اريد المساعدة ارجوكم

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اريد المساعدة ارجوكم

    ولدى دبا فعمرو سنتين و5اشهر معدبني فنعاسو بزاف مكينعس حتى كيوريني لويل لمهم كندخلو يتعس مع 12دليل او اكثر كياخد ساعة حتى لساعتين اهو كينعس بالحليب طبعا كيعود يفيق مع 4او5دصباح خاصه يرضع ثاني عاد يعاود ينعس حتى8 مشكلة خرى ولات فيه ولى عنيد بزاف مبكاش كيسمع لهضرة وخا كنضربو مع انه كان كيتعطى به المثل من قبل ولى عصبي اللي فراسو كيعملها
    عفاكم اللي عتدها الحل تعتقني به رني وليت عصبية بزاف وغادي نحماق
    اه مقلت لكمش حتلى الحمام باقي مبغاش يتعلم لو
    سامحوني الا طولت عليكم ولكم جزيل الشكر
    جاوبوني في القريب العاجل

  • #2
    الله يعاونك عليه اختي انا نحاول ننصحك بعض النصائح على الله نقدر نفيدك المهم اختي ولدك دبا عندو عامين و5شهور ومالك على لحليب ديال الليل اختي؟حاولتي تحيدي لو لحليب بالليل غير عطيه لو بنهار بارك عليه راه داك شي علاش تيفيق ليك ف5 ديال الصباح باش اشرب لحليب اختي الا عشتيه ديه لسرير ديالو وخا يبكي حتى يعيا متعطيه لحليب حتى يولف اما العناد وما ادراك مالعناد ههههههههههه غير صبري عليه شوية حتى يدخل3سنين انا مكنصحك بالضرب اختي راه متستافدي والو بالضرب اختي غير الا دار شي حاجة عاقبيه ديه مثلا لشي قنت فالدار وخليه تما وقولي لو ماتحركش تما راك فعقوبة وخا خرج فيها عاودي رجعو حتى يولف ويعرف اشنو هي العقوبة كنتمنى نكون افدتك اختي الله يعاونك معاه راه انا عندي3 دراري هههههههههههههالله يهديهم ويصلحهم لينا جميعا
    [frame="1 80"]
    ان مرت الايام ولم تروني فهذه مشاركتي تذكروني وان غبت ولم تجدوني وقتها اكون محتاجة لدعائكم فلا تنسوني
    [/frame]

    تعليق


    • #3
      مشكلتك فكرتني فولدي مللي كان صغير حتى هو كان عنيد كان كيعصبني بزاف مرة كنضربو وبعد المرات كنحاول ندير معاه الخاتر ولكن غير وسعي خاطرك معاه غير يزيد يكبر شوية غيولي يفهم ويدير عقلو الله يسمح لينا من الوالدين

      تعليق


      • #4
        السلام عليكم و رحمة الله
        اولا الحبيبة ما تفكريش تعالجي الامور بالضرب راه ما زال صغير .عطيه كاس الحليب من بعد لعشا صافي حتى الصباح ماكلة الليل غادي تعرضو للسمنة و حاولي مرة مرة كاس اللويزة مع السكر راه كترخي الوليدات .نظمي ليه وقت النعاس يعني ما ينعسش فوق 4 او 5 العشية باش ينعس فالليل.اما الدهاب للحمام خودي بخاطرو راه ما زال صغير مع الوقت غادي يتعلم .الله يخليه ليك الحبيبة خلي خاطرك واسع لوليدات راهم نعمة من عند الله.

        تعليق


        • #5
          3lik bsbar

          تعليق


          • #6
            تهالي الحبيبة في هاد الوليد و الله يخاله ليك سول المحرومات بصاب عيعطهم ربي هاد النعمة ويسمع كلمت ماما و العاطي هو الله سبحانه وتعالى
            الله يرزق كل محرومه بالذرية الصالحة يارحمان يارحيم برحمتك نستغيت ونستعين
            ربي لاتذرني فردا وأنت خير الوارثين
            ربي هب لي من لدنك ذرية صالحة امين يارب العالمين
            استغفر الله الذي لا إلاه إلاهو الحي القيوم وأثوب إليه
            اللهم ارحمني برحمتك ياأرحم الراحمين
            ادعولي بالذرية الصالحةجزاكم الله كل الخير

            تعليق


            • #7
              السلام عليكم اختي واش قلتي 5شهور هدشي لي شفت الا كان خمس شهور راه بقي صغير اختي غير با خاطر حولي تكوني قريبة ليه ومتخليهش يبكي بزاف حولي تنعسيه فوق رجليه وعنقيه وشوفي على اي تجاه كيرتاح اكتر متلا انا ولادي كبغو ينعسو على كرشهم الا نعسو على ضهرهم دغيا كيفيقو والا كنتي كترضيع رضاعة طبيعيه حولي مالي تكوني معصبة مترضعيش راه كيرضع منك عصب وهكدا كيكون ولد عصابي واما حمام اختي راه باقي صغير حتى يولي عندو تسع شهور بدي بشويه بشويه تولفيه وضرب مغدير والو بعكس يلاه يتعصب مزيان ومالي غادي يكبر مبقاش يخاف من عصى لانو غادي يكون ولفها اختي استعين با الصبر هوا مفتاح الفرج وخلي رسول صالى الله عليه وسلم قدوة شوفي شنو قال علمهم على سبعة واضربهم على عشرة يعني شوفي شحال ديال وقت لي عطى دري 3سنين ديال فهمة بالتي هي احسن وعاد عصى هيا الاخيرة اختي وسعي خضرك معاه راه ولدك هوا لي غادي يبقى معاك اما حجات اخرين كلشي ملاهي الا عبدة الله لي تكون هيا اكتر منو اتمنى نكون وضحت ليك شويه وسمحلي الا طولت عليك راني با فعل استغربت من تعامل معاه با عصى هوا باقي صغير وسلام الله المستعان اختي
              ]دعاء للتسامح فيما بيننا:

