إعـــــــلان

تقليص
لا يوجد إعلان حتى الآن.

طلب مساعدة لاتبخلن علي بمشاركتكن

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • طلب مساعدة لاتبخلن علي بمشاركتكن

    السلام عليكم
    عندي بنت عندها سبعة شهورومازال مكنوكلهاش بانتظام وبغيت المساعدة ديالكم
    الى كان ممكن بغيتكم تعطيوني النظام الغذائي اللي نتبع ليها حسب التجربة ديالكم
    حيت هذه المرحلة مهمة وفيها كيتبنى جسم الطفل حيت انا دخت بكثرة الاراء والمقالات من
    الانترنيت ومعرفت اناطريق نشد اسفة على الاطالة
    الله يجازيكم بخير

  • #2
    بغيت نفيدك ولاكين معنديش وليدات يعني معندي حتى فكرة اختي


    الهدف الاول 62 ان شاء الله
    sigpic


    ام ادم وريان

    تعليق


    • #3
      الله يخليها ليك ونتمنى الأخوات يفيدوك
      لا إله إلا الله

      تعليق


      • #4
        وعليكم السلام اختي
        انا ام جديدة وولدي دابا عمرو 7شهور ونص وحتى انا دوخني الانترنت في الاخير درت مابغيت والحمدلله غادا مزياااااااان

        كندير ليه التفاح نقشرو ونقطعو ونسلقو ومن بعد نطحنو بشوية الما اللي سلقتو فيه
        الكرعه الخضرا الطويلة شويه حتى هي نفس الشي نسلق ونطحن
        البعويد زوين ليهم حتى هو كنديرو
        بطاطا
        خيزو
        كلهم نفس الطريقة نسلق ونطحن بلا ملحه بلا والو
        بعد المرات كنخلط ليه الكرعه مع بطاطا مع خيزو
        مرات بطاطا مع الفرماج نمعسها
        وسيريلاك القمح وسيريلاك الفواكه
        والبنان غير قشريه وطحنيه مباشره وخلطيه مع شوية الما او الحليب الصناعي اذا كترضعيه ليه
        ومرات فاش ماكيبغيش يشرب الحليب كنخاف يخسر كنخلطو مع بيمو بحال هرنيس ونعطيه ليه او كنخلط هاد البيمو مع الما ونطحنو كيجي غزال ومفيد
        والارز مسلوق ومطحون غير عمري ماوكلتو لولدي العجز ومايدير ههههههههههههههه كننساه


        ونصيحه اذا كنتي خارجه ماكين ما احسن من التفاح والبعويد حيت البنان كيكحال
        التفاح والبعويد ممتازين ويبقاو مزيانين من الصباح حتى الليل مايخسروش وعن تجربة اختي

        والله يخليلك بنيتك وماتنسايناش من الدعاء ^_*


        اللهم أعنا على طاعتك وحسن عبادتك وجعلنا من عبادك الصالحين .. آميــــــن

        تعليق


        • #5
          وعليكم السلام اختي
          انا ام جديدة لتوام 6 شهور ونص وحتى انا دوخني الانترنت في الاخير درت طريقة الاخت ام محمد ياسين والحمدلله

          اما عن النظام فهاد السن الصوبا احسن شيء والحمد لله انهم بغاوها فيها كل الفوائد ايلا كنتي كاتنوعي ليهم الخضر وكاتضيفي اللحم او الدجاج او السمك والفرماج راهم كافيين لوجبة متكاملة بالنسبة للغداء اما الفطور اليك اختي الحليب طبعا بوحدو ثم مفزك مع بسكوي ومع 10 عصير ديال شي فاكهة من غير البرتقال لأنه غير منصوح به في هذا السن +فريميجة ومع لغدا الصوبا ومع العصر بتي سويس او جرفي ومع العشية عملي ليهم الخبز ديال الزرع مفزك فشوية الحليب العادي مع زويتة بلدية والله مكانتش هاد الوصفة كاتخطاني فالعشية وبيها وليداتي ولفولي الزيت البلدية اللي كيما كاتعرفي هي صحية 100في 100 ويمكن ليك تديري هاد الوصفة حتى فالصباح منين يفيقو بدل البسكوي والعكس صحيح وبالليل مرة la purée مرة سيريلاك ايلا بغاوه ليك مرة الحسوة مع بيضة ممعوسة فالفرماج .

          واللي بغيتك تتجنبي هو المرقة ماتعطيهاش ليهم فهاد السن لأن فيها الثوابل الغير منصوح بها على ود مصيرناتهم والمعدة.
          ماتكتريش ليهم الماكلة راه الغاية في المكونات ماشي فالكمية بحال دابا عطيتيها الصوبا راه غداء كامل في فترة الظهيرة لأنه غني بالخضر والبروتينات اما الدهنيات والكلسيوم كاياخدهوم فالحليب ومشتقاته.
          لا للأكل منين يفيقو فالليل عشيهم مزيااان مع 8 او 9 صافي ايلا فاقو غير صبري حتى تنعسيهم والله معاك.
          دائما ركزي على المكونات ديال الغداء اللي كاتعطي لوليداتك وحتى كاينفعوهم وكايحميوهوم من الأمراض والتكوين كايكون سليم فردي بالك .

