إعـــــــلان

تقليص
لا يوجد إعلان حتى الآن.

عندك استفسار أو طلب مساعدة بخصوص طفلك تفضلي

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #11
    امين اختي ولك بالمثل
    الله يعينك على الرضاعة في رمضان والله يرزقك الثواب والاجر

    تعليق


    • #12
      فكرة رائعة
      حتى أنا شلا استفسارات عندي و بغيت أول حاجة نعرف كيف ندير حتى يبدأ ولدي ينعس في الوقت.
      فعمره عامين و ما كيبغيش ينعسلي بكري و بالأخص مع رمضان و التوقيت اللي كيتغير ما بقى انعس حتى للفجر و ما ينوض حتى الثانية عشرة زوالا أو الواحدة و يبقى العب و ينتشط و ياكل شوية (حتى هاداك مشكل اخر) و بعد المرات ما ينعسش و بعد المرات ينعس مع ديك السادسة أو السابعة و ينوض مع التاسعة و يبقى اجري و يلعب حتى للفجر
      دابا أنا بغيتليه الحل التدريجي باش يبدأ ينعس مزيان و ياكل مزيان
      عافاكم عاونوني

      تعليق


      • #13
        شكرا جزيلا أختي لخلق هدا المتصفح اللي انشاء الله غادي يفيدنا باش نتعاملو بطريقة صحيحة مع وليداتنا
        المشكل اللي عني هو ان ولدي ولف رضاعة بزاف داب عندو عام و 11 شهر او من غير الماء مكيشرب ليا حتى حاجة في الكاس او هي باش كينعس و الليل كامل او هو معنقها
        او بغيت نعرف واش هدا هو السسن باش نحيدها ليه و كيفاش غادي يولف ليا الكاس
        عافاكم فيدوني حيت التجربة الأولى كتكون صعيبة
        و عواشركم مبروكة و الله يصلح ليكم وليداتكم

        تعليق


        • #14
          شكرا جزيلا أختي لخلق هدا المتصفح اللي انشاء الله غادي يفيدنا باش نتعاملو بطريقة صحيحة مع وليداتنا
          المشكل اللي عني هو ان ولدي ولف رضاعة بزاف داب عندو عام و 11 شهر او من غير الماء مكيشرب ليا حتى حاجة في الكاس او هي باش كينعس و الليل كامل او هو معنقها
          او بغيت نعرف واش هدا هو السسن باش نحيدها ليه و كيفاش غادي يولف ليا الكاس
          عافاكم فيدوني حيت التجربة الأولى كتكون صعيبة
          و عواشركم مبروكة و الله يصلح ليكم وليداتكم

          تعليق


          • #15
            السلام عليكم و رحمة الله تعالى و بركاته

            أولا عواشركم مباركة و أسأل الله أن يتقبل منا صلاتنا و صيامنا و قيامنا و يجعلنا من عتقائه من النار

            و ثانيا انا باقي ممزوجاش غير عجباتني الفكرة حبيت نشكر صاحبتها. ألف شكر أختي على الطرح القيم و الله يحمي ليكم وليداتكم من كل سوء و يخليهم ليكم و يعينكم على تربيتهم أحسن تربية و تشوفوهم في أعلى المناصب

            تقبلوا مروري

            دمتم بود
            sigpic
            رب ظلمت نفسي فإن لم تغفر لي و ترحمني لأكونن من الخاسرات

            تعليق


            • #16
              المشاركة الأصلية بواسطة أم أمونة مشاهدة المشاركة
              فكرة رائعة
              حتى أنا شلا استفسارات عندي و بغيت أول حاجة نعرف كيف ندير حتى يبدأ ولدي ينعس في الوقت.
              فعمره عامين و ما كيبغيش ينعسلي بكري و بالأخص مع رمضان و التوقيت اللي كيتغير ما بقى انعس حتى للفجر و ما ينوض حتى الثانية عشرة زوالا أو الواحدة و يبقى العب و ينتشط و ياكل شوية (حتى هاداك مشكل اخر) و بعد المرات ما ينعسش و بعد المرات ينعس مع ديك السادسة أو السابعة و ينوض مع التاسعة و يبقى اجري و يلعب حتى للفجر
              دابا أنا بغيتليه الحل التدريجي باش يبدأ ينعس مزيان و ياكل مزيان
              عافاكم عاونوني


