صفحة لقاء امهات الاطفال ذوي الامتيازات....

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • صفحة لقاء امهات الاطفال ذوي الامتيازات....

    السلاوم عليكم اخواتي
    في حديتنا عن ابناءنا دائما كنتشجعو باش نتكلمو على مشاكل اطفالنا ومشاغباتهم وتصرفاتهم لي كتقلقنا وللاسف كننساو نتكلمو على تميزهم في مجالات متعددةفكل طفل عندو ميول وعندو تميز في شئ يحبه ولما كنتحدتو عليه قدامو كنلاحظ فرحة واعتزاز بنفسه مما يخلق فيه ثقة وطموح للافضل لهذا ارتايت انني نفتح هذه الصفحة حتى تكون حلقة للتواصل بين الامهات للحديث عن امتيازات اطفالنا وكيف السبيل لتطويرها وتشجيعهم لتحسينها
    اتمنى ان تلقى الفكرة استحسان وقبول عندكن في انتظار الردود
    sigpicاللهم احفظهما من كل شر واجعلهما من الأبرار


  • #2
    اختي فكرة مزيانة هذه ان شاء الله الامهات يتفاعلو وينشرو اللي عندهم واللي كي ميز اولادهم عدا الشغب انا ولدي مازال عندو عام وشهرين يعني باقي متبينليشي فاش مميز واقيلا تيحبو مزيان لانه لحد الان مابغا يتمشى هههههههه نهار يحاول وايام اخرى وخا نعيا معاه ودقووووووووووووووووووووول هههههههه اوا صدعتك في امان الله


    اللهم بارك لي في ولداي واجعلهما صالحين بارين بابويهما حاملين لكتابك الكريم



    طوبى لمن وجدفي صحيفته استغفارا كثيرا

    تعليق


    • #3
      oum walid

      اختي فاطمة 04شرف كبير لي مرورك بموضوعي وانا ايضا كنتمنى الاخوات لتفاعلو مع الموضوع حيت فيه نخلقو افكار باش نميو مواهيب اطفالنا هذا طبعا مع كثرة المشاركات والافكار وانت الله يخليلك طفلك ويحفضو ليك حتى تكتشفي معاه كل ميولو
      المشاركة الأصلية بواسطة فاطمة04 مشاهدة المشاركة
      اختي فكرة مزيانة هذه ان شاء الله الامهات يتفاعلو وينشرو اللي عندهم واللي كي ميز اولادهم عدا الشغب انا ولدي مازال عندو عام وشهرين يعني باقي متبينليشي فاش مميز واقيلا تيحبو مزيان لانه لحد الان مابغا يتمشى هههههههه نهار يحاول وايام اخرى وخا نعيا معاه ودقووووووووووووووووووووول هههههههه اوا صدعتك في امان الله
      sigpicاللهم احفظهما من كل شر واجعلهما من الأبرار

      تعليق


      • #4
        ما شاء الله أختي موضوع مهم وفكرة مميزة وغنية وأظن ان امهاتنا ستكون لديهن الرغبة في اكتشاف مواهب وامتيازات ابنائهن من خلال هذا الملف المفتوح جزاك الله خيرا وبارك الله فيك وفي مجهوداتك لي عودة اخرى ان شاء الله لأشارككن امتيازات اطفالي

        تعليق


        • #5
          [frame="5 80"]
          مشكوووووور والله يعطيك الف عافيه
          [/frame]
          [frame="7 80"]




          *____________________***___***_____________________*
          *___§_______§§§§____*___*_*___*___§_____§__§§§§§___*
          *___§______§____§__*_____*_____*__§_____§__§_______*
          *___§______§____§___*_________*___§_____§__§_______*
          *___§______§____§____*_______*____§____.§__§§§_____*
          *___§______§____§_____*_____*______§___§___§_______*
          *___§______§____§______*___*________§_§____§_______*
          *___§§§§____§§§§________*_*__________§_____§§§§§___*
          *________________________*_________________________*
          [/frame]

          تعليق


          • #6
            oum walid

            مشكورة اختي صداقة في الله مروورك وسام على صدري وكما لا انسى اختي نورة1989جزاكما الله خيرا ولكم اتوق لتفاعل اقوى في هذه الصفحة... وللانطلاقة ساكون انا السباقة فانا ام لطفلين وليد8سنوات يهوى بشكل كبير قراءة القصص باللغتين وانا دائما اشجع فيه موهبته افر له كل قصة يريد قراءتها احته على اتمامها كي اشتري له اخرى الى ان اصبحت لديه مجموعة من القصص والان يقوم بالتبادل مع بعض اصدقاءه ربما يحكي بعضهم للاخر عن قصته وهذا نوع من التشويق وهو ايضا ادراك و حت على فهم معنى ما يقراه.....
            وانت اختي ماهي موهبة ابنك واذا كانت لديك فكرة تفيد ابني في ميوله فبالله عليك افيديني
            sigpicاللهم احفظهما من كل شر واجعلهما من الأبرار

            تعليق


            • #7
              أختي ام الأولاد الله يحفظ ليك وليداتك من كل شر يا ربي ووليدات المسلمين كلهم

