إعـــــــلان

تقليص
لا يوجد إعلان حتى الآن.

البنات عتقوني راني ماعارفة اشنو ندير

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • البنات عتقوني راني ماعارفة اشنو ندير

    السلام عليكم اش خباركم لاباس عليكم ان شاء الله تكونوا كلشي بخير وعلى خير
    جيتكم اليوم وكانتمنى منكم تساعدوني
    انا حامل بالشهر التاسع باقي ليا ان شاء الله شي اسبوعين ونولد باذن الله اوا دعيو مع اختكم الله يفك وحايلي على خير ان شاء الله
    المشكل انا خايفة من الولادة خصوصا انني عايشة في الغربة وماما متقدرش تجي لعندي وانا مقدرتش ننزل للمغرب لاني ماشكيت عليكم فترة الحمل كلها وانا مريضة
    المهم سمحوا ليا طولت عليكم بزاف
    عفاكم قولو ليا اشنو ندير في النفاس لانه هذا اول بيبي ليا وماعارفة ماندير وفين ما كانسول ماما كاتقول ليا غير تغطاي من البرد وصافي ولكن قريت في الانترنت بانه كاينين شي حوايج خاص النافسة تاكلهم وشي حوايج مخصهاش تاكلهم
    والله الا تلفت وماعارفة اشنو ندير عافاكم عاونوني راني ماعارفة والو حتى اللي سولتها كاتقولي منعرف
    كانتمنى تعاونوني والله يجعلها في ميزان حسناتكم وينوي ليكم اللي في بالكم ويرزقكم الجنة

  • #2
    شوفي الحبيبة الله يفكك على خير و تكون ان شاء الله الولادة عادية
    بالنسبة حبيبتي كيف قالت ليك ماماك تغطاي من البرد و حتى البيبي حاولي انك تغطيه مزيان من البرد لانك غادي تولدي فالبرد و لكن واش ما عندك لا صحابات ولا شي حد من العائلة اللي يقابلك على الاقل غير الاسبوع الاول لانك غادي تكوني والدة خصك مرة مرة الرفيسة بالعشوب و الحليب مع فليو و حب الرشاد و اي حاجة فيها العشوب راها مزيانة ليك فهاد الفترة و الله يفكك على خير و يدوز ربي كل شي بخير




    " اللهم بلغنا وسلمناإلى رمضان وسلم لنا رمضان وتسلمه منا متقبلا "

    تعليق


    • #3
      شكرا بزاف اختي اناقة ريم ربي يخليك
      ااااااااااااه يا اختي ماتفكرينيش فالرفيسة راني ماكرهتش ناكلها الا ولدت(ماشي مشكل والله حتى نوض نصايبها)
      ولكن كيف ما قلت ليك انا في الغربة كاينة في الخليج وماعندي تاواحد غير عكوزتي وراها مراة كبيرة مسكينة ماكاتعرف والو وانا اصلا بغيت داكشي المغربي ديالنا الذي لا يعلى عليه
      وخا هي مسكينة كاتدير ليا الماكلة وكاتزورني تقريبا كل نهار ولكن ماولفتش ماكلتهم وزيدون كانبغي ندير كلشي بيدي
      انا واحد الحاجة اللي قالت ليا ديري وشفت انها مزيانه لانه لقيتها حتى في النت خديت التمر ودوزتو في شوية ديال الزبدة وزدت عليهم حب رشاد والحبة السوداء
      هادشي اللي درت و عندي واحد ماما ماعندهاش مع هادشي
      الله يعين وصافي والله الا قنطت ومعرفت اشنو ندير

      تعليق


      • #4
        الله يفك وحايلك على خير ان شاء الله
        علمت ان رزقي لن يأخده غيري فاطمئن قلبي
        علمت ان عملي لن ينجزه غيري فانشغلت به
        علمت ان ربي مطلع عل فخشيت ان يراني علي معصيه