              مرحبا بأختي في هذا المتصفح الجديد أرجو من الله أن تكوني في أتم الصحة والعافية
              مشكلتك أختي حلها من السهل الممتنع ههههه اي في يدك الحل غير زعمي وصبري شوية وان شاء الله يكون الحل عندك أختي حتى انا وقع لي ما وقع لك واظن معظم الأخوات وقعوا فيه غير جا رمضان النعاس طار لينا ولوليداتنا وهذا خطا كبير أختي فالحقيقة رمضان هو محطة لتعلم تنظيم الوقت والاكل والنوم والله غير حنا كانتلفو كللشي ههه الله يسمح لينا

              المهم نعطيك الحل للي درت انا مني قربات الدراسة شنو درت ؟؟؟؟

              التلفزة كاتسد او بالاحرى الرسوم كايتحيدو مع المغرب أكيييد والقرآن يحل محلها هادي اول حاجة
              ثانيا حليب معاه لويزة مع المغرب ونعشيهم في وقت واحد وغير نصللي التراويح الله يتقبل نيشان نديهم للسرير نتاعهم مكاينش التفنفين ههه عسكرية ياك كانمازحك هو السرير كايمشيوا ليه ولكن كانكون معاهم نحكي شي قصة واقعة ليهم او خيالية من راسي وتكون عندها علاقة باسمائهم واعمارهم ثم انصرف وكايعاوني حتى باباهم وراه دوره والله فعال فهاد المسالة يحاول يقنعهم بللي ينعس هو ولدو وللي يبقى فايق ماشي ولدو وللي ينعس بكري يحبو الله ويعاونو وينجحو وغادي يحبو باباه كثر كثر وخاصو ينعس ماشي باش يرضي باباه بل باش يتعلم النظام والليل ديال الراحة والنوم.

              المهم انا والحمد لله مشاو لي على هاد البرنامج وعالله غير يفيقو مع الوقت بصراحة كايبقاو في رغم اني مكانعسش بحالهم
              وبالنسبة لولدك الله يخلليه ليك كانظن مازال مكايفهمش هادشي ايلا كان كايفهم مزيان ويلا لا نعطيك حلول اخرى

              حاولي اختي تدخليه بيتو او المحال للي كاينعس فيه بكري وجلسي معاه لوقت معين هاكدا كايستانس ببلاصتو
              النعاس ديال الستة والسبعة ديال العشية ماشي حل اختي ماتقوليش الله تهنيت من صداعو راه الصداع هو للي غاتلقايه مني يفيق ليك بالليل ويكون عندو هو النهار حاولي تلهيه بشي حاجة حتى توصل 9 ديال الليل ووكليه مزيااااان حتى يشبع قبل ماينعس

              وحاجة مهمة اختي ايلا بغيتي ولدك ينعس الهدوء الهدوء الهدوء ايلا توفر غاتسهال عندك القضية بززززاف وسدي التلفزة وطلقي القران وديري راسك نعستي او غادي تنعسي

              وفيقيه بكري ماشي تبقاي ناعسة حداه لا لا فيقيه ونشطيه واخا مايبغيش

              وكللشي بالتدريج حتى حاجة ماجات فخطرة ولكن راه علاش ما ولفتيه كايمشي من اول يوم ولادة

