إعـــــــلان

تقليص
لا يوجد إعلان حتى الآن.

فين غادي ندي ولدي يلعب

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • فين غادي ندي ولدي يلعب

    السلام عليكم ورحمة الله تعالى وبركاته
    انا ام لطفلين ولد خمس سنوات و بنت سنتان و نصف بحكم سنهما وحاجتهما للعب والمرح وخصوصا الالعاب التي تحتاج لاخراج الطاقة التي اصبح الكثير من ابنائنا يبددنها في الصراخ و العراك ووو اشياء سلبية كثيرة احاول جاهدة ان ادهب بهم لاماكن مفتوحة كالغابة او البحر المهم هو الجري و التسلية و تبديل الجو ولكن في اغلب الاوقات وخصصا في فصل الشتاء احتار في اختيار مكان النزهة لدا اطلب من الاخوات ان يدخلن و يتفاعلن مع الموضوع الدي اصبح هم الكثيرات وهو فين غادي ندي ولدي يلعب
    الي تتدي ولدها لشي بلاصة وتتلقى فيها جميع ما يمكن للاولاد احبوه تقول لينا سميت المكان وفاش من مدينة كان ولو امكن العنوان الا كان موجود تنتمنى تتفاعلو مع الموضوع
    sigpic

  • #2
    [frame="1 80"]انا تندي بنتي لماجي بارك انا ساكنة بالرباط و ماجي بارك في سلا حدا فندق داوليز صراحة تنرتاح في ما جي بارك و بنتي تتحماق عليها و تنضلوا النهار كامل من الصباح حتى العشية تتباع فيها الماكلة و فيها العاب و مسرح و كل شي لكل الاعمار بيني و بينكم حتى انا تنلعب معاها و الله الى تنصغار ملي تندخل لماجي بارك و فيها غير الناس الكلاس و تتقام عليا تقريبا بشي 150 هاد شي الى شرينا بزاف حيت ما تيدخلوش الماكلة و في العشية تديروا فيها حفلات تيكون الجوق تيغني والله الى غزالة[/frame]




    " اللهم بلغنا وسلمناإلى رمضان وسلم لنا رمضان وتسلمه منا متقبلا "

    تعليق


    • #3
      السلام عليكم ورحمة الله تعالى وبركاته
      شكرا جزيلا اختي اناقة ريم انا سمعت بيه من خلال, مدرسة ولدي كانو عملو ليهم رحلة الى الرباط و داوهم لماجي بارك جا فرحان
      انا تندي ولدي للنادي ركوب الخيل في المحمدية في الطريق الي تتادي للمدرسة الفلاحية مزوين فيه مسبح و ملعب تنس و مني كولفو ملعب كرة القدم وفيه العاب للصغارو حتى فيه حقول مزروعة بحال الا مشيتي لشي فرماة ثمن الدخول 20درهمداخل فيها مشروب او امتطاء حصان صغر بوني ولدي تيعجبو الحال لان تيحماق على الحيوانات وتما تيلقى كل الاصناف البقر و الخرفان المعز الطاووس الدجاج القرد السلاحف و سيدهم العاود بكل انواعه فيه حلبة قفز على الحواجز بالنسبة للمنخرطين واليبغا ادوز عطلة في هدوء الطبيعة عندهم شاليهات للكراء وفيه سنك للاكل الخفيفة المهم يوم كل هدوء و جو نقي تيتقام علي انا وراجلي ووليداتي بزوج مابين 180 حتى220درهم
      sigpic

      تعليق


      • #4
        السلام عليكم
        انا كنديه ل لوبي لاند في حى الالفة الفردوس في الدار البيضاء و مرة مشينا لكريزي بارك في دار بوعزة
        و كاين حتى نادي الخيالة فيه مسبح خاص بالنساء و اخر بالرجال و فيه الخيل كاين في تيط مليل طريق الكارة

        تعليق


        • #5
          السلام عليكم ورحمة الله تعالى وبركاته
          شكرا اختي الزهراء ام علي على المعلومة وياريث تقوليلينا شحال تتكلفك كل خرجة باش تكون عندنا فكرة
          sigpic

          تعليق


          • #6
            السلام عليكم
            اختي بالنسبة لولدي عندو 3 سنوات يعني ما كيلعبش في الالعاب كلهم كنشريو لو 50 درهم ديال جوتون
            و الدخلة بينا كاملين 13 درهم
            يعني في الطاكسي فين كنضيع الفلوس تقريبا 40 درهم يعني الخرجة كاملة ب 100 درهم هذا بالنسبة لوبي لا ند
            اما كيزي بارك كنت كنمشي مني كانت السيارة حتى هو تقريبا نفس الشئ
            اما نادي الخيالة الدخلة للمسبح ب 30 درهم الكبار و 20 درهم الصغار و اقل من 3 سنوات ماكيخلصوش و غالبا كنديو معنا الماكلة ديالنا من الدار

