من رجيم اللي كيجيب ناتجة باش نتبع مشكوريييييييييييين

مرحبا بيك الحبيبة معانا ....يمكن ليك ترجعي الصفحة 87 راه فيها ريجيم صحي متكامل و تقدري تبعيه بلا متشعري بالجوع و نتمنى تستافدي معانا .........وتخلصي من الشحومات الباقية......

سمية ام عبدو
11-05-2010, 16:47
عشوشه ضحكتيني....ههه راني مذكرتش الغذاء حيث كليت البيتزا...و بزاف...و لكن دارت ليا الاسهال فالعشيه...مزيان...فالعشيه خذيت 2 بيسكوت مع زبدة الفستق...صافي.
هاد الصباح شربت على الريق كاس صغير ماء مرقد فيه دائره ديال الحامض من البارح... و كاس ماء دافئ مع ملعقه عسل كيف كان يعمل الرسول عليه الصلاة و السلام....و بعد شويه خذيت ملعقه ديال زريعة الكتان مع كاس ماء دافئ....و فطرت ببراد اعشاب...لويزه نعناع زعيتره....مسوس...و خبيز مع شوية زيت لعود و شويييييييية كونفتير....

سمية ام عبدو
11-05-2010, 16:51
ام حفصه انا قصدت بالوحش...يعني الرغبه في الرجيم...تبعي معايا....مالك كنتي ماواكلاش منين قريتي.ههههههه
ام سامي...نتمنى آن تعودي بسرعه توحشناك.....الله يفرج همك و هم الجميع..

سمية ام عبدو
11-05-2010, 18:01
اتغديت بطبق عامر بسلطه مع الصوص فينيكريت...و فخذ دجاج مشوي..و طريف خبز...و 2 دغمات من ماكلة ولادي...و دبا كاس اعشاب.

سمية ام عبدو
11-05-2010, 21:20
لولو اكادير.....اواه فيك1065طول؟؟؟؟؟؟ قتلتيني بالضحك...دخلي الحبيبه ما حد كاين الحماس فالصفحه.

سمية ام عبدو
11-05-2010, 23:18
اوا فينكم الرشيقات ديال المستقبل؟ اوا غير فاق وحشي وغبرتوا!!!!!!!!!!واخا عليكم....المهم....من ورا الغذاء بشي ساعه خذيت مندرينه و شي شوية العنب.....و خرجت اتمشيت واحد نصف ساعه.....و كليت الكوتي ...كاس كبير اعشاب...و 2 توست قمح كامل مع زبسة الفستق....و لا للعشاء...فقط كاس شاي اخضر عند النوم...
هاني جبت ليكم واحد النصائح من 1 الموقع كنتمنى تستفدوا منهم.....

سمية ام عبدو
11-05-2010, 23:20
اه نسيت قبل من النصائح راني اتعبرت اليوم لقيت فيا 82.700...و هدفي نحيد 2كيلو هاد الاسبوع

سمية ام عبدو
11-05-2010, 23:27
هذه التجربة وجدتها في إحدى المنتديات عجبتني مره وهي تجربة رائعة وصاحبتها إنسانة رائعةنقص وزنها من78إلى 59 أردت أن أنقلها لكم لتستفيدوا منها خصوصا مع انتشار أنواع الرجيمات التي تتعب الجسم وتهلك الصحة وفي النهاية ربما نخسر جزء من الوزن وتخسر الصحة مع هذا الوزن المفقود...............(((رغد)))...
.تقول ( احببت ان اضع لكن تجربتي الخاصه في التنحيف وذلك حتى يستفيد الجميع ولا تقعوا في اخطائي التي جعلتني اطيل على نفسي المده التي نحفت بها


