ساعدوني الله يرحم بيها الوالدين في هاد النهار المبارك

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ساعدوني الله يرحم بيها الوالدين في هاد النهار المبارك

    السلام عليكم كدايرين لباس عليكم الله يخليليكم وليداتكم بكل خير عندي مشكل مع ولدي عندو 5 سنين و نص تيقرا في la grande section هو لما تنجي نراجع معاه تيبدا يبكي و يشعون وانا بطبعي كنغوت و هادي سمة خايبة فيا و كلشي تيسيق الخبار و تيبداو يكولوليا راه باقي صغير متغوتيش معاه الى غير قريتليه شي كلمة معرفهاش كيبقى يبكي ساعة علاش كلتيليا انا نكولها و سير على هكدا الى قلبتليه غير الصفحة يرجعها و يعاود يقلبها متنكملو المراجعة ة لا الكتبة حتى كنولي كلي كنغزل و متنبغيش نضربو و احيانا تنمد يدي و تنبدا نكول هدا مدار دابا اما منين يكبر خاصنا البوليس اشنو تقتارحو عليا الله ينوليكم ما فبالكم واش العيب فيا و الطريقة باش تنخدم معاه معرفتش قليل فين نديرو التمارين بهدوء و بلا غوات الي عندها بحال هاد الحالة متبخلش عليا و شكرا

  • #2
    السلام عليكم ورحمة الله تعالى وبركاته اختي انا كنت مربية اطفال للغة الفرنسية بالخصوص la grande et la moyenne section
    لمدة تماني سنوات
    اولا اختي اريد ان اسئلك كيف تجدين مستواه هل يعرف الحروف اشراك الكلمة يستطيع التلوين دون الخروج عن الاطار يعرف الارقام من 1 الى 20
    عندما ينتهي الاسبوع تجدينه حافضا للتعبير فاهما لمحتواه expression orale المرجو منك ان تجيبيني وانا سارشدك بادن الله للطريقة التي تتبعينها معه بالبيت



    اللهم إنك وهبت لي بناتي من غير حولٍ مني ولا قوة فاحفظهم بحفظك بلا حولٍ مني ولاقوة
    اللهم أحفظهم من أي مكروه يصيبهم ومن كل شرٍ وضرر
    اللهم أحفظهم من الأسقام والأمراض
    اللهم لا تجعل ابتلائي فيهم
    اللهم أجرهم من الفتن ما ظهر منها وما بطن
    اللهم أجعلهم من صالح عبادك وحفظة كتابك ومن أحسن الناس ديناً وعبادة وأخلاقاً ومن أسعدهم حياةً وأرغدهم عيشةً
    اللهم أغنهم بحلالك عن حرامك وبفضلك عمّـن سواك ،،
    ربي أرزقهم صحبة الأخيار وخصال الأطهار والتوكل عليك يا قادر يا جبار،،
    ربي أبعد عنهم أمراض القلوب والأبدان ،،
    وبلغني فيهم غاية أملي بحولك وقوتك يا كريم يا منان ،،
    ربي متعني ببرهم في حياتي وأسعدني بدعائهم بعد مماتي ،،
    وصل اللهم وسلم وبارك على سيدنا محمد وآله الطيبين الطاهرين، آمين يا رب العالمين

    تعليق


    • #3
      اختي
      ديري فبالك بان طريق التعلم راه طوييييييييييييييييييييييييل
      ادن حاولي معاه غير بالهداوة وراكي انت مولاة العقل راه باقي صغير ووخى يكون معارف يتلفض ولا كلمة راه باقي الوقت امامه انه يتعلم
      اختي حاولي على ولدك لا تكرهيه فالقرائة من دابا ويعود ميحملهاش او يتعق منها ويمكن ايض يكون عارف الحاجة لكن يخاف يقولها وتولي الامور اكثر تعقيدا بحيث تولي تتمس شخصية بمعنى يولي يخاف امام اصدقائه فالقسم
      اختي بصاح احنا الامهات الى كان قلبنا حار تنبغيو وليداتنا يكونو يقراو مزيان ويجيبو افضل النتائج لكن كيبقى اهم التفاصيل في هدا وهي الطريقة الى الوصول الى دالك
      حبيبتي
      دخلي معلمته حتى هيا فالموضوع وشوفي كفاش هو كيكون عندها في القسم
      وانت من جهتك حاولي معاه غير بالتي هي احسن
      ديري فبالك بحال الى بغيتي تلعبي معاه شي لعبة تتقيفية ماشي باش تقريه
      وفوق هدا اشتري له قصص يكونو فيها تصيورات بحيث تزيد تشجعه على القرائة
      شوفي ديري فبالك بانه راه باقي صغير مني تكوني تقريه وتشوفي راسك قربتي تغوتي عليه او تضربيه يحاول زوجك يعوض مكانك ويكمل معاك انا هادي هي طريقتي مع وليداتي
      الى واحد فينا شاف راسه غادي يخرج على المعقول والمنطق كيعوضو فالحين الاخر وعاد مع قرائة القصص والتحفيزات ديال لي بغاوها نشيروها لهم طبعا في حدود المعقول والله تهنينا ولاويقراو لوحدهم

