خدامة ولا جالسة في الدار

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • خدامة ولا جالسة في الدار

    السلام عليكن انيقات المنتدى واش المراة اللي جالسة في الدار كاتحس بنقص لانها ماخداماش وعندها استقلالية وكيان اولا بحال بحال وماكاينش الفرق ارجو الاستفادة من الاراء المختلفة

  • #2
    sigpic

    تعليق


    • #3
      حتى انا اختي جالسة في الدار هداك الشيء علاش بغيت نعرف واش لعيالات كايحسو بالملل بحالي ولا لا حيت واخا الشغل ديال الدار واخا الدراري وصداعهم حتى شي حاجة ماكاتعوض ان المراة تحس براسها ذات قيمة في المجتمع وقدام راسها

      تعليق


      • #4
        sigpic

        تعليق


        • #5
          انا مهندسة وكنت خدامة, لكن مني قررت نولد استاقلت من الخدمة وجلست فالدار لانه ولدي صغير ومحتاج لام كثر ماانا محتاجة الخدمة. الحمد لله مكانحسش بنقص لانه في نظري رصيد المراة هو ثقافتها و وعيها ماشي الوظيفة. ممكن كيف قلتي ربة البيت تكون تتعاني من الملل لكن هد الامر مقدور عليه ممكن تملء وقتها بشي حاجة مفيدة.
          تقبلي مروري

          تعليق


          • #6


            والله يكمل عليك بالخير
            الحمد لله حمدا كثيرا مبــــــــــــــــــــاركا

            تعليق


            • #7
              الجلوس في البيت ما كايعنيش ان المراة ما قارياش ومامتقفاش بالعكس كاينين عيالات اللي كايقراو يوميا اي حاجة كتاب ولا مجلة انا عن نفسي كانطالع الصحف الالكترونية يوميا ويلا ماقمتش بهذه الخطوة كانحس راسي نقص لي يوم من عمري خاوي ولكن انا كانتساءل واش المراة العاملة اعلى قيمة من المراة الجالسة في المنزل وبالخصوص في اعين الرجل المغربي اللي كايشوف فيها سند كبير بالنسبة ليه ماديا وحتى نهار كايقول الزوج للزوجة انا بغيتك تجلسي في الدار واش هو كايعني هذا الكلام بصح

              تعليق


              • #8
                أختي زهره أنا غانجاوبك من مفهومي
                أنا مازال ممزوجاش و خدامه
                لي خدام ماهانيش الصداع الراس و المشاكل
                أنا مكرهتش نبرك و الله
                و كاتبان ليا لي باركا فدارها معززه مكرمه
                و ماتنسايش أنا أهم من الخدمه هو أنك تربي ولادك تربيه حسنه لي غاتجزاي عليها طول حياتك

                تعليق


                • #9
                  نعم اختي سهام عرفتي بللي المراة واخا كاتضل مسكينة واقفة في الدار كاتشقى الصابون والماكلة وتحفيظ الدراري الدروس والهزان والحطان في الاخير كايجي الراجل يضرب ليها هداك الشيء كله في الخوا يقول ليها اش كاتديري غير جالسة فين ما نشوفك نلقاك جالسة بحال ايلا هداك الشيءاللي تدار داروه الجنون!!!!!!! يعني ماكاينش تقدير عند الاغلبية ديال الرجال ماشي الكل حتى ان المراة في اخر المطاف كايبان ليها بحال ايلا العمل ديالها المنزلي ماعندوش قيمة ولا هدف

                  تعليق


                  • #10
                    إوا المرأه إلا كان كايقابلها راجلها ب هاد الهذره و يحسسها بأنها ماكاتدير والو
                    تصبح شي نهار مريضه ( بلعاني) و متنوضش من الفراش و نشوفو واش غايخرج راسو
                    الله يهديهم كاين الراجل لي مايعاون مايقدر مراتو آش كادير

                    تعليق

                    المتواجدون الآن 1. الأعضاء 0 والزوار 1.

                    أكبر تواجد بالمنتدى كان 2,525, 26-09-2016 الساعة 21:58.

                    شاركي الموضوع

                    تقليص

                    يعمل...
                    X