بداية فقد كنت اهتم بوزني كثيرا عندما كنت في الجامعه اما بعد ان انتهيت منها واخذتني دوامة العمل فلم اعد اهتم بوزني وكنت دائما ارى انني لازلت رشيقه حتى افقت على صدمه انني وفي ذات يوم اردت ان البس بنطال كنت امارس به الرياضه ولم البسه منذ زمن فوصل حتى فوق الركبه ثم اقسم الا يتزحزح ولا سانتي واحد من الذهول جلست احاول رفعه حتي انشق ومعه انشق قلبي وجلست في ذهول كيف وصلت لهذا المستوى ولم الحظ نفسي،وقمت بعدها وبدات في قياس فساتيني السواريه ولا مجال هنا لذكر ما فعلت لأنه كانت كارثه بالنسبة لي لأنني وقتها ايضا كنت على وشك الزواج
المهم طيران على اقرب طبيبه للتغذيه فأعطتني نظام غذائي سامحها الله عليه ،فقد كان صارما جدا عباره عن ربع رغيف سن للفطور معه ملعقتان او ثلاث فول او قطعة جبنه صغيره والغداء كان ثلاث ملاعق ارز او معكرونه مع ربع دجاجه وطبق خضار سوتيه والعشاء ربع رغيف مه **ادي
طبعا كان نظاما فاشلا خصوصا اني اعمل من التاسعه صباحا وحتى السابعه مساءا واتحرك كثيرا فانخفض ضغطي وبدات حالات الاغماء تنتابني في عملي
جلست معها قرابة الابع شهور وما انخفض وزني الااربع كيلوات فقط،تصوروا!!!!!!
مع العلم انني كنت محافظه جدا على نظامها وبصرامه كنت اطبقه
بعدها انقطعت عن الذهاب اليها وسائت نفسيتي جدا وفي نفس الوقت كانت المشاكل قد بدات تظهر في امر خطبتي وكان امر نهايتها امرا وشيكا لا يحتاج الا لبعض الوقت
وفي هذه الاثناء اخبرتني صديقتي في الهاتف ان اختها التي كانت سمينه جدا نحفت واصبح وزنها راائع طبعا سألتها كيف؟قالت كلميها انت واسأليها وطيران عالبنت وقالت انها تتابع مع طبيب تغذيه ما شاء الله عليه،اخذت موعد ورحت للطبيب واللي قلب راسي وعرفت منه
انني لم اكن اعلم معنى كلمة : رجييم


اولا بدا يسألني ان كنت اعمل ام لا وهل عملي مكتبي ام عضلي وهل انا عصبيه ام لا وما عاداتي الغذائيه وغيرها من الاسئلة الي استغربتها في البدايه،ثم بدا يشرح لي ان الوجبات اليوميه لا يجب ان تقل عن ست وجبات وان هذه هي السنه في الطعام ،واعطاني نظاما كالاتي:
الافطار نصف رغيف ومعه اي نوع احبه من الطعام كالبطاطا المقليه او الفول او حتى الفلافل وبأي كميه ولكن نوع واحد فقط،واصارحكن القول انني نظرت له وقتها نظرة يملئها الشك ولولا تغطيتي لعيوني لكان طردني على تلك النظره وبدا ت اكتإب واقول لا حول ولا قوة الا بالله هذا اولها،المهم لم يعبئ لسكاتي وقال

بين الافطار والغداء يجب ان تأكلي فاكهه او تشربي عصير او تأكلي باكيت من البسكويت الساده حتى ولو لم تشعري بالجوع وذلك حتى نجعل جهاز الحرق في الجسم يعمل ولا يتوقف وهذا هو السر فيمن لا تأكل طوال النهار ولكنها تسمن وبين من تأكل طوال النهار وتنحف،اما الغداء فقال انه نشويات وبروتين او خضار ونشويات والكميات مفتوحه،عند هذه النقطة لم اتمالك نفسي وقلت له صعبه هذه يا دكتور فقال لي لو حددت لك الكميات سيحدث احد امرين:

1 - ستكونين جائعه طول الوقت وهذا سيتعبك ويتعب نفسيتك ولن تستمري على النظام
2 - او انك ستحبطين من اول يوم وتأكلي كميات مضاعفه ونفس النتيجه انك ستتركين النظام
كما انه من الصعب ان اتي لإنسانه تأكل طوال النهار واقول لها لا تأكلي شيئ وبعد ان نتحف وتصل للوزن المطلوب فستعود الى اكلها السابق وتسمن مره اخرى وبالتالي فلا خضار سوتيه ولا يحزنون وانما من طعام البيت العادي
المهم بعد الغداء قال نفس الشيئ بين الغدا والعشا فاكهه او عصير او بسكوت
والعشا يكون تسعه ويكون زبادي وفاكهه او جبن وخبز والكميه كالعاده
اخذت الورقه منه وانا لا اصدق انني سأنحف على هذا النظام وازيدكم من الشعر بيت قال لو جتك الدورة خذي مرتين في الاسبوع حلويات بين الغدا والعشا،المهم رجعت البيت وبدات في التطبيق وكانت نتيجة الاسبوع الاول انني نحفت 2 كيلو وكانت سعادتي لا توصف

