إعـــــــلان

تقليص
لا يوجد إعلان حتى الآن.

معاناتي موعظة لكل من تحب شابا

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • معاناتي موعظة لكل من تحب شابا

    السلام عليكم شحال من بنت كتغلط و تربط علاقة مع شاب على اساس الزواج في الحقيقة ليبغاك يجي يدق باب داركم و لكن كيف قلت كتغللللط و الندم ماكايبقاش ينفع انا بنت و قع ليها نفس الشيء كنت داخلة سوق راسي الا مشيت فالزنقة و تبعني شيحد كنتعصب و نزرب فالطريق لبنات لكيديرو علاقات كنت كنصحهم و نوجهكم للطريق و لكن انا وليت من بين هاد البنات وصلت للسن 21 سنة و بدا وسواس الزواج و قلت مافيها باس نتعرف على شاب بغرض الزواج و فعلا تعرفت على شاب فالاول شرطت عليه الا بغاني يتقدم ليا قالي الظروف متسمحش ليا نتقدم قلت ليه غير خطبة و انا مغاديش نتشرط عليك قالي اما تخدمي او نلقى انا خدمة ماحسن و صبرت 3 سنوات و انا نقلب على الخدمة و دازت عليا معاناة مبغيتش نفرط فيه اولا ضميري مخلانيش نتخلا عليه و هو ضروفو صعيبة ثانيا لقيت فيه المواصفات ليبغيت مايكمي مايشرب مواضب على الصلاة انسان شعبي متواضع كيخليني ديما نضحك ميتقلقش مني... من بعد 3 سنوات كانت الصدمة الكبرى دارهم خطبو ليه بنت لباس عليها و غادي يعطيوه 10مليون كهدية للعرس على حساب قوله يعني الازمة المادية و كريدي ديال الدار غادي يتحل عانيت من الصدمة و لكن انا اكثر من غبية عرفتو علاش حيث رجعت ليه و هو خاطب غادي تقولو راكي غالطة ....هادشي عارفاه خدعني و قالي انا مباغيهاش و باغي نفسخ الخطبة و صبري نلقا الحل و دازت 6 شهور و انا نتسنى يفسخ و في الاخير قالي مالقيت كيف ندير و راه الناس سايفطو ليه الفلوس و غادي يبقاو يسايفطو ليه الشهرية و البنت صغيرة عليا و زوينة عليا ...صدمة وراء صدمة حتى حاد مدارها بيا انا درتها راسي قررت نسد عليه و لكن بعد فوووووات الاوان كيتصل بيا كنقطع عليه هادي شهرين سادة عليه و مقدرتش نساه.

    انا لكانت ضحكة مكتفارقهاش و مرحة و لليت جالسة فالدار بحال الدمية مانضحك منهضر منخرج عينية لكيهضرو بالدموع كلشي لاحظ الفرق كلشي تايسول مالها ولات هاكدا ماما كتقول راه مريضة حياتي تبدلات 360 درجة خرج عليا و على حياتي كنت ناوية نكمل قرايتي نخدم ... الا شفتو حالتي فالدار عاد تعرفو راه خرج عليا كنحط راسي على المخدة و نبدا فالمعانات و التفكير و الالام ....كنقول
    علاش انا نتعذب و هو لا
    علاش البنت الوحيدة الضحية رغم ان الغلط من الطرفين
    علاش هو عايش حياتو عادي و انا فالهم و الحزن
    علاش بدلني باخرى عمرو عرفها هي عفيفة و انا لا
    علاش تيعاتبوني انت غلطانة و هو مكانش غالط و لا حيت هو راجل
    وعاد زيد التساؤلات لكتقتلني كنقول
    واش العيب فيه ولا الظروف لكانت صعيبة
    الحياة ليبنيتها معاه ولات ملك انسانة اخرى متعدبات مبكات معانات
    كيفاش تقبل يعيش مع اخرى من غيري
    كنقول دابا راه تيهضر معاها كيضحك معاها تيتاصل بيها تيخرج معاها هاديك فالحلال انا كنت فالحرام
    كنقول دابا راه فرحان بها غادي يبقى يجي للدار يلقاها مطيبة ليه كتسناه و هو يتقدى ليها
    في العطل يسافر معاها يخرجو
    غادي يولد معاها غاديي........
    هاد الشعور و هاد الحياة تمنيتها و لكن غادي يعيشها مع اخرى هدشي كيقتلني كل ثانية
    و انا؟؟؟بقيت و حيدة عايشة و سط المعانات حتى راجل مكاين بان للي بحالو
    مجرد كنتخايل حياتو مع اخرى كيقتلني الندم كيقتلني الله غاضب عليا و عصيت الله كيقتلني الشمتة و الحكرة كتقتلني غبائي كيقتلني
    عايشة فدوامة معرفت كيفاش نخرج منها حياتي دمرها ليا
    حسبي الله و نعم الوكيل

