إعـــــــلان

تقليص
لا يوجد إعلان حتى الآن.

الامهات عافاكم امتى بديتو تعطيو الماكلة لاولادكم الرضع

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الامهات عافاكم امتى بديتو تعطيو الماكلة لاولادكم الرضع

    انا بنتي كملات 3 اشهر و نصف بغيت نبدا نعطيها ماكلة ومعرفت باش نبدا دا كنرضعها اصطناعي الله يرحم والدين محتاجاكم تعاونوني

  • #2
    بنتك مازالة صغيرة بزاف على إدخال الأغذية المكملة للحليب

    الأكل ابتداء من 6 شهور، نبداو بالخضر والفواكه مسلوقة إلا الموز ما كيتسلقش غير كيتمعك بفورشيط... كنبداو بكل نوع خضر على حدة وكنشوفو واش الطفل ما دارش منهم حساسية عاد كندوزو لنوع آخر: الجزر مثلا ثم البطاطس ثم القرعة الخضراء ثم الحمراء... وهكذا

    من بعد واحد الأسبوع ولا زوج كنبداو نخلطو الخضر، وندخلو اللحم الأحمر والأبيض والسمك فالتغذية ديال الطفل، ضروري ياخذ الطفل اللحوم ولو مرة واحدة خلال الشهر السابع تفاديا لفقر الدم، إيلا قدرتي تعطيه أكثر يكون أحسن، دخلي أيضا فهاد المرحلة أصفر البيض مسلوق معكيه مع الحساء، بداي بربع المح، ثم النصف ثم يولي ياخذ أصفر كامل في أواخر الشهر التاسع... انتبهي أبيض البيض ممنوع منعا كليا حتى يكمل الطفل سنة كاملة لأنه كيتسبب فحساسيات!

    ملي إن شاء الله طفلك يتوالف الخضر كاملة، تقدري تولي ديري ليه حساء تخلطي فيه جميع الخضر، وديري معاهم قطع اللحم أو الدجاج وكميشة دالعدس وكميشة دالروز، وتطيبي كلشي وتقسميه فعلب واحتافظي بيه فالمجمد، كل يوم عطيه علبة منهم: مثلا اليوم الحساء لي فيه اللحم، غدا لي فيه الدجاج بعدو غير خضر وضيفي ليهم أبيض السمك مفور أو أصفر البيض وهكذا...

    من بعد الحساء ياخذ الطفل الفواكه كيف قلنا مسلوقة ومطحونة

    في أواخر الشهر الثامن تقريبا إن شاء الله، تبداي بدل ما تطحني تمعكي غير بالفورشيط باش الطفل يبدا يمضغ شوية واخا ما عندو سنان، المهم ما يبقاش موالف كلشي مطحون


    حتى حدود السنة كيبقى الحليب هو الغذاء الأساسي للطفل، والأغذية الاخرى ما هي إلا مكملة

    الأطباء كينصحو تسبقي الرضعة هي الأولى عاد موراها الأغذية الأخرى، أنا صراحة هاد المسألة ما كانتش مسلكاني مع ولدي فكنت كنخالف وقت الرضاعة مع وقت الوجبات الأخرى

    الحبوب أو السيريلاك كيبقى مهم وضروري، ختاريه بحسب ما يناسب سن الطفل ديالك

    حليب البقر ما تعطيه ليه حتى يكمل على الأقل 9 أشهر والأفضل يبقى حتال سنة

    اليوغورت والدانينو والأجبان حتى هي ابتداء من الشهر التاسع

    فواكه البحر بحال أبيض البيض حتى يكمل الطفل سنة، وبعض الفواكه بحال الكيوي حتى هي حتى يكمل الطفل سنة

    ما تنسايش الماء مهم بزاف فهاد المرحلة، والملح ما يدخل فالتغذية حتى يكمل الطفل سنة، هاديك الساعة تولي توكليه من الأكل لي كتصاوبي للأسرة كاملة

    تعليق


    • #3
      ممنوع الكتابة بالعرنسية

      تعليق


      • #4
        لا اختي ماتبداي لبنيتك الماكلة حتى ل6 شهور
        الله يحفظها لك اختي وتشوفيها ان شاء الله كيفما تتمناي
        اللهم إني أسألك بأني أشهد أنك أنت الله لا إلاه إلا أنت الواحد الفرد الصمد الذي لم يلد و لم يولد أن تسهل أمر أحبتي و تفرج همهم و تيسر غايتهم.



