إعـــــــلان

تقليص
لا يوجد إعلان حتى الآن.

بـــــــــــاربـــــي يا باربي?!! بــقلمي في انتضــار ردودكــــن !!

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • بـــــــــــاربـــــي يا باربي?!! بــقلمي في انتضــار ردودكــــن !!

    بسم الله الرحمن الرحيم


    السلام عليكم ورحمة الله وبركاتة



    بـــــــــــاربـــــي!!!
    ممكن يكون العنوان غريب على البعض ~~
    ولكن بيني وبينكم مكينش احسن منو عنوان
    للمشكل لي كنعيشوه حنا جميعا كبنات و انسات و سيدات...!

    مشكل ولينا نفيقو و نعسو معاه ،
    تابعنا فماكلتنا و شرابنا و لباسنا و تفكيرنا ...
    و ممرر عيشت الكثير منا~~!!!


    بـــــــــــاربـــــي


    ديك المونيكة المانكان،
    بجسمها المنحوت المتناسق،
    و قسمات وجهها الجميلة" الإصطناعية"،
    لي ديما مبسمة بنقيطات الزين فحنيكاتها و ماكياجها ديما غزال
    و شعرها لمسشور و الممشوط بحالا عاد خرجات من صالون
    و قامتها الممشوقة و سدرها و راسها المرفوعين للسماء...

    كلنا ولابدا كبنات لعبنا بيها فصغرنا ،
    انا عن نفسي كانت عندي هيا و راجلها و ووليداتهم بدارهم و الطونوبيل و الحوايج ... ههههه
    ملي كنتفكر شحال خسرو واليديا مساكين ديال الفلوس على بــــــاربـــي ،
    باش ميبقاش فيا الحال قدام البنات لخرين ،
    و نلعب معاهم حتا انا بباربي و الدار بحالا عايشين فيلم ميريكاني !!!!!

    المهم هاد باربي او "لابوبي مانكان"،
    ولات دابا ماشي غير لعبة كيلعبو بيها لبنيات،
    بل ولات هيا لي كتلعب بالعلالات،
    كلشي ولا بغا باربي ،
    بغا يكون بحال باربي،
    فالجسم والجمال الإصطناعيين...والحياة المثالية !!!!

    شحال الإنسان غريب و غبي ،
    لعبة كان يلعب بيها فصغرو ولات كتلعب بيه فكبرو
    ! سبحان مغير الاحوال !

    الله يكملنا بعقلنا وخلاص

    و باش نكون واقعية و صريحة ،
    حتا انا من دوك المكلخين لي لعبات بيهم اللعبة، اعترف !

    واخا كنحاول منكونش" عبدة "
    للمظاهر و للتصور العام لي وضعاتو العقليات التجارية
    لصورة المرأة فعقل كل مرأة و رجل منذ رطوبة الاظافر
    ولكن لامفر ففينما شفتي او درتي او قريتي او سمعتي ...




    كتلقاي باربي يا باربي!!!!
    بزينها الفتان و لي ولينا كنقارنو راسنا معاه
    و ولا هو الباريم او المثال الاعلى






    بباربي طبعا معنى مجازي مكنعنيش بيه المونيكة انما المونيكات البشرية لي بلاتنا!

    [bimg]http://www.plaidstallions.com/mattel/barbie1.jpg[/bimg]


    خصني نكون ديما مقادة و مصايبة 24/7
    شعري مسشور و ممشوط احسن مشطة
    و عيني موصبوغين بالوان الطيف ورموشي كيف ديال الزرافة!!
    و نيفي مهزوز للسماء طولو كذا سنتيمتر و عرضو كذا سنتيمتر...
    وديناتي صغيورين و لاصقين مع راسي ماشي مقيلشين!!!
    حنيكاتي منفوخين و ديما موردين بحالا مصرفقة على مدار 24 ساعة
    فمي بومبي و مورد كايبري ...
    و سنيناتي بوووويض مستفين كيف الروز كايقهرو بشعاهم إلى ضحكت!!
    اما سدري فمنعاااودش ليكم قياس عالمي تايدوخ اجدعها راجل !!!
    و وسطي او لطاي ديالي 0 يعني اصغر قياس
    مانكان مايزيد ماينقص واخا نولد 10 ديال الدراري!
    اما رجيلاتي فبورسولين صافي مافيهم لا دقت لا شعر
    اما كعابي ديما مرفوعين للسما بحالا قدامي مخاصمين مع الارض!!
    إوا و داتي كلها ماخص يكون فيها والا زغبة او علامة
    إلا داك السالف للي مغطي راسي


    هادي هيا المواصفات ليولينا مجبورين بيها
    حيت فينما درنا كنلقاوها ،
    و حيت إلى متبعناهاش ، هزنا الماء و ضربنا الضو

    إوا اش ظهر ليكم ف " بـــــاربــي " المونيكات الغزالات
    شحال من وحدة فيكم ممكن تقول
    اناها عمرها مقارنات راسها بشي باربي من الباربيات
    انها عمرها موقفات قدام المراية
    و قالت خصني نقصمن هنا او نزيد من هنا
    او نيفي كبير او عويناتي صغار ،
    او ماعاجبهاش شعرها و داير ليها اكتآب
    حيت من نهار ولدات مشاو الشعورات مع الخلاص هههه

    موضوعي ماشي استفزازي ،
    ولكن حبيت ناقشو واقع كنعيشوه
    و حبيت نعرف ارائكم ،
    و طريقت تعاملكم مع الحياة اليومية و المتطلبات ديالها
    لينا كنساء:كبنات و طالبات و اخوات و زوجات وامهات...