واستمريت مع هذا الطبيب وما ان وصلت الى ستين كيلو حدثت لي ظروف منعتني من الانتظام والذهاب اليه وما افقت الا وانا 68 كيلو

وعدت مرة اخرى جربت خلالها خلطة الكمون والليمون وكانت نتائجا فعلا خطيره جدا وايضا خلطة القرفه بالزنجبيل وجربت فتره رجيم التمرواللبن ،الى ان وفقني الله لاختيار الطريقة المثلي لي وهي نظام منع الاكل من بعد السادسه، جربت اولا ان امتنع من الثامنه ثم بعد اسبوع قدمتها للسابعه وبعد اسبوعين قدمتها للسادسه ولا ازال على هذا النظام الى الان وهو ما اتمنى ان استمر عليه طول حياتي.
نقاطا والان افرد لكن تفيدكن وهي خلاصة ما توصلت اليه في تجربيتي هذه :
- يجب دائما ان تكوني في حالة رضا عن شكلك الخارجي لأن الامر اذا لم يكن مصحوبا بالرضا يتحول الى هوس بالرجيم مما يؤدي الى ما لا يحمد عقباه.
2 - اصبري ثم اصبري ثم اصبري فما اكتسبتيه في سنه او اكثر لن يضيع في اسبوع فلا تتبعي الرجيمات التي تنقص كيلو في اليوم او خمسه في الاسبوع لأنها تضعف الجسم وتسبب تساقط للشعر وتؤذي البشره هذا غير العصبيه التي تشعرين بها اثنائها وعدم التركيز.
3 - لا تستخدمي ادوية التنحيف ،اكرر ابتعدن عن هذه الادويه التي تؤثر على المخ تأثيرا مباشرا ،وحاولي ان تتحكمي انت في نفسك.
4 - ادعي دائما ان تنحفين على خير وبصحة جيده فالدعاء نتائجه مذهله وكان يجب ان اذكره كنقطة اولى.
5 - نصيحه من القلب لا تخبري احدا انك بدأت نظام غذائيلماذا؟؟؟لأن الناس سيفعلون احد امرين اما انهم سيتابعون التغيرات التي تطرأعليك ويبدأون في احباطك عندما لا تنحفي واما انهم سيشجعونك لدرجة انهم سيضغطون على اعصابك،صدقنني والله عن تجربه فمن تابعني كان يقول لي لا يظهر عليك النحافه وشكلك كما هو وذلك لأنهم يرونني باستمرار فلا يجدون فرقا في الشكل،والباقين كانوا يتصلون مرارا وتكرارا ها ماذا فعلتي وكم نحفتي حتى الان حتى انني كرهت نظامي منهم.
- لا تجعلي الميزان هو المقياس الوحيد لك وانما خذي مقاساتك كل اسبوع مع الوزن وصدقيني ستجدين الفرق اما في هذا او هذا.
7 - اجعلي رجيمك منهاج لحياتك واسلوب ثابت ولا تجعليه فتره وتمضي،لأنك لو تعاملتي معه على انه شيئ مؤقت فصدقيني ستعودين للوزن الذي كنت عليه واكثر اذا تركتيه.
شرح لطريقة عمل جهاز الحرق بالجسم وشرح لنظام الرجيم ككل:

بالنسبة لعمل جهاز الحرق فقد قال لي الطبيب ان اقصى وقت يجب ان يجلسه الانسان بدون طعام هو من اربع ساعات حتى سبعه بعدها يبدا الجسم يتهيأ لحدوث مجاعه وبالتالي يخزن الوجبة التي يتناولها الانسان بعد كل هذا الوقت ولا يحرق منها شيئ دفاعا عن نفسه ولهاذا تسمن التي لا تتناول الا وجبة او اثنين فقط طول اليوم وانما يجب ان نأكل ثلاث وجبات رئيسيه وبينها فواكه او عصير حتى نطمئن جهاز الحرق في الجسم اننا ندخل له الطعام بالنتظام فيحرق ولا يخزن شيئ،مع مراعاة ان نضبط المواعيد بمعنى بعد الافطار بساعتين او ثلاث اخذ الفاكهه وليس كل نصف ساعه اضع شيئ في فمي،فالتنظيم اساس كل شيئ ومراعات الاوقات ايضا،فقد قال لي الطبيب لو تغديتي طبق حلويات كوجبه لما سمنتي ولكن لو كل ربع ساعه اخذتي قطعه لضمنت لك زياده اربعه كيلو في الاسبوع!!ايضا اعود واؤكد على تنظيم المواعيد فيجب
ان تكون مواعيد وجباتي منتظمه او على اقل تقدير اوقاتها متقاربه فيكون افطاري مثلا في التاسعه او العاشره وليس يوم التاسعه ويوم الواحده وهكذا.

