إعـــــــلان

تقليص
لا يوجد إعلان حتى الآن.

بنتي فيها الإسهال

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بنتي فيها الإسهال

    بنتي عندها عام و8 شهور صبحات فيها الإسهال و كتقيا وكل ساعة نبدل ليها ليكوش وكنعطيها جنيشات إلترا لوفير كان خرجهم ليها طبيب هادي مدة وبغيت شي وصفة طبيعية نجربها ليها عتقوني بها الله يجازيكم بخير

  • #2
    أختي حاولي تصاوبي لبنتك هاد المحلول تشربو فبلاصة الماء

    600 مل ماء القنينات (أو ماء مغلي ومبرد) + 360 مل عصير برتقال طبيعي + نصف ملعقة صغيرة ملح، هاد المحلول كيبقى صالح 24 ساعة بعدما تخلطيه، ويحتفظ به في الثلاجة

    أعطيها الحمص، الشكلاط الأسود، الكامون، الروز، الموز... هادو أغذية تساعد على محاربة الإسهال

    قطعي عليها الحليب واحد اليومين حتى تولي لاباس

    الله يشافيها ليك

    تعليق


    • #3
      سلقي الروز مزيان وطحنيه مع الموز وعطيه ليها راه مزيان الموز والارز يقصحو الكرش الله يشافيها عصير برتقال يسهل
      sigpic

      فهرس وصفاتي المتواضعة هدية لكل أنيقة

      http://www.anaqamaghribia.com/vb/showthread.php?t=341505&highlight=



      اعتذر لقلة تواجدي

      تعليق


      • #4
        المشاركة الأصلية بواسطة om zein31 مشاهدة المشاركة
        سلقي الروز مزيان وطحنيه مع الموز وعطيه ليها راه مزيان الموز والارز يقصحو الكرش الله يشافيها عصير برتقال يسهل
        فعلا أختي، عصير البرتقال كيسهل، ولكن إيلا دخل فخليط مع الماء والملح بنسب معينة، فكيولي يساعد الجسم على امتصاص الماء ويقي من الاجتفاف، دوره بحال البيوسيل مثلا

        تعليق


        • #5
          اختي ربما السهال بسبب الاسنان لا تخافي عليها

          قومي بطحن الارز مع الشاي حبوب وأعطي لها ملعقة صغيرة وهو مفيد حتى للكبار

          الله يشفيها لك




          تعليق


          • #6
            شكراً ليكم على الردود ديالكم ره دكشي اللي درت ليها صاوبت ليها الروز وحتى قلت الحند لله كلاتها وشربتها بزز شوية وهي تقيا كلشي
            بغيت نعطيها شي حاجة كتحبس تقيا ره الفراش كلشي وسخات

            تعليق


            • #7
              اختي اول حاجة تديريها غادي تشري لبنتك سيرو ديال التقيا سميتو كلوبرام يتشرب قبل الاكل بربع ساعة اؤكد بربع ساعة باش تبقى ليها الخنيشات فكرشها ديال الاسهال ياك وغادي تداوي البنت بالروز مطحووون بوحده مع سنيدة وكليه ليها ولا رضعيه ليها حيدي الماكلة واحد النهار غير الرويزة مطحونة والى بغات ليك خيزو صافي بلا والو وكاناكد كلوبرام قبل الخنيشات وقبل الروز احسن دوا بنتي نعسات فالكلينيك نتيجة الاسهال الحاد ملي كانت صغيرة وهاالدشي ما عطاو ليها وولات مخيرة فضرف يوم ولله الحمد الله يشافيها ويعافيها احبيبة وكتري من الماء المعدني شربيها باش ما ينشفوش ليها المصيرنات





              [CENTER]


              تعليق


              • #8
                المشاركة الأصلية بواسطة تاجي نقابي مشاهدة المشاركة
                اختي ربما السهال بسبب الاسنان لا تخافي عليها

                قومي بطحن الارز مع الشاي حبوب وأعطي لها ملعقة صغيرة وهو مفيد حتى للكبار

                الله يشفيها لك
                أختي نعطي ليها غير معلقة صغيرة صافي

                تعليق


                • #9
                  المشاركة الأصلية بواسطة فراشة بلا الوان مشاهدة المشاركة
                  اختي اول حاجة تديريها غادي تشري لبنتك سيرو ديال التقيا سميتو كلوبرام يتشرب قبل الاكل بربع ساعة اؤكد بربع ساعة باش تبقى ليها الخنيشات فكرشها ديال الاسهال ياك وغادي تداوي البنت بالروز مطحووون بوحده مع سنيدة وكليه ليها ولا رضعيه ليها حيدي الماكلة واحد النهار غير الرويزة مطحونة والى بغات ليك خيزو صافي بلا والو وكاناكد كلوبرام قبل الخنيشات وقبل الروز احسن دوا بنتي نعسات فالكلينيك نتيجة الاسهال الحاد ملي كانت صغيرة وهاالدشي ما عطاو ليها وولات مخيرة فضرف يوم ولله الحمد الله يشافيها ويعافيها احبيبة وكتري من الماء المعدني شربيها باش ما ينشفوش ليها المصيرنات
                  كنشكركم بالزاف على هد الوصفات المفيدة غادي نمشي نشري ليها السيرو ونجربوا ليها عافاكم إلى مدعيوا معاها
                  الله يشافيها ويحفظ ليكم وليداتكم من كل سوء ياربي

                  تعليق


                  • #10
                    ختي من لأحسن تدي ولدك لعند طبيب
                    ماحدو كايتقيا راه مسكين مايقدر يدير والو فمو
                    هاكاك وقع لي لولدي

                    وعطيه لما ديل روز و دوا ديال لإسهال ولكين غير معلقة معلقة كل 5 دقائق باش ماتجيه تقيا
                    ونقصي ليه لماكلة عطيه غير حاجة بكمية قليلة
                    ولله يشافيه ليك

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    يعمل...
                    X