    لانه بكل صراحة باش تكوني " امرأة " فهاد الزمن
    ( و بكلمة أمرأة اعني الأنثى عامة الام و الحبيبة و الزوجة و الاخت... )
    ولا اصعب من اي زمن اخر !

    للاسف كيف لوسائل التواصل و الإعلام إيجابيات ،
    وخلات العالم قرية صغيرة كيف تايقولو!
    عندها ايضا سلبيات ،
    خلاتنا نكونو مونيكات فزمن المونيكات!!!



    [bimg]http://www.villiard.com/images/poupee-barbie.jpg[/bimg]



    نتمنا يكون الهدف من الطرح وصل


    ان غبت عنكم
    و ساغيب في يوم من الايام
    فاتمنى من العلي القدير
    ان يكون لي نصيب خير بما خطته يدي
    يصلني بدعائكم لي
    اينما كنت فوق الارض او تحتها


    أمنارAmanarre
    أم ريان و كاميليا
















    فهرس اطباقي المصورة (متجدد ان شاء الله)




    ترقبن جديد وصفاتي المصورة بإذن الله




  • #2
    --خلاتنا نكونو مونيكات فزمن المونيكات!!!---
    صدقت اختي..الله يهدينا و يهدي كافة نساء المسلمين
    و جزاك الله عنا كل خير على الموضوع



    تعليق


    • #3
      بوركتي حبيبتي على المرور الكريم
      و الله يسمع منك ويهدينا و يجملنا بجمال التقى و الإيمان
      قبل جمال الجسد الفاني


      ان غبت عنكم
      و ساغيب في يوم من الايام
      فاتمنى من العلي القدير
      ان يكون لي نصيب خير بما خطته يدي
      يصلني بدعائكم لي
      اينما كنت فوق الارض او تحتها


      أمنارAmanarre
      أم ريان و كاميليا
















      فهرس اطباقي المصورة (متجدد ان شاء الله)




      ترقبن جديد وصفاتي المصورة بإذن الله



      تعليق


      • #4
        هههههههههههههههههههه
        ضحكتيني ا ختي فكرتيني براسي
        شحال من مرة كانقول ناري خاصني ندير نتواياج لوجهي ....خصني نشد جسمي ......خصني نحايد دوك الشعيرات اللي فرجيلاتي و خا متيبانوش....خصني نصغر واحد الشووووووووووووية نيفي
        الحاجة لي ماكانفكرش فيها هي نقاد جسمي لانو كايعيطولي ديجا باربي الى نقصت نولي دومي باربي هه خايبة حتى فتعييطة
        بيزوو موضوعك رائع

        تعليق


        • #5
          مرحبا وألف مرحبا بك أختي أمنار وبموضوعك الخفيف الظل والعميق المعاني
          سلمت أناملك على كلماتك وبارك الله فيك
          لك مني أجمل تحية وأعطر سلام

          تعليق


          • #6
            المشاركة الأصلية بواسطة tite-doudousha مشاهدة المشاركة
            هههههههههههههههههههه
            ضحكتيني ا ختي فكرتيني براسي
            شحال من مرة كانقول ناري خاصني ندير نتواياج لوجهي ....خصني نشد جسمي ......خصني نحايد دوك الشعيرات اللي فرجيلاتي و خا متيبانوش....خصني نصغر واحد الشووووووووووووية نيفي
            الحاجة لي ماكانفكرش فيها هي نقاد جسمي لانو كايعيطولي ديجا باربي الى نقصت نولي دومي باربي هه خايبة حتى فتعييطة
            بيزوو موضوعك رائع
            هههه
            الله يفرحك
            و يسعد قلبك فالدارين احبيبة
            نورتي الموضوع بمداخلتك المرحة


            ان غبت عنكم
            و ساغيب في يوم من الايام
            فاتمنى من العلي القدير
            ان يكون لي نصيب خير بما خطته يدي
            يصلني بدعائكم لي
            اينما كنت فوق الارض او تحتها


            أمنارAmanarre
            أم ريان و كاميليا
















            فهرس اطباقي المصورة (متجدد ان شاء الله)




            ترقبن جديد وصفاتي المصورة بإذن الله



            تعليق


            • #7
              المشاركة الأصلية بواسطة أم الشهداء مشاهدة المشاركة
              مرحبا وألف مرحبا بك أختي أمنار وبموضوعك الخفيف الظل والعميق المعاني
              سلمت أناملك على كلماتك وبارك الله فيك
              لك مني أجمل تحية وأعطر سلام


