إعـــــــلان

تقليص
لا يوجد إعلان حتى الآن.

كيفاش نوكل بنتي الله اخليكم ؟

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كيفاش نوكل بنتي الله اخليكم ؟

    السلام البنات الله اخليكم قولي ليا كيففاش نبدا نوكل بنتي عندها 6 شهور معرفتش كيفاش الله اخليطكم شرحوليا بتفصيل وكيفاش نعودها على الرضاعة كل واحد شنو اقولي حرت وقلت انتم سابقيني تجربة اكيد غادي تعرفوا احسن وجزاكم الله خير

  • #2
    الأكل ابتداء من 6 شهور، نبداو بالخضر والفواكه مسلوقة إلا الموز ما كيتسلقش غير كيتمعك بفورشيط... كنبداو بكل نوع خضر على حدة وكنشوفو واش الطفل ما دارش منهم حساسية عاد كندوزو لنوع آخر: الجزر مثلا ثم البطاطس ثم القرعة الخضراء ثم الحمراء... وهكذا

    من بعد واحد الأسبوع ولا زوج كنبداو نخلطو الخضر، وندخلو اللحم الأحمر والأبيض والسمك فالتغذية ديال الطفل، ضروري ياخذ الطفل اللحوم ولو مرة واحدة خلال الشهر السابع تفاديا لفقر الدم، إيلا قدرتي تعطيه أكثر يكون أحسن، دخلي أيضا فهاد المرحلة أصفر البيض مسلوق معكيه مع الحساء، بداي بربع المح، ثم النصف ثم يولي ياخذ أصفر كامل في أواخر الشهر التاسع... انتبهي أبيض البيض ممنوع منعا كليا حتى يكمل الطفل سنة كاملة لأنه كيتسبب فحساسيات!

    ملي إن شاء الله طفلك يتوالف الخضر كاملة، تقدري تولي ديري ليه حساء تخلطي فيه جميع الخضر، وديري معاهم قطع اللحم أو الدجاج وكميشة دالعدس وكميشة دالروز، وتطيبي كلشي وتقسميه فعلب واحتافظي بيه فالمجمد، كل يوم عطيه علبة منهم: مثلا اليوم الحساء لي فيه اللحم، غدا لي فيه الدجاج بعدو غير خضر وضيفي ليهم أبيض السمك مفور أو أصفر البيض وهكذا...

    من بعد الحساء ياخذ الطفل الفواكه كيف قلنا مسلوقة ومطحونة

    في أواخر الشهر الثامن تقريبا إن شاء الله، تبداي بدل ما تطحني تمعكي غير بالفورشيط باش الطفل يبدا يمضغ شوية واخا ما عندو سنان، المهم ما يبقاش موالف كلشي مطحون


    حتى حدود السنة كيبقى الحليب هو الغذاء الأساسي للطفل، والأغذية الاخرى ما هي إلا مكملة

    الأطباء كينصحو تسبقي الرضعة هي الأولى عاد موراها الأغذية الأخرى، أنا صراحة هاد المسألة ما كانتش مسلكاني مع ولدي فكنت كنخالف وقت الرضاعة مع وقت الوجبات الأخرى

    الحبوب أو السيريلاك كيبقى مهم وضروري، ختاريه بحسب ما يناسب سن الطفل ديالك

    حليب البقر ما تعطيه ليه حتى يكمل على الأقل 9 أشهر والأفضل يبقى حتال سنة

    اليوغورت والدانينو والأجبان حتى هي ابتداء من الشهر التاسع

    فواكه البحر بحال أبيض البيض حتى يكمل الطفل سنة، وبعض الفواكه بحال الكيوي حتى هي حتى يكمل الطفل سنة

    ما تنسايش الماء مهم بزاف فهاد المرحلة، والملح ما يدخل فالتغذية حتى يكمل الطفل سنة، هاديك الساعة تولي توكليه من الأكل لي كتصاوبي للأسرة كاملة

    تعليق


    • #3
      أخني أم الشهداء الله يجازيك بخير علي هد المعلومات القيمة و لكن مشكلتي أنا معا ولدي أنه مكيبغيش ليا الاكل ,كنت كنعطيه الصوبا في الرضاعة ولكن دابا مبقاش كيبغيها و ليت كنعطيه بالمعلقة و مع ذلك مكيبغيش ياكل حتي سيريلاك كنعطيه ليه بزز و كنحل ليه فمو عاد كنوكلو هو دابا عندو 6 أشهر و نصف , وانا خايفة يبقا هكا ديما عييت ما نبزز عليه,طولت عليكم و لي يقايت فيها تعاوني بشي حل وشكرا.
      وسسسسسسسسع حرشة هشيشة وباقا سخونة
      http://www.anaqamaghribia.com/vb/sho...56#post9440656

      أول أعمالي في الكروشي
      http://www.anaqamaghribia.com/vb/sho...d.php?t=384140


      تجربتي الناجحة لشيار الوادزميات
      http://www.anaqamaghribia.com/vb/sho...=1#post9460285

