إعـــــــلان

تقليص
لا يوجد إعلان حتى الآن.

شكون ممكن تفيدني من امهات المنتدى الله يجازيكم بخير

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • شكون ممكن تفيدني من امهات المنتدى الله يجازيكم بخير

    السلام عليكم
    بنتي عندها دبا شهريين و نصف و كانفكر ملي دير 4 اشهر نبدا ليها الماكلة و لكن كاين اللي كايقول حتى 6 اشهر من الاحسن
    و لكن ان كانقول نبدا ليها غير شي حاجة خفيفة خصوصا انها كاترضع غير حليب الصناعي حتى كانجي من الخدمة عتد كانعطيها البزولة
    اللهم لك الحمد و الشكر

  • #2
    ممكن تبداي ليها ببتي سويس او فرماجة او ماء الخضر او ماء الروز او دمجي ليها ليفوسفاتين ونوعي ليها فيهم او سيريلاك
    اما الاكل حتى ل6 شهور فعلا تجنبا لإعياء المعدة ديالها للي مازال مامأهلاش للماكلة

    تعليق


    • #3
      شكرا ربي خليك
      اللهم لك الحمد و الشكر

      تعليق


      • #4
        اه اختي البنت غي دخل في 4 شهور بداي ليها
        بفريميجة وما مسلوق فيه خضرة
        وجيبي روز بيض هداك المهرس سلقيه وعطيها الما ديالو


        رب احفظ لي ابن واجعله من الصالحين واعني على تربيته ا


        اللهم اني أسالك ان تحفظ جنيني واحمه وامسكه أن يسقط، وأتم حمله على خير، اللهم صوِّره في أحسن صورة ونجِّه من كل تشويه ومرض اللهم ارزقه جمال الخَلق والخُلق، وقوة الدين والبدن، وسعادة الدنيا والآخرة، اللهم يسِّر حملَه وولادتَه ورضاعتَه وتربيتَه، واجعله مطيعًا لربه، بارًّا بوالديه

        تعليق


        • #5
          انا مامتافقاش مع الاخوات لأن صحيا ماخاصك تبداي لبنتك الماكلة حتى ل6 شهورلأن الحليب كافي ليها
          اولا لانك كاترضعيها و تاتزيديها حتى الحليب الاصطناعي
          حتى تكمل 6 شهور عاد بداي ليها الاكل وخصوصا الخضر نوع بنوع
          عاد من بعد خلطيهم ليها
          و بالنسبة انك تعطيها الفرماج راه صعيب عليها حينت مالح وايلابيتي تعطيه ليها حتى تكمل 5 شهور وتعطيها 10 حتى 20غ فقط و البيض ماخاصها تاكلوحتى 6شهور والاصفر فقط و بتي سويس حتى هو حتى 6شهور والكمية ماتعداش 60 غ
          وايلا ضطريتي تبداي ليها الاكل ف4 شهور يمكن ليك تبداي ب حبوب للأطفال دون غلوتين 10غ فقط مثلا bledine او الفواكه مطبوخة و مطحونة بحال التفاح والبنان 30غ فقط
          نتمنى نكون فدتك
          و كانصحك ماتبداي ليها حتى 6شهور من الاحسن حفاظا على صحتها على المدى البعيد
          اللهم إني أسألك بأني أشهد أنك أنت الله لا إلاه إلا أنت الواحد الفرد الصمد الذي لم يلد و لم يولد أن تسهل أمر أحبتي و تفرج همهم و تيسر غايتهم.



