إعـــــــلان

تقليص
لا يوجد إعلان حتى الآن.

♣♣♣تجمع امهات الاطفال من عمر سنة الى 3 سنوات♣♣♣

تقليص
هذا الموضوع مغلق.
X
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #31
    مرحبا ب الجديدات
    نيتماناو إن شاء الله إفادة للجميع
    بنتي ولو واش مخليني نكتب
    لي عودة باش نحط برنمج اليومي ديالها







    تعليق


    • #32
      المشاركة الأصلية بواسطة ام هبة و ايوب مشاهدة المشاركة
      السلام عليكم و رحمة الله
      اعجبني الموضوع كثيرا انا ابني عندو عام و 20 شهر الله يحفظ وليداتنا كاملين
      المهم بالنسبة للمشي تمشى على 14 شهر تقريبا في حين ابنتي تمشات على 12 شهر
      اما مشكل الاكل غي خاليها على الله و صافي ما كيفطارش نهائيا حتى للغذاء ياكل اما بيري او سميدة او روز...و من بعد دانون لأنه ما كيبغيش الفواكه قليل شي مرات مع 4 كياكول نصف بنانة او ميريندا في الليل كياكول معانا اما لحم او دجاج أو حوت بالحق غير شوية و دانون و شي مرات لي باط كتعجبو
      طولت عليكم المهم انا ديما عندي مشكل الأكل و في الليل كيبات يشرب الحليب في الرضاعة الليل كامل مفيقني شي مرات كيشرب حتال لتر تاع الحليب
      اما بنتي فقصتها طويلة مع الأكل من بعد نحكيها ليكم للإستفادة ادا بغيتو للإشارة هي غاتدير 5 سنوات الأسبوع القادم.

      السلام و عليكم اختي ام هبة و ايوب الله يخلي ليك وليداتك و مشكل هدا مع ولد يااختي انا تنكره ديك العادة الماكلة بالليل غير حاولي تحيديها ليها دابة الصلاة على النبي بدا يكبر غير حاولي تشبعيه مزيان بالنهار و قبل ما ينعس يحسن عوانك الليل كامل وانتي فايقة تباتي تبردي و تسخني يصبح راسك مشقوق بحال الى بايتة في شي عرس هههههههههههه و بالنسبة للماكلة بقاي تبزي عليه و صاوبي ليه غير داك شي للي تيبغي بحال ليباط و حتى الكفتة دلراري تيبغيوها لان فهاد السن الدراري تيتعلموا اما ياكلو مزيان و لا ماكاينة شهية على طول شوفي غير بزي و ديري معاه الخاطر انا بنتي و الله الى بعد المرات تنبقى معاها بالخاطر نص ساعة و انا نسايس عاد تاكل و ناكل معاها و نقول ليها اجي نديرو مسابقة اللي سبق البطل مرة نقلدو الحيوانات في اكلهم و غير خليها عالله و صافي اما بنتك غير حكي لينا و خى هاد التجمع حدوا 3سنين و لكن ما فيها باس نتمناوا نفيدوك الله يهديهم




      " اللهم بلغنا وسلمناإلى رمضان وسلم لنا رمضان وتسلمه منا متقبلا "

      تعليق


      • #33
        السلام عليكم
        يسعدني الانضمام لتجمعكم
        عندي بسم الله ما شاء الله بنيتة عندها عام و شهر
        و بنيتة عندها 3 سنين و 4 اشهر
        يعني في الحد الاقصى و الادنى للتجمع ههههههه
        ان شاء الله نفيد بعض
        مريم رشيدة و الله لكو وحشة
        كدايرين الوليدات من ايام تجمع الحوامل
        و ماشاء الله خداونا الوليدات
        [frame="2 98"]
        اللهم اغفر لوالدتي وارحمها واعف عنها
        واكرم نزلها ووسَع مُدخلهاا واغسلها بالماء والثلجِ والبْردِ
        ونَقّهِا من الذنوب كما ينقى الثوب الابيض من الدنس،
        وارحمنا إذا صرنا إلى ما صارت إليه وجازها بالحسنات إحسانا
        وبالسيئات عفوا وغفرانا وافتح أبواب السماء لروحها برحمتك
        يا أرحم الراحمين.
        [/frame]


