إعـــــــلان

تقليص
لا يوجد إعلان حتى الآن.

واش انت باركنج !!

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • واش انت باركنج !!

    :mad:


    واش انت باركنج !!

    دابة انت مستغربة من العنوان ولكن فاش تعرفى مغزى السؤال غتعرفى انك ممكن جدااااا

    تكونى parking



    طبعا انت تتسألى نفسك شنو تتقصد !!
    نقولك

    اشنا هو الباركنج اصلا !!
    الباركنج طبعا هو الجراج اللى الناس تتركن فيه طوموبيلات ساعة ولا ساعتين او تلاتة ومن بعد تيمشوا ويخليو غير الدخان موراهم !!

    اييييييه
    هادشي اللى باغية نوصل ليك عنداكي ياحبيبتى تكونى باركنج لشي ولد تتصاحبي معاه وتبقى تسليته حتى يجى النهار غيمشى ويخليك بحال الباركنج اللى مشى منه

    اصلا هو مفارق معاك مفارق ما فيها شك
    عندااااكي تضني انك الى تصاحبتي مع شي واحد من الانترنيت ولا عن طريق المنتديات ولا فى الكلية انه غيكمل معاك

    شوفي ....هو لو كان تيخاف عليك مكنش اصلا سمح لنفسه انك تتصاحبي معاه

    شوفي شي مرة تكوني تتكلمي معاه واسأليه سؤال
    قولي لو

    واش تقبلهاد شي اللي بيناتنا على امك !!
    واش تقبلهاد شي اللي بيناتنا على اختك !!

    لو قالك لا اعرفى انه ما تيبغيكش و غير مدوز بيك الوقت لانه قبل هاد شي عليك
    ولو قالك اااه عااادى اعرفى انه ديوث مطرود من رحمة الله


    عنداااااكي
    تكونى باركنج لشي ولد يركن فيه شوية حتى يلقى البنت العفيفة الطاهرة اللى غتكون أم ولاده وتبقى على الدوام مراته


    عنداااااكي
    تكونى باركنج للخروج والمكالمات واللمسات والميسجات وقلة الحياء

    عنداااااكي
    تكونى باركنج للخيانة خيانة الله عزوجل
    وخيانة رسول الله وخيانة الاهل باباكى ماماك وخيانة نفسك !


    عنداااااكي
    تكونى باركنج لشاب ضائع هائم فى ظلمات الشهوات والمعاصى واكيد الشاب اللى يسمح لنفسه بالارتباط عبر كلمات او رسائل خاصة او عبر المدرسة ولا الكلية ولا حتى من العائلة ببنت وهو مازال ما خدام ما ردام ما عنده مستقبل اكيد معندهوش الاخلاق الكافية اللى تقدر تحافظ عليكِ يا اختى

    عنداااااكي
    تقولى مال كاع البنات اللي في السن ديالي تزوجوا وولدوا وعلاش انا بقيت بايرة وانا اللي محترمة فيهم وانا اللي كنت ما تنهضر ما تنتكلم انا المؤدبة اللى فيهم

    يا اختى يا حبيبتى
    ممكن يكونوا اتزوجوا ا ايييييه ولكن ماضاعتش البركة من ديورهم
    علاش ما يكونش هدا ابتلاء من الله عز وجل باش يشوفك واش غتصبرى ولا لا
    والله هيعوضك احسن منهم

    يااااااا اختى
    بغيتك تصبرى ووالله ربي ماغيضيع صبرك ابدا

    فكرى فى نعمة الصحة والمال والاهل والعقل

    علاش احنا ديما تنفكروا غير فالحاجة اللى ناقصة وتننساوا الحاجة اللي موجودة و حاضرة

    شوووووفي
    عندك عينيك ايوة اشنو راييك تبيعى نظرك وتتزوجي
    ولا بيعي ليا سمعك
    شوووووفي شوووووفي
    ولا اعطيني نعمة الصحة اللى انتى متمتعة بيها

    غتقبلى غترضى !!!
    شفتى شحال النعم عندك غمضى عنيك ساعة وحاولى تعيشى يومك غتقدرى !!