الرجيم ايضا كان يعتمد على الاستيقاظ المبكر والنوم المبكر ومما ادهشني قول الطبيب ان السهر ولو لم يأكل الانسان يسمنه والاستيقاظ مبكرا ولو اكل الانسان ما يشاء يساعد على النحافه وكان ذات مره ان علم الطبيب انني بدات استيقظ في السادسه صباحا ولا انام بعدها الا الظهر فأعطاني وجبه في السادسه قال لي كلي فيها اي شيئ تريدي لأن هذه الوجبه ستحترق كلها لأنها في الصباح الباكر.
ايضا بالنسبه لطريقة طهو الطعام فإننا لو تعودنا على الخضار السوتيه او المسلوق ثم عدنا بعد انتهاء الرجيم لطريقة الطهو العاديه فان الجسم تلقائيا سيعود ليزيد في الوزن وكذلك الحال مع الحليب واللبن والجبن الدايت ،وبالتالي فان من الافضل ان نأكل اثناء الرجيم من طعامنا العادي مع ترك المقليات فقط،وهذه نقطه لم افكر بها ابدا ابدا الا عندما لفت نظري اليها الطبيب.

والخلاصة ان الفكرة الاساسيه لهذا الرجيم هي:1
- ضبط اوقات الطعام
2 - عدم الاكل بين الوجبات الرئيسيه الا مرة واحده ويكون الاكل فيها فاكهه او عصير او بسكويت ساده اي بدون كريمه.
3 - النوم مبكرا والاستيقاظ مبكرا.
4 - استخدام الاطعمة العاديه والبعد عن كل ماهو للدايت حتى لا يتعود عليه الجسم ويكتسب بعدها الوزن بسهوله.
5 - تثبيت وقت يومي او اسبوعي لممارسة الرياضه.وافضلها المشي.
6 - في حالة الصيام نفطر على ثلاث تمرات وماء او عصير او حساء وبعد 20 دقيقه نأكل وجبه تتكون من صنفين فقط مثل الارز واللحم او السمك والخبز ..اي شيئ ولكن صنفين فقط.
7 - عدم جمع اكثر من صنفين في الوجبه لأن مما يزيد الوزن هو كثرة الاصناف في الوجبه فنكتفي بصنفين فقط.
8 - شرب الماء بكثرة يعني ما لا يقل عن ثلاثه لتر يوميا موزعين على اليوم كله.
9 - انتبهن ولا تتركن السكر العادي ومسموح باستخدام ملعقتين فقط في اليوم لأن الامتناع عن السكر يؤذي الكبد.
10 - ممنوع استخدام اكثر من كوب حليب واحد في اليوم كامل الدسم.كيف تجعلين الرجيم اسلوب حياة وليس فترة وتنتهي
الانسان يا اخواتي ماهو الا مجموعة من العادات بمعنى انه تعود على اشياء معينه ولهذا يلتزم بعاداته،فإذا حاول تغيير هذه العادات بصدق فإنه ينجح مع مرور الوقت ،فأنا تودت ان استيقظ مبكرا وتعودت ان اقلل تدريجيا من طعامي وتعودت الا اكل المقالي وتعودت الا اشرب المياه الغازيه وصدقوني بعد فترة لن تفتقدي هذه الاشياء في حياتك ابدا ابدا،كنت في بداية امتناعي عن الطعام بعد السادسه اشعر بضيق وبجوع ولكن لم يمضي اسبوعان الا وقت تعودت فلم اشتهي الاكل ابدا والله بعد السادسه حتى انه في بعض الاحيان اذا كنت معزومه على العشاء عند احد اكل فقط كي اجامله لكن احس ان بطني تتعبني بعد هذا الاكل لأنني عودت معدتي على عدم الاكل في هذا الوقت.

