كل وحدة تعطينا اكلة غلظات ليها طفلها

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كل وحدة تعطينا اكلة غلظات ليها طفلها

    السلام عليكم
    :s10293:موضوعي باين من عنوانو كل وحدة عندها تجربة تدخل او تقول لينا اشنو تتوكل ولدها او بنها او بان ليها باسم الله ما شاء الله تزاد في الوزن خصوصا اش وكلاتو ملي كمل 5 سنين
    باش امهات لي بحالي يستافدو لعندهم شي وليدات ناقصين او ما تياكلوش
    اوا دخلو نفيدو او نستافدو

  • #2
    فكرة جيدة، خاصة مع مع ما تعانيه أغلبية الأمهات من مشاكل في تغذية أطفالهن

    حبذا لو تكون الاقتراحات صحية ومفيدة

    ما رأيكن أيضا أخواتي لو أفدنا بعضنا بالأكلة التي يحبها طفلك وكيفية تحضيرها... لتكون الفائدة أكبر

    أتمنى تفاعلكن أنيقاتي مع فكرة أختنا جميلة

    تعليق


    • #3
      جزاك الله بالف خير اختي ام الشهداء
      افكارك رائعة عندك حق ستكون الفائدة اكثر
      في انتظار تفاعل باقي اخوات مع موضوع

      المشاركة الأصلية بواسطة أم الشهداء مشاهدة المشاركة
      فكرة جيدة، خاصة مع مع ما تعانيه أغلبية الأمهات من مشاكل في تغذية أطفالهن

      حبذا لو تكون الاقتراحات صحية ومفيدة

      ما رأيكن أيضا أخواتي لو أفدنا بعضنا بالأكلة التي يحبها طفلك وكيفية تحضيرها... لتكون الفائدة أكبر

      أتمنى تفاعلكن أنيقاتي مع فكرة أختنا جميلة

      تعليق


      • #4
        وأنت من أهل الجزاء عزيزتي جميلة



        سأبدأ إن شاء الله: من الأكلات التي يحبها طفلي وألاحظ أنه يأكلها من دون ضغط ههههه هي Le pâté chinois

        طريقة تحضيرها سهلة: في مقلاة نضع كفتة + بصل محكوك + ثوم + قزبر ومعدنوس + ملح + إبزار + كامون + فلفلة حمراء (تحميرة) + زيت زيتون أو زيت المائدة العادية، يشحر الخليط جيدا حتى تطهو الكفتة وينشف كل الماء... (يمكنك أيضا إضافة قرعة خضراء محكوكة أو جزر محكوك لإضافة الفائدة للوصفة). نحتفظ بالخليط جانبا

        نقوم بسلق البطاطس مع الملح في إناء، ثم تمعك بعد ذلك مع القليل من الزبدة والكمون والحليب والجبن.

        في الإناء الخاص بالفرن، نضع طبقة أولى بخليط الكفتة والخضر إن كنا أضفناها، ثم فوقها طبقة من كريمة الذرة: La crème de maïs تباع جاهزة في الأسواق، ثم طبقة أخيرة من البطاطس... نزين بالجبن المبشور وتدخل للفرن لتتحمر فقط

        نلاحظ هنا وجود البطاطس "لي كتعلض هههههه" والكفتة والجبن والخضر إن أحببنا والذرة، يعني فعلا أكلة سهلة ومتكاملة ويحبها الأطفال

        دوركن يا أنيقات، لا تبخلن علينا بوصفات يحبها أطفالكن!

        تعليق


        • #5
          ههههه بنينة الله يعطيك الصحة ان شاء الله يستافدو منها اخوات او يطيبوها لوليداتهم
          انا عندي واحد بنت ما تحملش ريحة اللحوم الماكلة ما تاكلهاش حداك الى كنتي حاط شي اكلة من مكوناتها اللحوم
          لي عودة لاكتب لكن فتات شطبة لتتعجب بناتي

          تعليق


          • #6
            اسفة اخواتي على تاخر في رد
            بالنسبة للاكلة لتتعجب انا بناتي وخا شهية ما عندهمش تياكلوها بلا ما نقول كول نضغ سرط هه هي
            فتات شطبة معروفة غادة نكتبها في رد الاتي

            تعليق


            • #7
              هادي بطريقتي

              مطيشة حك+مطيشة عادية +قزبر او معندوس مقطعين +كمون ملح ابزار خرقوم زيت عادية وزيت زيتون شوي ديال سكينجبير +فول عدس شوية حلبة بصيلة صغيرة محكوكة تنخلط هاد الخير كلو او نشحروه او نزيدو عليه ماء او نسدو كوكوط ملي يطيبو نزيد عليهم نوع مفضل عند وليداتنا ديال les pates او نحركو من بعد ندوروها فحال حريرة او انت او دوقك زيدي سمينة او كنور او لي حبيتي تتجي بنينة او تتعجبهم او صحية
              تتكون مطلوقة عادقدة شوي على حريرة
              مقادير عاينك ميزانك

              تعليق


              • #8
                وفينكم الحادكات را بنتي غادة تخرج ليا عقل ضعيفة بزاف فحالا في مجاعة ههه