        تعليق


        • #5
          الله يفك وحايلك على خير اختي حتى انا في الغربة ومين ولدت مادرت والو حيت كنت عيانة غير خرجت من لكلنيك داك النهار بديت الشقا في الدار معندي حتى واحد يعاوني حتى من راجلي ربي يكون معاه الخدمة واخدالو كامل وقتو ولوكان ماربي لي عاوني كون راني حالة
          واشتا نصحك اختي ديري سفوف وكثري فيهم اللوز والقاوقاو ومين ترجعي لدارك مادابيك كل يوم في اليل تطيبي البيض مع الكمون وتاكليهم وكل يوم شربي ثلاث اكواب ديال الحليب في الصباح والغداء والعشاء على ود الكالسيوم ومتنسايش تشربي الماء بزاف حيت كيكثر الحليب على الاقل ليتر ونصف في اليوم وديري الكفتة وخا غير كويرات صغيرة وقليهم ومتنسايش تاكلي اي اكلة سخونة وما تشقايش بزاف حتى تشدي صحتك ماديريش بحال وخا راني مليحة بصح غير الله ستر نقول حسلي نرجع الدار تلمع حتى ايلا جا شي واحد يلقى الدار زوينة بصخ ميخصكش ديري هاك حيت الصحة هي الاولى
          اختي انا قتلك الاكلات ساهلة باش تقدي ديرهم خصوصا مين تكوني نفسة بعد غير باش تشدي شوية راسك ومتنسايش تعطي طفلك ثديك بعد الولادة مباشرة وايلا وجعك ثديك بزاف قلي شوية من الماء حيت الماء كيذر الحليب اي يكثره وربي يكون معاك



          حبيبتي ام الصالحين لا تنقطعي عن حبيباتك فغيابك كربيع بدون زهور

          تعليق


          • #6
            شكرا البنات بزاف ربي يخليكم ولكن كانتمنى تقولو ليا داكشي السخون اللي شعبي بحال حب رشاد و الحلبة والحبة السوداء واش ناكلهم ولا اشنو ندير والكرش واش نربطها بالمشد الطبي ولا ندير غير شي زيف خفيف

            البنات الصراحة ما قصرتو معاي الله يسهل عليكم ويجازيكم بالف خير

            تعليق


            • #7
              اختي انا قصدي على الحاجة السخونة ان كل ماكلة كليتيها تكون سخونة ماشي باردة اما لي كتقصديه الصراحة مكنعرفلوش بالنسبة للكرش كنت نربطها بالمشد الطبي بصح حداري مين تحيديها لبسي مليح حيت كتعرق حداري تخرجي في البرد



              حبيبتي ام الصالحين لا تنقطعي عن حبيباتك فغيابك كربيع بدون زهور

              تعليق


              • #8
                السلام عليكم ورحمة الله تعالى وبركاته
                الله ييسر ولادتك أختي
                كلنا في الهوى سوى فالغربة معلش الله يجعل كلشي مغفرة الذنوب
                أختي أولا جهزي شي سخان في غرفة البيبي كنظن حتى عندكم البرد فهاد الوقت المهم باش تحافظي على حرارة جسم البيبي من حيث هما حساسين بزا ف أو غير داك القربة ديال الماء الساخن تحطيها في الفراش ولما تحطي البيبي بإذن الله زوليها
                المهم هاد الشي غير باش ماننساش
                أختي التمر والحليب دفيه واشربيه ولما تحسي بأن ولادتك قربت اعمل الحليب بالقرفة والله عن تجربة كيسخن الكرش وكيساعد ومن بعد الولادة نفس الشيء ماتحسيش بالوجع
                بالنسبة للأكل حاولي وجدي شي طنجرة دالحريرة تنفعك مع البرد ومع الشهية دالماكلة ما كتبقاش كثري من الحاجة السخونة
                واشربي شاي اليانسون راه كيساعد على إدرار الحليب وإذا شفتيه بعد الولادة بإذن الله كثير دخلي الحمام واعملي مساج انقصي منه اشوية
                وكذالك إذا كان مؤلم حطي على صدرك كمادات باردة أنا عملتها بعد ما نصحاتني الممرضة لي كانت تجي عندي الدار
                وكذالك أوراق الملفوف بعد غسلها بماء فاتر<< الكرومب>>تهدء من ألم الصدر
                وإذا عندك مزال شي جهد وشي وقت وجدي شي حاجات وحطيهم فالفريزر باش ساعة يحطهوم غير زوجك يسخنو وتاكلي حتى تقدري توقفي على رجليك إن شاء الله
                إيوا ماتنسايش النظافة يوميا وكل مرة دخلتي الحمام عملي دش لنصفك السفلي ونشفي بفوطة خاصة وحاولي تهوي المنطقة تحت الفراش طبعا واحضي من البرد >>سمعت أخوات يستعملن السيشوار >>