          اما النوم ركزي على النوم مع 10 صباحا بعد العصير حتى للظهيرة ليكوش يكونو مبدلين طبعا ثم بعد الغداء الى العصر وصافي ماتخلليهمش ينعسو تاني حتى ل8 او 9 عشيهم والى النوم مباشرة وبالنسبة للعب فسهل جدا اختي اللعبة للي غاتعطي للواحد عطيها للاخر واللعب يكونو في مكان واحد ليهم بجوج وعلميهم الروح الجماعية والحمد لله غادين يكونو الألوان مختلفة باش يفرقو ما بينهم ولكن يلعبو مع بعضهم والنوم كايبدى ينقص منين يبداو يكبرو يعني ديك النعيسة ديال الصباح مثلا تقدر تمشي وتبقى غير ديال الظهيرة .






          اللهم إجعل والدي ممن تقول له النار اعبر فان نورك أطفأ ناري





          تعليق


          • #6
            وعليكم السلام اختي
            انا ام جديدة لتوام 6 شهور ونص وحتى انا دوخني الانترنت في الاخير درت طريقة الاخت ام محمد ياسين والحمدلله

            اما عن النظام فهاد السن الصوبا احسن شيء والحمد لله انهم بغاوها فيها كل الفوائد ايلا كنتي كاتنوعي ليهم الخضر وكاتضيفي اللحم او الدجاج او السمك والفرماج راهم كافيين لوجبة متكاملة بالنسبة للغداء اما الفطور اليك اختي الحليب طبعا بوحدو ثم مفزك مع بسكوي ومع 10 عصير ديال شي فاكهة من غير البرتقال لأنه غير منصوح به في هذا السن +فريميجة ومع لغدا الصوبا ومع العصر بتي سويس او جرفي ومع العشية عملي ليهم الخبز ديال الزرع مفزك فشوية الحليب العادي مع زويتة بلدية والله مكانتش هاد الوصفة كاتخطاني فالعشية وبيها وليداتي ولفولي الزيت البلدية اللي كيما كاتعرفي هي صحية 100في 100 ويمكن ليك تديري هاد الوصفة حتى فالصباح منين يفيقو بدل البسكوي والعكس صحيح وبالليل مرة la purée مرة سيريلاك ايلا بغاوه ليك مرة الحسوة مع بيضة ممعوسة فالفرماج .

            واللي بغيتك تتجنبي هو المرقة ماتعطيهاش ليهم فهاد السن لأن فيها الثوابل الغير منصوح بها على ود مصيرناتهم والمعدة.
            ماتكتريش ليهم الماكلة راه الغاية في المكونات ماشي فالكمية بحال دابا عطيتيها الصوبا راه غداء كامل في فترة الظهيرة لأنه غني بالخضر والبروتينات اما الدهنيات والكلسيوم كاياخدهوم فالحليب ومشتقاته.
            لا للأكل منين يفيقو فالليل عشيهم مزيااان مع 8 او 9 صافي ايلا فاقو غير صبري حتى تنعسيهم والله معاك.
            دائما ركزي على المكونات ديال الغداء اللي كاتعطي لوليداتك وحتى كاينفعوهم وكايحميوهوم من الأمراض والتكوين كايكون سليم فردي بالك .

            اما النوم ركزي على النوم مع 10 صباحا بعد العصير حتى للظهيرة ليكوش يكونو مبدلين طبعا ثم بعد الغداء الى العصر وصافي ماتخلليهمش ينعسو تاني حتى ل8 او 9 عشيهم والى النوم مباشرة
            والنوم كايبدى ينقص منين يبداو يكبرو يعني ديك النعيسة ديال الصباح مثلا تقدر تمشي وتبقى غير ديال الظهيرة .






            اللهم إجعل والدي ممن تقول له النار اعبر فان نورك أطفأ ناري





            تعليق


            • #7
              السلام عليكم احبيبة بحكم تجربة 12 سنة ديال تربية بنوتة فعمرها 12 سنة وبنوتة اخرى عمرها 5 سنوات نقولك افضل طريقة لادخال الاكل للرضيع

              اولا لتجنب الحساسيات تانيا باش مصيرناتوا يتعودوا شوية بشوية على الاكل

              غادي تبداي غير بالفواكه مثلا البانان مسلوق وممعوس فميها الي تسلق بيها يوم كامل باش فالغد تعرفي واش البيبي عنده حساسية من هاد النوع ديال الاكل
              ثم ثاني يوم غير تفاح مسلوق فميهة وممعوس فيها ثلاث وجبات من نفس النوع وبكمية قليلة وتشوفي واش التفاح كايدير ليه حساسية

              اليوم الثالث تديري بطاطا مسلوقة وحدة ومعسيها فالما بوحدها وشوفي واش تديري ليه حساسية فيوم واحد ما تدخليش الخضر كاملة كيف متعودين الا غلط

              وحدة بوحدة ثم يوم اخر وبنفس الطريقة خيز وهاكدا ملي تشوفيه ولله الحمد ما عنده حتى حساسية من اي نوع بداي تخلطي ليه الخضر والفواكه وزيدي شوية ديال سنيدة وتفنني ليه فالاكل دياله الاسبوع الاول كله تمهيدي عاد بداي تخلطي بكميات قليلة باش ما يجيهش الوجع كلشي بالتدريج





              [CENTER]


              تعليق


              • #8
                شكرا اكما اختي فيوزة و maro على مروركما وردكما

                تعليق


                • #9
                  السلام عليكم
                  اخواتي الجليلات ام احمد و أم زيد وزينب و فراشة بلا الوان جزاكن الله خيرا على ردودكن الطيبة وحفظ ابناءكن من كل مكروه

                  تعليق


                  • #10
                    chkoran okhti 3ala tarhak had mawdou3 stafadt mano o chokran lil akhawat 3ala ijaba

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X