إعـــــــلان

تقليص
لا يوجد إعلان حتى الآن.

حملة، لمادا لا نقول خيرا او نصمت ؟

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • حملة، لمادا لا نقول خيرا او نصمت ؟

    اجو نصححو الاخطاء لكتكون بين الحموات وعيلات ولادهم كل وحدة تقول لينا الخير ليشافت فعدوزتها ممنوع نقولو عليهم العيب فها الموضوع حيت كل واحد ميبغيش اقولو عليه ممزيانش علاش مكيعاودوش الناس الحاجة المزيانة فبنادم وخلي العيب مستور ، ومن هد المنبر اقول لكل العروسات اتقوالله في حماتكن راه عايجي شي نهار تانتي عتكونو حماة ، ليعنها شي تجريبة مزيانة مع العدوزة ديالها تقولينا باش نتعاونو على الخير، ولي ععلاقتها مع عدوزتها مزيانة تقولينا تاجاريب ديالها او ليعندها اي حاجة كتسعد بين العدوزات ومرات ولادهم تفيدنا الله اجازيها خيرا لكي نفيد ونستفيد ان شاء الله كنتمنى موضوعي القى التفاعل معكن اخواتي احبكن في الله

  • #2
    السلام عليكم ورحمة الله تعالى وبركاته

    بالنسبة لعكوزتي كنعتبرها بحال ماما عزيزة عليا وحتى انا عزيزة عليها ..وكتحصل مواقف بزاف زوينة بيني وبينها كتزيد تكبر فنظري ..باقا كنعقل مازال مخطوبة وعيطات ليا نبات معاهم شي يومين بحكم راجلي برا يعني عادي كنت كنمشي مرة مرة ..وكانت فيا الكحبة ومشات دارت ليا الحليب وفيه العسل حر وجابته كتبرد فيه فكاسرونة ودارتو ليا فكاس وعطاتو ليا شربتو ..وعطاتني لبست بيجامة يالله شراتها باش نبات لدرجة قالت ليها بنتها كون انا كعما تعطيها ليا هههههههههه ..ومرة جاتها ساعة يد غالية كدير 6000 درهم وبغات تعطيها ليا وماخلاتهاش بنتها هههههههه ..وفيما بغات تمشي لشي مناسبة كتديني وكتكبر بيا وحتى انا ماكتلقانيش من العاجزين هههههههه دابا اربع سنوات وانا مزوجة وفيما كنمشي فالاجازات كتهلا فيا والى بغيت نجي كدير ليا شي كادو هاد المرة عطاتني قفطان زوين ..وحتى انا ماكنخلي ماندي ليها ..بزااااااااااااف ديال المواقف الزوينة كعما غنسالي ههههههههه..والله يديمها محبة بيناتنا

    شكرا لصاحبة الموضوع
    سبحان الله العظيم








    تعليق


    • #3
      الحمد لله اللهم ادمها نعمة واحفظها من الزوال
      أشكر صاحبة الموضوع على الطرح المميز
      فعلا أختي خاصنا نذكرو المناقب دائما باشما نتفكروش السيء لأنه ضروري اختي فيه سيء للأسف ولكن نغلبو الشيطان دائما والله ينعلو ويخزيه والإحتكاك اختي كايولد الإنفجار والتيقار حسن وكايبقا كل واحد فبلاصتو وبقيمتو وكايبقاو امهات ازواجنا كيما حنا كانحبو امهاتنا الله يخلليهم لينا حتى هوما كايحبو امهاتهم وواجب علينا احترامهن ولسنا مجبرين لخدمتهن الا تطوعا وفي سبيل الله وماشي كاع العكوزات مزيانات وماشي كاع العروسات مزيانات خود ماعطاك الله
      والله يجيبنا فالصواب ويبعد علينا الشيطان
      اما عني عكوزتي لا باس بها وانا كانحتارمها حينت ام زوجي وهو يحبها كثيرا وعندو الدنيا ومافيها وانا اقدر هذا الشيء لدرجة انه يجلسها في المقعد الأمامي للسيارة وليس لدي مانع حيث زوجي يفرح ويرضى عني وهذا مايهمني هو رضى زوجي في الدرجة الأولى.
      ونصيحة للأخوات اللي عندهم مشاكل مع العكوزات باش يصلليوا ويدعيوا الله يهديهم ويصلح انفسهن وربي سيستجيب مادام الإنسان لا يظلم احدا
      .