              الله المتسعان اختي اي سؤال انا في الخدمة
              بارك الله فيك

              تعليق


              • #17
                المشاركة الأصلية بواسطة zfatifleure مشاهدة المشاركة
                شكرا جزيلا أختي لخلق هدا المتصفح اللي انشاء الله غادي يفيدنا باش نتعاملو بطريقة صحيحة مع وليداتنا
                المشكل اللي عني هو ان ولدي ولف رضاعة بزاف داب عندو عام و 11 شهر او من غير الماء مكيشرب ليا حتى حاجة في الكاس او هي باش كينعس و الليل كامل او هو معنقها
                او بغيت نعرف واش هدا هو السسن باش نحيدها ليه و كيفاش غادي يولف ليا الكاس
                عافاكم فيدوني حيت التجربة الأولى كتكون صعيبة
                و عواشركم مبروكة و الله يصلح ليكم وليداتكم
                العفو اختي
                اهلا بك في هذا المتصفح الجديد

                عملتي 2 أخطاء اختي مني ماعطيتيهش الكاس من الاول كان دابا ولفو والخطا الثاني علاش الماكلة بالليل أختي عشيه راه تبارك الله عندو تقريبا عامين اللهم بارك ما شاء الله يعني كاياكل الخبز والخضر عندو سنينات يعني علاش يبقى معنق الرضاعة وكليه أختي مزياااااان وديريكت للفراش هههه راه عادة سيئة الماكلة ديال الليل وماشي صحية وماتقوليش باقي صغير لا لا ولفيه ينعس معشي حتى للصباح ماعليش اول تجربة ماشي مشكل

                عندي ليك اقتراح وهو تشري ليه هاداك الكاس ديال الميكة المسدود للي عندو الفم واقيلا فهمتيني هادك بقاي تعمريه بالحليب العصير وعطيه ليه هو كايشبه الرضاعة ولكن في نفس الوقت كاس منو غايتعلم يشدو
                مع مرور الوقت اكييد غايتعلم الكاس ولكن الماكلة بالليل اوهووووووو

                جزاك الله خيرا

                اي سؤال انا والأخوات في الخدمة

                تعليق


                • #18
                  المشاركة الأصلية بواسطة أفنان الجنة مشاهدة المشاركة
                  السلام عليكم و رحمة الله تعالى و بركاته

                  أولا عواشركم مباركة و أسأل الله أن يتقبل منا صلاتنا و صيامنا و قيامنا و يجعلنا من عتقائه من النار

                  و ثانيا انا باقي ممزوجاش غير عجباتني الفكرة حبيت نشكر صاحبتها. ألف شكر أختي على الطرح القيم و الله يحمي ليكم وليداتكم من كل سوء و يخليهم ليكم و يعينكم على تربيتهم أحسن تربية و تشوفوهم في أعلى المناصب

                  تقبلوا مروري

                  دمتم بود
                  امين اختي علينا وعليك
                  ومرحبا بك في هذا المتصفح الجديد
                  الله يجيب ليك شي نقرة فين يغبر نحاسك وتولدي لينا شي بزغول وتفرحي بيه ان شاء الله وتنضمي لهاد القافلة يا رب
                  مشكورة اختي على المداخلة ومرة مرة طللي علينا ربما احتاجت شي اخت نصيحة وتكون عندك لما لا
                  بارك الله فيك

                  تعليق


                  • #19
                    السلام عليكم ورحمة الله تعالى وبركاته
                    وعواشرك مباركة واله يتقبل منا صالح الأعمال الصالحة
                    وشكراً لك على هد البادرة الطيبة اللي حنا محتاجين الي يعطينا الحلول بالنسبة لوليداتنا
                    عندي بنتي عندها عام وشهرين ودب ولات كتكول وكنبغي نولف ليها التاكل مثلا شوية الخبز مفرتت شوية الدجاج مفرتت غير اللي كاين فيما نبغي نعطيها بحال هدشي كتقيا حاشاك معرت وش قرجتها صغيرة ولى شنو
                    السؤال الثاني هو أنه مكنبغيش نولف ليها التلفزة ونلعب معاها غير كنمشي الكوزينة نقضي الشغل كتبقى تبكي نديرها فالبوسيط ونجيبها حداي تبقى تبكي مكتبغيش تبقى كالسة فيها خاصها كلشي تشد وهي باقى مكتمشاش معرفش أشمن حل ندير معها
                    وسمحيلي إلى طولت عليك