              يرحب بيك النبي في الفردوس احبيبة
              و يسلمك لينا كلك على بعضك الغالية
              شرفتي الموضوع بطلتك العطرة


              ان غبت عنكم
              و ساغيب في يوم من الايام
              فاتمنى من العلي القدير
              ان يكون لي نصيب خير بما خطته يدي
              يصلني بدعائكم لي
              اينما كنت فوق الارض او تحتها


              أمنارAmanarre
              أم ريان و كاميليا
















              فهرس اطباقي المصورة (متجدد ان شاء الله)




              ترقبن جديد وصفاتي المصورة بإذن الله



              تعليق


              • #8
                oui 3andak saah
                DoUniA

                تعليق


                • #9
                  المشاركة الأصلية بواسطة dounia-87 مشاهدة المشاركة
                  oui 3andak saah

                  الله يجيبنا فالصواب احبيبة


                  ان غبت عنكم
                  و ساغيب في يوم من الايام
                  فاتمنى من العلي القدير
                  ان يكون لي نصيب خير بما خطته يدي
                  يصلني بدعائكم لي
                  اينما كنت فوق الارض او تحتها


                  أمنارAmanarre
                  أم ريان و كاميليا
















                  فهرس اطباقي المصورة (متجدد ان شاء الله)




                  ترقبن جديد وصفاتي المصورة بإذن الله



                  تعليق


                  • #10
                    السلام عليكم ورحمة الله وبركاته
                    موضوع مميز شكرا

                    يقول الإمام الشافعي رحمه الله :

                    يخاطبني السفيه بكل قبح**** فأكره أن أكون له مجيبا
                    يزيد سفاهة فأزيد حلما**** كعود زاده الإحراق طيبا
                    إذا نطق السفيه فلا تجبه**** فخير من إجابته السكوت
                    فإن كلَمته فرَجت عنه**** وإن خليته كمداً يـــمــوت.





                    تعليق


                    • #11
                      المشاركة الأصلية بواسطة eve_23 مشاهدة المشاركة
                      السلام عليكم ورحمة الله وبركاته
                      موضوع مميز شكرا
                      وعليكم السلام ورحمة الله وبركاته
                      أنتي الاروع غاليتي كلك ذوق


                      ان غبت عنكم
                      و ساغيب في يوم من الايام
                      فاتمنى من العلي القدير
                      ان يكون لي نصيب خير بما خطته يدي
                      يصلني بدعائكم لي
                      اينما كنت فوق الارض او تحتها


                      أمنارAmanarre
                      أم ريان و كاميليا
















                      فهرس اطباقي المصورة (متجدد ان شاء الله)




                      ترقبن جديد وصفاتي المصورة بإذن الله



                      تعليق


                      • #12
                        تبارك الله اخت امنار حطيت يدك على الجرح ولينا تنقلبو على المواصفات ديال باربي وبالاصح الرجال لانو فالماضي كانو تيبغو المراة الغليضة ايوا كانو العيالات مرتاحات ماكاين لارجيم لا رياضة ايوا دابا ولاو تابعين غير هيفا ونانسي وهلم جرا حتى دخنا حنا وهما مرتاحين ويتشرطو غلاضيت بزاف خاصك تضعاف رقاقيت كثر من القياس وليت بحال الهيكل العظمي بحال يلا عندنا برنامج فالجسم ديالنا غير نحدد المواصفات وها كلشي واجد ايوا اش غدي نقول الله يلطف بينا

                        تعليق


                        • #13
                          بارك الله بكم على الردود الجميلة
                          اسعدتموني بكلماتكم العطرة
                          و قراءاتكم الذكية
                          الله يسعدكم جميعا
                          و يزين دنياكم و اخرتكم بما يحبه و يرضاه



                          ان غبت عنكم
                          و ساغيب في يوم من الايام
                          فاتمنى من العلي القدير
                          ان يكون لي نصيب خير بما خطته يدي
                          يصلني بدعائكم لي
                          اينما كنت فوق الارض او تحتها


                          أمنارAmanarre
                          أم ريان و كاميليا
















                          فهرس اطباقي المصورة (متجدد ان شاء الله)




                          ترقبن جديد وصفاتي المصورة بإذن الله



                          تعليق


                          • #14
                            السلام عليكن

                            انا بصراحة لم افكر يوما ان اكون مثل باربي انا اختي شحال خاصني ننقص من الوزن اشحال نطول انفي ازيد ازيد.لذلك لا اريد ان اتعب نفسي

                            فعلا الجمال مطلوب لكنه ليس كل شيء فهناك الاخلاق و الدين والسلوك و المعاملات التي ترفع من قدر المراة

                            اه ضحكتيني اختي في هاديك للحنيكات حمرين بحال مصرفقة على مدار 24 ساعة

                            تقبلي مروري

                            تعليق


                            • #15
                              اسمح لي ابدي اعجابي بقلمك وتميزك واسلوبك الراقي وتالقك





                              تعليق

                              المتواجدون الآن 1. الأعضاء 0 والزوار 1.

                              أكبر تواجد بالمنتدى كان 2,525, 26-09-2016 الساعة 21:58.

                              يعمل...
                              X