      تعليق


      • #4
        موضوع زوين مشكورة أختي.
        الحمد لله عكوزتي كانت مزيانة معايا الله يرحمها و كانت تتبغيني بحال بنتها لدرجة أن راجلي كان تيقوليها شكون لي ولد واش أنا ولا هي، كان تيغير من معاملتها ليا، و كانت ديما شادة بخاطري و ياويلو شي نهار تجي عندي و لا نمشي عندها و تلقاني خاطري ماشي هو هاداك، كانت تشد راجلي مسكين وتبقا تقرر فيه حتى تعرف أشنو مخسر خاطري، و رغم أني تأخرت في الحمل فالأول ولكن عمرني مسمعت منها كلمت العيب حتى لنهار قبط الله الروح و هي تترضي عليا و على راجلي، الله يدخلها فسيح جناته.
        الناس كاملهم كانو حاسديني عليها و حتى أنا كنت تانعملها بحال ماما و عمرني خسرت خاطرها و هي كانت تتقولي الولاد ملي تيتزوجو تيبعدو على عائلاتهم و وأنا ولدي ملي تزوج بيك عاد وليت تنشوفو الحمد لله نهار ربي بغاها وقطعات بينا بزاف وخلات بلاصتها كبيرة و فكرت مع راسي و قلت لو أني تعملت معاها خيب أو بعدت عليها وكنت غادي نخسر بزاف، كنت غادي نخسر رضاها عليا و على راجلي و حبها لينا ودعواتها لينا.

        كنتدكر واحد النهار كان مجموعين عائلة راجلي و كانت عامتو و بنتها تزوجات من موريا ـ معرفتش علاش ماكنوش حاملاني الله يسمح ليهم ـ و كانت فهادك النهار حاملة و قريب تولد وأنا كنت مازال محملت، و منقوليكمش على لمعاني لي بداو تيتقالو ديك الساعة منكدبش عليكم كنت جالسة على عينية وصابرة على وجه عكوزتي و شيخي و راجلي و على ود عم راجلي حيث كنا فدارو، وللأسف عكوزتي لي دافع عليا كانت فهادك الساعة تتصلي تعني أنا لي فوجه المدفع، واحد الوقيتة عكوزتي كملات الصلاة جاية هي تسمعهم منقوليكمش أشنو دارت ليهم والله لو أنا ماما لي معايا فهاداك الوقت ماكنت تدافع عليا بحال هديك الطريقة. ومن هداك النهار عمر شي حد ماتجارئ عليا بشي كلمة. كانت امعمرة علينا حياتنا وكانت أمنيتها تشوف ولادي قبل ماتموت ولكن الأجل وصل.
        الله يرحمها و جميع موتى المسلمين و يدخلها فسيح جناته و يرزقها عنا كل الخير، والله يرزقنا الصبر على فراقها .

        سمحولي طولت عليكم، ولكن في حق لميمة (هاكدا كانت تتبغيني نعيط ليها) يخصني مجلدات.

        تعليق


        • #5
          الله يرحمها و جميع موتى المسلمين و يدخلها فسيح جناته
          سبحان الله العظيم








          تعليق

          المتواجدون الآن 1. الأعضاء 0 والزوار 1.

          أكبر تواجد بالمنتدى كان 2,525, 26-09-2016 الساعة 21:58.

          يعمل...
          X