  • #2
    أختي راه فعلا ثلث سنين صعيب باش تنسايها ولكن مع الوقت غاد تنساي لو كان كان تيبغيك كان إواجه العلم على قبلك ولكن كان غير تيتسلى أهدا واش ممكن إكون فيه التقة هو خاطب أتيهضر مع وحدة خرا واش ترضاي لك بحال هاد الراجل . الخيانة عندو ساهلة
    تنصحك نضي أشمري على يديك أكملي قرايتك أقلبي غلى عمل ,شغلي راسك متفكريش فيه راه ميستالش دقيقة من وقتك ’مزال إجيك الزوج لي مكتابلك ,إلى حاول إتاصل بك متجاوبيهش راه حرام عليك حتى نت دمري حياة إنسانة خرا لا علاقة لها بالموضوع تخيلي راسك فبلاصتها أش غدي ديري أولا غدي تحتاقري ديك الإمسانة لي قبلات على راسها تبقا على علاقة بواحد مزوج
    عيشي حياتك كيما كنت فالأول أمتسامحيلوش إدمرك

    تعليق


    • #3
      السلام اختي
      بداي حياة جديدة و نساي الماضي ربي كبير ميتخلاش عليك واخا هو راجل راه عندو اخت او غادي تكون عندو بنت
      الله يوفقك

      تعليق


      • #4
        يا الحبيبة قلبي وجعني من سمعت قصتك عليك بالصبر اختي انشاء الله يعطيك الله اللي يحسن اليك حاولي تنسايه و روحي ديها في قرايتك و حققي داتك نسايه نسايه هادا مفيهش الخير كان غير كيدوز وقتو محيه من حياتك و بشوية العزيمة انشاء الله يغلبك عليه الحبيبة الله يعطيك الخير و يصبرك

        تعليق


        • #5
          السلام عليكم و رحمة الله
          والله حتى دمعة عيني فاش قريت قصتك حاسة بيك الحبيبة ديالي شوفي نقولك واحد الحاجة "الله يمهل ولا يهمل" والله حتى ياخد ليك حقك منو راه ربي كيشوف غير نيتك غدي تخرج فيه ومغديش اكون مرتاح في حياتو والله اطول ليك العمر و تشوفي بعينيك حيت ربي ماكيبغيش الظلم حاولي طوي صفحة الماضي وتبداي صفحة جديدة ماتقوليش ليا منقدرش الحب صعيب بالارادة غدي تقدري بلا متبقاي تفقصي راه هتجيبها غير في راسك وربي غدي ارزقك بولد الناس لغدي انسيك فيه واعوضك على كلشي.

          الله ارحمك اماما و جعلك من نساء الجنة واجعل قبرك روض من رياض الجنة و اصبرنا على فراقك الحبيبة

          تعليق


          • #6
            السلام عليكم و رحمة الله
            والله حتى دمعة عيني فاش قريت قصتك حاسة بيك الحبيبة ديالي شوفي نقولك واحد الحاجة "الله يمهل ولا يهمل" والله حتى ياخد ليك حقك منو راه ربي كيشوف غير نيتك غدي تخرج فيه ومغديش اكون مرتاح في حياتو والله اطول ليك العمر و تشوفي بعينيك حيت ربي ماكيبغيش الظلم حاولي طوي صفحة الماضي وتبداي صفحة جديدة ماتقوليش ليا منقدرش الحب صعيب بالارادة غدي تقدري بلا متبقاي تفقصي راه هتجيبها غير في راسك وربي غدي ارزقك بولد الناس لغدي انسيك فيه واعوضك على كلشي.