                الحزام فعلا مهم أنا ما حزمتش فالولادة الأولى لكن دغيا دخلات الكريشة وفي الثانية ماحزمتش وللأسف مارجعاتشي بنفس الوقت كيف الأول
                لذا احسن تحزمي بالي متوفر وإذا كنت فالخليج كنظن عندهم هناك شي مشد للبطن خاص سولي فيه يمكن تلقايه

                ربي يفكك على خير وبخير وماتنسايش تخبرينا لما تولدي

















                ياما كان فيها ممالك .. إلاوجهه كله هالك

                من ترابها ولترابها .. من وكان في الدنيا مالك
                مين وكان في الدنيا ملكه .. إلا جاله يوم وهلكه
                مهما نوره طال ظهوره .. جاي ليل ع الدنيا حالك

                جاي ليل ع الدنيا ضلمة .. ياما ناس في الدنيا ظالمة
                في المظالم كل ظالم .. جايله ليل أسود وحالك
                ياما كان فيها وياما .. من هنا ليوم القيامة
                الممالك والمهالك .. مالي يا دنيا ومالك











                شكرا غاليتي أمنار


                حملة الدعاء لاخواننا السوريون يوم الجمعة هلمي اختي


                ،أستحلفكن بالله..الدعاء ثم الدعاء ثم الدعاء لاخواننا في سوريا.







                تعليق


                • #9
                  salam alah yfakak 3la khir akhti koli mazyan o labsi mazyan o hawli fi had 2 simanat li bakin lik tmachay fihom koli tmar o charbi lma bzaf bach yhawad lik bebe o mli twaldi hazmi rasek o karchak ila wladti tabi3i o 3andak tcharbi hadak chi li sekhon bzaf lahakach ila chrabti hadak chi bzaf yakdar alah yastar yawka3 lik nazif ana machabt hta haja hta dart 3 ayam 3ad kalt rfisa fiha msakhan o machi bzaf li darajat 2 dyal halmlat klaw m3aya

                  تعليق


                  • #10
                    شكرا ليكم بزاف والله الا فطنتوني لشحال من حاجة مكانتش فراسي
                    ربي يخليكم ويرزقكم بالذرية الصالحة ويخلي ليكم اهلكم واولادكم وكل مل عز عليكم

                    تعليق


                    • #11
                      حتى انا يا حبيبة فى غربة ووغدي نولد بوحدي حت ماما ما تقدش تجي عندي او ماكلتهم ما تتعجبنش هدا دول عربية تعلقة فى طياب
                      مهمه عليك بمساخن وراس حانوت ادا عندك حافظي عليه وصلقى البيض وعمله معه وهى رفيسة بمساخن وحلبة هى لي حسن ولكن حنا ما نقدوش نوضو نديروها لراسنا

                      ولكن على عموم انا سمع لك طبيب قال خصنا نكلو كلشي حتى تبعانا رضاعة وشنو ما كليتى تتحكمى على حليب ديالك يكون مزيان ولا لاء يعنى عليك بشربة خضارة لي عندك كلو طحنيه ودير غير ملح وشوية ابزار بش متكتريش من توابل حيت ادا بانو فى حليب ديالك المولود غدي يوالف عطيرة ونهار لي تبطليها ما يبغيش يرضع لك وهده سمعتها بنفسي من طبيب وكدلدك بعدي على ماكولات جاهز يعنى ماكدولنلدز وما جاوره ومشروبات غازية

                      وجيب دجاج وكفتة ولحم فيلى وقليه مع شربة خضارة وكتري من فوكه واهم حاجة كتري من تشيشة ديال شعير ولا ديال قمح مع حليب تكون طايبة هده عمتى كانت تديرها تبارك الله صدرها تيفيض بحليب مزيان بزاف باش دير لك حليب

                      فى ايام اولة ديرى هدا شي حيت ما فيهش تمارة حتى تولي لباس وعاد طيبى عادي ماكلتك والله يفك وحيلك على خير انتى الاولة وانا وراك ههههههه

                      تعليق


                      • #12
                        اه نزيدك نسيت اهم حاجة هى حوت وخصوصا السردين مشوي فى فران هدا هو لي تيدير حليب بزاف حيت غنى بفسفور انا الاسف ما كانش هنا فين انا حيت ما كين بحر حوت كترى منو بزاف خصوصا مشوي ولا طايب وبعدي على مقلى والله يسهل نتمى نكون فدتك

                        تعليق

                        المتواجدون الآن 1. الأعضاء 0 والزوار 1.

                        أكبر تواجد بالمنتدى كان 2,525, 26-09-2016 الساعة 21:58.

                        يعمل...
                        X