      حاولي تتصاحبي معاه فالوقت لي تبغي تقريه وديري اعصابك في الثلاجة راه الى بقيتي على هدا الحال غادة تضيعيه منك لا قدر الله
      وزد فوق هدا متحمليهش مالا طاقة له به بمعنى خاصك تقريه على حساب قدرات استيعابه راه لوليدات ماشي بحال بحال سبحان الله

      اختي الله يبارك ليك فيه حتى تشوفيه كما تتمنين والله يكبر شانه عاليا ان شاء الله ويفرحك به
      sigpic

      تعليق


      • #4
        شكرا على الستجابة ديالك الله يخليليك اكرام اولا المستوى ديالو مزيان على حساب متيكولوليا في العربية كتبات ليا طفل نشيط و حيوي و مجد في عملو واصل اجتهادك و الفرنسية مزيان عندو شوية l'éxression orale ناقص بالنسبة للقراءة واصلين la lettre L و تيقرا من اول مبداو حتى لفين واصلين نفس الشيء بالنسبة للعربية اما العد فتيعد و حتى la dictée كيديرها و متيخرج على الاطار لانو شفت le dossier عافاك الى ما ساعديني واش ندير معاه القراءة كل نهار و لا بلاش و مؤخرا ولا راجلي تيكوليا متبقايش تغوتي معاه فين منهضر معاه تيكوليا متغوتيش عليا الله يرحم ليك والديك دين و دنيا

        تعليق


        • #5
          جاني والله اعلم وسمحي لي العيب فيك اختي داك الطريقة للاسف كانت منهج ابي كان صارم وفي الحقيقة كنت كنخاف لدرجة انني كاندير راسي مريضة ديما ونحاول نسخن راسي باي طريقة باش منين يقسوه يتيقوني واش مريضة هههههههه غيري طريقتك معك والى شفتي راسك مقدراش تتغيري خلي غيرك لي يراجع معه وانت بلاش انت عطيه الحنان والامان والحب وخلي غيرك لي عندو الخاطر يراجع معه على الاقل غير علما ينسي ويتغلب على الخوف لي عندو والله يصلحو لك ياربي ويكون كيفما تتمنايه ياربي
          اللهم إني لا أستطيع أن آخذ إلا ما أعطيتني و لا أتقي إلا ما وقيتني اللهم أعني على ترك ما أريد لما تريد و اخلفني خيراً مما أريد

          تعليق


          • #6
            كتبت وبنتي مسحات كلشي ههههه لي عودة اختي



            اللهم إنك وهبت لي بناتي من غير حولٍ مني ولا قوة فاحفظهم بحفظك بلا حولٍ مني ولاقوة
            اللهم أحفظهم من أي مكروه يصيبهم ومن كل شرٍ وضرر
            اللهم أحفظهم من الأسقام والأمراض
            اللهم لا تجعل ابتلائي فيهم
            اللهم أجرهم من الفتن ما ظهر منها وما بطن
            اللهم أجعلهم من صالح عبادك وحفظة كتابك ومن أحسن الناس ديناً وعبادة وأخلاقاً ومن أسعدهم حياةً وأرغدهم عيشةً
            اللهم أغنهم بحلالك عن حرامك وبفضلك عمّـن سواك ،،
            ربي أرزقهم صحبة الأخيار وخصال الأطهار والتوكل عليك يا قادر يا جبار،،
            ربي أبعد عنهم أمراض القلوب والأبدان ،،
            وبلغني فيهم غاية أملي بحولك وقوتك يا كريم يا منان ،،
            ربي متعني ببرهم في حياتي وأسعدني بدعائهم بعد مماتي ،،
            وصل اللهم وسلم وبارك على سيدنا محمد وآله الطيبين الطاهرين، آمين يا رب العالمين

