إعـــــــلان

تقليص
لا يوجد إعلان حتى الآن.

تجربتي في فطامي طفلتي باليل

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تجربتي في فطامي طفلتي باليل

    نظرا لشكوى العديد من الامهات من الرضاعة دليل بغيت نفيدكم بتجربتي كانت بنتي كتفيق لي بزاف شي 5 الى 6 لمرات بليل وكتفيق بالغوات حتى كيتقلبلي الراس ونرضعها تنعس بحرى كيديني النعاس تفيق عاوتاني ومع انا نعاسي خفيف الى فقت مكيدينيش نعاس دغيا يوا كتعصبني حتى كنبغي نصيفتها من الشرجم هههه كنكول دابا تكبر شوي وتنقص ساعة هي محدها كتزيد وصلات 6 اشهر زت فتمارا عدا لفياق بكري ومتنعس غير فوقت الغدا والمغرب ياعني انا ماكاين ليا نعاس لا بليل لا بنهار حتى مرضت مشيت عند طبيبة قالت لي فيك الارهاق وعطاتني فيتامينات قلت ليها النعاس الي خاصني وحكيت ليها قالت لي مترضيهاش باليل عطيها غير لما ودرت هكاك والوووو البنت عاطياها غير لبكا بغات ترضع حتى عيت ونا نفطمها باليل 4 ايام الي كفاتي اليوم 1 كتغوت قربلات الدار ملي تعيا تسكت شويا وتبدا عاوتاني وخليتها قصحت قلبي ومكنشوفش فيهاومكنشعلش الضوء حتى نعسات وغطيتها اليوم 2 نفس الشي نقصات شوي ونعسات شوي اليوم3 فاقت خطرة وحدة بكات شويش صافي عرفات ماقضات والو ونعسات اليوم 4 نعسات طول الليل حتى لصباح انا كنت كنحن فيها بالليل كنقول ضرها الجوع ساعة هي كتبوحت وكنجيبها فراسي هدي هي تجربتي كنتمنى تنفعكم

  • #2
    ولكن اختي واش مكاتفيقي نهائيا باش ترضعيها يعني تعطيها الحليب كتبقا مسكينة حتال الصباح

    تعليق


    • #3
      هههههههههههههههه ضحكتيني راه كولشي على الولف وصافي الى ولفتيها حتى في الليل ترضعيها غادي تبقى ديما تسناك ترضعيها

      اوى راكي نجحتي في المهمة غي شنو هي مترضعيهاش بكري في ليل باش واخة متوليش ترضعيها معليش وفي الصباح بكري رضعيها تاني


      تعليق


      • #4
        تبارك الله عليك فكرة غزالة ولكن بقاي تشبعيها وخى تنعس بكري رضعيها ملي تبغي تنعسي و هي ناعسة باش تشبع مسكينة و الحمد لله 6 شهور تبارك الله راه يمكن لك توكليها شي حاجة غير تشبع تاكدي انها ما تفيقش وقراي عليها شوية القران و ان شاء الله تنعس لليل كلو الله يحفضها ليك و شكرا للي حكيتي لنا تجربتك يقدرو الاخوات يستفدوا منك




        " اللهم بلغنا وسلمناإلى رمضان وسلم لنا رمضان وتسلمه منا متقبلا "

        تعليق


        • #5
          هههههه بارك الله فيكم اخواتي وشكرا لاضافة لمستكن على موضوعي اولا كنعشي لبنية حيت بديت ليها الماكلة من 4 شهور ومن بعد الى بغات تنعس كنرضعها تقريبا مع 10 ونص 11 وكتنعس ليل كامل تبارك الله عليها حتى 6 ونص دصباح ونرضعها عاوتاني

          تعليق


          • #6
            السلام عليكم ورحمة الله تعالى وبركاته تباركالله عليك اختي الله يخليها ليك انا مال معنديش لوليدات غير كنقل ونحفظ اوى دعيو معايا بشي ذرية صالحة انا وكلا وحدة كتمنى تكون ام

            تعليق


            • #7
              تباركالله عليك اختي الله
              لكل المقدمات على الزواج او المتزوجات بدل رقص وقمصان نوم من مصر باقل الاسعار
              http://www.anaqamaghribia.com/vb/sho...d.php?t=104568

              تعليق


              • #8
                تبارك الله عليك من هاد ليلة نبدا نطبقها على لعزي لي فعمرو عام و3اشهر ومزال كيفيق وميبغي ارجع حتى نرضعوا

                تعليق


                • #9
                  حتى أنا أخت نفس الشي بنتي عندها دابا ست شهور وتتتفيق بزاف فالليل حتى تتبغي تسطيني هاد ليام تنفيق لها المرات الأولين والفجر تنخليها تبكي سبحان الله غير شويا وتتعاود تنعاس تالصباح تيبال غير الدلع هداك
                  الله إسماح لنا من حق الوليدين

                  تعليق


                  • #10
                    حشومة عليك اختي بنتك باقا صغيرة وباقا خاصها ترضع. لحليب تاع الام كيحميها من بزاف الامراض.وباقا صغيرة وضروري خاصها تفيق في الليل باش ترضع راه واحد صاحبتي قاليها الطبيب الا ما فاقتش ليك البنت في اليل باش ترضع في هاد السن عرفيها ماشي طبيعية.انا بنتي الاولى حتا دارت العام وكانت كتفيق في اليل باش ترضع وكنت كنرضعها. هوما مساكن اش عارفن ملي كيضرهم الجوع كيفيقو. وحنا الحمد لله عطانا الله الحليب تاع الثدي علاش نبخلو عليهم بيه.ودابا بنتي الاخرى عندها 6اشهر وباقا كنرضعها في اليل وناويا ان شاء الله نبقى نرضعها حتى تكبر واخا انا ضعيفة وزدت ضعافيت مع الرضاعة ولكن صحة بنتي هي الاولى.والله حتى بقات في بنتك مسكينة باقا صغيرة على الفطام.الله يعاونك عليها.














                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X