اريد ازال الحفاظات لطفلي ارجو المساعدة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اريد ازال الحفاظات لطفلي ارجو المساعدة

    السلام عليكم ورحمة الله وبركاته

    اخواتي عفاكم عونوني بطريقة ...بغيت نحيد لولدي الحفاظات لكن معرفت كيف ندير مكيبغيش يجلس في الجلاس (لقضاء حاجته) ومنين كنجلسوا بالقوة كيبقى يبكي

    دبا عندو عام و4 شهور

    عفاكم الاهمات فيدوني بشي طريقة









  • #2
    أحشومة عليك راه باقي صغير وا ش كيهدر بعدة وغير صبري معاه أنا حتى كيكملوا عامين اراه اتجبري صعوبات فالأول و صبري أوصافي
    sigpic

    تعليق


    • #3
      اختي ماعليك غير بالصبر وحدة وحدة حتى يولف راه تيدوزو عليك العداب عاد باش يقبلو الكلاس انا ولدي شحال بقيت معاه تنحطو فالكلاس تنبقا نتسنا ساعات وهو هاهو نايض هاهو كالس حتى كتنعصب بزاف ولكن مع الدوام كل نهار ملي يفيق فالصباح حطيه فيه واخا ميدير والو غيبقا غير تيلعب ونتي تتفقصي مع راسك خليه وسيري قابلي شغلك وحطيه حداك بالكلاس ديالو حتى ايعيا وينوض ومع المدة غيولف وحاجة اخرى راه داكشي غير هداية من عند الله وخلاص وحاولي تخليه بلا ليكوش فالدار خليه بسليب صافي وكل دقيقة حطيه فالكلاس باش ميوسخ حالتو ولا الدار ويلا جاب الله دارها فحالتو خاصميه وهدري معاه قوليلو دير بيبي هنا ..راه تيفهمو كلشي والله العظيم غير تيجيب لينا الله مفاهمين والو وخاصك صبر ايوب واللي لاحظت ان ليكوش تيساعدو على التبول تنشوف ولدي الى درتليه ليكوش متيطلبش لي باقي التواليت نهائيا تيبقا يديرها فليكوش لدلك تنخليه النهار كامل بلا ليكوش والليل الى غينعس تنديرو ليه صافي ولقيت راحتي الحمدلله والشكر لله وتبارك الله وعقبال لوليدك ان شاء الله والصبر اساسي وعدم الاستسلام جربي وردي عليا الخبار راني غنبقا نطل عليك واش كاينة نتيجة وادعي له بالهداية ...

      تعليق


      • #4
        الله يعاونك عليه حتى انا بنتي راه عندها عامين و3اشهر باقا كنخمم

        تعليق


        • #5
          المشاركة الأصلية بواسطة om wesam مشاهدة المشاركة
          الله يعاونك عليه حتى انا بنتي راه عندها عامين و3اشهر باقا كنخمم
          ..باقي غير كتخممي ويمتا غتوكلي عالله ..ولدي قد بنتك تماما هههههههههه توكلي عالله اختي قبل ماتمشي البنت للروض وتوحلي معاها ومع ليكوش والصيف هدا تيقتلوهم ليكوش بالطياب مساكن حيدي عليها ليكوش اشتتسناي باقي ..

          تعليق


          • #6
            الله يعاونكم ويعاوني حتى أنا ناوية حتى نهبط المغرب عاد باش نتعاون مع دارنا نزوليه لكوش اما انا بوحدي مانظنش عندي لولد معصب بزاف الله يعاونا وخلاص

            تعليق


            • #7
              المشاركة الأصلية بواسطة omo marwan مشاهدة المشاركة
              أحشومة عليك راه باقي صغير وا ش كيهدر بعدة وغير صبري معاه أنا حتى كيكملوا عامين اراه اتجبري صعوبات فالأول و صبري أوصافي

              شكرا اختي ام مروان على الرد

              لا اختي مزال مكيهدر غير شي حروف كينطق ...يا اختي حماتي قاتلي راه تعطلتي عليه محيدتيلوا الحفاظات اوا معرفت كيف ندير الصبر وصافي كيف ما قلتي