          تعليق


          • #6
            كلامك صح أختي أم أيمن، مع احترامي لكلام أختي أم محمد ياسين، أختي وردة وأختي أم خلودي

            غير عندي تعقيبات بسيطة: الفروماج والدانينو راهوم أجبان، فيها الكليكوز لي كاين فحليب البقر، وهادو راهوم كيتسببو فحاسيات يا لطيف إيلا مشات حتى بدات راها خايبة بزاف! وحليب البقر ومشتقاته راه ما كيدخلو فالتغذية دالرضيع، حتى يدير على الأقل 9 اشهر

            ما يمكنش أختي أم أيمن نبداو بالفواكه قبل من الخضر، لأن الفواكه حلوة والخضر إيلا ما درناش ليها الملح، لأننا ما خصناش نعطيو الملح حتى يدير الطفل سنة، راها كتجي الطفل باسلة، وكيرفضها لأنه تعرف على المذاق الحلو قبل منها

            إذن أختي، نصيحتي ليك عن تجربة: صبري حتى دير بنتك 6 أشهر أولا 5 شهور ونصف على الأقل، عاد بداي ليها بالخضر كل نوع بوحدو، حتى توالفهوم واحد الأسبوع، عاد دخلي الفواكه واللحوم والأسماك... وأكيد السيريلاك راهو مهم بزاف، ويكون ملائم لسن بنتك

            موفقة أختي

            تعليق


            • #7
              المشاركة الأصلية بواسطة أم الشهداء مشاهدة المشاركة
              كلامك صح أختي أم أيمن، مع احترامي لكلام أختي أم محمد ياسين، أختي وردة وأختي أم خلودي

              غير عندي تعقيبات بسيطة: الفروماج والدانينو راهوم أجبان، فيها الكليكوز لي كاين فحليب البقر، وهادو راهوم كيتسببو فحاسيات يا لطيف إيلا مشات حتى بدات راها خايبة بزاف! وحليب البقر ومشتقاته راه ما كيدخلو فالتغذية دالرضيع، حتى يدير على الأقل 9 اشهر

              ما يمكنش أختي أم أيمن نبداو بالفواكه قبل من الخضر، لأن الفواكه حلوة والخضر إيلا ما درناش ليها الملح، لأننا ما خصناش نعطيو الملح حتى يدير الطفل سنة، راها كتجي الطفل باسلة، وكيرفضها لأنه تعرف على المذاق الحلو قبل منها

              إذن أختي، نصيحتي ليك عن تجربة: صبري حتى دير بنتك 6 أشهر أولا 5 شهور ونصف على الأقل، عاد بداي ليها بالخضر كل نوع بوحدو، حتى توالفهوم واحد الأسبوع، عاد دخلي الفواكه واللحوم والأسماك... وأكيد السيريلاك راهو مهم بزاف، ويكون ملائم لسن بنتك

              موفقة أختي
              متافقة معاك اختي ام الشهداء
              داكشي علاش قلت ليها ايلا ضطرت لاطعام طفلتها من 4شهور فحددت ليها بعض الكميات البسيطة من الاطعمة
              وفعلا ايلا داقت الفواكه ماباقيش غاتبغي الخضر ولكن خاصها تولف ليها تاكلهم
              انا عطيتها الكميات من كتيب خاص بالالطفال
              اللهم إني أسألك بأني أشهد أنك أنت الله لا إلاه إلا أنت الواحد الفرد الصمد الذي لم يلد و لم يولد أن تسهل أمر أحبتي و تفرج همهم و تيسر غايتهم.



              تعليق


              • #8
                المشاركة الأصلية بواسطة أم أيمن1 مشاهدة المشاركة
                متافقة معاك اختي ام الشهداء
                داكشي علاش قلت ليها ايلا ضطرت لاطعام طفلتها من 4شهور فحددت ليها بعض الكميات البسيطة من الاطعمة
                وفعلا ايلا داقت الفواكه ماباقيش غاتبغي الخضر ولكن خاصها تولف ليها تاكلهم
                انا عطيتها الكميات من كتيب خاص بالالطفال
                نعم أختي أم أيمن، الله يجازيك بخيرات الدنيا والآخرة

                فعلا أختي، المشكل أن ولا واحدة فينا تنطلق من فراغ، كل وحدة فينا تنصح بما قرأته أو بما نصحها به طبيبها، تصوري أختي أن أختا منذ أيام تقول إن طبيبتها نصحتها بإطعام طفلتها في سن 4 أشهر!!! في الحقيقة استغربت جدا! وهذا الأمر يخلق نوعا من الاحراج عند الأم التي تسأل، فمن تصدق؟ والكل يعتمد في نصحه على حجج وبراهين!

