إعـــــــلان

تقليص
لا يوجد إعلان حتى الآن.

كيف اجعل اولادي يحبونني ويحترمونني

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كيف اجعل اولادي يحبونني ويحترمونني

    السلام عليكم اخواتي في الله امكن ابان المشكل اللي غادي نطرح غريب ولكن والله العظيم الى كيحرمني النعاس من قوة التفكير فيه الغالبية ديال العيالات كتشكي من رجالها اما انا فمغديش نقول كنشكي ولكن غادي نقول باللي الالامي واحزاني وارقي هو بسبب طريقة تعامل اولادي معي مع العلم انهم باقي صغار الكبير غيدير 10 سنين والصغير 8 سنين اولادي مكيتعاملوش عمايا على اساس اني امهم فهم لا يحبونني و لايحترمونني والله الى حرت وما عرفت اش ندير معاهم عييت بالغوات عييت بالعصى عييت بالهدرة ما عرفت اش ندير بعض المرات غير كنجلس نبكي الى قلت ليهم كلمة يردوا عليا بعشرة تصوروا الى خاصمتهم او ما خليتهمش اديروا اللي بغاوا كيقولوا ليا سيري لداركم وتيقولوا لباهم قول لهادي تمشي علينا راه هي ماشي من عائلتنا راه ما عندهاش نفس الكنية ديالنا كنت فالاول كنبكي وكيبقى فيا الحال دابا صافي ولفت باهم تيكول ليا ما ديري فيهم عقلك راه باقي صغار ما عرفينش اشناهو المعنى ديال الام ومرة مرة كيكول ليهم راه مكم هاديك ما تبقاوش ديروا ليها هاكاك ملي كيكونوا راشقين راه كلشي مزيان وملي ما كيعجبهمش الحال راه الله اعفوا وصافي اقدر اكون الذنب ديالي حيت كنت ديما معصبة معاهم والي داروا شي حاجة كنضربهم ونغوت عليهم الله اسمح ليا بالحق كنت باقي صغيرةفاش اولدتهم ملي ولدت الاول كان فعمري 17 عام والتاني 19 عام فماكنتش عارفة كندير مع واحد حتي زدت الاخر وراكم عارفين الاطفال الي كانوا صغار ومقاربين اشنوا المعنى ديالها زيادة على السن ديالي انا فداك الوقت وباش تكمل القضية فالعام اللي ولدت فيه ولدي الصغير رحلت من المدينة اللي فيها والولدين ديالي وزادت النفسية ديالي سوءا والمشاكل اصبحوا بالعرارم اوا المشاكل ولاو حتى مع باهم ماشي غير معاهم اوا عام على خور فهاد الحالة حتى لقيت راسي دابا ماعرفاش كيفاش ندير معاهم هو الحق يتقال مرة مرة كيجيوا هوما لعند ويبوسوني ويعنقوني خصوصا لكبير ولكن الغالبية ديال الاوقات .....مع العلم انهم تبارك الله متفوقين فالدراسة ديالهم جاوا هاد العام بجوجهم الاولين والمعلين ديالهم كيشكروا فيهم بزاف زيادة على انهم اذكياء ماشاء الله عليهم بواحد الشكل كبير دابا الي كاينة شي اخت تقدر تنصحني اش ندير الله اجازيها بخير خصوصا انني قريب نولد وما بغيتش العلاقة ديالي معاهم تزيد تتدهور ودعيوا معايا الله اهديهم واهدي جميع اولاد المسلسين واحنن قلبهم عليا ويصلح بيني وبينهم راه الله بوحدوا اللي عالم بالقلب ديالي كداير من هاد الناحية

  • #2
    اختي معندك لاش تخافي راهم مازالين صغار معرفينش بحق الام الله اخليك ليهم
    حاولي تكوني لطيفة معاهم بزاف وتقربي منهم كوني اخت ليهم وصاحبتهم
    الله اصاوب ليك و الله افكك على خير


    تعليق


    • #3
      ياربي امين اختي ماما ليلى الله اكتر خيرك ويهدي جميع اولاد المسلمين داك الشي نيت اللي كنحاول ندير دابا معاهم واخا بعض المرات كيعصبوا الله اهديهم واخا تعياي تبردي فراسك ولكن فعلا العلاقة اللي خسرت على عدة سنوات ما غديش تصايب فنهار غير الله اعطيني الصبر وخلاص ونطلب الله اهديهم ويحنن قلبهم علي

      تعليق


      • #4
        اختي الله يصلحهم ليك ويهديهم عليك ورزقك اصبر معاهم والله يطلق سراحك على خير ويفرحك بشي بنية انشاء الله هادا جهدي عليك غير الدعاء حتانا حريرتي حريرة غير الله يصاوب منعندو

        تعليق


        • #5
          اختي عليك بالدعاء لهم وليس عليهم وخاصك تحاولي تكوني بحال صديقة اما العصا ما عندها ما تدير

          تعليق


          • #6
            نعم اختي الدعاء الدعاء بالصلاح والهداية لن ينفع الان الندم والحسرة صغر سنك وقلة التجربة عطاوك هاد الارتباك في التربية ديالهم وهي نصيحة لكل الامهات فرض الاحترام من الاول يعني من العجينة الاولى ولكن ماشي غير نتي حتى ابيهم خاصو يعودهوم على الاحترام احترام الغير واحترام الاباء وماشي بالعصا بالحوار اختي والله العظيم غير بالحوار ماشي العصبية وهادشي كانعيشو مع اطفالي غير بداو بغاو يتمردو علي وانا نفيق ليهم بالحوار وبالتعامل النقي السليم وبالتقرب ليهم وغادي تشوفي النتائج ان شاء الله والله يهدي ما يشاء ومن يشاء فبادري بالدعاء والله يفكك على خير وماتعاوديش الغلطة مرة اخرى بالتوفيق

            تعليق


            • #7
              حتى انا عندي نفس المشكل بناتي وخصوصا الكبيره عنيده عصبيه غًيووووره من ختها,فيدونا اش نديرو معاهم,




              http://www.tran33m.com/vb/t52999.html

              تعليق


              • #8
                اختي لازم الاب ديالهم يدوي معاهم على هاد التصرفات ويكون حازم معاهم. وما يشجعهمش على هاد الكلام. وانت حاولي تتقربي ليهم وتتفاهمي معاهم وتحاولي تخليهم يسمعو معاك للدروس الدينية في القنوات الديني وعليك بالدعاء لهم . الله يهديهم ويصلح احوالهم يارب

                تعليق

                المتواجدون الآن 1. الأعضاء 0 والزوار 1.

                أكبر تواجد بالمنتدى كان 2,525, 26-09-2016 الساعة 21:58.

                يعمل...
                X