إعـــــــلان

تقليص
لا يوجد إعلان حتى الآن.

إلا غادي تولدي أول مرة أجي نقولك نصيحة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • إلا غادي تولدي أول مرة أجي نقولك نصيحة

    إلى كل أم ستضع مولودها قريبا
    إلى كل حامل سئمت القصص المرعبة للولادة كأنها فيلم رعب
    إلى كل حامل ترتعش من وصول اليوم الموعود

    لدي ولدان و الفرق بين تجربة الولادة الأولى و الثانية شاسع كالفرق بين الأسود و الأبيض...في الولادة الأولى عانيت كثيرا و بصراحة عرفت جميع التعقيدات و المشاكل من نزيف إلى تمزق داخلي و صولا إلى الغيبوبة و كتب الله لي عمرا جديدا.
    عندما حملت بطفلي التاني قررت أن أجمع كل المعلومات التي تخص الولادة و اتصلت عبر الإنترنيت بالقابلات في إسباني و واخا نصارى الله يرحم والديهم على المعلومات القيمة الله هداولي و اللي خلاتني نكتشف الأخطاء اللي ارتكبت و الاعتقادات الخاوية اللي دفعتني نعاني.
    * أول حاجة لازم تقتنعي جيدا بأن ربي سبحانه خلقك أنثى باش تولدي يعني ما عطاكش واحد الحاجة فوق طاقتك أو طاقة الجسد ديالك.
    *عملية الولاد عملية جد جد طبيعية و ما كالاش يتعاملو معاك في السبطار أو فالكلينيك كشي واحدة كتعاني من شي مرض و هما غادي يخلصوها منو.
    * ملي يبداك الوجع متقلقيش بحال اللي عملت أنا أول مرة،متجريش للكلينيك راه ملي كتدخلي مكيبغيوش يطلقو ليك أنا ملي ابحثت على المعلومات جبارت راسي ملي مشيت مكنتش في حالة ولادة كانو مجرد تقلصات غير منتظمة يقوم بها الرحم من حيد لآخر في الشهر الأخير من الولادة لأن التقلصات الحقيقية تكون منتظمة و المدة الزمنية بين تقلص و آخر تتناقص كل مرة لذا يجب عليك عندما تحسين بالألم أن تسجلي الوقت الذي يستغرق و كم يفصل بين وقت و آخر...في حالتي ملي مشيت نولد باش ما يفلتونيش من الكلينيك عملولي ما يقال له accouchement provoqué عن طريق حقن إبر الأسيتوسين في المحلول الغذائي اللي دايز في العرق ملي بحثت فالولي ديك المادة ( كيسميوها بالدارجة إبرة الزحايم) عندها تأثير سيء على الحامل و على الجنين علاش؟
    لأن الولادة الطبيعية ديما كتعطيك بين تقلص و آخر (أي بين كلضربة دالحريق و أخرى) واحد وفيتة دالراحة باش انتي كتجمعي جهدك و الجنين كيرتاح اتى هو من جدار الرحم اللي كيكون فالساعة دالحريق كيضغطلو على وجهو...ويدا كانت ولاتد طبيعية رفضي يحقنوك بأي شيء بلا موافقتك راه انتي المعنية بالأمر و انتي بواحدك صاحبة القرار...عمل بحال اللي عملت أنا في المرة الثانية قلت للطبيب أسيدي احسبني كنولد فالجبل...ياك النسا فالبادية كيولو مزيان بلا حقن بلا قوة الممرضات داخلين خارجين
    و الحمد لله فابني الثاني صبرت و الوالدة ديالي هي الوحيدة اللي سمحتلا تبقى معايا كانت كل ما شادني الوجع كتدلكلي ظهري و كتبقا تدعي معايا حتى سهل الله و شفت الحبيب دنزار ديالي خارج مني بهدوء
    كيف يكون حالكم أالحاملات الله يسهل عليكم و يرزقكم بالذرية الصالحة إن شاء الله

  • #2
    السلام عليكم ورحمة الله وبركاته
    شكرا على موضوع . اسمح لي ابدي اعجابي بقلمك وتميزك

    تعليق


    • #3
      جزاك الله خيرا على المعلومات ....
      ولكن في بعض الحالات ما كيجيش الوجع اوى كتضطري تستسلمي للامر الواقع .... ويديرو فيك ما بغاو ...
      ***واخا نصارى الله يرحم ***
      اختي ردي البال الرحمة لا تجوز الا على المسلم ..
      قال ابن القيم رحمه الله تعالى:
      فأهل الإسلام في الناس غرباء، والمؤمنون في أهل الإسلام غرباء، وأهل العلم في المؤمنين غرباء، وأهل السنة -الذين يميزونها من الأهواء والبدع- فهم الغرباء، والداعون إليها الصابرون على أذى المخالفين هم أشد هؤلاء غربة، ولكن هؤلاء هم أهل الله حقاً، فلا غربة عليهم، وإنما غربتهم بين الأكثرين، الذين قال الله عز وجل فيهم : وَإِن تُطِعْ أَكْثَرَ مَن فِي الأَرْضِ يُضِلُّوكَ عَن سَبِيلِ اللّهِ {الأنعام: 116}

      تعليق


      • #4
        شكرا جزيلا على اثارة الموضوع.

