إعـــــــلان

تقليص
لا يوجد إعلان حتى الآن.

كيف اتقبل اني حامل..........

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كيف اتقبل اني حامل..........

    السلام عليكم و رحمة الله و بركاته
    اخواتي ساعدوني الله يجازيكم بكل خير
    ولدي عاد عندو عام و 4 شهور و عرفت اني حاملة وباقي كيرضع و متعلق بزاف بالبزولة
    كانحاول هاد الايام نفطمووكنخليه عند ماما وغير كيشوفني كيبكي حيت مابغا لا سكاتة لا رضاعة
    مشكلتي ان الحمل جاني على غفلة ومتقبلتش بسهولة بغيت نفرح كيف فرحت بالولد و نعطيه حقو
    نصحوني ودعيو معايا عافاكم ان ربي يقويني و دعيو ربي يفرحني بالبنت

  • #2
    ممنوع الكتابة بالعرنسية

    تعليق


    • #3
      أختي فكرتيني براسي :)

      أول حاجة مبارك ومسعود والله يكمل عليك بالخير ياربي !!!

      حتى أنا كان وقع ليا نفس الأمر، (باش مانقولش نفس المشكل)، أنا كنت ولدت بعملية قيصرية، ومن بعد 4 أشهر فقط وماشي عام و-4 أشهر، كنت مشيت عند الطبيبة ديالي باش تعمل لي فحص ونشوفو كيف بقات الفتحة، واش مزيانة ولا لا، وإذا بها كتفاجئني وكتقول لي راكي حاملة يامادام !!!! واو !!!! عرفتي ، ماتخيليش الوقع ديال هذه الكلمات عليا !! صافي كنت غانحماق !!! أنا كنت كنحس براسي مازال عيانة، ماكاين حدايا حتى واحد لي يمكن يساعدني ، لا ماما ، لا عدوزتي لا حتى واحد من غير الله سبحانه وتعالى !!!

      بصراحة، الله يسمحلي واستغفر الله وأتوب إليه، أنا مشيت وقلتها لراجلي وطلبت منو باش نعمل إجهاض لأنني كنت حاسة بأن الجسم ديالي مازال ضعيف. ولكن هو رفض، وقررنا باش نمشيو عند الطبيبة ونتئكدو واش كاين شي خطورة عليا، فقالت ليه الطبيبة أن الحمل غادي يكون متعب بسبب حالتي الصحية، ولكن ماشي لدرجة الخطورة. فكان أن زوجي بدا كينصحني ويحدثني و و و ... وفي الأخير رضخت للواقع !

      ومن بعد كلشي الحمد لله داز على خير، وولدت واحد البنيوتة ، تبارك الله غزالة فنيونة ، وسيدي ربي الحبيب جاب معاها رزقها . ونزيدك حاجة أخرى، والله ثم والله ، حتى دابا كنشكر الله صباح وعشية فاش كنشوف بنياتي موانسين مع بعضياتهم، كيلعبو مع بعضياتهم، وحدة رادة البال للأخرى . . . والله العظيم حتى أحسن حاجة كتدوز ! ونزيدك حاجة أخرى، دابا بنتي الصغيرة يالله كملات 3 سنين، وباغية نزيد نولد، لأنني من واقع التجربة، لي فنيتو مازال باغي يولد ، اللهم يحيد عليه الروينة ديال الرضاعة وليكوش وووو- ... تمارة ديال الترابي دايزة دايزة، وكلشي بالأجر ، اللهم الإنسان يولدهم متابعين ويتهنى وحتى الدراري كيكونو مقاربين مع بعضياتهم في السن وكيكونو حنان بزاف بيناتهم !!

      ايوا ياخيتي ألف ألف ألف مبروك ، وربي راه بغاك لي سهل عليك ورزقك من عندو هاد الحمل، وحتى وليدك يلقى مع من يلعب ويتوانس !!! نتمناو الله يثبتوو لك، وكلشي إن شاء الله يدوز على خير وبخير، وماتنسايش الأية الكريمة لي كتقول : "وعسى أن تكرهوا شيئا وهو خير لكم "

      والسلام عليكم !
      اللهم أنت ربي لا إله الا أنت، عليك توكلت، وأنت رب العرش العظيم، ما شاء الله كان، وما لم يشء لم يكن، ولا حول ولا قوة إلا بالله العلي العظيم، أعلم أن الله على كل شيء قدير، وأنه قد أحاط بكل شيء علما، اللهم إني أعوذ بك من شر نفسي ومن شر كل دابة أنت آخذ بناصيتها، إن ربي على صراط مستقيم

      اللهم أعنا على ذكرك و شكرك و حسن عبادتك

      sigpic

      تعليق


      • #4
        أختي ميميا يلزمك تتوقفي حالا عن إرضاع طفلك وأنت حامل، فرضاعة الغيل مضرة به جدا!