              سامحتك من غير علمك .. فسامحني حتى لو لم تعرفني .. سامحني حتى لو انك تعتقد بأنه ليس هناك داع للتسامح .. فقط سامحني .. اريد منك الدعاء الخالص من القلب


              كما ارجو منكم دعاء لامي وابي برحمة والمغفرة لامواتي وامواتكم واموات مسلمين كافة

              تعليق


              • #8
                الاقتباس غير متاح حاليا






                اختي شوفي مزيان راه ماقالت 5 شهور راه عامين و5 شهور ههههههههههههههه ضحكتيني والله اختي واش كاين شي حد كيضرب البيبي ديال5 شهور الله يستر هههههههههههههه
                [frame="1 80"]
                ان مرت الايام ولم تروني فهذه مشاركتي تذكروني وان غبت ولم تجدوني وقتها اكون محتاجة لدعائكم فلا تنسوني
                [/frame]

                تعليق


                • #9
                  هههههههههههههههههههههههه
                  ضحكتييييييييييني الحبيبة اضحك الله سنك ........

                  بغيتيه ينعس وانت مازاااااااااااااال ماحيدتي ليه الببرونة :confused:!!!!!!!!!!

                  انا ولدي خرج في الشيب ماكنت نعرف ننعس لما دار سنة و10 اشهر فطمتوا الحمد لله يومين وتعود ينعس بلا ما يرضع من صدري ولكنه كان يفيق يشرب حليب فالكاس المخصص للاطفال لانني خفت اذا عطيتوا الرضاعة يتعود عليها

                  وبعدين بديت نعشيه مزياااااااااااان ونشربوا لحليب حتى يخرج من ودنيه ههههههههه والحمد لله صار ينعس حتى للصباح

                  لذا اول شيء فطمي وليدك ........ عشيه مزياااااااان وشربيه لحليب ومن ثم نعسيه وماتعطيه واااااااااااااااااااالوا ولو يفيق يبكي راه يومين او ثلاثة وصافي يتعود ينعس بدون انقطاع

                  لما يتعود ينعس بلا مايفيق فالليل ساعتها ماتبقايش تخليه ينعس بزاااااف فالعشية وخصوصا بعد المغرب وهكذا عوديه ينعس بكري ضروري من العناد انت صبري وخليك ماشية على الروتين حتى يتعود

                  اذا كان على العناد انا عندي اختي ملك العناد ماشاء الله عليه هو الثالث ومع ذلك تيغلبني هههههههه

                  تيدير اللي فراسوا واذا غضب تيرمي راسوا فالارض هادشي من كان عمروا 6 اشهر او اقل وشحال من بوقالة عندوا غير بهذ الطيحات .......والله الحبيبة الا ظنيت فيه الصرع ساعة الحمد لله طلعات غير قسوحية الراس هههههه

                  عرفتي هذ النوع العنيد متيحتاش الضرب لانه غيزيد انا ولدي كنت نضربوا الله يسمح لي وفالاخير لقيتوا تيجي غير بالخاطر ........ جربي وغتنباهري بالنتيجة غير وكان ماتستعجليش لانه ولف هذ الطريقة

                  آه بغيت نقول ليك اذا دخلتيه ينعس طفي الضوا وماتنوضيش ولو يبكي ويقولك شعليه وكذلك ماتنوضيش تقولي خليني نفيق نتفرج او نقضي شي غراض مادام فايق لالا ......... خليك معاه فالفراش ولا تنوضي حيث غيضنك فقتي لانه بكى ودار الازعاج وهكذا غيبقى يبكي ويزعج كل مرة لانها بالنسبة ليه تتجيب نتيجة

                  وخلك كلما بغيتي تنعسي هزيه يطفي الضوا ....راه عزيز عليهم .:p.وهكذا يعرف راسوا غادي ينعس .

                  إوا سمحيلي على هذ التطويلة ........ الحديث عن الاطفال حديث ذو شجون خصوصا تجربتي مع يوسف (سنتين ) عصبيتوا غيييييييييير

                  تبارك الله على وليداتنا والله يسمح لينا من واليدينا :rolleyes:
                  [blink]السلام عليك ورحمة الله وبركاته ومغفرته[/blink]

                  تعليق


                  • #10
                    okhti hir elkhatre sbri daba ifoute dike elmerhala hta ana tra lia hkake où daba etbarke ellah kbre où oùla drife où taissm3e

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X