              تعليق


              • #8
                المشاركة الأصلية بواسطة نرجسة الخلود مشاهدة المشاركة
                اختي ماعليك غير بالصبر وحدة وحدة حتى يولف راه تيدوزو عليك العداب عاد باش يقبلو الكلاس انا ولدي شحال بقيت معاه تنحطو فالكلاس تنبقا نتسنا ساعات وهو هاهو نايض هاهو كالس حتى كتنعصب بزاف ولكن مع الدوام كل نهار ملي يفيق فالصباح حطيه فيه واخا ميدير والو غيبقا غير تيلعب ونتي تتفقصي مع راسك خليه وسيري قابلي شغلك وحطيه حداك بالكلاس ديالو حتى ايعيا وينوض ومع المدة غيولف وحاجة اخرى راه داكشي غير هداية من عند الله وخلاص وحاولي تخليه بلا ليكوش فالدار خليه بسليب صافي وكل دقيقة حطيه فالكلاس باش ميوسخ حالتو ولا الدار ويلا جاب الله دارها فحالتو خاصميه وهدري معاه قوليلو دير بيبي هنا ..راه تيفهمو كلشي والله العظيم غير تيجيب لينا الله مفاهمين والو وخاصك صبر ايوب واللي لاحظت ان ليكوش تيساعدو على التبول تنشوف ولدي الى درتليه ليكوش متيطلبش لي باقي التواليت نهائيا تيبقا يديرها فليكوش لدلك تنخليه النهار كامل بلا ليكوش والليل الى غينعس تنديرو ليه صافي ولقيت راحتي الحمدلله والشكر لله وتبارك الله وعقبال لوليدك ان شاء الله والصبر اساسي وعدم الاستسلام جربي وردي عليا الخبار راني غنبقا نطل عليك واش كاينة نتيجة وادعي له بالهداية ...
                بارك الله فيك اختي نرجسة الخلود الله يحفظلك ولدك اختي عندك الحق خاص الصبر حتى انا كنتعصب منين مكيجلسش في الكلاس خصوصا ان حماتي كضغط علي بالهدرة (خاص يتعلم فوقاش غادي يتعلم خاص تعلميه...) شحال من مرة كنجلسو في الكلاس ونحطو فوق ركابي غير باش يبقى جالس شوية اوا ربي يهديه ويهدي وليداتكم وليدات المسلمين جميعا دبا نجرب هادشي اللي قلتيلي ان شاء الله اختي الله يجازيك بخير على النصح والوقت اللي عطيتيني








                تعليق


                • #9
                  المشاركة الأصلية بواسطة om wesam مشاهدة المشاركة
                  الله يعاونك عليه حتى انا بنتي راه عندها عامين و3اشهر باقا كنخمم
                  لا لا اختي غير بداي كتعلميها رها كبرت شوية دبا تكون كتهدر شوية وكتفهم الله يحفظها ماعليك غير توكلي على الله وتعلميها وتفهميها شوية شوية كيفما قالت الاخت نرجسة الخلود
                  انا ولدي منين مزال مكيهدر داكشي باش معرفت كيف ندير
                  الله يعاونك اختي








                  تعليق


                  • #10
                    المشاركة الأصلية بواسطة ام حسين مكناس مشاهدة المشاركة
                    الله يعاونكم ويعاوني حتى أنا ناوية حتى نهبط المغرب عاد باش نتعاون مع دارنا نزوليه لكوش اما انا بوحدي مانظنش عندي لولد معصب بزاف الله يعاونا وخلاص
                    امين اختي الله يعاون جميع الامهات ختى انا اختي منين كنتعصب كنقول بحالك حتى نهبط المغرب ولكن غير كيدوزني الحال كنقول خاص نعلموا

                    حتى انا ياختي ولدي ولا كيتعصب وحركي بزاف مكيرتاح حتى كينعس اما ماحدو فايق وهو كيخبش اي حاجة خاص يحديها جدو دسروا بزاف ودبا وحلت والله يختي الى شحال من مرة كنضربوا الله يسمحلي








                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X