            الله ارحمك اماما و جعلك من نساء الجنة واجعل قبرك روض من رياض الجنة و اصبرنا على فراقك الحبيبة

            تعليق


            • #7
              ممنوع الكتابة بالعرنسية



              تعليق


              • #8
                سلام أختي
                بغيتك حاجة ديرها في بالك من حدك مفرتيش في شرفك متكوليش خرج عليا حيث من عمرك غضبتي الله ربي غادي يسهل عليك وربي الحمدالله عطانا نعمة نسيان ان شاء الله غادة تنسايه
                غير هاولي نتي إلا تصل بيك متجوبيهش ولا الهاتف ديالك غلقيه ورجعي لقرايتك وضحكي وديري حركة في داركم حيث هما مذنبهم ولو تخلعيهم عليك ولي فيها لخير غادة يأتي بها الله
                التوقيع

                ياربي تشفي ماما وا جميع المسلمين


                ياربي تشفي ماما وا جميع المسلمين



                لربح فلوس من الانترنيت شوفو http://www.neobux.com/?r=sounods

                تعليق


                • #9
                  إن شاء الله غادي تنساي خصك غير شوية د الوقت ديها فقرايتك و متستقبلك ووالديك هما اللي دايمين لك
                  و هادشي مع مرور الوفت غادي يبان لك كي الحشرة ليام تنسيك في كلشي

                  تعليق


                  • #10
                    المشاركة الأصلية بواسطة أم ميري مشاهدة المشاركة
                    أختي راه فعلا ثلث سنين صعيب باش تنسايها ولكن مع الوقت غاد تنساي لو كان كان تيبغيك كان إواجه العلم على قبلك ولكن كان غير تيتسلى أهدا واش ممكن إكون فيه التقة هو خاطب أتيهضر مع وحدة خرا واش ترضاي لك بحال هاد الراجل . الخيانة عندو ساهلة
                    تنصحك نضي أشمري على يديك أكملي قرايتك أقلبي غلى عمل ,شغلي راسك متفكريش فيه راه ميستالش دقيقة من وقتك ’مزال إجيك الزوج لي مكتابلك ,إلى حاول إتاصل بك متجاوبيهش راه حرام عليك حتى نت دمري حياة إنسانة خرا لا علاقة لها بالموضوع تخيلي راسك فبلاصتها أش غدي ديري أولا غدي تحتاقري ديك الإمسانة لي قبلات على راسها تبقا على علاقة بواحد مزوج
                    عيشي حياتك كيما كنت فالأول أمتسامحيلوش إدمرك
                    سلام أختي أنا
                    أتفق معك
                    عاشقة تراب

                    واصبر لحكم ربك فإنك بأعيينا وسبح بحمد ربك حين تقوم
                    أمنيتي اني نشوف
                    أم أبو بكر/زهر الخزامى/أم الصالحين ** أم الصالحين بنتك منى رجعت و توحشتك بزاف// إحساسي قوي اني غادي نشوفكم في القريب العاجل أحبكن في الله
                    {...
                    سبحانك يا رب أعصيك وترحمني ،،
                    سبحانك يا رب أعصيك فتعطيني،،
                    لك الحمد يا رب ،،
                    آنسني بقربك يا رب،،
                    ...}

                    تعليق


                    • #11
                      السلام عليكم شكرا بزاف على الردود نتوما لقاكم نشكي عليكم اليوم عرفت انه تزوج بقا فيا الحال بزاف و بكيت حتى طابو عينية نبكي و نستغفر صراحة شحال طلبت الله ياخذ ليا حقي منو ومين عرفت تزوج و مكمل حياتو عادية و فرحان قلت واش هو للي مزيان وعايش فرحان داكشي علاش ربي مخداش ليا حقي منو و انا لي ممزياناش عايشة مهمومة