        قال الرسول الكريم صلى الله عليه وسلم: *لا تقتلوا أولادكم سرا فوالذي نفسي بيده إن الغيل ليدرك الفارس فيدعثره عن فرسه*

        وما شاء الله عليك راكي رضعتيه سنة و 4 شهور، الله ينفعو بيها ويجعل فيها البركة

        حاولي ملي يبكي على ود الرضاعة نسيه بأنك تخرجيه أو عطيه شي حاجة كتعجبو باش يتلهى... وديما لبسي شي حاجة مسدودة من العنق باش يجيه صعيب يجبدها بوحدو

        مسألة الحمل الثاني، من العادي أنك ما تحسيش بيه بحال الأول، لأنك كنتي مسالية غير لحملك فالأول، أما دابا راكي عندك مسؤولية طفل قدامك وطفل فبطنك، عطي الخاطر لراسك والمسألة مسألة وقت فقط، غير ريحي بالك

        مبروك عليك الحمل والله يفرحك بلي فنيتك ويدير ليك فيه الخير

        تعليق


        • #5
          أختي أم آية جزاك الله خيرا على هاد الشهادة الحية

          فعلا ربي كبير وما كيدير غير التاويل ديال الخير... والله سبحانه وتعالى كيجازي العبد ملي كيحمد ربي على لي عطاه وكيحتسب أجرو وصبروه عند الله سبحانه وتعالى

          الله يحفظ ليك بنياتك، ويرزقك عما قريب بشي أخ ليهم ولا أخت... لي جات من عند الله سبحانه وتعالى مزيانة

          تعليق


          • #6
            اختي الله ايسهل عليك انت يالله في بداية الطريق غيكون مشكل لو انك عندك 3 او اربعة وزدتي لكن انت اشاء الله ضروري ماتخاويه فخاويه حدو صغير يتوانس مع خوه او ختو انشاء الله

            حاولي تقنعي نفسك وتستاجبي لارادة الله وشوفي اللي محروم وكينتضر طفل بفارغ الصبر الله يعطيك وقفة ساهلة وانشاء الله بالتنضيم كلشي يسهال



            اللهم إنك وهبت لي بناتي من غير حولٍ مني ولا قوة فاحفظهم بحفظك بلا حولٍ مني ولاقوة
            اللهم أحفظهم من أي مكروه يصيبهم ومن كل شرٍ وضرر
            اللهم أحفظهم من الأسقام والأمراض
            اللهم لا تجعل ابتلائي فيهم
            اللهم أجرهم من الفتن ما ظهر منها وما بطن
            اللهم أجعلهم من صالح عبادك وحفظة كتابك ومن أحسن الناس ديناً وعبادة وأخلاقاً ومن أسعدهم حياةً وأرغدهم عيشةً
            اللهم أغنهم بحلالك عن حرامك وبفضلك عمّـن سواك ،،
            ربي أرزقهم صحبة الأخيار وخصال الأطهار والتوكل عليك يا قادر يا جبار،،
            ربي أبعد عنهم أمراض القلوب والأبدان ،،
            وبلغني فيهم غاية أملي بحولك وقوتك يا كريم يا منان ،،
            ربي متعني ببرهم في حياتي وأسعدني بدعائهم بعد مماتي ،،
            وصل اللهم وسلم وبارك على سيدنا محمد وآله الطيبين الطاهرين، آمين يا رب العالمين

            تعليق


            • #7
              مبروك عليك الحمل والله يفرحك بلي فنيتك و يرزقك بشي بنوتة ان شاء الله تونس خوها.
              غير صبري و اكثري من الحمد و ماتقنطيش من رحمة الله.

              تعليق


              • #8
                السلام عليكم
                اختي اول حاجة الله اتبت لك الحمل ديالك شوفي اختي ديما الحاجة الا ماتعولتيش عليها راه تجيك صعيبة في الاول تقبليها و لكن ما تنسايش بلي الله سبحانه و تعالى كيقول "المال و البنون زينة الحياة الدنيا" صدق الله العظيم أ حنا المغاربة كانقولو شوفي عويناتو تنساي وجيعاتو دابة تشوفي مع الوقت غادي تقبلي الفكرة و تولي تسناي اليوم لي تولدي فيه
                اما الفطام ديال ولدك انا فالصراحة رضعة ولدي غير شهر أ نص صافي ماكانش فيا الحليب إنت ولدك تبارك الله راه عام و 4 اشهر يعني باراكا عليه شوفي انا واحد صاحبتي خدات الفاخر أ حكات بيه بزازلها غير شافتهوم بنتها أ هيا تخاف مابقات بغاتها أ واحد صاحبتي خرا دارت لولدها شوي د البزار واخا قاصحة شوي أ بكا و لكن تهنات اللهم بكية واحدة ألا كل نهار

                تعليق


                • #9
                  أختي oumaya فكرتيني فواحد أختي وقع ليها بحالك حتى هي حملات على 4 شهور و والدة بالعملية ملي مشات للطبيبة قالت ليها رك حاملة ولكن الفتحة باقي مبراتش ليها وقالت ليها ره صعيب عليك الحال إلى بقيت حاملة خاصك تحيديه ومتاقتش خافت لدير شي حاجة حرام ومشات عند طبيبة خرى قالت ليها نفس الهضرة ومشات السويسي الولادة قالوا ليها نفس الهضرة وحيدات
                  ونت أختي mimia كنضن غير صبري مع ولدك حتى ينساها لك ومبروك عليك الحمل

                  تعليق


                  • #10
                    اختي عادي فرحي مع راسك جابو الله مرحبا بيه يكبر هو وخوه او خنو ولاد الغيال الحمد لله مك حداك تعاونك فيهم حتى يكبروا ليك اما الرضاعة معنديش فكرة لمكانش ممكن يرضع وانت حامل عوضيه بالرضاعة متجي فين تولدي حتى ولد يشد راسو حتى تولي عندوا عام وشهرين




                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X