            تعليق


            • #7
              السلام عليكم ورحمة الله تعالى وبركاته اختي lamiaamalak شوفي راه الاساس باش يكون ولدك هادي وتايستوعب لبزاف ديال الحاجات راه هو الوسط الي من حوله وماتنسايش انكي انتي اهم عنصر تايلجئ ليه الطفل سواء صغير او كبير فما بال ولدك راه عاد عندو خمس سنوات حاولي تهيئي ليه جو من الهدوء والطمئنينة باش يقدر يستوعب كل من حوله وحتى تصرفاتك معاه هديها شوية وما تنسايش هدا هو الوقت الصعيب فتربية الاطفال باش ما يطلعوش معقدين وتايستوعبو ويفهمو الامور كيفما هي حاولي اختي ان توصلي له المعلومة كيف ما كان نوعها سواء فالدراسة او المعاملة بشكل عام بطريقة لطيفة يقدر يتقبلها الطفل ويستوعبها ويعمل بيها وصدقيني انتي ومعاملتك معاه هي الاساس لانه اكثر احتكاكو معاك انتي ومن بعد الوسط الي تيدرس فيه والسلام عليكم ورحمة الله تعالى وبركاته
              sigpic

              تعليق


              • #8
                السلام عليكم ورحمة الله تعالى وبركاته
                اختي مادام المعلمة كتبات انو طفل نشيط وكتمنى انو يحافض على اجتهادو هادا يعني انو بالقسم فالمستوى المطلوب لان المعلمة هي من يحكم على طفلك لان كيف كنقولو الطفل بالبيت كيتفشش على والديه ماشي فحال القسم كتكون الجدية اكتر شحال من ام لما كتسول على ابنها كتلقاه مهدن عكس البيت
                كيف قالت ليك الاخت ام الكتامين نصيحتها عجباتني بزاف حاولي تهدني معاه لان العصب غاياخدو منك والاشياء اللي كتشوفيه ضعيف فيها متلا قلتي التعبير قولي للمعلمة فاخر كل اسبوع تكتب ليك التعبير اللي غيعملو وانت خدميه معاه بالبيت لان التعبير جد سهل فيه اماكن او اشخاص خاصو يفهمهم او حديت بين شخص وشخص فهميه ليه انت بطريقة ترفيهية وماشي مهم يحفضو بل المهم يفهم معناه ولما يشوف متلا مدرسة بالصورة يعرف معناها واش كنعملو فيها
                التمارين قلتي هما مشكل من المشاكل واش المدرسة كتعطيلو تمارين يوميا الى كان اه فبالنسبة لي كتيرة عليهم التمارين كتكون بنهاية الاسبوع عبارة على كل ما قراوه خلال الاسبوع فيها كتعرفي واش اللي عمل خلال الاسبوع واصل ليه اولا
                اللي بغيت نقوليك طفلك ماشي الحمد لله مزيان متكتريش عليه حاولي معاه غير بشوية لان باقي قدامو التحضيري كلشي غيتعاود فيه والامور كتكون فيه اكتر جدية لان كانو عندي اطفال نقدر نقول مستواهم اقل من المتوسط تابعتهم بالسؤال على مستواهم كيف اصبح تفاجات انهم من الاوائل ما شاء الله
                بالبيت تبعي معاه اي حاجة تشوفيها تفسريها ليه القراية بطريقة غير مباشرة فكل شيء متلا الطبسيل كيف عامل اه ه ه ه على شكل دائرة اشمن لون هادا شحال عندي من خبزة ههههههه يعني انت غتخليه يخدم عقلو فكل حركة بالبيت فيها اسئلة واجوبة غير بالضحك وها النهار داز تعلم بالبيت والمدرسة الله ايوفقك اختي



