إعـــــــلان

تقليص
لا يوجد إعلان حتى الآن.

كيفاش نحيد لبنتي الرضاعة

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • كيفاش نحيد لبنتي الرضاعة

    السلام عليكم الأمهات نتمنى وليداتكم يكونوا بخير
    بنتي عندها عام و8شهور بغيت نحيد ليها الرضاعة مولفاها بواحد الشكل مكتصورش خصوصاً بالليل كتكون حداها ولى ضرباتها الفيقة كتهزها وترضعها وخى ميكون فيها والوا وخا بعض المرات كنعطيها تشرب فالكاس مكتبغيهش بالزاف وفكرت نحيد ليها الرضاعة إلى عندكم شي طريقة نحيد ليها بها الرضاعة الله يجازيكم بخير

  • #2
    السلام عليكم ورحمة الله وبركاته نصحك ماتقطعيلهاش دابا مابقالك والو لعاماين المهم انا بنتي كانت مدمنة على الرضاعة ساليت عامين واحد الصباح دهنت سدري بالحنة مع الماء وغي عطيتهالها بقات كتنفر منها بكات شوية "3 ايام " وربي جاب التيسير وبقيت كنرغبها اباش ترضع وماتبغيش طولت عليك الله يحفضها ليك

    تعليق


    • #3
      أختي ريحانة أنا بغيت نحيد ليها الرضاعة الإصطناعية ماشي الطبيعية

      تعليق


      • #4
        والله إيلا فكرتيني في بنتي حتى هيا بحال بنتك في العمر ياالله حيدتها ليها شي 20يوم حتا أنا كانت معصباني ما كاتاكل ما والو وتظل دايراها في فمها بلا منطول عليك
        المهم فقت هاداك الصباح وأنا ندهنها بالحار وقالتلي بنتي بغيت الرضاعة وانا نعطيها ليها غير دارتها في فمها وهي ترجعها ليا قالتي غس غس يعني غسليها قلت ليها لا وحطيتها قدام عينييها مطلية بالحار غير كتفكرها وتقول ليا رضاعة نعطيها ليها هاكاك كتبان ليها حمراء وكتفكر الحرورية وكتقول ليا ضاعة خخخخخ وبقات هاكاك مدة 3أو4أيام ونساتها وولات بسلامتها كتاكل مزيان وكتشرب الحليب في الكاس الجهد اللي بغات وتهنيت العقبا لبنتك وسمحيلي طولت عليك بالهدرة

        تعليق


        • #5
          ختي أنا البارح كنت بيت نجاوبك ساعة مخلتنش بنتي كانت مبرزتني حتى أنا كانت بنتي بحال بنتك فوطو كوبي ليل كلو وهي في فمها لا ماكلة لا ولو
          هنني منها غير وحد لكلب حشكوم مربياه ختي وبنتي كتخف منو شدنا رضاعة وحنا نرميوهة ليه وهي مسكينة كتبكي دعا دعا دعا وسدنا عليه الباب من تم تنقل لها بتي رضاعة كتقول ليا دعا خيبة دهاskipo
          من تم تهنيت

          تعليق


          • #6
            هادشي اللي غادي ندير ليها عالله تنساها دغي الله يجازيكم بخير

            تعليق

            المتواجدون الآن 1. الأعضاء 0 والزوار 1.

            أكبر تواجد بالمنتدى كان 2,525, 26-09-2016 الساعة 21:58.

            يعمل...
            X