إعـــــــلان

تقليص
لا يوجد إعلان حتى الآن.

الى كل الامهات يجاوبوني ربي يعطيكم ما تتمناو

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الى كل الامهات يجاوبوني ربي يعطيكم ما تتمناو

    السلام عليكم
    حبيت نسالكم الله يجازيكم
    انا حامل و لاول مرة شحال من مرة خصني نزور طبيبة النساء على الحمل
    واش بالصح يخصني زيارة كل 15 يوم او اسبوعيا
    و نوع الاطعمة اللي تفيدني رغم ان الوحم جاني صعيب بزااف ما بغيت حتى ماكلة اللي حطيتها في فمي نرجعها
    اشنو الحل الله يعطيكم ما تتمناو
    نستنى ردودكم
    شكرا
    لا اله إلا الله رب السماوات السبع و رب العرش العظيم
    اللهم إنا نسألك زيادة في الدين وبركة في العمر وصحة في الجسد
    وسعة في الرزق وتوبة قبل الموت وشهادة عند الموت ومغفرة بعد الموت
    وعفوا عند الحساب وأمانا من العذاب ونصيبا من الجنة وارزقنا النظر إلى وجهك الكريم

  • #2
    أختي الله يتبت حملك
    أما بخصوص الطبيب راه فعلا خاصك تبعي عندو باش يتبع مراحل الحمل ولكن مشي كل 15 ليوم هو لي غادي يقولك فووقاش ترجعي و فووقاش يمكن ليك ديري التحليل و اليكووغرافي .......





    تعليق


    • #3
      توضيح

      السلام عليكم
      شكرا للاخت ام ادم 1 على ردك و اميين ياربي على دعوتك
      حبيت نقول اليك اختي باللي مشيت عند طبيبة اول زيارة باش عرفت راني حاملة و عملت ليكوغرافي و بعد اسبوع رجعت عندها و اعطاتني دواء و بعد 15 يوم عملت تحاليل و قالت الي نرجع بعد اسبوع و سالت النساء اللي يجيو عندها كيف نظامها قالو زيارة كل 15 يوم او اسبوع حسب كل واحدة المهم اكثر مدة اسبوعين
      المشكل اختي عملت عملية حسابية لو نروح عندها كل اسبوعين او اسبوع و بالدواء اللي تعطيني نشريه راه بين 3000 درهم مغربي و 4000 فالشهر
      نتمنى تفهمي القصة انا ما عرفت واش بعض الناس يستغلو العلم انتاعهم باش ياخدو فلوس الناس و الا جات المسالة هكداك
      و تاني شيء سمعتو من عند الجدة قديم ما كانت لا زيارة طبيب و لا تحاليل و الامور تمشي سليمة و اشعة ليكوغرافي تضر بالجنين الله يحفظ
      سمحو اليا طولت عليكم
      نستنى ردودكم
      مشكورااااات بزاااااف
      لا اله إلا الله رب السماوات السبع و رب العرش العظيم
      اللهم إنا نسألك زيادة في الدين وبركة في العمر وصحة في الجسد
      وسعة في الرزق وتوبة قبل الموت وشهادة عند الموت ومغفرة بعد الموت
      وعفوا عند الحساب وأمانا من العذاب ونصيبا من الجنة وارزقنا النظر إلى وجهك الكريم

      تعليق


      • #4
        اختي الله يثبت الحمد ديالك

        حبيبتي اول زيارة للطبيب راه خاصو يكون منذ يوم

        غياب الدورة واحساسك بالحمل

        ومن تم تتبعي ارشادات طبيبك الخاص هو اللي

        غيحدد ليك المواعيد وكذلك التحاليل ونوع الاشعاعات الضرورية ليك

        وبالنسبة لشطر سؤالك الثاني

        بالنسبة للقيئ اللي تيجي في الصباح

        انصحك ما تنوضي من نعاسك حتى تاخذي شي طريف الخبز ناشف ديريه

        في فمك ومضغيه وعاد نوضي وجلسي في جانب السرير شوية

        عاد وقفي

        اما بالنسبة للقيئ اللي تايجي من ورا الماكلة فاشرحي حالتك لطبيبك وهو

        غيعطيك يا اما سيرو او حبوب لمنع القيئ تؤخذ ربع ساعة قبل الاكل


        اما التغذية فضروري تكون متوازنة تاكلي من كلشي ونوعيها

        ولكن عنداكي تديري بنصيحة كلي ل2 ناس

        لا لا راه الكمية ماشي هي المهمة بعكس الفائدة

        وربي يكمل اعليك بالخير ويفك وحايلك على خير

        تعليق


        • #5
          salam alaykom,mbrok 3lik akhti l7aml wlah yetbto lik ,akhti ana li kan3raf mn nisae wli mjrbah tebibe katemchi 3anda mara fchehar 7ta katdkhol f chehar 7 3ad katewli temchi kol 15 youm,tina chof chi tebiba akhra wt2aked ch7al mn mara kaymchiw nsae.....lah yekemel 3lik blkher a khti .