إذن:عودي نفسك على عادات مفيده واتركي ما تعودنا عليه من تلقائية في الطعام وتأكدن حبيباتي ان من ستتعامل مع اطعمة الدايت وادوية التنحيف والحميات القاسيه وستتعامل مع الرجيم كفترة مؤقته في حياتها تأكدن انها ستعود للرجيم دائما لأنها ستعود لوزنها القديم بعد ترك الرجيم وادواته من اطعمة وادويه.

واعجبتني كلمة سمعتها وهي ان الانسان يستطيع ان يتعالج من ادمان المخدرات لكن علاج ادمان الطعام اصعب لأننا نحتاج لجزء منه في حياتنا اليوميه فالذكاء هو كيفيه معرفة التعامل مع هذا الجزء المطلوب،وللعلم فمدة تجربتي كانت سنه كامله)

أم حفصة
12-05-2010, 11:19
ام سااااااااااااامي فين هاد الغبورات ........الله يرجعك لينا على خير................نتمنى يكون المانع خير........
سمية .......يا الله دخلات معايا هاد القضية ديال وحشك.هههههههه.....اوا الحبيبة انا الوحش تنقولها الا طحت مبقيت تنعقل من الماكلة............في راسك راني جامعة راسي شوية و نتمنى نوصل شي 74 و لا غير 76 من هنا نهار 20 في الشهر.......حيت عندنا العبار في لاصال منو الحفلة........هاد القصة اللي نقلتي لينا عجباتني بزززاف و بصح الا التازمنا بواحد النظام غادين نولفوه .......غير حنايا مهرامات شوية تنقطعو الماكلة بنوبة و نرجعو ليها بنوبة........الله يصاوب.......
سمية عقلت منين كنا في التجمع لاخر كنا درنا التكاشط كل وحدة و لون تكشيطها ....ههههه كنا تنكتبو بالاحمر و الله العظيم تمنيت كون بقينا في هاداك النظام ديال الالوان باش نلبس على خاطري التكشيطة الزرقا....ههههه حيت راني لابساها دبا....هههههههه

عباد الرحمان
12-05-2010, 11:40
السلام عليكم كيدايرين البنات كاملين
السلام عليكم ورحمة الله وبركاته
تيشا تناولي النافع على الريق وقبل النوم راه مزيان للمصران الغليظ وحاولي تجنبي الخضر والمواد الي كتضر المصران!
الأخت سمية شفتك ما كليتي والو غير السوائل!!! ممكن فالليل تعش:s5334:اي بكرتان دالخضر او الكرعة بالجبن خالي الدسم او بيض بلدي او حتى سلاطة دردري عليها زريعة الكتان!!! واحد من هاذ الأكلات!!!
رحاب اهلا وسهلا نورتي المنتدى وتبارك الله عليك !حافظتي على وزنك
ام سامي فينك عسى المانع خير!:manga16:

شكرا أختي عال معلومة إن شاء الله نجربها غي هو واحد سؤال واش نديرو فلماء يطلق ولا غي نصرطو هاكاك حبوب

سمية ام عبدو
12-05-2010, 13:42
ام حفصه....فكرنا فنفس الشيء...حتى انا تفكرت التكاشط البارح و بغيت نقتارحوا هنا....و معرفتش واش تعجبهم الفكره...المهم حتى تجي ام سامي و نقتارحوها هليها...و انا كنقول ليها نساي الهم ينساك...راه كل وحده فينا ربي اللي عالم بيها...غير كندخلوا نطيروا علينا شويه وصافي.

أم حفصة
12-05-2010, 19:43
سلااااااااااااااام لكل الحبيبات ..........سمية لاباس عليك ..........عشوشة ...........رحاب باني عليك الامان.........تيتشا لاباس..........ام سامي و ما ادراك ما ام سامي.........واقيلا الى مدرقة ورا شي قصرية ديال الكسكسو و لا شي قصرية ديال الثريد......غير باني ما غاديش ناكلو معااك ....ههههههه......نتمى تكوني بالف خير.......
انا ناقصة الماكلة بزززاف........نتمنى يجيب معايا شي نتيجة......