        تعليق


        • #5
          ممنوع الكتابة بالعرنسية

          تعليق


          • #6
            أختي ماشي الماكلة مازالة صغيرة عليها
            على ما أظن أن الماكلة كتبدى ابتداء من 6 شهور








            من لمحت توقيعي تدعو لأبي بالرحمة والمغفرة
            وتدعو لاخي بالشفاء العاجل ااااامين يا رب العالمين

            تعليق


            • #7
              ست شهور كيف ما قالوا لك الاخوات الله يجازيهم بالخير

              ابتداء من الاسبوع الاخير في الشهر الخامس كتبدا التذوق كل 3 ايام خضرة جديدة

              تعليق


              • #8
                انا شخصيا ولدي بديت كنعطيه الماكلة من 4 شهور و الحمد لله عادي

                تعليق


                • #9
                  لا متعطيها والو حتى 6 شهور
                  والله اخليهاليك
                  sigpicاللهم اصلح لي طفلي محمد ريان وطفلتي الاء وحفظهم وبلغني فيهم غاية املى ومناي
                  ​بحولك وقوتك

                  تعليق


                  • #10
                    انا بديت نعطي لبنتي الماكلة مني كملت 4شهور حيت كترضع الحليب الاصطناعي اما مني دارت 6 شهور بديت نعطيها كلشي
                    sigpicاللهم احفظ لي ابنتي واجعلها من الذرية الصالحة وبارك اللهم لي فيها واجعلها من الشاكرات

                    تعليق


                    • #11
                      ممنوع الكتابة بغير العربية

                      تعليق


                      • #12
                        ممنوع الكتابة بغير العربية

                        تعليق


                        • #13
                          ممنوع الكتابة بغير العربية

                          تعليق


                          • #14
                            ان شاء الله بداي لها بالبطاطا في اخر اسبوع من الشهر الخامس صلقيها بلا ملح و دعكيها مزيان و عطيها غير تدوق فوقت الغداء يعني الوقت لي غادي تبداي تعيطيها فيه السوپة
                            بقاي 3 ايام و انت كتعطيها البطاطا من بعد ديري خيزو حتى هو بلا ملح و من بعد ما تكمل الشهر السادس
                            ديريلها السوپة الثلاث ايام الاولى بالبطاطا و خيزو و القرع الاخضر و من بعد 3 ايام زيدي يا اما القرع الاحمر يا اما پوارو و بقاي كل ثلاث ايام تزيدي خضرا حتى ديرلها كلشي الا الشوفلور و ليشو عوضهم باوراق الخس مغسولين مزيان

                            صافي كتبقى تاكل السوپة بلا ملح الشهر الاول و من بعد زيديلها جبن لاڤاش كيري طحنيه مع السوپة
                            و فاش تعمل 8 شهور بدا دخليلها اللحوم و اصفر البيض الابيض حتى سنة

                            البرنامج لي تمشي عليها درتو لولادي بزوج بيهم و هو لي عطاه لي الطبيب
                            7 صباح الرضاعة
                            10 كومپوت لتفاح او الاجاص و لا موزة مدعوكة و لا عصير البرتقال مخفف بالما
                            12 السوپة
                            3 سيريلاك او ياغورت طبيعي بلا سكر
                            6 رضاعة الحليب
                            9 رضاعة بسيريلاك نون لاكتي 2 معالق في رضاعة 230
                            ولدي كان كينعس على الرضاعة الاصطناعيةحتى للصباح اما بنتي كانت كترضع طبيعي فمكتكتافيش بالرضاعة مع 9 و لكن كتبقى تفيق
                            و ان شاء الله في 8 شهور كتبدل
                            كتولي تعوضي لها رضاعة 6 بسوپة اخرى
                            نصيحة اختي بزاف كيبداو ولادهم الماكلة في 4 شهور و كيقولك ما وقع لهم والو جميع الدراسات الحديثة كتاكد ان الماكلة بكري كدير مشاكل معوية و معدية على المدى البعيد
                            و حتي لا لقيتي هادو لي پتي پو لي كاتبين فيه ابتداء من 4 شهور ما تاخديهمش هادوك غير دعايات اعلانية

                            انا بنتي بفضل الله عاشت 6 شهور الاولى من عمرها بالثدي حتى الما ماكنتش كنعطيه لها

                            تعليق


                            • #15
                              من 4 شهور بداي دوقيه صوبة غي متخلطيلوش خضرة و بداي تيبي ليه تفاح مع عصير برتقال عاد لبارح ولا إجاص قالتها ليا طبيبة انا ولدي يلاه عندو شهرين لباره ديتو طبيب و قالت لي بداي توكليه ف 4 شهور
                              [SIZE=5][COLOR=#800080]
                              [CENTER]

                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X