                      تعليق


                      • #12
                        أختي بزاف لبنات مرو من نفس التجريبة لي مريتي منها ، بكاو و عاناو ،و تألمو حتى ولات الدنيا كتبان ليهم كحلة ، و مكتبانش ليهم الحياة من بعد هاد الشخص ،لي بغيت نقول ليك أختي أنه مكيستاهلكش أنتي أحسن منو لأنه هو لخرج للعيب ، و ستاطع باش يبدلك بوحدة اخرى ،علاش انت لي تعاني و تهزي الهم و هو عايش حياتو كيف ما بغا ، كوني قوية أختي و عيشي حياتك بما يرضي الله ،حتي لين غتبقاي ذوبي فراسك ، الإنسان خاصو يتعايش باش يعيش هادي كلمة ديما تقولها ، أي أننا خصنا نتعايش مع الظروف مهما كانت قاسية و نواجهوها بقوة و بإيمان قوي باش نستمرو في الحياة ، لأن كل ما جرى ليك أختي هذا قضاؤك و قدرك و حتى واحد في هاد الدنيا ما تياخد أكتر من نصيبو ، ما يبقاش فيك الحال دبا يجيب ليك الله ما أحسن ، و حتى حاجة ف هاد الدنيا ما تستاهل نبكيو عليها لأنها مهما طالت فهي قصيرة و مهما عظمت فهي حقيرة.

                        تعليق


                        • #13
                          السلام عليكم و رحمة الله تعالى و بركاته
                          اختي قصتك فعلا مؤلمة و محزنة و كاتبكي و تاتعصب و تاتدمر و تاتقتل و تاتتطعن و تاتسهر الليالي و تاتنسينا فالدنيا و ما فيها و تاتنسينا نحلو عينينا و نشوفو الحقيقة
                          لكن مذا بعد ها التخربيق و والوهم و المرض التكرفيص كلو
                          انا ماعانقولش الكلام لي فات الاوان عليه انك غلطتي مني بديتي هاد البداية بعد ماكنتي طاهرة عفيفة و كنت رمانة مغمضة
                          لكن عانقول فالشي لي راه باقي دابة و الواقع لي خاصنا نصلحوه
                          اختي انا ماتانفهمش كيفاش البنات الله يهديهم بنادم تايدير معاهم بحال هاد الافعال و تايبقاو يبغيوه
                          انا اختي بنت من سنك و حتى انا تانحب و تانحب هادي5سنين يعني فهماك و مزيان اختي لكن راه كيف تايقول المثل المغربي لي درقك بخيط درقيه بحيط و نتي البنت خاص تكون عندك الكرامة و بيني ليه انك ماكنتيش اصلا مسوقا ليه هادي هي باش عاتفقصيه و شوفي الا باقي عندك شي امل تاتعلقي فيه تاتقولي دابابا يرجع اكيد ماعايرجع عي سيري ابنتي تكمشي راه ماعايرجعش صااااااااااااااااااااافي لي طرا طرا و نتي ماشي الاولى و لا الاخيرة لي وقعات ليها ها التجربة وكبات على كرشها سطل د الما لكن شنو من بعد التجربة واش عاتبقاي عي تبكي و تنخسي بحال غرقو ليك الباطويات يمشي راجل يجيو الللللللللللللللف لكن ايمانك فالله هو الاول ماتضيعيهش نتي خطأتي و هادي نتيجة الخطأ اي وحدة ترخص راسها و سمحي لي تتنازل باش تحاشيها لبرهوش بهاد الطريقة تصاحب معاه فهي تتوق هاد النهاية و اكثر حمدي الله مني خرجتي باقل الخسائر بعداك ماضيعتيش شي حاجة رغم ان الوقت لي مشا راه ضاع لكن حسبي كلشي و نوضي قفزي على راسك ماحدك باقا صغيرة و ياقي مايدار سيري قراي شي حاجة خودي شي دبلوم و خدمي على راسك فوجي و فكري فصحتك و فداركم لي ماباغين ليك عي الخير و خدمي على راسك اما الرجال هاد الوقت هم اخر ماتسناي مابقاش المعقول ولا عي التفلية
                          و ابسط مثال هاد البنت لي خدا هاد زين فرحي شوفي عاتصرف عليه يعني واش ترضاي تزوجي راجل تصرفي عليه ايوا هادو هو الامثال لي ولا ماشي كلشي لكن الاغلبية اصلا البنت دابا الا ماخداماش عي تمشي تكمش حيت جميع امهات الرجال لي فسن الزواج تاتقول خاص ولدي وحدة خدامة باش يتعاونو
                          مشااااااااااااااات يام البركة و الرجولة و العزة و النفس دابا نقولو الله يلطف
                          سمحي لي هضرت قاصحة معاك و مترددة باش نضيف الرد لكن نصحتك بحال نصح راسي او اختي
                          نسايه اصلا مافيه مايفكر واش تحبي واحد بنادم ماشي راجل ماشي راجل كيفاش تحبيه على الاقل بلاك الله بلاك الله حبي شي واحد راااااااااااجل تحشي بيه راجل ماشي واحد سلعة تايتباع و يتشرا و سمحي لي هادا كلام ماشي موجه ليك بوحدك لكن لاي بنت باش تتفادا توقع فنفس الغلط و الله يهدي البنات و يفتح بصيرتهم