سمية ام عبدو
13-05-2010, 00:52
اليوم نهاري ما فيه ما يتكتب.....و كملتها مع العشيه مشيت عند ولدي للمدرسه ...كان عندهم..خرجه من الصباح...و جابوا ليهم الاباء الاكل...و انا ديت ليهم كسكسو...اوا كليت من كل شيء...واحد الشينويه ما كلات والوا..منين قلت ليها مكليتي والوا....قالت لي ما فياش الجوع......حتى انا ماكانش فيا الجوع!!!!!!!!!!

أم حفصة
13-05-2010, 09:53
اليوم نهاري ما فيه ما يتكتب.....و كملتها مع العشيه مشيت عند ولدي للمدرسه ...كان عندهم..خرجه من الصباح...و جابوا ليهم الاباء الاكل...و انا ديت ليهم كسكسو...اوا كليت من كل شيء...واحد الشينويه ما كلات والوا..منين قلت ليها مكليتي والوا....قالت لي ما فياش الجوع......حتى انا ماكانش فيا الجوع!!!!!!!!!!


ههههههههههه و راكي قتلتيني بالضحك.....اوا تهلليتي في راسك و صافي....معجباتني غير ديك الشينوية...ههههه دارتها بيك ياك....هههههه حنا راه قاتلانا غير كرشنا......عرفتي مالنا.......
تنقولو ناكلو من هدا عمرنا مكليناه ...غدا ندير الريجيم و نطيحو......لا ريجيم تنديرو......لا كيلوات تنطيحو...تبقى شي يتزاد على شي...و النتيجة .الحالة لا النفسية و لا المعنوية و لا الشكلية تتحمر لوجه......غير الله يلطف بينا و خلاص......

أمة الله_wafaa
13-05-2010, 12:13
السلام عليكم البنات
كيدايرين لباس
انا واحد الهرابا بديت انا لولا مع ام سامي وهربت ههههههه
ولكن دابا وليت و بعزيمة كبيرة اني نتخلص من هاد الشحمات ولحمات ههه
انا بديت هادا واحد شهر ووقفت اسبوع رديت فيه الاغلبية د الوزن لفقدت
دابا انا غادا نيشان وراني طيحت بفضل الله 6.6 كغ تالدابا
كان فيا 110 ودابا راني ف 103.4
نتمنا تقبلوني معكوم :81:

أم حفصة
13-05-2010, 12:26
السلام عليكم البنات
كيدايرين لباس
انا واحد الهرابا بديت انا لولا مع ام سامي وهربت ههههههه
ولكن دابا وليت و بعزيمة كبيرة اني نتخلص من هاد الشحمات ولحمات ههه
انا بديت هادا واحد شهر ووقفت اسبوع رديت فيه الاغلبية د الوزن لفقدت
دابا انا غادا نيشان وراني طيحت بفضل الله 6.6 كغ تالدابا
كان فيا 110 ودابا راني ف 103.4
نتمنا تقبلوني معكوم :81:
مرحبا بيك و الف مرحبا .....شوفي نساي الشهيوات واحد المدة و جمعي لي راسك مزياااان .....و غادية تلقاي براسك ضعافيتي و تهننيتي من الهم الكبير.....شوفي ام سامي راه كانت حطات ريجيم في الصفحة 87 زوين الا بغيتي تبعي ريجيم متكامل و طيحي فيه على الاقل شي كيلو و نصف حتى جوج كيلو في الاسبوع........
نتمنى ليك التوفيق و كلشي على الارادة .....انا تنكتب ليك دبا و عصافير بطني تزقزق.هههههههههه......غير الله يصبرنا......

أمة الله_wafaa
13-05-2010, 15:13
مرحبا بيك و الف مرحبا .....شوفي نساي الشهيوات واحد المدة و جمعي لي راسك مزياااان .....و غادية تلقاي براسك ضعافيتي و تهننيتي من الهم الكبير.....شوفي ام سامي راه كانت حطات ريجيم في الصفحة 87 زوين الا بغيتي تبعي ريجيم متكامل و طيحي فيه على الاقل شي كيلو و نصف حتى جوج كيلو في الاسبوع........
نتمنى ليك التوفيق و كلشي على الارادة .....انا تنكتب ليك دبا و عصافير بطني تزقزق.هههههههههه......غير الله يصبرنا......

