إعـــــــلان

تقليص
لا يوجد إعلان حتى الآن.

استفسار

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • استفسار

    السلام عليكن.ا متى كاتبداو دخلو الماكلة لوليداتكم+ باش كاتسبقو:s5364:

  • #2
    السلام عليكم
    شوفي اختي انا ولدي عاد بدا في الشهر 6 مشيت عند الطبيب ديالو هاذ يومان و سولت نفس السؤال جاوبني بلي ماخسني نبدا نوع ليه ف ماكلة حتى اقفل 6 اشهر حيت الجهاز الهضمي ديالو كايكون يلاه كمل النمو ديالو ا مسيرناتو غادي اكونو مستاعدين اتقبل الماكلة
    اما بالنسبة للأكل فهو ظروري الحليب اماكاتعتيش الماكلة كلشي وقت واحد بحال دابة صيمانة 1 تاخدي خيزوا باطاطا أ بوارو طيبيهوم أتاخدي الما ديالهوم تقادي بيه الحليب هذا فيحالة الرضاعة الصناعية اولى طحنيهوم حتى اوليو فحال پوري
    اتعتيه بالمعلقة الا كان كايرضع من ماماه ..... عصير الليمون مهرس بالماء و أهم حاجة انك ماعمرك ضيفي لا ملح لا سكر حتى إكمل الطفل عام
    نصف بانانة مهرسة مزيان بشوية د الحليب ربع تفاحة طايبة في شوية د الما أ ملي تبرد تمعسيها مزيان فداك الما نيت حيت غادي إكونو طالقين فيه فيتامين
    سيريلاك أ ردي البال خاسو يكون خالي من واحد المادة سميتها glotine
    اشويا شويا حتى ا ولفو مسيرناتو إ ولي ياكل عادي
    نتمنى نكون فتك ولوشوية
    الله اخلي لينا وليداتنا و الله يهديهوم

    تعليق


    • #3
      شكرا اختي الله اعطيك الخير افدتني

      تعليق


      • #4
        لا شكرا على واجب

        تعليق


        • #5
          اختي خاصك اولا تنتظري حتى يكمل ولدك ستة اشهر.
          اول حاجة ممكن تعطيها ليه هي الخضر و الفواكه.بالنسبة للخضر استعمليها مسلوقة و مطحونة بمائها مع التنويع و مع اضافة عنصر من البروتينات اي جبن او قطعة من صدر الدجاج او قطعة من السمك الابيض.
          بالنسبة للفواكه استعمليها مسلوقة ايضا و مطحونة بمائها او على شكل عصيدة.
          يمكن ايضا الحبوب في هده السن.

          تعليق


          • #6
            سامحيني أختي راني البارح كتبت ليك 2 مرات ردود مفصلة وفالمرتين كيمشي لي كلشي حتى زعفت!
            ههههههه
            السموحة أختي!


            المهم، البنات ما شاء الله ما قصروش، فادوك وفادونا جزاهن الله خيرا

            إذن قلنا الأكل ابتداء من 6 شهور، نبداو بالخضر والفواكه مسلوقة إلا الموز ما كيتسلقش غير كيتمعك بفورشيط... كنبداو بكل نوع خضر على حدة وكنشوفو واش الطفل ما دارش منهم حساسية عاد كندوزو لنوع آخر: الجزر مثلا ثم البطاطس ثم القرعة الخضراء ثم الحمراء... وهكذا

            من بعد واحد الأسبوع ولا زوج كنبداو نخلطو الخضر، وندخلو اللحم الأحمر والأبيض والسمك فالتغذية ديال الطفل، ضروري ياخذ الطفل اللحوم ولو مرة واحدة خلال الشهر السابع تفاديا لفقر الدم، إيلا قدرتي تعطيه أكثر يكون أحسن، دخلي أيضا فهاد المرحلة أصفر البيض مسلوق معكيه مع الحساء، بداي بربع المح، ثم النصف ثم يولي ياخذ أصفر كامل في أواخر الشهر التاسع... انتبهي أبيض البيض ممنوع منعا كليا حتى يكمل الطفل سنة كاملة لأنه كيتسبب فحساسيات!

            ملي إن شاء الله طفلك يتوالف الخضر كاملة، تقدري تولي ديري ليه حساء تخلطي فيه جميع الخضر، وديري معاهم قطع اللحم أو الدجاج وكميشة دالعدس وكميشة دالروز، وتطيبي كلشي وتقسميه فعلب واحتافظي بيه فالمجمد، كل يوم عطيه علبة منهم: مثلا اليوم الحساء لي فيه اللحم، غدا لي فيه الدجاج بعدو غير خضر وضيفي ليهم أبيض السمك مفور أو أصفر البيض وهكذا...

            من بعد الحساء ياخذ الطفل الفواكه كيف قلنا مسلوقة ومطحونة

            في أواخر الشهر الثامن تقريبا إن شاء الله، تبداي بدل ما تطحني تمعكي غير بالفورشيط باش الطفل يبدا يمضغ شوية واخا ما عندو سنان، المهم ما يبقاش موالف كلشي مطحون


            حتى حدود السنة كيبقى الحليب هو الغذاء الأساسي للطفل، والأغذية الاخرى ما هي إلا مكملة

            الأطباء كينصحو تسبقي الرضعة هي الأولى عاد موراها الأغذية الأخرى، أنا صراحة هاد المسألة ما كانتش مسلكاني مع ولدي فكنت كنخالف وقت الرضاعة مع وقت الوجبات الأخرى

            الحبوب أو السيريلاك كيبقى مهم وضروري، ختاريه بحسب ما يناسب سن الطفل ديالك

            حليب البقر ما تعطيه ليه حتى يكمل على الأقل 9 أشهر والأفضل يبقى حتال سنة

            اليوغورت والدانينو والأجبان حتى هي ابتداء من الشهر التاسع

            فواكه البحر بحال أبيض البيض حتى يكمل الطفل سنة، وبعض الفواكه بحال الكيوي حتى هي حتى يكمل الطفل سنة

            ما تنسايش الماء مهم بزاف فهاد المرحلة، والملح كيفما قالت ليك الأخت قبل مني ما يدخل فالتغذية حتى يكمل الطفل سنة، هاديك الساعة تولي توكليه من الأكل لي كتصاوبي للأسرة كاملة

            ربي يخلي ليك ولدك ويفرحك بيه

            ننتظر مزيدا من الإفادة من عند أمهات المنتدى مشكورات

            تعليق


            • #7
              انا ولدي دخل في 6 اشهر و بديت كنعطيه الماكلة منوعة خلال الاسبوع كل نهار ورزقه هههههه
              مرة نعطيه صوبا ديال الخضرة مطحونة مع فرماجة
              مرة نعطيه الروز طايب بالحليب
              مرة اعطيه السميدة بالحليب
              و كنعطيه الفواكه بحال عصير الليمون مخفف بالماء
              او بنانة ممعوسة بفرشيط او تفاحة طايبة في الماء و مطحونة
              بالاضافة لرضاعات الحليب 4 المرات في اليوم
              نسيت مقلت ليك كنعطيه حتى سيريلاك و دانينو

              تعليق

              المتواجدون الآن 1. الأعضاء 0 والزوار 1.

              أكبر تواجد بالمنتدى كان 2,525, 26-09-2016 الساعة 21:58.

              يعمل...
              X