                تعليق


                • #9
                  السلام عليكم
                  انا ولادي كنا فحال فحال كنكرهو الخضر في المرق لكن الحمد لله من بعد ما بديت نطيب في الطجين ولينا كناكلو كلشي البطاطا و الشوفلور الجلبان القرع الخيزو كلهم كنديرهم في مرة 2 خضر من الحاجة و كميشة جلبانة و طرف صغير شوفلور كنقسمو زهيرات صغار بزاف
                  بالنسبة للبطاطا لكيحماقو عليها و ليداتي كنقطعها مكعبات صغيرة بزاف و نديرها في الكوكوط مع الزيت البلدية شوية الملح و شوية ديال ازير بلا ماء وكنسد عليها 5 دقائق على نار مهيلة ثم كنخفق البيض مع قطع الجبن الاحمر و المعدنوس ملي كطيب البطاطا كنقلبها في مقلة مع الزيت لي طابت فيه و نضيف البيض كتجي طورتيا رآائعة و سريعة

                  جميع انواع لي باط كيكلوهم الحمد لله

                  السفة الحلوة كيحماقو عليها

                  وصفة الدجاج بوب كورن خاصها تكون مرة في الشهر على الاكثر
                  دجاج مكعبات صغيرة نديروه في بلاستيكة فيها الدقيق مع البهارات و نحركو مزيان من بعد نغطسوها في البيض و تقلى كتجي هائلة

                  لي صوص لي يشجعو الوليدات على الاكل:
                  المايونيز بطريقة صحية :فرماجة+دانون مسوس+ملعقة زيت +الملح
                  نمعك الفرماج بالفورشيط و نزيد دانون و نبدا نطرب بالطراب يدوي او كهربائي و انا كنضيف الزيت بشوية en pluie حتى تماسك على فكرة عندي هاد الوصفة مصورة غادي نزلها قريبا ان شا الله
                  الكيتشوب
                  نص حك مطيشة+معلقة خل صحي كخل الاعشاب مثلا+معلقة نشا +معلقة سكر+زيت
                  ندوبو المطيشة في كاس الما كبير و نضيفو لها لي بقا الا الزيت كنديروه في كاسرولة و كنكبو الخليط مع التحريك على نار متوسطة حتى يعقاد نخليوها تبرد

                  لي عودة مع وصفات اخرى ان شاء الله

                  تعليق


                  • #10
                    تبارك الله عليك اختي الزهراء ام علي
                    وصفاتك تيشهيو باين ليا بنتي غادة تاكل وراهم سبيعات ايديها من غدا نبدا تجربة ههه ان شاء الله اخوات يستافدو كدالك الله يجعل هاد شي في ميزان حسناتك
                    في انتظارك عزيزتي

                    المشاركة الأصلية بواسطة الزهراء ام علي مشاهدة المشاركة
                    السلام عليكم
                    انا ولادي كنا فحال فحال كنكرهو الخضر في المرق لكن الحمد لله من بعد ما بديت نطيب في الطجين ولينا كناكلو كلشي البطاطا و الشوفلور الجلبان القرع الخيزو كلهم كنديرهم في مرة 2 خضر من الحاجة و كميشة جلبانة و طرف صغير شوفلور كنقسمو زهيرات صغار بزاف
                    بالنسبة للبطاطا لكيحماقو عليها و ليداتي كنقطعها مكعبات صغيرة بزاف و نديرها في الكوكوط مع الزيت البلدية شوية الملح و شوية ديال ازير بلا ماء وكنسد عليها 5 دقائق على نار مهيلة ثم كنخفق البيض مع قطع الجبن الاحمر و المعدنوس ملي كطيب البطاطا كنقلبها في مقلة مع الزيت لي طابت فيه و نضيف البيض كتجي طورتيا رآائعة و سريعة

                    جميع انواع لي باط كيكلوهم الحمد لله

                    السفة الحلوة كيحماقو عليها

                    وصفة الدجاج بوب كورن خاصها تكون مرة في الشهر على الاكثر
                    دجاج مكعبات صغيرة نديروه في بلاستيكة فيها الدقيق مع البهارات و نحركو مزيان من بعد نغطسوها في البيض و تقلى كتجي هائلة

                    لي صوص لي يشجعو الوليدات على الاكل:
                    المايونيز بطريقة صحية :فرماجة+دانون مسوس+ملعقة زيت +الملح
                    نمعك الفرماج بالفورشيط و نزيد دانون و نبدا نطرب بالطراب يدوي او كهربائي و انا كنضيف الزيت بشوية en pluie حتى تماسك على فكرة عندي هاد الوصفة مصورة غادي نزلها قريبا ان شا الله
                    الكيتشوب
                    نص حك مطيشة+معلقة خل صحي كخل الاعشاب مثلا+معلقة نشا +معلقة سكر+زيت
                    ندوبو المطيشة في كاس الما كبير و نضيفو لها لي بقا الا الزيت كنديروه في كاسرولة و كنكبو الخليط مع التحريك على نار متوسطة حتى يعقاد نخليوها تبرد

                    لي عودة مع وصفات اخرى ان شاء الله

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X