إعـــــــلان

تقليص
لا يوجد إعلان حتى الآن.

هل كل الأطفال مثل ياسمينة؟

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • هل كل الأطفال مثل ياسمينة؟

    ابنتي ياسمينة عمرها 5 سنوات ونصف ذكية ومتفوقة في دراستهاوطفلة عادية مثل الأطفال مشكل أنها مند توفت ماما رحما الله وهي تقول لي علش من غدي كبر غنموت واش غنموت دابا ولا تنكبر وأنت ماما غدتموتي اوتخلني بوحدي اوتتبكي بكاءهستري أنامابغش نموت انا شرحت لها ان موت علين حق وان كل إنسان لهابذةله ان يموت من وافىأجله وأنهاغتعيش وتكبري وتزوجي وتولدي ولداتك وتكبرهم وتزوجهم وتشفي حفيدك وغدي موت جميع ونتلقوا في الجنة انشاء الله وغدي نعشواجميع في الجنة لكنها تتبكي وتقول لي انهامابغش تكبر تبقى صغيرة بش ماتموتش وهذا سؤال تكرار كل مرة من تبغي تنعس ملحوظة ماما توفت سنة ونصف وكنت متعلقة بماما بزاف وحضرت من كانت ماما يرحما الله تتوفى

  • #2
    أولا تعازينا الحارة لك حبيبتي وعظم الله اجرك في امك رحمها الله

    أختي طفلتك قد حضرت للوالدة ديالك عليها رحمةالله مني كانت كاتوفى وهذا خطأ كبير لوليدات في هذا السن مكايعرفو والو ويمكن تكون ديك الساعة كاتلعب او كاتضحك ولكن هاديك اللحظات كاتبقا مرسخة في ذهن الأطفال ماشي ديك الساعة كايحسو بيها ولكن من بعد زيادة على البكاء ديالك قدامها وبكاء الآخرين الله يحسن لعوان ماشي ساهل الفراق هادشي كوللو كايأثر على النفسية ديالهم والاطفال أشد الناس انتباها لما يدور حولهم يمكن انا ننسى وقائع دازت من شهووور وكانتفاجئ مني كايدكروني بيها وليداتي هذا يعني ان الصورة كما شافوها والكلام كيما سمعوه كايترسخ فالذهن ديالهم وهذا ماوقع لبنيتك.
    اذن الحل هو تصبري ليها مازال مسالة وقت وصافي والقضية ديال كلنا غانموتو راها مازال معارفاش هي هاد الهضرة هي عندها الآن تخوف من المستقبل عندها شبح الموت قدام عينيها وانا كانتذكر اني كانت عندي هاد الحالة وانا في سن تقريبا 15 سنة مات عمي رحمة الله عليه كنت كانبكي ليالي كثيرة مع اني كانعرف الموت علينا حق وكانقول ديما غانصبح ميتة غدا هاكدا حتى نسيت اما بنتك شافت قدام عينيها الموت وهي مازالا صغيرة للي ننصحك بيه هو ماتجبديش ليها مازال حس الموت وتشغليها بشي قصة تفرحها ووقتما تحاول تجبد ليك الموضوع لهيها دغياوماتخلليهاش تسترسل في البكاء والحديث دغيا بدلي ليها الموضوع وقولي ليها راه ماما الله يرحمها جات عندي المنام وقالت لي نقراو عليها القرآن انا وياك وندعيو معاها ويلا بكيتي عليها مزال غاتقلق منك وحاولي اختي ماتبكيش قدامها عارفة ختي ماشي ساهل عليك ولكن فخاطر وليداتنا نصبرو وبكابرو باش يعيشو طفولة عادية هوما براءة ومانحملوهومش كتر من طاقتهم تحياتي اختي

    تعليق


    • #3
      شكرا أختي على مرورك تنتمنى يجوبني اخوات ويعطوني أراهم ومشكورين

      تعليق


      • #4
        الله يرزقك الصبر اختي
        والله يرحم الوالدة ويجعل متواها جنة الفردوس
        اختي منين بنتك تذكر الموت فهميهاانا جدتها تتراقبها من فوق وانها في السما باش تحظينا وتساعدنا في حياتنا ولكن الا بقات تتبكي غادي تغضب منها وما غاديش تكون راضية عليها وبانها تتقلق منين تتشوفها تتبكي والا كانت ضريفة غادي تجي عنها في المنام وغادي تهضر معاها لهذا لازم ما تبقاش تبكي
        اما عن الموت فمن الاحسن ما تشرحيش ليها لانك انتي بدون قصد جعلتيها تخاف من الموت منين قلتي ليها باننا كلنا غادين نموتو يعني ولا عندها تخوف تكبر لانها شافت جداها ماتت وهي كبيرة وهذا بالفعل ما يراه الاطفال ولو اننا تنظنو بانهم ما تينتابهوش ولكن كني متاكدة انهم اذكى مما نظن
        حاولي اختي تتري انتباه بنتك بقصص الاطفال منين تبدا تحكي عن الموت خدي كتاب للاطفال وخليها تجلس قربك وحكي ليها القصة وهكذا مع الوقت غادي تنسى
        الله يسر امورك ويبعد عليها هذالخوف بقدرة الله الواحد الاحد
        وحاولي تديري ليها الرقية ان شاء الله يجيب الشفاء



        لوحة المفاتيح العربية

        ترجمة العرنسية


        تعليق


        • #5
          انا اوافق الاخت صداقة في الله في كل ما قالته لك غاليتي حفظك الله وحفظ ابتك من كل مكروه ورحمة الله تعالى على امك اللهم اغفر لها وارحمها
          اللهم باااااارك في امهات منتدانا امي ام الصالحين ,امي نجاة,ام ربيع,ام الشهيد مروان ,ام بيان,المسامحة ,ام سارة وكل الامهات الفاضلات






          تعليق


          • #6
            ]مشكورة اختي ام النورين على النصحة وجزاكي الله خيرا

            تعليق


            • #7
              السلام عليكم اختي اولا البركة في راسك وتانيا اختي سمحي لي انتي غلطانة علاش تشرحي ليها وتخوفيها باق عليها مازال صغير ة كنتي متلا تقولي ليها مسافرة في يوم من الايام نتلاقو معها في مكان زوين بزااااف والله يخلي ليك بنيتك الحبيبة
              sigpic

              تعليق

              المتواجدون الآن 1. الأعضاء 0 والزوار 1.

              أكبر تواجد بالمنتدى كان 2,525, 26-09-2016 الساعة 21:58.

              يعمل...
              X