الله يبارك فيك اختي ام حفصة
هههههه خليها تزقزق هاهيا مونساك هههه
انا الجوع ديالي نفسي مشي عضوي هههه:s5364:
كيجيني صعيب نتبع رجيم محدد حيت مشي ديما كيكون عندك المستلزمات ديالو
كنفضل نكول الموجود ولكن بالقياسا ونبعد علا الدهنيات
وكنحاول نتجنب "الريجيم" حيث كيكون فترة وكتسالا
من الاحسن الواحد يبدل عاداتو يتحرك كتر ويكول حسن باش معمرو يولي ترجع ديك الكلوات
شبانليك اختي نتينا؟؟؟ نكمل هكا ولا نبدل السيستيم؟؟
اه بغيت نباركليك على الكلووات اللي طيحتي تبارك الله عليك
و كان عندي واحد السوال اذا سمحتيلي
انا خايفة اني ملي نطيح هاد الوزن الكبييييير الجلد ديالي يترهل و يولي عندي فائد فيه
بغيت نسولك اذا استعملتي شي حاجة باش تحافدي عليه
وسمحيلي اذا طولت عليك

أم حفصة
13-05-2010, 21:40
الله يبارك فيك اختي ام حفصة
هههههه خليها تزقزق هاهيا مونساك هههه
انا الجوع ديالي نفسي مشي عضوي هههه:s5364:
كيجيني صعيب نتبع رجيم محدد حيت مشي ديما كيكون عندك المستلزمات ديالو
كنفضل نكول الموجود ولكن بالقياسا ونبعد علا الدهنيات
وكنحاول نتجنب "الريجيم" حيث كيكون فترة وكتسالا
من الاحسن الواحد يبدل عاداتو يتحرك كتر ويكول حسن باش معمرو يولي ترجع ديك الكلوات
شبانليك اختي نتينا؟؟؟ نكمل هكا ولا نبدل السيستيم؟؟
اه بغيت نباركليك على الكلووات اللي طيحتي تبارك الله عليك
و كان عندي واحد السوال اذا سمحتيلي
انا خايفة اني ملي نطيح هاد الوزن الكبييييير الجلد ديالي يترهل و يولي عندي فائد فيه
بغيت نسولك اذا استعملتي شي حاجة باش تحافدي عليه
وسمحيلي اذا طولت عليك

شكرا الحبيبة الله يبارك فيك.....و كيف ما قلت ليك كلشي على الارادة و العزيمة و الصبر ....الصبر...........حتى انا كنت تنتخنق لمجرد انني نبدا شي ريجيم ...و بالاحرى نديرو و لكن الله تعالى الى بغا يسر شي حاجة تيسرها .......و مسالة ان الجلد يترهل.......صح يترهل الى طيحتي الوزن غير بالريجيم حيت انا دبا مترهلش لي.......عندي في فخادي و لكن متبعة الحديد في لاصال للصدر و الافخاد باش يتجمعو.الحمد لله درعاني تجمعو.تصوري معايا الوزن اللي كان يعني الى تفشو راه مصيبة و لكن مع الرياضة تجمعو الحمد لله........عليك بلاصال و ....و الحديد مغادية تلعبيه حتى طيحي على الاقل شي 10 كيلو....نتمنى نكون افدتك....

سمية ام عبدو
14-05-2010, 00:59
هاي هاي على الناس ديال الحديد!!!!و راك واعره ا سكينه مبقيتش ندوز من حداك....
امة الله...غير كملي راك فالطريق الصحيح....و عليك بالماء بزافففففف...

عشوشة
14-05-2010, 09:14
السلام عليكم ورحمة الله
هاذ الشينوبة كذكرني بحديث الرسول عليه الصلاة والسلام: نحن قوم لا نأكل حتى نجوع ونأكل ولا نشبع.... أحسن ريجيم على الإطلاق!!
أم حفصة والله كتبقاي فيا لأن فطور هزيل وهاذ الوجبة مهمة اذا استفتحت بشي عصير او فاكهة وطريف خبز زرع مع زيت زيتون ومربى دايت!!! وفالغداء متكليش الخبز وكلي سلاطة وخضر حتى تتكهمي!!! + اذا كان موجود ابيض دجاج او سمك او بيضةبلدية والعشاء اقل من ما مضى!!!!!!
:s11873::s8659::manga23:أين أنت يا أم سامي اشتقنا إليك!!!!