        تعليق


        • #34
          السلام عليكم ورحمة الله وبركاته




          ختي أناقة ريم تبارك الله عليك هاد تجمع غزال الله يخلي ليك بنتك و يخلي ليكم بناتكم و وليدتكوم جع العضوات و الأمهات ف أناقة مغربية
          بسم الله نبدا برنامج ديال سلمى بنتي من لباراح
          مفاقت مع ٨ فطرت ب طرف ديال خبز دارتليها فيه شوية من فروماج ديال فيلادلفيا






          مابغاتليش لحليب عطيتها مايا أتاي داوزات به
          كنت ف لاول كتلهاس ليا غير فروماج خلتها على راحتها هي تلحس وأنا نقطع شوية منو و ندخل ليها ف فمها حتى سالته

          من بعد معا ١١ بغات شي حاجة عطيتها تفاحة قشرتها لها و بقت شي تاكله شي تلعب بيه

          ف غدا سيبت كفتة مشارملا معا خزو جا زوين قلت ٢ كرة ديال كفتة كبار إلى جمعناهوم بجووج يعتيو حجم دل كرة تنيس داوزاتو ب طرف ديال خبز
          مني صالات أعطيتها كأس ديال عصير سيبت ف دار ب عصير ليمون و بربا و باننا و طرف ديال فاوكيه مخلطة

          صافي نعست من بعد ساعة فقط بقت كتلعب شوية
          من بعد أعطيتها دانون شوكولات
          مع ٧ دارنا جوت ٣ وكلها بابها قلت معاه بيض أومليت

          ف لعش درة مكرونة شيز ب ٣ أنواع ديال فروماج و دارت ف فرن حتى تحامرت شوية و كلتها معانا ف لعشا




          بقت شوية كاتقرا ف قصة ديالها و تلعب حتى عيت و دوشة ليها و خدت شوية لما و قرية عليها ماتيسر من قرآن و نعست

          ليوم ف صباح فاقت مع٩ و مع بابها حمق شوية عطاها دانون شكلت على صباح
          واخا تافقاست شوية ولين ماشي مشكل مهم تاكل من بعد كلت معايا شوية خبز معا فروماج

          ف غدا خدت حوت كلتو مزيان دابا نابتايم
          غاتنعس إن شاء الله

          بنتي كانت ماكتكلش ليا شي مرة ولكن مابقيتش نبازاز عليها واليت نخلها على هواها و إلى مابغاتش تقل مانجيبش ليها شي حاجة أخرى صافي تمشي تنعس
          وإلا كلت كانعنقها ونبووس باش تعرف راه ماماها فرحانة بيها
          و حيدة لها عصير ولا حلوى قبل مكلا والت تجوع شوية حمد لله
          و مرة جاتلي طبيبة ديالها خاصك غير تعرفي مقدار دماكلا لي تقل واش كافي صافي إلى كلت ماتلن ٤ معلق ديال خضرة ف غدا راه deja tres bon
          صافي واليت نواكلها لي تنشف كفيلها و بوحده واللة تبغي تقل و كيف مقالة أخت اناقاريم ف واحد موضوع ديالها routine كيلعب دور كبير

          لي عودة إن شاء الله
          في أمان الله







          تعليق


          • #35
            السلام عليكم ورحمة الله وبركاته

            اتمنى تكن بخير

            اختي اناقة ريم تبارك الله على ريم كتاكل مزيان ماشاء الله

            اما ماما سوسو فبرنامج ديالك تاهو دايزو الكلام الله يكبرهم في طاعة الله


            اللهم بارك لي في ولداي واجعلهما صالحين بارين بابويهما حاملين لكتابك الكريم



            طوبى لمن وجدفي صحيفته استغفارا كثيرا

            تعليق


            • #36
              جزاكن الله خيرا
              سبحان الله و بحمده سبحان الله العظيم

              تعليق


              • #37
                وفيما يلي البرنامج اللي درت اليوم مع منيب::::::::

                في الصباح وككل يوم الفطور كنعطيه ceralis هذا مع الحليب ولله الحمد كيكلو مزيان ولكن بشرط وهو ان يكون فيديه خبز مدهون المهم هو يكل هديك الخبز وانا نعطيه بلا هاد الخبز او البسكويت فيديه لن يفتح فمه هههههههه


                من بعد دانون

                موراها بشي سويعات عطيته اليسكويت خاص الدراري

                فاش بدا يجيه النعاس رضعته طبيعى ونعااااااااااااااااااااااااااس..........