    زوري المستشفى باش تعرفي نعمة الصحة ..
    وسيري للسجن باش تعرفي نعمة الحرية ..
    وزوري المارستان باش تعرفي نعمة العقل ..لأنك عندك نعم و ما حاساش بيها!

    اختي في الله اهجري العشق والغرام والحب المحرم ..فإنه عذاب للروح ومرض للقلب ..وافزع إلى الله وإلى ذكره وطاعته!

    ما تضنيش أن الحياةكملات لكل واحد داك شي اللي باغي فخاطروا..
    شووووفي
    راه للي عنده الدار ماعندوش طوموبيل ..
    و اللي عنده زوجة ما عندوش وظيفة..
    واللي عنده الوضيفة ما لقاش ولد الناس اللي يستره
    وللي لقات ولد الناس ما اعطاهاش ربي دراري
    و اللي عنده شهية يقدر ما يلقى ما ياكل
    واللي عنده الخير موجود منع عليه الطبيب الماكلة !

    الطعام سعادة يوم ..والسفر سعادة أسبوع ..والزواج سعادة شهر ..والمال سعادة سنة ..والإيمان سعادة العمر كله!

    شووووفي
    رزقك غادي يبقى يقلب عليك حتى يلقاك و ما تموتي تتدوزي كاع اللي مكتبه ليك سيدي ربي الحبيب و يرزقك من خيره.......!

    علاش تنفكروا غير فالمفقود وما تنشكروش سيدي ربي على الموجود ..وتننساو النعمة الحاضرة ..وتنتحسروا على النعمةالغائبة ..وتنحسدو الناس و ما داينهاش فاللي عندنا

    شووووفي
    الأعمى تيتمنى يشوف الناس ..
    والأصم تيتمنى يسمع الأصوات..
    والمُقعد تيتمنى يمشي ولو خطوات ..
    والأبكم تيتمنى يقول كلمات ..
    وأنتي تتشوفي وتتسمعي وتتمشي وتتكلمي .!!! ايوة حمدي الله

    يا اختي الحبيبة بغيت نقول ليك انكي
    انتى جوهرة مصونة فى لؤلؤة مكنونة حافظى على نفسك باش ربي يحافظ عليك

    عنداااااكي
    باش تكونى تتكلمي معاه فالبورطابل ولا باش تكوني معاه تبقاي تتخباي من باباكِ ولا ماماك ولا اخوكِ ولا اختك ولا قريبك ولا صاحبتك
    عنداااااكي
    تكونى نسيتى ان ربي شايفك ومطلع عليكِ وغيحسبك على كل كلمة قولتيها ليه
    ورجلك وايديك ولسانك غيشهدوا عليك يوم القيامة

    تخيلى
    لو انك تكوني تتكلمي معاه فى التليفون فى نص الليل والضلام ولقيتى ماماك ولا باباك دخلوا عليك
    دخلت عليك بالله
    دخلت عليك بالله
    دخلت عليك بالله
    واش ما غتحشميشو تتمناي الارض تتشق و تدخلي فيها من الحشمة و الخجل
    شوفي تخيلى انك غتوقفي بين يدى الله وغيسألك
    عرفتي اشنو غادي يجرى ليك
    لحم وجهك غيتفرتت و يطيح من الحشمة والخجل من الله عزوجل

    علاش
    تحطى نفسك فى موقف بحال هدا وعلى ود من على ود الخيال السراب
    علاش
    تخافي من الناس والله احق انك تخافي منه
    شوفي
    الا هاد المعصية يا اختى
    الالالالا هادي
    راه ما عندهاش شي نهاية سوى الالم والحسرة والندم
    و في الاخر ما غاديش يتزوج بيك
    عنداكي تقولي انه غادي يتزوج بيك على ما يفكر في الزواج يكون شبع و قنع منك انتي و تيقلب على الجديد


    و حتى الى تزوجك غادي تكون عادية فنضره و فيما تجرى شي مشكلة بيناتكم يعايرك بماضيك اللي دوزتي معاه
    ما تضنيش ان غادي تعيشي معاه الحياة وردية

    وانتى عارف شباب هاد الزمان ما كاين غير الهيب هوب هاللي سرواله طايح هاللي معمر حالته سناسل و خواتم عاد خلي الكاسكيطة مقلوبة والمسكة فالفم وزيد وزيد......