                    تعليق


                    • #20
                      المشاركة الأصلية بواسطة asmae_42 مشاهدة المشاركة
                      السلام عليكم ورحمة الله تعالى وبركاته
                      وعواشرك مباركة واله يتقبل منا صالح الأعمال الصالحة
                      وشكراً لك على هد البادرة الطيبة اللي حنا محتاجين الي يعطينا الحلول بالنسبة لوليداتنا
                      عندي بنتي عندها عام وشهرين ودب ولات كتكول وكنبغي نولف ليها التاكل مثلا شوية الخبز مفرتت شوية الدجاج مفرتت غير اللي كاين فيما نبغي نعطيها بحال هدشي كتقيا حاشاك معرت وش قرجتها صغيرة ولى شنو
                      السؤال الثاني هو أنه مكنبغيش نولف ليها التلفزة ونلعب معاها غير كنمشي الكوزينة نقضي الشغل كتبقى تبكي نديرها فالبوسيط ونجيبها حداي تبقى تبكي مكتبغيش تبقى كالسة فيها خاصها كلشي تشد وهي باقى مكتمشاش معرفش أشمن حل ندير معها
                      وسمحيلي إلى طولت عليك
                      العفو أختي ومرحبا بك
                      بالنسبة اختي للخبر حاولي أن تضعي لها بعض العسل أو كونفتير في قطعة الخبر ماشي ضروري تفرتيه ليها عطيها طريف ويكون رطب وزيدي عليه شوية الحلاوى من الأحسن العسل الحر الى كان موجود هاكدا غاتولف الخبز اما بالنسبة للدجاج جربي ليها جميع أنواع الطهي ديالو للي كاتعرفي فالطاجين أو مشوي وفرتيه ليها ولا أظن المشكل ديال القرجوطة غير هي كاتعيفو ومكاتبغيهش وايلا كانت أختي كاتاخد ليك الصوبا راها مخيرة تقدري تعطيها الدجاج واللحم والخضر كلها بلاماتعيق وكذلك طحني فيها الفرماج والزيت العود والمعدنوس يممم لذيذة وفي نفس الوقت مفيدة ومغدية ويلا مابغاتش ليك حتى حاجة ماتبزيش عليها بزاف عطيها الحليب ومشتقاته وبالتدريج دمجي ليها الأكل وان شاء الله تولف ليك مع الوقت راها عاد كاتكتاشف الماكلة.
                      والمشكل ديال الولف للي مولفاك هو مزيان مني ماولفتيهاش التلفزة احسنت وماعليك غير تصبري هاد السن شوية متعب بخلاف ايلا كبرات شوية تقدري تعطيها لعب ديال تنمية الذكاء بحال تركب شي قطع أو لي بوزل ومني تكبر شوية شري ليها قصص مفيدة وعوديها تقرا وبالمناسبة أختي راه التلفزة ممكن تستاغلليها بشي أشياء مفيدة بحال للي كاندير أنا وايلا كان في المستطاع ديالك كانحملواو كانشريوا سيديات رسوم متحركة للصغار هادفة واناشيد بلا ايقاع كذلك رائعة تعلم مثلا الصلاة أو الوضوء او الحروف وكانخدموهم في ديفيدي ومحيدين ليهم سبستون والقنوات الأخرى ديال الصغار ايلا سمعاتهوم غاتستانس بيهم وفي نفس الوقت غادي يتسجلو في الذاكرة ديالها .
                      الله يخلليها ليك وتقبلي مروري أختي وعيدك مبارك

                      تعليق

                      المتواجدون الآن 1. الأعضاء 0 والزوار 1.

                      أكبر تواجد بالمنتدى كان 2,525, 26-09-2016 الساعة 21:58.

                      يعمل...
                      X