                ملي ناض لقاني وجدت ليه الروز مع الكفتة والجزر اوا طحنتم وكلاهم

                موراها دانون وفاش كلينا حنا اخذ واحد طريف ديال البيتزا

                من بعد نص موزة

                من بعد بشي سوايع اعطيته الخبز مدهون زبدة وجبن ابيض وواحد كيوي


                اوا هذا ماكان فاش بغا ينعاس رضعته وتصبح على خير ياماما منييييب

                مع العلم فاش كيكون كيلعب ويجيه العطش اما كنرضعو شوية اولا كنعطيه الماء

                اوا الله يكبرهم على طاعة الله ورسوله


                اللهم بارك لي في ولداي واجعلهما صالحين بارين بابويهما حاملين لكتابك الكريم



                طوبى لمن وجدفي صحيفته استغفارا كثيرا

                تعليق


                • #38

                  السلام عليكم ورحمة الله وبركاته
                  الله يخليلكم وليداتكم أجمعين
                  بالنسبة لي بنتي كبرات دابا فعمرها عامين ونصف خفاف علي الحال الحمدلله ودخلتها الروض
                  نقدر نفيدكم ببعض الوصفات المنزلية الطبيعية اللي كنت كنوجد ليها ابتداءا من عمر7 أشهر
                  1 الصوبة
                  خيزوة
                  بطاطا صغيرة
                  لفتة بيضة
                  ...... صفرة
                  كرعة حمرة
                  ....... خضرة
                  حبيبات الجلبانة
                  البورو البسباس
                  نطيبوهم فكاسرونة مع القدر الكافي ديال الما وشوية د الملحة ومعيلقة الزيت البلدية وصافي
                  منين يطيبو نخليو معاهم شوية دالمرقة ديالهم ونمعسوهوم بالفرشيط ونعطيوهم بالمعلقة
                  كل ماخلطتي الخضرة كل ما كتجي بنينة
                  2العصيدة
                  نكبو كاس كبير ديال الما في كاسرونة ونشعلو عليه العافية منين يسخن نضيفو ليه 3 معالق كبار السميدة رقيقة وشوية الملحة ونخليوهم يطيبو على نار مهيلة مع التحراك المستمر منين تبدا تتقال وتطيب نضيفو كاس كبير ديال الحليب ونستمرو ف التحراك مرة مرةحتى التقال وتحلى بالعسل وتعطى للاطفال بالمعلقة
                  3البطاطا
                  بطاطا كبيرة مسلوقة
                  فرماجة
                  كاس صغير ديال الحليب
                  ويتطحن الجميع فمولينكس ويتكال بالمعلقة







                  تعليق


                  • #39
                    تبارك الله عليكم و على وليداتكم و برامجكم اليومية غزالة و ام الطيب شكرا عالوصفات الله يعطيك الصحة و شرفتنا بزاف الاخت المشرفة مغربية و افتخر مرحب بها وسطنا و زيدو تفاعلو و اعطيونا المزيد باش نستفدوا كلنا راه وحدة تتكمل الاخرى ماشاء الله علينا




                    " اللهم بلغنا وسلمناإلى رمضان وسلم لنا رمضان وتسلمه منا متقبلا "

                    تعليق


                    • #40




                      " اللهم بلغنا وسلمناإلى رمضان وسلم لنا رمضان وتسلمه منا متقبلا "

                      تعليق

                      المتواجدون الآن 1. الأعضاء 0 والزوار 1.

                      أكبر تواجد بالمنتدى كان 2,525, 26-09-2016 الساعة 21:58.

                      يعمل...
                      X