إعـــــــلان

تقليص
لا يوجد إعلان حتى الآن.

الغداء في المدرسة؟؟؟

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الغداء في المدرسة؟؟؟

    السلام عليكم ورحمة الله وبركاته
    عيدكم مبارك سعيد

    الحبيبات على قلبي ...توجهت لكم باش تساعدوني في هاد المشكلة اللي كنظن ان بزاف دالامهات كتعانيها
    ولدي دابا عمره 4سنوات دخلتو المدرسة والمشكل هو انه مقرر ان يتغدا في المدرسة يعني كنضطر نصايبلو الغدا وكيديه معاه...بغيتكم تنصحوني بانواع الطعام اللي نصيفط مع ولدي مع العلم ان شهيته قليلة كياكل على قد جهدو
    ماكرهتكمش تعطيوني بعض تجاربكم باش نوعليه الاكل باش ميملش نفس الطعام
    اللي جاوباتني الله يخليلها وليداتها ويفرحها بهم ويصلحهم

  • #2
    السلام عليكم
    أولا عيد مبارك سعيد
    ثانيا حتى أنا عندي نفس المشكل
    أختي نصيحتي ليك أنك ديريلو الأكل الذي يحبه
    مرة صوصيص مرة كفتة مرة معقودة وطبعا حاولي تكتري من الخضر، شلاظة ضرورية كل نهار
    مرة شلاظة مطيشة والخيار والخص أو الخضر مصلوقة البيض الروز وهكذا
    نوعي لو باش ياكل
    وأحسن حاجة بقاي تشاوريه، شنو بغيتي تدي معاك غدا
    أنا هاد الشي لي دايرا مع بنتي، والحمد لله مرة كتاكل ومرة كتخليه
    إوا ماعندنا مانديرو
    NADAZAD

    تعليق


    • #3
      السلام عليكم

      اهلا اختي
      انا سبق لي حطيت نفس الموضوع وتمنيت يلقى اقبال لكن للاسف ما كانش
      لهدا دخلت لموضوعك نشارك ربما نتعاونو

      انا اولادي كيمشيو من 7 صباحا حتى لل5 د العشية يعني كيدوزو نهارهم خارج البيت

      كنفطرهم مزيان
      وكنصيفط معاهم قطعة صغيرة د الخبز مدهون (فرماج او عسل او اي حاجة اخرى)
      المهم اي شيئ مغدي بحساب الكوطي يعني مع 10 حيت قطعت عليهم البيمويات ودانون والخوا الخاوي داك الشي غي كيهلك الصحة وكيحيد ليهم الشهية د الماكلة والحمد لله تقبلوها من بعد صراع والله يجازي بالخير معلماتهم اللي تفهمو الامر وولاو تيمدحو اولادي قدام اصحابهم وتيقولو ليهم جيبو حتى انتما خبز بحال هادا

      وللغدا كل مرة حاجة انا مقسمة الاسبوع على 5

      الاثنين الحوت مقلي او مرقة مع الخضر
      الثلاثاء الكفتة د اللحم مع سلطة
      الاربعاء دجاج مبخر مع خضر مقلية بطاطا او فلفلة او مقلي مع الخضر مبخرة او مصلوقة
      الخميس قطاني كنديرها ليهم مع قطع شكانبة
      والجمعة اما كنخلص عليهم كسكس في مطعم المدرسة 10 دراهم للطبق او كنطيب ليهم مرقة باللحم

      المهم دائما نوع من اللحوم مع خضر + فاكهة (تفاح او ليمون او عنب........)
      وكنصيفط قرعة د العصير مصاوباه في الدار و قرعة د لماء

      نتمنى نكون افدتك

      تعليق


      • #4
        شكرا nadazad والرمضانية على الرد
        الله يخليلكم وليداتكم ويحفظهم ليكم
        انا جد سعيدة بالرد يا غاليتاي

        تعليق


        • #5
          كنتمنى المهات يدخلو ويشاركونا

          تعليق


          • #6
            شكرا اخواتي على طرح هذا الموضوع فصحة اولادنا تبدا عند تغذيتهم و بصراحة انا ايضا اعاني من ماذا ابعث معهم من اكل الى المدرسة فالمعلمات لا يسمحن بالمرق لان الاطفال يوسخن انفسهم فاضطر للنواشف و بصراحة احير لانني اقاطع المعلبات فلا يبقى لي سوى سلطة الخضار مع الارز او الطورطية او سلطة الماكاروني اما الكفتة هناك من قال لي انها تتسمم اذا لم تاكل طازجة فلم اعد اعطيها لهم فيا ريت الاخوات يعطين اهمية لهذا الموضوع و نتبادل الافكار لاطعام اولادنا في المدارس و بالاخص الوجبات الصحية و مشكورين

            تعليق

            المتواجدون الآن 1. الأعضاء 0 والزوار 1.

            أكبر تواجد بالمنتدى كان 2,525, 26-09-2016 الساعة 21:58.

            يعمل...
            X