          تعليق


          • #6
            المشاركة الأصلية بواسطة نوارة مشاهدة المشاركة
            السلام عليكم
            شكرا للاخت ام ادم 1 على ردك و اميين ياربي على دعوتك
            حبيت نقول اليك اختي باللي مشيت عند طبيبة اول زيارة باش عرفت راني حاملة و عملت ليكوغرافي و بعد اسبوع رجعت عندها و اعطاتني دواء و بعد 15 يوم عملت تحاليل و قالت الي نرجع بعد اسبوع و سالت النساء اللي يجيو عندها كيف نظامها قالو زيارة كل 15 يوم او اسبوع حسب كل واحدة المهم اكثر مدة اسبوعين
            المشكل اختي عملت عملية حسابية لو نروح عندها كل اسبوعين او اسبوع و بالدواء اللي تعطيني نشريه راه بين 3000 درهم مغربي و 4000 فالشهر
            نتمنى تفهمي القصة انا ما عرفت واش بعض الناس يستغلو العلم انتاعهم باش ياخدو فلوس الناس و الا جات المسالة هكداك
            و تاني شيء سمعتو من عند الجدة قديم ما كانت لا زيارة طبيب و لا تحاليل و الامور تمشي سليمة و اشعة ليكوغرافي تضر بالجنين الله يحفظ
            سمحو اليا طولت عليكم
            نستنى ردودكم
            مشكورااااات بزاااااف



            اختي نوارة دابا فهمت السؤال ديالك على حقو

            اختي راه الزيارات اللي ضرورية عند الطبيب المختص

            كاين الاولى في اول الحمل وهي اللي درتي

            والثانية في نهاية الثلاث شهور الاولى

            والثانية في نهاية شهور الثانية يعني في ست شهور

            والاخيرة ملي تقربي تولدي ان شاء

            وهذا الى كان الحمل طبيعي وما حسيتي حتى بشي الم او

            نزيف لا قدر الله

            يعني هدو هما الزيارات العادية

            والى كان شي طارئ عاد سيري عند الطبيب

            وبالنسبة للطبيبة ديالك ممكن تبقاي متبعة عندها وملي تعطيك التحاليل

            خليهم حتى تبغي تمشي عندها عاد ديرهم وسيري في اخير الثلاث

            شهور

            ومن بعد واخا تقوليك رجعي من دابا 15 يوم جلسي حتى تقربي لست شهور عاد ديري التحاليل و سيري عندها باش تدير ليك الايكوكرافي والذي منه

            وهكذا حتى للثامن عاد سيري عندها باش تشوف التربية واش مقبلة

            واش الحمل عادي بالنسبة للوضع

            اتمنى تكوني فهمتي اعلية

            تعليق


            • #7
              كنت غادي نجاوبك بنفس الكلام اللي نصحوك بيه الاخوات.
              الله يتبت حملك و يسر ليك الامور
              بالنسبة للوحم انا جاني 9 شهور كاملة واخا الطبيبة جربت لي جميع الدوايات ديال الردان ما قضاو في والو. و الحمد لله كلشي داز بخير و بقات غير معاودة.


              تعليق


              • #8
                شكر

                السلام عليكم
                نشكر جميع الاخوات الفاضلات اللي ردو عليا ربي يجازيكم بالخير
                نقولكم امين على دعواتكم الي باش ربي يثبت حملي و نولد بخير و على خير و كل النساء الحوامل
                و بالنسبة للاخت نوارة ديزي شكرا بزاف لانك فهمتني واش ندير للاسف فيه اطباء يستغلو الفرصة و يخلعو الناس باش يبقاو ملتزمين بالزيارات كل اسبوع او اسبوعين بالكثير و هما يتخلصو فلوس كثيرة على كل زيارة و كل زيارة فيها اشعة و قياس ضغط و فحوصات ما تفهمها مادام المسالة هكدا ما تطلب زيارات متكررة نتبع بنصيحتك على الاقل نبقى نمشي كل شهرين و في الحالات الظرورية لا قدر الله ربي يحفظنا و يحفظ الجميع
                نشكركم بزاف مرة اخرى اللي وضحتو الي هاد الامور
                ربي يسعد ايامكم و يعطيكم الصحة و يرزق كل محرومة درية صالحة
                لا اله إلا الله رب السماوات السبع و رب العرش العظيم
                اللهم إنا نسألك زيادة في الدين وبركة في العمر وصحة في الجسد
                وسعة في الرزق وتوبة قبل الموت وشهادة عند الموت ومغفرة بعد الموت
                وعفوا عند الحساب وأمانا من العذاب ونصيبا من الجنة وارزقنا النظر إلى وجهك الكريم

                تعليق


                • #9
                  مساعدة

                  السلام عليكم
                  نطلب من الاخوات الكريمات اللي عندها حل للحموضة و حرقة المعدة تساعدني بيها مع العلم انني حامل في الشهر التاني و هديك الحموضة هي السبب في التقيء وو حمي صعيب بزاف
                  الله يجازيكم اللي تعرف حاجة تساعدني بيها راني تقهرت مع الوحم و الحموضة و زادني بومزوي ما نعرف لا ناكل و لا نشرب و لا ننعس حسنو عوني و ما تبخلو عليا الله يعطينا و يعطيكم الصحة
                  و شكرا
                  لا اله إلا الله رب السماوات السبع و رب العرش العظيم
                  اللهم إنا نسألك زيادة في الدين وبركة في العمر وصحة في الجسد
                  وسعة في الرزق وتوبة قبل الموت وشهادة عند الموت ومغفرة بعد الموت
                  وعفوا عند الحساب وأمانا من العذاب ونصيبا من الجنة وارزقنا النظر إلى وجهك الكريم

                  تعليق

                  المتواجدون الآن 1. الأعضاء 0 والزوار 1.

                  أكبر تواجد بالمنتدى كان 2,525, 26-09-2016 الساعة 21:58.

                  يعمل...
                  X