              بالنسبة لأطفالي ماشاء الله عليهم باقين صغار محمد ياسين 4سنوات ونصف وفاطمة الزهراء 3سنوات ونصف الحمد لله ماعنديش معاهم مشكل في استوعاب مايدور حولهم اذكياء ما شاء الله لا قوة الا بالله وبشهادة الجميع اللهم بعض البسالات اللي مكاتساليش والمدابزة وهادا عادي لأنهم متقاربين في السن.
              المهم ياسين عندو اهتمام كبير بالكمبيوتر وعندو سرعة كبيرة ماشاء الله في التعرف على الأزرار والدخول الى الموقع اللي علمناه ليه كايحفظهوم بسرعة وبالنسبة للقصص كايعجبو بزاف نحكي ليه لأنه طبعا مازال مكايعرف يقرا ولكن عندو اهتمام بزاف بالصور وماتعنيه وربما شرح لي القصة وتعرف عليها غير من خلال الصور ويحب الرسم كثيرا كثيرا وهادشي نيت لقيتو سبب باش مايشوفوش لي الرسوم للي كللها عنف ومابقيتش أختي كانتيق فشي رسوم واخا يبان لي الظاهر ديالو نقي ولكن خاصني نكلس حداهم ونتفرج باش نعرف فاش كايتفرجو وغالبا مكانلقى أفكار اليهود والنصارى كاتدخلهوم لعقول وليداتنا بلامانشعرو اذن نحن في غنى عنها وعن مواضيعها وخصوصا توم وجيري

              الى جانب الكرة اللي كايحب ويلاما زولتهاش من وسط الدار وغبرتها كايلعب بيها هو وباباه تبارك الله ههههه مكايضربو حسبا لوالو وختيتو راها هاد الساعة مقابلا غير الدمى ديالها مسالمة واللعبة المشتركة للي كاينفارد بيها كاتسمح لو فيها ولكن حذاري حذاري يوصل ليها للعبة ديالها عندها شي سنينات شحال ماضيين أييييي كايبقى في ولكن ظلمها تم كايحبو يحفظو القرآن والحمد لله .
              أتمنى مانكونش طولت عليكم والله يكبر ليكم وليداتكم في طاعة الله ورسوله وشكرا مرة اخرى اختي على طرحك للموضوع

              تعليق


              • #8
                oum walid

                اختي صداقة في الله تبارك الله على وليداتك والله يحفظهم ليك اختي بالنسبة لابنك محمد تبارك الله عليه كيفما كيبان ذكي هكذا كان وليد دائم السؤالات وكيحب القصص وكينتبه لكل ما يقال حتى احيانا في حديتي مع الاخرين كان كيركز على كل ما يحكى ولو نكون كنتحدت مع ابيه مما كان كيجعلنا متحفظين في حديتنا كثيرا وياولينا يلا غلطنا وهذا الشئ كان كيعصبني ومن بعد عرفت ان الاطفال الشديدي الانتباه كيكونو عندهم حب المعرفة ونوع من الذكاء والحمد لله هذا الشئ بان عليه في الدراسة وذلك بشهادة المعلمات وحتي فالمجال الاسلامي كيحب يسول كثير ويعرف القصص الاسلامية ما شاء الله
                الشئ الوحيد لحد الساعة لي مقلقني هو كثرة تعلقهم بالرسوم كيف قلتي اختي كلها ما فيها مايتشاف ماعرفت كيفاش نحيدهم ليهم
                وقيلة عيقت طولت بزاف استسمح ...ولكن للحديت بقية
                sigpicاللهم احفظهما من كل شر واجعلهما من الأبرار

                تعليق


                • #9
                  ما شاء الله تبارك الرحمان هادشي ماهو غير علامة النبوغ والتميز والذكاء .
                  بالنسبة أختي للأسئلة حدث ولا حرج والمشكل ماخصنيش نقمع ولا نسكت لا لا خاصني نجاوب ونعطي أكبر قدر ممكن من الأجوبة المقنعة بطبيعة الحال ومنكونش بخيلة ولا معصبة الله يكون فعوانا وصافي .
                  وبالنسبة اختي للرسوم حاولي تحيديهوم ليهم والله راني لقيت واحد الراحة كبييييييرة مني مابقاوش متعلقين بيهم والحمد لله ماكنتش كانتصور ياسين غايتفرق مع توم وجيري بالعكس دابا مكايسولش فيهم نهائيا اه وماكتلكش راني عوضت ليهم الرسوم بدورات دوغا و "ويوي للكتاكيت" ايلا عرفتيهم بعدا هادو كايعلمو الحساب واللغة الفرنسية والإنجليزية وكذلك مافيهومش العنف نهائيا وكاينين دورات بزاف فالإنترنيت راه حاطا واحد الأخت العناوين ديالهم في قسم الطفل غير قلبي عليهم راه ايلا ولفتيهم ليهم غاينساو الرسوم والله أعلم المهم ديري جهدك والكمال لله.

                  حبيبة راك ماطولتيش علي بالعكس هادو مواضيع مكاتساليش وأي حاجة بغيتي تستفسري عليها انا موجودة في رعاية الله

                  تعليق


                  • #10
                    oum walid

                    السلام عليكم اختي كيف بقيتي مع البرد والشتاء تبارك الله الخير هذا الله يعطيهنا على قد النفع
                    اختي راه عندك الحق دورات دوغا جد نافعة لتطوير اللغة انا كنت كنشري les cdاما الان تجاهلتهم واصبح الاتجاه الوحيد هو تلك الرسوم العنيفة وبالاخص ابني الاصغر محمد فانا لم اذكره عمره4سنوات وهو يهوى الكرة وساحاول تسجيله في احد النوادي لكرة القدم مستقبلا لااعلم ان كان صح ام لا......
                    اضافة لولعه بالرسوم فهو يطبقها مما جعله كثير الحركة والشغب والله يلا كيدوخلي مخي وكيعصبني اما الكمبيوتر فهو يهواه واصبح يحسن استعماله شيئا ما
                    شكرا اختي للنصيحة وساحاول تنفيدها للملاحظي شفت غير انا وياك لي فهاد الصفحة واقيلة الاهمات مازال ما كتشفو مواهب اطفالهم
                    sigpicاللهم احفظهما من كل شر واجعلهما من الأبرار

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X