                اللهم إنك وهبت لي بناتي من غير حولٍ مني ولا قوة فاحفظهم بحفظك بلا حولٍ مني ولاقوة
                اللهم أحفظهم من أي مكروه يصيبهم ومن كل شرٍ وضرر
                اللهم أحفظهم من الأسقام والأمراض
                اللهم لا تجعل ابتلائي فيهم
                اللهم أجرهم من الفتن ما ظهر منها وما بطن
                اللهم أجعلهم من صالح عبادك وحفظة كتابك ومن أحسن الناس ديناً وعبادة وأخلاقاً ومن أسعدهم حياةً وأرغدهم عيشةً
                اللهم أغنهم بحلالك عن حرامك وبفضلك عمّـن سواك ،،
                ربي أرزقهم صحبة الأخيار وخصال الأطهار والتوكل عليك يا قادر يا جبار،،
                ربي أبعد عنهم أمراض القلوب والأبدان ،،
                وبلغني فيهم غاية أملي بحولك وقوتك يا كريم يا منان ،،
                ربي متعني ببرهم في حياتي وأسعدني بدعائهم بعد مماتي ،،
                وصل اللهم وسلم وبارك على سيدنا محمد وآله الطيبين الطاهرين، آمين يا رب العالمين

                تعليق


                • #9
                  لا إله إلا الله

                  هو أكيد أختي أن الغوات والعصاب ومد اليد على الولد خاطيء... ولكن كنظن حتى وليدك ما شاء الله كيف كنقولو راسو قاصح شوية، بما أنه ما كيبغيكش توريه الكلمات لي ما عارفش ولا تقلبي ليه الصفحة...

                  بصراحة، أنا بلاصتك ممكن نفكر نتكلم مع ولدي قبل ما نبداو المراجعة، قبل ما نزلو الكتب على الطبلة... خوذيه بواحد الرفق وبكلام الكبار، يعني تكلمي معاه ويحس براسو راه كبيبر! ماشي تاخذيه على قد عقلو... وشرحي ليه أهمية المراجعة وقولي لي أن مهمتك معاه هي توريه الحاجة لي هو ما عارفهاش... وأنكم غتافقو بزوجكم إيمتا الصفحة خاصها تقلب ويقلبها هو... ملي تكملي ليه هاد الشرح خرجي معاه باتفاق: دابا حنا اليوم أولدي غادي نتبعو هاد القواعد فالمراجعة، ملي ما تعرفش شي كلمة وتقولها لي خاصني أنا نقراها ليك وأنت تعاودها موراي بهدوء... وكذا وكذا... حطي النقط على جميع المشاكل لي عندك معاه... وتواعديه بالمقابل أنك ما غادياش تغوتي عليه وغادية تعطيه الخاطر... أكيد أنك ما غتبقايش تكلمي بوحدك، عطيه فرصة يقول آش ما عاجبوش ويشارك حتى هو فهادوك القرارات لي غاديين تخرجو بيهم... وحاولي هاد النقاش ما ياخذش وقت طويل... لأنه غادي يمل وما غاديش يبقى مركز معاك...

                  دابا غاديين تبداو المراجعة، بهدوء... التزمي بوعودك باش حتى هو يلتازم بوعودو... وإيلا نسى فكريه: علاياش تافقنا أولدي الله يرضى عليك؟ وخليه يجاوب

                  ونهار على نهار إن شاء الله أكيد غتلاحظي تغيير... ولكن بداي براسك نتي الأولى فالتغيير

                  يا ربي تهديه... ولهلا يحاشمك معاه... ولهلا يحاشمنا مع وليداتنا

                  تعليق


                  • #10
                    السلام عليكم الله يجازي الاخوات الفاضلات كلها بالسم ديالها الي عطاوني من وقتهم والله العظيم الى تنكتبليهم و الدموع نازلين بكترة ماترت فيا الهضرة ديالكم اما هو راه باقي صغيرشنو ماعطيتيه غادي يردو معرفتش اشنو ندير تنكلس مع راسي و هادشي الي طرحتوه كلو تنكولو في نفسي و لكن... مع انني وحيدة امي مع اخي ة مكانتش كضربني انا من هاد السيمانة بديت تنهدن من راسي بغيت ناخد شي مهدء لاني تنتعصب بزاف و تتجي فيهم وخايفة حتى من اختو عندها 2 عامين و نص كدير داكشي الي كيدير و سمحوليا الى طولت عليكم بالنسبة للتمارين غير الكتبة ديال الحروف و بعض الكلمات باش تنصحوني راني تنبكي و هاد المشكل مارقني بزاف

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X