    راه ماشي تنقول ليك راه كاين غير ولاد الحرام لا حتى ولاد الناس كاينين و موجودين غير هما تيبغيوا يشوفو تصرفات البنت كيف عاملة تيقول فراسو نشوف اشنو تحت راسها و من حقه لان هاد البنات اللي تنشوفو خسروا لينا السمعة ديالنا ولاوا الرجال تيبان ليهم كل شي بحال بحال

    غير انتي كوني متبتة و غير تشوفي الرجل باغي يربط معاك شي علاقة ركزي و خدمي عقلك قولي له انا بنت دارنا و الى بغيتني اجي عند واليديا و ما تنزليش من كرامتك باش يعرف انك معقولة وبغا الحلال

    يا اختي الحبيبة
    انتى راه بحال اللي قال النبى
    قاروروة
    لالالالالالالالازم
    تحافظى على نفسك
    بحجابك ** بصلاتك ** بعدم خضوعك بالقول ** بعدم المخالطة ** عدم المصاحبة
    :D



    راه ما كايناش شي
    حاجة اسيتمها ياحبيبتى المصاحبة و الغرام فى الاسلام


    الى كان هو كبير فى نظرك فالله اكبر
    و الى كنتي تتحبيه فالله احق ان تحبيه

    غير قولي ليا هدا اللي مصاحبة معاه اشنو عطاك واشنو استفدتي منه غير الكدوب و الحب
    المُزيف كله كدوب فى كدوب

    ربي نعمه عليك كبيرة و انت تتستخدميها غلط
    اعطاك ربي عينيك و انتي ما تتشوفي بيها غير الحرام
    اعطاك ربي يديك وانتي تتلمسى بيها الحرام
    اعطاك ربي لسانك وانتي تتكلمي غير بالحرام
    اعطاك ربي رجليك وانتي تمشى بيهم غير فطريق الحرام

    اختى
    ماكان الحياء فى شيىء الا زانه
    وما انتزع الحياء من شيىء الا شانه

    الحياء تاجك راسك الحياء عفتك الحياء
    طهارتك

    ياترى الى جاء ليك ملك الموت
    واش غيكون ربي راضى عنك

    ياترى باش يجى الرسول يناديكِ على الحوض
    غتجرى لعنده ولا الملائكة غتقول بعدي بعدي

    وبعد اختى الحبيبة
    اعمل ليوم وداعك يوم يبكيك فيه الحبيب والقريب
    يوم تجد من عمل محضرا امامك
    فاعمل ليوم ودعاك لتعطر سيرتك بعد فراقك
    قبل ان يُقال لك
    ودعنااااك


    وسمحوا لي الحبيبات على الكتابة بالدارجة راه غير بغيت نوصل ليكم الكلام و تفهموه والله يسامح عليا و يهدينا قولو امييييييييييييييييييييييييييييييييييييييييين
    :confused::confused::confused::confused::confused: :confused::confused::confused::confused::confused:

    ايوا ما تنساوش تردوا عليا وقولو ليك كيف جاتكم هضرتي وبصراحة راه اي كلمة قولتوها با الانيقات انا غادي نتقبلها




    " اللهم بلغنا وسلمناإلى رمضان وسلم لنا رمضان وتسلمه منا متقبلا "

