علمي بنتك شغل الدار

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • علمي بنتك شغل الدار

    السلام عليكم ورحمة الله وبركاته

    بنتي عندها 11 عام ، عاد طلعات للإعدادي هاد العام
    كتجيني باقية صغيرة على شغل الدار ، والصراحة
    ما يقنعنيش شغلها
    الوالدة وخواتاتي وصحاباتي وكل نساء العائلة كيخاصمو علي
    ويقولو أني غندّي تقليدها إيلا ما علمتهاش الشغل وغادية تخرج معكازة
    أنا كنشوف أنها مازال خاصها تلعب وتتمتع بطفولتها أما تمارة
    غادية تعلمها بزز منها مني تكبر
    كنتمنى نوسعو النقاش فهاد النقطة ، وشكون الأم للي حنينة بحالي ؟





  • #2
    يسعدني اختي الكريمة ان اكون اول واحدة تدخل في الموضوع الي طرحتيه للنقاش واخة انا ما عنديش لبنات لا اني من الامهات الي يشجعو الامهات على تعليم بناتهن شغل البيت وكل واحدة على قدر سنها بنتك باقة صغيرة اه لكن ممكن تعلميها خطوة خطوة
    مثلا تعاونك في جميع الطبلة المواعين تحطهوم في الحوض تمسح او ترتب الطابلة يعني ما تقليش عليها لكن تساعد ترتب اغراضها في دولابها تقاد لفراش ديالها
    يعني بشوية بشوية وغادي تولف وتمشي في حياتها مرتبة ومسؤولة
    راهم صعاب لبنات الى ولفتيها الراحة وكلشي كتديريه لها هدا غلط كبير ملي تولي البنت مراهقة صعيب تقنعيها وممكن تضطرك الى استعمال العنف معاها او العصبية
    انا ما كنتكلمش على بنتك بالخصوص بل على بنت كل واحدة فينا
    وفعلا لبنات ملي كيتعلمو وهما صغار يا الله كيخرجو حادكات وكيبغيو يبدعو في مطبخهم وفي بيوتهم ومع وليداتهم
    وكتعفيها مسكينة من انها تسمع لكلام الي ما يتسمع من راجلها ملي تتزوج خصوصا الى كان الراجل مرتب ومنظم وكان في بيت مع ام اللا ومولاتي
    راه كيدير مقارنة شديدة رغم عنه بين امه ورزوجته
    سال المجرب ههههههههههههه
    نتمنى الامهات يشاركو باش نستافدو اكثر

    تعليق


    • #3
      شكرا أختي amina_l_2009 على المشاركة في هذا الموضوع
      الله يعطيك شي بنيتة يفرح بها قلبك
      وكنتمنى الأمهات يتفاعلن مع الموضوع
      ويدلين بآراءهن وتجاربهن مع بناتهن




      تعليق


      • #4
        أختي حتى أنا عندي نفس المشكل بنتي فعمرها 15 سنة ويالله كتدير شي حوايج قلال فالشقا وكيف ما قلتي عائلتي كيخاصمو عليا وقيقوليا علميها وأنا ما عنديش الوقت الكافي مع الخدمة مكيقنعنيش شقاها وباها وخوها كيقولوليا راكي مفشها بزاف وكتبقى فيك المهم راكي عارفة الأم والحنان ديالها مكنبغيش نكثر عليها ولكن البنت خاصها تعلم كيفما علمونا أمهاتنا الله يخليهوم لينا حيت البنت إلى وصلات لسن المراهقة صعيب باش تفاهم معاك المهم الله يعينا على تربيتهم تربية حسنة
        وشكرا أختي على موضوعك

        تعليق


        • #5
          يسعدني اختي أن أنضم لكم في الموضوع الي طرحتيه للنقاش واخة انا ما عنديش لبنات عندي غير الولاد الله يصلحهم ويصلح أولاد المسلمين كافة أجمعين لا اني من الامهات الي يشجعو الامهات على تعليم بناتهن شغل البيت وكل واحدة على قدر سنها بنتك باقة صغيرة اه لكن ممكن تعلميها خطوة خطوة
          أنا كنعقل عجنت الخبز وأنا عندي9 سنوات البنت واش علمتيها كنعرف بنات تبارك الله في عمرها
          كيعمل شغال الدار بحال مثلا كنس وغسل الأواني والمسح وطي الملابس الحوايج الخفاف
          بشوية بشوية لحقاش حنا الأمهات كيبنوا لينا ولادنا ديما صغار ومعندهم جهد لتحاجة ههههههه
          بقطرة قطرة يحمل الواد
          واخ مغيقنعكش شغلها خليها تعلم بإذن الله
          الله يفرحك بيها وتشوفيها عروسة أن شاء الله وتشوفي ولادها

          sigpic

          تعليق


          • #6
            ماشاء الله على البنوتة اختي ام القمرين الله يحفظها ليك
            اما بخصوص الموضوع راني بديت كانحاول مع بنتي ونعلمها الشغل رغم ان سنها لا يتجاوز الخمس وحتى هي غادية معاي الله يصلحها وبغيتها تعرف كل شيء ويلا سولتيني علاش حينت ماما الله يجازيها بخير ماخلات ماعلماتنا في الصغر والحمد لله نفعنا في الكبر وقرينا ولله الحمد نحن البنات وتعلمنا وضربنا عصفورين بحجر واحد وماعمرنا اعتامدنا على شي حد وبغيت نعلم بنتي نفس الشيء لأنه من التجربة تعلمت ونزيدك ماشي غير البنيتة حتى الوليد كانعلمو يقضي حاجاتو بوحدو واخا تكون غير خفيفة المهم يعتامد على نفسه ولا يتكل على الغير حتى في الأكل الا اذا تعذر عليه الأمر وصدقيني الامر ليس صعبا ولا مستحيلا الا بالمثابرة والتعود وحتى شي حاجة ماغاد تضيع بالعكس غايينجحو فحياتهم باعتمادهم على انفسهم
            نتمنى تجاوب الاخوات مع الموضوع الجيد وماتسنياش الحبيبة تكبر عاد تتعلم فالتعلم في الصغر كالنقش على الحجر
            بارك الله فيك الموضوع الشيق