                المهم، مجال تربية الأطفال واسع وشاسع، وأنا شخصيا ربيت ولدي في الغربة بالاعتماد على كتاب يعطي في المستشفى قبل أو بعد الولادة، فيه ما يزيد عن 600 صفحة، بصراحة مفيد جدا وقيم جدا، وأفكر كثيرا في ترجمة بعض صفحاته وإدراجها كمواضيع في المنتدى، لكن الوقت لم يسمح بعد

                أشكرك كثيرا مرة أخرى أختي أم أيمن

                تعليق


                • #9
                  تبارك الله عليك اختي ام الشهداء
                  انا كان مصدر معلوماتي كتيب عطاوه لي فلكلينيك بعد الولادة في المغرب
                  و نتمنى نستفد من الكتاب ديالك اكثر انتظر الترجمة ولو بعض الصفحات المهمة
                  و سمحي لي ان ابدي اعجابي بردودك الموزونة خصوصا في هذا المجال
                  صراحة انا قبل ما نولد ابني الاول كنت ديما تنسول و تنبحث فكل ما يتعلق بالاطفال
                  لدرجة اني طلبت من واحد الصديقة عزيزة علي كانت تدرس في معهد للممرضات بان تنسخ لي كل الدروس لي تاتقرى
                  و بالفعل استفدت بزاف منها زيادة على اني قريت عدة كتب متعلقة بالاطفال والتربية النفسية
                  هههههههههه وليت مهووسة و تانقرا اي حاجة ليها علاقة بالاطفال باش نربي ابني تربية سليمة بدنيا ونفسيا
                  وفعلا طبقت اغلبية الاشياء لي قريتها واخا لابد من هفوات ولكن عموما الحمد لله
                  تصوري طفلي أيمن/5سنوات/ ماعمرو داق الفنيد حتى كمل4 سنين عطا تها ليه عمتو و قاليها كيفاش ندير باش ناكلها و بقات تاضحك واستغربات منو
                  ولكن انا دائما تنصحو و تنقول ليه راه خاصك تحافظ على سنيناتك خاصك تغسلهم وماتاكلش الفنيد باش مايتسوسوش
                  و هو مسكين خايف على سنيناتو و داير بناقص من الفنيد
                  و انا كنت بديت ليه الاكل ف4 شهور ولكن بكميات بسيطة جدا جدا و مرة واحدة في اليوم حينت ضطريت نوكلو
                  لانه كان تايبقى شاد البزولة بزاف و بزاف ديال المرات في اليوم و انا تانتعب
                  لكن ابني الثاني مابديت ليه الاكل حتى كمل 6 شهور و هدشي هو لي خاص يكون
                  و دابا عندو 8 شهور ونصف تانرضعو البزولة وبغيت نزيد ليه الحليب ديال الحانوت واش مزيان ليه و اش من نوع نعطيه؟
                  لي عندها فكرة تفيدني و شكرا لك
                  و سمحي لي اختي وردة تطفلت على موضوعك
                  اللهم إني أسألك بأني أشهد أنك أنت الله لا إلاه إلا أنت الواحد الفرد الصمد الذي لم يلد و لم يولد أن تسهل أمر أحبتي و تفرج همهم و تيسر غايتهم.



                  تعليق


                  • #10
                    up
                    اللهم إني أسألك بأني أشهد أنك أنت الله لا إلاه إلا أنت الواحد الفرد الصمد الذي لم يلد و لم يولد أن تسهل أمر أحبتي و تفرج همهم و تيسر غايتهم.



                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X