  • #2
    السلام عليكم
    اختي جزاك الله خيرا على نصائحك القيمة
    كل كلمة قلت عندك فيها الحق مايطلع للبنت مور العلاقات حتى حاجة من غير غضب الله
    تبقا تقلب من صاحب الى صاحب كتقلب اما على الزواج او المال او .........
    انصح الفتيات مايبالوشي بالهدلرة ديال الشباب هو يبغي توقع فريسةفيدو باي وسيلة يطمعك بالمال بالزواج ومن متهتمشي للمغريات ديالو يقولك نتينا مشي سوية اكيد مريضة معقدة وتبقا دائما محط الأنضار ديالو وادا تمكن منك خلاك نتينا لي تبعاه.وبقية القصة من عندكوم.
    اججد شكري لكي اختي على نصائحك
    سبحانك اللهم وبحمدك ، أشهد أن لا إله إلا أنت أستغفرك وأتوب إليك

    تعليق


    • #3
      الله يجازيك بكل خيييييييييييييير اختي اناقة ريمن والدليل من أن هذه الكلمات من قلبك، والله العظيم لم أحس إلا والدموع على خدي
      جزاك الله عن بنات المسلمين خيرا.

      تعليق


      • #4
        شكرا حبيباتي على مروركن العطر و لكن فينكم البنات واش ما عجبكومش هاد الموضوع




        " اللهم بلغنا وسلمناإلى رمضان وسلم لنا رمضان وتسلمه منا متقبلا "

        تعليق


        • #5
          عطاك الله الصحة اختي الله يجازيك بالخير













          مايا 04 سابقا

          تعليق


          • #6
            السلام عليكم أخواتي بارك الله فيك أختي الله يكملك بعقلق مالقيتش كلام حسن من لي قلتي لنقدر نضيف و هو عفي نفسك العفاف ثم العفاف الله يرزقك لأحسن من كل لكيحاولو يغرو بيك أختي كلك غالية شعرك عينيك صوتك رجليك أظافرك كلشي خلق الله درة الكون فحافظي على راسك يلاقيك الله بليستحق الجوهرة ياربي تهدينا لطريقك و تبعد علينا شياطين الإنس والجن

            تعليق


            • #7
              [frame="3 80"]
              شكرا بزاف على ردودكم الله يجازيكم بخير و نتمنى يكونوا الانيقات استفدوا من هاد شي اللي قلت و ما يتقلقوش من تعبيري و صلراحتي والله يخليكم ليا
              [/frame]




              " اللهم بلغنا وسلمناإلى رمضان وسلم لنا رمضان وتسلمه منا متقبلا "

              تعليق


              • #8
                شكرا اختي عندك صح فكل كلمة قلتيها

                تعليق


                • #9
                  bravo bravo bravo bravo bravo adhachtini katiiiran klamak kolo 3ssal f3aassal lah ihafdak wyajaziiiik 3la kol kalma kaltika
                  http://im34.gulfup.com/yCLAG.gif

                  تعليق


                  • #10
                    http://im34.gulfup.com/yCLAG.gif

                    تعليق


                    • #11
                      choukran bzaf 3la had lklam li 9lti wallahi ila hewa klam ssahih ntmnna men lbnat erdou balhoum rah drari dyal lyouma aghlabithoum baghi ghir m3a men yedwez lwe9t achkereki marratan tania
                      jazaki llah koul khayr
                      سامحوني ان غبت فالدراسة هي السبب و لاتنسوا اني احبكم في الله
                      ادعوا لي و تلميذات المنتدى الغالي بالتوفيق

                      تعليق


                      • #12
                        [frame="1 80"]
                        تبارك الله عليكم و تبارك الله على تفاعلكم و الله يحن عليكم
                        [/frame]




                        " اللهم بلغنا وسلمناإلى رمضان وسلم لنا رمضان وتسلمه منا متقبلا "

                        تعليق


                        • #13
                          chookran ana tathrte bzaf mn hdrtque allah i3tique seha

                          تعليق


                          • #14
                            شكرا لمرورك على موضوعي وهذا شرف لي ووسام على صدري




                            " اللهم بلغنا وسلمناإلى رمضان وسلم لنا رمضان وتسلمه منا متقبلا "

                            تعليق

                            المتواجدون الآن 1. الأعضاء 0 والزوار 1.

                            أكبر تواجد بالمنتدى كان 2,525, 26-09-2016 الساعة 21:58.

                            يعمل...
                            X