      تعليق


      • #4
        ام الشهداء الله اجازيك خير الجزاء ستفادت بزآآآف انا عندي بنتي عندها دابا 3 شهور و نص ماما قالت لي بداي معاها الاكل و فعلا بديت معاها ماكاتبغيش تحل فمها و إدا دخلت العاشق كاتبكي و كاتبلزها و كانعاود تاني ندخلها ليها واش مانبقاش نعطيها حتى تدير 6 شهور ؟؟؟؟؟؟؟
        ريان و رانيا اجمل ما في الدنيا






        تعليق


        • #5
          اختي انا استفادت منكم جزاك الله خيرا حتى ولدي عنده 6اشهر ونصف ولكن المشكلة ملي بديت الماكلة والسيريلاك وهو عنده الامساك بزاف لدرجة تيبكي ويبكيني

          تعليق


          • #6
            ره سيريلاك كيدير القبض
            هدشي لي بان لي من خلال تجربتي مع بنتي
            اللهم لك الحمد كما ينبغي لجلال وجهك وعظيم سلطانك

            تعليق


            • #7
              مرة مرة عطيه اختي عصير الليمون مخفف بالماء
              اللهم لك الحمد كما ينبغي لجلال وجهك وعظيم سلطانك

              تعليق


              • #8
                المشاركة الأصلية بواسطة أم البنتين مشاهدة المشاركة
                أخني أم الشهداء الله يجازيك بخير علي هد المعلومات القيمة و لكن مشكلتي أنا معا ولدي أنه مكيبغيش ليا الاكل ,كنت كنعطيه الصوبا في الرضاعة ولكن دابا مبقاش كيبغيها و ليت كنعطيه بالمعلقة و مع ذلك مكيبغيش ياكل حتي سيريلاك كنعطيه ليه بزز و كنحل ليه فمو عاد كنوكلو هو دابا عندو 6 أشهر و نصف , وانا خايفة يبقا هكا ديما عييت ما نبزز عليه,طولت عليكم و لي يقايت فيها تعاوني بشي حل وشكرا.
                آه أختي هادي راها مشكلة جميع الأمهات تقريبا!

                كان عندي نفس المشكل مع ولدي ملي كان صغير، كنت كنعطيه معلقة فيديه وندير ليه شوية دالصوبة فشي طبيسل، وناخذ أنا زليفة فيها الصوبة ومعلقة أخرى، كان كيتلهى ويحل فمو

                كنت كنعطيه المحمول وندير ليه الموسيقى فيه، كيحل لي فمو هكاك

                ولي درتها فالصراحة، ولكن نطلب منك تخليها آخر خيار، هو كنديرو قدام التلفزة ونوكلو! أيييه، درتها! هههه واخا ما منصوحش بيها

                الله يوفقك معاه أختي

                تعليق


                • #9
                  المشاركة الأصلية بواسطة lolly مشاهدة المشاركة
                  ام الشهداء الله اجازيك خير الجزاء ستفادت بزآآآف انا عندي بنتي عندها دابا 3 شهور و نص ماما قالت لي بداي معاها الاكل و فعلا بديت معاها ماكاتبغيش تحل فمها و إدا دخلت العاشق كاتبكي و كاتبلزها و كانعاود تاني ندخلها ليها واش مانبقاش نعطيها حتى تدير 6 شهور ؟؟؟؟؟؟؟
                  3 أشهر ونصف راه بكري بزاف يا أختي باش تعطي لبنتك تاكل! راها دابا محتاجة غير الحليب

                  أختي الصغيرة كانت دارت بحالك، وملي استشرت الطبيبة قالت ليها تحبس ليها الماكلة، وتسنى حتى دير بنتها 6 أشهر... وكنظن أنك حتى نتي من الأفضل تحبسي ليها الماكلة دابا

                  ربي يخليها ليك ويفرحك بيها

                  تعليق


                  • #10
                    المشاركة الأصلية بواسطة ام علي الاردني مشاهدة المشاركة
                    اختي انا استفادت منكم جزاك الله خيرا حتى ولدي عنده 6اشهر ونصف ولكن المشكلة ملي بديت الماكلة والسيريلاك وهو عنده الامساك بزاف لدرجة تيبكي ويبكيني
                    أختي السيريلاك فيه الحليب غبرة، وإيلا ما تخلطش مع الكمية الكافية دالماء راه كيتسبب فالإمساك

                    يعني: خاصك تشوفي العلبة ديال السيريلاك، إيلا قالو تخلطيه بالماء خاصك تخلطيه بالماء ماشي بالحليب، وإيلا قالو الحليب هاديك الساعة خلطيه بالحليب، وما ديريش الخليط عاقد بزاف، خاصو يكون شوية بحال الدان آب مثلا، وباش ما كيكبر ولدك باش ما كتزيدي فالختورية ديال الخليط

                    وما تنسايش تعطي لولدك يشرب مزيان، من بعد الماكلة باش ما تحبسيش ليه الشهية إيلا شربتيه قبل الماكلة

                    زيدي ليه الكرعة الخضراء فالصوبه ديالو وما تقشريهاش بزاف، الألياف ديالها كيساعدو باش يخففو من الإمساك

                    الله يوفقك حبيبتي

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X