        أنا فعلا عايشة رعب من خلال بنات العائلة و صحاباتي ، عارفيني فأيامي كنتظر المولود و من خلال كلامهوم كيخلعوني بلا ما يحسو.

        كل ليلة اتصلو بالتلفون و حيت نقول ليهوم راه الوجع كيزورني مرة مرة كيقولو لي هاداك غير بحال لعب الدراري الصغار أما الوجع دالولادة راه شي حاجة أخرى حيت نسالي الحلقة الاولى ديال فيلم الوجع كيعاودو لي على الغراز و ما أدراك ما الغراز كيخيطو ليك لحمك بلا بنج هادي الحلقة الثانية و السهير و كنخمم فالسبوع و التقاء جوج عائلات بحال الا لاقيتي جوج خيوط دالضوء.................

        اش غادي نقول ليك كلام العيالات غادين يدخلونا فرعب ضروري يكون عندها اثار سلبية على نفسية اي امراة.

        فوضت أمري لله

        تعليق


        • #5
          شكرا اختي لطرحك هاد الموضوع بارك الله فيك غير أ كان بحالي انا مجانيش الحريق مرررة طرطقات ليا السقاية أ بقيت فدار كيقولي راجلي راكي كاتولدي كانقولو لا العيالات وصاوني حتى اجيني الحريق و كون متقارب بززاف عاد نمشي لكلينيك داني راجلي بزز لقيت الما ديال سقاية سلا أ خاصني نولد دعيا ضروري و ضربي ليا البرا باش نولد هاكاك ماولدت حتى لاغدا في الليل اي من بعد 26 ساعة ولدي مللي دزاد دزاد بالتهاب مسكيني من كرشي للأنعاش بقا فيا كولو سلوكة بحال دوك اللي ماكاملينش مساكن دزاد فيه 4كيلو أ 600 مشات 600 في 3 أيام و الحمد لله على كل حال
          ريان و رانيا اجمل ما في الدنيا






          تعليق


          • #6
            شكرا على النصيحة انا تحلتلي السقيةفجر الجمعة عاد مشيت الكلينيك و لكن مولدت حتى الغد مع 8 30

            Notes:
            <

            تعليق


            • #7
              انا عجبني الموضوع ومهم بصح مازال ما حملت دعوا معايا الله يفرحكم .............يا ربي اعطيني درية صالحة..............اميييييييييين..

              تعليق


              • #8
                شكرا لكي اختي على المعلومات القيمة.
                sigpic

                تعليق


                • #9
                  مشكوووووور والله يعطيك الف عافيه








                  تعليق


                  • #10
                    مشكوووووور والله يعطيك الف عافيه

                    ana hamla fi chahri 6 d3iw m3aya
                    ما دعوة أنفع يا صاحبي .... من دعوة الغائب للغائب

                    ناشدتك الرحمن يا قارئاً .... أن تسأل الغفران للكاتب











                    تعليق


                    • #11
                      salamo 3alaikom wa rahmato allah
                      kola mra o kifach ka tawlad , wahda blahrik lajra blah walakin 3ala al 3omoum aglabiya dansa manba3d ma kaijihom lawja3,allah isahal 3la al jami3 o yarzakna adoriya assaliha.
                      nasahkom tmachaw bezzaf josousan fi achahra al ajir mat3agzouch sa3a sa3tain dal machya ga atsahhal 3lik o matansawch dikro alla mahadak tatmachai wanti sabhi o krai al koran, wallahi innaho al 3ilaj al akbar,makayan ma ahsan mannou, o koulo tmar rah maziyan kbal o ba3d al wilada katabray daguiya.
                      allah ifarrahkom jami3an bima tatmanaw.

                      تعليق


                      • #12
                        السلام عليكم ورحمة الله وبركاته
                        شكرا على موضوع






                        اللهم إجعل والدي ممن تقول له النار اعبر فان نورك أطفأ ناري





                        تعليق


                        • #13
                          شكرا لك اختي

                          تعليق


                          • #14
                            *السلام عليكم ورحمة الله وبركاته*

                            جزاك الله خيرا اختي حتى انا كنتسنى الوجع نتمنى ربي يصبرني عليه .
                            الله يفك كل حاملة على خير او يجعل ولادتها سهلة ميسورة يا رب.
                            و شكرا على النصيحة.
                            sigpic
                            اللهم أصلح لي ديني الذي هو عصمة أمري....
                            و أصلح لي دنياي التي فيها معاشي ....
                            وأصلح لي آخرتي التي فيها معادي...
                            و اجعل الحياة زيادة لي في كل خير..
                            و اجعل الموت راحة لي من كل شر.

                            تعليق


                            • #15
                              مشكوووووور والله يعطيك الف عافيه
                              http://http://www.anaqamaghribia.com...d.php?t=418650sigpichttp://http://www.anaqamaghribia.com...ine=1417424800

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X