            تعليق


            • #7
              السلام عليكم اخواتي

              حتى انا عندي بنيتة غادا تقفل عامين ان شاء الله و مسكينة قتلاها غير بالنعاس اكترية فهاد البرد لانه ما عندك فين تخرجي...داك العام كنت كنديها مرة مرة للبحر لحقلش باباها ما كيعجبوش يمشي لهاد لبحر هنا...الاكترية كنسافر نبدل لحيوط...مرة لدارنا ففاس و مرة لدار راجلي فتطوان...بدا كيسخن الحال دابا و الله ما عرفت فين غادي نبقى نخرجها و معامن تلعب...
              اخنتي ام محمد...هادي اول مرة كنسمع على هاد نادي ركوب الخيل ...فين بلاصة جا
              واش بعيد

              تعليق


              • #8
                المشاركة الأصلية بواسطة salimamaroc مشاهدة المشاركة
                السلام عليكم اخواتي

                حتى انا عندي بنيتة غادا تقفل عامين ان شاء الله و مسكينة قتلاها غير بالنعاس اكترية فهاد البرد لانه ما عندك فين تخرجي...داك العام كنت كنديها مرة مرة للبحر لحقلش باباها ما كيعجبوش يمشي لهاد لبحر هنا...الاكترية كنسافر نبدل لحيوط...مرة لدارنا ففاس و مرة لدار راجلي فتطوان...بدا كيسخن الحال دابا و الله ما عرفت فين غادي نبقى نخرجها و معامن تلعب...
                اخنتي ام محمد...هادي اول مرة كنسمع على هاد نادي ركوب الخيل ...فين بلاصة جا
                واش بعيد


                السلام عليكم ورحمة الله تعالى وبركاته
                شكرا على المرور اختي هاد النادي يوجد في طريق فضالات بحال الى غادا للمدرسة الفلاحية
                وكاين قرية سياحية جميلة جدا تتواجد بالجبل منظرها روعة سميتها dream village مناسبة للعائلات فيها حديقة للحيوانات و منتدى للخيل ومسبح ومطعم فاخر تيطل على الطبيعة روعة وفندق الي بغى يدوز شي ايام ربيعية في هدوء الطبيعة
                وكاين الكارتينغ في طريق الرباط الرئيسية في الحقيقة عاودولي عليه بالحق مازال ما مشيت لو
                sigpic

                تعليق


                • #9
                  المشاركة الأصلية بواسطة الزهراء ام علي مشاهدة المشاركة
                  السلام عليكم
                  اختي بالنسبة لولدي عندو 3 سنوات يعني ما كيلعبش في الالعاب كلهم كنشريو لو 50 درهم ديال جوتون
                  و الدخلة بينا كاملين 13 درهم
                  يعني في الطاكسي فين كنضيع الفلوس تقريبا 40 درهم يعني الخرجة كاملة ب 100 درهم هذا بالنسبة لوبي لا ند
                  اما كيزي بارك كنت كنمشي مني كانت السيارة حتى هو تقريبا نفس الشئ
                  اما نادي الخيالة الدخلة للمسبح ب 30 درهم الكبار و 20 درهم الصغار و اقل من 3 سنوات ماكيخلصوش و غالبا كنديو معنا الماكلة ديالنا من الدار
                  السلام عليكم ورحمة الله تعالى وبركاته
                  شكرا على الرد والمعلومات يحفظ ليك وليدك و يخليه ليك
                  sigpic

                  تعليق


                  • #10
                    اختي مشكورة على الموضوع بزاف انا بعدا كنحس بتانيب الضمير من جهة ولدي عنده 5سنوات
                    لا يخرج ابدا الا اذا مشيت عند ماما او عند عدوزتي
                    المسكين كيشوف الاولاد من السرجم ويبقى حاضيهم
                    غتقولي ليا علاش ابيه ضد ضد الخروج الزنقة وفعلا اطفال صغار وكيقولوا العجب
                    اظف ايام عطل زوجي لاتتناسب مع عطل ابني
                    لكن زوجي تقريبا كل شهرين او تلاثة كيديني 3ايام او 4 الى مراكش جديدة او تطوان
                    وعندنا برنامج اخر انه في عطلة نهاية شهر مارس نكتري كابنو في طماريس ونذهب بالاولاد
                    10ايام (انا مسدلة يعني نحاولو نستمتعو بالبحر في وقت يكون خاوي من الفتن)
                    المهم انا كنحس ان هادشي مكافيش والدليل ان المدرسة ديالو كتشكى كتقول انه ذكي
                    لكنه يلعب ذاخل القسم ومشطون ووووو
                    سمحوا ليا طولت عليكم ولكن كنتمنى نلقى عندكم المشورة والاقتراح اللي ينفعني مع وليدي
                    ليس كل من يختنق يحتاج اﻷكسجين ها أنا أختنق وأحتاج أبي

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X