                          تعليق


                          • #14
                            أختي خديها نصيحة مني الحمد لله على كل حال نسيه و كرامتك فوق كلشي بدلك ماعندك مديري به
                            والضربة لي ماتقتلك تقويك خليك أختي قوية نودي بدلي حياتك أه للأحسن خودي ورقة و كتبي اشنو الحاجات لي فيك خايبة
                            و حاولي تغيرها للأحسن كملي قريتك و فكري في مستقبل أحسن توبي إلى الله عمرك تعاودي أختي العلاقة ماكايجي منها غير
                            المشاكل نودي بدلي حياتك من اليوم إلى الحسن صلي و قراي قران و أحسن حاجة حسيتي بضيق في نفسك سيري أقرب مسجد
                            صلي فيه و طلبي الله يقبل توبة ديالك وعوضك أحسن منو المهم دابا هو راسك كوني قوية هادي هي دنيا و إن شاء الله الخير أت
                            بحول الله
                            ربي لا تذرني فردا و أنت خير الوارتين



                            تعليق


                            • #15
                              من لم تتبع امر الله والرسول هذا مصيرها
                              دائما اذكر الاخوات بالحديث " ان جاءكم من ترضون دينه ..." المراة لم يطلب منها الخروج للشارع للبحث عن الزوج لانها ضعيفة ولهذا شرع الاسلام احكام تحمي المراة لكن في زمن التطور العكسي للمرأة اصبحت المراة تعتبر ان تلك الاحكام تقييد للمراة بينما هي لحمايتها
                              عموما اختي انسي الامر واعتبريه انه كان يتسلى بك انت كنت جادة وهو تيتفلى وصدقيني اختي ليس هناك افضل من حب مابعد الزواج فكل شيء يكون مبني على الواقع وليس احلام ووعود تطلق في الهواء
                              واشكرك جزيلا على كتابتك لتجربتك لاخواتك كي يتعظن
                              نصائج :
                              اختي المشرفة العضوة تنتظر تشجيعك فلا تحرميها اياه شجعيها بثتبيت موضوعها او بتقييمه او تقييمها
                              اختي العضوة المشرفة تبدل جهدا كبيرا في تنظيم قسمها وهي ملتزمة بقانون المنتدى مثلك فحاولي تفهم ماتقوم به
                              اختي العضوة القديمة
                              العضوة الجديدة تنتظر منك تشجيعا وترحيبا فلاتبخلي عليها اجعليها تشعر وكانها قديمة مثلك
                              مشرفة عضوة قديمة عضوة جديدة انتن جميعا فخر لاناقة فانتن اناقة واناقة انتن
                              مهم جدا : المرجو من الاخوات عدم تقديم طلبات اشراف تفاديا للمشاكل


                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X