            تعليق


            • #7
              موضوع زوين بزااااف شكرا لك فاش فتحتيه
              لي حادك من عند الله هاهاها فكرتيني في الوالدة عرفتي معمرها فرضات علينا الشقاء ولكن بصح البنت تتعلم العكز مرة مرة دخليها فالعطل لانه غادي طبع وتولي ليك بحالي هاهاها حنا الوالدة متدخلناش وتتشقى هي واختي وحدة لي خرجات حادكة وعزيزة عليها الدار والكوزينا اما 3 البقية والوا لرشقات لينا حتى كبرنا عاد تعلمنا شوية طياب هاها اللهم مرة مرة علمي بنتك انا موليت تنعرف الطبخ حتى هادي 3 سنوات يعني حشومة عند بعض الناس هادشي في بخصوص الطبخ اما شقاء ديال الدار راه تعلمو راسها فاش تقد عليه تيعلم راسو براسو




              تعليق


              • #8
                شكرا لتفاعلكن مع الموضوع ، فهذا أكيد سيفيدني و يفيد أمهات غيري
                بنتي كتدير مسكينة علاش قدرات كتجمع الطبلة من بعد الماكلة ونرجع نمسح الطبلة موراها ، كتغسل مثلا الكيسان وتخلي البراد حيث فيه ليقامة ، تغسل طباسل ديال الغداء أو العشاء وتخلي الكوكوت أو الطجين، بحال هاد الشي أنا كيعصبني
                إلا قلت ليها طوي حوايجك كترون حتى هادوك للي مطويين
                المهم ماشي الشغل حار كيف بغيت ، ويلا بقيت مقابلاها ديري هدي وديري هدي الوقت كيمشي وكنتعطل فداكشي للي وكون قضيتو بوحدي كون كملتو فرمشة عين
                خصوصا متبوعة بالخدمة

                واقيلا أنا أم فاشلة عن جدارة واستحقاق




                تعليق


                • #9
                  أنا عندي بنت عمرها 12سنة كنعطيها كل سبت وأحد حصة تدربية في تعلم شغل الدار ملي كتسالي تمارين دراسية ليعندها حيت دبا رجال والاو يتعلمو يشقاو مابلك البنت خاصها تقرا مزيان وتعلم تشقا وتسلا شوية كل دي حق حقه والله قدرنا على تربيتم تربية حسنة

                  تعليق


                  • #10
                    المشاركة الأصلية بواسطة أم القمرين مشاهدة المشاركة
                    شكرا لتفاعلكن مع الموضوع ، فهذا أكيد سيفيدني و يفيد أمهات غيري
                    بنتي كتدير مسكينة علاش قدرات كتجمع الطبلة من بعد الماكلة ونرجع نمسح الطبلة موراها ، كتغسل مثلا الكيسان وتخلي البراد حيث فيه ليقامة ، تغسل طباسل ديال الغداء أو العشاء وتخلي الكوكوت أو الطجين، بحال هاد الشي أنا كيعصبني
                    إلا قلت ليها طوي حوايجك كترون حتى هادوك للي مطويين
                    المهم ماشي الشغل حار كيف بغيت ، ويلا بقيت مقابلاها ديري هدي وديري هدي الوقت كيمشي وكنتعطل فداكشي للي وكون قضيتو بوحدي كون كملتو فرمشة عين
                    خصوصا متبوعة بالخدمة

                    واقيلا أنا أم فاشلة عن جدارة واستحقاق


                    عفوا اختي هي بنتك في البداية والحمد لله انها كتغسل الكيسان واخة تخلي البراد وكتغسل الطباسل وكتخلي الطناجر راه حنا الي كبار ما كنحملوش لغسيل ديال الكوامل والكوكوت هههههههه
                    اما طي لحوايج راه صعيب عليها المهم الى عندها مارويوها تخربق فيه كيف بغات شويو شوية تتعلم صبري معاها واخة تديري الشغل من موراها لان الهدف هو انها تولف الشغل وتعملو بطيب خاطر وتعرف انه جزء من المسؤولية باش يجيها خفيف وعادي من بعد
                    انا عندي وليد وباقي صغير وبغيت نعلمو كيف ما كيعلمو الامهات لبنات ماشي عيب بالعكس بغيتو يكون مسؤول وما يحتاج حد الى ما كنتش
                    صبري باش تلقاي النتيجة الي ترضيك
                    وديري في اعتبارك انها صغيرة وشجعيها ملي تدير اي حاجة واخة تخربقها باش تتحمس اكثر
                    راه عند سن المراهقة صعيب تحببيها في شغل الدار
                    الله يصلحها لك ويهديها وتشوفيها احسن من كيف بغيتي انتي

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X